أخـر صيحات دفع المهور .. ( دعوة للنقاش ) ..!!

Post: #1
Title: أخـر صيحات دفع المهور .. ( دعوة للنقاش ) ..!!
Author: Tabaldina
Date: 07-21-2009, 08:57 AM
Parent: #0

..
.
منذ عام مضى دعانى صديقى وقريبى الدكتور .ى.ع
للذهاب مع الأسرة والمجموعة فى ركب سد المال لدار ست الحسن والجمال
والتى اصبحت نصفه الاخر لاحقاً ..
قبلها كنت اذكر حواراً اسرياً منفرداً عن كيفية سد المال والسيرة والمحمول
والمحمل منها .. الخ
واثناء تنسيق مستلزمات الزواج او ( الشيله) ..
اندهشت للطريقة التى وضعت بها الملايين وصممت عند مصمم _ مصممة _ متخصص
بالخرطوم.. لقد راعنى المنظر وطريقه تزين المهر بشكل غريب ومتميز ان صح القول
والحق يقال لم اندهش للمبلغ بحجم اندهاشى للطريقة التى وضع بها ..
واعتبرتها احد بدع ( ناس الخرطوم ) التى تتنافس فيها الاسر والعوائل
من زاويتى قيمة المهر او طريقه تقديمه وتزينه ..
ورغم الابتكار اواعجابي بابداع المصمم ورصه القروش -
الا ان هذا لم يمنعنى من عتاب خفيف لصديقى والخاله على الانجراف وراء الموضه والبدع
والوسائل الغريبه ..
والامر المؤسف اننى اكتشفت مساء اليوم هذه العادة وارده الينا من الخارج
يعنى ما ابداع سودانى .. ولكن لاننا دوماً ننجرف وننساق ونتشبه بالعادات السيئة
والمرهقة والمكلفة وحيث ان بريدى يمتلاء هذه الايام برسائل الاصدقاء عبر صدمات
متواليه بتضخيم المشروع الحضارى .. فبعضهم يرسل صور استاد ضخم ينفع كاحتفالية
واخرى يرسل طقم الملكة اليزابيث واخر قطار راشد الحاج الا ان اكثر ما احبطنى
وزاد همى هذه الصورة :
وشوفوا الريالات السعودية بفئاتها المختلفة مرصوصه كيف من القاعدة للاطراف ..!!؟

حقيقة مسـالة قيام الشباب من الطرفين _ مهما كان مستواهم المادى والاجتماعى _
للانجراف وراء هذه البدع والصيحات المُصدرة او الواردة الينا من دول العالم عموماً
والخليج خصوصاً مسالة تستدعى الوقوف امامها .. بل محاربتها .. فقضية عزوف الشباب
عن الزواج لغلاء المهور هى ازمة بحالها ويزدتاد الطين بله بالعادات والتقاليد
المستوردة لمضاعفة الازمة .. حجم المبلغ وطريقة تقديمه والمواد المرفقة او الاضافات
يعنى طقم طاولات زجاجية او ست غريب من شرق اسيا .. وكم طقم ذهب ما سعودى لازم بحرينى وملون ..!!؟
ناهيك اخر موديل للموبايل وبدعة ما تسمى ( حنة العروس ) يعنى هى حنه العريس كانت هينه ..
وموضه شهر العسل فى ماليزيا .. دا موضوع براه ..
وبما ان اعضاء وقراء هذا المنبر من الذين حباهم الله علماً ووعياً ومالاً وبناتاً وبنيناً
اتمنى ان تساهموا جميعاً فى محاربة مثل هذه العادات الضارة ..

والعرس بالفاتحه يا ناس ما حلال !!؟

_________

طبعاً الشعور بالقضية والاحساس بهموم االاخرين
ينبع من تعمقك فى المسالة ..

نشكر تفهمكم لحالتنا الراهنة ..

Post: #2
Title: Re: أخـر صيحات دفع المهور .. ( دعوة للنقاش ) ..!!
Author: الزنجي
Date: 07-21-2009, 09:17 AM
Parent: #1

الحبيب تبلدينا
أتفق معك الى ما ذهبت اليه
وهى مشكلة اجتماعية موجوده فى كل بيت فى السودان
وامتداد العادات الدخيلة امتد من المدن حتى الارياف التى كانت تحتفظ بعاداتها الاصيلة

ومشكلتنا الحقيقة فى السودان هي التقليد ( الاعمي )

Post: #3
Title: Re: أخـر صيحات دفع المهور .. ( دعوة للنقاش ) ..!!
Author: SHIBKA
Date: 07-21-2009, 09:30 AM
Parent: #2

شفت الحاجة دي انا غايظاني غيطة ولما عرفت انها بتكلف كم عند المصممة
اتغظت اكتر

واليغيظ في الموضوع اكتر انو الزخرفة ام نص مليون دي حتروح مجرد ما ناس العريس ما يصلوا الظلط
يعني بعد اقرب لفة اي شي حيتفرتك وويبقوا في مكوة القروش عشان ترجع لوضعها الطبيعي

عليك الله دي حالة دي

ناس الخليج يعني الخليجين نفسهم بدوا يتنازلوا عن حاجات الفشخرة دي
نجي نستلمها احنا منهم

Post: #12
Title: Re: أخـر صيحات دفع المهور .. ( دعوة للنقاش ) ..!!
Author: Tabaldina
Date: 07-21-2009, 01:11 PM
Parent: #3

..
.
سلام يا شبكبك
Quote: واليغيظ في الموضوع اكتر انو الزخرفة ام نص مليون دي
حتروح مجرد ما ناس العريس ما يصلوا الظلط

عشان تعرفوا انو العريس بدفع دم قلبه .. فى الفارغة
وبعد دا تزيدو عليهو الزخرفه والمؤسف اكثر اصرار والدة
العريس او اخواته لهذه الفشخرة ..
ناهيك عن حجم المهر ..
بصراحة ياخى لا انتو لا امهاتكم متفهمات دى من المسلمات
العجب فى امهاتنا واخواتنا البقن ماشات فى نفض ما تبقي من
جيوبنا وارهاقنا زواجيا اكثر من اللازم!!

___________

والله لو استمرت العادات دى ؟؟
الخلايا الجزعية بتخش السوق الاسود

Post: #4
Title: Re: أخـر صيحات دفع المهور .. ( دعوة للنقاش ) ..!!
Author: بكري اسماعيل
Date: 07-21-2009, 09:34 AM
Parent: #2

سلامات يا تبلدينا

مسألة تجهيزات الزواج إبتداءاً بالشيلة وسد المال مروراً بفطور العريس وحتى الجرتق صارت تتنافس فيها الأسر وتعقد المقارنات بين شيلة فلانة
ودهب فرتكانة وهلمجرا .. حتى لو اعترض اي من الطرفين (العروس أو العريس ) على هذه الممارسات لن تجد اعتراضاتهم قبولاً عند الأهل وستجد
نفسك مجبراً على مجاراتهم شئت أم أبيت ..

Post: #14
Title: Re: أخـر صيحات دفع المهور .. ( دعوة للنقاش ) ..!!
Author: Tabaldina
Date: 07-21-2009, 03:54 PM
Parent: #4

..
.
Quote: مسألة تجهيزات الزواج إبتداءاً بالشيلة وسد المال مروراً بفطور العريس
وحتى الجرتق صارت تتنافس فيها الأسر وتعقد المقارنات بين شيلة فلانة
ودهب فرتكانة وهلمجرا .. حتى لو اعترض اي من الطرفين (العروس أو العريس )
على هذه الممارسات لن تجد اعتراضاتهم قبولاً عند الأهل وستجد
نفسك مجبراً على مجاراتهم شئت أم أبيت ..

والله يا بكرى يا اخوى
كلامك مظبوط وعشان كدا بنقول نحن لازم نحاربها مش تجى الوالدة
والاخوات والعروس وتقول ليك صحبتى عريس كان فى الريقيرا اشمعنى انا
وليه ما جبت المهر مقصتر وماعارف شهر العسل فى سيشيل .. الخ
غايتو مسالة الاجبار دى نسبية حسب الشخصية واتفاق الطرفين
كما لو بقوا الكومين ناس بوبار دى العوجه

__________

أنا شايف الموضوع دا يتلغى العام دا
وممكن يتواصل عام 2010 :)

Post: #5
Title: Re: أخـر صيحات دفع المهور .. ( دعوة للنقاش ) ..!!
Author: Tabaldina
Date: 07-21-2009, 10:04 AM
Parent: #2

..
.
صديقنا الزنجى؛
Quote: ومشكلتنا الحقيقة فى السودان هي التقليد ( الاعمي )

اتفق معاك بان العادات الدخيلة .. والتقليد الاعمى
صارت هى احدى مشكلاتنا .. فى جميع القطاعات سواء اجتماعياً او ثقافياً
الامر المحير انو الشعب السودانى دا عامل
فيا هو اوعى الشعوب ورائد الحركات السياسية
والثقافية ولم يجى فى العادات الدخيلة بتلقاهو
هو ايضاً رائد .. فى عادات سيئه واردة ..
ولا ندرى الفائدة من دفع مبلغ مليون .. لاجل رص الملايين
من عمله ستصرف خلال ايام او ساعات ..

________

المؤسف التفاخر بارقام المهور

Post: #6
Title: Re: أخـر صيحات دفع المهور .. ( دعوة للنقاش ) ..!!
Author: عزام حسن فرح
Date: 07-21-2009, 10:14 AM
Parent: #5

حليل بِت إبراهيم ... أمانه ما ظلمتها ظُلم الحسن والحسين ...

Post: #7
Title: Re: أخـر صيحات دفع المهور .. ( دعوة للنقاش ) ..!!
Author: Tabaldina
Date: 07-21-2009, 10:36 AM
Parent: #6

..
.

Quote: حليل بِت إبراهيم ...أمانه ما ظلمتها ظُلم الحسن والحسين ...

تقوم تشترى ليها دهب بحرينى

_______________

والله انا اسف يا عزام ياخى
مساندرتاندغ اسفيرى وتشابه غريب
فى المسميات ..

مودتى
العتب على الهموم الجاية

Post: #8
Title: Re: أخـر صيحات دفع المهور .. ( دعوة للنقاش ) ..!!
Author: طارق جبريل
Date: 07-21-2009, 10:59 AM
Parent: #7

يا تبلدينا دة ما يسمى بالعبط لا اكثر ولا اقل

تليشة:
انت نويت ولا شنو

Post: #23
Title: Re: أخـر صيحات دفع المهور .. ( دعوة للنقاش ) ..!!
Author: Tabaldina
Date: 07-22-2009, 01:21 PM
Parent: #8

..
.
Quote: يا تبلدينا دة ما يسمى بالعبط لا اكثر ولا اقل

والله يا جبريلا دا ما بقى عبط
دا جهل .. وفشخرة .. عارف الزول او الزولة
البتكرمش القروش دى بتاخد من 500 الى مليون !!؟
اتخيل ياخى فى الاقاليم والضواحى دا بتعرس عديل
المؤسف معظمهم من المتعلمين والمثقفين اولاد الاسر ..

يعنى باختصار القم ما بزيل بلم

_____________

بطل ضحك وخليك قريب او متابع كحد ادنى
دينا امقدد بقت البقت ..

Post: #9
Title: Re: أخـر صيحات دفع المهور .. ( دعوة للنقاش ) ..!!
Author: Muna Khugali
Date: 07-21-2009, 11:00 AM
Parent: #2

سلام يا تبلدينا..

هوالله الموضات العندكم في السودان والعاصمة بالتحديد تدهش!
اسه انا لما شوفت الريالات والعملات في شكل ورد وصفق قلت الا تكون مزيفه..
مش علشان كتيرة لكن علشان لو حقيقيه لازم يكووها بعد داك..ياربي بتتكوي؟؟

قضية المهر وغلوه..تبدو لي علي لرغم من عمومية الموضوع قضية خاصة ترتبط كثيرا بقناعات الفرد نفسه وربما تأثر فيها
بقناعات الاسره ومحيطها..
وكذلك يبدو لي أن شكل الوعي وتعريفنا به يكاد يختلف حتي في مضمونه عند نفس الشخص..
ويظهر هذا في نسبية نظرتنا للأمور وتقديرنا العام لها..كل قضية حسب استحقاقها في وقت استحقاقها..
والعالم كله للأسف اصبح مسير بالسوق لحد مخيف..

فكل شيء فيه يخضع لحد كبير لسياسة السوق والذي هو ايضا يشكل لحد كبير الوعي العام عندنا جميعا..
بالطبع هذا يؤثر علي العلاقات الانسانيه وتعميقها وعلي الزواج وفكرته وغرضه وسبل تحقيق الاستقرار والنجاح له..

الامر يتطلب قناعة ذاتية وقدرة علي مواجهة المجتمع وتقييمه للانسان والاشياء..
وبينما يكون هذا هاجس لك ولهم..اي المبالغة..فانه شكل من أشكال البهرجه والفرح عند "لهم" الآخرين..
ولا ننسي ان السوق بشكله العام يتدخل في حياتنا بشكل اساسي..
السوق ممثلا فيما ناكله..في اصرار ابناءنا علي شراؤ الملابس المصممة واقيام اللعب الاخيره في الأسواق..
سوق التنافس الذي يجعل الجميع بوعي او لا وعي مصر علي أن يدخله ويجربه..

تحياتي يا تبلدينا..

