الصحفى ده متين يخلى السرقة ؟ وكمان عامل فيها حريف

Post: #1
Title: الصحفى ده متين يخلى السرقة ؟ وكمان عامل فيها حريف
Author: النصرى أمين
Date: 04-15-2012, 06:21 AM
Parent: #0

هذا العمود مسروق من اكثر من موقع
المصدر الاول

http://yemen-press.com/article2674.html

المصدر التانى

http://www.sawt-alahrar.net/online/modules.ph...le=article&sid=28097

Post: #2
Title: Re: الصحفى ده متين يخلى السرقة ؟ وكمان عامل فيها حريف
Author: النصرى أمين
Date: 04-15-2012, 06:27 AM
Parent: #1

حظك كدة....الايام دى زهج شديد و عدم موضوع
قلنا نقزقز شوية

Post: #3
Title: Re: الصحفى ده متين يخلى السرقة ؟ وكمان عامل فيها حريف
Author: حسام الدين بدوي أحمد
Date: 04-15-2012, 08:26 AM
Parent: #2

ههههههههههههههههههههههههههههههههههههاي
يا النصري (انشاء الله طوالي تكون زهجان وبتعاني من عدم الموضوع ؟!) بالله دا النور ؟! بدلة وكرفتة ورئيس التحرير دخل ورئيس التحرير طلع؟؟ بالله دا برضو ترزي؟؟ بتاع قص ولصق؟؟
حاجة تخجل لمن الزول يكون ما محترم وما بقدر عقول الناس, صحفيو السلق السريع و(لحيق السوق), لو ماعندو قدرة على الكتابة ماكان في داعي يورط نفسو للدرجة دي, ولو كان بيعاني من نقص في المواد كان من الافضل ليهو أنو ينشر كامل مقال الراجل ويحتفظ ليهو بي حقو الأدبي...
دا واقع الصحافة ودا الكرهنا الجرايد,, لكين طبعا النورفي دي بالغ عديل ,,, كان يشتغل بي نظرية باقي رؤساء التحرير والاقسام في الجرايدد البيلطشو لكن (بحرفنة) مواد المدربين, وحجتهم بتكون أنهم عدلو فيها شوية وسمكروها, وأنو أنت يا السيد المدرب ماعندك قيد صحفي وما بنقدر ننشر ليك مادتك, وبتعمل لينا مشاكل مع المجلس, والمادة جميلة عشان كدا أنا قلتا ما أضيعا وأنشرها ليك في زاويتي وبي اسمي عشان ما تضيع والقارئ يستمتع؟؟؟؟؟؟؟؟؟؟؟؟؟؟؟؟
ويا النصري, تاني لمن يكون ماعندك موضوع كلمنا .......؟!

Post: #4
Title: Re: الصحفى ده متين يخلى السرقة ؟ وكمان عامل فيها حريف
Author: ahmed akasha
Date: 04-15-2012, 09:08 AM
Parent: #3

متعودا دايمان
علي قول عادل امام

هذا المتصيحف يا النصري
تم ضبطه متلبسا عدة مرات
والارشيف يشهد
ولكن ماذا نقول
انه الرجل المناسب
في المكان المناسب في زمن الانقاذ
الا من رحم ربي

Post: #5
Title: Re: الصحفى ده متين يخلى السرقة ؟ وكمان عامل فيها حريف
Author: ناذر محمد الخليفة
Date: 04-15-2012, 12:31 PM
Parent: #4

تااااااني النور أحمد النور ههههههههه ..

الغريبة يا النصري النور أحمد النور دا ايام سرقاتو من موقع سويس أنفو وسرقتو مقال لي خالد عويس وكشفناها في المنبر دا هو ومعاهو زميلو في اللطش أبو بكر وزيري عمل اضان الحامل طرشا وأصلو ما قدر يكتب أي تعقيب أو رد على ادلتنا وأتهاماتنا مع أنو الزمن داك كان مدير تحرير جريدة الصحافة ، الزول دا قال انو هو من مؤسسي موقع سويس إنفو .. وهو ما عارف العالم بقى قرية .. طوالي قام الصحفي المصري رسل رسالة اتنشرتع هنا في المنبر قال هو مؤسس سويس إنفو ونهائي ما سمع بي كاتب معاهم اسمو النور أحمد النور ..!

