Post: #1
Title: عـالـيـة عـوض الكريـم..خطب النسـيم و قال إنّـك في المنبر ..لولا أن تفنّـدون..مرحبتين..
Author: الطيب بشير
Date: 05-06-2006, 11:46 AM
Parent: #0
.
من الأقـلام التي تنطـق إلـفـة
و خاتمـة كلامها من شاكلة..محـبّـة فوق محبتك تبراك
غابت شمسها فترة ..
احتملنا البرد طمعآ و خوفـا
ثم رأيتها اليوم
في رحاب أبي ساندرا
ألف أهــلآ..
.
|
Post: #2
Title: Re: عـالـيـة عـوض الكريـم..خطب النسـيم و قال إنّـك في المنبر ..لولا أن تفنّـدون..مرحبتين..
Author: عشة بت فاطنة
Date: 05-06-2006, 02:33 PM
سلام ليك واصل اخونا الطيب ’ وشكرا لسؤالك عن عالية ، وهي مريضة
ومرة مرة بتفتح البورد ، وللاسف وهي راقدة امنياتنا ليها بالشفاء
وترجعي بالسلامة يا عالية ، وكل الناس الحلوة سآلين منك .
|
Post: #3
Title: Re: عـالـيـة عـوض الكريـم..خطب النسـيم و قال إنّـك في المنبر ..لولا أن تفنّـدون..مرحبتين..
Author: الطيب بشير
Date: 05-06-2006, 03:07 PM
Parent: #2
.
العزيزة عشّـة بت فاطنة
لا تعالجوها بما قال الصيدلاني..
هـزّي إليها بجذع برّادك هذا و صبـّي لها شايآ أحمرآ ينطق في الصورة نعناعه..
مع بعض كرم في بسمتك التي تبدو متردّدة في الصورة
دعيها تفترّ في وجه عالية و كل من يتلصّـص الودّ
و عوّذيها بمحبّـة كل البورداب
و ألق عليها بجبّـة يرقّعها الكتيابي على كيفه و بعض من كتابات محسن خالد ترتد بصيرة
و نحن بالانتظار
ألف عافية تبراك يا عالية
.
|
Post: #4
Title: Re: عـالـيـة عـوض الكريـم..خطب النسـيم و قال إنّـك في المنبر ..لولا أن تفنّـدون..مرحبتين..
Author: Mohamed Abdelgaleel
Date: 05-07-2006, 03:48 AM
Parent: #3
Quote: لا تعالجوها بما قال الصيدلاني..
هـزّي إليها بجذع برّادك هذا و صبـّي لها شايآ أحمرآ ينطق في الصورة نعناعه..
مع بعض كرم في بسمتك التي تبدو متردّدة في الصورة |
الشيخ الطيب .. التحايا لك والمنى بعاجل الشفاء للأخت عالية لتغرد مع السرب ..
|
Post: #5
Title: Re: عـالـيـة عـوض الكريـم..خطب النسـيم و قال إنّـك في المنبر ..لولا أن تفنّـدون..مرحبتين..
Author: ابو جهينة
Date: 05-07-2006, 05:36 AM
Parent: #4
أبو البشير
سلام
Quote: من الأقـلام التي تنطـق إلـفـة
و خاتمـة كلامها من شاكلة..محـبّـة فوق محبتك تبراك
غابت شمسها فترة ..
احتملنا البرد طمعآ و خوفـا |
عالية هي عالية الحروف سامقة القلم ..
عوداً حميداً
|
Post: #6
Title: Re: عـالـيـة عـوض الكريـم..خطب النسـيم و قال إنّـك في المنبر ..لولا أن تفنّـدون..مرحبتين..
Author: Tumadir
Date: 05-07-2006, 05:44 AM
Parent: #5
برية سلامتها عالية
الغالية ..بت الغاليين
..
نحبك حتى تعودين..
ونمسك لك (وردا) من الجمال..
ونقرأ على فراشك ..تلاوات العافية .
