Post: #1 Title: العــيون - Have a break have al3yon Author: Tabaldina Date: 03-12-2008, 01:18 PM Parent: #0
.. .
البتوحي الناس العيون يا حلاتن هن حياة الريد والجنون جنني ياخي العيون.. يا بلالي هن حياة الريد والجنون *** آه ...العيون الفيهن نعاس هن اســاس معنى الجناس هن يثيرن في الناس حماس هن يسوقو الزول للمجون جنني ياخي العيون يا بلالي هن حياة الريد والجنون *** آه ... العيون البيض لوصفن يجرحنك ويتلاصــفن مرة نظراً لي اوقفاً شالو نومي ما انصفن آه العيون ... السود كاحلات في دلالن متسابلات يجرحنك ما سائلات يتركنك متهاملات البتوحي الناس العيون يا حلاتن هن حياة الريد والجنون *** . ___________________
وأحتجتُ أن ألقاك حين تربع الشوق المسافر وإستراح وطفقتُ أبحث عنك في مدن المنافي السافرات بلا جناح كان إحتياجي .. أن تضمخ حوليَ الأرجاءَ يا عطراً يزاور في الصباح كان إحتياجي .. أن تجيءَ إليَّ مسبحة ً تخفف وطأة الترحال .. إن جاء الرواح
(روضة )
Post: #2 Title: Re: العــيون - Have a break have al3yon Author: Muna Khugali Date: 03-12-2008, 01:53 PM Parent: #1
ازيك يا تبلدينا... بس سلام للعيون وتعبير عن أشواقنا..
كيف حالك؟؟
Post: #3 Title: Re: العــيون - Have a break have al3yon Author: Tabaldina Date: 03-13-2008, 06:33 AM Parent: #2
.. . سلام يا منى .. اشواق كميات ..والاحوال تمام ولكن نفتقدكم تستلم عيونك..
يا عيون المها .. يا عيون سا عيون انت لــون الليل انت لونكـ سوداو كحيل .. ____________
واعود أعواما لاكتشف الحقيقة هكذا انت الاحاجى والمراجيح التى كانت تمنينى بها امى اذا عاندت او الححت او افرطت حينا فى الدلال الان أكتشف الحقيقة كلها اشقى لأنك ياربيع العمر داء العمر يا وجعا عضال موبؤة كل الخلايا فى دمى بك يا جرئ الخطو يامعزوفتى الاولى وياكل المقاطع فى وريقاتى وياكل الخياال
Post: #4 Title: Re: العــيون - Have a break have al3yon Author: المسافر Date: 03-13-2008, 07:05 AM Parent: #3
مثل السنايا مزهرات.. أمسها الماطر تهادى تاركاً حفل العبير بين ايدي الصبح وخيوط الشمس تنساب بين قطرات الندى تعلو الفروع الباسقات وتسابق النهر النمير..
Post: #7 Title: Re: العــيون - Have a break have al3yon Author: Tabaldina Date: 03-13-2008, 10:25 AM Parent: #4
.. .
العزيز المسافر منور بعبورك الشاعري ..
شوف نور العين الثنائية العجيبة دى ..
__________________
حليك وحليل ايامنا وحليل بت قضيم
Post: #5 Title: Re: العــيون - Have a break have al3yon Author: نها محسن أبورأس Date: 03-13-2008, 07:23 AM Parent: #1
تبلدينا ينصر دينك علي الجمال ده ياخ...
ده الكلام الزي مابقولو طالع من بيت الكلاوي..
