Post: #1
Title: تنويه... هكر يستولى على بريدي الخاص بالهوتميل..
Author: إسماعيل وراق
Date: 09-14-2004, 07:10 AM
Parent: #0
إلى كل الذين أحترمهم وأجلهم
وإلى كل المضافين من الأصدقاء على قائمة ماسنجري بالهوتميل من عضوية المنبر وخارجه..
أرجو أن ألفت إنتباهكم إلى أن أحد الهكر قد إستولى على بريدي الخاص بالهوتميل.. وعليه ليست لي علاقة إلى حين إشعار أخر بأي رسالة مرسلة بواسطة هذا العنوان [email protected].
وفي إنتظار الفرج من الله... وربنا يسهل القواسي.
|
Post: #3
Title: Re: تنويه... هكر يستولى على بريدي الخاص بالهوتميل..
Author: نصار
Date: 09-14-2004, 07:33 AM
Parent: #1
العزيز وراق
بتصلني باستمرار من ناس غاية في العفة و الخلق الرفيع رسائل لا يعلم بيها الا الله بمسح و اسكت و الله يلعن الهكر
مافي حد سوف يسئ فيك الظن مهما حدث بس الله يرد ليك عنوانك البريدي ا يحمي الباقيات
|
Post: #4
Title: Re: تنويه... هكر يستولى على بريدي الخاص بالهوتميل..
Author: هشام مدنى
Date: 09-14-2004, 07:40 AM
Parent: #3
الكرام رجاء نصار وراق
بالمناسبة اعانى نفس المشكلة ومن اشخاص اعرفهم من المنبر واتصلت
بهم اكدو انهم لم يرسلوا اى رسائل وما الحل نشطب وبس
محتفظ بى حوالى 180 رسالة فيها المكرر
|
Post: #5
Title: Re: تنويه... هكر يستولى على بريدي الخاص بالهوتميل..
Author: محمد حسن العمدة
Date: 09-14-2004, 09:08 AM
Parent: #4
والله حاجة غريبة الله يكون في عونك يا حبيب والله يكون في عون الجميع
بس عاوز اسال .. الهاكر دا ممكن يعمل دلشيون ايميل العاجبو في ايميلات الناس شنو ؟؟؟؟؟ والغريب انو معظم الاتسرقت ايميلاتم ناس طاهرين وعفيفين ومتسامحين زي حبيبنا وغرة عيونا وراق ؟؟
يعني تاني مافي طق حنك يا حبيب ؟؟ الله يجازي الكان السبب
اللهم اعطي كل سارقا تلفا وكل مسروقا خلفا
اللهم امين
|
Post: #6
Title: Re: تنويه... هكر يستولى على بريدي الخاص بالهوتميل..
Author: osly2
Date: 09-14-2004, 09:18 AM
Parent: #5
| Quote: والغريب انو معظم الاتسرقت ايميلاتم ناس طاهرين وعفيفين ومتسامحين زي حبيبنا وغرة عيونا وراق |
لو كدا خليك مطمئن يا ود العمده اميلك تب ما حتجيه عوجه
الصديق وراق
الجاتك فى اميلك سامحتك ..
وشكرا على التنبيه
|
Post: #7
Title: Re: تنويه... هكر يستولى على بريدي الخاص بالهوتميل..
Author: إسماعيل وراق
Date: 09-14-2004, 11:20 PM
Parent: #6
العزيزة رجاء العباسي
سلام وتحية
لم تصلني رسائل من العنوانين المذكورة، لأن البريد راح في خبر كان ولم يعد حتى الآن.. لك خالص ودي.،
العزيز نصار
سلام وود
في بريدي الأخر على الياهو تصلني أكثر من مائة وخمسين رسالة في اليوم ومن عناوين أشخاص وأصدقاء أعزهم كثيراً وبها رسائل في غاية السوء وغالباً أتبع نفس طريقتك المسح فوراً وفهمي أنهم بريئون من هذه الرسائل لثقتي المطلقة بهم... لك الشكر على المرور يا غالي.
العزيز هشام مدني
سلام وتحية.،
نعم أحياناً تاتي رسائل وليست بالضرورة أن تكون مرسلة من صاحب البريد نفسه ويحدث ذلك كثيراً... لك الود.،
الحبيب ود العمدة
قلت لي العاجبو في إيميلات الناس شنو.. ممكن أخونا ده بتفتش لصيد ثمين وأعتقد أنه وجد بعض من ضالته في بريدي... ومبروك عليه الضاله دي..
