Post: #1
Title: صاحب اللقب Unabomber أنت غريـب جـدآ ..
Author: الطيب بشير
Date: 08-22-2005, 07:59 PM
حاولت جاهدآ أن أجـد بعض فكرة في ردودك ..أضـناني الألـم ..
تستعمل عبارات مجحفة مثل (أنا بكره الترابي) ..و..(السكير زين العابدين) .. و (البشير أفضل من يحكم السودان) .. يا أخي الكريم واحدة واحدة .. مثلآ ترابي الجـن دة ممكن تختلف معاو من غير كراهية .. و ممكن تحاكم ماضي زين العابدين السياسي و ليس الشخصي .. ممكن تدعم البشير لكن بلا تطرف ..
لاحظت من تاريخ تسجيلك أنك من قدامى المحاربين ، و هذه من دواعي إحترامنا، و أنك من المقلين في عدد البوستات ، كما لفت نظري ذكرك أنك من سكان فلوريدا و هي الولاية التي ستصبح داري as of next week إن شاء الله ..
شخصيآ لا أحب الألقاب ، مع قناعتي لحاجة البعض لها ، لكن زي ما قلت إنت إنو اللقب بيمثل حماية لعائلتك من إسفاف البعض ، بنفس القدر اللقب ممكن يساعدك في اجتياح الناس بلا وجـل ..لك أن تعارض الترابي و تدعم البشير ، رغم أنه مثل الفرق بين أحمد وحاج أحمد، لكن بلا تطرف ..
لكل هذه الأسباب أرجو أن تخفف من حدة و قسوة عباراتك ..
مـمـكـــن ؟
|
Post: #2
Title: Re: صاحب اللقب Unabomber أنت غريـب جـدآ ..
Author: الطيب بشير
Date: 08-22-2005, 09:26 PM
Parent: #1
هي آفـة الإعتداد بالرأي
إفراد مسميات لمن يخالفنا .. عنصري .. ظلامي .. إنفصالي .. معارض كيبورد .. إلخ إلخ إلخ إلخ ..
ممكن يكون المختلف عنا هو فقط (الآخـر) ..
هذا يجعل الحوار معه ممكنآ ، بدل المنابيز دي
|
Post: #3
Title: Re: صاحب اللقب Unabomber أنت غريـب جـدآ ..
Author: مبيوع
Date: 08-22-2005, 09:36 PM
Parent: #1
العزيز الطيب بشير
لم نهنأ بقربك وتفاجئنا
بالنزوح الى البلاد الاستوائيه البعيده
كيف حالك ?
|
Post: #4
Title: Re: صاحب اللقب Unabomber أنت غريـب جـدآ ..
Author: الطيب بشير
Date: 08-22-2005, 09:44 PM
Parent: #1
صديقي الفنان ياسـر مبيـوع
أهـلآ بيك
و الله ليك وحشـة
(المكتوبة) في مينيسوتا كملت ، و لقيت فرصة دراسـة في فلوريدا ، لكن بنتلاقى يا الحبيب .. تجونا في الشتاء و نجيكم في الصيـف ..
شكرآ ليك يا حبيب
|
Post: #5
Title: Re: صاحب اللقب Unabomber أنت غريـب جـدآ ..
Author: ترهاقا
Date: 08-23-2005, 00:26 AM
Parent: #4
الطيب بشير
بركة الشفناك تانى ، ويين إنت يا راجل؟
|
Post: #6
Title: Re: صاحب اللقب Unabomber أنت غريـب جـدآ ..
Author: Tragie Mustafa
Date: 08-23-2005, 03:00 AM
Parent: #5
فوق
|
Post: #10
Title: Re: صاحب اللقب Unabomber أنت غريـب جـدآ ..
Author: الطيب بشير
Date: 08-23-2005, 10:24 AM
Parent: #5
الحبيب ترهاقا
أهلآ بيك و شكرآ ليك
الدنيا مشاغل ..
مناياأشوفك تاني ..
|
Post: #7
Title: Re: صاحب اللقب Unabomber أنت غريـب جـدآ ..
Author: ShiningStar
Date: 08-23-2005, 08:40 AM
Parent: #1
الطيب بشير...
تحيات صباحيه من اطراف الساحل الشرقي ....
اما بعد...
اراك الليله جبته سيرة احد لطائف البشر...طيب الذكر .. انفجاري... فكان حتما علي ان ادخل و ادلي بدلوي...
فتبا ليراعي و عتبا لأنفجاري ان لم اوفيه حقه....
صراحه و الحق يقال.. هو شهي لقلة الكتابه و الغياب (وان عرفته ستعرف السبب) يرفض الكلمات الرماديه.. و الجلوس علي ناصية الدبلوماسية.. جرئ في الكلام واثق من ما يقول.. عندما يقترف الكتابه -ما بشتغل- بمن يشاركه المكان ممشي ولا جلوس... و بين الفينه و الاخري يكون حالةمن لهفه ضوئية متطرفه... هو كلمطر يرسل ندى افكاره المتلصصه بلا حرج...
دا كلو كوم و ان رأيته في الحقيقه كوم... هو رجل يوسفي...متواضع الذوق... كريم... عندما تراه لا تملك الا ان تبتسم مستبشرا... و ما ان حل بمكان الا و طغي عليه اللون اللازوردي ... هو رجل بشوش... دوما يرد التحيه بأفضل مما يحلم به- اي زول عادي- و هو في امتع سياحات الخيال...
بعدين يا الطيب ياخي... "إن الحقائق عندنا نحن اهل السودان اذا تغشاها الضباب وضلو اليها ، صارت في عداد الغيبيات واذا صارت في عداد الغيبيات دخلت في خصوص معتقدات الناس وما دخل في خصوص معتقد الناس وكان من البشر ألحقوه بزمرة الصالحين والأولياء.."
رضي الله عنه وارضاه وسدد في الخير خطاه .. (التنين)...
شوق ...
|
Post: #8
Title: Re: صاحب اللقب Unabomber أنت غريـب جـدآ ..
Author: Tragie Mustafa
Date: 08-23-2005, 09:01 AM
Parent: #7
اخي الطيب
سلام
تعليق اخر للاخ كتبه في بوست عن د. منصور خالد :
بعنوان : متي ينصف شعبنا واعلامنا د.منصور خالد ورفاقه.
كتب الاتي :
سلامات يا ملاسى
الناس لاذم تحدد مكان للنسف، إتخيل لى إنو ميدان أبو جنزير أو ميدان المولد بيكون مكان
مناسب لنسف الخونة .
لماذا كل هذا العنف لا ادري.
تراجي.
|
Post: #12
Title: Re: صاحب اللقب Unabomber أنت غريـب جـدآ ..