ونرسل لك حزمة من الورد مختومة بقصائد المودة ..ودعاء الشفاء.
فأنت عزيزة ..والعلة لا تشبهك..
لك محبتى الصادقة.
(ولأختك اختى عائشة ..راجة البال)
|
Post: #13
Title: Re: عـالـيـة عـوض الكريـم..خطب النسـيم و قال إنّـك في المنبر ..لولا أن تفنّـدون..مرحبتين..
Author: الطيب بشير
Date: 05-07-2006, 10:05 AM
Parent: #6
.
Quote: نحبك حتى تعودين..
ونمسك لك (وردا) من الجمال..
ونقرأ على فراشك ..تلاوات العافية .
ونرسل لك حزمة من الورد مختومة بقصائد المودة ..ودعاء الشفاء.
|
حبيبة الريد..تماضر شيخ الفـن..
بتقوم عالية زي المهرة لو عالجتيها انتي
عيـلا بيمرضـو ناس كتاااار بي كلامك السمح دة
قلت ياتو يا البنية؟ ونمسك لك (وردا) من الجمال..
و دة عند الطريقة ياتا؟ باقي هشام يازول ما ورّانا اياهو؟
حبابك ..و الدعوات بالعافية تصل لعالية الغالية..
.
|
Post: #12
Title: Re: عـالـيـة عـوض الكريـم..خطب النسـيم و قال إنّـك في المنبر ..لولا أن تفنّـدون..مرحبتين..
Author: الطيب بشير
Date: 05-07-2006, 10:00 AM
Parent: #5
.
Quote: عالية هي عالية الحروف سامقة القلم ..
عوداً حميداً |
أبو جهينة
أحبك تلاتة مرات في اليوم
واحدة ع شان أمين صاحبي
و واحدة ع شان بنتلاقى دايمآ في السماح
و التالتة ع شااااانك ..يا بلد..يا نيل..يا ليل
يا بلدي ياحـبّــوب..
.
|
Post: #11
Title: Re: عـالـيـة عـوض الكريـم..خطب النسـيم و قال إنّـك في المنبر ..لولا أن تفنّـدون..مرحبتين..
Author: الطيب بشير
Date: 05-07-2006, 09:56 AM
Parent: #4
.
حبيبنا محمد عبدالجـليل
مرحبتين حبابك..هووووي
و اليوم السّـعيد يشرق صباحو بطلّـة عالية تاني
ليك تحيــة
.
|
Post: #7
Title: Re: عـالـيـة عـوض الكريـم..خطب النسـيم و قال إنّـك في المنبر ..لولا أن تفنّـدون..مرحبتين..
Author: Alia awadelkareem
Date: 05-07-2006, 07:05 AM
Quote: من الأقـلام التي تنطـق إلـفـة
و خاتمـة كلامها من شاكلة..محـبّـة فوق محبتك تبراك
غابت شمسها فترة ..
احتملنا البرد طمعآ و خوفـا
ثم رأيتها اليوم
في رحاب أبي ساندرا
ألف أهــلآ..
. |
العزيز الطيب
نهارك ود
ولقلمك وهو يتفقد الناس القراب
كل هذا الحب جرعة واحده يجعلني اطير
شكرا علي كل هذه الحفاوه الجميله
| Quote: ألف عافية تبراك يا عالية |
يسلمك من كل شر يا ربي
محبتي
|
Post: #8
Title: Re: عـالـيـة عـوض الكريـم..خطب النسـيم و قال إنّـك في المنبر ..لولا أن تفنّـدون..مرحبتين..
Author: Alia awadelkareem
Date: 05-07-2006, 07:16 AM
Parent: #7
عشو
كيفك
ما ظاهره في المسنجر
اريتك
محمد عبد الجليل
نهارك ود
وشكرا علي السؤال
ابو جهينه
صديق حروفي
سلام واشواق
وشكرا علي كل هذا الحب
والسؤال
تماضر
اخبارك ايتها الجميله
اريتك والقمر جيران
انا بخير وشكرا علي سؤالك
محبتي
|
Post: #14
Title: Re: عـالـيـة عـوض الكريـم..خطب النسـيم و قال إنّـك في المنبر ..لولا أن تفنّـدون..مرحبتين..
