من المسؤول عن اختفاء كهرباء سد مروى ؟ وحدة تنفيذ السدود أم الهيئة القومية للكهرباء..!!؟

..
.
نأسف للازعاج
لخطأ فنى الرجاء الاطلاع على المقال هنا
من المسؤول عن إخـتفاء كهرباء سد مروى.. !؟ وحدة تنفيذ ال...لقومية للكهرباء..!!؟

------------- بما ان عدد من المشاركين ناقش هنا نحضر البوست للفائدة--------



أول الكـلام
(1)
يبدأ سد مروى انتاج الكهرباء اعتباراً من الثالث من مارس المقبل ،بدخول التوربينة الأولى والثانية بطاقة 125 ميقاواط ، فيما يكتمل دخول باقي التوربينات الثمان منتصف ابريل من العام القادم لتبلغ طاقة السد1250 ميقاواط.
(2)
واعلن اسامة عبدالله، المدير التنفيذى لوحدة السدود في مؤتمر صحافي امس، ان سد مروي سيعمل على زيادة حركة الصناعة
بنسبة تصل الى 50% وتشغيل العمالة السودانية بالاضافة الى زيادة النمو الاقتصادي.
(3)
واقر الوزير اسامة عبدالله بمشكلات واجهت التنفيذ فى بداية العمل وقال استطعنا تنفيذ السد فى مدة لاتتجاوز الست سنوات
بدلا عن المقرر له عشر سنوات ،مؤكدا ان الانجاز تم بدراسات وخطط وتصميمات جيدة ،
موضحاً ان التوليد المائى ارخص تكلفة ولايتوقع ارتفاع اسعار الكهرباء باعتبار ان المشاريع المائية متجددة وغير ناضبة .
(4)
واعتبران بيع كهرباء سد مروي للهيئة القومية للكهرباء فيه نقاش لم يتم حسمه حتى الآن، مبينا ان التوجه الحالى هو البحث عن نظرة اقتصادية شاملة فى كيفية توظيف الكهرباء فى مشاريع التنمية الزراعية والصناعية.

أمل الشعب والمواطن
(1)
المشير عمر البشير رئيس الجمهورية وممثلين للدول الشقيقة والصديقة والصناديق والبنوك
والشركات التي اسهمت في انجاز سد مروي وجمع غفير من المواطنين تحتفل البلاد اليوم
بتوليد الكهرباء من سد مروي، والدخول على الشبكة العامة للكهرباء باول انتاج له
وذلك باضافة طاقة 250 ميقاواط للشبكة القومية للكهرباء.
(2)
أعلن المهندس أسامة عبدالله مدير وحدة تنفيذ السدود عن بدء توليد الكهرباء من سد مروى

(3)
اعلن المهندس مكاوي محمد عوض مدير الهيئة القومية للكهرباء عن الانطلاقة الكبرى للكهرباء بالسودان

واضاف سيادته ان صيف هذا العام لن يشهد أي قطعوعات كما كان متوقعا وسيمر بسلام بفضل نزول وارتفاع
مناسيب المياة حيث اكدت وزارة الري ان مناسيب المياه بالبلاد قد سجلت معدلات مرتفعه لم يتم تسجيلها
منذ بدأ القياس لمعدلات المياة في السودان في 1912م وهي معدلات لاتقارن مع أي مناسيب اخرى سواء ذلك التاريخ
مبينا ان ذلك ادى الي توفير الامداد الكهربائي بصورة جيدة خلال فترة الصيف
وعن مدى اهتمام الهيئة بربط كردفان ودارفور بالشبكة القومية للكهرباء كشف السيد مدير الهيئة القومية للكهرباء
انه يجري حاليا التفاوض مع الشركات الصينية لتنفيذ عدد من الخطوط الناقله في كردفان :
مثل المجلد وابو جبيهة ومناطق النهود وكادقلي وكالوقي
وايضا يتم التفا وض لربط دارفور بالشبكة القومية عبر الخط الناقل مابين بابنوسة /عديلة/ الضعين / نيالا
(4)

* منح وسام الإنجاز لوحدة تنفيذ السدود
* منح نجمة الإنجاز للوزير أسامة عبدالله محمد الحسن مدير وحدة تنفيذ السدود
* توقيع المشير البشير لإذن البداية لتشغيل مشروع سد مروي

Quote: تبدأ اليوم (الخميس) احتفالات البلاد بتوليد الكهرباء من سد مروي، والدخول على الشبكة العامة، وذلك عبر تدوير التوربيتنين الأولى والثانية إلى السرعات التشغيلية وذلك بتدوير التوربيتان بالمياه، بموقع السد بمروي وبحضور شخصيات مختارة. وأوضح المهندس مكاي محمد عوض، المدير العام لهيئة القومية للكهرباء في تصريح (لسونا) أنه سيتم احتفال بدخول التوربيتنين الأولى والثانية وبداية إنتاج الكهرباء في احتفال جماهيري حاشد في الثالث من مارس القادم. فيما ستدخل التوربينتين الثالثة والرابعة في الخامس عشر من يوليو القادم، وبدخول التوربينتين الخامسة والسادسة في الخامس عشر من أكتوبر، والتوربينتين السابعة والثامنة في 31 يناير 2010م، ويكتمل تشغيل آخر توربينتين (التاسعة والعاشرة) في 15 أبريل 2010، ليكتمل التوليد بطاقة إجمالية (1250) ميقاواط. حيث سيتم ربط كهرباء سد مروي بالشبكة القومية. من جانبه أوضح الوزير أسامة عبد الله المدير التنفيذي لوحدة السدود، أنه سيتم نقل كهرباء سد مروي عبر شبكة من الخطوط يبلغ إجمالي أطوالها حوالى (1745) كلم، وستربط مع سبع محطات فرعية تشمل خطين من المحطة بمروي إلى الخرطوم بطول (350) كلم لكل خط وبجهد (500) ك.ف، وخط اخر من مروي الى عطبرة بطول (240) كلم وجهد (500) ك.ف مع محطة فرعية في عطبرة ومنها خط آخر يربط بين عطبرة وبورتسودان بطول (455) كلم وجهد (220) ك.ف وخط ثالث من مروي الى دنقلا بطول (310) كلم وجهد (220) ك.ف مع ثلاث محطات في كل من مروي والدبة ودنقلا. وفي السياق نفسه أوضح المهندس مكاوي أن سد مروي يمتاز بانخفاض تكلفة إنتاجه للكهرباء بحوالي (50%)عن قيمة إنتاجها حالياً ووفقاً لإحصاءات الهيئة القومية للكهرباء فإن ما نسبته (63%) من إجمالي الطاقة الكهربائية المنتجة في البلاد تأتي من الإنتاج الحراري و(37%) من الإنتاج المائي. الأمر الذي يجعل تكلفة إنتاج الكهرباء عالية وبالتالي بيعها للمستهلكين بأسعار مرتفعة فيما تبلغ تكلفة إنتاج الكيلو واط/ساعة (709) سنتاً من الدولار الأمريكي فيما تبلغ تكلفته من سد مروي (4) سنتات فقط. وأوضح مدير عام الهيئة القومية للكهرباء أن الكهرباء الذي كان موجوداً قبل العام 1999م كان كله (450) ميقاواط إذ كان لدينا وقتها (250) ميقاواط في الدمازين، و(15) ميقاواط في سنار، و(150) ميقاواط في محطة بري الحرارية وكان لدينا (8) ميقاواط في خزان خشم القري، أما الآن فإن محطة واحدة تساوي ما كان موجوداً في السودان كله. المصدر :سونا