في الأيامات ديك جيت جريدة الصحافة وكت الفطور وطلعت فوق المطعم للفطور .. كان معاي زول ولقينا فوق زول تاني بيفطر .. المعاي قال لي داك صحبك النور أحمد النور ..!

أنا طبعا ما بعرف النور أحمد النور وديك كان أول مرة اشوفوا .. إتغظت جدا لأنو كان بياكل بي نفس مفتوحة وبي كل شهية زي الكأنو ما عمل حاجة ..!

بالجد النور أحمد النور ووزيري ديل موضوعم منتهي ومن نوعية البتاكلم يديهم يقوموا يكابسوا قوقل ويبدوا في اللطش والقص واللصق ..

نسوي شنو عاد غير نسأل الله السلامة ..!!!

Post: #6
Title: Re: الصحفى ده متين يخلى السرقة ؟ وكمان عامل فيها حريف
Author: Frankly
Date: 04-15-2012, 12:45 PM
Parent: #5

حل بسيط للأستاذ النور أحمد النور يرفع عنه الحرج

يسمي "عموده"

حروف من هنــا وهنــاك

Post: #7
Title: Re: الصحفى ده متين يخلى السرقة ؟ وكمان عامل فيها حريف
Author: النصرى أمين
Date: 04-15-2012, 05:35 PM
Parent: #6

سلام حسام الدين
النور ده حظه زى الزفت ...الزهج حاصل..وعدم الموضوع حاصل... المنبر بطئ جدا
وما بفتح ...مشيت على الجرايد السودانية.....طبعا صفحة الاعمدة بس..
لمن قريت العمود بتاعه شعرت انو الكلام ده ما من راسو ولا من كراسو...
كلام كبار وبتاع زول مطلع شديد ومتابع تاريخ الجزائر بدقة...
دقيقتين قوقلة وانكشف المستور......
بعمل ليك مس كوول فى الزهجة الجاية

Post: #8
Title: Re: الصحفى ده متين يخلى السرقة ؟ وكمان عامل فيها حريف
Author: النصرى أمين
Date: 04-15-2012, 05:53 PM
Parent: #7

سلام احمد عكاشة
اتخايل لى انو النور احمد النور كان مدير تحرير وقتها وما اظن
انو لازم يكتب فى الصحيفة التى يدير تحريرها لكنه براهو بدور يتشوبر
وفى كل مرة يدفع التمن ...يعنى فى حساباته لو اتقبض مرة كل عشرة مرات
فالنسبة فى صالحه .... لو اتغيرت النسبة واصبح يتقبض مرة فى كل عمودين
فهنا احتمال يغير حساباته

Post: #9
Title: Re: الصحفى ده متين يخلى السرقة ؟ وكمان عامل فيها حريف
Author: النصرى أمين
Date: 04-15-2012, 06:00 PM
Parent: #8

الزمن داك يا ناذر كنا ماخدين الموضوع جاد جدا ..زعلانين واقفين لمبه
كيف لجريدة محترمة ترضى لنفسها ان تكون فى الموقف المخجل ده..
دلوقت انا شخصيا ماخد الموضوع ضحك وونسة ساى لانو مافى شئ يستحق
يزعلو ليهو....لو قبضنا صحيفة الشرق الاوسط فى سرقة مماثلة كنا
وقفنا الدنيا على كراع واحدة ....لكن جماعتنا ديل مافى شئ يستحق يزعلو
ليهو .......

حسى لو تلميذ سرق مقال ولصقه فى الجريدة الحائطية بتاعت المدرسة
تفتكر حنزعل وننفقع !!!

