ملائكــــة فى المـــنبر ،،،

Post: #1
Title: ملائكــــة فى المـــنبر ،،،
Author: Tabaldina
Date: 08-22-2005, 05:01 AM
Parent: #0

..
.
والله بصراحة الناس الخاتين صور وليداتهم فى المنبر ديل
بهيجو اشجاني .. بالجد بكون اشتاق اصاحب وليداتهم ديل ..
عندى عشق ..
لجمال الطفولة قبل الفطام وبعد الفطام ..
اها بس جاتني فكرة الملم الشفع ديل عندى هنا وافتح روضة ..
بس الابلة لازم تكون نادية عثمان .. عارفين السبب ..!!

نبدأ ..

جنية بنت جني وهى تقف امام احد استديوهات مركز الشرق الاوسط
بشارع فلسطين ..

عليكم الله ما جنية عسل ..
ربنا يحفظها ويغطيها من شياطن الانس والجن

Post: #2
Title: Re: ملائكــــة فى المـــنبر ،،،
Author: waleedi399
Date: 08-22-2005, 05:10 AM

بدون صورة يا تبلدينا....

مــلاك الامــين....

تخــريمــة:..

بنيت جني ماشاء الله عليهـأ

عيني عليك باردة،، خفت اقول بسم الله

القى الصورة وجـني مافي

Post: #3
Title: Re: ملائكــــة فى المـــنبر ،،،
Author: Tabaldina
Date: 08-22-2005, 05:28 AM

..
.

ايلاف غريبة..
تحتفل بعيد ميلادها فى قاهرة المعز ...
بس ما عرفتنا على صحبتها ..!!؟؟

يا ارض احفظى ما عليك ويا بدر اوعك تسحرو ،،،

Post: #4
Title: Re: ملائكــــة فى المـــنبر ،،،
Author: Tabaldina
Date: 08-22-2005, 05:42 AM

..
.

أســيل شعيب
وهى تتأبط حقيبتها فى طريقها الى وطن الجدود ..

والله يا أسيل عينى عليك باردة يا السمحة يا الواردة ،،،

أسيل يا عسسل ..
قولي شكراً لعمو تامبا
انت ما كدا لكن .

Post: #5
Title: Re: ملائكــــة فى المـــنبر ،،،
Author: حمزاوي
Date: 08-22-2005, 05:46 AM

تبلدينا اخوي
مسكاقمي
دايما طلعاتك رهيبة ولذيذة وممتعة

بس المجنني
جني عنده بنت حلوه وامورة بالشكل دا
انا متخيل جني مكرضم كدا واهل عوض
صحيح ممكن يطلع من الفسيخ شربات
جني
يا جني منو
ولدي محمد شاف الصورة
وقال عايز يجكس
من حسع محجوزة
واوعك تعطونا شاكوش

شكرا لك يا تبلدينا

Post: #6
Title: Re: ملائكــــة فى المـــنبر ،،،
Author: Tabaldina
Date: 08-22-2005, 06:01 AM

..
.
Quote: بدون صورة يا تبلدينا....

مــلاك الامــين....

عليك الله جيب لينا صورة ملاك دى ..
وهى أكيد رحمه .. علينا

Quote: عيني عليك باردة،، خفت اقول بسم الله

القى الصورة وجـني مافي..

الصورة بتلقاها فى .. لكن جنى بطفش من المنبر شهر ..

بالمناسبة خايف يا وليد 399 يجى (واحد) طاير هنا
ويفتكر ديل اطفال انابيب .. هؤلاء الملائكة من ارحام
امهاتهم فهذه التكنلوجيا لم تصلنا هنا ..
عندى ليك نكته واقعية بخصوص .. التكنلوجيا التى لم تصلنا هنا ..

تحياتي ،،

Post: #7
Title: Re: ملائكــــة فى المـــنبر ،،،
Author: Tabaldina
Date: 08-22-2005, 06:16 AM

..
.

عبدالرحمن واخوه ولا ما كدا يا عصام الدين عبدالرحمن..

وعشان البراعم ديل خفف على البروف شوية ،،،
واعتبرها خوه لله ،،،
وعفى الله عما سلف .. دا نظام واسطة بينى وبينك ..

Post: #9
Title: Re: ملائكــــة فى المـــنبر ،،،
Author: سجيمان
Date: 08-22-2005, 06:20 AM
Parent: #7

Quote: بس الابلة لازم تكون نادية عثمان

آآآآآآآآآآآآآآآآآخ

سدلوني معاتم

الطفل\ سديمان

Post: #52
Title: Re: ملائكــــة فى المـــنبر ،،،
Author: Esameldin Abdelrahman
Date: 08-23-2005, 05:24 PM
Parent: #7

الاخ الكريم تبلدينا
Quote: عبدالرحمن واخوه ولا ما كدا يا عصام الدين عبدالرحمن..

لا والله جلت يا تبلدينا ، انها :
النذير و اخيه أحمد عصام الدين عبدالرحمن ، وفي انتظار قدوم فارس آخر ان شاء الله منتصف ديسمبر القادم .

Quote: وعشان البراعم ديل خفف على البروف شوية ،،،
واعتبرها خوه لله ،،،
وعفى الله عما سلف .. دا نظام واسطة بينى وبينك ..

تعرف يا تبلدينا لو ما البراعم ديل الدنيا دي غايتو شكلها بيكون قبيح خلاص ، تعرف مرات امل من المسافة في طريق العودة للبيت من الشغل بالرغم من انها 40 دقيقة ، لانو بكون خايف ارجع و القاهم نامو من غير ان اداعبهم .
البروف انا ما عندي معاه مشكلة علي الاطلاق ، و ما حصل شاكلت لي زول في المنبر ده عشان وجهة نظره ، لكن لما دور مع الجماعة و جيت انا في النص احتمال في توقيت غير مناسب ، و الجمهور بكورك دجانقو افرز دجانقو افرز ، البروف راح طوالي ملصق لي بالتقيل حتي من غير انذار او لفت نظر او تهديد او اي حاجة ، فما كان عندي حل ، كتب علي القتال وهو كره لي ، فكان لازم ارد الاعتداء ، و بالرغم من اني الذي وقع عليه الظلم والله بتنابز معاه و جواي ما في اي غل تجاهه ، حتي اكتر من مرة قلت ليه لو بطلت السباب في ردودك انا بتوقف ، و من الليلة انا ما ح اتعرض ليه الا اذا اخطأ في حقي ، وواسطتك مقبولة و حباب الخوة في الله سبحانه و تعالي .
كده نرجع لموضوع الوليدات ، انت يا اخوي حقينك وينم ؟ ولا لسع شايلهم بين الصلب و الترائب ؟
البوست عجبني لخفة دمه
وحتما سأعود ان شاء الله

Post: #8
Title: Re: ملائكــــة فى المـــنبر ،،،
Author: صديق الموج
Date: 08-22-2005, 06:18 AM

الله يحفظهم وبنقول لحمزاوى بما اننا ناس وحدويين

وليس عنصريين وبما انه طلب يد ابنة جنى لابنه فقط نخطره

نحن ما بندى بناتنا للناطقين بغيرها.وهذا للعلم فقط

وعاش السودان،،،،

Post: #21
Title: Re: ملائكــــة فى المـــنبر ،،،
Author: سجيمان
Date: 08-22-2005, 04:43 PM
Parent: #8

انا عايتو لودة فيها سفع حناتيس.. اسلو ما بسدل فيها......

تدي ابله نادية وتديني ..حسوسي في البيت......و...وو وتت ابتي تسيلني فودا........ اها بس

Post: #39
Title: Re: ملائكــــة فى المـــنبر ،،،
Author: نجود حسن عبد الرحمن
Date: 08-23-2005, 07:16 AM
Parent: #21

أخ سجيمان والله انت اكتر واحد عسسسسسسسسسسسسسل فى الموقع ده وطريقه كلامك بالجد بتكيفنى شديد مع اعتزارى لبقيه الزملاء فى المواقع لكن بالجد طريقه كلامك مباااااااالغه

Post: #59
Title: Re: ملائكــــة فى المـــنبر ،،،
Author: Tabaldina
Date: 08-24-2005, 02:34 AM
Parent: #8

..
.
Quote: نحن ما بندى بناتنا للناطقين بغيرها.وهذا للعلم فقط

عارف يا صديق الموج انا هنا بنعلمهم لغات ولهجات عديل
انت داير ياتو لغة فى فرنساوى وانجليزي وطليانى
وعندنا لهجة دنكاوية ورطانة دنقلاوية وكلام بقرنيس بتعرفهم
غير ونسة اهل العوض وناس البحر.
اها كلامك شنو؟؟
ما كمل ليك فى صوفاتك ديل ..

يا عمو حمزاوي بطل حركات وجيب صورة ولدك ..
جنية دى زولة رقيقة وسنستف اوى ..
ولازم تقعد مع الولد وتتفاكر ..

Post: #338
Title: Re: ملائكــــة فى المـــنبر ،،،
Author: Emad Abdulla
Date: 09-19-2005, 10:47 PM
Parent: #8

الموج العالي .. صورة ( الجغبوره ) بالله .. عشان تفحم الناس دي - وايه حكاية الناطقين بها دي كمان ؟.. ان شا الله يا صديق من هنا ولي قدام يلاقو ليك الويكه و ....................................
الحب لك يا رائع

Post: #10
Title: Re: ملائكــــة فى المـــنبر ،،،
Author: nasiradin
Date: 08-22-2005, 06:39 AM

فوووووووووووووق يا تبلدينا
و عليك الله شوف طريقه لى سجيمان
الزول ده أول مره يحتاج لى واسطه
و كمان كان لقيت لى فرقه انا زاتى ما بقول لا

ناصر البطل

Post: #11
Title: Re: ملائكــــة فى المـــنبر ،،،
Author: Tabaldina
Date: 08-22-2005, 06:49 AM

..
.
سلام يا عمو حمــزاوي ،،،
والله حلوة تبلدينا مستغانمي
معقولة بس تقارني بالزولة الرايعة دى ..
شوف هى ووين وانحنا ووين !!؟؟
شن لما الرقة للكلام الدراب .. بس الحنية كاتلاني ساي ..
بالمناسبة فى ناس بسالو عليك وقالو انت فى الخرطوم ومقاطعهم
وانا شخصياً بسال اين اراضيك !!

بعدين خليك واضح وجيب صورة ولدك هنا .. وورينا مؤهلاته شنو!!؟؟
انت قايل بناتنا لعبة .. الزولة دى عندها 1500 عم و500 عمة ...

يا وليد 400-1 وينك ..
جيتك بخصوص التكنلوجيا اللسه ما وصلتنا هنا ..
طبعاً اخوك ليهو شهر متحسس من مسألة الفسيوجكال جيك ..
وشغال ليك جيكات تقيلة مره عند الحلاق لو شفت لى اى صوفاية مسبسبة طايرة
بقول ليهو تراجي قالت يخلو سبورت وزى المارينز وابقي ستايل ..
لو جاتني قحة ببلع انتى بايوتك 500 ملجرام ..
المهم شوفت ليك فى خدشة صغيرة فى النضارة قلت الله وحاتك لازم لوكنغ قلاص جيك
وجرى لمركز تارا فى شارع القصر .. دخلت قلت ليهم عايز اعمل جيك للنظر والنظارة
قالو لى جدا .. ادخل على الدكتورة بتشيك على النظر ..
دخلت ليك وعينك ما تشوف الا النور .. دكتورة حلاااوة لكوم بس ..
زولة مسمسه واباوت 25 سنة كدا ..
والقوام اللادن والحشا البروم .. المهم كلام عجيب
وشبكتنى اقعد بهنا ..وعاين للجهاز دا ...اوزن دقنك تحت المنظار ..
طبعا معدات حديثة بس فى جهاز كدا شفته فى دبي ما لقيتو ..
قلت ليها: والله يا جميل ..
طوالى ردت بلهجة صارمة تحمل العتاب الظاهرى والرضا الداخلي
نعم !!!؟؟
طبعا استدركت قلت ليها والله يا دكتورة فى تكنلوجيا متطورة ليه ما تستعينى بيها ..
قالت لي ان شاء الله قريب طبعاً بعد ما عملت فيها ابوعرام فى الجهاز ..
الشفتو زمااااااااان
المهم كشفت وعملت الجيك ومسكت القلم باناملها الرقيقة وكتبت مقاس النظر فى الكرت ..
واخوك يتابعها بنظرات دقيقة وهى ترسم مقياسي على الورق ..
وبدون مناسبة قلت ليها يادكتورة انتو ما بتكبو رقم موبايلكم فى الكرت ليه !!؟؟
فرفعت راسها وبابتسامة تذوب نظارتي القديمة ردت بهدوء :
والله التكنلوجيا دى ما وصلتنا هنا لسه يا صالح ..

هيغ .. هيغ .. هيغ .. شفت الكباب دا كيف !!؟؟

Post: #12
Title: Re: ملائكــــة فى المـــنبر ،،،
Author: Tabaldina
Date: 08-22-2005, 07:05 AM

..
.

محمود عادل فضل المولي

والله يا حودة شيخ عرب من حسع ..
يا زول انت خليت لهاشم نوريت شنو !!؟؟
هيع .. ادروب جد .. بس ناقصك سيف ..

ربنا يحفظك ويغطيك من كل شر ،،،

الناس الخلت الروضة ..
ومكنكشين فى الابلة ديل جايهم
هو انا عملتها ابلة .. ليكم وللوليداتكم
غايتو كبابكم حرق عديل كدا ..
يا ابلة عوووووك .. الحقى المايكروويف ،،،

Post: #38
Title: Re: ملائكــــة فى المـــنبر ،،،
Author: عادل فضل المولى
Date: 08-23-2005, 07:10 AM
Parent: #12

يا تبلدينا
ألف شكر لك بالنيابة عن اطفال روضتك الجديدة
وكمان الشكر للأبلة
...
وتصدق نقلت دعواتك لي محمود
وقلت ليهو قول تبلدينا
قال: تبدينا
بعد محاولتين نجح في نطق الاسم بصورة واضحة وسليمة
قلت ليهو بيسلم عليك ..
قال لي : انا
قلت ليهو نعم
ضحك وقال لي تبلدينا ..عمو..؟
قلت ليهو : نعم
ضحك مرة أخرى
وقال لي أنا بحبـــــــــــــــــو..
ضحكت طبعاً من المحبة الجات نازلة عليك
يا صالح من السماء
... والله بختك بالجد
خلاص كل سكة مقفولة ستنفتح لك
(جيب البياض) ...يلا
ومبروك عليك الروضة وأولاد الروضة وغفير الروضة...والأبلة... إن وافقت!!!
تخريمة
شايف الأولاد كترو
نعمل معاها أساس..؟

Post: #47
Title: Re: ملائكــــة فى المـــنبر ،،،
Author: Tabaldina
Date: 08-23-2005, 08:50 AM
Parent: #38

..
.
Quote: ومبروك عليك الروضة وأولاد الروضة وغفير الروضة...والأبلة... إن وافقت!!!

الله يبارك فيك بس موافقة الأبلة دا الكلام البجنن زوزو زاتو
الابلة دا الا ننتظر فك التسجيلات .. سورى لى انا وسجيمان زاتو
وكل اولياء الأمور .. بس أنا متأكد الشفع ديل حيحبوها من اول نظرة
ومال انحنا اخترناها من فراغ

Quote: شايف الأولاد كترو
نعمل معاها أساس..؟

تم أعتماد مرحلة الأساس فى المنشور ادناه ..

والله يا عادل ما قصرت تّب الخليتو ينطق تبلدينا ..وكمان معاها عمو
جيبوا تعال بودى ليك البحر ..
وقول ليهو عم بحبك و دا بياضنا هنا
طبعاً للاسف لا توجد حديقة حيوان ولا ملاهي تذكر
منتزه المقرن حالتو تعبانه وشوية طوطحانيات فى بعض الحدائق.

يا ربي ما تحرم بيت من الأطفال

Post: #13
Title: Re: ملائكــــة فى المـــنبر ،،،
Author: ودقاسم
Date: 08-22-2005, 07:15 AM

تبلدينا
الله يحفظهم ويخليهم ويديهم زمانا أحسن من زمانا ...

في الروضة أنا بشتغل بواب عشان الشفع ديل ما يمرقوا في الشارع ...

Post: #14
Title: Re: ملائكــــة فى المـــنبر ،،،
Author: Adam D.El-Asha
Date: 08-22-2005, 07:29 AM
Parent: #13

http://y1y1.com/up/get.php?filename=1124725252.jpg

يا تبلدينااليك القنقليس ده جيوفاني العشا

Post: #16
Title: Re: ملائكــــة فى المـــنبر ،،،
Author: Tabaldina
Date: 08-22-2005, 08:33 AM
Parent: #13

..
.

Quote: في الروضة أنا بشتغل بواب عشان الشفع ديل ما يمرقوا في الشارع ...

يا خال قشة ما تعتر ليك ...
بس والله انا خايفك تحرس الأبلة وتخلى وليدات الناس ..
يتجاروا فى شارعنا المليان ركشات وبلدوزرات دا ..

Post: #15
Title: Re: ملائكــــة فى المـــنبر ،،،
Author: Tabaldina
Date: 08-22-2005, 07:30 AM

..
.

Quote: آآآآآآآآآآآآآآآآآخ
سدلوني معاتم

الطفل\ سديمان

اعمل حسابك .. الابلة فى راسك

شنو يا دوك ما قلت نواكشوط نسوان زى البط
قلبت على الأستايل .. والخدود الوردي .. الشتلوها جوه قلبي ..

ناصر البطل ..
Quote: و كمان كان لقيت لى فرقه انا زاتى ما بقول لا

يا كافي البلاء يا حايد المحن
دى بقت روضة .. ولا فسيوجكال انستتيوت ..
غايتو منكم جفلة .. بقيتو بكايين خلاااص ..

مع الإعتزاز لابلتنا الرقيقة الرائعة ،،،
دا اطفال شواطين الله يقدرك عليهم ...
واتحمل البرودة .. فى مستودع التلج دا ..

Post: #17
Title: Re: ملائكــــة فى المـــنبر ،،،
Author: نهال كرار
Date: 08-22-2005, 09:17 AM

حلاااااااااااااتهم

ربنا يحفظهم من كل شر

Post: #68
Title: Re: ملائكــــة فى المـــنبر ،،،
Author: Tabaldina
Date: 08-24-2005, 04:25 AM
Parent: #17

..
.
أأأأأأأأأأمين يا نهال ،،
عقبال ما تجي داخله علينا الحضانة بتؤام ،،،

Post: #18
Title: Re: ملائكــــة فى المـــنبر ،،،
Author: WadAker
Date: 08-22-2005, 09:23 AM

انا عايز اسجل معاكم ياعمو تبلدينا وماما نادية فى طريقة....
الامضاء: الاء مصطفى عكر

Post: #20
Title: Re: ملائكــــة فى المـــنبر ،،،
Author: عماد شمت
Date: 08-22-2005, 03:21 PM
Parent: #18

ربي ما تحرم بيت من الاطفال .... قولوا امين

Post: #75
Title: Re: ملائكــــة فى المـــنبر ،،،
Author: Tabaldina
Date: 08-24-2005, 06:44 AM
Parent: #20

..
.
أأأمين .. يا عمده يا ود شمت

ووينك فراخك !!؟؟
تحياتي ،،

Post: #74
Title: Re: ملائكــــة فى المـــنبر ،،،
Author: Tabaldina
Date: 08-24-2005, 06:27 AM
Parent: #18

..
.
حححححححي أنا..
من العسسل الوية بت عكر ..
لبستها امها اللون الاحمر الخطر ..
والشعيرات اربع ببكل زى الزهر ..
تصارع ابوها وترمي عشرين بطل ..
كن قربتو منها تشرشر فيكم البول مطر ..
عمها يقول فيها شعر ولوحبت يكتب ليها نثر ..

Post: #86
Title: Re: ملائكــــة فى المـــنبر ،،،
Author: Frankly
Date: 08-24-2005, 11:07 AM
Parent: #18

ألاء مصطفى عكر

Post: #19
Title: Re: ملائكــــة فى المـــنبر ،،،
Author: نهال كرار
Date: 08-22-2005, 03:11 PM

أها ميساء كرار قالت برضو عاوزة تخش الروضة دي مادام الأبلة نادية

أختي دي ماتشاكلوها يانادية

Post: #77
Title: Re: ملائكــــة فى المـــنبر ،،،
Author: Tabaldina
Date: 08-24-2005, 07:28 AM
Parent: #19

..
.
Quote: أها ميساء كرار قالت برضو عاوزة تخش الروضة دي مادام الأبلة نادية

الابلة نادية والابل تبلدينا .. مالو تعبان ويعين ويحنس ..
اهلاً بميساء .. البت الهادية الرزينة ..
ولا المره دى برضو جلت ..
وتكون مشاغبة وظلامية زى السجلوها هنا ديل ..
بعدين ابلة نونو ما بتاعت مشاكل .. الكلام فى الأبل ..
عليها رسوم مرحلة الأساس .. شيكم بدخل الصباح .. دا تحذير

تحياتي ،،

Post: #22
Title: Re: ملائكــــة فى المـــنبر ،،،
Author: elsawi
Date: 08-22-2005, 10:23 PM

و أنا مكين .. طفل من دارفور
أقيم بمعسكر للاجئين شرق دولة تشاد .. قتل أبي و أغتصبت أمي و أحرق بيتنا و باقي قريتنا و لا أدري أين بقية أخوتي و أخواتي ... و كما ترون فأنا لست نظيفاً مثلكم وثيابي متسخة لأنني أرتدي كل ما أملك من ملابس .. ليس لي لعب مثلكم و لكن رمل دارفور يكفيني فمنه خرجت و عليه ألتصقت بصمات طفولتي و إليه سأعود لأتدثر به مع أبي .. أرغب في التسجيل في روضتكم حتي أتعرف بالأطفال و أعرفهم من أنا فهل من مجيب؟
مكين

Post: #35
Title: Re: ملائكــــة فى المـــنبر ،،،
Author: Mohamed E. Seliaman
Date: 08-23-2005, 07:00 AM
Parent: #22

لن يضيع حقك سدى مكين
الظلم عاقبته وخيمة
معك رب المستضعفين
يمهل ولا يمهل

Post: #71
Title: Re: ملائكــــة فى المـــنبر ،،،
Author: Tabaldina
Date: 08-24-2005, 04:47 AM
Parent: #22

..
.
سلام يا عمو الصاوى ،،
وحباب مكين ،،،
أنحنا فى روضتنا دى اولاد الهامش ديل ليهم اولوية وخصوصاً وليداتنا من دارفور
ومحتاجين لرعاية خاصة واهتمام ولازم نعين باحثة اجتماعية وباحث نفساني عشان نوفر ليهم
الظروف النفسية بعد سنوات من القهر والخوف والجوع ..وكل متوفر فى القريب بأذن الله
بس قول يا رب يا قاهر يا قوى ..
وبالمناسبة انحنا عندنا ركن الرمال دا بس عشان الوليدات اللابسين الجزمة والشراب
يلعبو بالتراب خصوصاً حناكيش الوسط ..
وعشان يحسوا انهم واحد مافي ود غرب ولا ود بحر
آها قلت شنو !!

سؤال عرضي :
بالمناسبة جلسة الإدارة الاهلية ( الونسة )
فى موقع ( حكومة القرية ) villages government
فى اى بقعة من وطنا الحبيب !!؟؟
وانت دورك شنو!! فى الموقع دا !!؟؟

تحياتي ،،

Post: #107
Title: Re: ملائكــــة فى المـــنبر ،،،
Author: elsawi
Date: 08-25-2005, 10:22 AM
Parent: #71

ألف شكر يا Tabaldina علي قبول مكين في روضتكم ونحلم معكم بتحويل كل ربوع بلادنا الي رياض.
بالنسبة لسؤآلك عن ال villages government فهذا الموقع يخص صديقي وأخي صديق إسماعيل أبو قرجة والذي أذن لي مشكورا بتحميل صوري عليه وليس لي أي دور فيه. بالمناسبة لقد أنشأ صديق هذا الموقع كجزء من عمل أكاديمي في مجال الكمبيوتر وليس له علاقة بالإدارة الأهلية أو السياسة عموما.
ولك شكري مجددا.
الصاوي

Post: #23
Title: Re: ملائكــــة فى المـــنبر ،،،
Author: elameen
Date: 08-22-2005, 10:41 PM

سجلوا لينا ده معاكم

Post: #24
Title: Re: ملائكــــة فى المـــنبر ،،،
Author: elameen
Date: 08-22-2005, 11:10 PM

[

Post: #25
Title: Re: ملائكــــة فى المـــنبر ،،،
Author: حمزاوي
Date: 08-22-2005, 11:28 PM

اخوي تبلدينا
مسكاقمي
بالمناسبة فى ناس بسالو عليك وقالو انت فى الخرطوم ومقاطعهم
معقول اكون في الخرطوم واقاطعكم
انا في الرياض
ونسأل الله ان يجمعنا في الخرطوم
قريباً
تحياتي لمن سأل عني ولكم وللجميع

Post: #26
Title: Re: ملائكــــة فى المـــنبر ،،،
Author: Habib_bldo
Date: 08-23-2005, 00:15 AM
Parent: #25

هؤلاء هم ملائكتي يا تبلدينا

Post: #29
Title: Re: ملائكــــة فى المـــنبر ،،،
Author: اشرف السر
Date: 08-23-2005, 02:03 AM
Parent: #26

Quote: و أنا مكين .. طفل من دارفور
أقيم بمعسكر للاجئين شرق دولة تشاد .. قتل أبي و أغتصبت أمي و أحرق بيتنا و باقي قريتنا و لا أدري أين بقية أخوتي و أخواتي ... و كما ترون فأنا لست نظيفاً مثلكم وثيابي متسخة لأنني أرتدي كل ما أملك من ملابس .. ليس لي لعب مثلكم و لكن رمل دارفور يكفيني فمنه خرجت و عليه ألتصقت بصمات طفولتي و إليه سأعود لأتدثر به مع أبي .. أرغب في التسجيل في روضتكم حتي أتعرف بالأطفال و أعرفهم من أنا فهل من مجيب؟
مكين

مكين من دارفور

اوهاج من دورديب

بله من الجزيرة

نيال من كاجوكاجي

نقد من حلفا القديمة

نحن مسئولون عنهم،،
ساستنا،،

مربونا ،،

ولا للسياسة التي تقتل براءة الطفولة..

Post: #70
Title: Re: ملائكــــة فى المـــنبر ،،،
Author: Tabaldina
Date: 08-24-2005, 04:32 AM
Parent: #26

..
.
حبيب بلدو ،،،
ازيك وليك طوله
تعال راجع بسرعة ولييداتك ديل راسهم قووووى
ابو يدخلو الروضة .. الا تنادى عمو معتصم ولا عمو تمبس
يخوفهم بالقوة ..
او انا ارجع لدكتورتنا بتاعت التكنلوجيا الما وصلت هنا ..

Post: #30
Title: Re: ملائكــــة فى المـــنبر ،،،
Author: waleedi399
Date: 08-23-2005, 04:40 AM
Parent: #25

نكــته......

Post: #27
Title: Re: ملائكــــة فى المـــنبر ،،،
Author: abas
Date: 08-23-2005, 01:07 AM

http://y1y1.com/up/get.php?filename=1124788935.jpg

Post: #28
Title: Re: ملائكــــة فى المـــنبر ،،،
Author: abas
Date: 08-23-2005, 01:10 AM
Parent: #27

سجلو لي محمد ده معاكم

عشان الابله دي اجي اسوقو منها يوميا

سجيمان مداقرنا في اي شيء

وما تنسو تنزلو لي صورتو هنا

Post: #31
Title: Re: ملائكــــة فى المـــنبر ،،،
Author: المسافر
Date: 08-23-2005, 05:56 AM
Parent: #28

تبلدينا
روعة
فنان أنت
أنا كنت حانزل صور الوليدات في بروفايلي
لكن انت عارف خشمي فلقة وكلامي طالق
لكن ممكن أنزلهم في روضتكم دي
مع تحياتي للأبلة الرائعة

Post: #32
Title: Re: ملائكــــة فى المـــنبر ،،،
Author: المسافر
Date: 08-23-2005, 06:44 AM
Parent: #31

ديار النو

إلى أحبابي في أصقاع الأرض

على ضفاف النيل الجميل

وأطراف الصحاري ودارفور

والغابات والسهول

أحبكم

Post: #33
Title: Re: ملائكــــة فى المـــنبر ،،،
Author: المسافر
Date: 08-23-2005, 06:51 AM
Parent: #32

عاصم النو

إلى أصدقائي

أنا معكم

سوف نلتقي

وسوف نكون معاً

إلى الأمام

Post: #34
Title: Re: ملائكــــة فى المـــنبر ،،،
Author: المسافر
Date: 08-23-2005, 06:59 AM
Parent: #33

عنان النو

أينما كنتم تدرككم محبتي
فأنا منكم
أحبكم

Post: #36
Title: Re: ملائكــــة فى المـــنبر ،،،
Author: المسافر
Date: 08-23-2005, 07:02 AM
Parent: #34

عناب النو

في كتاب حبنا
كل الصفحات متاحة لكم
حصرياً

Post: #41
Title: Re: ملائكــــة فى المـــنبر ،،،
Author: المسافر
Date: 08-23-2005, 07:20 AM
Parent: #36

أم عنان

وأقدم طلبي لوظيفة فراشة في روضتكم
أملي أن تقبل أبلة نادية هذا الطلب

Post: #43
Title: Re: ملائكــــة فى المـــنبر ،،،
Author: نجود حسن عبد الرحمن
Date: 08-23-2005, 07:23 AM
Parent: #41

يالمسافر انا لى زمن عاوزة انزل صورة بتى اختى وماعرفت انزله كيف افيدنى عليك الله خلينى الحقه الملايكه ديل

Post: #102
Title: Re: ملائكــــة فى المـــنبر ،،،
Author: عبدالرحمن عبدالله أبوشيبة
Date: 08-25-2005, 03:40 AM
Parent: #43

وأنا ذاتي يانجود عايزك تنجديني في رفع الصورة

Post: #105
Title: Re: ملائكــــة فى المـــنبر ،،،
Author: نجود حسن عبد الرحمن
Date: 08-25-2005, 07:29 AM
Parent: #102

انت جاااااااادى يا ابشيبه

شوف كلام المسافر فى نفس الصفحه شارحو كويس

Post: #64
Title: Re: ملائكــــة فى المـــنبر ،،،
Author: Tabaldina
Date: 08-24-2005, 03:47 AM
Parent: #41

..
.
المسافر ،،،
اولاً ما شاء الله .. كويس فتحنا قسم الأساس
تتصور الزمن دا كلو قايلك لسه فى الحضانة ,, قصدى وليداتك
ولانك سجلتهم فى مدارسنا دى لازم نعمل ليكم تخفيض لانو الاساس عندهم رسوم
لكن الروضة مجانية .. بس عليك الله ما تعادى الوليدات بالجينات الوراثية وصلعتك
البتنزل طيارة وارد الفاشر ديك !!
تاني شئ اسم عنان وعناب ..
روعة بالجد والله شفيتو من ووين !!؟؟
تتصور انا مضطر اسمي حازم وأحمد .. انا ما عارف سمااح الاسماء دا شنو!!
بس الله قادر .. محمد معانا ما تغشا البوست دا ..
تالت هام تم تعين ام عنان أبلة تشرف على اجراءات التسليم والتسلم
غايتو ما عندك طريقة تخش لجووووووووه ..

