Post: #1
Title: المتشعبطون
Author: إسماعيل وراق
Date: 11-02-2005, 06:56 AM
Parent: #0
المتشعبطون
مفردها متشعبط
أول مرة أسمع كلمة متشعبط كنت في السادسة من عمري..
عبد الغني ود حاجة السرة صبي يحب الشقاوة، وبلغة شلته ولد شفت وتفتيحه وكمان مقددها وحافظها بالنقطة والشولة.. ذات مرة سألت حاجة السرة عن إبنها هذا الشفت الملقب بكلب الكوشة فكان رد بدر الدين "المدهوش" بأن عبد الغني مشتعبط في بص السيرة... ود السرة ولد حيّر الكبار والقدرو.. يحب الظهور في كل الأمكنة والأزمنة... يمكن أن تجده في خيمة عزاء وفجأة دون مقدمات تجده في القرية المجاورة يرقص طرباً في ساحة عرس.. وسيلته دائماً لتحقيق مآربه الشعبطة وشعاره في الحياة كن متشعبطاً فلن تنال الثريا دون شعبطة... آه يا زمن .. عبد الغني... الآن رئيس اللجنة الشعبية.. رئيس فريق كرة القدم... أمين عام جمعية طير الرهو... الرئيس بالإنابة لجمعية تطوير الريف... الرئيس الفخري لجمعية هواة الصيد.. الناطق الرسمي بإسم جمعية حماية الوطن من الإمبريالية... الزعيم الروحي لرابطة مناهضي الصهيونية..
ألم أقل لك يا صديقي أن الشعبطة وسيلة سهلة لتحقيق مجد زائف دون تعب وعناء..
هذا البوست لدراسة سلوك الشعبطة..
|
Post: #2
Title: Re: المتشعبطون
Author: tmbis
Date: 11-02-2005, 07:08 AM
Parent: #1
طيب سؤال يا وراق ..
الناس الكانو في ( الكشافة ) هل ممكن نطلق عليهم متشعبطين برضو ؟؟
والا بنقول عليهم كشافين ؟؟
ونفس السؤال بنطبق على ناس الطلائع ..
( والمرشدات ) ؟؟
|
Post: #7
Title: Re: المتشعبطون
Author: إسماعيل وراق
Date: 11-02-2005, 09:38 AM
Parent: #2
تمبس
دعني أولاً أهنئك بقدوم العيد
كما لا يفوتني تهنئتك بالنيو لوك
أعلم أخي الحبيب حفظك الله وأثابك
أن الشعبطة درجات ومراتب
الكشف أو الكشافة درجة من درجات الشعبطة
أما سؤالك عن الذين كانوا بالكشافة هل يمكن أن نطلق عليهم متشعبطين أم كشافين
فالإجابة أخي الحبيب...
الكشف أنواع...
جبارة ود حلتنا رجل يجيد الكشف.. حتى أن بلوبلو في مرة من المرات غارت من كشفه... هذا أسمه كشف ولهو برئ.
حاجة كلتوم تمتهن رمي الودع وهو نوع من أنواع الكشف... هذا النوع أخي الحبيب أخطر أنواع الشعبطة
وليد.. ولد الجيران كان يعشق الكديك والكشافة... فلا يمكن أن نطلق عليه متشعبط اللهم إلا إذا إستخدم إمكانياته الكشفية في كشف المستور أو كشف ما لا يجب كشفه.
هذا... والله أعلم.
|
Post: #3
Title: Re: المتشعبطون
Author: ودقاسم
Date: 11-02-2005, 07:14 AM
Parent: #1
إسماعيل وراق
حالة الشعبطة حالة قائمة ، والشعبطة وسيلة للكسب الرخيص ، والتسلق ، والتمسح بأهل السلطة والجاه ... وربما يأتيك أحد المتشعبطين ويقول لك : هي لله ،،، وهنا تجد المتشعبط يدخل الجمعيات ، ويؤجج الخلافات ليعكّر الماء تسهيلا للصيد ، وللشعبطة طبعا آلياتها ووسائلها ، والمتشعبط لا يعرف العوائق ، فهو مستعد لتجاوز كل العوائق بمجرد حركة تشعبطية خفيفة ...
سآتيك حتما ..
|
Post: #8
Title: Re: المتشعبطون
Author: إسماعيل وراق
Date: 11-02-2005, 09:48 AM
Parent: #3
| Quote: حالة الشعبطة حالة قائمة ، |
بل هي داء وسوس خطير ينخر عظم المجتمع
| Quote: والشعبطة وسيلة للكسب الرخيص ، |
| Quote: والتمسح بأهل السلطة والجاه ... |
نعم أخي ود قاسم بل أخطر من السرطان..
| Quote: وربما يأتيك أحد المتشعبطين ويقول لك : هي لله ،،، |
أسهل أنواع الشعبطة أن تستخدم الدين في تحقيق مآربك الشخصية الضيقة.
| Quote: وهنا تجد المتشعبط يدخل الجمعيات ، ويؤجج الخلافات ليعكّر الماء تسهيلا للصيد ، |
إذن يجب بترهم من المجتمع... والمسئولية هنا تضامنية
Quote: وللشعبطة طبعا آلياتها ووسائلها ، والمتشعبط لا يعرف العوائق ، فهو مستعد لتجاوز كل العوائق بمجرد حركة تشعبطية خفيفة ...
سآتيك حتما .. |
في إنتظار عودتك لتبين لنا وسائل وآليات الشعبطة..
|
Post: #4
Title: Re: المتشعبطون
Author: DKEEN
Date: 11-02-2005, 08:09 AM
Parent: #1
طيب
على المستوى الصحفي
احمد البلال ده متشعبط ساي..
اخوهو التاني متشعبط ساي..
زهير السراج متشعبط ساي..
منو كده مدني بتاع الراي العام متشعبط ساي..
بخيتة امين متشعبطة ساي..
