Post: #1
Title: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: الطيب بشير
Date: 02-22-2005, 01:52 PM
Parent: #0
لم يكن الذين هكروا بورد سودانيات ، و من قبله سودانيزأونلاين ، لم يكونوا يومآ غير مجموعة خاسرين /ات .. لذا يتجاوز الخطاب مقامهم ، خشيةالهبوط ، و يأتي مباشرآ للأعضاء و القراء الكرام ..
سيعاود بورد سودانيات الظهور على النت اعتبارآ من الغـد .. سيعود (أقوى)  ، برغم أن الهكر لم يتمكنوا من الاضرار به ، لكنهم هكروا الهوست نفسـه !! بالطبع لن نضيع وقتآ في الحديث عن وضاعة الهاكرين / ات ، فان موعدهم الصبح أليس الصبح بقريب ؟
سيعود غدآ بمشيئة الله بورد سودانيات و سيسهم مع البوردات الأخرى في محاصرة الجهل و التخلف و الغرض و المرض ، هذه الكوى التي تقلق الخفافيش ستزداد كمآ و كيفآ ، و لا يحسبن غافل أن الأمـر سينتهي هكذا ..لا .. بل ألـف لا .. سنفرغ لكم ، و لكن ليس قبل أن نسترد ابتسامات الأعضاء و الزوار بعودة بورد سودانيات غدآ مع هوست جديد.. مع الاحتفاظ بذات الــ (دومين نيم) sudaniyat.net
و ... (غــــدآ) حبـــيـــبـــي حـــتـــمـآ يـــعـــود
 ..
|
Post: #2
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: الطيب بشير
Date: 02-22-2005, 02:01 PM
Parent: #1
التحيات الطيبات لكم في سودانيز أونلاين
عذرآ للغياب ..
يؤجل أهلونا السلام لحين قضاء الأمر كأداة ضغط على المضيف ، فيقول صاحب الدار :
سلام ، اتفضلوا ..
يردون :
لن ندخل أو نتفضل قبل أن توافق على خطوبة فلان ، أو تتنازل عن كذا ..
فأنا ، هنا ، غير دعوتي لأعضاء / قراء سودانيات ، أثير أمر الهاكرز مرة أخرى .. و قبل أن نتحدث عنهم نريد أن نجتهد في حربهم ..
و لنا عودة ..
|
Post: #3
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: saif massad ali
Date: 02-22-2005, 02:51 PM
Parent: #2
معليش
|
Post: #4
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: الطيب بشير
Date: 02-22-2005, 03:23 PM
Parent: #1
Thanks Saif
|
Post: #6
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: sign
Date: 02-22-2005, 04:11 PM
Parent: #4
الأخوة هنا..
ســـــــــــلام..
وصلتني رسالة قبل عدة أيام من موقع سودانيات (باعتباري عضوا) مفادها أنني ضيف غير مرغوب فيه و انه (الباب يفوت جمل)..لم أهتم للمضمون الطريف..خاصة أن مرسلها أشار الي أخطائي في المشاركة و أسهب في عرض معاناة المشرفين المرهقين دوما بسببي ..و بما أنني مقصِر تجاه (سودانيات) بمشاركاتي القليلة..حسبتها خطأ فنيا..(و مالو..الجماعة ديل يمكن في زول تاعبهم و الرسالة دي وصلتني عن طريق الخطأ)..بقراءة متأنية للرسالة..بدا لي الأمر بأوجه أخري و تفاسير أوسع..(الرسالة دي يمكن وصلت ناس غيري..في زول بلعب بي ديله..يكون منو)..و عند وضع عنوان الموقع علي المتصفح (لقيت الدار خلا)..و يبقي الهاكرز ما بقي الانترنت..عدت أدراجي للرسالة الطريفة و أزلتها ( الله ينعل أبو طبعك)..
تمنياتي بعودة المنتدي العامر بأبي جهينة و خالد الحاج و مولانا اسماعيل و غيرهم من خفيفي الروح..و أفتقد قراءات الأديب الرائع الذي أخذ الجمال اسما و صنعة..شاكسته في يوغندا فوجدته قمة الدبلوماسية الأنيقة..و لم أتأخر عن متابعته بعدها..
الطيب بشير..كتبت:
| Quote: لم يكن الذين هكروا بورد سودانيات ، و من قبله سودانيزأونلاين |
باعتبارك من مشرفي سودانيات.. اسمح لي بتساؤل عن هذه الاستهلالية..هل ثبت لديكم أن الشخوص ذاتها كررت فعلها مع سودانيات..
| Quote: لكنهم هكروا الهوست نفسـه |
و اذا كانت الغارة تستهدف مضيف الموقع ..ما الذي جنته (سودانيات) لتنال سهما..بمعني أدق..هل المراد بالنبل (سودانيات) حبيبتنا.. أم المضيف..
تحياتي لخالد الحاج و أخته الحنينة..فدارهم جميلة و مضيافة..و ننتظر فتح الأبواب عند شروق شمس الغد..
|
Post: #8
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: الطيب بشير
Date: 02-22-2005, 04:27 PM
Parent: #6
العضو sign
سلامQuote: ..عدت أدراجي للرسالة الطريفة و أزلتها ( الله ينعل أبو طبعك)..
|
* تعجـلت بازالتها و طمسـت خيطآ هامآ في البحث عن (الحقيقة)..
| Quote: ..هل ثبت لديكم أن الشخوص ذاتها كررت فعلها مع سودانيات.. |
* نحن الآن في الركعة الثالثة
Quote: هل المراد بالنبل (سودانيات) حبيبتنا.. أم المضيف..
|
* يبدو أن الهاكر يفكر بطريقة (عشان أهلك بخليكي) ..
|
Post: #12
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: sign
Date: 02-22-2005, 04:47 PM
Parent: #8
الطيب بشير..كتبت
| Quote: تعجـلت بازالتها و طمسـت خيطآ هامآ في البحث عن الحقيقة.. |
ليت الهكر اكتفي بسلب العنوان و ارسال الرسائل باسم (سودانيات)..الا أنه يعلم بتاخر المرحلة في علم النهب الالكتروني ..و أرادها موجعة..فكان له ما أراد..
لم أهتم بالرسالة بعد فقدان الموقع..فهي مرسلة من عنوان المدير و لن تجدي متابعتها..فمحطتها الأخيرة في (سودانيات)..و الموقع ذاته مسروق..
عميق التحايا لود الحاج..و أخته الحنينة..نحن في انتظار فتح الأبواب..
|
Post: #5
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: الطيب بشير
Date: 02-22-2005, 04:08 PM
Parent: #1
** قـدر الأشـجـار المثمرة أن تحتمل القذف بالحجارة
*** تسعى منابر الحوار ، بعـامـة ، لنشـر الرأي و الرأي الآخـر فمن ذا الذي يضيق بالآخـر و يسعى لخـنقه و قتله ؟ انها ثقافة قتل الأشـقـاء حتى لا يتوارثوا المـلك .. لكن الراسـخون في العلم ، في هذا المنبر و في سودانيات و في المنابر السابقة و الـلاحـقة ، يدركـون أن المسـيرة جـد مضـنية و بالـعـهـد المـمهـور لن نـألـوا جهـدآ في التـنـوير .. و ان هكروا بالنحـس دارنا... زجـرنا لهم طيرآ تمر بهم سعدا .. و غـدآ باذن الله نلتقيكـم ..
|
Post: #7
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: معتصم دفع الله
Date: 02-22-2005, 04:21 PM
| Quote: تسعى منابر الحوار ، بعـامـة ، لنشـر الرأي و الرأي الآخـر فمن ذا الذي يضيق بالآخـر و يسعى لخـنقه و قتله ؟ انها ثقافة قتل الأشـقـاء حتى لا يتوارثوا المـلك .. لكن الراسـخون في العلم ، في هذا المنبر و في سودانيات و في المنابر السابقة و الـلاحـقة ، يدركـون أن المسـيرة جـد مضـنية و بالـعـهـد المـمهـور لن نـألـوا جهـدآ في التـنـوير .. و ان هكروا بالنحـس دارنا... زجـرنا لهم طيرآ تمر بهم سعدا .. و غـدآ باذن الله نلتقيكـم .. |
العزيز الطيب بشير
سلام شديد يا حبيب ..
نعم سوف يعود سودانيات أقوى ووطن كما تمنيناه ..
التحية للقائمين على أمره ..
ونقول لهم نحن معكم وقلوبنا كذلك ..
|
Post: #9
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: الطيب بشير
Date: 02-22-2005, 04:31 PM
Parent: #7
أهلين و مراحب الحبيب الغالي معتصم دفع الله
ألف شكرآ على دعمك ... و الثقة
مثلما يتشابه الهاكرز و يتعاونوا .. يتسابق السمحين و ـ يعتصموا ـ
نشووووووفك بكرة
|
Post: #10
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: محمد حسن العمدة
Date: 02-22-2005, 04:31 PM
Parent: #7
سودانيات احد مشاعل النور والمعرفة والثقافة
سوف يعود منبر سودانيات اقوى واقوى مما كان عليه بفضل الله عز وجل وبفضل القائمين على امره فنم غرير العين هاني البال عزيزي الطيب وسيرى الذين هكرو اي منقلب ينقلبون
|
Post: #11
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: الطيب بشير
Date: 02-22-2005, 04:38 PM
Parent: #1
الأخ الكريم محمد حسن العمدة
.. و الشمس هدفنا .. و ماها بعيد ..
تسلم يا أصيل ..
سودانيات ، بـك ، و بأعضائها / قرائها الأمـاجد ستتخطى الهاكرز .. و ـ الكاذبين ـ .. و (تقدل) بثبات بدعم (أنصار) الحق المحض و الخير والجمال ..
|
Post: #13
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: mamkouna
Date: 02-22-2005, 04:49 PM
Parent: #1
أبو بشير...و الأخوة و الأخوات...
حاجة مؤسفة للغاية......
لكن.....
العترة بتصلح المشية..
و...
ستعود سودانيات - بّإذن الله - واحة ظليلة مفرهدة.....و ستعود أقوى مما كانت.....
مع سيرفر أكبر يتسع لكل أحلامنا و أفكارنا و مشاركاتنا.....
لكم/ن جميعاً كل الود
ممكونة
|
Post: #14
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: الطيب بشير
Date: 02-22-2005, 04:56 PM
Parent: #1
العزيزة الممكونة ... حبااااابك العزيز تيرابك
النبي عليك الممكون كيفنو ؟
كتر ألـف خيرك علي الطلة و الفقد .. و ما بتقصري
سودانيات دارك و بيت مشاركاتك من يوم (كـردة) كلب الصادق ..ههييههايههايه ..
