التحـيات الطيبـات...بحـيري و الجمـيع

جرسة الكبار شينة و الما مصدقني يسأل العزيز الموصلي {زي حكاية الكاشف أخوي} أها الليلة أكملت لكم الإمتحانات بكل بهدلة الدنيا يعني أمسك عندك يوم إمتحان الإحصاء خليت العربية مدورة أربعة ساعات و دي كان ممكن ألقاها يا سرقوها يا جروها علا جات سليمة أما يوم المناقشة فكان فضيحتو بجلاجل أنقروا ما جيت بالبص و خليت العربية في الباركنج لمن جيت البيت و صديت لها تاني في المطرة.
دة كلو و فتحي البحيري يقول لي تعال أكتب في البورد آآيي لكن بي ويييين آآ السمح على أيتو حال أشكره على حسن رفع بوستاتي و ذكر محاسن الفقيد و أبارك للوطن و فتحي إيداع البيان الشهير في بروكسل و هنا تحية لازمة للحبيب الباشمهندس خالد الحاج لكل مجهوداته الوطنية المخلصة و حبابك ما غريب الدار.
التحيات الطيبات لكل من سأل عني و ألتمس عفوكم في تخصيص التحايا للحبايب
فتحي البحيري, إيهاب الطيب , سجيمان, حليم, ترهاقا,خالد الحاج , صديق الموج, محب, آمال أم وضاح, لنا مهدي, أنا بنت النيل, osly2, بدر الدين شنا, Hanouf56, دور نقاس, سمعة, منوت, أبوالريش, أسعد إبراهيم, أنور أحمد, أنور الطيب, كوستا, خدر, محمد عبدالرحمن, راوية العباسي و عبر هاتفها دومة و بالأصالة خالد الأيوبي.
كما أحيي من إنتظرت سؤالهم و لاذوا بإنشغالهم
و أعتذر إن كنت نسيت أحدآ جاب سيرتي بالخير في بوست غتس
والتعازي لكل من فقد عزيزآ و رفع الفراش قبل ما أجي
و التهاني لكل من فرح بي ورانا
و لا أراكم الله زنقة إمتحانات مع كبر لا ينفع فيها إلا الحكمة القديمة
لا تؤجل عمل اليوم إلى الغد

الطيب ود بشير

يا زول حمد لله على السلامة ... و نتمنى لك النجاح و السداد .

بس يا سيد جرسة عملتها شينة بصراحة !! حد يخلى العربية شغالة اربعة ساعات ؟؟؟ يعنى لو كنت ممتحن " فيزياء " كان العربية لحدى الآن تكون شغالة !

حقيقة افتقدك البوررد فى فترة امتحاتاتك .. و اعتقد بزوال المسبب ما عندك عذر و اتمنى ان تواصل مواضيعك الشيقة و المفيدة و نحن " و الجميع " فى انتظارك .

سؤال برئ : دحين آلطيب اخوى فى زنقة الامتحانات دى ما " دنكلت " ليك سفة " مجهبذة " فى اى موضع من مواضع الفم ؟؟؟؟


لك امتنانى

كوستا يا مولانا كيييييفك؟
و الله أنا و الأرقام متفارقين من زمن طابت الشمالية الإبتدائية و التي إسمها الأن {جقفل بن طعبرة} و لا أدري لماذا ليس المهدي أو النجومي أو دقنة أوسيرسيو إيرو أو علي دينار أو ودتكتوك , لا عليك يا راقي المهم أن الإمتحانات كانت دايرة ليها شيشة في البلكونة برغم تحذير مدير المبنى لكن عدم الشلة كعب.
تسلم يا قاضينا
أنا جيت و بالي رااايق
و مزاجي نكات و فرفشة و حكي
قومة نفس لكلام مثقفاتية كبار ما لازمنا فبالله بالراحة علينا يا بورداب و أي زول/ة يجيب سيرة {السقافة} أهو كوستا القاضي قاعد.

