وداع تبلدين .. بنكهة مديدة الدخن

وداع تبلدين .. بنكهة مديدة الدخن


07-02-2004, 11:38 AM


  » http://sudaneseonline.com/cgi-bin/sdb/2bb.cgi?seq=msg&board=147&msg=1200284428&rn=78

Post: #1
Title: وداع تبلدين .. بنكهة مديدة الدخن
Author: ابو جهينة
Date: 07-02-2004, 11:38 AM
Parent: #0

وداع شخص في قامة شجرة التبلدي هو أمر صعب ..
معناه فقدان ظل وارف ..
و في وداعه
تقاطر بورداب الرياض كعهدنا بهم .. يحدوهم الوفاء .. و يتقدمهم الحزن الدفين لفراق الزميل صالح ..
حضر معظم الأعضاء
صديق الموج ( فاكهة الحفل .. دينمو الحفل .. كسا الحفل بلون بهيج )
ود قاسم
البعيو
حمزاوي
ديموقراسي
عمر مهدي
دكين
معتصم
تمبس
شتات
اسماعيل وراق
نصار الحاج
محمد الشيخ
وليد399
عبد الباقي
هاني أبو القاسم
الصادق خليفة
ولياب
( صلاح غريبة إعتذر لظروف خاصة )

و غاب الآخرون

ود شندي ( جاء بسيارته مع نفر من أصدقاءه و أهله و حدد لنا موعد زفافه الميمون ) منتصف يوليو الجاري

عذرا إن نسيت أحدنا ..

بدأ الحفل بآيات كريمة تلاها الأخ الصادق خليفة ..
أدار إسماعيل وراق الحفل بإقتدار معهود..
ود قاسم ألقى كلمة ضافية عن المحتفى به ..
ألقى أبو جهينة كلمة سودانيز أون لاين ..
شملتنا دار الصالحية بكرم سوداني أصيل .. إبتداءا من رئيسها الأديب عبدالمنعم عبد العال حميدة الذي رحب بنا بكلمة ضافية و أركان حربه .. و أعضاء الدار فلهم الشكر ..
شنف آذاننا نصار الحاج و الشاعر أحمد يوسف بقصائد جميلة ..
و رقص الجميع على صوت الفنان مرزوق و الأستاذ زكي عبدالكريم و الفنان عزالدين آدم ..
محمد الشيخ .. إنلق على سجيته بالغناء بأغاني الراحل المقيم مصطفى سيدأحمد ، ختمها بأغنية ( الحجل بالرجل ) تيمنا بالمغادر تبلدينا حتى ( يسوقنا معاهو ) ..
مسك الختام كان العشاء الذي صمم ( المينيو ) الخاص به صديق الموج ، ختمها بكاسات من مديدة الدخن و التي أعطتنا القوة و الإنتعاش لنواصل بعد إنتها الحفل إجتماعا إمتد إلى الساعة الرابعة صباحا لمناقشة بعض الأمور التي تخص البورداب..

لله دركم أيتها الكوكبة المترابطة ..
سفرا سعيدا تبلدينا و وفقك الله في حلك و ترحالك ..
و نكرر الشكر للأخ صديق الموج .. و لأسرة دار الصالحية ..
و دمتم
Post: #2
Title: Re: وداع تبلدين .. بنكهة مديدة الدخن
Author: صديق الموج
Date: 07-02-2004, 01:49 PM
Parent: #1

Quote: مسك الختام كان العشاء الذي صمم ( المينيو ) الخاص به صديق الموج ، [
/ QUOTE]

قالوا بلدا ما فيها التمساح يقدل فيها الورل طبعا ما معقول مع الرطانة ديل الزول
كان يلقى فرقة فى حكاية المطبخ والمنيو دى غير الطريقة دى...وفعلا هذا يوم نتمنى ان
لو يجود الزمان بمثله او بغيره فبالرغم لحزننا لفراق تبلدينا الا ان لقاءنا بلاحباب
خفف من وطئة الفراق...وحكاية المهندس والمجهود دى اشاعة من ود قاسم وتبلدينا عشان
يحفزونى لان راجياهم كم مناسبة كدى ودايرات مجهود،الا اننى افتكر نجم الحفل كان
ود الشيخ فقد اوتى بالامس داوؤد مزمار ونال قرب الموصل...الامانى لتبلدينا بالتوفيق
ولبورداب الرياض كل الود.
Post: #3
Title: Re: وداع تبلدين .. بنكهة مديدة الدخن
Author: jini
Date: 07-02-2004, 02:03 PM
Parent: #1

ما قلتوا لينا تبلدينا وتبلديكم ماشي وين خالي فرانكلين لي منوا!

جني
Post: #4
Title: Re: وداع تبلدين .. بنكهة مديدة الدخن
Author: Hani Abuelgasim
Date: 07-02-2004, 04:57 PM
Parent: #1


تبلدينا وعلى يساره الجد صديق الموج .. والمنصة: اسماعيل وراق - أبوجهينة - أ.عبدالمنعم و.....


ودقاسم وتبلدينا

آلاف التحايا .. بالمناسبة مديدة الدخن طلعت خطيرة والعزابة اتمقلبوا لكن الليلة الجمعة ما فرقت كتير
Post: #6
Title: Re: وداع تبلدين .. بنكهة مديدة الدخن
Author: معتصم دفع الله
Date: 07-02-2004, 09:51 PM
Parent: #4

رغم ألم الفراق والحزن الذي كسى الجميع ..
إلى أنهم كانوا كالعهد بهم ..
كالنجوم المتلألئة في حاضرة السماء ..
ينثرون الفرح وينشرون الضياء ..
إنهم بورداب الرياض الرائعون ..
وكان صالح كالتبلدي ..
عمق الأصالة وأريحية العطاء ..
وكنتم معنا بورداب العالم ..
حضوراً لا ينسى ..

الفنان مرزوق والشاعر أحمد يوسف والأستاذ عبدالمنعم عبدالعال وعلى حمد


شهادة تقديرية من أسرة سودانيز أون لاين بالرياض للأخ تبلدينا قدمها كل من ودقاسم وعلي حمد وعبدالمنعم عبدالعال وأبوجهينة وإسماعيل وراق


هدية تذكارية من بورداب الرياض للأخ صالح تبلدينا


ودشندي العريس كان حاضرا


الفنان الكبير زكي عبدالكريم غنى لتبلدينا


ديمقراطي وحمزاوي ونصار الحاج وعبدالباقي الجيلي


صلاح شتات وأبوجهينة وإسماعيل وراق


صديق الموج يصمت برهة ويتفجر طرفة والصادق خليفة كاميرا مان


بورداب الرياض في صورة عائلية


محمد الشيخ يتفجر مدينة وناي .. غنى كأروع ما يكون وبجواره عمر مهدي


الخال ودقاسم مبتسما بين إبناء أخته شتات وتبلدينا


وبقية الصور تأتي تباعاً ..
Post: #48
Title: Re: وداع تبلدين .. بنكهة مديدة الدخن
Author: Tabaldina
Date: 07-04-2004, 05:06 PM
Parent: #6

..
.
والله يا معتصم انت ما بتعرف تصور
ياخى فضحتنا
شوف الخال دا عوجت ليهو قدمو كيف ؟؟
وشتات التقول مركب طقم ؟؟
وخليتنا زى الهبل الواحد ما عارف نفسو
دى الاضاءة ولا دى مديدة الدخن ؟؟
الواحد الا يمشى الاستديو تانى
اوجه حاجة كانت اللوحة ما اديتونى ليها لمن نسيتها
عمر مهدى قال ليك ما جبت صورتو من قريب ..
بعدين انت زاتك وشك مالو اتكرمش كدا الكاميرا مضروبة
ولا بكيت مع اداء ود الشيخ

بجيك تانى
Post: #54
Title: Re: وداع تبلدين .. بنكهة مديدة الدخن
Author: معتصم دفع الله
Date: 07-06-2004, 02:11 AM
Parent: #48

تبلدينا ..
تعرف أنا صورت صور والكاميرا أدتني صور غير الصورتها ..
حلوة دي زي الفزورة مش كدا ..
نعمل ليكم شنو القال ليكم كتروا في مديدة الدخن شنو ..
الله يجازي محنك يا ودالموج ..
نعمل شنو في لحظة بكينا مع ودالشيخ ..
ومن ناحية تانية " زاد شجونا " للوطن الحبيب ..
يا عمر إنت ما متابع الصور دي كويس ولا شنو ؟ ..
Post: #5
Title: Re: وداع تبلدين .. بنكهة مديدة الدخن
Author: ودقاسم
Date: 07-02-2004, 09:49 PM
Parent: #1