ستعود سودانيات مثلما وصفت بعون الله ... و الله خير الماكرين
لا شـكـر في معرض الجمال .. لكن الله يخليك
|
Post: #15
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: sign
Date: 02-22-2005, 06:01 PM
Parent: #14
الطيب بشير كتبت:
| Quote: سودانيات ، بـك ، و بأعضائها / قرائها الأمـاجد ستتخطى الهاكرز .. و ـ الكاذبين ـ |
افترضت حسن النية في تقويس مفردة الحقيقة..لم أكذب بخصوص الرسالة..وليس من شئ يدفعني لمثل هذي الأحاديث.. أتمني أن اكون مخطئا في تقديري ..فأنا عضو في (سودانيات) و محب لها..و اتلمس الألفة في ادارييها.. و أنت منهم..
و تبقي روح الاشارة في عودة (سودانيات) غدا ان شاء الله..
|
Post: #17
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: الطيب بشير
Date: 02-22-2005, 09:19 PM
Parent: #14
**
|
Post: #16
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: الطيب بشير
Date: 02-22-2005, 07:09 PM
Parent: #1
العضو sign
| Quote: ..لم أكذب بخصوص الرسالة.. |
أنا قلت كـدة ؟ ذكـرت اسمك ؟
تأويلك يخصـك ..
القـضـيـة أكـبـر بكـثير مما تظن ..
نشوفك بكرة في الموعـد ... تصـور روعـة المشـهــد ..
|
Post: #18
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: abuguta
Date: 02-22-2005, 09:48 PM
Parent: #16
ود ابواتى
مرحب بيك وبركة الشفناك طيب
وبعدين الهكرر دا مو معروف بكون ابقوتة...تصور عندى نيك نيم فى سودانيات
كل يوم اقول ادخل تجينى المشاغل من وين ما عارف
وبعد خالد دفع الله (ساين) دا من اولادى..يعنى جنير وكدا
ودا زول مسيكين كان زمان بخاف من القبورة تصور حياتو كلها ما قبض قبورة
تصور ولى قدام
|
Post: #19
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: زول ساكت
Date: 02-22-2005, 10:02 PM
Parent: #18
حتماً ستعود أحلى
لعن الله المهكرين
|
Post: #28
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: الطيب بشير
Date: 02-23-2005, 10:01 AM
Parent: #19
العزيز زول ساكت
لك الشكر
وقوفكم مع الحق يوضح الرسالة
|
Post: #27
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: الطيب بشير
Date: 02-23-2005, 09:59 AM
Parent: #18
العزيز أبو قوتة
مرحبتين حبابك ..
ننتظر رؤيتك في سودانيات متى تيسر ذلك ..
أما عن مسكين (القبورة) .. فالمراهن على استغفال القاريء واهم .. راجع ردود كل الناس بلا استثناء تراهم يؤكدون (فقط) وقوفهم مع سودانيات ، و انظر الى مسكينك ، يحاول تجريمي و يهتم بنفسه في معرض العام .. لاحظ لغة خطابه و قارن المفردات و العبارات بـ (كـل) ما تفضل به الأعضاء الكرام يتبين لـك أن هناك ـ حاجة ـ .. وان خالها تخفى على الناس .. تعلم ..
|
Post: #39
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: sign
Date: 02-23-2005, 01:21 PM
Parent: #27
| Quote: و تبقي روح الاشارة في عودة (سودانيات) غدا ان شاء الله |
هذا ما خطته يداي توجيها لنبرة الاتهام ..العام فوق الخاص..بالتالي..لم أسع لشئ مما تحاول الباسي اياه (لشئ في نفس يعقوب)..
بمراجعة بسيطة لما كتبت..حروفي واضحة.. ولا غرض لي سوي الوقوف مع البوست الذي يدعم عودة (سودانيات)..علي الأقل واجبي كعضو في (سودانيات)..
لم أعلم أن كاتب البوست أراد (فقط) أحاديثا علي شاكة (نؤيدكم) و بس..
كما أن (التخريمات) موجودة.. و كتبها غيري ..أيكونوا أصحاب غرض كما الافتراض في حالتي..و لا الحكاية (جنا تعرفه ولا جنا ما بتعرفه)..
ارجو أن يكون العرض خال من الاتهام و التشكيك (و الترصد)..دقائق فقط كانت تفصل ما بين مساهمتي.. و تكذيبك..و من ثم (ردم ) الاتهامات
| Quote: أما عن مسكين (القبورة) .. فالمراهن على استغفال القاريء واهم .. راجع ردود كل الناس بلا استثناء تراهم يؤكدون (فقط) وقوفهم مع سودانيات ، و انظر الى مسكينك ، يحاول تجريمي و يهتم بنفسه في معرض العام .. لاحظ لغة خطابه و قارن المفردات و العبارات بـ (كـل) ما تفضل به الأعضاء الكرام يتبين لـك أن هناك ـ حاجة ـ .. وان خالها تخفى على الناس .. تعلم |
كلام عجيب و غريب..الشئ محكمة ناقصة عمدة...
|
Post: #41
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: الطيب بشير
Date: 02-23-2005, 04:51 PM
Parent: #39
لا تتعجـل المحـكـمـة sign ، و العـمـدة هـو القاريء ..
أقتبس لك حديثك عن الهاكر و نصره ..
Quote: ..و أرادها موجعة..فكان له ما أراد..
|
ثم الاشارة لسودانيات بـــ
| Quote: ..و الموقع ذاته مسروق.. |
أمـا افتقادك للموقع على النت فقد اخترت له ..
| Quote: ..و عند وضع عنوان الموقع علي المتصفح (لقيت الدار خلا)..و يبقي الهاكرز ما بقي الانترنت.. |
و هـذه أيضآ..
Quote: لم أعلم أن كاتب البوست أراد (فقط) أحاديثا علي شاكة (نؤيدكم) و بس..
|
هـل هذا استخفاف بالمساهمات المؤازرة أعلاه ؟ و أنك وحدك من يملك الرأي الصائب دون كل من كتب (نؤيدكم)؟ .. أم استخفاف بكرام كاتبين / قارئين ؟
ختامآ sign
لا تجعل كل المشكلة أنك قلت و لم يصدقوك ، و أنك عنيت كذا و لم يفهموك و أنك مظلوم عقدوا له المحاكم ، و أنك و أنك .. لدينا (هـم) عااااااام هنا .. راجع مساهمة أبي جهينة بعاليه و اشارته لــ (بـلى و انجلى) .. ثم ارحم القاريء من محاولات جعل الدنيا كلها تدور حولك ، أنت .. فأنت ثم .. أنت ..ثم .. أنت .ثم .. أنت . ..
|
Post: #20
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: sign
Date: 02-22-2005, 11:08 PM
Parent: #16
|
Post: #22
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: ابو جهينة
Date: 02-22-2005, 11:22 PM
Parent: #20
أبو بشير الرجل الزين
تحياتي
أحمد الله أن إنجلى البلا .. و إنزاحت الغمة .. و الله إشتقنا لطلة الناس هناك ..
نشوفك بكرة بحول الله ..
أرقد عافية
تحياتي للجميع و خاصة أمين
|
Post: #29
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: الطيب بشير
Date: 02-23-2005, 10:08 AM
Parent: #22
Quote: أبو بشير الرجل الزين
تحياتي
أحمد الله أن إنجلى البلا .. و إنزاحت الغمة .. و الله إشتقنا لطلة الناس هناك ..
نشوفك بكرة بحول الله ..
أرقد عافية
تحياتي للجميع و خاصة أمين |
حبيبنا أبوجهينة
و الله ليك وحشة و لـلسانك المبين .. 
أمين مبسوووووط و على اتصال..
شكرآ لأنك هنا .. و شكرنين لأنك هناك ..
نشوفك ..
|
Post: #23
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: sign
Date: 02-22-2005, 11:32 PM
Parent: #20
Quote: وبعد خالد دفع الله (ساين) دا من اولادى..يعنى جنير وكدا
ودا زول مسيكين كان زمان بخاف من القبورة تصور حياتو كلها ما قبض قبورة
تصور ولى قدام |
العزيزي الراقي / أبوحميد..
وينك يا غالي..بركة بالشوفة..قلت لي القبورة و كدة..قبورتين يوصلن أخوك كباري الدكن..
حسي تسمع (المسكين سكين)و حاجات بالشكل(بكسر الشين)دة..الليلة أنا مرقوني كضاب و كيشة..و معاها نفس حــــار..
شفت المحن دي..
ما علينا..
أخبار الشباب عليكم شنو..مصطفي ما لقيت ليهو عنوان ولا تلفون..ما قدرت أبارك ليهو..لكن ود خالتي (عمر مناع) بكون قام بالواجب..قالوا لي الرياض و الدمام بقن زي قهوة التوحيد..بختكم..
هشام كيف..قول ليهو خالد بسلم عليك و بقول ليك (عياد البلة)بقي مسئول في وزارة الأوقاف..
لكن أطرف خبر..(التهامي) عرَس..
خليك قريب..و ما تطول كدة..
|
Post: #43
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: الطيب بشير
Date: 02-23-2005, 06:05 PM
Parent: #16
up
|
Post: #21
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: ودقاسم
Date: 02-22-2005, 11:20 PM
Parent: #1
الطيب
أحسن حاجة عملها الهكر إنو سمّعنا صوتك في سودانيزأونلاين ،،،
مشتاقييييين ،،،
سلّم على بشير وأم بشير ...
|
Post: #31
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: الطيب بشير
Date: 02-23-2005, 10:14 AM
Parent: #21
الراقي ود قـاســم
كيف حالك
أشكر احتفاءك بمقدمي ، و نسب الفضل للهاكر ذكرني بالذين أخرجونا من ديارنا .. هل ننسـب لهم نجاحاتنا ؟ و نلعق وحدنا جراحاتنا ؟ ..