والله سوف نفتقد ضك الحنك معاك يا نقناق.. بس التلفون عندك أبقى على إتصال علشان أديك البريد الجديد.
العزيز كمال أوسلي
سلام وود.،
والله يا كمال الزول ده ما عنده أي ذوق وأنا أشهد بأنه إما إنتهازي أو ذكي أو كلاهما.. بس يا ريت ما يؤذي أحد من أصحابي المضافين على قائمتي.. والبريد مبروك عليه وخلينا نقول معاك الجاتنا في بريدنا سامحتنا..
|
Post: #8
Title: Re: تنويه... هكر يستولى على بريدي الخاص بالهوتميل..
Author: حمزاوي
Date: 09-14-2004, 11:34 PM
Parent: #1
أفا ود وراق يستولى على ايميلو
ود العمدة أخوي خليك جاهز
الشيخ البرير صلي وأدعو الله
شيوخ أم جر نايمين لي شنو
معتوق وشيوخه والقبب المضوي
يا ناس روتو كجروها
قلوبنا معكم
جاهزين جاهزين لحماية . . . بريدكم
|
Post: #9
Title: Re: تنويه... هكر يستولى على بريدي الخاص بالهوتميل..
Author: ابو جهينة
Date: 09-14-2004, 11:40 PM
Parent: #8
أبو محمد إسماعيل وراق
تحياتي ..
الجاتك في إيميلك سامحتك ..
عشان تاني تبقى عزابي
|
Post: #11
Title: Re: تنويه... هكر يستولى على بريدي الخاص بالهوتميل..
Author: محمد حسن العمدة
Date: 09-14-2004, 11:48 PM
Parent: #9
| Quote: لو كدا خليك مطمئن يا ود العمده اميلك تب ما حتجيه عوجه |
اوسلي يا لذيذ يا ظريف 
|
Post: #14
Title: Re: تنويه... هكر يستولى على بريدي الخاص بالهوتميل..
Author: إسماعيل وراق
Date: 09-15-2004, 00:44 AM
ود العمدة
سلام تاني
أها مجهوداتكم معانا... طبعاً حبيبنا هدهد يبذل مجهود كبير من أجل إعادة ممتلكاتنا سلامة ولا نزال في إنتظاره.
|
Post: #13
Title: Re: تنويه... هكر يستولى على بريدي الخاص بالهوتميل..
Author: إسماعيل وراق
Date: 09-15-2004, 00:42 AM
Parent: #9
أبو جهينة
سلام يا غالي
ما هو نحن من زمان عذابة وعايشين في عذاب.. غايتو أعمل حسابك وكان جاتك رسالة مش ولا بد دي ما مني.. أها نسمع صوتك.
|
Post: #10
Title: Re: تنويه... هكر يستولى على بريدي الخاص بالهوتميل..
Author: saif massad ali
Date: 09-14-2004, 11:44 PM
Parent: #8
السلام ود وراق معليش يا اخوي , ربنا ياخد ليك منو, لكن مش حاجة غريبة انا تجيني رسائل بنات وصور بنات كمان شي عجيب
|
Post: #15
Title: Re: تنويه... هكر يستولى على بريدي الخاص بالهوتميل..
Author: إسماعيل وراق
Date: 09-15-2004, 00:47 AM
Parent: #10
سيف ود مساعد
أعمل حسابك صور البنات دي اللغم ذاتو أوعى تقع في الشرك.. ويا ود عوج الدرب قول إن شاء الله إنعوج خشم الزول السراق ده..
|
Post: #12
Title: Re: تنويه... هكر يستولى على بريدي الخاص بالهوتميل..
Author: إسماعيل وراق
Date: 09-15-2004, 00:40 AM
Parent: #8
حمزاي
سلام
شيوخك ذي ما بتقول حبوبتي الله يرحمها يحلقونا ويفزعونا.. بس أعمل حسابك أظنك مضاف في قائمتي.
قلت لي ناس روتو يكجروها... والله يا حمزاوي كان فكيت في الهكر الحرامي ده ناس روتو إلا يجبوا ليك خبره هسي دي.. إنت ما عارفهم ديل ناس خطرين شوية وكهربتهم عالية.
|
Post: #16
Title: Re: تنويه... هكر يستولى على بريدي الخاص بالهوتميل..
