الحبيب سيف مساعد مرحباً بك داخل أروقة حزب الأمة القومي

تعتبر الأحزاب السياسية وسيلة لبلوغ غاية سامية هي (الوطن)، وحرية الإعتقاد والإيمان بفكر معين حق طبيعي كفلته الأديان والأعراف من هذا الفهم، يشرفنا نحن أعضاء حزب الأمة القومي أن نرحب بالأخ الحبيب سيف مساعد ود عوج الدرب في حزب الأمة القومي بعد طول فترة قضاها بالحزب الإتحادي الديموقراطي.. وأتمنى ان يجد طالته في حزبنا العريق والذي أعتبره شقيق للحزب الإتحادي الديموقراطي وكلاهما مكمل لبعضهما البعض إضافة لبقية الأحزاب السياسية الأخرى.. قد تختلف الطرق والوسائل ولكن محطتنا الأخيرة واحدة.
.
.
مرحباً بك أخي الحبيب سيف مساعد.

.
.
تخريمة:
ربنا يقدرنا على نقدك من الآن.

مبالغة!

Quote: مبالغة!

الحبيب ملاسي..
ما فهمنا حاجة
أها أنت ذاتك بل رأسك.

الحبيب اسماعيل وراق,

مبروك انضمام الأخ (الشقيق سابقاً) سيف مساعد إلى أروقة حزب الأمة القومي العريق, موفقين إن شاء الله تعالى,

ملحوظة :

مفكرين ننضـم بس مش عارفين مواقعنا حتكون كيف؟


أحمـد الشايقي

Quote: مفكرين ننضـم بس مش عارفين مواقعنا حتكون كيف؟

الشقيق أحمد الشايقي..
ومثلك يسأل..
تخريمة:
أخونا عبد الله فرح قال لود قاسم يا أخي إسماعيل دا ما بشبه حزب الأمة بالله عليك جرجوا للحزب الإتحادي.. ود قاسم ضحك ضحكة طويلة .. وقال ليه يا عبد الله فرح أنا ذاتي مع إسماعيل دا قربت أبقى حزب أمة..
تخريمة (2):
الهدف هو خدمة الوطن والأهم يا شقيق أن تتكامل الأدوار بين الأحزاب الوطنية..

الاخ احمد الشايقي


املي ان كل عضو في اي حزب يعمل من اجل الوطن دون التفات الي غير ذلك

فنحن ذاهبون والوطن باقي

ملاسي

ما فضل ليك الا تقول: قالو امو مافيشة معزومة جبنة بي شيشة

علي قول اغنية ود القلع(مبالغة)

الأخ أنور تاج السر
شكراً على المرور

ملاسي


ما انتو ابيتو تفتحو لينا باب عضوية في المؤتمر الوطني

اديتوها ناسكم ديك براهم بقيتو ناس باردة

Quote: مبالغة!

ليش يعني

الاخ وراق

السودان دا وطن لكل سوداني بمافي ذلك أحزابه
فإذا كنت اتحادي او أمة او حركة شعبيةأو مستقل حر أو انتميت لأي حزب
فهذا هوالسودان - أتمنى التوفيق لجميع الأحزاب السودانية في أن
تكون ديمقراطية في طرحها وأن تسعى إلى الحكم عن طريق الديمقراطية
فقط ولا للإنقلابات العسكرية ولمزيد من مساحات الحرية والتعبير.
كل التوفيق للأخ سيف.

أبوفتحية

Quote: السودان دا وطن لكل سوداني بمافي ذلك أحزابه فإذا كنت اتحادي او أمة او حركة شعبيةأو مستقل حر أو انتميت لأي حزب فهذا هوالسودان - أتمنى التوفيق لجميع الأحزاب السودانية في أن تكون ديمقراطية في طرحها وأن تسعى إلى الحكم عن طريق الديمقراطية فقط ولا للإنقلابات العسكرية ولمزيد من مساحات الحرية والتعبير. كل التوفيق للأخ سيف.

كلام يدل على سعة أفق.. شكراً لك أخي الصادق سلمان

الصادق صديق سليمان


شكرا ليك

اسأل الله ان يوفقنا جميعا لما فيه الخير

لعل هذه تكون أول الخطوات في نسف الطائفية الحزبية

فنسمع غداً بأنصاري بالمؤتمر الوطني

وختمي بالحزب الأمة القومي

وجبهجي بالإتحادي الديموقراطي

أبعدوا زعامات الطوائف عن زعامات الأحزاب تفلحوا


كمال

الله اكبر ولله الحمد
الله اكبر ولله الحمد
الله اكبر ولله الحمد
حزب الامة امل الامة
حزب الامة رمز القوة
حزب الامة اذاح الغمة
الله اكبر ولله الحمد
انصار انصار ولن ننهار
انصار انصار بنخوض النار
اهلا وسهلا بالعم الحبيب ودعوج الدرب سيف مساعد عضو بحزب الامة القومى
ولايوجد فرق بين القومى والاصلاح فكلهم امة
لكن ياعم سيف كنت تكلمن كنا سجلناك واديناك عرض احسن من بتاع هيثم طمبل
الف مبروك ياحبيب وراق على انضمام الحبيب سيف اليكم

الحبيب محمد عادل
تحياتي
تعجبني روحك الحماسية
آجلاً أم عاجل سوف يلتئم الشمل إن شاء الله

الحبي فرانكلي
تحياتي

Quote: لعل هذه تكون أول الخطوات في نسف الطائفية الحزبية

أنا غير مقتنع بوجود طائفية في السودان ولي مجادلات طويلة في ذلك سوف نعود لها يوما ما..