بالعكس حنضحك ملء شدوقنا (الكلمة دى صاح)
خليك مع الزمن يا ناذر ...اضحك تضحك الدنيا لك

Post: #10
Title: Re: الصحفى ده متين يخلى السرقة ؟ وكمان عامل فيها حريف
Author: النصرى أمين
Date: 04-15-2012, 06:03 PM
Parent: #9

سلام فرانكلى
العمود اسمه حروف ونقاط

الحروف منه ....والنقاط منهم .....

Post: #11
Title: Re: الصحفى ده متين يخلى السرقة ؟ وكمان عامل فيها حريف
Author: ناذر محمد الخليفة
Date: 04-15-2012, 06:08 PM
Parent: #10

الزعل كتلني ..

كتبت ليك مداخلة طوية وطشت مع بطء المنبر ..

كدي يا النصري عليك الله امشي لي موقع صحيفة أخر لحظة وشوف عمود ابو بكر وزيري بتاع الليلة ووديهو لي عمك قوقل .. لأنو الموضوع دا بالذات قريتو في حتة قبل فترة .. وشوف عمك قوقل رايو شنو ..

Post: #12
Title: Re: الصحفى ده متين يخلى السرقة ؟ وكمان عامل فيها حريف
Author: Abureesh
Date: 04-15-2012, 06:28 PM
Parent: #11

سلام النصرى
هسى لو عمل الكلام دا بين علامتين "xxxx" بس كان اتفادى زهجك دا..

Post: #13
Title: Re: الصحفى ده متين يخلى السرقة ؟ وكمان عامل فيها حريف
Author: نيازي مصطفى
Date: 04-15-2012, 06:38 PM
Parent: #11

هاك يا ناذر شوفوا في الصفحة دي منشور من السنة الفاتت :)
http://www.banimalk.net/vb/banimalk156526/

الناس ديل ما اظن عارفين ان قوقل دا فضيحة
تحياتي يالنصري يازول خليك في موضوع اللوزرز احسن من دبل اللوزرز ديل .:)

Post: #14
Title: Re: الصحفى ده متين يخلى السرقة ؟ وكمان عامل فيها حريف
Author: تبارك شيخ الدين جبريل
Date: 04-15-2012, 07:30 PM
Parent: #13

تاني ناس قناة الجزيرة يجيبوا محلل سياسي محترم من وين؟

بعد حرامي الغفلة دا ما انفضح؟

(حقو يتصلوا بى "دينق"! ... كمحلل سياسي اجنبي!)

... المهم ....

Post: #15
Title: Re: الصحفى ده متين يخلى السرقة ؟ وكمان عامل فيها حريف
Author: النصرى أمين
Date: 04-15-2012, 10:49 PM
Parent: #14

صدقنى يا ناذر مافى شئ بستاهل الزعل....
الناس دى منتهية والبلد زاتية منتهية ..المعايير مقلوبة....
بلد السرقة فيها تتم برضا ورعاية ودعم رجال الدين ,,,تتوقع شنو يعنى...
ما يفعله امثال النور احمد النور لا يستحق اكثر من الضحك والقرقرة لا اكثر
ولا اقل ,,,,

برضو بالمناسبة دى ...لازم وانت بتكتب اى مداخلة تضغط عليها بالماوس اليمين
وتعمل
select all

and

copy

وتواصل الكتابة ...كل تلاته اربع سطور تعمل كدها عشان تضمن مجهودك ما يضيع.
برضو لمن تضغط على "اضف رد" لازم تحاول عدة مرات لغاية ما تلفق معاك ....

بالنسبة لوزيرى قرات العمود بتاعه لكن وبصراحة شديدة اعترف انه حريف جدا جدا
لقيتو لافح كم سطر هنا وهناك لكن ما قدرت اظبطه بالبينة ....له التحية على المجهود
الجبار على اخفاء السرقة ..ده الشغل ولا بلاش ....ودى الصحافة ولا بلاش .....
ا

Post: #16
Title: Re: الصحفى ده متين يخلى السرقة ؟ وكمان عامل فيها حريف
Author: محمد قسم الله محمد
Date: 04-15-2012, 10:54 PM
Parent: #15

كشفتا حالو ..
رئيس تحرير بجلالو ؟؟!!!!!!!!!!!!!!!!!!!!!!!!!!!!!!!!!!!!!!!!!!!!!!!!..
النصري ..
أحييك والله.