نشوفك بالخير ..
|
Post: #24
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: أم سهى
Date: 02-23-2005, 02:29 AM
Parent: #1
العزيز الطيب
تحياتي
حينما صارت المعرفة والفكر منارة وهادي لنا هنالك في دارنا العامرة ,ارتجف اولئك الصبايا واقشعرت ابدانهم من سلاح قل ما يوصف انه اسمى واكبر من معرفتهم - فسودانيات عرف عنها انها منبر فكر وعلم تتصارع فيه الافكار وليست الالفاظ القبيحة - تتأنس فيه الناس بكل كريم وجميل لا يوجد بيننا من هو مسيء لقيمنا واخلاقنا لذك سما وعلا شأنه
حتما صديقي كنا نعلم باننا نواجه مثل هذه السفسطة ولكن حتما لن تاخذ من وقتنا الا القليل ليبقى ما يفيد الناس وليذهب الزبد جفاء
اجمل ما في مجتمع سودانيات بانه يقوم على احترام الناس لنفسها قبل ان تحترم الاخرين
سودانيات لها مساهماتها الثرة في كل مجالات المعرفة - من سياسة وفنون وآداب - يربطها العلاقات الاجتماعية المتينة بين عضويتها - لامست حياتهم ودخلت بيوتهم وتحسست حسسهم - سودانيات تطرح هموم وقضايا المجتمع السوداني بنفس طويل ونقاش هاديء نختلف ونتفق في اراؤنا ولكن يجمعنا حب الوطن
الا تعتقد ان كل هذا السمو والرقي كافيا بان يقلق كل من هو دونه؟
عموما نحن في انتظار مواصلة مشوارنا
فسودانيات جميلة باهلها و
كل الذي فوق التراب تراب
|
Post: #25
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: saif massad ali
Date: 02-23-2005, 02:58 AM
Parent: #24
الاخ الطيب بشير
الف حمدلله علي السلامة
يا اخوي انت ما متابع يا اخوي انا مهكور ده الكمبيوتر التالت راجع كتاباتي كلها عوج .اكتب اعمل ارسال لا تصل .كتابة ملخبطة الحروف ما في مكانها بس اكتب الصق .وشغال اسع بي الماكنتوش التفاحه الله عالم وشاهد ريشي مقصوص
|
Post: #33
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: الطيب بشير
Date: 02-23-2005, 10:29 AM
Parent: #25
الأخ سيف
انه الهاكر
معليش
أنا حقآ ما كنت متابع
|
Post: #32
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: الطيب بشير
Date: 02-23-2005, 10:26 AM
Parent: #24
Quote: العزيز الطيب
تحياتي
حينما صارت المعرفة والفكر منارة وهادي لنا هنالك في دارنا العامرة ,ارتجف اولئك الصبايا واقشعرت ابدانهم من سلاح قل ما يوصف انه اسمى واكبر من معرفتهم - فسودانيات عرف عنها انها منبر فكر وعلم تتصارع فيه الافكار وليست الالفاظ القبيحة - تتأنس فيه الناس بكل كريم وجميل لا يوجد بيننا من هو مسيء لقيمنا واخلاقنا لذك سما وعلا شأنه
حتما صديقي كنا نعلم باننا نواجه مثل هذه السفسطة ولكن حتما لن تاخذ من وقتنا الا القليل ليبقى ما يفيد الناس وليذهب الزبد جفاء
اجمل ما في مجتمع سودانيات بانه يقوم على احترام الناس لنفسها قبل ان تحترم الاخرين
سودانيات لها مساهماتها الثرة في كل مجالات المعرفة - من سياسة وفنون وآداب - يربطها العلاقات الاجتماعية المتينة بين عضويتها - لامست حياتهم ودخلت بيوتهم وتحسست حسسهم - سودانيات تطرح هموم وقضايا المجتمع السوداني بنفس طويل ونقاش هاديء نختلف ونتفق في اراؤنا ولكن يجمعنا حب الوطن
الا تعتقد ان كل هذا السمو والرقي كافيا بان يقلق كل من هو دونه؟
عموما نحن في انتظار مواصلة مشوارنا
فسودانيات جميلة باهلها و
كل الذي فوق التراب تراب |
الأخت الكريمة أم سهى
وجـدت مساهمتك أروع من التجزئة و الاقتباس ..
قرأتها ..
أعدتها ..
نقلتها ..
طبعتها .. على الورق و خاطري
فلونت ذاكرتي .. دفاتري
يا بنت عمي ـ أو كما يقول خالد الحاج ـ
هي حروف اللغة ذاتها ، تمتطينها أنت فتمنحينني ابتسامة الرضا .. و يرتكبها هاكر وضيع طفبوع فيسيء الأدب .. انه الاناء ..
لا أشكرك .. البتة ..
لكني أحمد الله أني أعرفك ..
أحييك بعدد زفرات المشردين اليشهقون لسماع اسمك يتردد
لم أقصد الاطراء على شخصكم جهرآ ، لكنه دفق صادق ، أرجو قبوله على كثرة علاته ..
|
Post: #26
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: عامر الأمير
Date: 02-23-2005, 08:02 AM
Parent: #1
الأستاذ أبوبشير .. ألفين سلام يابا
ليس هناك مايمكن قوله غير أن نقول هل ياترى .. يا أمتي.. نلقاك يوماً تكتبين لنا من النصر الحلم الذي نرجوه دوماً.. أن نراك عزيزة.. لاعزة مع من يحاربون العلم
لك التحيايا النواضر وللأسرة الكريمة
عامر الأمير
|
Post: #30
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: Ehab Eltayeb
Date: 02-23-2005, 10:08 AM
Parent: #26
Quote: سيعود غدآ بمشيئة الله بورد سودانيات و سيسهم مع البوردات الأخرى في محاصرة الجهل
و التخلف و الغرض و المرض ، هذه الكوى التي تقلق الخفافيش ستزداد كمآ و كيفآ ،
و لا يحسبن غافل أن الأمـر سينتهي هكذا ..لا .. بل ألـف لا .. سنفرغ لكم ،
و لكن ليس قبل أن نسترد ابتسامات الأعضاء و الزوار بعودة بورد سودانيات |
باذن الله يابو بشير ستعود ....
سودانيات اكثر اشراقا... واكثر قوة.. واكثر ابداعا والقا..
لتساهم في محو ظلام الجهل..ونشر نور المعرفه...
اهلا وسهلا بيك وعودا حميدا من السودان,,,
وعودا احمد للمنبر...
حتي نلتقي... عاطر الود والتحايا لك وللاسرة,,,
|
Post: #35
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: الطيب بشير
Date: 02-23-2005, 10:39 AM
Parent: #30
Quote: باذن الله يابو بشير ستعود ....
سودانيات اكثر اشراقا... واكثر قوة.. واكثر ابداعا والقا..
|
الحبيب ايهاب (الطيب)
مرحبتين سلام
تركت لك رسالة قبل يومين تحمل تحايا الأهل بالمنطقة..
شكرآ لوقوفك مع الحق ..
السودان حلو .. و الونسة بالمهلة
تحياتي للأمين و الشباب
|
Post: #34
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: الطيب بشير
Date: 02-23-2005, 10:34 AM
Parent: #26
الأخ .. الأمير .. عامر الأمير
ألف أهلآ .. و تحاياكم للأسرة توصل بحول الله
أشكر مرورك و الدعاء .. لسودانيات و .. لأمة الأمجاد ..
أرجو ألا يصيبها داء الخصخصة فتتحول الى أمة الركشـة بدل الأمجاد ..
|
Post: #36
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: الطيب بشير
Date: 02-23-2005, 11:12 AM
Parent: #1
فـي اللمـسـات الأخـيرة .. بورد سودانيات يلبس أزهى حلة للخروج لجماهيره .. تمت المراجعات التقنية و الجمالية .. كتابة
العقود الرسمية .. التكاليف المادية .. تبقت فقط تلك اللمسات الأخيرة قبل أن تعزف مزيكة القرب و تنفخ الروح الفنية في موكبه الجميل ..
|
Post: #37
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: Balla Musa
Date: 02-23-2005, 11:31 AM
Parent: #36
الأخ الطيب تحيات من ربا شندى
إذا نظرية أنور كنج -و التى أسميها الهاكر و المهكور- فى هكر سودانيزأون لاين طلعت صحيحة يكون هو الهكر سودانيات.
أنا غايتو من زمان قلت نظريتو غلط
|
Post: #38
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: الطيب بشير
Date: 02-23-2005, 11:52 AM
Parent: #37
الأخ الكريم بلة موسى
ما بين ربى شندي الدافئة ... و شتاء مينيسوتا الما داير ينتهي ، حكاوي طويلة ...
يستوي عندي الهاكرز جميعآ ..
ان كانوا من الظلاميين أو دعاة التقدم ..
اذا هكروا المواقع لخلاف فكـري أو شخـصـي ..
طالما تقاصر الفهم و التفت الساق بالساق للأخذ بالقوة و العنف ما يحسبه الهاكر حق .. اذن فقد استووا في الجرم و الجهل لا نفرق بين أحد منهم ..
|
Post: #40
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: أم سهى
Date: 02-23-2005, 01:47 PM
Parent: #1
الاخ الفاضل الطيب
.... لو أن خيطا من شعاع النور جاء.....
لنسجت منه عباءة طرزتها شوقا اليكم اهل سودانيات
ومددت كفي شراعا عابرا كل المدائن .. حاملا شغف اللقاء...
رافعا وجه التأمل نظرة تجتاز طين الأرض تلتمس السماء
|
Post: #42
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: الطيب بشير
Date: 02-23-2005, 05:04 PM
Parent: #40
الراقية المتفردة .. أم سـهـى ..
تأتين ، دائمآ ، كنسمة بعد ضيق و توتر .. فقد فرغـت للتـو من :
فقاعة ..
تكورت ..
تـحورت ..
شـكـكـتـهـا بـنـظــرة ..
.. ذوت ..
.......
هي سودانيات .. يا أم سهى ..
جميلة بأهلها ، بمساهماتهم ، باتفاقهم .. بل باختلافهم !!
لا تنتظر منك الا كل الخير ..
و لا تتوقعي منها غير الجمال ..
نرفع الأكـف ضارعين للعزيز أبي سهى ..
لك .. و لكل من ينتظر يدك الممدودة بالعطاء و المصافحة الحارة و علامة النصر .. و عـلـو الابهام تشجيعآ و الربت على الظهر مؤاساة و المسح على شعر اليتامى حبآ .. أدامها الله يدآ عليا ..
و نشوفك بي هناك ..
|
Post: #44
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: Ridhaa
Date: 02-23-2005, 11:44 PM
Parent: #1
الأخ الطيب بشير
الأخوة في سودانيات
سلام
بحكم خبرتي في مجال النت ..لم يكن هناك هاكرز على مايبدو
المشكلة في الشركة التى تستضيف بورد سودانيات وتقدم له الخدمة
لانها غالية نرجو الاطلاع على الأسعار للخدمة كل شهر وهي مكلفة
جدا ومرهقة جدا ...ونظرا لما تقدمه هذه المنابر من خدمات جليلة
لازم يكون هناك دعم منتظم ولقد ذكرت ذلك مرارا وتكرارا...
