عريان العرض ما بسترنو هدمو

..
.
عريان العرض ما بسترنو هدمو

وحقيقة عريان العرض الهدوم ما بسترو
ومعبر عن اشياء وواقعيات كثيرة نراها ونقرائها هنا وهناك
ومن الامثال الشائعة وطبعا بلاشك تعرفون من هو صاحب
هذا المثل ويتخذه كشعار .. والله طولتو الغيبة
والله دى ما كانت غيبة الله ينجحوا( سمسموتى) دا
وبالله يا (امنا) لو عايز مساندة فى اللهجة العامية والتراثيات
انحنا فى الخدمة بس اهم حاجة ما يتكلم معانا بالجرمنية لانى
ما بعرف فيها غير ميد ان جيرمان ..
ويا ريت النداء دا يجيبك لينا تاني ..
لو عشان خاطرى انا دا وكل البحبوك .. يا ريت
وخليك من الناس البقولو ليك تانى ما تجى ديل ما عندهم موضوع

الحوت ما بهددوه بالغرق

وهل هناك حوت يستطيع من يغرقه يا ماما دومه؟؟
وهو من الامثال التى اطلقها اخونا المبدع الصادق
وقد كان هناك فى يوم ما من خارطة الزمن بوست بهذا العنوان
وشمل عدد كبير من الامثال الشعبية وضم الفطاحلة
من الملمين بتلك الامثال كالحليلة و ابوريشه ودومه ايضا
ورغم غياب الصادق لظروفه لعملية لكن نسال الله ان يعود لنا ايضا
بعد انقطاع وحرمه المصون تغريد ..
وعلى الاقل لو ما قدرو يدو الباص ورد( لصفصف ) وبدل ما يقابض
فى الدركسون احسن يمسك الكى بورد دا ويشارك بدلهم


اللكيع بقع من البرش

اها الزول الشليق بنبرش من اى مكان
وما اكثر اللكيعين هذه الايام يعنى بالله طه زولنا دا
ما لكيع ..
اها بالله ايدكم معانا عشان الناس ديل يجوا يشاركونا
ورغم مشغولياتهم ورغم الظروف التى ادت لانسحاب البعض
منهم ..

ولنا عودة لامثال اخرى وشخصيات نفتقدها...

تبلدينا يا أصيل
أولا بركة الشفناك إنت زااااتك
والجابك .. أكيد حا يجيب الإبنة دومة
تحياتنا ليها وين ما كانت - لو وقعت في عينك
تشكر
وفي انتظار دومة .. عايزين دومة .. عايزين دومة

سلام

موضوع شيق وحيوي ياعزيزنا تبلدينا

ali

عزيزي تبلدينا

اشكرك علي فتح موضوع حيوي , كما اشكرك علي شعورك النبيل نحو اسرتنا ولم تغب زكراكم عن احاديثنا و التطرق لمشاركات حفرت في صلب زاكرتنا, نحن لكم وانتم منا ....

عودة للموضوع

الأمثال هى خلاصة تجارب انسانيّه يتم صياغتها فى صورة عبارات موجزة تعبّر عن مضامين هذه التجارب والحكم والمواعظ المستقاة منها

وتختلف المرادفات والألفاظ المستخدمه فى صياغة الأمثال ودلالات هذه الأمثال من شعب الى آخر بفعل تباين الظروف الاجتماعيّه والعادات والتقاليد والعوامل الطبيعيّه والخلفيّات التاريخيّه والثقافيّه...الخ

وقد يختلف تقبّل الفئات الاجتماعيّه المختلفه لأحد الأمثال تبعا لاختلاف هذه الشرائح من المجتمع فى الخواص والمستويات الاجتماعيّه والفكريّه
كما يلاحظ وجود أمثال تحمل حكمة أو مغزى معيّن فى ظل وجود امثال أخرى تحمل حكمة أو مغزى مخالف ومضاد... وهو مايدل على تباين الجكمة والاستدلال تبعا لتباين ظروف التجربه البشريّه التى أفرزت الحكمة والاستدلال المصاغة فى صورة المثال

