Post: #1
Title: ** أكتبـ ليكـ رسالة طويلة يا أمي **
Author: Tabaldina
Date: 03-20-2006, 11:45 AM
Parent: #0
..
.
اكتب ليك
رسالة طويله بى دمى
اقالدك فيها يا امى
واضمـك ساعة فى حضنى
***
وحاتك لا بخط عنوان
ولا بكتب اسم انسان
وما برمى الجواب فى بريد
وما بديهو لى زولا
كمان فى الايد
***
كفايه اقيف
وانقش فى جناح الريح
كلامى الدايرو يوصل ليك
***
وازيدك فى الكلام تسبيح
يخلى الريح تترتر
فى المسافه عروس
تحيل كل الصحارى بروش
مضفره بى سعف بلدى
وملونه بى مشاعرى اليك
يا امــى
__________
التحية للوالدة فاطمة
والوالدة زينب
ولكل الامهات فى عيدهن..
والرحمه لهن جميعاً
|
Post: #2
Title: Re: ** أكتبـ ليكـ رسالة طويلة يا أمي **
Author: Tabaldina
Date: 03-20-2006, 11:51 AM
Parent: #1
..
.
أمى .. الله يسلمك
ويديكـ لى طول العمر..
وفى الدنيا يوم ما يألمك ..
امى .. الله يسلمك ..
* * *
أمى يا دار السلام
يا حصنى لو جار الزمان
ختيتى فى قلبى اليقين
يا مطمنانى .. بطمنك
أمى .. الله يسلمك
***
خيرك على بالحيل كتير
يا مرضعانى الطيبة بالصبر الجميل
يا سعد أيامى وهناى
لو درتى قلبى أسلمك.
أمى .. الله يسلمك
***
أنا مهما أفصح عن مشاعرى
برضو بيخونى الكلام
وقولة ( بحبك )
ما بتكفى وكل كلمات الغرام
يا منتهى الريد ومبتداه ..
***
يا الليا .. الله يسلمك ..
ويديكـ لى طول العمر
وفى الدنيا يوم ما يألمك ..
أمى .. الله يسلمك ..
|
Post: #3
Title: Re: ** أكتبـ ليكـ رسالة طويلة يا أمي **
Author: AMNA MUKHTAR
Date: 03-20-2006, 12:39 PM
Parent: #2
وتحية الى أمى الحبيبة
المرحومة عائشة ابراهيم هندوسة
أمرأة قل أن يجود الزمان بمثلها
صمودا وشموخا وكفاحا وحنانا وكرما
ألف رحمة عليها..الى من كانت
ملء السمع والبصر..سبحان الله
اصبحت ذكرى .
وتحية الى المرحومات الحبوبات
زهرة عمر حركان
فاطمة أحمد باشريك
|
Post: #4
Title: Re: ** أكتبـ ليكـ رسالة طويلة يا أمي **
Author: Osman M Salih
Date: 03-20-2006, 01:04 PM
Parent: #3
التحية لصاحب الدار تبلدينا
الأخت آمنة مختار
برغم قناعتي المعبر عنها في
أكثر من موضع بأن لقلمك شلاقة
لم تصادفني لا في الوطن ولا
المهاجر إلاّ في حبر تراجي ،
أتوقف في هذه الساعة عن
الكتابة في السجال الدائر
لعلمي مما كتبت ِ بأنك يتيمة
الأم
سيري وعين الله ترعاك
|
Post: #5
Title: Re: ** أكتبـ ليكـ رسالة طويلة يا أمي **
Author: Osman M Salih
Date: 03-20-2006, 01:13 PM
Parent: #4
|
Post: #6
Title: Re: ** أكتبـ ليكـ رسالة طويلة يا أمي **
Author: لؤى
Date: 03-20-2006, 01:45 PM
Parent: #1
أستاذ تبلدينا
تحيّة طيّبة
التحايا لك ولكلّ زوّار وزائرات دارك ، والتحايا والتّهاني لكلّ أمّهاتنا العظيمات .. وأسمح لي بوضع أغنية رسالة إلى أمّي إحدى روائع الحبيب أستاذ يوسف كإكليل من الألحان والكلمات يزيّن صدر هذا البوست ..