أرجو من الأخ خالد الحاج أن يبحث عن شركة أخرى تستضيف المنبر
تكون أرخص وأسرع ...مع تنبيه الأعضاء بترشيد الباندودث المخصص
للموقع .....
حفظ الله الجميع من الهاكرز والمخربين ...والى الأمام
نرجو الدخول في الوصلة أداناه لملاحظة الأسعار الباهظة للشركة التي
تستضيف موقع سودانيات
http://65.98.56.50
مع خالص تحياتي
|
Post: #45
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: sign
Date: 02-24-2005, 01:19 AM
Parent: #44
ياخي!!
ما بعملوها ظاهرة كدة!!
خلط اللبن بالماء و الباس الحق باطلا ملائما و الأخذ بكلمات و (نتش) الجمل علي وزن (و لا تقربوا الصلاة) و مقدرة عجيبة علي التفسير السلبي والاخراج الاداني..
صدق القال (الما بدورك في الضلام بحدر ليك)..
| Quote: أقتبس لك حديثك عن الهاكر و نصره |
(نصره) راسها عديل كدة!!..غلبك تلبسني تهمة (هكر) مرقتني وكيل هكر مرة واحدة..
حديثي عن أن (الهكر أرادها موجعة )لأنه لم يكتف فقط بارسال رسالته الغريبة..يعني لم يسرق فقط العنوان بل سرق الموقع بحاله ..و كان طبيعيا أن أقول أنني لم أر أهمية لتتبع رسالة بما أن (الموقع ذاته مسروق)..و هنا يجب قولها واضحة أن المسروق هو الموقع و ليست (سودانيات)..لأنها ستعود..كنت عايزني أقول (سودانيات مسروقة)عشان تجيني بي تهمك الجاهزة دي..عجايب و الله!!
و طبيعي جدا اني أقول (لقيت الدار خلا)..لاني ما لقيت المنتدي..بعدين أنا سوداني و من بيئة شعبية خالص ..و في قريتنا الجميلة طابت بنتكلم كدي..يعني الزول الما بنلقاه في بيته بنقول (لقينا الدار خلا)..يعني بالعربي كدة مافي زول..و ما حصل زول زعل لما قالوا ليهو جينا و لقينا الدار خلا..و ما أظن خالد الحاج و الحنينة يزعلوا منها..بعدين (سودانيات) داري أنا برضو..و لو زول قال لي كدي ما بزعل منه..لكن الما بدورك..في الضلام بحدر ليك..
| Quote: هـل هذا استخفاف بالمساهمات المؤازرة أعلاه ؟ |
كلام و الله..يعني داير تحرش علي الاخوة و الاخوات بي نسيجك الرهيف دة!!..وريني الاستخفاف وين..الجماعة الدخلوا البوست ديل كلهم كلامهم/هن سمح و نضمهن/هم زين..استخف بي منو فيهم!!..كلامي كان رد علي اشارتك بأنو المشاركين/ات يقيفوا (فقط) مع (سودانيات)..و (فقط) دي معناها واحد..انك عايز الناس تقول الانت عايزه و بس..لكن (سودانيات) موقع يجمع الكثيرين..و كذلك (سودانيز أون لاين)..تقول لينا قولوا كدة (فقط)..ما بتجي..
| Quote: لا تجعل كل المشكلة أنك قلت و لم يصدقوك ، و أنك عنيت كذا و لم يفهموك و أنك مظلوم عقدوا له المحاكم ، و أنك و أنك |
الكلام دة انت قلته..و الاتهامات الملفقة دي انت طبختها..أنا دخلت هنا لاساند (سودانيات)..و كل عاقل حصيف يستطيع أن يقرأ تسلسل المساهمات و توالي الردود ليعلم ترصدك لي..انا لم أحصر المشكلة في شخص أو آخر..الا أنني أستغربت أسلوبك التهجمي و تسائلت..و جاءت اتهاماتك تملأ عريضة ..
| Quote: ثم ارحم القاريء من محاولات جعل الدنيا كلها تدور حولك ، أنت .. فأنت ثم .. أنت ..ثم .. أنت .ثم .. أنت . |
..
رمتني بداءها و انسلت..بتدور تمرقني دعاية مثلك..و الله ياهو..الفيك بدِربو و العيب أقدلبو..
الدنيا تدور حولي أنا المسيكين دة..هملت الدنيا هملة..(القارئ )البتفتش ليهو الرحمة دة عـــــــارف و فـــــاهم..و كان عمل بحث بسيط هنا و في (سودانيات)..بعرف الدعاية منو..و الداير الدنيا تدور حوله منو..أنا برة..
|
Post: #46
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: sign
Date: 02-24-2005, 01:36 AM
Parent: #45
Quote: فقد فرغـت للتـو من :
فقاعة ..
تكورت ..
تـحورت ..
شـكـكـتـهـا بـنـظــرة ..
.. ذوت .. |
لا حولا..للدرجة دي انت عظيم!! و الناس حواليك (فقاعات)..دي فرعون ما قالها..بعدين (نظرتك)البتقتل الناس دي مسدس ولا شنو!! و برضو تقول لي الدنيا تدور و الكون كلو بيدور..بس أوع تكون انت مركز الكون كمان..بتفرقع الناس بي (نظرة)..ختري و الله.. يا الفريد في عصرك..و مافي زولا مثلك..بركاتك ياخوي..بركاتك..
لكن أقول ليك شئ..أنا ما (فقاعة)..كتيرة علي شوية..الفقاعة دي بشتروا ليها بلاستيكة بي كم دولار و بدوها للشفع عشان يلعبوا بيها و ينفخوا فيها ..و الفقاقيع تطير و الشفع ينبسطوا..انا ما قدر دة..أنا ما فقاعة..أنا (طينة) مرقت من طينها..و بترجع طينها..تقدر تقول زي دة يا (الألمعي)!!
أها..ما قلت لي..(شككت) كم فقاعة الليلة بي (نظرتك)..يابو نظرة (ذرية)!!
|
Post: #47
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: دورنقاس
Date: 02-24-2005, 02:29 AM
Parent: #46
أخى الطيب
سلامى ممزوج بشوقى ممهور بحنان اهلنا
ليك ولاسرتك الكريمة
| Quote: و ... (غــــدآ) حبـــيـــبـــي حـــتـــمـآ يـــعـــود |
لاينكرها إلا مكابر
فإن كسوف الشمس يوماًجزئياً او كلياًمما لاشك فيه لايعنى غيابها
فاكيد التاكيد حتماً تعود
|
Post: #48
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: عزيز
Date: 02-24-2005, 02:52 AM
Parent: #47
الحبيب الطيب الطيب
لك التحية والحب وانت تنير لنا المنابر بمصباحك النورى..
ننتظر بقليل صبر وكثير شوق وامل لا تحده حدود طلت سودانيات ولقاء الاحبة .. أشتاق عمو عكود وعمو معتصم والجميل العالم العالم والخال د وممكونه واخواتها وبقية العقد الفريد الذى شكل باقة ازاهير ايامنا .. مولانا اسمعيل والزول الماهين وجمال الجميل وكلهم كلهم..
ابعث من بيتنا الجميل سودانيز تحية عطرة لكل أعضاء سودانيات والوعد باللقاء هو الامل والرجاء..
عبدالعزيز خطاب
|
Post: #57
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: الطيب بشير
Date: 02-24-2005, 09:12 AM
Parent: #48
العزيز .. عزيز خطاب
ألف أهلآ بالناس الفنانين
مرحبتين و نحن منتظرين معاك ـ الساعات القليلة ـ التي تفصل بيننا ...
عاوزين فصلك الموسيقي ..
منتدانا الأدبي .. التقني .. الانجليزي ..
مشتاقين للناس كلها ..
نشوفكم بعدين ..
|
Post: #55
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: الطيب بشير
Date: 02-24-2005, 09:04 AM
Parent: #47
Quote: لاينكرها إلا مكابر
فإن كسوف الشمس يوماًجزئياً او كلياًمما لاشك فيه لايعنى غيابها
فاكيد التاكيد حتماً تعود |
الحبيب الغالي دورنقاس ..
مرحبتين حبابك ... اليوم السعيد الليلة جابك
بركة في الهاكر ـ على قول ود قاسم ـ شوفتك بالدنيا
أشكر توقفك هنا و نشوفك بي هناك .. بعد شوية .. فقد بدأت الشمس شروقها بالفعل و ننتظر اشعاعاتك القوية و المميزة ..
تحياتي لبنت عمي و الأسرة ..
|
Post: #54
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: الطيب بشير
Date: 02-24-2005, 08:52 AM
Parent: #46
Quote: فقد فرغـت للتـو من :
فقاعة ..
تكورت ..
تـحورت ..
شـكـكـتـهـا بـنـظــرة ..
.. ذوت . |
و نرجع تاني لي (أنت ثم أنت ...) ..
لقيت الطاقية قدرك و لبستها ؟ مبروك عليك ..
فاتك أني شكوت من برد مينيسوتا و قلت لأنها جيران كندا ماخدة البرد حقها .. شفت الكلام دة معناهو انت بارد !! دي فاتت علي (طينة) زيك كيف ؟ .. (أنت ثم أنت ...) ..
لما جينا من السودان الطيارة في أجواء كندا رجفت ، بكون (بفكر فيك وانا ناسي) .. (أنت ثم أنت ...) ..
(أنت ثم أنت ...) ..
(أنت ثم أنت ...) ..
Is it about Sudaniyat any more?
(أنت ثم أنت ...) ..
(أنت ثم أنت ...) ..
Do you care .. أصـلآ و أسـاسـآ..
|
Post: #53
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: الطيب بشير
Date: 02-24-2005, 08:41 AM
Parent: #45
| Quote: ..بتدور تمرقني دعاية مثلك.. |
و كدة تكون وضحـت للقاريء أنك منطلق من (حـاجـة) خاصـة ..
أمـا باقي كلامك (أنت ثم أنت ...) فسأتركه لحين الانتهاء من امر عام يهم الكثيرين ، لن أشغلك به في ظل لهاثك وراء مشاكلك (أنت ثم أنت ...) ..
أمـا كفاك فصلك من بورد ناس طابت لاساءتك لي بالماسنجر ، و التي تم نشرها في النت قبل نحو عامين ، تريد ملاحقتي هنا بـ (حـاجـة) خاصـة ...
و نرجع تاني لي (أنت ثم أنت ...) ..
..
|
Post: #49
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: معتصم دفع الله
Date: 02-24-2005, 05:11 AM
Parent: #44
الأخ رضا
هذا الرد من الخال خالد الحاج والأخت حنينة من إدارة سودانيات على مداخلتك ..