محمد طه محمد احمد متشعبط ماساي..قاصد الشعبطة
وللمستويات بقية
|
Post: #9
Title: Re: المتشعبطون
Author: إسماعيل وراق
Date: 11-02-2005, 10:06 AM
Parent: #4
دكين
سلام يا رايق
Quote: طيب
على المستوى الصحفي
احمد البلال ده متشعبط ساي.. |
نعم.. بل أحد المتخصصين بإمتياز في علم الشعبطة
| Quote: اخوهو التاني متشعبط ساي.. |
أخوهو التاني ده متشعبط ... وأخونا التاني داك برضو متشعبط
اللهم نعوذ بك من المتشعبطين وداء الشعبطة...
|
Post: #5
Title: Re: المتشعبطون
Author: ALHALAWI
Date: 11-02-2005, 08:25 AM
Parent: #1
عايزين توجيه ...
كيف يمكنني أن أكون متشعبطاً، وما هي المواصفات الواجب توفرهات حتى نكون من المتشعبطين !!! اللهم هيئ لنا أن نكون من المتشعبطين آمين
|
Post: #6
Title: Re: المتشعبطون
Author: newbie
Date: 11-02-2005, 09:20 AM
Parent: #5
السهل الممتنع ,,,, بدون جهد " ساي " تعني الجهد او العمل الذي لا يستطيع القيام به الزول الساي
|
Post: #10
Title: Re: المتشعبطون
Author: saif massad ali
Date: 11-02-2005, 04:28 PM
Parent: #6
كل سنة وانت طيب ومعاك ناس الرياض كلهم والعمرة مبروكة
اها عليك الله وريني حته اتشعبط فيها ما اقع , لانو زمان في سيرة جات بالليل حاولت اشعبط وقعت كسرت يدي الشمال
|
Post: #11
Title: Re: المتشعبطون
Author: BousH
Date: 11-02-2005, 05:35 PM
Parent: #10
الحبيب وراق وبقية العقد الفريد عيدكم مبارك
اسمع جيتي ده برضو شعبطة ولا كيف؟
|
Post: #15
Title: Re: المتشعبطون
Author: إسماعيل وراق
Date: 11-02-2005, 06:35 PM
Parent: #11
حبيبنا بوش
كل عام وأنت بألف خير
وكفى الله أهلنا بدار فور شر المتشعبطين
يا أخي ليت كل الشعبطة مثل شعبطتك
بس أنت كتر من الشعبطة وستجدنا في غاية السعادة
طالما أن شعبطتك لا تؤذي أحد....
|
Post: #14
Title: Re: المتشعبطون
Author: إسماعيل وراق
Date: 11-02-2005, 06:28 PM
Parent: #10
وأنت طيب أخي سيف عوج الدرب
| Quote: اها عليك الله وريني حته اتشعبط فيها ما اقع |
أعلم أخي حفظك الله وكفاك شر المتشعبطين
أن المتشعبط لا يخاف السقوط أو الوقوع، كلما طار وإرتفع وقع مرة أخرى، ولكن ما يميزه أنه يعيد الكرة مرات ومرات... يعني زول عكليت جداً
| Quote: لانو زمان في سيرة جات بالليل حاولت اشعبط وقعت كسرت يدي الشمال |
أكيد يا سيف إتشعبطت في لوري، أخوك الكاشف دا برضو مرّ بالمحطة دي..
تخريمة:
يبدو أن هذا البوست أصيب بداء الشعبطة لأن الردود لم تأت بالترتيب... اللهم أكفنا شر الشعبطة ومن بشر بها في كل زمان ومكان.
|
Post: #13
Title: Re: المتشعبطون
Author: إسماعيل وراق
Date: 11-02-2005, 06:20 PM
Parent: #6
الحبيب newbie
عيد سعيد
| Quote: السهل الممتنع ,,,, بدون جهد " ساي " تعني الجهد او العمل الذي لا يستطيع القيام به الزول الساي |
ده وصف جميل..
كما لا يفوتنا أن المتشعبط طويل النفس، كثير الدهاء...
كما أنه مؤمن بنظرية تمسكن لغاية ما تتمكن..
|
Post: #12
Title: Re: المتشعبطون
Author: إسماعيل وراق
Date: 11-02-2005, 06:13 PM
Parent: #5
حبيبنا الحلاوي
حياك الله وأبقاك
الشعبطة حالة
فيها جانب سيكولوجي
وجانب أخر فيسولوجي
وربما للجينات الوراثية دور كبير
أما إذا أردت أن تكون مشعبطاً عليك بأتباع الوصفة التالية وهي جزء من الروشتة
أن تكون أنانياً وإنتهازياً
أن تكون صاحب قلب ميت
أن تتظاهر بالطيبة
أن تتظاهر بالغباء
أن يكون ديدنك الغاية تبرر الوسيلة
يعني بالعربي البسيط ما عندك قشة مرة..
الوصفة طويلة أخي الحبيب ولكن إذا أخذت الجرعة أعلاه ربما تكون متشعبطاً يشار إليه بالبنان دون أن تصل إلى مرحلة الإحتراف.
|
Post: #16
Title: Re: المتشعبطون
Author: إسماعيل وراق
Date: 11-03-2005, 11:23 AM
Parent: #12
بمناسبة العيد السعيد
نسأل الله أن يفك أسر الشعب السوداني من سطوة المتشعبطين.
|
Post: #17
Title: متشعبطمتسلقمتشعبطمتسلقمتشعبطمتسلقمتشعبطمتسلق!
Author: lana mahdi
Date: 11-06-2005, 10:54 PM
Parent: #1
الحبيب وراق
المتشعبط أفضل من المتسلق في انو بيعتمد على قدراته اكتر شوية
لكن المتسلق لازم وسيلة لانو أصلو ما بيعتمد على قدراتو الذاتية
وفووووووووووووووووووووووووق
أوعدك انو البوست دة يكون فوووووووووق كلما أكون أونلاين
|
Post: #18
Title: Re: متشعبطمتسلقمتشعبطمتسلقمتشعبطمتسلقمتشعبطمتسلق!
Author: محسن عبدالقادر
Date: 11-07-2005, 02:42 AM
Parent: #17
الحبيب اسماعيل وراق
كل سنة وانت طيب
والسنة الجاية ان شاء الله تكون بالساحق والماحق على كل التشعبطين
والمتشعبطات ......
