في وداع تبلدينا .. الخميس القادم

الزميل صالح .. تبلدينا
شجرة وارفة كلقبه .. جذوره في الوطن ،، و تمتد أفرعه و أغصانه لتظلل حتى هنا
نادته الجذور .. فقال لبيك ..
نغبطه العودة
لسان حالنا يقول : وفقك الله .. و نحن من خلفك قادمون بحوله تعالى
يوم الخميس الأول من يوليو ( 1/7/2004م ) تمام لحظة اللقاء .. أو بأكثر دقة بعد صلاة العشاء نجتمع و نلتقي في دار الصالحية بالعود ..
الحاضر يكلم الغائب .. و القريب من الكيبورد يرد بالتأكيد على الحضور
البرنامج حافل .. إلا أن الحفل دائما يتشح بمشاعر الوداع
و لكن
و لكن عزاؤنا بأن الزميل صالح .. شجرة تبلدي كبيرة متواصل الظلال

يا ضلنـــــــــا

الخميس عندكم إن حينا في قيده

لك الشكر يا الياسمين البورد (ابو جهينه)


،

يا ود شندي
كيف حالك
قالوا بورداب الرياض مش بورداب الشرقية
حنكون في استقبالك عند محطة الوسيع
ابوجهينه اخوي
جاهزين لوداع العزيز تبلدينا ( يا من يعز علينا ان نفارقهم )
بس شوفوا لينا فنان بتاع هجيج عشان نحن العجائز عايزين نهز ونرقص

ابو جهينة...

الكلام دة ما اعوج منك؟؟؟؟

يعني ناس ود شندي يعرفو وانا لأ...

بعدين عشان سمعت بي اتأهلت تقوم طوووووالي تشوتوني كدة، والله اصـــــــــــــــــلو ما كان العشم...

امال لما انوي افارقكم تعملو ازمة فخار في البلد بسبب كسير القلل ولا شنو؟؟؟؟؟؟؟؟؟؟؟؟

ودشندي الفاخر
تحياتي
ياها المحرية فيك و الله .. دايما سباق .. و في إنتظارك.

حمزاوي .. الفنان جاهز .. إنت و ود قاسم حتهججوا صباحي

ميادة : قلنا بالأول ناخد الإذن من ( بعل المستقبل
معليش يا ميادة .. بس عشان الموضوع جا سريع و تبلدينا مستعجل للسفر و القرار تم بالتلفونات

أرقدوا عافية

أنا الخال
ودشندي البعيد يعرف قبلي
والبنية ميادة تعرف قبلي
والشايب حمزاوي يعرف قبلي

أنا ها أجي عشان تبلدينا ،،، بس ,,

الغالي ابو جهينة
عظيم الود ...
اتمني ان يكن الحظ رفيقي للقياكم الخميس
اتمني تاكيد المكان والوصف......
مع خالص الود ممزوج بالفرح الحزين للوداع

العزيز جلال
اتمنى لتبلدينا عودا حميدا للسودان

وبالله ما تنسوا تغنوا ((اهوى العيون السوداء))
باقى تبلدينا بحبها



وعلى وعد بلقاء

ود قاسم .. إنت عملت زى الحلفاويين لما زرعوا البنقو بدل تقاوي القمح .. و لما سألوهم دة شنو قالوا و الله دي تقاويكم الأديتونا ليها.

دحين في شي بيتعمل في الرياض بلا شورك و معرفتك ؟
قال ماعارف قال

أنا عارف سخانة اليومين ديل بتخلي الواحد مدبرس و تفكيرو مشوش شوية..
لكن ما معقول يا أخوانا ما تعفرتو البوست دة معانا
نستعين بصديق ولا شنو ؟
فوق

أبا جهينة صاحب المبادرات الطيبة
هسع نقوم نقرر نشيل العمودية من ود قاسم ونديها ليك
أخباركم جمعيا ومشتاق جد للقياكم جميعا ولو كان اللقاء هذه المرة لوداع أخ عزيز علينا جميعا (صلاح تبلدينا)
نرجو له إقامة طيبة في الوطن وأنا يمكن أكون اول زول يحصلك هناك في الوطن لأنني قررت وبجدية رمي عصا الترحال بعيدا والعودة للوطن الحبيب
وكفاية غربة وعذاب
إذا يوم الخميس موعدنا في الصالحية

راوية العزيزة
تحياتي
و شكرا على المرور
و طلبك على العين و الراس

أخوي : صالح

يوم ما ( أخش ) ( أفحت )

أقوم ألقاك ( مشتت ) ؟؟

بالغت !!

عزائي ،، البلد بتلمنا .

tiger
تعال عليك الله ، خلينا نشوفك ،،

الغالي أبوجهينة
نحن ما بعيدين مشغولين بباقي الترتيبات ربنا يدي العافية لي صديق ودالموج ..
وكان لي تمبس وشتات شغالين من ناحية تانية بس خلوا ليهم الهجيج والغناء ..

