Post: #1 Title: منصور المفتاح إلقاء شعرى رائع لإحدى قصائد حميد Author: النصرى أمين Date: 07-05-2012, 08:30 AM Parent: #0
جمعتنى امس الثلاثاء 3 يوليو جلسة عشاء مع الصديق منصور المفتاح ..ونحن فى انتظار الشواء الدجاجى اقترحت عليه ان اصور له القاء شعرى لاحد قصائد حميد.. وافق ضاحكا قائلا ما كان تخلينى اتبرد .... المهم الدجاج كان رهيب والقصيدة ارهب ,,,,
شكراً النصري وشكراً منصور شكراً كتير ورهيب وأرهب من روعة إلقاء منصور لنادوس حميد .
منتهى الروعة والله أخي منصور ، والله يديك العافية دوماً .
أخي النصري .. وندهت ليك : ينصر دينك ، وبالله من زي ده كتِّر وكتر من الدجاج كمان ، عشان يتجلى ود المفتاح أكثر وأروع . ونكون نحن الكسبانين أكيد .
مودتي ،
( ليمو )
Post: #3 Title: Re: منصور المفتاح إلقاء شعرى رائع لإحدى قصائد حميد Author: أحمد الشايقي Date: 07-05-2012, 10:58 AM Parent: #2
الشعر له سلطان وله مذاق خاص حينما يلقيه على المسامع الأدباء المتشربين له المتذوقين لمعانيه والمتفهمين لمراميه وأستاذن منصور المفتاح على أعلى قمم الأدب السودانية ولا يجد حقه من الشهرة,
ثم أن الذي يميز شعر حميد هو الإلتزام الوطني والمواجهة الصريحـة (للحالة الـ ما دغـريـة) والقناعة العميقة بذلك, حميد هو الحاضر الغائب وهو المعتقل رقم واحد (افتراضياً) فالبلاغ ضده مقيد والأدلة كاملة وأمر القبض صادر ولم يتبق سوى تنفيذه لغياب المتهم تحت التراب والتهمة هي استدعاء التي انتظرها طويلاً ولم تأت .. أما وقد أتت وامتلأت الشوارع بأنفاسها فقد حان تنفيذ أمر القبض على صاحب النداء .. وتعذر التنفيذ بسبب غياب المتهم الأول (تحت التراب وحيث لا عودة) ....
الثورة أتت وغاب شاعرهـا وعزاؤنا في نغمات صديقنا المفتاح فقد كان حميد يسمي الشعر (غناء) كسائر أهله من نواحي شمال السودان ..
أحمد الشايقي
Post: #4 Title: Re: منصور المفتاح إلقاء شعرى رائع لإحدى قصائد حميد Author: محمد حيدر المشرف Date: 07-05-2012, 11:27 AM Parent: #3
نادوس يا فجر القصائد يندلق ما حكَّ جلدك مثل ظفرك فانطلق .. إنا شرحنا لك صدرك أو شرخناه فانعتق يا أنت يا كل الذين لأجل خاطرهم طهوتُ غداة عقم زهور كلمي لتنفتق غضباً يؤرق موقديه كورته رجماً لكلٍ من :- تخاذل أو تنازل أو تهاون أو تخاون أو تعاون ضد فتحك أو أتاني يسترق
إشهد الله النصرى بيعمل قروش من حلقومى دا إياها ذاتها الخيل تقلب والقروش للنصرى أيي نقره بعمل دولار لاحظ دولار النصرى تاجر قميصك فوق ظهرك ببيعو والله لو كان فى السودان كان العوامد تطاقش على السجن. النصرى ياخ هنالك هنات وهنات دعنا نعيد التسجيل
ويا حيدر المشرف ربما قفزت سهوا ولكن تلك الصوره الأولى لنادوس من قبل 25 سنه أو أكثر ولم أره منذ ذلك الزمان وكما تتآكل خلايا الإنسان حتى يزول تتساقط كتل من المحفوظ فى الذاكره لتستوعب فايلات جديده وقرأتها بالطريقه التى أوردتها كذلك وحميد كما قال فى حلقة للمزيعه سوركتى أنا حر فى شعرى أعدل وأضيف على كيفى فعلى كيفه فعل كل ما يريد وكان المنى شكر لكم- الشايقى الذى ركبنى أعلى سروج الأدب السودانى وأنا ذلك الوقييع جمال أبا يزيد الخازوق دا جالبنى فى اليوتوب كيف والأولاد- رانى شكرا ليك لكن الفيك عرفتها ليمو يا ليمو ياخى ألف كتر خيرك ونحن لى شكركم عاجزين أبدا ودوما- ويا أسامه الخليفه والله زول بقولك بتسوى فى شنو مافى كل زول فى حالو شنو ليك سلامى لك والشكر.