شوف دي: عيوني وعيونك أسباب لوعتي أسباب تشوقي نظرتك وأسباب نفورك نظرتي هواي يعجز فكرتك وجمالك يعجز فكرتي في الصد تزيد في جبرتك ... في الحب أزيد في خبرتي دائما اردد ذكرتك ... هل مره فهت بذكرتى
**********
أنت الذي اتعبتنى ... وأنت الذي بك راحتي لو آن هلاكي.. ولى دنيت ... أحيا وتحل بى فرحتي كم استغثت وكم شكيت من سقمي وإتلاف صحتي كم رددت آهاتي ... كم دوى في الأفق صدى صيحتي
****************
سندس وعسجد حلتك ... واما أنا الهوى حلتي ماذا جنيت يا معبدي ... ماذا جنيت يا قبلتي؟ ما ضر يا محبوبى ... لو تنظر لحالتي بالتي هي أحسن النظرات ... ثم تريني فيك اهلتى
**********
هلا تركت تصددك ... هلا حببت مودتي هلا رضيت تمازج الحب بيننا ... لافادتى؟ رفقا بمن يهواك ... يا من أنت صفوة سادتي رحماك بى.. ضاق الفضا... رحماك طالت وحدتي
***************
جيوش اشتياق هزمتني ... زادت أنتى لو كنت قربى لأسرها ... اجعل لحاظك سنتي ياروحى ياراحى ... ويا نورى يا ناري ... يا جنتي بهوي الهلاك في هواك ... ليتخذ العوازل سنتي
Post: #6 Title: Re: العــيون - Have a break have al3yon Author: Tabaldina Date: 03-13-2008, 09:55 AM Parent: #5
.. .
Quote: عيونى وعيونك أسباب لوعتي أسباب تشوقي نظرتك وأسباب نفورك نظرتي هواي يعجز فكرتك وجمالك يعجز فكرتي في الصد تزيد في جبرتك ... في الحب أزيد في خبرتي دائما اردد ذكرتك ... هل مره فهت بذكرتى!!؟
بالتاكيد وبلا ادنى شكـ .. ينصر دينكـ انت يا نها .. وكل الجمال جابوهو ليكـ .. شوفى الكلاوى دي
العيون الفيهن دلال كيف حديثن كيف الوصال شوف قوامه المتل الغزال ولـّه حاجبه بان زي هلال *** في مشيها الخطوات تقال وفي صديره الجوز - برتقال من خشيمة ادفق وسال عسلاً ما لي مثال *** لما تنظر سرح الخيال وبقى حالو الماهو حال قالوا تشفى المرض العضال يلا ادى الوطني المنال *** هل بترضى ان جاكِ قال انو مغرم فيك يا جمال بيك تم الفرح الحلال ونال سعادة بايدو شال
_____________________
ان لم أقلها صراحة أنى أحبك من فمى فالحب تقتله الحروف لكننى قد قلتها بالخوف بالنظرات بالقلق المريب عليك فى كل الظروف قد قلتها والناس تعرفها هل يخفى سكون الليل أصوات الدفوف
Post: #9 Title: Re: العــيون - Have a break have al3yon Author: نها محسن أبورأس Date: 03-14-2008, 11:01 PM Parent: #6
Post: #8 Title: Re: العــيون - Have a break have al3yon Author: عبد اللطيف بكري أحمد Date: 03-13-2008, 11:10 AM Parent: #1
قديماً قيل : لو سبح الغيتوني همّ بسرقةٍ
= وحديثاً نقول : لو أشعر تبلدينا همّ بعرسةٍ = دير بالك بس العيون اليومين دول فيهن قزاز مايخدعنك،، لو عايز تستعين بصديق ما ح أتلقى زول بعزك زينا،، = كلام نها دا بخليك تستلم الصينية حقت عمك الشاذلي وتطول المشوار،،
سلام للربع ،، وأشواقنا ليك لا ترى بالعيون الفيهن (قزاز)،،
Post: #14 Title: Re: العــيون - Have a break have al3yon Author: Tabaldina Date: 03-16-2008, 01:29 PM Parent: #8
.. .
Quote: وحديثاً نقول : لو أشعر تبلدينا همّ بعرسةٍ
سلام يا تيفا.. ليكـ وحشة والله .. ياخ الموضوع دا عمل لينا كرك كرنك .. فى راسنا المشكلة الناس الحولك بشتغلو بيهو اكتر من اصحاب الشأن.. يا زول عرس .. انت ما تاير تعرس .. متين العرس .. العرس بظبط حالك تورطو الواحد وبعدين تزوغوا .. ياخى انحنا كدا مرتاحين والشر اللابد منو دا .. ما تستعجلوهو علينا ..
