حـل وسـط لعقـيد و بشـاشـا..فـكّ الإرتبـاط بين العـروبـة و الإسـلام..

.

نستأذن الأمـيرة لنا مهدي، الغائبة الحاضـرة، في عـنقدة البوسـتات

الفكرة محاولة لخلق مرحلة أولى من مشروع نقاش الهوية الكاتلة الناس دي

عاوزين نتحدّث عن الإسلام كرسالة عظيمة بمعزل عن أي إثنية، و نعني تحديدآ العرب، و نزعم أن في ذلك

خير للسـودانيين و للإسـلام. فإن تضرّر منه من يرى نفسه عربيآ من أهلنا في السودان، و له الحق في

نسبه، نأمل أن يحمل ذلك لأجل مصلحة الإسلام و السـودان.

دة المقترح..

النقاش..و التوضيحات منكم و منا ..تلي

المنابيذ و الشكليبات و منهج ال(قصدك تقول) ..لا يلزمنا..

شكرآ

.

.

نحسـب أن ذلك يوضّـح المناطق المتداخلة

الزول الرافض الإسـلام فكرة و مبدأ يجي داخل بالباب و نتعامل معاهو على هذا الأساس.

الزول الضد العروبة مطلقآ و يراهم ملعونين أينما ثقفوا، يقول الكلام دة.

الزول الشايف انو سوداني/عربي، مبروك عليهو طب، بس ما يدخّـل الإسلام في حسم هويتو العربية.

الزول العاوز يناقش عرب السودان في انتماءهم الإثني (يختا) لينا دين الله و يركّـز علي عربو.

الزول البيرفض الإنتماء للعروبة ليس بالضرورة زنجي! و لنا في فكرة السودانوية متسع ..

و كل الأزوال عندنا محترمين من غير خلط، متعمّـد أو ساهـ، و بالضرورة من غير ألقاب.

.

الحبيب الطيب

مودة وتقدير

هذا منهج ليس لبشاشا المنطق ولا الألمام الكامل ولا الفكر الذى يسهم فى نقاشه..

السيد بشاشا يملك عقلية أمريكية ( وأقصد العقلية الحاكمة والعسكرية والأستخباراتية المتسلطة فى أمريكا) ويرتكز على مقولاته الشهيرة بالتحدى والنرجسية التى لا يعرف منازل نجومها..والتى تنم عن خواء الفكر والفكرة على حد سواء..

إن مثل هكذا حوار يخلق مساحة لمقترحات وحلول ومنطق يرفضها بشاشا لأنها تجافى واقعه ومنطقه..

أرجع الى الأرشيف الخاص بالسيد بشاشا وحاول أن تستخلص منه فكر يمكن أن يسهم فى تعايش هذه الأثنيات وهذا التمازج والتآلف من الأعراق التى يتكون منها السودان!!

السيد بشاشا يطرح نفسه مناصرا للأفارقة والأقليات ولم يقدم فى أى يوم أطروحات كالتى تطرحها الآن فى بوستك هذا ، وأنما يعتمد فى طرحه على الفتنة والفرقة والأقصاء..

أتمنى أن يسهم هذا البوست فى وضع لبنة للحوار ..

وأعلم بأنك تملك مفاتيحه ..

مودتى

عزيز

.

الفنان عزيز خطاب

يا جميل يا حلو ..و الدم الشربات مكملو

دعني أعتب على مدخلك المخاشن للأخ بشاشا

كل ما كتبه بشاشا في البوستات الأخرى لا يحسب هنا

هذه دعوة لحوار جديد ..بلا إقصـاء..بلا سـابق حكم .. بلا ألقاب، كما تقدّم، و بأريحيّـة و أناة

لقد جرّبنا النقاش من أجل الإنتصار، لماذا لا نجرّب الحوار من أجل الفهم و بالخاطر أهميّة الوصول لحل

Solution base thinking

بشاشا ..و عقيد ..مجرد مثالين

سمحت لنفسي بوضع اسميهما بالعنوان بناء على المعرفة الشخصية ..و العشـم

لكنهما يحملان أفكارآ يشاركهما فيها كثيرون

شكرآ عزيزي خطاب

.

شكرا، أخي الكريم: الطيب البشير علي الفكرة الراجحة.

بيد أنّي أستميحك عذرا لتذكيرك بالحقيقة الكبري التالية:

هل تأسست دولة السودان الأم ، باستثناء الاقليم الجنوبي، علي وثاق مغاير لجملة: لا اله الا الله، محمّد رسزل الله؟

أتذكر مملكة سنّار؟ تلكم الدولة الاسلاميّة العظيمة التي حملت اسما اّخرا هو: السلطنة الزرقاء و تأسّست بناءا علي حلف بين عرب السودان، بقيادة: عبد الله جمّاع، و قبيلة الفونج السودانيّة ذات الأصل الزنجي، بقيادة: عمارة دنقس، قضي علي مملكة علوة المسيحيّة؟ قام ذلكم الحلف المقدّس، و الذي اعتبر نواة لدولة السودان العصريّة، علي كلمة التوحيد و هدي الفكرالصوفي المتسامح.

