حــول ما أُثير عن المباني قليلة التكلفــة ...

..
.

حول ما أثير مؤخراً حول المبانى ذات التكلفة الرخيصة والتى تقوم بأنشائها
عدد من الشركات الوطنية بأسعار أقل ما يقال عنها بأنها ..( مغرية )
وكثرت حولها التساؤلات والإهتمام من الكثيرين ، وحسب التكليف الذى التزمنا به
بغرض توضيح الحقائق والإجابة على عدد من الشكوك والتساؤلات
التى تم طرحها من الإعضاء فى بوست الأخ/ السنجك على ضوء التحقيق الذى قامت به
الأستاذة/ هويدا سرالختم .. بصحيفة السودانى
كان لزاماً علينا بزيارة مقر هذه الشركات لاجل تقصى الحقائق وتأكيد صحة المعلومة
وتنوير الاخوة حول ما تم مناقشته من إستفسارات وتساؤلات وشبهات ..
وقمنا برفقة الاخوة / ناذر الخليفة ومعتز تروتسكى بمقابلة
المهندس / محمد إبراهيم شطة – خبير تقنية البناء بالواح الـ 3D panel بشركة إعمار المحدودة..
وبعد ذلك تحركنا للقاء المهندس/ عادل أحمد حسن المدير العام لشركة تهاديل للمبانى الجاهزة.
وقد إستوضحنا منهما ما يدور بأذهان أعضاء المنبر من بعض التفاصيل
فيما يخص تكلفة المباني والمواد المستخدمة مما ازال كثيرا من اللبس وسوء الفهم
في تحقيق الزميلة هويدا ..

ونحن إذ نقدم لكما نتيجة حصيلتنا المتواضعة لا يسعنا إلا ان نشكرهما على صبرهم على
أسئلتنا ووقتهم الذي منحونا إياه لتوضيح الحقائق ..

وسنأتيكم بالتفاصيل والصور وعرض الفيديو لاحقا ..

___________________________

ناذر الخليفة
معتز تروتسكى
تبلدينا

بناء منزل كامل بمبلغ 10 مليون جنيه سودانى فقط فى الخرطو... فى صحيفة السودانى )

سلام يا شباب
لكم التحية

اولا الف الف حمدلله على سلامة تورتسكى
والثانى يا تبلدينا وناذر
منتظرنكم بفارق الصبر والله

لاننى املك قطعة فى سوبا الحلة وعاوز اعرف اخر الموضوع ده شنو ؟؟؟


منتظركم

الاخوان ناذر ومعتز وتبلدينا


لكم الشكر على التضحيه بزمنكم ومتابعة هذا الموضوع الهام والتبرع بوقتكم لمتابعته وهذا مجهود مقدر وتصرف مسئول فلكم التحيه والشكر ونحن فى انتظار التقرير


مع التقدير



اخوكم السنجك

Quote: لكم الشكر على التضحيه بزمنكم ومتابعة هذا الموضوع الهام والتبرع بوقتكم لمتابعته وهذا مجهود مقدر وتصرف مسئول فلكم التحيه والشكر ونحن فى انتظار التقرير

تشكرات يا شباب على الجهد المقدر الذي قمتم به...

ونحن أيضاً بجوار السنجك في الإنتظار... وأنا متفائل جداً بنتيجة هذا التقرير... أسأل الله أن يصدق حسي...

كميات مودتي...


أبو الحســــــــــين...

الأخ / تبلدينا
سلام واحترام ،،،،
الشكر لك وللاخوان ناذر ومعتز على اهتمامكم بهذا الموضوع المهم والعمل على معرفة
الحقيقة فلكم منى اخوتي التحية والتقدير على هذا المجهود المقدر ونحن في انتظار
التفاصيل مع تمنياتي لكم بالتوفيق .
أبو كريم

وينو كلام ناس تبلدينا وناذر وتروتسكي؟

المنبر دا عندو طبعة الخرطوم براها ولندن براها والخليج براها والله شنو؟


يا تبلدينا لقيتو البيت بي كم؟

وهل تعاقدت معاهم علي العدد المطلوب عشان احول ليك العرابين والله
كنت قايلو هظار؟

ومع ذلك اشكركم جزيلا علي تكبدكم مشاق التلفونات والانتظارات والتنسيق
والذهاب هناك لمقر المهندسين وجيتكم راجعين بالني والنجيض.

الاخوه الاعزاء

تبلدينا - معتز - نازر

لكم الشكر والتحية على تكلفكم واستقطاع وقتكم لخير

المغتربين والسودانين عموما واهل البورد خصوصالتنويرهم

ونحن اذ نشكركم ننتظر بفارق الصبر وعدكم وتقريركم وفقكم

الله وسدد خطاكم وانتم تساعدون المحتاجين منا للبناء0

تحياتـــــــــى

ســـــــــــيد

Quote: الله وسدد خطاكم وانتم تساعدون المحتاجين منا للبناء0

من كلمة منا دي يا سيدنا بكون عند بيت سماحتو ما حصلت...


والمحتاجين منا ديل نحن زاااااااااتنا يا سيدنا..
ومعاي جماعة كتااااااار يجو زي ملايين..

عوووووووك
ياناذر وتبلدينا
ما شحتفتوا روحنا ......

..
.
الاخوة الأفاضل
نعتذر للتأخير ..
بس نص ساعة نرتب كلام الهندسة دا ..
ونأخد شمة نفس من زحمة المكتب ..
حتى وقتها ناذر بجهز فى الصور والفيدونا


_________________

خليكم معنا؛

تبلدينا
وناذر
وترتسكى

لك الشكر

Quote: خليكم معنا؛

تبلدين اخوى لينا 24 ساعة تقريبا منتظريين

ومازلنا ننتظر

تسلموا

..
.
اولاً اود ان اشيد واكرر الشكر للزميلة هويدا لتحقيقها الذى لفت الانتباه
لمثل هذه المبانى القليلة التكلفة والتى قد تكون حلاً - ولو بديلاً او مؤقتاً -
لذوى الدخل المحدود او الظروف الاقتصادية القاهرة .. كما اؤكد بأن ما ورد في تحقيها
لا يختلف كثيراً عن ما وجدناها .. فقط نشرحه ونقدمه بصورة واضحة ومبسطة لفهم غير المهندسين

كانت زيارتنا الاولى لمكتب المهندس محمد ابراهيم شطة
بشارع البلدية شرق عمارة ستى بنك سابقاً ( الخطوط السودانية حالياً عند صينية
التاكسي التعاونى بتقاطع البلدية والمك نمر )

وهو المسؤول عن طريقة البناء بإستخدام الواح 3D Panel
أوضح م. محمد ابراهيم شطة بان هذا النظام اكتشفه المهندس الامريكى
نورمان فولر منذ اكثر عقب الحرب العالمية الثانية خمسين عاماً
وهو يتميز بسهولة التركيب وتحمل الصدمات ..
ويتميز استخدام هذا البناء فى المساحات ضيقة مما يساعد على توفير مساحات اضافية
أو مشاكل الميراث داخل الاسر السودانية ..
كما يستخدم حالياً فى بناء ناطحات السحاب Skyscraper
وقد قاموا بتصميم عدد من المشاريع منها
مركز الشرطة فى ابوسعد
استراحة الأزهرى للطالبات
وعدد من المشاريع الاخرى ترونها فى المادة المرفقة لاحقاً
( فيديو وصور )

النظام المستخدم
هو كما ذكرنا عبارة عن الواح شبكية بسمك 2 ملم للسيخة التى تمثل مجموعة
من الشبكات يقوم عليها اساس البناء والتركيب..
الذى تملاء فراغاته بنوعية من Foam استايركس ( فلين ابيض مقوى ) يتم حشوة بطريقة هندسية
داخل تلك الشبكة الحديدية. مدعمه بالواح MDF*

قدرة التحمل للعوامل الطبيعة والطقس
تتحمل هزات وصدمات بنسبة 6.9 بمقياس ريختر للزلازل والبراكين
و215 كلم سرعة صدمات الرياح.
يتحمل البناء الضربات الشديدة والصدمات كما يتميز بعزل للاصوات
فى الغرف المجاورة رغم عدم سماكة الحائط مقارنة بحوائط الكونكريد الاسمنتية
الا ان هذا لا يمنع ان بعض الاصوات الغير طبيعة من العبور ..

التشطيب
يتم التشطيب الداخلى والخارجي تشطيب عادى ( او حسب رغبة العميل )
يعنى يمكن التشطيب او التقفيل بالطرق العادية للبناء فى السودان
الشبابيك والابواب قابلة لجميع الانواع من الحديد الصاج العادى المستخدم فى السودان
او الخشب او الالمونيوم ..
الارضيات ايضاً حسب الرغبة من العميل باستخدام الاسمنت او السيراميك
او جميع انواع الارضيات المتاحة .

تكلفة البناء
افضل مثال هللبناء والتكلفة و منزل المهندسة نجود - كما اوضحت الاخت هويدا فى التحقيق -
ويقع منزلها بالخرطوم 3 وتم بناء غرفتين وصالة وصالون وحمامين ومطبخ
بتكلفة 30 مليون - تشطيب عادى - كل الاضافات التى قامت بها المهندسة
فى منزلها بعد استشارة المهندس شطة وشملت الرخام والسيراميك والابواب الحديثة
والشبابيك PVC الراقية تعتبر تكلفة اضافية ..
الشركة ملتزمة بالبناء والتشطيب العادى للعدد المذكور من الغرف بمبلغ 30 مليون
فى مساحة تقدر ب 100 م2 ( ارض البناء )

طريقة الدفع :
تعتمد طريقة الدفع اما كاش بعد التوقيع على العقد
او بالاقساط بأتفاق الطرفين على الطريقة المناسبة
ويمكن للعميل دفع مبلغ 50% مقدماً D.payment وبقية اقساط السداد
تحسب بطريقة متناسبة مع وقت الانتهاء ..
ويبدا العمل ليتم التسليم خلال مدة اقصاها شهرين .. تسليم مفتاح بتشطيب عادى
ومواد عادية ) ابواب حديد وشبابيك استاندر ) اى اضافات اخرى او مواد حديثة
او عصرية تدخل كتكلفة اضافية يقوم العميل بتسديدها او احضارها بالمقاسات
التى يود ان تكون بها ..
ما توضيح ان مواقع الابواب والشبابيك قابلة للتغيير وبالمقاس المطلوب .


تمتلك الشركة مصنع لصناعة هذه الألواح الشبكية ويعتبر المصنع الثالث فى افريقيا
حسب ما افادنا به المهندس شطة .


________________________

* هناك بعض المواد الهندسية تم شرحها ومرفق الصور

..
.
الاخ ناذر لا زال يبحث مع تروتسكى عن وصلة الكاميرا
لتنزيل الصور والفيديو .. نرجو الصبر ..


نظام الـ 3Dpanel
يتحمل انشاء طابقين ..
كما قابل على زيادة عدد الغرف ومساحة البناء مما يزيد عن
اكثر من 100م مربع ..
قام المهندس بعرض تصميم لطابقين فى مساحة 140م2 .. تشطيب سيراميك
رأس الخيمة وابواب شبابيك عادية
يحتوى على 3 غرف نوم وصالون وحمامين وهول ومطبخ فى االارضى بتكلفة 87 مليون جنية ..

Quote: يا تبلدينا لقيتو البيت بي كم؟

يا نزار حسين البيوت الان كما ورد فى التكلفة ..
من 30 مليون .. حتى ( على مزاجك ) ..

Quote: وهل تعاقدت معاهم علي العدد المطلوب عشان احول ليك العرابين والله كنت قايلو هظار؟

الموضوع ما هظار بس .. المهم القناعة باستخدام مواد بناء حديثة او فهم
بعيد عن بناء الاسمنت والسيخ المسلح بتكلفة باهظة
يعنى سكن لذوى الدخل المحدود او الميزانية المحددة
العقود جاهزة .. وكمان الأشراف لو حبيت او اقتنعت بالفكرة ..
وسوف اتعرض لفكرة شركة تهاديل ولقاء المهندس عادل ..

__________________________

اثناء تواجدنا مع المهندس شطة افادنا باتصال من احد الاخوة المتابعين
من الخارج لعمل بعد التعديلات والمعالجات فى منزله وهو عثمان فقيري
واثناء وجودنا ورد اتصال من ابن المذكور لتاكيد مواعيد اللقاء والمعاينة
ودراسة المطلوب

نظام 3D panel >> يصلح كثيراً فى معالجات اشكاليات البناء
فى المنازل القديمة والأحياء والبيوت التى تم بنائها منذ ازمان قديمة
ويود اصحابها معالجة اقل تكلفة للسكن او بناء طابق اعلي اخف وزناً على اساس المنزل
وبصورة حضارية جميلة وتكلفة اقل ..

نعود؛

الأخ / تبلدينا
سلام واحترام ،،،
مشكور على هذا المجهود المقدر وعلى الاهتمام بالموضوع لكن برضو دايرين توضيح اكثر
اذا كانت المساحة اكثر من 200 م والبناء اكثر من طابق كم تكون التكلفة تقريباً
اكرر شكري وتقدير لك وللاخوان ناذر ومعتز والشكر للاخت هويدا .
تقبل تحياتي ،،،
أبو كريم

..
.