غريبه حقيقي يا النصري امين ان منصور المفتاح يلقي شعرا لحميد وكل كتاباته هنا مخزيه حتى تجاه الثوار المتحركين شعبيا وبلا غطاء سياسي هؤلاء.
ويا احمد الشايقي كدي تابع ارشيف منصور المفتاح هنا وشوف انت بتلكمنا عن منو؟!
Quote: الشعر له سلطان وله مذاق خاص حينما يلقيه على المسامع الأدباء المتشربين له المتذوقين لمعانيه والمتفهمين لمراميه وأستاذن منصور المفتاح على أعلى قمم الأدب السودانية ولا يجد حقه من الشهرة,
ثم أن الذي يميز شعر حميد هو الإلتزام الوطني والمواجهة الصريحـة (للحالة الـ ما دغـريـة) والقناعة العميقة بذلك, حميد هو الحاضر الغائب وهو المعتقل رقم واحد (افتراضياً) فالبلاغ ضده مقيد والأدلة كاملة وأمر القبض صادر ولم يتبق سوى تنفيذه لغياب المتهم تحت التراب والتهمة هي استدعاء التي انتظرها طويلاً ولم تأت .. أما وقد أتت وامتلأت الشوارع بأنفاسها فقد حان تنفيذ أمر القبض على صاحب النداء .. وتعذر التنفيذ بسبب غياب المتهم الأول (تحت التراب وحيث لا عودة) ....
الثورة أتت وغاب شاعرهـا وعزاؤنا في نغمات صديقنا المفتاح فقد كان حميد يسمي الشعر (غناء) كسائر أهله من نواحي شمال السودان ..
اها انت يا منصور المفتاح الحاله المادغريه دي ما شايفها؟! وقاعد تجلبغ!
سلام المشرف اكتر مقطع عاجبنى فى القصيدة الجزء بتاع خور .. قمة الرمزية شكرا للصفيق
Post: #19 Title: Re: منصور المفتاح إلقاء شعرى رائع لإحدى قصائد حميد Author: النصرى أمين Date: 07-08-2012, 00:02 AM Parent: #18
سلام اسامة كيفك؟ والله الحمدلله ..حرية التعبير دى هنا بالكوم .... فى زيارتى للسودان جيت مارى امام صرح تاريخى مكتوب على صرح عبداللطيف حالته متاخرة ...مكسر و######ان ...قلت اصوره ... فى عسكرى واقف بدا يحمر لى ... قلت ما اشتغل بيهو .... للاسف كاميرة التلفون خزلتنى بان الشريحة مليانة ...
Post: #20 Title: Re: منصور المفتاح إلقاء شعرى رائع لإحدى قصائد حميد Author: النصرى أمين Date: 07-08-2012, 00:03 AM Parent: #19
سلام جيمى منتظرنك فى رمضان السهر للصباح
Post: #21 Title: Re: منصور المفتاح إلقاء شعرى رائع لإحدى قصائد حميد Author: النصرى أمين Date: 07-08-2012, 00:05 AM Parent: #20
سلام رانى ... يحى ابن عوف عنده القاء اكثر من رائع .. استمعت ليهو اكتر من مرة ..... نحاول نصوره يوم من الايام
Post: #22 Title: Re: منصور المفتاح إلقاء شعرى رائع لإحدى قصائد حميد Author: النصرى أمين Date: 07-08-2012, 00:08 AM Parent: #21
سلام ياسيف والله الواحد لو عنده الملكة الشعرية بتاعت حميد (الله يرحمه) كنا كتبنا معلقات عن المعاناة والضغوط النفسية التى نعيشها فى غربتنا الما عندها نهاية دى ....