Post: #10
Title: Re: أخـر صيحات دفع المهور .. ( دعوة للنقاش ) ..!!
Author: Hala Hassan
Date: 07-21-2009, 12:23 PM
Parent: #9

يا تبلدينا حدد،
إنت الحارقك شنو بالظبط؟؟
الفشخرة الماليها معنى،
ولا كمية المهر؟؟؟؟

أنا عن نفسى،
حكاية يكسروا لى القروش كدة دة،
بتغيظنى و ما بتفرحنى،،

و بعدين،
فكرة إنو يجيبوا المهر و الشبكة معروضات كدة،
يعنى نظام شوفوا إحناجبنا ليهم شنو،،
فيه نوع من الشراء و البيع لو كانوا يعلمون،،،

فى حاجة محيرانى،
ياربى الناس البتحب الفشخرة دى،
بكتبوا قيمة المهر الحقيقى فى العقد؟؟؟

Post: #11
Title: Re: أخـر صيحات دفع المهور .. ( دعوة للنقاش ) ..!!
Author: عبد الناصر الخطيب
Date: 07-21-2009, 12:59 PM
Parent: #10

المكرم/ تبلدينا
------------------------------------------------

التفكير التقليدي السوداني في الزوج كمناسبة وطقوس
والتطوير ليهوا في إتجاه الصرف البذخي والتفاخر خلى في الاخر مسألة (صعبة )
وبقي الشباب يترددوا كتير يتزوجوا ...

المسألة في جوهرة البسيط القدرة المادية رهينة بكل إنسان وظروفوا
وممكن حسب الظرف ده تكون شريكتوا مضطلعه على أبعادوا بكل صراحة
وعندها كامل الاستعداد تبدأ حياته معه وربنا أكيد حيوسع عليهم وحيرزقهم
وأى وأحد مهما كانت ظروفوا صعبة قبل الزواج بعد الزواج بجتهد يحسنه
وبالتاكيد لما يلقي دعم وتشجيع من الزوجة جهدوا دي في الغالب بتثمر,
وأكيد الحته دي رهينة بالزوجة ووعيها ومدي إيمانه
بقدرة زوجها على تغير وأقعوا

دور المجتمع في الحته دي ممكن يكون سلبي على طول الخط
يعني ممكن المجتمع يفرض عليك لازم تجاري في حاجات بس أكيد ما في كل الحاجات
ومنها الزواج وطريقتوا لانوا اكيد الحالة الحتستمر معاك
بينما كل المظاهر الفرضه عليك المجتمع حدها نهاية المناسبة الملازم تكون تركيز الناس
وينسوا انوا الزواج هو الببتدي بعدها وليس قبلها باى حال من الاحوال

--------------------------------------------------
*في الاخر بتبقي المسألة كلها خاضعة لتقدير الإنسان نفسوا وشريكتوا من دون إهتمام زائد للشي البعمل في المجتمع من حولهم

*حاجة ممكن تتضاف : قيمة الانسانة القطعت معاك الوقت الصعب
تقديره عندك بكون أنك مهما حاولته تعوضه ماديا ما حتقدر توفي مواقفه الكريمة
وتقديره وإحترامه ومحبته عندك وأعترفك المستمر بفضلها وصبرها
حتخلي لحياتكم معاني مهما حصل بين الناس لما يروقوا ويتذكروها لبعض
حيحسوا فعلا أنوا كان عندهم شي قيّم جدا لازم يجتهدوا يراعوا ويحفظوا لاخر عمرهم

**

Post: #13
Title: Re: أخـر صيحات دفع المهور .. ( دعوة للنقاش ) ..!!
Author: malik_aljack
Date: 07-21-2009, 01:56 PM
Parent: #11

أعتقد أن (الخراقة) صفة ملازمة للجهل و ضعف الثقافة

و هي نقيض لمن عرف ذاته و تعامل معها طبيعيا

هذا لعمري ما أسميه الجهل المركب و الذي إن داويت جزء منه

يصعب عليك مداواة الجهة التانيه

بالمناسبة

المرأة رأيها شنو هنا؟

و أقصد أمر شراء المرأة و عرض السعر بهذه الطريقة الفنية البديعة؟

خلاص خلي أهل العروس يزفوها (أقصد يلفوها) للعريس بنفس الطريقة

Post: #15
Title: Re: أخـر صيحات دفع المهور .. ( دعوة للنقاش ) ..!!
Author: أحمد الشايقي
Date: 07-21-2009, 04:24 PM
Parent: #13

Quote: أنا عن نفسى،
حكاية يكسروا لى القروش كدة دة،
بتغيظنى و ما بتفرحنى،،

و بعدين،
فكرة إنو يجيبوا المهر و الشبكة معروضات كدة،
يعنى نظام شوفوا إحناجبنا ليهم شنو،،
فيه نوع من الشراء و البيع لو كانوا يعلمون،،،

يا سلاااااااااام

أهو دا الكلام ولا بلاش,

أحمـد

Post: #16
Title: Re: أخـر صيحات دفع المهور .. ( دعوة للنقاش ) ..!!
Author: Solafa Alagib
Date: 07-21-2009, 04:40 PM
Parent: #15

تبلدينا ,,,,,,,,,,,,,,,,,, انت باير

Post: #17
Title: Re: أخـر صيحات دفع المهور .. ( دعوة للنقاش ) ..!!
Author: Abdelmuhsin Said
Date: 07-21-2009, 05:16 PM
Parent: #16

ياااخ انت زول متميز شديد وننتظر المزيد من الابداع

ماتخلى البوست ده يحتل .. ح اجيك راجع

Post: #18
Title: Re: أخـر صيحات دفع المهور .. ( دعوة للنقاش ) ..!!
Author: يوسف الولى
Date: 07-21-2009, 06:17 PM
Parent: #17

Quote: في الاخر بتبقي المسألة كلها خاضعة لتقدير الإنسان نفسوا وشريكتوا من دون إهتمام زائد للشي البعمل في المجتمع من حولهم

دا الحل.....
واذا استعصى حدوث الحلال بينهما .... يتصرفو
وفى ظل اوضاع بالشكل ده مفهوم البوى والقيل فريند بيبقى ضروره
ومافى زول يجى يقول صيام وباءه وما عارف شنو

Post: #19
Title: Re: أخـر صيحات دفع المهور .. ( دعوة للنقاش ) ..!!
Author: Isamil Hussein
Date: 07-21-2009, 07:28 PM
Parent: #18

الإخوة والأخوات المتداخلين:

أنا بعيد من البلد بقالي كثير

وماشفت حكاية الشبكة والشيلة وسد

المال المزخرفة دي.... لكن الأسبوع

الماضي شاهدت شريط زفاف قريبتي المرسل

لنا من السودان ....وأول أسترعى إنتباهي وأغاظني

شديد كان إستبدال العديل والزين بالزفة المصرية,

وكان ذلك مثار نقاش بيني وزوجتي عن هجرنا لكل ماهو جميل

في تراثنا وعاداتنا والجري وراء كل ماهو دخيل ومجلوب...

إسماعيل حسين, منيسوتا

Post: #20
Title: Re: أخـر صيحات دفع المهور .. ( دعوة للنقاش ) ..!!
Author: فاروق أبوحوه
Date: 07-21-2009, 07:56 PM
Parent: #19

والله يا تبلدينا ..

الواحد شال هم الشغلانه ..

يعني نخليه العرس ؟

-----------------------
شكيته علي الله كان عرفت بالمصايب ديل

Post: #21
Title: Re: أخـر صيحات دفع المهور .. ( دعوة للنقاش ) ..!!
Author: Abdelmuhsin Said
Date: 07-21-2009, 08:12 PM
Parent: #20

وبعد ما تنتهى من مهرك ده تعال شوف الراجيك حق الكوفير بتاع حنة العروس
وحق ناس التصوير وناس الفديو ده بس بالنسبه لحنة العروس وطبعا تحت تحت بتكون
اديته حق حنة العروس بالكامل . اها طبعا موضوع العقد و مسجد سيده سنهوري وله
مسجد الشهيد الكلام ده كثير وعاوز ليه بوست كامل الدسم. يعنى عادى ابو العروس يقول
ليك نحن عاوزين العقد يكون فى المسجدين ديل وديل طبعا لازم يحجزو ليهم من بدري والى بالواسطه .
اها يوم العرس ده فيلم ثانى . عندك حق التصوير وحق السيرة وحق الصالة وحق العزومه وحق أبوالعروس
وحق خالت العروس وحق أخوات العروس (طبعا ديل ثياب وله ختم) وحق الفندق وحق الفنان وحق الفنانه
وطبعا صحبك ودالخليفه يجيب العود بتاعو ويجى يغنى ليك ويقول دا اليوم الديرنو ليك يا صالح مبروك عليك ...

(الجاتك في مالك سامحتك)

Post: #22
Title: Re: أخـر صيحات دفع المهور .. ( دعوة للنقاش ) ..!!
Author: بدر الدين الأمير
Date: 07-21-2009, 09:10 PM
Parent: #21

تبلدينا يا ....................
(على قدر اهل العزم تاتى العزائم)

Post: #24
Title: Re: أخـر صيحات دفع المهور .. ( دعوة للنقاش ) ..!!
Author: soma
Date: 07-22-2009, 02:09 PM
Parent: #22

الاخ تبلدينا سلام واحترام
موضوع مهم جدا يجب التحاور فيه حسب اهميته
وان شاء الله تجدالبسمع ويتفهم..
يا حليل اهلنا وحكمهم..
عن نفسى والدى الله يرحمه كان مربيا جليلا
اسال الله ان يرحمه بقدر ماعلم ودرس وربى وكفى ووفى
اذكر يوم اعلنا فرحتى الكبيره لى ولعائلتى وعائلة زوجى
رغم انه زوجى كان مغتربا على قول اهلنا..وفى زمن البزخ والفشخره
على قول احدى اخواتنا لكن....
لكن اصر والدى عليه رحمة الله ان يكون العقد والمهر فى ليلة واحده
وكان سعيدا بعد ان شاورنى ووافقت ببساطة ودون عناء
تم بحمد الله العقد فى يوم 27 رجب وفى المسجد وبى بلح فقط..
حتى العصير الوالده كانت مصره تقدم عصير مع البلح للضيوف
اصر الوالد ان يكون عصير ليمون فقط.. يعنى لا ببسى لا يحزنون
وقد كان ...والحمد لله كنت وما زلت راضيه كل الرضا
لتصرف والدى واسرتى وتقبل اهل زوجى للفكره وباركوها..
وسعيده كل السعاده فى حياتى الزوجية وله الحمد والشكر
اتمنى السعادة للجميع وشكرا اخى تبلدينا لك ولكل زوارك الكرام
تحياتى اسماء الجنيد / مسقط

Post: #95
Title: Re: أخـر صيحات دفع المهور .. ( دعوة للنقاش ) ..!!
Author: Tabaldina
Date: 07-26-2009, 01:38 PM
Parent: #24

..
.
الاستاذة الشاعرة / اسماء الجنيد
Quote: تم بحمد الله العقد فى يوم 27 رجب وفى المسجد وبى بلح فقط..
حتى العصير الوالده كانت مصره تقدم عصير مع البلح للضيوف
اصر الوالد ان يكون عصير ليمون فقط..

اولاً سعيد بطلتك كثيراَ
رحم الله والدك رحمه واسعة .. وحقيقة
هذه من التجارب التى يجب ان يحتذى بها وتكون مثلاً
لاباء وامهات هذاالزمن الصعب ..
ولكن للاسف فان اصابع اليد الواحدة لا تتشابه
وهناك كثيرون من يقول ياخى دى بتى الوحيدة لازم اعمل ليها
الما اتعمل ..
والاغرب ان ايضا مغتربي _ زمان _ كانوا يحبون البوبار
والفشخرة لولا ان الظروف اختلفت الان لكنا لا نزال نعانى
من مستحداثات دخليه على الواقع والمجتمع ..

بس والله يا استاذة .. حتى شباب وشابات الزمن دا بقوا
يتابو لينا اخر صيحات الكوشة واخر الزفات والبدع
والفساتين وتنافس عجيب حتى فى اختيار صالات الحفل والنوادى
وامام مباركة الاهل ..
بالجد المسالة اتجاوزت مرحلة الظاهرة لتصبح مشكلة تستدعى
الافتاء والخروج منها ..

__________

تزوجوا فقراء يغنيكم الله

لك الود والإحترام؛

Post: #25
Title: Re: أخـر صيحات دفع المهور .. ( دعوة للنقاش ) ..!!
Author: انعام عبد الحفيظ
Date: 07-22-2009, 02:21 PM
Parent: #22

Quote: والعرس بالفاتحه يا ناس ما حلال !!؟

حلاااااااااااال

ـــــــــ
بس ماااااا بقبلن بكدا

Post: #26
Title: Re: أخـر صيحات دفع المهور .. ( دعوة للنقاش ) ..!!
Author: Rashid Elhag
Date: 07-22-2009, 08:59 PM
Parent: #25

العزيز تبلدينا....تحياتي وأشواقي....المشكلة ليست في الزواج....ولكن المشكلة في البركة في الزواج.....إن الله لا ولن ولم يبارك زواجآ يقوم علي المظاهر والتبذير....خصوصآ وأن هناك آلاف من الشباب لا يستطيعون الزواج لظروفهم المادية...بل أن هناك الملايين في دارفور يواجهون خطر الموت جوعآ...بينما نجد الذين أنعم الله عليهم من سكان العاصمة يتباهون بالصرف البزخي في زواجهم...هذا حرام حرام حرام قطعآ وشرعآ...ولذلك 90% من حالات الزواج في السودان تنتهي بالطلاق...لعدم البركة فيه...الإسلام يحضنا علي الزواج الشرعي في الجوامع...ويحضنا علي البساطة خصوصآ في هذا الزمن الصعب إقتصاديآ....النبي (ص) يقول: تزوجوهن فقراء يغنيكم الله من فضله....والزواج هو مثل الحج...فبما أنه ليس كل حج هو حجآ مبرورآ...كذلك ليس كل زواج هو زواجآ مباركآ...لذلك فإن أهم شئ في الزواج هو البركة...والبركة وحدها هي التي تضمن إستمرارية الزواج...والبركة لن تحصل إلآ بإتباع سنة نبيينا محمد(ص)...لك الود

راشد

Post: #27
Title: Re: أخـر صيحات دفع المهور .. ( دعوة للنقاش ) ..!!
Author: Hamid Elsawi
Date: 07-23-2009, 05:57 AM
Parent: #26

شكراً تبلدية

كان بقت عل القروش هينه

انت ما سمعت بي قدرة الفول ال لبسوها فركة قرمصيص

و لا ما سمعت بي شوال الفحم ال عملوا ليه فستان عشان
شكله يبقي سياحي

Quote: لكن اصر والدى عليه رحمة الله ان يكون العقد والمهر فى ليلة واحده
وكان سعيدا بعد ان شاورنى ووافقت ببساطة ودون عناء
تم بحمد الله العقد فى يوم 27 رجب وفى المسجد وبى بلح فقط..
حتى العصير الوالده كانت مصره تقدم عصير مع البلح للضيوف
اصر الوالد ان يكون عصير ليمون فقط.. يعنى لا ببسى لا يحزنون

ربنا يرحم والد الاخت اسماء علي هذا الدرس الذي تجاوز حدود المدرسة
التحية لها و لزوجها و اسرتيهما

Post: #28
Title: Re: أخـر صيحات دفع المهور .. ( دعوة للنقاش ) ..!!
Author: SHIBKA
Date: 07-23-2009, 05:59 AM
Parent: #26

ياصالح
المشكلة لا في ام العريس ولا في اخواته المشكلة في العروس الدايرة يعملوا ليها زي ما عملوا لفلانة بغض النظر عن ظروف فلانة اذا كان تشبهها ولي لأ..!!!