ربنا يحفظهم جميعاً ويغطيهم وعقبال ما تقبض الهلل منهم
وتزف عنان لعنان السماء بيت عدلها ..

Post: #37
Title: Re: ملائكــــة فى المـــنبر ،،،
Author: WadAker
Date: 08-23-2005, 07:07 AM

وكمان الامور محمد عباس سجلناه معانا

Post: #67
Title: Re: ملائكــــة فى المـــنبر ،،،
Author: Tabaldina
Date: 08-24-2005, 04:01 AM
Parent: #37

..
.
يا خلق الله ..
حماده عباس دا جانا متين !!؟؟
من امبارح قال ما داخل الروضة ..
البركة فيك يا عمو ودعكر .. الاقنعتو ..
والله امبارح بتفرج مع بنياتي فى مسلسل ميشيل البنية الامريكية
الشقية ديك وقال كدا وودوها الحضانة وامشى هبشي قفص العصفور دايف
وقام طاااار .. البنية ما جننت ابوها واعمامها جن لمن جابو بغبان تاني اسمو سامى
شوف الله ببغاواتهم اسمهم دايف وسامي ..
والله كن قدرت مع ابلة نونو طلعت ليكم وليداتكم لطيعين وفصيحين زيها
الا وطاتكم خربت ونهاركم تاني ما بصبح

ودعكر ..

عليك الله اقنع لي جيوفاني بتاع الكاريبي دا يجي
دا ود خالي لكن راسو حجر بس .. كدى حاااول عشان ابوه ينبسط ..

Post: #40
Title: Re: ملائكــــة فى المـــنبر ،،،
Author: Tabaldina
Date: 08-23-2005, 07:17 AM

..
.

ولد محى الدين ابكر سليمان ،،،

على بالطلاق .. الوليد دا ماشاء الله عليهو
فرفرتو دا وكريعاتو الرافعن ديل شكلو مشاغب وهباش
ومكره امو الليل زاتو ..

نــــــــــــــــــداء عاجل :

يا تمبس بالله بسرعة حل لى مشكلة ود خالى أدم العشا (جيوفاني )
وود عباس دا .. حمل الصور وصغرها لو سمحت

شــكر وإمتنان :
شكر لك ما تقدم وسجل اطفاله وووليداتو فى الروضة دى
حقيقة نسبة للاقبال الشديد قرننا ان تكون مجانية
ولان السيرفر عندنا هنا ضعيف ما قادر ادخل تعقيبات بس العام الدراسي للحضانة طووويل
بس اهم حاجة تجيبوا البامبرز للصغار وما تنسو العصاير والسندوتشات
الابلة بتدرس امكانية فتح قسم اساس مع الروضة هنا ..

تحياتي لاحبائي الصغار
وابهاتم وامهاتم ..
يوم الأسرة قريب

Post: #51
Title: Re: ملائكــــة فى المـــنبر ،،،
Author: محى الدين ابكر سليمان
Date: 08-23-2005, 10:19 AM
Parent: #40

الاخ تبلدينا
شكرا لك
وياخى كاْنك تعيش بيننا, وصفك دقيق لحد مذهل, مشاغب, وهباش, ومسهرنا الليل, ياخى دة عاوز يمشى ويتكلم من هسع!

Post: #80
Title: Re: ملائكــــة فى المـــنبر ،،،
Author: tmbis
Date: 08-24-2005, 09:41 AM
Parent: #40

يا تنقــا
مشيت ارتاح ياعمي الناظر .. وما لقيت النداء ده إلا حسع
اها غايتو اعتمدوني معاكم في الروضة ( سقاي شجر )
وهاك ده الجيوفاني

Post: #98
Title: Re: ملائكــــة فى المـــنبر ،،،
Author: Tabaldina
Date: 08-25-2005, 03:09 AM
Parent: #80

..
.
Quote: اها غايتو اعتمدوني معاكم في الروضة ( سقاي شجر )

والله الظاهر حنعمل مجلس اباء قريب
وكمان مجلس امهات ..
Quote: وهاك ده الجيوفاني

شكراً باصيت ليى جيوفاني تلقى ابوهو اساريرو انفرجت فى بروكلين
انت غايتو ما عليك حرج نعينك مصوراتي قصدى مصغراتي صور ..
الكلام على الابهات الديرين يسكنو فى الروضة !!

Post: #101
Title: Re: ملائكــــة فى المـــنبر ،،،
Author: tmbis
Date: 08-25-2005, 03:32 AM
Parent: #40

Quote:
Quote: ولد محى الدين ابكر سليمان ،،،

على بالطلاق .. الوليد دا ماشاء الله عليهو

Quote: محمود عادل فضل المولي

يخلق من الشبه اربعين
الله يحفظكم

Post: #42
Title: Re: ملائكــــة فى المـــنبر ،،،
Author: Abdulla Ageed
Date: 08-23-2005, 07:21 AM

أمرت الأبلة بطرد هذا الطفل من الروضة

لأنه مشاغب:

Post: #44
Title: Re: ملائكــــة فى المـــنبر ،،،
Author: Abdulla Ageed
Date: 08-23-2005, 07:33 AM
Parent: #42

وبكّاااااااااااي..

Post: #45
Title: Re: ملائكــــة فى المـــنبر ،،،
Author: ناذر محمد الخليفة
Date: 08-23-2005, 08:35 AM
Parent: #44

تبلدينا بوستك متعة والله !!!!

ميزر ناذر خليفة .....

سجلو في أساس عند عمو الموج وفجأة كدي سجلني أنا مع أبلة نادية

Post: #46
Title: Re: ملائكــــة فى المـــنبر ،،،
Author: Tabaldina
Date: 08-23-2005, 08:48 AM
Parent: #45

..
.
يا ناذر ..
يخلق من الشبة اربعين خصوصاً التخرج
وولدك دا امو سيردفي ولا هيما مالين ..!!
انت فتش امو بعدين تعال سجلو هنا ..
Quote: سجلو في أساس عند عمو الموج وفجأة كدي سجلني أنا مع أبلة نادية

والله الأبلة دا حطفشوا لينا .. كن ما طالبت بزيادة
وبدل غزل..

ياخى أتصل على الأن ضروري ،،،
جهجهتنا ..
معليش يل جماعة دا قرار إداري مستعجل ..

Post: #399
Title: Re: ملائكــــة فى المـــنبر ،،،
Author: نجود حسن عبد الرحمن
Date: 03-11-2006, 08:42 AM
Parent: #44

Quote:

وبكاااااااااى

ابله ندوو..

الشافع ده عامل هرجله فى صفى

شوفي ليهو صرفه ..

Post: #48
Title: Re: ملائكــــة فى المـــنبر ،،،
Author: WadAker
Date: 08-23-2005, 08:56 AM

Quote: ميزر ناذر خليفة .....

الشافع ده مولود متخرج ... طفل انابيب والا شنو؟
معليش يا تبلديناعلى التخريمة/المدماك

Post: #49
Title: Re: ملائكــــة فى المـــنبر ،،،
Author: ناذر محمد الخليفة
Date: 08-23-2005, 09:19 AM
Parent: #48

!!!!!

Quote: الشافع ده مولود متخرج ... طفل انابيب والا شنو؟

قل هو الله أحد !!!! مالك يا ود عكر داير تنجه لي الشافع !!

Post: #62
Title: Re: ملائكــــة فى المـــنبر ،،،
Author: Tabaldina
Date: 08-24-2005, 03:10 AM
Parent: #48

..
.
Quote: الشافع ده مولود متخرج ... طفل انابيب والا شنو؟
معليش يا تبلديناعلى التخريمة/المدماك

قاتلة والله يا ود عكر .. دا مش طفل انابيب سااى
وكمان بتنطط من ركن لحوش .. قطع نفس الأبلة ..

بالمناسبة يا ناذر ،،
الأبلة دى ان شاء الله عوافي .. كم يوم مسجلة غياب
اعتقد بحجم الروضة والحضانة ومرحلة الأساس نشوف لينا
تاني ابلتين كدا .. اى مقترحات !!؟؟

Post: #50
Title: Re: ملائكــــة فى المـــنبر ،،،
Author: WadAker
Date: 08-23-2005, 09:31 AM

مبروك عمو tmbisنقلك الصف التانى

Post: #73
Title: Re: ملائكــــة فى المـــنبر ،،،
Author: tmbis
Date: 08-24-2005, 04:58 AM
Parent: #50

يا ودعكــر ..
http://www.20six.co.uk/pub/tmbis/wdakar.jpg

نديك الرابط الفوق ده تصغير للحجم علشان البوست ما ينفر ..
وبالمرة خلى الامورة دي تعمل لينا ( مس كول )

Post: #53
Title: Re: ملائكــــة فى المـــنبر ،،،
Author: ghariba
Date: 08-23-2005, 05:48 PM

تبلدينا

وينك ياراجل مدة طويلة ما شفناك

والبورد رائع ولفتة بارعة منك د

وتقبل تحيات ايلاف و شقيقتها اسراء

وبالمناسبة الصورة دي قديمة شوية

و مبروك افتتاح الروضة

صلاح غريبة - لازلت صايع بالقاهرة

Post: #54
Title: Re: ملائكــــة فى المـــنبر ،،،
Author: المسافر
Date: 08-23-2005, 07:44 PM
Parent: #53

الأخت نجود
تحية لك
أدخلي في بوست عادل فايد (أطلب المساعدة)

في جماعة شروحه بصورة جميلة

المهم تعطي الصورة اسم انجليزي على المكتب أو المستندات لديك
تضغطي على تحميل الصورة الظاهر أعلاه في البورد
تضغطي على برويز
ثم تحميل الصورة
بعد ما يظهر ليك نجاح أكتبي الإسم عند في ورقة خارجية أو بواسطة نسخ

في المكان الذي تريدين وضع المداخلة بعد ما تضغطي على (reply)
أفتحي مربع (image )
وأنقلي الآتي

www.sudanhosting.com/cgi-bin/bandwidth.pl?type=pic&name=eee

في محل (eee ) ضعي اسم الصورة لو كان نسختيه من قبل أو مكتوب في ورقة خارجية

يعني داخل المربع أنقلي الرابط المكتوب الموضح أعلاه بالأزرق دبليو دبليو دبليو ...إلخ
أضغطي على أوكي يظهر ليك الرابط بين أقواس
وأعملي تجربة بريفيو
تجدي الصورة ظهرت

Post: #121
Title: Re: ملائكــــة فى المـــنبر ،،،
Author: نجود حسن عبد الرحمن
Date: 08-27-2005, 01:45 AM
Parent: #54

شكرا يالمسافر عُلم ونفذ

Post: #441
Title: Re: ملائكــــة فى المـــنبر ،،،
Author: Haytham Abdulaziz
Date: 07-06-2006, 03:52 AM
Parent: #54

الأخ تبلدينا
التحية لك
اها انا داير اسجل ولدي دة قبل التسجيل ما يقفل و الطلب مكتمل و الصورة مرفقة معاو قبل ما السنة تضيع على الولد الشقي دة.

كل الود

اخوك/ هيثم القوز

Post: #55
Title: Re: ملائكــــة فى المـــنبر ،،،
Author: altahir_2
Date: 08-23-2005, 08:52 PM

غايتو يا جنى ما شاء الله عينى باردة لكن بتك حلاته تشيل القلب معاها
وفعلا البورد بقى مملوء بملائكة الرحمة .( بس الواحد يشوف ساى لكن ما يقراء)

Post: #57
Title: Re: ملائكــــة فى المـــنبر ،،،
Author: محارب
Date: 08-24-2005, 01:59 AM
Parent: #55

Post: #122
Title: Re: ملائكــــة فى المـــنبر ،،،
Author: نجود حسن عبد الرحمن
Date: 08-27-2005, 01:56 AM
Parent: #57

سجلوها لى فى الصف معاكم واوعكم زول يحقر بيها نجيييييضه وبتاخد حقها بيدها وانا عملت العلى (حنكشة) فى قاموسه مافى (شرااااااميه)

Post: #56
Title: Re: ملائكــــة فى المـــنبر ،،،
Author: محارب
Date: 08-24-2005, 01:52 AM

Post: #108
Title: Re: ملائكــــة فى المـــنبر ،،،
Author: نادية عثمان
Date: 08-25-2005, 10:54 AM
Parent: #56

تبلدينا الرائع

اولياء الامور الاجلاء

اطفالى الملائكة البيض

انتظرونى

انا جاية

وماما زمانها جاية

جاية بعد شوية

جايبة لعب وحاجات !!

Post: #176
Title: Re: ملائكــــة فى المـــنبر ،،،
Author: Tabaldina
Date: 08-29-2005, 03:25 AM
Parent: #108

..
.
حمداللة على السلامــة يا روعة ،،،

الروضة من غير ابلة زيك .. كان مجلس الأباء قفلوها ..

بجيك ،،،

Post: #58
Title: Re: ملائكــــة فى المـــنبر ،،،
Author: Tabaldina
Date: 08-24-2005, 02:16 AM

..
.

يا أبو السارا ..
شنو جبت الوليد هنا ولا اديتنا تفاصيل ولا اى حاجة
على العموم هو على العين والرأس والأبلة ما بتقصر ..
بس الاسم لزوم التسجيل والاجراءات ما يجى واحد يلفحه
وربنا يحفظه لمن تشوفه فى بيت العدل ..
قول أمين ،،

تنبية إداري :
يا المحارب والله انا صورك دى ما شايفها ..
يا ربي نرجع للدكتورة نعمل أيز جيك ولا كيف ...

يا تامبا ياخى ما تساعدونا بالدفرة .. عالم غتيته بشكل

Post: #61
Title: Re: ملائكــــة فى المـــنبر ،،،
Author: محارب
Date: 08-24-2005, 02:54 AM
Parent: #58

اسفين جدا يا تبلدينا

(جوان) مجننانا عايزة تسجل

والصورة عاكستني ما عايزة تنزل

بس طبعا البنية صغيرة ودايرة مرافق معاها

عشان كدة حاجي معاه الروضة ؟؟؟؟

Post: #63
Title: Re: ملائكــــة فى المـــنبر ،،،
Author: Tabaldina
Date: 08-24-2005, 03:35 AM
Parent: #61

..
.
أخيراً يا محارب ..
حمدالله على السلامة ،، شايفك رحت من عنوان روضتنا
لكن جوان بنيتك ما بتتمسك الا نجيبوا خالتو شاينغ تلعبها وتسكتها لينا
ما كلها اسما خواجات ..
واهم حاجة البزازة وماء غريب البنية بتسنن ولا شنو !!؟؟
بكاها دا ما عااادى ..
ويبدو ان اكلك كلو دليفري سيرفس بيتزا وكدا ..
بخت امها المطبخ بقي ليها بعيددددددددد

Quote: عشان كدة حاجي معاها الروضة ؟؟؟؟

حتى أنت يا بروتس .. !!
اها قررنا لائحة جديدة يتم تسليم الاطفال من الباب عند الغفير ود قاسم وام عنان
قال جاي الروضة دا كلو عشان جوان !! هى هى هى هى هى

شــحدة عابرة :
يا المحارب عليك الله المساند بتاعتكم السمحة دى ( ماشاء الله )
ما ترسل لي ست .. ام البنية بتاعتى اللسه بنأسس ليها قالت
لازم يجدعو ليها كم مسند كدا
فى الهول وماستر ررووم .. ممكن!!? شاور ام جوان ورسل ايميل انا جااادى

شحاد دخل الروضة ،،،

Post: #389
Title: Re: ملائكــــة فى المـــنبر ،،،
Author: ali elhassan
Date: 12-28-2005, 01:58 AM
Parent: #61

Quote: بس طبعا البنية صغيرة ودايرة مرافق معاها

عشان كدة حاجي معاه الروضة ؟؟؟؟

محارب اخوى :
بطل استهبال مرافق قال انت قايلا ماشة عمرة
البنية فى يد امينة ماتخاف عليها.

ربنا احفظم

Post: #66
Title: Re: ملائكــــة فى المـــنبر ،،،
Author: معتصم دفع الله
Date: 08-24-2005, 04:01 AM
Parent: #58

فعلاً ملائكة ..
ربنا يحفظهم ويرعاهم ..

شغلك جميل يا تنقا ..
عقبال ما نشوف أولادك يا حبيب ..
كتر التلج ولا أقول ليك خزن منو قدر ما الله يديك ..
بدينا العد التنازلي ..
شوية كده وتلقانا متلبين بي هناك ..

Post: #181
Title: Re: ملائكــــة فى المـــنبر ،،،
Author: Tabaldina
Date: 08-29-2005, 05:44 AM
Parent: #66

..
.
انتَ الأجمل يا أبو الدفاع ..
وجمعاً كدا ..
بس أخوك خلاااص فى اللمسات الأخيرة ..
ليكم الله وعيشة الغربة ..
والله احر من العزوبية فى السعودية يطرشنى ..
وان شاء الله اشوف اولادك فى روضة الملائكة والجامعات ..
والله منتظرنك على احر من الجمر ...
كنت اود ان نلتقى>>
انت
ودومه ..
والجندرية ..
ودكين ..

ولكن للناس ظروف الاجازات ..

دوماً لك الود وموقع صغارك محجوز ،،

Post: #60
Title: Re: ملائكــــة فى المـــنبر ،،،
Author: قرشـــو
Date: 08-24-2005, 02:53 AM

Quote:
أمرت الابلة بطر الولد ده

لانه مشاغب

وبكااااااااى

ود عقيد

الله يجازى شيطانك ياخى

حبيبنا تبلدينا

يا سلام عليك ياخى

حقيقى لفتة بارعه فهؤلاء لا يشاركون فى الكتابة ولا يدلون بارائهم مع انهم السبب الحقيقى لنا لكى نتغرب ونتعب ونكتب ونكافح فى هذه الحياة ولولاهم لكان حالنا عجبا

الفكرة جميلة جدا ما اسلف الاخوان وبالمناسبة دى ادعو الجميع لانزال صور ابناءهم

هذا البوست من عدن ؟؟؟؟

Post: #65
Title: Re: ملائكــــة فى المـــنبر ،،،
Author: gamal elsadig
Date: 08-24-2005, 04:00 AM
Parent: #60

العزيز / تبلدينا
ولا اقول ليك .. الرائع / صالح
سلامــــــــــــــات
المدينة العروس الايام دي في كامل زينتها
ومافي تحت تبلدية فاضي .... كلو مليان
و الجماعة واقعين في (الاقاشي)و(العفوس)
اكل شديد... والظاهر (العفوس) ماحيخلي
للتبلدي ضــــل .
*************************************
رايك شنو في الملاك (الفقع) يادوب....

برضــــــو منتظر زيارتك بالكاش او بالاقساط
جمال حسين

Post: #69
Title: Re: ملائكــــة فى المـــنبر ،،،
Author: tmbis
Date: 08-24-2005, 04:29 AM
Parent: #65

يا تنقـــا الله يحفظ الحلوين ديل ..
ويلقو الزمن الجاي احسن من زمن العفار والغبار الفي السماء ده ..
حقيقة بي وجودهم الدنيا طعمها بيكون مختلف ..
وطيعا يا تبلدينا انا اكبر حرامي هنا في البورد من ما اشوف لي صورة لي اي بوردابي صغير يا بوردابية بهكره طوالي في الحال وتكون في الحفظ والصون ..
ضحكة من طفل = الدنيا كلها..
الامورة حنين بدرالدين ( امريكية )

نــدى أحمد سعيد ( قرنفل ) بوردابية من الرياض

اسيل اسماعيل وراق بوردابية من الرياض
وانصارية على السكين

Post: #72
Title: Re: ملائكــــة فى المـــنبر ،،،
Author: زول ساكت
Date: 08-24-2005, 04:53 AM
Parent: #69

قلنا نلحق التسجيل قبل مايقفل

واسطه ماعندنا

براءه عباس

Post: #85
Title: Re: ملائكــــة فى المـــنبر ،،،
Author: Frankly
Date: 08-24-2005, 10:59 AM
Parent: #72

الله يحفظهم جميعاً
هدية لزول ساكت

Post: #94
Title: Re: ملائكــــة فى المـــنبر ،،،
Author: سجيمان
Date: 08-24-2005, 10:05 PM
Parent: #72

اها سفتو؟؟؟؟....زي دا البي يحليني احرد اللودة...... حسي ادوم ابتي انا وبدل الابلة ما تسيلني وتستتني.. تسيلو هو........انا ديبيل دتتا... حناتيس ما معانا......

Post: #144
Title: Re: ملائكــــة فى المـــنبر ،،،
Author: زول ساكت
Date: 08-27-2005, 07:25 AM
Parent: #94

Quote: اها سفتو؟؟؟؟....زي دا البي يحليني احرد اللودة...... حسي ادوم ابتي انا وبدل الابلة ما تسيلني وتستتني.. تسيلو هو........انا ديبيل دتتا... حناتيس ما معانا......

لووووووووووووووووووووووول ثم لوووووووووووووووووول ثم لووووووووووول
ياسدومي
بالانابه عن براءه الحنكوسه

Post: #79
Title: Re: ملائكــــة فى المـــنبر ،،،
Author: محارب
Date: 08-24-2005, 09:12 AM
Parent: #69

تبلدينا

يا اخوي المساند هينة
بس شوف لينا موضوع ( المرافق ) ده ؟؟؟

عشان بعدين ناس ود قاسم ما يقرعونا من خشم الباب

اكيد شكري

Post: #182
Title: Re: ملائكــــة فى المـــنبر ،،،
Author: Tabaldina
Date: 08-29-2005, 06:01 AM
Parent: #65

..
.

ود حلتنا ،،،
ويا حليل رمال حلتنا ،،
والله يا جيمي قالو ليك جنس رحلات وجنس شيات واقاشي
دخاخينهم حفرة دخان بس ..
العفوس دا ناس البحر ما بعرفو الا تشرحوا ليهم بالفول المزلوط ..

الا النقول ليك وليد دا يادوب فقعوا دى فى مرحلة 10 رضعات فى اليوم
نعين امو ابلة ولا كيف !!؟؟

بمناسبة الأقساط .. هايس ابوسفه سكند هاند مافى !!؟؟

تحياتى والله بمرك بس ادينا صنه ..

الود للابيض ورمالها .. وللاسرة ،،،

Post: #91
Title: Re: ملائكــــة فى المـــنبر ،،،
Author: Adam D.El-Asha
Date: 08-24-2005, 02:00 PM
Parent: #60

http://y1y1.com/up/get.php?filename=1124921139.jpg

Post: #92
Title: Re: ملائكــــة فى المـــنبر ،،،
Author: Frankly
Date: 08-24-2005, 02:43 PM
Parent: #91

الأخ آدم الصورة كبيرة جداً
لحدي ما تصغرها هذه هدية مني

فرانكلي

Post: #183
Title: Re: ملائكــــة فى المـــنبر ،،،
Author: Tabaldina
Date: 08-29-2005, 06:19 AM
Parent: #92

..
.
فرانكلي ..
يا دفعة شغلك نضيف ..
بس ما تقنعنى انك زى رئيس مجلس الادارة ..
فاتح روضة ..
وعشمااان بالملائكة ،،،

شكراً ليك نيابة عن مجلس الادارة والاباء والخال ادم ابوجيوفاني ..

عليك الله ما تفتو لى فى اسم جيوفاني دا !!
قال شنو امريكاني لاتينى !!

دى حركات المهاجرين البترفع ضغطي ..
معليش يا خال شوته ضفارية ..
وحليل مريخ كادقلي

Post: #76
Title: Re: ملائكــــة فى المـــنبر ،،،
Author: Tabaldina
Date: 08-24-2005, 07:00 AM

..
.

برعم العوض الطيب ،،،
يتأمل فى محن الدنيا يا طلع شاعر يا عالم ذرة ..
ماشاء الله .. عيني باردة
يا عين يا عينة يا كافرة يا نصراية
عين الفتاة تقد الواطه ..
..................
عليكم الله دى روضة ما يجى واحد يقول كافرة ولا نصراية
انا سمعت حبوبتى بتقول كدا الله يرحمها ..
وما فاهم اااى حاجة ..

Post: #78
Title: Re: ملائكــــة فى المـــنبر ،،،
Author: tmbis
Date: 08-24-2005, 08:24 AM
Parent: #76

يا تنقـــا
حاول عدل الصورة الفوق .. لانو الحجم كبير .. استعمل الرابط ده صغرتها وجاهزة للتحميل
http://www.20six.co.uk/pub/tmbis/mnso.JPG

Post: #89
Title: Re: ملائكــــة فى المـــنبر ،،،
Author: waleedi399
Date: 08-24-2005, 12:04 PM
Parent: #78

تبلدينا،،

انت الشفع الحلوين ديـل
ووين آبلة ظاظا بتاعتهم،،
شايفها ما شغالـه بيهـم
أرجو تعيين مساعدة
حتى تتكفل بالامر
في ايام غيابها

وممنوع الاختـلاط
والتجكيـس،،

Post: #184
Title: Re: ملائكــــة فى المـــنبر ،،،
Author: Tabaldina
Date: 08-29-2005, 06:27 AM
Parent: #89

..
.
ححححححححي انا ..
من الناس البسيبو تلجهم وبكسرو تلج الأبلات ..

اها عينه ابلة مساعدة اجري كسر لمن تقع تنكسر ..

وممنوع الإقتراب يا وليد 400-1

Post: #81
Title: Re: ملائكــــة فى المـــنبر ،،،
Author: WadAker
Date: 08-24-2005, 10:19 AM

Quote: حححححححي أنا..
من العسسل الوية بت عكر ..
لبستها امها اللون الاحمر الخطر ..
والشعيرات اربع ببكل زى الزهر ..
تصارع ابوها وترمي عشرين بطل ..
كن قربتو منها تشرشر فيكم البول مطر ..
عمها يقول فيها شعر ولوحبت يكتب ليها نثر ..

عمو تبلدينا والله خجلتنى
بابا كان داير يبنى ليك بيت شعر من كم طابق لكن قال لى لما انا اكبر واعرف الغزل بعدين برد ليك الكلام العسل ده
شكرا عمو
++++++
tmbisعمو
Quote: وبالمرة خلى الامورة دي تعمل لينا ( مس كول

شكرا عمو مس كول بس دى انا داير اشكرك واتونس معاك كتير
الامضاء : الاء ودعكر

Post: #82
Title: Re: ملائكــــة فى المـــنبر ،،،
Author: tmbis
Date: 08-24-2005, 10:29 AM
Parent: #81

Quote: الامضاء : الاء ودعكر

يلالا يا مامــا جبت ليك صاحبه ،، تتونسو بي مزاج وتمشو الروضة مع بعض ..
مـــآب عماد الدين
بت أخوي.. الما شفتها لحدي الآن

Post: #83
Title: ملائكة في المنبر،،،
Author: jafar hashim
Date: 08-24-2005, 10:37 AM

يا عمو تبلدينا أنا هاشم جعفرهاشم
خريج حضانة روضة (جيل الغد) بالديوم الشرقية الخرطوم
وداير أواصل دراساتي العليا في المرحلة فوق الحضانوية بروضة (ملائكة المنبر السيبيرية).

تخريمة:-
يا تبلدينا
جايينك نفرين من جهاز المغتربين للنظر في تحديد الضرائب على هذا النشاط التجاري السيبري)...
التحيات لكل العاملين والعاملات بالروضة.

Post: #84
Title: Re: ملائكة في المنبر،،،
Author: tmbis
Date: 08-24-2005, 10:41 AM
Parent: #83

عباس ( زولاً ساكت )
هدية لي براءه
http://www.20six.co.uk/pub/tmbis/zoool.jpg

Post: #99
Title: Re: ملائكة في المنبر،،،
Author: Tabaldina
Date: 08-25-2005, 03:12 AM
Parent: #84

..
.