أخر الحكى
(1)
عزت الهيئة القومية للكهرباء قطوعات التيار في الأيام الماضية لخروج وحدتي كهرباء سد مروي اللتين تغذيان الشبكة القومية بـ (250) ميقاواط من الشبكة القومية الأحد الماضي.
وأكدت الهيئة في بيان صحفى امس تكثيف جهودها لسد العجز بتشغيل وحدات التوليد المتاحة كافة بطاقتها القصوى، إضافة لفصل مدن بورتسودان، دنقلا، الدبة وكريمة عن الشبكة القومية وتغذيتها من محطات التوليد المحلية.
وقالت الهيئة إنها ستقوم بتوزيع المتاح من الطاقة الكهربائية بصورة عادلة وناشدت المواطنين بترشيد الاستهلاك
(2)
شكا مواطنو كسلا وبورتسودان من قطوعات متكررة في الإمداد الكهربائي متزامنة مع شح حاد في المياه ،عما ارجاء المدينتين والمحلات التجارية .
وعزا المدير العام لوزارة التخطيط العمراني بولاية البحر الأحمر، بالإنابة المهندس أحمد حسن عبد الماجد، القطوعات إلى العمل في تجديد الشبكة الداخلية للمدينة لاستيعاب الكهرباء القادمة من سد مروي، والتي وصل منها حتى الآن إلى المدينة 60 ميغاواط،

(3)
وفي ذات الإطار، تشهد مدينة كسلا انقطاعا للتيارالكهربائي استمر زهاء الشهر دون أن تلوح أية بارقة أمل للمعالجة،
إلى جانب تذبذب في الإمداد المائي بالمدينة .
واقر وزير الثقافة والإعلام، الناطق الرسمي باسم حكومة كسلا، بالمشكلتين ولم يذكر الأسباب التي خلفتهما .
وعبر عدد من مواطني المدينتين عن سخطهم من تلك القطوعات، وطالبوا المسؤولين بالإسراع بالحل.

(4)
يبدو أن أحلام المواطن بالتمتع بكهرباء مستقرة تسير نحو السقوط.. فعند أول ارتفاع لترموميتر درجات الحرارة
عاودت الكهرباء قطوعاتها التي كان في ظن الناس ستنتهي بعد تباشير سد مروي والزيادة
التي ستدخل حظيرة الخدمة أو تكون قد دخلت منذ مارس الماضي.

____ وللمواطن رأى ____

من المسؤول يا سيدى الرئيس من هذه الاكاذيب والوعود والاحلام؟؟

سيدى الرئيس
الا ترى أن هؤلاء وأولئك البطانه والطغمة
يفقدونك مصداقيتك امام الشعب والوطن .. !!

الا ترى انهم سبب احد تلك الكوارث التى تناهل عليك
من كل صوب وحدب .. !!

الا ترى انهم لا يوفون ان وعدوا وهذه صفات النفاق
وعدم الصدق وافتقاد المسؤولية الاجتماعية !!

الا ترى انه حان الوقت لتحاسب امثال هؤلاء وكل من له علاقة بهذا الامر
او الامور المشابه امام الشعب والراى العام ليصبح عبرة
لمن لا يعتبر ..!!

اللهم هل بلغت فأشهد ..

_________

تبلدينا سلامات

Quote: اختفاء كهرباء سد مروى

اختفاء مره واحدة كده؟ كيف يعنى؟ كدى اشرح

مش ناصر احمد المصطفي الشغال مع ناس السدود جا هنا قال بعد ده الكهرباء وسخ بيوتكم؟ تلقوها واقعة في الشارع؟

اشرح يا زول .... و بصراحة اصلا موضوع الكهرباء و السد ده ما خاشي راسي , و كل ما اتمناه يكونو بنوهو كويس ما ينهار زى العمارات ديك و يغتس حجر المساكين , اما كهرباء و تنمية و جلكسات دى يصدقوها المواهيم و الفارات
سلام

فضيحة فصل بورتسودان، دنقلا، الدبة وكريمة عن الشبكة القو...طات التوليد المحلية
شكرا تبلدينا لو لقيت خبر الكهرباء قول لينا عوووك

شكرا تبلدينا
الغطس حجر الكهرباء دي هو الثنائي ود الباوقة ومحمد فرح: شبكوناالكهرباء مابتقطع تاني !! وصدرنا كهربتنا ياهو ديل
!! لامن نشفوا ريقا!!
........ نجي للجد : القطوعات وعدم الأنتظام في الإمداد الكهربائي
نحن معتادين عليه من زمن نميري والوعود بالانتظام ظللنا نسمعها كل عام..
الجديد في الامر هودخول كهرباء مروي الشبكة القومية وهو ما جعلنا نعتقد أن هناك
تحسن نسبي سيطرأ ولكن للاسف المؤشرات سلبية حتي الان علي الرغم
من مئيات الملائين التي أنفقت من مال الشعب أو أستقرضت لأنشاء السد
فمالذي يحدث? وماهوالخلل?
...كله مايريده المواطن هو الوضوح ومزيدا من الشفافية وتمليك الحقائق....
كمال

تبلدينا ازيك


مجموعة من المناصير حلفو قالو الكهرباء حقت السد دي بس حدها محطة قري وترجع السد من تاني (كجور وكدا) ههههههههههه

..
.
صباح الخير يا كمال

Quote: الغطس حجر الكهرباء دي هو الثنائي ود الباوقة ومحمد فرح: شبكوناالكهرباء مابتقطع تاني !! وصدرنا كهربتنا ياهو ديل !! لامن نشفوا ريقا!!

الحق يقال .. محمد فرح وود الباوقة ..صلوا بينا قبال الوقت
ومش نشوفوا ريقا ديل نشفو الكهرباء زاتها ..

Quote: من مئيات الملائين التي أنفقت من مال الشعب أو أستقرضت لأنشاء السد فمالذي يحدث? وماهوالخلل?

عارف كل المؤشرات تشير انهم حتى لا يعلمون للان ما الذى حدث ؟
ولا أين الخلل ؟؟واقصد وحدة السدود والهيئة القومية للكهرباء
وكذا نحن _ المواطن _ امر غريب ان لا تعرف المشكلة ولا كيفية معالجتها ؟؟

Quote: كله مايريده المواطن هو الوضوح ومزيدا من الشفافية وتمليك الحقائق....

والمؤسف لا لا تحقيق ولا محاسبة ولا توضيح للمواطن
ونستيقظ صباحاُ على انقطاع التيار ونعود مساء على انقطاع التيار

________

الكهرباء هذه الايام اسواء مما كانت فى تواريخ
وازمان مضت يا إدارة الهيئة القومية للكهرباء

..
.
الاخ عصام جبرالله ..

ما اعلاه هو ما اوردته بالبوست المختل فنياً ..
ويوضح الوعود والاحلام بانتهاء زمن القطوعات ..

نعم
اختفاء الكهرباء
صدقنى على ما يبدو لا يدرون ماالسبب ؟؟
هل خطأ هندسى مع انحسار الماء فى النيل
وبالتالى عن التوربينات
ام كهربائى بعد القدرة بارسال الكهرباء خارج الانتاج
ام لعدم تحمل او قلة التيار المنتج

والله انهم ونحن فى حيرة ولا زلنا نعانى القطع و

ناصر اصبح حديثه حديث من لايعلم
ولا يعلم انه لا يعلم .. وصار ما قاله شمار فى مرقة

Quote: اشرح يا زول .... و بصراحة اصلا موضوع الكهرباء و السد ده ما خاشي راسي , و كل ما اتمناه يكونو بنوهو كويس ما ينهار زى العمارات ديك و يغتس حجر المساكين

والله هذا ما نخاف منه ؟؟
ان يكون هناك سبب فى التشييد من تلك الوحدة المنفذة

________

ننتظر فالايام ستكشف لنا ما خفى

Quote: اختفاء الكهرباء صدقنى على ما يبدو لا يدرون ماالسبب ؟؟

تبلدينا يا صحبي


كيفن الكهرباء تلبس طاقية الإخفى ...طيب خليها الكهرباء كيف هم صرفوا المليارات دي كلها وما عارفين

السبب ؟!!