الطيب

حمد الله على السلامة

وان شاء الله ربنا يعوضك تعبك بالنجاح

سجيماااان
كيف حالك ياخي؟
هسسي جيت من بحث مواضيعك الفاتتني
ممتع و ممتنع
لك الشكر و برجاء مزيد من الدعاء

الطيب اخوي اهاانا امبارح
خشيت الامتحان بالغلط قبل وقتو بي ساعه
واستلمت ورقة الفصل الاول
وبعدين عاينت لقيت الجماعه كلهم مابعرفهم
وانسحبت وخشيت تاني بعد ساعه

أساذنا موصلي يا مدهش
عملتها شيييينة لكن
توووووش في قاعةتانية لأ لأ لأ
و بعدين زي الما عملتا حاجة بالراااحة زغت؟
ربنا يخارجك بالسلامة, أنا لحدي هنا و خد نفس
الباقي داير تفكير
لكن و الله دايرين نسمعك؟
بديك سلك بكرة إن شاء الله.

ألف مرحب بي عودتك يا طيب.

المتفرد خالد الحاج
لك إبطاء المذل المنعم
لا إيميلات تردها و لا شوفة تبل الروح
أريتك بيقى طيب إنت
النبي {هوا} بروكسل كيف؟

بل الشكر لك أنت أخى على أنك "فقدتنى" وسألت و اطمأننت بعد ما حدث مؤخرا
لك الدعوات الطيبات بالسداد

الأمـيرة لنا مهدي
هذا أقـل ما يمكن
أنت حفيدة من غنى لهم بادي محمد الطيب
في وش المكـن رقدوا التقول نايمين
فأي ثبات يا إبنة الأنصار قدمه أهلك أمام ماكينات الموت !
لذا نتوقع ثباتك أنت و يعقوب و لا نستغربه أبدآ.

مرحبا بعودتك، وندعو لك بالتوفيق والنجاح
وننتظر إبداعاتك يا دكتور

الأخ الكريم nadus2000
شكرآ ليك و تحياتي للسودان المقروء في إسمك الحركي
أما لقب يا دكتور فأنا يا دوب جبت طلبات التقديم لهذه المرحلة بالأمس و ذكرتني بنكتة قديمة إنو الفنان المبتديء قال عاوز ألف جنيه للحفلة و في واحد عارفو نفسو يغني فقال ليهو يا زول مية جنيه بس داير و لا ما داير؟ فقام المغني المستجد قال ليهو يا خي نحن أهل و ما بيناتنا تسعماية جنيه, أها يا ناس الدوحة لو ما بيناتنا التلاتة سنين دي أنا بقبل منك اللقب ملح ساي.

مرحب بالطيب بشير
ومبروك الماجستير

راوية العباسي
تسلمي و نبارك ليك السمح
لون القمح

الطيب
والله بركة الجيت ، حمدلله على السلامة ،،
اشتقنا ليك ، وقلنا يمكن وقفك مننا شيتا تاني ،،
جيتك دايرة ليها ليلية نوبتها تولول ،،
خليني ألم الفقرا وأجيك ..

الأخ الطيب

حمدالله علي السلامة

وربنا بكلل مساعيك بالتوفيق و النجاح

العزيز WALEED YASSIN
تحياتي و شكري
بالله الدعاء بالتوفيق دة مهم و عن ظهر الغيب
عسى الله أن يتقبل.
لك الشكر مقدمآ

ود قاسم
ليك وحشة ممعنة في الصدق
و للفقراء الزينين ألف إعتذار بإنشغالنا عن نقاء فضاءاتهم التي لا تحتوشها العبارة, و أبيع {بقايا} العمر بتلك الليلية عسى الله أن يعيدنا لرحابهم قريبآ.
لك الود الذي هو نسب واصل

قريبي الطيب..

ألف مبروك وحمد لله على السلامة..

واتمنى ان نرى نصوصا جميلة هنا..

المنبر نور..