والله يكفينا شرهم
|
Post: #26
Title: Re: متشعبطمتسلقمتشعبطمتسلقمتشعبطمتسلقمتشعبطمتسلق!
Author: إسماعيل وراق
Date: 11-07-2005, 10:44 PM
Parent: #18
Quote: والسنة الجاية ان شاء الله تكون بالساحق والماحق على كل التشعبطين
والمتشعبطات ...... |
الحبيب محسن
كل عام وأنت بألف خير...
طالما في النفس البشرية شيئ من الإنتهازية
ستظل الشعبطة إلى قيام الساعة..
ربنا يكفينا شرهم كما قلت....
|
Post: #19
Title: Re: متشعبطمتسلقمتشعبطمتسلقمتشعبطمتسلقمتشعبطمتسلق!
Author: عبدالرحمن الحلاوي
Date: 11-07-2005, 03:43 AM
Parent: #17
الشعبطة في هذا الزمن الأغبر ليست من أجل الشعبطة والشقاوة وإظهار الخوارق وإنما أفعال الساسة ضعاف النفوس وقليلي الفكرة وقصيري النظر يدفعون هؤلاء للشعبطة لأن الولاية والحاكمية مرتبطة بمستوى الرعية فقد ذهبت للسودان ورأيت بأم عيني الشعبطة وطرائقها وأساليبها ورجالاتها الصغار والكبار فعددت منها أصنافاً وبوبت منها ما يلي
باب شعبطة السوقة والدهماء.
باب شعبطة الباب العالي من الوزراء ورجال القصر الإنقاذي .
باب شعبطة الولاة وخفر السواحل.
باب شعبطة المحليات والمرور .
باب شعبطة اللجان الأشعبية .
باب شعبطة المغتربين .
باب شعبطة المندهشين .
ملحق:
باب شعبطة الأحزاب الصغيرة المتوالية .
باب شعبطة الحزب ال......
باب شعبطة أهل الجنوب .
باب شعبطة أهل الشمال .
وسأحاول اتشعبط في واحد لإخراج هذا السفر الفريد حتى يرى النور
وأرجو التواصل على [email protected]
فأنا أنصاري حتى النخاع ولكن لمن يجرؤ ويصدع بالحق
وأرجو المعذرة والعفو
|
Post: #20
Title: Re: متشعبطمتسلقمتشعبطمتسلقمتشعبطمتسلقمتشعبطمتسلق!
Author: lana mahdi
Date: 11-07-2005, 04:09 AM
Parent: #19
| Quote: فأنا أنصاري حتى النخاع ولكن لمن يجرؤ ويصدع بالحق |
الله أكبر و لله الحمد
لاكين يا حلاوي يا اخوي في انصاري ما بيصدع بالحق؟
|
Post: #21
Title: شنو ده شعبطة ولا شيتا تاني
Author: saif massad ali
Date: 11-07-2005, 04:46 AM
Parent: #20
وب جابت حوت ببلع تب
الحلاوي
انصاريتك دي دسها حبه
|
Post: #30
Title: Re: شنو ده شعبطة ولا شيتا تاني
Author: إسماعيل وراق
Date: 11-08-2005, 00:49 AM
Parent: #21
سيف ود عوج الدرب
شكراً لمرورك الجميل
أها يا اللخو ما داير تحكي لينا شيئ عن الشعبطة...
نسمع منك..
|
Post: #25
Title: Re: متشعبطمتسلقمتشعبطمتسلقمتشعبطمتسلقمتشعبطمتسلق!
Author: عبدالرحمن الحلاوي
Date: 11-07-2005, 10:14 PM
Parent: #20
الله أكبر ولله الحمد
تحية ود وإجلال
مسك الجزء وترك الجل يفسد الفكرة لكنه قلما يخل بالمضمون وإذا سمح الوقت فسأوفي الأبواب حقها في التفصيل وسأترك مصراعي الباب لكي للإضافة والتعقيب ولكي صادق الود .
ولراعي المتشعبطين في سودانيز أون لاين الذي أتاح لي التشعبط على هذا المتنفس الذي أجد فيه راحة وهواء نقياً يريح القلب والأنف .
ونلتقي
|
Post: #29
Title: Re: متشعبطمتسلقمتشعبطمتسلقمتشعبطمتسلقمتشعبطمتسلق!
Author: إسماعيل وراق
Date: 11-08-2005, 00:33 AM
Parent: #19
الحبيب عبد الرحمن الحلاوي
سعيد بطلتك
ومرحب بكل أهلنا الحلاويين هنا
ما قلت لي من حلاويين وين
كتفيه
قنب
ود البصير
شرفت
| Quote: الشعبطة في هذا الزمن الأغبر ليست من أجل الشعبطة والشقاوة وإظهار الخوارق وإنما أفعال الساسة ضعاف النفوس وقليلي الفكرة وقصيري النظر يدفعون هؤلاء للشعبطة لأن الولاية والحاكمية مرتبطة بمستوى الرعية |
أخي الحبيب
الشعبطة علم يدرس بالممارسة الفعلية الآن وفي كل أوساط السودان... طبعاً الرايحين فيها أهلنا الطيبين الغبش... الغريبة أننا نصدق كل متشعبط ومتشعبطة... كفانا الله وأياكم شرور شعبطتهم.
Quote: باب شعبطة السوقة والدهماء.
باب شعبطة الباب العالي من الوزراء ورجال القصر الإنقاذي .
باب شعبطة الولاة وخفر السواحل.
باب شعبطة المحليات والمرور .
باب شعبطة اللجان الأشعبية .
باب شعبطة المغتربين .
باب شعبطة المندهشين .
ما أكثر الأبواب للشعبطة.. |
هل تعلم أخي الحبيب أن لهؤلاء قانون ينص على أن كل الطرق تؤدي للهدف طالما الشعبطة هي الوسيلة المستخدمة.
Quote: ملحق:
باب شعبطة الأحزاب الصغيرة المتوالية .
باب شعبطة الحزب ال......
باب شعبطة أهل الجنوب .
باب شعبطة أهل الشمال |
جميل هذا الملحق...