كتبت هذا لأجعله بوست منفصل ، لكني وجدت بوست أبوجهينة ، وقلت الحالة واحدة ،،

بورداب الرياض يزفون تبلدينا إلى السودان من داخل رابطة الصالحية
البارحة ، أمسية الأول من يونيو 2004 م وحتى صبيحة الثاني منه ، ومن داخل قاعة الكاشف للفنون بدار رابطة الصالحية الرياضية الثقافية الاجتماعية ، زفّ بورداب الرياض شاعرهم الشفيف صالح عبد الرحمن ( تبلدينا ) في بداية رحلته في طريق الرحلة العكسية للوطن ،، وكان تبلدينا قد اتخذ قراره بداية صيف هذا العام بالعودة النهائية للاستقرار بالسودان والتأسيس لانطلاقة جديدة للمستقبل ،،
وكعادة لقاءات بورداب الرياض ، كان اللقاء حميما في إطار الأسرة الواحدة ، وكانت الكلمات تخرج بصدق من صدور المشاركين ، وظلت البسمات مشرقة طيلة اللقاء الذي امتد حتى ساعات الفجر الأولى ،، وكان مستوى الحضور عاليا ، وانطلق الحفل مبكرا بالقرآن الكريم ، ثم الترحيب بالحضور وبمشاركة قيادات رابطة الصالحية ،، وقد اتفق أن الحفل ليس حفل وداع ، إنما هو حفل زفاف للأستاذ تبلدينا في رحلة عودته إلى الوطن ،، وانطلق الغناء ، والفرح يقوده الفنان الرائع مرزوق ، وانطلقت أهازيج الفرح ، وتوسط الشباب قاعة الكاشف للفنون ، وانطلقوا مبشرين متمايلين مع أنغام طربة يشجو بها الفنان مرزوق ،، ثم كانت المفاجأة حين اطلق الفنان مرزوق صوته الشجي بأغنية نوبية ، لينطلق المارد الساكن في داخل الأستاذ حمزاوي فيقفز إلى وسط الحلقة حصانا ماردا يتراقص على أنغام النوبة الأصيلة ، وقد شاركه في الرقص الأستاذ منتصر عبدو ، ذاك الذي تزوج عبر سودانيزأون لاين ،، ثم انقلبت القاعة كلها إلى حالة طرب نوبي ،،
قدم أبوجهينة كلمة بورداب الرياض ، وأبوجهينة رصين كعادته ،، فأطلق التهاني والأماني لتبلدينا ولبورداب الرياض ولرابطة الصالحية ولسودانيزأونلاين ولقائدها بكري أبوبكر ،، ثم قدم إلينا الأستاذ اسماعيل وراق – مقدم الحفل –الفنان الشهير الأستاذ زكي عبد الكريم ،، الذي أطلق العنان للطرب الأصيل ، فهاجت القاعة في عرضة جماعية ، لم يسلم منها أحد ،، الجميع استجابوا لشدو الفنان زكي عبد الكريم ، وانضم إلى الحفل الأستاذ ( ودشندي ) قادما من المنطقة الشرقية ،، وألهب القاعة بالعرضة الجعلية ، وكان شتات ومعتصم دفع الله وتمبس وعمر مهدي وأحمد حنين يقودهم كبيرهم صديق الموج ، كانوا جميعا مشاركين بالعرضة ،،
والشعر كان له نصيب من حفل زفاف تبلدينا في رحلة العودة ،، فقدم الشاعر نصار الحاج درره ، وأحالنا إلى مستمعين مستمتعين ،، كذلك شارك الشاعر أحمد يوسف حمدالنيل بقصيدة طويلة ورائعة ،، وأعقبه شتات بنتف شعرية ،،
ثم انضم إلينا الفنان عزالدين آدم ، الملقب بابراهيم عوض الصغير ، فغنى لنا تذكار عزيز ، وذكرى الجميلة ،، فتتابع الانبساط والتعبير رقصا ،،
وكان الأستاذ محمد الشيخ لقطة اللقاء ،، فقد تغنى محمد من أعماقه ، وأجبرنا على المتابعة والغناء معه والتمايل والطرب ،، وكانت وصلته بالفعل حديث كل الذين حضروا الحفل ،،
وقد تفضل الأستاذ عبد المنعم عبد العال حميدة رئيس الرابطة الرياضية للسودانيين بالخارج بكلمة ضافية رحب بها ببورداب الرياض ، وأشاد بنهجهم ، وقال أنه وعضوية الرابطة الرياضية يتابعون المنبر باعتباره ديوانا ثقافيا سودانيا ووطنيا يعكس روح الحوار الفكري الجاد ،، كما أبان أن الرابطة الرياضية جسم مفتوح لكل الفعاليات الاجتماعية والثقافية السودانية وأنهم يرحبون بمجموعة سودانيزأون لاين بالرياض في دار الرابطة في كل الأوقات ، وتقدم إليهم طالبا منهم الانضمام للرابطة حتى تصبح المجموعة جزءا من الرابطة ، وقد قوبل حديث الأستاذ عبد المنعم بترحاب كبير من البورداب وقاطعوه بالتصفيق عدة مرات .. ومن جانب الرابطة أيضا حضر اللقاء معنا الأستاذ علي حمد وعدد آخر من عضوية الرابطة ،،
كذلك شاركتنا بالحضور رابطة الصحفيين السودانيين بالسعودية ،، ممثلة في الصحفي الحصيف التجاني محمود
ومن جانب البورداب شاركنا بالحضورالأخ عبد الباقي الجيلي الذي انضم حديثا لمجموعة بورداب الرياض ،، كما شاركنا بالحضور الشقيق هاني أبو القاسم ،، حيث اكتشفنا أنه أصغر الأعضاء عمرا ،، وكان أنور البعيو أيضا حاضرا بعد غيبة طويلة ،، وحضر اللقاء عدد من أصدقاء سودانيز أون لاين ،، وتلقينا العديد من الاتصالات الهاتفية من بورداب السعودية والعالم ..
وقد تغيب بعض الأعضاء ، وافتقدنا الكثير ممن اعتدنا على مشاركتهم ، ولعل بعض الظروف حالت دون حضورهم ،،
والعشاء كان لقطة أيضا ،، فقد كان البوفيه عامرا بشتى المطائب إلا أن الزقني بالكسرة الحبشية وعصيدة الدخن باللبن شكلتا حدثين هامين ضمن قائمة الأطعمة ،،
وقد بذل الأستاذ صديق الموج مجهودات خارقة ليخرج الحفل بهذا المستوى من البهجة ، فقد أشرف وتابع ونفذ كل ما توفر لنا في هذه الأمسية ،،
نتمنى لتبلدينا كل توفيق في توجهه الجديد ، من داخل السودان ،،
Post: #49
Title: Re: وداع تبلدين .. بنكهة مديدة الدخن
Author: Tabaldina
Date: 07-04-2004, 05:19 PM
Parent: #5

..
.
شكرا ليك يا خال على كل شئ

وبالجد ود الشيخ دا من مصر لقطة كدا
خلى بالك منو ؟؟ ضيعوهو ساى الناس الماعارفه
ولا كيف ؟؟؟

احترامى
Post: #7
Title: Re: وداع تبلدين .. بنكهة مديدة الدخن
Author: عبد الباقي الجيلي
Date: 07-03-2004, 07:21 AM
Parent: #1

كنت في الواقع أود إيراد مداخلتي على الحدث بالأمس في بورد أحد الأعضاء المخضرمين وعندما ما وجدت أحداً أدلى بشئ أحجمت (للسن أحكام)

ثم أنني كنت متوجساً قليلاً كوني أحدث الأعضاء من التعامل مع أناس لا أعرفهم قبلاً ، لكن دفء الاستقبال والصديق الزميل نصار الصادق الحاج وأريحية الخال ودقاسم والعم صديق الموج أذهب عني الروع .

وهذه بعض مشاهداتي :

اتضح لي إنو نحن العواجيز ، وناس العم صديق الموج والخال ودقاسم وودجهينة والجد حمزاوي والأخ الأكبر صلاح شتات ، هم الشباب

حمزاوي حتّ ليهوشوال قرض كامل !

أما صديق الموج فقد أمسك بالساق وحت الشدرة كلها !


الجماعة المخضرمين (أرباب الأسر) غشونا بمديدة الدخن ، و (ناموا) مطمئني البال !!!

ود شندي عَرَض بالطول والعرض

بينما كان صديق الموج هو فاكهة الحفل فقد كان تمبس شوكولاتتها!

(ولدنا الأنيق الفنان) معتصم دفع الله كما قال الأستاذ عبدالمنعم عبدالعال والصادق خليفة وهاني وتمبس اجتهدوا كثيراً في توثيق الحدث

ود قاسم وصديق الموج كانا مهندسي الحفل بلا منازع ، فلهما التجلة

حفل قرنفل والمشاركة في زواج ودشندي هما المناسبتان القادمتان ومؤكد ح نشوف فيهم غابة قرض كاملة تتحت !!

تبدلينا الشفاف الرقيق اعترضت عَبرة حديثه الشجي فكان صمته وابتسامته أبلغ تعبير ، لنا منه دعواتنا بالتوفيق وعل الشجاعة تواتينا فنلحق به ...
Post: #8
Title: Re: وداع تبلدين .. بنكهة مديدة الدخن
Author: الصادق خليفة
Date: 07-03-2004, 08:06 AM
Parent: #7

الاخوة الكرام

ان كان الحديث من فضه فالصمت من ذهب بل ابلغ تعبير ،،

الكل كان رائع كعادته وهؤلاء بورداب الرياض كعادتهم ، تسلموا جميعا


ولي عوده
Post: #9
Title: Re: وداع تبلدين .. بنكهة مديدة الدخن
Author: ترهاقا
Date: 07-03-2004, 08:51 AM
Parent: #8


إعتـــــذار للاخ تبلدينا والاخوة بورداب الرياض

لعدم تمكنى من الحضور لظروف خارجة عن إرادتى بعد ما عملت
كل الترتيبات مع الاخ ابو جهينة .