ودشندي
والله نحن منتظرين جيتك بي فارق الصبر ..

الخال ودقاسم
قال ما عارف .. دحين منو العارف !!

مياده
متذكرنك .. قالت نسيتوني قال ..

وبعدين وين باقي بورداب الرياض ؟

ويا تايقر ضروري تجي عشان نتعرف عليك ..

شكرا ابو جهينه....
انشالله لمتكم تكون حلوة حلاوة كباية شاي بي اللبن المقنن..
تحياتي ليك يا تبلدينا ربنا يفتحا عليك محل ما تقبل...

اما بعد ..
عقبال ما نبارك ليك العرس و الوليدات...

دمتم

لا اعرف هل اغبطه ام احسده وان كان يشقيني وداعه

اربع سنوات منذ عرفت الرجل اخا كريما وصديقا عزيزا

ونصيرا في الحق ومقوما في الذلل ..؟ اشهدكم بان هذا الرجل

رجل تشد اليه الرحال ... اخي تبلدينا والله لو استطعت وانا ساسعي

باذن الله حضور (رؤيتك) والعودة قبل وداعك

بلغ عني النيل وارضنا الطيبة وترابها تحياتي واشواقي

واخبرها ان رائحتها ما زالت تعبق انوفنا

لك التحية ونتمني التواصل

وكل الخير في خطواتك وحلك وترحالك

Salam to all
I really feel sorry for Riyadh's Group to loose ONE of the Elite …, my friend Salih
But hope all the best for him wherever he goes.
Please give me the contact Numbers to call you from far to say hello to all friends

يعنى كراعنا حارة ولا شنو يا جماعة

انا ادخل تقولوا تبلدينا ماشى ؟؟؟

عموما لقد وفق فى الاختيار الصحيح وقد سبقه احباب منهم الاخ صلاح الباشا ونرجو ان يوفقه الله فى ترحاله وان ترحب به البلد ولا شك عزيزى انه الطريق الامثل الان وجميعا سنلحق بالركب ..
كان ودى مشاركتكم احبتى ولكن ...

تقبلوا تحياتى وللحبيب تبلدينا الغالى

العزيز صالح تبلدينا..

سلام وتحية..

نسبة لأن مسيرتنا البوردية لم تكن مثلما تمنيت ان تكون مع كل زميل وصديق.. إلا انني لا أحمل لك إلا كل تقدير.. وأمل في لقاءك يوما ما في السودان البلد..

حتى ذلك الحين.. دعائي الصادق ان تتعثر بكل نجاح، وتحاط بكل ود، وتهنأ بكل خير..

لك الود..




أبو جهينة..

أهليييييييييييين..

طبعا كان نفسي أكون معاكم.. قالو لي اليومين ديل تفاريح سااااكت..

إنتو يا جماعة ناسين اننا من بورداب الرياض ولا شنو..؟

رجاء

اهلييييييييييييييييييييييييييييييييييييييييييييييييييييييييييييييييييييين

ليتك كنت معنا
الله يكتر من الافراح و الليالي الملاح

كم كنا نود ان نكون حضور في تكريم ووداع الانسان تبلدينا

له كل الحب والتقدير

ونتمني له اقامة سعيدة اينما ارتحل

وشخصيا اتمني ان اقابله يوما ما

وبالتوفيق يا حبيب

مياده ما بسالك لكن
انت قايله ناس شندي ديل
الصياح مو خابر بلدن والا شنو؟؟؟
(طبعا الصياح دي سطحتي فيها ،،، أسالي ابونا الشيخ ودقاسم)

حمزاوي اسمعنا مره ،،،

ودفاسم يعني بالمعني البطان سمعو قبالك،، معقوله دي!!!


وييييييييييييييين يا معتصم الاصلي
طبعا اخوك الايام دي محبوس وكدا لزوم الـــــ..،،،...،،...
لكن مقابله الحبان ليها مكان


اقعدو عاقيه
وارقدو أمان

،،

الاخ الغالى ابوجهينة وبقية الاعزة بورداب الرياض :
قيل لكل شئ بداية ونهاية ، ولكن محطة أخونا ورفيق الدرب صالح عبد الرحمن (تبلدينا) ، ممزوجة باللحظات الطيبة والمواقف الرائعة والحزن والفرح الجميل ، لقد كان ابن كردفان وبلدنا العامرة عروس الرمال واحة وارفة فى رياض الخير يستظل بها كل من يهبط او يعبر بها ، فالشهادة لله عرفناه اخ اخوان وسودانى اصيل ورجل المواقف الصعبة واهل فزعة وكرم فياض برغم حمميشته الذائدة شوية التى اكتسبها من دم اهليه المسيرية المخلوط بطباع الحوازمة الطيبة الممزوج بطيبة واصالة كردفان الوارفة ، فنحن برغم فقدنا له هنا ، ولكن نتمنى له عودة حميدة بارض الوطن وان يكون رجله خضرة مع اشراقات السلام وبداية عهد السودان الجديد .