Post: #17
Title: Re: الصحفى ده متين يخلى السرقة ؟ وكمان عامل فيها حريف
Author: النصرى أمين
Date: 04-15-2012, 10:57 PM
Parent: #15

سلام ابوريش
لو عمل كده طيب مجهود يروح ساى؟
الزول تعب ولتك العمود من مصادر متعددة..
احتمال يوم كامل شغال لتييك حتى تخرج المقالة متناسقة وانسيابية..
فى الاخر تتوقع منه ينزلها بدون ان تحمل اسمه ..
تكون ظلمته ظلم الحسن والحسين .....

الزول تعب واجتهد وقامر ...لكن للاسف مقامرته طرشقت وانفضح
بسبب زهجة لم تمهلنا كثيرا

Post: #18
Title: Re: الصحفى ده متين يخلى السرقة ؟ وكمان عامل فيها حريف
Author: النصرى أمين
Date: 04-15-2012, 11:03 PM
Parent: #17

سلام نيازى
للاسف يا نيازى انا بهناك بقيت رابح و gainer بعدان كنت خاسر
لشهور طويلة ....
ندعو من ربنا العلى القدير يبقينا loser بعد ده ويدخلنا فى زمرة الخاسرين
ناس العوض وغباشى .....

تعال لينا بهناك محتاجين دماء جديدة تشعلل المنافسة

Post: #19
Title: Re: الصحفى ده متين يخلى السرقة ؟ وكمان عامل فيها حريف
Author: النصرى أمين
Date: 04-15-2012, 11:05 PM
Parent: #18

سلام تبارك

بلاى هو شغال مع قناة الجزيرة !
سبحان الله

Post: #20
Title: Re: الصحفى ده متين يخلى السرقة ؟ وكمان عامل فيها حريف
Author: النصرى أمين
Date: 04-15-2012, 11:11 PM
Parent: #19

سلام محمد قسم الله

الموضوع ده قديم جدا (6 او 7 او 8 سنين) وعمل ضجة كبيرة فى المنبر وقتها ..نحن كنا
ماخدين الموضوع جد ....انا شخصيا كنت زعلان لمن داير انفقع ..
حصل مرة واحدة اعتذار من احدى الصحف وتم سحب المقال,,

فى النهاية الموضوع بقى كتير وممل والناس فقدت الشهية لمتابعته مما شجع اللصوص
لمواصلة اعمالهم الاجرامية ,,,,

انا عملت الموضوع ده الان قزقزة ساكت وقتلا للوقت

Post: #21
Title: Re: الصحفى ده متين يخلى السرقة ؟ وكمان عامل فيها حريف
Author: حسام الدين بدوي أحمد
Date: 04-15-2012, 11:16 PM
Parent: #7

تسلم يا النصري وأنا لسة مستني مسكول من زول عزيز..
طبعاً أنت كشفتا لي السر وأنا تاني أي عمود بلقى فيهو كلام كبار كبار بجري بيهو على قوقل طوالي

Post: #22
Title: Re: الصحفى ده متين يخلى السرقة ؟ وكمان عامل فيها حريف
Author: النصرى أمين
Date: 04-15-2012, 11:23 PM
Parent: #21

سلام حسام الدين
اقتراح للصوص ديل يساعدهم على اكمال الجريمة الكاملة...
المقالات المسروقة (والملتكة) ينشروها فى الصفحة الورقية والمقالات
السليمة تنزل فى النسختين الورقية والالكترونية ......

ربنا يسامحنا ....