Author: Habib_bldo
Date: 09-15-2004, 01:14 AM
Parent: #12
يا وراق دي ظاهرة غريبة بس هي من ناس معانا هنا في المنبر وعارفين العناوين وأنتهزوا فرصة قفل المنبر في السودان وكان في واحد منزل بوست فيه إستفتاء عن طريق البريد الشخصي ... وأظنه هو من اسولى على كلمات المرور
بتجيني عشرات الرسائل على بريد الياهو من أسماء سودانية وبها ملفات مرفقة بها بلاوي من الفيروسات ولكن ربنا حفيظ ولغاية اللحظة ما وقعت في شراكهم
والله ينجي الجميع
|
Post: #18
Title: Re: تنويه... هكر يستولى على بريدي الخاص بالهوتميل..
Author: إسماعيل وراق
Date: 09-15-2004, 02:10 AM
Parent: #16
العزيز وليد حبيب بلدو
سلام وتحية
نسأل الله أن يكفيكم شر البلايا
أها إنت بتجيك رسائل وأنا كذلك
بس المشكلة في إنو الزول ده خطف الإيميل مرة واحدة وما ترك أي أثر.. ربنا ينتقم منه.
|
Post: #19
Title: Re: تنويه... هكر يستولى على بريدي الخاص بالهوتميل..
Author: لؤى
Date: 09-16-2004, 08:49 AM
Parent: #1
|
Post: #21
Title: Re: تنويه... هكر يستولى على بريدي الخاص بالهوتميل..
Author: إسماعيل وراق
Date: 09-17-2004, 11:31 PM
Parent: #20
العزيز لؤي
أها نحن في إنتظارك، أصلاً لي يومين ما دخلت النت وما عارف الحاصل شنو.
|
Post: #22
Title: Re: تنويه... هكر يستولى على بريدي الخاص بالهوتميل..
Author: لؤى
Date: 09-18-2004, 04:37 AM
Parent: #1
اها الضبيحة متين ؟؟ وانا معزوم ولاّ أشوف لى فول وطعمية ؟؟
كل الوُد
ــــــــــــــــــــــــــــــــــــــــــــ
[email protected]
|
Post: #23
Title: Re: تنويه... هكر يستولى على بريدي الخاص بالهوتميل..
Author: إسماعيل وراق
Date: 09-18-2004, 04:59 AM
Parent: #22
الحبيب لؤي
جزيل الشكر والتقدير لجهودكم المقدرة أيها المقاتل الشرس في إرجاع بضاعتنا سالمة كاملة.
أما فيما يخص العزومة وبما أنك خبير بشوارع الرياض فأنت معزوم كوارع في الناصرية وبعدها سوف نذهب للبر وننادي الشباب عشان نشوف خبر الشية.
يا أخي ألف شكر لك وغايتو تاني شيل شيلتك من ناس المنبر أي زول بريدو إنسرق حيجيك على طول..
تاني ألف شكر لك يا غالي.،،،،
|
Post: #24
Title: Re: تنويه... هكر يستولى على بريدي الخاص بالهوتميل..
Author: Elhadi
Date: 09-18-2004, 05:20 AM
Parent: #23
سلامات والله يا حبيب ...
عارف يااسماعيل عينة الزول البدخل يهكرك ويغير ليك الباسورد ده أصلو ما أظنو مشكلة كبيرة ... يعني شنو ما الإيميلات على قفا من يشيل ...
المشكلة يا حبيب في النوع الفضولي داك البدخل ليك بنفس باسووردك ويقعد يتاوق ليك في الروحة والجية
|
Post: #25
Title: Re: تنويه... هكر يستولى على بريدي الخاص بالهوتميل..
Author: Raja
Date: 09-18-2004, 05:35 AM
Parent: #24
وراق الحبيب..سلامات..
حمد لله على سلامة ايميلك..
الأخ الهادي:
| Quote: المشكلة يا حبيب في النوع الفضولي داك البدخل ليك بنفس باسووردك ويقعد يتاوق ليك في الروحة والجية |
غايتو انا الهكر المرازيني في ايميلي المعروف ده حيدفًق مويتو على الرهاب.. الإيميل الخاتاهو ليهو ده "كوبري للإيميل الآلآلآلآلآلآلآمن" .. لوووووووووووووول
|
Post: #27
Title: Re: تنويه... هكر يستولى على بريدي الخاص بالهوتميل..