حظا سعيدا اخ تبلدينا فى ربوع الوطن
Post: #10
Title: Re: وداع تبلدين .. بنكهة مديدة الدخن
Author: ابو جهينة
Date: 07-03-2004, 09:00 AM
Parent: #9

فاتنا شيء مهم لم نذكره هنا :

و هو إتصالات زميلاتنا و زملاء لنا من على البعد مشاركين تبلدينا هذا الحفل و هم :

ميادة ست البنيات من الرياض ( قبال ما تجي تلومنا )
حنينة من لندن
خالد الحاج من هولندا

فالشكر موصول لهم جميعا ..

معتصم : باقي الصور الخايفين عليها
صديق الموج : مافي باقي مديدة باقية ؟

ترهاقا : إتصل بى لو أمكن
Post: #11
Title: Re: وداع تبلدين .. بنكهة مديدة الدخن
Author: ابو جهينة
Date: 07-03-2004, 09:29 AM
Parent: #9

فاتنا شيء مهم لم نذكره هنا :

و هو إتصالات زميلاتنا و زملاء لنا من على البعد مشاركين تبلدينا هذا الحفل و هم :

ميادة ست البنيات من الرياض ( قبال ما تجي تلومنا )
حنينة من لندن
خالد الحاج من هولندا

فالشكر موصول لهم جميعا ..

معتصم : باقي الصور الخايفين عليها
صديق الموج : مافي باقي مديدة باقية ؟

ترهاقا : إتصل بى لو أمكن
Post: #12
Title: Re: وداع تبلدين .. بنكهة مديدة الدخن
Author: ابو جهينة
Date: 07-03-2004, 09:30 AM
Parent: #9

فاتنا شيء مهم لم نذكره هنا :

و هو إتصالات زميلاتنا و زملاء لنا من على البعد مشاركين تبلدينا هذا الحفل و هم :

ميادة ست البنيات من الرياض ( قبال ما تجي تلومنا )
حنينة من لندن
خالد الحاج من هولندا

فالشكر موصول لهم جميعا ..

معتصم : باقي الصور الخايفين عليها
صديق الموج : مافي باقي مديدة باقية ؟

ترهاقا : إتصل بى لو أمكن
Post: #50
Title: Re: وداع تبلدين .. بنكهة مديدة الدخن
Author: Tabaldina
Date: 07-04-2004, 05:34 PM
Parent: #7

..
.
ود الجيلي

لقد اخلتم تواضعنا بالجد ياخى
الواحد بالصورة دى بقوم :'(

ونحن فى انتظارك ..

مع الود
Post: #13
Title: Re: وداع تبلدين .. بنكهة مديدة الدخن
Author: صديق الموج
Date: 07-03-2004, 09:57 AM
Parent: #1

من المتصلين ايضا يا شباب اخونا العزيز يازول يازول ..هشام شيخ الدين وقام قال لى خت فى الكشف
اولاد شيخ الدين 5 جنيه ..يعنى هو والصادق ابو امنة وتماضر وقصى همرور..المهم تحياتكم وامنياتكم الطيبة وصلت لتبلدينا وبشكركم جدا،

اما حكاية الصور خلوها على الله ...لانى انا رسلت للوالدة قلت ليها رسلى لى عفوك وصورة من
صورى بتاعت تحرمنى منك زى حقت ود قاسم عشان اقشر بيها فى البورد يقوموا الشفع المطاميس
ديل هانى ومعتصم ينزلوا لينا الصوره الحقيقيه ويكشفوا المستور...ومن هنا ولى قدام حلفت
ما القى لى بوردابى مدسى ليه وراء صورة قديمة الا افضحوا ليكم...
Post: #14
Title: Re: وداع تبلدين .. بنكهة مديدة الدخن
Author: إسماعيل وراق
Date: 07-03-2004, 11:33 AM
Parent: #13

ليلة ويا لها من ليلة، رغم إختلاج الحزن بالفرح إلا أن الجمال كان حضوراً في قاعة الكاشف بدار مدني، الجميع يدثرون بثياب المحبة والوئام، آتوا جماعات وفرادى لوداع أخ عزيز، شامخ كما التبلدي، هكذا أختار ليكون إسماً له، صديقنا العزيز صالح عبد الرحمن، إبن الأبيض البار.
شعر، وطرب، وحديث مموسق موزون، همسات وإبتسامات وضحكات من الأعماق مجللة، تعليقات لا تخلو من الدعابة هنا وهناك، كان هذا هو جو الحفل.

تحدث ود قاسم، فأفصح وأبان، تكلم الرصين أبو جيهنة فكانت الكلمة تأتيه مجرجرة إذيالها، خضوعاً وأدباً، إحتراماً لقامة حاكيها.

نصار، أحمد يوسف، صلاح شتات، والشعر من نفس الرحمن مقتبس، كانوا حضوراً جميلاً، أطربوا الكل بدرر الحديث.

تمبس، الصادق خليفة، معتصم دفع الله، وليد، عمر مهدي، جميعهم رسموا لوحة زاهية وجميلة لهذا الحدث المتفرد، فكان الإبداع في التصوير وتسجيل اللحظات الجميلة الصادقة.

مرزوق ذلك الحلفاوي الرائع، غنى كما لم يغني من قبل، رجع بنا سنوات وسنوات بأغاني الحقيبة، ألهب القاعة بهجة، فكنا نميل يمنة ويسراً، رقصاً مع صوته الدافئ الجميل.
تورط حمزاوي، وخرج من وقاره ولكنه خروج حميد، عرض بعمامته البيضاء الوضيئة كما لم يعرض من قبل ومرزوق يردد أحد الأغاني النوبية.

زكي ذلكم المبدع.. الرائع الذي غنى للوطن، والجمال والحب، كان حاضراً بقامته السامقة، صوته كان يلامس أوتارنا – والتي نحسب أنها حساسة – رجع بنا القهقري إلى زمان الطفولة البريئة ونحن نستمع لصوته عبر الأثير من هنا أم درمان، فالتحية له بقدر قامة إبداعه.

عز الدين آدم، أستاذ مبدع ، صوت جهور، ردد أغاني الفنان الذري إبراهيم عوض، فكان الإبداع بعينه، ألم أقل لكم أنها ليلة ليس ككل الليالي.

عبد المنعم عبد العال، ذاك الأسمر الجميل، رجل حباه الله بناصية الكلمة وتطويع حروفها، كان حاضراً بقامة الوطن الجميل، رياضي مطبوع، مدرسة متفردة ذات لونية خاصة، له باع طويل في العمل العام لا سيما الرياضي، كانت كلماته الجميلة لها وقع خاص في نفوس الحضور، فله التحية ولصنوه علي حمد ألف شكر وتقدير.

تبلدينا عريس الحفل، تحدث بالفصحى تارة وبالدارجي تارة أخرى، فكان حديثه صادقاً نابع من أعماق أعماقه، عبر عن مسيرته بالمنبر، تلمح في عينه أشياء كثيرة، صعب البوح بها.. تمنى الجميع له إقامة طيبة وسط أهله وأحبابه ورفاقه.

صديق الموج، الرجل الرائع، فراشة الحفل، نثر الجمال في كل مكان، حيثما كنت تراه، تارة يغني وتارة يرقص ومرات عديدة يخدم الحضور بكل تواضع وأدب، ألف مليون شكر لك أيها الرائع الجميل.

محمد الشيخ، مبدع من أبناء مدني الجميلة، غنى بكل أحاسيسه، فكان الجمال يقف مشدوهاً مشدوداً من فرض إبداعه، لك الود أيها الأسمر النحيل.

ودشندي العريس، قطع مئات الكليومترات ليشهد وداع أخيه تبلدينا، ويقدم بطاقات الدعوة لأحبابه بورداب الرياض لحضور زواجه الميمون، له التحية ولضيوفه التقدير.