أوريك السبب ؟ السبب هو إقحام السد في رد هو ما عندو بيهو أيييييييييي علاقة عشان كدة حصلت لخبطة

في "الإختساسات " .

Quote: ننتظر فالايام ستكشف لنا ما خفى

كدة معقولة لأنو عمرنا كلو مقضينو في "الويتنغ ".



.................................


الإمتحانات إنتهت .

..
.

مشاركة الاخ عبدالكريم الأمين أحمد
واقر الوزير اسامة عبدالله بمشكلات واجهت التنفيذ فى بداية العمل وقال استطعنا تنفيذ السد فى مدة لاتتجاوز الست سنوات
بدلا عن المقرر له عشر سنوات ،مؤكدا ان الانجاز تم بدراسات وخطط وتصميمات جيدة ،

Quote: سلام يا تبلدينا... والقصة كلها في العشرة البقت بقدرة قادر ستة دي... والكلام ده زمان الناس قالو لكن كلام القصار مافي زول بسمعو وطلعونا اعداء تنمية وعملا لبني صهيون.. المشاريع الهندسية الضخمة وزي السد ده فيها ترتيبات انا شايف العشرة سنوات دي زااتها بسيطة عليها وشديد فهنالك دراسات جيولوجية دراسات هندسية اخري تحتاج الي صبر وزمن حتي يطمئن المصمم علي عدة عوامل تتيح الانطلاق في ارض صلبة .. دراسات في الموية وفي الطقس وفي التربة وفي كل جزئية وبعد داك الشوت بحصل.. وبصراحة وشفافية دي ما اول مشكلة حتقابل هذا السد بل هنالك الكثير من الاشياء التي راحت في رحلة حلة السد قام التي اقيم بكل اسف بطريقة هبتلي ولزوم لحوق السوق... وكان يمكن الصبر والتجويد والاتقان الهندسي الذي هو راس الاشياء في هذه المرافق الحساسة.. نتمني ان تحل مشكلة الكهرباء حتي ينعم الناس في السودان بخيراتهم وموارد بلدهم وقروش بلدهم ولكن نقول الله يستر ويجيب العواقب سليمة.. والا هل بلغت برضو

والمؤسف يا كيكى .. تعبير
( ان الإنجاز تم بدراسات وخطط وتصميمات جيده)
ولا شك انها تم بونسه شاى ونقاش جنب السد ..
بلادراسات ولا مخططات ولا حسابات لماسيب الماء وجلوجية الارض
ولا مداخل ومخارج التيارات او الوسائل الناقلة
المشكلة الان ليس فى الصبر ما الفاس وقعت حتى الاخطاء
ولكن فى الكهرابء الما معروفة دى .. ما قعده تنتج ام تنج ولا يدرون ان مخرجها
ام ان لا تصل اقرب ناقل او محمول ..
هذه هى مشكلة الحكومة والمخططين فى هذاالبلد ..
اعمال وليدة الللحظة اكثر من انها مستقبلية لاجل حياة رخية

_________

نسال الله ما يظهر خلل تصميمى وينهار هذاالسد
قبل ما ينتج لينا واحد كليوواط ..

تشكر يا كيكى ..هنا وهناك

وا شريري اختفت !!!

سلام تبلدينا

يعنى كلام عسكورى الكان بكتبو

من زمان هنا طلع صاح؟

ربما هنالك خطأ هندسي
اولم تسمعوا قبل افتتاح السد ان تم تأجيله لخطأ هندسي؟؟
انا اعتقد بأن التوربينات ليست لتوليد الكهرباء وانما لاخافة الاسماك التي لم تجد راحة في النيل بسبب الضوضاء المحدثة من التوربينات.

قال شنو السمك رقد هبطرش في سد مروي

..
.
اخونا وزميلنا محمد فرح يقول :

Quote: الساده الكرام رواد البوست آثرت عدم الرد على ردود بعض المغرضين ممن يريدون تبخيس جهود المخلصين من أبناء هذا الوطن الذين يعملون ليل نهار غير آبهين بأصوات اليائسين العاجزين المحبطين ، يعملون لأجل غد أفضل لنا ولأبناءنا ، غد مضيء ، أخضر وأفضل . حسب إستطلاعاتي في هذا الامر الذي بحثت فيه كثيراً وهاتفت جل من أعلم أنهم يعملون في هذا المرفق الحيوي الهام فقد علمت أن توربيني سد مروي الذان تم تدشين إنتاج الكهرباء منهما قد توقفا عن العمل وهذا هو ديدن الآلات ياأخوانا وهو أمر طبيعي فالبدايات في كل مكان بالارض تكون متعثرةً بعض الشيء ثم لايلبث العود أن يشتد ويستقيم كل شيء ، خروج التوربينين من الخدمه هو ماأدى لهذه القطوعات حيث إضطرت الهيئه لتشغيل كل وحدات التوليد المتاحه بأقصى طاقه ممكنه لتغطية العجز وكما علمت فإنه إبتداءً من يوم 22 ابريل الذي يوافق الثلاثاء القادم سيعود التوربينين للعمل مجدداً وعندها ستقل القطوعات كثيراً وربما تنعدم نهائياً إن شاءالله . وسيكون عودة التوربينين للعمل وإستقرار الكهرباء صفعةً قويه لكل المغرضين الذين لايريدون خيراً وإستقراراً ورفعةً لوطننا العزيز الشامخ الابي .

اولا استهل تعليقه بالمغرضين ومن يبخسون جهود المخلصين من ابناء الوطن ؟؟
اى جهود هذه واى تبخيس ..ومن هم ابناء الوطن ؟؟
هم الشعب والمواطن وهذا يقودنى للاتى
السيد رئيس الجمهورية .. كل الشعب التف حوله .. كل الخلصين الوطنيين
ضد اوكامبو ..
الرئيس جاء بطيبته المعهودة واصر ان الرد مزيد من التنمية
ولكن لا يعلم ان هناك عدم مسؤولية وبطانه سوء غير حرييصين
لا على الشعب ولا على كلمة رمز السيدة
فبدلاً ان يدعموه هاهم يضعونه امام موقف محرج من شعبه والعالم الخارج
اين الرد .. مع هذا السد ..
السد انقد .. يا رب المد ..

ليس امر طبيعى ان تتوقف الآلات من اللحظة الاولى هناك سوء وخلل
اما ان الالات مستعملة او المهندس ليس خبيرا او التوربينات فوق مستوى الماء
ياخى نحن ما مهندسين لكن ما مممكن نصدق جملتك دى ومصادر دى يا محمد
بس ان شاء الله ما تكون حرقت ؟؟

لا نريد كذبة جدية ويوم 22 عشرين وهكذا
فيكفينا ( كذبة ابريل هذه )
وكذبة واحدة تكفى .. فلا تدعونا نحلم


____________

والله ما فى شئ غطس حجر السودان ورمز السيادة
غير عينة الناس الما عارفها شغلها والناس البتزيد
النار حطب

اخ تبلدينا سد مروى شيد بطريقة فردية تمثلت فى اسامة عبدالله وهنالك اخفاقات صاحبن هذا السد منها ظلم اهلن المتأثرين به وهم الآن يعتمدون على الاغاثات ..

..
.
سلام يا عبدالغفار

على ما يبدو ان حديث عسكورى ..

يسير فى ما ذكر عنه

_________

مازال فينا عشم باكر

..
.

Quote: وا شريري اختفت !!!

شنووو ؟؟
الكهرباء


__________

معليش الهكر كان حايم امبارح
بلطش اى شئ كهرباء سمك .. كحل من الحواجب

المرافق دي بستخدمها البعض كسلاح سياسي

بيكون في ناس بتفشل من الداخل
كما حدث للسكة حديد...
قتلت ببطء

الحكومة تجيب اجانب ما عندهم مصلحة اثارة غضب الشعب
واظهار الحكومة ذي العيال...