العزيزة رجاء العباسي قريبتنا و زميلتنا
تحياتي و الشوق
أماعن الشعر فبالخاطر الكثير و لأجل إبتسامتك في الصورة و التوقيع أهديك مربع دوبيت
دس البسـمة بي إيـدو اليمين لـماها
و نور الوجـنة بهـر القـاعة طـب عماها
غايتو الزول أكان كـرف الخـدود شـمـاها
يشهق يموت عديييييل و شهادتو ما تمـاها

الطيب بشير
ود طابت الشيخ عبد المحمود
يعنى باختصار كده ود الفقراء الما ساهلين
والله ليك وحشة
وسؤالنا دائم عنك
مبروك الماجستير وعقبال الدكتوراة
ولك التحايا
امال
ام وضاح

الأخت الكريمة امال
ام وضاح
ليس غريبآ عليكم معرفة تاريخنا فأنت إبنة المؤرخين و المثقفين.
و برغم إنك من قلب المقرن إلا أنك تعرفين أهل طابت
يكون عصام غششك؟ فقد زارني مرة بطابت تحياتي له و لوضاح و الأمورة
شكرآ للتهنئة و بالله مزيد من الدعوات فأنا لا زلت في حيرة بين برنامجين للدكتوراة واحد {عازمني} عليهو الأخ الكريم دكتور حيدر بدوي في أوهايو و التاني جيراننا هنا.

هلا بالطيب الغالى

الحبيب عثمـان حمـد عثمـان حمـد
ود الناظر
كيف حالك؟ و أخبار الحصاحيصا معاك؟ و المكرونات؟ و مكرونات النفس؟

الأخ الطيب بشير
عودا حميدا، ومبروك مقدما
لك التحيات
إيمان

الأخت الكريمة إيمان أحمد
أطيب التحايا و المنى
أشكر لك تلطفك بالمرور
و شكرآ لصادق التمني
و أروع الأيام هي تلك التي لم تأت بعد

Quote: دس البسـمة بي إيـدو اليمين لـماها و نور الوجـنة بهـر القـاعة طـب عماها غايتو الزول أكان كـرف الخـدود شـمـاها يشهق يموت عديييييل و شهادتو ما تمـاها

الاخ الطيب ابو بشير:
عاطر التحايا والاشواق وحمدا لله علي سلامة العودة والانفكاك من زنقة الامتحانات وما لازمها وبلي وانجلي..
في انتظار المزيد ....

يا باشمهندس إيهاب
أتمنى أن نكون نوارسآ بروعة بوستك {أعني البوست بتاعك}
و شجع معانا الأيوبي
دحين ما عندك جية في موسم الشية؟
مكانك في روشستر شاغر لحين تلطفك بالعودة/الزيارة , ما يتيسر

ألف حمدا لله على السلامة يا الطيب
وفي انتظار الدرر

اهلا بك يا رجل ..غالي امنياتنا لك بالتوفيق.

حباب اخوي العزيز ونسيبي
وحمدلالك بالسلامة من الإمتحان وسجنه

أم العروسة كيف حالك؟
حمدلالك دي ذكرتني قريبتي شقية و بتاعة مسرح من يومها, و بتحاكي النسوان الكبار أها راحت ليها {حمدلالك} و عارفا الموضوع تهاني و كدة فقالت {إزيك يا بت أمي مبروكلالك}.

حبيبنا الكتااااب فتحي الصديق
شكرآ ليك
و أنا هسي عاوز أقراك و اقرا ليك و اقرا بيك و اقرا معاك

حليم و الله متابعك من بعيد
و مبسووووط منك
أما حسن ظنك بمحاولاتي ووصفها بالدرر فتشكر عليه
و أوعدك

يا بن مايكي الأثيري الآسر ، أيها الطيب البشير

دواخلنا يرطبها حضوركم الألق
و بوردنا تكسوه بوستاتكم بلون الشفق ..

مليون ليمونه و ليمونه من عصير التهاني بمناسبة حصولكم - بجداره - على الماجستير . و حتماً بدايات 2007 ستشهد فرحتنا بالدكتوراه ..



و حينها تسعد ( الحيشان التلاته ) تدفق حصادنا الشتاتي على ( مايكات ) الوطن اليحن إلى عصافيره المرهفة الأصيله ، و هي تغني لنا / لهن / لهم / للأطفال الذين في عيونهم الليمون !!!


داوم الحضور البوردي يا حبيب ، لكي لا نفقد القدرة على القول الصراح ، و البوح المباح !!!