رسالة إلى أمّي
|
Post: #7
Title: Re: ** أكتبـ ليكـ رسالة طويلة يا أمي **
Author: Muna Khugali
Date: 03-20-2006, 02:41 PM
Parent: #6
التحية للوالدة فاطمة
والوالدة زينب
ولكل الامهات فى عيدهن..
والرحمه لهن جميعاً
آمـين ويصـبرك علي بعـدها...
مـني
|
Post: #8
Title: Re: ** أكتبـ ليكـ رسالة طويلة يا أمي **
Author: AMNA MUKHTAR
Date: 03-20-2006, 04:47 PM
Parent: #7
Quote: لعلمي مما كتبت ِ بأنك يتيمة
الأم |
?????????????????????????????????
|
Post: #9
Title: Re: ** أكتبـ ليكـ رسالة طويلة يا أمي **
Author: الحارث سرالختم عبد الله
Date: 03-21-2006, 00:38 AM
Parent: #8
رحم الله الأموات منهم واطال الله اعمار الأحياء منهم فالأم هى نبع الحنان وهى
الملاذ الأمن والحضن الدافىء من كل مصائب الزمان تحيه مقرونة بكل الأحترام والتقدير
للأمهات جميعا ولأمهات بلادى على نحو الخصوص والتحيه لشعراء الشماليه فهم اكثر من
كتب فى هذا المجال الحنين والتحيه لتبلدينا على الكلمات الرقيقه لأمهات بلادى .
|
Post: #19
Title: Re: ** أكتبـ ليكـ رسالة طويلة يا أمي **
Author: Elmosley
Date: 03-21-2006, 01:52 PM
Parent: #6
الاعزاء هنا
ولؤي وتبلدينا
لقد صب الشاعر
العميق هاشم صديق
عصير السهل الممتنع في كاس هذه القصيدة
تحياتي
|
Post: #10
Title: Re: ** أكتبـ ليكـ رسالة طويلة يا أمي **
Author: Tabaldina
Date: 03-21-2006, 01:44 AM
Parent: #1
..
.
شوفى الزمن يا يمه
ساقنى بعيد خلاص
دردرنى
واتغربت
واتبهدلت
ورينى الخلاص
ساقنى القدر منك بعيد
لآذايا كأس
***
يا يمه
يا فيض الحنان الما كمل
يا يمه
يا بدرى البشع دايماً يهل
يا يمه
يا نور الصباح وكتين يطل
واشرى يا (زينوبه) ولدك
فى دروب الشوق كتل
محروم من الحب والمحنه
وراك همل
***
يا يمه
يا بحر المودة وكت يفيض
يا يمه
يا شعلة أمل زادت وميض
يا يمه
يا عنقود كلام منظوم قريض
يا يمه
يا نغماً حس بالشوق يرن
وافكارى فيهو .. بيرتعن
دمعاتى شانو .. بينزلن
***
واتذكرك يا يمه
فى الدغش النسايمو يهبهبن
قايمى الصباح متكفلتى
شايلى الحليلى على المراح
والساعة ديك يادبو ديكنا بدا الصياح
والطير ضغارو يغردن .جبتى اللبن بانشراح
***
واتذكرك يا يمه
ساعة الهجير صالاكى نار الدواكى
عُستيلنا الفطير
رشيتى قلتى اكلوهو ...خير
واتذكرك يا يمه
يا بسمة الطفل الغرير
وكت الخلوق ترقد تنوم
واسهر براى أرعى النجوم
والشوق يرف جنحيهو
بى فوق لى ..يحوم
,اهتف باسمك فى الخيال
طيفك كمان بي فوقى جال
واتمنى لو لحظات يدوم
لكنى فجأة القاهوو.. زال
***
واتذكرك يا يمه
ساعة الناس يجونا من البلد
ناعم ترابا على جسيماتن رقد
ريحة التمر فوق الهدوم
لون الخدار خانس لّبد
والشوق أولرو بيشتعل
كان ظنى فيهو يكون خمد
***
واتذكرك يا يمه
والناس قالو قايمين البلد
رصو الهديمات ..عدلوا
ركبوا اللوارى .. وقبلوا
خلونى وحدى بلا أنيس
كيف انفرادى ..اتحملوا
شالوا السلام من عندى ليك
وان شاء الله عندك يوصلوا
***
يا يمه
ساعة يوصلوا
ويقولوا ليك ..شفناه فى بلد الامان
مبسوط ورايق فى امان
أنبسطى يا نبع الحنان
وانا حالى يشهدبو الزمان
يا يمه رسلى لى عفوك
ينجينى من جور الزمان
يا يمه
رسلى لى عفوك
ينجينى من جور الزمان
|
Post: #11
Title: Re: ** أكتبـ ليكـ رسالة طويلة يا أمي **
Author: nashaat elemam
Date: 03-21-2006, 02:28 AM
Parent: #10
كل سنه وامهاتنا جميعاً بخير
ومن رحلت امه عن الدنيا.. ندعو لها بالرحمة والمغفرة من رب العالمين
|
Post: #12
Title: Re: ** أكتبـ ليكـ رسالة طويلة يا أمي **
Author: Tragie Mustafa
Date: 03-21-2006, 02:40 AM
Parent: #11
تبلدينا
شكرا لك لكل هذا الجمال الذي اسال دموعنا وذكرنا احبائنا الذين رحلوا عنا.