اجانب من الغفير للوزير..
وشوفها كان تقطع

تحياتي يا تبلدينا

الحبيب تبلدينا
تحيه طيبه
إختفاء كلمة كبيره جداً وغير ملائمه لواقع مانتحدث عنه
شخصياً أضعك في قائمه البورداب المتزنين من ناحية الطرح مع وجود بعض الشطحات أحياناً وهذا لابأس منه
مشكلة الكثيرين إنو ماعندهم صبراً يبل الآبري
حالياً خطوات قليله تفصلنا من أن يصبح الحلم واقعاً
ماهي إلا يومين وتدخل كهرباء التوربينين الشبكه مرةً أخرى
وبحلول العام القادم يكون السد قد أكمل طاقته الإنتاجيه
وتاني الكهرباء محل نوديها مانعرف
خلو عندكم صبريبه على قول جمال حسن سعيد

مؤونة عام من الود

والله يا نجاه يا اختي انا موضوع الطابور الخامس دا لا اؤمن به لكن في شئ اقتنعت بيه انه لا يرجي منا نفعا او تقدما البته .
تلفتي شرقا وغربا شمالا وجنوبا في قارتنا الافريقيه وقولي لي اي بلد افريقي نا جح با ستثناءدول( المغرب العربي وبتسوانا وجنوب فريقيا الي حين )
زمبابوي التي كانت تعتبر سله الغداء لدول افريقيا جنوب خط الاستواء تم طرد المزارعين البيض منها اليوم زمبابوي من افقر الدول بلغ معدل التضخم بها 231 مليون في الميه.
ارتريا التي لا يجد شعبها ابسط الخدمات يمتلك رئس دولتها اسهم في شركه صينيه بمقدار بليون دولار .
يا اخي بطني طامه يا ريت تحصل هزه ارضيه ولا بركان عظيم يبتلعنا كلنا من شمالها لجنوبها من شرقها لغربها حتي يريج العالم مننا ومن كوارثنا

Quote: المرافق دي بستخدمها البعض كسلاح سياسي بيكون في ناس بتفشل من الداخل كما حدث للسكة حديد... قتلت ببطء الحكومة تجيب اجانب ما عندهم مصلحة اثارة غضب الشعب واظهار الحكومة ذي العيال... اجانب من الغفير للوزير.. وشوفها كان تقطع

د نجاة اتمنى انى اكون فهمت مداخلتك دى بصوره غلط
انك دايره مجزره صالح عام تانيه
و انك دايره تجيبى عماله اجنبيه من الغفير للوزير فى بلد تعانى من ازمة عطاله خانقه

Quote: .. اختفاء كهرباء سد مروى

وين بتروح؟؟؟

خطفها الجني .. الطالع خطف في الناس؟؟ وقاعد بيها في بئر مظلمة؟؟

ناس الدفاع المدني قاعدين ...

بيجو يحفروا ليهم بير ويطلعهوها

شوف عين مدير الدفاع المدني إنهم فرفصوا الراجل ومرتو من بين أظافر الجني وحتى السرير القاعد فوقوا قلبوه منو وشالوه..

بس انتو اتأكدو ليهم إنو الجني ده خاطف الكهرباء ولابد بيها في الأرض السابعة..

تبلدينا



تحياتي

على قول خالتي (من ما قالوا السد اتي يالكهرباء مافي)

مما لاشك فيه ان النتائج السريعة لافتتاح السد هي القطوعات المتكررة المحبطة جداً ،، سمعت انو المحولات ضربت لانو الضغط عالي ، اها يا تبلدينا في بلادة اكتر من كدا ، من البداية الحكومة ماعارفة قوة الكهرباء دي بيناسبها محول بمواصفات كيف؟؟ دا اذا حصل اصلا معناها نطمئن في كهرباء.

اليوم الاحد 19-4 ، صحيفة الاخبار طالعة بمنشيت :: ادارة السدود: لا كهرباء قبل يوليو


كدا نحن نفرز قول الحكومة اولاً هم قالوا دخول كهرباء السد في الشبكة القومية ولا دخول الكهرباء القومية في شبكة السد

معقولة الحكومة غلط ونحن صاح؟؟

يا شمايل قدامي جريدة الرائد بتاعة الليلة بتقول غير كدة



قالوا بعد بكرة...

يعني والله الناس كانت متعودة علي القطوعات من زمن طويل وياعو سودانا البنعرفه لكن الكذب ما حبابه
اللف والدوران في شنو
في كهربا بنشوفها
مافي كهربا خلاص
ويجي واحد يقول ليك المغرضين
مغرضين شنو
نحن مواطنين وصابرين وشايفين القدامنا...
ونحن لا مناضلين ولا هلالاب ولامريخاب
فكونا ياخي

لا بتاع الهئية القومية للكهربا عارف حاجة لا ناس السدود البفتتحوا المشاريع وتاني يجوا يقولوا ليك يوليو واغسطس وغيره
من الصباح مزنوقين في سخانة الله اكبر ويجي واحد يقول ليك مناضلين ومندسين ومغرضين...
ده بوست بتاع كهربا وخدمة المفروض يجدها المواطن من الدولة ...وبوستات النضال والسياسة براها وده براه
مافي داعي الناس تكذب وتجي تغالط وتنبذ الناس بالمرجفين والخونة والمؤلفة قلوبهم..


تبلدينا سلام

والله يا دومة

السدود دي في العالم كلو تولد الكهرباء
ليه في السودان لا؟

بالجد حاجة محيرة..

يا دكتورة نجاة

Quote: السدود دي في العالم كلو تولد الكهرباء ليه في السودان لا؟ بالجد حاجة محيرة..

لانهم اعتمدوا على اهل(الثقة) وليس اهل(الخبرة)
وليس الطابور الخامس

المهندس نائب المدير التنفيذي لوحدة تنفيذ السدود ود دفعتي وود حلتي من اولى ابتدائي
الي الثانوية...بعدها درس معهد الكليات التكنولوجية ..بعدها امين صندوق
دعم الطلاب بالاقليم الشمالي ثم منسقية الدفاع الشعبي ...ثم مهندس بالسد


الطابور الخامس هو (عطاء العيش لغير الخباز) والاعتماد على التكنولوجيا
الصينية...لان الغربية ما في طريقة للحصول عليها




ودالبشرى

Quote: السدود دي في العالم كلو تولد الكهرباء ليه في السودان لا؟

سد مروي ده شكلو بستهلك كهرباء كتير جداً

Quote: عارف كل المؤشرات تشير انهم حتى لا يعلمون للان ما الذى حدث ؟ ولا أين الخلل ؟؟واقصد وحدة السدود والهيئة القومية للكهرباء وكذا نحن _ المواطن _ امر غريب ان لا تعرف المشكلة ولا كيفية معالجتها ؟؟

الصواريخ الضربت مصنع الشفا ما اتعرفت .. والطائرات الضربت القوافل ما اتعرفت .. وقطوعات الكهرباء ما

اتعرفت ...



رزق اليوم باليوم .. وكفاية مرض .

لقيـت ليكـم السـبب - في المنبـر دا ...............................


[URL]عاجل : شق اخدودي يحول جزء من بحيرة سد مروي الي شمال مليط]

Quote: الطابور الخامس هو (عطاء العيش لغير الخباز) والاعتماد على التكنولوجيا الصينية...لان الغربية ما في طريقة للحصول عليها

طيب التقنية الصينية موفرة للصين كلها كهربا ليه عندنا لا
مع الاتفاق معك عى انه الولاء قبل الكفاءة دا حاصل..

ياد.نجاة
سلام الله يغشاك

Quote: طيب التقنية الصينية موفرة للصين كلها كهربا ليه عندنا لا

والله سؤال مهم ومنطقي ....
لكن ماعندي ليه اجابة..الا (طق حنك) ساكت..
.....وهو....