Quote: اذا كانت المساحة اكثر من 200 م والبناء اكثر من طابق كم تكون التكلفة تقريباً

اخى الفاضل الفاتح
بعملية حسابية بسيطة .. اذا اوضحنا ان منزل فى مساحة بناء 100م مربع
يحتوى على غرفتين وصالون وصاله ( هول ) ومطبخ وحمامين ( منزل م. نجود بالخرطوم )
وتشطيب عادى ابواب حديدية جيدة وشبابيك حديد مع نظام الصرف الصحى والكهربائي ..
( السايفون خارج التكلفة )
هذا يكلف 30 مليون جنية .. اذن الطابقين ب 60 مليون جنية ..
اى تعديلات اضافية او لمسات جمالية من سيراميك او شبابيك وابواب خشب او المونيوم
او PVC تزاد على التكلفة ..

النظام قابل لاستخدام جميع انواع المواد الحديثة او التى يود العميل
استخدامها ..
اللاند سكيبنغ خارج التكاليف

الاخوه المحترمين

ارجو تبسيط الشرح ليلم به اى شخص يعنى الالواح دى برضه دايره شرح وهل البناء طوب او عمدان اوخلطة طين نرجو الشرح المفصل




السنجك

الاخوه المحترمين

ارجو تبسيط الشرح ليلم به اى شخص يعنى الالواح دى برضه دايره شرح وهل البناء طوب او عمدان اوخلطة طين نرجو الشرح المفصل




السنجك

أثناء الاستماع لشرح المهندس محمد ابراهيم شطة

النظام المستخدم
هو كما ذكرنا عبارة عن الواح شبكية بسمك 2 ملم للسيخة التى تمثل مجموعة
من الشبكات يقوم عليها اساس البناء والتركيب..

..
.

Quote: الاخوه المحترمين ارجو تبسيط الشرح ليلم به اى شخص يعنى الالواح دى برضه دايره شرح وهل البناء طوب او عمدان اوخلطة طين نرجو الشرح المفصل السنجك

عزيزى السنجك
بصراحة اول ما جلسنا مع المهندس خطر ببالى لو تطوع احد الزملاء المهندسين
لتوضيح المصطلحات والاستفاضة فى الدقه والشرح ..
وما اود توضيحه هنا رداً على سؤالك ..
وكما يظهر فى اللوح الموضح فى الصورة اعلاه دا نموذج مصغر يتم تربيطه وتركيبه فى المساحة
المقررة للبناء متشابكة بطريقة هندسية .. وتملاء الفراغات بحشوات البولسترين
(الفلين الابيض المقوى )

ونظام ألواح 3D Panel يقوم عليها كامل بنيان البيت.. حتى السقف أيضا.. وهي متينة
وقوية للغاية.. ولا تحتاج الاواح الى الاعمدة الخرصانية اوالأسمنت..
فالألواح مقوية بشبكة الحديد الرفيع المنسوج نسجاً قوياً للغاية وتحمل عدة طوابق
لا حاجة فيها لأعمدة الأسمنت.. او غيره.
ثم يتم التشطيب الداخلى بطبقة من المواد الاسمنتيه او المواد المصنوعة ( المستوردة )
لتقفيل البنية الاساسية او الداخلية للشبكة ..

ودا رسم توضيحى من موقع فى الانترنت



وبصراحة لاهتمامى الشخصى بالموضوع ومدى تحقق حلم متواضع قمت بالبحث فى بعض المواقع
عن هذا النظام لذا ارجو الاطلاع هنا ..

http://www.hrlubben.com/catalog/construction/english/index.html

http://www.hrlubben.com/catalog/construction/index.html

http://www.parspanel.com/English/epanel.htm


__________________________

نعود لاستفساراتكم فى نظام بلوكات الطوب ( الاخضر ) ..
مش حتقدر تصبر يا نزار !!

النظام المستخدم
الذى تملاء فراغاته بنوعية من Foam استايركس ( فلين ابيض مقوى ) يتم حشوة بطريقة هندسية
داخل تلك الشبكة الحديدية. مدعمه بالواح MDF*

متابعـــــــين

جزاكم الله عنا الف الف الف خير

..
.
توضيح بسيط لتعليق الاخ ناذر ..
الفلين الذى يستخدم لحشو الفراغات الشبكية فلين ابيض ..
وما يحمله ناذر هو توضيح لطريقة حشو الفراغات الشبكية بعد
تركيبها فى موقع البناء وقبل التشطيب ..والمادة المرفقة فى الصورة
غير مستخدمه نسبه لعدم تطابقها مع المواصفات البيئة .. وتم رفضها
وهذا حسب ما ذكره .. المهندس شطة ..
وساعود لتأكيد المعلومه

_______________________

يا ناذر يا اخوى
فى ذمتك دا فلين ابيض .,.
الشئ لونو اصفر وزى التورته تقول دا فلين ابيض ..
ركز ياااخ
ركز ..
قلنا ليكم اكتبو حتى لو خطكم شين

..
.
اللقاء الثانى
كان بشركة تهاديل والمهندس عادل حسن صاحب ومدير شركة (تهاديل) الهندسية في بحري..
بمبنى السكة حديد بالطابق الثالث فوق بنك الخرطوم ..

فكــرة المشروع ..
فكرة خيرية لا تعتمد على الربح وتعمل على نشر ثقافة جديدة
ومفهوم جديد وبيئه صحية ..
وتقوم الفكرة على استخدام مبتكر للطوب الأخضر..
حيث يصمم باليات معينة فى شكل بلوكات كبيرة الحجم وبمعدات معينة
ومشدود باسالك لزيادة المتانه وجودة التشطيب الخارجي ..
ويتم البناء بصورة هندسية دقيقة واسلوب محسن ومتابعة جادة .. من صاحب العقد( العقار )

Quote: ويقول المهندس عادل أن البناء بوحدات الطين يوفر بيتاً صديقاً للطبيعة في السودان فهو لا يحتاج الى تبريد.. فالمادة عازلة جيداً للحرارة.. ومناسبة لطقس الشتاء مهما اشتد برده.. وللصيف مهما اشتد حره.. وهي قوية بما يكفي والدليل على ذلك أن معظم بيوت الخرطوم وسط القديمة التي عمرت عشرات السنين وما زالت صامدة استمدت قوة بقائها من وحدات الطين التي شيدت بها..

هذا وقد قامت الشركة بتصميم مبنى سوداتل فى جوبا وبانيتو بنفس المواد
ومنزل لاحد مهندسيها بمدينة صالحة ( مرفق الصور ) وقد افادنا م. عادل بأن هذا النظام المحسن
لاستخدامات بلوكات الطين الاخضر استخدم فى المكسيك والصين.. وتتميز بانها فكرة تقنية
اقتصادية ودافئة شتاءا وباردة صيفاً.
وأهم شئ هو مشاركة صاحب الملك فى المتبعة والاشراف او من يوكله وهذا شرط اساسي
لتأكد الشخص بالالتزام بالمواصفات والمواد المتفق عليها حسب العقد ..
وللحرص على الشكل الهندسي والحوائط المستقيمة والزوايا القائمة والتشطيب
والاشراف على تصريف العمال حسب توجيهات الشركة وبالمبالغ المتفق عليها اسبوعياً
للايدى العاملة..

المواد المستخدمة
البناء ببلوكات الطين الاخضر المعالج بماكينات معينة وسائل علمية حديثة
والشبابيك والابواب من الحديد والصاج المصنوع محلياً او بالسوق المحلي
والورش السودانية او حسب ما يود صاحب العقار تركيبه سواء كان خشب او المونيوم
او منتجات PVC .. والابواب قابلة ان تكون انزلاقية ( اسلايدنغ ) او عادية
حسب الطلب والمزاج ..
السقف من الواح الخشب على كمر حديدى يثبت على وسادات خرصانية بين 7سم - 10 سم
وكمثال توضيحى منزل المهندس ....- لا اذكر الاسم* - .... الذى صُمم بمدينة صالحة بامدرمان
فى مساحة بناء تقدر بحوالى 100م مربع يحتوى على غرفتين وصالتين
وصالون ومطبخ وحمام .. بتكلفة 10 مليون .. ويعتبر قمة فى الروعة
حسب ما ستشاهدونه من الصور للمنزل من الداخل والخارج ..
سماكة الحائط 55سم ( بلوك الطوب )

التكلفة :
10 مليون جنية للمنزل اعلاه بمواد بناء عادية 0 شبابيك وابواب )
وتشطيب داخلى عادى بوماستيك مخلوط بمواد صمغية .. وخارجى اسمنت
ورمل ( طرطشه ) وتقنن هندسياً بالاشكال المراد او اللون المفضل
( الصور توضح اكثر هذا الجانب ) ..
هذا البناء يستحمل كحد اقصى طابقين حسب التجربة.. وقابل للتصاميم الهندسية
من بلوكنات واشكال هندسية وارشيس ..*
ويكلف بناء من طابقين 33 مليون يحتوى على غرفتين ومطبخ وحمام وهول فى كل طابق
على مساحة بناء 140متر مربع ..
السماكة 55 سم فى الطابق الارضى و35سم للطابق الاعلى ..
مع ضمان وصيانة لمدة عام .. مع التأكيد بأن المدة التقريبة للبناء
تتراوح بين 50 - 100 عام ( عمر البناء )

الصرف الصحى والشبكى
تتم التمديدات الصحية خارج المبنى ( للطابقين ) وتوصل بشبكة الصرف
الصحى للمنزل .. المياه بتمديد مواسير مقاس واحد بوصة داخل الحائط
او بلوك البناء .. الكهرباء بتمديدات داخلية ايضاً ...

التشطيب :
حسب الرغبة والمزاج السعر المحدد للتشطيب العادى .. من بوماستك
ومواد صمغية ( للداخل ) او اسمنت او حجر او اى من مواد التشطيب الخارجي
حسب الرغبة .. والاسقف المستعارة او غيرها ..
ويمكن التشطيب باستخدام مواد اخرى داخلية او ابواب وشبابيك من الالمونيوم
او الخشب مع استخدام السراميك وسلالم حديدية او رخام .. الخ

الدفع والتسليم
يتم تحديد القيمة المتفق عليها وعلى حسب عدد الغرف او الطوابق
بالاسعار المشار اليهلا سابقاً
10 مليون تشطيب عادى شامل مصاريف العمال والبناء ويقوم صاحب الحق
بالتسديد للعمال والشركة اول باول او خلال مدة البناء ..
التى تصل اقصاها 3 شهور .. للطابقين .. وشهرين للبيت العادى بعدد الغرف
الموضحة ان لم تكن هناك اضافات اخرى ..

________________________

* صمم منزل المهندس منذ 3 سنوات تقريباً

تشكرو يا تبلدينا وناذر علي المجهود ...وبنجيكم صادين بي رواقة..

اولا مرحباً بالصحافيين الجدد
وخصوصاً الخبير الاجنبي الوارد من بلاد الصين
وهذه التحية ليست للتقليل او تبخيس الجهد الذي قمتم به
بل من باب الاعجاب والاطراء خاصة ان اختنا الصحفية هويدا سر الختم صاحبة الجهد الاصلي في الموضوع تعرضت للإهانة والقدح في الذمة بجانب الاوصاف الأخرى التي تضعها في دائرة (الوهم) علاوة على الشكوى التي تنتظرها بمجلس الصحافة..
هذا الجهد الذي قمتم به ثلاثتكم جاء في وقته تماما حتى تخرس تلك الالسن (شيالة وش القباحة)
لكن الغريب في الموضوع انكم (كتمتموه) حين تشرفنا بزيارتكم - هل كان ذلك خوفاً من السبق الصحفي ام تريدون ان تنالوا الغنيمة لوحدكم
على اية حال شكراً جزيلا
واخوكم سيقف في الصف حال ان يجد قيمة التكلفة للبيت العادي ثم بعد ذلك سيبحث عن قطعة الارض
وكلو بأمر الله
...
تبلدينا قلت لي 87 مليون بس للطابقين..؟
ساشتكيك الى مجلس الأمن الدولي والى لجنة الشكاوي باتحاد شداد
والى مجلس حقوق الغلابة ..أكان الكلام دا طلع كضب..
وتاني ما اشوفك في شارع البلدية
طلب خاص
ارجو وضع رابط لهذا البوست مع البوست الاصلي
حتى تنجلي الحقائق بي هناك
والظلم ظلمات.

اللقاء الثانى
كان بشركة تهاديل والمهندس عادل حسن صاحب ومدير شركة (تهاديل) الهندسية في بحري..
بمبنى السكة حديد بالطابق الثالث فوق بنك الخرطوم ..