Post: #23
Title: Re: الصحفى ده متين يخلى السرقة ؟ وكمان عامل فيها حريف
Author: النصرى أمين
Date: 04-16-2012, 11:16 AM
Parent: #22

Post: #24
Title: Re: الصحفى ده متين يخلى السرقة ؟ وكمان عامل فيها حريف
Author: النصرى أمين
Date: 04-17-2012, 11:35 AM
Parent: #23

آآآآىىىىى لايييوووق

Post: #25
Title: Re: الصحفى ده متين يخلى السرقة ؟ وكمان عامل فيها حريف
Author: Frankly
Date: 04-19-2012, 11:57 AM
Parent: #24

أها الجديد شنو؟؟
اعتذر ولا ما اعتذر؟؟

Post: #26
Title: Re: الصحفى ده متين يخلى السرقة ؟ وكمان عامل فيها حريف
Author: النصرى أمين
Date: 04-19-2012, 06:47 PM
Parent: #25

اعتذار شنو يافرانكلى....

الصحفى والصحيفة وادارة الصحيفة املهم كله
انو البوست ده يختفى من الوجود....

عشان كده وكييييييه ليهم حاظل ارفعه لمدة
3 اسابيع وبعد داك بفكهم عكس الهواء

Post: #27
Title: Re: الصحفى ده متين يخلى السرقة ؟ وكمان عامل فيها حريف
Author: النصرى أمين
Date: 04-25-2012, 04:28 AM

نرفع البوست للمرة قبل الاخيرة

Post: #28
Title: Re: الصحفى ده متين يخلى السرقة ؟ وكمان عامل فيها حريف
Author: سجيمان
Date: 04-25-2012, 05:18 AM
Parent: #27

النصري ازيك

مسكين النور.... ما عندو تلفون لي بكري ولا واسطة في المنبر يضرب لي بكري تلفون ويقول ليهو وقف الناس ديل في حدهم

لو عندو..... يا زول يطلعو ليك زولك الكاتب المقال دا اكبر حرامي.....وهو السارق المقال..... وعيييييييك... يجوك الطمبارة..انت شن عرفك ؟وزولك الكاتب المقال دا شن عرفو؟؟؟ !!!!!

والله شنو يا نازر؟ ..النضم شرحو لوزيري......

Post: #29
Title: Re: الصحفى ده متين يخلى السرقة ؟ وكمان عامل فيها حريف
Author: النصرى أمين
Date: 04-25-2012, 05:34 PM
Parent: #28

سلام يا دكتور

كلامك صاح ....لو عندك شلة هنا فى المنبر حيجو يدافعو عنك حتى لو كنت غلطان لاخمص قدميك (سنة يا انا)

عشان كده لو داير تشاكل زول لازم تشوف "الطمبارة" فى الاول و تعمل حسابهم ,,,,,,,,

==========
وبهذه المداخلة رفعنا يدنا
تنفسوا الصعداء على قولة بشاشا

Post: #30
Title: Re: الصحفى ده متين يخلى السرقة ؟ وكمان عامل فيها حريف
Author: منتصرمحمد زكى
Date: 04-25-2012, 06:12 PM
Parent: #29

إحتمال نسى يكتب المصدر
مش إحتمال برضو ...

Post: #32
Title: Re: الصحفى ده متين يخلى السرقة ؟ وكمان عامل فيها حريف
Author: محمد قرشي عباس
Date: 04-25-2012, 06:27 PM
Parent: #30

Quote:
إحتمال نسى يكتب المصدر
مش إحتمال برضو ...

قصدك المصادر يا منتصر

إنت قايلو في سودانيو أون لاين و لا شنو

Post: #31
Title: Re: الصحفى ده متين يخلى السرقة ؟ وكمان عامل فيها حريف
Author: محمد قرشي عباس
Date: 04-25-2012, 06:20 PM
Parent: #29

Quote:
حظك كدة....الايام دى زهج شديد و عدم موضوع
قلنا نقزقز شوية

كويس ما توحد جهودك مع البروف أمين
و تعملوا شعبة كشف العلايف !!!

ياخ دي حكاية بتضحك قلوبنا الميتة دي فعلا ..
حقو الزول يطبع البوست ده و يمشي ليه في الجريدة يوزعه على كل العاملين
و يديهو نسخة خاصة مبروزة منو

غايتو الزول لو إتهموه في عليفة
يجي يتراجكم تثبتوا براءته !!