اول امس حكوا لي بواحدة
قالت لخطيبها الليي هو مغترب في السعودية وحديث تخرج
انها عايزة كدا وكدا ومهر كدا وزي ما عملوا لخالتها العرست الشهر الفات وبرضو العريس من السعودية

غير كدا ما عايزة عرس

اها الولد هسة في حيص بيص
يدين ويعرس ولي يضحي بيها

وهي ما هاميها

واخواتو دايرات يجنن منها

دا نظام خراب ولي لا ؟؟؟؟؟

Post: #29
Title: Re: أخـر صيحات دفع المهور .. ( دعوة للنقاش ) ..!!
Author: عبدالله كع
Date: 07-23-2009, 08:49 AM
Parent: #28

تبلدينا ..

كل زول حر .... يجيب لعرستو واهل عرستو انشالله لبن الطير .. لو عندو قروش

والماعندو ماااااااايعرس وكل زول قدر قدرتو

الكبير كبير - والنص نص - والصغير ما يلزمناشي (( مثل مصري ))

Post: #30
Title: Re: أخـر صيحات دفع المهور .. ( دعوة للنقاش ) ..!!
Author: elfadl abdellatif
Date: 07-23-2009, 09:09 AM
Parent: #29

يا تبلدينا ولا تمرهندي الناس
ياخوي ما سمعت بي رزق الهبل علي المجانين .. اهو المجانين ديل البطلعو التقليعات دي والهبل هم البصدقوها .. ياخي واحد فنان ربنا قاسم ليهو نصيب في الشيلة دي .. داير تحرمو منو ليه? .. والله تصور الزول الفنان دة بيستاهل يدوهو الشيلة دي ويملحو اهل العروس ..
وبعدين حكاية الشيلة والشبكة والشنطة والشينات التلاتة دي ابونا الشيخ البرعي قال بطلوها .. وانا ما عارف الواحد يدفع دم قلبو في يوم واحد عشان باقي عمرو يعيش مشلهت .. وبعد دة كلو ما يمر شهر شهرين الا يقول ليك اتطلقو .. لانو الاساس القام عليهو الزواج مادي ..

Post: #102
Title: Re: أخـر صيحات دفع المهور .. ( دعوة للنقاش ) ..!!
Author: Tabaldina
Date: 07-28-2009, 08:55 PM
Parent: #30

..
.
Quote: اهو المجانين ديل البطلعو التقليعات دي والهبل هم البصدقوها ..
ياخي واحد فنان ربنا قاسم ليهو نصيب في الشيلة دي .. داير تحرمو منو ليه?
.. والله تصور الزول الفنان دة بيستاهل يدوهو الشيلة دي ويملحو اهل العروس ..

الفاضل الفاضل
معليش يا حبيب جناك متأخرين
الواحد بقي يراجع البوست حته حته عشان ما يجلى
لكن صدقنى دا اجمل اقتراح .. فعلنا فن رهيب
عارف التصميم دا زمان بعملهو بعلب السجاير
حسى بقي بالريالات والدولارات وعملتنا الضعيفة دى

_________________

غايتو لو عفواالشباب من الشينات الثلاث دى على قولك
واضافو ليها حرف الميم ( مهر ) يعنى
مافى بت تانى بتبور خالص ..

مودتى؛

Post: #31
Title: Re: أخـر صيحات دفع المهور .. ( دعوة للنقاش ) ..!!
Author: قلقو
Date: 07-23-2009, 09:27 AM
Parent: #29

الأخ تبلدينا والأخوة المتداخلون ,,
والله لا المشكلة ولا العيب فى العروس ولا فى ام العروس لكن العيب كل العيب فى الرجال الذين ينساقون وينقادون كلأضينات خلف النساء يجارونهم فى مثل هذا الهبل والفشخرة الفارغة امثال ناس الكبير الكبير والنص نص والصغير مايلزمناش وباقى حركات اولاد بمبا. وياامة ضحكت من جهلها الأمم.
كم يعجبنى والد الأخت سوما من مسقط رحمه الله فقد موقفه كان موقفا حكيما,موقف رجل يؤمن تماما بأن الزواج هو رابطة مقدسة وليس مسألة بيع وشراْء .

مع تحياتى

Post: #101
Title: Re: أخـر صيحات دفع المهور .. ( دعوة للنقاش ) ..!!
Author: Tabaldina
Date: 07-28-2009, 07:39 PM
Parent: #29

..
.
Quote: كل زول حر .... يجيب لعرستو واهل عرستو انشالله لبن الطير .. لو عندو قروش

معقولة يا ع.كع
ياخى لمن ربنا اداهو
ياخى يخت القرش الابيض لليوم الاسود
ولا تبذروا ان المبذرين اخوان الشياطين
يا جماعة دا كلام المولى .. ما من عندى

_________________

غايتو نحن نحارب وانت تتنازلوا

تحياتى؛

Post: #94
Title: Re: أخـر صيحات دفع المهور .. ( دعوة للنقاش ) ..!!
Author: Tabaldina
Date: 07-26-2009, 12:29 PM
Parent: #22

..
.
Quote: تبلدينا يا ....................
(على قدر اهل العزم تاتى العزائم)

وسلام على الدنيا ان لم يكن فيها صديق
صدوق صادق الوعد ... منصفا

_________

بالله يا ود الامير منصفا دى معناها ومعاها جكة

قرقر قرقر قرقر

Post: #92
Title: Re: أخـر صيحات دفع المهور .. ( دعوة للنقاش ) ..!!
Author: Tabaldina
Date: 07-26-2009, 12:22 PM
Parent: #20

..
.
اخونا ابوحوه
Quote: يعني نخليه العرس ؟

ما تخليهو لك اوزن الاكسل شيت بتاعتك كويس
شوف الانكم والاوت كم ؟؟

والباقى _ قالوا _ بالبركة

_______________

الاستميشن بتاعك بحذرك ما تنسي فيه حاجة
يعنى ما تقول الطباخ سقط سهوا ولا الكوشة
نسيتها .. بتدفع بتدفع :)

Post: #91
Title: Re: أخـر صيحات دفع المهور .. ( دعوة للنقاش ) ..!!
Author: Tabaldina
Date: 07-26-2009, 12:06 PM
Parent: #19

..
.
الاخ اسماعيل مينيسوتا :)

والله تجى تشوف العجب ..
ياخى جنس عادات اتغيرت زفه حسب الله
ومرات زفه لبنانية وزفه شامية ياخى كلام عجيب

غايتو لو ما قصروا بسمعوك العديل والزين فى الجرتك

__________

تعال احضر ليك كم مناسبة والعجب سامى المغربي
العايز يغنى هنا ب 7 مليون ..
يعنى ضعف تسعيرة الاستيت

( الفنانين دا موضوع براهو )

Post: #88
Title: Re: أخـر صيحات دفع المهور .. ( دعوة للنقاش ) ..!!
Author: Tabaldina
Date: 07-26-2009, 11:26 AM
Parent: #17

..
.
Quote: ياااخ انت زول متميز شديد وننتظر المزيد من الابداع

تشكر يا حبيب وان شاء الله دايما منور
لقليل مما لدينا

__________

اها عرفت الواحد بخلى البةست يحتل ليه ؟؟
عشان المدخلات الكتيرة دى :)
الواحد يعمل كم كيبورد :)

Post: #47
Title: Re: أخـر صيحات دفع المهور .. ( دعوة للنقاش ) ..!!
Author: Tabaldina
Date: 07-25-2009, 08:05 PM
Parent: #16

..
.
Quote: تبلدينا ,,,,,, انت باير

كنت .. ( اعتبار ما كان ) :)
الاستاندر الختيتو كان هاااى
بس لقيت الكمال لله وحده ..

________

بعدين فى ناس فى جهات كدا اسمها
يو ان اجنسيز ..مفلهمات شدددديد

Post: #86
Title: Re: أخـر صيحات دفع المهور .. ( دعوة للنقاش ) ..!!
Author: Tabaldina
Date: 07-26-2009, 11:07 AM
Parent: #15

..
.
وندعم تأييد الشايقي

________

شكرا للمرور يا احمد

Post: #87
Title: Re: أخـر صيحات دفع المهور .. ( دعوة للنقاش ) ..!!
Author: Tabaldina
Date: 07-26-2009, 11:07 AM
Parent: #15

..
.
وندعم تأييد الشايقي

________

شكرا للمرور يا احمد

Post: #85
Title: Re: أخـر صيحات دفع المهور .. ( دعوة للنقاش ) ..!!
Author: Tabaldina
Date: 07-26-2009, 11:03 AM
Parent: #13

..
.
Quote: بالمناسبة

المرأة رأيها شنو هنا؟

و أقصد أمر شراء المرأة و عرض السعر بهذه الطريقة الفنية البديعة؟

يا ود الجاكـ ..
دا السؤال المهم لانو العروس مفترض من البداية
ترفض الحكاية وترضى ياخى بالمعقول..
بس بالجد ناسات اليومين دى بحبو جهجة العريس
والفشخرة واهو فى كم متداخلة معانا
بس الباقي دا .. بكون ضدنا

__________

Quote: خلاص خلي أهل العروس يزفوها (أقصد يلفوها) للعريس بنفس الطريقة

الشء حلاوة مولد .. يمصوها ويقرقشوها
وخلاص ..
قرقر قرقر قرقر
يو ميد ماى دى والله

Post: #68
Title: Re: أخـر صيحات دفع المهور .. ( دعوة للنقاش ) ..!!
Author: Tabaldina
Date: 07-26-2009, 08:44 AM
Parent: #11

..
.
الاخ المحترم/عبدالناصر
اخيرأ الواحد وصل امداخلتك الاولى بعد ما شبكة
كملت الفى رأٍك
عموما
Quote: والتطوير ليهوا في إتجاه الصرف البذخي والتفاخر
خلى في الاخر مسألة (صعبة )
وبقي الشباب يترددوا كتير يتزوجوا ...

دى طبعا مربط الفرس حقيقة ذى البزار والمعقدات دى
خلت الشباب يقكر الف مره فى الميزانية حتى يخطو هذه الخطوة
كثيرون يقول ليك بالله الواحد يعرس بشنوا ..
حتى المهر فى حد زاتو بقي فى ارتفاع .. وتزايد غريب
يعنى ممكن يكون متوسط العام المنصرم يختلف مع العام دا
المسالة بقت زى المرتبطة بسعر الدولار مش بالسترة والحلال

Quote: المسألة في جوهرة البسيط القدرة المادية رهينة بكل إنسان وظروفوا
وممكن حسب الظرف ده تكون شريكتوا مضطلعه على أبعادوا بكل صراحة
وعندها كامل الاستعداد تبدأ حياته معه وربنا أكيد حيوسع عليهم وحيرزقهم

والله زى ديل نادرات .. فى البداية تطمنك للاخر من تبقي فىالجد
والتجهيزات تبدا الموضوع بصورة غير مباشرة نحاول نشوف النادى الفلانى
وشهر العس ياخى كدا ..
يعنى تقول فى تفاهم وكل شئ لكن برضو تحس باجندة خفيه
وضغط فى الجيب غيؤ مباشر ..

Quote: دور المجتمع في الحته دي ممكن يكون سلبي على طول الخط

المؤسف ان نحنا واهلنا واسرنا
هم المكون لهذا المجتمع بذا يكون دورنا هو السلبي
ونشيل نرمى فى المجتمع ..

_________

نعيب زماننا والعيب فينا
وما لزمانا عيب سوانا

شكرا ونواصل

Post: #82
Title: Re: أخـر صيحات دفع المهور .. ( دعوة للنقاش ) ..!!
Author: Tabaldina
Date: 07-26-2009, 10:27 AM
Parent: #11

..
.
Quote: حاجة ممكن تتضاف : قيمة الانسانة القطعت معاك الوقت الصعب
تقديره عندك بكون أنك مهما حاولته تعوضه ماديا ما حتقدر توفي مواقفه الكريمة
وتقديره وإحترامه ومحبته عندك وأعترفك المستمر بفضلها وصبرها
حتخلي لحياتكم معاني مهما حصل بين الناس لما يروقوا ويتذكروها لبعض
حيحسوا فعلا أنوا كان عندهم شي قيّم جدا لازم يجتهدوا يراعوا ويحفظوا لاخر عمرهم

يا عبدو :)
انت بتتكلم على اعتبار ما كان ..
شكلك عرست وتحمل ود وفضل للمدام لا يقدر
بس يازول مسالة قطعت وقت صعب
وصبرها واجتهادها ..
دا ووين ؟؟
المرحلة دى دايره صبرك انت دا ؟؟
وطوله بالنانحنا... دورها لسه بكون ما جا ؟؟

______________

غايتو الانا شايفو دا فى فترة
بتكون حياتك لا معنى لها .. مع الضغط
والعصر البسل الروح دا :)

Post: #37
Title: Re: أخـر صيحات دفع المهور .. ( دعوة للنقاش ) ..!!
Author: Tabaldina
Date: 07-24-2009, 08:03 AM
Parent: #10

..
.\
سلام يا هـ.هندسة
Quote: الفشخرة الماليها معنى،
ولا كمية المهر؟؟؟؟

والله الاتنين ..
يعنى دى ميته وخراب ديار ..
انسانة بتحبها وارتبطت بيها لا مانع انك
تسعدها وتعمل ليها الحاجة السمحة بس ما تبدا غلط
عرس معقول وبعد داك متعها فى حياتها رحلات وملبس
ومأكل وقطر راشد الحاج ودهب ..
بس تصرف فى شغله مدتها صلاحيتها 24 ساعة .. بتزعل

Quote: فكرة إنو يجيبوا المهر و الشبكة معروضات كدة،
يعنى نظام شوفوا إحناجبنا ليهم شنو،،
فيه نوع من الشراء و البيع لو كانوا يعلمون،،،

وصدقنى دا الفهم فى البلد كدا ..
فلانة جابو ليها مهر 15 انا لازم عشرين
علانه طقم دهب انا اتنين ..
الزفه كانت مصرية لا عايزة زفه مكسيكية

________

يا بنات شباب اوعوا .. اتمتعوا اي
بس فى حاجة مفيدة .. ما مممكن تدفع قروش عشان تغلفها :)
فهم محير ..