هاني أبو القاسم، دكين وضيوفه، عبد الحفيظ، عبد الباقي الجيلي، ديمقراسي، أحمد حنين، ولياب، البعيو، وآخرون ربما أنساني الشيطان لهم، جميعهم شكلوا لوحة جمالية متفردة إسمها هنا الوطن الجميل، هنا سودانيز أونلاين.
Post: #15
Title: Re: وداع تبلدين .. بنكهة مديدة الدخن
Author: إسماعيل وراق
Date: 07-03-2004, 11:34 AM
Parent: #13

مكرر
Post: #16
Title: Re: وداع تبلدين .. بنكهة مديدة الدخن
Author: Rawia
Date: 07-03-2004, 12:24 PM
Parent: #15

اتمنى لتبلدينا اقامه مريحه وسعيده فى السودان
واحتفالكم كان رائع واكتر من رائع زاتو
وسعدت بالصور ومشاركه الاعزاء كلهم
معليش اسمحوا لى ارسل شويه رسائل لى بعض الحضور
محمد الشيخ وين انت
معتصم دفع الله سعدت برؤيتك
اسماعيل وراق حبابك
صلاح شتات اهلين والف مرحب
صديق الموج سعدت برؤيتك جدا جدا جدا
ابوجهينه حضورك عالى وراقى كالعاده
ود قاسم التحيه ليك يا راقى
نصار الحاج اهلا بيك
Quote: وقد تغيب بعض الأعضاء ، وافتقدنا الكثير ممن اعتدنا على مشاركتهم


طبعا يا ود قاسم انا حصل لى فصل بايخ جدا المهم نهايته ما قدرت القى طريقه اتصل مع انى وعدت ومحضره شعورى من بدرى
كنت اتمنى اتكلم معاكم فى لحظتها ديك عشان يكون لى الشرف فى الكلام مع معظمكم واودع تبلدينا
لكن ملحوقه




تمبس الشوق مطر
Post: #18
Title: Re: وداع تبلدين .. بنكهة مديدة الدخن
Author: Raja
Date: 07-03-2004, 01:06 PM
Parent: #16

الأعزاء زملائي بورداب الرياض..


سعدت للغاية وانا اتابع حفلكم - حدث وصورة - وقد اسعدني اكثر رؤية العزيز عبدالمنعم عبدالعال والتيجاني ابراهيم زملاء الخرطوم الرياضي..

تخريمات:

- أول مرة طبعا أشوف تبلدينا.. كنتا قايلاهو زول ضخم وشراني ..

- صديق الموج طبعا كانت مفاجأة رؤيتك (راجل عجووووز) ..

- ود قاسم تاني انا رسمي حأقول ليك يا خال ..

- معتصم برضو لقيت ليهو صورة مختلفة..

- دكين الشراني وينو ..؟

- صديقي محمد الشيخ.. تحية حلووووووة..

- اسماعيل وراق صديقي المنتظر البنوتة.. ربنا يطمنك..

- العزيز شتات.. وييين انت..؟

- تمبو... انا زعلانة منك بجد ..

- ديموقراسي.. انت جيت من الامارات ولا شنو..؟

- حمزاوي.. الصادق خليفة.. هاني.. نصار الحاج.. وليد399.. عبد الباقي.. عمر مهدي.. البعيو.. ولياب تحيات كتيرااات..

- أبو جهينة.. أهليييييييييييييييييييين.. وبس.

- العريس ود شندي.. منوًر..



كل التمنيات يا تبلدينا باقامة طيبة في اي مكان تمشيهو..
Post: #20
Title: Re: وداع تبلدين .. بنكهة مديدة الدخن
Author: ودقاسم
Date: 07-03-2004, 01:23 PM
Parent: #18

ماسينجر خاص ببنات العباسي :

راوية الأرقى
التحية ليك وعارفك ما بتقصري ،، وقد انتظرت منك اتصالا ، وبحثت لك عن العذر حين انتهى حفلنا ولم تتصلي ،، والجايات أكيد أكتر ،،

رجاء العزيزة
خال ،، خال ، وأنا لاقيك وين عشان أكون خالك ،، في كل الحالات أنا ربحان ،، سواء بسواء ، أن أكون ابن عبد الحميد العباسي أو أخ لأم أولاده ..
أهلا بك ابنة أختي ،،
Post: #44
Title: Re: وداع تبلدين .. بنكهة مديدة الدخن
Author: Tabaldina
Date: 07-04-2004, 04:46 PM
Parent: #18

..
.
Quote: أول مرة طبعا أشوف تبلدينا.. كنتا قايلاهو زول ضخم وشراني

بالله !!
ومال الواحد يوريكم العين الحمراء كيف
ما الا بجنس الهرش دا .. عارفه ناس كتار قايلين تبلدينا دا شجرة
تبلدى بالجد .. شربو المقلب ..

Quote: صديق الموج طبعا كانت مفاجأة رؤيتك (راجل عجووووز) ..

- ود قاسم تاني انا رسمي حأقول ليك يا خال ..



الاتنين ديل بالذات خال وجد شفتى الشيب الابيض دا ..؟؟
بس الكلام على الروح والله فتوه جنس فت

شكرا ليك وان شاء الله البينا عامره
طبعا لسه ما رديت على تعليق فى البوست الاول ..

لك الود
Post: #43
Title: Re: وداع تبلدين .. بنكهة مديدة الدخن
Author: Tabaldina
Date: 07-04-2004, 04:37 PM
Parent: #16

..
.
سلام يا راوية

تتصورى د الشيخ غنى ( اهووى العيون السوداء )
والله العظيم دخل فيها ولا اجعص فنان ..
3 اغانى فى السلك ..

وبرد عليك فى بوالبوست التانى ..

شكرا ليك كتير بس اتلومت فى عدم الاتصال
Post: #17
Title: Re: وداع تبلدين .. بنكهة مديدة الدخن
Author: صديق الموج
Date: 07-03-2004, 12:41 PM
Parent: #1

Quote: صديق الموج سعدت برؤيتك جدا جدا جدا


راوية العزيزة تشوفى النبى...لكن نمو القال ليك كنت مافى انت وبقية جميلى المنبر
وحاتكم نص الاحتفالية كان انت ماشفت بوست راوية بتاع شنو ورايك شنو فى مداخلة خدر
بتاعت بوست رجاء ..وما قريت البوست بتاع ندى عن منو ما عارف..وكلام صفا عن موضوع
السودان وهلم جر..
نشكرك كثيرا على المرور وان شاء الله نتلاقى فى ساعة خير.تسلمى،،،
Post: #19
Title: Re: وداع تبلدين .. بنكهة مديدة الدخن
Author: حمزاوي
Date: 07-03-2004, 01:20 PM
Parent: #1

في الحلة دي انا ما بجي
الشمار كتير انا ما بجي
الرقيص كتير انا ما بجي
في ناس ما صدقوا انهم برا البيت انا ما بجي
سوا الهوايل انا ما بجي
اتفكوا من الحكومة الفي البيت
واتمايلو طرباً انا ما بجي
صديق الموج شديد رقاص انا ما بجي
دكين دا فقري خالص انا ما بجي
الخال وابوجهينه شتات بتاعين عرضا انا ما بجي
فتشوا الشبال قالوا ليهم معاكم الشاب شتات بس
ديمقراسي رزين لا بشر ولا رقص انا ما بجي
احمد حنين ساخر من حركات العجائز انا ما بجي
تمبس معتصم مهدي ودالشيخ وهاني شباب حلوين يتحبوا من اول نظرة
انا ما بجي
البعيو عندو نظارة يعاين ليك من فوقوا . . طيب انت عاملو ليه
ولياب شاطر في لغة النوبة
عديله وي ولي ايني فا جلي ووووووووووووووووووي
ود وراق زعيم بس اكل عليه الجو ود عبدالعال ما زعيم رابطة وقائدها
ود الخليفة ود عبدالباقي احسنتم
المحتفي به تبلدينا انت كنت مستأجر البدلة ولا متسلقو من بناديها
نصار ابو النسب شاعر . . بس ما هزيت ولا بشرت لمن غنوا بالرطانة انا حاكلم ليك . . .
اجري وابشر فوق أهلنا واحضن اصحابي اللطاف بورداب الرياض
شكرا شكرا المهندس بكري ابوبكر خليتنا نتعرف علي هذه الكوكبة الفريدة
Post: #45
Title: Re: وداع تبلدين .. بنكهة مديدة الدخن
Author: Tabaldina
Date: 07-04-2004, 04:48 PM
Parent: #19

..
.
يا جدو حمزاوي

الواحد يجيب ليكم بدله شامو من كريستيان ديور
تقولو شاديها من بناديها
والله بالصورة دى بهجوووك

احترامى
Post: #21
Title: Re: وداع تبلدين .. بنكهة مديدة الدخن
Author: صديق الموج
Date: 07-03-2004, 01:28 PM
Parent: #1


Quote: - صديق الموج طبعا كانت مفاجأة رؤيتك (راجل عجووووز)



رجاء ده ما انا دى صورة الوالد بس الجماعة عاملين ليها دوبلاج شكيتهم على الله،،،،،
Post: #22
Title: Re: وداع تبلدين .. بنكهة مديدة الدخن
Author: حمزاوي
Date: 07-03-2004, 01:32 PM
Parent: #1

فوق فوق
Post: #23
Title: Re: وداع تبلدين .. بنكهة مديدة الدخن
Author: ابو جهينة
Date: 07-03-2004, 02:06 PM
Parent: #22

(رجاء ده ما انا دى صورة الوالد بس الجماعة عاملين ليها دوبلاج شكيتهم على الله،،،،، )

رجاء .. الزول دة ما يغشك .. دي صورتو الأصلية بعد عمل دوبلاج للتلميع ..

صراحة يا صديق عمنا بتاع دار مدني ( نسيت إسمو ) أنا نيابة عن البورداب بقدم ليهو شكر كبير جدا جدا .. لأن الرجل خدم الحفل بكل صبر و كان سباق لتلبية كل الطلبات ، أنا كنت بخجل أطلب منو حاجة لكبر سنو .. و لكنه كان جم التواضع .. فالشكر له ..
Post: #24
Title: Re: وداع تبلدين .. بنكهة مديدة الدخن
Author: Raja
Date: 07-03-2004, 02:22 PM
Parent: #23

الأعزاء:

ود قاسم..