تبلدينا
اشبع من حضنها فلا شيئ يعادل محبتها
احضرها سريعا بقربك فما اسرع رحيلهم عنا,واستمتع بقربها قدر ما تقدر.
العزيزه آمنه
لا تنسي وعدك بالكتابه عن الغاليه المرحومه والدتك
في بوست اشراقه مصطفى وعائشه حميده.
لا زلت اذكرها يا آمنه يوم كاد الدكاتره يقبلوها هي لشدة تشجيعها
لك في امتحان القبول للدبلوما العليا في العلوم السياسيه.
وقالوا لها لو كنت المتقدمه لقبلناك.
فقد كنت وقتها خجوله جدا يا آمنه, ولم تتفاصي بما يكفي
ولكن الحمد لله حقيقت الكثير من احلامه بحياتها
وحصولك على الماجستير كان حلما لها.
فلا تحزني.
لها الرحمه.
ولكل ام مكافحه ومحبه باقات الورد.
تراجي.
|
Post: #13
Title: Re: ** أكتبـ ليكـ رسالة طويلة يا أمي **
Author: جبران
Date: 03-21-2006, 03:37 AM
Parent: #1
إليك أمي .. يا سيدتي .. وغاليتي .. وبوابتي إلى الجنة .. لك التحية والود .. ولك كل الطيوب الحلوة ..
رغم بعدي أرسل سلامي
يحوي شوقي وكل احترامي
يا أصيلة .. في هذا اليوم الذي يتقرب فيه كل المحبين من أمهاتهم .. أجدني لا أملك إلا القول
لو أعلم من أي الآفاق تهب الريح
لكنت سبقت الريح
وكنت نشرت على جنبات الأفق ردائي
من أقصاه إلى أقصاه
لأحجب ريح الحزن القادم
عن عيني
وأنصب عرشك فوق الشمس
وأعزف موسيقاي
محبا في ملكوت الله
آهٍ .. لو أملك كنت ملأت حديقتنا الجرداء
بالزنبق والدفلي
وكنت مسحت كآبات الفقراء
من أجلك يا عيني
لكني لا أملك إلا الكلمة في شفتي
أنقشها حينا في الصخر
وحينا أكتبها مثل المجنون
على صفحات الماء
الفيتوري
أعلم الآن كيف يخفق قلبك . . العامر دوما .. فحينما أزهر الغصن .. وأثمر فاطمة .. تبين للروح معنى المحبة الخالصة .. الغير مشوبة بانتظار المثوبة .. أحسب أني الآن أقرب ما أكون للمعرفة .. كيف تكون محبتك لنا .. لو أملك كنت ملأت الكون عطرا ونورا .. يجدر بك ويليق .. ولكنت أرهفت النسائم والغمائم لتحنو على أرض تخطرين فيها ..
لا أقول أجبرني ضيق العيش على الضرب في الأرض .. ولكن قلة الحيلة .. وكيف أن النفي كان طوعا عن كونك الهانئ المطمئن .. بقدر ما كنت أخاف العقوق بالذهاب عنك .. إلا أن فداحة ذل الحاجة أخافتني .. وهذا الخوف لم يترك للواحد منا أي مناص من الارتحال ..