Author: الطيب بشير
Date: 08-23-2005, 10:42 AM
Parent: #8
| Quote: الناس لاذم تحدد مكان للنسف، إتخيل لى إنو ميدان أبو جنزير أو ميدان المولد بيكون مكان مناسب لنسف الخونة . |
الأخت الكريمة تراجي ..
شكرآ ليك يا بت يا ذوق
للإسهام و الـ(فوق)الفوق
هنا في الغربة كتلناالشوق
و في السودان الدق بالطوق
لا للعـنـف يا تراجي
لا للكلام المشاتر
ننتظر المختلف (المخالف)  Unabomber في أقرب نقطة تلاقي
نلبت ليهو في كورنر و نـنـســـف كلامو بالحجة و الحب
|
Post: #11
Title: Re: صاحب اللقب Unabomber أنت غريـب جـدآ ..
Author: الطيب بشير
Date: 08-23-2005, 10:33 AM
Parent: #7
| Quote: دا كلو كوم و ان رأيته في الحقيقه كوم... هو رجل يوسفي...متواضع الذوق... كريم... عندما تراه لا تملك الا ان تبتسم مستبشرا... و ما ان حل بمكان الا و طغي عليه اللون اللازوردي ... هو رجل بشوش... دوما يرد التحيه بأفضل مما يحلم به- اي زول عادي- و هو في امتع سياحات الخيال... |
النجمة الساطعة .. بالراحة على عيوننا من الوهج
غايتو يا ناس عضوية 2002 بركاااااتكم ..
نحن عساكر ..
الأقدمية عندنا مهمة ..
و الكلام الكتبتيهو عن الراجل دة كلام كبار كبار ، معناها ح يكون مشهور يعرفه الناس و الخضرة و السمك الحسن في الساحل .. و شايف بعض الكلمات محبرة بالأسود.. يا بت أمي يضوقنا المااااا يشوقنا..
لكن هو ويييينوووو؟
|
Post: #9
Title: Re: صاحب اللقب Unabomber أنت غريـب جـدآ ..
Author: Tabaldina
Date: 08-23-2005, 09:07 AM
Parent: #1
..
.
وشهد شاهد من اهلها !!
طبعاً يا يونابمبر بعد الكلام دا ما بنقدر نضيف الا
المابعرفك يجهلك ..
سلامي لناس فلوريدا ...
ونسبة للطرح الموضزعي لنا ان نعطي الاخ الطيب حقه :
Quote: لكل هذه الأسباب أرجو أن تخفف من حدة و قسوة عباراتك ..
مـمـكـــن ؟ |
تحياتى
لخط الاستواء والساحل الشرقي وحدائق فرجينيا وبيتشات فلوريدا
|
Post: #13
Title: Re: صاحب اللقب Unabomber أنت غريـب جـدآ ..
Author: الطيب بشير
Date: 08-23-2005, 10:51 AM
Parent: #9
Quote: طبعاً يا يونابمبر بعد الكلام دا ما بنقدر نضيف الا
المابعرفك يجهلك ..
سلامي لناس فلوريدا ... |
و تاااااني جانا واحد من الدفعة 2002 ..
العزيز تبلدينا ..
تمام يا سعادتك ..
إسمك يستاهل القومة ..
و نحن نجهل الكومندانUnabomber حتى يتبين لناالخيط الأبيض الذي ترونه من الخيط الأسـود الذي يرينا له الكومندانUnabomber بكثير إصرار ..
حتى يتضح علم الباطن لأهل الشريعة ..
ننتظر من الكومندانUnabomber أن يخاطب مخالفيه بسودانية لا يأتيها النسف و لا النزف ..
Is that too much to ask?
|
Post: #14
Title: Re: صاحب اللقب Unabomber أنت غريـب جـدآ ..
Author: sumah
Date: 08-23-2005, 12:04 PM
Parent: #1
الطيب الطيب
او كما اقولها الطيب الحبيب.. بس ما دايرين اى زول يزعل مننا..
ازيك يازول
بالرغم من بعد المسافات.. وعدم شوفتنا ليك.. وانت بية جاي اقرب حالا..
بقول.. فايت مروح وين.. مالسة الزمن بدري.. وماتستعجل على شارع الدكاترة ...
لكن برضو.. نرجع ونقول..
ليس ارتحالك فى طلب العلا سفرا ولكن بقائك في ضر هو السفر.
السودان ذاتو وينو ..على قول اخونا السكران.. علمابان السكران في ذمة الواعي.. يعنى اقلاها اذا سكرت معاه وحسيت انك واعى توصلوا البيت الا اذا كانت ذمتك لستك ولو ما بتطلع الذمة ممكن تقول.. (البشير أفضل من يحكم السودان)..
|
Post: #15
Title: Re: صاحب اللقب Unabomber أنت غريـب جـدآ ..
Author: الطيب بشير
Date: 08-23-2005, 12:54 PM
Parent: #1
| Quote: بقول.. فايت مروح وين.. مالسة الزمن بدري.. وماتستعجل على شارع الدكاترة |
حبيبنا مخرج الجمال المرئي ..إسماعيل ـ سـمـعـة ـ
أهلآ بيك و شكرآ ليك
أنا في البلد دي ما قدرت أعمل قروش كتااااار (زي سبعماية دولار كدة) .. فعاوز (أكمل تعليمي) Who knows يمكن أرجع السودان و ابقى مستشار زي صاحبك ..ههها .. لكن مؤهلاتو الأساسية ما عندي .. و لااااا عندك إنت الجبتو من التكل ..
لا عليــك ..
دنيا لا يملكها من يملكها..
و المشـكـو ضـده يـلح أن (البشير خير من يحكم السودان)
أسـرع .. أسـرع .. ترحيل بحري ما يفوتك ..
|
Post: #16
Title: Re: صاحب اللقب Unabomber أنت غريـب جـدآ ..
Author: saif massad ali
Date: 08-23-2005, 01:13 PM
Parent: #15
الطيب بشير
الزول ده بي كلام اهلنا دابر دبر للحقيقة,عشان كدي البشير خير من يحكم السودان
|
Post: #18
Title: Re: صاحب اللقب Unabomber أنت غريـب جـدآ ..
Author: الطيب بشير
Date: 08-23-2005, 02:04 PM
Parent: #16
أهلآ بيك saif massad ali و شكرآ لمرورك
نحن وراءه حتى ـ يستقبل ـ الحقيقة
|
Post: #17
Title: Re: صاحب اللقب Unabomber أنت غريـب جـدآ ..