لسة لساني ما اتعود على (يا خال) ..

تشكر.. وده شرف لينا احنا قبلك ان نكون اخواتك او بنات اختك..





صديق الموج..

Quote: رجاء ده ما انا دى صورة الوالد بس الجماعة عاملين ليها دوبلاج شكيتهم على الله،،،،،


أنا برضو قلت كده ..




أبو جهينة..

Quote: رجاء .. الزول دة ما يغشك .. دي صورتو الأصلية بعد عمل دوبلاج للتلميع ..


انا برضو قلت كده ..
Post: #25
Title: Re: وداع تبلدين .. بنكهة مديدة الدخن
Author: ابو جهينة
Date: 07-03-2004, 02:33 PM
Parent: #24

صديق : دي شفتها ؟؟ معناها رجاء ما صدقتك
Post: #27
Title: Re: وداع تبلدين .. بنكهة مديدة الدخن
Author: Raja
Date: 07-03-2004, 02:48 PM
Parent: #25

أبو جهينة..
Post: #26
Title: Re: وداع تبلدين .. بنكهة مديدة الدخن
Author: tmbis
Date: 07-03-2004, 02:39 PM
Parent: #23

دائما .. مناسبات بورداب الرياض قمة في الانسانية والبهجة والطرب
بالرغم من الاسي المدفون من خلف الضحكات وبداية العد التنازلي لفراق تبلدينا الصعب الا انو بورداب الرياض يعرفون كل المداخل للفرح ..
ولياب .. هاني ابوالقاسم .. عبد الباقي الجيلي .. بورداب لأول مرة نلتقيهم في المجموعة وما ح تكون آخر مرة اهلا بيهم شديد ..
تبلدينا.. رغم أنو علي اعتباب الخروج الاأنو ما بطل ثرثرة معاي .. وللثرثرة معاهو نكهة مختلفة فيها اشجان وفيها شمارات وفيها ضحكة احسن زول بيعرف يصنعه هو بالرغم من طقم تقويم الاسنان المركبو جديدالمفارق عينو قوية .. والوصية بتاعتك علي العين والراس ..
الرابطة الرياضية بالصالحية طوقونا بكرم الضيافة والكلمات الجميلة في حق المجموعة فكانت نكهة حضورهم مع نكهة كلمة رئيس الرابطة مع انسياب اللحان الاستاذ ذكي عبد الكريم ومرزوق وعزالدين آدم لها وقع خاص في سماء خميس الرياض ..
عماد ود شندي . كالعادة حضور جميل من شخص جميل .. هو وضيوفو .. وياعمدة نحنا جاهزين موية ونور أخوان البنات ديل كلهم معاك يوم خمسطاشر . وسع الداره وشد الضراع ..
حنينة وخالد الحاج .. غنو معنا حتي الصباح وكالوعدبيهم حضور في كل زمان ومكان .. حنينة وخالد الحاج .. ليكم الحب والمودة .. يااجمل ناس ..

ياصديق الموج .. انت دي مديدة دخن .. والا المديدة حرقتني ؟؟؟ ياخ دي مبالغه ...

ياجماعة الداير يستمتع بي اي جمع زي ده . احسن ليهو يكون قاعد جوار ابوجهينة انا اكتشفت السر ده من افطار رمضان .. وتاني مش ح اتنازل ابدا ..
دكين .. كان اقل تهورا من الحفلة الفاتت بتاعت ود شاموق .. ياربي مالو ؟؟
حمزاوي .. عشرة علي عشرة وبالمناسبة اقترح فتح فصل كامل عن فنون الرقيص بالهجه المحسية ..

كل الناس كانت حلوة .. والخال كالعهد بيهو لا يشق له غبار زول عرضه وحريف جدا ..وأهل العوض دائما كده
معتصم وشتات .. الثنائي المدهش
ود الشيخ .. طرب وتعبير حركي عشرة علي عشرة ..


راوية .. مطر الحبه ده .. كنت متوقعك طبعالكن الجايات اكتر من الرايحات

( رجوية )
انتي قايله علي كيفك والا شنو ؟؟
غايتو شوفي ليك زول غيري تزعلي منو لكن انا ما بديك فرصه
معليش ياغاليه الزحمة اكتر مما تتصوريها .. مراتمرات بتاوق وما بقدر اعمل حاجه ومرات مرات القحكه ولا صمت الخشم ...
كنت معانا برغم كل الحاجات البايخه المحيطه بيك .. وح تفضلي معانا بوردابيت الرياض المميزة
والحفلة الجايه التذكره مني .. بس شاوري بي صباعك .. اتفقنا ؟؟

برجع تاني
Post: #28
Title: Re: وداع تبلدين .. بنكهة مديدة الدخن
Author: Raja
Date: 07-03-2004, 02:59 PM
Parent: #26

تمبو..

زي ما بيقولو اكلتني حنك سااااكت.. والزعلة طارت ..

جيًة الرياض دي زي العاملين لي فيها عمل.. أبت كلو كلو ..


خلي الصيف ينتهي بس..
Post: #30
Title: Re: وداع تبلدين .. بنكهة مديدة الدخن
Author: garjah
Date: 07-03-2004, 03:20 PM
Parent: #26

حلوين

ربنا يديم الود بينكم

والتحية للزميل تبلدينا في حله وترحاله
Post: #47
Title: Re: وداع تبلدين .. بنكهة مديدة الدخن
Author: Tabaldina
Date: 07-04-2004, 04:59 PM
Parent: #26

..
.
والله يا تامبا
الحالة نضارتى محل طفشتها وين ماعارف ؟؟
حسع دى ميزانية تانى الواحد شايف طشاش طشاش
لو كان جيت بيها كنت بقيت خال اعمي برضو ..
بعدين يا تعبان الضحكة من الاعماق ما مصنوعة
الواحد يعلمكم العربي قبال ما يغادر ؟؟

الوصية مهمة خالص خالص ..
انا قاعد اعقد صلح مع الجميع وخصوصا الجنس اللطيف
دى البسموها المفارق عيونو مكسورة ..

سلاموز
Post: #29
Title: Re: وداع تبلدين .. بنكهة مديدة الدخن
Author: صديق الموج
Date: 07-03-2004, 02:59 PM
Parent: #1

Quote: صديق : دي شفتها ؟؟ معناها رجاء ما صدقتك



والله جنس حسادة يا ابو جهينة..هى اتصلت على تلفون وقالت لى انا مصدقاك تقوم
انت بالزول الغامت عينو ده تقول لى دى معناها ما مصدقاك..وبعدين ما مصدقانى ما مصدقانى
وتانى مرة ما تتدخل بين التفاحة وقشرتها...

والزول بتاع دار مدنى اسمو فتح الرحمن وهو مبسوط نمكم جدا وقال لى اى مناسبة بتاعتكم
انا جاهز،،،
Post: #31
Title: Re: وداع تبلدين .. بنكهة مديدة الدخن
Author: ابو جهينة
Date: 07-03-2004, 03:22 PM
Parent: #29

هو في يا صديق ألذ من الإنحشار بين تفاحة و قشرتا ؟

رجاء غالية و إنت غالي .

غايتو حفلاتنا بعد دة كلها عندكم لو ما عنكم مانع .. أهم شيء كتر السفن أب.
Post: #32
Title: Re: وداع تبلدين .. بنكهة مديدة الدخن
Author: صديق الموج
Date: 07-03-2004, 04:14 PM
Parent: #1

[B]غايتو حفلاتنا بعد دة كلها عندكم لو ما عنكم مانع .. أهم شيء كتر السفن أب.

يا بتاع الروزشين انت ...يكترو ليك السفن اب والا مديدة الدخن؟؟؟
Post: #33
Title: Re: وداع تبلدين .. بنكهة مديدة الدخن
Author: ودقاسم
Date: 07-03-2004, 05:46 PM
Parent: #1

والتحيات أضعاف من الأستاذ عبدالمنعم عبد العال والأستاذ التجاني لرجاء العباسي ،،
والأستاذ عبد المنعم يحيي كل البورداب ويشيد بحميميتهم ، ويقول أنهم مجموعة باهرة ، تجدهم وكأنهم يتعارفون من سنين طويلة ،، ويعد الأستاذ عبد المنعم بورداب الرياض ببذل لك جهوده في كل ما يطلبون وكل ما في وسع الرابطة أن تقدمه لهم ،، ووعد بمد سودانيز أون لاين بالكتاب المميزين ،،
والشباب الذين قاموا بالتصوير آمل منهم تزويدي بنسخة من الصور للأستاذ عبد المنعم والأستاذ تجاني ،، وبعض النسخ ليتم تثبيتها على لوحة دار الرابطة ،،
Post: #34
Title: Re: وداع تبلدين .. بنكهة مديدة الدخن
Author: waleedi399
Date: 07-03-2004, 07:10 PM
Parent: #1

سلام يا جماعة

جاييكم في الكلام بس ما هسع
لي قدام انتو عارفين أنو الليلة السبت وكدا
يعني لكن الحمد لله نكهة التبلدي حا تظل فينا باقية
بس انتو عارفين متعة لحظات مع الاخوان والاحباب تنسيك مرارة السنين

