Post: #1
Title: البـعـد العـاطـفـي السّـوي..الغـيرة بيـن الأصحاب/الصاحبات..و الشاكوش لفـقـد صديق/ة!!
Author: الطيب بشير
Date: 05-04-2006, 02:24 PM
Parent: #0
.
كنت أسمع عبارات الغيرة بين البنات من صديقاتهن ..في شكل التعامل الأفقي بين الصاحبات..و بسمع كلام زي:
شايفاك اليومين ديل مايلة علي رحاب كامل!
أو
إنتي إيه حكاية نجاة مصطفى الطلعتي فيها دي؟
السؤال طبعآ تجريمي
أو لنقل إحتجاجي
و كنت فاكر انها حركات بنات
لكن بعد شوية لاحظت أن أصدقائي بالجامعة لهم أصحاب في محيط العمل
و العكس صحيح
بدأت أشعر بذات الإحساس
و بيكون أكثر وضوحآ لو أن أحد الطرفين لم يرق للتاني..يعني تجي مهيّـأ للخروج مع بكري حامد تلقى معاهو شباب من النادي الأولمبي و تبقى الونسة تدفّـر..لووول
دحين دي غيرة و الله حاجة تانية؟
و لو غيرة..هل ترون لها مشروعية أم أنها حب تملّـك و أنانية؟
و وجود هذا الشعور، أيآ كانت التسمية، هل يدلل على البـعـد العـاطـفـي السّـوي الوارد بالعنوان؟ ذاك أني لا أريد أن أناقش البـعـد العـاطـفـي غير السّـوي للعلاقات المثليّـة، و التي وصفتها بالإلتواء انطلاقآ من ديني و ثقافتي و قناعاتي مع اعتذاري لمن يراها سوية.
* الزاوية التانية هي الشاكوش!! أو الأسى الملازم لفقد صديق للرجل أو صديقة للمرأة، و قصدت هنا تحييد النوع لكي لا نتكيء على فكرة الميل الطبيعي في الإجابة..
هل ما نشعر به عند فراق الصديق انما هو شاكوش؟
هل البـعـد العـاطـفـي السّـوي هو المسؤول عن الشعور بالأسى السابق ذكره؟
أنا لا أملك (الآن) سوى أسئلة
لذا سأوقف طرحها مؤقتآ لنسمع آراء الناس
و بجيكم بعد الشغل..
.
|
Post: #2
Title: Re: البـعـد العـاطـفـي السّـوي..الغـيرة بيـن الأصحاب/الصاحبات..و الشاكوش لفـقـد صديق/ة!!
Author: munswor almophtah
Date: 05-04-2006, 02:35 PM
Parent: #1
كدى ياالشيخ كلمنا عن غيرة الفقراءأقصد الفقره أو الفاقر والتى ربما تصل إلى ما لا تصله غيرة الأصدقاء العاديين من العاديه لا من عاد
زى علاقتك مع صاحبك الظابـط وغايظاه حكاية إنك تتميز عليه بالشعبيه لأنك مزيع ويروح ما تفكها فينا وتعمل فيها مزيع................
السلام والرحمه
منصور
|
Post: #5
Title: Re: البـعـد العـاطـفـي السّـوي..الغـيرة بيـن الأصحاب/الصاحبات..و الشاكوش لفـقـد صديق/ة!!
Author: الطيب بشير
Date: 05-04-2006, 10:00 PM
Parent: #2
.
المفتاح الكندي..دي على وزن المفتاح الإنكليزي
كيف حالك
غيرة الشيوخ دي أبعدني منها أنا بررررررة
| Quote: زى علاقتك مع صاحبك الظابـط وغايظاه حكاية إنك تتميز عليه بالشعبيه لأنك مزيع ويروح ما تفكها فينا وتعمل فيها مزيع................ |
زي دة ما مشكلة ماأصلو الأنداد بيناتهم التنافس
لكن عوض المفتاح طالع نازل معاك..أقوم أنا أتحسس..
دة شـنو؟
.
|
Post: #3
Title: Re: البـعـد العـاطـفـي السّـوي..الغـيرة بيـن الأصحاب/الصاحبات..و الشاكوش لفـقـد صديق/ة!!
Author: الجيلى أحمد
Date: 05-04-2006, 04:43 PM
Parent: #1
Quote: و بيكون أكثر وضوحآ لو أن أحد الطرفين لم يرق للتاني..يعني تجي مهيّـأ للخروج مع بكري حامد تلقى معاهو شباب من النادي الأولمبي و تبقى الونسة تدفّـر..لووول
دحين دي غيرة و الله حاجة تانية؟ |
لووول يامولانا,
كلامك ذكرنى مقصات (الحسد والبغر) ..
|
Post: #6
Title: Re: البـعـد العـاطـفـي السّـوي..الغـيرة بيـن الأصحاب/الصاحبات..و الشاكوش لفـقـد صديق/ة!!
Author: الطيب بشير
Date: 05-04-2006, 10:04 PM
Parent: #3
.