ونؤكد مشاركتنا فى تكريم وليس وداع الاخ تبلدينا الشجرة الوارفة كما يقول دوما" عمنا البروفيسر عز الدين عمر موسي ، وهذه الحياة تجمع لتفرق وتجمع مرة اخرى وبالله التوفيق .

الاعزاء ودقاسم ...ومعتصم دفع الله
دمتم ياحبايب ..انشاء الله ربنا يسهل الامور
ويرفع القدم للجية...الامنية لازالت باقية وبشدة
فقط قولو انشاء الله ... ولكم خالص الود...

بأذن الله حاضرين يا أبو جهينة اذا ربنا كفانا شر عوارض البلد دي

لانو دا تبلدينا برضو والدعوة جاية ناساً عزاز شديد لكم التحية


وليد احمد

حبايبي الحلوين اهلا جوني انا ما قايل

تسعة فقط من اهل الرياض الذين قالوا جاهزين
البقية : اليوم الثلاثاء ..

اليوم الثلاثاء يا ابوجهينة البقية يمكن منتظره تحقيق المثل البقول " الاربعاء وعقاب شهر "

بس على العكس تبلدينا انشاء الله يكون يوم تكريمك فال خير عليك وعلى بقية البورداب يا رب

ولا رأيك شنو يا أبوجهينة، يلا يا شباب تحركوا والحاضر يكلم الغائب وانا برضو اقترح الاتصالات

على البقية بالتليفون ان وجد كل قريب يخبر الاخر، عشان الكل يكون حاضر وبوجودكم تكتمل وتزدان الافراح.....

بيان هام من رئيس اللجنة المنظمة للاحتفال بوداع العزيز تبلدينا
الى ود قاسم واخرون...حمزاوى وصحبه..قف تم اعداد مكان الحفل
دار الرايطة الرياضية بالصالحية شمال مقابر العود..الزمان الخميس
قف..الى صمد ساقيتنا العزيز ود قاسم..تم اعداد المكان حتى يتسع
لترترة تمبس وشتات وساطور...تم اعداد كل مسموح وتجهيزه بما فى ذلك
الشاى المقنن والعشاء ...سوف يشرف الحضور اخواننا الفنانين الرشيد
البرارى ومرزوق..اتصلت على عضو البورد الفنان عمار السنوسى والجوال
مغلق الى الان والمحاولات جارية على قدم وبوصة للاتصال به ولو اضطر
الامر سوف اصله بمنزله...الاخوة بورداب الرياض الذين لا يعرفون المكان
بالظبط رقم جوالى=0502461358
الاخوة الاعزاء.....رئيس اللجنة العليا لللاحتفالات ونائبه ود قاسم
وابو جهينة الرجاء الاتصال على.
باختصار كل شىء جاهز حتى الشخص الذى سوف يفرتق الحفلة جهزناهو
عندكم حاجة ناقصة ؟؟نحن جاهزين.صالح ده زول ما ساهل تب..
الاخوة المتزوجين من جماعة W.H.O)(WEAK HUSSBAND ORGINIZATION
الرجاء ان يكون الاذن طويل شوية لان الحفل سوف يكون سلاما حتى مطلع
الفجر...وعشان تاخدو الاذن الرجاء اتمام جميع الواجبات المنزلية
يوم الاربعاء..فاهم ياود قاسم ما تبقى زى قريبى بتاع حقنة الروزشين
ودى احكيها لى ابو جهينة بمعرفتك...
لاى معلومات اخرى الرجاء الاتصال بى،،،،،

عزيزى ابوجهينة :

الموقع غير واضح ، وعليه لازم رسم توضحيى للموقع ومعه كوروكي .