تمت اضافة نواح من الأقلبيم الجنوبي - تحديدا اقليم راجا و شرق بحر الغزال - و اقليم دارفور لأوّل مرّة للدولة السودان ابّان الاستعمار التركي لها، بعد أن أفلح غردون باشا، حام عام السودان من هزيمة جيش سليمان الزبير باشا، الوريث الشرعي لمملكة أبيه: الزبير باشا في ذينكم الاقليمين، بعد أن تعرّض الأخير لخدعة كبري من قبل الخدبوبّة العثمانيّة في مصر تمّ علي اثرها حيسه في البلاد الخدييوي في القاهرة.
بيد أنّي لا أخال علمانيي السودان سيرضون برأي الأغلبيّة السودانيّةالعظمي بأن يحكموا علي هدي الاسلام، ، كيفما يكون النموذج الاسلامي الذي ستبني عليه الدولة السودانيّة

أمّا اذا كان مقترحك، أخي الطيّب لا يتجاوز اتخاذ الاسلام شعار اومزيّا أجوفا تشيّد عليه الهويّة السودانية، فان الأغلبيّة السودانية الاسلاميّة ستجأر بالشكوي من ذلك الاختيار.


طارق الفزاري

ود زينب

.

الاخ الكريم طارق الفزاري
مرحبتين حبابك
مساهمتك المقدّرة يا ود زينب لا تمس عصـب الخلاف
نحن لا نتحدث عن دين الدولة الرسمي
و لا عن مستقبل الإسلام و ماضيه
عاوزين البيتكلم عن العروبة يضع نقطة على السطر قبل حديثه عن الإسلام
و نزعم أن الخلط بينهما هو سبب المشكلة
مرحب بيك تاني

.

الطيب اخوي،

مانكضب علي روحنا، فض الارتباط بين العروبة الدايما بتجي في الاول، والاسلام المسكين الدايما بجي نمرة اتنين صحبة راكب، مستحيل!

الصاح اننا كمسلمين زنوجة ندفع باتجاه تقرير مصير اسلامي!

نعم اسلام ذاتي اقليمي ياحبيب، واحنا وحياتك، يانا الحركة الشعبية لتحرير اسلام السودان الصوفي، من براثن وهابية القومية العربية!

علي كده انا بشاشا قرنق ديمابور، اعلن بداية الثورة ضد اسلام المركز"ية" العرب"ية"، مطالبين، بتقرير مصير اسلامي!

ياخي للغير فهم للدين مستنبط من التراكم التاريخي لاسلوب حياتو، ولنا فهمنا!

لهم دينهم، ولنا ديننا!

ده سلفا هوالواقع المعاش!

فلو ماعايزين يفكو الارتباط بين الاسلام والعروبة، فهادا طرفنا من اسلام ناس عثيمين، البنا، اوماشابه!

يازول انا مامسلم ذاتو لواسلام الوهابية والكيزان هوالاسلام، بالالف واللام.

خارج الاركان الخمسة ماعندي الشغلة كان بي سنة كان بي شيعة، كان بي عرب كان بي فرس!

بي طريقتم!

.
العزيز بشاشا
مرحبتين

Quote: فض الارتباط بين العروبة الدايما بتجي في الاول، والاسلام المسكين الدايما بجي نمرة اتنين صحبة راكب، مستحيل!

كدة بقى جيتني في بعض معرفتي
الواو لا يفيد الترتيب في اللغة العربية..يكون الترتيب بالفاء على الفور و ثمّ على التراخي
يعني لمن تقول حضر الطيب و بشاشا و عقيد (لوووول)..لن يدرك السامع من الذي جاء أوّلآ..
لكن الترتيب يكون:
حضر بشاشا فعقيد ثمّ الطيب
و هذا يعني أن بشاشا هو أول من جاء (للدنيا الغشاشة)..بعده بقليل جاء عقيد تفصله الفاء ..

و أخيرآ وصل الطيب تبيّن تأخيره ثمّ..

إذن العروبة لم تتقدّم على الإسـلام في ترتيب الكلام تقديمآ يميّزها.

بقية كلامك مبني على هذا الترتيب و ما بني على باطل فهو باطل

تعال تاني

.

أخي الحبيب الطيب
لك التحية
أنا شخصيا لن أزيد على ما قاله الأخ خطاب

Quote: الحبيب الطيب مودة وتقدير هذا منهج ليس لبشاشا المنطق ولا الألمام الكامل ولا الفكر الذى يسهم فى نقاشه.. السيد بشاشا يملك عقلية أمريكية ( وأقصد العقلية الحاكمة والعسكرية والأستخباراتية المتسلطة فى أمريكا) ويرتكز على مقولاته الشهيرة بالتحدى والنرجسية التى لا يعرف منازل نجومها..والتى تنم عن خواء الفكر والفكرة على حد سواء.. إن مثل هكذا حوار يخلق مساحة لمقترحات وحلول ومنطق يرفضها بشاشا لأنها تجافى واقعه ومنطقه.. أرجع الى الأرشيف الخاص بالسيد بشاشا وحاول أن تستخلص منه فكر يمكن أن يسهم فى تعايش هذه الأثنيات وهذا التمازج والتآلف من الأعراق التى يتكون منها السودان!! السيد بشاشا يطرح نفسه مناصرا للأفارقة والأقليات ولم يقدم فى أى يوم أطروحات كالتى تطرحها الآن فى بوستك هذا ، وأنما يعتمد فى طرحه على الفتنة والفرقة والأقصاء..