وتعتبر الأمثال الشعبيّه أحد الفروع الهامّة التى يبحث فيها علم الاجتماع وعلم نشوء الشعوب والأجناس وعلم الأنثروبولوجى , وذلك لأنّها تعتبر بمثابة فهرسة لعادات وطباع وتجارب وتراث وثقافة ومفاهيم الشعوب ويوجد كتاب لأبو الفضل ( أحمد النيسابورى) يحمل عنوان "الميدانى" وهو الكتاب الذى أعتبر أول كتاب جامع للأمثال العربيّه القديمة ( ظهر الكتاب فى القرن السادس الهجرى)

وسوف اشارك ببعض الامثال لاحقا اريد ان اضعها في مجموعات واتمني ان نناقش سلبية الامثال الشعبيّه في تغير نمط الشعوب ايضا

مع خالص تحياتي

..
.
العزيزاهل العوض
شكر ليك لتجديد النداء
ولكثير السؤال يا ذوق
واعتقد حقا قد حان الوقت لوجودها
ويا ليتها لو عادت
وتترك المثل البقول

الباب البجيب الريح سدو واستريح


الفاضل دقنه
طيب ياخى ما تخش شمال
شنو دا امثال ما شكلة والله

وسمح الكلام فى خشم سيدو


الصادق
التحية ليك يا ابو مصطفي وام مصطفي ومصطفى فى ذات تفسه
حفظه الله ورعاه وخضر به عودكم ..
وا ن شاء الله ..
ود الوز عوام

لقد اثريت البوست بمداخلتك الثره
ولا ادرى فاجاتنى بقرار فراقك فهلا تراجعت
وعليك الله ما تتبع لي سياسة

ابعد عن الشر وغنيلوه

واسال مجرب وانت ( الخبير ) ..

دا قطع راس لمن اجى تانى

الصلاه هنا اقيمت وابليس خامينا

دمتم

..
.
مع الاحداث المتسارعة هنا

الناس فى شنو الحسانية فى شنو ؟؟

والتسوي كريت بتلقي فى جلده

والفي القدره بتجيبو المقراف

واخيرا قالو
سهر الجداد ولا نومو
وكل ديك فى بلدو عوعاى
والبيتو من قزاز ما يجدع تاناس بالحجار


ومع الخروج
الداير أقول النصيحة يخت عكازو جنبو

وقبل الخروج للوالده دومه

شنو عامله اضان الحامل طرشة
وكمان سويت ليك اضان جلد
وانا مستعد اجيب ليك لبن الطير
وما بقي الا اسوى ليك من الفسيخ شربات
وما بقدر اتم قالو سمح الكلام فى خشم سيدو

بحاول اجيب ايميل ابوريشه فى المره الجاية
رسلو لى من ايام زمان ..

سلام
التلج قرب يسيح
اوصلو بيت البكا عشان الضيوف مسخنين

الرائع تبلدينا
نتمنى عودة الخالة دوما لتشارك في هذا البوست الرائع

قلنا نشيل معاك يا تبلدينا الحنين

يمكن غنانا يرجع الغايبين

..
.
السيد/ ابوالنسب ابوريشة
كان دوما مبدعاً فى صياغةالامثال وما زال يحتفظ بهذه التى
التى وصلتنىمنه قريباً