صديق الموج والله ما قصرت ،، سويت الواجب وزيادة ،، من الليلة إنت نائب الخال ،، طبعا خال دي ما حا توصلها إلا بعد خرف ،،
محمد الشيخ مطلوب منك تجي جاهز بي عودك عشان تدندن وتغني شوية من مصطفى ،،
نصار الحاج جيب ليك كم قصيدة مكتوبين عشان ما تقولي والله طارت ،،
أحمد حنين ، ما تجيب معاك مقالات نارية ، لف عمتك وتعال.
أبو جهينة ستقدم الكلمة الرسمية في خمس دقائق ،،
اسماعيل وراق عليك تقديم الحفل ،،
ترهاقا جيب الكي بورد بتاعك واعمل تمارينك من بدري .
تبلدينا المحتفى به عليك تجيب رزمة قصائد لتلقيها أمامي .
صلاح شتات عليك تقدم فروض الطاعة والولاء لخالك شعرا لا نثرا ، تعال جاهز .
دكين ما تجي خالص ، جني جنك ، بحكي ليك الحفلة بالتلفون ،،
قرنفل كان ما جيت عاذرنك ،، بس مصيرها جرة العسل تفضى .
ميادة اتصلي بالتلفون عشان تودعي تبلدينا وتسلمي على الشباب
تمبس تعال بدري وجيب معاك تسجيلات حلوة ، وبرضو حا ندخلك تجربة الغنا
مهدي الديمقراطي جيب تبلدينا وعبد الحفيظ وعمر مهدي وتعال ،،
صلاح غريبة جهّز كلمة أبناء الأبيض ولك ثلاث دقائق ، جيب معاك سيد النعيم .
معتصم دفع ، وليد طه ، عمر مهدي ، والشباب حا تكونوا واقفين لخدمتنا نحن الشياب
البعيو طولنا منك ، لازم تجي وتجيب خالد فضل معاك .
حمزاوي المرة دي تعال بدون بطيخة .
حبيب بلدو المرة دي كان ما جيت ، بخت فيك رأي .
وليد 399 كان ما جيت بنفضك وما بتبقي ود أختي تاني ،
قيسان ، تبلدينا ده جارك وما أظنك تتأخر .
الصادق خليفة ما تغيب عشان أنا وجارك ما نغتابك .
الشيخ عبد الباقي الجيلي محتاجينك ، تعال لينا ،
ودشندي سوق بالراحة عشان نلحق نعرّس ليك ونفرح بيك ،،
أبوقوتة ، السنجك ، أبو آمنة، قوي ، وكل الناس الما شفناهم ، عليكم الأمان ، بس تعالوا نتعرف عليكم ..
خالد الحاج ، ود شاموق ، خالد عويس ، خليكم معانا من على البعد ..

صديق الموج .. و الله ما قصرت تب
بس وريني منو الحيفرتق الحفلة ، عشان أديهو رشوة يفرتقا بدري و نتخارج أنا و ود قاسم قبال مطلع الفجر
ود قاسم : توزيع مهام رهيب جدا ..
دكين : المرة دي جيب معاك ( يورو ) لود قاسم ..
العندو كاميرا ديجيتال يجيبها معاهو ...

الخال ودقاسم

هو انا اقدر ما اجي يا خال عشان ما تنفضني نحن لاقين زيك وين

مثلك ما انخلق اثنين انشاء الله حاضرين حاضرين لا شك

بس يا أخوانا: الموقع، المكان والزمان والحاجات دي ما تنسوها

عشان الواحد يجي مغمض وخصوصاً نحن متخصصين في مسألة الخرائط

دي في الرياض ولكم التحية وتحية خاصة للخال.


وليد

ديموكراسي
تحياتي

الكروكي مهم
أها يا أهل العلم .. نزلوا لينا الكروكي لو سمحتوا ..

سلامي ليكم كتير يا بورداب الرياض ,,,, وما تقولوا الزول ده كراعوا حار كمان وبعدين ما تنسوا ترسلوا ناس معتصم وتمبس يوصلونا محل الحفلة ... نقول لتبلدينا بالتوفيق انشاء الله وعقبالنا .... شكرا ابو جهينة وكل العقد الفريد... تحياتي

تبلديا ياخو البنية..
قال مسافر بالسودانية
وتاركنا فى السعودية..
كيف تبيع القضية..
وين عهودنا البوردية...
ياناس يافندية..
شوفو لينا حل الغربة دية...
سلامى الحار لتبلديا
من اعماق قلوبنا الندية..
بنهدى ليك احلى التحية..
وباقات ورد وحفلة الامسية



ابوجهينة شكرا دائما سباق الخير
صديق الموج ناوى اجيكم لكن اغلب
المناسبات تلقانى مداوم خميس
او خارج الرياض...ما عارف متين
نلتقى
ولكم ودى

وليد والذين لا يعرفون الموقع ، سأجتهد لأوصف لكم :
وأنت متجه جنوبا بشارع البطحاء للقادمين من شمال الرياض ، تفوت كبري البطحاء ، وتفوت الكبري التاني ، وتصل إلى الإشارة ، وتكون على أقصى اليسار ، تأخذ يسارك ، مش يو تيرن ، لا في الشارع اليسار وهو يعمل رأس مثلث مع شارع البطحاء ، أول يمين تدخل ، هي حارة قديمة ، لكن معليش ، أدخل ، واستمر ماشي إلى تاني شارع يمين ، أدخل يمينك واستمر إلى النهاية ، عادة يكون هناك مجموعة من السودانيين واقفين هناك ، أي واحد منهم سيدلك على باب الدار ،،،

ود قاسم ماشاء الله عليك وصف دقيق ما يحتاج إلى كروكي ولا شئ دي صورة مرسومة بالكلام للكروكي