محطة فمحطة .. كان وجهك الطيب يترائ في تفاصيل السفر .. في حقائب الذاهبين وفي شوق العائدين .. تلك المطارات الغريبة كانت تعرفك .. تعرف تقاسيم وجهك .. فقد تلبسني وجهك الطيب رغما بالحنين ..
وهناك في القفر .. يصلني صوتك الرحيم عبر الهاتف .. يسري لي شريان من الحياة فياض .. يزهر في دواخلي الورد .. وتبدأ البراعم في التفتح .. أعود لبيتنا .. لساعة من ناهر تختزل كل السعادة .. يورق بداخلي الانتماء .. بغتة تنتهي المحادثة ... فإذا بالحبل السري يعود فيقطع .. وأسقط في تيار المادة من جديد
يا أمي لماذا جئت بي
لماذا قلتي لي هذي الحياة
وما تركتي بسرتي حبلا
لأرجع حين تسحقني الحياة
إلى دمي نطفة
عثمان بشرى
ليت شعري كيف أوفيك حقك .. وإن أعملت كل جهدي .. لا أستطيع أن أعوض فقط لحظة واحدة من لحظات انتظار الأحبار .. رحم الله محجوب شريف .. في رائعته سافر زمان .. وتصويره الحقيقي لما تعانيه الأمهات ..
تبلدينا
شكرا لك ... لصاحبة اللون .. لنوراي .. لذكريات جميلات جمعتنا معا .. لبوستات قديمات تسامرنا فيها ولم نتنادم .. تحية لك ولأصفيائك .. لكل الأمهات على مر الدهور .. الشموس التي ما برحت تهدي البلاد مشارقا ومغاربا .. ربما كان العيد تذكرة .. لكن فلنجعل كل الأيام القادمات .. محبة .. ومن غيرهن أجدر بها وأحفى .. تحية عبرك أمي ..
أحن لخبز أمي
وقهوة أمي
ولمسة أمي
وتكبر فيّ الطفولة
يوما .. على صدر يوم
وأعشق عمري
لأني اذا مت
أخجل من دمع أمي
محمود درويش
|
Post: #14
Title: Re: ** أكتبـ ليكـ رسالة طويلة يا أمي **
Author: Tabaldina
Date: 03-21-2006, 05:21 AM
Parent: #1
..
.
حروف اسمِك
جمال الفال
وراحة البال
وهجعة زول بعد ترحال
وتنّية حلوة للشبال
ودنيتنا ومشاويرنا
وغنواتنا الى ما بتِنقال
+++
حروف اسمِك
نجوم ركّت على الياسمين
فرح فى عين جمالها حزين
أساور فى إيدين طفلة
بتحفظ فى كتاب الدين
زَفَافَ عاشقين بعد فرقه
وسط باقات دُعَا الطيبين
+++
حروف إسمِك
عقد منضوم بخيط النور
وطلة وردة من السور
ونغمة تنادى من طمبور
وشُعلة فرحة فى الوادى
تَشِع جَذلانه ليها شهور
+++
حروف إسمِك
وَكِت أشتاق وأرحل ليك
وأسرح فى عسل عينيك
بِتَحضِنّىِ......
قَبُل ألمسَ حرير إيديك
تأرجِحنى..وتَفَرحنى..وتخلينى
أدُق ًصدرى
وأقيف وسط البلد واهتف
بريدك يا صَباح عمرى..
|
Post: #15
Title: Re: ** أكتبـ ليكـ رسالة طويلة يا أمي **
Author: keiga2000
Date: 03-21-2006, 05:30 AM
Parent: #14
رائع ياتبلدينا ويديك العافية انشاء الله
ربنا يحفظ امهاتنا
وحقا الجنة تحت اقدام الأمهات
ابومصطفى
|
Post: #20
Title: Re: ** أكتبـ ليكـ رسالة طويلة يا أمي **
Author: نجود حسن عبد الرحمن
Date: 03-22-2006, 06:00 AM
Parent: #15
أمى ياست الحبايب
كل سنة وكل امهات المسلمين بألف خير وعافيه
|
Post: #16
Title: Re: ** أكتبـ ليكـ رسالة طويلة يا أمي **
Author: قرشـــو
Date: 03-21-2006, 05:34 AM
Parent: #1
مسكينة امى يا تبلدينا
تصدق ما حصل مر عيد ام ورسلت حتى باقة ورد
لانى من ما قمت ما سمعت بعيد الام ده اصله
ولا حصل عملت احتفالية خاصة باليوم ده
لانى بعتبر كل ايامى هى لها
وكل يوم يجب ان يكون تكريما لها
حكاية العيد دى حكاية والله
|
Post: #17
Title: Re: ** أكتبـ ليكـ رسالة طويلة يا أمي **
Author: najma
Date: 03-21-2006, 06:10 AM
Parent: #1
الاخ Tabaldina
كل سنه والوالدهفاطمة
والوالدة زينب
ولكل الامهات فى عيدهن..