Author: sumah
Date: 08-23-2005, 01:24 PM
Parent: #1
الطيب اول مرة اخت بالى لبروفايلك.0. الطيارة الشيفاها عينى دى.. والناس السافرين فيها ديل ..اخير تختاهم كان حصل قدر اللة معاهم ما ياهو موت الضان يازول... ها ما سمعت بمروحية نيالا اللحقت الزينين.. وبرضو تقول لية .. (البشير أفضل من يحكم السودان)..
أنت غريـب جـدآ ..أنت غريـب جـدآ ..
|
Post: #19
Title: Re: صاحب اللقب Unabomber أنت غريـب جـدآ ..
Author: الطيب بشير
Date: 08-23-2005, 02:13 PM
Parent: #17
| Quote: الطيب اول مرة اخت بالى لبروفايلك.0. الطيارة الشيفاها عينى دى.. والناس السافرين فيها ديل ..اخير تختاهم كان حصل قدر اللة معاهم ما ياهو موت الضان يازول.. |
الحبيب سـمـعـة
الطيارة دي شايلة الشماليين من جوبا.. بعد أن أعمل فيهم إخوتهم الجنوبيون تقتيلآ .. كل القدرت عليهو الحركة الشعبية (شحنتهم) out of Joba !! و أنا خاتي الصورة هنا إحتجاج .. يا ترى لو كان المطار دة مطار الخرطوم و المرحلين ديل جنوبيين مطلعنهم من الخرطوم عشان سلامتهم كان الحصل شنو؟
منظمات الإيه و الإيه .. و حقوق الإيه و الإيه
هاهه ..
دنياقال الفيتوري شـنو؟
|
Post: #20
Title: Re: صاحب اللقب Unabomber أنت غريـب جـدآ ..
Author: عبدالله
Date: 08-23-2005, 02:20 PM
Parent: #19
الاخ الطيب بشير سلامات
لك التحية في حلك وترحالك
|
Post: #22
Title: Re: صاحب اللقب Unabomber أنت غريـب جـدآ ..
Author: الطيب بشير
Date: 08-23-2005, 04:27 PM
Parent: #20
الأخ عبدالله ..أهلآ بيك
ـ2002ـ برضـو ؟
اللـيلـة أقدميتنا تعبانة طـب
أهلآ بيك تاني ..
|
Post: #21
Title: Re: صاحب اللقب Unabomber أنت غريـب جـدآ ..
Author: Dr.Mohammed Ali Elmusharaf
Date: 08-23-2005, 04:14 PM
Parent: #1
أبو الطييب الرائع
بركة السمعنا صوتك....ما تنسي ترسل التلفون الجديد.....عندي جية لمؤتمر في بلدكم الكبيرة دي في اكتوبر الجاي كان الله مده في العمر.
سلامي للاسرة الكريمة
مودتي
محمد المشرف
|
Post: #23
Title: Re: صاحب اللقب Unabomber أنت غريـب جـدآ ..
Author: الطيب بشير
Date: 08-23-2005, 04:31 PM
Parent: #1
دكـتور الدفعـة المـشـرف الســمــح
كيف حالك ؟
المؤتمر وين ؟
بعدين المؤتمر في شنو؟
كلاب ولا حمير ولا بـط ولا معيز؟
Just kidding
لازم نلاقـيك يادكـتور
التلفون بيوصلك طـب إن شاء الله
|
Post: #24
Title: Re: صاحب اللقب Unabomber أنت غريـب جـدآ ..
Author: Dr.Mohammed Ali Elmusharaf
Date: 08-23-2005, 04:48 PM
Parent: #1
أبو الطييب ياود القبائل
كدي انت رسل التلفون والباقي هين.
تقبل اعتزاري لاستعمال بوستك لاغراض شخصية.
اعتزاري للجميع
|
Post: #25
Title: Re: صاحب اللقب Unabomber أنت غريـب جـدآ ..
Author: sumah
Date: 08-23-2005, 04:50 PM
Parent: #1
قلت لية الطيارة دى ما حقت ضهبانين...
شان كدة انت متطامن مافيها نائب ولاحاجة..
برضو الجماعة ديل انا خابرهم كويس ما ترقد ليهم علي امان خاصة القال البغلة في الابريق...
يا أخي الكريم بين الاخوان مافيش حساب.. وبتحصل في ارقى العائلات.. الفجيعة ضخمة للجميع..
انا المعاك دة لو عندى عابر للغارات لحظتها ماكنت فرقت ... ودة كلو حصل يا أخي لانو في ناس بتقول.. (البشير أفضل من يحكم السودان)
|
Post: #26
Title: Re: صاحب اللقب Unabomber أنت غريـب جـدآ ..
Author: الطيب بشير
Date: 08-23-2005, 05:04 PM
Parent: #1
سـمـعـة يا حـبيب
الحيكومة غلطانة و متلومة في عدم تأمين الخرتوم .. لو فشلت حكومة عسكرية في بسط الأمن يبقى سقوطها أولى .. لكن يا سـمعة أنا موجعني تدليل الجنوبيين ، ساسة و مواطنين ، و عدم محاسبتهم على أخطائهم البائنة و هو ما لا يستقيم.
|
Post: #27
Title: Re: صاحب اللقب Unabomber أنت غريـب جـدآ ..
Author: EXORCIST7
Date: 08-23-2005, 06:08 PM
Parent: #26
أخى العزيز
Unabomber
يافردة ...أراك عصى الظهور
إظهر على الأقل ولكن ليس على شواطئ فلوريدا الأيام دى
|
Post: #28
Title: Re: صاحب اللقب Unabomber أنت غريـب جـدآ ..
Author: محى الدين ابكر سليمان
Date: 08-23-2005, 07:02 PM
Parent: #27
يايها الناس
لا احب ابدا دجل السودانيين ومجاملاتهم اللزجة, هذا الشخص دعى, لم يستنكر تجنيد اطفالنا( وليس اطفاله, لانه يدعى انه شريف وسيد) فى بوست اخونا الصاوى واستخدم عبارات لا تليق بمن يدعى الشرف, ناهيك عن الشريف بالطبع والنشاْة,هذا منبر وليس فريق كرة حتى يكون للاقدمون مكانة تبز غيرهم. قلتم انه لطيف وظريف و...ارجعوا الى بوست الصاوى المعنون ب: اطفال ام قنابل موقوتة؟ ستجدون كم البذاءة وقلة الادب فى حق اناس ذنبهم ان هذا الدعى لا يستسيغهم.
مرات كثيرة اتاكد ان المتسودن موهوم بما ليس فيه. لك الالهة يا سوداننا من هكذا ناس....
|
Post: #29
Title: Re: صاحب اللقب Unabomber أنت غريـب جـدآ ..