Post: #32
Title: Re: أخـر صيحات دفع المهور .. ( دعوة للنقاش ) ..!!
Author: Tabaldina
Date: 07-23-2009, 09:33 AM
Parent: #9

..
.
سلام يا حبوبة ود آيه :)
Quote: هوالله الموضات العندكم في السودان والعاصمة بالتحديد تدهش!

حقيقة نحن شعب غريب حّد الدهشة .. بتجينا موضات وعادات والله
تحير يعنى ممكن تفصيل فستان ظهر فى الاوسكار او تصميم فى بفيرلى هيلز
او سيارة فى برنامج قير.. وتجد ان هذه الموضه لا تتناسب اجتماعيا او ثقافيا
قد يكون مادياً مع بعض الاسر والشخصيات وولا يحفلون بالخسارة او درجة الوعى
التى مفترض ان يكون بها.
Quote: الامر يتطلب قناعة ذاتية وقدرة علي مواجهة المجتمع وتقييمه للانسان والاشياء..

ومحاربة مستميته لهذا الاستلاب الثقافى والاجتماعى
Quote: وبينما يكون هذا هاجس لك ولهم..اي المبالغة..
فانه شكل من أشكال البهرجه والفرح عند "لهم" الآخرين..

ليس هاجسا بقدر انه تعجب واستغراب من الجهل الذى يعيشون
والانحدار للقاع بعادات دخليه لا فائدة منها .. يعنى نوع من البذخ
والصرف المادى الزائد حتى وان كان لا يتأثر بها لدخله العالى!!

_______________

حسي ورينى ست الغةيشات وطقوم الدهب
والمهر بالدولار دا .. بتاع منو ؟؟
ماتقولى لى آيه :)

Post: #33
Title: Re: أخـر صيحات دفع المهور .. ( دعوة للنقاش ) ..!!
Author: SHIBKA
Date: 07-23-2009, 09:55 AM
Parent: #32

قلقو
انت الرجال القاصدهم هم العريس ولي ابو العريس اللي دفع

القصة كلاتي ياسيدي
ابو العريس اذا هوالدافع ما بكون عارف انها اتدفعت لشنو
بس المرة شالتها منو وعملت بيها لولدها العايزاهو

واذا كنت قاصد العريس
وخصوصا لو جاي مغترب
يقنعوه انو دي ابسط حاجة انو نفروض يسويها لانو ما قاعد في البلد والحاجات دي عادية عندنا(في السودان يعني)

لو العريس محلي
بيكون ما عايز يحص انو نقص حاجة وبقوم يدفع

وفي البدفع وهو اصلا ما عارفها ادفعت في شنو

الظروف كتيرة وفي الاخر الحاجات دي بتتعمل

Post: #34
Title: Re: أخـر صيحات دفع المهور .. ( دعوة للنقاش ) ..!!
Author: محمد أبوالعزائم أبوالريش
Date: 07-23-2009, 10:08 AM
Parent: #33

Quote: اها الولد هسة في حيص بيص
يدين ويعرس ولي يضحي بيها

صراحة .. وبكل بساطة .......... يضحي بيها.

لأنو لو وافق وكسر رقبتو عشان ينفذ العايزاهو ... حتكون دي البداية بس .. وبعدها عينو ما تشوف إلاّ النور ما دام ما تفهمت إنو يا دوب بادي حياتو، والمسألة لو كانت مصاريف عرس وانتهينا، كان مقدور عليها، لكن زي دي حتستمر معاهو طول حياتهم بنفس الفهم، وبكرة السماية زي فلانة والأثاث زي علاّنة و .......... ما حيخلص.

Post: #35
Title: Re: أخـر صيحات دفع المهور .. ( دعوة للنقاش ) ..!!
Author: وجن
Date: 07-23-2009, 08:25 PM
Parent: #34

يا تبلدي ما تقعد تفتش ليك أعذار ساى للزوغه وخلى حركاتك دى ياهودا طبعك ما بتخليو
بعدين ياخ الزول العندو يجيب ليها زي ماهي عايزة ونفسها فيو والزول الماقدر للعرس
اللقعد لما يكون نفسو ما يبقى في ماعندى وماعندى
أنا ضد إنو الواحد يستدين عشان ما يكمل فرحتوا لكن أنا بضامن مع أي بت عايزه فرحته تكون كامله
وحقو الواحد قبل ما يفكر في الزواج يفكر في تبعاتو
وعن الفشخره اذا العروس والعريس الاتنين فشخارين فليتفشخروا على كيفن لغاية ما يجى اليوم البصحوا فيو
أما إذا كانت العريس زي حلاتك كدا فنطلب من العروس إنها تراعي الظروف الفشخارتيه
وتتنازل عن فشخرته وتعمل نفسها ماسامعه ولا حاجه من إنتقادات صاحباته وجاراته واهله
أنا عن نفسي ما اتفشخرتا لدرجه زعلت مني أهل زوجي عشان قلت ليهم يجيبوا لى حاجاتي سُكيتى
وقطعت كل أحلامهم الفشخرجيه والبوباريه وقالوا بخاف من العين
ولكن ذلك لم يهضم حقوقي من ذهب وشنط وريحه ومن صيوان وطباخ وزينه البيت والخبايز والحلويات بأنواعهاوالكوافير والحنه والفستان والكرسي القعدت فيو
ولم يمنع تلك الحقوق مره أخرى بعد إتمام مراسم الزواج أضف اليها حق شهر العسل وتأثيث الشقه
تبلدينا الزواج وتبعاته ما هين حتى لو حاولنا نبسطه بشتى السبل لذلك يا عزيزي اليك بعض الحلول لعلها تؤاسيك في محنتك
الأول تقنع نفسك بالبؤره مدى الحيا
أو تفتش ليك واحده زاهده
أو تقولوا للجماعه نحن وقع لينا لوترى ومستعجلين شديد لازم نعقد عند أقرب مأذون بعد داك يا طفشت بيها يا قلت ليها معاكم الكميرا الخفيه
والحل الأخير والأنسب إنك تطلع القروش التحت البلاطه وتخلى البت تعيش أيامه
وأتمنى ان ربنا يوقعك في بت حلال تقول ليك ما تجيب حاجه يا تبلدي كفايه نحن نكون مع بعض
عايتو دا كلامه البكون في البدايه بعد داك أكيد حتنط
المهم
خلي الجرس وشيل شيلتك ياخوااااااااااااف

Post: #36
Title: Re: أخـر صيحات دفع المهور .. ( دعوة للنقاش ) ..!!
Author: داليا الكباشى
Date: 07-23-2009, 09:00 PM
Parent: #1

سلامات ناس البورد من بنيه جديييده لنج...

والله الموضوع دا نحن بنعاني منو اسسسسسي في البيت بسبب عرس بت عمتي (وكده) .. (اوعى تقولوا عقبالك )
ا
ناس العريس جونا بحركه قروش ودهب حاجه اوووووووووفر خالص... ربنا يدي العافيه ويصلح الحال ويهدي الناس بس...

بالمناسبه انا شفت ناس جابوا ( فطور العريس ) بعربيه بوكس موديل السنه ... وخلوا البوكس هديه...!!!!!!!

الدايرين يعرسوا ما يشيلوا هم..

بنات الحلال راقدااااااااات.....

Post: #38
Title: Re: أخـر صيحات دفع المهور .. ( دعوة للنقاش ) ..!!
Author: Tabaldina
Date: 07-24-2009, 10:17 PM
Parent: #36

..
.
23
Quote: -07-2009, 09:00 م
داليا الكباشى
تاريخ التسجيل: 23-07-2009
مجموع المشاركات: 1

دى يا داليا للتوثيق لاول مشاركة هنا
شكرا للحضور ..

نرجع للموضوع :
Quote: بالمناسبه انا شفت ناس جابوا ( فطور العريس ) بعربيه بوكس موديل السنه
وخلوا البوكس هديه...!!!!!!!

اها زى الحركات دى الما حلوة
يعنى شنو يعنى بيع وشراء ولا الحركة شنو ؟؟
انا صراحة دا بعتبرو جهل ياخى لو عندك الملايين ما
ممكن يكون بصورة البذخ دا .. وحد المبالغة

_________

بالله اوفرررررر دى يعنى كم طقم
ولا دهب بالطبق البيت كلو يلبس
عالم مفترية .. مع المعذرة ..

Post: #39
Title: Re: أخـر صيحات دفع المهور .. ( دعوة للنقاش ) ..!!
Author: وجن
Date: 07-25-2009, 02:17 AM
Parent: #38

ليس هاجسا
ما تكضب

Post: #40
Title: Re: أخـر صيحات دفع المهور .. ( دعوة للنقاش ) ..!!
Author: عبد الناصر الخطيب
Date: 07-25-2009, 03:02 AM
Parent: #39

Quote: اها الولد هسة في حيص بيص
يدين ويعرس ولي يضحي بيها

ما محتاجة ( تفكير )
أى إنسان أعلم بحالو من غيروا
واي ظرف يعرض حالوا ده لمزائدة
مفروض يخت نقطة
والسطر الجديد يفتحوا في الصفحة التانية

------------------
*الزواج ده زي ما قلنا الحالة البتبتدي بعد المناسبة وليس قبلها
ومافي أى ضرورة لديون لانو أى زول بعمل حسب مقدرتوا
ولو كتيرة لو قليلة هي في الاخر مناسبة وبتنتهي

ملاحظة أخونا قلقو 100%
الموضوع ده رهين بالزول الممكن يخت نفسوا محل ضغوط وممكن يستجيب ليها

تقديري

Post: #41
Title: Re: أخـر صيحات دفع المهور .. ( دعوة للنقاش ) ..!!
Author: jini
Date: 07-25-2009, 06:39 AM

الحالة ابار البترول كانت مناصفة مع الحركة هسة بقت حقتنا برانا!
كانوا فى جرة وطلعوا لى برة!
اراهن ان منزل الزوجية سيوجد فيه كل شئ ما عدا المكتبة فيا لغنى هذا المنزل وفقره فى آن واحد!المثقفين لا يرتكبون مثل هذه الفظائع!
قلت لى صاحبك شغال شنو!
المعازيم كان ممكن يطلعوا مظاهرة !
منظر مقزز واستفزاز للضيوف!
يمكن توقع هذه التصرفات من تاجر عملة او مهرب اما من انسان نال قدرا من التعليم العالى جدا فهذا تصرف واطى جدا!
جنى

Post: #42
Title: Re: أخـر صيحات دفع المهور .. ( دعوة للنقاش ) ..!!
Author: jini
Date: 07-25-2009, 08:14 AM

الحالة ابار البترول كانت مناصفة مع الحركة هسة بقت حقتنا برانا!
كانوا فى جرة وطلعوا لى برة!
اراهن ان منزل الزوجية سيوجد فيه كل شئ ما عدا المكتبة فيا لغنى هذا المنزل وفقره فى آن واحد!المثقفين لا يرتكبون مثل هذه الفظائع!
قلت لى صاحبك شغال شنو!
المعازيم كان ممكن يطلعوا مظاهرة !
منظر مقزز واستفزاز للضيوف!
يمكن توقع هذه التصرفات من تاجر عملة او مهرب اما من انسان نال قدرا من التعليم العالى جدا فهذا تصرف واطى جدا!
جنى

Post: #43
Title: Re: أخـر صيحات دفع المهور .. ( دعوة للنقاش ) ..!!
Author: خالد علي محجوب المنسي
Date: 07-25-2009, 08:29 AM
Parent: #42

أنا بالذات مهري كان 200 مارك ألماني وتاني يوم سحبتهم من زوجتي
عزمتها في مطعم راقي بــ 65 مارك والباقي لميتو لليوم الأسود

يا تبلدينا يا أخوي سوين لي شنو في موضوعنا داك
دا عنواني وريني سويت شنو ؟

[email protected]

Post: #44
Title: Re: أخـر صيحات دفع المهور .. ( دعوة للنقاش ) ..!!
Author: فيصل محمد خليل
Date: 07-25-2009, 02:02 PM
Parent: #43

ما قروشو

هو حر فيها

كمان عاوزين تتدخلوا في قروشو يصرف فيها كيف .