وما أحلى الملاحق..
الغريب في الأمر أن هؤلاء المتشعبطون لا يعرفون الملاحق على طول نجاح وبإمتياز.
قريبنا الحلاوي..
توقع مني رسالة طويلة..
داير أقول ليك إذا مد الله في الآجال.. ولكني صرفت النظر عنها لإرتباطها بالمتشعبط الوصولي.
|
Post: #23
Title: Re: متشعبطمتسلقمتشعبطمتسلقمتشعبطمتسلقمتشعبطمتسلق!
Author: إسماعيل وراق
Date: 11-07-2005, 12:57 PM
Parent: #17
أختنا العزيزة بنت دكتور مهدي
سلام وتحية
Quote: المتشعبط أفضل من المتسلق في انو بيعتمد على قدراته اكتر شوية
لكن المتسلق لازم وسيلة لانو أصلو ما بيعتمد على قدراتو الذاتية |
عند شيخ فتوى... الأمر سيان
أي كله عند العرب صابون
على أية حال سوف نحاول دراسة سلوك المتشعبط في هذا البوست
فقط لا تذهبي بعيداً.
|
Post: #22
Title: Re: المتشعبطون
Author: حمزاوي
Date: 11-07-2005, 05:45 AM
Parent: #1
يا ود وراق
مرة انا اتشعبطت في لوري وجاء المساعد اعطاني ضربة بسوط لي حسع حاسي بي حرارتو
من يوم داك خليت الشعبطه لي ناس قوات التحالف
|
Post: #32
Title: Re: المتشعبطون
Author: إسماعيل وراق
Date: 11-08-2005, 02:37 AM
Parent: #22
Quote: مرة انا اتشعبطت في لوري وجاء المساعد اعطاني ضربة بسوط لي حسع حاسي بي حرارتو
من يوم داك خليت الشعبطه لي ناس قوات التحالف |
حمزاوي الجميل
كويس أنك أتشعبطت في لوري والله أنا قايلك اتشعبطت في حاجة تانية.. ربنا يكفينا شر الحاجات..
قلت لي خليت الشعبطة لقوات التحالف... أها الله يحلك من حنين..
|
Post: #24
Title: Re: المتشعبطون
Author: lana mahdi
Date: 11-07-2005, 03:47 PM
Parent: #1
| Quote: فقط لا تذهبي بعيداً. |
اذهب بعيداً؟؟؟
لقد طاب لي المقام هنا و طاب ثم طاب
فووووووووووووق
|
Post: #27
Title: Re: المتشعبطون
Author: عبدالرحمن الحلاوي
Date: 11-07-2005, 11:39 PM
Parent: #24
يتسلق الأشجــار لا وهنا يحــــس ولا ونا
ويعود بالاغصــان يبريها سيوفا أو قـنا
ولكم تشعبط كي يقول الناس عنه تشعبطا
مع اعتذاري لرائعة المنفلوطي " وطن النجوم "
ولكن الشاهد في النص أن الشاعر قدم التسلق على الشيطنة " وأنا أقدم التسلق على الشعبطة لأن التسلق يحتاج لمهارة ودارية ودهاء وتخطيط مسبق لأن حاجة المتسلق متجددة لا تنتهي وآماله كثيرة وأغراضه في التسلق كعروق البطيخ ولي فيه شاهد آخر لأحد الشعراء الجاهليين ما اتذكر اسمه :
نروح ونغدو لحاجتنا وحاجات من عاش لا تنقضي
تموت مع المرء حاجاته وتبقى له حاجة ما بقي
أما المتشعبط فموضوعه آني قابل للانتهاء وله الاستعداد للنزول في أقرب محطة لأنه أصلا متشعبطاً ويكفيه ما يحصل عليه .وهذا جهد المقل ...ونواصل
|
Post: #34
Title: Re: المتشعبطون
Author: إسماعيل وراق
Date: 11-08-2005, 02:58 AM
Parent: #27
أعلم أخي عبد الرحمن الحلاوي
حفظك الله من كل مكروه
أن هناك شعبطة خبيثة وأخرى حميدة
وشعبطتك في هذا البوست شعبطة حميدة..
لأنها أتت بالجمال هنا...
ليت كل المتشعبطين هكذا...
|
Post: #28
Title: Re: المتشعبطون
Author: humida
Date: 11-07-2005, 11:49 PM
Parent: #24
متشعبطين فيك ..
ومزنقين بعضنا..
على درجة متخلخلة..
والخلق بتلزنا ..
نضحك ..
نعافر..
يلزوا فينا ..
نفتح لهم قلبنا..
تطق عينهم شرار..
نخش فيهم غنا..
الأستاذ إسماعيل ..
أصاب البوست كبد الحقيقة ..
وهذه الكبد لا أعلم إن كانت كبد أبل ام بقر ..
أو حتى كبد دجاج من ابو خمسة ريال ..
صاحب فتات الموائد هو أفطن مني في إدراك المذاق ..
ربما قبل سبعة عشر عام أصابت أيضا حكومة الجبهة كبد سوط الجلاد ..
فأصابت الناس في أرزاقهم ..
لتحول اخفهم عقلا .. وأثقلهم غباءا .. إلي كدايس ..
تتمسح بالأرجل .. وتنتظر لقيمات مشبعة بالملاح .. أو عضم مكدود وممصوص ..
وإذا كثر المواء .. دُفعت بنفس مركوب النمر الذي تمسحت فيه ..
وإذا أصابها .. داء الكلب .. وتعلمت النباح ..
يغريها عرابها اللعين .. لقطع شارع الزلط ..
فتدهسها .. عربية لاندركروز جي إل ..
وطلقة .. طلقة ..
ودانة .. دانة ..
واحدة .. واحدة .. وبرزانة ..
طلقة .. طلقة .. لكل خائن ..
وما أكثر الخونة في بلادي ..!!!!!!!
|
Post: #33
Title: Re: المتشعبطون
Author: waleedi399
Date: 11-08-2005, 02:37 AM
Parent: #28
المتشعبط الودكي ..
قالت العرب ..
المتشعبط يتسلق حسب حاجته الماسه للشعبطه ...