Author: الطيب بشير
Date: 08-23-2005, 08:25 PM
Parent: #1
Quote: يايها الناس
لا احب ابدا دجل السودانيين ومجاملاتهم اللزجة |
الأخ الكريم محي الدين أبكر
مساء الخير
هل لي أن أتمنى عليك تخفيف حدة الهجـوم علينا ؟ صاحب البوسـت و ضيوفه ..
ياريت ، لو ما صعبة عليك يعني ، تسلم علينا و ما تدي نفسك حق وصفنا باللزوجة و الدجل و ما إليه في معرض حديثك عن ـ عدم الحـب ـ و هو أحد مآخذنا على من تفضلت بوصفه بـ(الدعي) .. لأن ما تقوله أنت رأي .. و لا يزيد من قوته by the way كونه جاء مصحوبآ باستخفاف مخالفيك ..
أما الأخ الكريمUnabomber فلنا معه حـوار فقط لا غير ..
إن كنت أصدرت حكمك عليه مسبقآ فلا فائدة من حواركما إذن ..
و إن كان منهجك في الوصول للحقيقة يعتمد أدوات التجريح فاسمح لي بعدم الرد أخرى مع التأكيد التام على حقك في اختيار أسلوبك في التعامل مع المواقف و الأشياء ..
سـلام ..
|
Post: #30
Title: Re: صاحب اللقب Unabomber أنت غريـب جـدآ ..
Author: قرشـــو
Date: 08-24-2005, 00:40 AM
Parent: #1
الأخ الطيب بشير
أسعد الله صباحك / مساءك
ياخوى اكان بتسمع كلامى
الزول ده أحسن اختا دربو
خليهو يقول البقولو
بس بعيد منك
|
Post: #33
Title: Re: صاحب اللقب Unabomber أنت غريـب جـدآ ..
Author: الطيب بشير
Date: 08-24-2005, 06:09 AM
Parent: #30
قـرشـو ، سلامات
اللـيلـة إلا أعمـل ليك درشـو ياقـرشـو يا2004
أنا ما بقنع من النقاش مع أي (إنسـان) طالما أبدى إستعداد للإتزام بـمستحقات النقاش من إحترام و ما إليه ، و هذا البوست محاولة لإيجاد مدخل أفضل لليونابمبر..
شـكرآ على النصـح ..و.. إيدك معانا
|
Post: #31
Title: Re: صاحب اللقب Unabomber أنت غريـب جـدآ ..
Author: Tabaldina
Date: 08-24-2005, 02:03 AM
Parent: #1
..
.
Quote: و تاااااني جانا واحد من الدفعة 2002 ..
العزيز تبلدينا ..
تمام يا سعادتك ..
إسمك يستاهل القومة ..
و نحن نجهل الكومندانUnabomber حتى يتبين لناالخيط الأبيض الذي ترونه من الخيط الأسـود الذي يرينا له الكومندانUnabomber بكثير إصرار .. |
سلام عزيزي الطيب ود البشير
يديك العافية ويخضر ضراعك .. نعمل شنو عاد ناس الدفعة بتابعوا اخبار بعض
وان شاء الله الأنابمبر يتفضل ويوضح الملابسات .. وكلام ناس الدفعة القدامي
ابقه عليهو عشرة ..
| Quote: هي الولاية التي ستصبح داري as of next week إن شاء الله |
ومادام أنت واصل للرويال بامب والبيتشات ابقي عشرة عليهو ..
وبصراحة موقفك مع المرحلين يستحق الإشادة وكلم اخونا محي الدين ابكر
انو المسألة ما مسالة اقدمية(لتبز ) غيرهم بس نقد ذاتي واصلاح ذات البين
لك الود والشكر ،،،
Quote: الزول ده أحسن اختا دربو
خليهو يقول البقولو
بس بعيد منك. |
قرشو يا سيد جرسة .. مالو بخووف ..
سلام يا مقرشة .. بالله بتتذكر الايام ديك
ايام العضام والقرقشة .. طبعاً قريت كلامك دا انفقعت.
والله يا الأنابمبر بقيت تخوف  بالمناسبة محتاجين لكونفرانس كول معاك وقريبى المتجدع ..فى البيتشات.
نشوفك يا يوسف أفندي ،
|
Post: #32
Title: Re: صاحب اللقب Unabomber أنت غريـب جـدآ ..
Author: قرشـــو
Date: 08-24-2005, 02:22 AM
Parent: #1
حبيبنا تبلدينا
لك التحية والحب
طبعا قالوا فى المثل الاقدم منك بيوم اعرف منك بى كوم ...
لعل ما شاهدناه سويا من افعال المدعو تجعلنا نمشى جنب الحيط ونحذر اخونا الطيب بشير وقطعا سيأخذ حديثى مأخذ الهزل والضحك مع انى اردت ذلك ولم ارد ارهابه ولذا كنت امزح معه ولكن بصراحة لو رأى ما رأينا لما اقدم على ذلك ...
طبعا البوست برمته ذكرته ماضى عجيب وشخصيات سادت ثم بادت ثم صحت ثم أقامت مواقع منفردة ولكن يقى دوما سيدى الحب لأول موقع واراك تركت موقعك الاول ولا تدخله البته وهو حرى بأن يترك ولكن اصبح هذا الموقع مآوى ثانى لا فكاك منه ...
شكرا سيدى للعودة بنا الى ايام لن تنسى بلا شك
ملحوظة :
اتابع انشطتك فى بوستات كثيرة ولكنى لا ارد كثيرا لكى لا افسد تلك النزهات الرائعة
مع خالص الود
|
Post: #34
Title: Re: صاحب اللقب Unabomber أنت غريـب جـدآ ..
Author: الطيب بشير
Date: 08-24-2005, 06:15 AM
Parent: #1
Quote: سلام عزيزي الطيب ود البشير
يديك العافية ويخضر ضراعك .. نعمل شنو عاد ناس الدفعة بتابعوا اخبار بعض
وان شاء الله الأنابمبر يتفضل ويوضح الملابسات .. وكلام ناس الدفعة القدامي
ابقه عليهو عشرة .. |
أهـلآ و شـكرآ تبلدينا
الله يخليـــك
يا ريت تتصل باليونابامبر ، لو عندك تلفونو ، عاوزينو هنا..
و لا تحمل على السـيد أبكر إنما الخلاف في المنتديات مدخل أوســـع للإتفاق في الوطـن ..
إحترامي للجـميع..
|
Post: #35
Title: Re: صاحب اللقب Unabomber أنت غريـب جـدآ ..