Quote: تفوت كبري البطحاء ، وتفوت الكبري التاني

أعجبتني هذه العبارة وذكرتني بايام الكورة والدافوري الله يرحم تلك الايام الجميلة
"عاد تاني وين لمتنا تتلقي، الدنيا يا البتجمعي وتعودي تاني تفرقي"

Quote: عادة يكون هناك مجموعة من السودانيين واقفين هناك ، أي واحد منهم سيدلك على باب الدار ،،،

لكن يا ودقاسم في اليوم دا بالذات لو ما لقينا السودانيين واقفين هناك في اليوم دا الذات نعمل شنو ياودقاسم

ودقاسم انا رقم جوالى موجود فى البوست..حقو الجماعة البعرفوا
المكان يضيفوا ارقام جوالاتهم..اقصد معتصم دفع الله..تمبس ..اسماعيل وراق..صلاح شتات..ابو امنة..يعنى الواحد يصل البطحاء ويتصل على اى رقم بلقى زول يجيبوا. واسالنى لو اشوف لى حافلة والف عليهم ما اخلى زول يضيع او ما يصل.

والله لكن فيكم حلاة كشة.

الأخ شماشي
اوعا تمشي تبلغ الدوريات
لكن ،، ماعليك نحنا الأيام دي ضاربنا
همبريب الحرية

الخال ودقاسم والشباب
جاهزين،، بس قولوا لي صديق الموج دا
يجهز الراجل يفرتك الحفلة بدري شوية
واوعا تجيبو لينا ناس المنتدي
ديل قدونا قدا وجابو لينا وجع وش
المبدع ترهاقا تعال بدري شوية
عشان نظبط الأمور
تحياتي للجميع
اها ما قلتو لي العشا شنو
انا خايف من شعيرية شتات

أنتو كده وإلا بكرى سيد الدار الداير يسفر تبلدينا بالخطوط الجوية السودانية

كان بكرى حجز ليه هناك ياهو الماسافر.

عقبـــــــــــــــــــالي قادر ياكريم .....


تبلدينا تصحبك السلامه والله انا عدييييييل بغرانه منك بالحيل



وياجهينه ومعتصم بالله ودعوا لينا معاكم لانه مافي لينا طريقة

وداع .............

وياتبلدينا بالله ماتعملا سبه وتختفي الله ماكتر الا النت كافي في

السودان فحننتظر طلتك علينا ....

وسلامنا للاسرة الكريمه


لك كل الدعاوى الطيبه بالتوفيق تحفك...




اها يا راويه عشان قلتي بحبها حررررررررررم الا نهديها ليهو ....


نوف

مفأجأة كبرى
عووووووووووووووك
الحاضر يكلم الغائب
اتصل بي اخينا
سجيمان وقال انا معاكم في الحفلة
قال لي حاجز يوم الخميس العصر للرياض
لوداع الاستاذ تبلدينا
وللتعرف ببورداب الرياض
وله مآرب أخرى في الرياض طبعا
..........................
الحفلة حتكون برعاية الدكتور سجيمان
صديق الموج ويا ناس الرياض جاكم سجيمان
بشحمه ولحمه
ماذا انتم فاعلون

تايقر
لابد ان تحضر
رجاء خاص .. حاول قدر الإمكان .. طيب ؟

ود أمي : طلبك على العين و الراس.
شايننق إستار : شكرا على الطلة ..
سيد الحوش بكري : ممكن تغير الخطوط ؟ تبلدينا دة غالي علينا ..
أساسي : سعداء بمداخلتك

حمزاوي : إنت بي صحك سجيمان جاي ؟؟؟؟ كان كدة خليني إتصل بصديق الموج

يا حمزاوى...مادام سجيمان جاى معناها مع الشاى والعشاء نحضر
حاجات تانى حاميانى...لانى ما متخيلوا ما بحتاج لسجاره وكده
طبعا دى قطيعة جانجويد البورد ما يسمعونا،،،

لكن يا ودقاسم في اليوم دا بالذات لو ما لقينا السودانيين واقفين هناك في اليوم دا الذات نعمل شنو ياودقاسم

وليد ما عليك فقط اتصل برقم جوالى وتصل انشاء الله.

ازيكم ياعجايز

خلو البوست ده فوق .. دائما

مزحوم .. مزحوم .. مزحووووووووووووووووووووووم

ده تلفوني .. 0502432079

عندي كلام كتير ..

ود امي .. اغنية عبد الكريم ابوطالب دي ( كاتم صوت ) ؟؟ شيليها من الديسك توب وارفعيها في اي موقع .. وتاني دخليها الكود .. لانو كده ما بتشتغل معاك..