فمن المتشعبطين من يأخذك على حين غرة..
ويداهمك كما الحمى (ليلاً وانتم نائمون أو ضحاً وانتم تلعبون أو جهاراً نهاراً)
اخـتر ما شاءت فانت لا محالة واقع في قبضة (التشعبط)
وفي الفيزياء ..
عرف مجال الشعبطه بالمجال المغنطيسي .. فالمجال المغنطيسي مرتع خصب للشعبطه
وكيمائياً ..
لعبت الفلزات دوراً مهماً في الشعبطه .. حيث تكون بمثابة موصل جيد ..
يعمل على شعبطت العناصر الكيمائية ..
نواصل ..
|
Post: #40
Title: Re: المتشعبطون
Author: إسماعيل وراق
Date: 11-08-2005, 05:59 AM
Parent: #33
وليد يا عريس
سلام يا رايق
| Quote: المتشعبط الودكي .. |
أضبط.. هذا أول إسم من أسماء المتشعبطين...
في إنتظار المزيد يا ولي..
Quote: وفي الفيزياء ..
عرف مجال الشعبطه بالمجال المغنطيسي .. فالمجال المغنطيسي مرتع خصب للشعبطه
وكيمائياً .. |
يا ود يا عريس ..
هذا تعريف ينحو منحى المنهجية والعلمية...
إذن مطلوب منا أن نعدد أسماء المتشعبطين
أنواع الشعبطة..
تعريف الشعبطة بلغة الرندوك..
تعريف الشعبطة في قاموس فقه الضرورة..
|
Post: #36
Title: Re: المتشعبطون
Author: waleedi399
Date: 11-08-2005, 03:27 AM
Parent: #28
| Quote: وما أكثر الخونة في بلادي ..!!!!!!! |
صدقت يا أبن ابي (بلتعـه)
|
Post: #38
Title: Re: المتشعبطون
Author: إسماعيل وراق
Date: 11-08-2005, 04:08 AM
Parent: #28
حميده يا ود يا جميل
Quote: متشعبطين فيك ..
ومزنقين بعضنا..
على درجة متخلخلة..
والخلق بتلزنا ..
نضحك ..
نعافر..
يلزوا فينا ..
نفتح لهم قلبنا..
تطق عينهم شرار..
نخش فيهم غنا.. |
شكراً على هذا النص المتشعبط... وما أكثر الشعراء المتشعبطين... أنظر لهذا المنبر وخارجه ستجد شعبطة ليست بعدها شعبطة.
Quote: أصاب البوست كبد الحقيقة ..
وهذه الكبد لا أعلم إن كانت كبد أبل ام بقر .. |
الغريب في الأمر أن المتشعبط يحب أكل الكبده بكل أنواعها ويعشق الكلاوي...
الكلاوي يا حميدة مش كلاي ...
| Quote: وما أكثر الخونة في بلادي ..!!!!!!! |
ديل عايزين ليهم صنفرة يا حبيب...
|
Post: #31
Title: Re: المتشعبطون
Author: محمود بكر
Date: 11-08-2005, 02:26 AM
Parent: #1
الاخ وراق اولا كل عام وانت بخير وجميع اهل المنبر
الحقيقة ان الشعبطة علم له ناسو يعني اي شخص لو عاوز يتشعبط بدق الدلجة والمتشعبطون ليسو وليدو هذه الايام السود لكنهم موجودون في كل الاوقات بس لكل فترة لبوسها ولكل وقت زيه فالمتشعبط يغير جلده مثل ثوبه وينتقل من اليمين الى اليسار وشرقا وغربا ولا يرف له جفن (انظر الوزراء الحليين كم منهم مر على كل العهود)
للمزارعين في السودان مثل (ام جركم ما بتاكل خريفين) لكن العجايز في البورد هذا روا ام جركم تاكل ثلاثة خريفات
لابناء المدن (امجركم) هي الجرادة
|
Post: #35
Title: Re: المتشعبطون
Author: تولوس
Date: 11-08-2005, 03:14 AM
Parent: #31
وراق كل سنة وانت طيب ياامير...
انا الشعبطة الوحيدة الندمان عليها .. هي الغربة
|
Post: #42
Title: Re: المتشعبطون
Author: إسماعيل وراق
Date: 11-08-2005, 06:21 AM
Parent: #35
| Quote: انا الشعبطة الوحيدة الندمان عليها .. هي الغربة |
تولوس والنيو لوك
ندامة عدوك
غربة متشعبطة..
|
Post: #41
Title: Re: المتشعبطون
Author: إسماعيل وراق
Date: 11-08-2005, 06:07 AM
Parent: #31
الحبيب محمود بكر
عظيم إمتناني لمرورك الجميل عبر هذا البوست
| Quote: الحقيقة ان الشعبطة علم له ناسو |
نعم أخي الحبيب، كما أن له مدارسه الخاصه.. ومشايخه الخواص
| Quote: يعني اي شخص لو عاوز يتشعبط بدق الدلجة |
رأينا كثير من الكيش دقوا الدلجة دقت عدوك... وصحيح كل فوله وليها كيالها..
| Quote: لابناء المدن (امجركم) هي الجرادة |
أم جركم... معلومة جديدة للحناكيش.
|
Post: #37
Title: Re: المتشعبطون
Author: lana mahdi
Date: 11-08-2005, 04:02 AM
Parent: #1
فووووووووووووق
|
Post: #39
Title: Re: المتشعبطون
Author: صلاح الدين عبدالله محمد
Date: 11-08-2005, 04:09 AM
Parent: #37
الفاضل/ اسماعين
كل عام وانتم بخير
وربنا يكفينا شر الشعبطة
ويفكنا من كل المتشعبطين امثال الحيزبون (0000)وطفلها (0000)وبقيه مطبلاتيها
|
Post: #44
Title: Re: المتشعبطون
Author: إسماعيل وراق
Date: 11-08-2005, 06:44 AM
Parent: #39
صلاح عبد الله
كيف حالك يا حبيب
| Quote: ويفكنا من كل المتشعبطين امثال الحيزبون (0000)وطفلها (0000)وبقيه مطبلاتيها |
هل هؤلاء ينتمون لفصيلة المتشعبطين...