Author: الطيب بشير
Date: 05-07-2006, 10:12 AM
Parent: #7
.
عالية ترفرف فوق السارية
ألف حمد و شكر و ثناء و رضا لله على شوفتك بالخـير
جميل انك هنا..الشمس تشرق مرتين
| Quote: كل هذا الحب جرعة واحده يجعلني اطير |
طبع الفراشات الأنيقة..طيري براحتك و أبلغي تحايانا لكل شفيف عاف الأرض.. و لما ترجع بالسلامة ..
أبقي أكتبي هنا تاني..
أنت ..و ابن مريم..عرفتما السّـر..
بركة الشفناك طيبة..
.
|
Post: #9
Title: Re: عـالـيـة عـوض الكريـم..خطب النسـيم و قال إنّـك في المنبر ..لولا أن تفنّـدون..مرحبتين..
Author: أبوبكر حامد الأمين
Date: 05-07-2006, 07:19 AM
سلامات لعالية وسلامٌ عليكم فى العالمين أيها البورداب ، وسلام عليك أبابشير وقد
" طابت " عالية حين فصلت عير الهوى وسقطت عمداً نقطة الجب ، فلتهنأ السيارة بصحبتكم.
|
Post: #15
Title: Re: عـالـيـة عـوض الكريـم..خطب النسـيم و قال إنّـك في المنبر ..لولا أن تفنّـدون..مرحبتين..
Author: الطيب بشير
Date: 05-07-2006, 10:17 AM
Parent: #9
.
حبيبنا بكري المحامي
و الله عاوزك..بي مهلة و رواقة تعمل بحث في المنبر باسم هذه العالية
شوف موضوعاتها الفاتتك..
و ح تدعي لي..
| Quote: وقد " طابت " عالية حين فصلت عير الهوى وسقطت عمداً نقطة الجب ، فلتهنأ السيارة بصحبتكم. |
و الحمد لله..
طالما هي بقت بألف خير .. بنستحمل غياب فترة النقاهـة..
و ستحتفي بها الأحـد عشر كوكبآ البورديّـة..
هـلا بكري...
.
|
Post: #10
Title: Re: عـالـيـة عـوض الكريـم..خطب النسـيم و قال إنّـك في المنبر ..لولا أن تفنّـدون..مرحبتين..
Author: أبوذر بابكر
Date: 05-07-2006, 07:27 AM
نشتاق ليها وهى معانا
كيف بالله وهى عيانه
ونعتذر يا الطيب من مبدعنا "إبراهيم عوض"
على لخبطة الأغنية الزينة
Quote: من الأقـلام التي تنطـق إلـفـة
|
وتنساب عذوبة عالية وتتدفق رحيق ملون ومعطر
إنشاء الله يا الطيب، وبركة رجال طابت كلهم، تطيب عالية
|
Post: #16
Title: Re: عـالـيـة عـوض الكريـم..خطب النسـيم و قال إنّـك في المنبر ..لولا أن تفنّـدون..مرحبتين..
Author: الطيب بشير
Date: 05-07-2006, 10:24 AM
Parent: #10
.
الحبيب مطـر الخير..يا أباذر
كيف حالك
| Quote: إنشاء الله يا الطيب، وبركة رجال طابت كلهم، تطيب عالية |
و الله يا أبا ذر بركة رجال طابت ما بنبخل بيها طـب..
لكن انتا شفت الطريقة التماضرية الفوق دي؟؟
أوراد الجمال و تعاويذ الريد و تفـل الشّـوق..و ها الساعة (المريدين) زادو ألف..
غايتو ع شان ما يتخلبت الاختساس..أحسن نستأذن التمنضورة بالأول..