Quote: فنسمع غداً بأنصاري بالمؤتمر الوطني وختمي بالحزب الأمة القومي وجبهجي بالإتحادي الديموقراطي

ودا كله حصل

!!!!!!

Quote: الحبيب سيف مساعد مرحباً بك داخل أروقة حزب الأمة القومي

كفارة ليكم يا إسماعيل وراق والجاتكم في مالكم سامحتكم

Quote: كفارة ليكم يا إسماعيل وراق والجاتكم في مالكم سامحتكم

الحبيب ناذر
بل قل يا بشرانا بود عود الدرب

حبيبنا ... اسماعيل .. اعيادك سعيدة

Quote: الحبيب سيف مساعد مرحباً بك داخل أروقة حزب الأمة القومي

لكن سيف ده بدأ يطرح نفسو في الفترة الاخيرة تقدمى وديمقراطى و( بتاع حداثة ) ... ماخايف يعمل ليكم انقلاب في الحزب و يجهجه ( افكاركم ) ..

يا وراق
دايرين طمبلنا
God DaaaaaamN
_________
يا وراق
الوسيط كان محمد عادل!

شكرا اسماعيل وراق .
الحكاية بقت تنقلات بس للاسف جاء الانتقال فى خط مستقيم كانك يا ابوزيد ماغزيت

مرحب بالحبيب مساعد ومعا من اجل غدا مشرقا
نعاهدك بان نكون عند حسن ظنك مدافعين عن الوطن والديمقراطيه وتعاهدنا ان تكون مناصحا للحزب وقادته
مرحب بك مكافحا للنظم الشموليه اينما وجدت ومعا من اجل حزب ديقراطى وطنى
دودى

Quote: نعاهدك بان نكون عند حسن ظنك مدافعين عن الوطن والديمقراطيه وتعاهدنا ان تكون مناصحا للحزب وقادته مرحب بك مكافحا للنظم الشموليه اينما وجدت ومعا من اجل حزب ديقراطى وطنى

الحبيب دودي.
لك التحية أينما كنت.. وعبرك أجدد الترحيب بالحبيب سيف مساعد ود عوج الدرب

الحبيب هاشم نوريت
تحياتي.،

Quote: الحكاية بقت تنقلات بس للاسف جاء الانتقال فى خط مستقيم كانك يا ابوزيد ماغزيت

أبداً أبداً .. الحبيب سيف كان غازياً وسيظل سواء كان بالإتحادي أو الإمة..

الشقيق ياسر طيفور
تحياتي

Quote: يا وراق دايرين طمبلنا God DaaaaaamN

والله بعد دا إلا تشتكي لشداد وشداد ذاتو هلالابي وأظنها راحت عليكم..

Quote: يا وراق الوسيط كان محمد عادل!

في الصفقة دي الوسطاء كانوا ممتنعون.. والحبيب محمد عادل لو كان وسيط كان سجله في كشف آخر (دا قبل إندماج الكشفين)..
التحية لك وللحبيب سيف مساعد والحبيب محمد عادل.،

Quote: لكن سيف ده بدأ يطرح نفسو في الفترة الاخيرة تقدمى وديمقراطى و( بتاع حداثة ) ... ماخايف يعمل ليكم انقلاب في الحزب و يجهجه ( افكاركم ) ..

الحيبب الطاهر ساتي
تحياتي وأشواقي
وهل هناك حداثة أكثر من حزب الأمة..
يا أخي عليك الله أقرأ طرح حزب الأمة بكل هدوء ستجد أننا حداثين ولكن ليست كالحداثة التي صار يركب سرجها كل من هب ودب..
أن تأخذ عصرك ما يوافقك أصلك دي ما الحداثة ذاتها يا حبيب

.
.
تسلم

الحبيب ود وراق


الف شكرا ليك علي الترحاب في داخل حزب الامة لرجل صارع حزب الامة لمدة 25 عام من عمرة

اتيت اليكم عن قناعة تامة باني سوف اقدم داخل حزب الامة ما هو مفيد لوحدة وما هو مفيد في الوقت

الراهن علي الحفاظ تماسك مجتمعنا

لم اتي اليكم فردا كما تعلمون اني اتيتكم ومعي القبيل ومعي ام المهدي والانصار

علي ظهري يقع اليوم ربط البحر بالبحر واعادة علاقة اهلي الاخرين بكم

مثلي كحطاب ثقل عليه الحمل فزاده حملا

وموعدي معكم لقاء غرب الجزيرة ان شاء الله

Quote: علي ظهري يقع اليوم ربط البحر بالبحر واعادة علاقة اهلي الاخرين بكم

يا عوج الدرب
ما شاء الله، تبارك الله
يا زول هــــا
الكلام الكبار كبار ده زمان كنت داسيهو وين؟؟؟
كان كده بختهم ناس حزب الأمة لقوا ليهم كادر (برمائ)
البحر الأول عرفناهو البحر المالح،
أها البحر التانى ده لعلو مو بحر أبيض!

