Post: #1
Title: اليخت الرئاسي (القصر) فى طريقه للخرطوم براً ..
Author: Tabaldina
Date: 12-21-2005, 03:58 AM
Parent: #0
..
.
هيا-درديب- كسلا : الوطن 21ديسمبر2005م
تابع موفد ( الوطن) على مدي يومين كاملين رحلة
اليخت الرئاسي من بورتسودان الى الخرطوم والذى أحدث سيره على الطريق
ضجة واسعة وبعض المضايقات التى عولجت فى حينها لسائق المركبات والشاحنات
حيث فتحت فى بعض الأحيان والأماكن مسارات جانبية بعد تعذر مرور اليخت على سطح
البطاحات التى تحمله وتضرر بعض أصحاب شركات النقل الكبري وقد ادت ضرورات مرور
اليخت الى ازالة بعض مباني نقاط التفتيش والعبور الولائية
يذكر ان اليخت يتكون من (3) طوابق وتسع قاعته الرئيسية لنحو(120) شخص وهو من صنع
يوغسلافي يصطحبه خبير أجنبي تحت حراسة عسكرية ومدنية.
وأفادت تحريات الوطن أن اليخت واسمه ( القصر) وصل بورتسودان من بلد الصنع يوغسلافيا
عن طريق جدة على ظهر باخرة قدرت بعض المصادر المطلعة ان قيمة اليخت الرئاسي
بلغت نحو مليونين وستمائة الف دولار امريكي .
وخلافاً لما ذكر ان اليخت سيصل عن طريق ارض البطانة لتفادى كوبري حنتوب الا ان التقديرات الفنية اكدت امكانية وصول مرساه امام القصر الجمهورى سواء عن طريق البر او عن طريق الابحار فى النيل الازرق بعد كوبري حنتوب.
ملحق :
تقول بعض المصادر أن الاليخت المسمى القصر جاء خصيصاً
لإستعمال القصر الجمهوري وأحياناً للنائب الأول سلفاكير ..
تعـــليق
لك الله يا سودان ..
لك الله يا محمد أحمد
لك الله يا والدة يا مريم
لله الله يا وطنى ..الدجاجة التى تبيض ذهباً
بدلاً ان تقتسمها جهة واحدة صارت حهتان
سأعود حتماً سافعل
لنقل الخبر عندما ينزل فى الموقع اللالكتروني للصحيفة
http://www.alwatansudan.com/
هدية لدينق ..
لابد أن نشاهدك فى احد الرحلات النيلية لليخت !!
|
Post: #2
Title: Re: اليخت الرئاسي (القصر) فى طريقه للخرطوم براً ..
Author: Tabaldina
Date: 12-21-2005, 04:01 AM
Parent: #1
..
.
عفواً
الهدية ليست فقط لدينق
ولكن لاعضاء الحركة الشعبية هنا وهناك
ولاعضاء المؤتمر الوطنى هنا وهناك ..
وقالو البترول طلع يا أخوانا بعد الوجع
ولا زال
الوجع ..
|
Post: #3
Title: Re: اليخت الرئاسي (القصر) فى طريقه للخرطوم براً ..
Author: gamal elsadig
Date: 12-21-2005, 04:27 AM
Parent: #2
الاستاذ / تبلدينا
لنا ولكم الله وللشعب السوداني الفضل ...
واصحاب الهدية اظنهم يعدون لمسيرة كبرى لاستقبال القصر العائم ... فالنظر الى النيل من خلال الشرفات لم يعد يكفي ..بالاضافة الى القصر الحالي لابد من وجود قصر عائم لترعي من خلاله الحكومة شؤن الشعب الساكن على الضفاف ....
|
Post: #4
Title: Re: اليخت الرئاسي (القصر) فى طريقه للخرطوم براً ..
Author: على اسماعيل
Date: 12-21-2005, 04:41 AM
Parent: #3
تبلدينا العزيز ...
وينك يا مان ؟؟؟؟
والقصر ده يا جماعة عشان نفسح بيهو زوار السودان فى القمة الافريقية الجاية ...
طبعا ده مكمل للفلل الرئاسية ...وحاجات تانيه حاميانى ... لزوم الجخ وكده ...
لله درك يا وطن ...
|
Post: #5
Title: Re: اليخت الرئاسي (القصر) فى طريقه للخرطوم براً ..
Author: طارق جبريل
Date: 12-21-2005, 05:44 AM
Parent: #1
يا تبلدينا يا لزيز انت
ياخي نحن ما لاقين لينا مرقد عنزة واولادنا شايلنهم في ضهورنا تقوم تقول لينا اليخوت.
عشان كدة كل يوم سلفا كير يبدل في طاقيتو..........
آآآآآآآآآآآآآآآآآآآهههههههههههههههه يا بلد
|
Post: #6
Title: Re: اليخت الرئاسي (القصر) فى طريقه للخرطوم براً ..
Author: Tabaldina
Date: 12-22-2005, 05:58 AM
Parent: #1
..
.
الاعزاء
ود حلتنا .. جمال
شفت الللقف دا كيف !!؟
تقول لي شنو ؟ تقول وحدة وقضايا السودان
ود بلدنا .. الجراري أبو علوه
والله موجود ومنتظرينك .. الظاهر مشغولياتك كترت
فى اللينك التحت شوف موضوع الفلل الرئاسية
اتخيل:
تموت الأسد فى الغابات جوعاً
ولحم الضأن تأكله الحكومة ..
ود جامعتنا .. ود جبريل ..
يا طارق يا عزيز ..
يأخى ليك وحشة .. والله اخوك مشغول لاخمص الرجلين
موضوع الزناتى لم اجد لك ايميل
[email protected]
دا بتاعي
ودا اللينك بس الوطن لسه تعبانه شوية وما نزلت صور اليخت الرئاسي
فى الويب سايد
http://www.alwatansudan.com/index.php?type=3&id=58&bk=1
لكم التحية
|
Post: #7
Title: Re: اليخت الرئاسي (القصر) فى طريقه للخرطوم براً ..
Author: انعام عبد الحفيظ
Date: 12-22-2005, 09:11 AM
Parent: #1
الاخ تبلدينا
سلامات
سمعنا انو تكلفة حضور هذا اليخت حوالي 2.500.000 دولار
|
|