والله جاييييكم


وليد
Post: #35
Title: Re: وداع تبلدين .. بنكهة مديدة الدخن
Author: singawi
Date: 07-03-2004, 08:42 PM
Parent: #1


بورداب الرياض

ان شاء الله يوم شكركم ما يجي
أحسنتم العشرة وأحسنتم الوداع .. أحسن الله إليكم وأدام الود

نتمنى أن يواصل حبيبنا تبلدينا التواصل معنا من أرض المحنة .. ونتمنى له التوفيق في مستقبل أيامه .. وفي انتظار الدعوة لحضور الهناي داك .. وسوس وسوس

أبو جهينة الفيك اتعرفت

تحياتي
Post: #37
Title: Re: وداع تبلدين .. بنكهة مديدة الدخن
Author: Habib_bldo
Date: 07-03-2004, 09:25 PM
Parent: #35


حسدتم الروعة وكل معاني الأخوة والصداقة والألفة والمحبة يا بورداب الرياض
كم تمنيت أن اكون بينكم خاصة والمناسبة عظيمة كعظمة شجرة التبلدي في وداع الانيق صلاح تبلدينا
خاصة بعد اتصالي بالأخ تبلدينا وحمزاوي الذي تفضل مشكورا بنقل صورة حية عن مجريات الحفل عبر الهاتف والذي منعني من الحضور مناسبة زواج كنت مجبرا على حضورها وخاصة إرتباط العائلة بها وقد اعتذرت بشدة للاخ صلاح وقبل عذري وارجو ان يقبل عذري بقية الاخوة بورداب الرياض خاصة الخال ود القاسم الذي اوعدني وتوعدني بأن يخت فوقي رآي اذا تغيبت ووعدا مني أن لا اتغيب في اي مناسبة قادمة إذا أمد الله في الاجل
وارجو ان يوفق الاخ صلاح في ارض الوطن ويوض ما فاته خلال سنوات الاغتراب وبالمناسبة انا يمكن اكون اول زول يحصله لأني ايضا قرفت من الغربة وقررت العودة للوطن خلال هذا العام بإذن الله
Post: #36
Title: Re: وداع تبلدين .. بنكهة مديدة الدخن
Author: اسامة الخاتم
Date: 07-03-2004, 08:58 PM
Parent: #1

الاعزاء بورداب الرياض
و الله مشتاقين
صوركم البهية اثارت اشواقى اليكم
كيفكم و لعلكم بخير
كلكم و بالزات الاعزاء ود قاسم و ابو جهينة و اسماعيل وراق و نصار
لكم كل الشوق
و الياسمين
Post: #38
Title: Re: وداع تبلدين .. بنكهة مديدة الدخن
Author: ابو جهينة
Date: 07-04-2004, 07:22 AM
Parent: #36

سنجاوي : تحياتي
(أبو جهينة الفيك اتعرفت ) .. يا زول خوفتني .. ألحقني بي تلفون

أسامة الخاتم : مشتاقين شديد .. تحياتي لك و للأسرة الكريمة
Post: #39
Title: Re: وداع تبلدين .. بنكهة مديدة الدخن
Author: Tabaldina
Date: 07-04-2004, 03:41 PM
Parent: #1

..
.


أودع كيف ولسه الشوق بعيش فيَّ
أفارقكم ،، دموع بتغطى عينيّ
ولكن آه .. وآه بتخخ الآلآم
بودعكم وتبقي سعادة الأيام
***
لو بالايد أعيش بينكم مدى الأيام
أغنيلكم ،،وأنتو تكونوا لى إلهام
ونزرع ريد وعالم كله خير وسلام
ولكن آه ،، وآه بتخفف الآلآم
بودعكم وتبقي سعادة الأحـــلام
***
وعندى أمل أعود فى موسم الأمطار
زهور تضحك تتوج الأشجار
والاقيكم ويصبح فينا أحلى نهار
ولكن آه ،، وآخ بتخفف الآلآم
بودعكم وتبقي سعادة الأحــلام
***
وفى الأخر ،،وداعاً أوعــوا تنسونى
أنا المشتاق بشيلكم جوه فى عيوني
وبطــراكم .. عليكم الله أطروني

الشكر لكم جميعاًلما اتحفتمونى به وشكرا
ان كانت تكفي عن كل شئ ..

صديق الموج
ود قاسم
البعيو
حمزاوي
ديموقراسي
عمر مهدي
دكين
معتصم
تمبس
شتات
اسماعيل وراق
نصار الحاج
محمد الشيخ
وليد399
عبد الباقي
هاني أبو القاسم
الصادق خليفة
ولياب

والشكر موصول للذين اتصلوا
حنينة
الوالدة دومه
خالد الحاج
سنجاوى
يا زول
حبيب بلدو

لك الود واعود قبل الفراق المؤقت ..

دمتم
Post: #41
Title: Re: وداع تبلدين .. بنكهة مديدة الدخن
Author: waleedi399
Date: 07-04-2004, 04:27 PM
Parent: #39

شهدت قاعة الكاشف بدار وادمدني بالصالحية شهدت يوم ولا كلا الأيام التي نتحدث عنها هنا في الرياض، لقاءٌ للأحبة في تكريم أبن من أبناء ارض التبلدي ممثلاً ورمزاً حقيقياً لشموخ شجرة التبلدي، هذا الرهيف المتواضع المرهف المحب المحبوب من كل الناس لبشاشته أنه أخونا / صالح عبد الرحمن "تبلدينا"
كان بين اخوته بهامة التبلدي وبطعم "القونقوليز" ويالها من نكهة تبعث السلوى تزيل عنك شجون الغربة وهموم التنقل والرحيل.


ما احلـــــى ساعــــــات اللــــقاء وتلاقي الاحـــبة



الوفــــاء دائماً لأهـــل العــــطاء وانت أهل لهذا التكريم

خليكم قريب يا جماعة،،، لسه في باقي حاجات كدا بس شيلو الصبر

ولــــيد احمد عبد الله يا"تبلــــدينا"
Post: #40
Title: Re: وداع تبلدين .. بنكهة مديدة الدخن
Author: البحيراوي
Date: 07-04-2004, 04:16 PM
Parent: #1

الهامة القامة التي يتشابي لها كل النجوم تبلدينا الرائع

يعلم الله يا وارف الظلال حالت كل الظروف أن تكتمل المفاجئة

ولكن العهد هو أن تبقي في الحنايا دوماً كشموخ التبلدي الذي إنتسبت إلية

وإنت راجع لي البلد شيل كل الشوق والسلام لي كل رمال بلدي وتبلديها

وقبل الدخول في عروس الرمال وأب قبة فحل الديوم قبل علي يمينك وقول سلام لي الباقية فينا

الفيحاء جامعها وحلة عمالها وجبل كرباجها ودونكيها وخور دقيلها وجلابيتها



بحيراوي
Post: #42
Title: Re: وداع تبلدين .. بنكهة مديدة الدخن
Author: Hani Abuelgasim
Date: 07-04-2004, 03:53 PM
Parent: #1

الأخ الصغير .. صديق الموج
أمانة، ما مدينة الدخن دي ما خربت طبعنا ... وانت عارف نحن عزابة وحالتنا صعبة ما زيك زول بوليداتك مما كان عمرك 15 (يعني قبال 5 سنين كدة تقريبا مش؟؟؟) هي هوم مايد home-made وللا take away؟؟؟ كان هوم ميد أعزمنا عشا يوم الجمعة وكان تيك أوي وريني المحل أول الشهر الجاي لأنو حالي زي حال دكين الأيامات دي

تبلدينا الغالي ... أنا ما عارف ناس السودان لما تمشي ليهم حيقولو انت المدروش وهم المغتربين .. حاول تملا جسمك بالكبسة والمعصوب والعسل (ومديدة الدخن طبعا) عشان ما تفضحنا مع ناس السودان الحيقولو: مغتربين السعودية ديل أخير منهم ناس الأقاليم ... بالمناسبة يا غالي طيارتك متين؟؟؟

محمد الشيخ .. السي دي جاهز ألم فيك كيف؟؟؟ طبعا أول أغنية ختيتها ليك ... رائعة قاسم أبوزيد سافر
مطارات الوداع ضجت
قدامك وراك بيضا... بصوته شخصيا و أيضا بصوت الخالد سيد الناس مصطفى ...

التحية لجميع الحاضرين يومها ومن خاننا حظنا بعدم لقياهم .
Post: #46
Title: Re: وداع تبلدين .. بنكهة مديدة الدخن
Author: Tabaldina
Date: 07-04-2004, 04:53 PM
Parent: #42

..
.
اخى الغالي / هانئ

طبعا يا ناس هانئ دا اصغر زول فى الجلسة
وما اصغر منو فى البورد الا موديك ..
بعدين اخوك من (كفت ) العربية ما شاف كيلو شحم زيادة
الا قايل المخارجنى شنو ؟؟ انت ما ركزت فى كلمة اخوك وعن نقطة التحول وسبب المخارجة ..
بس عايزين نطبق نظرية الخال يمكن العرس يرجع كم كيلو كدا

طيارتى الناقل الوطنى اتاجلت ليوم الجمعة الجاى
وشكرا على الهدية و1200 اغنية ..