أنت عارف يا حبيب البوست دا عباره عن طاقية مفكوكة كدا في الهواء ويمكن تركب في رأس أي زول وبكل المقاسات..
المهم... في إنتظار تجاربك مع الشعبطة..
يعني لو كان في حلتكم زول متشعبط
زميل دراسة.
زميل شغل
يمكن تحكي لينا عنهم.
|
Post: #43
Title: Re: المتشعبطون
Author: إسماعيل وراق
Date: 11-08-2005, 06:33 AM
Parent: #37
لنا بنت عم مهدي
شكراً للفوق
غريبة أنو المتشعبطين دائماً بيحبوا يكونوا فوق
يا ربي السبب شنو..
|
Post: #45
Title: Re: المتشعبطون
Author: إسماعيل وراق
Date: 11-08-2005, 06:50 AM
Parent: #43
هناك من يتشعبط في طرف ملاية
|
Post: #46
Title: Re: المتشعبطون
Author: إسماعيل وراق
Date: 11-08-2005, 06:53 AM
Parent: #45
وهناك من يتشعبط في ضهر لوري
ليس مهماً الكتاحة ولا السفايه
إن شاء الله يأكل ويشرب هواء
بس المهم الشعبطة..
|
Post: #47
Title: Re: المتشعبطون
Author: إسماعيل وراق
Date: 11-08-2005, 06:55 AM
Parent: #46
وهناك من يتشعبط في حيطة
|
Post: #48
Title: Re: المتشعبطون
Author: عبدالرحمن الحلاوي
Date: 11-08-2005, 10:15 PM
Parent: #47
الأخ إسماعيل بن ورّاق
لك التحية في هذا الصباح الجميل ولكم سعد وسررت بسرعة الرد وقرأت كل مشاركات الأخوة من مختلف المشارب والأصقاع ولكن كنت آمل المنهجية العلمية لنبين للناس هذا السلوك الشاذ في حياتنا السودانية المعاصرة. ولك مني الود
|
Post: #49
Title: Re: المتشعبطون
Author: إسماعيل وراق
Date: 11-08-2005, 10:21 PM
Parent: #48
الحبيب عبد الرحمن الحلاوي
طاب صباحك
المنهجية مطلوبة...
ولكننا نريد لهذا البوست أن يكون وقعه خفيف على القارئ والمتابع مع منهجيته العلميه...
معادلة صعبة مش كده...
واصل في كشف كل المتشعطبين ونحن معك..
|
Post: #50
Title: Re: المتشعبطون
Author: إسماعيل وراق
Date: 11-09-2005, 03:49 AM
Parent: #49
يبدو أن الشعبطة مفردة متميزة
بحثت في كل قواميس اللغة ولم أجد لها معنى..
بل أن محاولاتي باءت بالفشل
ولذا
سأستخدم سلوك الشعبطة لإيجاد المعنى المراد.
|
Post: #51
Title: Re: المتشعبطون
Author: humida
Date: 11-11-2005, 11:50 PM
Parent: #50
*
|
Post: #52
Title: Re: المتشعبطون
Author: إسماعيل وراق
Date: 11-12-2005, 00:04 AM
Parent: #51
شكراً حميدة لرفع البوست
ويبدو أن هذا البوست لا يجيد أسلوب الشعبطة
ليته يتعلم من الأخرين..
لك الود.،
|
Post: #53
Title: Re: المتشعبطون
Author: lana mahdi
Date: 11-12-2005, 03:38 PM
Parent: #1
|
Post: #54
Title: Re: المتشعبطون
Author: إسماعيل وراق
Date: 11-12-2005, 11:26 PM
Parent: #53
شكراً لنا على ربطك الشعبطة بالتسلق
ولكن ثمة سؤال
هل هناك علاقة بين الشعبطة والشعلقة كما يقول أهلنا في شمال الوادي.. أولاد بمبا..
|
Post: #55
Title: Re: المتشعبطون
Author: ابو جهينة
Date: 11-12-2005, 11:35 PM
Parent: #54
أبو محمد الوراق
سلام أيها الحبيب
قدر ما حاولت إتشعبط في البوست دة ما قدرت ..
هناك شيء هام : فالمتشعبطون هم ( محترفو شعبطة ) بلا شك .. و يجيدون التشبث بما هم متشعبطون فيه و مكنكشين .. و لكن الذين يثيرون الشفقة هم أولئك المشعبطون بأرجل المتشعبطين كالزوائد الدودية أو كالتالولة المارقة من جسم تالولة ماكنة.. و هذه الفئة أظنها فئة تنطبق عليهم تلك المقولة ( دة حار .. و دة ما بننكوي بيهو ) .. ولا شجاعة لديهم لإبداء شعبطتهم .. و هم أيضا فئة خطيرة لأنهم ممكن يتشعبطوا في أي نوع من المتشعبطين حتى ينالهم ربما ما ينال المتشعبطين من رذاذ المنفعة المتوقعة .
اللهم لا تشعبطنا في المتشعبطين .. و لا تشعبطنا في أي حاجة متدلدلة ..
اللهم أجعلنا مكنكشين على مبادءنا بأيدينا و أرجلنا و أبعد عنا كل من يريد أن يتكنكش فينا ..
دمتم
|
Post: #56
Title: Re: المتشعبطون
Author: إسماعيل وراق
Date: 11-12-2005, 11:51 PM
Parent: #55
العزيز جلال بن داؤد ابا جهينة..
| Quote: قدر ما حاولت إتشعبط في البوست دة ما قدرت |
أكيد ما حتقدر لأن الشعبطة سلوك لا تجده عند الأنقياء...
| Quote: يجيدون التشبث بما هم متشعبطون فيه و مكنكشين |
الشعبطة.. الكنكشة... جميل أن نجد بعض الكلمات المرادفة.
| Quote: و لكن الذين يثيرون الشفقة هم أولئك المشعبطون بأرجل المتشعبطين كالزوائد الدودية أو كالتالولة المارقة من جسم تالولة ماكنة.. |
دي يا أبو جهينة وصفة تحليلة دقيقة جداً..