دا بشاشا
والدليل مداخلتو الفوق دي..
ووالله ما قريتا.. بس عارف فيها شنو..

خالص مودتي

.

حبيبنا عبد الله عقيد
أهـلآ بك رغم العجلة البادية
و شكلها عجلة ايجار سيدها بي عكازو لابت للمتأخرين

Quote: والدليل مداخلتو الفوق دي.. ووالله ما قريتا.. بس عارف فيها شنو..

!!
أحسـن الله العزاء في فكرة التحاور..
دخل المتخاصمان بلا استعداد للحوار
الأول قال كلامو القديم و جفل
و التاني زهد في قراية كلام الخصم، و أقسم بالله العظيم، و زهد في إضافة شيء للحوار فقصّ كلامآ من
غيره و لصقه لنا على عجل..
يعني زي ما تقول جاملوني ع شان الخـوّة
برضو كتّر خيرهم
القرّاء الأعزاء آجركم الله
لن ينتهي العزاء بانصراف ملامح العنوان
سنبقى لنتحاور في أصل المشكلة
و نضيف لها طريقة تناول الطرفين للموضوع و استعجالهما الهلالمريخي للحسم
و نتابع بعد ثمانية ساعات هي متطلبات كسب عيش موحى و بشير اللي باين انهم ح يكونوا أمريكان
طالما المثال السوداني غير ناضج لهذا الحد!

.

Quote: ووالله ما قريتا.. بس عارف فيها شنو..

!!!!!

.

أدروب يا أخي ايدك معانا .

Quote: السيد بشاشا يملك عقلية أمريكية ( وأقصد العقلية الحاكمة والعسكرية والأستخباراتية المتسلطة فى أمريكا

الكوز خطاب،
خلاص بلاشتو حكاية بشاشا الاغتصبو بتاع اللبن، عشان ماتبدو من اول اوجديد اوتفتشو في طريقة تردموبيها بشاشا، مغتالين لشخصيتو؟ بشاشا ده، صابون عيونكم فرد واحد، ضد المنبر ده من اقصاه، والي اقصاه، اوبرضكم ماقدرتو عليهو في ساحات النزال الفكري، لانوو مسلحا نوويا، وانتو لليوم دارعين السكاكين في الضراع كسلاح!

قال عقلية امريكية قال!

واضح مابتعرف التكتح عن امريكا ياالعنقل!

طول مافي مواهيم عروبة مكوشين علي مقدرات بلاد اسمها:

بـــــــــــــــــــــــــــلاد الـــــــــــــــــــــــــــسودان،

يستعبدون، يضطهدون، ويغتصبون، فانسو حكاية سلام اوتعايش دي!

زمان جدنا عنترة قال لي اسيادكم:

لاتسقني كأس الحياة بذلة، بل اسقني بالعز كاس الحنظل!

عبيد العرب الحبوش، يسقون بالذل من ولدتهم امهاتهم احرارا، كاس الحنظل، او مع كده، برضهم عندهم نفس يسوو شغل الاستهبال ده، عن التعايش!

تعايش My foot!

ابدا يا الطيب
لسنا مستعجلين ولا رافضين للحوار
وطرحك على العين والراس
أنا شخصيا اعتبره مبدأ
لكني أردت أن أؤكد لك أن مثل بشاشا لن ينجح معه هذا الأسلوب
أنظر إليه ماذا يقول:

Quote: تعايش My foot!

يا هو دا أسلوبو

لينا زمن بنتعامل معاهو بي كلامك القلتو دا
لكين مؤخرا اتضح لي شيء مهم جدا
وهو أننا (طيبين) أو (مساكين)..
ماسكين لينا في عصا اسمها الحوار والمنطق وما إلى ذلك.
فيما هو يستخدم (مطرقة) تتشكل من عبارات وجمل جاهزة
يلصقها في أي مكان .. لغسل عقول الناس والتأثير عليهم تدريجيا
مغالطاته ومجافاته للواقع والحقائق.. كانت بالنسبة لنا مثار
استغراب وتهكم وتعجب... إلخ.
لكنه تجاوز كل ذلك .. لأنه يعلم أن (ذكاءنا المحدود) لن يتجاوز
ذلك إلى ما هو أبعد .. وإلى ما يهدف إليه هو..
وربما يتضح لك هدفه من مداخلاته .. من أي مداخلة.. اخترها عشوائيا
لتتأكد مما أزعم..
وهذا ما جعلني أحيلك إلى مداخلته التي لم أقرأها..

