Post: #1
Title: ليس إعلاناً تجارياً..يا جماعة ما في زول يشاركني في مزرعة ؟؟؟
Author: Mahmoud Mustafa Mahmoud
Date: 05-25-2009, 10:42 PM
Parent: #0
جادي جداً والله..
لكن ما عندي مزرعة..
بس عندي فكرة..
ومستعد للدخول فوراً في شراكة مع شريك أو شركاء..
برأس المال...والأفكار..
والبقرات الفريزيان والبوكس والمولد الكهربائي علي أنا..
قصرت معاكم؟؟
ولو بكري اعتبر إنه دا إعلان تجاري ،، مستعدين نتفاهم معاهو..
أرح.. الجادين يجوا هنا..
|
Post: #2
Title: Re: ليس إعلاناً تجارياً..يا جماعة ما في زول يشاركني في مزرعة ؟؟؟
Author: Tabaldina
Date: 05-25-2009, 10:58 PM
Parent: #1
..
.
سلام ..
ممكن توضح اكثر ؟؟
يعنى شنو راس المال والافكار والفريزيان والمولد والبوكس ؟؟
بتساهم بدا كلو!!؟
عموماً ..
لو بتعمل دا كلو معاك تب ..
اولا انت مقيم ولا مغترب !!؟
ثانثا : عندك دراسة جدوى ولا بربوسال ولا شايت على الله ..؟؟
ثالثا : انا عندى 20 قدان ..
سوبا شرق .. شرق زلط العيلفون ..
بتحتاج لبئر ومقدور عليها ..
سكن للعمال والادارة ..
رابعا : منتج واحد ما بنفع ..
ممكن معاه دجاج بياض ولحمى
تربية نعاح وتسمين خراف مع المواسم
خضروات .. الخ ..
المهم اهم شئ البزنيس بلان
__________
احسبها صاح ودق الرقم للنقاش
|
Post: #3
Title: Re: ليس إعلاناً تجارياً..يا جماعة ما في زول يشاركني في مزرعة ؟؟؟
Author: المسافر
Date: 05-26-2009, 05:00 AM
Parent: #2
Quote:
ثالثا : انا عندى 20 الف قدان ..
|
واو...
يا كعاباتي الما لاقيالك نعال
دا.. انت قدقدت عصبو...
|
Post: #6
Title: Re: ليس إعلاناً تجارياً..يا جماعة ما في زول يشاركني في مزرعة ؟؟؟
Author: Tabaldina
Date: 05-26-2009, 08:17 AM
Parent: #3
..
.
Quote: يا كعاباتي الما لاقيالك نعال
دا.. انت قدقدت عصبو... |
والله تقعد فى الغربة دى ..
كعيباتك زاتن ما تلاقاهن ..
كلمتك ما سمعت وحياة خوتك دا كلو بعد العودة
يمين جينا صفر على الشمال ..
البلد دى تخش وتمرق بتلقى عندك شارع زلط ..
بس اهم شئ تحافظ على عصبك هنا
وتخليهو يتحمل السخانة والجرى
والله كريم ..
_____________
فاكر لمن عملت بوست داير قطعة ارض فى سوبا شرق ..
يمين لقيتها بعد حركة حركتين بـ 15 .. قبال 7 شهور
حسي ادونى فيها 30 - بس لانها طلعت على الزلط وتحت الكبري
المقترح .. ممكن اجر ليك لو عايز دكان برضو نبنيهو ليك
اها المزرعة دى جات فى البحث دا وبالاقساط والحمدلله ..
معليش 20 فدان _ الالف دى الغيها ..
|
Post: #4
Title: Re: ليس إعلاناً تجارياً..يا جماعة ما في زول يشاركني في مزرعة ؟؟؟
Author: معتصم مكاوي
Date: 05-26-2009, 05:22 AM
Parent: #1
دي ذكرتني بنكتة أبوداؤود :
إنتوا عليكم الجير ونحن علينا البشاكير
|
Post: #5
Title: Re: ليس إعلاناً تجارياً..يا جماعة ما في زول يشاركني في مزرعة ؟؟؟
Author: يوسف محمد يوسف
Date: 05-26-2009, 07:22 AM
Parent: #4
النبيل حوده
انا على السلك الشائك !!