برجع ليكم تاني

العزيز الرائع صالح
الشامخ كما التبلدي
سنكون حضوراً في جناب جمالكم
وللعقد الفريد .. مليون تعظيم سلام

الاخ / صالح تبلدينا

تحياتي و موعدنا غدا بأذن الله ؟

(الشيخ ودقاسم )

تحياتي و متعود على نميمتكم انت و صاحبي وراق وعشان كده خلينا اغتابو ليك هنا شويه ولا اقول ليك خليها بكرة .

انا متبرع بتصوير الحفل وسوف احضر معي كاميرة الفديو غدا (و الحساب بكره علي وزن بكره الركوب مجاناَ).

تسلمو وفي امان الله .

الصادق

رائعون انتم
لكن دائما تفرطون اكثر من غيركم
ذهب خالد العبيد
وخالد عويس
والان تبلدينا
و....
و....

طبعا ساكون هنالك معكم يوم الخميس
وكل النجاحات لك اخي صالح .

الحبيب نصار الرائع دوماً
لشوفتك كايس لي زمن
وكان حيين بنتلاقى يوم الخميس
أصلو لي حديث طويل معاك.

***********************************************
أها يا البوست خليك فوق علشان الما شاف خليهو يشوف ويقرأ
***********************************************

والله تمبس ابت عديل.........


بحاولا مره تانيه مستعجله حسه والله ..

قلنا نتبرع ليكم بالفنان هنا لكن........


ابــــــــــــــــــــــــــت


نوف

يا صديق الموج بالله عليك مافي داعي للاحراج الدنيا أخر شهر رصيد هلكان وجيب فاضي وحال تعبان يا دوب يمكن نرسل رسالة أو اقول ليك حا اعمل ليك مس كول miss call بس لكن وين، تقول لي اتصل على جوالي ابقى حاوي انا عشان اعرف الرقم ولا اتصل بخدمة 905 وبعدين ممكن اكون هناك قبالك يا زول خليها على الله نحن بقينا اولاد البلد "تـــب"

يا صديق الموج عليك الله مافي داعي للاحراج الدنيا اخر شهر حال هلكان وجيب فاضي ورصيد تعبان يعني ارسل ليك رسالة على الجوال ممكن أو اقولك اعمل ليك مس كول Miss call احسن مش كدا، لكن اذا انا جيت قبلك كيف يكون الحال، وبعدين أبقى حاوي انا وين رقم الجوال ولا اتصل على خدمة الـ905 لا في البوست ولا في البروفايل بتاعك كمان دا كلام شنو دا "واللي بسأل ما بتوه دارنا نحن قريبه ليه"

وليد

الاعزاء خبر هام
بعد ان اجتمعت لجنة البرنامج نفيدكم بالتالى:
جلس الاستاذ معتصم عضو يمين والاستاذ شتات عضو يسار وجلست انا وسط
كخير الامور..وقررنا ان يبدأ الافتتاح بالقران الكريم واخترنا
احد الشيوخ الثلاثة للتلاوة وهم:
الشيخ حمزاوى
الشيخ جلال ابو جهينة
الشيخ احمد ساطور
الرجاء تبليغهم امرنا هذا... وعلى كده قيسوا باقى البرنامج.
اللجنة المنظمة..عنهم صديق الموج

صديق العزيز


البرابرة ديل سورة الفاتحة فى تلتلة

عشان ناس الرياض ما يلومونا احسن نرفع البوست شوية عشان الما قرأ
يقرا،،

Salam again
Wallahi I'm suffering from the Arabic Key Board
Please read my reply up and reply me

Shokran
Please do not 4get to tell us the actual time to adjust it accortdingly

رافقتك السلامة أين ما حللت

والله يا أبوجهينة الحفلة من شدة ما قاجة أنا قراية
بس طربان معاكم

تبلدينا يقولوا ليك شنو والناس دي خارطانا صورة وصوت
يازول رافقتك السلامة وفي رعاية المولى وأهو ربنا إستجاب لي دعواتك وخليت ديار دكين الما مرحب بيهو من ناس ود قاسم , بس في ذمتك يا ود قاسم حيكون لي اللمة طعم من غيرو ؟
ربنا يديم لمتكم يا ناس السعودية , وين أسامة الخاتم يحكي عن وحدة سكان الجزر ؟




ابنوسي

وينك يا حسن الملك
ما سمعنا صوتك

الحليلة...يا حليلك...البرنامج سوف يبدأ باذن الله الساعة 9.30
الى ما شاء الله بس مساءا مش صباحا،،،،

نداء هام :

إلى كل من : د. كرار التهامي ( جوالك ما بترد عليهو عل المانع خير )
حسن الملك : تلفون بيتك جنناهو جن .. أرجو الرد )
عمر مهدي : تلفونك ما لقيتو .. حضورك ضروري ..
محمد الشيخ : وين إنت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
تايقر : لازم نشوفك.
وليد : إنت وعدتنا .. و وعد الحر دين عليه.
أبوقوتة : أظهر و بان
البعيو : نتمنى جيتك و شوفتك.
دكين : إظهر و بان ..
صلاح غريبة : الناس مشتاقة ليك
سيد النعيم : من ديك و عيك .. ليك وحشة ..
حبيب بلدو : المرة دي ما عندك عذر ..
الشايقي : وجودك مهم .. إظهر و بان
مامان : ليك وحشة .. تعال و أتحفنا زى المرة الفاتت
أشرف ياسين : لا بد من حضورك ..