خالص تقديري

.
حبيبنا العقيد عبدالله
و الله ما اتلوّمـت طـب
أنا هنا أراك محقّـآ
التزمت جانب الحوار النظيف رغم جنوح بشاشا لغير السلم
نحييك
و تكسب حسن السير و السلوك، و هل يحتاج عداهما من يسعى لاقناع الناس برأيه؟!
هل تصوّت الناس لهائج؟، و الكلام هنا على اطلاقه
شكرآ تاني يا عقيد
و نواصـل الحوار (الهااااااااديء)

.

الأخ الطيب

محبتى والأشواق

أعتذر أخى الكريم لهذا التداخل العنيف ..

وأعتذر أيضا لأن مثل بشاشا يصر على جهله وإستفراغ فكره غازورات هواجسه.. أقرأ مداخلته يالطيب أى حوار ممكن أن يكون معه ..

دوما تقول له شيئا وتجده يتحدث عن أشياء أخرى وكأنه من كوكب آخر..

أمنية أرجو أن تتحقق يوما وهى أن أجد رد أو مداخلة للسيد كمال بشاشا فى صلب الموضوع الذى يثار معه ويأتى بجملة مفيدة..

أعتذر أخى الحبيب وصديقى العزيز أبو بشير لتغيير مسار البوست ولكن للأسف لم أتوقع أن يسير البوست كما كان مرجو له نسبة لعنونته بأسم بشاشا..

وأعتذر للسيد بشاشا عن تضيع زمنه القيم فى الرد..

الود كاملا

عبدالعزيز خطاب

.
حبيبنا عزيز خطاب
ليس هناك ما يعتر عنه
انت مشرفنا هنا جدآ
بالنسبة للأخ الكريم بشاشا، و أنا أقدّر جدّآ انفعاله، لا نملك غير أن نتمنى عليه أن يستجيب لطلبنا
و نتوقع من الجميع حوار هاديء
بلا تنابذ
شكرآ ليك

.

مكرر

.
يا بشاشا
نسيت، أو تجاهلت، طلبنا في البداية لحوار خالي ألقاب
و مثلما عاتبنا عزيز خطاب ..نلومك أيضـآ
كنا و لا زلنا نطمع في مباراة نظيفة

Quote: فانسو حكاية سلام اوتعايش دي!

برضو يا ريت ما تقول رأيك بالصورة التقريريّـة دي
الحوار أخد و عطا
الحياة كلها لا تعدو هاتين المحطتين..أخذ..و عطـاء
و من أطال وقوفه في واحدة على حساب الأخرى أخـلّ بالناموس
يا بشاشا
لســت من يملك الحقيقة
قول لينا رايك بالراحة (فاوضني بلا زعل)..
و شكرآ
أو
و العاقبة عندكم في المسرات

.

Quote: وهو أننا (طيبين) أو (مساكين)..

ودعقيد الجعلي "الحر"!

اولا جريت واطي او كضمت ضمة مالك من كلام فردتك عمر الفاروق عن كيف غيرالعرب في السودان فروخ؟

بعد ده كلو جاي تبشر بالتعايش السلمي؟

شايفننا بنريل؟

اما كونك ساذج، مش مسكين بس، فدي حقيقة!

لايمكن واحد، بي شلاليفك ديك، اوشعرك القرقدي داك يتوهم روحو عربي، اوكمان يحوم بي صورتو، بي براءة شديدة!

واقع وين اوحقيقة شنو البتجعل من زنجي قح مثلك عربي؟

استغفر الله!

.

Quote: لايمكن واحد، بي شلاليفك ديك، اوشعرك القرقدي داك يتوهم روحو عربي، اوكمان يحوم بي صورتو، بي براءة شديدة!

هنا يا بشاشا تجدني مضطرآ للإعـتـذار للأسـتاذ عبدالله عقيد، ضيفي الذي تجاوزته، و عليك مرة

أخرى مراجعة فكرة البوســت!

معليش يا عقيد

لا نملك غير ذلك

.

Quote: ودعقيد الجعلي "الحر"!

بلحيل ......
عندكـ شكـ ???

اخونا الطيب بشير سلامات
وسلامات دى قبيله لو هم قالو انحنا افارقه الحوالينم حيقولوا ليهم لا إنتو عرب!!
اسئله للاخوين كمال وعقيد
وقبل الاسئله اقول رايئ انى:
نحن سودانين!
افارقه لا !
عرب لا !
وراقد لى فوق راى جوهرو انو لا نقاء فى السودان
(يعنى يحق لعقيد ان يقول :انا سودانى ولدى دم عربى اه)
لكن عربى pureكضبا كاضب .
والعكس بتكس صحيح (يحق لاخونا بشاشا ان يقول بانه افريقى لكن ليس
افريقى pure )فافارقة السواحل شرقا وشمالا اختلطت اعراقهم وثقافاتهم على مدى قرون
(دا ما من عندى دا تاريخ وعلم انثروبولجى ).
الاسئله : ابدا ببشاشه:

هل دخلت السودان الارض الافريقيه اى مجموعات عربيه طيلة وجود السودان ؟
لا تذهب لحقبة الاسلام ! إذا ذهبت لحقبة الاسلام يمكن ان يكون السؤال كالاتى:
هل المجموعات المسلمه التى دخلت السودان كانت عربية العرق؟ ام فارسيه العرق؟
ام بربريه (صاح كده ) العرق ؟