Quote: لو عايز تستعين بصديق ما ح أتلقى زول بعزك زينا،،
والله الواحد عارف .. ولكم الود فى العمق الدفين اها عشان كلامكـ وعزتكم لينا الزمناكم بالريحة الناشفة .. من الصندل والسرتية والضفرة والذى منو تسلم لمندوبنا عبدالحفيظ او سحس ++++
ليه عيونك خاصمنّي الفيها كم قلتا الأغاني هن براهن جننّي وشالن الريد والأماني ليه عيونك توهنّي.. وكنتا عايش فيها هانئ **** قلتا مابتبعد دقيقة.. وخليتني في بعدك أعاني وقلتا برضو الريد حقيقة لفيتو وعدك بالأماني ومن حكاويك الحديقة.. أزهرت فيني الأغاني شلتا أشواقي الدفيقة البيها كم..ريدك شجاني مسنودة بي لهفة وصديقة سميتا في دنياك زماني ومن حروف صادقة وأنيقة نسجتا فيك شوقي وحناني **** جاي بتستغرب خصامي ؟؟ إنتا ياالريدك شقاني كان هواكا زمان مرامي وين عيونك ؟؟هل تراني **** وين الرموش الظللتني وبرضو فيها الشوق أذاني قلتا صادق أدمنتني؟؟ أم إنتا غيّرتا المعاني وين عيونك جرحنّي ووين شِفاك المارجاني **** إنتا لو فارقتو ريدو قلبي في ريدك أناني بس غرامك هوّ سيدو وزي عيونك مافي تاني إنتا بس وحدك نديدو مهما غيرك ..ريدو جاني
__________________________
Post: #10 Title: Re: العــيون - Have a break have al3yon Author: طارق جبريل Date: 03-15-2008, 02:53 AM Parent: #1
يا زول هووووووووووووي ما تعرس تريحنا
Post: #15 Title: Re: العــيون - Have a break have al3yon Author: Tabaldina Date: 03-16-2008, 01:44 PM Parent: #10
.. .
Quote: يا زول هووووووووووووي ما تعرس تريحنا
أبيت لمن هانئ يعرس .. غايتو تتورطو وتزنقونا ياخى بنتكلم فى العيون لازم يكون عرس ..
هاكـ لحظكـ الجــَراح .. يمكن تطم
____________
قد تعبت .. ولم يعد فى العمر ما يكفي الجـــراح أنفقــت كل الصــبر عندكـِ والتجلد والتجمل والسـماح أنا ما تركت لمقبل الأيـام شــيئاً أذ ظننتكـ أخـر التطواف فى الدنــيا فسـرحت المراكب كلها وقصصت عن قلبي الجناح انا لم اعد اقوى وموعـدنا الذى قد كان ..راح
Post: #11 Title: Re: العــيون - Have a break have al3yon Author: Sayed Bekab Date: 03-15-2008, 03:59 AM Parent: #1
و حق الذي رصع الوجنات المعابيس
حدر العيون الساحرات النواعس
و كون جمالك مثل تكوين تضاريس
و اصبح حديث الناس بين المجالس
Post: #12 Title: Re: العــيون - Have a break have al3yon Author: kh_abboud Date: 03-15-2008, 09:03 PM Parent: #11
تبلدينا العزيز تحياتى أرجو أن تمدنا برابط لحفظ فيديو أغنية عيون المها التى أوردتها مشكورا ... فقد ظللنا نبحث عنها زمنا ، إن كان ذلك ممكنا ... ولك الشكر الجزيل ....