الأخ سيف جبريل كيفك يا زول ما شاء الله عليك خارج على النظام وداع للتغيير السلمى ومسوق لأفكارك بسانفرانسيسكو زى الترتيب ونحن يا صاحبى ليس لدينا إلا أن نعيد مذاق طهاء الأمهات فى المطاعم الهنديه وندعو لهن بخير ياخ النصرى _ يبيع درب الضب إحذره!!!!.
والقصيده فيها حذف كتير وسنعيد تسجيلها
ولك السلام
منصور
Post: #24 Title: Re: منصور المفتاح إلقاء شعرى رائع لإحدى قصائد حميد Author: النصرى أمين Date: 07-09-2012, 00:23 AM Parent: #23
Quote: غريبه حقيقي يا النصري امين ان منصور المفتاح يلقي شعرا لحميد وكل كتاباته هنا مخزيه حتى تجاه الثوار المتحركين شعبيا وبلا غطاء سياسي هؤلاء. ويا احمد الشايقي كدي تابع ارشيف منصور المفتاح هنا وشوف انت بتلكمنا عن منو؟!
ههههههههههههههههإلخ الطقطقة وبِليّع الجِكِن للنصري، والظعطة للمنصور. والله صحي...
Post: #26 Title: Re: منصور المفتاح إلقاء شعرى رائع لإحدى قصائد حميد Author: munswor almophtah Date: 07-09-2012, 01:41 AM
طرررروجه
ياخى إنتى زى الرازه وشوش
تنطحى ساكت
كدى قولى ما شاء الله
ما تسحرينا!!
وشكرا على حربك علينا
ونحن ليك ما بنعادى
منصور
Post: #27 Title: Re: منصور المفتاح إلقاء شعرى رائع لإحدى قصائد حميد Author: rani Date: 07-09-2012, 04:09 AM Parent: #26
Quote: ههههههههههههههههإلخ الطقطقة وبِليّع الجِكِن للنصري، والظعطة للمنصور. والله صحي...
انت اقعد هبش كدا لحدي ما تجي توريك ليهو..
وصاحبك دا زاتو بيكون خايف يجو يورو ليهو..
اتخيل قال ليها شنو ؟ طرووووجة قال. والله تلقاها من الفرح مشت لبست شرايط حمراء وفستان مشجر وقعدت تقلم في اظافرينها بسنونها... معقولة بس طروجة مرة واحده كده، ناذر الخليفة تعب ومشي زبح ليها خروف غير اسمها لام رشيرش. تجي انت تدلعها قدر دا.
. . عارفة خلاص انا قررت من اسي ابطل شغب واقيف في صفك وانصفك غلط كنتي ولا صاح.. المهم: شكراً كثيراً لفتح اعيننا لهولاء المرتزقة المتخازلون مع الثورة والثوار والمهمشين ... ويجو يقرو لينا اشعار الجلابه... وياكلو الجكن في مطعم اكبر من موول عفراء ، ونحن المهمشون ما لاقين موية نقاع زير نشربها... وفي ختام احاديثم يحاولون اللعلب علي راس تراجي ويجي يقول ليك "ونحن ليك ما بنعادى"
غايتو كان خليتهو لا بيني لا بينك تاني.. ومعاوية المدير دا شكلو كدا بيطاعن فيك... عليك النبي اسي دي ضحكة يضحكها في مكان عام؟ تمعني الضحكة
Quote: ههههههههههههههههإلخ الطقطقة وبِليّع الجِكِن للنصري، والظعطة للمنصور. والله صحي..