و إلى كل الأعضاء بالرياض الذين نعرفهم و لكن لا نعرف هواتفهم .. نرجو الحضور

و للجميع أجمل التحايا
و دمتم

إلى صديق الموج : نكتة الحقنة ما زات تراود ذاكرتي العامرة بمحتوياتها

الأخوان ابو جهينة
وصديق الموج

حكاية الحقنة دي عقدتنا
اوعا يكون طعنكم بيها
الدكتور تجاني المشرف

وبرضو ما قلتو لينا العشا
شنو ،، ولا نجي متعشين

Quote: حكاية الحقنة دي عقدتنا اوعا يكون طعنكم بيها الدكتور تجاني المشرف

احمد حنين..اجى...انت جنيت؟؟؟؟


اما بخصوص العشاء فقد اعدينا لكم ما استطعنا من جيد الفول بالشمار
وزيت السمسم لترهبوا به العدو الكافر(مش قالوا الجوع كافر)..وللذين
يعانون من اى امراض العصر الاتصال بنا لان المينيو مفتوح والfund
مفتوح ايضا،،،،

معاكم انشاء الله

علمت منذ قليل أن الشايقي ومامان اتفقا على أن يكونّا ثنائي طمبوري ،، وسيقدمان أول تجربة في مناسبة وداع الشاعر تبلدينا ،، وسيؤديان واحدة من قصائده التي لحنها مامان مؤخرا ،،

استاذ ساطور
ما اتصلت علي تاني انشغلت والا شنو ؟؟

بامسيكا لازم تجي وما عندك اي عذر

تايغر ..
انت برضو ما عندك عذر الدنيا خميس

ياود امي ( نوف )
كده ما بشتغل ليك
لانها موجوده علي كمبيوترك فقط وما موجوده علي اي سيرفر يعني لازم ترفعيها للسيرفر وتحمليها في اي موقع تحميل وبيديك رابط ليهو في الكود ده وبتشتغل معاك



ياموووووووووج ..
بتسدها وبتقدها .. معتمدين عليك طبعا
والحقنة دي كلم بيها حنين يوم الخميس .. انا غايتو وزعتها بي جاي لي الاخوان .. وضحك شديد جدا طبعا

يااستاذ جلال ..
مافي حاجه لي ؟؟

ياخال ..ود الشيخ ده بلاهي كشكشو لينا .. انا كنت بتكلم مع قرنفل قبل شوية احتمال يمشي الشرقية مع الحيكومة حقتو

وبرضو خلوهو فوق

علاء : كل الحاجات دي بتصب في جدولك الكبير .. قافلين عليك بأي كرت

بعدين بامسيكا دة في الرياض و أنا ما عارف ؟؟؟؟؟؟؟؟ غايتو وداع تبلدينا دة حيكون فلتة ..

ولياب : ما تقول نسيناك ... حاول بقدر الإمكان تجينا .. ضروري

فوق

الأحباء بورداب الرياض

حتماً هي فرصة قد لا تتكرر كثيراً للقاء الفطاحلة أمثالكم ، سوف أحاول قدر المستطاع أن أسجل اسمي في اللستة .

إلى الملتقى إذن .

الشقيق الأصغر هاني أبو القاسم

ما تتأخر ،،اتصل وستجدنا أمامك إن شاء الله ..

يا تمبس بعد ده كان قلته لي ماسامع تبقى....



عوجـــــــــــــــــــــــــــة




نوف

ابو جهينة كل شى جاهز بس القاسية لمة بورداب الرياض ونرجو عدم التاخير وانا محضر لى سجيمان مفأجأة تعلن فى حينها،،

معليش يا بورداب مضطرين نرفع البوست فوق عشان الليلة عندنا
بوش ودايرين الما شاف يشوف عشان يحضر...