يا ولد يا سيديمان يا سيتان
دى حنتوسة ما حنتوس
يا بابا..

Post: #145
Title: Re: ملائكة في المنبر،،،
Author: زول ساكت
Date: 08-27-2005, 07:35 AM
Parent: #84

Quote: عباس ( زولاً ساكت )
هدية لي براءه

هي ماخلعتني ياتمبس

انا قلت هديد هديه يعني!!!!!
وبرضك مابتقصر الجايات اكتر من الفاتن

Post: #88
Title: Re: ملائكة في المنبر،،،
Author: Frankly
Date: 08-24-2005, 11:18 AM
Parent: #83

هاشم جعفر هاشم

Post: #185
Title: Re: ملائكة في المنبر،،،
Author: Tabaldina
Date: 08-29-2005, 06:57 AM
Parent: #83

..
.
سلام يا هشوما ..
انت بالله من عندنا !!؟؟
اهلن بيك وبالديوم شرقها وغربها ..
وعقبال الدراسات العليا ..
Quote: يا تبلدينا
جايينك نفرين من جهاز المغتربين للنظر في تحديد الضرائب على هذا النشاط التجاري السيبري)...
التحيات لكل العاملين والعاملات بالروضة.

محمد معانا ضرايب السودان ما تغشانا
بالله يا أبو هاشم .. ناس الضرائب ديل شوف لينا معاهم حل ..

تحياتي وتحيات الإصطاف العامل ،،

Post: #87
Title: Re: ملائكــــة فى المـــنبر ،،،
Author: WadAker
Date: 08-24-2005, 11:09 AM

Quote: يلالا يا مامــا جبت ليك صاحبه ،، تتونسو بي مزاج وتمشو الروضة مع بعض ..

مـــآب عماد الدين
بت أخوي.. الما شفتها لحدي الآن

خلاص موافقين وان شاءالله يارب صورتك الجاية يا ماب تكونى فى حضن عمو تمبس

Post: #90
Title: Re: ملائكــــة فى المـــنبر ،،،
Author: المسافر
Date: 08-24-2005, 01:50 PM
Parent: #87

تبلدينا
بالماء راوينا
الشباب الحين من مرحلة الساس حتى الثانوية
وبعد قبول أم عنان نفكر نقدم طلب لسواق الحافلة
وخلينا نتلم في مؤسستكم التعليمية وكان سويتو ليكم فصول مسائية برانا بنسجل معاكم ، إنشاء الله محو امية

أسم عنان على عنان بنت الولي الأكبر محمد أبوعنان راجل فاس في المغرب
وإسم عناب على عناب العكامية
أما إسم عاصم وديار في صورة نوح عليه السلام

Post: #93
Title: Re: ملائكــــة فى المـــنبر ،،،
Author: مريم بنت الحسين
Date: 08-24-2005, 05:06 PM

الللللللللللله البوست بتاعكم ده جميل خلاص... شي يرد الروح... ربنا يحفظهم ويغطيهم .. ويسعدهم ويكبرهم ونشوف جديدهم...

قبل شويه كنت بتفرج في برنامج عن مصورين محترفين ومشهورين .. عملوا حملة لتصوير الاطفال في دار الأيتام، صور معبره.. وعرضوها في معرض سموهو معرض القلوب.. محاولة منهم للفت إنتباه الناس للأطفال ديل.. وفعلا نتيجة للحاجه دي تم تبني عدد كبير من الاطفال العايزين بيت يلمهم.. تساءلت مع مازن اخوي، ليه الناس بجيبوا اولاد وفي اطفال مساكين ما لاقين اب ولا أم... ربما هي الرغبه في ان يكون لك من يخلفك حقاً.. لكن هل يضير لو كفل احدنا يتيماً ومنحه بيتاً واهل، واخوه؟

معليش، خواطر نص الليل...

بنت الحسين

Post: #95
Title: Re: ملائكــــة فى المـــنبر ،،،
Author: Tabaldina
Date: 08-25-2005, 01:57 AM

..
.

ود الخال يا رهيب .. شطة بس

والله يا يا خال ماشاء الله .. عينا باردة
قل هو الله احد .. الله الصمد
لم يلد .. ولم يولد .. ولم يكن له كفوا احد
الولد جيوفاني ما بقي بشبة اللاتين امريكان
يا خلاخيلو انت ماما نفسها ولا فى كاريبية بالكرباوي

ربنا يحفظه ويغطيه من عين الفتاة البتقد الواطه ،،
غايتو جكس عام 2020
تعبع خلاااص .. يبكو بس ..

دونت فورقت يا جيو تو ساى ثانكز تو انكك تمبس
هاااااااااى انكل تامبا

Post: #97
Title: Re: ملائكــــة فى المـــنبر ،،،
Author: tmbis
Date: 08-25-2005, 02:58 AM
Parent: #95

Quote: دونت فورقت يا جيو تو ساى
Quote: ثانكز تو انكك
تمبس هاااااااااى انكل تامبا

روضتك اتملت ( مارينز ) يا تنقــا
بختك غايتو ضمنت اللوتري بتاع 2020 ههههههههه .. جهز فورماتك من حسع
العسولة ( جنية بت جني الشهير بي البصيرة أبوحمد) )

Post: #109
Title: Re: ملائكــــة فى المـــنبر ،،،
Author: elsawi
Date: 08-25-2005, 02:26 PM
Parent: #97

يا سلام ياtmbis
هل الفنان المصاحب للأطفال محمود عبد العزيز؟
ممكن لنك الحفظ عشان نحفظ وليداتنا؟
مع جزيل شكري ياtmbis.
الصاوي

Post: #117
Title: Re: ملائكــــة فى المـــنبر ،،،
Author: tmbis
Date: 08-26-2005, 04:53 PM
Parent: #109

العزيز الصاوي..
سلامات
فعلا الفنان المصاحب لمجموعة كورس الأطفال هو محمود عبد العزيز وهذا العمل من البوم شايل جراح وتغنى فيه بالعديد من الاعمال الجميلة..
ساقوم غدا صباحا بإدراج اللنك الخاص بالحفظ لعدم توفره الآن بهذا الجهاز ولرادءة الاتصال من ناحية ..
الف شكر

Post: #136
Title: Re: ملائكــــة فى المـــنبر ،،،
Author: tmbis
Date: 08-27-2005, 04:45 AM
Parent: #117

الصاوي..
ممكن تحفظ الاغنية على الجهاز بالضغط ( دبل كلك )
أو
R.C وتحديد المكان المناسب للحفظ في الجهاز
Save @ PC

Post: #161
Title: Re: ملائكــــة فى المـــنبر ،،،
Author: elsawi
Date: 08-27-2005, 01:02 PM
Parent: #136

شكراً كتير يا تمبس و لا عدمناك.
الصاوي

Post: #96
Title: Re: ملائكــــة فى المـــنبر ،،،
Author: Tabaldina
Date: 08-25-2005, 02:14 AM

..
.
قرار إداري :
نسبة للاقبال الشديد على حضانة وروضة ومدارس الملائكة
ولظروف غياب الأبلة ندوية القاهرة
تم تعين الزولة الحلوة الجديدة دى ابلة مساعدة
ونسبة لطلب الأبلة الجديدة نجو (نجود ) سوف يتم تحويل الطفل/ سيدمان
للصف الذى تشرف عليه ..

الابلة /نجود حسن عبدالرحمن
مصممة مواقع سابقة بشركة الدوار للتجارة والخدمات المحدودة

بالله لقيتني كيف يا نجو !!؟؟
ما رئيس مجلس إدارة بحق وحقيقي.

Post: #100
Title: Re: ملائكــــة فى المـــنبر ،،،
Author: محارب
Date: 08-25-2005, 03:27 AM
Parent: #96

تبلدينا

روضتكم دي ما فيها فرص قبول ( للناضـــــجين ) ؟؟؟

Post: #103
Title: Re: ملائكــــة فى المـــنبر ،،،
Author: tmbis
Date: 08-25-2005, 04:24 AM
Parent: #100

محمد عمران حسن صالــح
بوردابي من الرياض لذيذ جـداً
عامل كـــدا زي ابوهــو

Post: #123
Title: Re: ملائكــــة فى المـــنبر ،،،
Author: الملك
Date: 08-27-2005, 02:06 AM
Parent: #96

Quote: بالله لقيتني كيف يا نجو !!؟؟
ما رئيس مجلس إدارة بحق وحقيقي

....
....

الحاجة البعرفها انو نجو

ده لقبى

زمااااان زمنى فى الروضة
....
....

الا لكن عملتها ظااااااااااااااااهرة يا تبلدو
ملحوظة:-

زمان دى قبل سنتين ونص

Post: #128
Title: Re: ملائكــــة فى المـــنبر ،،،
Author: نجود حسن عبد الرحمن
Date: 08-27-2005, 02:46 AM
Parent: #123

ولا يهمك يالملك بخليهو ليك نجو وبشوف لى اسم غيرو
وعشان اسمك نجو بنقبلك معانا من غير رسوووووووم

Post: #129
Title: Re: ملائكــــة فى المـــنبر ،،،
Author: نجود حسن عبد الرحمن
Date: 08-27-2005, 03:06 AM
Parent: #96

بالله لقيتني كيف يا نجو !!؟؟
ما رئيس مجلس إدارة بحق وحقيقي.

لقيتك رئيس بالجد بس لو تميت جميلك وحولت لى الطفل سديمان اكون شاكرة لانو طفل مشاااااغب وتاعب ابله ناديه وشايفاهو عندو حساسيه مع براءة يعنى شيلوهو لى من صف الحناكيش وجيبوهو لى بلقى ناسو هنا

Post: #104
Title: Re: ملائكــــة فى المـــنبر ،،،
Author: elameen
Date: 08-25-2005, 06:09 AM

سجلوا لينا المهرجلين ديل

Post: #106
Title: Re: ملائكــــة فى المـــنبر ،،،
Author: ahmed haneen
Date: 08-25-2005, 10:16 AM

اخونا تبلدينا

طبعا ولدي الفي البروفايل لسع الحروق ما شفيت

غايتو مشاركة معاك

سجل لينا دا

لحدي ما تقيف الحرب في دارفور ونجيب ليهو هدوم الروضة

Post: #110
Title: Re: ملائكــــة فى المـــنبر ،،،
Author: smilewomen
Date: 08-25-2005, 02:37 PM

هذا البوست رائع
وما شاء الله تبارك الله ما شاء الله لا قوة الله بالله.

ربنا يحفظهم ويرعاهم
ويكبروا ويفرحوكم بنجاحاتهم
ويبروكم فى الكبر ويكونوا سندا لكم وعضد
ويعودوا يوما ما الى السودان ويساهموا فى رفعته وبنائه ان شاء الله.

الاخ تبلدينا تستاهل جائزه على هذا البوست الجميل (وواصلوا فى هذا الجمال)
الاخ تمبس الاغنيه رائعه وذكرتنى بأيام الطفوله وأيام مضى عليها زمان.
وأرشحك استاذ للموسيقى فى روضة براعم سودانيز أون لاين

ولكم تحياتى وودى

Post: #111
Title: Re: ملائكــــة فى المـــنبر ،،،
Author: نادية عثمان
Date: 08-25-2005, 04:33 PM
Parent: #110

ياتبلدينا

شنو الهرجلة الفى الروضة دى ؟؟!!!

كدى اولا اى ولى امر يطلع لينا برة شوية ياشباب..لحدى مانشوف اوراق اعتماد الملائكة ديل وبعدين نبت فى امر اولياء امورهم !!

اسمع الاطفال الامريكان ديل لازم يجيبوا ورقة من الوافدين !!

تبلدينا ياخى انت كده بتخسر لى الشفع ديل بتدلع امهاتهم كده ليه ؟!!

Post: #112
Title: Re: ملائكــــة فى المـــنبر ،،،
Author: نهال كرار
Date: 08-26-2005, 07:34 AM
Parent: #111

يا أبلة نادية

ربنا يعينك على جوطة الشفع

Post: #113
Title: Re: ملائكــــة فى المـــنبر ،،،
Author: نادية عثمان
Date: 08-26-2005, 07:59 AM
Parent: #112

تبلدينا

اسمع انت يعنى عشان مدير الادارة تقوم تتأخر كده عن الحضور وتسيبنى براى للشفع يطيروا لى برج الحمام الفاضل فى راسى ؟!!

Post: #118
Title: Re: ملائكــــة فى المـــنبر ،،،
Author: tmbis
Date: 08-26-2005, 05:14 PM
Parent: #110

Quote: الاخ تبلدينا تستاهل جائزه على هذا البوست الجميل (وواصلوا فى هذا الجمال)
الاخ تمبس الاغنيه رائعه وذكرتنى بأيام الطفوله وأيام مضى عليها زمان.
وأرشحك استاذ للموسيقى فى روضة براعم سودانيز أون لاين

العزيزة Smile
سلامات
اثني على ترشيحك لجائزة أحلى بوست لتبلدينا ، ،لما يحتويه من وجوه ملائكية وطلات بهيه من اطفالنا الصغار ..
وترشيحك مقبول وبلاش بدون مرتب بس ياريت تلحقيهو بي التماس للطلب للإدارة لأنو شايف الطلبات انهالت على الوظائف بعد شوية خايفين ما نلقي ( التكتح )

Post: #114
Title: Re: ملائكــــة فى المـــنبر ،،،
Author: WadAker
Date: 08-26-2005, 08:12 AM

Quote: و الهرجلة الفى الروضة دى ؟؟!!!

ماعندكم وظائف شاغرة..ان شاءالله الفه

Post: #115
Title: Re: ملائكــــة فى المـــنبر ،،،
Author: zoul"ibn"zoul
Date: 08-26-2005, 04:07 PM

سلام يا جماعة
و أبى البنجوز مازن اِلا أن يشارك فى روضة الأطفال - طبعا أعملوا حسابكم
الولد دة خاطب بنت بكرى أبوبكر بيان ست البنات و بعدين هم الاِتنين حا
يورثوا المنبر دة - شكرا يا تبلدينا على البوست الظريف و ما شاء الله
ربنا يحفظ كل الوليدات و البنيات

زول بن زول

Post: #116
Title: Re: ملائكــــة فى المـــنبر ،،،
Author: نادية عثمان
Date: 08-26-2005, 04:52 PM
Parent: #115

تبلدينا

ياخى الشفع ديل عايزين نكمل اوراق اعتمادهم انت مشيت وييييييييين؟!!

Post: #119
Title: Re: ملائكــــة فى المـــنبر ،،،
Author: نادية عثمان
Date: 08-26-2005, 06:47 PM
Parent: #116

ود عكر

مع انو التعيين مامن اختصاصى لكن خلاص انا عينتك الف (مذكر الفة )

Post: #127
Title: Re: ملائكــــة فى المـــنبر ،،،
Author: نجود حسن عبد الرحمن
Date: 08-27-2005, 02:40 AM
Parent: #116

أبله ناديه ليك التحيه

جابتنى الادارة ليك عشان نقدر عليهم ياحليلك والله كت قايله الحكايه شفع بس لقيت حتى اولياء الامور عاوزين ليهم روضه

Post: #137
Title: Re: ملائكــــة فى المـــنبر ،،،
Author: gamal elsadig
Date: 08-27-2005, 05:01 AM
Parent: #116

Quote: تبلدينا
ياخى الشفع ديل عايزين نكمل اوراق اعتمادهم انت مشيت وييييييييين؟!!

راح في سين وجيم ... يانادية للاسباب الاتية :-

* عمل روضة دون التصديق لها من ادارة التعليم قبل المدرسي مع عدم دفع الرسوم
* لم يستخرج تصديق المحلية مع عدم دفع الرسوم.
* لم يستخرج تصديق من اللجنة الشعبية مع عدم دفع الرسوم.
* لم يستخرج تصديق لاسم الروضة من لجنة التاصيل مع عدم دفع الرسوم .
* تعين مشرفات على الروضة دون الرجوع للجنة الاختيار مع عدم دفع الرسوم .
* تعين مشرفات غير محجبات مع عدم دفع الرسوم .
* عدم مشاركة اطفال الروضة في مسيرة الغضب الكبري مع عدم دفع رسوم الاشتراك
* عدم التزام الاطفال بالزي الشرعي مع عدم دفع الغرامة
* عدم سداد ضريبةالقيمة المضافة .
* عدم سداد ضريبة الدخل الشخصي .
* عدم سداد دمغة الجريح
* عدم سداد دعم المجهود الحربي .
* عدم سداد دعم السلام .
* عدم سداد متأخرات الكهرباء و المياه .
* عدم سداد رسوم النفايات .
................الـــــــــــــــــــــــــخ

والان عمو تبلدينا نايم من شدة التعب و المشاوير وبعد ما فلس (ولعله الان بياكل ارز مع الملائكة)
وانشاء الله بعد ده كلو يصدقو ليه بالروضة ؟؟

Post: #186
Title: Re: ملائكــــة فى المـــنبر ،،،
Author: Tabaldina
Date: 08-29-2005, 08:01 AM
Parent: #116

Quote: ياتبلدينا
شنو الهرجلة الفى الروضة دى ؟؟!!!

كدى اولا اى ولى امر يطلع لينا برة شوية ياشباب..لحدى مانشوف اوراق اعتماد الملائكة ديل وبعدين نبت فى امر اولياء امورهم !!

هم الشباب ديل كلهم عايزين يتعينوا ولكن يتأملوا فى عيون ناس حلوووين !!؟؟

Quote: اسمع الاطفال الامريكان ديل لازم يجيبوا ورقة من الوافدين !!

أنت تأمر ونحن نصيغ اللوائح ..

Quote: تبلدينا ياخى انت كده بتخسر لى الشفع ديل بتدلع امهاتهم كده ليه ؟!!

الام مدرسة ان اعددتها اعددت ( جيلاً) طيب الأعراق ..
ولاشنو !!

Quote: تبلدينا
ياخى الشفع ديل عايزين نكمل اوراق اعتمادهم انت مشيت وييييييييين؟!!

أنت موجودة انا تانى اقدر اتزحزح من محلي ..
حاشتغل دوامين عشان ننتهى من التسجيل ..
ممكن تقبلي دعوة رئيس الإدارة يا ابلة ..

التلج ..
التلج ..
التلج ..

مودة .. دى بت عمي ،،

Post: #120
Title: Re: ملائكــــة فى المـــنبر ،،،
Author: نجود حسن عبد الرحمن
Date: 08-27-2005, 01:40 AM

سجلو لى دى معاكم واوعكم تشاكلوها لانها مابتخلى حقها وقد اعذر من انذر

Post: #125
Title: Re: ملائكــــة فى المـــنبر ،،،
Author: عبدالرحمن عبدالله أبوشيبة
Date: 08-27-2005, 02:25 AM
Parent: #120

نجود الشافعة الحلوة الملظلظة الحقانية دي بنت منو؟ إنتي غيرتي البروفايل ولا شنو ؟
مع تحيات أول شافع مسجل في الروضة.

Post: #131
Title: Re: ملائكــــة فى المـــنبر ،،،
Author: نجود حسن عبد الرحمن
Date: 08-27-2005, 03:58 AM
Parent: #125

بت اختى تخيل

يعنى البت خااااااااااااااااله

Post: #134
Title: Re: ملائكــــة فى المـــنبر ،،،
Author: عبدالرحمن عبدالله أبوشيبة
Date: 08-27-2005, 04:26 AM
Parent: #131

طالما بت أختك احجزي لي المقعد الجمبها طوااااااااااااااااااااااااااااااالي

Post: #126
Title: Re: ملائكــــة فى المـــنبر ،،،
Author: waleedi399
Date: 08-27-2005, 02:28 AM
Parent: #120

قررت تمديد اقامتي هنا
والمتابعة لحين عودة
تبلدينا...
لمتابعة شئون وحاجات
الملائكــة...
مجـاناً..
يعني ملح ساكـت ما تخافوا
يا بتوعين الملـح

Post: #124
Title: Re: ملائكــــة فى المـــنبر ،،،
Author: نجود حسن عبد الرحمن
Date: 08-27-2005, 02:22 AM

سجلو لى دى معاكم واوعكم من الحقرة بيها بتاخد حقها بيدها

وبالمناسبه الحنكشه فى قاموسه مافى يعنى شرااااااااامية[

Post: #130
Title: Re: ملائكــــة فى المـــنبر ،،،
Author: سجيمان
Date: 08-27-2005, 03:49 AM
Parent: #124

دا احسن تالب في اللودة دي...... لاتين حوااااااف.... داعد يحاف من التهاله....

Post: #132
Title: Re: ملائكــــة فى المـــنبر ،،،
Author: نادية عثمان
Date: 08-27-2005, 04:15 AM
Parent: #130

نجود الغالية

تسلمى حبيبتى فعلا الموضوع كبير والاشراف على الملائكة ماشئ ساهل ربنا يعينا يارب انا وانتى طالما مدير الادارة طفش!!

Post: #133
Title: Re: ملائكــــة فى المـــنبر ،،،
Author: waleedi399
Date: 08-27-2005, 04:20 AM
Parent: #130

تـبلـدينـا،،

أعتقد نسيتو الطفل دا
ولد الزميل عمر ادريس محمد
دا سايبنو حايم بي بره ليه،،،
داير حول جـدار الحضانة يا مشرفين
مخصوم من الأبلـة عدد (5) بوستات وعدد عشرة مداخلات
ويعتبر هذا انذار نهائي .. واذا تكررت المسألة.....
تعاقب بالفصل .. صحيح عاوز اسأل الابلـه لو فصلوها من هـنا
بوشحـوها بي شنووووووووو؟؟؟؟؟؟؟؟

Post: #135
Title: Re: ملائكــــة فى المـــنبر ،،،
Author: نجود حسن عبد الرحمن
Date: 08-27-2005, 04:38 AM
Parent: #133

الابلات بقو اتنين قاصد ياته عشان الخصومات دى مابنقدر عليها

Post: #138
Title: Re: ملائكــــة فى المـــنبر ،،،
Author: waleedi399
Date: 08-27-2005, 05:05 AM
Parent: #135

Quote: الابلات بقو اتنين قاصد ياته عشان الخصومات دى مابنقدر عليها

أبلـه ظـاظـا يا نجـود....

بما أنو أبله نادية غائبة
وانت عليك الاشراف والمتابعة
يبقى الخصم، ح يقع عليك
مالم تقدمي اسباب مقنعة
للإدارة، ولغياب الادارة
وتعييني انا مؤقتاً...
مشرفاً عاماً بالانابة..
يبقى تتقدمي بعدم تكرار
ترك البوابة الرئيسية مفتوحة
وتنبيه البواب بذلك...
بس المشكلة انو ما عينا بواب

Post: #139
Title: Re: ملائكــــة فى المـــنبر ،،،
Author: عبدالرحمن عبدالله أبوشيبة
Date: 08-27-2005, 05:12 AM
Parent: #138

أنا البواب وبدون مرتب وفي نفس الوقت تلميذ نجيب وحاجز مقعدي بجوار بنت أخت الأبلة نجود

Post: #140
Title: Re: ملائكــــة فى المـــنبر ،،،
Author: نجود حسن عبد الرحمن
Date: 08-27-2005, 05:27 AM
Parent: #138

اها البواب مشكلتو اتحلت بعد ده الا إنابه الادارة بتقدر عليها ولا بتلومنى مع الجماعه ديل

Post: #141
Title: Re: ملائكــــة فى المـــنبر ،،،
Author: عبدالرحمن عبدالله أبوشيبة
Date: 08-27-2005, 05:36 AM
Parent: #140

عنكم مزيرة مويتها باردة ولا أجيب معاي كولر يعني لزوم الترطيب كدة وياريت تكون في نيمة وكم قمرية تقوقي للعشية ،، أموت أنا في البحبو وتطسني عربية ،، بواب مشاغب مش ؟

Post: #142
Title: Re: ملائكــــة فى المـــنبر ،،،
Author: Mahmoud Mustafa Mahmoud
Date: 08-27-2005, 06:52 AM

http://www.y1y1.com/up/get.php?filename=1125155103.jpg

مصطفى الزول الوحيد الما قاعد يبكي من الحلاقة...كم%C

Post: #143
Title: Re: ملائكــــة فى المـــنبر ،،،
Author: نجود حسن عبد الرحمن
Date: 08-27-2005, 07:10 AM
Parent: #142

حلاااااااااااتو ياناس عمنا ده انا مدخلاهو صفى من اسى عشان مانتشاكل ونضحك فينا اولياء الامور.

Post: #146
Title: Re: ملائكــــة فى المـــنبر ،،،
Author: نادية عثمان
Date: 08-27-2005, 08:14 AM
Parent: #143

السيد البواب انت مرفود !!!

عشان بتعمل الشفع الاغانى الهابطة والنبق النبق النبق

سامعنى ياابو شيبة ؟!!

Post: #147
Title: Re: ملائكــــة فى المـــنبر ،،،
Author: نجود حسن عبد الرحمن
Date: 08-27-2005, 08:19 AM
Parent: #146

شنو ياأ بله ناديه خليك حنينه على الزول ده كدى يمكن يغير رايو شويه ولا رايك شنو

انا لزوم واااااسطه وكده

Post: #204
Title: Re: ملائكــــة فى المـــنبر ،،،
Author: Tabaldina
Date: 08-30-2005, 09:45 AM
Parent: #147

..
.
.
السيد البواب انت مرفود !!!
عشان بتعمل الشفع الاغانى الهابطة والنبق النبق النبق

سامعنى ياابو شيبة ؟!!

شنو ياأ بله ناديه خليك حنينه على الزول ده كدى يمكن يغير رايو شويه ولا رايك شنو

معليش يا ابلة ندو ونجو ..

اعتبروهو فيرست ورنغ .... عاااادى

اها يا ابوشيبة .. رحعت ليك دعاء العانسين وواحدة بواحدة ..

Test

Post: #206
Title: Re: ملائكــــة فى المـــنبر ،،،
Author: waleedi399
Date: 08-30-2005, 12:42 PM
Parent: #204

تبلدينا

ما تشتر اللعب

بالله اعدل لينا الصورة المقلوبة دي

وخلي الشفع يستمتعوا بباقي البوست

طبعاً المداخلة دي جاءت بعد معاناة

لقيتك شاري المداخلة الاخيرة

لحدي المسطرة لنهاية اللصفحة لووووووووووول

قلت صورة مقلوبة نعدلها

Post: #207
Title: Re: ملائكــــة فى المـــنبر ،،،
Author: عبدالرحمن عبدالله أبوشيبة
Date: 08-31-2005, 00:00 AM
Parent: #204

Quote: اعتبروهو فيرست ورنغ .... عاااادى

استاذ تبلدينا
الخطأ الأول مشفوع بإنذار ولا عديتوهو
بعدين أنا أطالب بشدة بعمل تأمين صحي للعاملين في الروضة إنت ماشايف أبلتنا الجميلة نجو ضربتها الملاريا الله لا عادها وعيشتنا في قلق لمدة يومين ماشفنا فيها طلتها البهية أرجو أخذ طلب البواب بعين الاعتبار

منتظر ردك يا رئيس مجلس الادارة.

Post: #208
Title: Re: ملائكــــة فى المـــنبر ،،،
Author: نجود حسن عبد الرحمن
Date: 08-31-2005, 00:25 AM
Parent: #204

شكررررررررررررررررا كتييييييييييييير للرفع الاغنيه فى البوست

Post: #210
Title: Re: ملائكــــة فى المـــنبر ،،،
Author: waleedi399
Date: 08-31-2005, 03:30 AM
Parent: #204

الحق يا تبلدينا

شنو الحاصل ؟؟؟؟؟

Post: #211
Title: Re: ملائكــــة فى المـــنبر ،،،
Author: عادل فضل المولى
Date: 08-31-2005, 04:42 AM
Parent: #204

up

Post: #212
Title: Re: ملائكــــة فى المـــنبر ،،،
Author: nasiradin
Date: 08-31-2005, 06:22 AM
Parent: #204

Just For Test

ناصر البطل

Post: #209
Title: Re: ملائكــــة فى المـــنبر ،،،
Author: Elawad Eltayeb
Date: 08-31-2005, 02:56 AM
Parent: #147

يا أستاذ تبلدينا

نرجو أن تعدل مداخلتك التالية بتاريخ 30-08-2005, 09:45 ص
لأن المنبر ضرب بسببها
يبدو أن بها خلل من تداخل ال Quotes
والله أعلم

Post: #159
Title: Re: ملائكــــة فى المـــنبر ،،،
Author: waleedi399
Date: 08-27-2005, 09:57 AM
Parent: #146

Quote: النبق النبق النبق

نادية مش قلنا مليون مرة ممنوع بيع النبق والتسالي والقونقليز للاطفال في العمر دا،،،

المرة الجـاية بنتصل بالبلدية نخليها تتصرف وتتخذ أجراءاتها

Post: #163
Title: Re: ملائكــــة فى المـــنبر ،،،
Author: عبدالرحمن عبدالله أبوشيبة
Date: 08-27-2005, 02:48 PM
Parent: #146

شكراً يا أبلة نجود على الواسطة ومعليش يا أبلة ندوية لو ما عاجبك غناي ممكن أغير للمديح وأجيب معاي كم طار ومكن أستوردهم من حلفا لأنها مشهورة بالطارات الصوتها يرزم في الصدر
بعدين إنتي لمن ترفديني معناها قطعتي عيشي وأنا ماشي السودان مخصوص عشان أكون أحسن بواب يمكن بعديها أترقى وأجيكم في مصر عشان أزاحم الجماعة الهناك دول ،، ولا رايك شنو

Post: #148
Title: Re: ملائكــــة فى المـــنبر ،،،
Author: tmbis
Date: 08-27-2005, 08:21 AM
Parent: #143

يا ابله نجــود.
إذا حلاتو دي لي مصطفي ده .. فخليهــا حلاتو خمسة مرات
ده بيحلقو ليهو قاعد يضحك
دا اللذ زول والله ماشاء الله عليهو ..
يا محمود مصطفي ..
الحلاقة بتاعت صورة البروفايل حــلوة
ما تخربوهــا ليهو

Post: #149
Title: Re: ملائكــــة فى المـــنبر ،،،
Author: نجود حسن عبد الرحمن
Date: 08-27-2005, 08:29 AM
Parent: #148

والله حلاتو عشرة مرات مش خمسه وربنا يحفظو ويغطيهو من عيون الغيورين امثال سديمان وغيرم
الولد ده خلوهو يقرا المصحف حتن يطلع من البيت

بالجد عسسسسسسسسسسسسسسسسسل

Post: #151
Title: Re: ملائكــــة فى المـــنبر ،،،
Author: tmbis
Date: 08-27-2005, 08:49 AM
Parent: #149

1000مرة يا ابــله وماشاء الله تاني
سجلو ليناالمقاتلة دي
المقاتلة مهجه بت المقاتل الشفيف أحمد حنين
وياربي لما تكبر يكون نضاله ما بيشبه نضال ابوهــا

Post: #155
Title: Re: ملائكــــة فى المـــنبر ،،،
Author: نادية عثمان
Date: 08-27-2005, 09:19 AM
Parent: #151

نجوووووووووووووووووووود بطلى الحنية الزايدة دى ..

