Post: #1 Title: فيلم سودانى ممتاز جدا جدا ويستحق المشاهدة Author: النصرى أمين Date: 01-24-2012, 08:00 PM Parent: #0
بالرغم من انه الواحد حارس اليوتوب 24 ساعة الا اننى لم اشاهد هذا الفيديو الا ليلة امس فى قووقل بلص....
فيلم من 9 دقائق..... اجمل حاجة فيهو الموسيقى التصويرية ...معبرة (ومخيفة)
شباب زى الورد يدونا احساس بالامل
عليكم الله شاهدو الفيلم لنهايته....
Post: #2 Title: Re: فيلم سودانى ممتاز جدا جدا ويستحق المشاهدة Author: النصرى أمين Date: 01-24-2012, 08:10 PM Parent: #1
الشباب ديل لو لقو الدعم والمساندة ممكن يحققو المستحيل وقيام سينما سودانية تجارية ...يدفع الناس من جيوبهم لمشاهدتها.....
>>>>>> هناك رواية تصلح مادة لفلم كتبها العزيز دكتور شهاب الدين طه
تحكى عن طفل صغير توفى والده وهو لم يتجاوز ال 5 سنوات تزوجت امه من رجل اخر يعمل جزار ...اضطر الطفل ان يعمل فى الجزارة كل يوم يذهب بعدها للمدرسة حيث يواجهه كل انواع السخرية من زملاءه واساتذته بسبب ريحة الجزارة فى ملابسه... اصر الولد على مواصلة الدراسة رغم الصعوبات ....... نكتفى بالقدر ده والداير يمشى يدفع من جيبه ويشاهد الفيلم
Post: #3 Title: Re: فيلم سودانى ممتاز جدا جدا ويستحق المشاهدة Author: النصرى أمين Date: 01-24-2012, 08:14 PM Parent: #2
نفسى زمان اعمل فى مجال السينما وانقل حياة الناس لصور مرئية ...لكن دقت فى العراضة و قريت محاسبة....
Post: #4 Title: Re: فيلم سودانى ممتاز جدا جدا ويستحق المشاهدة Author: محمد زكريا Date: 01-24-2012, 08:26 PM Parent: #2
ابداع والله فى كلخه تصوير موسيقى تمثيل اخراج ديل منو ديل وقاعدين وين؟
فى البدايه لمن العربيه جات ماره جنب الجامع ومشت فو قلت خلااص ياهو زى الافلام الحايمه فى اليوتوب كلها دين وتخويف من الموت ويوم الحساب ووو قلت ياخ اجّر الشريط واشوف نهايتو لكن صبرت زى ما انت قلت لينا وتابعت بصبر عجيب فكرتو حلوه وملعوبه وغير متوقعه تعجبنى الافلام الما بتتوقع الاحداث المتتابعه فيه
======================= شباب انتوا كده ميه الميه عليكم الله المزيد المزيد
Post: #5 Title: Re: فيلم سودانى ممتاز جدا جدا ويستحق المشاهدة Author: النصرى أمين Date: 01-24-2012, 08:33 PM Parent: #4
شباب زى الورد يا محمد اتخيل لو لقو مستثمر واداهم مثلا 100 الف دولار لانتاج فيلم سودانى .......
الشباب ديل محتاجين للدعم ...مادى ومعنوى ..... ربنا بس يبعد عنهم المحبطين والذين يبخسون للناس اعمالهم
غايتو لو فى طريقة نساعد ايميلى فى البروفايل ولو عايزين يشاركو بيهم فى فعالية كندية ممكن برضو نساعد .....
Post: #7 Title: Re: فيلم سودانى ممتاز جدا جدا ويستحق المشاهدة Author: ASHRAF MUSTAFA Date: 01-24-2012, 09:16 PM Parent: #5
Post: #11 Title: Re: فيلم سودانى ممتاز جدا جدا ويستحق المشاهدة Author: النصرى أمين Date: 01-24-2012, 10:37 PM Parent: #9
سلام اشرف شكرا على الرابط ,....قرأت القصة هناك,,, فى شبه كبير بين الحادثتين...اعتقد اننى سمعتها براوية سودانية منذ زمن بعيد(لكن نسيتها بمرور الزمن) وحقيقة فوجئت ان الفيلم مبنى عليها..........
Post: #12 Title: Re: فيلم سودانى ممتاز جدا جدا ويستحق المشاهدة Author: النصرى أمين Date: 01-24-2012, 10:44 PM Parent: #11
سلام هجو هل تصدق انى اندمجت مع الفلم لدرجة انى اتخلعت فى المنظر بتاع الزول ببول وفجاة سمع صوت ..... الظاهرالمكنة خفت .....