____
والله يا ساف مسيعد، ده الخبر البستحق السبق الصحفى
مفروض تكون الليلة على الهواء مباشرة مع العربية
الخبر لا يقل عن خبر جمعية الصداقة التراجيلية

ياسر طيفور


هنا بخليك اكراما لاهل الدار

البحر الاول بحر ازرق والثاني بحر ابيض


بس لوك لينا حبل الصبر

وانا بدوري ارحب بالحبيب سيف مساعد عضواً في حزب الأمة القومي
مناصراً للحق .

Quote: وانا بدوري ارحب بالحبيب سيف مساعد عضواً في حزب الأمة القومي مناصراً للحق .

الحبيب الصادق خليفة..
شكراً على مرورك وأنت مناصر للحق في كل زمان ومكان..

Quote: الحبيب ود وراق الف شكرا ليك علي الترحاب في داخل حزب الامة لرجل صارع حزب الامة لمدة 25 عام من عمرة اتيت اليكم عن قناعة تامة باني سوف اقدم داخل حزب الامة ما هو مفيد لوحدة وما هو مفيد في الوقت الراهن علي الحفاظ تماسك مجتمعنا لم اتي اليكم فردا كما تعلمون اني اتيتكم ومعي القبيل ومعي ام المهدي والانصار علي ظهري يقع اليوم ربط البحر بالبحر واعادة علاقة اهلي الاخرين بكم مثلي كحطاب ثقل عليه الحمل فزاده حملا وموعدي معكم لقاء غرب الجزيرة ان شاء الله

الحبيب سيف مساعد.،
مرحباً بك، فالدار دارك، ودار لكل سوداني..
أعجبتني عبارة (مثلي كحطاب ثقل عليه الحمل فزاده حملا).. وهي دون شك تدل على تحمل المسئولية وأنت أهل لها.

الحبيب ود وراق
الليلة ذكرتني نافع علي نافع
بقصة اتضمام فلان وعلان للمؤتمر الوطني
على كل حال سيف ما خسارة فيكم ولا خسارة علين

الشقيق أحمد عبد الله
تحياتي.،

Quote: الليلة ذكرتني نافع علي نافع بقصة اتضمام فلان وعلان للمؤتمر الوطني

وضعتني ونافع على نافع في مرتبة واحدة.. نافع يا أحمد يشتري الناس بفلوس أهل السودان ونحن لا نملك درهم علشان نشتري به وأمثال سيف لا يشترى..

Quote: على كل حال سيف ما خسارة فيكم ولا خسارة علين

العبارة دي ما عرفتها .. مدح أم قدح

تخريمة:
أها أنت ذاتك بلّ رأسك.،

Quote: وضعتني ونافع على نافع في مرتبة واحدة

حاشاك يا ود وراق الشبه المايل
لكن نسوي شنوا كل ما يهل علينا صباح
ينط علينا مقطوع الطاري نافع باحنفالية
انضمام جديدة مننا ولى منكم للمؤتمر اللاوطني

Quote: العبارة دي ما عرفتها .. مدح أم قدح

ابدا لا هذا ولا ذاك
وعلى قدر أهل العزم تأتي المكارم
انتو تدونا ادريس البنا و نحن نديكم سيف مساعد

Quote: أها أنت ذاتك بلّ رأسك.

ياخي نحن وانتو وااااحد وكلانا مكمل للاخر
وكل من يقول غير ذلك عليه مراجعة قوله
و هذا ما نرمي اليه مع اخوتنا في حزب الامة
بواشنطن مهدي داوؤد/ابوهريرة/الزين/عبدالرحمن حامد
الدابي/ و غيرهم للعمل سويا من أجل خلق ارضية مشتركة
للعمل سويا اتحادي و أمة ولا يمكن لأحدنا الاستغناء عن الاخر

Quote: يشرفنا نحن أعضاء حزب الأمة القومي أن نرحب بالأخ الحبيب سيف مساعد ود عوج الدرب في حزب الأمة القومي

أصالة عن نفسي و نيابة عن حزب الأمة القومي بدولة الإمارات العربيةالمتحدة
فرع العين نرحب بالحبيب سيف مساعد بحزب الأمة القومي .
معاً من أجل سودان ديمقراطي مستدام الديمقراطية و الوحدة و التنمية كافلاً للحريات
و حقوق الانسان ، فاعلاً في المحيطين الإقليمي و الدولي .

و الشكر موصول للحبيب وراق على هذه الأخبار المفرحة حقا.

يعقوب

إسماعيل وراق..
تحياتي..

Quote: وأتمنى ان يجد طالته في حزبنا العريق

والصحيح ضالته
آمل التصحيح..

وفي الذاهبون الأولون لنا بصائر..



قشة ما تعتر ليكـ يا ود عوج الدرب..

العزيز/ سماعين وراق

كيف حالك يا زول ؟

طبعا عندنا كل الادلة البتقول ان تسجيل اللاعب سيف مساعد غير قانوني لأنه لعب في مريخ العليقة... عليقة البشير ود مضوي ... الصقر البخوي... و عقده ما زال ساري المفعول !!


الله يجازي محنك يا سماعين وراق !! و الله يجازي محنك يا سيف مساعد!!