..
.
بلوك مصمم هندسياً لتقفيل الخارجي
او التشطيب الخارجي من مادة اسمنتية تعطي مظهراً جمالياً
للمنزل بالخارج ويظهر كأنه من الاسمنت والمواد الثابته ..
وحسب الالوان المختارة ..
هذا لا يتضمن التكلفة المحددة سابقاً .. حيث يعتبر مواد
اضافية تجملية مثلها ومثل اختيار ابواب الخشب ..
يصنع محلياً ويستورد نوع اخر منه ..

..
.
اسقف مستعارة ( بالاحمر )
وحوائط مستعارة تستخدم فى التشطيب الخارجي لمنازل الطين الاخضر
وحسب الالوان المختارة ..

..
.
يا أبو النيز
ياخى جيب للناس دى الصور والفيديو التوضيحي
للمبانى التى تم أنشائها عشان يشوفوا بعيونهم
ويحكموا .. هم عايزين يشوفوا البيوت والبناء
مش كبابي الشاى دى ..
نزار كن رجع بشرط ليك الصور دى وبكشح ليك الشاى دا
فى رأسك ..

نجيكم صادين لاحقاً

تحياتى؛

..
.
الصورة اعلاه منزل المهندس الذى تم بنائه بمدينة صالحة
من بلوك الطين الاخضر .. ويوضح التشطيب الداخلى .. بوماستيك مخلوط بالمواد الصمغية ..
وهو المنزل الذى كلف مبلغ 10 مليون ويسكنه الان احدى مهندسي الشركة
( شركة تهاديل للمبانى الجاهزة )

..
.
الصورتين اعلاه ..
هو الشكل الخارجى والتشطيب الخارجي لنفس المنزل بمدينة الصالحة
واستخدم المواد الاسمنتية وتشكيلها حتى تعطى منظراً جمالياً وهذه مرحلة ما قبل
الطلاء الخارجي .. للمنزل ..
وتتضح فى الصور انواع الشبابيك والابواب المستخدمة ..


___________________________

يا ناذر ومعتز لو سمحتو رقمو الصور حتى يتناسب التعليق
مع توضيح رقم الصورة ..
انت ما بتعلقوا مالكم .. بس ترفعوا ونحن نعلق !!؟

تبلدينا ..

Quote: يا أبو النيز ياخى جيب للناس دى الصور والفيديو التوضيحي للمبانى التى تم أنشائها عشان يشوفوا بعيونهم ويحكموا .. هم عايزين يشوفوا البيوت والبناء مش كبابي الشاى دى ..

في مشكلة في تحويل فورمات الفيديو عشان تنايب التحميل !!
البرنامج بتاع تحويل صيغ الملفات ما إتصمم لتحميل ملفات فيديو فيها بيوت الطين دي !!

شنكل :

نزار حسين ما تتوهم بي منظر صور البيوت من برة .. دي قبل التشطيب !!
لسع في صور جاية عن منزل مشطب من طابقين ومكتمل لحدي (الفينشنق) !!
ما تتشنج !! ما تكشح لينا شاينا ساى !!

وياتبلدينا روق

يا ناذر بالله رجّع عيش الكوكتيل ده محلّو لأنو الطباخ بهناك عاصر الجلابية في نص صفحتو وبيكورك :
وووووووووووب علي انا من الولد ناذر وأحييييييييي منّو كل ما تجي بت يشيل ليها من العيش..

الابناء الاعزاء

شكرا لما قمتم به من مجهود
بالله لما تلقوا اجابة سؤالي بتاع البيت الطابقين ابو 100 مليون
رسلو لي مسج..
واسألو المهندس شطة هل اعطى اي شخص تقدير 300 مليون؟

عشان دا هو بيت قصيدي...

والاع عادل
لما زول يكتب يشير لينا باننا مأجورين و ما عندنا ذمة
لازم يترد عليه الرد المناسب
خاصة ان كلمة مأجورين بلا ذمة دي لا محل لها في ما هو دائر
الى اذا استخدمناها نحن ولا تستخدم علينا
فالاوصاف الفرمالة هذه التي صارت تستخدم في اي مكان
لازم تنضبط وتتردى .
ومداخلتك من باب انصر اخاك بالطريقة السودانية..
ولليلة ولا بكرة
لا توجد مقارنة بين 100 مليون و300 مليون
وان في ذلك المقال توجد كثير من الفجوات..
وقد ذكر الاخ عصام ان اخته ذهبت وكتب اسعار جديدة
ربما نحنا ما قرينا صحافة واعلام
لكن كقراء للصحف منذ اربعة عقود
بنكون نعرف ونميز بين الموضوع الصحفي الجيد
والطاقي..
والدعائي والاعلامي
وتعال الى حيث النكهة .....(حصان سمح جارى في سهوب خضراء )

الاخت الدكتورة نجاة
اطيب التحايا

Quote: والاخ عادل لما زول يكتب يشير لينا باننا مأجورين و ما عندنا ذمة لازم يترد عليه الرد المناسب خاصة ان كلمة مأجورين بلا ذمة دي لا محل لها في ما هو دائر الى اذا استخدمناها نحن ولا تستخدم علينا فالاوصاف الفرمالة هذه التي صارت تستخدم في اي مكان لازم تنضبط وتتردى . ومداخلتك من باب انصر اخاك بالطريقة السودانية.. ولليلة ولا بكرة لا توجد مقارنة بين 100 مليون و300 مليون وان في ذلك المقال توجد كثير من الفجوات.. وقد ذكر الاخ عصام ان اخته ذهبت وكتب اسعار جديدة ربما نحنا ما قرينا صحافة واعلام لكن كقراء للصحف منذ اربعة عقود بنكون نعرف ونميز بين الموضوع الصحفي الجيد والطاقي.. والدعائي والاعلامي وتعال الى حيث النكهة .....(حصان سمح جارى في سهوب خضراء )

كنت متابعاً للبوست الاصلي
وتأسفت شديداً لما ورد في مداخلتك من قدح في الذمة وتقليل من الجهد بل وصل الى حد الازدراء
وكنت اتوقع بين مداخلة واختها ان تقومي بسحب العبارات غير الملائمة في حقك انت اولا قبل حق الاخت هويدا ..ولكن حتى بعد التوضيحات اللاحقة والجهد الذي بذلوه الاخوة ناذر وتبدلينا ومعتز ..لا تزال مداخلتك كما هي..وهذا هو السبب الذي دعاني للتداخل هنا

Quote: وان في ذلك المقال توجد كثير من الفجوات

التحقيق يا اختنا الكريمة امتد لـ(11) حلقة وهذا جهد ضخم لابد ان يكون معه هامش للخطأ
لكن رغم ذلك فإن الخطاء الوحيد(الهفوة) المثبت فيه ورود عبارة
..

Quote: وبيوت من طابقين في حدود لا تتجاوز المائة مليون كثيرا ..

في المقدمة دون ان ترد تفاصيلها في متن الحلقات ، وهي في النهاية ليست مغزى التحقيق
لأن التحقيق يستهدف اصلاً مشكلة السكن بالنسبة للشرائح محدودة الدخل..والجهود التي تقابلها في القطاعين الرسمي والشعبي ، بإعتبار ان حق السكن من الحقوق الاصلية للإنسان بجانب استحفال القضية في هذا الوقت ..
ومن هذه الزاوية فإن التحقيق فتح الباب على مصراعيه واضاء القضية في معظم جوانبها مما يستدعي معه الاشادة والتقدير لا القدح والتشكيك في الذمة المالية للمحررة ..وهذا ما فات عليك اختنا العزيزة فالتحقيق كان بالنسبة لك اما ان يلبي حاجتك الآنية وحاجة (كثير من الاسر) في العثور على منزل بالقيمة والمواصفات التي وردت في المقدمة او انه (كلام جرايد) وهذا اخف وصف وصمتيه به..
فيا اختاه لا تأخذك العزة بالاثم
اعتذري للاخت هويدا واسحبي كل الكلام الشين في حقها
اما انا فلا ينطبق علي

Quote: ومداخلتك من باب انصر اخاك بالطريقة السودانية

اذ احتفظت لنفسي بحق المتابعة فقط دون عناء الرد والدفاع عن التحقيق..

Quote: ولليلة ولا بكرة لا توجد مقارنة بين 100 مليون و300 مليون

هذا مؤكد
ولكن توجد مقاربة ايجابية بين 87 و100 مليون
وبالتالي يوجد فرق يصل الى 213 مليون جنيه وفق المواصفات الواردة اعلاه
ولك شكري ومحبتي

ناذر و تبلدينا ..
و تبلدينا و ناذر ...
يا سلااااااام عليكم ..
جهد عظيم و مقدر ...
و عشان الحلو يكمل يرجى
اضافة الشرح على كل صورة
عشان الفهم تقيل و الحمد لله ..

الدكتورة بيان ..

Quote: واسألو المهندس شطة هل اعطى اي شخص تقدير 300 مليون؟

يعلم الله إننا حرصنا على سؤال المهندسين الإثنين إن كان أحدهم قد قدم قيمة تقريبية بهذا الرقم الذي ذكرته وقد نفوا جميعا ان يكونوا قد أعطوا هذا الرقم لاي شخص إتصل عليهم ..

هنالك عدد ثلاث شركات في تحقيق الزميلة هويدا .. أحدهما شركة لا تستخدم نظام المباني قليلة التكلفة وتستخدم المباني المسلحة بالحديد والإسمنت وأغلب الظن أنك إتصلت بهذه الشركة ..

ارقام هواتف من تحدثنا إليهم موجودة في بوست الأخت هويدا وبحوزتي شخصيا .. يمكنك فقط مقارنة الرقم الذي إتصلت عليه بما هو موجود بالتحقيق ..

ولدنا ناذر
انا اتصلت برقم شطة
ثم اعطيت من اتصل رقم المهندس شطة اخذته من البوست
واخترته هو عشان موضوع ال 3 بانيل دا..
كما ذكرت انني سالت مهندسة هنا عنه
قبل نقرر ان نتصل به..
فلا لبس في الموضوع...
والمقال الذي كتبته الصحفية تحدثت عن ال3 بانيل..
لذلك اتصلت بهم..

أوكي يا دكتورة ..

Quote: انا اتصلت برقم شطة ثم اعطيت من اتصل رقم المهندس شطة اخذته من البوست

إتصلي بيهو مرة تانية على ضوء مقابلتنا ليهو واسأليهو تاني ..

!!!!!!!

Quote: يا ناذر بالله رجّع عيش الكوكتيل ده محلّو لأنو الطباخ بهناك عاصر الجلابية في نص صفحتو وبيكورك : وووووووووووب علي انا من الولد ناذر وأحييييييييي منّو كل ما تجي بت يشيل ليها من العيش..

بعد ما عمر الفاروق سحر البتاعة الانا شايلا دي ..
انا ما مسئول عن اي حاجة تاني لو زول بنى بيتو وإتحول لي قرقوش بعد اول رشة مطرة !!

تبلدينا

ازيك
والتحية كمان للجماعة الغايبين
ناس تروتسكي الخاين
بقي عامل زي الزرقاوي
ما يظهر الا في مسينجر
المهم
البيوت دي ما ممكن تعرضوا لينا مجسم ليها

حبيب نورة ...

مجسم كيف يعني ؟!!!!

سلام يا عيالي
غايتو انا بنتظر لما واحد فيكم يبني بيت ونجي نعمل فيه ربه لو مااتهد فينا
طوالي نشتري ارض ونبني .

Quote: مجسم كيف يعني ؟!!!!

ذات جسم...أو ذا جسم محسوس
بناية ... أو بيت
-----------------------------
ناذر..قنقوليسنا..تروتسكى
شكرا على الجهد المقدّر
والشغل النضيف..تهانينا !

ناذر خليفة... تبلدينا

أيه دة يجدعان والله إنتو أولاد مش أي أي ولا زي زي .. . مشكورين على هذا الجهد الكبير الذي يؤكد

أنكم على قمة المسئولية أنا يا نادر لما أبني بيتي بعشرة مليون لازم تجي تعمل لي حفلة لكل أعضاء

سودانيز أون لاين ... وإنت يا تبلدينا تكون مشرف على الحفل ... شكرا ياجدعان .

غايتو

ياتبلدينا وناذر والزرقاوى معتز تروتسكى
اثبتوا بيان بالعمل انو منتديات الحوار الحر ممكن تصبح عالم جميل
جدا .. نصبح ونمسى فيهو .. ونحلم وانتم تساعدونا فى تلمس الطريق
لتحقيق احلامنا
فقد تعبتم وتكبدتم المشاق لتنيروا لنا الطريق وتملكونا المعلومه
حتى نحسب حسابنا لبناء منزل المستقبل للكثيرين من الذين يعيشون
لفح هجير الغربه .. داخليه وخارجيه ..