أكيد الصين بتبيعنا التكنولوجياالرخيصة
او (شغل سوق)و...(دفن الليل اب كراعأ برة)
والحكومة (مجبورة ) علي (توجيه) وجهها شطر(بكين)
.....
وأكيد تابعتي موضوع (نفايات) مصفاة الجيلي
الذي اثير في هذا المنبر من قبل
والنفايات اكثر من المتوقع من مثل هكذا (مشروع)
ومن المحتمل تتسرب (للنيل)
بعدان تتشبع المنطقة حول المصفاة

أكيد (التكنولوجيا) الصينية فيها (عيب)

والعيب الاكبر في (التكنولوجيا (الحكومية)
الانتي وافقتيني عليها

Quote: مع الاتفاق معك عى انه الولاء قبل الكفاءة دا حاصل..

والله اعلم



ود اليشرى

ود الباوقة لسة مصر إنو الكهرباء غطت دونقلا مع إنو فى برنامج قطوعات فى الخرطوم وزى ما قال محمد عبدالماجد فى صحيفة الاحداث سد الكهرباء مش كهرباء السد .

http://www.sudaneseonline.com/uploadpic/jan09upload/168464895.jpg

هؤلاء الذين ضحوا لإنتاج الكهرباء المزعومة

Quote: إختفاء كلمة كبيره جداً وغير ملائمه لواقع مانتحدث عنه شخصياً أضعك في قائمه البورداب المتزنين من ناحية الطرح مع وجود بعض الشطحات أحياناً وهذا لابأس منه مشكلة الكثيرين إنو ماعندهم صبراً يبل الآبري حالياً خطوات قليله تفصلنا من أن يصبح الحلم واقعاً ماهي إلا يومين وتدخل كهرباء التوربينين الشبكه مرةً أخرى وبحلول العام القادم يكون السد قد أكمل طاقته الإنتاجيه وتاني الكهرباء محل نوديها مانعرف خلو عندكم صبريبه على قول جمال حسن سعيد

محمد فرح ازيك

صبرنا 20 سنة يا محمد فرح
صبرا يبل جلد العتود خلي الابري ياخي..
الجديد شنو؟

ما خايفة الا محل تودو الشعب ما تعرفو...بدل الكهربة

شغالين اغاني المهد للشعب دا
النوم النوم بكريك بالكهربة

انا بفتكر تاخد ليك اجازة كدا
ولا تعمل مجنون كهربة دي في خشمك ما تجي..


لسع نحنا اصحاب ومؤنة مليون سنة..
والاختلاف لا يفسد للود قضية

المشكله الحقيقيه يا دكتوره بيان انهم لا يحسون بمعاناه غيرهم من الناس الكاده الجوع وقارشه الحنضل متل الاطفال المغبرين ديل وقاعدين في الصقيعه . اس الداء في السودان اننا لا نقدر المسئوليه ولا نعمل باخلاص لمصلحه وطننا وشعبه بل نقدم المنافع الشخصيه عليهما .
لا توجد كفاءات او مخططون جادون ولا توجد شفافيه او محاسبه في حاله الفشل او الفساد المادي او الاداري بل دائما توجد انظمه فاسده ومطبلون لها من زمره المنتفعين ليس في عهد الانقاذ وحده بل علي مر العهود .
فمنذ الاستقلال لم نتقدم خطوه الي الامام مقارنه بالدول الاسيويه التي عندما رحل الاستعمار عنها تركها في مستوي بلداننا
. قارني بين ماليزيا مثلا وغانا او السودان يا اخي حريقه في عنصرنا دا .

..
.
Test

..
.

Quote: صباح الخير انقطاع الكهرباء والمياه.. الأسباب.. وغياب الشفافية كمال حسن بخيت عتاب.. بنبرة حادة جداً، أقرب الى الاتهام بالتواطؤ.. في حق المواطن السوداني تجاه ما يعانيه هذه الأيام من انقطاع طويل للكهرباء أثناء الليل والنهار.. وكذلك الشح الشديد الذي تعاني منه العاصمة في مياه الشرب. عدد من القراء المستنيرين.. وعدد أكبر من أبناء الغلابة ملح هذه الأرض عاتبونا على صمت الصحافة السودانية كلها لما يحدث هذه الأيام في الكهرباء والمياه. وصل العتاب الى اتهام الصحف السودانية بتجاهل قضايا الجماهير ومعاناتهم اليومية متواطئين مع إدارة الكهرباء وإدارة السد.. بل تواطؤ.. مع الحكومة وقد أسماها البعض الخوف من الحكومة وحرصنا على سلامة صحفنا من بطشها بتجاهلنا طرح القضية للحوار.. مع المسؤولين لتوضيح أسباب ما يحدث الآن في الكهرباء والمياه. وحقيقة لقد اتصلت مرات كثيرة بالمهندس مكاوي.. وهو دائماً في جولات ميدانية واجتماعات متواصلة لمعالجة ما حدث. رجل مهندس متخصص.. قال لي ما زلت مندهشاً من بعض التبريرات خاصة أن سد مروي بدأ العمل فيه منذ (5) سنوات.. والجميع يعلم متى ينتهي العمل فيه.. ومتى تعمل التوربينات.. وكم عددها وماهي حمولتها.. الى هنا.. فإن إدارة السد لم تقصر.. وأنجزت ما وعدت لكن ما هي التحضيرات من الجهات الأخرى سواء من إدارة الكهرباء وغيرها من الإدارات المرتبطة بهذا العمل الكبير.. وهم على علم تام بما سيحدث من إنتاج كهربائي جديد من السد. لقد عانت كل الأسر التي لا تملك مولدات خاصة معاناة شديدة.. واحترقت الكثير من الثلاجات.. والمعدات الكهربائية من انقطاع التيار وعودته قوياً أو ضعيفاً.. والسودان هو البلد الوحيد في العالم الذي لاتعوض فيه إدارة الكهرباء المواطن عند احتراق أجهزته الكهربائية بسبب انقطاع وعودة التيار بشكل مفاجئ وقوي. ما يريد المواطن أن يعرفه.. هو ما هي الأسباب التي جعلت الكهرباء بهذا المستوى وكيف سرقت الفرحة، فرحة السد من أهل السودان الغلابة الذين كانوا يأملون بكهرباء مستقرة ودائمة. لقد كان إنشاء سد مروي إحدى معجزات العصر الحديث في السودان وهو أمر لم يكن يتوقعه أحد بأن يكون في السودان (سد عالي) آخر.. وصنع الوزير المتميز المهندس أسامة عبد الله خيراً.. بأن سهل لكل المجموعات التي رغبت في زيارة السد.. وفي تقديري أن عدد الذين زاروا السد.. تجاوز كل الأرقام المتوقعة.. وبذلك أصبحوا شهود عصر.. شهود شافوا (كل حاجة). إن التعامل مع المواطنين بشفافية أمر مهم.. وعندما يشعر المواطن أن كل الإدارات المسؤولة عن الخدمات تتعامل معه بشفافية.. وتملِّكه كل الحقائق.. وتحترم عقله.. يستطيع أن يتحمل كل المشاق وكل أنواع المعاناة.. أما التجاهل وإلغاء عقل المواطنين.. فهو أمر غير مستحب. شخصياً أؤمن إيماناً قاطعاً بكفاءة وقدرات وإخلاص الباشمهندس مكاوي الذي يعمل مع أركان حربه ليل نهار ولكن يبدو أن الأمر.. أكبر من كل كفاءة.. وأكبر من كل قدرات فقط المواطنون الذين هاتفونا و(شتمونا) يريدون أن يعرفوا الحقائق كاملة.. ويريدون أن يعرفوا متى ينتظم التيار الكهربائي ومتى ستعود الفرحة بسد مروي التي سرقت منهم.. وما ينطبق على الكهرباء ينطبق على المياه. والله الموفق وهو المستعان

..
.
يا جماعة نولع ليكم النور ولا تاكلو سمكـ

_________

الاهداء لود الباوقة
وايضاً
واسامة عبدالله
ومكاوى .. قال مهندسين ..
والرئيس ما عايز يحاسبهم