والرحمه لهن جميعاً
*******************************
كفايه اقيف
وانقش فى جناح الريح
كلامى الدايرو يوصل ليك
وازيدك فى الكلام تسبيح ياأمى
******************************
|
Post: #18
Title: Re: ** أكتبـ ليكـ رسالة طويلة يا أمي **
Author: Tabaldina
Date: 03-21-2006, 11:02 AM
Parent: #1
..
.
ضل الضحي الرامي
وشمس شتوية دفاية
وريحة البن ،،
لما يفوح فى قلاية
وفروة جـِدّي
صورة جـِدّي
لما جيت أمد إيدي :
جدي أدينى تعريفة !!
" بتقرأ الحمدو يا المبروك "
بقــراها ..
وشان تعريفه القاها
بجود فى القراية كمان
وايه يا يمه والله زمان !!
مشتاق يمه لى ملاح النعيمية
وريحة ضاجك المحروق
لما تسوي طعمية
وغباشة روب
وعنزة حلوب
بدور أرحل أجيكي هناك
ضاقت بيّا يمه هنا
بدور أتمسي بعيونك
وأصابحك يا حبيبتى أنا
صباح الخير على عيونك
أتاري الدنيا من دونك
شينة ومره ما بتندار
دى مرة مرارة يا يمه
دى مرة وحارة زى النار
ولو بدوري احكيلك !!
عن احوالي فى البندر
من وين عايزة احكيلك !؟
من ابدا بس من وين !؟
موشيتاً غريب وعجيب !!
ده شيتاً كلو شين فى شين
هنا الزول العديل ونصيح
وحاتك إنت يا الغالية
بعيش حياتو يوماتي بوشين
وزولتى الحتى حبيتها ....
لقيتها وراي تحب زولين!!
وايه يا يمه والله زمان !!
وأنا والحزن والله متواعدين
شـرابنا المر
طعامنا المر
ونفرش من رصيف الذل
فراش وغطي !!
وقرايتى الجيت أنا عشانها
مرات بمشى للجامعة..
تـُمامة عـّدْ
مخنوق يمه داير أمــوت
ناس تأكل فى بعضها
ناس أشباها زى الحوت
أخير أرجع اجيك هناك
ضاقت بي يا يمه هنا
بدور أتمسي بعيونك
وأصابحك يا حبيبتى أنا
أتاري الدنيا من دونك
دى مرة مرارة يا يمه
دى مرة وحارة زى النار!!
وقشة عينى من النـوم
بشيلها معاى هموم باكر
قبل ما أبدا ..هّم اليوم
أختها خطواتى عديل
أعدى الباب
تبقي تدق طبول الهم
خواطر تذهل الألباب
وأقابلك يا شوارع الجن
وفى جوايا حاجة تئن
أشـّد وتر الحزن وأعزف
تموت غنواتى يا يمه
ويخنقنى الغنا وأنزف
خيال بيتنا الحنين يرجف
خيال بيتنا القديم يهتف
صور تنزاح وتتلم
وأشوفك بخيال حالم
تشاوري وترقص السـبحة
ملامح العابد الصايم
تشع فوق جبهتك سمحة
وشيبك يحاكي ضى النور
مزدان يمه فى الطرحة
وتبســم لي ..
أمـد أيدي
أقول اتلافاكي يالسـمحة
يتلاشي الحلم وأصحي
ويتقطر عرق مالح
وزى عصفورة منجرحة
فارقت الفضا البارح
وايه يا يمه والله زمان!!
وهـّم كل المداين وهـّم
وهم غرقانة فى زخم الحضارة الغم
حضارة بتحصد الإنسـان
وتزرع فى مكانو لغم !!