Post: #13 Title: Re: فيلم سودانى ممتاز جدا جدا ويستحق المشاهدة Author: النصرى أمين Date: 01-24-2012, 10:48 PM Parent: #12
سلام استاذنا الموصلى طالما الفيلم عجبك معناتها الاولاد ديل مبدعين جد..... ياريت لو علقت على الموسيقى التصويرية خاصة المؤثرات الصوتية....
Post: #14 Title: Re: فيلم سودانى ممتاز جدا جدا ويستحق المشاهدة Author: النصرى أمين Date: 01-24-2012, 10:51 PM Parent: #13
سلام احمد ياخ انا اكتر زول قنعان من حال السينما والدراما فى السودان (الحقيقة قنعان من كل حاجة فى زمن الانقاذ)
لكن التسعة دقائق دى ادتنى امل .....
Post: #15 Title: Re: فيلم سودانى ممتاز جدا جدا ويستحق المشاهدة Author: النصرى أمين Date: 01-24-2012, 11:04 PM Parent: #14
سلام يا محمد الظاهر كورتنا فكت بقينا نبيض فى الكور هنا وفى اليوتوب...
لكن معتز بالغ !!! ياخ ده عنوان يعملو "فيلم سودانى" لو ظبط العنوان كان المشاهدة بقت بالاف ,,
البورد ده العنوان بلعب دور جوهرى .... عشان كده العنوان المثير مهم لكن يجب استخدامه بحذر شديد .... واى واحد abuse الخاصية دى حيفقد المصداقية وتانى اى عنوان يعملو الناس ما حتخش لانها قنعانة انو مافى شئ وراء العنوان المثير وفى النهاية الزول يبقى زى محمود والنمر النمر....
عنوانى المثير ده يناسب محتوى البوست (الفيلم) واى زول يخش ما حينخدع بعنوان زائف ......
معليش لللكشر ...
Post: #16 Title: Re: فيلم سودانى ممتاز جدا جدا ويستحق المشاهدة Author: الفاضل يسن عثمان Date: 01-25-2012, 00:14 AM Parent: #15
النصري يا مبدع
بصيص من الامل خرجت منه بمشاهدة الفيلم يقف ترياقا امام هذا البصيص, الامكانيات المالية وجذب رؤؤس الاموال. بالاضافة للافكار والجماعات التكفيرية. ويبقي غير ذلك. المستقبل مشرق للاجيال المتحفزة لابد من الجرأءة والمبادرة.
مودتي وامتناني
Post: #17 Title: Re: فيلم سودانى ممتاز جدا جدا ويستحق المشاهدة Author: النصرى أمين Date: 01-25-2012, 01:10 AM Parent: #16
سلام الفاضل نتمنى من العلى الكريم ان يحفظ هؤلاء الشباب من مكر الانقاذ و خبثها ....
اظن ان الفيديو مصور فى السعودية (حسب تعليقات احد القراء بخصوص لوحات العربية ) ايضا من صوت الاذان اظن انه سعودى...
بعد الشباب ديل من احباطات الانقاذ تدينا امل فيهم وفى ابداعاتهم ....
بالمناسبة الود المثل دور الملاك اجاد الدور بصورة معبرة جدا ...
Post: #18 Title: Re: فيلم سودانى ممتاز جدا جدا ويستحق المشاهدة Author: قيقراوي Date: 01-25-2012, 01:30 AM Parent: #15
سلامات يا مورتن يا فنان
Quote: ابداع والله فى كلخه تصوير موسيقى تمثيل اخراج ديل منو ديل وقاعدين وين؟
فى البدايه لمن العربيه جات ماره جنب الجامع ومشت فو قلت خلااص ياهو زى الافلام الحايمه فى اليوتوب كلها دين وتخويف من الموت ويوم الحساب ووو قلت ياخ اجّر الشريط واشوف نهايتو لكن صبرت زى ما انت قلت لينا وتابعت بصبر عجيب فكرتو حلوه وملعوبه وغير متوقعه تعجبنى الافلام الما بتتوقع الاحداث المتتابعه فيه
اتفق معاك في الجزء الاول ..
(الفكرة) او قول القصة ما جديدة .. شاهدتها برواية مصرية، كوميدية كمان .. و ما كانت عضم الفلم .. مشهد عابر ساي!
باقي الشغل مية مية لكن النسخة المصرية اظبط بالنسبة لي كمتذوق .. امكن لانها كانت مضحكة هناك!