الحبيب برير إسماعيل
وينك يا رجل.،
والله الشوق بحور

Quote: طبعا عندنا كل الادلة البتقول ان تسجيل اللاعب سيف مساعد غير قانوني لأنه لعب في مريخ العليقة... عليقة البشير ود مضوي ... الصقر البخوي... و عقده ما زال ساري المفعول !!

يا حليل العليقة ورجال العليقة.. ديل أهل نور ونار..
بالمناسبة.. هل كنت متابع لرحلة الإمام الصادق للعليقة أم أنك غارق في صقيع أوربا..
.
.
أبقى أظهر.،

الحبيب أبو رزقة
تحياتي.،

Quote: والصحيح ضالته آمل التصحيح..

هناك ملاحظات تدل على مدى ذكاء كاتبها.. الخطأ واضح لكل نابه يا حبيب..

Quote: وفي الذاهبون الأولون لنا بصائر..

أبو رزقة .. أعرب جملتك أعلاه..

تخريمة:
وينك لابد..

الحبيب يعقوب البشير
تحياتي.،

Quote: معاً من أجل سودان ديمقراطي مستدام الديمقراطية و الوحدة و التنمية كافلاً للحريات و حقوق الانسان ، فاعلاً في المحيطين الإقليمي و الدولي .

هذه دعوة صادقة من رجل صادق.. وعبرك أجدد الترحيب بالحبيب سيف مساعد.،

الامير يعقوب البشير


شكرا لك وللاحباب حزب الامة فرع الامارات علي الترحيب

اسأل الله ان يوفقني واياكم لخدمة السودان

اها، ياسيف، انصاري دحين، ولاحزب "غمة" ساكت؟

سيف مساعد شد حيلك
حزب الامه بسلبياته او ايجابياته
لكن نتحدث هنا عن حزب الامه فرع سودانيز اون لاين دوت كم
وقد قلنا فيهم قولتنا:

Quote: على مستوى الاحزاب التقليديه ضرب حزب الامه اروع مثالا بالتزام عضويته فالتحيه لهذه الكوكبه 1)لنا مهدي 2)خالد عويس 3)فتحي البحيري 4)محمد حسن العمده(رغم خرمجاته مع الشيوعين) 5)اسماعيل وراق 6)د.والي الدين الفكي 7)محمد عادل(اصلاح وتجديد) 8)محمد عبد الرحمن.... وآخرين اقرأ لهم ولكني لم استحضر اسمائهم الآن فلهم العذر... التحيه لهم لاننا لم نقرأ لهم يوما كلام خارم بارم ومتلزمين بالشأن الوطني وموجودين دوما في كل القضايا المصيريه. تراجي.

وانضمامك لهذه الكوكبه يجبرك على التزام كبير
وتحمل اكبر,واعتقد انت قدر المسؤليه,بس خلي كثر الهظار.

مبروك للاخوة بحزب الامه انضمام وطني غيور وسوداني اصيل هو سيف مساعد.
تراجي.

الف الف مرحب بالحبيب ودعوج الدرب في بيت الامة وحبابك من ممشاك ولملقاك


مرحبتين حبابو العزو ماهو لفاية
أب نارا تولع للضيوف دفايــــــة
بي ود عوج الدرب الافتخار ما كفاية
نفرحبو إن جانا ونخـــدمو حفايــــــا

Quote: مرحبتين حبابو العزو ماهو لفاية أب نارا تولع للضيوف دفايــــــة بي ود عوج الدرب الافتخار ما كفاية نفرحبو إن جانا ونخـــدمو حفايــــــا

الحبيب الصنديد ود العجيل..
أها دا الكلام ولا بلاش... عبرك التحية لود عوج الدرب

الأخت تراجي
تحياتي.،
شكرا لحسن ظنك بنا ونسأل الله أن نكون على قدر المسئولية.. فالوطن فوق الجميع وفي إنتظار الجميع.،

Quote: مبروك للاخوة بحزب الامه انضمام وطني غيور وسوداني اصيل هو سيف مساعد.

دون شك أن ود عوج الدرب وطني غيور.. نجدد الترحاب به.،

الامير الكوشي بشاشا


لالالا بس حزب امه

Welcome on board.
You just crossed the knights bridge.
We are proud to have someone with your known manners and reputation with us.
The is the best news i heard so far in 2007.
Sharqawi.

العزيز سيف مساعد .. هنيئا" لحزب الأمة بأمثالك

تحيات طيبات .. ( هل انت سنيرنا العزيز؟؟ ) تتخيل كل الفترة دى قايلك من المحايدين ايام الجامعة

لم يتجاوزنى السؤال وانا أقرأ الترحيب بك على لسان العزيز اسماعيل وراق الا ان أسأل

لماذا تركت الحزب الاتحادى الديمقراطى ؟؟؟ (ارجوا الا يكون السؤال محرج ) وانشالله تكون لقيت ضالتك فى حزب الامة .

احترامي للحزبين وفير ولتاريخها النضالى المهول .. ولكن هناك لغط قادم وتفنيد حساس لرؤيا السودان القادم (السودان الجديد ) اتجاه كل الأحزاب التقليدية (رأى تقدمى ) .