تبلدينا المقال أو البوست أدناه سبق نشرته فى هذا المنبر قبل عشرة أشهر تقريبا
والآن ألا تعتقد أنه يمكن أن يجيب على بعض اسئلتكم ؟
لك تحياتى





مخاوف حقيقية من إنهيار وشيك لسد مروى

محمد عبد الله سيد أحمد

يتخوف بعض المراقبين من من إنهيار وشيك لسد مروى لأسباب موضوعية ومبررات تتمثل فيما يلى :

أولا :
سبق لصحيفة الأيام أن نشرت فى عددها بتاريخ 16 / 5 / 2007م ( صفحة 6 ) مقالا للبروفسور : جعفر أحمد زرقانى تحت عنوان : سد مروى .. لمن تقرع الأجراس ؟ ، أورد فيه أن دراسة أجريت عام 1984 م بواسطة فريق سوفيتى يقوده الأكاديمى أ . س بتروفسكى أشارت تلك الدراسة الى إن التفكير فى إقامة سد فى موقع سد مروى الحالى ( الشلال الرابع ) يجب أن تسبقه دراسات جيولوجية وهندسية مكثفة لطبقات الأرض السفلى التى سيقام عليها السد ، لأنها طبقات تتميز بعدم التجانس الأمر الذى سيعرض بناء السد للهزات الإرتجاجية . وأشار الكاتب الى أن هذه الدراسة منشورة فى مجلة الهندسة والجيولوجيا – المجلد (30) – العدد (12) ديسمبر 1996م . كما أورد الكاتب فى نفس المقال أن صحيفة تايببي تايمز نشرت فى مارس 2006م وبعد أقل من اسبوعين من افتتاح المرحلة الأولى لبناء سد مروى تقريرا مفاده أن ثمانين شرخا قد ظهرت فى الجسم الخرسانى لسد مروى . وما أثار مخاوف أولئك المراقبين ، أنه لا إدارة سد مروى و لا غيرها من المختصين والفنيين فى هذا الجال لم يعقبوا على ما أورده كاتب المقال من معلومات خطيرة . لا بالتأكيد على صحتها ، ولا بتكذيبها .

ثانيا :
فى منتصف أبريل 2007م إحتفلت إدارة سد مروى بما اسمته بدء تشييد الحائط اللدن بجسم سد مروى ، وأوردت فى مجلتها ( سد مروى ) بعددها رقم ( 45 ) / مايو 2007م تقريرا بهذه المناسبة قالت فيه إنه وبعد أربعة أعوام من عمر مشروع السد فإن المشروع قد إحتفل بالبدء فى تشييد الحائط الخرسانى اللدن المانع لتسرب المياه بعمق أربعين مترا . وأن ذلك يعد يوما تاريخيا فى برنامج بناء السد ، ويعبر عن الدخول فى مرحلة جديدة من عمر المشروع عبر التعامل مع التقنية المتطورة . وقد أوضح د. أحمد الطيب المهندس المقيم بمشروع سد مروى فى التقرير بالمجلة أن التقنية المستخدمة فى حفر وتشييد الحائط اللدن تعتبر من أحدث التقنيات المعروفة فى العالم والتى يضاف الى محتوياتها مادة ( البنتونايت ) وهي مادة تجعل هذا النوع من الحوائط الخرسانية يتميز بالمرونة والإستجابة لضغوطات ما تحت الأساس دون حدوث أي تشققات حيث يتم استخدام هذه التقنية لأول مرة بالسودان . وأشار الى أن الحائط يبلغ سمكه 120 سم وطوله 381 مترا . ويقوم بتنفيذه مقاول فرعى لشركة ( باور) الألمانية التى استجلبت معدات وآليات خاصة بالحفر لأعماق تصل الى 55 مترا حتى وصولها الى صخور الأساس وتتجاوزها بأربعة أمتار أخرى تأمينية . وقال إن بداية العمل فى الحائط الخرسانى اللدن يمثل مرحلة مفصلية فى مسيرة سد مروى . وأضافت المهندسة غادة عامر ، وهي مهندسة ( جيوتقنية ) بمشروع سد مروى فى نفس التقرير بالمجلة أن العمل الحالى يجرى فى الحائط الخرسانى المكون من الخرسانة اللدنة لمنع تسرب المياه من اسفل السد بعد إقامته . أي من المكان الذى يوجد فيه الرمال ، وأن الماكينة المستخدمة تعتبر أكبر ماكينة ضخمة للحفر فى العالم .
هذا ، وقد انتقد البروفسور جعفر الزرقانى فى مقاله بصحيفة الأيام الإحتفال المسمى ببدء تشييد الحائط الخرسانى اللدن بجسم السد على أنه ليس مناسبة جديرة بالإحتفال ، لأنه قصد به أن يخفى عن الشعب السودانى ظاهرة التشققات والصدوع التى ظهرت بجسم السد وهو لا يزال فى مرحلته الأولى من التشييد بسبب خطإ فنى كبير تشير الدلائل الى أنه مرتبط بعدم إجراء الدراسات الجيولجية والهندسية المكثفة لطبقات الأرض السفلى للسد . وهي ما أوصت بها دراسة الأكاديمى الروسى أ . س بتروفسكى وفريقه . كما أن الخبراء يؤكدون أن تلك التقنية الجديدة التى إحتفلت إدارة السد بإستخدامها ، هي فى حقيقة الأمر لا تستخدم إلا لمعالجة التصدعات والشقوق التى تظهر فى السدود الجديدة نتيجة لأخطاء فنية ولبعض السدود القديمة التى شاخت وظهرت عليها شقوق أو تسريبات كحالات استثنائية ، لأن معظم السدود القديمة خالية من تلك العيوب والأخطاء الفنية . ويكفى مثالا على ذلك خزانى سنار والرصيرص فى السودان . وإن استخدام هذه التقنية لأول مرة بالسودان وفى سد مروى كما جاء على لسان المسئولين بسد مروى لايعتبر مفخرة ولا إنجازا و إنما معالجة لخطأ فنى كبير ومعيب وهو يزيد من تكلفة السد وينذر بشر مستطير .
هذا ، وقد أشار البروفسور جعفر زرقانى فى مقاله بصحيفة الأيام الى أنه قد لفت نظره قصور الدعوة فى ذلك الإحتفال على د. أمين حسن عمر مدير الهيئة القومية للإذاعة والتلفزيون ونائبه وعدد محدود للغاية من الصحافيين هم على العتبانى ومحمد أحمد كرار وعبد الرحمن الزومة مع غياب كامل ومتعمد للمهندسين من أصحاب الخبرة والإختصاص الذين كان ينبغى أن تخضع هذه التقنية لمداولاتهم . بل وأن يكون هناك مجلس هندسى قومى موسع يتحمل مسئولية ألا تكون هناك أخطاء فنية فى هذا السد ويتحمل مسئولية حدوثها وكيفية معالجالتها لا أن تترك المسئولية هكذا مبنية على المجهول أو على عقلية واحدة يمكن أن يؤدى خطأها الى إزهاق أرواح الملايين من البشر . بل وتلاحظ كذلك الغياب التام والدائم لوزارتي الري والكهرباء رغم ما تتحدث عنه إدارة السد عن ترع ضخمة جانبية تبدأ من السد وتجرى انسيابيا حتى أقصى شمال السودان وعن توليد كهرباء يبلغ مقداره 1250 ميقاوات بدأت إدارة السد تتنصل عن كميته فى عد تنازلى ، وتتنصل كذلك عن مواعيدها التى تحددها بنفسها من وقت لآخر لإنتاج الكهرباء عاما بعد عام ، بينما الحكومة تلهث خلف الإستدانة من الخارج لشراء محطات توليد كهرباء حرارية لمدن السودان المختلفة ومن بينها مدن ولايتي الشمالية ونهر النيل حيث يوجد مشروع السد . وهذا المشروع ومنذ مراحل تنفيذه الأولى ظل محاطا بالسرية والتعتيم فى كافة نواحيه الإدارية والمالية والفنية ، والأخيرة ترك شأنها حكرا علي الشركات المنفذة بينما انشغلت إدارة السد بالدعاية وحرق البخور لنفسها وبتفويج الرحلات السياحية المجانية لزيارة السد لكل من أقبل وأدبر من غير ذوى الإختصاص فى محاولة ساذجة منها للكسب الإعلامى .