حبيبنا الجيلي
مرحبتين
أنا المناطق الرمادية دي بتتعبني
| Quote: كلامك ذكرنى مقصات (الحسد والبغر) |
شفت البغر دة ذاتو لو ما كان أخونا الزوول أفتانا فيهو بكل علم ما كان وقع لي
و دي فائدة الإنتداء..
كدي حسي شوف لينا الموضوع دة..
.
|
Post: #4
Title: Re: البـعـد العـاطـفـي السّـوي..الغـيرة بيـن الأصحاب/الصاحبات..و الشاكوش لفـقـد صديق/ة!!
Author: عبد الله عقيد
Date: 05-04-2006, 04:44 PM
Parent: #1
ابو البشير
شيخي السمح ذوقو
لك التحية
حديثك عن غيرة الأصدقاء ذكرني بحادث وقع قبل يومين
فقد خاطبني أحد الأصدقاء الأعزاء في الماسنجر قائلا
(شايف الطيب بشير وبيان عاملين ليك بوستات؟!!؟)
بتلك الطريقة التي تحس منها بطعم الغيرة.. منكما
وهي بالنسبة لي غيرة تدل على المحبة، وليست "حاجة تانية"
وهي أيجابية، حيث تبين لك مقدار محبة الشخص لك
أو حرصه عليك..
وإن كان فيها مؤشرا سلبيا فهو ذلك الإحساس الذي
يراودك عندما تكتشف غيرة أحدهم عليك بأنه ربما
يشك أو غير واثق من مكانته عندك، ثم يقودك هذا الإحساس
(لو لم تتلافاه) إلى أن تعكس الآية، وتتساءل بينك وبين
نفسك (ما دام يشك) إذا فهو لا يحمل نحوي نفس المقدار من المشاعر..
وتتواصل المسألة..
وكثيرا ما يؤدي سؤال صغير مثل هذا إلى تراخي عرى
العلاقة، خاصة إذا كان أحد طرفيها حساسا أكثر مما يجب.
لك المودة
وأوصيك بالاستماع إلى الكاشف وهو يقول
بغير عليك
من جمال خديك
من الزهر الفتّح حوليك
...
بغير عليك من سمارة لونك
بغير عليك من السحر الفي عيونك
وانت ماداري
يا سبب ناري
قالو سماري
كلو من عينيك
بغير عليك..
|
Post: #7
Title: Re: البـعـد العـاطـفـي السّـوي..الغـيرة بيـن الأصحاب/الصاحبات..و الشاكوش لفـقـد صديق/ة!!
Author: الطيب بشير
Date: 05-04-2006, 10:15 PM
.
حبيبنا العقيد عبدالله
قلت لي
| Quote: وأوصيك بالاستماع إلى الكاشف |
هو انت معانا والله مع الخيانة؟
و بتسمع غنا و تأكل التعليمات زي الحلاوة؟..لا و كمان الكاشـف؟
طيب هم بيقولوا عليك كدة لييييييه؟
بهرّج معاك و الله
أنا عارفك زول فنان و متوهج..و في رواية هايج
قلت لي الراجل غيران من البوستات بتاعتنا؟
أهـو دة نموذج
النموذج التاني بتاع الشاكوش
أنا و الله شفن علاقات بنات، في شكلها السوي، انتهت بمناحة و حزن أيام و عزوف عن التعامل الطبيعي لزمن
كذلك فراق صديقين عزيزين يؤثر بشكل عاااااااطفي واضح في انفعالات و تعاملات (المشوكش)!!
يا جماعة المسألة دي فيها (حــب) ..لكنه شديد السمو..
مو اياهو؟
.
|
Post: #8
Title: Re: البـعـد العـاطـفـي السّـوي..الغـيرة بيـن الأصحاب/الصاحبات..و الشاكوش لفـقـد صديق/ة!!
Author: الطيب بشير
Date: 05-05-2006, 08:03 AM
Parent: #1
.
تبادل الثناء العاطفي ليس من ثقافتنا
فنحن قوم على درجة من الخشونة و الفظاظة و المباشرة نسميها تدليلآ بألفاظ أخرى
و لا نعبر عن محبتنا، في الغالب، لأعزائنا في كل مستويات التعاطي الإنساني
أم..زوجة..أخ..أب..و بالطبع صديق..زميل و سائر أدوار الحياة.
لا أدري لماذا؟؟
لكنا نكتفي بأن يحس الطرف الآخر بشعورنا دون تعبير
و لمن ما يفهمنا نملا الدنيا غنا..
أشكيك لي مين يا الما حاسي بي
و ما إليه..
أنا منطلق هنا من فرضية مؤدّاها أن العلاقة بتاعة الأصحاب فيها بعد عاطفي..قدر من المحبة..و بالتالي ضياعها، لأي موقف حياتي، يورثنا الشقاء، و قلت إن هذا يشبه الإخفاق في علاقة عاطفية مع الجنس الآخـر..لكن يقع عليّ عبء الإثبات..أليس كذلك؟
.
|
|