وفي النهائة طلعك ظ... هي اخير اطلع قبل ما معاوية دا يجني بالدرب
Post: #28 Title: Re: منصور المفتاح إلقاء شعرى رائع لإحدى قصائد حميد Author: rani Date: 07-09-2012, 04:22 AM Parent: #27
Quote: اها انت يا منصور المفتاح الحاله المادغريه دي ما شايفها؟! وقاعد تجلبغ!
عالم كان ما جلبغت كويس ما بتعرف تاكل جكن.
Post: #29 Title: Re: منصور المفتاح إلقاء شعرى رائع لإحدى قصائد حميد Author: النصرى أمين Date: 07-09-2012, 06:07 AM Parent: #28
معاوية ... مواعيدنا الاحد القادم وفى نفس المطعم...
زاكر قصائدك كويس .. ما تجينا ما حافظ زى منصور ...... الكاميرا جاهزة واوعدك بفيديو ما حصل
Quote: يا النصري عليك الله حلني من راني دا، وموعدنا الأحد إن شاء الله...
يجي النصري يحلك مني؟ انت يا زول ماك نصيح؟ هو النصري في التحلو من " طرووووجي دي"، والله تلقي اسي قاعد يقول يالله طروجي دي ما تجي تشبك فيني..
لكن بيني وبينك يا معاوية، تراجي زاتها متخاذله مع الثورة. يعني النصري دا ما حصل جاب لينا فيديو هنا يخص الثورة ولا فيديو لمظاهرات، وتي تراجي تمشيها ليهو بالسهولة دي، وتشبك في المفتاح.. انا علي ما اعتقد ان هنالك مؤامرة بين النصري و تراجي. انو النصري يغش المفتاح ويسوقو يسجل ليهو وينزل الفيديو هنا عشان يدردقو لتراجي، وتجي تراجي تشوت ضفاري كالعادة. والحاجة الوحيدة الممكن تنفي هذا الاعتقاد، انو تجي تراجي هنا دا وتوريهو للنصري برضو.
Quote: يعني النصري دا ما حصل جاب لينا فيديو هنا يخص الثورة ولا فيديو لمظاهرات، وهو زاتو عنصري، والحاجة الوحيدة الممكن تنفي هذا الاعتقاد، انو تجي تراجي هنا دا وتوريهو للنصري برضو.
جبل رجاف بقي ما بنشاف جبل رجاف.... معاوية امسك المايك
Post: #39 Title: Re: منصور المفتاح إلقاء شعرى رائع لإحدى قصائد حميد Author: rani Date: 07-10-2012, 06:07 AM Parent: #38
يا سلام، ياسلام، ياسلام، ياسلام، يا سلام، ياسلام، ياسلام، ياســــــــــــــــــــــــــــــــــــــــــــــــلام.
وحاتك يا معاوية المدير انا قايلك قطعت القصيده ومشيت شت ليك كورة جبتها قون. معقولة يا الرشيد بدوي عبيد؟
Post: #40 Title: Re: منصور المفتاح إلقاء شعرى رائع لإحدى قصائد حميد Author: النصرى أمين Date: 07-10-2012, 06:29 AM Parent: #39
شكرا يا شباب على رفع البوست عدة مرات لولاكم لما وصل الالف مطالعة وكل مطالعة الكنجالات شغالة كشلو كشلو
Post: #41 Title: Re: منصور المفتاح إلقاء شعرى رائع لإحدى قصائد حميد Author: rani Date: 07-10-2012, 06:59 AM Parent: #40
Quote: شكرا يا شباب على رفع البوست عدة مرات لولاكم لما وصل الالف مطالعة وكل مطالعة الكنجالات شغالة كشلو كشلو
يا عمك... انا زاتي حاجيك هناك تسجل لي عشان الكلكات تشتغل بالجد جد... وبوستيك دا والله الا نوصلو ليك بوست طارق جبريل بتاع" امتداد الدرجة الثالثة" بس عليك الله ما تطلق لينا فيهو بخور تيمان، عشان ام رشيرش دي ما تطير من هنا. . . . يلا سلام امشي اشوف الكرفتة والبدله وين واجيك عشان نسجل. . . .