احبكم فردا فردا .. واشكركم بحرارة خط الاستواء
ولكم منى الاف الورود والرياحين تقديرا لعملكم الجميل هذا

الإخوة الاعزاء
سلام واحترام ،،،،
التحية والشكر والتقدير للاخوان ناذر وتبلدينا ومعتز على هذا العمل الجميل والمجهود
المقدر على الاهتمام والتوضيح .
والشكر والتقدير للاخت الصحفية هويدا سر الختم
فلكم منا اخوتي تقديرنا واحترامنا بس بعد كده الواحد يجهز الكاش ربنا يلمنا فيهو
تقبلوا تحياتي واحترامي ،،،،
أبو كريم

Quote: نزار كن رجع بشرط ليك الصور دى وبكشح ليك الشاى دا فى رأسك

يا ناذر وتبلدينا...تاني شكرا للمجهود...انتو مش شفتو شوف العين
البيوت دي...بيوط الطين دي انسوها شوية...لأننا جلطنا بي بعر البقر
ما فيه الكفاية وصلحنا ستمية دروة قبل كدة...الطين ياهو الطين
ان سووه بلوكات والله بنوه طيانة...

انا مركز مع المهندس شطة وحديدو...

بس سؤال ...

في ذمتكم دي البيوت دي كويسة...انسوا لي قصة الديكور والزخرفة والفلين
يعني ان بنيت لي بيت عند شطة دا ...بقع والله ما بقع...بصب والله ما بصب
الكتاحة بتدخل والله ما بتدخل...الهواء الشديد البرمي الشدر..حا يأثر فيه
والله لا؟ وبعدين شايفو ما اداكم شاي.

ومع ذلك منتظرين بيتك يا ناذر...او مجسم حبيب نورة....عشان شوية
الواحد يطمئن...نحن اسمنت وسيخ ورملة وحجر وطوب ما عندنا ليهن طريقة
لو ادونا ليهن بالدين لي عشرين سنة ...

وكان بقت علي الطين انا زاتي تهاديل...بهدل بيتي براي...

الاجلاء
تبلدينا
ناذر
تروتسكى
لكم التحية


عمل فى غاية الروعة وشمكوريين والله جدا جدا

انشاء الله سوف نكون من اول المتعاقدين معهم باذن الله قريبا ..

تسلموا

العزيز معتز تروتسكي ،،
منور السودان والله ، وألف حمدالله على السلامة،،

خلي بالك من الجماعة ديل بقوا تماسيح ما يضربوك في الكومشين،،
وبعدين أوعك تخلي الطب ،، شغل المباني دا ما فيه بركة،،

ناذر وصالح ،،
طلعوا النسبة بتاعتكم وورونا الأسعار الحقيقية كم ،،
==
صالح إنت ماعارف شقانا هنا ولا إيه؟؟ بالش كوميشن بالله عليك،،
المهم البيطلع حلال عليكم ،،واصلوا الجهود الرائعة،،

==
تحيات،،

..
.

Quote: صالح إنت ماعارف شقانا هنا ولا إيه؟؟ بالش كوميشن بالله عليك،، المهم البيطلع حلال عليكم ،،واصلوا الجهود الرائعة،،

يا ريس انحنا جاهزين .. بس انتو ابقو مارقين
وخليكم جادين وما تلاوزوا ساااى .. زمان كنا زيكم الواحد بلاوزم وبتردد
وما بحاول يخاطر او يجازف جينا ليقنا البلد قدل فيها الالاف من الاورال _ جمع ورل)
غايتو السنتين دى دخلنا الفورمة وشربناها شراب ..

خش البنك الامريكى شوف الحساب كم وادينا الوووووووووووو !!

تحياتى؛

شباب ..

حا اجي بعدين واوضح ليكم قيمة التكاليف التانية لزوم التشطيب والأسعار والانواع الموجودة في السوق من واقع عملي في شركة للوازم البناء والتعمير عشان اوضح ليكم التفاوت الممكن يحصل في أسعار التشطيبات وكيف إنو ممكن نشطب بيت كامل بي مبلغ 5 مليون جنيه وبرضو نشطب نفس البيت بي مبلغ خمسين مليون جنيه والمقارنة بين أسعار واصناف المواد المستخدمة من حيث الجودة والاسعار والتحمل بحكم عملي وخبرتي في هذا المجال ..

عشان الناس ما تبني حسابات على مبلغ معين وتجي بعدين تنصدم بي نوعية المواد المستخدمة أو غرتفاع أسعارا !!

Quote: Quote: يا ناذر بالله رجّع عيش الكوكتيل ده محلّو لأنو الطباخ بهناك عاصر الجلابية في نص صفحتو وبيكورك : وووووووووووب علي انا من الولد ناذر وأحييييييييي منّو كل ما تجي بت يشيل ليها من العيش..

عليكم الله حسي ده عيش كوكتيل والا قش مكيف؟؟

تسلموا ياشباب ....

وأقترح على المحبطين إذا لم يملكوا الشجاعة للإعتذار للأستاذة هويدا، أقترح عليهم أن يلزموا الصمت.

Quote: عشان الناس ما تبني حسابات على مبلغ معين وتجي بعدين تنصدم بي نوعية المواد المستخدمة أو ارتفاع أسعارا

ما دي المشكلة زاااااتا يا ناذر....يبدو ان الحكاية كلها لابد ان يسيطر عليها نظام يفتح الله
ويستر الله...

وبتدفع كاش والله اقساط...شيكات والله تحويلات...

بناء الدنيا دا كلو معروف الشقة بي كدة والفلة بي كدة والعمارة بي كدة
انا بتكلم عن الاستركشر...معروف الا عندنا نحن هناك...البناء بالاسمنت المضروب
غير اسمنت عطبرة وغير المستورد...وطوب الجريف اغلي من طوب الحصاحيصا...
وحصا ام دبيكرات اجود واغلي...من حصي الحصاية في عطبرة...والتشطيب ديلوكس
ما زي تشطيب الترابي.

ياخي اقول لكم قولة مو القشران دا خليتو مع الفاضلابي ...

الا كان ناس المساهمة الوطنية يرجعوا لي قروشي وزكاتي من يوم ما فريت
كدي بجي راجع وان شاء الله تبيعوا لي الحصي بي تمن الكرملة

..
.

Quote: انا بتكلم عن الاستركشر...معروف الا عندنا نحن هناك...البناء بالاسمنت المضروب غير اسمنت عطبرة وغير المستورد...وطوب الجريف اغلي من طوب الحصاحيصا... وحصا ام دبيكرات اجود واغلي...من حصي الحصاية في عطبرة...والتشطيب ديلوكس ما زي تشطيب الترابي.

نزار يا اخوى انت دا راسك مسخن ساى .. استركشر شنو!!
يا زول المثالين السابقين ديل ما فيهم اسمنت ولا سيخ ولا بتحتاج
تصرف ملايين عشان كم حفرة واعمدة خرصانية ..
يعنى ساس عادى ,, وشبك حديدى ويتم التشطيب والتقفيل بمواد اسمنتيه
او الالواح الصناعية ( البلوك الابيض فى الصورة ) دا ردى ميد .. مصنوع جاهز
وبتركب تركيب .. اما الطين المحسن آلياً دا معروف البلوك حجم كيف ومن بره
يتم المعالجات وبتحمل برضو طابقين باعمدة ودعامات حديدية وليست خرصانية
والتشطيب على كيفك .. والمبنى تتراوح صلاحيتة لاقدر الله اكثر من 50 عاماً
فى نقطة ممهمة اود الاشارة اليها
اذا افترضنا بأن الارضة فايرة وغير ثابته مثلما نجد فى اراضى كوبر والعزبة
وبعض المناطق فلابد من عمل ساس اسمنتى كقاعدة لتثبيت البناء الشبك او الطين
اما ان كانت حجرية وصلدة زى امدرمان فما يحتاج ..
التشطيب يا نزار عملية نسبيه متفاوتة ممكن تسكن عادى بدور ارضى وبيت بسيط
فى حدود 30 مليون للـ 2D او 10 مليون للطين الاخضر .. ولو الميزانية زايدة
ممكن تزيد مساحة البناء وعدد الغرف وتغير فى نوعية التشطيب
يعنى تعمل لمسات جمالية ليصل السعر الى 60 مليون (او اكثر ..
دا للناس البسطاء ..
اها ازيدك من الشعر بيت ..
مجمع اراك السكنى .. يقع شرق معرض الدايهاتسو بطريق مدنى
نهاية شارع الستين الذى يفصل بين االطائف/ الممورة غرباً والفردوس شرقاً
قام بأنشاء مجمع سكنى تماما كما تراه فى الخليج والسعودية
مجمع مغلق .. به مركز تجارى / اسواق / طرق .. يحتوى على نوعين من الفلل
تتكون من 3 طوابق .. تصميم رائع وخلاب تشطيب ولا فى الاحلام من المطبخ للبوتجاز للحديقة
لكل التمديدات وغرفة للمربية واخرى للسائق .. توجد به حراسات وطرق واشجار
تجى داخل وترقد فى الواطه .. يعنى جاهز من كله ..
المساحة للفيلا الصغيرة ( ارض البناء )الفيلا الصغيرة تحتوى فى الطابق الارضى
على مطبخ وهولين وحمامين وغرفتين ومخزن .. الخ - حاجات كدا كتيرة
والطابق العائلي فوق .. وجلسة كدا عائلية وحركات وطابق فيهو غرفتين ..
المهم داالصغيرة طبعا الكبيرة فيها حديقة مزروعة .. زوباقى التفاصيل
طبعا اخوك بتاع شوبار مشيت اتفرجت على الهواء وعملننا نوغيشيتنغ فى معرض الخرطوم
ومسالة الاقساط وكدا .. ما تسال عن السعر بجيك ..
المهم دا الاسمو الشهر الما عندنا لفيهو نفقة ..
شركة اوتاد تابعة لمجموعة النفيدى برضو عملت مجمع سكنى نموذجى
لسه ما لقينا وقت نمشى نشوف بعيونا
واساساً شوف العين ما كسر ليهو جدار ..
وهنا عملت ليك اسكانغ للبروشور بتاعهم ..
واتفرج وانزل تحت عشان تعرف سعر فيلل مجمع اراك السكنى




_______________________

السعر يا نزار 720 مليون للفيلا الصغيرة
ومليار ومتين مليون للكبيرة ..
1,200,000,000 ( يا ربي الرقم بتكتب كدا !!؟
سمحة المقدرة ..

..
.
الأخوة الافاضل ..
لكم الشكر جميعاً
ونتمنى ان يكون هذا الشرح المبسط والزيارات الميدانية
للشركات قد اوفت ما ينقصكم من معلومات ..
بعد دا اى واحد يورينا قطعة الارض ووين والميزانية واى من
نوعية البناء يفضل ..
والمساحة وعدد الغرف .. ووكيله الرسمي .. عشان نتكلم فى موضوع الكومشن
طبعا سوف نحاول التنسيق مرة اخرى لزيارة شركة الحجاز والكاردينال *
ودا الشهر ما عندكم فيهو نفقة - الا من اغناه الله -
ودا البكون بـ 300 مليون ..

الدكتورة بيان..
بما ورد ذكر الـ 300 مليون .. اود ان اخبركم ان قمت باختيار
البناء على طريقة 3D panel >> لطابقين وماستخدمت ما نفذته مهندسة
نجود من سيراميك وابواب وشبابيك المونيوم او خشب أو PVC مع زيادة
عدد الغرف ومساحة البناء فسيصل المبلغ الى 100 مليون ..
وكما ذكرنا ان المشروع الاخير كلف 87 مليون ( طابقين )

________________________________

هناك بعض الشركات واعتقد من ضمنها الحجاز تعمل على ان يرهن
العميل الارض - ان كانت فى موقع استثمارى - لملكية الشركة ويتم
الاتفاق على بناء عمارة سكنية من 4 طوابق مثلاً يمنح صاحب الحق شقة
ومحل تجارى او شقتين حسب الحوجة والعقد ويتم السداد على فترات تتراوح
من 10 - 20 سنة من ريع دخل بقية الشقق والمحلات المرهونة تلقائياً للشركة
صاحبة المشروع ..
هذا لم يورد فى تحقيق الاخت هويدا .. ولكننى سبق ان قمت بزيارة هذا الشركات
ووصلت لهذه المعلومة..
وبذا ان من يملك قطعة ارض فى الرياض/ الطائف / المعمورة / قاردن سيتى
الصافية والمغتربين / اركويت .. الافادة .. لاجراء اللازم ..
هنا الكومشن كمبرسلى .. مافى مجانى ..

تحياتى؛
وفى انتظار تساؤلات الاخوة .. الكادحين

بـوركتـم يا شـباب,

الثري دي بانيـل تقنية ممتازة

ومشهورة عالمياً,

ومرنة للتصاميـم,

مقدرون ما قمتم به (للصالح العام)

وتستاهلون ما يأتيكم في الصالح (الخاص)


تحياتي

أحمـد الشايقي

صلتني هذه الرسالة من احد ابناء مدني مهاجر بخصوص هذا الامر

ولما كنت لا املك المعلومة ارفع لكم الرسالة وهو متابعكم

_____________________________________________

السلام عليكم ورحمة الله وبركاته

تحياتي الخالصات

قرأت اليوم وبالصدفة موضوع عن بناء المباني قليلة التكلفة هنا في هذا الرابط

حــول ما أُثير عن المباني قليلة التكلفــة ...



ورغم أن صاحب البوست من الذين أحترم كتاباتهم وموضوعاتهم إلا أن هذا الموضوع تحديداً لم يقع عليه بصري.