قرأنا ردك وتلميحاتك بتفسيرك لتوقف الموقع من الشركة المستضيفة لعدم الدفع وغلاء الأسعار لذات الشركة..
مرفق أيصال الدفع والإيميل المرسل من الشركة المستضيفة بإستلام كل مستحقاتهم حتى تاريخ 12 مايو 2005م ..
ملحوظة ..
أنظر لتاريخ الإيميل وتاريخ الأيصال وهو بتاريخ 4 يناير 2005 م ..
وكذلك حزفت بعض المعلومات الشخصية المتعلقة بالخال خالد الحاج مثل رقم البطاقة ..
هذا ما لزم توضيحه لذا عليكم تحري الدقة والصدق فيما تقولون ..
ونحن في سودانيات كلنا أهل وقلوبنا مع بعض وتهمنا مصلحة سودانيات وأعضائها وإذا كان هناك ما يدعو لأن نلجأ لأهلنا في سودانيات فلن نتردد في ذلك ويقيننا أنهم أهل لها ..
أما ما يخص الهكرز فإيميلات الشركة ومراسلاتها موجودة بحوزتنا وسوف نقوم بتوضحيها للأعضاء بموقع سودانيات حينما يعود أقوى من ما كان ..
|
Post: #58
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: الطيب بشير
Date: 02-24-2005, 09:18 AM
Parent: #49
Quote: ونحن في سودانيات كلنا أهل وقلوبنا مع بعض وتهمنا مصلحة سودانيات وأعضائها وإذا كان هناك ما يدعو لأن نلجأ لأهلنا في سودانيات فلن نتردد في ذلك ويقيننا أنهم أهل لها ..
|
الأخ معتصم دفع الله
well said
well said
|
Post: #50
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: خدر
Date: 02-24-2005, 05:30 AM
Parent: #44
الاخ رضا
استميحك عذرا في نقل ردك هنا الي بوست منفصل
خالد الحاج / سودانيات / الهكر / حقائق/ وثائق
فقط لتوضيح الحقائق للجميع
|
Post: #51
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: saif massad ali
Date: 02-24-2005, 06:19 AM
Parent: #50
لاحول ولا قوة الا بالله يارضا جبت الكلام ده من وين
|
Post: #59
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: الطيب بشير
Date: 02-24-2005, 09:20 AM
Parent: #51
| Quote: لاحول ولا قوة الا بالله يارضا جبت الكلام ده من وين |
saif
any response so far?
|
Post: #56
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: الطيب بشير
Date: 02-24-2005, 09:07 AM
Parent: #44
الأخ رضا .. 2000 سلام
بعد أن ثبت بالوثائق أن (ما بدا لـك) غير الواقع ..
و أن المشكلة ليست مادية ..
هل نطمع في اعتذار نبيل ؟
|
Post: #52
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: THE RAIN
Date: 02-24-2005, 06:24 AM
Parent: #1
سوف يعود "فينيق" سودانيات
ينتفض من بين الرماد، متوهجا يهب الضياء والدفء والندى والسماحة
العزيز
الطيب
اشواق وتحايا
ولجميع الزملاء الأعزاء
كلنا حنين وإنتظار لموئلنا وحقل لقيانا الأخضر
والود دوما
|
Post: #60
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: الطيب بشير
Date: 02-24-2005, 09:26 AM
Parent: #52
يا مطر الخير مرحى
أغسل النفوس
المطرة بتغسل خوفنا الفينا ..
منتظرين نشوفك بي هناك ..
أهطل علينا فقد مللنا الثلج و الملابس الثقيلة ..
أهلآ تاني ..
فلا هطلت علي و لا بأرضي ... سحائب ليس تنتظم البلاد ..
|
Post: #61
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: Ridhaa
Date: 02-24-2005, 09:59 AM
Parent: #1
الأخ الطيب بشير
سلام ....
انتو قلتو ان المشكلة في الهوست فقظ وحسب خبرتي انها مشكلة بسيطة
يمكن حلها بواسطة الشركة المستضيفة ......
اذن المشكلة في الموقع نفسه ومشكلة تأمين الموقع من الهاكرز والمخربين
ولازم يكون هناك في Backup للموقع ....
لذا نرجو التوضيح هل المشكلة في الهوست ام المشكلة في الموقع نفسه ...
لعن الله الهكرز والمخربين
|
Post: #62
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: الطيب بشير
Date: 02-24-2005, 10:21 AM
Parent: #61
الأخ رضا ، أهلآ
المشكلة ليسـت مادية .. و لا دخـل لها بغلاء الاشتراك ..
كان ذلكم تحليلك الذي أبانت الوثائق أنه ـ غيرالحـق ـ ..
مسألة الهوست مالو ..ومشكلة تأمين الموقع ، وهل هنالك backup أم لا ، تبقى نقطة أخرى
المهم ـ هنا ـ ... أنك قلت كلامآ (غير دقـيـق) .. هل لديك اضافة بشأنه ؟
|
Post: #63
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: Ridhaa
Date: 02-24-2005, 10:29 AM
Parent: #1
الأخ الطيب
سلام
هل المشكلة الفنية في الهوست أم في الموقع نفسه ....
في بدء حديثك ذكرت ان المشكلة في الهوست ...
|
Post: #64
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: فتحي البحيري
Date: 02-24-2005, 10:38 AM
Parent: #63
الطيب بشير وخضر
الصديقان النبيلان
والآخرين
تحية وسلاما
|
Post: #66
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: الطيب بشير
Date: 02-24-2005, 10:43 AM
Parent: #64
الحبيب بحيري
أهلآ بيك و كيف حالك ؟
تحياتي لسـت الشاي ..
|
Post: #65
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: الطيب بشير
Date: 02-24-2005, 10:41 AM
Parent: #63
عزيزي رضا ، أعتذر بجهلي التقني ، لم أكتب بدقة ..
ماذا عن كلامك عن أن المشكلة مادية ؟
|
Post: #68
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: sign
Date: 02-24-2005, 12:04 PM
Parent: #65
| Quote: لقيت الطاقية قدرك و لبستها ؟ مبروك عليك |
كالمعتاد..(ان غلبك سدها..وسع قدها)..
الطاقية من خياطتك..و زبطت مقاسها لأنك ما مهتم بكلامي عن سودانيات بقدر اهتمامك بتعليق التهم و ترصدك العجيب..
| Quote: فاتك أني شكوت من برد مينيسوتا و قلت لأنها جيران كندا ماخدة البرد حقها |
و أيضا..تقفز من العام للخاص..أنا قلت منسوتا ولا كندا!!..ولا عايز مدخل تصفي بيهو حساباتك..خلينا في (سودانيات) و الهم العااااااام..(حسب كلامك).
| Quote: دي فاتت علي (طينة) زيك كيف ؟ |
ما قلت ليك يا (الألمعي) كلاما مثل كلامي دة ما بتقدر عليهو..الطينة دي أسأل منها أبوي (الجيلي ود الحفيان)..قول ليهو باردة ولا ما باردة..انت يا الخلقوك من شنو ما عارف..يا ناس أقعدوا في واطة الله دي...
| Quote: لما جينا من السودان الطيارة في أجواء كندا رجفت |
تقفز مرة أخري من العام و (سودانيات) الي الشخصي و (أنت ثم أنت)..يا زول قلت ليك أنا زولا قدر حالي..و ما عندي (تطلعات) و أوهام..
هسي الجاب سيرة كندا و منيسوتا منو!!..يعني أنا رجَفت طيارتك!! أوع تكون رفعت فيني قضية و قلت اني بدور أسوي كباب!!...
| Quote: Is it about Sudaniyat any more |
نعم..تبقي القضية هي (سودانيات)..و كل من يتابع هذا البوست يستطيع أن يستخرج اشاراتك الغريبة و ترصدك منذ أول حرف خطَته يداي دعما ل(سودانيات)..و قالوا المابدورك..في الضلام بحدر ليك..
ات قبَال دة ما كنت بتكتب و تكتب..شفتني دخلت ليك في بوست!!..لكن لما لقيت الكلام عن (سودانيات) قلت لازم أساند (طبعا ما عشانك انت)..
و الله انا كان ما (كير) ما كان كتبت كلامي الفوق داك..
| Quote: فسأتركه لحين الانتهاء من امر عام يهم الكثيرين |
دة تهديد يا ربي!! بتدور (ترصِصني)!!...الشكية لي أب ايدا قوية!! جابت ليها تهديدات راسها عديــــــــــــــــــــل..شفت انت بتحب تخت (الشخصي) فوق (العام) كيف!!
| Quote: أمـا كفاك فصلك من بورد ناس طابت |
تــــاني ترجع لحاجات تدلل انك أساس تحمل لي الضغائن..و المسألة عندك لا تخرج عن اطار تصفية الحسابات حتي لو علي حساب (سودانيات)..هسي الجاب سيرة موقع تاني منو!!..خليك من فصلي من مواقع تانية...نحن مع (سودانيات)..فقط حتي تعود..
| Quote: لاساءتك لي بالماسنجر ، و التي تم نشرها في النت قبل نحو عامين |
لا ياخي..كدة بتحرج ناس تانيين..في رسائل بالمسنجر يجي (المدير) و ينشرها علي الناس في صدر منتدي للحوار لأنه (الشكلة) طرفها أخوه الكبير!!
مرة تانية بقول ليك...انت بتطلع من (العام) عشان تصفي حساباتك في (الخاص)..و أي زول يقرأ البوست دة من أوله..بعرف..انو الما بدورك..ايوة ..في الضلام بحدر ليك..حتي لو كنت بتساند (سودانيات) في ضلامك دة..و لو بقي المابدورك دة (مشرف) يفترض فيه الترفع عن الصغائر و ترك (الشخصي) بعيدا...لكن الطبع يغلب التطبع...
| Quote: لما جينا من السودان |
أنا ما كنت عارف...حمدلله علي سلامة بت خالي و (بشير)..و ان شاء الله يكون لعب في (الطين) كويس..و طلع زولا حربي..قالوا الولد خال..تحياتي لهم..
|
Post: #69
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: الطيب بشير
Date: 02-24-2005, 12:51 PM
Parent: #68
| Quote: ات قبَال دة ما كنت بتكتب و تكتب..شفتني دخلت ليك في بوست!!.. |
بالحيل يا ـ طينة ـ .. لما كنا بنتكلم عن عوض ابراهيم عوض ، تداخل الاعلاميون ، و جئت أنت .. ثم أنت ..ثم أنت ..ثم أنت ..