حوده .. مشتاقون ثم مشتاقون ... طولنا من النقرشة ؟
الريس
|
Post: #7
Title: Re: ليس إعلاناً تجارياً..يا جماعة ما في زول يشاركني في مزرعة ؟؟؟
Author: abuguta
Date: 05-26-2009, 08:24 AM
انا عندى 50 فدان جنوب الخرطوم
يعنى بعد مشروع سندس داخل الجزيرة
كنا بنزرعها مطرى
بس عاوزة بئر وزول جادى زيك كدا
على بعد 7 كيلو من زلط جبل اولياء
لكن ما قلت لينا مغرب ولا داخل السودان منكرب
اذا مغترب خليجى ما ظنيتك بتنفع معاى
واذا داخل السودان بتاكلنى انا زول مسكين
لكن لو من بلاد العم سام حبابك عشرة
انت جيب الفريزينووالفكرة والمال ,,وانا عندى الارض والبقرالبلدى والبوكسى
موديل 81 شرط..براميل اللبن والتمن والموازين كلها موجودة
شغالين بلدى ساى ,,وانا متابعهم بالتلفون خمسة سنوات ما ادونى فلس احمر
دحين تعال نتعاون عشان تضمن لى حقى
بس تبلديا اولى,,,لانه سبقنى,,,
لو عاوز براك ببيعلك ارض ,
ا
|
Post: #8
Title: Re: ليس إعلاناً تجارياً..يا جماعة ما في زول يشاركني في مزرعة ؟؟؟
Author: جمال السنوسي
Date: 05-26-2009, 08:38 AM
Parent: #7
محمود
صديقي الجميل
انت ما قلتي لي المزرعة دي دايرة وين وفي ياتوا ارض
عشان انا مستعد اجيب ليك الكتاكيت والفقاسات
بس لازم تقول لي وين عشان اشوف درجة الحرارة كم
والرطوبة كم
ونوعية الغذاء المطلوب
وهل الكهربا متوفرة
والموية كيف
وهل يوجد اطباء
والاطباء ديل خريجين وين
وسنة كم
وهل شهاداتهم معترف بيها من بريطانيا
يعني ده موضوع طويل لسه في باقي اسئلة
وفي انتظار ردك
|
Post: #9
Title: Re: ليس إعلاناً تجارياً..يا جماعة ما في زول يشاركني في مزرعة ؟؟؟
Author: يوسف محمد يوسف
Date: 05-26-2009, 10:02 AM
Parent: #8
جيمى
تحياتى
ياخوى.. صديقنا حوده عايز ليه " واطا " ما " عروس " !
الشكية لى بايدن قوية !
حوده
اقول ليك سيبك من الجماعة ديل انا راح اتصل على منظمة " الايقاد " امكن
نلقى ليك " واطا " فى الصحراء الكبرى .. بالعدم نشوف ليك استاد الهلال بدل
كل يوم عاملين ليهم نفرة عشان يتموه !!
و نأكل من ما نزرع ... او كما قيل !
|
Post: #10
Title: Re: ليس إعلاناً تجارياً..يا جماعة ما في زول يشاركني في مزرعة ؟؟؟
Author: willeim andrea
Date: 05-26-2009, 12:35 PM
Parent: #9
| Quote: برأس المال...والأفكار |
انا برضو جادي جداد شديد جدا...... للجادي بالعشرين فدان عنواني لبريدي في البروفايل وهسي امشي المطار وعلي موثق عقود ودغري علي الجداد والبيض واللبن والزبادي ...... بشرط واحد خنازير وانفلونزا ما معانا .... ولازم دكتور بطري.... وممكن اقترح سجيمان عديل لانو خبره ومننا وفينا يعني بوردابي وكده ..... برضو بقول جدادي ولي قدام
معزتي
|
Post: #11
Title: Re: ليس إعلاناً تجارياً..يا جماعة ما في زول يشاركني في مزرعة ؟؟؟
Author: Tabaldina
Date: 05-27-2009, 03:31 PM
Parent: #10
..