هل تم طرد هولاء فى فتره وجيزه؟ ام إستوطنو واختلطو بالسكان الاصليين وتزاوجوا معهم؟
هل احتفظ الغزاه ! ..الضيوف؟.. الدخلاء؟! بثقافاتهم التى اتوا بها من بلادهم وانعزلوا
ام تداخلوا واثروا واثروا (شكلهم بالله) ّ!
اوصف لى هذه الثقافه ثقافة الدخلاء هل كانت ثقافه قويه وذادها الدين الجديد قيما إيجابيه جعلها تنافس اعرق الحضارات السائده وقتئذ؟!ّ!ام كانت ثقافة فطيره هشه ورخوه
ليس بها ما يشد السكان الاصليين(الافارقه)؟؟
انتظر مع اخرين الاجابه من الاخ الحبيب بشاشه ولدى اسئله اخرى ستتوالى.
الاخ عبد الله كنت متلهفا للدخول معك فى حوار عميق حول ما اوردته فى بوستك لاتزال المعركه مستمره .لكن الزمن لم يسعفنى فانا اعمل 14 ساعه يوميا ما علينا !
نواصل

.

سعادتو فارس موسى

مرحبتين بي دخلتك القوية متلك

Quote: هل احتفظ الغزاه ! ..الضيوف؟.. الدخلاء؟! بثقافاتهم التى اتوا بها من بلادهم وانعزلوا ام تداخلوا واثروا واثروا

و هذا مثال للكلام السمح الكتير الوارد في المداخلة

و نترك للقاريء قطف ثمار الباقي

و نرقد منضبطين

.

اخونا عقيد اخر ندوه حضرتها للراحل قرنق صاحب الدعوه للسودان الجديدفى فرجينا
بالولايات المتحده بعد توقيع السلام والكلام مشهود ومسموع وفى اعضاء هنا فى المنبر دا حضروهو معاى .
الراحل قرنق قال اثناء ندوته عندما تعرض لمشكل الهويه قال بالفم المليان:
نحنا ما مع africansim ولا arabsim نحن مع sudansim
مربط الفرس فى مفهوم الهويه عند جماعة السودان الجديدانو مافى فضل لجعلى على جعلى لانو الاول من شندى والتانى من المسلميه(يعنى التانى مضروب) ولا لدارفورى على دارفورى لانو الاول انصارى سنه والتانى فكى (صوفى)!كلهم سودانين

دنقلاوى على زانداوى لانو الاول من الشمال والتانى من الجنوب
او بقارى على زغاوى عشان الاول بفتكر انو هو فيهوعرق عربى دا بخلى افضل من الزغاوى!
او جعلى على بقارى لانو الاول بفتكر انو احر(شدد الراء) اكثر عروبه !
اسفى للقراء لتوضيح وجهة نظرى بهذا المستوى الفطير من الامثله !
عقيد سؤالى تفتكر مساواة الناس فى الحقوق والواجبات فى الوطن مفروض تخصع للعرق ولا للدين ؟
اشكر سعة صدرك ودواوم على الإسهام

Quote: (يعنى يحق لعقيد ان يقول :انا سودانى ولدى دم عربى اه) لكن عربى pureكضبا كاضب

فارس موسي سلامي،

انت ياصاحبي، بتتكلم بي يقينية لااساس لها من الصحة في الواقع خالص!

انت باني احكامك علي مجرد اوهام، احاجي حبوبات، وتصورات مسبقة ولاغير.

ماتاخد كلامنا ده بي صورة شخصية، وانت لازنب لك، لانو دي البضاعة المعروضة كعلم في مؤسساتنا الاكاديمية.

من ذلك الافتراض المسبق المتداول حتي علي المستوي الاكاديمي اننا خليط اوفينا دم عربي.

ابدا!

ده وهم، منجور نجر، لتمرير تصور مسبق والسلام!

مافي اي اختلاط ولادم عربي يجري في عروق ودعقيد كمثال، بالمرة!

المختلطين اوفيهم دم زنجي هم العرب اوجدهم اسماعيل، ماهاجر!

فلوهاجر كانت نوبية "مصرية" نرجح انها كانت جلابية ذي ودعقيد!

لوكده، هاجر دي اختلطت بي ياتوعرب قبل اسماعيل المرق من بطنا؟

حتي لوتخيلنا حدوث اختلاط، ناتج اي اختلاط، كقاعدة بين السودان والبيضان، دايما سودان!

فالكلام المتداول حول الموضوع كلو وهم في احاجي ولاغير!

.

أووووه يا بشاشا
فارس موسى دة بالتحديد دخل عليك بكلام واضح
و أفكار جديدة
ما ينفع تلغيها بجرّة قلم كدة

Quote: انت ياصاحبي، بتتكلم بي يقينية لااساس لها من الصحة في الواقع خالص!

و برضو مافي داعي في النقاش لاطلاق أحكام زي دي و كلام غير منتج

Quote: انت باني احكامك علي مجرد اوهام، احاجي حبوبات، وتصورات مسبقة ولاغير.