الطيب بشير جيدن جيت

وامنياتنا بالنجاح


بت فاطنة

الأخ الحبيب الطيب بشير
لا تتخيل فرحة مثلي عندما أطل مثلك هنا للمرة الأولى
ألفة العرفة السابقة ربما ؟؟ ولكن دون شك هو الشوق المقدس إلى مزيد من الأصوات التي تحمل هم الجميع هنا
لذلك كان (لي أن أجن) عندما أوشكت على الاعتقاد أن ما حدث سيحرمنا من إطلالتك من هذه النافذة التي هي أحرى بك وأنت أحرى بها
واعذرني مليا على الإلحاح عليك أن تجيء
واتمنى أن تكون متذوقا لطعم نيتي قي ذلك
ولك الثناء الجميل والود
دائما

الطيب بشير
مبروك النجاح ومبروك علينا طلتك
ود قاسم قال جيتك دايرة ليها ليلية
اها انا جيت بى النوبه

الأخ الكريم osly2
دحين أوسلي دي موش البلد الحلوة الفي الشمالية بتاعة ناس عبود ود سرورة صاحبي؟
أها حباب جيتك بالنوبات و الطارات
الذكر
واااااحد الله
ههههممممم
واااااحد الله

الحبيب فتحي البحيري
بقدر نقاء سريرتك يتحتم علينا التعامل معك
لذلك أجده متلف و مربك في ذات الآن, ليس لأني بعيدآ من عالمك الناصع لكن لأن سلاطين العلم في بلاد العم سام درسونا في العلاقات العامة ردود مجاملة طبعت حياتنا و هي,قياسآ بالألق البحيري, محض زيف.
أخي فتحي
كثيرآ ما أقول مشتاقين ردآ على إستهلاك كلامي فأنى لهذه المفردة البائسة أن تحكي لك حالة كوني أريد أن أراك جهرة؟
و نقرا غنيوة العزيزة سعدية عبدالسلام
مدهش الزمن العرفتك فيه يا كل المرافي
بشتهيك و إنت حاضر و اشتهيك و إنت مافي
يا مشاوير التواصل في لحيظات التجافي
ودهشة أنفاس البنفسج
وروعة الزول التنفسج
في حروف إحساسا وافي

الأستـاذة عشة بت فاطنة
تحياتي و تقديري
و تشكراتي بلا حدود للترحيب و التهانيء
نبارك ليك الفال الزين و الجايي السمح

منوت يا مكسبآ ليموننا {حداقته} المحببة
أحس بالندى الأثيري يكسو الفراغ الأكادسياسي و يحملنا حيث ننتمي
عسى الله أن يأتني بهم جميعآ
إن شاء الله ح أبدأ الدكتوراة مع الفصل الدراسي الجديد في سبتمبر و دعواتكم بإبعاد العوارض حتى نلتقي في {سرور}
حبيبنا و نحن إخوان برضاعة أثير مايكي كم هو أثير للنفس لا أظنني بلغت منتهاك لو يجف خاطري أو كما قال الأول.
إحشد أروع ليمون العمر لفرحة عودتنا و عهدي بك {عزال}
لك المودة

حمد لله الف على انتهاء الامتحانات
وحمد لله على العوده ظافر ..........


علا ماقلتنا الماجستير كان عن شنووووووو

نوف

الاستاذ الطيب بشير
محتف انا بهذين التعديلين في ردك لي
بأكثر من احتفائي بنصه النهائي
وان بكل حرف ونقطة في هذا الأخير حفي

حبيبنا البحيري
كلامك ذكرني نص شعري أول خطواتي نحو عالمكم الرائع إسمه هل أنا أبدو مشرف؟ و هي محاولة للتأكد من أن ما كتبناه يليق.

الف مبروك الماجستير

وحمد لله على السلامة

(لكن ما قتى لى كومك ما كبير حالس حالس )

محمد

الأخ الكريم محمد hanouf56
شكرآ عميقأ و تقديرآ أكيدا
{ جاتك كدة زي حجآ مبرورأ و سعيآ مشكورآ}

أما الكوم فأنا و الله ما قاعد {أحوش}
نحن ناس بنعيش حياتنا الغالية
بالنية السليمة
و كل زول دايرين سعادتو
تشهد الأيام....عليمة

تقبل الله الحمد و الشكر
كتبت

Quote: وحمد لله على العوده ظافر ..........