تخريمة :

الحبيب اسماعيل وراق كل سنة وانت ووليداتك طيبين لم أحضر الى الرياض انما ذهبت الى المدينة والا لكنت اول ضيوفك فى العيد .(تانى كل سنة وانت طيب )


بابكر زيكو

الحبيب وراق سلامات

Quote: معاً من أجل سودان ديمقراطي مستدام الديمقراطية و الوحدة و التنمية كافلاً للحريات و حقوق الانسان ، فاعلاً في المحيطين الإقليمي و الدولي

نهنيء الحبيب سيف مساعد بحزب الأمة القومي

ونهنئ حزب الأمة بسيف مساعد


حزب الأمة جميل، وأجمل ما فيه أنه لم يكن ولن يكون حزباً كالمؤتمر الوطني
وسيف مساعد نبيل ، وأنبل ما فيه انه لم يكن ولن يكون عضوا في حزب مثل المؤتمر الوطني


عاش سيف مساعد .
عاش حزب الأمة
عاش (أنادا)




ويسقط يسقط حزب المؤتمر الوطني



محبتي وراق وسيف وكل المتداخلين

Quote: حزب الأمة جميل، وأجمل ما فيه أنه لم يكن ولن يكون حزباً كالمؤتمر الوطني وسيف مساعد نبيل ، وأنبل ما فيه انه لم يكن ولن يكون عضوا في حزب مثل المؤتمر الوطني

الحبيب فتحي البحيري.،
تحياتي.،
دوماً كلماتك عذبة ندية
لك الود أينما كنت

الحبيب عبده عبد الحميد
لك التحية وشكراً على مرورك الجميل.،

Quote: تحيات طيبات .. ( هل انت سنيرنا العزيز؟؟ ) تتخيل كل الفترة دى قايلك من المحايدين ايام الجامعة لم يتجاوزنى السؤال وانا أقرأ الترحيب بك على لسان العزيز اسماعيل وراق الا ان أسأل لماذا تركت الحزب الاتحادى الديمقراطى ؟؟؟ (ارجوا الا يكون السؤال محرج ) وانشالله تكون لقيت ضالتك فى حزب الامة .

الحبيب زيكو
الشوق بحور
.
.
تشابه أسماء فقط.. سيف مساعد الذي نعني لم يدرس البزنس بجامعة الخرطوم.. يا أخي مالك وسيرة البزنس وليمون بزنس وناس بزنس... الله يطري تلك الأيام بالخير.،

Quote: احترامي للحزبين وفير ولتاريخها النضالى المهول .. ولكن هناك لغط قادم وتفنيد حساس لرؤيا السودان القادم (السودان الجديد ) اتجاه كل الأحزاب التقليدية (رأى تقدمى ) .

ونحن نرحب بكل ما فيه خير للسودان سواء أتى من القوى الحديثة أو القوى التقليدية كما تعرف إصطلاحاً..

Quote: الحبيب اسماعيل وراق كل سنة وانت ووليداتك طيبين لم أحضر الى الرياض انما ذهبت الى المدينة والا لكنت اول ضيوفك فى العيد .(تانى كل سنة وانت طيب )

يا حبيب زيارة أبو فاطمة دي براها بالدنيا.. صاحبك دا ملحوق تب.. أها شوف ليك خميس والرياض قريبة تب من القصيم.

Quote: We are proud to have someone with your known manners and reputation with us

الحبيب دكتور طارق
عبرك التحية لحبيبنا ود عوج الدرب ودون شك فإن الرجل مصدر فخر لنا.،

قال الطاهر ساتي:

Quote: لكن سيف ده بدأ يطرح نفسو في الفترة الاخيرة تقدمى وديمقراطى و( بتاع حداثة ) ...

ونحن بنقول اكيد ده السبب الجابوا لحزب الامة.
(الشقيق) سيف مساعد مرحبا بك حبيبا خالصا

انت يا سيف بخيت بخت

راتب المهدي خفيف على لسانك

الحبيب سيف مساعد
نرحب بك بين ظهرانينا في حزب الامة
فانك ستكون اضافة (نوعية) و(كمية) للحزب ونضاله
وكما قال المسافر

Quote: انت يا سيف بخيت بخت راتب المهدي خفيف على لسانك

بس ما

Quote: تقوم تخلطوا براتب الميرغني

ودالبشرى

ألف مرحب بالآخ الحبيب سيف مساعد فى صفوف الأحباب، وهى إضافة لا شك نفتخر بها
فمعا من أجل وطن يسع الجميع والشكر للحبيب إسماعيل وراق والاخبار السارة

أصيـــــل

Quote: وموعدي معكم لقاء غرب الجزيرة ان شاء الله

امانة ماك راجل وليك على وفد من نهر النيل رجال يسندوا الضهر وتفتخر بيهم ومعاهم تور مني ليك بعد

الاخ وراق تحياتى
الاخ سيف دا انا في البداية قايلو
حزب امه لحدى ماعرفت انه من اخوانا الاتحاديين
عموما نعتبره غير المخدة للصفحة التانية من السرير
او قلب جناح امجكو بالعدلة الاخري
وله خالص التحايا والود

Quote: الاخ سيف دا انا في البداية قايلو حزب امه لحدى ماعرفت انه من اخوانا الاتحاديين

الحبيب معتصم الجبلابي
تحياتي.،
وأنا تماماً كنت مثلك عندما سجل الحبيب سيف في المنبر لأول مرة..
.
.
شكراً على المرور

Quote: من أجل وطن يسع الجميع

شكراً دكتور خالد أصيل
وليكن هذا شعارنا دوماً.،

Quote: نرحب بك بين ظهرانينا في حزب الامة فانك ستكون اضافة (نوعية) و(كمية) للحزب ونضاله

الحبيب محمد البشرى.،
شكراً على المرور.. والحبيب سيف قطعاً كذلك.،

Quote: راتب المهدي خفيف على لسانك

الحبيب المسافر ... وكمان بالإلماني

Quote: ونحن بنقول اكيد ده السبب الجابوا لحزب الامة.