و تدلي برأيك كأنه الفيصـل و الرأي القاطع!..طيب فكرة الحوار هنا وين؟
نقعد ليك تحجينا و نسمع ليك تحدّثنا؟

Quote: مافي اي اختلاط ولادم عربي يجري في عروق ودعقيد كمثال، بالمرة!

بالرغم اني لمن كتبت البوست المرفق وصلته أدناه ما كان بخاطري بشاشا
لكن ايه رأيك تمر عليهو
و أهو في الآخر برضو رأي
الـمـنـبـر..و جـمـاعـات الـقـلـم الأحـمــر!

و لا زال بالخاطر عشم لمواصلة حوار نظيف
بلا ألقاب
بلا أحكام مسبقة
بالتركيز على الكلام الجديد و الجيد..مساهمة فارس موسى كمثال
ما عاوزين الكلام المكرور
عاوزين نفهم
يا جماعة القضية، برأيي، أكبر من أن تلخصها مداخلة أو حتى بوســت

.

الاخ الحبيب جدا بشاشه
نبل المواقف لا يعنى البته نفى الحقائق والتاريخ
انا مستعد اثبت ليك إنو بغرب السودان الانا منو دخلت جحافل ومجموعات عربيه
قدموا من الاندلس بعد سقوط دولة العرب حتجى تسميهم لى بربر ؟! او ترجعم لحبوبه هاجر او جدو إسماعين ! ما مهم (واعنيها) لانو معرفيا وتاريخيا تسمت هذه المجموعات او سميت
وفى علمى انا الافريقى البيور دا بعد 15 جيل وحبوباتى الدينكاويات لولادة جيلنا كانن موجودات !1 هولاء الداخلين كانوا عرب اقحاح واصحاب ثقافه عربيه !
إختلطوا يا بشبش بداجو ايوه !
إختلطوا بفور وبرقد وتاما ..نعم !
إختلطوا بدينكا يب!
نوبة جبال واى
إختلطت ثقافتم مع السكان الاصليين ..المحليين . اى
الحين والحين دى حلوه صاروا افارقه ضمه يب
لكن تبقى الثقافه الخليط تحكى بان عربا مروا من هنا وسكنوا واستوطنوا
واتحداك قول لى يا بشاشا موسيقى عبد القادر ولد ابا السالم ذات السلم السباعى
منهوبه او تقليد للموسيقى العراقيه !1
وانا وعبد القادر سالم سودانين وافارقه ذى زيك يا منقه!1

انا سودانويتى المهموم بيها ومنتمى ليها يا صاحبى لا تذهب فى تاسيساتها لهاجر والفراعنه لإثبات افريقيتها انا افريقى وعضم كمان شفت كيف !
ما اقول به عن دخول عرب السودان هذه حقيقه تاريخيه معرفيه لا ينكرها إلا مكابر او صاحب غرض.
الجانب التانى والمقوم نفس المشاريع قديمها وجديدها هو الصراع
إلغاء الواقع بتركيباتو المعقده وضبابية الخطابات وتشابكاتها
إنت ما عندك طرح واضح ولا تملك اى رؤيه لحلول يا بشاشا مع الاسف والحزن يتملك حرفى
فشتم المحاورين شخصيا لا يخدم تفكيك تاسيسات خطابم المايع ومنهار !
شتم اطروحاتم ..اسانيدم..تفتيت حججم وذروها للرياح بفكرنه متينه وبنى عميقه ومقنعه للقارىء الذكى الفطن وهو الحكم الذى يسحب ورقة التوت الاخيره من المهزوم فكريا فى نزالاتك العديده.
ود عقيد وفردو او اصحاب ليس فى الإمكان احسن مما كان الحروب وإفرازاتها لم تهز قناعتم قيد رجل نمله،قرصك لاضنينم المتواصل وبصقك على تاسيساتم وشتمك ليهم واخير وليس اخرا محاولة جرك لمربع الإنزلاق والسقوط بالشتايم ومسايل إغتيال الشخصيه(لك تعاطفى بلا حدود ولاشروط)
كل الكركبه دى لا تخدم قضايا( مهشمين) بشاشه و(مهمشين) ود عقيد!
انا من انصار السودان الجديد لكن برؤيه تختلف كثير ا عن العديد من دعاتو
ذى الجايين الحفله وكلو زول بغردو !السودان بدا يبقى جديد عيييييييييييييييك!!
السماح والعتبى إن قسوت
فكلنا فى الهم سودانين
ارقدوا طيبين

فارس تحياتي،

خليك من هجرة بعض العرب للسودان، الجزيرة العربية زاتا، اسسوها في الاصل زنوج كوشيين، فهل ده اساس كافي نقول عليها افريقية اليوم؟

مافي افارقة في السعودية اليوم، فهل ده بجعل من السعودية دولة افريقية؟

بصفة عامة دخول اجانب بلدنا لايجعل من بلاد السودان حامل لي هوية الوافدين الاجانب.

ده بصفة عامة.

اما الهجرة العربية والاختلاط الانا بتكلم عنو هو ماتم عبر البحر الاحمر ومصر.