ثالثا :
فى المرحلة الأولى من تنفيذ تشييد السد تحدث كثيرون عن مشاهدتهم لنبع ماء صافى منبثق من أسفل السد الى فوق مستوى ماء النهر. وقال البعض أن مصدره مياه جوفية تحت أسفل السد وزعم بعض آخر أن مصدره غير ذلك . ولم تتبين حقيقته لمن شاهدوه ولمن سمعوا عنه لأن الإعلام سكت عنه فلم تستبين حقيقته حتى اختفى كظاهرة مع إكتمال بناء السد . واليوم تتحدث قلة ممن اتيحت لها فرصة الصعود على سطح السد بعد إكتمال بنائه وتكوين بحيرته عن احساسهم بوجود هزات ارتجاجية على سطحه شبيهة بالإرتجاجات التى يحس بها المسافر على قطار . إنها إذن نفس الهزات الإرتجاجية التى أشارت اليها وحذرت منها دراسات العالم الإكاديمى الروسى أ . س بتروفسكى وفريقه حيث ذكرت إن عدم تجانس طبقات الأرض السفلى للسد ستحدث فى بناء السد هزات ارتجاجية ما لم يسبق بناء السد دراسات جيولجية وهندسية مكثفة . وليت إدارة السد تسمح لمن تفوجهم لزيارة السد بالصعود على سطحه لتأكد لهم عدم وجود هزات . ومهما يكن من أمر اسباب هذه الهزات الإرتجاجية فإن ظاهرة تواجدها واستمرارها قد زادت من مخاوف أولئك المراقبين ومن احتمال انهيار وشيك لهذا السد .

رابعا :
بالرجوع الى السدود التى انهارت فى العالم واسباب انهيارها وحجم ما خلفته من خسائر فى الأرواح والممتلكات تبين أن أهم أسباب انهيارها ينحصر فيما يلى من اسباب :
1 / الخطأ فى التصميم الصحيح للسد بسبب عدم الكفاءة أو الإهمال أو الفساد إضافة الى عدم إجراء الدراسات الكافية والتحاليل الصحيحة واستخدام المواد الصحيحة . وهناك لغط كثير عن استعمال أنواع مختلفة من الأسمنت فى بناء السد و أن بعضا منه فاسد .
2 / إرتفاع منسوب المياه فوق جسم السد بسبب الفيضانات الكبرى التى لا يستطيع السد تصريفها نتيجة لعدم التقدير الصحيح لتوقعات حجمها وكذلك بفعل العواصف القوية .
3 / الحت الداخلى حيث تتسرب المياه من داخل السد محدثة تجاويف داخلية تتسع فى كل مرة حتى تؤدى الى انهيار السد .
4 / حدوث هزات ارضية تفوق تحمل السد .
5 / الإنهيار بفعل الانسان كالتفجير فى الحروب .
6 / تأخر بناء السد عن البرنامج الزمنى الموضوع له يؤدى الى تداخل توقيت برامج العمل فى بعضها البعض واحتمال عدم توافق ذلك مع الإستعداد لإستقبال الفيضان الذى ربما يتسبب فى انهيار السد .
7 / عدم التقيد بتعليمات التشغيل ولو كانت غير مقصودة يعتبر من الاخطاء الفادحة التى تعرض السد وملحقاته للانهيار . فالخبراء على سبيل المثال يعتبرون أن تخزين أو تعبئة بحيرة السد بالمياه لأول مرة ، هي مرحلة هامة وخطيرة وحاسمة . ولذلك يتوجب أن تكون تحت السيطرة الكاملة والمراقبة الدقيقة . وأن يتم التخزين فى بطء وتدرج شديدين وعلى مراحل متباعدة ، قد تصل الى أكثر من أربعة سنوات وأن يتم عقب كل مرحلة تفقد كامل لجسم السد وأساساته وجوانبه وجميع ملحقاته إضافة الى ملاحظة ومراقبة عوامل أخرى عديدة . ولكن وكما هو معلوم فإن إدارة سد مروى ورغم تأخر برنامج عملها فى إنشاء السد لأمد طويل لم تتقيد بتعليمات التشغيل تلك ، واختارت أن يتم التخزين ببحيرة السد دفعة واحدة ومن غير مراحل وفى أقصر وقت . بل واختارت موسم الفيضان لهذا العام 2008م ليكون بداية للتخزين والتعبئة وكان هدفها فى المقام الأول إغراق المناصير وبقية من أهالى أمرى لأنهم لم يستجيبوا لمخططها الرامى الى إجلائهم جميعا من أراضيهم حول البحيرة وإعادة توطينهم فى مواقع صحراوية بعيدة عن النيل لكي تستولى على أراضيهم لأغراض أو أهداف لم تفصح عنها . ولذلك لم تبال بإغراق جزرهم وقراهم وزروعهم وقبل أن يحصدوا ثمار نخيلهم ومحصولاتهم ، ومن قبل أن يتم إحصاء لها أو تعويض . و لا يزال إغراقها مستمرا ومتواصلا حتى خلال شهر رمضان المنصرم وعطلة عيد الفطر المبارك . وسوف لن يتوقف غمرها حتى يبلغ منسوب البحيرة أعلى مستوى له ( كنتور 300 متر ) خلال موسم فيضان واحد . فما قامت به إدارة السد مخالف لبرنامج تشغيل البحيرة حتى فى تاريخ ملئها وبالتالى تفريغها . فحسب إفادة الخبراء فإن قفل أبواب السد لبداية التخزين فى هذه البحيرة لا يكون فى موسم الفيضان المشبع بالطمي تحاشيا لتراكم ترسب الطمى وغيره من رسوبيات فى قاع السد وضغطها على جدرانه ، وكذلك على طول البحيرة وعرضها فيقلل بذلك من سعتها التخزينية فى وقت وجيز . وإنما يبدأ فى منتصف أكتوبر من كل عام حتى منتصف يونيو من كل عام حيث تكون البحيرة خلال هذه الفترة فى أعلى منسوب لها من دون ترسبات طمي ليبدأ تفريغها مع بداية وخلال موسم الفيضان التالى لتحاشى تراكم الطمي . ولكن ها هي إدارة السد تفعل العكس .
حكى لى أحد شباب المناصير الذى كان عائدا لتوه من معسكر عمل تطوعى فى قرية برتى بمنطقة المناصير التى تبعد حوالى أربعين كيلومترا من السد حيث كانوا يقومون بعمل الطوب خلال شهر رمضان لبناء منازل جديدة للمتأثرين – حكى لى ذلك الشاب بأنهم عندما يذهبون للسباحة فى البحيرة عصر كل يوم يكاد الطمي المترسب فى قاعها أن يبتلعهم إن هم حاولوا التوغل أو التقدم لبضعة أمتار من شاطئ البحيرة . وللمرء بعد ذلك أن يعجب إذا كان تراكم الطمي هو بتلك الصورة من على بعد أربعين كيلومترا من السد ، ومن أول بداية فيضان وتخزين فكيف حاله أسفل السد ؟ ! من المؤكد أن تطور العلم قد أوجد تقنية تمنع تراكم الطمي فى أسفل السد وتقيه من مخاطره ولكن تراكمه بتلك الصورة وبذلك الحجم نتيجة لخطأ التخزين فى غير موعده لا بد من أن يترك آثارا سالبة وضارة بالسد ولكنها من جهة أخرى تصب فى مصلحة المتأثرين المناصير الذين أصروا على البقاء بأطراف البحيرة حيث سيوفره لهم جروفا زراعية شاسعة وظهور جزر زراعية جديدة وخيران ووديان من أول عام عوضا عن انتظارها لعدة أعوام . وهي ثروة ما كانوا يتوقعونها فى الأحلام .
ورغم ما ارتكبته إدارة السد من إخطاء وجرم فى إغراقها للمناصير ، فإن المناصير وغيرهم قد يجدون لها المبرر والعذر فى إغراقها المتعجل والمتعمد لهم بإعتبار أنها فى سباق مع الزمن لتعجل للشعب السودانى انتاج نسبة من الكهرباء طال انتظارهم لها وبنوا عليها آمالا عراضا . ولكنى لا أدرى الى أي مدى ستصيب الشعب السودانى خيبة أمل كبرى وماذا تكون ردود أفعاله إن فاجأته إدارة السد بأنها وبعد كل تأخيرها فى بناء السد وبعد كل وعودها المؤجلة وبعد كل ما أحدثته من إغراق كارثى ومتعمد للمناصير ليس لها ما تقدمه للشعب من كهرباء أيا كانت قلة نسبتها ، لا فى منتصف أكتوبر الجارى (2008م) كآخر موعد كانت قد أعلنته ، ولا فى نهاية العام الحالى كما سبق أن أجلته ، ثم الى أجل غير مسمى كما صار يتردد فى بعض الأوساط ، ومن دون أن تقدم تفسيرا لهذا التأخير والتأجيل المتواصل وبلا نهاية ؟!! . ويبقى من حق الشعب السودانى بعد ذلك أن يحاول بنفسه البحث ليجد تفسير لهذا التأجيل اللامتناهى ويذهب فى ذلك مذاهب شتى ، بحيث يعتقد بعضهم أن السد قد واجه مشاكل فنية معقدة ولا علاج لها وفشل بذلك فشلا ذريعا فى انتاج أي نسبة من الكهرباء . وقد يتساءل آخرون : وإذا كانت إدارة السد تعلم سلفا بفشل سدها فى انتاج الكهرباء على الأقل حتى نهاية هذا العام ( 2008م ) أو الى أجل غير مسمى ، فلماذا إذن إصرارها على إغراق المناصير وبتلك الصورة المأساوية البشعة وكأنها صاحبة ثأر معهم وتتشفى بالإنتقام منهم ؟ ويجيب هذا السؤال آخرون بقولهم : إن إدارة السد عندما استيأست من انتاج الكهرباء من سدها رأت أن تصب جام غضبها على المناصير وكأنها تحملهم نتائج فشلها ، أو ربما تكون هي محاولة أخيرة يائسة منها لإجبارهم على مغادرة أراضيهم حول البحيرة لتستولى عليها للإستثمار فيها بدلا عن الكهرباء ولذلك لم تبال بإغراقهم بتلك الصورة العدوانية السادية حتى ولو تسببت فى انهيار السد أو جأر القاطنون أسفل السد من العطش كما فعل أهالى الحامداب وأمرى الجديدة وغيرهم . أو أنها بعد أن أدركت فشل مشروعها وانتاجه من الكهرباء عملت على رأي المثل الإنهزامى القائل : ( إن غلبك سدها وسع قدها ) . وإلا فهل يوجد تفسير آخر ؟ وفشلها سيكون مضاعفا إن لم تستطع إغراق جزيرة شرى ( رمز الصمود لأصحاب الخيارالمحلى ) والتى هب كل المناصير لوقايتها بالمتاريس من الغرق فى ملحمة لا تزال مستمرة.
خامسا وأخيرا :
لقد أصيب الذين يعرفون شركة لا همير العالمية ( الألمانية ) باليأس والقنوط من أي خير أو فائدة ترتجى من سد مروى بعد أن علموا أن إدارة سد مروى قد اختارت هذه الشركة مستشارة لها لتنفيذ هذا السد . فشركة لامير هذه ذات سمعة سيئة معروفة فى كافة أنحاء العالم وأدينت قضائيا فى عدد من القضايا المتعلقة بالفساد فى بناء السدود فى عدد من الدول . وقد وضعها البنك الدولى والبنك الأوربى فى قائمتهما السوداء ، ولا يسمح لها بالعمل فى أي سدود يقومان بتمويلها. وحتى الدراسة التى قامت بها هذه الشركة لمعرفة تأثير سد مروى على البيئة تم انتقادها بواسطة خبراء ووصفت بأنها قاصرة ومعيبة ، ولم تلتزم فيها بالمعايير الدولية لإعداد مثل تلك الدراسات . وأنها ما كان ينبغى لها أن تقوم بمثل هذه الدراسة لأنها صاحبة مصلحة فى قيام هذا السد . وأن بالسودان علماء أكفاء كان من الممكن أن يقوموا بمثل هذه الدراسة على خير وجه . وهناك لغط فى أن المجلس الأعلى للبيئة لم يجز دراسة شركة لامير فى أي جلسة من جلساته .
وشركة لاهمير العالمية الألمانية كما ظهر لى مواقع البحث بالإنترنت مشاركة فى إنشاء سد فى الأرجنتين يعرف بإسم سد ( ياسريتا ) مضى على إنشائه أكثر من عشرين عاما ولم يكتمل حتى اللآن وارتفعت تكلفته من مليار ونصف مليار دولار الى أكثر من عشرين مليار دولار ولم ينتج كهرباء حتى الآن !!
وأخيرا ، فمن المؤكد أنه لا إدارة السد ولا أحدا غيرها من المختصين سوف يعقب على ما جاء فى هذا المقال من مخاوف حقيقية بإحتمال انهيار السد ولا عن اسباب تأخيره لإنتاج الكهرباء ... فلمن يا ترى تقرع الأجراس ؟