قوموا لفو

Post: #45
Title: Re: أخـر صيحات دفع المهور .. ( دعوة للنقاش ) ..!!
Author: سلمى الشيخ سلامة
Date: 07-25-2009, 02:48 PM
Parent: #44

تبلدينا الحبيب
حكت امى ان العروس زمان
كانت تدخل الى الكجرة
وهى مكان معزول تبدا فيه طقس الدخان
بعد ان تكمل ايام الدخان يتم "تمليص الجلد الذى سببه الدخان "
يتم وزن هذا الجلد ذهبا
وغالبا ما يفوق "ارطال دهب "
حسب "الجلد "
بعد داك تبدا التعليمة
كل يوم البنات يجن بيت العورس للتعليمة
ويجى يوم المشاط
المرصود له فى الاغنية الغناها الفنان صلاح ابن البادية
دفع المية للمشاطة
المية دى كانت قدر المهر المعروض فى البوست دا
الشيلة وكانت بسيطة جدا
لكين المهم جدا هو فطور العريس "تقول العريس دا كان صايم قبل العرس "
فطور العريس بالكارو او عربية اصحاب اهل العروس يا عمك فيهو كل حاجة
"العصيدة ، الشعيرية السكسانية ، الفطير ، طقوم الشاى ، طقوم الموية ،لازم تكون من ارقى المحلات "
لكين الحياة كانت ساهلة
اذن القصة قديمة ما جديدة حكاية الفشخرة
عشان كدا غنى الفنان زكى عبد الكريم لاحقا
العرس بالفاتحة يا ناس ما حلال ؟
اجيك لتجربتى الشخصية وما خجلانة منها
كان مهرى عشرين جنيه لانه والدى عليه الرحمة قال
ـ ما عندى بنات للبيع عندى بنات للسترة
لكين تصدق انه دا كان مصدر من مصادر الخلاف مع ابو بتى وقال بالنص
"انتى زولة رخيصة عشان كدا ابوك رفض المهر "
شفت المشكلة معقدة كيف ؟

Post: #46
Title: Re: أخـر صيحات دفع المهور .. ( دعوة للنقاش ) ..!!
Author: Alsa7afa_30
Date: 07-25-2009, 03:29 PM
Parent: #45

يا تبلدينا ....

يعني ما نعرس ولا كيف؟؟

Post: #50
Title: Re: أخـر صيحات دفع المهور .. ( دعوة للنقاش ) ..!!
Author: Tabaldina
Date: 07-25-2009, 10:12 PM
Parent: #46

..
.
Quote: يا تبلدينا ....

يعني ما نعرس ولا كيف؟؟

والله يا الصحافة يا اخوى
بتضريبات الريال القطرى
انت محتاج ليك ات ليست 100 الف ريال
( دا متكفى حد ادنى + هونى موون )

_________

وبعتمد على ارتفاع احتياطى
الذهب العالمى .. بنصحك تشترى من حسي
وتلقط الباقى تلاقيط

Post: #48
Title: Re: أخـر صيحات دفع المهور .. ( دعوة للنقاش ) ..!!
Author: Tabaldina
Date: 07-25-2009, 08:10 PM
Parent: #44

..
.
Quote: ما قروشو
هو حر فيها
كمان عاوزين تتدخلوا في قروشو يصرف فيها كيف .
قوموا لفو

جيتو متابعين يا ناس الانجمامه :)
عرستو وانجميتو وبقيتوا قروشو وهو حر فيها
مش كدا ..
عالم لا ترحم لا تتنادى بالغاء تكاليف الزواج

____________

ليكم يوم لمن تأمنوا ..
قررريب حتدق جرس فى تكاليف زواج الولد
او البت ..

Post: #49
Title: Re: أخـر صيحات دفع المهور .. ( دعوة للنقاش ) ..!!
Author: Tabaldina
Date: 07-25-2009, 08:14 PM
Parent: #43

..
.
Quote: أنا بالذات مهري كان 200 مارك ألماني وتاني يوم سحبتهم من زوجتي
عزمتها في مطعم راقي بــ 65 مارك والباقي لميتو لليوم الأسود

سنة كم ؟؟ يا منسي
يعنى استنكحتها .. عشاء وضاريت 135 مارك
ياخى انت مهرك دا فى الزمن داك قايلو هين ؟؟

___________

بخصوص الموضوع الاول منتظرين اول فرصة ان شاء الله
بخصوص التانى اضرب للوكيل
للان ما جاب باقى المستندات ..

الدتيلز فى الايميل ان شاء الله

Post: #51
Title: Re: أخـر صيحات دفع المهور .. ( دعوة للنقاش ) ..!!
Author: Dr.Elsadig Abdalla
Date: 07-26-2009, 01:07 AM
Parent: #49

والله يا صالح اتفق معاك جملة وتفصيلا ...وده كلو كوم ...وحنة العروس+الجرتق +الفنانه +الكلام الهابط+الرقيص الفاضح لدرجة تحت الصفر وانت ماشي ...
أنا ماعارف كيف واحد(العريس +أبو العروس)يسمح لمثل هذه الأشياء تحدث في بيته ...
تخريمه:أنت عرسك متين عشان نحضر

Post: #52
Title: Re: أخـر صيحات دفع المهور .. ( دعوة للنقاش ) ..!!
Author: حبيب نورة
Date: 07-26-2009, 03:36 AM
Parent: #51

إ

معناها

وبي إختصار

عرس مافي!!!!

Post: #53
Title: Re: أخـر صيحات دفع المهور .. ( دعوة للنقاش ) ..!!
Author: SHIBKA
Date: 07-26-2009, 06:05 AM

عبد الناصر

Quote: ما محتاجة ( تفكير )
أى إنسان أعلم بحالو من غيروا
واي ظرف يعرض حالوا ده لمزائدة
مفروض يخت نقطة
والسطر الجديد يفتحوا في الصفحة التانية

صراحة ما فهمت النقطة الانت بتتكلم عنها
انو يضحي ولي يواصل ويشرب المر قدام؟؟؟؟

Quote: ------------------
*الزواج ده زي ما قلنا الحالة البتبتدي بعد المناسبة وليس قبلها
ومافي أى ضرورة لديون لانو أى زول بعمل حسب مقدرتوا
ولو كتيرة لو قليلة هي في الاخر مناسبة وبتنتهي

المشكلة كتير من البنات فاكرين انو الزواج حفلة وما منتبهين لما بعد الحفلة ودي المشكلة هنا

ودا سبب كتير من الطلاقات البنسمع بيها اليومين ديل وهم لسة في مرحلة اربعة او خمسة شهور من الزواج

Post: #54
Title: Re: أخـر صيحات دفع المهور .. ( دعوة للنقاش ) ..!!
Author: Mohamed Ibrahim Ahmed
Date: 07-26-2009, 06:35 AM
Parent: #53

تبلدينا يا ولدنا
انتا مالك داقى الجرسة ومولع النيران من اسا
بقيت على الشغلة وقلتا الروب من اسا
طيب لما تخش بعدين ح تعمل شنو مع "منصرفات الحياة" دى بين قوسين.
والله الا نلقاك بعدين فى الصينية.

---------------------------

Post: #98
Title: Re: أخـر صيحات دفع المهور .. ( دعوة للنقاش ) ..!!
Author: Tabaldina
Date: 07-26-2009, 02:42 PM
Parent: #54

..
.
Quote: تبلدينا يا ولدنا
انتا مالك داقى الجرسة ومولع النيران من اسا
بقيت على الشغلة وقلتا الروب من اسا

عليك الله يا محمد لو ما جيتنى فى المكتب
ووريتنى الشغلة دى بتجاوزوها كيف ؟؟
ياخى رووب ساااى روب بالهنيكان عديل

_______________

بعدين ما تعقدنا خلينا نتجاوز استب ون
ونشوف تو وما يسمى متطلبات الحياة

Post: #55
Title: Re: أخـر صيحات دفع المهور .. ( دعوة للنقاش ) ..!!
Author: Dania Elmaki
Date: 07-26-2009, 06:43 AM
Parent: #53

تبلدينا جاياك افتوا معاك, لكن بهناك :)

Post: #56
Title: Re: أخـر صيحات دفع المهور .. ( دعوة للنقاش ) ..!!
Author: عبد الناصر الخطيب
Date: 07-26-2009, 06:55 AM
Parent: #55

المكرم / شبكة
صباحك زين ,,,

------------------------

النقطة واضحة أى أنسان هو الادري بظروفوا وامكانياتو
لو أتخته في وضع زي ده ومطلوب منو ما يفوق الامكانيات دي
ما يفكر كتير ينسي الموضوع طوالي
واكيد دخولوا في حته زي دي حيبداها ديون وتكاليف فوق طاقتو أحسن عدمه

بالتالي ينط من القصة كلها وكفي المومنين شر القتال

**
حته ده فهم البنات ما عزر
لانو البت الحتزوجة دي حتكون زوجة ومسئولة عن أسرة وحتمش معاك طريق فيهو الحلو والمر
لو كان فهمه ما حيمشيكم الطريق ده برتياح وتفاهم
يبقي غلطك من الاول وأختيارك الخطاء

في مسائلة الزوج دي بالذات (ما فيها مجاملة )
ولا بكره بتعقل وفهمه بتصلح

بالمختصر المفيد أدو ود الناس راسو وخيره في غيره

ولك التحية

Post: #57
Title: Re: أخـر صيحات دفع المهور .. ( دعوة للنقاش ) ..!!
Author: SHIBKA
Date: 07-26-2009, 07:12 AM
Parent: #56

عبد الناصر

Quote: المكرم / شبكة

للتعديل للمكرمة

Quote:
بالتالي ينط من القصة كلها وكفي المومنين شر القتال

اخواتو ليهم شهر بقولوا في كلامك دا والله يقنعو بس بالصاح

انا صراحة ما عايزة اقول صراحة وقف الموضوع دا عشان ما احس باني وقفت رزقها لكن كلو على حساب ود عمي دا

Post: #58
Title: Re: أخـر صيحات دفع المهور .. ( دعوة للنقاش ) ..!!
Author: Tabaldina
Date: 07-26-2009, 07:24 AM
Parent: #57

..
.

Quote: المكرم /شبكة

Quote: للتعديل للمكرمة

الواحد مرات بفط المداخلات الكبيرة والجادة
بجى لحاجات كدا تخفف روح الحوار وترسم بسمه خفيفه
اها دى واحدة
عارف يا شبكبك لى مدة عايز انصحك اقول ليك اعملى بوست
انا شبكة .. انثى وافتخر .. :)
( تعال بالعندكـ .. والله كريم ) :)
ما ملاحظة كم شخص يحصل له اللبس
وكمان شايف نجيب خروف ونرسل لبكرى
ونسميك من جديد ..

_________

معليش يا عبدالناصر بس الزوله دى فردة
وحبيت استغل حاجتك الغير مقصودة دى ..

لكما الود..

Post: #59
Title: Re: أخـر صيحات دفع المهور .. ( دعوة للنقاش ) ..!!
Author: Tabaldina
Date: 07-26-2009, 07:25 AM
Parent: #57

..
.

Quote: المكرم /شبكة

Quote: للتعديل للمكرمة

الواحد مرات بفط المداخلات الكبيرة والجادة
بجى لحاجات كدا تخفف روح الحوار وترسم بسمه خفيفه
اها دى واحدة
عارف يا شبكبك لى مدة عايز انصحك اقول ليك اعملى بوست
انا شبكة .. انثى وافتخر .. :)
( تعال بالعندكـ .. والله كريم ) :)
ما ملاحظة كم شخص يحصل له اللبس
وكمان شايف نجيب خروف ونرسل لبكرى
ونسميك من جديد ..

_________

معليش يا عبدالناصر بس الزوله دى فردة
وحبيت استغل حاجتك الغير مقصودة دى ..

لكما الود..

Post: #62
Title: Re: أخـر صيحات دفع المهور .. ( دعوة للنقاش ) ..!!
Author: SHIBKA
Date: 07-26-2009, 07:56 AM
Parent: #59

والله ياصالح ياخوي
فكرت في البوست
لكن مع الناس البعملوا 13 بوست في يوم واحد ديل قلت معناه ما بشوفو زول الا مجبور

اها قلت اتحميل اسوي شنو

لما يكون عندي المسنجر الداخلي شغال (في البيت يعني)برسل بالداخلي
لكن في حالات زي هسة ما بنفع الكلام دا

Post: #60
Title: Re: أخـر صيحات دفع المهور .. ( دعوة للنقاش ) ..!!
Author: عبد الناصر الخطيب
Date: 07-26-2009, 07:31 AM
Parent: #57

المكرمة / شبكة
--------------------------------
معليش كنت كتير بشوف ليك مداخلات ومفتكرك أخ كريم
على أى حال بعتزر

المهم

الناس في الحالة دي ما بتكون شائفة ولا فارزه ولا مميزة
وما حيفكر إلا في الشي العوزوا هو بغض النظر عن راى الناس شنو
وهو حيكون مدي عقلوا إجازة وتفكيروا بعواطفوا وبس

أى زول بشيل قربة مخرومة بتشر على دماغوا
خلو يتدين ويتحمل الفوق طاقتو ويعريس

وأتمنوا لى التوفيق والسعادة والبحبوحة والرضا

تقديري

Post: #61
Title: Re: أخـر صيحات دفع المهور .. ( دعوة للنقاش ) ..!!
Author: عبد الناصر الخطيب
Date: 07-26-2009, 07:49 AM
Parent: #60

العزيز / تبلدينا
صاحب البوست
صباحك ورد

--------------------------
Quote: معليش يا عبدالناصر بس الزوله دى فردة
وحبيت استغل حاجتك الغير مقصودة دى ..