غريبة... أن هناك من تنطبق عليهم هذه الوصفة التحليلة ويدعون في ذات الوقت أنهم أبرياء.. يا للسلوك الثعلبي...
| Quote: اللهم لا تشعبطنا في المتشعبطين .. و لا تشعبطنا في أي حاجة متدلدلة .. |
يقال أن المتشعبط في المتشعبط منبرش والإنبراشة هذه سوف نفرد لها بوست قادم.. وعليه نقول آمين يا رب العالمين لا تشعبطنا في المتشعبطين.
|
Post: #57
Title: Re: المتشعبطون
Author: إسماعيل التاج
Date: 11-13-2005, 06:40 PM
Parent: #1
ورَّاق
هل المتشعطبون هي مرادف المتسلقون؟
أم يـوجد فرق بينهما؟ وهل هـو فرق مقدار أم درجـة؟؟
من الوهلة الأولى يبدو لي الفرق فرق مقدار:
متشعبط = ماسك في طرف الحاجة (زي متشعبط في بص مواصلات)
متسلق = انتهازي = opportunist
تحياتي
|
Post: #58
Title: Re: المتشعبطون
Author: القلب النابض
Date: 11-13-2005, 07:46 PM
وهنالك المتشعبط الاممي
وهذا المحلية لم تجدي له نفعاً
فلا دولار يكسبة ولا نارا
فغادر الديار
وتعلق للمنظمات بأستار
وما عندو قشة مرة
منظمة في حقوق ال....
ومنظمات حقوق الاي حاجة
ومنظمات يهودية...
ومنظمة في ....
المهم الدولار
والشعبطة ام بوبار
انترناشونال
دي اضيفها لأنواع الشعبطة
انا عايزة اتشعبط في حاجة واحدة
البوست دا
لانه عجبتني شعبطة لنا مهدي
وفووووووق حقتها
والكلام البمشي وبيجي داك
الو ممكن اتشعبط
|
Post: #60
Title: Re: المتشعبطون
Author: إسماعيل وراق
Date: 11-14-2005, 00:27 AM
Parent: #58
القلب النابض
سلام وود.،
| Quote: وهنالك المتشعبط الاممي |
الشعبطة مستويات ودرجات..
هناك المتشعبط المحلي... ودا زي فريق الدرجة الثالثة.. وكمثال .. بعض متشعبطي لجان الحي أو القرية..
كما أن هناك المتشعبط الإقليمي.. ودا بيكون على مستوى الأقليم أو الولاية..
وهناك المشتعبط القطري... بضم القاف... ودا بيكون على مستوى الدولة..
أما الأممي... فهذا أخطرهم وأبرزهم... ودا بيلعب على التقيل... ربنا يكفينا شره..
هذا شعار كل المتشعبطة عبر الأزمنة...
والإستخدام يكون بدرجات متفاوتة وجميعهم يأكلون الظلت
Quote: انا عايزة اتشعبط في حاجة واحدة
البوست دا
لانه عجبتني شعبطة لنا مهدي
وفووووووق حقتها
والكلام البمشي وبيجي داك |
واحدة من أنواع الشعبطة هي الشعبطة الحميدة وهذه نادرة جداً جداً وتكاد تكون معدومة.
فشعبطت لنا وشعبطتك من هذه الفصيلة النادرة..
وليه لا..
|
Post: #59
Title: Re: المتشعبطون
Author: إسماعيل وراق
Date: 11-13-2005, 10:37 PM
ود التاج سيد الإسم
| Quote: من الوهلة الأولى يبدو لي الفرق فرق مقدار: |
نعم الفرق في المقدار بين المتشعبط والمتسلق
ولكن.. ألا تتفق معي يا أبن التاج أن المتشعبط أكثر خطورة من المتسلق حيث يستخدم وسائل يوهم بها الأخرين بأنها وسائل مباحة...
|
Post: #61
Title: القلب النابض
Author: lana mahdi
Date: 11-14-2005, 03:44 PM
Parent: #59
|
Post: #62
Title: Re: القلب النابض
Author: saif massad ali
Date: 11-14-2005, 03:57 PM
Parent: #61
الاخت الحبيبة لنا مهدي
اننا كنت قايل الشعبطة دي حقت الرجالة براهم , لكن لقيتك يالحبيبة انتي اكبر متشعبطة اها حتنا برفع البوست لي فوق
احمد حسين ادم بسمي الشعبطة شبكة وشباك
|
Post: #63
Title: أحمد حسين آدم يا سيف
Author: lana mahdi
Date: 11-14-2005, 04:04 PM
Parent: #62
| Quote: احمد حسين ادم بسمي الشعبطة شبكة وشباك |
والله لقد ذكرت اسم طيب من لدن طيب..ما تقول لي دة احمد حسين آدم "الحبيب" ولدنا؟؟ لو هو قول ليهو عمك مهدي و خالتك مفتشين أرقامك يا رجل
محبتي يا سيف
وبركة في شعبطتي اللمتنا في أحمد
|
Post: #64
Title: Re: أحمد حسين آدم يا سيف
Author: saif massad ali
Date: 11-14-2005, 04:07 PM
Parent: #63
نعم الحبيبة احمد حسين ادم زميل دراسة وعمل اثتاء عطلات الصيف
قريب مني ما بعيد دائما بيقول لي ياسيف العرجة لي مراحها ارجع وراء بحر ابيض خليهم البساطاب والنفيدية
|
Post: #65
Title: Re: أحمد حسين آدم يا سيف
Author: munswor almophtah
Date: 11-14-2005, 04:09 PM
Parent: #64
إذا فى شعبطه معناها فى قمره وفى لوج وفى ناس فى اللوج والمتشعبط خياره الأخير الشعبطه فهى طوق النجاة.........................
منصور
|
Post: #73
Title: Re: أحمد حسين آدم يا سيف
Author: إسماعيل وراق
Date: 11-15-2005, 01:14 AM
Parent: #65
| Quote: إذا فى شعبطه معناها فى قمره وفى لوج وفى ناس فى اللوج والمتشعبط خياره الأخير الشعبطه فهى طوق النجاة......................... |
الحبيب منصور
وللمتشعبط وسائل مبتكره لتحقيق مآربه.