و قلت انني (قصدتك) بكلامي عن الحكامة ، و أنك لا تملك حكمة الحكامات .. هل هو نكران أم كذب صراح كالعادة ؟
Quote: خليك من فصلي من مواقع تانية...
|
لماذا ؟؟ ...فقد تم نشر ماسنجرك و فصلك .... تم فصلك أنت ..ثم أنت ..ثم أنت ..
| Quote: في رسائل بالمسنجر يجي (المدير) و ينشرها علي الناس في صدر منتدي للحوار |
لأنها أثبتت أنك لعان ..وطعان.. و فاحش .. و بذيء .. تستغل الماسنجر لتصفية (حاجة) تريد الآن أن تشغل بها الناس هنا... أسأت لي بكلام لا يليق لأنك تقعد لي مراصد الغلو لــ (حاجة) .. .. تم نشر ماسنجرك و فصلك ...أنت .. ثم أنت ..ثم أنت ..ثم أنت ..
| Quote: ..قالوا الولد خال.. |
بشير خيلانو ما بنابزو بالماسنجـر .. اتعلم فضيلتي الصدق و الشجاعة و بعدين تعال اتلصصصصصق
|
Post: #67
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: الطيب بشير
Date: 02-24-2005, 11:29 AM
Parent: #63
الأخ رضا ، أهلآ
المشكلة ليسـت مادية .. و لا دخـل لها بغلاء الاشتراك ..
كان ذلكم تحليلك الذي أبانت الوثائق أنه ـ غيرالحـق ـ ..
مسألة الهوست مالو ..ومشكلة تأمين الموقع ، وهل هنالك backup أم لا ، تبقى نقطة أخرى
المهم ـ هنا ـ ... أنك قلت كلامآ (غير دقـيـق) .. هل لديك اضافة بشأنه ؟
|
Post: #70
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: الطيب بشير
Date: 02-24-2005, 01:01 PM
Parent: #67
الأخ رضـا
في انتظار تعليقك على كلامك عن الاشكال المادي ، قلت أديك شوية كبسولات ..
** المشكلة هاكر ، و ستترى الأدلــة ، سيعلم بها القاصي والداني .. سننشرها .. فانتظر انا منتظرون ..
** أما عن الـ Backup فهو موجـود ، بالطبع ، و يحتاج لوقت و انت سيد العارفين ..
** ختامآ ، تـوقـع سـودانيات في شكل جديد ، و ثـوب زاه باه يجتهد في الباسها اياه فنانون / ات سيعجبك عملهم حين يتبدى ..
** هل لديك (أقوال) بشأن المسألة المالية ؟
|
Post: #71
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: saif massad ali
Date: 02-24-2005, 01:02 PM
Parent: #67
رضا عليك الاعتذار لاهل المنبر اجمع انت اديت الناس فكرة غلط عن اهل سودانيات وبعدين ماتلف من موضوع لي اخر
|
Post: #72
Title: الساعة كم؟؟؟؟؟؟؟؟؟؟
Author: mamkouna
Date: 02-24-2005, 01:15 PM
Parent: #1
أبو بشير...
في الإنتظار.....
أنا على نار....
قول ليا إيه طمني.....
إيه اللي أخرو مني.....
و...
الساعة كم؟
كلمني.....
الساعة كم؟
|
Post: #73
Title: Re: الساعة كم؟؟؟؟؟؟؟؟؟؟
Author: ملكة سبأ
Date: 02-24-2005, 01:53 PM
Parent: #72
كلنا ينتطر
|
Post: #74
Title: Re: الساعة كم؟؟؟؟؟؟؟؟؟؟
Author: Outcast
Date: 02-24-2005, 02:54 PM
Parent: #73
الاخ الطيب بشير ...
أشكرك جدا على هذا البوست التوضيحى.... عرجت على سودانيات عدة مرات فى الايام الماضية و لم افهم ما المشكلة... نسبة لوعكة بسيطة اللمت بى قبلها لم أتمكن من مطالعة البورد .. لاعود و أجد بوست الاغلاق.....
طبعا اكيد ..سودانيات ح تعود اجمل و اقوى ....وأهل سودانيات جميعا ح يغنوا سوا:
وديل انحنا القالوا متنا و قالوا فوتنا ...
وقالوا للناس انتهينا ...
نحن جينا ......
و لايهمك ...
العترة بتصلح المشى ...
و المشكلة ما هى مشكلة فلوس (راقدة زى ما عرفت و مكفية) ... ولكن الهكر ..
ليهم يوم ...
|
Post: #77
Title: Re: الساعة كم؟؟؟؟؟؟؟؟؟؟
Author: الطيب بشير
Date: 02-24-2005, 04:06 PM
Parent: #74
الأخت المقدرة جدآ آوت كاست
بركة بالشوفة | Quote: ... نسبة لوعكة بسيطة |
سلامتك .. سلامات
أحيي في شخصك صمود السودانياتيين ...
و الهاكر عمرو ما يكسب
. و نحن جينا ..
|
Post: #76
Title: Re: الساعة كم؟؟؟؟؟؟؟؟؟؟
Author: الطيب بشير
Date: 02-24-2005, 04:04 PM
Parent: #73
الملكة
التي كشفت عن (حـضـورهـا)
هلا
|
Post: #75
Title: Re: الساعة كم؟؟؟؟؟؟؟؟؟؟
Author: الطيب بشير
Date: 02-24-2005, 04:03 PM
Parent: #72
يا ممكوووونة وصابرة .. خليك صابرة
أكيد .. أكيد .. ح نتقابل
|
Post: #78
Title: Re: الساعة كم؟؟؟؟؟؟؟؟؟؟
Author: sign
Date: 02-24-2005, 09:08 PM
Parent: #75
| Quote: بالحيل يا ـ طينة ـ |
حرَم غلبتك و جهجهتك..يلا يا لذيذ..قول لينا..انت مخلوق ناري و نحن ما عارفين!! يا (الألمعي)..معقولة بس تكون زي خلق الله ديل!! انت براااااك ..و الناس هنــــــــاك..طينة آدم دي بعيدة منك!! خليها لي و باقي الخلق!!
Quote: لما كنا بنتكلم عن عوض ابراهيم عوض ، تداخل الاعلاميون ، و جئت أنت
هل هو نكران أم كذب صراح كالعادة ؟ |
 أبتشوف الكضيضيب!!
البوست حق الشهيد محمود محمد طه و (طيارة) المذيع القال بيانه الهزيل بحق الشيخ الراحل!! كمان بتدور تستولي عليه!!دة أكان حق دكتور ياسر الشريف!!
و مسألة (الحكامات) دي انت قلتها لي لأنك لا تحترم المرأة..و بالتالي أسهل شئ عندك انك تقول لي الزول(يا مرة) أو (يا حكامة)..بعد داك بقت ليك حارة وجقلبت بي سيرة (حكمة الحكامات) بعد ما وضحتها ليك في ردِي..
قلت لي (تداخل الاعلاميون)..و الله يطرشنا! دكتور ياسر ما قال (للاعلاميين فقط)!! بعدين دة بورد (عااااااااااام)..الصفوية بتاعتك دي ما بتخارج معانا!! قال كذب صراح قال..شوف التلفيق و التآمر!!
في بوست دكتور ياسر دخلت تناوش فيني..ما اشتغلت بيك..و قبالها في بوست خالد الحاج (ضاع صبري)..برضو دخلت تناوشني..برضو ما اشتغلت بيك..انت يا زول قايل الناس دي ما بتفهم!!..أي زول يعمل بحث لي المواضيع بلقاها و بشوف تسلسل الزمن بالساعة و اليوم..قال كذب صراح..انا ما بدخل بوستاتك..كان هنا كان في (سودانيات)..ولا دايرني (أطبِل) ليك!! تلقاها عند الغافل.
| Quote: لماذا ؟؟ ...فقد تم نشر ماسنجرك |
هازول دة كلام دة!!في رسائل بين الأعضاء ينشرها مدير الموقع بعد ما يسرقها من بريدهم بدون اذن و بدون معرفة اصحاب الرسائل!! و يقول (أنا و أخوي علي ابن عمي)..لا لوائح..لا قوانين..لا اعلان..غايتو ديك انت اتفسحت فيها!!لكن المواقع (خشوم بيوت)..أوع تكون عايز تعمل النظريات دي في حبيبتنا(سودانيات)!!
| Quote: لأنها أثبتت أنك لعان ..وطعان.. و فاحش .. و بذيء |
كالمعتاد..صحيفة من الاتهامات (المنبهلة) بدون أي منطق!!يعني عايز تكفِرني باستعارتك للحديث الشريف!! ..حتفضل دايما بدون أي وازع أخلاقي في تصفية حساباتك..الراجل تقول ليهو (يا مرة) و (يا حكامة)..و المرة تطعنها في كل شئ..انت (طريقة السمان) دي ماسكها من وين!! خلي عندك خطوط حمراء!!
| Quote: أسأت لي بكلام لا يليق |
أنا ما رسلت ليك في المسنجر أنبزك زي ما انت عملت لما قلت لي (بتاع الترع)..باعتبار انو طابت الحبيبة قرية تقع بين ثلاث ترع و (حفير)..ياخوي أنا راااااضي..نحن ناس طابت..ناس ترع ساكت..و انت براااااك..مخلوق فضائي..
يا زول!!بتدور تنكرني!!انا خالك آبشير !!غايتو مشيتك السودان كلمني..عشان أشكيك لي خالي (أمحمد ود سليمان)..تمرقني ملوص من بشير !لكن هو يستحق (اللصيق)..حلاتو وقت يغني حاجة لأبوعركي البخيت..ولا يدي نكتة من شريط (تيراب)..الناس دي كلها (تتلصق) فيهو و يبقوا خيلانو..الله يحفظه لي أهله..و لي خاله!!حرَم وقت تجي بداية شهر أربعة أقول لنفسي(يا زول ما تشتغل بي أبوهو الكعب دة..اتصل و قول لي بشير كل سنة و انت طيب)..تاني أقول (هسي كان الزول الشرير دة رفع السماعة)..بالمناسبة دي..عيد ميلاد ود أختي بشير (السادس) باقي لو شئ بسيط..ممكن أتصل و أبارك ليهو!!(الجنا) دخل سنته السابعة..حرام عليك ما تخليني أكلمه!!
غايتو انت فصِل ..و قطِع..و شيل ليك كلمتين تلاتة أعمل ليهن (كوت) و أرمي تهمك العجيبة دي..