احمد حنييييييييين

بتك دى تحجبها عشان ماتفتن لينا الاولاد ديل ..لانها شرررررررررط عديل كده ........حلوة بشكل جنان.......ماشاء الله .........عينى باااااااااااردة

Post: #157
Title: Re: ملائكــــة فى المـــنبر ،،،
Author: نادية عثمان
Date: 08-27-2005, 09:27 AM
Parent: #151

نجوووووووووووووووووووود بطلى الحنية الزايدة دى ..

احمد حنييييييييين

بتك دى تحجبها عشان ماتفتن لينا الاولاد ديل ..لانها شرررررررررط عديل كده ........حلوة بشكل جنان.......ماشاء الله .........عينى باااااااااااردة

Post: #160
Title: Re: ملائكــــة فى المـــنبر ،،،
Author: سجيمان
Date: 08-27-2005, 10:51 AM
Parent: #149

ابله...ابله ناديه.... هو دا ولد ولاّ بت؟.... تيف عرفتيهو؟....ان ساءالله اتبر وابدا سااااااتر زيّت تدي..واعرف الولد من البت.....يا رب

Post: #162
Title: Re: ملائكــــة فى المـــنبر ،،،
Author: سجيمان
Date: 08-27-2005, 01:21 PM
Parent: #149

Quote: والله حلاتو عشرة مرات مش خمسه وربنا يحفظو ويغطيهو

سترًا.. ابله ندود

عدبتيت؟

اي زول يسوفني.. داعد يتول تدي......

احححححمد الله..........

Post: #150
Title: Re: ملائكــــة فى المـــنبر ،،،
Author: Abdulla Ageed
Date: 08-27-2005, 08:48 AM

يا تبليدنا

أنا قلت أعمل تقيل .. وما أدخل ولدي الروضة براي
قمت جبت الصورة ختيتا في البروفايل.. ودخلت البوست
قلت إحم إحم شوفو الود دا يا اخوانّا ودخلو الروضة
يعني لزوم ظهور وكِدا..
أها زول اشتغل بيهو مافي..
وبعدين عمو عادل فضل المولى قال حا يتوسط ليه
لكين صهين وعمل نايم..
المهم مشعل زِعِل وقال إلا يشيلو صورتو من البروفايل
وهو هسي حردان .. مع إنو أنا عارفو نفسو فيها..
خاصة وإنو شقي زي صاحبو سديمان.. وعايز يكون
تحت الإشراف المباشر لأبلة ظاظا.. وآبلة نجو

أنا قلت ليهو يا مشعل يا ولدي نحن ما ناس مهمشين
والروضة دي بتاعة أولاد زوات ..

ومن هذا المنبر أنادي بفتح روضة خاصة بالمهمشين
وتكون الأبلة فيها .. منو يا ربي... ؟؟

Post: #156
Title: Re: ملائكــــة فى المـــنبر ،،،
Author: عادل فضل المولى
Date: 08-27-2005, 09:22 AM
Parent: #150

يا أبو مشعل
تحية ندية
حرام عليك كدا تخلي الولد ياخد موقف من عمو عادل
وانا اقترحت في البوست البي غادي (اقتراح وجيه) - راجع البوست بتاع الملوخية
مش عشان مشعل وبس ..عشانك انت نفسك !!!!!!!!!
لكن يظهر انك ما وقفت عليهو
ومن هنا تمشي تعتذر للولد طوالي وتقول ليهو عمو عادل بيسلم عليك وقاليك انو محمود راجيك لابس هدوم الروضة ..
ما تتأخر عليه
وتاني سلام
ورجع صورة الولد بالله
وشيل الصورة الشيييييييييييييييييييييييينة

دي من هنا
سامع..؟!

Post: #158
Title: Re: ملائكــــة فى المـــنبر ،،،
Author: Abdulla Ageed
Date: 08-27-2005, 09:33 AM
Parent: #156

حاضر يا ابو محمود

سامع..
واقتراحك في البوست (البي غادي) اطلعت عليه
ولكني فضلت عدم الرد حتى لا يفسد الموضوع الأساسي
للبوست..

وبعدين ما دام دخلت واسطة حاندخل الولد الروضة..

أها:

Post: #152
Title: Re: ملائكــــة فى المـــنبر ،،،
Author: ناذر محمد الخليفة
Date: 08-27-2005, 08:52 AM

يا زول ..

Quote: سلام يا جماعة
و أبى البنجوز مازن اِلا أن يشارك فى روضة الأطفال - طبعا أعملوا حسابكم
الولد دة خاطب بنت بكرى أبوبكر بيان ست البنات و بعدين هم الاِتنين حا
يورثوا المنبر دة - شكرا يا تبلدينا على البوست الظريف و ما شاء الله
ربنا يحفظ كل الوليدات و البنيات

زول بن زول

البنجوز دا ما شاء الله عليو ....

بيشبه صورة أبوهو الخاتيها في البروفايل

يخلق من الشبه أربعين شوفو الحلاى يا ناس

Post: #153
Title: Re: ملائكــــة فى المـــنبر ،،،
Author: هاشم نوريت
Date: 08-27-2005, 08:54 AM
Parent: #152

تبلدينا
دبايوا
وجوه حلوة ربنا يجعلهم من ابناء هذا الوطن الصالحين...
اديكم ادروبيات يمكن يطلعوا ليهم بعرسان اصلوا ما تقول اليومين ديل
مفلس اليدفع يقبض طوالى بس يجهز بن وسكر..

Post: #154
Title: Re: ملائكــــة فى المـــنبر ،،،
Author: Elawad Eltayeb
Date: 08-27-2005, 09:10 AM
Parent: #153

Quote: برعم العوض الطيب ،،،
يتأمل فى محن الدنيا يا طلع شاعر يا عالم ذرة ..
ماشاء الله .. عيني باردة
يا عين يا عينة يا كافرة يا نصراية
عين الفتاة تقد الواطه ..
..................
عليكم الله دى روضة ما يجى واحد يقول كافرة ولا نصراية
انا سمعت حبوبتى بتقول كدا الله يرحمها ..
وما فاهم اااى حاجة ..

شكرا يا تبلدينا،

هذه بنتي إلاذة

وهذه بنتي لينا

العوض أحمد الطيب

Post: #164
Title: Re: ملائكــــة فى المـــنبر ،،،
Author: صلاح شعيب
Date: 08-27-2005, 03:35 PM
Parent: #154

العزيز تبلدينا

لعل فكرة بوستك الجميل جعلتنا ندلف نحوكم

وكمان شقيقة أسيل وأسمها إسراء

وكأني بها تقول لك أدناه:

شكرا ياعمو تبلدينا لاهتمامك بينا..ودي روح جميلة منك

وإن شاء الله لامن نمشي امدرمان والفاشر نلقي

ناس حلويين زيك كده بهتمو بالاطفال

وعندهم وقت شان يدونا حقنا اللي يخلينا نرفع اسم السودان عالي

وأقول ليك حاجة تانية كمان ياعمو تبلدينا

وهي انو نحنا ممكن نعمل تبرعات لرياض اطفال زينا كده

في السودان وانت الوحيد الممكن تساعدنا في الفكرة دي

ياعمو..

ودي فكرة انت الوحيد الممكن تتبناها وتدعمنا لي قدام

لانك الوحيد الكتبت عننا في المنبر ده

thank youعمو تبلدينا

Post: #165
Title: Re: ملائكــــة فى المـــنبر ،،،
Author: zoul"ibn"zoul
Date: 08-27-2005, 04:35 PM

Quote: البنجوز دا ما شاء الله عليو ....

بيشبه صورة أبوهو الخاتيها في البروفايل

يخلق من الشبه أربعين شوفو الحلاى يا ناس

سلام يا ناذز

النصيحة يخلق من الشبة أربعين - شفت الولد دة بيشه أبوهو كيف
حكم يا زول - شكرا يا زول بس انت كتر من ماشاء الله دى - الولد
دة انا ماشى أبخرواو أقراء ليهو المعوزات - غايتو بعدين لمن يعرس
بنت بكرى حا نعمل واسطة يرجعوك المنبر تانى - لأنو باقى لى فى ناس
قاعدة متأمرة عليك و مبيتة ليك النية كان ما بطلت قصايدك الشنو
ما عارف دى

لى قدام يا زول و ربنا يحفظ كل الوليدات و البنيات

Post: #166
Title: Re: ملائكــــة فى المـــنبر ،،،
Author: نادية عثمان
Date: 08-27-2005, 07:07 PM
Parent: #165

ياتبلدينا

يعنى انت عشان الروضة حقتك تغيب على كيفك ؟!!!

هنا فى مجلس ادارة وجمعية عمومية ..........فاهم ؟!!

يعنى تغيب بعد الانذار ده بتلقى نفسك مرفود وبنجيب صلاح شعيب بدلك

وناذر بواب بدل ابو شيبة المرفود!!

Post: #169
Title: Re: ملائكــــة فى المـــنبر ،،،
Author: عبدالرحمن عبدالله أبوشيبة
Date: 08-28-2005, 00:31 AM
Parent: #166

Quote: وناذر بواب بدل ابو شيبة المرفود!!

شوفي يا أبله ناديه أنا أمس اعتذرت ورقدت ليكم في ا########## تقومي اليوم تصري على رفدي ،، أنا لن أستسلم وبوابي بوابي بوابي ولو ما عاجبك أنا بشتكيك لحقوق الجكسان

Post: #167
Title: Re: ملائكــــة فى المـــنبر ،،،
Author: محارب
Date: 08-28-2005, 00:11 AM

تبلدينا

اصمان برو

هاكم الكوتة دي سجلوها معاكم

بس رجعو لينا ( الفاضي )

عشان نزرع ليكم كوتة تانية نلحكم ليها

Post: #168
Title: Re: ملائكــــة فى المـــنبر ،،،
Author: محارب
Date: 08-28-2005, 00:26 AM

Post: #170
Title: Re: ملائكــــة فى المـــنبر ،،،
Author: عمران حسن صالح
Date: 08-28-2005, 04:06 AM
Parent: #168

سلام
أها قام بكري شال صورة ولدي بعد ما تمت شهرييييين في حوشو (حسب قوانينو)
أها قمنا مشينا حوش الجيران ورفعنا صورة الولد من جديد (حوش الجيران مدتو مفتوحة)
أها قام الولد انفعل وقال

إنت كدة ( ) يابابا

أها قام أبوه قال للأخوان عليكم الله قولو ماشاء الله والله يحفظو من الكتشب والمايونييييز

Post: #171
Title: Re: ملائكــــة فى المـــنبر ،،،
Author: waleedi399
Date: 08-28-2005, 05:05 AM
Parent: #168

**اطــفال المزهــريات**

محارب ..

لـسان حالهـم بقـول،،
..
.
(نحن من التراب وللتراب)
.
..
...
..
.
الزارعـنا غير الله إجي يقلعنا

Post: #172
Title: Re: ملائكــــة فى المـــنبر ،،،
Author: نادية عثمان
Date: 08-28-2005, 06:27 AM
Parent: #171

ابو شيبة

شوف انا ابلة مصلحجية !!

لو بعت الديوان بتاعى كلوووووووووو

برجعك بواب تانى قلت شنو ؟!!

Post: #173
Title: Re: ملائكــــة فى المـــنبر ،،،
Author: الملك
Date: 08-28-2005, 10:54 AM
Parent: #172

Quote: ولا يهمك يالملك بخليهو ليك نجو وبشوف لى اسم غيرو
وعشان اسمك نجو بنقبلك معانا من غير رسوووووووم

....
....

مشكورة يا نجود
الكلام ده كيف يا تبلدو
....
....
نادية عثمان

....
........ازيك يا أبلة

Post: #174
Title: Re: ملائكــــة فى المـــنبر ،،،
Author: عبدالرحمن عبدالله أبوشيبة
Date: 08-28-2005, 11:15 AM
Parent: #172

إنتي يا أبله نادية ما عليك أنا ببيع ليك الديوان واوضتين كمان ولو عند صالة ندخلها كمان في البيعة مادا برضو من شغل البوابين مش عندكم في مصر بتقولو عنها روبابيكيا،، أها رايك شنو خلاص صافية لبن ؟

Post: #175
Title: Re: ملائكــــة فى المـــنبر ،،،
Author: Tabaldina
Date: 08-29-2005, 03:02 AM

..
.
سلام ،،،
اولاً التحية لكل البراعم الصغار الذين التحقوا فى فترة غيابنا
ونتمنى ان تكون ابلة نجو قد اكملت اجراءات تسجيلهم ..
وشراء بعض الملبوسات القطينة والبامبرز لبعض الصغار
وبعد إنتهاء ابلة نونو من الأجراءات مع إدارة أطفال المهاجرين
وضرائب المغتربين .. وحماية حقوق الطفل .. وسجلات المواليد
ومصلحة التوظيف .. وحدائق القبة .. ومنشية البكري .. وسينما مترو
وشارع طلعت حرب .. وميدان التحرير والحديقة العالمية وورشة المنيل للصيانة
ومنتجعات شرم الشيخ .. وملبوسات روكسانا للاطفال ومصيف ابوقير وشاليهات دريم
نعود معاً ،، لمتابعة اهتمانا باطفالكم وفلذات اكبادكم وابلاتكم ..
وسنعيد النظر فى بعض الموظفين ..
خصوصاً الغفراء الذين يتسببون ببعض الفوضى .. والازعاج لاطفالنا وابلاتنا ..
الف X1000 حمدالله على سلامة ابلة نادية .. من اللوكال ليف بتاعتها ..
الابلة نجو ..رخيت الحبل للمشاغب ابوشيبة مره تفل ومرة غفير انت عايزاهو شنو!؟

تحية ونعود للقاءات الفردية ببعض الابهات .. واعضاء مجلس الإدارة ..
سيتم اقامة يوم للامهات ويوم عائلي فى غضون هذا الأسبوع ،،،

تحيات إدارة روضة الملائكة ،،
ع/ الريس

Post: #177
Title: Re: ملائكــــة فى المـــنبر ،،،
Author: فيصل النعيمه
Date: 08-29-2005, 03:50 AM

تبلدينا لك التحية
ويا أبلة نادية دعواتنا لك مع غلبة العيال
ودا واحد منهم
وهم روح الدنيا ونعيمها

Post: #178
Title: Re: ملائكــــة فى المـــنبر ،،،
Author: عبدالرحمن عبدالله أبوشيبة
Date: 08-29-2005, 04:54 AM
Parent: #177

Quote: خصوصاً الغفراء الذين يتسببون ببعض الفوضى .. والازعاج لاطفالنا وابلاتنا ..
الف X1000 حمدالله على سلامة ابلة نادية .. من اللوكال ليف بتاعتها ..
الابلة نجو ..رخيت الحبل للمشاغب ابوشيبة مره تفل ومرة غفير انت عايزاهو شنو!؟

يارئيس مجلس الإدارة وضح أجب أفصح

Post: #179
Title: Re: ملائكــــة فى المـــنبر ،،،
Author: Tabaldina
Date: 08-29-2005, 05:13 AM

..
.
Quote: يارئيس مجلس الإدارة وضح أجب أفصح

أنا ولا أنت .. ولا هي ..
واناوانت والنيل والقمر ،،
بين الزهــور !!؟؟

Post: #180
Title: Re: ملائكــــة فى المـــنبر ،،،
Author: عبدالرحمن عبدالله أبوشيبة
Date: 08-29-2005, 05:19 AM
Parent: #179

Quote: أنا ولا أنت .. ولا هي ..
واناوانت والنيل والقمر ،،
بين الزهــور !!؟؟

أنا وإنت وهي ولا نيل ولا قمر ولا زهور ، لأنك إنت النيل وأنا القمر وهي الزهوووووووووووووووور

Post: #187
Title: Re: ملائكــــة فى المـــنبر ،،،
Author: نادية عثمان
Date: 08-29-2005, 08:48 AM
Parent: #180

والله الشغل ده مابمشى كده !!!

ياجماعة اولياء الامور ديل يجمعوا هنا عندنا اجتماع

اسمعوا انتو البنات شوية كده فى الروضة ليه؟

يعنى ماوالدين غير اولاد ولاقصدكم شنو ؟!!

تبلدينا

كدى عندك رسالة فى بوست الديوان امش عليها وتعال قوان عشان نمشى نجيب اللبن للشفع ديل والبامبرز كما خلص .. اخر واحد لبسو ولد عبد الله العقيد !!

سجيمان

انت أحلى طفل عندى فى الروضة لكن اسئلتك محرجة !!

ياخى الود ده الله خلقو كده !!

فاهمنى ؟!!

Post: #188
Title: Re: ملائكــــة فى المـــنبر ،،،
Author: عبدالرحمن عبدالله أبوشيبة
Date: 08-29-2005, 11:45 AM
Parent: #187

يا أبله نادية
إنتي ماشايفة رئيس مجلس الادارة كل شوية يويل لينا يعني ناوي علينا بالعربي ومدينا العين الحمرا من هسه خوفني وسيب ركبي ولو روضتكم بتمارس الارهاب أنا بحرض بنت الاحفاد تفتح لينا خلوة إنشا الله نحفظ جزء عم أريح لينا من وجع القلب لاراضين بينا بوابين ولا تلاميذ الواحد يتخرج فكي لزوم البخرات والمحاية

Post: #189
Title: Re: ملائكــــة فى المـــنبر ،،،
Author: waleedi399
Date: 08-29-2005, 01:38 PM
Parent: #188

روضتنا بتفتح بدري

اشيل كتابي واجري

اقول لي ابلة نادية

يا ابلـة صباح الخير

واقول لي ابلة نجود

غياب طالك يومين

تبلدينا

يا تبلدينا

الله يخليك لينا

ويا عمو بكري

عاوزين كنب زيادة

وزيادة صحة وتعلـيم

ســفتو أنا ولد فالح تـيـف

الامضاء والتوقيـع ،،،...،،

ســــــيدماااااااااان

Post: #191
Title: Re: ملائكــــة فى المـــنبر ،،،
Author: عبدالرحمن عبدالله أبوشيبة
Date: 08-29-2005, 02:11 PM
Parent: #189

Quote:
واقول لي ابلة نجود

غياب طالك يومين

يا سديمان ياحوي زي التلام دا البحليهم يرفدونا لتن ما عليت تتر منو دا تلام حلووووووووووووووووووووووووووو

Post: #195
Title: Re: ملائكــــة فى المـــنبر ،،،
Author: نجود حسن عبد الرحمن
Date: 08-30-2005, 00:57 AM
Parent: #189

Quote:
واقول لي ابلة نجود

غياب طالك يومين

معليش والله ومابيدى بس الملاريا نعمل ليها شنو

وسورى للادارة لانى غبت من غير اذن تاااااانى ما بتتكرر

Post: #196
Title: Re: ملائكــــة فى المـــنبر ،،،
Author: عبدالرحمن عبدالله أبوشيبة
Date: 08-30-2005, 02:54 AM
Parent: #195

Quote: معليش والله ومابيدى بس الملاريا نعمل ليها شنو

وسورى للادارة لانى غبت من غير اذن تاااااانى ما بتتكرر

ألف حمداً لله على السلامة وسلامتك وكل البورداب كرامتك
وسوري للادارة وبس يعني البواب الكل ساعة بيسجل فيك غياب وكلما تجي عربية يطمن الشفع يقول ليهم أهي أبله نجود جات ويقعدو ينططو والبواب زاتو ينطط معاهم في الآخر تنزل واحدة لاهي زيك ولا شبهك ونعود للعويل والنواح وايييييييييييييييييييييي هاك يابكى ودموع

Post: #199
Title: Re: ملائكــــة فى المـــنبر ،،،
Author: سجيمان
Date: 08-30-2005, 07:23 AM
Parent: #195

Quote: معليش والله ومابيدى بس الملاريا نعمل ليها شنو

سلامتت..من الملاليا......

بس و الله يا ابله..... انا تان بدييت... باعودة...اسلو ما بتير منت..طواااالي اريت فود دودميت

التفيل\ سديمان الداير يبدا باعودة

Post: #200
Title: Re: ملائكــــة فى المـــنبر ،،،
Author: Tabaldina
Date: 08-30-2005, 07:44 AM
Parent: #199

..
.
Quote: بس و الله يا ابله..... انا تان بدييت... باعودة...اسلو ما بتير منت
طواااالي اريت فود دودميت

انت يا ولد يا سجيمان يا شيطان ..
انت قاصد الكدم ولا حاجة تانية ..

قصر الملح ..
مره باعوضة ومره مرقود عديل كدا ..

Post: #201
Title: Re: ملائكــــة فى المـــنبر ،،،
Author: نجود حسن عبد الرحمن
Date: 08-30-2005, 07:53 AM
Parent: #199

يمنع الطفل سديمان من التواجد فى الفصل مع ملائكه الروضه لانه باعوضه

Post: #202
Title: Re: ملائكــــة فى المـــنبر ،،،
Author: Tabaldina
Date: 08-30-2005, 08:17 AM
Parent: #201

..
.

Quote: معليش والله ومابيدى بس الملاريا نعمل ليها شنو

انت تبري من الألم والالم ما ليك نصيب
انت شبهو !!؟؟ ولا قدرو !!؟
والإدارة مادياك اجازة وكمان ناموسية وبطانية ..

Quote: يمنع الطفل سديمان من التواجد فى الفصل مع ملائكه الروضه لانه باعوضه

وبتقرص ...

Post: #214
Title: Re: ملائكــــة فى المـــنبر ،،،
Author: سجيمان
Date: 08-31-2005, 08:24 AM
Parent: #201

ابله.. ندود
Quote: يمنع الطفل سديمان من التواجد فى الفصل مع ملائكه الروضه لانه باعوضه

حلاس....تان البعودة صعيله؟.... ابدا ..دولادة

Post: #190
Title: Re: ملائكــــة فى المـــنبر ،،،
Author: عبدالماجد فرح يوسف
Date: 08-29-2005, 02:06 PM

تبلدينا العزيز وأبلتنا نادية
ليكم الف تحية

سجلوا لينا معاكم أولاد أخونا وزميلنا بالبورد
الأستاذ محمد خليفة محمد جميل

شفتو الحلاوة دي كيف

Post: #192
Title: Re: ملائكــــة فى المـــنبر ،،،
Author: نادية عثمان
Date: 08-29-2005, 02:42 PM
Parent: #190

الاستاذ عبد الماجد فرح يوسف

ايوة ماعندنا مانع نقبل الملائكة ديل .. لكن بصراحة بتكم دى حلوة شدددددديد كان سحروها بالروج العاملاهو ده انا برة ..اتفقنا؟!!

وليد

روضتك انت البتفتح بدرى ولاسجيمان ؟!!

صحى الطفل البرئ سجيمان وين يااولاد ؟!!

تبلدينا

عليك الله خليك هنا وسيبك من البوست بتاع الوجع داك ياخ

خلاص انذار انذار مافى مشكلة ومعليش تكبر تنسى !!

ابو شيبة

ماتخاف مابتترفد !!

Post: #198
Title: Re: ملائكــــة فى المـــنبر ،،،
Author: Tabaldina
Date: 08-30-2005, 07:15 AM
Parent: #192

..
.
Quote: تبلدينا

عليك الله خليك هنا وسيبك من البوست بتاع الوجع داك ياخ

خلاص انذار انذار مافى مشكلة ومعليش تكبر تنسى !!

الحنية الشدددديدة دى بتكسرني تلج بس يا أبلة ندو ...

وحياتك ما بحب الوجع بس الإستفزاز مهين ...
وطبعاً بحاول اوطى صوتى عشان الملائكة ديل ما يتخلعوا ..

ربنا يخليك لينا وليهم يا ررررررررررب ..

أنا فى المكتب ،،

Post: #193
Title: Re: ملائكــــة فى المـــنبر ،،،
Author: فيصل النعيمه
Date: 08-29-2005, 03:04 PM

شنو يا أبله ناديه الود لبس وجاهز يحفظ في أنشودته ومأخرين تسجيله

Post: #194
Title: Re: ملائكــــة فى المـــنبر ،،،
Author: نادية عثمان
Date: 08-29-2005, 04:24 PM
Parent: #193

فيصل النعيمه

يازول انت المأخر الولد نحنا قبلناهو زمااااااااااان

خليهو يجيب سندوتشات زيادة معاهو لصالح فقراء الروضة

Post: #197
Title: Re: ملائكــــة فى المـــنبر ،،،
Author: نادية عثمان
Date: 08-30-2005, 05:47 AM
Parent: #194

شنو يعنى ياابلة نجود ؟؟

كنتى تكلمينا انك عيانة كنت جبت الشفع بالحافلة بتاعة الروضة وجبنا كيس برتكان وجيناك

الف الف سلامة ياابلة

والملائكة بيقولوا ليك سلامتك ياماما نجود

Post: #203
Title: Re: ملائكــــة فى المـــنبر ،،،
Author: نجود حسن عبد الرحمن
Date: 08-30-2005, 08:56 AM
Parent: #197

Quote: الف الف سلامة ياابلة

والملائكة بيقولوا ليك سلامتك

الله يسلمكم من كل شر

Quote: كنتى تكلمينا انك عيانة كنت جبت الشفع بالحافلة بتاعة الروضة وجبنا كيس برتكان وجيناك

تجيكم العافيه مادرت اتعبك انت والشفع ديل قلت البرتكان اولابو سديمان شايفاهو ليهو كم يوم كده شكلو ماعاجبنى قلت يمكن عيان ولا حاجه

Post: #205
Title: Re: ملائكــــة فى المـــنبر ،،،
Author: WadAker
Date: 08-30-2005, 09:46 AM

بما انو ابله ناديه عينتنى حرس فى مقولة اخرى بواب و"تحت تحت يعنى غفير" فاننى ارفع تقريرى الاتى "وطبعا دى اساس المهنه وماتزعلو":
الاحظ انو اولياء امور "ملائكة المنبر" اكثر حضورا للروضة ومرات يخلى شافعو فى البيت ويجى يسعل منو فى الروضة وطوااالى تاكللليين وفارشييين وباكييين واخر ونسات وانا احاحى فى الشفع من الشماشة من فصيلة سجيمان ومن العتان والضبان ومن الشوارع والعربات والابهات هاك ياغزل وخلط فى الابلات وكان مغالطنى ارفق المستندات الاتيه:
ده ابو شيبه
Quote: ألف حمداً لله على السلامة وسلامتك وكل البورداب كرامتك
وسوري للادارة وبس يعني البواب الكل ساعة بيسجل فيك غياب وكلما تجي عربية يطمن الشفع يقول ليهم أهي أبله نجود جات ويقعدو ينططو والبواب زاتو ينطط معاهم في الآخر تنزل واحدة لاهي زيك ولا شبهك ونعود للعويل والنواح وايييييييييييييييييييييي هاك يابكى ودموع

Quote: والبواب زاتو ينطط معاهم
كمان فيها شمارات
_________
لا حوووووله و دا ريس مجلس الادارة شكسيا
Quote: انت تبري من الألم والالم ما ليك نصيب
انت شبهو !!؟؟ ولا قدرو !!؟
والإدارة مادياك اجازة وكمان ناموسية وبطانية ..

الغريبة ديل ناس كباااااااار يعنى اسمع الاسامى ابوششيبهه تبل ديييييييييييينااااااااا
على بال............... اشوفكم حايمن جنب مكاتب الابلات الا ااكل عيالكم دوم ولالوب واحرش عليهم الشافع سديمان.....
كفاره من الملاريا يا ابله نجو............. دى كفاره رسمية وجادة يعنى بتاعت زملان

Post: #213
Title: Re: ملائكــــة فى المـــنبر ،،،
Author: Tabaldina
Date: 08-31-2005, 08:16 AM
Parent: #205

..
.
أبو شيبة ،،،

شايف خرمجتك فى الروضة .. لمن قربت تضيع اولاد الناس
وكمان عايز تتهم رئيس مجلس الإدارة ..
ومتحجج بانو مداخلتى السبب .. بصراحة ان ما جيت الروضة من الصباح
ومافاهم شئ غير كلام ابلة ندو دا الوحيد الفهمتو
وشايف تامبا بوجهك فيك امشى يمين وشمال ..
ونسبة لهذا فقد تقرر اعطائك صسبنشن لمدة 3 ايام .. مع احضار مامتك
يوم السبت القادم ..