وقصـر القول ..
شايل اللوم
ويوماً جابنى للبنــدر
وحاتك إنت يا الغالية
دا يوماً شــوم
ولابسنى الخجل
من راسي لى كرعيا
شايلو أحوم
وهادى الحالة فى الخرطوم
بس عايــش..
شقي ومهموم ..
وإنت الله يسلمك
أمى .. الله يسلمك
ويديكـ لى طول العمر..
وفى الدنيا يوم ما يألمك ..
امى .. الله يسلمك ..
أمى دار السلام
يا حصنى لو جار الزمان
ختيتى فى قلبى اليقين
يا مطمنانى .. بطمنك
خيرك على بالحيل كتير
يا مرضعانى الطيبة
بالصبر الجميل
يا سعد أيامى وهناى
لو درتى قلبى أسلمك.
أنا مهما أفصح عن مشاعرى
برضو بيخونى الكلام
وقولة ( بحبك )
ما بتكفى وكل كلمات الغرام
يا منتهى الريد ومبتداه ..
أن شاء الله ليا يسلمك ..
ويديكـ لى طول العمر
وفى الدنيا يوم ما يألمك ..
أمى .. الله يسلمك ..
____________
كلية الحقوق - جامعة القاهرة الفرع
التجاني حاج موسي
1971
|
Post: #21
Title: Re: ** أكتبـ ليكـ رسالة طويلة يا أمي **
Author: DKEEN
Date: 03-22-2006, 08:42 AM
Parent: #1
تبلدينا
اتابع منذ فترة طعينك وهمزك وغمزك ..
الهمز والغمز حركاتحريم ودي المحرية فيك ..
بالرغم من ذلك قتا مافي داعي ده غرير..
حركاالحريم يا تبلدينا لايقة عليك تماما..
اتمنى انو عثمان محمد صالح يكون رسل ليك تهنئة في 18 مارس عيد المراة
|
Post: #22
Title: Re: ** أكتبـ ليكـ رسالة طويلة يا أمي **
Author: Tabaldina
Date: 03-22-2006, 08:54 AM
Parent: #1
..
.
_________
لكل مقام مقال
لا تظنى قد جبنت ولكن البتابع
الجداد بوديهو الكوش..
والبلاعب الجرويات بخربشنو
آها يا أخوى يا ود ضحوية
انادا لا عايز امشى كوشة ولا داير اتخربش
_______
بالمناسبة ما كانت محرية فيك
شتم واساءة النسوة .. بكل مقامتهن
دى والله ما اخلاق رجال إن تبقي منها شئ
وعليكـ أمك لو عايز تتفاخر بلسانك البذئ
فاجعله فى بوست أخر ..
__________
تسلم يا دكين يا ود أنيسة
على المرور الكريم.
ومصير الحى يلاقي ..
مودة الى حين.
|
Post: #23
Title: Re: ** أكتبـ ليكـ رسالة طويلة يا أمي **
Author: Tabaldina
Date: 03-22-2006, 10:39 AM
Parent: #1
..
.