Author: إسماعيل وراق
Date: 09-18-2004, 05:49 AM
Parent: #25
الغالية رجاء
ربنا يقبل حمدك
| Quote: غايتو انا الهكر المرازيني في ايميلي المعروف ده حيدفًق مويتو على الرهاب.. الإيميل الخاتاهو ليهو ده "كوبري للإيميل الآلآلآلآلآلآلآمن" .. لوووووووووووووول |
كان كدى زولنا ده ما أكل نيم... والله يا رجاء أتاريك ما ساهلة... وبرضو أعملي حسابك.. ما أصلو الشهرة متاعب..
|
Post: #26
Title: Re: تنويه... هكر يستولى على بريدي الخاص بالهوتميل..
Author: إسماعيل وراق
Date: 09-18-2004, 05:45 AM
Parent: #24
الحبيب الهادي
نشكر لكم جهودكم وإستشاراتكم (المجانية).
قلت لي المشكلة في الناس الفضوليين
ديل يا حبيب مش فضوليين ديل ناس مريضيين
وأنا ذاتي ما عارف الزول ده داير مني شنو
غايتو ربنا ينتقم منو
وقول ليهو طال سهرك معانا .. عرفنا دريباتكم يا إنت يا ..........
|
Post: #28
Title: Re: تنويه... هكر يستولى على بريدي الخاص بالهوتميل..
Author: لؤى
Date: 09-18-2004, 07:09 AM
Parent: #23
الأخ إسماعيل
ألف حمدالله على السلامة وألف مبروك عودة إيميلك إليك ، ولا شكر على واجب ..
| Quote: يا أخي ألف شكر لك وغايتو تاني شيل شيلتك من ناس المنبر أي زول بريدو إنسرق حيجيك على طول.. |
ياعزيزى مرحب بكل ناس المنبر ، وإن شاء الله مافيهم/ن زول/ة بريدو/ا ينسرق من أساسو ، ولو لاقدّر الله حصل مابنقصّر تب ..
كل الوُد
________________________________________________________
[email protected]
|
Post: #29
Title: Re: تنويه... هكر يستولى على بريدي الخاص بالهوتميل..
Author: awadharoun
Date: 09-18-2004, 09:48 AM
Parent: #1
الاخ لؤي
وصلتني هذه الرسالة علي ايميلي :
تـحـــذيــــــــــــــر
هنالك أشخاص يقومون بإرسال
شاشة توقف أو حافظة شاشة SCREEN SAVER
بها ضفادع بإسم Budweiser Frogs
إذا قمت بتحميل هذه الشاشة في جهازك فسيقوم بتدمير القرص الصلب..
لا تقم بتحميلها تحت أي ظرف أو ضغط..
هذا يعتبر فيروس جديد.. والكثيرون لايعرفون عنه شيء.
قم بإبلاغ أصدقائك بأسرع وقت ممكن
وهو فيروس خطير جداً ولا يوجد له مكافحة حالياً
=============================
كن حذرا فهناك فايرس ظهر حديثا يقوم بمسح الدراي سي
فإذا وصلتك رسالة تحمل هذا العنوان
"Economic Slow Down in US "
فعليك حذف الرسالة فورا.. أما إذا فتحتها فسيقول لك
"Your system will restart now. Do you want to continue?"
وحتى إذا اخترت " لا" فسيقوم باغلاق جهازك ولن تستطيع تشغيله مره اخرى
حاول ارسال هذا التحذير لأكبر عدد ممكن
ونشره على اكبر نطاق ممكن
حتى يتجنبوا أخطار هذا الفايرس
============================
يوجد فيروس جديد أكتشف حديثا و عمله هو حذف جميع محتويات القرص الصلب. اذا
وصلك ايميل بعنوان
"Osama Vs Bush",
أحذفه فورا، عند فتحه سوف يسألك السؤال التالي
Will this war affect the world economy?”
هل سوف تؤثر هذه الحرب على إقتصاد العالم ؟
و يوجد عدة أزره اذا ضغطت على أحدها سوف يتم ايقاف النظام عندك و لن تستطيع
تشغيله مره أخرى.و قد سبب هذا الفيروس عدة مشاكل في أمريكا و الهند و بعض مناطق
العالم.
الرجاء إعاددة ارسال هذه الرسالة الى أقصى عدد من الناس لأخذ الحذر و الحيطة
_____
الرجاء اتخاد الحذر من المواقع التالية: ply make sure u don't use this
Islamic sites
www.answering-islam.org
www.aboutislam.com
www.thequran.com
www.Allahassurance.com
|
Post: #30
Title: Re: تنويه... هكر يستولى على بريدي الخاص بالهوتميل..