هذا الموضوع شدني كثيراً .. ولأني أمني النفس بمنزل أنيق صادف هذا الموضوع هوى في نفسي.. إلا أنه لم ترد بالبوست أي إشارة من قريب أو بعيد لأي وسيلة اتصال بالشركة أو أي من مسئوليها

ففضلاً لا أمراً أن تستفسري لي عن أي بريد إليكتروني للمسئول عن المبيعات في هذه الشركة.. وبالعدم أرجو الاستفسار عن الآتي:-

· إمكانية تنفيذ البناء خارج العاصمة (مدني تحديداً).

· التكلفة التقديرية الأولية لمنزل مكون 4 غرف + صالون مع المنافع.

· الزمن اللازم للتسليم.

ومعذرة إن أقحمتك في مسائل شخصية

مع خالص مودتي

______________________________________________

وجزاكم الله الف خير عن كل السودانين المهمومين بالسكن

وانا برضو منهم

نشوف نلقي بيت بعشرة الف بس

..
.
شكراً للاخ الكريم صاحب الرسالة الالكترونية
ونود ان ننوه بأن هذا البوست امتداد لتحقيق اجرته الزميلة هويدا سرالختم
وعندما كثرت التساؤلات والاستفسارات تطوعنا لمعرفة الحقائق وتأكيدها
وسيجد التفصيل ( اللينكـ ) عن التحقيق فى التعليق الاول للاخ ناذر الخليفة فى هذا البوست

Quote: إلا أنه لم ترد بالبوست أي إشارة من قريب أو بعيد لأي وسيلة اتصال بالشركة أو أي من مسئوليها

تجددون ادناه هواتف الشركات التى تعرضت للموضوع وهنا نعنى مبدئيا بشركة تهاديل
وشركة اعما مهندس شطة ..

Quote: المهندس عادل أحمدحسن - مدير شركة تهاديل الهندسية موبايل 0912350529 المهندس محمد ابراهيم شطة ..تقنى البناء بألوح الثري دي بانل 0912236114 - شركة إعمار المحدودة المهندس محمد عطا المنان الصلحابي دائرة الاعمال المعدنية والمعمارية 0912369869 المهندس يوسف عمر محمد يوسف شركة الحجاز (التي تبني الأبراج ) هاتف المكتب بالخرطوم 227443-256753 وطبعا مفتاح الخرطوم 83 والأخير له هاتف السعودية ايضا 966559490594

فيما يتعلق بالبناء خارج العاصمة
والتكلفة المبدئية فانا على استعداد للاستفسار
ولكن لابد من تحديد النظام المقترح ..

Quote: لو سمحت يا ابو النيز ياخى جيب للناس دى الصور والفيديو التوضيحي للمبانى التى تم أنشائها عشان يشوفوا بعيونهم ويحكموا .. هم عايزين يشوفوا البيوت والبناء مش كبابي الشاى دى

تدينا واحد صورة لبيت 3 دي بانيل...اذا امكن...

انا كل ما اقول التوبة...يا عيني
ترميني الثري دي بانيل





سؤال شخصي لناذر

ياناذر بصراحة لو كنت المسئول؟

حا تبني 3 دي بانيل
والله طوب اخضر؟

والبتقولوا حا اتوكل واسويه...

الكاتل والحائي الله

من المعلوم أن تكلفة البناء (عموما) ما قبل التشطيب ليست هي المشكلة فيمكن السيطرة عليها بسهولة من خلال حصر الكمية اللازمة من الإسمنت والسيخ وربما الطوب وشراءها جميعا مجتمعة لمرة واحدة وبذا تزال هذه العقبة ، ولكن المشكلة الحقيقية في تكلفة التشطيب والتي من واقع خبرتي في هذا المجال لا يمكن بسهولة تقديرها أو السيطرة عليها لان صاحب المبنى سيكون لديه في كل مرحلة تصور مختلف وفكرة جديدة حسب ما عليه من حالة مادية ..

مثال بسيط :

كنت قبل فترة مشرفا مكلفا ومباشرا على إحدى مواقع البناء وضع لها مهندسها خرطة هندسية من ثلاث طوابق بمساحة كبيرة 470 مترا مربعا .. ولكن كان صاحب المنزل قبل ذلك وعلى مدى عام كامل يشتري في الإسمنت والسيخ مختلف الأحجام ويخزنها في مخزن تابع له بعد أن اخبره المهندس بعدد وكمية السيخ والإسمنت المطلوبة ، وبعد ان أكمل صاحب المنزل الكمية بدأت بمباشرة المبنى ولم يكن مطلوبا منه سوى توفير الرمل والحصى للأعمال الخرسانية وبهذه الطريقة إرتفع المبنى حتى ثلاث طوابق في فترة قصيرة وبعد ذلك تبقى توفير الطوب للتقفيل وتوزيع الحجرات حتى تم التقفيل ..

ولكن ظهرت المشاكل الحقيقية في التشطيب من بوهيات وبلاط وسراميك ومواد كهرباء ومياه وغيره .. إذ ان السوق ملئ بجميع الانواع والأصناف من مختلف بلدان العالم إضافة للمحلي منه .. فكان صاحب المنزل يخنار أفخر الأصناف واغلاها ثمنا وأختار أن تكون جميع أبواب ونوافذ مبناه من الألمونيوم والفايبر قلاس وإختار عوضا عن البلاط او السيراميك المحلي أخرا مستوردا من أسبانيا وإستمر إستنزاف المال المرصود حتى أن تكلفة تشطيب المنزل فاقت تكلفة بناء الهيكل بمراحل عديدة وفلتت من صاحب المبنى الميزانية المتوقعة لدرجة عجزه عن إكمال المبنى حتى الآن !!

مثال مغاير تماماً :

صاحب قطعة أرض أشرفت علي بنائها من ألفها إلى يائها ، تقع في منطقة تجارية وتعج بالحركة .. إختار صاحبها بنائها من ثلاث طوابق على مساحة 250 متر وبعد أن بدات الأعمال الخرصانية للطابق الأرضي والأول ، لم يرد صاحب المبني أن يخسر فيه كثيرا من الاموال لانه سيستغله تجاريا ، فكان أن أختار الابواب والشبابيك من الحديد والمواسير المشغولة محليا أما الدهانات والبوهيات فان معظم الشركات في السودان لديها منتج تطلق عليه إسم (إقتصادي) سعره يقل كثيرا عن المنتج الأساسي ، وبالنسبة للأرضية والشقق إيتعد المالك عن السيراميك والبورسلين الفاخر فأختار بلاطاً يصنع محليا من الإسمنت والرمل ويطعم بـ سكراب السيراميك وهذا نوع رخيص جدا لا قيمة له تذكر ولكنه إستخدمه في عمارته ومن ثم فرش عليها مشمعا بلاستيكيا على شكل بلاط فاخر وملون .. وكذا الحال بالنسبة لجميع المعدات الكهربائية التي إستخدمها .. ثم قام بتأجير كامل المبنى كشقق مفروشة ومكاتب تجارية بأسعار مرتفعة نوعا ما دفعها ألمستأجرين وهم راضين تماما عندما رأوا أن المبنى جديد ونظيف وجميل ومرتب ..

وعندما جئت للحسابات هالني أن جميع تكلفة تشطيب المبنى لم تتجاوز ربع التكلفة الكلية بما فيها من عمالة وغيره وغيره ..

وبحسابات بسيطة وجدت ان صاحب هذا المبنى سيسترجع ما دفعه في مبناه في غضون عام وتصف فقط لا غير من عوائد الإيجارات والحقيقة أنه إسترجع حوالي نصفها من مقدم الإيجارات !!

ما أريد أن أصل إليه بهذه المعلومات سأذكره بعد قليل ..

نزار حسين ..

Quote: ياناذر بصراحة لو كنت المسئول؟ حا تبني 3 دي بانيل والله طوب اخضر؟

قبل ما أجاوبك دابر أذكرك إنو معظم مباني الخرطوم القديمة والصامدة حتى الان مبنية من الطين والرمل وربما بعض الجير وصامدة في وجه الزمن والامطار والزلازل والكتاتيح !! إذا قوة ومتانة الطين شي مفروغ منه ، ولكن ربما ان بعضا من البشر يرفضون البناء بالطين لأنه ليس ذو مظهر إجتماعي (أو هكذا يظنون) رغم ألا فرق من الداخل بينه وبين المنازل الخرصانية ..

أخبرني المهندس عادل أنهم نفذوا منزلا بالطين المعدل لاحد الأشخاص والذي إختار أن يتم تغطية الشكل الخارجي وتغليفه بسدابة من الطوب الملون الجميل الشكل وبهذا لن يستطع اي إنسان التعرف او التفريق بكينونة المواد التي بنى بها المنزل .. مع ملاحظة أن تكلفة تغليف المنزل بطوب السدابة قد ترفع التكلفة ولكنه قد يعطي تكلفة إضافية قد تكون غير محتملة لصاحب المنزل ..

أما تقنية ثري دي بانيل .. فبعد أن إستمعت لمزاياها من المهندس شطة فقد وجدت أنها تقنية ذكية ومجربة في عدة دول من العالم ولكن السودانيون لا يحبون المجازفة بأشياء لم يعتادوها ..

ليييه نمشي بعيد !! إتذكرت حاجة مهمة ..
دقيقة النخش القوقل وأجيك صاد ..

هاكم أقرو البوست دا لكاتبه بكري ابو بكر ظاااااااطو عن المنازل الطينية في أريزونا بامريكا ..
البوست مهم جدا جدا ما تتجاهلوهو ..

..
.
والله يا ناذر بوست بكرى دا فات علينا
ياخى دا ابداع .. خصوصاً الصورة الاولى
دا ذكرني يا ناذر فى محطة جوبا وانت داخل شرق على اركويت
هناك فى بيت يعتبر معلم بارز للوصف يسمى ( البيت النوبي )
الزول النوبي دا عامل تصميم زى الصورة الاولى ومن طابقين حتى المدخل الرئيسي
من الطين والتراث النوبي .. وتشجير طلع قمة فى الروعة ..

انا غايتو بقيت زول طين ساااى

__________________________

بالمناسبة ناس الحجاز والكاردينال متين ..
الكلام دخل الحوش ..

تبلدينا ..

Quote: بالمناسبة ناس الحجاز والكاردينال متين ..

لمن نستلم شهادات القيد الصحفي بإذن الله !!!!

ياناذر ومعتز وتبلدينا

والله نحن عاجزين عن الشكر والجهد القمتوا بيه دا جهد كبير ومحصلته ستكون كبيره لكل من يريد ضل يدخل تحته هو واولاده

وبالله ياخوانا دا ممكن يحصل وين ؟غير فى السودان وغير من سودانيين ناس يقوموا ويتلتلوا ويمشوا يحققوا فى موضوع قد لايكون عندهم مصلحه شخصيه فيه وبلا مقابل ولكن من اجل اخوانهم الذين قد لايكونوا التقوا بهم الا عبر الحروف

ونحن شعب نادر يااخوانا وشعب رائع

طيب النوصل سودانيتنا حدها ونعتذر اعتذار حار لاختنا التى قامت بالجهد الاكبر فى هذا الموضوع والتى هى الاساس الاستاذه هويدا والتى اصابها من الرشاش والاتهاما الكثير وهى بريئه براءة الذئب من دم ابن يعقوب وبرضه للشركات التى تم اتهامها بدون انتظار حتى ردها او امهالها فى بداية البوست


ولك جميعا والتحيه لكل المتداخلين

والسنه الجايه كل واحد فى بيته ابو مية مليون وطابقين كمان


السنجك

نزار ....

Quote: سؤال شخصي لناذر ياناذر بصراحة لو كنت المسئول؟ حا تبني 3 دي بانيل

غايتو أعمل زي ما انا حا اعمل ..

لو عندك قطعة ارض وما بنيتاوجيرانك بنو (أبو آدم مثلا) وواطاتك قاعدة فيها ست عرقي في راكوبة(لا مؤاخذة يعني) وناس الحلة يسبو لي سيد الأرض يوماتي وهو لا إيدو لا كراعو في الموضوع ، وأرضك دي إنت ما محتاج ليها هسي .. شوف الفي جيبك كم وتعال ابنيها وشطبا حسب التكلفة وأجرا لي أي جهة وإنت ما خسران حاجة طالما قروشك حا ترجع ليك في خلال سنة او سنة ونص !!

شوفو جمال البيت دا ..