الحبيب الصديق/ بشير أبو سالف
تحياتي.،
عشمنا أن يسير النهج الإصلاحي داخل حزب الأمة بخطى حثيثة، وصدقني هناك كثيرون ينظرون إلى الحزب بترقب وعلى أهبة الإنضمام في الوقت المناسب.

اسماعيل وراق تحياتي،

دي شهادة مني ليكم كحزب امة:

حقيقة هجومي علي حزب الامة كان اعنف بي كتير من هجومنا علي الاتحادي، ولكن والشهادة لله، مستوي السلوك الاخلاقي لاعضاء حزبكم اعلي بمالايقارن، من المنتسبين للاتحادي.

درجة تقبلكم للراي الاخر، ربما كان الاعلي من بين كل من داوسنا من تيارات سياسية هنا.

ولو انو نموذج احمد الشايقي عندكم موجود، وحتي الان يتلخص في فرد واحد، ولكن نموذج احمد عبدالله مالاقاني حتي الان في حزب الامة.

ايضا مستوي لانا مهدي في قطاع النساء فبرضو نادر من حيث تقبل الراي الاخر.

فقط ناس حق عدلان، الممكن ينافسوكم في مستوي السلوك وتقبل الراي الاخر، ولكن وبماانكم حزب تقليدي، فرجحنا كفتكم، لانو حق مفروض تكون اكتر من ماهي الان.

كلام زي ده مابنقولو بي ساهل، او ثقة القراء في مصداقيتنا ما حنجازف بيها بي حبة فش غبية او تشفي من اي نوع.

كوننا انصار من منازلهم ماكان ليه اي تاثير في شهادتنا هذه.

مبروك، هنيالكم!

تستاهلو!

والله يابشاشا شهادتك مقبوله ولكن احسن ليك ولينا وللسودان ان تجى تداوس معانا داخل الحزب
اه دى دعوه ليك علشان تجى تجدع معانا لبعيد عشان سودان ديمقراطى وعادل

دودى

اللهم ارحم حزب الأمة واسكنه فسيح جناتك

اللهم أغسله بالماء والثلج والبرد

اللهم ان كان محسنا فزد في احسانه وان كان مسيئا فتجاوز عن سيئاته

وإنا لله وإنا إليه راجعون

الحبيب معتز القريش
كيف حالك يا (ظلامي)
يا أخي في داعي للقبر والفاتحة دي
الحكاية شنو... حسادة ساكت ولا غيره.
أسمع يا بلد..
في سابق العهد قال كثير بمقولتك تلك ولكنهم لم يفلحوا..
.
.
أمنياتي بالصحة والعافية..
قول .. آمين

الأخ بشاشا
تحياتي.،

Quote: درجة تقبلكم للراي الاخر، ربما كان الاعلي من بين كل من داوسنا من تيارات سياسية هنا.

هذه شهادة نعتز بها كثيراً.. أها أنا عارف إسم الصادق المهدي دا بجيب ليك الكاروشة.. لكن يا حبيب نحن تعلم أدب الأحترام من الحبيب الإمام الصادق المهدي.. ألم ترى إلى الذين يسئون إليه وفي ذات الوقت يقابلهم بكل أريحية..

Quote: كوننا انصار من منازلهم ماكان ليه اي تاثير في شهادتنا هذه.

أنا يا بشاشا عايز يوم من ايام الله البقت مشحتفة دي افضى ليك ساكت وأناقشك في أنصاريتك دي.. وأقول ليك حاجة أنت الدواس معاك ليه طعم خاص..
أحد أصدقائي يقرأ في ردي عليك.. قال لك يا بشاشا فرمالاتك حفظناها.. أها رأيك في دا شنو وعلى فكره ما أنصاري..
.
.
شكراً بشاشا على المرور ونسأل الله أن يجعلنا هاشين باشين في وجه الآخرين.

اللهم ارحم حزب الأمة واسكنه فسيح جناتك

اللهم أغسله بالماء والثلج والبرد

اللهم ان كان محسنا فزد في احسانه وان كان مسيئا فتجاوز عن سيئاته

وإنا لله وإنا إليه راجعون

تعلن الدكتورة بلقيس بدري أمينة أمانة الدراسات و البحوث بحزب الأمة القومي
بأن الأمانة سوف تعقد ورشة عمل حول الأنتخابات القادمة بدار الحزب في الفترة من
15-1 إلي 18-1-2007م

كما أعلنت الأستاذة سعاد الطيب حسن أمينة أمانة تنمية المرأة بحزب الأمة القومي بأن الأمانة سوف تنطم و رشة عمل مماثلة عن دور المرأة في الإنتخابات القادمة.