Author: لؤى
Date: 09-18-2004, 11:01 AM
Parent: #29
الأخ عوض
ماجاءك فى الرسالة صحيح ، والضفادع التى تحدّثت عنها قديمة ، وظهرت منذ فبراير بداية العام ، وتوجد برامج مكافحة لها فى مواقع F-Secure ، وقد قرأت عن بقيّة الفايروسات ، وهناك أشكال متعدّدة أخى لهذه الأنواع المُختلفة للبرامج الهجومية والتجسّسيّة ..
المواقع التى أرفقت وصلات لها لا أعلم عنها شيئاً وانا أصلاً لاأقوم بفتح أى موقع دون التحقّق أولاً منه .
لك التقدير وكل وُدّى
________________________________________________________
[email protected]
|
Post: #31
Title: Re: تنويه... هكر يستولى على بريدي الخاص بالهوتميل..
Author: Anwar Ahmed
Date: 09-18-2004, 11:06 AM
Parent: #1
ياساتر يإسماعيل وراق هو لسه حي
|
Post: #32
Title: Re: تنويه... هكر يستولى على بريدي الخاص بالهوتميل..
Author: إسماعيل وراق
Date: 09-18-2004, 10:41 PM
Parent: #31
الأحباب الكرام
عوض هارون
انور أحمد
سلام وود
إنت عارف يا أنور أيميلي ده طلعتو للربا والتلاف وعلشان كده أحسن نستفيد من لؤي الزول الشديد ده.
أحد الأحباب يا لؤي قال لي بعد ده حتلعب لعبة القط والفأر مع الهكر الحرامي ده يعني ممكن يسرق الإيميل تاني ويمكن أنا أسترده مرة أخرى وهكذا لسبب بسيط وهو أن اللص النصاب ده يملك رابط الإسترداد.. هل يمكن أن يحدث هذا يا أخ لؤي أم أن أخونا الحرامي حقه راح في غضب الله ويشوف ليه شغلانية غيري.
|
Post: #33
Title: Re: تنويه... هكر يستولى على بريدي الخاص بالهوتميل..
Author: لؤى
Date: 09-19-2004, 01:50 AM
Parent: #32
أخى إسمايل
مع إحترامى الشديد لكل من حولك ، لكن لاأعتقد أن شر سيصيبك لو حصّنت نفسك بكلمة سر معتبرة وابتعدت عن استلام الفايلات الغير مضمونة وفتح الرسائل .. وبعد الذى قمت به انا داخل معلومات بريدك لايمكن لأى شخص غيرك بعد الآن إسترداد البريد لابرابط ولا بغيره .
ــــــــــــــــــــــــــــــــــــــــــــ
[email protected]
|
Post: #34
Title: Re: تنويه... هكر يستولى على بريدي الخاص بالهوتميل..
Author: إسماعيل وراق
Date: 09-19-2004, 02:05 AM
Parent: #33
لؤي
سلام
يعني الواحد بعد ده ينوم قفا ويجيب ليهو وسادة كبيرة وينتكي عليها.. يعني ما فيش أبالسة تاني بالمرة.. نهي بالكل نهي
شكراً للمعلومة والتوضيح.
|
Post: #35
Title: Re: تنويه... هكر يستولى على بريدي الخاص بالهوتميل..
Author: لؤى
Date: 09-19-2004, 02:12 AM
Parent: #34
إسماعيل ياعزيزى
نوم قفا وجيب ليك مرتبة عديل وإتّكى عليها .. ورمضان على الابواب الأبالسة ديل كلّهم بيطيروا ، بس إنت إتحصّن كويس .
تسلم ياعزيزى
ــــــــــــــــــــــــــــــــــــــــــــ
[email protected]
|
Post: #36
Title: Re: تنويه... هكر يستولى على بريدي الخاص بالهوتميل..
Author: لؤى
Date: 09-23-2004, 03:27 AM
Parent: #1
الأخ إسماعيل
جئتك مُعتذراً ياعزيزى لكونى وكما قُلت لك لم أشأ الكتابة من حساب غيرى فى ذاك الوقت ، عُدتُّ بعدها لملاقاتك من الماسنجر الخاص بى والذى لاأجلس فيه عادةً كثيراً لكنّى لم أجدك ..
لك الوُد
ـــــــــــــــــــــــــــــــــــــــ
[email protected]
|
|