Post: #1
Title: إجـازة أسـبـوع...نـنسـى المـوضـوع...إجـازة أسـبـوع...نـنسـى المـوضـوع...
Author: الطيب بشير
Date: 05-08-2004, 10:22 PM
Parent: #0
كانت أيام الشرطة حافلة بالطرائف...فمثلآ يتلقى الضابط العظيم إشارة عن نوعية الهتافات لتحديد إن كانت هناك جهة سياسية بعينها تقف وراء التظاهرة...و جاءت الإشارة أن طلاب مدرسة الخرطوم الجديدة كانوا في المظاهرة يرددون:
إجـازة أسـبـوع...نـنسـى المـوضـوع...
إجـازة أسـبـوع...نـنسـى المـوضـوع...
إجـازة أسـبـوع...نـنسـى المـوضـوع...
* لمواكبة الروح الجديدة التي يتنادى لها {الصالحون} بالبورد, أحتـاج دوزنة, أحتاج خلوة للذكـر و لسماع الموسـيقى و شوية جري و قـراءة غير أكاديمية, و سأرعى شؤون أخرى غير البورد و أرجو أن يلتمس لي العذر كل من وجه لي سؤالآ في بوست أو ذكرني في معرض حديث أنني لن أتمكن من الرد لغيابي....أسبوع واحـد إن شاء الـلـه.
أها
نشـــوفكم
|
Post: #2
Title: e:e: إجـازة أسـبـوع...نـنسـى المـوضـوع..
Author: صديق الموج
Date: 05-08-2004, 10:29 PM
Parent: #1
ود بشير.....سلام
إجـازة أسـبـوع...نـنسـى المـوضـوع...
دور بى حالوا....الكترابة...دحين ما كتير يالطيب
كدى حاول راعينا شوية.......خسمتك بالنبى كان ما نقصتوا شوبة.
الله يصبرنا...وانا غايتوا ضاع صبرى!!!!!!!!
|
Post: #6
Title: Re: e:e: إجـازة أسـبـوع...نـنسـى المـوضـوع..
Author: الطيب بشير
Date: 05-12-2004, 10:02 PM
Parent: #2
صديق الموج يا حبيب
أها قسمتها معاكم النص بالنص
كدة كيف؟
شكرآ ليك يا حبيب
|
Post: #3
Title: Re: إجـازة أسـبـوع...نـنسـى المـوضـوع...إجـازة أسـبـوع...نـنسـى المـوضـوع..
Author: معتز تروتسكى
Date: 05-09-2004, 05:35 AM
Parent: #1
خالص التحايا
العزيز الطيب سلامات وكيف الحال عموما حكاية المنبر والاجازه اسبوع دى دايره ليها تخطيط مع السيد بكرى المختفى ده ،والكلام الفارغ والتهديد الماجايب (حقوا)..عموما برانا نعمل ورشه ونجهز المالتوف والمنشورات وو.. اقصد الكلمه الطيبه والورود طبعا كلامى غيرتو لانو اتذكرته انك زول شرطه   ..
من هنا احيى تلك المدرسه المؤسسه فى زمنها مدرستى العتيقه (الخرطوم الجديده الثانويه) وياربى سؤال يكون اتلاقينا فى مظاهره انت فى الشرطه وانا فى الخرطوم الجديده  .
|
Post: #7
Title: Re: إجـازة أسـبـوع...نـنسـى المـوضـوع...إجـازة أسـبـوع...نـنسـى المـوضـوع..
Author: الطيب بشير
Date: 05-12-2004, 10:05 PM
Parent: #3
معتز يا صديقي التروتسكي
أنا كنت مذيع بين ظباط الشرطة و ضابط شرطة بين المذيعين!!
لا يمكن أن أكون فرتقت مظاهرة أبدآ...و الله أنا يطلعوني لي مظاهرة عيلا أمشي مع البي هناك...هه
حبابك
|
Post: #4
Title: Re: إجـازة أسـبـوع...نـنسـى المـوضـوع...إجـازة أسـبـوع...نـنسـى المـوضـوع..
Author: Ehab Eltayeb
Date: 05-11-2004, 04:26 AM
Parent: #1
الاخ الطيب:
اها الاسبوع تم وين انت???
تقول الطرفة :
ان احدهم بخيلا جدا وكتر حاجه بيكرها الدين قالو تدين منو1000جنيه تقول ليه بكرة . يجي يصخك من النوم واشيلها ذاتها,,
تحياتى واسبوع جميل خالي من كل شئ الا شيئااحببت ان يكون فيه..
|
Post: #8
Title: Re: إجـازة أسـبـوع...نـنسـى المـوضـوع...إجـازة أسـبـوع...نـنسـى المـوضـوع..
Author: الطيب بشير
Date: 05-12-2004, 10:07 PM
Parent: #4
يا باشمهندس يا قريبي
يا نصف حلاوي وليابي و نصف هداوي طابتاوي
وكل أقوالي أمام ناس روشستر
بركة الجيت....أديني الأف جنيه حقتي؟
|
Post: #5
Title: Re: إجـازة أسـبـوع...نـنسـى المـوضـوع...إجـازة أسـبـوع...نـنسـى المـوضـوع..
Author: خالد الأيوبي
Date: 05-11-2004, 05:20 AM
Parent: #1
الطيب
إســـبوع بدون الـ WEEKEND طبعـــاً ، يعني خمســة أيـــام بس. معناها الباقي ليك من الإسبوع يوم واحد.
و اليوم بيحسبوه بالـ BUSINESS HOURS فقـط ، يعني ثمانية ساعات بس.
كدا معناها إنت حترجـع لينـــا أمبـــــارح
|
Post: #9
Title: Re: إجـازة أسـبـوع...نـنسـى المـوضـوع...إجـازة أسـبـوع...نـنسـى المـوضـوع..
Author: الطيب بشير
Date: 05-12-2004, 10:09 PM
Parent: #5
خالد يا أيوبي
دة شنو يا رئيس الرابطة؟
حساب ما بتعرفو؟
أكان كدة المالية ح تجوط
تحياتي لمحمد بخيت و قول ليهو تميت كتابيييييييييييين
|
|