ولا يهمك
والاعتزر للأخت الفاضلة

وبالجد البوست ده مهم
لو عرفته أنو المشكلة دي ( الزواج وتكاليفوا )
موقفة ناس كتار يعملوا الخطوه المهمة دي وحياتهم تستقر

فهم الناس فيها للأسف ما منصف لانهم بفترضوا ليها تكاليف
تاخد من الواحد الوراء والقداموا
وهو وزوجتو في أشد الحاجة ليها في حياتهم

من المفترض الناس تفكر بعقلانية وتوفره عشان الناس تبتدي حياته بارتياح
يبقي موضوعك مهم وبستحق النقاش الجاد

لانو أى واحد متزوج اكيد عارف أثر الزواج عليهوفي إستقرار حياتو
وبتمني الناس كلها تستقر وتمشي كويس في حياته

تقديري

Post: #63
Title: Re: أخـر صيحات دفع المهور .. ( دعوة للنقاش ) ..!!
Author: Hala Hassan
Date: 07-26-2009, 08:01 AM
Parent: #61

المكرمة سلمى الشيخ،،
بعد التحية،،

Quote: يتم وزن هذا الجلد ذهبا
وغالبا ما يفوق "ارطال دهب "
حسب "الجلد "

حسب الجلد الفوق دى ضحكتنى شديد،
يعنى إذا واحدة جلدها وزن كتير،
ما بشيلوا حالها؟؟؟

و إذا واحدة رقيقونة مثلا،
ما جابت شى (بعد العركة)،
بعدين يقولوا ليها،
جيتينا من بيت ابوكى،
جلد على عضم،،

نجى للمهم،

يا جماعة أنا أفتكر الجزئية دى فاتت على ناس كتيرين،
و حقيقة دة السبب البخلى (بعض) البنات المثقفات،
و الأسر العالمة ببواطن الامور،
توافق على بذخ فايت حدو،،
Quote: اجيك لتجربتى الشخصية وما خجلانة منها
كان مهرى عشرين جنيه لانه والدى عليه الرحمة قال
ـ ما عندى بنات للبيع عندى بنات للسترة
لكين تصدق انه دا كان مصدر من مصادر الخلاف مع ابو بتى وقال بالنص
"انتى زولة رخيصة عشان كدا ابوك رفض المهر "
شفت المشكلة معقدة كيف ؟

عشان بتهم ما تسمع ليها كلمة فارغة بعدين،،،،

Post: #66
Title: Re: أخـر صيحات دفع المهور .. ( دعوة للنقاش ) ..!!
Author: عبد الناصر الخطيب
Date: 07-26-2009, 08:18 AM
Parent: #63

المكرمة / هاله حسن

-------------------------------------
Quote: يا جماعة أنا أفتكر الجزئية دى فاتت على ناس كتيرين،
و حقيقة دة السبب البخلى (بعض) البنات المثقفات،
و الأسر العالمة ببواطن الامور،
توافق على بذخ فايت حدو،،

وبرضوا في ناس كتار
شايلين فضل وجميل ما عادي لزوجاتهم
اليوم وافقوا عليهم وشاركوهم حياتهم
كانت ظروفهم كعبة
ووفقوا معاهم وصبروا عليهم لحد الحال ما بقي عال

يعني الحته دي ممكن صاح بس ما حكم
الانسان البليد وبس هو الما بقدر الجميل ونبل الموقف

*المهر نوع من التقدير للزوجة ومهما كتر ما حيكون قيمة مادية ليها باى حال من الاحوال
وأقلهن مهرا أكثرهن بركة

لك التحية

Post: #67
Title: Re: أخـر صيحات دفع المهور .. ( دعوة للنقاش ) ..!!
Author: Hala Hassan
Date: 07-26-2009, 08:39 AM
Parent: #66

الأخ عبد الناصر،،
بعد التحية،،

Quote: وبرضوا في ناس كتار
شايلين فضل وجميل ما عادي لزوجاتهم
اليوم وافقوا عليهم وشاركوهم حياتهم
كانت ظروفهم كعبة
ووفقوا معاهم وصبروا عليهم لحد الحال ما بقي عال

يعني الحته دي ممكن صاح بس ما حكم
الانسان البليد وبس هو الما بقدر الجميل ونبل الموقف

ماهو لازم يكون فى كدة و كدة،،
و الأصل فى الحكاية حسن الظن،،

و السؤال،
كيف تضمن الفتاة و هى مقبلة على دنيا جديدة،
حسن أخلاق زوج المستقبل،
فى أول محك؟؟؟؟

أنا بعرف بنات كتيرين،
طبقوا مفهوم،
أكثرهن بركة أقلهن مهرا،
و حبوا يبتدوا حياتهم واحدة واحدة،
مع إنهم (بنات عز)،،،

جوا رجالهم ما حفظوا ليهم الجميل،،

العمل يبقى شنو؟؟؟

كن بخير،،،،

Post: #64
Title: Re: أخـر صيحات دفع المهور .. ( دعوة للنقاش ) ..!!
Author: SHIBKA
Date: 07-26-2009, 08:10 AM
Parent: #60

عبد الناصر

Quote:
أى زول بشيل قربة مخرومة بتشر على دماغوا
خلو يتدين ويتحمل الفوق طاقتو ويعريس

دا الخايفين انو انها نخر على دماغو ويبقى فيها اولاد وتبقى حكاية

Quote:
وأتمنوا لى التوفيق والسعادة والبحبوحة والرضا

ربنا يفتحها عليك محل ما تقبل انشا الله

Post: #65
Title: Re: أخـر صيحات دفع المهور .. ( دعوة للنقاش ) ..!!
Author: SHIBKA
Date: 07-26-2009, 08:15 AM
Parent: #64

صالح والمشاركين في البوست
زي ما قالت سلمي وهالة
فعلا انو يمكن اقول للراجل دا كلو مافي داعي ليهو ونبني عشنا قشة قشة

يجي يمسكها لي باقي عمري
انت ما اهلك ما عملوا ليك وما سووا ليك

وبعد داك الفاس بتكون وقعت في الراس

عشان القى لي راجل اضمن ما يقول لي كدا الا يكون عندو ضمان مدى الحياة
عشان كدا كتير من البنات بيفكروا يقولوا ليك خليهو يدفع دم قلبو عشان يعرف قيمتي

ولي صديقة ابوها خلي زوجها يكتب مؤخر 100 الف دولار

والزوج ما ناسيها
الصباح الصباح بيقول ليها ابوك لو ما عمل كدا انا كنت وكنت.....

اها ديل رجال مضمونين ديل؟؟؟؟؟؟؟؟؟؟؟؟؟

Post: #69
Title: Re: أخـر صيحات دفع المهور .. ( دعوة للنقاش ) ..!!
Author: Mohamed Ibrahim Ahmed
Date: 07-26-2009, 08:47 AM
Parent: #65

Quote: ولي صديقة ابوها خلي زوجها يكتب مؤخر 100 الف دولار

والزوج ما ناسيها
الصباح الصباح بيقول ليها ابوك لو ما عمل كدا انا كنت وكنت.....

اها ديل رجال مضمونين ديل؟؟؟؟؟؟؟؟؟؟؟؟؟

الاخت شبكة
بالكلام الفوق ده - ديل مامضمونين -
وصديقتك دى زاتا ما دام زوجها المقعدو معاها المؤخر احسن تعفيهو منو ويديها حريتها .

Post: #70
Title: Re: أخـر صيحات دفع المهور .. ( دعوة للنقاش ) ..!!
Author: SHIBKA
Date: 07-26-2009, 08:55 AM
Parent: #69

Quote: الاخت شبكة
بالكلام الفوق ده - ديل مامضمونين -
وصديقتك دى زاتا ما دام زوجها المقعدو معاها المؤخر احسن تعفيهو منو ويديها حريتها .

محمد ابراهيم
طيب اسم متزوجة دا تجيبو من وين
هو بطريقتو ما عاجبو ما عاجبو
لكن هي لاقية مصاريف لاقية دهب لاقية اغتراب

ثم في طفلين
لما هي تنفصل البصرف عليهم منو......

Post: #71
Title: Re: أخـر صيحات دفع المهور .. ( دعوة للنقاش ) ..!!
Author: Hala Hassan
Date: 07-26-2009, 09:03 AM
Parent: #70

يا شبكة،،

Quote: ولي صديقة ابوها خلي زوجها يكتب مؤخر 100 الف دولار

والزوج ما ناسيها
الصباح الصباح بيقول ليها ابوك لو ما عمل كدا انا كنت وكنت.....

اها ديل رجال مضمونين ديل؟؟؟؟؟؟؟؟؟؟؟؟؟

طبعا ما مضمونين،
و عشان كدة ابوها (فكر) إنو فى أسوأ الحالات يضمن مستقبل بته،،

زى ما قال ليكى محمد إبراهيم،
العيشة ح تكون مرة (بضم الميم) جدا،،،
لكن مافى ناس كتيرين بعملوها،،

أنا غايتو مرة حبوبة البت (أبوها متوفى) ضربت لأبو العريس (ود اهلى)،
و قالت ليه أوعوا تكونوا ما ح تكتبوا مؤخر،
العرس قرب يفرتك،،،

غايتو حكاية مؤخر الصداق دة (تقليعة مصرية)،
لسه ما أنتشرت فى السودان (على ما اعتقد)،،،

Post: #73
Title: Re: أخـر صيحات دفع المهور .. ( دعوة للنقاش ) ..!!
Author: SHIBKA
Date: 07-26-2009, 09:13 AM
Parent: #71

ياهالة

Quote: غايتو حكاية مؤخر الصداق دة (تقليعة مصرية)،
لسه ما أنتشرت فى السودان (على ما اعتقد)،،،

الحمدلله انها ما من عاداتنا
وكتير من الناس بشوفوا انو النقاش فيها غير لايق

الزوجة دي اذا كرهتها اكرمها وبس

Post: #72
Title: Re: أخـر صيحات دفع المهور .. ( دعوة للنقاش ) ..!!
Author: Mohamed Ibrahim Ahmed
Date: 07-26-2009, 09:07 AM
Parent: #70

الاخت شبكة

ماقصدته هو عدم احترامه لها بقوله
Quote: والزوج ما ناسيها
الصباح الصباح بيقول ليها ابوك لو ما عمل كدا انا كنت وكنت.....

دعواتى لصديقتك - ونسال الله الهداية لزوجها .

Post: #74
Title: Re: أخـر صيحات دفع المهور .. ( دعوة للنقاش ) ..!!
Author: SHIBKA
Date: 07-26-2009, 09:25 AM
Parent: #72

Quote: دعواتى لصديقتك - ونسال الله الهداية لزوجها .

آمين يارب

Post: #75
Title: Re: أخـر صيحات دفع المهور .. ( دعوة للنقاش ) ..!!
Author: عبد الناصر الخطيب
Date: 07-26-2009, 09:26 AM
Parent: #72

Quote: أنا غايتو مرة حبوبة البت (أبوها متوفى) ضربت لأبو العريس (ود اهلى)،
و قالت ليه أوعوا تكونوا ما ح تكتبوا مؤخر،
العرس قرب يفرتك،،،

دي ملاحظة ما في حته الموخر اللو أتكتب لو ماتكتب حسب رغبة الناس
لكين في كترة الاراء والتدخل من قبل الاهل والناس في تفاصيل الزواج
أى واحد عندوا كلام وأى واحد عندوا راي

*الحته دي ما أى واحد بتحمله لانو الموضوع كدة ما بكون ملموم بالعكس ببقي جائط شديد
والكلام بكون في كتير وده مجرد رأى لاني من الناس المابسمحوا لزول مهم كان درجة قرابتو بيهم
يتكلم او ينظر في موضوع شخصي خاص بي .

------------------------------
*الزواج بالذات زين شين لصاحبو

Post: #76
Title: Re: أخـر صيحات دفع المهور .. ( دعوة للنقاش ) ..!!
Author: Hala Hassan
Date: 07-26-2009, 09:34 AM
Parent: #75

يا تبلدينا،،
Quote: يا بنات شباب اوعوا .. اتمتعوا اي
بس فى حاجة مفيدة .. ما مممكن تدفع قروش عشان تغلفها :)
فهم محير ..

كان على المهر البغلفوه دة هين،،
على الأقل قروش محفوظة،
إنشالله بس يصرفوه فى حاجة مفيدة،
الكلام على الاشياء التانية كمان المصاحبة،
الحكاية بقت مبالغة فقط،،

تصدق يا مؤمن،
فى ناس بعرفهم،
بناتهم جابوا ليهم شى رهيب،،،
يعنى الاشياء مقفولة (دهب و ريحة ناشفة و صندلية بالجردل و روائح فرنسية،،،الخ
دة غير الملابس و الذى منو)،،
كلو كلو ملى ليه أوضة كبيرة جدا،،،

بعد العرس قالوا ليهم جيبوا الحاجات دى كلها معاكم عشان اسه ما دفعنا تمنها،،،
أها دى فتحنا فيها خشمنا،
لى حسه ما قادرين نبلعها،،،

Quote: وصدقنى دا الفهم فى البلد كدا ..
فلانة جابو ليها مهر 15 انا لازم عشرين
علانه طقم دهب انا اتنين ..
الزفه كانت مصرية لا عايزة زفه مكسيكية

المكسيكية دى جديدة،
ماشى أكلم بيها الناس،،،

________

Post: #77
Title: Re: أخـر صيحات دفع المهور .. ( دعوة للنقاش ) ..!!
Author: Dr.Elsadig Abdalla
Date: 07-26-2009, 09:49 AM
Parent: #76

ثاني نعيد السوال يا صالح
والله يا صالح اتفق معاك جملة وتفصيلا ...وده كلو كوم ...وحنة العروس+الجرتق +الفنانه +الكلام الهابط+الرقيص الفاضح لدرجة تحت الصفر وانت ماشي ...
أنا ماعارف كيف واحد(العريس +أبو العروس)يسمح لمثل هذه الأشياء تحدث في بيته ...
تخريمه:أنت عرسك متين عشان نحضر

Post: #81
Title: Re: أخـر صيحات دفع المهور .. ( دعوة للنقاش ) ..!!
Author: Tabaldina
Date: 07-26-2009, 10:12 AM
Parent: #77

..
.
يا جماعة انحنا مع الناس البدافرو فى الصف ديل
مضطرين نمشيهم عشان ما يفتكرونى زوغت
اها يا صديقي يا صادق
ثاني نعيد السوال يا صالح
Quote: والله يا صالح اتفق معاك جملة وتفصيلا ...وده كلو كوم ...
وحنة العروس+الجرتق +الفنانه +الكلام الهابط+الرقيص الفاضح لدرجة تحت الصفر وانت ماشي ...
أنا ماعارف كيف واحد(العريس +أبو العروس)يسمح لمثل هذه الأشياء تحدث في بيته ...