أطيب التحايا

Post: #33
Title: Re: الصحفى ده متين يخلى السرقة ؟ وكمان عامل فيها حريف
Author: منتصرمحمد زكى
Date: 04-25-2012, 07:41 PM
Parent: #31

Quote: إنت قايلو في سودانيو أون لاين و لا شنو

محمد قرشي سلامات
والله الواحد بقا يخش الموقع بالصدفة إنت وحظك
ياخ النصري ده عندو طولة بال مبالغة غايتو أحمد النور
شقاوتو شقاوة هسي تلقاهو ما عارف يكتب شنو في العمود الجاي والنصري بالمرصاد

Post: #34
Title: Re: الصحفى ده متين يخلى السرقة ؟ وكمان عامل فيها حريف
Author: طارق عمر مكاوي
Date: 04-26-2012, 03:10 AM
Parent: #33

أضافة
النور أحمد النور كان رئيساً لإتحاد الصحفيين في التسعينات .

شئ مخجل

Post: #35
Title: Re: الصحفى ده متين يخلى السرقة ؟ وكمان عامل فيها حريف
Author: باسط المكي
Date: 04-26-2012, 03:36 AM
Parent: #34

النصري سلامات
ياااخ ضحكت جد شكرا لزهجك
مبالغ لكن الزول اتاريه طالع في الكفر
ويضقل بينا سااكت

Post: #36
Title: Re: الصحفى ده متين يخلى السرقة ؟ وكمان عامل فيها حريف
Author: النصرى أمين
Date: 04-27-2012, 05:43 PM
Parent: #35

الاخوة منتصر
محمد قرشى
طارق مكاوى
باسط المكى

شكرا جزيلا على مروركم الكريم.....
اتخايل لى الزول ده وصحيفته اخدو نصيبهم تماما من العقاب
1500 شخص قرا البوست ..عشان كده اسمحو لى نرفع رجلنا من الابنص

تحياتى لكم جميعا

Post: #37
Title: Re: الصحفى ده متين يخلى السرقة ؟ وكمان عامل فيها حريف
Author: Nagat Sid Ahmed Elshiekh
Date: 04-28-2012, 03:21 AM
Parent: #36

Quote: الناس دى منتهية والبلد زاتية منتهية ..المعايير مقلوبة....
بلد السرقة فيها تتم برضا ورعاية ودعم رجال الدين ,,,تتوقع شنو يعنى...

دا الكلام .....
سلام يا النصرى لكن لقيتك خطير وانت زهجان .....
بالله أغطس فى قوقول وتعال لينا بالنجيضة فى كذبهم برضو.

Post: #38
Title: Re: الصحفى ده متين يخلى السرقة ؟ وكمان عامل فيها حريف
Author: munswor almophtah
Date: 04-28-2012, 03:53 AM
Parent: #37

النصرى ياخ إنتو ما سمعتو بالسرقات الأدبيه وجوازها

وكل شئ بى أدب ولكن لا تجوز إذا نقص ذلك الأدب

منصور

Post: #39
Title: Re: الصحفى ده متين يخلى السرقة ؟ وكمان عامل فيها حريف
Author: النصرى أمين
Date: 04-28-2012, 10:45 PM
Parent: #38

سلام نجاة
اكبر شئ غايظنى فى السودان حكاية السرقة البقت فى كل
مكان كدى ,,,, الحرامى والمرتشى والراشى هم الان الناس
التفتيحة .....
بينما الامانة بقت عوارة وتخلف
شكرا لثورة الانقاذ ومشروعها الحضارى

Post: #40
Title: Re: الصحفى ده متين يخلى السرقة ؟ وكمان عامل فيها حريف
Author: النصرى أمين
Date: 04-28-2012, 10:48 PM
Parent: #39

يامنصور
الناس البتكتب فى الصحف ديل مفروض يكونو
بوصلو فى رسائل للناس ..
رسائل تدعو للفضيلة والاجتهاد
----------------------------

يا اخوانا الروب