تحياتي لك و لصاحب الدار
Post: #19 Title: Re: فيلم سودانى ممتاز جدا جدا ويستحق المشاهدة Author: النصرى أمين Date: 01-25-2012, 05:01 AM Parent: #18
سلام قيقراوى بئتنا السودانية مليانة بالاف القصص التى تصلح مواد لافلام قصيرة.... حكاوى الحبوبات ....الاساطير...الشخصيات التراثية (ودابزهانة..ودنفاش الخ) حكاوى البادية والارياف ....امدرمان.... وغيرها .... كل الدايرنو ...شباب مجتهد يغوص فى المواد دى ويطلع بالمفيد منها فى اعمال
اقل حاجة نعملها انو نشجعهم وندعهم
Post: #20 Title: Re: فيلم سودانى ممتاز جدا جدا ويستحق المشاهدة Author: MOHAMMED ELSHEIKH Date: 01-25-2012, 05:17 AM Parent: #19
فوق لغاية ما نرجع البيت نشاهد الفلم
هنا شغالين زي صاحبك قيقراوي "محجوبون"
Post: #21 Title: Re: فيلم سودانى ممتاز جدا جدا ويستحق المشاهدة Author: النصرى أمين Date: 01-25-2012, 05:22 AM
سلام محمد اهم شئ تشاهد بمزاج وبدون ملاوزات ,,,, الفيلم كلو 9 دقائق ومافيهو كلام كتير.....
شاهد وادينا رائك.... منها نسمع رائك ومنها ترفع البوست
Post: #22 Title: Re: فيلم سودانى ممتاز جدا جدا ويستحق المشاهدة Author: نادر Date: 01-25-2012, 07:40 AM Parent: #21
سلامات يا النصري فلم جميل جداً وممتع، والممثلين ديل خطيرين مابدوك احساس انهم بمثلوا زي جماعتنا إياهم. الفلم ده مصوّر في السعودية، لأنو رقم السيارة رقم سعودي، وشكلو في المنطقة الشريقية والله أعلم. ----------------- إجازتك نستعوض الله عليها ولا كيف؟ :)
Post: #23 Title: Re: فيلم سودانى ممتاز جدا جدا ويستحق المشاهدة Author: مصطفى توفيق Date: 01-25-2012, 09:23 AM Parent: #22
بصراحة الفيلم فكرته رائعة جدا وفيه رسالة حتى لو كانت القصة حقيقية فيه اثارة وتشويق وفى النهاية طبعا بقت خدعة وحيلة على صاحب السيارة المسكين ورهبة من الموت
Post: #24 Title: Re: فيلم سودانى ممتاز جدا جدا ويستحق المشاهدة Author: رانيه محمد الشيخ Date: 01-25-2012, 09:50 AM Parent: #23
بالجد الفيلم روعه حد الاندهاش
Post: #25 Title: Re: فيلم سودانى ممتاز جدا جدا ويستحق المشاهدة Author: النصرى أمين Date: 01-25-2012, 05:27 PM Parent: #24
سلام نادر جماعتنا ديك عندهم التكلف والتصنع..لو الواحد داير يمثل انو خايف تلقى تعابير الوش تتحرك زى الضارباها كهربة... دايما تحس انهم بمثلو وما بتقدر تتفاعل معاهم .....
فى الفيلم فى لقطة عجبتنى جدا ...لمن ملك الموت كان بعاين فى الساعة وبختها فى اضانه..... اظن انها لقطة ذكية جدا ومعبرة
----------
والله يا نادر قاعدين على اعصابنا والتلفون معاى 24 ساعة منتظر الخبر من الوكالة .....يمكن بعد دقيقتين ويمكن بعد اسبوعين... ياخى بلدكم صعبة خلاص ..... ادعو لينا ربنا يسهل .....
Post: #26 Title: Re: فيلم سودانى ممتاز جدا جدا ويستحق المشاهدة Author: النصرى أمين Date: 01-25-2012, 05:34 PM Parent: #25
سلام مصطفى توفيق من البروفايل عرفت انك اعلامى تلفزيونى شهادتك قلادة فى عنق هؤلاء الشباب وتحفيز ليهم..... شكرا ليك
Post: #27 Title: Re: فيلم سودانى ممتاز جدا جدا ويستحق المشاهدة Author: النصرى أمين Date: 01-25-2012, 05:50 PM Parent: #26
سلام رانية الفيلم جميل ومشوق.... حضرتو قبل شوية وانتبهت لمنظر لاول مرة..... اثناء الاذان السايق رفع زجاج العربية تعبيرا عن الضيق.... وصوت الاذان faded away حركة ذكية من المخرج ساعد على بناء تسلسل منطقى لرد فعل السائق ....
Post: #28 Title: Re: فيلم سودانى ممتاز جدا جدا ويستحق المشاهدة Author: النصرى أمين Date: 01-26-2012, 08:47 AM Parent: #27
الفيلم بالتاكيد يستحق الالف نقرة فوق
Post: #29 Title: Re: فيلم سودانى ممتاز جدا جدا ويستحق المشاهدة Author: النصرى أمين Date: 01-27-2012, 09:37 AM Parent: #28