دمت وبينا الود
Post: #51
Title: Re: وداع تبلدين .. بنكهة مديدة الدخن
Author: motaz
Date: 07-05-2004, 09:10 PM
Parent: #46

الغالي تبلدينا
على اي حال ان شاء الله ما اخر وداع .. ان شاء الله البلد ترحب بيك
بورداب الرياض ـ كم انتم رائعين
لكم كل الود
Post: #52
Title: Re: وداع تبلدين .. بنكهة مديدة الدخن
Author: ابو جهينة
Date: 07-06-2004, 00:47 AM
Parent: #51

الأخ معتز

اصالة عن نفسي و بالإنابة عن بورداب الرياض .. لك خالص الشكر و يشرفنا أن تكون من برادبة الرياض بالإنتساب كالأخت رجاء
لك ودي
Post: #53
Title: Re: وداع تبلدين .. بنكهة مديدة الدخن
Author: معتصم دفع الله
Date: 07-06-2004, 01:51 AM
Parent: #52


أبوجهينة ألقى كلمة الحفل


الشاعر الكبير نصار الحاج أتحفنا بقصيدة رائعة


صديق الموج يتوسط تمبس ووليد399

يا شباب كل يوم صورة عشان البوست دا يكون فوووووووووووووق ..
Post: #55
Title: Re: وداع تبلدين .. بنكهة مديدة الدخن
Author: إسماعيل وراق
Date: 07-06-2004, 06:41 AM
Parent: #53

فاتني القول بأن الأخ الصحفي القدير التجاني محمود كان حضورة مميزاً فهو إضافة لكونه أحد أعضاء اللجنة التنفيذية للرابطة الرياضية إلا أنه أتى خصيصاً لتغطية هذا الحدث لجريدة الخرطوم فله أجمل تحية وأعظم تقدير.
Post: #61
Title: Re: وداع تبلدين .. بنكهة مديدة الدخن
Author: waleedi399
Date: 07-06-2004, 11:34 PM
Parent: #42

Quote: ما مدينة الدخن دي ما خربت طبعنا ... وانت عارف نحن عزابة وحالتنا صعبة ما زيك زول بوليداتك مما كان عمرك 15

Dear Hani

Because you are my brother, that why You have to take care.

Waleed
Post: #56
Title: Re: وداع تبلدين .. بنكهة مديدة الدخن
Author: صديق الموج
Date: 07-06-2004, 11:55 AM
Parent: #1

بورداب الرياض....تحياتى

حملنى الفنان الكبير عزالدين ادم باسمه وباسم الفنانين الاستاذ
زكى عبد الكريم والفنان مرزوق محمود والاستاذ العازف حسن سخيل
وصية ان اشكركم بان شرفتموهم بان يحيوا الحفل الذى اقيم على
شرف الاستاذ صالح تبلدينا..ويتمنون له عودا حميدا موفقا وبقولوا
لبكم هم مستعدون لاى مشاركة وما عليكم الا تحديد المكان والزمان
نشكر للخلوق عز الدين هذه الاريحية فقد عودنا ان يكون سباقا دائما
كما نتمنى لزملائه ايضا مزيدا من النجاحات.
الجدير بالذكر ان الفنان عزالدين ادم وبالمشاركة مع الاستاذ جلال الصحافة سوف يقيمان حفلا غنائيا سوف يكون حديث الموسم وذلك يوم الاربعاء الموافق 14/7/2004 وذلك باستراحة فيافى نجد بالرياض مخرج 18 حيث يقدم الاستاذ جلال جديد اغانيه وفى مقدمتها نور عيني وفى لمسة وفاء للفنان العظيم ابراهيم عوض سيشدو الفنان عزالدين باجمل الحان الكوكب الذرى...و الجميع مدعوون لحضور تلك الليلة ..ومفاجأة الحفل زعلك سمح للاستاذ المحامى الواثق عبد الرحمن والمتواجد بالطائف...ويتخلل الحفل قراءات شعرية للاستاذين بدر الدين حسن والواثق عبد الرحمن..وايضا الجديد لفرقة الهيلاهوبا،،،
Post: #58
Title: Re: وداع تبلدين .. بنكهة مديدة الدخن
Author: معتصم دفع الله
Date: 07-06-2004, 12:56 PM
Parent: #56

أنقل أسفي الشديد لعدم تمكني من إنزال صورة الأستاذ الفنان عزالدين آدم نظرا لخلل في بعض الصور والتي من بينها صورته ونقول له شكرا لمجهودك الرائع الذي قمت به والذي أضفى على الحفل جو بهيج وتمائلنا طربا على أنغام الفنان الذري إبراهيم عوض فله الشكر الجميل والعتبى حتى يرضي ..
وكذلك شكرنا العميق للأستاذ الفنان زكي عبدالكريم الذي لم يبخل علينا بحضوره الجميل وكلماته الحلوة التي أطربت الجميع وننقل شكرنا أيضا للفنان مرزوق الذي شارك مغنيا وعازفا لكل الفنانين.

صورة للأستاذ الفنان عزالدين آدم
Post: #57
Title: Re: وداع تبلدين .. بنكهة مديدة الدخن
Author: صديق الموج
Date: 07-06-2004, 12:32 PM
Parent: #1

الزملاء بورداب الرياض تحياتى
حملنى العزيز الفنان عزالدين ادم ونيابة عن زملائه الذين شاركو
فى حفل وداع الزميل صالح تبلدينا..شكره على تشريفكم لهم بالعناء
فى ذلك الحفل الجميل ويعلن لكم استعداده للمشاركة فى كل مناسباتكم
الجدير بالذكر ان الاستاذ عزالدين بالمشاركة مع جلال الصحافة سوف يقيموا حفلا غنائيا يوم الاربعاء 14/4/2004 باستراحة فيافى نجد مخرج 18 الرياض....والدعوة عامة،،،
Post: #59
Title: Re: وداع تبلدين .. بنكهة مديدة الدخن
Author: حمزاوي
Date: 07-06-2004, 09:58 PM
Parent: #1

معتصم دفع الله
سلام
نزل الصور حبة حبة
Post: #60
Title: Re: وداع تبلدين .. بنكهة مديدة الدخن
Author: ودقاسم
Date: 07-06-2004, 10:11 PM
Parent: #1

معتصم ، وليد 399 ، تمبس
لسة ولا واحد منكم نزّل صورة دكين ،، دكين اتصل بي ، قال زعلان ما نزلتوا صورتو ،، حسدة منكم ولله ، خايفين من المنافسة وبس ،،
نطالب بصورة دكين فورا ،، وليستعد الجميع للمفاجئة ، دكين ، أعذب ألحان الرياض ،،
Post: #62
Title: Re: وداع تبلدين .. بنكهة مديدة الدخن
Author: قرشـــو
Date: 07-07-2004, 00:08 AM
Parent: #1

الأخ ابو جهينة
الحبيب تبلدينا


بورداب الرياض

حقا الحفل يليق بمقام المودع وبصراحة فكرة الوداع هذه لا تريد ان تستقر فى راسى "المقودس ده" فالشبكة يا اهلنا موجودة فى كل اصقاع الدنيا ولن نرضى ان يبعد تبلدينا عن الموقع ابدا مهما حدث فاليرحل بجسده ويغير مقام اقامته ولكن قلمه سيبقى فينا ابدا ولن نرتاح ان لم نراه فى كل يوم وما اظنه يستطيع فراقنا ابدا ..

عموما بورداب الرياض لله دركم فما قمتم به يستحق الاشادة واعجبنى ترابطكم وتواددكم ولا عجب فكلكم قامات سامقة والصور الان اظهرت لنا الشخصيات فزادت تقديرا فى نفوسنا ..
Post: #63
Title: Re: وداع تبلدين .. بنكهة مديدة الدخن
Author: ابو جهينة
Date: 07-07-2004, 00:15 AM
Parent: #62

عمدتنا قرشو

تحية و سلام

شكرا على مرورك هنا.
وداع تبلدينا هو وداع لشخصيته المحبوبة التي سنفتقدها في الإجتماعات العديدة .. و لكنه بالطبع موجود في الشبكة ..
تشكر و تسلم
Post: #77
Title: Re: وداع تبلدين .. بنكهة مديدة الدخن
Author: waleedi399
Date: 07-11-2004, 01:25 AM
Parent: #62

الاخ/ خالد "قرشو"

تحية وتجلة واحترام، الحفل الذي اقامه بورداب الرياض حقيقةً لم يكن وداع بقدر ما كان تكريماً له على ما قدمه خلال الفترة التي مضت وهو بينناً سنفقده نحن بورداب الرياض ولكن سيظل فينا باقي إلى الابد حيث انه سيكون سفير وممثلاً واللسان الناطق باسمنا نحن بورداب الرياض في ارض الطيبين عزيزي قرشــــو.