..
.
شكرا للاخ محمد عبدالله للمقال الوافى
ومازال السؤال

Quote: فلمن يا ترى تقرع الأجراس ؟

_________

ولم ينتظم التيار الكهربائى حتى
امس .. فحتما نعانى من هؤلاء !!؟

الاخ صالح تبلدينا... تحيه طيبه

Quote: من المسؤول عن إخـتفاء كهرباء سد مروى.. !؟

ياصاح لوبقت علي اختفاء الكهرباء وسد مروي وبس يكون ماقصروا معانا ... نحن خايفين علي السودان الواسع دا يختفي ..

زي فص الملح في المويه والمؤشرات كثيره ياصالح ...

مودتي

..
.
وعاودت الكهرباء قطوعاتها فى الايام الثلاث الماضية
بلا جدوله ولا اعلان .. فجاة كدا بدون مناسبة تقطع
تتصل يقول ليك صيانة ..

حقيقة لا زلنا نطالب المجلس الوطنى ومجلس الوزراء
بمحاسبة مدير وحدة السدود ومدير الهيئة القومية للكهرباء
لعدم مسؤوليتهم ومتابعتهو تقيمهم لمشارع التنمية والتى تهم المواطن
فلقد مزقت فعلا كل الدول فاتورة الكهرباء والماء والعلاج
ونسي الكثيرون بان هناك شئ اسمهو كهرباء نسبة لعدم انقطاعها
( السعودية وماليزيا والامارات وامريكا حتى مصر يعنى نحنا لسه فى الصفر )

Quote: ياصاح لوبقت علي اختفاء الكهرباء وسد مروي وبس يكون ماقصروا معانا ... نحن خايفين علي السودان الواسع دا يختفي .. زي فص الملح في المويه والمؤشرات كثيره ياصالح ...

والله بالانا شايفو دا هو السودان ما فضل ليهو شئ !!؟
الاراضى بيعت من جبل اولياء وحتى القطينة بمحاذاة النيل وغرب الاسفلت
وشرق النيل ما فضل فيهو شئ ياخى اليمنيين عملو 3 مدن سكنية
بس الكويس انها مدن سكنية فى السودان ..

____________

محمد سيد احمد شكرا على المقال الوافى
ونعود للتفاصيل