Post: #16 Title: Re: العــيون - Have a break have al3yon Author: Tabaldina Date: 03-16-2008, 02:31 PM Parent: #11
.. . ابوالسيد؛ عاش من شافك ياخ .. نورت العيون
هاكـ الاداء العيون الرائع لمصطفي السنى
__________________
طرفه ليه نعسان وأنا طرفي ليه يصحا لو ويتلو آية الحب الفي الخديد لايحا لو جمالو كل ما يزيد جسمي يزيد إنحالو أما قلبي الضاع خلي اليروح في حالو
(اكمل لو عندك فكرة .. رايح لينا )
Post: #13 Title: Re: العــيون - Have a break have al3yon Author: بله محمد الفاضل Date: 03-15-2008, 09:15 PM Parent: #1
الله عليك
كم في العيون من إيحاء وعمق أمل وبأس ويأس وووووووو
لك المحبات
Post: #17 Title: Re: العــيون - Have a break have al3yon Author: عبد اللطيف بكري أحمد Date: 03-16-2008, 02:41 PM Parent: #1
Quote: سلام يا تيفا.. ليكـ وحشة والله .. ياخ الموضوع دا عمل لينا كرك كرنك .. فى راسنا المشكلة الناس الحولك بشتغلو بيهو اكتر من اصحاب الشأن.. يا زول عرس .. انت ما تاير تعرس .. متين العرس .. العرس بظبط حالك تورطو الواحد وبعدين تزوغوا .. ياخى انحنا كدا مرتاحين والشر اللابد منو دا .. ما تستعجلوهو علينا .. Quote: لو عايز تستعين بصديق ما ح أتلقى زول بعزك زينا،، والله الواحد عارف .. ولكم الود فى العمق الدفين اها عشان كلامكـ وعزتكم لينا الزمناكم بالريحة الناشفة .. من الصندل والسرتية والضفرة والذى منو تسلم لمندوبنا عبدالحفيظ او سحس
أبو صلاح العزيز ،، تهانينا مقدماً ،، وبلغوا مندوبكم الإتصال بنا على وجه السرعة،، (بس شفت أختاني من ((الذي منو))دي، المكتوب بخط يدك وصلك) ،، آل الذي منو آل ،،
Post: #18 Title: Re: العــيون - Have a break have al3yon Author: Tabaldina Date: 03-27-2008, 03:30 PM Parent: #1
.. . عشان خاطر عيون دينا ..
اتحداكم بتقدروا تثو زييي
_________
بجى صااادى
Post: #19 Title: Re: العــيون - Have a break have al3yon Author: ناذر محمد الخليفة Date: 04-01-2008, 09:49 PM Parent: #1
Post: #20 Title: Re: العــيون - Have a break have al3yon Author: Tabaldina Date: 04-02-2008, 09:37 AM Parent: #1
.. .
Post: #21 Title: Re: العــيون - Have a break have al3yon Author: Tabaldina Date: 04-04-2008, 11:15 AM Parent: #1
.. .
Post: #22 Title: Re: العــيون - Have a break have al3yon Author: انعام عبد الحفيظ Date: 04-05-2008, 11:01 AM Parent: #1
Quote: ياخ الموضوع دا عمل لينا كرك كرنك .. فى راسنا المشكلة الناس الحولك بشتغلو بيهو اكتر من اصحاب الشأن.. يا زول عرس .. انت ما تاير تعرس .. متين العرس .. العرس بظبط حالك تورطو الواحد وبعدين تزوغوا .. ياخى انحنا كدا مرتاحين والشر اللابد منو دا .. ما تستعجلوهو علينا
غايتو يا تبلدينا سيك سيك معلق فيك
ما عندك طريقة للزوغان
وانا أخت العريس قاعدة ليك بالمرصاد
وبالله حد يلقى الصافية يمشي يسكن الإمتداد
Post: #24 Title: Re: العــيون - Have a break have al3yon Author: Tabaldina Date: 04-08-2008, 09:34 AM Parent: #22
.. . اها يا الاخت ..عملت شنو !!؟
Quote: وبالله حد يلقى الصافية يمشي يسكن الإمتداد
ما بقدر أقول الزول دااك سباني.. و الشوق كان رسول حرّّك لي جناني بخاق الناس تقول، و تقول عن حناني
__________________
الاغنية دى رابطه معاى من امبارح
Post: #23 Title: Re: العــيون - Have a break have al3yon Author: قرشـــو Date: 04-05-2008, 02:57 PM Parent: #1
حبيبنا تبلدينا
لك التحية
ياخوى ده ما الخلى الراحل المقيم اسماعيل حسن يكتب
امسكى عليك عيونك ديل امسكيهن خلينى الاروح اتفك من شبكة عيونك ديل ده شيتا اصلو ما شفنا ولا فى الناس ولا فى الريل
الى آخر العذاب .......