Aburisha
Monday
Sept 03
2001
02:08:05
GMT

Tabaldina
وينك يا ضي الرتينة عمك شويةمارود
ولض امى وااى ابوي هاكا
القصة دى بكلام اهلنا ناس دار صباح قمت
أنا ابوريشة دا جكست لى واحدة فى الخرتوم
ويا ناس الخرتوم معليش
الدين ممنوع والزعل مرفوع اوصفها ليك الاول
شى الشعر تحية الظابط
وخاتفه لونين وسماح النبق فى الطبق
لا يعجبها العجب ولا الصيام فى رجب
وتصدق يا تبلدينا طولها طول النخلة وعقلها عقل السخلة
وغايتو الجاتك تختاك ياابوريشة
فيها هبالة التابانى
وكلامها مسيخ زى كلام خشمى دا؟؟؟
وشنافه ؟؟ شنافه ؟ غايتو الفيك بدر بيه
دمها قراد بس وروحها مشعتفاها
وغايتو ما اكتر ليك لكن
لو شفتها تدقها بلا غبينة؟؟
وبعد دا كلو ضفرتنى ضفر سوت فينى حاجات
ما بسويها النجار فى الخشب
جكساية ما بتعرف الا اللت والعجن
وكانه يا دنيا ما فيك الا اناوقاعد اوديها
الكافتيريات وبكانات المرطبات بالله بس
اكل السوسه والعافيةمدسوسة
وانا مفتكرها مره بس واحدة تدفع بالله تعمل ليك
حميل مات ، مره كدا اخوك
كان مكنب قال ليها ادفعي
بالله سوت ليك اضان جلد
وكان كان اتكلمت زيادة تسوى من الحبة قبة
وتعمل فيها زيطة وزمبليطة
وهى ما عارفه كوعه من بوعها
غايتو يا ود اخوى
هى مسيخه وممصمصصة
وانطبق على المثل البقول
الشقي عمرو ما يسعد زولاية
وان شاء الله تزاول من ضلها
عينها قوية وسنها ملوية
لا بترحم لا بتخلى رحمه الله تنزل
ومشكلتى بعد دا كلو ميت فيها موت
وكاسره فينى ضلع وانت عارف
الغرقان بتعلق بالقشة
اى حاجة دايراها بسويها ليها
مستعد اجيب ليها
لبن الطير ، بشكرها وبغنى ليها بقول
الرقيبة قزازة عصير والعيون متل الفناجين
والسنون براقن يشيل
وما بقدر اتم قالو سمح القول فى خشم سيدو
وما باقى لى الا اسوى ليها
من الفسيخ شربات
وبعد دا كلو عاملة داقسة بس تلقاها لافا
عند الجيران زى
كلب الحر تغربل ليك الشارع وتحوس وتكوس
زى العاضيها كلب جحمان وكان اتكلمت معاها
بس كلامها دراب دراب ، يلف قطرك ويقصقص مصارينك
ويسل روح والسم الهارى وانا قاعد اعاين ليها
ببس شنلقّ عينو بلينق
بالله شوف يا ود اخوى اخر الجزا اذا؟؟
انا لمن لقيتها اول مره كانت
زى الجدادة الدقتها المطره ؟؟ ما تساوى نكله
وما تشتريها بتعريفه؟؟؟
عاملة زى بت ام ليون كدا وبعد دا قال بتتراشق ؟؟
وهسع سمنت ومخمخت تقول بتاكل مع عميانيين
شوف من عباطتها
لابسه ليها بنطلون ساترها وبعد داك من فلسفتها
لابسه فوق البنطلون
قميص جكسا فى خت سته ؟؟
من شدة ما زعلت منها قربت اجر شفاط
جكساية شوم؟؟ شوم ؟؟ شوم ؟؟
كن مشت للبحر تلقها مويته كملت
غايتو يا تبلدينا لقيت نفسي فى خيص بيص ؟؟
وقلت اسوى شنو ؟؟ قلت يا ابوريشة براك شلتا
اصبعك طبزت بيهو عينك ؟؟
المهم مشيت المطعم مليت امدرمان
وقطعت لى كوز موية
وقلت يا ولد اتمسكن لمن تتمكن ؟؟
وبعد داك وريها العين الحمرا هى ما عارفانى ؟؟
انا واقع من السما سبع مرات
انا الشافو خلو ؟؟
ِAbrushia
الكدب حبلو قصير

وان شاء الله برسل ليك مشاركة MAAM وِAlhilayla زمان

...............

الشكر لابوريشة للحاجات السمحة الزمان
وحليل زمان ..

..
.
الصبر الببل الآبري !!
ما شايفنى شغال براي ..

احتراماً وشكرا للزاجل ..

التبلدى الناير

يا حليييييييييييييل حبيبنا الفكى ابو ريشة يلحقنا وينجدنا

الاخت دومة حزينة لان الهتاويل تقع فيها من حيث لا تدرى
هى المرأة الصميمة الما بتقول العوج
يعبروها على السيف
لكن كعبة ام بنايا قش البتخلى
الزينة تبقى جعرانة و بالعكس
سلامى لابوريشة

تبلدينا..

سلام وتحايا..

معك ودوما صاحبة الحق أقول:

عريان العرض ما بسترنو هدمو

..
.
سلام يا دكتورة

عارفه انا ماما دومه دى طنت عايزه تقعد
عشان
سهر الجداد ولا نومو
ولازم تعرف انو
الخلا عادتو قلت سعادتو
ولازم تقتنع انو
الضعينة سايره والكلاب تنبح

وشكرا للطله

دمت