حنة العروس دى بدع البنات اليومين دى ..
ويبدو لى دخلت تحت مساواة الرجل والمراة .. وما فيش حده احسن من حد
الجرتق :
دا الانا ما بقدر احاربو ياخى دا تراث وابداع عديل .. باختصار روعة
انا شايف الجرتق والهلال وقعدة عنقريب المخرطة والقرمصيص وتوب السرتى ( ولا دا ما اسمو )
حاجة ما مكلفة وما بتتفوت وخصوصا لمه الخالات والعمات والحبوبات حولك
اللحظة دى فى نظرهم اهم من ليلة الدخلة زاتها
بخصوص الفنانة والكلام الهابط ما معانا ..
بس دلوكة الخالات .. واغانى السيرة وسيرو .. والليلة سار ..
وناس الحلة جونى ..:() دى عجيبة وسيرتنا البحصان ومعاها جكة كدا ... :)
رقيص العروس دى اشيائهم .. وهى وصحباتها وحبوباتها بس لا فى الحوش لا فى مسرح :)
Quote: تخريمه:أنت عرسك متين عشان نحضر

قريب ان شاء الله .. عشان ناس سلافه مايقول عليى باير

___________

الدعوات ستصلكم عبر الايميلات والماسنجر
وهنا والفيسبوك وهارد كوبي زاتووووووو :)

Post: #78
Title: Re: أخـر صيحات دفع المهور .. ( دعوة للنقاش ) ..!!
Author: Hala Hassan
Date: 07-26-2009, 09:50 AM
Parent: #75

يا عبد الناصر،
Quote: دي ملاحظة ما في حته الموخر اللو أتكتب لو ماتكتب حسب رغبة الناس
لكين في كترة الاراء والتدخل من قبل الاهل والناس في تفاصيل الزواج
أى واحد عندوا كلام وأى واحد عندوا راي

علاقة الحكاية الانا قلتها دى بموضوع المؤخر،
إنو الموضوع ماكلن عليه إتفاق،
و لا العريس خاتيه فى إعتباراتو،
يعنى ما موافق عليه،،،

أما موضوع التدخلات الماليها معنى ،
من كل من هب و دب،

فعلا دى محتاجة ليها بوست منفصل،،،

Post: #79
Title: Re: أخـر صيحات دفع المهور .. ( دعوة للنقاش ) ..!!
Author: عبد الناصر الخطيب
Date: 07-26-2009, 09:56 AM
Parent: #78

Quote: علاقة الحكاية الانا قلتها دى بموضوع المؤخر،
إنو الموضوع ماكلن عليه إتفاق،
و لا العريس خاتيه فى إعتباراتو،
يعنى ما موافق عليه،،،

الاخت / هالة

أنا فاهم كلامك كمثال للحاجات البتجي عرضية لا في الحراء والا في الطرا
وكلامي كان تعليق ما عنها في حد ذاته
لكين السبب البجيب الحاجات الزي دي أنو الزواج دائما عندنا ببقي في كلام زائد عن اللازم
وكمية من الاطراف بتتدخل وتنظر فيهوا وكل طرف عندو رأي

وده القصد ما عترضته على القصة في حد ذاته
وسياقة كان مفهوم لي

تقديري

Post: #80
Title: Re: أخـر صيحات دفع المهور .. ( دعوة للنقاش ) ..!!
Author: عبد الناصر الخطيب
Date: 07-26-2009, 10:04 AM
Parent: #79

Quote: أما موضوع التدخلات الماليها معنى ،
من كل من هب و دب،

فعلا دى محتاجة ليها بوست منفصل،،،

وموافقك على الملاحظة دي

الزواج هل هو شي شخصي ولا إجتماعي
الزواج ماخد من ده وده لكن في الاخر موضوع شخصي للحد البعيد
التدخل الاجتماعي فيهو في حدود مباركتوا او الاعتراض عليهوا إن كان هناك أسباب مقنعة للإعتراض

الملاحظة أنو بقي إجتماعي اكتر مماهو شخصي
بعبارة لازم نعمل الشي الناس بتعملوا

وبالتالي بقي أكتر قرار شخصي للأتنين المعنيين بالأمر لغيرهم يد اكتر منهم فيهو
ودي المفارقة

تقديري

Post: #83
Title: Re: أخـر صيحات دفع المهور .. ( دعوة للنقاش ) ..!!
Author: وجن
Date: 07-26-2009, 10:27 AM
Parent: #80

خلاص يا تبلدي ليك انت ولكل الرجال المفلسين والماعايزين مره نقاقه
يا هود الحل جاكم مغلف على طبق من دهب
وأرجو أن تنزل البضاعه السوق قريبا ولا تكون الكميه محدوده
وبالتوفيق
http://www.youtube.com/watch?v=6GLF8QzPnNI

Post: #99
Title: Re: أخـر صيحات دفع المهور .. ( دعوة للنقاش ) ..!!
Author: Tabaldina
Date: 07-27-2009, 07:32 AM
Parent: #65

..
.
Quote: عشان القى لي راجل اضمن ما يقول لي كدا الا يكون عندو ضمان مدى الحياة
عشان كدا كتير من البنات بيفكروا يقولوا ليك خليهو يدفع دم قلبو عشان يعرف قيمتي

وبكدا يا شبكبك ..
قيمة نفسها مادياً واعتبرت انو البيناتم بيع وشراء او شئ مقابل قيمه معينة
واعتقد دا مفهوم غلط وياريت لو قفت على كدا ممكن يوم يذلها ويهينها
ولو سالتو يقول ليها انا العملتو ليك هين .. ما دفعت دم قلبى

يعنى بهنا ووب وبهنا ووبين ..
عشان كدا المعقول واتجاوزوا لينا من البذخ
وكمان انحنا بنعمل المعقول ..

Quote: صالح والمشاركين في البوست
زي ما قالت سلمي وهالة
فعلا انو يمكن اقول للراجل دا كلو مافي داعي ليهو ونبني عشنا قشة قشة

قشة قشة دى ووين ؟؟
والله الواحدة لو ما جاها بالشهادة العلمية
والوظيفة العالية ومرات كدا العربية ما خمج ديك
ياخى انت _ بعضكن _ يثولوا دا موظف كحيان
وو

Quote: ولي صديقة ابوها خلي زوجها يكتب مؤخر 100 الف دولار

غايتو مؤخر الصداق دا انا بتفق فيهو .. مع الابو دا تماما
يعنى لو عندى بت مؤخر 100 جنية مافى
مؤخر الصداق ما بدهو كاش ...يكتب فى الوثيقة
ويطالب فى حالة الطلاق .. فقط ( والله اعلم )
ولانو بندفع بعد الطلاق دا بضمن ليكم حقكم
الكلام فى مهركم العايزنو وقتى دا وبروح فى 3 يوم
فانة وكوفير وحاجات تانية غير مفيدة

_______________

بخصوص المؤخر ..انا ما عارف العريس دا قروش ونا دفعها
كان داير يعمل شنو ؟؟ الزول دا دجال :)

Post: #100
Title: Re: أخـر صيحات دفع المهور .. ( دعوة للنقاش ) ..!!
Author: SHIBKA
Date: 07-27-2009, 07:58 AM
Parent: #99

والله ياصالح ياخوي

Quote: قيمة نفسها مادياً واعتبرت انو البيناتم بيع وشراء او شئ مقابل قيمه معينة

هي ما قيمت نفسها لكن عمايل بعض الرجال منكم البتخلي الواحدة تفكر كدا
لانو زي ما قالوا العرس دا بتيخة مقفولة ما معروف ممكن يعمل شنو
ممكن يكون ود ناس ويحفظ ليها عدم تبذيرها في مصاريف الزواج وممكن يطلع... ويكرهها العرس زاتو

وكمان ما تنسي لو واحدة من صحباتها راجلها مسك ليك حكاية اهلك رخصوك دي بتكون زي التفاحة الفاسدة
بتلوث عقول بنات الحلة وصاحباتها وقريباتها وبالتالي تستشري قصة دايرة مهر كبير ومؤخر اعلى منو

Quote: ولو سالتو يقول ليها انا العملتو ليك هين .. ما دفعت دم قلبى

المصيبة لو هو ما مرتاح معاها وداير يطلق يفكر في الشي الكبير المكتوب في خانة المؤخر
يجر واطي طوالي وكان بيتشتكل في اليوم مرتين بخفضها لمرة واحدة لانو عارف ما بقدر يعمل حاجة

Quote: قشة قشة دى ووين ؟؟
والله الواحدة لو ما جاها بالشهادة العلمية
والوظيفة العالية ومرات كدا العربية ما خمج ديك
ياخى انت _ بعضكن _ يثولوا دا موظف كحيان
وو

التفكير والسوء في الوضع الاقتصادي هو البخلي اغلبية البنات يفكروا بفهم الشهادة اقع بيها وين لو ما في قروش

Quote: غايتو مؤخر الصداق دا انا بتفق فيهو .. مع الابو دا تماما
يعنى لو عندى بت مؤخر 100 جنية مافى
مؤخر الصداق ما بدهو كاش ...يكتب فى الوثيقة
ويطالب فى حالة الطلاق .. فقط ( والله اعلم )
ولانو بندفع بعد الطلاق دا بضمن ليكم حقكم
الكلام فى مهركم العايزنو وقتى دا وبروح فى 3 يوم
فانة وكوفير وحاجات تانية غير مفيدة

حكاية المؤخر الكبير هي ممكن تكون عائق كبير في عدم انفصال الزوجين وتعاسة زوجية مزمنة لانه ما داير يطلق لانو عليهو مصيبة مكتوبة
وهي تنكد عليه لانها ضامنة بالمؤخر المكتوب وما ندر نسمع انو زول طلق بعد عفوه اهل البيت من المؤخر
الغالب الاعظم قاعدين في نجاض مع بعض بسبب المؤخر

Post: #96
Title: Re: أخـر صيحات دفع المهور .. ( دعوة للنقاش ) ..!!
Author: Tabaldina
Date: 07-26-2009, 01:54 PM
Parent: #55

..
.
دانيا المكى ..
وينكـ ياخ..!!
Quote: تبلدينا جاياك افتوا معاك, لكن بهناك :)

الموضوع دا حساس ؟؟
بمس الشعور والاحساس
ولازم تفتيهو هنا قدام الناس :)

____________

كمان بمناسبة اغنية ابوشرا دى
شنو رقيص العروس بالشورت والرداء دا كمان و!!؟ رداء 10 بوصة ؟؟
والله جنوا .. وببالغن
وكمان يا ريت شورت واحد شورتات وسارى هندى
ولبس بقارة ولبس دينكا ..

والله سودان بدع .. لمن غلط ..

Post: #84
Title: Re: أخـر صيحات دفع المهور .. ( دعوة للنقاش ) ..!!
Author: Tabaldina
Date: 07-26-2009, 10:58 AM
Parent: #39

..
.
Quote: ما تكضب

حاااضر يا ستهم

________

والله هاجس لمن ظهرت لى اول صوفتين بيض
دا مصيبة شنو ؟؟
ونحنا لسه فى البر

Post: #89
Title: Re: أخـر صيحات دفع المهور .. ( دعوة للنقاش ) ..!!
Author: شمائل النور
Date: 07-26-2009, 11:33 AM
Parent: #84

تعرف يا تبلدينا ، قبل شهور انا فتحت بوست بخصوص الموضوع دا ذاتو وعلى خلفية وقاعة حقيقية حصلت في الرياض -الخرطوم ، احكيها واحكموا بالله

العريس مرتاح راحة حبيبكـ والعروس قنبلة

والله زي ما بتحكي جارة ناس العروس

سد المال 50 مليون في التربيزة

شهر العسل بالخريطة

بعد الزفاف الناس اتجهت صوب بيت العروس لاقامة طقوس الجرتق ويالها من طقوس

وقفت اخت العروس وطالبت السيد العريس بما يسمى (قطع الرحط) وهو ما قيمته سوار من الدهب الخالص ، السيد/العريس قاليها والله انا ماكان عندي فكرة عن الموضوع دا وحاليا السوق مقفل والساعة 2:00 صباحا، العريس استنجد بصاحبه صاحب محلات دهب ، وترجاه انو يجي يفتح المحل ويجيب ليهو سوار الدهب المذكور اعلاه ، صاحبنا طبعا رفض واعتذر للعريس لانو الوقت متاخر وممكن يشتبهو فيهو ناس الشرطة، المهم بجاي بجاي اخت العروس قالت ليهو خلاص تدفع 10 مليون قطع الرحط (هو الرحط دا بالطاء ولا التاء) او العروس ما بتتحرك معاك شبر ، المهم العريس قال ما كان عندو المبلغ دا (في جيبو طبعا) مافى حلال الا ابو القدح ، مشى لابو العروس ، وقاليهو الحق ياعم الحاصل كدا كدا ،،،، تخيلوا ابو العروس قاليهو شنو؟؟؟

انت دفعت 50 مليون غالبك 10 ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!