Author: الطيب بشير
Date: 08-26-2005, 07:14 PM
Parent: #1
صاحب اللقب Unabomber
نحاول أن نجد لك مداخلآ تفضي معك لحوار..
مالم تكن العواصف الكاثرينية في فلوريدا أمس قد أثرت فيك نريد أن نسـمع منك ..
|
Post: #36
Title: Re: صاحب اللقب Unabomber أنت غريـب جـدآ ..
Author: Unabomber
Date: 08-27-2005, 00:50 AM
Parent: #35
طيب يا الطيب، الهبوبة و عدت و الحمد لله خسائرنا ما كبيرة شديد لكن أمر ربنا و نحنا قبلاننو، و أخوك و الله مشغول لآخر الأمبير و برجع بيتنا بعد نص الليل، و شايفك عملتلى بوست و قلتا تشوف الزول الإنفجارى دى حكايتو شنو، إنتا مالك مستعجل? ما تجى و تشوف بأم عينك، و صدقنى ليس من رأى كمن سمع، و عشان شلاقتك دى حا ننتظرك جمب بوابة ميامى و نديك دقة حــــــارة و معتبرة ترحيبآ ليك بوصول فلوريدا، و أنا طبعآ ما شفتك و لا عارف شكلك كيف لكن على الطلاق إنا السودانى بعرفو و لو إدسا وسط ألف واحد، و ما عندك أى طريقة تزوق إلا تتنكر، أعمل فيها مكسيكى ألبس طاقيتم دى و لا أبقى راستا و لا أى شى
الزول الإسمو قرشو ده ضايق طرف السوط قبل كده و ذى ما قال ليك بمشى بطرف الحيطة لكن إنت ما سمعتا كلامو، و جيت تصحى السبع من نومتو، بس أنا كنت خايف تلم لينا الكرور، و أهو غايتو جوك إتنين ضاهبين، تراجى و أبكر و عبد الزمبار، إنت تراجى دى موش القالت إنو قرنق آخر الأنبياء? و برضو قريت عنوان لبوست تقول فيه إنها تحب الزقاوة?غايتو أنا سميتا حمالة الحطب، و الله البركة فى لمتك لينا مع أولاد دفعتنا، البت الغير إعتيادية شايننغ ستار، تقول لى تراجى? شتان يا فردة، و مرة تانى ليس من سمع كمن شاف، و الولد صاحبنا بتاع زمان صالح، و ولدنا طارد الجن، البورد ده يا الطيب ذى سستر سكول فى السبعينات و الثمانينات، كانت كلها أشكال تفتح النفس، بنات الخرطوم إتنين و بنات الرياض و العمارات، الواحد إطلع من العمارة الكويتية بعد الغداء و يحلى مرورآ بسستر سكول، حسى لو مشيت بهناك بجيك أبو الشهيق، و نفس الحكاية البورد ده يا فردة، إتملا بتراجى و أبكر و كدندار و فرتكار
و ألذ ما فى الموضوع واحد ما تم كم شهر إجى إقول ليك إتصل ببكرى الزول ده لاذم يتشطب من البورد، و واحد فهرنجوس تانى إقول ليك أنا صلعتى قدر قدرة الفول كنوع من الحكمة و المعرفة، و فهرنجوس تانى إقول نحنا حنتصل بالإف بى آى، يعنى مهزلة لم يشهد لها الإسلام مثيلآ
يا فردة مرحب بيك فى فلوريدا (بعد الجلدة طبعآ) و منتظرين وصولك مع الأسرة السعيدة
ش. س. شوقان، بل العديد منهم
|
Post: #37
Title: Re: صاحب اللقب Unabomber أنت غريـب جـدآ ..
Author: الطيب بشير
Date: 08-27-2005, 10:33 AM
Parent: #36
| Quote: مالك مستعجل? ما تجى و تشوف بأم عينك، و صدقنى ليس من رأى كمن |
الأخ الكريم Unabomber
تحياتي بالحـيل
أولآ .. بركة البقيت طيب من جنس الهراكين دي
تانيآ .. أنا ح أعرفك كييييف في فلوريدااااا؟ اليا كافي البلا لا تيلفون لا إسم و لا عنوان .. حتى الناس البعرفهم هناك أسألهم منك كييييف ؟ أقول ليهم عندنا زول منجض الناس و إسمو Unabomber .. ياخي بمبر شنو ونحن حتى كرسي جلوس ذاتو عندنا فيهو راي ..
| Quote: أنا طبعآ ما شفتك و لا عارف شكلك كيف لكن على الطلاق إنا السودانى بعرفو و لو إدسا وسط ألف واحد، و ما عندك أى طريقة تزوق إلا تتنكر، أعمل فيها مكسيكى ألبس طاقيتم دى و لا أبقى راستا و لا أى شى |
أنا برضو البزوغ؟ .. أنا مشترك بإسمي و بكتب عن بشير ولدي و ناس طابت أهلي و ناس الشرطة دفعتي و الإعلاميين زملائي و ناس الوسط الفني أصحابي و السياسيين ـ معارف حذرة ـ منع من صحوبيتها الثقل في الهيموقلوبين و تعذر الsense of humor .. أنا ما بتنكر..أفـــو أبوك آآآآ بشـير .. هييييع ..
شكرآ لردك و منتظرين إجاباتك على الأسئلة بدون إقصاء للآخـر .. نحن نبهناهم لضرورة التعامل الكويس و بنكرر ليك الرجاء نفسـو.. و خليك من
(الدقة) راجع البوست الأصلي تفهم قصدي ..
|
Post: #42
Title: Re: صاحب اللقب Unabomber أنت غريـب جـدآ ..
Author: محى الدين ابكر سليمان
Date: 08-29-2005, 11:52 AM
Parent: #36
(بس أنا كنت خايف تلم لينا الكرور، و أهو غايتو جوك إتنين ضاهبين، تراجى و أبكر و عبد الزمبار، إنت تراجى دى موش القالت إنو قرنق آخر الأنبياء? و برضو قريت عنوان لبوست تقول فيه إنها تحب الزقاوة?غايتو أنا سميتا حمالة الحطب، و الله البركة فى لمتك لينا مع أولاد دفعتنا، البت الغير إعتيادية شايننغ ستار، تقول لى تراجى? شتان يا فردة، و مرة تانى ليس من سمع كمن شاف، و الولد صاحبنا بتاع زمان صالح، و ولدنا طارد الجن، البورد ده يا الطيب ذى سستر سكول فى السبعينات و الثمانينات، كانت كلها أشكال تفتح النفس، بنات الخرطوم إتنين و بنات الرياض و العمارات، الواحد إطلع من العمارة الكويتية بعد الغداء و يحلى مرورآ بسستر سكول، حسى لو مشيت بهناك بجيك أبو الشهيق، و نفس الحكاية البورد ده يا فردة، إتملا بتراجى و أبكر و كدندار و فرتكار
و ألذ ما فى الموضوع واحد ما تم كم شهر إجى إقول ليك إتصل ببكرى الزول ده لاذم يتشطب من البورد، و واحد فهرنجوس تانى إقول ليك أنا صلعتى قدر قدرة الفول كنوع من الحكمة و المعرفة، و فهرنجوس تانى إقول نحنا حنتصل بالإف بى آى، يعنى مهزلة لم يشهد لها الإسلام مثيلآ
يا فردة)
جنس الكلام دة اظن العرب بسموهو اسفاف.
|
Post: #38
Title: Re: صاحب اللقب Unabomber أنت غريـب جـدآ ..