كلو هين..بس عليك الله ما تنكرني تاني!! حارة شديد ياخي!!
|
Post: #79
Title: Re: الساعة كم؟؟؟؟؟؟؟؟؟؟
Author: الطيب بشير
Date: 02-24-2005, 10:05 PM
Parent: #78
أسمع يا (طينة) ..
ما لايقة فيك حكاية الهزار دي ...
| Quote: دكتور ياسر ما قال (للاعلاميين فقط)!! |
و عشان ما توهم القاريء بالزعيق ، كان الموضوع عن (هل من حق المذيع تغيير النص) .. تداخل فيه دكتور حيدر و أبوقصي و اشراقة و شخصي .. كنا نناقش مسألة مهنية ، و ليس صفوية ، بس جيت انت ناطي .. و شبكتني أنا و انني و مافهمتني و ظلمتني و .. نفس التهريج بتاع بتهددني و عاوز ترصصني .. أنت .. ثم أنت .. ثم أنت ..
| Quote: ..عشان أشكيك لي خالي (أمحمد ود سليمان).. |
مسكين ـ جدآ ـ شيخ محمد ، من يوم دخل الوزارة كثر أبناء أخواته ـ أمثالك ..قرابة قرقر الماااااا بتقع في الشر ـ ، منهم من يريد اعفاء من الجيش و منهم الساكي السفر و منهم الشحات .. لما تقول خالي بتوهم القاريء بخصوصية مع انها قرابة يلتقي فيها أغلب أهل طابت .. و لم نسمع منك اتصالآ يومآ و ما رأيناك في حارة و لا باردة ... تتلصق سااااي ايدية ؟
| Quote: المواقع (خشوم بيوت).. |
أما البورد بتاع طابت ، العاوز تبخسو عشان رفتوك منو ، فالأعضاء قالوا رأيهم في بذاءتك و فحشك حين تم كشف مؤامرتك أنت و قريبك ـ سولا ـ و ببساطة فصلوك .. و برغم جقلبتك و مراسلاتك لكن الأعضاء عارفينك بتاع منابيز و ما بتواجه ، كنت داسي نفسك وراء اسم مستعار عشان تبث سمومك بغير مساءلة .. لكن قبضوك و رفدوك ..
| Quote: ..غايتو ديك انت اتفسحت فيها!! |
و انت شايلها معاي من ديييييك ؟ وعاوز تقنع القاريء بانك موضوعي ؟ يا هو دة كلامك زول كابس ليو سنتين داير يجي يفتش محل ما أكتب و يقعد يقول مافاهمني و أنا و انني ..
يا ـ طينة ـ عييييييب و الله عيب
عندنا هاكر .. و بوست مخصص لأمر عام ، و أنت تصر على اثبات نسبك للشيخ محمد .. و تحدثني عن تاريخ مغلوووووط لعيد ميلاد ابني و تتدحلس و تتمحلس عشان تركز علي نفسك .. أنت ثم أنت ثم ...
** اعتذار لازم للقاريء ..
لدينا مشكلة بورد كامل .. تداخل كل الناس مؤازرين ..
قلت لمحمد حسن العمدة (سنتخطى الهاكر و الكاذبين) .. جاء sign وقال ـ الكاذبين ـ دي قاصدينو بيها .. أرجو ملاحظة عدد المرات التي تجنبته فيها بعد افتراضه هذا ، لعلمي بما في نفسه منذ فصله من موقع طابت ، ترفعت عن الرد و اكتفيت بنجمتين لرفع البوست و كلما اضطررت للرد أختصر أنا و يسهب هو ..
أقول (فقاعة) يقول عنيته .. أقول له نؤجل الأمر لنتفرغ له بعد سودانيات يقول لي ـ بتهددني و عاوز ترصصني ـ .. كل شيء في الكلام العام و البوست الهام يريده لخدمة الخاص لــ.. ـ حاجته ـ ..
أثق في تقدير القاريء .. و كل ما كتبنا موجود ..
|
Post: #80
Title: Re: الساعة كم؟؟؟؟؟؟؟؟؟؟
Author: sign
Date: 02-25-2005, 01:56 AM
Parent: #79
و الله التواضع دة أتاريه حــــار و الناس ما كلها بتقدر عليه..أنا راضي بي طينتي..أرضي بي طينتك..يا(الفريد في عصرك)و (الألمعي) المافي زيك!!
| Quote: كان الموضوع عن (هل من حق المذيع تغيير النص) |
تـــاني!!انت يا (دعاية) قبيل قلت أنا دخلت في بوستك..و قلنا ليك للمرة الألف البوست ما حقك..حق دكتور ياسر الشريف..هسي جيت تغير الموضوع و تعملها لي (مهنية) و شنو ما عارف..أي زول يرجع للارشيف بقرأ كلامي الكتبته..واااااضح..شكرت المهنيين لأنهم بعرفوا أكثر مني في المواضيع دي..انت الجيت ناطي و شبكتني (يا حكامة)..و (تثني علي قول الرجال ولا تضيف)..يعني عديل كدة (يا مرة)..لأنك بتحتقر المرأة!! و شايف انها (سبة)!!البوست كتبه دكتور ياسر الشريف..داير انت تفسره و تشرحه علي هواك!!أعملها في بوستاتك ياخي..قال مهنية قال..
| Quote: من يوم دخل الوزارة |
حرَم خالي قبَال يلدوني..و يحمد سيده..أولاد أخواته كثار..قالوا (العز أهل)..خالي و الله عزيز..بعدين هي ما (وزارة)..صحح معلوماتك.. (وكالة وزارة)..هلا يا الخال..بعدين بي فهمك دة أنا ممكن أقول انو خالي (نسايبو كترو) عشان الوزارة!! كما تدين..تدان!!
دي حلوة دي..الاتنين القبالها ما (زبطن) معاك..تميتها (شحدة)!!جنس تلفيق....غايتو أنا ما حصل (شحدتو)..لكن كان في (اولاد خالات)شحدوه ..عــــادي!! مالو!! و أنا زااااتي..كان جيبي (انقدَ) بشحدو!! موش خالي!! انت الواجعك شنو!! هسي انت كان جيبك (انقد) ما بتشحد عمك (الشوش)!!
المسألة ما (وزارة)أو منصب..الشغلانة اسمها(صلة رحم)..سمعت بيها!! ولا أيوااااة..انت مرة كدي قلت ما معناهو انو صلة الرحم دي ما جايبة همها!!خلاص يا زول..انت (خواجة)راسك عديـــل..(أفتح) لي صلة الرحم دي..دي حقتي أنا برااااي..خليك برة الموضوع دة..قال شحدة قال..لذيذ و تلفيقك طاعم!!
| Quote: لما تقول خالي بتوهم القاريء |
يازول ات كان كدي ما عارف شئ..أقول ليك..أتصل علي ود خالي (برضو قول ما خالي) النور..خليه يديك (درس) في الأنساب..و هو أفضل من يعطيك هذا الدرس..و بشهادتك انه مافي زيه في (خبر الأنساب)..
| Quote: نسمع منك اتصالآ يومآ |
كلامي الفوق دة ما قريته ولا شنو!! قلت ليك بدور أتصل..لكن معاك ات مافي تلفونات..تقوم تديني طلقة بالتلفون!!
| Quote: العاوز تبخسو عشان رفتوك منو |
منو القال ليك!!هسي أنا عضو بي هناك..الا تكون (رفتني) الليلة..شايف أدوك الاشراف..برضو أحسن من الأوامر بالتلفون..
| Quote: فالأعضاء قالوا رأيهم في بذاءتك |
يا ود خلي التلفيق..منو القال رأيه!! ياك انت بس..و الزول (الهكَر) الرسائل!!
| Quote: بتاع منابيز و ما بتواجه |
بالله! اكون البتكلم معاك دة خيالي!!كيف يعني..داير تقول علي (مشاطة) يعني!! غايتو جنس محن!!
فلم بوليسي و حبكة درامية و بهارات تقيلة!!قبضوني ليه ليه ليه..جابوني ليه ..حرموني من هذا الهنااااء...قبضوني كيف!! كلبشوني يعني!!
| Quote: زول كابس ليو سنتين داير يجي يفتش محل ما أكتب |
مرة تانية..القارئ ذكي و لمَاح..أنا لم أدخل في بوست (لك) غير هذا البوست..و قصدي دعم (سودانيات)..و انت من يقفز من العاااام الي الخاص..خلي الجقلبة!
و أي شخص يعمل بحث الآن سيجد أنك هاجمتني في بوستات تخص (آخرين) و لم أهتم بك و تجاوزت عن اساءاتك و تعدياتك..
| Quote: و انت شايلها معاي من ديييييك |
أنا ما بشيل..ولا بطني غريقة متلك..ولاني(جمل) يدفن الغبينة و يباري بالثأر..دة طبعك انت..رمتني بداءها و انسلَت!!
| Quote: يا ـ طينة ـ عييييييب و الله عيب |
غايتو التواضع حاااار...انت يا (مايكل جاكسون) خت ليك وصية انو (بعد عمر طويل يعني) يدفنوك في القمر ولا المريخ..انت يا زول ما من وطاتنا دي!!سحرك غريب و شخصك بعيد..بعيد !!
| Quote: أنت تصر على اثبات نسبك للشيخ محمد |
(خالي)..كان عجبك ..كان ما عجبك..و انت عااااااارف..لكن النصيحة دي حااااارة!!..قال شنو..يتوهم القارئ..كلام والله!!
| Quote: و تحدثني عن تاريخ مغلوووووط لعيد ميلاد ابني |
لكن انت خليت لي طريقة!! أسوي شنو!!نقول نتصل ..تقول لا..نخلي الاتصال..تقول (قرابة قرقر) ..أنا قالولك بقدر أضحك قدَام خالي!!حرَم سنوني ما شافها!!
| Quote: تداخل كل الناس مؤازرين |
بما فيهم شخصي الضعيف..لكن دخولي ما عجبك..اشتغلت فيني همز و لمز و اتهامات ..حتي القالوا ليك الزول دة مسكين أحرجتهم بصيغة (زح لي منو..انت ما بتعرفو زيي)..لأمر في نفس يعقوب..و الما بدورك شنو..أيوة..كويس انك حفظتها..في الضلام بحدر ليك..ودي حالتك معاي..
| Quote: أرجو ملاحظة عدد المرات التي تجنبته فيها |
كضاااااب!! القارئ الذكي يراجع التاريخ بالساعة و الدقيقة و الثانية..يعني ترد تحت لي الناس و تجيني فوق تنبزني و تقول للناس شوفوني اتجنبته!!انت يا زول قايل الناس ما بتفهم!!ولا ما بتعرف!!أي زول يدخل البوست دة و يقرأه بمراجعة الزمن بالدقايق و الثواني بعرف انك بتترصد لي!!دي ما محتاجة فهلوة..