.
شنو يا عمكـ !!
____________
من البداية كدا ..
اها انا اتنازلت لابقوتة ..
|
Post: #12
Title: Re: ليس إعلاناً تجارياً..يا جماعة ما في زول يشاركني في مزرعة ؟؟؟
Author: Tabaldina
Date: 06-25-2009, 03:05 PM
Parent: #11
..
.
اتذكرتك لمن شفت اعلان اخونا عمر عثمان
يا جماعة انتو جادين ولا شايلنها معانا ونسه ..
___________
عموما انحنا جادين وناس بلد يعنى
السخانه دى ما فيتنها ولا حتى لشواطئ اكابولكو ..
للاتصال : معروف لدى معارفكم
او الايميل [email protected]
خط اخر :\
=============
فى زول عايز يشاركنى شخصيا فى مجمع تجارى
3 محلات تجارية بثلاثة نشاطات مختلفة فى مجالات مرغوبة
بموقع ممتاز بالخرطوم..
رأس المال للشريك فقط 50 الف ( 50 مليون سودانى )
للاتصال
249912397336+
للجادين فقط وامعروفين لدينا داخل و خارج السودان
|
Post: #13
Title: Re: ليس إعلاناً تجارياً..يا جماعة ما في زول يشاركني في مزرعة ؟؟؟
Author: Tabaldina
Date: 06-25-2009, 03:27 PM
Parent: #12
..
.
رأس المال للشريك قابل التخفيض
___________
الباقى بستقطعو من الارباح
ولا نتمو شيكات .. على مسؤوليتى
سجن سجن .. خسارة خسارة
علينا جاااى
قبال الارشفه
|
Post: #14
Title: Re: ليس إعلاناً تجارياً..يا جماعة ما في زول يشاركني في مزرعة ؟؟؟
Author: عبدالعزيز الفاضلابى
Date: 06-25-2009, 11:00 PM
Parent: #13
Quote: برأس المال...والأفكار..
والبقرات الفريزيان والبوكس والمولد الكهربائي علي أنا..
قصرت معاكم؟؟ |
اها البقرات الفريزيان ديل هسع خاتيهن وين وانت ماعندك ارض.
يكونن قاعدات فى البوكس ,, ولا هن فى عضمهن مافى?
انا عندى سبعة فدان فى ابرنو ينفع?
|
Post: #15
Title: Re: ليس إعلاناً تجارياً..يا جماعة ما في زول يشاركني في مزرعة ؟؟؟
Author: أحمد الشايقي
Date: 06-26-2009, 11:09 AM
Parent: #14
يا خوي نحنا عندنا شركة استثمارية
اتكونت في المنبر دا
ومستعدين نحتوي مشروعك إنت والناس الهنا ديل كلهم وننفذ ليكم
ودونك المسنجر
قصرنا معاكم ؟
أحمـد
|
Post: #16
Title: Re: ليس إعلاناً تجارياً..يا جماعة ما في زول يشاركني في مزرعة ؟؟؟
Author: انعام عبد الحفيظ
Date: 06-26-2009, 11:56 AM
Parent: #15
Quote: فى زول عايز يشاركنى شخصيا فى مجمع تجارى
3 محلات تجارية بثلاثة نشاطات مختلفة فى مجالات مرغوبة
بموقع ممتاز بالخرطوم..
رأس المال للشريك فقط 50 الف ( 50 مليون سودانى )
للاتصال
249912397336+
للجادين فقط وامعروفين لدينا داخل و خارج السودان |
سلامات يا تبلدينا وانشاء الله لقيت الجادين
صاحب البوست والمتداخلون
وانا عندي الخبرة البتدير المزرعة دي
خبرة طويلة ما بين السودان وسلطنة عمان
لو بقيتوا عليها زولي دا ح يفيدكم كتير
|
|