كما تجدر الإشارة إلى أن أمانة شئون سودان المهجر بحزب الأمة القومي قد عقدت مؤتمرهاالعام الثاني
في الفترة من الثاني إلى الرابع من الشهر الجاري ، وانتخب المؤتمرون أميناً عاماً جديداً لأمانتهم
و كذلك أنتخاب مساعدين للأمين .و عقب ذلك عقدت أمانة سودان المهجر إجتماعاً مطولاً مع رئيس الحزب و الأمانة العامة و ناقش الإجماع دور أعضاء الحزب بالمهجر قي الإنتخابات القادمة

و يشهد حزب الأمة القومي هذه الأيام حركة كثيفة إستعداداً للإنتخابات القادمة التي من المفترض أن تجرى مطلع العام القادم .

تسلم يا يعقوب...

الأستاذ يعقوب
تحياتى للأسرة الكريمة بدون فرز
من عم دكتور مهدى لى أبو الشوش


____________

Quote: و كذلك أنتخاب مساعدين للأمين

ولدنا ود عوج الدرب ده جنو سلبطة
بكرة يقول ليكم أنا عينونى
(ين) للأمين العام، بإعتبار مُساعِد مَساعَد
وروهو الفرق بين الفتحة والضمة

ياسر طيفور


اها بديتو في الخساسة

Quote: ولدنا ود عوج الدرب ده جنو سلبطة بكرة يقول ليكم أنا عينونى (ين) للأمين العام، بإعتبار مُساعِد مَساعَد وروهو الفرق بين الفتحة والضمة

جيب لي يعقوب اي لسته واو اي لجنة انا كنت مرشح فيها

لم اكن عضوا في اي لجنة تنفذية

ولكن كنت عضوا نشطا وفعال
عندما خرجت من التجمع في المانيا مات التجمع وعندما جمدت نشاطي في الاتحادي اصبح نسيا منسا

الاخ الحبيب يعقوب اكثر دراية بي منكم اخوتي

الحبيب ياسر طيفور
كيفك يارجل كل سنة و أنت طيب
تصل تحياتك إن شاء الله كل أفراد الأسرة
عمك الدكتور مهدي قي السودان و إختك لنا قي السودان ولكنها
خارج ناطق التغطية لأنها في المناطق المهمشة و أبوالشوش خلص الإمتحانات و قاعد
في البيت .

أما حبيبنا ود عوج الدرب دا جنو بحوث لذلك نديهو مساعد أمين سودان المهجر للدراسات و البحوث
و تبع للدكتورة بلقيس بدري .

شنو رأيك قصرنا معاهو ؟

كتب هاشم
شكرا اسماعيل وراق .
الحكاية بقت تنقلات بس للاسف جاء الانتقال فى خط مستقيم كانك يا ابوزيد ماغزيت


اتريده ان ينتقل الي خط معوج
ام هل هناك اهدي من الخط المستقيم
(إياك نعبد وإياك نستعين إهدنا الصراط المستقيم)
صدق الحق

اسماعيل إزيك وكل سنة وانت طيب
الظاهر يا اسماعيل الجيلي وشو وش خير على أبوه

ارقدوا عافية

الأخ وليد طه
تحياتي.،

Quote: الظاهر يا اسماعيل الجيلي وشو وش خير على أبوه

الجيلي دا كل الخير..

إسماعيل وراق
تحياتي..

Quote: أبو رزقة .. أعرب جملتك أعلاه..

أعرب شنو يا الحبيب..؟.
أسمع؛
أنحن ننضم..
وإنتو أنحو نحونا..

قديمة..

تخريمة:
كنت في زيارة أنا والعيال للمنطقة الشرقية..
الهفوف ـ منطقة الإحساء..
تصدق وتآمن من بعد زيارة شُلة أحبابكم الأنصار هناكـ..
قمت زرت لي جبل اسمو القارة..



غايتو حكمة إلهية..

سلام مربع لكل المتداخلين وتحياتى للأحباب من وراق وحتى البشير ود الحاج أبوسالف فى أم صيقعون . ومرحب بحبيبنا و قريبنا ودمساعد فى حزب الأمة وإنشاء الله تجدنا كما تصورتنا تؤمن معنا ماصح من حاجات و تعمل بجد معنا لتصحيح الذى نراه و تراه يحتاج لتصحيح . وكما ذكر غيرى ولوقت طويل كنت أظن ودمساعد أنصارى ولكن فى إحدى مداخلاته تبينت أنه غير ذلك وعلى كل لم يخيب الظن فمرحب مرة أخرى بسيف بين أهله و أحبابه ،،،،،،،،
ولكم مودتى،،،،،،،،

Quote: عندما خرجت من التجمع في المانيا مات التجمع وعندما جمدت نشاطي في الاتحادي اصبح نسيا منسا

ولد ده ....
ما هي حقيقة تجميد نشاطك في الحزب الاتحادي .؟؟

يعني حزبك هسه يا احمد عبد الله يا ود السيد شغال؟
داير اسالك سؤال انته يا احمد عبد الله بقيت اتحادي كيف؟ وبقيت اتحادي ليه؟
عشان نجاوب ليك كان ماقدرته تجاوب؟؟

الف مرحب بي ود عوجب الدرب
و شكرا يا وراق انرجع ليه لي وراء شوية
و شكرا للاخت تراجي علي شهادتها التي نعتز بها