That is an early celebration



It is a Master of Science in Mass Communication with
a research
Terrorism as a form of PR

و قد بدأت الرحلة بدبلوم عال في الإتصال الجماهيري بجامعة الخرطوم1994 لكن الزمان كان رديئآ.

بالله يا الطيب عبود سرورة صاحبك
زمان كنا بنقول ليهو عبود الغليد
الشئ الذى يضحك اخوته محمد وعبد الرؤوف
وعد العظيم ..ثعلبو..
بعدين يا الطيب تانى لما تكتب سرورة دي
شدها ما تسيبا مرخيه كدى
حسـه ينط عليك واحد من حراس النوايا

الأخ العزيز osly2
يرحم الله الخالة سرورة والدة الصديق عبود فقد توفيت قبل نحو عام و عبود تزوج في العيد و بالمناسبة لم يعد غليدآ بأي حال فقد نقص وزنه كثيرآ و لكنه لما يزل ينضح لطفآ, أما إخوته فلي معهم طرائف بلا حصر بدارهم بأمدرمان و في زواج جنابو عبدالوهاب ببورتسودان و السيرة الطويييييييييلة.
عبود يجي داخل الصالون و يقول:
كان زادي
و لا يكملها
فتعرف أنه في حالة عشق

سلامات الطيب
وحمد لله على السلامة

حمد الله علي السلامة يا الطيب
وبالنجاح إنشاء الله

عوداً حميداً يا الطيب.
ونسأل الله لك تمام التوفيق والسداد
في دينك ودنياك.

الدكتور حيدر بدوي
صادق تحاياي
شكرآ للدعاء بشأن ديني
أما دنياي ففوق الدعاء توقع مني مهاتفة لمواصلة ما انقطع من تشاور.
تقبل مودتي

تسلمي يا أخت حنينة
و خلي بالك و إنت سايقة مع
البت الحامت في الشريان

حباب ملكة سبأ
حيث أخذ الهدهد النبأ
فكان مراسلنا من قبل أن تعرف السي إن إن قيمة الإخبار
لك القيام

الأخ الطيب،
بركة الشُفناك طيب...
عوداً حميداً مع الامنيات بالتوفيق،

ع ع

الأخ عادل علي
إسمك كاملآ يذكرني بصديق كوستاوي في ملواكي و يسكونسن و كلامو حلو و ما مكرر تمامآ زي قولك

Quote: بركة الشُفناك طيب...

حيث لم تبخل على الدارجة بالضم
و في ذلك تميز
يسلم تفردك

مبروك اخ الطيب عرفت من كلامك عندك نية بي اتش دييييك واوهايو واحدة من خيراتك فالف مرحب بيك في اوهايو ونحنا تحت الخدمة

الأخ الطيب
حمدا لله على سلامة عودتك ودعواتي لك بالنجاح المؤزر والتوفيق الدائم وحقيقة إفتقدت حضورك المميز وأسلوبك الرصين العذب..بعدين ياخي نحن الآن في زمن الجيل الجديد من الصحابه..ناس كبر معاهم الشجر وظللهم الغمام.. عاوز ترجعنا تاني لي زمن ناس النجومي وفرح ود تكتوك...بالله نحن شعب ينقذونا وللا يتوجهو بينا توجه حضاري مادام بنتكلم عن الناس الزماااان ديل في زمن التمنجه الحضاري؟؟؟و...خلاص ما تجيب سيرة السياسه وتودينا في داهيه..خلينا نربي وليداتنا..تفتح لينا باب السياسه ونحن بندخله من باب الشلاقه..هسع عقد الجن دا كان ماجددوهو نقع وين؟؟؟؟مش أخير نقدر على خشمنا؟؟والله كان عندك لي مخرج..كنت أتكلم كلام..كنت أتكلم كلام..كنت اتكلم كلام..بس خليهو حمديل سلامه..ومرحبا بعودتك الظافرة دوما باذن الله