شكراً على المرور
|
Post: #66
Title: Re: أحمد حسين آدم يا سيف
Author: lana mahdi
Date: 11-14-2005, 04:10 PM
Parent: #64
Quote: نعم الحبيبة احمد حسين ادم زميل دراسة وعمل اثتاء عطلات الصيف
قريب مني ما بعيد دائما بيقول لي ياسيف العرجة لي مراحها ارجع وراء بحر ابيض خليهم البساطاب والنفيدية |
يا حليلو أحمدأرجو ارسال ارقامه عبر المسنجر
وحقيقي نصيحتو غالية يا سيف
فحقو تخلي "الشعبطة" في البساطاب و النفيدية و ترجع ل"شعبطة" بحر أبيض
|
Post: #67
Title: Re: أحمد حسين آدم يا سيف
Author: saif massad ali
Date: 11-14-2005, 04:17 PM
Parent: #66
الحبيبة لنا
راجعي المسنجر
|
Post: #80
Title: Re: أحمد حسين آدم يا سيف
Author: إسماعيل وراق
Date: 12-17-2005, 11:10 PM
Parent: #66
0
|
Post: #71
Title: Re: أحمد حسين آدم يا سيف
Author: إسماعيل وراق
Date: 11-15-2005, 00:46 AM
Parent: #64
الأخ سيف مساعد
شكراً لتواجدك بالبوست
شعبطة: أحسن ليك تسمع كلام أحمد حسين ده، وعليك بالنظر غرباً فبحر أبيض واسع وكبير..
|
Post: #69
Title: Re: القلب النابض
Author: القلب النابض
Date: 11-14-2005, 06:30 PM
Parent: #61
العزيزة لنا مهدي
عارفة
حركاتك دي بتعجبني عجب
Quote: البوست دة و الله حرام ينزل
دة مفترض يكون فوووق لانو تنويري
اها و اهادي تقنية كتابة و شعبطة جديدة
عشان خاطر القلب النابض |
ومتخيلة البوست دا معلق في الهوا ونحن متشعبطين بي طرفو.
وشعبططنا شعبطة حميدة. الحمد لله.
في درجات
منها السحلبة والدحلبة والثعلبة
ودي يمارسها من يتسحلبون للمتشعبط ويتدحلبون له ويتثعلبون معه.
وديل دايما تحت لا يمكن ان يكونو نمرة واحد بيكونو تبع نمرة واحد....يؤانسونه ويضحكون اذا ضحك
ويبكون اذا بكي لانهم يتمتعون ببعض خير شعبطته, وهو يتمتع ببعض خدماتهم, الزيليه , انظروا حولكم...وراء كل متشعبط ازيال من المتثعلبين والمتدحلبن والمتسحلبين...
والله يستر كان استمريت ,,, بندقا...
فتكم بعافية
وامسكي قوي يا لنا مهدي
وياسيد البوست.
فوووووق
|
Post: #74
Title: Re: القلب النابض
Author: إسماعيل وراق
Date: 11-15-2005, 02:40 AM
Parent: #69
القلب النابض
تحية وردية
Quote: ومتخيلة البوست دا معلق في الهوا ونحن متشعبطين بي طرفو.
وشعبططنا شعبطة حميدة. الحمد لله. |
البوست دا يا قلب زي الطاقية المعلقة في الهواء يعني لكل المقاسات ويمكن تلصق في رأي أي زول... شفتي الشعبطة دي كيف...
شكراً لك.،.،.،
|
Post: #70
Title: Re: القلب النابض
Author: إسماعيل وراق
Date: 11-14-2005, 10:30 PM
Parent: #61
شكراً لنا مهدي
وأنت تكتشفين نوع جديد من الشعبطة
الشعبطة التقنية..
يعني لزوم العولمة وكده..
|
Post: #68
Title: Re: المتشعبطون
Author: Mohamed Adam
Date: 11-14-2005, 04:19 PM
Parent: #1
الأخ العزيًز إسماعيًل وراق.
شوقنا بحر يا ناس السعوديًُه.
تشعبط يتشعبط شعبطةَ فهو متشعبط.
أوع تقول ليً دي شعبطه كمان.
فووووووووووووووووووووووق.
|
Post: #72
Title: القلب النابض2
Author: lana mahdi
Date: 11-15-2005, 01:03 AM
Parent: #68
الحبيبة القلب النابض
شعبطنا ليكي سوبرمان في بوست الشعبطة
لانو فجأة المتشعبط بحس انو سوبرمان
ودي بداية دق الدلجة
محبتي
لنا
|
Post: #75
Title: Re: المتشعبطون
Author: إسماعيل وراق
Date: 11-15-2005, 03:34 AM
Parent: #68
| Quote: شوقنا بحر يا ناس السعوديًُه. |
العزيز محمد آدم
شوقنا محيط يا ناس كندا..
Quote: تشعبط يتشعبط شعبطةَ فهو متشعبط.
أوع تقول ليً دي شعبطه كمان. |
دي شعبطة ونص وخمسة.. والشعبطة نوعان..
الأول حميد
والثاني خبيث
بيد أن الثاني هو السائد في زمن خيمت عليه البوم
لك الود يا أبوحميد...
|
Post: #76
Title: Re: المتشعبطون
Author: saif massad ali
Date: 11-15-2005, 02:16 PM
Parent: #75
ياسلام لي فوق
|
Post: #77
Title: Re: المتشعبطون
Author: إسماعيل وراق
Date: 11-15-2005, 11:08 PM
Parent: #76
تسلم يا سيف.
|
Post: #78
Title: Re: المتشعبطون
Author: إسماعيل وراق
Date: 11-17-2005, 01:37 AM
Parent: #77
رجل كل حكومة
ماذا نطلق عليه
متشعبط
.
.
متسلق
.
.
متشعلق
.
.
مكنكش
|
Post: #79
Title: Re: المتشعبطون
Author: إسماعيل وراق
Date: 11-28-2005, 00:15 AM
Parent: #78
*
|
|