عارف يا ديكو..يا عشا البايتات
انا حبيت أهدى القصيدة لوالدتكـ وخالتى أنيسة
وبلسانها اليكـَ
الدنيا عيد أم ( عليكـ الله اتمعن فى كلماتهابس ما تبكي)
النبي
الرسولـ
اليقطعك
اليكسركـ حته حته
كن ما جيت وجبرت خاطرى وقلت لى شـكراً
عافي منك و راضيه عنك سو رضايا
ما بيخيب الرضا والدتو يا جنايا
إنت من يا دوب صغير من زمان دايماً معايا
إنت ديما أمامي ساير ما بخليك بي قفايا
ما بتغيب من عيني لحظه ولا حصل سبتك ورايا
لامن الله يشيل أمانتو أنا ببقي خاصاك بالرعايه
+++
ليّ يرعاك البيرعي ليّ بيك يبرد حشايا
أصلك إنت هديه منو والله بيك أجزل عطايا
جيتني واحد مالو تاني رحمه في آخر صبايا
قبل ما أفقد قدرتي و قبل ما تنهار قوايا
جيتني زي بدراً منور و فجأه طليت في سمايا
+++
أسا لما خلاص كبرت دار تسيبني أعيش برايا
دار تفارقني و تهاجر و الحزن يصبح جزايا
كيف يهونلك تحزن أُمك شان تحقق ليك غايه
كان مهاجر شان علاجي بلقي في شوفتك دوايا
كان عشان تسقينا مالك نحن بي حنك روايا
كان عشان كرعينا راحل نحن بي بعدك حفايا
كان مسافر شان تعرس خير أبوك مالي التكايا
خيرو وافر أبوك يحمدو مراحو مليان بالسعايه
و بالقروش الجيب مجكن و لسه برضو الجايه جايا
+++
برضي منك ما بقصر بحفر أديك المعايا
كان ده كلو شوي بتلقي في دهبي الكفايا
أصلي من سويتو ناذرا يبقى لي أيام قسايا
داخره للزمن البعاند و لي سعادتك يا عشايا
إنت من شبيت سغير راسي ما بتحتاج وصايا
ماحصل خيبت ظني ولا فشل فيك زين غنايا
لا تسيب أُمك تهاجر يمه محتاجه الحمايه
+++
لا تسيبني وراك ترحل إنت ياك ضلي و ضرايا
إنت فوق الحوبة مقنع إنت للمكشوف غتايا
دايره منك تبقي جمبي جمبي في فرحي و بلايا
دايره كان قحيت أتبنك أرفع أقسملك غتايا
إنت ساعت تبقي جمبي بتبقي ضلي وتوب قفايا
و ما بخاف ظلم الليالي و إنت ياك عكاز عمايا
+++
دايره أقضي عميري جمبك أصلو قارب للنهايه
خايفه كان سافرت ترجع تلقي فاضي البيت بلايا
حينا ما بتنفع قروشك و ما بتجيبلك أُم سوايا
ماني عارفه سبب رحيلك يا وليدي شنو الحكايه
إلا تبقي براك شايف في فراق الوالده غايه
ما بعاتبك و ما بلومك لو رحلت و بلقي في الامثال عزايا
علي حجر دايماً قليبك و قلبي كلو عليك جنايا
+++
عافي منك و راضيه عنك سو رضايا
و ما بيخيب الرضا والدتو يا جنايا
__________
وانا كمان عافي منك يا جنا
| Quote: ما بعاتبك و ما بلومك لو (زعلت) و بلقي في الاخوان عزايا |
يا خى الدنيا فانية
واخرها كوم تراب
بس كلامكـ شين وما بنسكت عليهو
بس اعمل شنو لازم اخدك على قدر عقلك
ما اخوى الصغير ..
_____________
وووب على من تروتسكي
شايفو اونلاين
حسع يقول لي رقدت واطه
كدى النمشي ننبطح
___________
هل تصدق انا بكتب الكلام دا 3 مرات
الكهرباء بتقطع .. الظاهر هديتى لا تليق
انا رديت ليكـ ( فى الخور) قبل ما ربنا يهد سري
وتجينى حالة صحوة (معذرة)
___________
التبلدي فى مزاج رايق
وصدقنى انا فى عرسكـ من غزال الكدور كن ما جيت
وهزيت نصي ( هزت قاشي لغياب النص)
وملت وقمت وحركت اصابعى فى الهواء ( ورمز للجبجبة)
اكون اتلومت ..
مجدداً التحية للوالدة فى عيدها
وربنا يحفظها ويديها العافية
سلام الى حين؛
|
Post: #24
Title: Re: ** أكتبـ ليكـ رسالة طويلة يا أمي **
Author: AMNA MUKHTAR
Date: 03-22-2006, 12:16 PM
Parent: #23
شكرا ليك تبلدينا ناثر الجمال..
***
ولو كانت النساء كمن فقدنا
لفضلت النساء على الرجال
فما التأنيث لاسم الشمس عيب
ولا التذكير فخرا للهلال
***
المتنبى
|
Post: #25
Title: Re: ** أكتبـ ليكـ رسالة طويلة يا أمي **
Author: ود المايقوما
Date: 03-22-2006, 12:44 PM
Parent: #1
كم انت كبير ياايها التبلدينا .... وفعلا الكبير كبير ...
والقومة ليك ...
|
Post: #26
Title: Re: ** أكتبـ ليكـ رسالة طويلة يا أمي **
Author: Tabaldina
Date: 03-25-2006, 09:16 AM
Parent: #1
..