شكراً للأخوان تبلدينا ومعتز تروتسكي وناذر للمجهود المقدر

عمل جماعي رائع كروعة القائمين عليه وبوست مفيد جداً

المبنى التحت دا برضو مبني بالطين
بمدينة ريسه
بس طين ألماني




ح أنزل المقطع الأفقي ومقاطع راسية بالإضافة لمقطع راسي عند الحائط
تحياتي كمال

الاخوه الاعزاء

تبلدينا - معتز - نازر

لكم الشكر والتحية على تكلفكم واستقطاع وقتكم لخير
الاخ الفاضل ناذر ده شى جميل منكم بس فى النهايه ما ننسه الاخت هويده صاحبة الفكره افتكر هى زعلانه انابفتكر انو نفتح بوست نعتزر ليها ونشكرها على الشى ده وله رايك شنو ياود الخليفه

Quote: غايتو أعمل زي ما انا حا اعمل .. لو عندك قطعة ارض وما بنيتاوجيرانك بنو (أبو آدم مثلا) وواطاتك قاعدة فيها ست عرقي في راكوبة(لا مؤاخذة يعني) وناس الحلة يسبو لي سيد الأرض يوماتي وهو لا إيدو لا كراعو في الموضوع ، وأرضك دي إنت ما محتاج ليها هسي .. شوف الفي جيبك كم وتعال ابنيها وشطبا حسب التكلفة وأجرا لي أي جهة وإنت ما خسران حاجة طالما قروشك حا ترجع ليك في خلال سنة او سنة ونص !!

عندي يا ناذر..

وجيراني بنو..كلهم من الجهات التلاتة ... فلل واسمنت باقيه تلاتة سنة
قاعد في اطراف الارض ...ولأني متأكد ما بقدر ابني حيطة زي حيطهم دي..
حسادة ساكت هم منم ما سألتهم... كل اجازة بركب رقشة واجي أعقر الارض وأقعد
في ضل حيطة من حيط الفلل دي...وأتونس مع غفير الجيران واشيل لي حصايتين
من الحصي المرمي في الارض....وأركب الرقشة وأرجع..(الناس دي بتلقي القروش دي وين؟)

ما فيها ست عرقي...فيها عشرتين ليهم تلاتة سنة ما كبرو...ومرات بلاقي فيهن اكياس
متضايرة من الهواء.

اها قول شفت الفي جيبي...ابني بي ياتو طريقة...طريقة بلوكات الطين والله الحديد
ابو شبك؟ وباقي ليك في زول يشوف الفلل الجنبي دي ويجي يأجر مني أنا؟

أها يعني انت رأيك ابنيها بي اي طريقة عشان اخلص حق البناء مش؟

وبعد الكلام القلتو ليك دا؟ هل حا يكون رأيك هو هو؟

بالمناسبة الارض آخر الصحافة...والعايز يشتري يفكني من الحرج دا
حياه الله...

... كل اجازة بركب رقشة واجي أعقر الارض وأقعد
في ضل حيطة من حيط الفلل دي...وأتونس مع غفير الجيران واشيل لي حصايتين
من الحصي المرمي في الارض....وأركب الرقشة وأرجع..(الناس دي بتلقي القروش دي وين؟)






مادام بتشيل الحصى مافى عوجه الكلام ماتقوم تفلع



السنجك

الأعزاء : تبلدينا
ناذر خليفة
د. معتز تروتسكي

لكم أطيب تحية ,,,
--------------------------------------------------------------------

أولا بشيد بجهدكم المقدر في( بوست) الأحلام ده
باعتبار بناء البيت هاجس حقيقي ومؤرق في ظل أرقام فلكية للمواد والمصنعيات فبقي حلم بعيد المنال
للموظفين محدودي الدخل أمثالي ....
وقبل مده كنت بناقش في استشاري سوداني هنا بجدة
عن بيوت جاهزة الصنع صينية بتكلفة 3000 دولار للوحدة .
مكونه غرفتين + هول + حمام + مطبخ مصنعه خشب و الفايبرجلاس
مخططاته جميلة وفيها استفادة ذكية من المساحات بأسقف مائلة هي الأنسب لتصريف جيد لمياه المطر .

طبعا من غير معرفة عن كلفه جماركه بالسودان ده غير المخاطر التانية تعارضه مع مزاج السكن العام بالسودان
وممكن خلال كم سنه تتآكل بفعل النمل الأبيض غير تأثر الأخشاب بالماء .

فشكراً لكم جعلتم ذاك الحلم يصحو مجدداً
بوستكم جعله أقرب مما تصورت ,,,
_ تسجيل حضور ومتابعه بكل اهتمام _

****
لفت نظري في تقريركم الرائع في مقدمة البوست استخدام ال U-pvc كأحد مواد صناعة الأبواب والنوافذ بجانب الخشب والألمونيوم وبما إن عملي في إدارة مبيعات لمصنع يتخصص في أنتاج الأبواب والنوافذ والقواطع من تلك المادة وبمواصفات قياسية ويأتي في المرتبة الثانية على مستوى المملكة العربية السعودية من حيث خط الإنتاج لل U-pvc أريد تقديم تعريف مختصر عن هذا المنتج كأحد مواد تشطيب البناء التي بداء يجد سوق نشط ويعتبر ألان الموجه الأحدث في ذلك المجال حيث يستخدم بكثافة في المملكة و دول الخليج

U-pvc : كلوريد الفينيل الذي يسحب تحت الحرارة
كان استخدامه المتعارف عليه في مواسير التمديدات المياه والصرف الصحي الداخلية للمباني .

يتميز منتج ال U – P.V.C. بالمواصفات الآتية :
 زجاج مزدوج .
 تدعيم بحديد مجلفن 1.2 ملم .
 الربــر عازل وقابل للحــام Insulated casket & weld able .
 سلك من مادة الفيبر جلاس Fly screen (Fiberglass) .
 Profile consist from triple mix compound U-P.V.C (مؤلف من ثلاثة مركبات) .
 نسبــة تيتانيوم ديكسايد ( Tido2 ( 9 % مما يعطي الــ P.V.C. صلابة وثبات اللون .
 مقاوم للإشعاع فوق بنفسجي Ultraviolet .
 مقاوم للأملاح والرطوبة
 عند درجة حرارة 80 مئوية ونسبــة رطوبة 95 % لا يلتصـق الرمــل بسطـــح بروفايــــــــل
الــ U – P.V.C. مطلقاً .
 قدرة تحمل سطح مادة ال U – P.V.C. حتى درجة حرارة 80 مئوية .
 ثني البروفايل ال P.V.C. في درجة حرارة 135 درجة مئوية .
 عازل للصوت بدرجة (DB = 30) بما يعطي حماية جيدة ضد الضوضاء والإزعاج بتوفير جو هاديء .
 عازل للحرارة بدرجة (1.3 BTU / h) .
 مانــع لتســــرب المــاء .
 عازل للغبـــــــــار .
 مانــع لتسـرب الهــواء .
 مضاد للنمل الأبيض والحشرات .
 غير موصل للكهرباء .
 مقاوم للرطوبة العالية .
 غير قابل للاشتعال .
 غير قابل للتصدع .
 مقاوم للتآكل والصدأ والكشط والاحتكاكات .
 لا يتأثر بالأحماض ولا القلويات .
 لا يتشقق في جميع الأحوال المناخية المختلفة .
 وحدة متكاملــة ملحمة من الزوايــا .
 قفل ثنائــي وثلاثــــي .
 سماكة البروفايل 2.5 ملم .
 اليــد عاديــة (كلاسيكيــة) .
 حلية زجاجية محدبة (Decorative) بزاوية 45 درجة (Glazing Bead) .
 عاكس لأشعة الشمس فيظل سطح ال P.V.C. بارد حتى بعد تعريضه لأشعة الشمس فترة طويلة .
 متوفر حلية خارجية لتغطي عيـــوب اللياسـة وتعطي جمالية .





لذلك يعتبر من أنسب مواد تصنيع الأبواب والنوافذ في السودان بخصائص طقسه المتباينة .

خارج النص :

التحية للصديق د. معتز ولولا البوست ده فاكرك لسه في الصين ...
وكنت عوز أتصل بيك في تلفونك بالصين ....
لك ولهم جميعاً خالص الود والتحية,,,

الاخ عبد المحسن ...

Quote: ما ننسه الاخت هويده صاحبة الفكره افتكر هى زعلانه انابفتكر انو نفتح بوست نعتزر ليها ونشكرها على الشى ده وله رايك شنو ياود الخليفه

قمت بالذهاب للأخت هويدا ووجدتها غاضبة جدا بالفعل وقد إعتذرت لها عما حدث ورجوتها أن تسحب إستقالتها وتعود للمنبر .. ويبدو أنها لا توال غاضبة ..

وللأمانة فإن ما ذكرته الأخت هويدا في تقريرها لا يختلف عما جئنا به ولعل الحساسية حدثت بسبب عنوان رئيسي في التحقيق ولم يظهر في المتن وهو كما وضحه الأخ عادل فضل المولي :

Quote: لكن رغم ذلك فإن الخطاء الوحيد(الهفوة) المثبت فيه ورود عبارة .. Quote: وبيوت من طابقين في حدود لا تتجاوز المائة مليون كثيرا .. في المقدمة دون ان ترد تفاصيلها في متن الحلقات ، وهي في النهاية ليست مغزى التحقيق لأن التحقيق يستهدف اصلاً مشكلة السكن بالنسبة للشرائح محدودة الدخل..والجهود التي تقابلها في القطاعين الرسمي والشعبي ، بإعتبار ان حق السكن من الحقوق الاصلية للإنسان بجانب استحفال القضية في هذا الوقت ..

للأخت هويدا العتبى حتى ترضى ..

نزار حسين ..

Quote: أها يعني انت رأيك ابنيها بي اي طريقة عشان اخلص حق البناء مش؟ وبعد الكلام القلتو ليك دا؟ هل حا يكون رأيك هو هو؟

أيوة أبنيها بي أي طريقة حسب الفي جيبك وما تشتغل بي جيرانك العندهم فلل ، لو منظر البيت الحا تبنيهو ما عاجبم خليهم يدفعو ليك القروش البتبني ليهم الحاجة الدايرنها وإنت برضو ما خسران ..

صنفرة :

أبني بي أي ستايل من المذكورين في التحقيق حسب قروشك وما حا تندم ، ولمن تجي على التشطيب أخوك ما بيقصر !!..

Quote: ولمن تجي على التشطيب أخوك ما بيقصر !!..

والله الكلمة ختيتا...عفيت منك تب....

الأخوة الأفاضل مجهود مقدر وجزاكم الله خيرا ومزيد من المعلومات حول هذا الأمر

ابو ختم

1الاخوة الكراملكم التحية على جهدكم المقدر
وفى بالى سوال


مبنى قائم اصلا (اسمنت وطوب وغيرة)قابل لبناء طابق اخر فى مساحة حوالى 200م هل يمكن البناء بهذه المواصفات فوقه باى نوع منهم

الاخوة الاعزاء ..

قمت بالامس بزيارة لمنزل المهندسة نجود والتي إستخدمت نظام 3 دي باني في بناء منزلها ..
صراحة هالني ما رأيت وأصابني الذهول وانا أرى العمال يقومون بوضع اللمسات النهائية للتشطيبات في المنزل والديكور الفاخر وما شابه ..

ولقد إلتقطت عدة صور لكامل الهيكل وسأضعها هنا تباعا مع الشرح ..

Quote: ولقد إلتقطت عدة صور لكامل الهيكل وسأضعها هنا تباعا مع الشرح ..

انا بقيت علي رأيك دا يا ناذر ومنتظر صورة هيكل بيت المهندسة نجود.....

والله يا نزار حيرتني !!

قدر ما حاولت أزوغ منك في موضوع احسن بيوت الطين ولا الثري دي بانيل تلف وتجي تاني تزنقني فيها .. إنت ما عارف معنى الزول تكون إجابتو دبلوماسية

هسي أقوم أقول ليك احسن منازل الطين تقوم تجي الدكتورة تقول الجماعة دفعوا لي قروش


دا كلام شنو دا هسي التحت دا :

Quote: انا بقيت علي رأيك دا يا ناذر ومنتظر صورة هيكل بيت المهندسة نجود.....

انا هسي قلت حاجو ولا بقيت هلي راي !!

إنت ما وروك إنو الصحفي يفترض يكون عندو نوع من الحياد والمهنية ولا شنو !
ما تقول لي الصحفي وينو !! مش شايل كمرتي وقلمي وبعمل في تحقيقات وإنتو بتقروها وبكون لي راي عام !! مش دي شغلة الصحفي ولا انا غلطان

بس الفرق انا برعى بدون (قيد) وجريدتي ياها المنبر دا ..يعني صحفي أوتومسفيري وكدة

Quote: إنت ما عارف معنى الزول تكون إجابتو دبلوماسية

طيب انت جيب لينا الصور وانا حا اقرر براي...

انا عارف طبع ناسنا...البنشرب معاه شاي ساكت
ان سعلونا منو كان هو زي الطين بنقول عليه والله ما بطال..

دحين ماني مضايقك واترك لي المفاضلة...

بيوت الطين شفناهن...الباقي لينا بيت المهندسة...
وأرجو ان تستأذنها في ذلك...اذا رفضت العوض علي الله..

أوكي نزار ..

Quote: طيب انت جيب لينا الصور وانا حا اقرر براي...

أنا الليلة فاضي وهسي حا أبدأ أنزل في الصور ..

أصبر لي شوية أعمل ليهم معالجة وبعد داك قرر ..

طيب يا نزار ...

أولاً في التبادي دا منظر البيت من برة :



زي ما شايف العمال شغالين والمواد متناثرة وكدة !!