شكراً لمهندس آي تى بالروضة ..
وللجميع حتى اعود ،،،

Post: #217
Title: Re: ملائكــــة فى المـــنبر ،،،
Author: سجيمان
Date: 08-31-2005, 08:37 AM
Parent: #213

ابله.. ابله... الود دا.. داعد يبول في الحيتة...... تعب مس؟.... بي تدوديهو؟

Post: #215
Title: Re: ملائكــــة فى المـــنبر ،،،
Author: نجود حسن عبد الرحمن
Date: 08-31-2005, 08:25 AM
Parent: #205

Quote: كفاره من الملاريا يا ابله نجو............. دى كفاره رسمية وجادة يعنى بتاعت زملان

الله يسلمك

Post: #219
Title: Re: ملائكــــة فى المـــنبر ،،،
Author: waleedi399
Date: 08-31-2005, 10:04 AM
Parent: #215

حمد لله على سلامة البوست من الضياع والخرميج،،

وحمد لله على سلامة تبلدينا بعد العودة نعل ما حردان

والف حمد لله على سلامة آبله نجود من الملاريا

ونهنئها من قدرتها على التخلص من قبضة الباعوض

بس نعل ما جبت ليك حبتين ثلاثة يحوموا لينا

في روضتنا دي ونبقى في الجري والطيران

بالمناسبة نطالب بعربية اسعاف للحالات الطارئة

أو على الأقل صندوق اسعافات اولية وممنوع دخول (السلفه)

Post: #216
Title: Re: ملائكــــة فى المـــنبر ،،،
Author: Ali Alhalawi
Date: 08-31-2005, 08:37 AM
Parent: #205

ياعمو تبلدينا ويا أبله نادية .. مرفق كل المستندات الرسمية للتسجيل

ريــــان عــــلى

Post: #218
Title: Re: ملائكــــة فى المـــنبر ،،،
Author: Tabaldina
Date: 08-31-2005, 08:57 AM
Parent: #216

..
.

ماشاء الله عليها ريـــري يا أبو علوه ،،
حقيقة مافى داعي تكون فى العــراق ،،

ولا كيف !!

Post: #222
Title: Re: ملائكــــة فى المـــنبر ،،،
Author: عبدالرحمن عبدالله أبوشيبة
Date: 09-01-2005, 00:02 AM
Parent: #205

Quote: الغريبة ديل ناس كباااااااار يعنى اسمع الاسامى ابوششيبهه تبل ديييييييييييينااااااااا

أسمع ياود عكر صفيها أخير ليك
الأول بوابي ولابس عراقي وشايل بتو يعني كامل العضوية والأبله البتجي متأخرة بسندوتش بمررها والبتزوغ بدري بقزازة بيبسي ساقطة بيمشيها، والبجي يبلبص بالباب ويمح في عربيتو ويفتح الكبوت بينهرو ويطردو ويقول ليهو أمشي بعيد دي روضة أجيال قادمة بريئة ونظيفة.

Post: #220
Title: Re: ملائكــــة فى المـــنبر ،،،
Author: ahmed haneen
Date: 08-31-2005, 10:33 AM

اخونا تمبس
والأخت نادية

شكرا ليكم علي صورة مهجة وتسجيلكم لها في روضة تبلدينا

وحاتكم انا عارف تبلدينا زول كبكابة والكلام دا ما جابو لي
زول شفتو شوف عين ،، انا خائف زولي الكبكابة دا يقوم يجكس
البت ،،
وطبعا هي حتقول ليه انا عاوزة اقرأ يا عمو ،،، ( دا اذا ماعرست قبلو)

Post: #221
Title: Re: ملائكــــة فى المـــنبر ،،،
Author: Tabaldina
Date: 08-31-2005, 11:16 AM

..
.
Quote: وطبعا هي حتقول ليه انا عاوزة اقرأ يا عمو ،،، ( دا اذا ماعرست قبلو)

طلعتني كيس نايلو والهواء شايلو !!
الزمن اتغير يا ابوحميد دا ما اسمو كبكابة
دا اسمو جنتل مان .. برستيج .. ديسنت
دى مواصفات جكس اليوميبن دى !!

آها مهجة رايها شنو بعد دا !!؟؟

Post: #223
Title: Re: ملائكــــة فى المـــنبر ،،،
Author: WadAker
Date: 09-02-2005, 10:36 AM

Quote: بعيد دي روضة أجيال قادمة بريئة ونظيفة.

جدا ياعمو بس ناس المستقبل بيكون بواباتن اسما زى لؤى وسوسو وست البارد والايسكريم مش الشاى شروق وتملوز هيك يعنى والا رايك شو عمو

Post: #224
Title: Re: ملائكــــة فى المـــنبر ،،،
Author: علوبه
Date: 09-02-2005, 02:08 PM

http://y1y1.com/up/get.php?filename=1125699684.jpg

ممكن تسجلونا معكم؟

Post: #225
Title: Re: ملائكــــة فى المـــنبر ،،،
Author: waleedi399
Date: 09-03-2005, 01:34 AM
Parent: #224

علوبه ... في غياب الادارة والابلات تمت اجراءات التسجيل ومن بكرة يجو جاهزين

Post: #226
Title: Re: ملائكــــة فى المـــنبر ،،،
Author: نجود حسن عبد الرحمن
Date: 09-03-2005, 01:45 AM
Parent: #225

Quote: علوبه ... في غياب الادارة والابلات تمت اجراءات التسجيل ومن بكرة يجو جاهزين

شنو يا وللى

انت الجابك شنو الإجازة دى ماسمعته بيها 27 رجب ولا ماتبعنا انت

Post: #227
Title: Re: ملائكــــة فى المـــنبر ،،،
Author: waleedi399
Date: 09-03-2005, 02:01 AM
Parent: #226

نجــود
Quote: الإجازة دى ماسمعته بيها 27 رجب ولا ماتبعنا انت
زي ما قلتي نحن هنا رجب ورمضان والعيد كلو عندنا كلـو واحد..
يعني زي ما قلتي لا تبعنا ولا سمعنا بيها.... ويلا ابدي حصتك الاولاد منتظرين يا أبله

Post: #231
Title: Re: ملائكــــة فى المـــنبر ،،،
Author: علوبه
Date: 09-03-2005, 10:35 AM
Parent: #225

شكرا ياوليد399

ساره واخوها عبدالله

مستعدين ومن بكره جايين

تحياتى ومودتى

Post: #228
Title: Re: ملائكــــة فى المـــنبر ،،،
Author: Tabaldina
Date: 09-03-2005, 08:20 AM

..
.
شوفوا دنيتنا الجميلة ،،،،
بجيكم ..

Post: #229
Title: Re: ملائكــــة فى المـــنبر ،،،
Author: عبدالرحمن عبدالله أبوشيبة
Date: 09-03-2005, 08:43 AM
Parent: #228

Quote: شوفوا دنيتنا الجميلة ،،،،
بجيكم ..

مالك البوابي منعك ولا شنو ؟

Post: #230
Title: Re: ملائكــــة فى المـــنبر ،،،
Author: نجود حسن عبد الرحمن
Date: 09-03-2005, 08:57 AM
Parent: #229

يلا خلاص الدوام انتهى يلا ياعيال الترحيل جا وتبلدينا دة قوليهو اصبر مشيت وين اثناء اليوم الدراسى

حسابك معاى بكرة

Post: #246
Title: Re: ملائكــــة فى المـــنبر ،،،
Author: Tabaldina
Date: 09-05-2005, 07:09 AM
Parent: #230

..
.
Quote: يلا خلاص الدوام انتهى يلا ياعيال الترحيل جا
وتبلدينا دة قوليهو اصبر مشيت وين اثناء اليوم الدراسى
حسابك معاى بكرة

يا يوم بكره ما تسرع تخفف لي نار وجدي ..
انا غايتو الدق ما بتحملو الا كن تربتى على ساااى ..
وكن ربت على ببكي وانا بكااااى الا تحنسينى ..
وكن حنستيني .. بقول عايز بسبوسة ..
عادتى كدا اعمل شنو !!؟؟
بحب البسبوسة والبرتكان ...

Post: #243
Title: Re: ملائكــــة فى المـــنبر ،،،
Author: Tabaldina
Date: 09-05-2005, 04:53 AM
Parent: #229

..
.

أنت كدى خليك من البواب ..
فى بواب بمنع رئيس مجلس إدارة والمدير التنفيذى
الا قول لي ..
الظرف الكبير البمبي فى جيبك دا شنو!! جواز سفر مثلاً ولاالااستيت منت
بعدين انت بتبحلق فى الشاي ولا فى الخواجية اام صباع دا ..
ودا كلو كوم المراة النخلة الشكلها المانية دى مالى لابد وراك كدا ..
بس شركتكم استايل والبارتشنات عندكم ...
وحاسب يدك ما ترمي الكبابي الفى الرف ..

لقيتنى كيف !!؟؟

Post: #232
Title: Re: ملائكــــة فى المـــنبر ،،،
Author: waleedi399
Date: 09-03-2005, 12:26 PM
Parent: #228

تبلـدينا
Quote: شوفوا دنيتنا الجميلة ،،،،
بجيكم ..
والله انت بقيت تجليها واقفه...
مالك يا أخوي كل مرة بجيكم؟؟؟
انت شكلك بايعها بايعها

Post: #233
Title: Re: ملائكــــة فى المـــنبر ،،،
Author: waleedi399
Date: 09-04-2005, 10:36 AM
Parent: #232

قـــرار رقـــم (399)

ارجو تكوين لجنة للمسألة عن هذا الغياب الجماعي للمسعولين والابلوات (المفاجع)

صدر تحت توقيعي،، (399)

Post: #234
Title: Re: ملائكــــة فى المـــنبر ،،،
Author: نادية عثمان
Date: 09-04-2005, 07:49 PM
Parent: #233

وليد 399

Quote: ارجو تكوين لجنة للمسألة عن هذا الغياب الجماعي للمسعولين والابلوات (المفاجع)

صدر تحت توقيعي،، (399)

يعنى جبت كيس برتكانك وجيت تسعل منى ياكعب ؟!!

كمبيوترى كان بااااااااااااايظ كالعادة !!

اسمع خلى اولياء الامور ديل يتبرعوا للابلة بى لاب توب !!

وبدى عيالهم دروس خسوسية بى حق اللابتوب موش فكرة ؟!!

Post: #235
Title: Re: ملائكــــة فى المـــنبر ،،،
Author: نجود حسن عبد الرحمن
Date: 09-05-2005, 00:15 AM
Parent: #234

Quote: كمبيوترى كان بااااااااااااايظ كالعادة !!

سلااامت كمبيوترك من البوظان كان تكلمينا يعنى ماعارفه ابله نجود بتصلح الكمبيوترااااات البايظه

Post: #237
Title: Re: ملائكــــة فى المـــنبر ،،،
Author: waleedi399
Date: 09-05-2005, 02:05 AM
Parent: #234

ندوية،،

سلامتك والالـم بيزول ..
وكفارة والف سلامة ليك ما تشوفي شر
لـو عارفـين كـنا دورنا حافلـة وجيناك
ما اصلـو انت في طريقـنا....

بعدين تعالي أنا برضو الكعـب؟؟؟
كعب التغا وكعب اللقا، كعب الزمن وكعب الشقا
بس أهم شئ ما يكون (كعـب عالي)؟؟

يا ندوية...
ما كنت عارف .. يا ريت يا ريتني كنت عارف
لو كنت عارف أنك مريضـة
كنت رسلت ليك جنائن برتكان وفواكه
وبسـاتين زهـر ورياحـين وورود
مش شوية كيس به بعض البرتقالات
و رحـيق تبلـدينا

أما بخصوص جهـاز الكمبيوتـر
ما عليك الا أن تتصلي بالدعم الفني
على الرقم 399 وستجدين المساعدة
أتصـلـوا الان فلا تدعو الفرصة تفوتكـم
خدماتنا تغطي كافة أنحاء العالم الاسـفيري،،
وإلا أمـرنا بصرف عدد (1) جهاز
لاب تـوب للأبلـة ناديـة
فهي تستحقه وأهل له
لخدماتها الجليلة
من اجل عاصفير الجنة
ملائكة المنبر
أبناء اليوم
فوارس حلـبات
الغـد
..
.

Post: #248
Title: Re: ملائكــــة فى المـــنبر ،،،
Author: Tabaldina
Date: 09-05-2005, 09:28 AM
Parent: #237

..
.
Quote: والله انت بقيت تجليها واقفه...
مالك يا أخوي كل مرة بجيكم؟؟؟
انت شكلك بايعها بايعها

يا زول دى روضة دخلت التأريخ ..
روضة الموســـم بتتباع ..
لسه فى ملائكة بصوروا فيهم وجزوا منتظرين البص
ومجموعة لراجيه تحميض الصور ..
عشنا وياما نشوف ملائكة هنا ..

Quote: مش شوية كيس به بعض البرتقالات
و رحـيق تبلـدينا

اها وصلك الأيميل ..
ابقي مارق .. سمح .. الصباح برسل ليك واحد تاني

Post: #244
Title: Re: ملائكــــة فى المـــنبر ،،،
Author: Tabaldina
Date: 09-05-2005, 05:19 AM
Parent: #234

..
.
Quote: يعنى جبت كيس برتكانك وجيت تسعل منى ياكعب ؟!!

كــّر علينا .. الأبلة عيانة ..
والريس اضانو طرشانة ..
كان مفروض نجيب شوكلاتة معانا ..
لابلة نادية الديمة معذبانا ..
بس ظروف البعد القاسيانا ..
خلتنا ندعو الله يديها السلامه ..
ومن طلتها تانى ما تكون حارمانا ..

قصيدة تبلداسفيرية ..

Post: #236
Title: Re: ملائكــــة فى المـــنبر ،،،
Author: Tabaldina
Date: 09-05-2005, 00:24 AM

..
.
انا بس داير أعرف البطلع قرارات فى غيابنا دا منو !!
على العموم عندنا إجتماع إداري الأن..
لمناقشة مشاكل الملائكة والملائكة التى تسهر عليهم ...
وبقية الإجراءات الإدارية خصوصاً ..
بمحاسبة الغفير ابوشيبة ودراسة طلب تعين وليد399 كرئيس عمال ..

تحيه للابلات الحلوات ،،،
يا ابلة نجو ..
محتاج ليك فى مساعدة عاجلة لرفع صورة ملاك من الأيميل
والله ابت عديل وتامبا ما عايز يرد ..

Post: #238
Title: Re: ملائكــــة فى المـــنبر ،،،
Author: waleedi399
Date: 09-05-2005, 02:41 AM
Parent: #236

تبلـدينأ...
Quote: محتاج ليك فى مساعدة عاجلة لرفع صورة ملاك من الأيميل
والله ابت عديل وتامبا ما عايز يرد ..
برد علـيك انـا

بس تعال لي يا البلال، تعال فرح ليالينا

أنا ولدك يا حاج احمد

سأتصدى لها على هذا الايميل:

[email protected]

تحياتي،،

Post: #239
Title: Re: ملائكــــة فى المـــنبر ،،،
Author: عبدالرحمن عبدالله أبوشيبة
Date: 09-05-2005, 03:17 AM
Parent: #238

Quote: وبقية الإجراءات الإدارية خصوصاً ..
بمحاسبة الغفير ابوشيبة ودراسة طلب تعين وليد399 كرئيس عمال

يا ريس عني لي شوي شوي غني لي وخد عيني
الغفير شقي الحال دا سوى ليك شنو إنت تبلدينا وأنا عشرزينة أنا حبوبة ونسي وإنت رتينة ،، لم بغفير رضينا جاي تعملها فينا ،، الله يجازيك يالدنيا أم غبينا ،، هيييييييييييي والله كلام ياجدعان قال يحاسبوني قااااااااااال أنا سويت شنو لو لي رفع الحواجب دي عادة فيني مابقصد أرفرف ،،، ولو منعتك من الدخول مرة دي التعليمات منها مابلفلف.
أنا متظلم للقماري البتقوقي فوق النيمة الخاتي أنا الكرسي حقي تحتها ،، شكيتك ياريس على الفي مصر موجوده وعلى زينة البنات الاسمها نجودة

Post: #240
Title: Re: ملائكــــة فى المـــنبر ،،،
Author: tmbis
Date: 09-05-2005, 04:12 AM
Parent: #239

اهداء خاص لعمو تبلــدينا
تنقـــا

شوف القمر ده يا تنقــا
وقول ماشاء الله

Post: #242
Title: Re: ملائكــــة فى المـــنبر ،،،
Author: Tabaldina
Date: 09-05-2005, 04:44 AM
Parent: #239

..
.

Quote: أنا متظلم للقماري البتقوقي فوق النيمة الخاتي أنا الكرسي حقي تحتها
،، شكيتك ياريس على الفي مصر موجوده وعلى زينة البنات الاسمها نجودة

يا الله من القماري المعزباكم خلتكم تقولوا شعر ونثر ..
غايتو من الروضة دى كن ما طلعت ليك بماما لملاكك الذى فى رحم الغيب امورك بايظة ..
رأيك شنو تناسب ود عكــر بعد خشمتاشر سنة كدا ..
لانو الأبلات موضوعن منتهي ..
اها تقبل ووين يا مغمض العينين ..
عفيناك .. يا أبو شيبة
عشان تبطل الجرسة...

Post: #245
Title: Re: ملائكــــة فى المـــنبر ،،،
Author: عبدالرحمن عبدالله أبوشيبة
Date: 09-05-2005, 05:41 AM
Parent: #242

Quote: عفيناك .. يا أبو شيبة
عشان تبطل الجرسة...

عفيتني عشان أنا إتجرست ولا عشان خفت من القماري تطير من نيمة الروضة ويجبك فيها الرهو والسمبر وبدل ماتغني ليك حنان النيل (أبني عشك ياقماري قشة قشة ) يجي يغني ليك حسين شندي أغنية السمبر بالرا بتاعتو العجيبة ديك .

Post: #241
Title: Re: ملائكــــة فى المـــنبر ،،،
Author: Tabaldina
Date: 09-05-2005, 04:35 AM

..
.

زينب مـــادبو

قمر سااى يا تــامبا
شوفوا قمر 14 بزاتها اجمل الاطفال فى السباته ..
والله ما قصرت .. يا عمو تامبا .. مع زينوبا ...
طبعاً زينب مرسلة لعمو أهداء للروضة .. ومصــرة أنها بتشبه أبلة ندوية
عشان كدا لازم ندخلها فصل ندو ... وكمان نعمل المقارنة ..

عمو صالح*
لك كل الحب
الرجاء
تسجيلى
بروضتكم مرفقة كل المستندات المطلوبة.
الرجاء الاهتمام لانى صراحة شايفة الاعمام
والادارة عملونا كبرى وركزو على الابلات
انتبهو ولااتصل
ليكم ب 911
بالمناسبة
اناشايفة
انى حلوة وبشبةابلة ناديةقولو
ماشاءاللةعلينا
مع كل الحب
ابنتكم زينب
مادبو
مع تحيات ماما و بابا
واخوانى....
والروضةمافى ليهم
لانو الاولاد كترو وحيعملوها
حب برضو.

ماشاء الله عليك وربنا يحفظك يا زينة البنيات لماما وبابا وأخوانك ..
على بالطلاق من ما عرستها كن كان عندى ولد ياني
الحجزتك ليهو .. بس الله قادر ..
الإدارة ،،
الغريبة الإدارة شايفه فى شبه يا زينة ما ماما ندو !!
يا ربي العيون ولا الخدود الوردي ..

Post: #247
Title: Re: ملائكــــة فى المـــنبر ،،،
Author: نادية عثمان
Date: 09-05-2005, 09:02 AM
Parent: #241

انى حلوة وبشبةابلة ناديةقولو
ماشاءاللةعلينا
مع كل الحب
ابنتكم زينب
مادبو

زنوبة بتى حبيبتى والله ابلة نادية كان بقت حلوة زيك يبقى بختها شديد

ربنا يحفظك لوالديك يارب

وليد:

ماشحدناكم اللابتوب بى حقوا فى حدود مائة ريال من زمااااان وعملتو مجانيين ياكعبببببببين !!

تبلدينا :

ماقلت لى رايك شنو فى الديوان يعنى !!!

بالمناسبة فى اوراق بتاعة الوافدين من الملائكة مفروض تشوفها مطابقة للمواصفات ولا لا !!

Post: #249
Title: Re: ملائكــــة فى المـــنبر ،،،
Author: waleedi399
Date: 09-05-2005, 10:29 AM
Parent: #247

نـدويـة
Quote: ماشحدناكم اللابتوب بى حقوا فى حدود مائة ريال من زمااااان وعملتو مجانيين ياكعبببببببين !!

أفوووووووووو انا ولدك يا حاج احمد
وين ومتين الكلام دا .. منو القال يا نادية
وبعدين يا تو لاب توب بمائة ريال
تقصدي مائة مضروبة في ثلاثين
يا ستي عموماً نحن تحت الطلب
والمجنون على ذمة العاقل
لكن شوفي الناس الوعدو واخلفوا

نحن ما بتاعين تسويف،، نحن نعمل في صمت
شعارتنا سرعة ودقة في الاداء

Post: #250
Title: Re: ملائكــــة فى المـــنبر ،،،
Author: نادية عثمان
Date: 09-05-2005, 02:37 PM
Parent: #249

وليد

ولى

Quote: أفوووووووووو انا ولدك يا حاج احمد
وين ومتين الكلام دا .. منو القال يا نادية
وبعدين يا تو لاب توب بمائة ريال
تقصدي مائة مضروبة في ثلاثين
يا ستي عموماً نحن تحت الطلب
والمجنون على ذمة العاقل
لكن شوفي الناس الوعدو واخلفوا

اها دى مكنتك ؟!!

Post: #251
Title: Re: ملائكــــة فى المـــنبر ،،،
Author: waleedi399
Date: 09-06-2005, 04:59 AM
Parent: #250

ندويـة
Quote: اها دى مكنتك ؟!!

نحن برضو بتاعين مكنات؟؟

Post: #252
Title: Re: ملائكــــة فى المـــنبر ،،،
Author: نادية عثمان
Date: 09-06-2005, 07:05 AM
Parent: #251

Quote: نحن برضو بتاعين مكنات؟؟

ولى .........انا معاك الا ان تثبت العكس !!

والسواى ماحداث !!!

ياخى انت الديوان بخمسين ريال مااشتريتو تجى ترسل لى لابتوب ؟!!!

اها مكنة ولاحنك سنييين ولافعل اكيد ؟!!

Post: #253
Title: Re: ملائكــــة فى المـــنبر ،،،
Author: waleedi399
Date: 09-06-2005, 09:47 AM
Parent: #252

نــدوية
Quote: ياخى انت الديوان بخمسين ريال مااشتريتو تجى ترسل لى لابتوب ؟!!!
الكلام دخل الحوش ..
منو القال كدا ديل الموزعين مش كدا

Post: #255
Title: Re: ملائكــــة فى المـــنبر ،،،
Author: نادية عثمان
Date: 09-06-2005, 11:30 AM
Parent: #253

وليد 399

ولى

Quote: الكلام دخل الحوش ..
منو القال كدا ديل الموزعين مش كدا

اها اصدق منو فيكم انت ولا الموزعين ؟!!!

Post: #256
Title: Re: ملائكــــة فى المـــنبر ،،،
Author: waleedi399
Date: 09-06-2005, 01:09 PM
Parent: #255

Quote: اها اصدق منو فيكم انت ولا الموزعين ؟!!!

صـدقي الموزعين يا نـدوية

وشهادة لله الموزعين ما قصروا

وكتر الف خيرهم

Post: #258
Title: Re: ملائكــــة فى المـــنبر ،،،
Author: نادية عثمان
Date: 09-06-2005, 06:33 PM
Parent: #256

وليد

ولى

Quote: صـدقي الموزعين يا نـدوية

وشهادة لله الموزعين ما قصروا

وكتر الف خيرهم

كلوووووووو الا زعلك !!

ياخ خلاص انا مصدقاك انت اها !!

لكن ممكن بس طلب ؟!!!

كان صحى اشتريت نزل لى هنا قصيدة كاااااااااملة من الديوان هدية لابلة نجود !!

Post: #264
Title: Re: ملائكــــة فى المـــنبر ،،،
Author: Tabaldina
Date: 09-07-2005, 06:00 AM
Parent: #258

..
.
Quote: كان صحى اشتريت نزل لى هنا قصيدة كاااااااااملة من الديوان
هدية لابلة نجود !!

كدا كـــويس !!؟؟
ياها عصرتك فى الصريف ..
قد الصريف وطلع العالي الشئ رينجر ولا تقوم جاري
انتِ كدا يا أبلة

Post: #273
Title: Re: ملائكــــة فى المـــنبر ،،،
Author: waleedi399
Date: 09-08-2005, 06:01 PM
Parent: #264

Quote: كدا كـــويس !!؟؟
ياها عصرتك فى الصريف ..
قد الصريف وطلع العالي الشئ رينجر ولا تقوم جاري
انتِ كدا يا أبلة
تبلدينا يا أخوي نحنا ما بنتعصر ..

وبالمناسبة بتتعصر دي بقولوها السودانيين للزول الحبوب

يقولوا ليك فلان الفلاني دا ما بتعصر "يعني ما عندو قضية ولا شغله بالناس"
وعلان معصور علي أهلو شديد، يعني بحب اهلو ولامي عليهم واعتقد دي كلو سوداني بعرفها

عشان اثبت ليك اكثر، اذا حبيت أعمل ليك اسكانغ scaning للديوان كلو،، مش قصيدة واحدة

بالجد يا تبلدينا اعتقد أنو مافي داعي للتجريح بالكلام

خصوصاً من زول بتعزوا وتكن ليه كل تقدير واحترام .. وشكراً

Post: #274
Title: Re: ملائكــــة فى المـــنبر ،،،
Author: نادية عثمان
Date: 09-08-2005, 08:31 PM
Parent: #273

وليد 399

ولى

مالو كلامك حار حار كده زى الزعلان جد جد ؟!!

Quote: تبلدينا يا أخوي نحنا ما بنتعصر ..

وبالمناسبة بتتعصر دي بقولوها السودانيين للزول الحبوب

يقولوا ليك فلان الفلاني دا ما بتعصر "يعني ما عندو قضية ولا شغله بالناس"
وعلان معصور علي أهلو شديد، يعني بحب اهلو ولامي عليهم واعتقد دي كلو سوداني بعرفها

عشان اثبت ليك اكثر، اذا حبيت أعمل ليك اسكانغ scaning للديوان كلو،، مش قصيدة واحدة

بالجد يا تبلدينا اعتقد أنو مافي داعي للتجريح بالكلام

خصوصاً من زول بتعزوا وتكن ليه كل تقدير واحترام .. وشكراً

ياولى الغالى واوعى تكون زعلان منى انا كمان وانا ماعارفة ؟!!

يازول تبلدينا ده بهظر معاك ساى !!

ونحنا هنا ناس كلمة حلوة ولحظة جميلة وحنينة بس !!

اسمع

سيبك من حركات الزعل دى وقول لى حاتغنى لى الاغنية متين ولا حاتسوى لى سوات ناذر الخليفة وتسل روحى ؟!!

Post: #275
Title: Re: ملائكــــة فى المـــنبر ،،،
Author: waleedi399
Date: 09-09-2005, 02:17 AM
Parent: #274

Quote: ياولى الغالى واوعى تكون زعلان منى انا كمان وانا ماعارفة ؟!!

يازول تبلدينا ده بهظر معاك ساى !!

ونحنا هنا ناس كلمة حلوة ولحظة جميلة وحنينة بس !!
ندوية برغم الزعل ...

أنا لا اعني تبلدينا اطلاقاً لانني بعرف جيداً زي ما بقولو السودانيين (زي جوع بطني)

وكمان متأكد أنو بهظر، لانو المزاح الجزء الاكبر الذي يربطنا به ...

وفي النهاية زي ما قلتي ما ح ناخد منها حاجة غير المحبة والكلمة الطيبة

واللحظات الحنينة .... واخرها كوم تراب

لتبلدينا ولك ندوية ولكم جميعاً العتبى

أنا لم اقصد شئ ولا احمل شي في قلبي تجاه اي احد في هذا المنبر ...

بكل صدق أقولها الجميع يتساوى عندي في الحب إلا من استعداني ..

ولكم خالص تحياتي

Post: #265
Title: Re: ملائكــــة فى المـــنبر ،،،
Author: Tabaldina
Date: 09-07-2005, 06:39 AM
Parent: #247

..
.
Quote: تبلدينا :
ماقلت لى رايك شنو فى الديوان يعنى !!!

بالمناسبة فى اوراق بتاعة الوافدين من الملائكة مفروض تشوفها مطابقة للمواصفات ولا لا !!

والله يا ندو عشان ما اقد الصــريف
يادوب أنا نسختى مفترض استلمها من الملك يوم بكره الخميس
واقراها ليك يوم الجمعة فى جبل اولياء ..عندنا رحلة برايفيت
واعتبري نفسك معزومة عبر الأثير

اوراق الوافدين دى ممكن نشوفها يوم السبت !!؟؟

Post: #272
Title: Re: ملائكــــة فى المـــنبر ،،،
Author: نادية عثمان
Date: 09-08-2005, 04:58 PM
Parent: #265

تبلدينا الغالى

Quote: والله يا ندو عشان ما اقد الصــريف
يادوب أنا نسختى مفترض استلمها من الملك يوم بكره الخميس
واقراها ليك يوم الجمعة فى جبل اولياء ..عندنا رحلة برايفيت
واعتبري نفسك معزومة عبر الأثير

والله العظيم يابورداب الخرطوم مشتهية روقتكم دى وبغرررررررررررررررانة !!