النتائج الحصلت:

العريس رمى يمين الطلاق لحظة الجرتق
وشهر العسل ساق امو فسحها بدل العروس
العروس دخلت في حالة نفسية

ـــــــــــــــ
طبعا الكسبان في الجولة دي ام العريس - الجنة تحت اقدام الامهات-
الخاسر الاكبر في الجولة السيد العريس

Post: #90
Title: Re: أخـر صيحات دفع المهور .. ( دعوة للنقاش ) ..!!
Author: SHIBKA
Date: 07-26-2009, 11:38 AM
Parent: #89

شمائل
القصة دي انا سمعتها فعلا

والربحان ام العريس
لكن العريس ما خسران
لانو فرّّح امو برجالته وطلاقه للعروس في الحال

Post: #104
Title: Re: أخـر صيحات دفع المهور .. ( دعوة للنقاش ) ..!!
Author: Tabaldina
Date: 07-29-2009, 09:08 AM
Parent: #90

..
.
Quote: اراهن ان منزل الزوجية سيوجد فيه كل شئ ما عدا المكتبة فيا لغنى هذا المنزل وفقره فى آن واحد!المثقفين لا يرتكبون مثل هذه الفظائع!
قلت لى صاحبك شغال شنو!
المعازيم كان ممكن يطلعوا مظاهرة !
منظر مقزز واستفزاز للضيوف!
يمكن توقع هذه التصرفات من تاجر عملة او مهرب اما من انسان نال قدرا من التعليم العالى جدا فهذا تصرف واطى جدا!
جنى

سلام يا حيدر جنى ..
متأر برضو على مداخلتك ..
بس كلام يعجب وكلام عقل
مشكلة الوعى الثقافي فى مجتمعنا دى قضية فى حد زاتها
والله العظيم يعنى ما تتخيل الجهل فى هذا الجيل والمجتمع وصل لاى مرحلة
عدم المام بالعادات والتقاليد وتاريخ البلد وجغرافيتها وسياستها
مسالة المكتبة فى البيت دى بقت الا فى بعض من البيوت العريقة فقط
او نوع من الديكور والفشخرة برضو ..
الثقافة يا صديقي بقت مرتبطه بالمال
عندك مال وشهادة كدا من طرف اروبا انت مثقف
لا تقاس بدرجة الوعى والفهم..
والقاهرة تؤلف وبيروت تطبع والخرطوم تقرأ
بقت مقولة فى ذاكرة النسيان

_________

نحن يا جنى امه ماشه الى الحضيض
والله على ما اقول شهيد ..

احترامى؛

Post: #106
Title: Re: أخـر صيحات دفع المهور .. ( دعوة للنقاش ) ..!!
Author: Tabaldina
Date: 07-29-2009, 09:16 AM
Parent: #90

..
.
Quote: الأخ تبلدينا والأخوة المتداخلون ,,
والله لا المشكلة ولا العيب فى العروس ولا فى ام العروس لكن العيب كل العيب
فى الرجال الذين ينساقون وينقادون كلأضينات خلف النساء يجارونهم فى مثل هذا الهبل والفشخرة الفارغة
امثال ناس الكبير الكبير والنص نص والصغير مايلزمناش وباقى حركات اولاد بمبا. وياامة ضحكت من جهلها الأمم.
كم يعجبنى والد الأخت سوما من مسقط رحمه الله فقد موقفه كان موقفا حكيما,
موقف رجل يؤمن تماما بأن الزواج هو رابطة مقدسة وليس مسألة بيع وشراْء .

مع تحياتى

امثال والد بت الجنيد دا نادر فى هذه الايام
وخصوصا فى الطبقة المتعلمة او البرجوزازية
ياخى تتصور واحد دكتور جامعى .. لزواج بته
استأجر صالة كزام + العشاء بمبلغ 25 مليون جنية
يعنى دى ميزانية عرس عديل ..
والعريس صراحة ما جاب قدر كدا ..
جاب المعقول والمعقول كلو ما اتجاوز 15 من طقطق للسلام عليكم
لكن تقول شنو مع زى دا ..
دكتور فى الرياض (السعودية ) برضو جا يكمل زواج
بته برضو عمل اكتر من كدا واخر من ابوظبي منذ فترة قصيرة

____________

ياخى ابهات البنات زاتهم بقو ببالغوا
فى الاحتفال بزواج بناتهم التقول ما مصدقين

Post: #107
Title: Re: أخـر صيحات دفع المهور .. ( دعوة للنقاش ) ..!!
Author: dardiri satti
Date: 07-29-2009, 09:53 AM
Parent: #90

Quote: يا تبلدينا دة ما يسمى بالعبط لا اكثر ولا اقل

الأخ طارق؛
الفنان محمد وردي وصف هذه الأشياء بأنها فضيحة؛
وأنا أزيد عليه بأنها حالة إنحطاط .
لاشك أن بلادنا تمر بأكبر و، فطعاً ،
بآخر دورات إنحطاطها.
وسيذهب الزبد جفاءً.

تحياتي.

Post: #113
Title: Re: أخـر صيحات دفع المهور .. ( دعوة للنقاش ) ..!!
Author: Tabaldina
Date: 09-28-2009, 12:14 PM
Parent: #90

..
.
عودة قبل الأرشفة
الصورة التى ابتدرنا بها الموضوع كانت من الحياة
الاجتماعية السعودية اها تعالو شوفوا جنس حركات
السودانيين دى .. النزلها اخونا على سعد ..

_______

بالله رأيكم شنو ؟؟
ولسه جنس كوش وعربات ..
الله قادر

Post: #110
Title: Re: أخـر صيحات دفع المهور .. ( دعوة للنقاش ) ..!!
Author: Tabaldina
Date: 08-03-2009, 07:50 AM
Parent: #89

..
.
شمائل ..
أزيكـ
حسي بالله فى ذمتك بعد ما اعمل دا كلو :
Quote: سد المال 50 مليون في التربيزة
شهر العسل بالخريطة

يجى فى الاخر
Wife of 2day
تدق لى الطربيزة بالطريقة العشوائية دى ..

بعدين عينه ابو القدح ديل هم الجابو الصيحات
وتكاليف المهور حسي بالله الابو دا ما بستحى ما احسن ليهو السترة
من الجملة
Quote: انت دفعت 50 مليون غالبك 10؟؟؟

وطبعا دى نتيجه طبيعية للبذخ وعدم التربية
والجشع والمتجارة البقت تصل البيوت دى

Quote: العريس رمى يمين الطلاق لحظة الجرتق
وشهر العسل ساق امو فسحها بدل العروس
العروس دخلت في حالة نفسية

____________

والله عفارم عليهو ..

تسلمى يا شمائل ونأسف للمرور المتأخر
الشوارع كانت زحمه وكلها حوادث

Post: #93
Title: Re: أخـر صيحات دفع المهور .. ( دعوة للنقاش ) ..!!
Author: سامي عبد الوهاب إدريس
Date: 07-26-2009, 12:29 PM
Parent: #84

موضوع الصرف البذخي دا ما في العرس بس... دا بقى في كل شئ في السودان
وممكن يكون السبب فيهو الغنا الفاحش الحصل لكتير من ناس الطبقة الوسطى أو أدنى من ذلك
وديل طبعا ما مصدقين الوضع دا
ومعظم القروش دي كسب غير مشروع
لذلك:
Easy come easy go

وشايف بعض المتداخلين بيشيروا بشكل أو بآخر للمغتربين (وأنا واحد منهم) بأن ليهم دور في الوضع دا... والله دا إمكن كان زمان لكن هسه نصاب بالدهشة في كل لحظة منذ أن تطأ أقدامنا أرض الوطن من ما نرى من بدع وعجايب (جدعات) و (وهمات)

أما موضوع العرس فدا شئ يجب أن تحددو إنت بحسب إمكانياتك المتاحة وأرى ألا تبخل في الإبتهاج به بحسب ما تستطيع...

ودا أول درس عملي بينك وبين الطرف الآخر (عروس وأهل عروس) لتُريهم من أنت... يعني الوضوووووووووووح وهو طبعا أهم مقومات نجاح العلاقة الزوجية.

وإنت يااااااااا صالح كان قرّبت... قول لينا ياخ

وكان على المهر ممكن توديهو في ظرف أو كيس أسود والله تحولو رصيد يقبلو منك...

Post: #97
Title: Re: أخـر صيحات دفع المهور .. ( دعوة للنقاش ) ..!!
Author: أحمد الشايقي
Date: 07-26-2009, 02:36 PM
Parent: #93

شكرا يا صالح,

على البوست والترحيب

Quote: الدايرين يعرسوا ما يشيلوا هم..

بنات الحلال راقدااااااااات.....

كلام زي دا بيعجب شديد

قبل كدا كان عندي مطالبات, في السابق رداً على عادة الزواج الجماعي لما عرضت بتشجيع من الدولة في التسعينات,

يا عزيزي الشباب محتاجين لـ (منـتـج جـديـد) هـو بإختصار نمط من الزواج (المعقـول) ,

يكون في حدود معقولة ويميل لتبسيط الطقوس الزواجيـة وكل ما كانت أقـرب للموروثات القديمـة أفضـل, والناس يقوموا بالتروج لهذا النمـط ويتطوع عدد من الشباب المقبلين على الزواج بتطبيقـه بصـورة منضبطـة وصارمـة

لو قام بهذا السلوك الرائـد عدد من الرواد بالذات من الإخوة الميسورين وفي أوساط المغتربين وغيره, يكونوا قدموا للوطن والمواطن خدمـة كبيرة جــداً, والناس الميسـورة تحفظ فلوسهـا لاغراض الإدخار والاستثمار وغيره,

لو يتفضـل الاخوات والاخوة بإقتراحاتهم يكون هذا البوست بداية خير

ليكم التحية

أحمد الشايقي

Post: #103
Title: Re: أخـر صيحات دفع المهور .. ( دعوة للنقاش ) ..!!
Author: Tabaldina
Date: 07-29-2009, 08:57 AM
Parent: #97

..
.
وردت جريدة الوطن فى عدد امس الاول الاحد 26يوليو - العدد 2210
فى صفحة عين على الدنيا .. حقيقة جميل ان تناقش الصحف قضايا المجتمع
ولكن المؤسف انها تنتظر حتى تعلم اين قضايا المجتمع ..

__________

صديقى عمرو مهدى اثناء ما بعمل الاسكانغ
قال لى والله السودانيين ديل ما بحبو يتعبوا
حتى القضايا ينتظروها فى محلها ..

شكرا للوطن ..

Post: #105
Title: Re: أخـر صيحات دفع المهور .. ( دعوة للنقاش ) ..!!
Author: SHIBKA
Date: 07-29-2009, 09:11 AM
Parent: #103

صالح
كويس انك بقيت عين للوطن عشانتعرف تكتب شنو .....!!!

هم قاعدين وين اصلو

حاجة تحير

Post: #108
Title: Re: أخـر صيحات دفع المهور .. ( دعوة للنقاش ) ..!!
Author: Hala Hassan
Date: 07-29-2009, 10:12 AM
Parent: #105

يا صالح طبعا الوطن ما جابت الموضوع دة من عندها،،

شوف الروابط أدناه،

http://www.aawsat.com/details.asp?section=22&article=528311&issueno=11192
http://www.masrawy.com/women/Bride/weddingplan/2009/july/27/Ballroom.aspx

و على ما أعتقد الموضوع كما نشر فى صحيفة الشرق الأوسط هو الاصل (أنظر التاريخ)،،

Post: #109
Title: Re: أخـر صيحات دفع المهور .. ( دعوة للنقاش ) ..!!
Author: Tabaldina
Date: 07-29-2009, 10:26 AM
Parent: #108

..
.
بصراحة كمان كدا اخير يسرقوا من حوش بكرى دا
لكن يسرقوا من الشرق الاةسط ويجيبوا الموضوع بضبانتو
ونفس الصورة ..
حقيقة صحافتنا منها العوض ..

والعجب ناس موقع مصراوى ديل ..
حتى ما مشيرين للجهة الجابو منها الخبر ..

____________

غايتو ممكن اديهم الصورة المرفقة فى هذا البوست
اثرها اكبر ولا ما كدا..

Post: #111
Title: Re: أخـر صيحات دفع المهور .. ( دعوة للنقاش ) ..!!
Author: Tabaldina
Date: 08-09-2009, 12:08 PM
Parent: #109

..
.
والله يا سمسم قربت اجليك

Quote: موضوع الصرف البذخي دا ما في العرس بس... دا بقى في كل شئ في السودان
وممكن يكون السبب فيهو الغنا الفاحش

بجيبوها من ووين داالسؤال المحير الخلق
ياخى مال قارون لا يساوى شئ امامه ما لدى البع ض

Quote: وشايف بعض المتداخلين بيشيروا بشكل أو بآخر للمغتربين (وأنا واحد منهم) بأن ليهم دور في الوضع دا...
والله دا إمكن كان زمان لكن هسه نصاب بالدهشة في كل لحظة منذ أن تطأ أقدامنا أرض الوطن
من ما نرى من بدع وعجايب (جدعات) و (وهمات)

وهمات ساااى والله بدع ..
المغتربين ديل بقو دقه قديمة يا حبه..
و
Quote: وإنت يااااااااا صالح كان قرّبت... قول لينا ياخ
وكان على المهر ممكن توديهو في ظرف أو كيس أسود والله تحولو رصيد يقبلو منك...

كدى خلينا من تحويل المهر فى رصيد
ورينا اخبارك جرام الدهب الكويتى حصل كم ؟؟

_________

ياخى الشغلة مرهقة الواحد بالصورة دى
حيفرش ليهو شوال قدام مسجد سيدة سنهورى
ويردد : لله يا محسنين .. حق الفنان بس
ربنا يديكم ذرية صالحة

تحياتى؛

Post: #112
Title: Re: أخـر صيحات دفع المهور .. ( دعوة للنقاش ) ..!!
Author: Salih Eissa
Date: 08-09-2009, 01:55 PM
Parent: #111

تعرف ياابو صلاح انا يوم الجمعة الماضي مشيت في سد مال لواحد جارنا مقيم في امريكا ولسوء اوحسن الحظ ما عارف ايهما الاصح ركبن معاي عمات العريس الكبار وبالتالي كانت سيارتي هي التي تحمل تلال الدهب والمال و كان علينا ان نمر امام المحطة الوسطي و البوستة والله انا خفت لغاية امنت الابواب من الداخل خوفا من اي هجوم من المشردين امام سينما ام درمان الوطنية ، المصيبة انوالشلاقة ما خلتني قمت سالت عمة العريس الدهب دا بكم و القروش دي كم لزوم الواحد في السوق وكمان مسخن شديد علي الخط لكن يا ريت ما سالت لانو من يومها والواحد كلما يتذكر التلال دي يصاب بدوشة وهمتو تبرد. ياخي ملعون ابو الدخل الحاجات دي البلد.

Post: #114
Title: Re: أخـر صيحات دفع المهور .. ( دعوة للنقاش ) ..!!
Author: Tabaldina
Date: 09-28-2009, 01:34 PM
Parent: #112

..
.

____________

غايتو ديل ما قصروا مع العريس كتروا العطور وابدعو فى طقم السرتى