Author: قرشـــو
Date: 08-29-2005, 03:49 AM
Parent: #1
جاك كلامى يا الطيب
نحن قبيل شن قلنا ؟؟؟؟
الراجل بالمناسبة تحول 180 درجة وهو فى قمة اللطف معك الان
عشان كده كفاية عليك كده وبس اديه مواعيد وصولك
|
Post: #40
Title: Re: صاحب اللقب Unabomber أنت غريـب جـدآ ..
Author: الطيب بشير
Date: 08-29-2005, 07:48 AM
Parent: #38
Quote: الراجل بالمناسبة تحول 180 درجة وهو فى قمة اللطف معك الان
عشان كده كفاية عليك كده وبس اديه مواعيد وصولك |
العزيز قرشـو
أهلآ بيك و شكرآ ليك
أنا شاكر لليونابمبر تلطفه معاي
كان العشم نمشي الخطوة مع بعض نمنهج النقاش
لكن سنقنع بالقليل مرحليآ و ـ نحتفظ بحق الرد  ـ
|
Post: #39
Title: Re: صاحب اللقب Unabomber أنت غريـب جـدآ ..
Author: abookyassarra
Date: 08-29-2005, 04:46 AM
Parent: #1
الأخ الطيب
والأخ يونابونبر
والحضور الكريم
بوستكم حليونى وظريف
كان ختا بعض المشوشين ..
الطيب التقينا عابراًأيام عملنا بالإذاعة
وخبرناك ود بلد وطيب المعشر وأنيق التواصل
***
يونابونبر
ود بلد أصيل
إلتقيته على الهوتميل أيامها
من عمالقة وخبراء دهاليز الحواسيب وعالمها
من الجيل الرائد ب ( سودان نت ) فى النصف الثانى
من التسعينات - حين كان النت ( عزيزاً )
شجاع وودود و ( مدمر )
ويذكر القدامى فى هذا المحفل أنه ( شتت بعض النجوم المشاغبة حينها )
***
إلتقاؤكم فى ولاية واحدة أكييييد سيقدم ( لقاحاً) لعدم المنهجية والمنطق
السائدين هذه الأيام
***
الإعتقاد .. حق للجميع
الوصاية .. مرفوضة
وخيانة الدين والوطن ( مفصل ) وراءه سيف قاطع
***
فتكم بخير
**
أبوالساره
|
Post: #41
Title: Re: صاحب اللقب Unabomber أنت غريـب جـدآ ..
Author: الطيب بشير
Date: 08-29-2005, 07:51 AM
Parent: #39
Quote: الإعتقاد .. حق للجميع
الوصاية .. مرفوضة
وخيانة الدين والوطن ( مفصل ) وراءه سيف قاطع |
AA-MEN
الأخ الحبيب أبوذر المنا ـ أبو السارة ـ
مراحب أخويا.. كيف حالكم في الولايات العربية المتحدة ..
و كيف الحبيب مصطفى (المنقا) هكذا كن يعاكسنه .. كانت أيام الحوش حلوة ، هل من عودة تاني أم هي مستحيلة؟ ..
قلت لي بتعرف يونابمبر؟ و كمان من زمااااان !! و الله شوقتني أشوفو في فلوريدا .. و بيطلع في أي موسـم دة ؟ ياحول الله ..
أبوهـا..
شكرآ لمرورك ..
|
Post: #46
Title: Re: صاحب اللقب Unabomber أنت غريـب جـدآ ..
Author: Elmosley
Date: 08-30-2005, 05:17 AM
Parent: #41
الطيب بشير ياخوي الموديك للهيروكينات شنو
اخونا يو اس بمبر من كتر الهيروكينات والتورنيدات اسمو يو اس بمبر
لكنها برضو بلد سمحه غايتو شيل معاك مسامير وشواكيش والواح زنكي وخشب
وما حنزورك الا في الشتاء
|
Post: #43
Title: Re: صاحب اللقب Unabomber أنت غريـب جـدآ ..
Author: abookyassarra
Date: 08-29-2005, 10:58 PM
Parent: #1
الغالى / أبو بشير
أسعد الله صباحاتك
وأراك أنعشت فينا ذكريات الحوش
ذلك ( الجين المكتسب ) إن صح التعبير
والذى يشعل فيك حنيناً لا يخبو يوماً
يؤججه بريق اللحظات الأنيقة المخبوءة فى ( مأمنٍ بخواطرنا )
***
مصطفى .. عاد للوطن وللحوش ( ببيزنس صغيرونى ) ..وهو يستكمل
رحلة الدراسة الآن حيث بدأ تواً مشوار رسالة الدكتوراه فى القانون
بعد أن أنجز ماجستير القانون فى ( الملكية الفكرية ) ..
كما عاد للحوش ( من حيث ماإنتهى ) بفعل ( هائجة الجين الذى ذكرت )
أشكرك وكل الرائعين هنا على ما تلطفون به مساحات غربتنا بطيب التواصل ..
***
أبوالسارَه
|
Post: #44
Title: Re: صاحب اللقب Unabomber أنت غريـب جـدآ ..
Author: Mohamed Suleiman
Date: 08-29-2005, 11:21 PM
Parent: #43
الأخ الطيب بشير
لك التحية
هذا ال Unabomber لمن لا يعرفه ... يمكنه معرفة شئ عنه هنا:
أطفال أم قنابل موقوتة؟ فيديو
Unabomber ... التحدي مازال قائما هناك .
|
Post: #45
Title: Re: صاحب اللقب Unabomber أنت غريـب جـدآ ..
Author: waleed500
Date: 08-30-2005, 00:00 AM
Parent: #44
هاهاهاهااها
ده شرك ام كيكى
شركو بيهو لى حمد لبد قبض ليه فيل
الرجل بستدرج فى صديق...ما صدق ابكر
والمسمية تراجى احلف صادق بانكم ما بتعرفو حاجة عن الرجل
ده..بس دى شغلتكم نبش الاخرين
كان الله فى العون
تحياتى اخى الطيب بشير
|
Post: #47
Title: Re: صاحب اللقب Unabomber أنت غريـب جـدآ ..