الله يسعدكم لكن كدى لما اجيكم فى رمضان قصروا معاى فى العيد !!!

اها ياولدى الليلة السبت لسسة ماقريت الديوان ؟!!

اوعا تقول لى الرحلة طرشقت !!

وليييييييييييييييييييييد

ختيتك فى حتة ضيقة انا ولاشنو يافردة ؟!!

Post: #276
Title: Re: ملائكــــة فى المـــنبر ،،،
Author: Tabaldina
Date: 09-09-2005, 06:47 AM
Parent: #272

..
.
شنو يا ولي ،،،،
مالك يا زول اتحسست والله العظيم بهزر معاك ..
وخصوصاً لمن الأبلة قالت : أنشر لى القصيدة ..
يا حبيب ما تفهمنى .. انا زول بعزك جد
ونحن ناس بنعيش حياتنا الصافية بالنية السليمة ..
وانا ماعارف بحتاج اشرح الصريف ..
اللهو الحوش وبدل ما اقول عصروهو فى الشوك .. دا كلام غرابه
قلت الصريف لانو بكون اخف بسبب ( الشرقانية ) والحصير
وصدقنى انا ما قاصد اجرحك بالكلام ولا اى شئ .. انا حسي معصور والله فى الشوك
لانى بكتب الكلام دا وجاى المكتب سايب ناس تروتسكى والملك وناذر ومحمد ابوالقاسم وبقية الشباب

Quote: اها ياولدى الليلة السبت لسسة ماقريت الديوان ؟!!
اوعا تقول لى الرحلة طرشقت

سجمنا .. هو سبت القاهرة بجي بالسرعة دى !!؟؟
قولي بسم الله يا ندو الليلة الجمعة ولا دا اعتبار ما يكون !!
بس البرنامج يا ندو اتعدل .. معتز اصر على الفطور فى بيتهم
وبعدك داك الرحلة .. وانا جيت المكتب لامر طارئ واشوفهم مشو ووين عشان احصلهم ..
تتصورى قابلت الملك وبقول نسي النسخة بتاعتى ..
يعنى لمن استلمها لازم انزل قصيدة كاملة هنا ..

Quote: الله يسعدكم لكن كدى لما اجيكم فى رمضان قصروا معاى فى العيد !!!

كلااام يا يا نادية عثمان ..
ندو الغالية .. والغالي بغلاتو .. تعالى وحتعرفي غلاتك كيف !!
كن كدى خلينا النناقش الشباب اقول ليها عيد الأبيض دا نلقيوهو ..
بلا اعراس بلا اقاشي بلا رحلات .. خلونا مع ناس شباب بحري بس ..
وانت من بحري قالو ........ يلا ...........

ولي دا زعل بالجد ...!!
وانا بدردق ليهو فى ا########## .. الروضة دا ما ممكن تكون مكان
زعل انت زى ما قلت عارف اخوك زى جوع البطن الناس بتاعين المشاكل فارزهم
وبعرف امشي ليهم والفرد والناس الطيبين والحلوووين اتمرمغ ليهم عشان
ما ياخدوا فى خاطرهم

بالله ما تاخد فى خاطرك .. ترقية جديدة كيف معاك ..
استاذ مشارك فى فصل نجو

Post: #285
Title: Re: ملائكــــة فى المـــنبر ،،،
Author: waleedi399
Date: 09-10-2005, 01:40 AM
Parent: #276

Quote: بالله ما تاخد فى خاطرك .. ترقية جديدة كيف معاك ..
استاذ مشارك فى فصل نجو

وتييييب من زمان مالك ساكت يعني الواحد الا يعمل فيها زعلان يا ريتني لو زعلت من زمان

ما عارف يا تبلدينا لكن ندوية ختتو معاي قرض زعلانه مني ما عارف في شنو

مع العلم قلت ليها اشتريت ديوان وفعلاً بفكر ادندن بالعود عشان ممكن اطلع حاجة حلوة

تناسب قصائد ندوية في الديوان لرجل عصيب مثلي وليس ما لما لا اكون أنا

عموماً يا تبلدينا اطلاقاً زي ما قلت ليك لم اقصدك البته فانت اخوي وأعرفك جيداً فلك العتبى ان مسك مني شئ ..

ويا ندوية العفو والعافية لا اريد أن احمل شئ في قلبي ابداً مهما كان

وخصوصاً من انسان بعزو واقدرو زيك يا ندوية وزي ما قلت ليك انت اختي ونحن هنا بنخفف على بعض بعض هموم الاغتراب ..

رد الله غربة الجميع وتاااااااني العفو والعافية ولكم جميعاً العتبى حتى ترضو ..

ويلا نشوف عصافير الجنة .. ملائكة الرحمن اطفال اليوم رجال الغد امل ومستقبل السودان القادم

محـبتــي ..

Post: #254
Title: Re: ملائكــــة فى المـــنبر ،،،
Author: willeim andrea
Date: 09-06-2005, 10:04 AM

just up

Post: #257
Title: Re: ملائكــــة فى المـــنبر ،،،
Author: محمد ابو القاسم
Date: 09-06-2005, 01:30 PM
Parent: #254

تبلدينا الغالي

ولا بوسط جميل
جنةاطفال بس
شكرا ليك
تخريمة :-
جبت الصور دي من وين

Post: #259
Title: Re: ملائكــــة فى المـــنبر ،،،
Author: garjah
Date: 09-07-2005, 00:30 AM
Parent: #257

عمــــــو تبلدينا

خالتو نـــــــــدو

انا اسمي

نــــــــورا أحمد قرجة

بابا صحاني بدري وقال لي يلا نسجلك في روضة ماما نادية وعمو تبلدينا

اها دي صورتي ....وياهو ده بابا قدامكم ...دايرين منو حاجة والا يمشي يحصل شغلو ؟

Post: #262
Title: Re: ملائكــــة فى المـــنبر ،،،
Author: نجود حسن عبد الرحمن
Date: 09-07-2005, 05:19 AM
Parent: #259

Quote: وياهو ده بابا قدامكم ...دايرين منو حاجة والا يمشي يحصل شغلو ؟

ابوك الجايينا بى عكازو ده

قول ليهو قالو التسجيل اول السنه

بس لكن عشان عكازو دة استثنائيا بنقبلك

Post: #263
Title: Re: ملائكــــة فى المـــنبر ،،،
Author: Tabaldina
Date: 09-07-2005, 05:26 AM
Parent: #262

..
.
Quote: ابوك الجايينا بى عكازو ده

غايتو الأبلات ديل عليهم فونقات ..
والله فتشت العكاز لمن لقيتو لمن الشافعة اتخلعت من الضحكة

يا بابا قرجة ابوعكاز
البت دى جيب ليها البلوفر بتاعها
هبايب البحر ى ما كويسة فى السن دى ..
يا ابلة نجو :
عليك الله دخليهم جوا الشفع ديل ..

Post: #278
Title: Re: ملائكــــة فى المـــنبر ،،،
Author: Tabaldina
Date: 09-09-2005, 06:57 AM
Parent: #257

..
.
محمد يا ابو القاسم ،،،
آها فطور أم معتز كيف !!
تاني ما تجي متأخر .. اشبع بالفسيخ والبيض دا ..
انت شبة العصيدة .. يا حنكوش ..
أااااااااانا ما بأكل عصيدة ..
هو ولد ملاسي اكلها لمن انت يا ........... سمح

Quote: جبت الصور دي من وين!!

من استديو فارتي .. يعنى من ووين
ما من امهات وابهات الوليدات ..
شوف الرجالة كيف ابقي ابو وجيب صورة ولدك ..

Post: #260
Title: Re: ملائكــــة فى المـــنبر ،،،
Author: Tabaldina
Date: 09-07-2005, 05:07 AM

..
.

يــــارا عــصام دهب ..

شـــوفوا العسل ..
ووين تــلقوا زى دا ..

والله الانتاج ماشاء الله يا دهب ..
متين حتوريهم لخالاتهم واعمامهم ..
منتظرين والدين خــريف ..
بس الخرطوم خليها سااااى

وناس الزقازيق أجدع ناس ...

Post: #261
Title: Re: ملائكــــة فى المـــنبر ،،،
Author: Tabaldina
Date: 09-07-2005, 05:16 AM

..
.

البرعمة : تالا عــصام دهب

ربنا يحفظم ويغطيهم يا عصام ..
ومعليش أخوك ما عارف نسي ولا دا الكبر ...
والاموات لازم يقول شكراً لعمو وليد399 للمســاعدة فى رفع الصور
ما عارف بتعصلج معاى هنا ليه ..

تحياتي ومودتى وعقبال نشوف انتاج ناس الزقازيق الزايغين ..

Post: #286
Title: Re: ملائكــــة فى المـــنبر ،،،
Author: waleedi399
Date: 09-10-2005, 01:56 AM
Parent: #261

كيفكم تالا ويارا يا احبابي كيف مستمرين مع الدراسة

وانشاء الله ما تكون في واحدة من الابلات مزعلاكم

بس لو في اي حاجة قولو لي أنا بكلم ليهم بابا تنقا

Post: #266
Title: Re: ملائكــــة فى المـــنبر ،،،
Author: Tabaldina
Date: 09-08-2005, 06:14 AM

..
.

مع الشكر والإذن من الأخ سمير أبراهيم ...

Post: #267
Title: Re: ملائكــــة فى المـــنبر ،،،
Author: نجود حسن عبد الرحمن
Date: 09-08-2005, 06:25 AM
Parent: #266

Quote: عندنا رحلة برايفيت
واعتبري نفسك معزومة عبر الأثير

شنو ياتبلدينا تعزم فى ابله ندويه وانا يعنى امشى وين بس العوازيم دى لناس كده وبس ولا شنو

اطرونا بى عويزيمه كدى

جاياااااااااااك ياتبلدينا عندى ليك شمار

Post: #268
Title: Re: ملائكــــة فى المـــنبر ،،،
Author: نجود حسن عبد الرحمن
Date: 09-08-2005, 06:38 AM
Parent: #267

الليله ياتبلدينا اول مرة الاحظ انو شجيرايتك الخاتيها دى ياهة زاته الشجيرة الفى المحطه البنزل فيها

بينى وبينك اتخلعت

قلت الوليد ده الجابو بيجاى شنو

علا بس المعلاق المعلق فيها مالقيتو قلت يمكن منتظرنى من الصباح و مشى يشوفلو لقمه ياكله ويجى

بعرفك انا طوالى فى حاله جوعه باقى حبوبتك لمن جات تسجلك معانا فى الروضه وصت عليك قالت الوليد ده حلقومو ضيق ما تأكلوهو مع الشفع بظلمو

Post: #269
Title: Re: ملائكــــة فى المـــنبر ،،،
Author: Tabaldina
Date: 09-08-2005, 06:42 AM
Parent: #267

..
.
Quote: شنو ياتبلدينا تعزم فى ابله ندويه وانا يعنى امشى وين بس
العوازيم دى لناس كده وبس ولا شنو

اول هام دا كلو من أبوشيبة عملها فيك .. قال عازمك معاهم لانو مكسررررر
تاني هام لمن تنتهي لى من تكسرك من العواجيز زي ناس بليييييييييييز سديماااااااااان
وتعرفي انحنا اولاد حلة واحدة اسمها الخرطوم وديلاك ما دايمين وناس وهميين فى كلام تانى
وعشان عزة نفسي مابيه على قلت اعمل تقيل شوية ..
وبنعتذر آها عازمنكم درب بيتكم بوين يا عيني ..
بابكم اخضر ولا شباكم لبني ولا انتو ناس البرج العالي سلام ..

Quote: اطرونا بى عويزيمه كدى

دا كلامك .. بس والله ما رقت ليك ..أديها صنة.. خلى البحر يرووق
وبعد دا الأميري ولا الشهي !!؟؟ ماتقولى امواااج بقي بجيب الهواء والهوي
ولااقول ليك انا بحب البيتشات ونشيل معانا سندوتشات..

Quote: جاياااااااااااك ياتبلدينا عندى ليك شمار

ووووووووب علي من شماركم ..
والله الجملة دى ما بتاعتى بتاعت معتز تروتسكي وخلى يجى ينكرها ..
الود دا بقي>>>> لازم يرجع بسرعة عشان يعمل الفسيو ... شنو يا ملك !!؟؟

Post: #270
Title: Re: ملائكــــة فى المـــنبر ،،،
Author: Tabaldina
Date: 09-08-2005, 09:44 AM

..
.

Post: #271
Title: Re: ملائكــــة فى المـــنبر ،،،
Author: هشام مدنى
Date: 09-08-2005, 09:50 AM
Parent: #270

والله جينا من بعيد لذلك وصلنا متأخرين المعذرة

سارة واحمد///هــشام مدنى/// اصغر ماعندنا
الباقي في الطريق.....
سلام ياتبلدينا راجع الطريق طويل

Post: #282
Title: Re: ملائكــــة فى المـــنبر ،،،
Author: Tabaldina
Date: 09-09-2005, 09:08 AM
Parent: #271

..
.
حمدالله على السلامة يا عم هشام ..
أخيراً اقنعوك وجيت معاهم ..
تتفضلو على طول على قسم اللغات ..
عايزين نقوى العربي ونتاكد من الفرنسي والإنجليزى ..

وشكراً ليك اخير من جنى المصر الترحيل يسوق بتو من والى البيت
ام سنجاووى وملاسي وبناديها ..

خليهم يجو يقدموا طلب عشان ازيد ليهم الرسوم ..

سلام ،،

Post: #277
Title: Re: ملائكــــة فى المـــنبر ،،،
Author: محمد ابو القاسم
Date: 09-09-2005, 06:53 AM

تبلدينا
طبعا نحنا لسة
ما دخلنا الي العالم دا
لكن دي اروي بيت اختي
عمرها سنتين و11 شهر
وعقبال اولادنا

وهي نائمة
لانوا ما ممكن تصورة وهي صاحية

Post: #279
Title: Re: ملائكــــة فى المـــنبر ،،،
Author: نادية عثمان
Date: 09-09-2005, 08:25 AM
Parent: #277

Quote: كلااام يا يا نادية عثمان ..
ندو الغالية .. والغالي بغلاتو .. تعالى وحتعرفي غلاتك كيف !!
كن كدى خلينا النناقش الشباب اقول ليها عيد الأبيض دا نلقيوهو ..
بلا اعراس بلا اقاشي بلا رحلات .. خلونا مع ناس شباب بحري بس ..
وانت من بحري قالو ........ يلا ...........

انا بت الشعبية بحرى ياولدنا

انت حنك سنييييييييييييين ياتبلدينا

لكن برضو زعلانة منك عشان لسة ماقريت الديوان !!

وعيدكم حايكون عيدين .. انا جاية يافرد..

بالمناسبة تروتكسى عامل ميت ومارسل الشيك حق الكتاب ولا هو برضو لسة مااستلم نسختو ؟!!

ههههههههههههههههه

وليد

انت وين يافنان؟؟

Post: #288
Title: Re: ملائكــــة فى المـــنبر ،،،
Author: waleedi399
Date: 09-10-2005, 04:52 AM
Parent: #279

Quote: وليد

انت وين يافنان؟؟

تلج تقيل يا ندوية ما قلتو نوبة

Post: #290
Title: Re: ملائكــــة فى المـــنبر ،،،
Author: نادية عثمان
Date: 09-10-2005, 05:10 AM
Parent: #288

Quote: تلج تقيل يا ندوية ما قلتو نوبة

يااخوى نحنا نوبة ونص وخمسة بس انت ورينا فنك !!!

Post: #291
Title: Re: ملائكــــة فى المـــنبر ،،،
Author: waleedi399
Date: 09-10-2005, 05:26 AM
Parent: #290

Quote: يااخوى نحنا نوبة ونص وخمسة بس انت ورينا فنك !!!

جاييك

Post: #281
Title: Re: ملائكــــة فى المـــنبر ،،،
Author: Tabaldina
Date: 09-09-2005, 09:02 AM
Parent: #277

..
.
Quote: وهي نائمة
لانوا ما ممكن تصورة وهي صاحية

بت الولية خال !!
غايتو اروي تكون مكرهاك الدافوررري ..

Post: #280
Title: Re: ملائكــــة فى المـــنبر ،،،
Author: Tabaldina
Date: 09-09-2005, 08:42 AM

..
.
Quote: انت حنك سنييييييييييييين ياتبلدينا
لكن برضو زعلانة منك عشان لسة ماقريت الديوان !!

وآآآى أنا ما بقدر على زعلك ..
مش اقراء ديوان انا اقراء مكتبة مدبولي كلها لوكلها دواوينك
وكمان اقراء احلى الكلام .. عارف احلى الكلام لغة شنووو!!؟؟

اكيد ما محتاجة لصديق،،،

ولي ،،،
ياخلى ما قلنا صافي يا لبن
حليب يا ..... نادية عثمان ..

Post: #283
Title: Re: ملائكــــة فى المـــنبر ،،،
Author: ناذر محمد الخليفة
Date: 09-09-2005, 09:32 AM
Parent: #280

تبلدينا كيفك !!!!

أحم أحم ...

أنا صراحة محرج معاك والله لكن ........

عندي ولدي دا بالله سجلو لي معاك ..

أنا أسف والله للصورة دي لكن الولد دا بعيد عنك بوااااااااااال !! وحيرني والله كل ساعة والتانية دايرني أغير ليهم هدومو وأنا ما فاضي لبهو قلت أجيبو عندك هنا وأختو في الحضانة وإرتاح منو ..

بجي بستلموا بعد شهر سنتين كدة وإذا ما جيت ما مشكلة .. إتصرف فيهو زي ما يعجبك إنشالله تبدل بيهو العدة وتدخل المعلوم في حساب الروضة ..

صنفرة :

ألحقي با أبلة نادية .. الشافع الشويطين دا عملا تاني !!
غيري البامبرس سريع ..

Post: #284
Title: Re: ملائكــــة فى المـــنبر ،،،
Author: نادية عثمان
Date: 09-09-2005, 10:32 AM
Parent: #283

ناذر الخليفة

طبعا اول تبادى عارفنى زعلانة منك وعامل ميت !!

لكن معليش مصير الحى بيلاقى !!!

Quote: ألحقي با أبلة نادية .. الشافع الشويطين دا عملا تاني !!
غيري البامبرس سريع ..

اسمع نحنا ولد فاكييها فى نفسو وماعندو كنترول زى ده مابنقبلو فى الروضة هنا

وبعدين انا اولادى الفى الروضة ديل مابيعملوا حاجات زى ده ..

ال بامبرز ال !!!

Post: #287
Title: Re: ملائكــــة فى المـــنبر ،،،
Author: إسماعيل حميم
Date: 09-10-2005, 03:16 AM
Parent: #284

حبيبنا تبلدينا
وإدارة الروضة الهميمة

عزراً للحضور المتأخر

احمد الآن في المدرسة في الصف الثاني

والصورة دي عمره 11 شهر

ممكن تقبلوا لينا الصورة في الروضة وهو يستمر في المدرسة

أكيد حا نجيب ليكم اخونوا في روضكم الحلوة دي بس عاوزين

ندخلهم بالترتيب

أها قلتو شنو؟؟؟

إسماعيل حميم

Post: #289
Title: Re: ملائكــــة فى المـــنبر ،،،
Author: waleedi399
Date: 09-10-2005, 05:06 AM
Parent: #280

Quote: ولي ،،،
ياخلى ما قلنا صافي يا لبن
حليب يا ..... نادية عثمان ..
يااااا نعم .. يعني الواحد ما يدلع شويه يا تنقا
مرة قلت كدا (صافي يا لبن) نطه واحد من مثقفاتية المنبر قال لي غلط

ما كدا هي اصلا الصاح (صافية لبن) أعمل شنو قلت ليه حاضر نعدلها

حكم القوي على الضعيف مع انو نحن معلمين كبار بس في الجيوب معلمين الله

Post: #292
Title: Re: ملائكــــة فى المـــنبر ،،،
Author: نادية عثمان
Date: 09-10-2005, 08:35 AM
Parent: #289

نجود العسل

هذه القصيدة منى اهداء ليك

وسوف يقوم بتلحينها وغنائها الفنان وليد 399

فرحة

شعر نادية عثمان

طالعة منك انتى فرحة

شايلة من موناليزا لمحة

لابسة توب العز وشاحك

والعفاف يارائعة طرحة
*** ***

طالعة منك كلمة طيبة

زى قليب يالسمحة اخضر

كلو عاشق جاى باكى

تلقى فى بوستك معسكر

انتى حلوة وانتى سكر

انتى تحلية جاية طاعمة

قالوا منقة وقالوا كستر !!!

Post: #293
Title: Re: ملائكــــة فى المـــنبر ،،،
Author: waleedi399
Date: 09-11-2005, 03:58 AM
Parent: #292

وانا جاهز يا ندوية تحت الطلب اكيد ح يطلع لحن جميل

للناس الحلوين، وبعدين لي حق الاجتهاد في التلحين

إن اصبت فمن عندي ... وان شترت فمن العود والاوتار ...

بس بعدين ما تزعلي اما الغناء احسن تشوفوا ليكم فناناً فنان

عشان بكري ما يقفل منبروا دا .. وعلى اساءوا الفروض يوشحوني السواد

وتبقى علي حكاية نور كامل ... واقول براي سويتها في نفس

Post: #294
Title: Re: ملائكــــة فى المـــنبر ،،،
Author: نجود حسن عبد الرحمن
Date: 09-11-2005, 10:00 AM
Parent: #292

شكرا كتيييييييييييييييييير على الكلام الرائع ده خليتينى احس بعظمه اسى يقولو كبرت ليها راسه

لكن والله وما مجامله شعرك عموما رااااااااااااااااائع وبالجد انا بحب الشعر كتييييييير بس ما بعرف بالمعنى المقصود

Post: #295
Title: Re: ملائكــــة فى المـــنبر ،،،
Author: waleedi399
Date: 09-11-2005, 12:41 PM
Parent: #294

أول شئ قولي لينا انت كنت وين يا أبلة نجـو ..

خليت العيال .. يفتشو فيك زي سيد الرايحة

عارفه سيد الرايحة بعمل شنو؟؟؟؟

حذري فذري

Post: #296
Title: Re: ملائكــــة فى المـــنبر ،،،
Author: نادية عثمان
Date: 09-11-2005, 04:01 PM
Parent: #295

نجود الغالية

تسلمى ياحبيبة وانتى تستاهلى الطيب كلو والله

اسمعى فى قصيدة فى بوست تفاحتى ياادم غلبنى اعمل ليها رحول هنا امشى انقليها وجيبيها هنا خلى الشفع يعرفوا ابلتهم نجود دى حلوة كيف

سمح ؟!

Post: #297
Title: Re: ملائكــــة فى المـــنبر ،،،
Author: نجود حسن عبد الرحمن
Date: 09-12-2005, 01:25 AM
Parent: #296

Quote: فى قصيدة فى بوست تفاحتى ياادم غلبنى اعمل ليها رحول هنا امشى انقليها وجيبيها

القصيده دى جبتها بناء على رغبه كاتبتها
وانا والله عاجزة عن شكررررررررررك وانت اروع انسانه شفتها

Quote: الغالية نجود حسن عبد الرحمن

انتى تشكيلة فواكه

انتى حزمة من الورود

جيتى من عند الله آية

بيكى ابتسم الوجود

سمحة زى عيدنا المبارك

دون فواصل او حدود

نور وجيهك استراحة

كلما نذهب نعود

شان نشوف عينيك جميلة

وحمرة فى لون الخدود

قادر الله الخلقك انتى

وتسلم الجابت نجود !!

Post: #298
Title: Re: ملائكــــة فى المـــنبر ،،،
Author: waleedi399
Date: 09-12-2005, 04:49 AM
Parent: #297

Quote: أول شئ قولي لينا انت كنت وين يا أبلة نجـو ..

خليت العيال .. يفتشو فيك زي سيد الرايحة

للمرة الاخيرة يا نجود ....

Post: #310
Title: Re: ملائكــــة فى المـــنبر ،،،
Author: نجود حسن عبد الرحمن
Date: 09-14-2005, 00:25 AM
Parent: #298

Quote: أول شئ قولي لينا انت كنت وين يا أبلة نجـو ..

خليت العيال .. يفتشو فيك زي سيد الرايحة

والله ياوللى انشغلت الفترة الاخيرة شدييييييييييييد

لكن بجيكم بس ادوها صنة

Post: #299
Title: Re: ملائكــــة فى المـــنبر ،،،
Author: Tabaldina
Date: 09-12-2005, 05:32 AM

..
.

سلااام يا حلووين
شايفكم بتكسروا التلج لبعض
ولا بتعبرونا ولا بتهببوهو لينا
غايتو لينا الله .. وعيد رمضان

الوليد الفلته دا لقيتو رايح وقلت
اجيبوا اسجلو فى الروضة بتخفيض 50%
وقال ابوهو اسمو البصاص فى الحلة القريبة ديك ..

اخلص اجتماع مجلس غدارة الروضة واجيكم ،،

Post: #300
Title: Re: ملائكــــة فى المـــنبر ،،،
Author: waleedi399
Date: 09-12-2005, 10:50 AM
Parent: #299

Quote: سلااام يا حلووين
شايفكم بتكسروا التلج لبعض
ولا بتعبرونا ولا بتهببوهو لينا
غايتو لينا الله .. وعيد رمضان

بالعكس يا تنــقا ..

والله فاقـدنـك ..

ســـألـين عـنـك ..

يومأتـي رحــيل ..

انت بتغطس ووووين

Post: #301
Title: Re: ملائكــــة فى المـــنبر ،،،
Author: نادية عثمان
Date: 09-12-2005, 07:25 PM
Parent: #300

ياوليد انا جادة فى موضوع التلحين انت جادى ؟!!

نجود الاغنية لو اتلحنت حلو انا ممكن اديها وليد زاكى الدين يغنيها رايك شنو ؟!!

Post: #302
Title: Re: ملائكــــة فى المـــنبر ،،،
Author: waleedi399
Date: 09-13-2005, 09:30 AM
Parent: #301

Quote: ياوليد انا جادة فى موضوع التلحين انت جادى ؟!!

نـدويـة،،

وانا كمان اجد من الجد

انت شاكه في مقدراتي اللحنية ولا شـنو

انا بالفعل قمت بتلحـين الكلمـات ..

لكنها تحتاج لبعض الوقت للتوقيع والمتابعة

وكمان بعض الاضافات للضرورة اللحـنية

وكمان الاغنية والكلمات قصيرة جداً ..

قد تحتاج لمزيد من تكسير التلج ......

عموماً رضيتم ولا ابيتم ساقوم بتنزيلها هنا

بس طبعاً ما بصوتي عشان ما تسرقوا الحاني ...

ما داير اقول ليك صوتي شين بس يا ندوية

Post: #303
Title: Re: ملائكــــة فى المـــنبر ،،،
Author: نادية عثمان
Date: 09-13-2005, 10:29 AM
Parent: #302

ولييييييييييييييييييييييد 399

ياولدى اسمعنى ورد على انت لحنت ياتو قصيدة هسة ؟!!!

وصحى وليد العجب الحايغنيها ؟!!

اسمع مادايرين نزحم الشفع بكلام الكبار ده لاقينى انت ووليد العجب وتمبس فى لفة بوست الديوان داك بتاع البيع ..

سمح ؟!!

Post: #304
Title: Re: ملائكــــة فى المـــنبر ،،،
Author: Marouf Sanad
Date: 09-13-2005, 05:12 PM
Parent: #303

حازم وسند أولاد تراجي مصطفى

Post: #305
Title: Re: ملائكــــة فى المـــنبر ،،،
Author: نادية عثمان
Date: 09-13-2005, 06:37 PM
Parent: #304

حلاااااااااااااااااااتهم اولادك ياتراجى

يتفضلوا طوالى على الحوش بتاع الالعاب .. مرحب بيهم الف مرحب

واعتبر يامعروف سند انو الاولاد ديل خلاص دخلو الروضة من الليلة ..

Post: #306
Title: Re: ملائكــــة فى المـــنبر ،،،
Author: Tragie Mustafa
Date: 09-13-2005, 06:41 PM
Parent: #305

شكرا يا ابله ناديه

وان شاء الله نبقي اولاد طيبين ومؤدبين وما نتعبك.

حازم حمدان

وسند حمدان.

Post: #307
Title: Re: ملائكــــة فى المـــنبر ،،،
Author: نادية عثمان
Date: 09-13-2005, 07:08 PM
Parent: #306

عارفة ياتراجى عندى احساس انو حنيتك وحبك لاولادك بيكون زيادة من الامهات كنوع من التعويض ليهم على انشغال جزء كبير من عقلك وتفكيرك بهموم وقضايا الوطن .. ربنا يعينك وانشاء الله اولادك لما يكبروا حايفتخروا انو تراجى مصطفى امهم ..

Quote: شكرا يا ابله ناديه

وان شاء الله نبقي اولاد طيبين ومؤدبين وما نتعبك.

حازم حمدان

وسند حمدان.

تسلمى ياتراجى وطبعا حازم وسند حمدان مؤدبين وغير متعبين ابدا

بس معليش حانحتاج ليهم صورتين واضحات من غير ماسك العاب عشان الكارنيهات وعشان يصرفوا الكتب والمرايل .. والشكولاتة ونصيبهم من الالعاب كمان ..

سمح ياام الاشبال حازم وسند ؟!!

Post: #308
Title: Re: ملائكــــة فى المـــنبر ،،،
Author: Tragie Mustafa
Date: 09-13-2005, 08:04 PM
Parent: #307

عاد يا ابله

نحن التلتله دي ورانا ورانا

يعني كفايه علينا كمية الجري الجريناه في الدنيا دي.