و ياناس امريكا اشتغلوا مع بشاشة ده شوية شكله قرب

Quote: ياناس امريكا اشتغلوا مع بشاشة ده شوية شكله قرب

الدكتور والي الدين عارف حزب الامة ده عندو فجوة في الافريقانية .. يعني كثافة افريقانية بشاشا العالية دي ممكن تعمل ردم للفجوة دي وبكده قارب حزب الامة الكمال السياسي والفكري

لي يومين يا وراق بعاين للبوست ده ومسرور جدا بانضمام الحبيب الشقيق سيف مساعد اخيرا لحزب الامة وسيف ابدا لم يكن بعيدا عن حزب الامة فمنذ معرفتي به وجدته قريبا جدا من الحزب بل ان تفاعله مع نشاطات واطروحات الحزب الفكرية والسياسية اكبر من كثيرين بدخل الحزب فالرجل له اهتمامات عالية جدا بالسياسة واتجاهات السياسة السودانية

باسم فرعية الطائف حزب الامة القومي ارحب بالحبيب سيف مساعد ود عوج الدرب والف مرحبا به بين احبابه ونتمنى ان يساعد الحزب في مد الجسور واعادة تقوية العلاقات بين حزبه السابق والجديد

Quote: مرحبتين حبابو العزو ماهو لفاية أب نارا تولع للضيوف دفايــــــة بي ود عوج الدرب الافتخار ما كفاية نفرحبو إن جانا ونخـــدمو حفايــــــا

يا ود العجيل خبراً جميل إشراقو
ود عوج الدرب جانا و رقش براقو
واليوم السعيد للخير مرق وراقو
كلنا في الجهاد أمة و نصر بتلاقو


لنا

Quote: يا ود العجيل خبراً جميل إشراقو ود عوج الدرب جانا و رقش براقو واليوم السعيد للخير مرق وراقو كلنا في الجهاد أمة و نصر بتلاقو

الله أكبررر ولله الحمد
الله أكبررر ولله الحمد
الله أكبررر ولله الحمد

Quote: Quote: Quote: يا ود العجيل خبراً جميل إشراقو ود عوج الدرب جانا و رقش براقو واليوم السعيد للخير مرق وراقو كلنا في الجهاد أمة و نصر بتلاقو الله أكبررر ولله الحمد الله أكبررر ولله الحمد الله أكبررر ولله الحمد

ود العمدة جيت؟ مرحب حباب الثابت
سيف النور يراعك ما بتجيكا بتابت
نحنا زمان و للآن في الدواس بنخابت
زرعنا أصلوأخدر لو قديم لو نابت

Quote: تخريمة: وينك لابد..

Quote: تخريمة: وينك لابد..

هذا التعليق كتبه للأخ عبد الرازق الطالب رداً على مداخلته الأولى بهذا البوست..
قام الأخ علي عجب بعمل إقتباس لها..
سؤالي.. ما المراد من عمل الأقتباس يا أخ علي؟؟؟

الأخ الحبيب سيف
لن نقول أهلا وسهلا بك في (دارك)، فالأشقاء في الحزب الإتحادي كانوا دائما أهل دار في حزب الأمة، كما أننا أهل دار في الحزب الإتحادي. لا شك، أنك تمثل إضافة نوعية في حزب الأمة، وانضمام أيّ مثقف للحزب يسعدنا أيما سعادة ليقوى المد الإصلاحي والتحديثي.

Quote: ود العمدة جيت؟ مرحب حباب الثابت

الحبيبة الكنانية عمدتنا دا الثبات راضعوا من العزاز ال جمعوا المكارم كوم

http://www.youtube.com/watch?v=9r-34D0OU88#

لكن العمدة اخوي الحمر فك سكتم خليهم

Quote: Quote: ود العمدة جيت؟ مرحب حباب الثابت الحبيبة الكنانية عمدتنا دا الثبات راضعوا من العزاز الجمعوا المكارم كوم http://www.youtube.com/watch?v=9r-34D0OU88# لكن العمدة اخوي الحمر فك سكتم خليهم

الكنانية الف حمد لله على السلامة ونورتي البورد ومبرووووووووك المنصب الجديد
وبدت الانجازات تظهر من حسع وبرنامج ممتاز جدا .

الحبيب العجيل

الحمر ديل ما انتهو خلاص بس لزوم الارشفة والتوثيق والتنوير للاجيال الجاية انشاء الله
وفي رواية نقدم الملف للمحكمة الجنائية اصلو انا بعمل في ملفات للجبهجية والحركة الشعبية وكلهم منهج واحد واخلاق واحدة .

الأحباب الكرام


كنت قد قررت ان لا تمتد يدي الى لوحة المفاتيح ( الشريرة ) وكنت دائماً احاول الهروب من الولوج الى موقع السودانيين على الهواء ( الهوى ) وكل يغني على ليلاه وكل يغرد داخل سربه الخاص .

لكن
لكن

الأحزاب هي ادة لتحقيق غاية والوطن هو الهدف الشامل .

ومتى ما وجدنا ادة اصلح من غيرها نستخدمها .

هكذا يجب ان يكون الفهم في الإنضمام للأحزاب السياسية .

اتمنى ان لايكون انضمام الحبيب سيف الينا من باب ردة الفعل ( المساوية )في الإتجاه المعاكسة ( في التنافس )

عموماً نحن وانت حبينا سيف من اجل السودان سواء كنا في كيان واحد دونه .