الحبيب nile1
ياخي نحن ناقصين إنقاذ؟ نحن شعب معلم ياخي
إتكلم في السياسة قدر ما الله يديك و ما تخاف أنا خالي ضابط
تواصوا على عشق سيرة النجومي و دقنة و درسوها لأطفال المهجر
تحياتي ليك

الأخ العزيز مهدي
بالحييييل و الله
ما بتقصر النعمنك المهدي
إن شاء الله نكون على اتصال

حمد لله علي السلامة .. و مبروك

و لنفكر الآن .... في ماذا نعد لهذا الصيف ؟ أكيد رحلة أيوا واحدة مما نعد. صاح ؟

أيوبي يا حبوب
إنت ذااااتك بركة الجيت بركة الجيت آآآآآآيي
إن شاء الله نمشي أيوا
و من ناحية أخرى دايرين نغني برضو

الاخ الحبيب نايل1
أنا مجرب المملكة 4 سنوات على كفالة الملك
(وزارة المعارف)
ومجرب السودان (بعد ذلك) 4 سنوات على فسالة الانقاذيين ومحاربتهم في الرزق قليله وكثيره وعدمه
الا - قل معي - قاتل الله نظاما يهدي قومه الظلم والتشريد والافقار والتجويع وهذا الخوف المستدام من غد والان
لكيلا ينتفضوا عليه
ثم لا يستطيع - مع ذلك - الأمن في هذا الزمكان الذي لا أمن فيه لطاغية البتة

Quote: قاتل الله نظاما يهدي قومه الظلم والتشريد والافقار والتجويع

بالحيييييييل يا بحيري

***

بحيري
شفت الأخ نايل أو نيل الخير مغبون كيف
حدثني يقول

Quote: بعدين ياخي نحن الآن في زمن الجيل الجديد من الصحابه..ناس كبر معاهم الشجر وظللهم الغمام..

** حدثني قادم من البلد أن الحماس قل لمن ماتوا في المحرقة!
طبعآ لما التفكير يكون مرحلي {إستراتيجيآ} بمعنى أن الجماعة الحاكمة تثق في المرحلية لدرجة الإعتقاد فهذا يجعل موت {الدبابين} نفسو مرحلة لها ما كسبت و عليها ما اكتسبت, و برغم حرصي على تجديد عقد الحبيب نايل لكني كنت و لا زلت أرجوه أن يتكلم الكلام المباح حتى الصباح.

جنس دة لاقاكم؟
أيام الإمتحانات تقول و الله أنا أخلص أشبع نوم
و تنتهي القصة و لا تنوم و لا أي حاجة
الشي التاني أيام الزنقة و توزيع اليوم بالدقيقة تشوف الونسة و التلفزيون و البورد حلللللو و لمن تتفرغ تجد الدنيا عادية! يكون من شنو؟
حاجة كدة زي حاجة فيك أرقت هاشمآ بالبحث و لا أكاد أجد طرفآ لخيط أمسكه لكني أذكرها عقب كل زنقة إمتحانات إنو بتحسد الناس البتكلمو في التلفونات و عايشين صاح و لمن تفضى تحس كأنو اللحظة الفاتت ما بترجع و لا كيف و لا مالي و لا ياتو
آي دونت نو

العزيز الطيب

حمد الله سلامة
و عقبال الشهادة الكبيرة
هى كدا دائما لمن تكون بتفتش فى سكن
ما بتلاحظ و تنبسط الا لافتة للاجار
و لما تكون جعان بتشتهى اكلات عجيبة
و لما تكون مفلس بتحلم
فى الحالات الاولى لمان تتحقق رغبتك بتزهد فيهو
بس حالة الثراء دى ما جربناها
و طبعا ما بنحكم على شئ غائب

موفق دائما

الأخ الكريم نصـار
تحياتي و كثير إعتذاراتي لتأخـير الرد
أنا وردي بخليني؟
عملت لي بوست قلت فيهو البغلة في الإبريق و القيامة قامت فيني,
تشكر للمرور يا أخي و نشوفك.