وماما متلتلانا من مظاهره لمظاهره.

ومن اجتماع لاجتماع.

حتى انه كلمة اجتماع اتعلمناها قبل كلمة حلاوه.

كمان تقولي لينا عايزين صور ثانيه

احنا عندنا صور كثيره

بس ماما قالت ممنوع هي بتخاف من العين

وقالت سبب حادثة حازم عين

وقالت ناس سودانيز اون لاين عينهم بارده لكن ناس اوف لاين فيهم

سحاريين كثار وهي خايفه يسرقوا الصور

وعشان كده حنكتفي بالصور دي ونشوف

خالوا تبلدينا يبقى لينا واسطه عندك تقبلينا من غير بطاقات.

ومعليش غلباويين ورغايين زي ماما غايتو الله يصبرك يا ابله.

تحياتنا

ومحبتنا

حازم

وسند الغلباوي.

Post: #313
Title: Re: ملائكــــة فى المـــنبر ،،،
Author: waleedi399
Date: 09-14-2005, 02:28 AM
Parent: #303

Quote: اسمع مادايرين نزحم الشفع بكلام الكبار ده لاقينى انت ووليد العجب وتمبس فى لفة بوست الديوان داك بتاع البيع ..
بخاااااااف .. انا بخااااااااف

Post: #309
Title: Re: ملائكــــة فى المـــنبر ،،،
Author: نجود حسن عبد الرحمن
Date: 09-14-2005, 00:21 AM
Parent: #301

Quote: نجود الاغنية لو اتلحنت حلو انا ممكن اديها وليد زاكى الدين يغنيها رايك شنو ؟!!

راى شنو ؟؟؟؟؟؟؟؟

والله بالغت ياندويه انا لاقيه وليد زاكى الدين يغنى لى ووليد 399 يلحن لى

دى عظمات والله الله يخليك لينا ومايحرمنا منك ياندويه ياعسسسسسسسسسسسل

Post: #315
Title: Re: ملائكــــة فى المـــنبر ،،،
Author: waleedi399
Date: 09-14-2005, 03:56 AM
Parent: #309

Quote: والله بالغت ياندويه انا لاقيه وليد زاكى الدين يغنى لى ووليد 399 يلحن لى
طيب يا تبلدينا ...

انت الروضـة ما كلمتني بيها من زمااااان

طيب ليه ما فتحتها طواااااالي كدا من الاول

كنت خليت بركات التلج دا تتنزل علينا من زمان

Post: #320
Title: Re: ملائكــــة فى المـــنبر ،،،
Author: نادية عثمان
Date: 09-14-2005, 07:15 AM
Parent: #309

الغالية نجود

Quote: والله بالغت ياندويه انا لاقيه وليد زاكى الدين يغنى لى ووليد 399 يلحن لى

دى عظمات والله الله يخليك لينا ومايحرمنا منك ياندويه ياعسسسسسسسسسسسل

يازولة انتى انتى قايلة روحك هينة .. بطلى التواضع ده ياعسل ..

ولى

اها بعد كسير التلج ده ماتخذلنا بالله وخلص اللحم قووووام

Post: #321
Title: Re: ملائكــــة فى المـــنبر ،،،
Author: waleedi399
Date: 09-14-2005, 11:55 AM
Parent: #320

Quote: وخلص اللحم قووووام

لحم شنو يا ندوية انت مهوية ما اتغديتي ولا شنوووووو؟؟

Post: #331
Title: Re: ملائكــــة فى المـــنبر ،،،
Author: نادية عثمان
Date: 09-16-2005, 06:07 AM
Parent: #321

Quote: لحم شنو يا ندوية انت مهوية ما اتغديتي ولا شنوووووو؟؟

اسوى ليك شنو ياولى وكت اللحن ابا ينجض نجض لينا لحمة خلينا نتعشى بالله !!

Post: #311
Title: Re: ملائكــــة فى المـــنبر ،،،
Author: سامى عبد الوهاب مكى
Date: 09-14-2005, 00:41 AM

اسمحو لى ان اضيف بعض المجارمة للبوست

ابنى احمد

الهوايه(العلبات) يعنى العربات.

فى الروضة بيوقفوهم كلهم فى صف ويوقفوه براهو ولا يحبسوه لانو ممكن يعمل لبطه من غير مقدمات وبدون اسباب.

Post: #312
Title: Re: ملائكــــة فى المـــنبر ،،،
Author: salah elamin
Date: 09-14-2005, 01:49 AM
Parent: #311

[http://www.20six.co.uk/pub/waleedi399/1126682872321.jpg]
الصديق تبلدينا والقائمين على امر الروضة
هذا هو سامر صلاح الامين في الرابط اعلاه
العمر 18 شهر و20 يوم وزي كم ساعة
شروط الالتحاق :-1- ان يتم تدريسه مادة الديمقراطية و حقوق الانسان .

2- ان يكون الالفة بتاع الفصل.

Post: #314
Title: Re: ملائكــــة فى المـــنبر ،،،
Author: waleedi399
Date: 09-14-2005, 03:39 AM
Parent: #312

الاخ صلاح الامين،،

تم قبول ابنك سامر بالالتحاق بالروضة..
مـــبـروك ..
بس عليك الله ضايرو لينا شويه كدا
ما يضايق الاولاد ديل ..
وبعدين المشكلة أنو ما عندنا كنب كفاية
أها انا ختيتو ليك في النص
عشان ما يضاري الاولاد وجبت ليك معاهو الكرسي
دا http://www.20six.co.uk/pub/waleedi399/1126682872321.jpg

الف مبروك التسجيل .. ورأيك شنوووو في الكرسي دا

Post: #317
Title: Re: ملائكــــة فى المـــنبر ،،،
Author: waleedi399
Date: 09-14-2005, 04:03 AM
Parent: #311

سـامي
Quote: اسمحو لى ان اضيف بعض المجارمة للبوست

شكل جابت ليها ارهابييين كمان؟؟

يظهر عليه بتاع لبط، بس يا ريت يكون بعيد من الجكس

Post: #316
Title: Re: ملائكــــة فى المـــنبر ،،،
Author: سامى عبد الوهاب مكى
Date: 09-14-2005, 03:58 AM

ياود تعال إنسله مارق بلا روضة بلا كلام فارغ...ديل ناس شغالين بالواسطات...معناها شنو يعنى اكون واقف قدام يمسكو يتمو الإجراءات للناس الجو بعدنا!!! كلام عجيب والله روضة اخير منها الطابونه ايام الديمقراطية الت الصادق المهدى(نختلف وناتلف)

تعال مارق واللهع روضة ماما تيسير زيها مافى.

جيب اضانك هنا واسمع...انا بعمل انى غفلت منك وإنت خُش الفصل داك واجلدهم كلهم ولو المدرسه سالتك خليها لى.

اجرى جرى.

Post: #318
Title: Re: ملائكــــة فى المـــنبر ،،،
Author: نجود حسن عبد الرحمن
Date: 09-14-2005, 04:13 AM
Parent: #316

Quote:
جيب اضانك هنا واسمع...انا بعمل انى غفلت منك وإنت خُش الفصل داك واجلدهم كلهم ولو المدرسه سالتك خليها لى.

اجرى جرى.

ياااااااااااااااى عمو تبلدينا وابله ندويه جايبين لينا رباطه فى الروضه

Post: #319
Title: Re: ملائكــــة فى المـــنبر ،،،
Author: علوبه
Date: 09-14-2005, 04:46 AM
Parent: #318

اعملوا حسابكم بكره واحد تروق ليهو الفكره يقوم

يعمل ليهو روضه ولا مدرسه (خاصه) نحن ماناقصين

وتانى حاجه فى ضوابط للتسجيل ولا الحكايه مجاملات بس

على العموم انا جاهز للكشف الطبى وكدى.وبالمجانى

Post: #322
Title: Re: ملائكــــة فى المـــنبر ،،،
Author: Tabaldina
Date: 09-14-2005, 12:15 PM

..
.

الصغيرة دانيا حيدر حسن ميرغني ... سنغافورة ..
وهى تشارك فى الحفل المدرسي ...

والله يا ندو ونجو الروضة دى بقت عالمية عديل .. ولازم نغير الاسم
رياض ومدارس الملائكة العالمية ...

سلام وشكراً لخبير IT عمو ولي ،،،،

وبالمناسبة التلج انعدم من السوق
ولا دا رمضان !؟؟

Post: #323
Title: Re: ملائكــــة فى المـــنبر ،،،
Author: waleedi399
Date: 09-14-2005, 12:34 PM
Parent: #322

تنــقا ..

فاقدنك .. وسألين عنك

يوماتي رحيل .. بس عازرنك
Quote: سلام وشكراً لخبير IT عمو ولي ،،،،

وبالمناسبة التلج انعدم من السوق
ولا دا رمضان !؟؟

يا تنقـا .. نحن تحت الخدمة ولا يهمك

وابشرك انو التلج راقد بكميات كبيرة جداً

فما تخــــاف ابداً ..

تخريمة أو تعريجة أو كما يحلو لناذر ان نقول صنفرة

يا صلاح الامين الرجاء وضع رابط صورة سامر بين الاقواس بدلاً عن النجمة*

كهذا بعد مسح علامة النجمة* ووضع رابط الصورة .. والنجمة للتوضيح فقط

وحتى لا يختفي الكـود وتظهــر الصــورة ...

[*IMG] الرجاء وضع رابط الصورة [/IMG]

شكرا....................

Post: #324
Title: Re: ملائكــــة فى المـــنبر ،،،
Author: salah elamin
Date: 09-15-2005, 02:45 AM

اطفال من معسكرات االلاجئين بدارفور
يطلبون الانضمام لهذه الروضة وبالمجان
وشريطة ان لا يكون هناك جنجويد في الروضة .

Post: #325
Title: Re: ملائكــــة فى المـــنبر ،،،
Author: Tabaldina
Date: 09-15-2005, 03:17 AM

..
.

You Are Attractive

Post: #326
Title: Re: ملائكــــة فى المـــنبر ،،،
Author: Hussein Mallasi
Date: 09-15-2005, 03:25 AM
Parent: #325

Post: #327
Title: Re: ملائكــــة فى المـــنبر ،،،
Author: Tabaldina
Date: 09-15-2005, 03:41 AM

..
.
يا ربي أنا من الشمارات .. !!
يعنى يا ملاسي ما عايز تجيب ولدك الروضة
خايف يسحروهو ليك ولا يعرفوك عجوز ..!!
وبعد دا تضحك ملء شدقيك لو الواحد ساااى رمى كلمة غزل ..

نجري ووين منكم هنا ووب وعلى تراب الله ووبين ..

Post: #328
Title: Re: ملائكــــة فى المـــنبر ،،،
Author: نجود حسن عبد الرحمن
Date: 09-15-2005, 08:33 AM
Parent: #327

الولد قعد يجهز خلو ليهو خانه معاكم

واكيد حاتخلو ليهو لانو عندو وااااااااسطة

Post: #329
Title: Re: ملائكــــة فى المـــنبر ،،،
Author: نادية عثمان
Date: 09-15-2005, 08:57 AM
Parent: #328

انتو ملاسى ده مابعرف يكسر تلج ؟!!!

يانجووووووووووووووود

شررررررررررررررررررط لكن يابتنا !!!

Post: #330
Title: Re: ملائكــــة فى المـــنبر ،،،
Author: حيدر حسن ميرغني
Date: 09-15-2005, 08:59 PM
Parent: #329

ابنتي دانيا عمرها 4 سنوات وشهرين

ستزور السودان لاول مرة في ديسمبر القادم مع شقيقها نزار الذي يكبرها بعام واحد

Post: #332
Title: Re: ملائكــــة فى المـــنبر ،،،
Author: waleedi399
Date: 09-17-2005, 01:30 AM
Parent: #330

صباح الخير يا جماعة ...

الساعة عشرة ومافي زول هنا ..

خير انشاء الله خير؟؟؟

Post: #333
Title: Re: ملائكــــة فى المـــنبر ،،،
Author: إسماعيل حميم
Date: 09-17-2005, 07:47 AM
Parent: #332

تبلدينا
نادية
وليد 399

ســلامات

انتو احمد ولدي ده شايفنوا كبير علي الروضة
ولا شنو؟؟

كدي كلمونا عشان نجيب أخوانو
ولا نمشي نكوس لينا روضة تاني
كان إنتو ما قبلتونا

إسماعيل حميم

Post: #334
Title: Re: ملائكــــة فى المـــنبر ،،،
Author: نادية عثمان
Date: 09-17-2005, 09:01 AM
Parent: #333

اسماعيل حميم

Quote: انتو احمد ولدي ده شايفنوا كبير علي الروضة
ولا شنو؟؟

كدي كلمونا عشان نجيب أخوانو
ولا نمشي نكوس لينا روضة تاني
كان إنتو ما قبلتونا

يازول خش الفصل هو نحنا قبلنا ابوه مانقبلو هو ؟!!

انت الاكبر ولا ولدك هسة ؟!!

Post: #335
Title: Re: ملائكــــة فى المـــنبر ،،،
Author: waleedi399
Date: 09-17-2005, 09:42 AM
Parent: #333

اسماعيل الحميم يا اخوي

دا كلام شنو اللي بتقول فيه دا

معقول ولدك ما يتسجل في روضتنا

افوووووو والله دا كلام عيب مننا..

بسم الله الرحمن الرحيم ...........

ولدك كان ما لقى كنب رؤوسنا جاهز وقلوبنا فاتحة

بس انت سمي وادخل انت ولدك برجلك اليمين ....

دا كلام شنو دا يا تنقا معقول تزعلو الراجل منكم؟؟؟

ندوية عليك بحمودي يكون معاك في نفس الفصل .. سمـح

Post: #336
Title: Re: ملائكــــة فى المـــنبر ،،،
Author: waleedi399
Date: 09-19-2005, 12:45 PM
Parent: #335

قلنا عشان نجي الصباح نلقى الاولاد والابلات جو تاني

شايف في غياب شديد اليومين دي انشاء الله خير

واصح يا تنقا ......

Post: #337
Title: Re: ملائكــــة فى المـــنبر ،،،
Author: نادية عثمان
Date: 09-19-2005, 05:25 PM
Parent: #336

تبلدينا

زى نظام احزاب بلدنا

انا اقلتك للمصلحة العليا الروضية !!!

Post: #339
Title: Re: ملائكــــة فى المـــنبر ،،،
Author: waleedi399
Date: 09-20-2005, 05:05 AM
Parent: #337

Quote: الموج العالي .. صورة ( الجغبوره ) بالله .. عشان تفحم الناس دي - وايه حكاية الناطقين بها دي كمان ؟.. ان شا الله يا صديق من هنا ولي قدام يلاقو ليك الويكه و ....................................
الحب لك يا رائع

نقطة نظام!!

يا جماعة في واحد اسمو عماد عبدالله

شايفو جاء سايق ولدو داخل الروضة

ما شفتو لي ويييييييين ..

انا قبل شويه شايفو حايم في الحوش هنا ..

مافي سيكيورتي ولا شنو؟؟؟

Post: #340
Title: Re: ملائكــــة فى المـــنبر ،،،
Author: نجود حسن عبد الرحمن
Date: 09-21-2005, 00:17 AM
Parent: #336

Quote: قلنا عشان نجي الصباح نلقى الاولاد والابلات جو تاني

شايف في غياب شديد اليومين دي انشاء الله خير

الابلات فترو من دوشة الشفع ديل غايتو ياندو انا قدمت استقالتى جنس ده انا مابقدر عليهو

شيلو شيلتكم انتى وعم تبلدينا

Post: #341
Title: Re: ملائكــــة فى المـــنبر ،،،
Author: Teeta
Date: 09-21-2005, 00:48 AM

ماشاء الله عليهم كلهم حلوين وعسولين
ربنا يزيد
ام الاء

Post: #342
Title: Re: ملائكــــة فى المـــنبر ،،،
Author: فيصل نوبي
Date: 09-21-2005, 03:41 PM

عمو تبلدينا
ندويه
نجـــــــــــــود
ولي

هاكم الغالي ده
احمد فيصل نوبي

بس
دايرين واسطه قويه
يا يقعد في الصف الاول
يا نوديو روضه تانيه

تهريجه:

كنت مفكر اوديو روضه ناذر لكن غيرت رائيي

Post: #343
Title: Re: ملائكــــة فى المـــنبر ،،،
Author: نادية عثمان
Date: 09-21-2005, 04:32 PM
Parent: #342

Quote: كنت مفكر اوديو روضه ناذر لكن غيرت رائيي

مالك على الولد داير تعلمو ركوب الخيل والكلام الفارغ من هسة ؟

هووووووى يانوبى خلى الولد ده للدادة وامشى شوف شغلك !!

Post: #345
Title: Re: ملائكــــة فى المـــنبر ،،،
Author: waleedi399
Date: 09-22-2005, 00:17 AM
Parent: #343

الولد المصيبة الفوق دا احمد ولد فيصل نوبي ..
قدر ما ابوه اتوسط لي ادخلوا الروضة قلت ليهو ..
لا والف لا .. نحن ما ناقصين ارهابيين
الولد عينو قوية ماشاء الله عليهو .. شكلو مولود باسنانو
وواقع من السماء مش مرة ولا مرتين قدر ما الله اداهو
يمكن اكثر من مليون مرة .. وكل مرة يقوم منها عودو يقوى اكثر واكثر
المهم انا جبتو الامر معروض عليكم يا مشرفين ويا ابلات ...
قلــتو شــــنووووووووو؟؟؟؟
والمصيبة الاكبر انو ابوهو شغال ليه يردم فيه ويكسر (تلج تقـيل)..
يعني كان ما الشايفنو وعارفنو دا .. كان يكون عندو فينا نحن ذاتو رأي

الله يستر عليك ويحفظك يا احمـد فيصـل نوبــي .. هاك التلج دي (ماشاء الله عليك)

Post: #344
Title: Re: ملائكــــة فى المـــنبر ،،،
Author: محمد ابراهيم قرض
Date: 09-21-2005, 11:50 PM

أنا غايتو عندي أربعة ...
كلهم أناتي ...
و لا ضكر واحد ..
أنا الضكر الوحيد في البيت ..
و برضو ضكورتي مرات (COMPROMISED) !!!
و عايز أنزل صور بناتي ...
لكن خايف من حاجتين ..
1-العين ..
2-الشماتة !!!

Post: #346
Title: Re: ملائكــــة فى المـــنبر ،،،
Author: إسماعيل حميم
Date: 09-26-2005, 02:37 AM
Parent: #344

Quote: انت الاكبر ولا ولدك هسة ؟

إنت يا ماما نادية قاصدة في العمر والعقل؟

Quote: بس انت سمي وادخل انت ولدك
برجلك اليمين ....

بسم الله ما شاء الله .. ربنا يحفظ ويبارك

شكراً يا حبايب يا إدارة

أها قولو بسم الله
علي الشمال دا احمد
اما الفاتح خشمو في اليمين دا مختار

ودا اخوهم ابراهيم آخر العنقود

إسماعيل حميم

Post: #347
Title: Re: ملائكــــة فى المـــنبر ،،،
Author: Tabaldina
Date: 09-28-2005, 07:16 AM

..
.

يا جماعة الود دا تابع لجنى !!؟؟
ماشاء الله .. ربنا يحفظو
انا جبتو غصباً عن تجاهل ابوهو ذات نفسو ..

يا جماعة ممكن نأخد اجازة عرضية !!
ووين وليد وابوشيبة والأبلات !!
فى حبوبة للروضة دى ولا بلاش !!

دمتم
وربنا يحفظهم جميعاً

Post: #348
Title: Re: ملائكــــة فى المـــنبر ،،،
Author: فرحات عباس
Date: 09-28-2005, 08:13 AM

الحبيب الغالي ..تبلدينا
لكم سعدت .. بسماع صوتك .. بعد كل هذه السنين لعل آخرها كان بأروقة سودان نت .. وكنت قد غبت لفترة طويلة .. وبح صوتي بقارعة ذلك البورد بالسؤال عنكم .. دون جدوى
أنا جد سعيد بمعانقة الوجوة الوضئات كرة أخرى .. وزيدني ضوءاً أيها الحبيب بأي معلومة عن المواطن المناضل مبارك جادين ..
وفي انتظار ونسة لذيذة مع شخصكم الحبيب .
أخوك فرحات

بالمناسبة عندي زهرة حلوة اسمها دُنا .. اود تسجيلها جنتكم الملائكية ولم استطيع بسبب الأمية التقنية في إرسال الصور عبر البوست .. وعارفك ما بتقصر ..

Post: #349
Title: Re: ملائكــــة فى المـــنبر ،،،
Author: Tabaldina
Date: 09-29-2005, 05:44 AM

..
.
صديق الزمن الزمن الغياب ،،، فرحات

اسعد دوماً باطلالتك ومتابعة اخبارك .. افتقدناك عندما كنا هناك وهنا ..
المناضل ود جادين يكافح مع الشعبية .. يسعي للامام ببطء وتؤدد..

دُنا .. فى العين والراس فقط ارسل صورتها بالايميل ومسؤول التقنية ما بقصر
My cellphone :+249912606382
Email: [email protected]

لك الود ما دام النبض فى العرق ،،

Post: #350
Title: Re: ملائكــــة فى المـــنبر ،،،
Author: فيصل نوبي
Date: 10-02-2005, 00:33 AM

شوفو العسل دي

و راجع اكلمكم دي تبع منو سمح !

تهريجه

الصوره دي اخدناها بعد تعب شديد مع سروره العسل

Post: #351
Title: Re: ملائكــــة فى المـــنبر ،،،
Author: عبدالرحمن عبدالله أبوشيبة
Date: 10-02-2005, 04:31 AM
Parent: #350

أحم أحم ،، ياساااااااااااااااااااااتر ،، أدونا الطريق ،،، البوابي أبوشيبة جاااااااااااااااكم .

ياجماعة الخير الشفع الحلويييييييييييين ديييييل لقيتو أماتهم وين والله جنس حلا مبالغة ،، ناس عزاليييييييييين لقطو الحلويييييين وخلو لينا ال........

يا أبلة نادية ونجود أنا عشان الشفع الشرط الكل يوم بشوف فيهم شكل جديد مستعد أشتغل مجاناً متطوع مدى الحياة ،، عشان خاطر عيون حلوين بتاتو يتاتو زي قدلة جنا الوزين بتاتو.

Post: #455
Title: Re: ملائكــــة فى المـــنبر ،،،
Author: عبدالرحمن عبدالله أبوشيبة
Date: 03-31-2007, 08:39 PM
Parent: #351

بوست من الزمن الجميل عندما كان المنبر منبراً للحب والألفة.

Post: #352
Title: Re: ملائكــــة فى المـــنبر ،،،
Author: فيصل نوبي
Date: 10-02-2005, 08:38 AM

اها و كده طيب ؟

تهريجه:

كان ما عرفتوها ابوها بيزعل

Post: #353
Title: Re: ملائكــــة فى المـــنبر ،،،
Author: هشام المجمر
Date: 10-03-2005, 07:05 AM

يا فيصل نوبى

البت وعرفناها الأبو الماكن منو؟

Post: #354
Title: Re: ملائكــــة فى المـــنبر ،،،
Author: نجود حسن عبد الرحمن
Date: 10-03-2005, 08:36 AM
Parent: #353

Quote: البت وعرفناها الأبو الماكن منو؟

يكون نوبى شخصيا

دخلونى ودخلو حمارى

Post: #355
Title: Re: ملائكــــة فى المـــنبر ،،،
Author: Tabaldina
Date: 10-04-2005, 05:52 AM

..
.

رمضان كريم لاحبتى الصغار ..

يا ربي دا ابو البنية العسولة يا نوبي !!

كل عام وانتم بخير

Post: #356
Title: Re: ملائكــــة فى المـــنبر ،،،
Author: فيصل نوبي
Date: 10-04-2005, 05:05 PM

نجود ( بدون القاب )
Quote: يكون نوبى شخصيا
دخلونى ودخلو حمارى

يا ريت يكون عندي بت عسل كده
عارفه ابوها زاتو عسل

تبلدينا
ما تخلي الغتاته دي

هشام المجمر
اتخلعت ولا عامل ما عارف روحك

تهريجه:

هشام البت العسل دي ما بتعرسها لي ؟
بنتظرها تكبر سمح !

نجود
تاني كان ما عرفتي الابو
لا حندخلك ولا ندخل حمارك سمح !

Post: #357
Title: Re: ملائكــــة فى المـــنبر ،،،
Author: فيصل نوبي
Date: 10-06-2005, 09:16 AM

الملائكه في رمضان

كل سنه و انتو طيبين

Post: #358
Title: Re: ملائكــــة فى المـــنبر ،،،
Author: فيصل نوبي
Date: 10-07-2005, 03:21 PM

ناس الروضه

الولد ده خلو بالكم منو

قلعتو وجيت ما كلمتا ابوه

خلوها ليو مفاجاءه انشاءالله تعجبو

Post: #359
Title: Re: ملائكــــة فى المـــنبر ،،،
Author: فيصل نوبي
Date: 10-09-2005, 01:58 AM

ما عرفتو الولد

Post: #360
Title: Re: ملائكــــة فى المـــنبر ،،،
Author: نادية عثمان
Date: 10-09-2005, 05:38 AM
Parent: #359

Quote: ما عرفتو الولد

الولد ماعرفناهو لكن عرفنا ابوه !!

نوبى لاقينى جنب باص الترحيل اديك حبة شفع تنزلهم لينا هنا بالله !!

عارفنى مابعرف اسوق كويس سمح!!

Post: #361
Title: Re: ملائكــــة فى المـــنبر ،،،
Author: هاشم نوريت
Date: 10-09-2005, 06:42 AM
Parent: #360

سلامات للجميع.

ادروتة هاشم نوريت

Post: #362
Title: Re: ملائكــــة فى المـــنبر ،،،
Author: فيصل نوبي
Date: 10-09-2005, 07:02 AM

حلاته رؤي العسوله

مافي زول جابها لينا

خجلتونا يا ناديه و نجود

تعالو كسرو تلج لي رؤي نوريت

Post: #363
Title: Re: ملائكــــة فى المـــنبر ،،،
Author: نادية عثمان
Date: 10-09-2005, 12:47 PM
Parent: #362

Quote: تعالو كسرو تلج لي رؤي نوريت

نجود تكسر لى رؤى وانا اكسر لنوريت !!

قصرنا معاهم يانوبى ؟!

Post: #364
Title: Re: ملائكــــة فى المـــنبر ،،،
Author: فيصل نوبي
Date: 10-12-2005, 01:56 PM

اضافات رمضانيه جديده

Post: #365
Title: Re: ملائكــــة فى المـــنبر ،،،
Author: Tabaldina
Date: 10-17-2005, 09:06 AM

..
.
عندنا وليدات كدا على بال ما ابهاتم يوقعوا الاوراق ..
خفنا مع رمضان دا الواحد يروح من الدرب ..

انت يا ابلة ننو معانا ولا مع الخيانة !!
نجو .. البينى بينك .. اكتر من قرابة ومن صداقة ومن عمل ..

اوب .. يا قوووي ..

Post: #366
Title: Re: ملائكــــة فى المـــنبر ،،،
Author: نادية عثمان
Date: 10-17-2005, 01:00 PM
Parent: #365

تبلدينا الغالى

Quote: انت يا ابلة ننو معانا ولا مع الخيانة !!

كيف الكلام ده يابتل ؟!!

خيانة نهى .. نو خيانة !!

حاضرين حاضرين لحماية الشفع من لعب الطين !!!

Post: #367
Title: Re: ملائكــــة فى المـــنبر ،،،
Author: نجود حسن عبد الرحمن
Date: 10-18-2005, 03:06 AM
Parent: #365

Quote: نجو .. البينى بينك .. اكتر من قرابة ومن صداقة ومن عمل

؟
؟
؟
؟
؟
؟
ياربى شنو ؟؟؟؟؟؟؟؟؟؟؟؟؟

Post: #368
Title: Re: ملائكــــة فى المـــنبر ،،،
Author: نجود حسن عبد الرحمن
Date: 10-26-2005, 03:07 AM
Parent: #367

انتو ناس الروضة ديل ماجزين ولا شنو

قاطعين مووية ونور

Post: #370
Title: Re: ملائكــــة فى المـــنبر ،،،
Author: waleedi399
Date: 10-26-2005, 03:25 AM
Parent: #368

أنا جيت يا احباب

قيام .. جلوس
جلوس .. قيام

السلام عليكم يا حلوين

ســلام ..

Post: #371
Title: Re: ملائكــــة فى المـــنبر ،،،
Author: Tabaldina
Date: 10-26-2005, 03:48 AM
Parent: #368

..
.
Quote: انتو ناس الروضة ديل ماجزين ولا شنو
قاطعين مووية ونور

بطلتك كدا الروضة نورت..

كنت بقنع فى ميادة تسجل بت اخوها هنا.. و
وأخيــراً ..

أحلى من كدا في ،،

Post: #369
Title: Re: ملائكــــة فى المـــنبر ،،،
Author: Tabaldina
Date: 10-26-2005, 03:18 AM
Parent: #367

..
.
Quote: ياربى شنو ؟؟؟؟؟؟؟؟؟؟؟؟؟

فرد؛
عشان نكف العين..