Post: #25 Title: Re: العــيون - Have a break have al3yon Author: Tabaldina Date: 04-30-2008, 01:22 PM Parent: #1
.. .
________________
معليش بس السهرة دى كانت فيها تشكيلة عجيبة
Post: #26 Title: Re: العــيون - Have a break have al3yon Author: Tabaldina Date: 05-07-2008, 02:00 PM Parent: #1
.. .
Post: #27 Title: Re: العــيون - Have a break have al3yon Author: Tabaldina Date: 06-05-2008, 07:03 AM Parent: #1
.. .
انواع العيون ومعانيهــا ..,.,,
العيون الناعســه هي الخجوله التي لاخبث فيها ولادهاء ولاغباء تعبر عن الاستسلام والرضوخ والطيبه وتدل على الامبالاه والسكون السلبي وقبول الامر الواقع بلا جدال
العيون المخدره هي عين تائهــه حائزه حزينه ترتسم عليها علامات الارق وتدل على ان صاحبها يهزم بلا مقاومــه ولايعتمد عليه مطلقا لانه يضر اكثر مما ينفع
العين الثعلبيــه فيها دهاء ومكر ولؤم وكانها عين صقر يوشك ان ينقض على فريسته وتدل على ذكاء ممزوج بدهاء وصاحبها شعله نشاط يركن اليه في الاعمال الخطيره التي تتطلب حسن تصرف وهو شخص جامد لا يعرف المجاملات
العين النمريــه او الصارمه وكانها مختبئه وتحط بها هاله قاتمه تنظر بترقب وحده غامضه تدل على ان صاحبها اما حاقد ومعقد نفسيا من كثرة الهموم او مظلوم لايملك قوة ترد عنه الظلم ومغلوب على امره العين الغائره يكون صاحبها ثابتا في نظرته لابسمه فيها ولاحزن بل الصرامه وعدم الانكسار والثقه القويه بالنفس وتدل على الجديه في العمل والدق وعدم المجاملــه
العين الطيبه هي اجمل العيون واكثرها راحه تنطق بالصفاء والنقاء والوفاء وتدل على طيبه قلب صاحبها وثقته وحسن ظنه ونقاء سريرته وصاحبه يتع في حياته لانه يثق في كل الناس وهو عاقل يحب الهدوء والسلام
العين الضاحكــه هي الصافيــه المبتسمه كانها عيون طفل تتسم بالبريق وتدل على نقاء النفس والمحبه والقبول صاحبها قليل الهم سعيد الحال مرهف الحس محبوب من الكل
العين الصفراء هي العين الباهته الممزوجه بصفره وغشاوه غير مركزه في نظراتها وكان صاحبها مصاب بمرض كبدي لايفسح مجالا للتفاهم ويحمل غلا لذا نقول على من يحمل هذه الصفات انسان صفراوي
العيون الجريئه هي متسعه الحقه ثابته النظره قويه وتدل على الانطلاق والتحرر مع طيبه القلب صاحبها شجاع ونادر ماترتع عيناه اثناء الكلام يحب المزاح مخلص لمن يحبه ويقسى على من يعاديه
العين الشريره هي جاحظه غير مستقره تعلوها مسحه الكبر والتعالي وتدل على عقدة النقص صاحبها اسود القلب لايرحم وهو في الحقيقه جبان ولايؤتمن معقد وحقود
العيون المنكسره هي كثيره الحركه والالتفات فتدل على كثره اللمز والغمز تترجم مايجول لمن بخاطر صاحبها ومايضمره من استخفاف لمن ينظر اليه وهو يفتقد الشجاعه ويمتلك الانانيه والتعالي والسخف العين الغمازه هي المغمضه اغلب الاحيان عليها مسحه حزن وندم لحرمان او تانيب ضمير ولوعه في النفس على فقدان شئ غالي فالاحساس بالذنب يكسر العين