Author: الطيب بشير
Date: 08-30-2005, 06:22 AM
Parent: #43
أبو السارة .. أبو ذر .. أبو الكلمة
مرحبتين حبابك
قلبي يحدثني أننا سنعود لردهات كرومة و خاجي و A .. سيكون لديك حجز ساعتين يأخذ منها د/ حسن دوكة نصفها لأنو مستعجل و ما عندو حجز ..الإذاعـة السـودانية .. تقدم.. يخرج خطاب حسن أحمد محتجآ إلى الكافيتريا و يشكو للقمان همام الذي كان يحمل راديو ترانزيستور صغير لأنه program master ...
غدآ حبيبي حتمآ يعود ..
شكرآ لأخبار مصطفى
تقبل صادق التحايا
|
Post: #48
Title: Re: صاحب اللقب Unabomber أنت غريـب جـدآ ..
Author: Hatim Elhassan
Date: 08-30-2005, 06:28 AM
Parent: #1
Unabomber كتب
Quote: أنا كنت خايف تلم لينا الكرور، تراجى و أبكر و عبد الزمبار،
البورد ده يا الطيب ذى سستر سكول فى السبعينات و الثمانينات، كانت كلها أشكال تفتح النفس، بنات الخرطوم إتنين و بنات الرياض و العمارات، الواحد إطلع من العمارة الكويتية بعد الغداء و يحلى مرورآ بسستر سكول، حسى لو مشيت بهناك بجيك أبو الشهيق، و نفس الحكاية البورد ده يا فردة، إتملا بتراجى و أبكر و كدندار و فرتكار |
سنة يا ولد، بمبوية طلع ود عز و حنكوشة و كان بحلى بى بنات سستر اسكول، دنيا، و الكلام ده كاتبو للطيب الاغبش ود الغبش، اها يا الطيب احسن ليك ابكر و لا بمبوية دة.
يا بمبوية انت مهجوم ساكت، اولاد العز الجد ما بتفشخروا و يتنفخو على الناس فى الفاضي زيك، شفناهم و بنعرفم و قرو معانا و لو جات سيرة موضوع زى دة بتضايقو لانهم متواضعين ، توجد طبعا استثناءات، يا اما المخلوعين او مستجدى النعمه او الكضابين، البتمرغوا فى تراب للعز بعد ما فاتم، نفختك وعنطزتك الفى الفاضى دى بتقول انك من النوع الاخير، والاسلام عندك يا بمبوية يا مهجوم، ياكم مسلمين الزمن دة تعايروا الناس باسمائهم و سحنهم و اعراقهم،
وفعلا نوعك دة | Quote: مهزلة لم يشهد لها الإسلام مثيلآ |
|
Post: #51
Title: Re: صاحب اللقب Unabomber أنت غريـب جـدآ ..
Author: الطيب بشير
Date: 08-30-2005, 06:42 AM
Parent: #48
| Quote: اها يا الطيب احسن ليك ابكر و لا بمبوية دة. |
و الله يا حاتم يا أخوي سألتني ..
أبكر دة جانا داخل هنا بي قلم أحمر و انتقد السودانيين جميعآ في شخص المتداخلين هنا واصفآ إياهم باللزوجة و ما إليه من تقييم لغيره .. أعطى نفسه ذلك الحق ..
سألناه ، بالراحة ، تغيير موقفه ..
أهمل دعوتنا..
و .. دخل البوست قال ما (يريد) ..
قووووول إنتا بقااا؟
ابكر احسن لي كيييييف؟؟؟!!
|
Post: #52
Title: Re: صاحب اللقب Unabomber أنت غريـب جـدآ ..
Author: Hatim Elhassan
Date: 08-30-2005, 06:46 AM
Parent: #51
ابكر قال راى ممكن تختلف معاهو، اها سستر اسكول والتحلية و العمارات و كدة ديل كيف معاك؟ و لا تكون امريكا جهجهت ما فيك من غباشة (لمعة التلفزيون ديك ما بتغشنا يا الاغيبش)
|
Post: #53
Title: Re: صاحب اللقب Unabomber أنت غريـب جـدآ ..
Author: الطيب بشير
Date: 08-30-2005, 06:54 AM
Parent: #52
| Quote: ابكر قال راى ممكن تختلف معاهو |
أبكر ـ والله ـ ما قال راي ..
ما تستعجل يا حاتم .. أنا بالجد عاوزك تقرا كلامو الأول عن السودانيين بعامة و كان فيه ـ حاكمآ بأمره ـ و ليس رأي فقط ، و عايزك تقرا الطريقة اللي أنا رديت بيها علي أبكر لما إتجاوز ضيوفي و لخص الجميع .. بعد داك تجاهل أبكر ـ الأغبش البسيط ـ زائد تقييمو للناس بي مزاجو عاوزة منك رد واضح ، لازم تقرا كلامو الأول عن السودانيين يا حاتم ..
|
Post: #49
Title: Re: صاحب اللقب Unabomber أنت غريـب جـدآ ..
Author: الطيب بشير
Date: 08-30-2005, 06:29 AM
Parent: #1
الأخوان محمد سليمان .. و وليد خمسماية
أهلآ بيكم و شكرآ لمروركم و تحيتكم..
و شكرآ لإحترامكم لمخالفيكم
|
Post: #50
Title: Re: صاحب اللقب Unabomber أنت غريـب جـدآ ..
Author: الطيب بشير
Date: 08-30-2005, 06:31 AM
Parent: #1
الحبيب الفنان موصلي
فلوريدا حلوة ياخ..
أنا تعبت من مينيصـقـطـة دي
تعال .. فرح ليالينا
تعال قبل السنين تجري
|
Post: #54
Title: Re: صاحب اللقب Unabomber أنت غريـب جـدآ ..
Author: Tragie Mustafa
Date: 08-30-2005, 07:21 AM
Parent: #50
الطيب بشير
انحيازك واضح
ادعيت انه لهجة محي الدين ابكر حاده
وماعايز تعلق على زولك السمانا كرور
انا بقول ليه انت الكرور
وبدل تتفرج في ناس سيستر اسكول ماكنت تقرأ معاهم.
الزول ما بيتفاخر على الناس
لكن لما كنا بنلعب اسكواش وتنس
الزيك ديل كانوا بجوا يتفرجوا من بعيد وما مسموح ليهم يدخلوا نادي التنس
لانهم ما اعضاء.
قال كرور قال.