وين يا أبلة !!؟

Post: #372
Title: Re: ملائكــــة فى المـــنبر ،،،
Author: نجود حسن عبد الرحمن
Date: 10-26-2005, 03:53 AM
Parent: #369

Quote: وين يا أبلة !!؟

اى معاك

حلاتة البنية ربنا يحفظة

يلا وديها الفصل ياعم تبلدينا قبلناها خلاص

Post: #373
Title: Re: ملائكــــة فى المـــنبر ،،،
Author: abdalla BABIKER
Date: 11-28-2005, 12:37 PM
Parent: #372

ده متين حصل عليك يا نجود القرار ده انا ما كنت حاضره

Post: #374
Title: Re: ملائكــــة فى المـــنبر ،،،
Author: فيصل نوبي
Date: 11-29-2005, 05:04 AM

واحد من بطن امو

بسنن من بطن امو

و مشكل من ابوهو

يله تقبلوهو ولا يرسموكم كلكم

Post: #375
Title: Re: ملائكــــة فى المـــنبر ،،،
Author: نجود حسن عبد الرحمن
Date: 11-29-2005, 05:11 AM
Parent: #374

التمبوووووش لحقو جابوك بى جاى

النبى سجلوهو معاى بى جاى

معليش ياندوية سماح المرة دى التمبووووش بس .

Post: #376
Title: Re: ملائكــــة فى المـــنبر ،،،
Author: فيصل نوبي
Date: 11-29-2005, 05:25 AM
Parent: #375

عارفة يا نجود

عمرو يوم واااااحد بس

و اسمو عبد الخالق

و سبحان الخالق عز و جل

تكنولوجيا من بطن امو لي سودانيز اوم لاين

Post: #377
Title: Re: ملائكــــة فى المـــنبر ،،،
Author: نجود حسن عبد الرحمن
Date: 11-29-2005, 05:31 AM
Parent: #376

عارف يانوبى

شكلو تبعك لانو فيهو شبه منك

بتكلم جادة والله بالجد بشبهك

Post: #378
Title: Re: ملائكــــة فى المـــنبر ،،،
Author: حسن البشاري
Date: 11-29-2005, 05:38 AM
Parent: #376

الاخ العزيز فيصل نوبي
الامورة ايثار حسن البشاري وشقيقها محمد مبسوطين جدا من تسجيلهم في الروضة.
شكرا حبيبنا الغالي ، لكن ما شايف ترحيب من ابلة نادية وابلة ونجود.

Post: #380
Title: Re: ملائكــــة فى المـــنبر ،،،
Author: نجود حسن عبد الرحمن
Date: 11-29-2005, 06:02 AM
Parent: #378

Quote: الامورة ايثار حسن البشاري وشقيقها محمد مبسوطين جدا من تسجيلهم في الروضة.

والله احنا مبسوطين اكتر انو اتسجلو معانا ناس عسسسسسسسسل زى ايثار ومحمد

Quote: شكرا حبيبنا الغالي ، لكن ما شايف ترحيب من ابلة نادية وابلة ونجود

معليش كنا فى اجازة وحقك على راسنا

Post: #381
Title: Re: ملائكــــة فى المـــنبر ،،،
Author: حسن البشاري
Date: 11-29-2005, 06:28 AM
Parent: #380

تسلمي ياابلة نجود يا راقية .. وانا متأكد ان ايثار ومحمد مبسوطين شديد انو الروضة فيها ابلة نجود.
دمت يا رائعة .. وشكرا للحبيب نوبي الذي اكمل اجراءات تسجيلهما.

Post: #379
Title: Re: ملائكــــة فى المـــنبر ،،،
Author: فيصل نوبي
Date: 11-29-2005, 05:43 AM

نجود ما بالغتي

ياخي ده بيشبه امو و ابوه

Post: #382
Title: Re: ملائكــــة فى المـــنبر ،،،
Author: سامي عبد الوهاب إدريس
Date: 11-29-2005, 09:12 AM

Post: #383
Title: Re: ملائكــــة فى المـــنبر ،،،
Author: سامي عبد الوهاب إدريس
Date: 11-29-2005, 09:16 AM

يا تبلدينا.. صاحبتك منتهى..
مع الود
سامي

Post: #384
Title: Re: ملائكــــة فى المـــنبر ،،،
Author: سامي عبد الوهاب إدريس
Date: 11-29-2005, 09:20 AM
Parent: #383

تبلدينا..
ودا محمد آخر إنتاج

لك التحية
سامي

Post: #385
Title: Re: ملائكــــة فى المـــنبر ،،،
Author: الجندرية
Date: 12-15-2005, 02:41 AM

بالله يا تبلدينا انت ودوما كنت هناك ؟
غايتوحسرة ... ياريت لو عرفت ليكم درب
ربنا يعوض علينا ويجمعنا بيكم في ساعة خير

دكين دا ترا عملنا العلينا واتصلنا لقيناهو مش يشوف ارزاقو وقالوا لينا اشتغل في خط دنقلا

Post: #386
Title: Re: ملائكــــة فى المـــنبر ،،،
Author: نجود حسن عبد الرحمن
Date: 12-15-2005, 02:48 AM
Parent: #385

Quote: دكين دا ترا عملنا العلينا واتصلنا لقيناهو مش يشوف ارزاقو وقالوا لينا اشتغل في خط دنقلا

انتى يالجندرية ماك عارفه دكين محل يكون فى تركين تلقيهو لابت

Post: #387
Title: Re: ملائكــــة فى المـــنبر ،،،
Author: Tabaldina
Date: 12-17-2005, 01:47 AM

..
.

منتهي

محمد

طلة سريعة بعد طول غياب...
تحية لاصدقائي الصغار جميعهم
واخص صغاري منتهى ومحمد ابناء الصديق سامى..
ربنا يحفظهم وامهم
والله اشتقنا للجبيل والمطيبات التى
اتحفتنا بها..
هنا تعب واكل كعب بس طاعم

الجندرية
منورة
كنت اتوقع ان نراك هناك
ولكن غتات من احدهم يدعى دكين
فعل ما يظن اننى فعلت فى اخفاء دومه
الجايات اكتر
كلى ثقة باذن الله.

Post: #388
Title: Re: ملائكــــة فى المـــنبر ،،،
Author: Tabaldina
Date: 12-22-2005, 03:57 AM

..
.
Up

bck

Post: #390
Title: Re: ملائكــــة فى المـــنبر ،،،
Author: Tabaldina
Date: 12-29-2005, 10:07 AM

..
.
كل عام وانتم جميعاً واسركم بالف خير ..
عقبال ما تفكوا لينا الخط بعد 20 سنة ..

الحلبلب دا تابع لسعد الدين عبدالرحمن
ربنا يحفظه.

Post: #391
Title: Re: ملائكــــة فى المـــنبر ،،،
Author: فيصل نوبي
Date: 01-09-2006, 03:12 PM

سيف مساعد جاكم

Post: #392
Title: Re: ملائكــــة فى المـــنبر ،،،
Author: فيصل نوبي
Date: 01-09-2006, 03:23 PM

عسجد سيف مساعد علي

صربية الجنسية

سودانية اصيلة الملامح

ربنا يحفظها

Post: #393
Title: Re: ملائكــــة فى المـــنبر ،،،
Author: القلب النابض
Date: 01-09-2006, 07:50 PM
Parent: #392

عارف يا فيصل بمجرد اختفاء البوست

فكرت قلت الله صورة عسجد الصربية راحت الا نقول لي سيف جيبا تاني

شكرا ليك

وتحياتنا لي عسجد الصربية سيف مساعد

Post: #394
Title: Re: ملائكــــة فى المـــنبر ،،،
Author: نهال كرار
Date: 01-10-2006, 07:03 AM
Parent: #393

ما أن سيف مساعد قال ( انه عسجد حبيبة نادية ونهال )
فأنا بتقدم بكل قوة عين لطلب يد الصغيرونه العسولة عسجد لشقيقي الصغير محمد

والله أنا في الأول قررت أحجزها لإبني في المستقبل , لكن خفت البت تستنى كتير

Post: #395
Title: Re: ملائكــــة فى المـــنبر ،،،
Author: saif massad ali
Date: 01-10-2006, 11:56 AM
Parent: #394

نهال اديناكم طوالي ابراهيم بقال تاني ما جاء الظاهر البت ديك هرشتو

Post: #396
Title: Re: ملائكــــة فى المـــنبر ،،،
Author: saif massad ali
Date: 01-10-2006, 12:04 PM
Parent: #395

دي الالمانية يا جماعة

Post: #397
Title: Re: ملائكــــة فى المـــنبر ،،،
Author: saif massad ali
Date: 01-10-2006, 12:07 PM
Parent: #396

البت دي ود عمها اتكلم فوقها علا عندي راي فوقو

Post: #398
Title: Re: ملائكــــة فى المـــنبر ،،،
Author: Tragie Mustafa
Date: 01-10-2006, 12:19 PM
Parent: #396

تبلدينا

كل عام وانت بخير

وان شاء الله اخوانك الاثنين كويسين

وتحياتنا للوالده وربنا يخليكم ليها جميعا

ويفرحها بنجاحكم وتقدمكم,ويخليها لكم.

تراجي.

Post: #400
Title: Re: ملائكــــة فى المـــنبر ،،،
Author: نادية عثمان
Date: 03-11-2006, 10:27 AM
Parent: #398

انتو وكت الاجازة انتهت ورفعتوا الروضة تانى موش تقولوا عووووووووووووووووك؟!!

Post: #401
Title: Re: ملائكــــة فى المـــنبر ،،،
Author: طارق جبريل
Date: 03-11-2006, 12:33 PM

يا تبلدينا سلامات
بالله اقبل لينا البت دي نحن جينا متأخرين شوية لكن المغرب دي بالطيارة بعيدة وتعل الروح ولو ابيت تقبلها لينا بنوسط ليك ناس الزقازيق ولو ابيت بنمشي للابلة طوالى..

ريم

Post: #402
Title: Re: ملائكــــة فى المـــنبر ،،،
Author: Tabaldina
Date: 03-12-2006, 09:02 AM

..
.

سلام يا جبريلا

ما تتخيل شبه ريم بتنا
ببنية اسامه خضر ..
سبحان الله ..
والله الود داك بقي بتاع بزنس ما بخش نت بس لو لقيت طريقة
يرسل لى صورتها تستغرب ..

وحم عجيب..

بجيك انا كنت رايح من البوست دا

Post: #403
Title: Re: ملائكــــة فى المـــنبر ،،،
Author: Tabaldina
Date: 03-13-2006, 03:42 AM

..
.
سلام يا أبلة ؛

شكراً لعودتك بعد إجازة طويلة ..

مودتى؛

Post: #404
Title: Re: ملائكــــة فى المـــنبر ،،،
Author: نجود حسن عبد الرحمن
Date: 03-13-2006, 03:51 AM
Parent: #403

Quote: سلام يا أبلة ؛

شكراً لعودتك بعد إجازة طويلة ..

الابلات اتنين قاصد منو

Post: #406
Title: Re: ملائكــــة فى المـــنبر ،،،
Author: Tabaldina
Date: 03-13-2006, 09:13 AM
Parent: #404

..
.
Quote: الابلات اتنين قاصد منو

إنت!!

عارفة كنت فى بنايتكم ..بس على عجل

بالامس أفتقدناكم؛

Post: #405
Title: Re: ملائكــــة فى المـــنبر ،،،
Author: طارق جبريل
Date: 03-13-2006, 06:08 AM

تبلدينا كيفنك

Quote: ما تتخيل شبه ريم بتنا
ببنية اسامه خضر ..
سبحان الله ..

دم الشوايقة يا ولدنا قوي شديد

اسامة خضر ومحمد ادريس بقوا ناس كبار يا زول ما فاضين لي ولا ليك نحن ناس قريعتي راحت ديل

Post: #407
Title: Re: ملائكــــة فى المـــنبر ،،،
Author: نادية عثمان
Date: 03-13-2006, 07:08 PM
Parent: #405

ياناس الروضة قلنا سلام

Post: #408
Title: Re: ملائكــــة فى المـــنبر ،،،
Author: Tabaldina
Date: 03-14-2006, 07:34 AM
Parent: #407

..
.
وعليكم السلام ..

من بعد ما عز المزار
والليل سهى وملت نجومو الإنتظار ..

دوماً انت فى العمق الدفين؛

شرفت ولينا جلسة صفاء

مودتى؛

Post: #409
Title: Re: ملائكــــة فى المـــنبر ،،،
Author: Tabaldina
Date: 03-15-2006, 04:38 AM

..
.

بالله يا أبلات خلو بالكم من سيرين سيف !!؟
والله اسم أبوها طش منى ( ام نوت شور )
بس خوالها مالين البورد ناس بناديها وسنجاوى وشتات وفرانكلي
والخالات ديل ما تعديش ..

تسلم البطن الجابتك ..

مودتى لكٌن ؛ ولكم

Post: #410
Title: Re: ملائكــــة فى المـــنبر ،،،
Author: alsara
Date: 03-15-2006, 01:13 PM
Parent: #409

عاد إتلومت يا تيبو ...
طش منك كيف يعني

تسلم.. و تقبل تحيات سيرين و أبوها و (يزيد) كمان...

Post: #411
Title: Re: ملائكــــة فى المـــنبر ،،،
Author: نادية عثمان
Date: 03-15-2006, 02:12 PM
Parent: #410

اربعة شهور ومااديتنا مرتبات

انا مستقيلة !!

Post: #412
Title: Re: ملائكــــة فى المـــنبر ،،،
Author: سامي عبد الوهاب إدريس
Date: 03-16-2006, 07:30 AM
Parent: #411

http://www.geocities.com/abu_muntaha/mohd._20.10.2005.jpg
يا تبلدينا
وكل الزوار
دعواتكم لمحمد بالشفاء...
تصدق يا صالح طلع عندو سكري

Post: #413
Title: Re: ملائكــــة فى المـــنبر ،،،
Author: سامي عبد الوهاب إدريس
Date: 03-16-2006, 07:33 AM
Parent: #412

الصورة دي أبت عديل

http://www.geocities.com/abu_muntaha/mohd._20.10.2005.jpg

Post: #415
Title: Re: ملائكــــة فى المـــنبر ،،،
Author: Tabaldina
Date: 03-18-2006, 06:03 AM
Parent: #412

..
.
يا سامى ؛
ياخى الف الف سلامة لمحمد
سكري شنو يا زول ؟؟
والله فاجاتنى
ربنا يديهو الصحة والعافية
ويزيل منو كل بلاء وشر ..

بتصل عليك بعد نص ساعة

سلامة وبالله بلغ سلامى لامه

تحياتى واشوواقي لكم ..

بالمناسبة
دكاترة الجبيل بسلموا عليكم وبسالو منكم
والله قبل ساعة كنا فى سيرتكم
زمن يا دنيا

Post: #414
Title: Re: ملائكــــة فى المـــنبر ،،،
Author: نجود حسن عبد الرحمن
Date: 03-16-2006, 07:50 AM
Parent: #411

Quote: اربعة شهور ومااديتنا مرتبات

انا مستقيلة !!

وب علىّ ياندو انتى منتظرة مرتبك يجيك من عمو

مامشيتى الوزارة وصرفتى زى ما انا عملت ليه

اسى خلاس تلقيهو شالو ودخلو عليهو مصاريفو كتيرة اسالينى منو

Post: #418
Title: Re: ملائكــــة فى المـــنبر ،،،
Author: Tabaldina
Date: 03-18-2006, 06:22 AM
Parent: #414

..
.
Quote: اسى خلاس تلقيهو شالو ودخلو عليهو مصاريفو كتيرة اسالينى منو

هيع يسمعن بنات سوبا ..
عاد ما مقطع .. الا نتسلبط فيكن
المصاريف ما عشان خاطر عيون حلووين

بالمناسبة:
ما بنمشى لي ناس ما بجونا

مودة؛

Post: #419
Title: Re: ملائكــــة فى المـــنبر ،،،
Author: Tabaldina
Date: 03-18-2006, 06:22 AM
Parent: #414

..
.
Quote: اسى خلاس تلقيهو شالو ودخلو عليهو مصاريفو كتيرة اسالينى منو

هيع يسمعن بنات سوبا ..
عاد ما مقطع .. الا نتسلبط فيكن
المصاريف ما عشان خاطر عيون حلووين

بالمناسبة:
ما بنمشى لي ناس ما بجونا

مودة؛

Post: #417
Title: Re: ملائكــــة فى المـــنبر ،،،
Author: Tabaldina
Date: 03-18-2006, 06:12 AM
Parent: #411

..
.
انت بس يا ندوية
قولى طلاباتك وكلها مستجابة
ولينا زمن نفتش ليك
وجيتنا الليلة يا حارسنا وفارسنا
مستقيلة
هو انا بعد ما اتمرمغت فى الوحل ما استقلت
تستقيلى انت ..استقيل أنا !!
وانتو تجافوا ما تحنوا

الاخبار!!؟؟
طبعاً جانى الشمار ..
بس لانى ضد التعامل عبر ماسنجر بكري
اراك هناك ..

مودتى؛

Post: #416
Title: Re: ملائكــــة فى المـــنبر ،،،
Author: Tabaldina
Date: 03-18-2006, 06:07 AM
Parent: #410

..
.
اتلومت سااي
ديل ما اولاد الخالات اخر زمن
والله يا بت العمة بكتب ومتردد
طبعاً الراح لى الشطرة التانية التى تلى سيف ..
بس الله كريم ماما دومه ما قصرت
وقالت لى نفس كلامك .. عاااد ما اتلومت
تحياتى لكم جميعاً مجدداً
وبالله 5 سنوات تمت كدى اظهروا علينا جااى
الله ما كتر الا المستشفيات الخاصة
والشركات الإستثمارية هنا

قلتو شنو !!؟؟

مودتى؛

Post: #420
Title: Re: ملائكــــة فى المـــنبر ،،،
Author: Tabaldina
Date: 03-18-2006, 07:48 AM

..
.

ود .. ود شندى
ربنا يحفظه لدار جعل ..
لكن صدقاً لو جبتوه شندى الانا شفتها امبارح ..
الود دا بتمرد ..
غايتو يا الجعليين بلدكم (سمحة) خلاص
وانا اقول ليه ساكنين المنشية و المعمور وقاردن سيتى

غايتو حكومات الشمال ما خافت الله فى بلدها ..
معليش دى ونسه ما سياسة.

Post: #421
Title: Re: ملائكــــة فى المـــنبر ،،،
Author: Tabaldina
Date: 03-22-2006, 08:43 AM

..
.

أخى الصغيرون ســامي دومه؛
دا الشفت زاتو ..
ماشاء الله
تبارك الله عيونكم باردة ..
قول هو الله احد الله الصمد لم يلد ولم يولد ولم يكن له كفوا أحد.

تحياتى للوالدة دومه
فى عيد الأم.

Post: #422
Title: Re: ملائكــــة فى المـــنبر ،،،
Author: Tabaldina
Date: 03-22-2006, 11:29 AM

..
.

عسل انت وبسكويت
عسل انت وشرط انت

ربنا يحفظكـ ويغطيكـ
عين الحسود فيها عود
عين الفتاة تقد ا##########

دا بالذات مفاجاة ..
الا بكره او بعدهو ..
ود منو !!؟؟
دا السؤال ..
فيهو جائزة 100 $

قولو ماشاء الله لباكر
موده

Post: #423
Title: Re: ملائكــــة فى المـــنبر ،،،
Author: Tabaldina
Date: 03-23-2006, 06:15 AM

..
.
فووق

عشان العسل سامر ..

بنجي؛

Post: #424
Title: Re: ملائكــــة فى المـــنبر ،،،
Author: سامي عبد الوهاب إدريس
Date: 03-23-2006, 06:47 AM

Quote: بتصل عليك بعد نص ساعة

لكن النص ساعة ماااااااااااااا عندك

Quote: بالمناسبة
دكاترة الجبيل بسلموا عليكم وبسالو منكم
والله قبل ساعة كنا فى سيرتكم

الله يسلمك ويسلمهم... كتر خيرم
Quote: زمن يا دنيا

وطيب مااااااااااا قلتو...

Post: #425
Title: Re: ملائكــــة فى المـــنبر ،،،
Author: Tabaldina
Date: 03-23-2006, 07:59 AM
Parent: #424

..
.
Quote: لكن النص ساعة ماااااااااااااا عندك

سلام يا سمسموتى ..
والله اليوم داكـ الشبكة خذلتنى..

أرفع السماعة الأن!!

مودتى للاسرة
ومتعهم الله بالصحة والعافية.

Post: #426
Title: Re: ملائكــــة فى المـــنبر ،،،
Author: Tabaldina
Date: 03-29-2006, 07:38 AM

..
.

شنو يا جماعة الود العسل دا عليهو 100$

مافى تخمينات !!؟؟

Post: #427
Title: Re: ملائكــــة فى المـــنبر ،،،
Author: Tabaldina
Date: 04-05-2006, 02:45 AM
Parent: #426

..
.

نسبة لعدم وجود اجابات بعد مضى أسبوع ..
سامر نزار ؛
( ود ود دومه )
يعنى الحفيد
كبرت يا يمه وبقيتى حبوبه

لكـ دوماً الود الاحترام
وعفواً عن كل شئ ..

Post: #428
Title: Re: ملائكــــة فى المـــنبر ،،،
Author: omer ibrahim
Date: 04-05-2006, 03:50 AM
Parent: #427

التوقيع

أحمد عمر

Post: #429
Title: Re: ملائكــــة فى المـــنبر ،،،
Author: doma
Date: 04-05-2006, 05:36 AM
Parent: #426

حبيبي يا ناسي سمورتي يا ناسي عسلي ماما ناديه ونجود هجرن الروضه نطالب بابلات جديدات ه . شكرا تبلدينا ما قصرت والله ز أها نحن حاجزين العسللي بت سامي عبد الوهاب ادريس لي سامي دومه

Post: #430
Title: Re: ملائكــــة فى المـــنبر ،،،
Author: فيصل نوبي
Date: 05-04-2006, 06:53 AM

الابلاوات

امسكو دي عندكم

سلت روحنا امها ... جاية من بره تشاكل ...

عسل بس

Post: #431
Title: Re: ملائكــــة فى المـــنبر ،،،
Author: Rasha Hatim
Date: 05-04-2006, 07:10 AM
Parent: #430

والله يا نوبي عشان خاطرك نخلي الشكل.
اها نقطة. ومن الاول

Post: #432
Title: Re: ملائكــــة فى المـــنبر ،،،
Author: doma
Date: 05-04-2006, 07:11 AM
Parent: #430

واي يا ناسي ومالها زعلانه كدا الحليوه دي؟؟؟ . وين الابلات يا تبلدي ؟؟؟حقوا تفصلهم من غير فوائد خدمه.

Post: #433
Title: Re: ملائكــــة فى المـــنبر ،،،
Author: Tabaldina
Date: 05-10-2006, 04:56 AM

..
.

وووب أنا من كتاحة السودان ..
بهدلتنا عديل ..
عليكم الله شوفها هنا
كــــتاحـة .. حمـراء

محمد معانا ما تغشانا!!

Post: #434
Title: Re: ملائكــــة فى المـــنبر ،،،
Author: gamal elsadig
Date: 05-11-2006, 04:13 AM
Parent: #433

العزيز / تبلدينا

منتهى جمال حسين الصادق

تهدي الصور لماما وبابا والاعمام و العمات

وللملائكة في المنبر

وإهداء خاص للعم (صالح)

.

Post: #435
Title: Re: ملائكــــة فى المـــنبر ،،،
Author: سامي عبد الوهاب إدريس
Date: 05-13-2006, 06:19 AM

تبلدينا... شوف

أنا

ومنتهى

ومحمد

ينفع تسجلنا مع بعض
يلا أمشي شوف هنا
صورة عمرها 40 سنة
[email protected]

Post: #436
Title: Re: ملائكــــة فى المـــنبر ،،،
Author: 3bdo
Date: 05-14-2006, 00:22 AM
Parent: #435

تبلدينا سلام
دخلت بوستك ده عشان اشوف الشافع البقي ماما دومة حبوبة ده

بالله انت طلعت من شلة الزقازيق ... طبعا انا باعرف معظم شلة اسامة خضر .. ودكتور فتح الرحمن ومعتصم ووو ... وكمان اولاد جبريل ديل نسابتي بس هم ما عارفيني .. شايفهم دخلوا البورد وراء بعض.. بس قلت اديهم فرصة وبعد كده اكمشهم علي جنب

Post: #437
Title: Re: ملائكــــة فى المـــنبر ،،،
Author: فرحات عباس
Date: 05-14-2006, 03:03 AM

الحبيب تبلدينا .. لك دائماً الأشواق الشديدة .. طولنا من المرور على بعض
سعيد أن أضع زهرتي " دُنا فرحات عباس " في بوستكم الجميل
لك التحية دائماًأيها الحبيب
فرحات

Post: #438
Title: Re: ملائكــــة فى المـــنبر ،،،
Author: Tabaldina
Date: 05-17-2006, 10:49 AM

..
.
عبور ترحيبي
بآل سامى عبدالوهاب
وآل فرحات عباس

بالمناسبة يا سمسم انت متذكر فرحات دا !!؟

ودا كلو كوم وعبدو الطلع بيعرف الشلة ..
مش كلام عجيب ..

بجي

Post: #439
Title: Re: ملائكــــة فى المـــنبر ،،،
Author: Tabaldina
Date: 05-20-2006, 10:57 AM

..
.

الرائعة علوبية
دى بقي تبع علوبه..

متعها الله صحة وعافية؛

Post: #440
Title: Re: ملائكــــة فى المـــنبر ،،،
Author: حسام يوسف
Date: 07-05-2006, 09:55 AM
Parent: #439

الفنان رزين خطاب

Post: #442
Title: Re: ملائكــــة فى المـــنبر ،،،
Author: Tabaldina
Date: 07-08-2006, 09:47 AM

..
.

البراءة العسولة دى بنية سلوي صيام
ربنا يحفظها ويديها العافية ..
يهدى سر امها من مناطحة صحبي والا بزيد عليها المصاريف

سلام

Post: #443
Title: Re: ملائكــــة فى المـــنبر ،،،
Author: Haytham Abdulaziz
Date: 07-08-2006, 03:38 PM
Parent: #442

الأخ تبلدينا
التحية لك
اها انا داير اسجل محمد ولدي دة قبل التسجيل ما يقفل و الصورة مرفقة مع الطلب عليك الله سجلو لي قبل ما السنة تضيع على الولد الشقي دة.

كل الود

اخوك/ هيثم القوز

Post: #444
Title: Re: ملائكــــة فى المـــنبر ،،،
Author: فيصل نوبي
Date: 08-09-2006, 09:30 AM

و هاكم أحلي اموره

قولو بسم الله و ما شاء الله

اللهم احفظها
بسم الله الرحمن الرحيم
( قل اعوذ برب الفلق )

Post: #445
Title: Re: ملائكــــة فى المـــنبر ،،،
Author: waleedi399
Date: 09-09-2006, 09:04 AM
Parent: #444

جاءت من اجل الحلوين .. ابنائي رياحين القلب

وعصافير الجنة .. جائتكم باختكم ايمان

فرحبوا بها في روضكتم ..

Post: #446
Title: Re: ملائكــــة فى المـــنبر ،،،
Author: Tabaldina
Date: 10-03-2006, 05:45 AM

..
.

روعة ..
بت عبدالمنعم ..
ما اعتقد اسمها روعة لكن هى تستحق الاسم
ربنا يحفظ

رمضــــان، كـريم لكل الصــغار والاحــباب

Post: #447
Title: Re: ملائكــــة فى المـــنبر ،،،
Author: علاء الدين حيموره
Date: 10-14-2006, 07:02 AM
Parent: #446

up

Post: #448
Title: Re: ملائكــــة فى المـــنبر ،،،
Author: علاء الدين حيموره
Date: 10-14-2006, 07:08 AM
Parent: #447

هبة الله كانت حضورا في افطار البورداب ..

Post: #449
Title: Re: ملائكــــة فى المـــنبر ،،،
Author: Tabaldina
Date: 12-12-2006, 06:24 AM

..
.
بنسال
عن امورة نوبي وعلاء ..
ربنا يديهم العافية
..

دا تابع لاسحق الامين

Post: #450
Title: Re: ملائكــــة فى المـــنبر ،،،
Author: rummana
Date: 12-12-2006, 08:12 AM
Parent: #449

NO!!!!
سيرين عديـــــــــــــــــل كده؟!!
هي مش اتولدت امبارح؟
تبارك الله سكر قصب بس
ينفع نخطب؟

Post: #451
Title: Re: ملائكــــة فى المـــنبر ،،،
Author: Tabaldina
Date: 01-17-2007, 12:51 PM

...
..

شهد ووعد مهلب قريش ؛

Post: #452
Title: Re: ملائكــــة فى المـــنبر ،،،
Author: عبد الدائم سيد أحمد
Date: 01-18-2007, 08:12 AM

تبلدينا
صباح الخير روضاتى صباح الخير مدرستى
والله اول مرة اجي ماشى بهنا لفت انتباهى
صوت الشفع وكانها عصافير الخريف
احجز لي عندك مقعد من هسة ( حضانة )
بس يكون الفصل فيها شفع نضاف

Post: #453
Title: Re: ملائكــــة فى المـــنبر ،،،
Author: الملك
Date: 03-10-2007, 10:55 AM

يرفع

بسبب "وجود كمية من بوستات الكبار "

على الصفحة الأولى

فوق

Post: #454
Title: Re: ملائكــــة فى المـــنبر ،،،
Author: Salah Waspa
Date: 03-10-2007, 12:51 PM
Parent: #453

تــبــلديــنا يــا زعــيم

مــا عــارف أنــا جــايي الطــيــش ولا البـوسـت جــديد وشــديد

راااااااائعــين أحــبابنــا الأطــفال تبــــــارك الله

وبجــــيك بالكـــــوم بتــــاعي انشـاء الله

صــــلاح واســــبه