يا صديق ، تبلدينا من خيرة شباب البورد ، وهو كذلك من خيرة شباب الرياض ، فبالله بلغوه عنا ، عاطر تحياتنا ، وقولوا له نستودعك الله الذى لا تضيع عنده الودائع ، وأحملوا عنه العفش وأحسنوا ركوبه الدابة وهيئوا له من أمره رشدا ، فالرجل يستحق كل الخير ، وأذرفوا الدمع المدرار حينما يستدير عنكم صوب الوطن ، قولوا له:

يا مسافر وناسى هواك ، أرواحنا وقلوبنا فداك ،

غنوا له الأناشيد ، وأهدوا اليه الزهور والعطور وألوان الطيف

أحضنوه قبل الوداع لترتشفوا من روحه الجميله رشفة ، وقولوا له بملء الفم كلنا نحبك يا تبلدينا

يا ابن كردفان الأصيل

يا صديق الموج اخوي
تعرف انا امبارح بالليل مشيت اشتريت بنطلون جنز وقميص كت
من سوق البطحاء عشان اهجج في الحفلة
يا الخال قول ماشاء الله جاكم الليلة

Quote: يا صديق الموج اخوي تعرف انا امبارح بالليل مشيت اشتريت بنطلون جنز وقميص كت

حمزاوى العزيز...ده الشغل...ده الشغل...اى!!!!

صديق الموج
أنا بعد شوية جاي في الدار لأتفقد الموقع وأتأكد من جاهزيته ،، أوعى ألقى حاجة ناقصة ،، أي نقص سأحملك غرامات وعقوبات لا قبل لك بها ،،
حمزاوي
قميص كت ،، اشتري عراقي كت أحسن ،،

يا جماعة وصلتوا لغاية وين ؟
يا ودالموج الحكاية شنو أمس ما سمعنا صوتك ..
نوف بنت أمي ما عندك مشكلة تبلدينا دا بنودعه ليك بطريقتنا ..
والأغنية بتاعتك وحاتك ما شغالة ..
أساسي ياخي ما تعمله جد وتجي عشان نلاقيك ..
سجيمان مرحب بيك ونحن في إنتظار طلتك الحلوة ..
ود الشيخ ما تعمل فيها لابد كان ما جيت بنجيك بالدورية ..
تمبس الموضوع داك ما تنساه ..
شتات خالك قال ليك كان ما جيت جاهز .. الله قال بي قولك ..
أمس في حوار مع تبلدينا بالتليفون قلت ليهو جهزنا ليك حفل وداع كبير جداً ..
ياخي ما نحولوا لي " عقد قران " ونخلص منك بس إنت جهز العروس ..
طيب يا أستاذنا حمزاوي نحن نعمل شنو نجي بي جلاليب وعمم ولا كيف ..
بنطالين الجينز خليناها ليك إنت والخال ودقاسم ..
أحمد ساطور جيب معاك الكيبورد بتاعك ما تنسى ..
وللجميع المحبة ..

بعد خمس دقائق سنتجه لموقع الحفل ، واللفاء المنتظر ببورداب الرياض الحلوين ،،
كلمونا هناك بالتلفون يا بورداب العالم ،، 00966506405838

..
.

أودع كيف ولسه الشوق بعيش فيَّ
أفارقكم ،، دموع بتغطى عينيّ
ولكن آه .. وآه بتخخ الآلآم
بودعكم وتبقي سعادة الأيام
***
لو بالايد أعيش بينكم مدى الأيام
أغنيلكم ،،وأنتو تكونوا لى إلهام
ونزرع ريد وعالم كله خير وسلام
ولكن آه ،، وآه بتخفف الآلآم
بودعكم وتبقي سعادة الأحـــلام
***
وعندى أمل أعود فى موسم الأمطار
زهور تضحك تتوج الأشجار
والاقيكم ويصبح فينا أحلى نهار
ولكن آه ،، وآخ بتخفف الآلآم
بودعكم وتبقي سعادة الأحــلام
***
وفى الأخر ،،وداعاً أوعــوا تنسونى
أنا المشتاق بشيلكم جوه فى عيوني
وبطــراكم .. عليكم الله أطروني


الأعزاء الافاضل
بكري أبوبكر
أبوجهينة
ودقاسم
حمزاوى
صديق الموج
ود شندى
مياده
تايغر 18
راوية
حبيب بلدو
عصام دهب
معتصم دفع الله
شاينغ استار
اساسي
الحليله
قرشو
رجاء
أسعد إبراهيم
ديمقرسى
وليدى399
بوش أبوقوته
شماسي
أحمد حنين
ترهاقا
بت أمى
تمبس
أسماعيل وراق
الصادق خليفة
نصار الحاج
اشرنكيل
تبلدى
بامسيكا
عبدالباقي الجيلي
يا زول 3

اولاً اعتذر لغيابي الذى طال وحضورى المتأخر عن هنا
فلقد اخذنى الانشغال والسعي بل الهرولة بين دهاليز
وممرات السفارات والاسواق ومكاتب الشركات ..
الشكر لكم جميعا بدون استثناء وساعود بخصوصية لحديثكم الشجى
وكلماتكم التى اتحفتمونا بها هنا ويوم حفل الوداع ..

دوما تظلون فى العمق الدفين ..

والله كسرتونى عديل كدا ..

دمتم