كما اشكرك نيابة عن بورداب الرياض على الاشادة بما تم تقديمه للاخ صالح عبد الرحمن "تبلدينا" ونشكرك على الاطراء وهذا سوف يزيد هذا الكيان قوة واصرار على النجاح المتواصلة والمتكررة، والتحية للاخ تبلدينا من على البعد وبنقول ليك ستظل فينا باقي بنفس الشموخ وعزاؤنا انك بيننا في هذا المنبر من خلال نافذة الوطن وستكون مرآتنا العاكسه لنا من اخبار لما يدور في بقاع سوداننا الحبيب مع تمنياتنا لك بالتوفيق والنجاح في موقعك الجديد، وبقول لبورداب الرياض الله يديكم الصحة والعافية لهذا التكاتف والترابط الذي جمع بينكم بجميع الوانكم الطيفية والسياسية والاجتماعية لكم ولاخوان صالح وللجميع الود والاحترام


ولـــيد أحمد
Post: #64
Title: Re: وداع تبلدين .. بنكهة مديدة الدخن
Author: صديق الموج
Date: 07-07-2004, 03:19 AM
Parent: #1

Quote: نطالب بصورة دكين فورا ،، وليستعد الجميع للمفاجئة ، دكين ، أعذب ألحان الرياض ،،


ما انت براك ياود قاسم الجكس فى الرياض طالعين مظاهرات وسمعتهم
بهتفوا..عايزين دكين...حبيبكم مين...عريسكم مين والباقيات بقولو
بصوت رجل واحد دكــــــــــــــــــــــين..ياولد با معتصم همتك
ونزل صورة لاعذب الحان الرياض،،،
Post: #65
Title: Re: وداع تبلدين .. بنكهة مديدة الدخن
Author: ابو جهينة
Date: 07-07-2004, 03:25 AM
Parent: #64

ود قاسم و صديق الموج :
بصورة إلى معتصم

صورة دكين ياتا فيهم ؟ أوعى تكون الصورة القال عنها صلاح شتات : ( صلب الموضوع ؟ )

و عاوزين يا معتصم صورة حمزاوي و هو يعرض ..
Post: #66
Title: Re: وداع تبلدين .. بنكهة مديدة الدخن
Author: صديق الموج
Date: 07-07-2004, 03:39 AM
Parent: #1

Quote: الأخ الصغير .. صديق الموج
أمانة، ما مدينة الدخن دي ما خربت طبعنا ... وانت عارف نحن عزابة وحالتنا صعبة ما زيك زول بوليداتك مما كان عمرك 15 (يعني قبال 5 سنين كدة تقريبا مش؟؟؟


هانى يا دفعة...اهل العقل ما يروحو..وانت معزوم على طول عشان زدت عمرى سنتين وانا مسامحك..مش زى ناس ابو جهينة الحاقدين ديل طوالى
يزيدو عمر الزول تلاتين سنة..سلمت يا ظريف،،
Post: #67
Title: Re: وداع تبلدين .. بنكهة مديدة الدخن
Author: Hani Abuelgasim
Date: 07-07-2004, 06:18 AM
Parent: #1
Post: #68
Title: Re: وداع تبلدين .. بنكهة مديدة الدخن
Author: Raja
Date: 07-07-2004, 06:41 AM
Parent: #1

الاعزاء بورداب الرياض..

معذرة للغياب عن المشاركة..


ود قاسم العزيز.. شكرا ليك وانت تنقل لي تحيات الأساتذة عبدالمنعم والتجاني.. لهم التحية مرة تانية..

قلت لي دكين زعلان.. انا زاتي زعلانة.. عشان مستعدة ادفع 3 شهور من عمري وأشوف صورتو ..



تبلدينا..

قلت لي كنت بتهرشنا بالصوت ساااكت .. حااااضر.. انتا قايل خلاص سافرتا تاني ما بترجع للمنبر ..

تحياتي لأسرتك وبركة الشافوك بخير..







صديق الموج الشاب الوجيه..

تحيات كتيرااااات..
Post: #69
Title: Re: وداع تبلدين .. بنكهة مديدة الدخن
Author: إسماعيل وراق
Date: 07-07-2004, 07:22 AM
Parent: #68

Quote: صديق الموج الشاب الوجيه..

تحيات كتيرااااات..


رجاء.. صديق الموج ده زول رائع ووجيه ولكن أحسب أنك قلبتي يا الشيب ألفاً لتصبح شاباً
Post: #70
Title: Re: وداع تبلدين .. بنكهة مديدة الدخن
Author: doma
Date: 07-07-2004, 08:02 AM
Parent: #69



ان شاء الله ما اخر وداع
امنياتي لك بالتوفيق حيثما حللت
فالقلب بك عامر والروح تهفو دوما اليك يا اعز الابناء اتمني لقياك وان اذن الكريم العام القادم بارض الوطن يا تبلدينا الوارف المعطأ.
اتمني الا افتقد صوتك تناديني دوما
يمه دومه
Post: #71
Title: Re: وداع تبلدين .. بنكهة مديدة الدخن
Author: شتات
Date: 07-07-2004, 12:16 PM
Parent: #70

Quote: وفى الأخر ،،وداعاً أوعــوا تنسونى
تبلدينا .. نشوفك في زمن تاني وزمن جاي وزمن لسه .. والحي مصيرو يلاقي

Quote: صلاح شتات اهلين والف مرحب
راوية .. ترحب بيك السعادة والأيام الحلوة .. لك قوافي الأشواق وقوافل المنى

Quote: العزيز شتات.. وييين انت..؟
رجاء .. موجود في مدينة الصحراء .. أبحث عن رملي الذي صادر أحلامي وأشواق السنين الرائعة .. عميق شكري وتقديري يا رجاء

الخال ودقاسم .. الموج .. أحمد حنين
مدرسة .. لعب .. فن .. هندسة

Quote: معتصم وشتات .. الثنائي المدهش

تمبس .. شاكرين يا فردة .. يا روائع

Quote: مستعدة ادفع 3 شهور من عمري وأشوف صورتو
يا رجاء تشوفي النبي شفت ليك جن بتصـــوَّر .. قولي بسم الله

التحية لبورداب الرياض ..
لكل من أضاء شمعة ..
لكل من أضاف وردة ..
لكل من غنى وردد ..
..
التحية لسودانيزاون لاين ..
التحية لبورداب العالم ..
وعلى تلال الود نلتقي ..

صلاح / شتات
Post: #72
Title: Re: وداع تبلدين .. بنكهة مديدة الدخن
Author: معتصم دفع الله
Date: 07-07-2004, 02:41 PM
Parent: #71

بنات العباسي ..
راوية ..
رجاء ..
وجودكن يفرحنا كثيرا ..
لكما منى كل الحب والتقدير ..
Post: #73
Title: Re: وداع تبلدين .. بنكهة مديدة الدخن
Author: معتصم دفع الله
Date: 07-10-2004, 02:22 PM
Parent: #72

رافقــــتك السلامـــــــة تبلديـــــنا ..
يوم أمس الجمعة الموافق 9/7/2004م وعلى طائرة الخطوط الجوية السودانية " سودانير " والتي قامت في موعدها على غير العادة غادرنا إلى أرض الوطن الغالي الصديق الوفي صالح عبدالرحمن تبلدينا ليستقر به المقام هناك بين أهله وأحبابه ..
أمنياتنا لتبلدينا بطيب الإقامة وحياة عملية سعيدة وكل تقدم ورقي ..
Post: #74
Title: Re: وداع تبلدين .. بنكهة مديدة الدخن
Author: ابو جهينة
Date: 07-10-2004, 10:53 PM
Parent: #73

سفرا سعيدا صالح ..
نتمنى لك الإستقرار و راحة البال هناك و التوفيق ..

كما أن هناك بوردابيا رائعا من الرياض سيغادر قريبا .. و سنعلن عن ذلك بعد عودتي من السودان إن شاء الله ..

شكرا معتصم دفع الله على التغطية الشاملة
دمتم
Post: #78
Title: Re: وداع تبلدين .. بنكهة مديدة الدخن
Author: ميادة
Date: 07-11-2004, 02:52 AM
Parent: #71

Quote: شفت ليك جن بتصـــوَّر .. قولي بسم الله



والله صحي كلامك يا شتات انا غايتو اول ماشفتو قربت تجيني السكتة من الخلعة والخوف...




ست البنيـــــــــــــات
Post: #75
Title: Re: وداع تبلدين .. بنكهة مديدة الدخن
Author: ميادة
Date: 07-10-2004, 11:02 PM
Parent: #1

بالسلامة انشالله...
بالتوفيق انشالله...
Post: #76
Title: Re: وداع تبلدين .. بنكهة مديدة الدخن
Author: ودقاسم
Date: 07-10-2004, 11:19 PM
Parent: #1

يوم الجمعة قبيل منتصف النهار قابلت تبلدينا في مطار الرياض ،، تجاذبت معه والأخ عمر مهدي وزميلهم عبد الحفيظ أطراف حديث شيّق ،، وكان يرافقهم شقيق تبلدينا الأصغر ، وبدا لي أن تبلدينا تملؤه السعادة وهو يتوجه لى السودان ،، وكما قال معتصم فقد صدقت سودانير في ذلك اليوم ، وغادرت في مواعيدها ،،
أبلغكم تحيات تبلدينا ،،
وأسأل الله له التوفيق ،،