اما كلامك عن هجرات اندلسية لغرب السودان فكلام علي اكثر تقدير يعتبر فلكلور وOral Tarditon او احاجي حبوبات.

مابنقول ماحصل، ولكن بنقول لوحصل ماتم بالصورة المتداولة دي بطول وعرض غرب افريقيا كلها وشرق افريقيا كلها، مش غرب السودان وحسب!

ياخي حتي الدينكا بقولو جينا من اسيا اوناس زنجبار قالوا فرس اصلا!

واضح الشغلانة كلها هروب وتنكر للاصل الزنجي ولاغير، والا ماممكن افريقيا كلها، مهدالانسانية تكون جات من اسيا!

في شئ ماياهو!

من الجانب الاخر، المحك هو نتيجة هذا الاختلاط المتوهم، فماهو؟

هل ناس مالي ولاجنوب كردفان عرب كنتيجة؟

من حيث الملامح اوالثقافة؟

قطعا لا!

لايمكن تقول لي امثال عبدالرازق الطالب ولاكبر عرب باي صيغة كانت!

ذي ماقلنا حتي لوافترضنا كلامك صاح، كقاعدة ناتج اي اختلا بين البيض الصرف مش العرب، والسود، دايما كقاعدة اسود!

ده بينسف الفكرة من اساسا!

العربي اصلا، نصف اسود اوعشان كده في الغرب بسموهم، زنوجة الصحراء او الSand Niger!

طيب كيف بالارقام كده، انسان نصو اسود، يختلط باخر 100% اسود، يطلع ابيض اوعربي؟

ده مستحيل!

اما الكلام عن تزاوج عرب او زنوج، فده اصلا كقاعدة مالاقاني.

في الشمال، السكان المحليين الي اليوم لايمكن يختلطو بمن يسمونهم عرب!

الرشايدة كعرب في شرق السودان لايختلطون ببقية السودانيين خالص!

فدي خيالات احاجي اوتصورات مسبقة والسلام!

بشاشا التحايا
ليه الكوشيه العمرها الاف السنين يا منقه تكون حاضره كده ولى هسه؟
والهجرات الاندلسيه العمرها 700 سنه فقط تكون احاجى حبوبات وخيالات؟!!
لازم تشرح لى ما دايرك تفوت الحته دى ؟؟
ومنو القال ليك الرشايده الفى شرق السودان ديل عرب ما كوشيين حايمين داخل إمبراطوريتم؟؟
سؤال اخير وفطير فطرية خيالاتى !منو العلم النوبه او الكوشيين الفى الشمال
اللغه العربيه ؟؟رسلوا مناديب إتعلموها ورجعوا علموها لاهلم؟؟
ضرورى انا عاوز إجابه!
لانو انا داير اعرف منك اثر العربان الفيرى لايت دا جا منين يا قبه ؟؟؟؟؟؟؟؟!!!!!
نتلاقى الغد كان الكريم مد فى عدد ايام امانتو

الطيب يا ولدي انا ماقريت الموضوع دا لكين اي مكان الزول يشوف فيه بشاشا لازم يشيل عكازو المضبب بشاشا بلبع وبشوت ضفاري والمشكله غالبا ما بيكون معاه حقhe's got fascinated by the

Afrocentrists
رجاله كدا وكسر رقبه للتاريخ ولكل المعارف البشريه اقوال بشاشه لا ياتيها الباطل مطلقا .
انت زنجي انت زول تمام انت اي ريس تاني تاخد في نص راسك واي شي في الدنيا دي( يو نيم ات ) كان من انجازات الزنوج وباقي العالم ديل حراميه سرقوا انجازات الزنوج ولفقوا التاريخ What Bashasha preaches is pure Afrocentrism

I'm not against advancing our African cause but it should rest on a solid premise and not mere fallacies
.

سوداني ,,,لساني عربي نعم ,,, ثقافتي هجين عربي افريقي ,,, افريقي 100% ,, لا انكر على احد ان يقول انا عربي ,,, على كيفو
يتفرع من كده انو الناس تتفق على انهم سودانيون ,, اي زول عايز يزيد حاجة على كيفو
ما يجي زول يقول دين الدولة الرسمي ولغة الدولة الرسمية وكلام زي دا

الأخ فارس موسى
لك التحية والتقدير

Quote: عقيد سؤالى تفتكر مساواة الناس فى الحقوق والواجبات فى الوطن مفروض تخصع للعرق ولا للدين ؟

لا هذا ولا ذاك يا فارس.
الحقوق والواجبات يفترض تخضع لمعيار واحد فقط هو المواطنة.
بس بتواجهنا مشكلة تانية مهمة جدا..
وهي الهوية.
نحن عايشين في بلد، لازم البلد دا تكون عندو واجهة محددة
على أي أساس نختار هذه الواجهة.. ؟
الأخ نيوباي قال:

Quote: ما يجي زول يقول دين الدولة الرسمي ولغة الدولة الرسمية وكلام زي دا

ودا طبعا ما في طريقة نتخطاه..
لازم يكون عندنا لغة رسمية للدولة
ولو معظم أفراد الدولة يدينون بدين واحد فلا أحد يستطيع منعهم من أن يجعلو
دينهم هذا دينا رسميا للدولة، مع ضرورة حفظ حقوق الأقلية غير المنتمية لهذا الدين.
دي حقوق مشروعة ليس لأحد أن يمنعها الناس أو يحرمهم منها.
طيب
المشكلة القايمة هسي دي سببها شنو؟
سببها هذه الواجهة.. السودان فيه أغلبية تتحدث العربية وتدين بالإسلام.
وفيه أقلية لا تدين بأي دين سماوي، وليس لها دين (غير سماوي) موحد.
وهناك أقلية (أقل) تدين بالمسيحية..
هذه الأقليات ليست لها لغة مشتركة ولا دين مشترك.. وحتى لو حدث ذلك
فهي تظل أقلية..
فهل تخضع الأغلبية لإرادة الأقلية؟
أم نجعل الأمر عائما ونترك بلدنا بدون واجهة إرضاء لهذه الأقلية؟
أم نتبع أسلوب بشاشا في تشكيك الأغلبية في مرتكزات هويتها وثقافتها
تمهيدا لتذويبها لتمرير إرادة الأقلية عليها؟
دا المحك.

لكم خالص تقديري

.

الحبيبة دومة

كيف حالك

بشاشا و الآفريكانسنترجن بتاعتو دي ما صمدةا في الحوار

طلبنا اليه غير مرة النقاش الهاديء، و آثر طريقته القديمة

هجرنا البوست و نفكر في موضوع أفيد للقاريء فلا شأن لنا بالكورة و السياسة!

شكرآ لمرورك

.

Quote: ليه الكوشيه العمرها الاف السنين يا منقه تكون حاضره كده ولى هسه؟

فارس عوافي،

يازول خليت الهجرات والاختلاط، او قبلت علي الكوشية؟

صراحة لا اعرف عن الكوشية شئ.

واي كانت فهي لاتدل علي شئ فيما اتصل بعروبة السودان.

طبعا الطريف، انو البدو الرحل من السودانيين تلقائيا بفتكرو روحم عرب، بذات لوكانو رعاة جمال كما في البطانة وغرب السودان!

ده عندهم دليل قاطع انهم عرب لانو العرب كانو رعاة ابل!

شئ مضحك فعلا!

نفس الشئ مع بدو البقارة، ذي محمد النور كبر، عبدالرازق الطالب، بريمة، عبدالرحمن عزاز، كانتونا،...الخ!

ديل رغم انهم ماعندهم جمال، كرعاة بقر، فحياة البداوة بتغذي فانتازيا انهم عرب، اوعشان كده تلقي الواحد من شدة ماغرقان في وهم انو عربي، وحاتك ينسي روحو تماما، اويروح معلق صورة زنجي خالص 100% علي اليمين اويسوي ليك انا عربي من جهينة ذي اب رذقة!

ياخي جورج بوش بتاع تكساس راعي بقر، تاريخيا!

نعم الاوربيين كانو اساسا بدو رحل اي رعاة!

ثقافة الكاوبوي او Camelboy اوعنفو ماشئ جديد ولاقاصر علي العرب!

فالشغلانة من اولا لي اخرا، وهم في وهم ولاغير!

اذا بـــــلاد الســـــودان عربية، سودانيي العالم ديل يبقو جو من وين؟

ده نفس غلوتية الزنوج:
الخواجات، اليهود، العرب، قالو الزول الاسود جدو حام، اما الزنجي، فالي الان ابن الحرام، مافي زول عارف جا مقلع من وين!

فالحاميين حسب خزعبلات الخواجات الماكرة، هم الجلابة اوسكان شرق افريقيا فقط!

ايوا بقية السودانيين والافارقة او الزنوج بالفهم المتداول، ماحاميين!

طيب اذا فلوكة نوح دي كان فيها زول سودان واحد، فالزنوج ديل جومقلعين من وين ياخلق؟

بنقول كده لانو الاساس النظري للاعتقاد السائد عن اعتبار الزنوج مجموعة تختلف عرقيا، عن بقية الشماليين، اساسا هنا.

عشان كده الجلابي بقيف لمبة لمان تقول عليهو زنجي! والمتفلهم منهم يقول ليك احنا حاميين!

شوف جاي يا بشاشا خلي امور الاستهبال بتاعتك دي المره الجايه لما تجي راجع لو ما جبت لي اللغه الكوشيه في عصايه ايدك ما تفتح خشمك عن العرب لانه للان قبائلنا الهي كوشيه حسب ما انت اقنعتنا تتحدث العربيه فقط (شوايقه عرب البطانه جعليين وعرب دارفور ) . اها اهلك الدناقله نكروك لما شافوا صورتك قالوا تركي نسوك اهلك لوووووووووووول . اها انا خايفه زنوجه دارفور ينكروك برضو لاننا نحن اقرب اليهم في السحنه لاننا تمازجنا معهم انت ولدك ما قدرت تسميه قرنق وتجي تعمل فيها الود خلاص افركانست يااخوي البرهان بالعمل وخليني من فهلوتك دي تشيل طاقيه دا تركبها في راس دا