القاء جميل جدا يامنصور المفتاح وكله ابداع متشكرين معاوية المدير ياسلام كالعادة تنقل الزول الى حواشى عزة واحزانها ويا النصرى منتظرين ابداع يحى بن عوف,واضح ان مدينتى حبلى بالكثير من الأبداع حليل زمن قصر الشباب وكت ندق ايدينا ورجلينا مغنيين لحميد ( وين هادية بدر الدين )
من الأبرول أبت تطلع من الأقلام أبت تطلع من المدفع طلع خازوق خوازيق البلد زادت يفيض النيل نحيض نحنا يظل حال البلد واقف تقع محنة ولا النيل القديم ياهو ولا يانا نعاين في الجروف تنهد ولا يا نا رقاب تمر الجدود تنقص ولا يانا متين إيد الغبش تتمد لاقدام ولاقدام تتش عين الظلام بالضو تفرهد شتلة لا هدام ولا فيضاً يفوت الحد عقب يا نيل تكون ياكا ونكون أهل البلد بالجد يا مطر عز الحريق يا مصابيح الحريق يا المراكبية البتجبد من فك الموج الغريق يا ما شايلك بيني حايم لا الليالي المخملية لا العمارات السوامق لا الأسامي الأجنبية بتمحى من عيني ملامح وإنتي جاية المغربية دايشي داقسي المغربية وشك المكدود مكندك صمصونايتك زمزمية كون شبر طورية منجل سبحة فانوساً مدردح قلتي بيهن لي زمانك يا زمان الحاجة عندك يا زمان الآهة حد لا تطا الوردة الصبية
Quote: شكرا يا شباب على رفع البوست عدة مرات لولاكم لما وصل الالف مطالعة وكل مطالعة الكنجالات شغالة كشلو كشلو
نحن من يدّك اليمين ليدّك الشمال يا نصري. بس إنت خلي طرفك فاتح. الأيام دي السخانة دشليون طبعاً. عرفك ما بتريد السخانة، غايتو يوم الأحد لو بقى سخانة نفر دي إلا نجي نشرب موية ليمون. إن شاء الله الدفار يكون مكيّف ؟
إستخلف الله يا راني. إنت الظاهر عليك ختيت في الجبادة طُعُم مضروب. غايتو نحن شهادتنا في المنصور لا يُعتد بها، والراجل يكفي إنو عندو سابق معرفة بالمرحوم حميّد. يعني حميّد زاتو كان عارف المنصور وبيعرفو.
بصرآحة الرشة أنا كنت عايزا لصاحب البوست لأنو الأيام ديل سخانة تلحم وهو جنو، جن السخانة. كانت حا تعمل ليهو ترطيبة لكن آه...
Post: #45 Title: Re: منصور المفتاح إلقاء شعرى رائع لإحدى قصائد حميد Author: rani Date: 07-20-2012, 11:45 AM Parent: #44
Quote: إستخلف الله يا راني. إنت الظاهر عليك ختيت في الجبادة طُعُم مضروب. غايتو نحن شهادتنا في المنصور لا يُعتد بها، والراجل يكفي إنو عندو سابق معرفة بالمرحوم حميّد. يعني حميّد زاتو كان عارف المنصور وبيعرفو.
يا منصور إلقاء جميل... إتزكرته أيام جامعة القاهره الفرع...والمنتدي الأدبي... أنا ما إتكسرته معاكم بي هناك..... ومع إنك كنت مصاحب كل ناس الجبهه الديمقراطيه... أنا ما متذكره إني لاقيتك...حتى بعد الفيديو ده... قايتو كتلته قلب أختي بالشعر ده.....