.
تسلم يا ود المايقوما
ربنا يطيب النفوس؛
مودتى؛
همســة
يا ود أنيسة
ياخى ما جيت شكرتنى على الهدية.
|
Post: #27
Title: Re: ** أكتبـ ليكـ رسالة طويلة يا أمي **
Author: Tabaldina
Date: 03-26-2006, 07:28 AM
Parent: #1
..
.
أحنُّ إلى خبزِ أمّي
وقهوةِ أمّي
ولمسةِ أمّي
وتكبرُ فيَّ الطفولةُ
يوماً على صدرِ يومِ
وأعشقُ عمري لأنّي
إذا متُّ
أخجلُ من دمعِ أمّي
===
خذيني، إذا عدتُ يوماً
وشاحاً لهُدبكْ
وغطّي عظامي بعشبِ
تعمّد من طُهرِ كعبكْ
وشدّي وثاقي..
بخصلةِ شَعر..
بخيطٍ يلوّحُ في ذيلِ ثوبكْ
عساني أصيرُ إلهاً
إلهاً أصير..
إذا ما لمستُ قرارةَ قلبكْ!
===
ضعيني، إذا ما رجعتُ
وقوداً بتنّورِ ناركْ
وحبلِ الغسيلِ على سطحِ دارِكْ
لأني فقدتُ الوقوفَ
بدونِ صلاةِ نهارِكْ
هرِمتُ، فرُدّي نجومَ الطفولة
حتّى أُشارِكْ
صغارَ العصافيرِ
دربَ الرجوع..
لعشِّ انتظاركْ..
===
محمود درويش
|
Post: #28
Title: Re: ** أكتبـ ليكـ رسالة طويلة يا أمي **
Author: عبدالرحمن عزّاز
Date: 03-26-2006, 08:00 AM
Parent: #27
أمى الحبيبة .......لك منى مئتا .... قبلة
أبعثها من بيتنا العالى ... ... على التّلة
من شجرة الفيجن ... و الوردة و الفُلّة
والبيدر الضاحك.... من دغدغة الغلّة
من نصبة الزيتون... و السدرة و الملّة
************
و الموقد الصائم .... و العيدان و الحلة
و توتةٌ شاميةٌ .... بيضاء ....معتّلة
و هاجس يسألنى عن ..... آخر ...الليلة
*************
أُ ماهُ
يا أجمل مافى العالم ............،،، الرحبِ
يا حبّة العين التى .... أعشق ..... يا قلبى
الشوق عندى وردة ... تحيا على ........حبى
كيف الحال إن القلب .........يستنى و يستنى
***********
وكيف .....حال الخيمة السوداء ...الصحب
بالله هل ذبتم ؟ ... كما ذبنا ..... إلى القُرب؟
إليكم تحية..... خضراء..... ،،،،، كالعُشبِ
الطائرُ المشتاق.... يهديها إلى السِّربِ
و يسأل النجمات عنكم... علّها ... تُنبىء
متى تكون الخطوة الأولى..... على الدّربِ
____________________________
الشاعر مجهول بالنسبة لى
___________________________
و التحية لكل أم فى بلادى و غيرها .... من أرجاء الدنيا
|
Post: #29
Title: Re: ** أكتبـ ليكـ رسالة طويلة يا أمي **
Author: DKEEN
Date: 03-26-2006, 09:08 AM
Parent: #1
تبلدينا سيد نساء المنبر
ماقتا لي ..مكنة ولا نص مكنة عشان احدد ليك المقاس بتاع الهدية؟؟
|
Post: #30
Title: Re: ** أكتبـ ليكـ رسالة طويلة يا أمي **
Author: Tabaldina
Date: 03-26-2006, 09:55 AM
Parent: #29
..
.
شكراً على اللقب الجديد
وشكرً للزيارة الثانية لهذا البوست المقدس
بس ما شكرتنى على هديتى لوالدتك الكريمة
صدقنى صادقاً ما كتبت ..
بس شترتها شوية
انت ما قادر تفهم وتستوعب لكل مقام مقام
ياخى دا بوست مقدس
وقدسيته مزدوجة الاولي للام والثانية والدتكـ
كلام مكنتى وبوبينتكـ خليهو للخور
همســة
شكراً على المرور يا ميكانيكي 
|
|