تلحقنا و تنجدنا..سرّها باااااتع
و مرحبتين بالغالية عالية و هي تأتلق من جديد..
.
|
Post: #17
Title: Re: عـالـيـة عـوض الكريـم..خطب النسـيم و قال إنّـك في المنبر ..لولا أن تفنّـدون..مرحبتين..
Author: Alia awadelkareem
Date: 05-09-2006, 01:46 AM
Parent: #10
Quote:
" طابت " عالية حين فصلت عير الهوى وسقطت عمداً نقطة الجب ، فلتهنأ السيارة بصحبتكم |
ابوبكر الامين
طاب مقامك
وطبنا بصحبتك شمسا بسماء الحب والصحبه
| Quote: إنشاء الله يا الطيب، وبركة رجال طابت كلهم، تطيب عالية |
الماطر
ابوذر
شاعرنا الجميل
تطيب دنياك بعطر الاهل والاصحاب
ودمت سحابه تحمينا من هجير الناس
ويا الطيب
طم طم دي خبازة عباره ماهره
او مجرمه في عسل الكلام
يحفظها يا رب من كل شر
محبتي
|
Post: #24
Title: Re: عـالـيـة عـوض الكريـم..خطب النسـيم و قال إنّـك في المنبر ..لولا أن تفنّـدون..مرحبتين..
Author: الطيب بشير
Date: 05-09-2006, 07:22 AM
Parent: #17
.
في دارنا عالية؟..
وااااو إني إذن لسـعيد
Quote: ويا الطيب
طم طم دي خبازة عباره ماهره
او مجرمه في عسل الكلام
يحفظها يا رب من كل شر
محبتي |
كلكم (مجارمة)..و عاوزينكم تقضـوا فترة خدمتكم هنا..في الإصلاحية دي..
ممنوع الغياب..
أكتبوا لينا الكلام العجيب دة
بكم نحارب (بعض) القبح الطاريء بالمنبر ..و محاولات الساسة للسيطرة على البورد، وجه الحياة الأجمل..
بركة البقيتي طيبة
.
|
Post: #18
Title: Re: عـالـيـة عـوض الكريـم..خطب النسـيم و قال إنّـك في المنبر ..لولا أن تفنّـدون..مرحبتين..
Author: lana mahdi
Date: 05-09-2006, 02:19 AM
يا عالية يا (عالية)
إزيك؟
المايسترو أبدعت كالعادة
|
Post: #21
Title: Re: عـالـيـة عـوض الكريـم..خطب النسـيم و قال إنّـك في المنبر ..لولا أن تفنّـدون..مرحبتين..
Author: الطيب بشير
Date: 05-09-2006, 07:10 AM
Parent: #18
.
صاحبة السّـمو الأميري الكناني الرابح
لـنـا مهدي
أهلآ بك يا غالية في رحاب الرائعة عالية
بركة الـ..هي بقت بألــف عافية
.
|
Post: #19
Title: Re: عـالـيـة عـوض الكريـم..خطب النسـيم و قال إنّـك في المنبر ..لولا أن تفنّـدون..مرحبتين..
Author: معتصم دفع الله
Date: 05-09-2006, 02:41 AM
الطيب بشير يا جميل ..
نهارك ود ..
كما تقول عالية بنت عوض الكريم ..
وزي ما قلت عالية من الاقلام التي تنطق إلفة ..
وجميل أنها هنا ..
وجميل هذا البوست ..
لكما حبي وتقديري ..
|
Post: #22
Title: Re: عـالـيـة عـوض الكريـم..خطب النسـيم و قال إنّـك في المنبر ..لولا أن تفنّـدون..مرحبتين..
Author: الطيب بشير
Date: 05-09-2006, 07:14 AM
Parent: #19
.
قريي معتصــم
حبابك و زيادة مرحبتين
تخيل لو كل المنبر دة زي عالية و لنا و تماضر و عشة بت فاطنة و عنيدة و باقي البنيات العديلات..