بس..ياها دي..يعني انت بتعلم مافي النفوس!!بما انك ما بتعلم الغيب..و لو كنت (منجم) أو (ودَاعي) برضو حأقول ليك (كذَب المنجمون ولو صدقوا).. دة اسمه سوء نية..و استقصاد..و ترصد..
| Quote: ترفعت عن الرد و اكتفيت بنجمتين لرفع البوست |
كضاااااااب تاني و تالت و رابع..قلنا ليك القراء ليسوا بالغباء الذي تفترضه يا هذا..الناس بتفهم..ما انت براك البتعرف ..أي شخص يراجع المساهمات بالزمن الدقيق يتابع كلامك العجيب و ترصدك لشخصي الضعيف..خلي اللف و الدوران..
| Quote: و البوست الهام يريده لخدمة الخاص |
كضاااااب للمرة المليون!! انت الحولت مجري البوست باشاراتك العجيبة و اتهاماتك الفارغة..
| Quote: أثق في تقدير القاريء .. و كل ما كتبنا موجود |
لن تستغفل القارئ الذكي بحركاتك هذي..أنا أثق في تقدير القارئ ..ولا حاجة لي لمثل هذا التزلف و الخداع الذي تمارسه علي القرَاء..تلفوناتك و ايميلاتك مع (المطبلاتية) ما جابت نتيجة ولا شنو!!
وصلتني رسالتك..و افتكرت الموضوع انتهي..أجي هنا ألقاك بتلاعبني..قالوا صاحب بالين كضيـــــــــــــــــب..و مسَاك دربين ضهيب...و ركَاب سرجين وقيِع..هازول ات ما شلت (حبة) حكمة من (خالي)!!
أسمع..بما انك (تتحسس مواضع النبل) في شخصي الضعيف..و عشان (أهلي) البتنكرهم عليَ..خلاص..أنا بقيف هنا.. رغم علمي التام انك (دافنها ليك سنين) و حتحاول معاي في بوستات تانية أو في مواقع تانية
و تبقي عودة (سودانيات) هي الهم (العام)..و ألتزم للقارئ الكريم بتوقفي هنا..و علي الجمع الكريم متابعة التوقيت علي المساهمات منعا للتلاعب بالألفاظ و التكتيكات الحربية (الفشنك)..
وان عدتم..عدنا..
سلام..
|
Post: #81
Title: Re: الساعة كم؟؟؟؟؟؟؟؟؟؟
Author: Ahmed Alrayah
Date: 02-26-2005, 06:16 AM
Parent: #80
الأخ الطيب،
أتمنى أن يعود منبر سودانيات لمتابعيه،
لكن... لماذا هذه اللغة المتواضعة يا سيدي في أول مقال لك للمنبر الحر بعد غيبة طويلة؟ هل كُتب على سودانيز أون لاين أن يكون المرتع الخصب للمشاكل؟ هل تقبل كمشرف في سودانيات -هناك- بمثل هذه اللغة المتواضعة فيه؟
مجرد سؤال.
أحمد
|
Post: #83
Title: Re: الساعة كم؟؟؟؟؟؟؟؟؟؟
Author: الطيب بشير
Date: 02-26-2005, 11:59 AM
Parent: #81
أحمد الريح ؟ فات عليك القاء السلام .. بعد كل هذه الغيبة تجيء هكذا بدون سلام ؟ أين أخلاق الاسلام (نسخة طالبان) ؟ .. عمومآ عندك سؤال قديييييم نتشتو ليك من بوست انت رفضت التداخل فيه لأنو كلامك أحرجك .. فاكر سؤالك القديم ؟ ..Quote: الطيّب...
أسألك سؤال برئ براءة الذئب من دم سيّدنا يوسف...
هل تودّ العودة للسودان يوما ما؟
أحمد الريّـح |
الحوار مع الكيزان بين التهديد ......والإبتزاز..أحمد الريح قال...؟؟!!!
أنا مشيت السودان و جيت يا أحمد الريح .. و انت ايه رايك ؟
لقيت الناس البتهددني بيهم حالتم تصعب على الكافر ... مشقوقين على اتنين .. و مطالبين بي جهتين ... و بيحاربوا في جبهتين .. و أسكت من سمكة .. دخلت بالمطار .. و طلعت بيهو .. و (ناسـك) قاعدين مؤدبين .. انت بس الماسك في القديم ..
أي سـؤال ؟؟
|
Post: #82
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: أم سهى
Date: 02-26-2005, 09:51 AM
Parent: #1
بالحيل هي سودانيات
تعدل الحال.. تهدي البال
حليلكم انتو يا السمحين
حباب أخواتي وأخواني ألليهم دوام طارين
حبابو وجيهنا ود الزين
يقالدني ويسالمني ويسائلني
"عساكم طيبة يا الحبان"
يطيب عملك.. يطيب خاطرك ود الزين
ألاقي حنينه شايلة الهم
تطايبني وتهديني ونجر النم
اقالد عصمت أخو الأخوان
سندنا... دليلنا يا خلان
حليل ممكونة... بي ضحكاتا
حليل المجدلية .. وكت تسوى
النم... تكشف الغم
حليل الخال. بستر الحال
عكود ومطرنا والأخوان
كل ناس فريقنا بلا كيمان
ود الحاج.... ده حقوا برا
سيد الحوش... خاتي القول
نجيه زعلانين.. يهدينا
نخالفوا الراي... ويسمعنا
معاه حنينه بنت بطني
تساند فيه بي همة
تتابع جد.. هي مهتمة
يهدوها الحنان"بشويش والله بتتلم"
قليبها على كتاباتهم
ما خاتي من قال
صلاتي على النبي من وليداتكم
أخوي تنقو ألما بفارقني
اقبل جاي.. ألاقي حداي
يشاغلني و يكاويني
بركة الله ورسول الله
يجيب منبركم العمران
يجيه تمبس مع عمران
يجينا صلاح .. يجينا ود بشير
نقابلو مبتسمين بلا تكشير
أريد مودتكم.... حلاتا لمتكم
تطمني وتريحني
شكيتو على الله الداير يفرقنا
قلق نومنا... فرق كومنا
قوموا عليه يا الحبان
أكشفوهو.. وعر وهو
إن كان ده حالوا... وحات الله
بلدوا ما السودان
ولا بعرف لمتنا في امدرمان
ده ما من رحما ولد نعمة
ولا من بيتا عرف لمه
ما قروه كيفن وكت الناس
تجيها حرابة .. تتحزم
وتتلزم... تصد الغاشم
الوهمان... تصد الاتحرم
ما شربوهو.. حنان
بجيكم صاده يا الحبان
أعدلوا الحال وهدو البال
قبل ما يوصلوا الخلان
|
Post: #84
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: الطيب بشير
Date: 02-26-2005, 12:01 PM
Parent: #82
أم سهى
لا زيادة على روائعك
دام الاخاء ..
و ننتظر عودة سودانيات ..
|
Post: #87
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: Ahmed Alrayah
Date: 02-26-2005, 12:38 PM
Parent: #85
الأخ الطيب
شكراً على الرد، أتمنى -حقاُ- أن تعود سودانيات لمتابعيها، وأرجو أن تسهم معنا -اثناء وجودك بيننا- في الواقع الأفضل الذي بدأ ينتاب المنبر الحر،
شكراً
أحمد الريّح
|
Post: #86
Title: يا خوانا الحاصل شنو؟ ممكونين و ما قادرين نصبر......
Author: mamkouna
Date: 02-26-2005, 12:36 PM
Parent: #1
Quote: شكيتو على الله الداير يفرقنا
قلق نومنا... فرق كومنا
قوموا عليه يا الحبان
أكشفوهو.. وعر وهو
إن كان ده حالوا... وحات الله
بلدوا ما السودان
ولا بعرف لمتنا في امدرمان
ده ما من رحما ولد نعمة
ولا من بيتا عرف لمه |
الحبيبة...القريبة...الصديقة..الحنينة...أم سهى
صدقتي....
كفيتي و وفيتي....
لك كل الشوق
ممكونة الغالبها تصبر
|
Post: #88
Title: Re: يا خوانا الحاصل شنو؟ ممكونين و ما قادرين نصبر......
Author: غادة عبدالعزيز خالد
Date: 02-28-2005, 10:22 AM
Parent: #86
و الله لحدي حسة ما مصدقة. لسة بحاول ادخل فية مرات علي امل...
بور سودانيات و ادارتة علي مستوي عالي من الرقي..
في يوم ترحيل والدي للسودان اتصلت بي حنينة –الحنينة- لتبلفني رسميا نيابة عن اسرة سودانيات صادق الاسف علي التطورات. بور يعمل افرادة بهذة الطريقة لا بد ان يواصل.
بكرة يرجع اقوي و اقوي ما عندي شك..
تحياتي و اشواقي لاسرة سودانيات الحبيب
غادة
|
Post: #89
Title: Re: يا خوانا الحاصل شنو؟ ممكونين و ما قادرين نصبر......
Author: إسماعيل وراق
Date: 02-28-2005, 10:37 AM
Parent: #88
نعم
حتماً سيعود
|
Post: #90
Title: Re: يا خوانا الحاصل شنو؟ ممكونين و ما قادرين نصبر......
Author: Hussein Mallasi
Date: 03-20-2005, 11:44 PM
Parent: #89
عاد بالفعل.
|
Post: #91
Title: Re: بـورد ســـودانـيـات .. (غـــدآ) حبــيـبــي حـتـمـآ يـعـود .. (أقوى) على النـت ..
Author: ahmed haneen
Date: 03-21-2005, 01:40 AM
Parent: #1
اخونا الطيب
سلامات
Quote: الأخ رضـا
في انتظار تعليقك على كلامك عن الاشكال المادي ، قلت أديك شوية كبسولات ..
** المشكلة هاكر ، و ستترى الأدلــة ، سيعلم بها القاصي والداني .. سننشرها .. فانتظر انا منتظرون ..
** أما عن الـ Backup فهو موجـود ، بالطبع ، و يحتاج لوقت و انت سيد العارفين ..** ختامآ ، تـوقـع سـودانيات في شكل جديد ، و ثـوب زاه باه يجتهد في الباسها اياه فنانون / ات سيعجبك عملهم حين يتبدى .. |
هل تعرض موقع سودانيات لهكر فعلا ؟؟؟
هل تم هكر الهوست ان سودانيات ؟؟
وثالثا فين الداتا وليه مارجعت الأن ؟؟؟
وبجيك راجع
|
|