(اللي ما بطول العنب بيقول عليه حامض)
تراجي.
|
Post: #56
Title: Re: صاحب اللقب Unabomber أنت غريـب جـدآ ..
Author: الطيب بشير
Date: 08-30-2005, 01:54 PM
Parent: #54
يا تراجي
رأيك أني منحاز أحترمه لوروده بصيغة الإنتداء و الحوار لا الإطلاق ..
ادعيت انه لهجة ابكر حاده بناء على موقفو من المتداخلين هنا و عدم رجوعه للحق حين عرض عليه .. أما ـ زولي ـ فواضح (إنكم) بتهاجموهو على أساس موقف سابق ، و هذا عكس فكرة البوست دة بالذات ، و أترك للقاريء الحكم على دعوتك ليونابمبر للدراسة في (سـيسـتر) سـكول ..
ذكرتيني بحكاية التنس .. مرة دخلتو (ضـهـب) قبل كاااام و عشرين سنة و لما طلعت كنت خايف الناس الطلعوا ديل يزاحمونا في المواصلات و ما نلقى حاجة نركبها.. إكتشفت إنو أنا الوحيد الماشي على المحطة ..
|
Post: #55
Title: Re: صاحب اللقب Unabomber أنت غريـب جـدآ ..
Author: Tabaldina
Date: 08-30-2005, 07:39 AM
Parent: #1
..
.
يا ليتهم يفقهون ،،،
صديقي الأنابمبر ..
الناس دا مالها معاك ..
شايلها عكاكيز وجاي جارية ..
دا كلو عشان بوست الاطفال قنبلة موقوتة ..
ما عارفين انك انت ذاتك قنبلة ...
اللكنة بقي عليهم صعبة ..
لك الود،،،
الأسرة المالكة .. أزيكم ،،،
|
Post: #57
Title: Re: صاحب اللقب Unabomber أنت غريـب جـدآ ..
Author: ShiningStar
Date: 08-30-2005, 02:56 PM
Parent: #1
تراجي يا طويلة العمر.... العز لا يقاس بي عضوية نادي التنس ولا تنتهي الاشياء عند مضارب البنق بونق و اسوار مدارس الكمبوني..
فأولاد العز كثر-بلذات في الاونه الاخيره- و هم من يترددون علي نوادي التنس و اطراف النادي الارمني و يتجدعو في رحاب نادي المهندسين... يحتسون عصاير المنقه المثلجه ..
فيا انيقة الحضور...الحق يقال... طيب الذكر انفجاري لا ود عز لا شيتين ... و قد يكون مرا مرور الكرام بنادي التنس... و اطراف الامريكي .... ممتطيا فارهه لا علم لك,ولا لي, ولا لجار النبي بها...مؤمنا علي وصول امدادات صناديق المنقه ليحتسيها اولاد العز -الجداد- ... .... بلعربي كدا حوش بيتم بكون فيهو ملعبين تلاته بتاعت تنس و الرابع للقائمين بأعمال المنزل .... والجدير بلذكر انو القائمين علي الاعمال اعلاه هم -اغلبية- العز الاولادو متجدعين في ربوع نوداي العاصمه...
و شكرا.....
تحيه شرق ساحليه للجميع.... واولاد العز.... و اخري بنكهة المنقه لأولادالملوك ...
شوق..... الواثقه من ما تكتب
|
Post: #58
Title: Re: صاحب اللقب Unabomber أنت غريـب جـدآ ..
Author: waleed500
Date: 08-30-2005, 05:26 PM
Parent: #57
ShiningStar
والله متشوق لكلامك بصوره قد لا تخطر ببالك
كونى بخير
|
Post: #59
Title: Re: صاحب اللقب Unabomber أنت غريـب جـدآ ..
Author: على عجب
Date: 08-31-2005, 07:54 AM
Parent: #58
الاخ الطيب بشير
استميحك عزراحاولت بريدك الخاص لم اجده
صديقك محمد شريف
عريسا
الجمعةبعد غد
الخرطوم
تلفونه0912654716
علي عجب
|
Post: #60
Title: Re: صاحب اللقب Unabomber أنت غريـب جـدآ ..
Author: Unabomber
Date: 10-01-2005, 06:50 AM
Parent: #59
سلام يا أبو البشير، و ذى ما قتا ليك، أى زول إسمو البشير زولآ فحل، و نحن نستمتع بإقامتك بيننا، أنستنا المشاغل أمر هذا البوست، و أرجو أن تغفر لنا الجلدة الحارة و التى لم يوقفنا منها إلا توسل الوجيه الصغير بشير، و بعد، ليس لى الكثير لأقوله اليوم سوى إن هذه التراجى كروووووور، هى و ناس أبكر و سليمان و الساوى، وحيات الخوه أكبر كرور
و يا بت يا شنق مشيتى وين إنتى، بلاهى تعالى نتاوق بالدرابزين لحبوبة تراجى بتلعب تنس، و الله ضحكتينى لمن إهتزت جضوماتى، أسمعى، صاحبتك طلعت حبوبة، و الله أنا لمت قريت إنها مولودة سنة 1965 إفتكرتها يعنى قريبة من سننا و كده، لكن بعد ما شفتا صورتا، لا حولاااا، ياخى دى فريق أول، و أنا بحترم الحبوبات، لذلك سنتحاشى الدخول معها فى أى مناوشات، قصدى مناوشات كرورية و ليس كررية!
تحياتى للأعزاء أبوك يا سارة و الموصلى و طارد الجن و صالح و بقية الزوار
        
|
Post: #61
Title: Re: صاحب اللقب Unabomber أنت غريـب جـدآ ..
Author: الطيب بشير
Date: 10-01-2005, 11:27 AM
Parent: #1
الأخ يونابمبر
كلامك مرفوض .. من الألف للياء ..
أعترض ، و بشـدة ، على تعريضك بالأستاذة تراجي .. لا يليق وصف المتحاورين بألفاظ مثل ـ كرور ـ ..
كنت تكتفي بعرض صورة تراجي وسط الDictators و تتركنا نلمح علاقة بسط الساعد و رمزيته .. بتكون إحترمت حقنا في التفكير instead of spelling things out.. و بتكون احترمت خصمك هنا ..
أعلن نهاية البوست معترفآ بصعوبة حوار يونابمبر و أبكر .. و خليكم تعرضوا زي ما دايرين .. و الموضوعية سوقها باير من بدري ..
|
Post: #62
Title: Re: صاحب اللقب Unabomber أنت غريـب جـدآ ..
Author: bob
Date: 10-01-2005, 11:49 AM
Parent: #61
I'm still watching people junk nothing is understandable?
|
|