و كل الرجالة زي معتصم دفع الله ..أدب و ذوق..ما كان بنحتاج للجان الحكماء..صاح؟..لوووول..
بركة عالية البقت طيبة
.
|
Post: #20
Title: Re: عـالـيـة عـوض الكريـم..خطب النسـيم و قال إنّـك في المنبر ..لولا أن تفنّـدون..مرحبتين..
Author: أبوبكر حامد الأمين
Date: 05-09-2006, 03:27 AM
دعواتى تلاحقك فى ترحالك عبر الولايات ، وحلك الذى تجاوز حبل الرويد ، سأدعوا لك و........عليك لأنى شقيت بحسن ظنك ......." الكتابة عن عالية لرقيق الحال مثلى أشبه بإعادة بناء برج التجارة العالمى من الطابق العلوى ونزولاً على رغبة الجمهوريين " .
أحتاج دوزنةً واستعانة بصديق.
|
Post: #23
Title: Re: عـالـيـة عـوض الكريـم..خطب النسـيم و قال إنّـك في المنبر ..لولا أن تفنّـدون..مرحبتين..
Author: الطيب بشير
Date: 05-09-2006, 07:17 AM
Parent: #20
.
بكري...اركـز أركز
البحرين خربتك؟؟...نرجّـعك المحيطين؟..لوووول
| Quote: الكتابة عن عالية لرقيق الحال مثلى أشبه بإعادة بناء برج التجارة العالمى من الطابق العلوى ونزولاً على رغبة الجمهوريين " . |
أبقى أقراها واااااحدة .. واحدة
ع شان ما تروح فيها
تسلم يا حبيب
.
|
Post: #25
Title: Re: عـالـيـة عـوض الكريـم..خطب النسـيم و قال إنّـك في المنبر ..لولا أن تفنّـدون..مرحبتين..
Author: mahmed alhassan
Date: 05-09-2006, 07:38 AM
Parent: #20
حمدا لله علي سلامتك أخت عالية
حباب عودتـــك
محمد الحسن
|
Post: #26
Title: Re: عـالـيـة عـوض الكريـم..خطب النسـيم و قال إنّـك في المنبر ..لولا أن تفنّـدون..مرحبتين..
Author: Balla Musa
Date: 05-09-2006, 08:13 AM
Parent: #25
حبيبنا المتنبئ ابو الطيب
طابت أيامك
تعرف أول مرة أسمع بالسماء يصيبها المرض
عالية ليست فراشة لتطير ولكنها السماء بدت لنا واستعصمت بالبعد عنا.
تكتب فنقرأها كما نؤدى الركعتين الأخيرتين فى الصلاة الرباعية ومن فرط خوفنا من عدم تجويد الأداء لانضمن القبول وتجدنا دائما نرفع الأكف بعد السلام عند نقطة السطر الأخير ودوما فى رجاء طلة الفى سماهو مفصول ينشاف عيان وبيان ماعرفنا ليهو وصول ومادنا أحيان.
|
Post: #27
Title: Re: عـالـيـة عـوض الكريـم..خطب النسـيم و قال إنّـك في المنبر ..لولا أن تفنّـدون..مرحبتين..
Author: الطيب بشير
Date: 05-09-2006, 09:38 AM
Parent: #26
.
مرحبتين الحبيب بلة موسى
نحييها ..فراشـة...و.. سـماء
نحييها كاتبة و أخـت متفردة العطـاء
لكنها لم تستعصم بالبعد عنا ..هي بين جنبينا برد الحرف و صدى الكلام
أقرب حتى من أن نناجيها..
أصابها طل..أو قل وابل..رقدت شوية و اتدللت..قامت عشّـة بت فاطنة جابت ليها شاي أحمر و شيء من شعر قليل..
فقامت زي مهرة السـبق العنيدة..
مرحبتين بي عالية معانا..يا ملاذ أفكارنا (العيّـانة)..على قول المطر..
.
|
|