كويس معاك !!

لاحظ معاي الباب المصنوع من الحديد ومطعم بي الواح إسمها (لقزان) :



ودي في منها ألوان كتيرة وهي شبه زجاجية وقابلة للتطويع ..

العزيز ناذر تورسكي تبلدينا ...


شكرا على المجهود الرائع ..


بس عليكم الله ما اتقتولينا مع الجماعة ديل على تخفيض لحاملي عضوية المنبر بعد الترويج الجميل ده ..؟؟؟

دا جزء من الحيطة من برة :



لاحظ معاي إرتفاع البيت من برة .. ما تقول ديك ألواح خرصانة أو أعمدة خرصانية ..
دا كلو مبني من الألواح الشبكية بتاعت الثري دي بانيل دي !!

دا مدخل الشقة البيت من جوة :



طبعا الفي السقف الفوق دي مارسيليا .. الأمين صديق قال لي بيسموهافي دول الخليج برميد ودي عبارة عن ألواح فخارية لزوم التجميل والمنظر ..

شوف جمال المدخل والمنظر هنا :



الشراعة النصف دائرية الفوق دي ما تغشكم وتقولو دي صبة خرصانية ..

أبدا .. دي ألواح الـ لقزان نفسها المصنوع منها باب الشارع القلت ليكم عليو فوق ..

بس الشغالين فيها قطعوها و دوروها فوق ألشبكة السيخية المصنوع منها باقي المنزل وأدتنا المنظر دا !!

يا شباب ........

الصورة دي أنا قصدتها عشان تشوفو الثقل بتاع الحيطة .. لانو المكيف ال إسبيلت المركب فيها دا تقيل وما هين والله ..



طبعا الشباك مصنوع من الألمونيوم ومطعم بالحديد لزوم المنظر الجميل دا !!

دا مدخل الشقة قبل ما نخش لي جوة :



الخريطة بتاعت المبيت دا مصمم ليها بابين .. واحد لي الصالون والتاني لي باقي البيت ..

دا جزء من البيت جوة :



الباشوات الشايفنهم ديل هم عمال السيراميك الجميل الفي الخلفية دا !!

دا الصالون الرئيس بتاع البيت :



تاني بحب أذكر إنو الديكور الشايفنو دا ومجمل البيت ما فيهو ولا طوباية او سيخاية واحدة غير الشبكة المحشوة فلين الأولى ديك ..

دا طبعا المطبخ ولسع ما إتركب لكن براكم شايفين الفخامة في التشطيب ..



بيظهر برضو نهاية شباك الالمونيوم الفاخر ..

الصور الجاية دي مناظر من داخل البيت ..

زي ما قال تبلدينا في الأول :

البيت دا تكلفتو كان من المفروض تكون تلتين مليون بس .. تشطيب عادي .. بس صاحبتو رفعت المواصفات وإختارت مواد مكلفة شوية زي الالمونيوم والسيراميك واللقزان والجبض المستعار في السقف لحدي ما التكلفة وصلت خمسين مليون في مساحة 100 متر مربع !!

بي كدة نكون إنتهينا من موضوع الثري دي بانيل بالصور ..
فضل لينا تصوير بيوت الطين المحسن البتكلف عشرة مليون للبيت ..
ننسق مع تبلدينا ونروتسكي ونجيكم تاني ..


ناذر / تبلدينا / تروتو

الديم شارع خميسة محطة المعلم ويليام
قدام شارع البتاعات ..
تلفزيون S.O.N .. الخرطوم ..

Quote: بي كدة نكون إنتهينا من موضوع الثري دي بانيل بالصور .. فضل لينا تصوير بيوت الطين المحسن البتكلف عشرة مليون للبيت .. ننسق مع تبلدينا ونروتسكي ونجيكم تاني ..

ناذر/تبلدينا/تروتسكي ..
اللسان يعجز عن شكركم ...
صدقوني دي خدمة جليلة و عظيمة
وفيها نكران ذات شديد اللهجة ..
ربنا يحفظكم و أنتم تثبتوا لنا
أن السودان لا يزال بخير ...

كنت عايز يا ناذر أعرف تكلفة (الطرطشة)
المعمولة في سور بيت المهندسة من
الخارج (لونها أبيض) ، و أيضا على جدران
البيت الخارجية من الداخل .. وهي مصنوعة
من شنو ؟؟ و ما إذا كان لونها الأبيض قد
يجذب الغبار و (الوسخ) و من ثم يتغير
اللون إلى شكل و منظر غير مقبولين ؟؟؟

وبعدين يا ناذر عايز رقم تلفونك الموبايل
لو سمحت ... مشكوريييييين ...

قرض ..

Quote: كنت عايز يا ناذر أعرف تكلفة (الطرطشة) المعمولة في سور بيت المهندسة من الخارج (لونها أبيض) ، و أيضا على جدران البيت الخارجية من الداخل .. وهي مصنوعة من شنو ؟؟ و ما إذا كان لونها الأبيض قد يجذب الغبار و (الوسخ) و من ثم يتغير اللون إلى شكل و منظر غير مقبولين ؟؟؟

إنت خلاص بنيت وشطبت وقفلت وبقيت على سور البيت الخارجي ولا شنو ؟!!

ما أخدت بالي في الدهان الخارجي للبيت وهل هو طرطشة ولا بوماستك ... لكن بكا تاكيد اي نوع من الدهان لونو ابيض في المنازل بيجلب الوسخ والغبار ..

راجع الماسنجر ..

الاخ ناذر و تبلدينا و الاخت هويده سرالختم لكم الشكر الجزيل واللسان يعجز عن شكركم بس يا ناذر خليك فاكر المواقع ده كويس عشان أخوك يديها طله معاك وكده ويعني أفهم من كده انو بيت الدكتوره بيان ابو 200 متر تكلفتو فى حدود ال100 مليون وكده والله قايتو ما قصرتو مرقتو العندكم كلو وكده بس انشاالله الدكتوره تتطلع الRinggit بتاعه وكده

عبد المحسن ..

لمن تجي إنشاء الله حا اوريك كمية من المواقع الجاهزة الحا اعملا وأبدا فيها اليومين الجايات ديل ..

البزنس ما بنتظر

الأخوان / ناذر / تبلدينا / معتز
سلام واحترام ،،،،
حقيقه عاجزين عن شكركم واهتمامك وتوضيحكم المدعوم بالصور الجميلة
لكم الشكر والتقدير والشكر لاختنا هويدا ونرجو منها ان تقبل اعتذارنا
عملكم جميل ومجهودكم مقدر مع تمنياتي لكم بالتوفيق
تقبلوا تحياتي ،،،،
أبو كريم

Quote: إنت خلاص بنيت وشطبت وقفلت وبقيت على سور البيت الخارجي ولا شنو ؟!!

ناذر ..
أنا من الممقلبين ..
بنيت في زمن (التخلف) ، وهو الزمن
الذي لم تظهر فيه الأفكار النيرة
و تصبح واقعا ملموسا كما هو الآن ..
لذلك أحاول إنقاذ ما يمكن إنقاذه
و عاشت الإنقاذ التي أكلت قروشنا
و غلت علينا نكلفة البناء !!

مشكور على التلفون يا ملك ..
تسلم ..

..
.
كدا يا ناذر الناس دى ارتاحت واطمأنت
وشافت 3D panel فضل صور الاصل ( الطين )

آها ما تقول لي نمشى الصالحة نصور !!؟

_______________________

معتز دا بهضرب بالليل مالو !!؟
الفالنتاين قام بيهو ولا شنو ؟؟؟

الأفاضل ناذر وتبلدينا ومعتز لكم معزتي وكل غنمي!

يا شباب دخول الحمام مش زي خروجو! بعد ما تكملو بيوت الطين وتصوروها لا تنسوا تخطفوا رجلكم لمجمع نبته عشان تجيبو لينا خبر فلل الحجر البنتها الكاردينال..
اعتقد انو أخونا الجاينيز (الشينوي باللهجةالمغربية) معتز حيبدا يشيل متر بدل ما يشيل سماعة!!!

ياناذر...

ان شاء الله يوم شكرك ما يجي...

..
.

Quote: ياناذر... ان شاء الله يوم شكرك ما يجي...

آها دى حركات السماسرة الما بتنفع
شكلكم كدا الكومشن بتاع ى العندك يا نزار
عايز تنقصو !!

النص بالنص ..
وتشوف البتابع ليك اكتر منو !!
ناذر بعد دا التلفونات ..كونفرنس .. وتسجيل عديل

ينصر دينكم يا شباب



ويا ناذر وتبلدينا وتورتسكى

سمؤال قال ::
بيت الفليين ده دقسة كبيرة ؟؟؟؟

رايكم شنو ...


ومازالنا ننتظر باقى الاقترحات ..

تبلدينا ..

Quote: معتز دا بهضرب بالليل مالو !!؟ الفالنتاين قام بيهو ولا شنو ؟؟؟

هضربة الليل ما مشكلة .. لكن نعمل ليو شنو مع هضربة الساعة ستة صباحاً

..
.

Quote: هضربة الليل ما مشكلة .. لكن نعمل ليو شنو مع هضربة الساعة ستة صباحاً

برضو هضرب ليك مع صياح الديك
اها انا والله تهضرب بالليل ولا تصحنى 6 صباحاً
التقول رايحه ليهو شريحة موبيتل :

__________________________

الله يستر من هضربة الليلة؛

..
.

ناذر لو سمحت ممكن تشرح الجزئية دى !!
بتاعت مواد التشطيب او البناء بالطريقة دى ..

أعود؛

تبلدينا ..

Quote: ناذر لو سمحت ممكن تشرح الجزئية دى !! بتاعت مواد التشطيب او البناء بالطريقة دى ..

الجزئية دي والله ما ادونا ليها !!

..
.

Quote: الجزئية دي والله ما ادونا ليها !

looooooooool@U
ياخى ادونا ليها ..
ومنتظرة وزارة الإستثمار والمواصفات والمقاييس
بس انت ما مركز ..
والظاهر انا زاتى ما ركزت فيها..
مع شفقتكم .. فاكر اخر سؤال ؟؟

اضرب تلفون للمهندس عادل ؛

تحياتى أخى ناذر لك وللإخوة والأخوات المتداخلين.
تجول الأسئلة بخاطرى ,منها:ـ
مقاومة الحوائط للحريق وذلك فى مبنى استخدم فيه نسبة عالية من مادة الفلين؟.
وماهى مدى خطورة التمديدات الكهربائية خلالها؟سخانة الأسلاك الكهربائية وتأثيرها .
هل تم إجازة استخدام المادة للمبانى السكنية بهذه النسبة العالية هل تمت إجازتها من هيئة المواصفات والمقاييس؟
هل تم حساب الأحمال الواقعة على (الحوائط الحاملة)علميا.
أم المبنى أهو دا وقف والسلام؟
آخذين فى الإعتبار الحمولة الزائدة من التركيبات الديكورية بالسقف(مادة الجبص مثالا)
معروف أن نقطة الضعف فى المبانى عند الفتحات(الأبواب والشبابيك)
كيف تم تلافى هذا الضعف؟
آخذيت فى الإعتبار حركة الأبواب المستمرة(فتح -قفل)
وكيف تم تثبيت الأبواب بحوائط معظم مقطعها يتكون من مادة الفلين؟
هل تم التدعيم بأكتاف من مادة بنائية أخرى؟(الخرسانة المسلحة مثالاً)
هل تم إجازة إستخدامها للحوائط الداخلية والخارجية,أم هى حوائط فصل داخلى فقط؟
كيف تم التثبيت عند الأرضية؟وهل أخذ فى الإعتبار حركة الأرض,فوران الأرضيات)وماينتج عنها من تشققات تؤدى إلى فصل تثبيت الألواح بالأرضيات؟
كيف تم تثبيت السقف عليها؟وهل أخذ فى الإعتبار حركة السقف مع الرياح وماتؤدى إلى تشققات عند نقطة إلتقاء السقف بالحوائط؟
هذه التشققات قد تؤدى إلى فصل كامل للسقف عن الحوائط,لأن كامل السماكة تكون 3سم للداخل و3 سم للخارج بالإضافة للفلين,والذى هو فى الأصل مفصول عن اللياسة خارجة ,اللهم إلا تخلخل الأسلاك له, و مادة الفلين,وهى لاتقبل التماسك مع مادة إنشائية أخرى,إلا بالغراء كمادة لاصقة,علما بأن الفلين ليست مادة إنشائية للتحميل
ماهى مادة السقف المستخدمة؟
هل تم استخدام عوارض تدعيم مابين كل لوح فلينى ؟
أم تم تحميل كامل السقف على اللياسة الأسمنتية بسماكة أقصاها 3 سم بينها مادة الفلين(وهى مادة غير حاملة)؟
هل ذلك يعنى أن كامل السقف حمل على اللياسة الأسمنتية؟
يذوب الفلين الأبيض عندما يتعرض لمادة البنزين,ماهى التقنية المستخدمة لعدم تعرض الحوائط لهذه المواد عند إلتقائها بالأرضيات؟وهل اللياسة كافية؟3 سم كحد أقصى!
ماهى التقنية المستخدمة لتثبيت المكيفات -فى الحوائط الخارجية-وهى(المكيفات) ذات إهتزاز دائم,هل يتطاير معها البياض (اللياسة الأسمنتية)3 سم من بعدها يأتى سطح الفلين؟هل تم استخدام بلكات أسمنتية لتقوية الحوائط الخارجية التى تركب عليها المكيفات؟

عشمى أن يتطوع أحد المهندسين الإنشائيين(مدنى) ويقوم بالدراسة اللازمة.-أو إحدى المكاتب الهندسية-
ويرسل بتوصياته لهيئة المواصفات والمقاييس.
حتى لاتكون المبانى حلقة من حلقات الإكروبات.
...........................................................................................
محمد السيد [email protected]

سلام يا باش مهندس ..