العين البريئه فيها ثبات مع صفاء الحدقه وابتسامه المنظر مع البراءه المتمثله في الشكل العام وتشعر بمحبه صاحبها وتدل على طيبه قلبه وفي بعض الاحيان يكون ساذجا مما يسهل الضحك عليه من قبل المخادعين
العين الحنونــه كانها عين ام حنون على طفلها فيها مسحه الشفقه والرحم ورقه الاحساس وفيها شفافيــه وتدل على الصدق والاخلاص والايثار والنصيحه تطمءن القلب وتفرح النفس وتزرع الثقه
العيون الجاحظــه فيها جحوظ خفيف ترتسم فيها علامات الحيره والبلاده وابتسامه بلهاء مع تحرك الجفون بارتعاشه مرتجفه تدل على ضعف صاحبها وبلادته مع مكر بلا بصيره وتقلب وحيره تعبر عن ثوره او خوف و اعجاب فهذا الجحوظ يعبر عن مشاهدة او سماع شئ مثير حزنا او فرحا وتدل على ان صاحبها مفرط الحساسيه تجاه مايراه ولايجد وسيله للتعبير الا عينه فهو طيب لايعرف الخبث ولا اللوم
________________
إنتا لو فارقتو ريدو قلبي في ريدك أناني بس غرامك هوّ سيدو وزي عيونك مافي تاني إنتا بس وحدك نديدو مهما غيرك ..ريدو جاني
Post: #28 Title: Re: العــيون - Have a break have al3yon Author: صلاح أبودية Date: 06-05-2008, 09:38 AM Parent: #27
تبلدينا..!!!
عينك بالتقدها ليك ...
جايط لى بيتنا بـ هناك وجاى تقول لى العيون وما العيون..؟
دى عين دى والله
Post: #29 Title: Re: العــيون - Have a break have al3yon Author: Tabaldina Date: 06-05-2008, 10:44 AM Parent: #1
.. . ابودية منور بيت العيون .. ياخى هى العيون ما اساس الريد والجنون وانت فاكر التالق والجنون الفي بيتك دا ما بسببن
___________
طرفه ليه نعسان وأنا طرفي ليه يصحا لو ويتلو آية الحب الفي الخديد لايحا لو جمالو كل ما يزيد جسمي يزيد إنحالو أما قلبي الضاع خلي اليروح في حالو
Post: #30 Title: Re: العــيون - Have a break have al3yon Author: صلاح أبودية Date: 06-05-2008, 10:52 AM Parent: #29
يا عين يا عينية....
يا كافرة يا نصرانية...
عين الحسود فيه عود ...
عين الفتاة فيها واطة ...
عين الصبى شنو كده ماعارف !!!
Post: #31 Title: Re: العــيون - Have a break have al3yon Author: Safia Mohamed Date: 06-05-2008, 12:33 PM Parent: #1
استاذ تبلدينا سلام
انا غايتو عاجباني
عيوني وعيونك اسباب لوعتي
لانها جندر سنستف
شكرا على الاختيار الجميل
صفية
Post: #32 Title: Re: العــيون - Have a break have al3yon Author: Tabaldina Date: 06-05-2008, 01:40 PM Parent: #31
.. . صفية مساعد نورت العيون .. استاذ عديل حته واحدة .. لو ما كنت برلومك كنت قلت يا شيخنا شكرا لمرورك الاجمل ..
____________
ابودية شوف دموع عينى ..سايلة فى خدى
Post: #33 Title: Re: العــيون - Have a break have al3yon Author: Safia Mohamed Date: 06-05-2008, 01:59 PM Parent: #1
Quote: لو ما كنت برلومك كنت قلت يا شيخنا
اها كمان جابت ليها مغالطة تاريخية
زقازيق شنو نحن البنعرفها نحن اتخرجنا من الاحفاد سنة 2007 والله جد