Quote: تجول الأسئلة بخاطرى ,منها:ـ مقاومة الحوائط للحريق وذلك فى مبنى استخدم فيه نسبة عالية من مادة الفلين؟. وماهى مدى خطورة التمديدات الكهربائية خلالها؟سخانة الأسلاك الكهربائية وتأثيرها . هل تم إجازة استخدام المادة للمبانى السكنية بهذه النسبة العالية هل تمت إجازتها من هيئة المواصفات والمقاييس؟ هل تم حساب الأحمال الواقعة على (الحوائط الحاملة)علميا. أم المبنى أهو دا وقف والسلام؟ آخذين فى الإعتبار الحمولة الزائدة من التركيبات الديكورية بالسقف(مادة الجبص مثالا) معروف أن نقطة الضعف فى المبانى عند الفتحات(الأبواب والشبابيك) كيف تم تلافى هذا الضعف؟ آخذيت فى الإعتبار حركة الأبواب المستمرة(فتح -قفل) وكيف تم تثبيت الأبواب بحوائط معظم مقطعها يتكون من مادة الفلين؟ هل تم التدعيم بأكتاف من مادة بنائية أخرى؟(الخرسانة المسلحة مثالاً) هل تم إجازة إستخدامها للحوائط الداخلية والخارجية,أم هى حوائط فصل داخلى فقط؟ كيف تم التثبيت عند الأرضية؟وهل أخذ فى الإعتبار حركة الأرض,فوران الأرضيات)وماينتج عنها من تشققات تؤدى إلى فصل تثبيت الألواح بالأرضيات؟ كيف تم تثبيت السقف عليها؟وهل أخذ فى الإعتبار حركة السقف مع الرياح وماتؤدى إلى تشققات عند نقطة إلتقاء السقف بالحوائط؟ هذه التشققات قد تؤدى إلى فصل كامل للسقف عن الحوائط,لأن كامل السماكة تكون 3سم للداخل و3 سم للخارج بالإضافة للفلين,والذى هو فى الأصل مفصول عن اللياسة خارجة ,اللهم إلا تخلخل الأسلاك له, و مادة الفلين,وهى لاتقبل التماسك مع مادة إنشائية أخرى,إلا بالغراء كمادة لاصقة,علما بأن الفلين ليست مادة إنشائية للتحميل ماهى مادة السقف المستخدمة؟ هل تم استخدام عوارض تدعيم مابين كل لوح فلينى ؟ أم تم تحميل كامل السقف على اللياسة الأسمنتية بسماكة أقصاها 3 سم بينها مادة الفلين(وهى مادة غير حاملة)؟ هل ذلك يعنى أن كامل السقف حمل على اللياسة الأسمنتية؟ يذوب الفلين الأبيض عندما يتعرض لمادة البنزين,ماهى التقنية المستخدمة لعدم تعرض الحوائط لهذه المواد عند إلتقائها بالأرضيات؟وهل اللياسة كافية؟3 سم كحد أقصى! ماهى التقنية المستخدمة لتثبيت المكيفات -فى الحوائط الخارجية-وهى(المكيفات) ذات إهتزاز دائم,هل يتطاير معها البياض (اللياسة الأسمنتية)3 سم من بعدها يأتى سطح الفلين؟هل تم استخدام بلكات أسمنتية لتقوية الحوائط الخارجية التى تركب عليها المكيفات؟ عشمى أن يتطوع أحد المهندسين الإنشائيين(مدنى) ويقوم بالدراسة اللازمة.-أو إحدى المكاتب الهندسية- ويرسل بتوصياته لهيئة المواصفات والمقاييس. حتى لاتكون المبانى حلقة من حلقات الإكروبات.

الأسئلة دي مهمة جدا ..
جزء من إجايتا ممكن يجاوب عليها تبلدينا من واقع المقابلة مع المهندس شطة ..
أما الجزء الاخر فمحتاج مهندسي متخصصين للإجابة ..
ولو تعذر وجود مهندسين في البورد فممكن نتصل بالمهندس شطة وهو يجاوب على الإسئلة ..

تشكرات كتير .

ناذر ....

التكلفة القلتها دى فيها لمبات الكهربا والنجف ولا بدونها ..؟؟
غايتو لو بدون ديل .. غالية ..!!

الطاهر ....

التكلفة داخلة فيها اللمبات لكن النجف دا تجيبو براك ..
بعدين ياخ نجف شنو وبطيخ شنو ! الناس ما لاقية بيت تسكن فيهو وإنت تقول داير نجف

تحياتى أخى ناذر والإخوة المتداخلين.
بخصوص الثرى دى بانل,هناك طرقة خاصة بالإنشاء (التشييد)
هى حوائط partition walls بارتشن -حوائط فصل داخلية.

Name
Rectangular 3D- Panel

Product Description
The rectangular cut of the polystyrene requires the use of less mortar then the MOP.

Use of this panel is only recommended for partition walls and fences.

Produced in thickness of 2, 3 and 4 inches and lengths of up to 8, 9 and 10 feet long.

http://3d-panel.diytrade.com/sdp/418604/4/pd-2311869/2012274-1158737.html

Quote: آها دى حركات السماسرة الما بتنفع شكلكم كدا الكومشن بتاع ى العندك يا نزار عايز تنقصو !! النص بالنص .. وتشوف البتابع ليك اكتر منو !! ناذر بعد دا التلفونات ..كونفرنس .. وتسجيل عديل

يا تبلدينا...يا زول ما تخاف...حقوقك محفوظة

بس قول الله يسترنا من الاسئلة النزلا المهندس هنا


ياخي نحن ما صدقنا... لمينا في طريقة بنايا بنقدر عليه بالتلاقيط يجي المهندس يرشنا ليك بي اسئلة...

نوع هل تم مراعاة كذا وكذا وكذا والفلين بحرق ...وكل الاشياء الانا خايف منها وخايف اسأل عنها عشان ما
يقوم شطة يجي يرجعنا تاني للطوب والمونة والاسمنت...


وشايف صاحبي ناذر زاتو هدن شوية...

والله غايتو كان مافي اجابات شافية ياني الراجع لي الطين تاني

اها خليه يجي يقول الطين بسخن بالاسلاك؟

بسم الله الرحمن الرحيم (وَالَّذِينَ يَكْنِزُونَ الذَّهَبَ
وَالْفِضَّةَ وَلَا يُنْفِقُونَهَا فِي سَبِيلِ اللَّهِ فَبَشِّرْهُمْ بِعَذَابٍ أَلِيمٍ )

ويحك يا صالح تبلدينا
9 سنوات في السعودية خميت الريالات اخرتها تقولي لي عاوز تبني بيت ب10مليون يا راجل حرام عليك كده فك الريالات دي شويه اخر الاخبار من عبد الحفيظ انو اشتريت ليك فيلا في دريم وعاوزنا نحن نبني بالجالوص الحديث بتاعك ده

Quote: 9 سنوات في السعودية خميت الريالات اخرتها تقولي لي عاوز تبني بيت ب10مليون يا راجل حرام عليك كده فك الريالات دي شويه اخر الاخبار من عبد الحفيظ انو اشتريت ليك فيلا في دريم وعاوزنا نحن نبني بالجالوص الحديث بتاعك ده

يا عمر الماحي
التسعة سنوات دي فيها خمسة سنوات حريق وسنة وست...والباقي ضرائب
و11 سبتمبر...وزكاة...


يا زول في الزمن القريب دا سمعت ليك بي مغترب اشتري في دريم؟

بس رسل لي اسمو وعنوانو عشان اوريك دريم والله ما دريم!

..
.

Quote: ويحك يا صالح تبلدينا 9 سنوات في السعودية خميت الريالات اخرتها تقولي لي عاوز تبني بيت ب10مليون يا راجل حرام عليك

يا عمر الطيب مهدى
مشتاقيين
والله لا فى ذهب مكنز ولا فضة فى جكس بس
يا راجل انت قاعد تحسب لنفسك .. ولا شنو ..لاننى اعتقد انك
فى هذا الفالنتاين احتفلت بالعالم التاسع او العاشر لك فى المملكة
وهى اصعب اعوام الغربة عقبال العشرة الااواسط ( دناقلة يا رسول الله)
اما نحن فاكتفينا بالستة (6 بس ) .. هذا من دون الحوادث والتكسر والتردم..

بعدين هى ما فيلا ( واطه فاضية ) والبركة فى الدينار السودانى
والله من آل سعود ما رجعنا بالتحتح وانت اعلم ..
اها والواطه بعناها زاتها طلعت تابعة لمحلية الكاملين و..و.. و... والمشروع ( كروبتيت )

بس صدقنى حابنى ليك بالجالوص الاخضر بس فى المزرعة ..
تعال اتجدع ..

سلامى للشباب ...
______________________

عايزك بخصوص موقع عازة .. ( مش فى شركة كانت ولا اتلحسنا )
وموقع اخوك .. برضو مطنشنا مالك !!

ياخي دا كلام جميل يا شباب وتغطية ممتازة ..
وحقيقي نحن محتاجين لمباني زي دي تكون جيدة وقليلة التكلفة ..
لأن أكثر ما يزعج أهلنا في السودان البناء وتكاليفه الباهظه زيادة على كده وقت التسليم بيستغرق وقت طويل ومال كتير لأنه ما مربوط بي زمن معين ..

يلا مزيد من تسليط الضوء ..

Quote: لأن أكثر ما يزعج أهلنا في السودان البناء وتكاليفه الباهظه زيادة على كده وقت التسليم بيستغرق وقت طويل ومال كتير لأنه ما مربوط بي زمن معين ..

افهم من كلامك دا انو ما بزعجك البناء وتكاليفه يا معتصم؟

فؤق














السنجك

Quote: افهم من كلامك دا انو ما بزعجك البناء وتكاليفه يا معتصم؟

كيفك يا نزار حسين ..
تعرف أنا ما أهلنا دي زااااتو ياخ ..
وهم التعابى الما قادرين على حق اليوم ..
والضائعين ومظلومين من ذوي القربى الحكومات الجائرة والظالمة ..
وأي حاجة تصب في مصلحتهم نحن معها ..

تحياتي ..

Quote: افهم من كلامك دا انو ما بزعجك البناء وتكاليفه يا معتصم؟

كيفك يا نزار ..
أهلنا دي ما نحن زاااااتو ياخ ..
هم التعابى الشقيانين وضائعين في كل الأحوال ..
ونحن مع أي حاجة تساعدهم وتخفف عنهم وهكذا يجب أن نقف ..

تشكر يا صاحبي ..

**

اعتقد انه اسئلة الباشمهندس محمد السيد دى مهمه جدا نرجو من الشباب لاجابه عليها ..وياناذر الحريق دا ملح والا....؟



















السنجك

السنجك ..

والله كان المفروض نمشي أنا وتبلدينا أمبارح للباشمهندس ..
بس حصلت ظروف ...

الأسئلة كلها مهمة جدا وغجابتا ضرورية ..

شنكل :

البورد دا كلو دكاترة .. يا كافي البلا ما في ولا مهندس واحد يجي يفتينا !!

up

للفائدة

سوباجو ...

Quote: العزيز ناذر تورسكي تبلدينا ... شكرا على المجهود الرائع ..

كنت وين إنت يا أخوي !! الناس زماااااان بنت وقفلت وشطبت !!

الأخوان جميعا لكمالتحيه وشكرنا الجزيل على مجهوداتكم الرائعه

وشكرى للأخ المهندس محمد السيد وقد توجه باسئله غايه فى الأهميه

وتدل على مهنيه عاليه والأجابه عليها قد تجيب على تساؤلات الكثيرين

وكملوا جميلكم باشباب وربنايجعل كل ذلك فى ميزان حسناتكم مع الشكر .

ابو ختم

الاخ العزيز الحارث
انت دائما رائع
وكلامك في الميزان

تحياتي لك

أخوك منزول

اخى الحبيب منزول شكرى وتقديرى ووحشتنا شوفتك ياغالى مع تحياتى

وشكرى لصاحب البوست وزملائه الكرام .

ابو ختم

فقط للملااجعة الفنية

فى هذه المواضيع ..

و رؤية منازل أقل تكلفة للأخوة المتأثرين بالحروب والكوارث ..