Post: #1
Title: أين "" باب العزيزية """ السودانية ؟
Author: النصرى أمين
Date: 08-22-2011, 09:11 AM
Parent: #0
باب العزيزية
باب العزيزية: قاعدة عسكرية جنوب العاصمة الليبية طرابلس، وقد كانت المقر الرئيسي
للزعيم الليبي معمر القذافي، وفيها بيته إلى جانب عدد من الثكنات العسكرية والأمنية،
حيث ترابط الكتائب التي يقود أغلبها أبناء القذافي شخصياً.[1]
باب العزيزية أقيمت هذه القلعة شديدة التحصين على مساحة ستة كيلومترات مربعة في موقع
إستراتيجي جنوبي طرابلس لتكون قريبة من جميع المصالح الرسمية في العاصمة وبجوار
الطريق السريع المؤدي إلى مطار طرابلس, كما تتحدث بعض المصادر أن غرف التحكم
بجميع شبكات الاتصالات موجودة في هذه القاعدة.
وتعتبر قاعدة باب العزيزية أشد المواقع الليبية تحصينا على الإطلاق، فهي محاطة
بثلاثة أسوار إسمنتية مضادة للقذائف, إضافة إلى ضمها أكثر التشكيلات العسكرية و
الأمنية تطورا من حيث التدريب والتسليح.
نقلا من ويكيبيديا
مفروض الناس تجهز لكل الاحتمالات فالثورات يبدو انها """تقوم""" فجاة
وبدون مقدمات ....
|
Post: #2
Title: Re: أين "" باب العزيزية """ السودانية ؟
Author: النصرى أمين
Date: 08-22-2011, 09:14 AM
Parent: #1
مفروض الناس تعمل حسابها ولاتظن ان الكيزان يحبون المال فقط ...
|
Post: #3
Title: Re: أين "" باب العزيزية """ السودانية ؟
Author: النصرى أمين
Date: 08-22-2011, 09:23 AM
Parent: #2
عندما يثور الشعب ..اين ستختفى(وتحتمى) رموز الانقاذ؟
|
Post: #4
Title: Re: أين "" باب العزيزية """ السودانية ؟
Author: النصرى أمين
Date: 08-22-2011, 09:24 AM
Parent: #3
بالتاكيد حوش بانقا ليس فى الحسبان
|
Post: #5
Title: Re: أين "" باب العزيزية """ السودانية ؟
Author: النصرى أمين
Date: 08-22-2011, 09:26 AM
انا والله جاد جدا فى السؤال ...
فالثورة قادمة قادمة ...
الفقر والظلم عندما يلتقيان زى سالب وموجب الدنميت ...
بووووووووووووووم ...
|
Post: #8
Title: Re: أين "" باب العزيزية """ السودانية ؟
Author: Elhadi
Date: 08-22-2011, 09:33 AM
Parent: #5
النصري إزيك ورمضان كريم..
بالجد يا النصري أنا أرى في انتصار الثورة الليبية بالطريقة التي رأينا بأنه قد فتح أفق جديد للسودانيين
طريقة أخرى لقصم ظهر الطغاة والمتجبرين..
بالنسبة لسؤالك عن "باب العزيزية" فلا أرى لهم باب عزيزية بالمعنى الحرفي..
ولكنهم يعتمدون على أثارة مخاوف الشماليين من الثورات والمقاومة التي تدور في الهامش
ويدعمهم في ذلك بطريق مباشر أو غير مباشر قيادات حزبية شمالية "معروفة" ترى في انتصار الهامش خصم مما تعتقد أنه رصيدها التاريخي
|
Post: #6
Title: Re: أين "" باب العزيزية """ السودانية ؟
Author: دينا خالد
Date: 08-22-2011, 09:27 AM
Parent: #2
يا النصرى فى ليبيا اسمو باب
وفى السودان اسمو حوش ... بس ..
|
Post: #7
Title: Re: أين "" باب العزيزية """ السودانية ؟
Author: النصرى أمين
Date: 08-22-2011, 09:33 AM
Parent: #6
سلام دينا
اكيد قريتى اللقاء الصحفى مع البشير
*Quote: هل تتابع أوضاع السوق عبر التقارير الرسمية أم بشكل شخصي ومباشر؟
= أنا عايش وسط المجتمع، وعندي أهلى فقراء، ولكن واحد من المشاكل التى نخشى وقوعها
حديث البعض عن تدخل الدولة لدعم الأسعار، وهذا أسوأ حاجة يمكن أن تعملها الدولة وهذا
يعني الدعم غير المباشر وأنا أعتبره ظلما للفقراء وظلما للدولة لأنك تدعم الاستهلاك
والمستهلكين هم أصحاب الدخل العالي. أنا مثلا لو دعمت البنزين، فالذي يستخدمه هم أصحاب
السيارات من المستطيعين على حساب الفقراء. وإذا دعمت السكر من الذي يستخدم السكر
أكثر الفقير أم الغني. |
اذا الرئيس ما داير يساعد الفقراء بالدعم ...كان يديهم الكلمة الطيبة يتصبرو بيها ....
مش كان افضل لو قال انو الحكومة تسعى لرفع المعاناة عن الفقراء بدال الدراب البرمى فيهو ده...
|
Post: #9
Title: Re: أين "" باب العزيزية """ السودانية ؟
Author: النصرى أمين
Date: 08-22-2011, 09:41 AM
Parent: #7
سلام ياالهادى ...
جزء مقدر من ناس طرابلس (الخرطوم عندنا) بشوفو ان ناس بنغازى (ناس الهامش عندنا)
جايين للانتقام منهم ..وده سبب المظاهرات الهادرة التى ظهر فيها القذافى فى شوارع
طرابلس .....
الكيزان غالبا حيلعبو على ورقة العنصرية لحماية نفسهم ..طبعا ورقة امبريالية وصهيونية
اتحرقت و بقت ما بتشتغل بعد ان الناس كلها اكتشفت لعبهم بالدين,,,,,,
|
Post: #10
Title: Re: أين "" باب العزيزية """ السودانية ؟
Author: النصرى أمين
Date: 08-22-2011, 04:06 PM
Parent: #9
ايوة "باب العزيزية"" غالبا حيكون على شاكلة شايقى دنقلاوى زقاوى هدندوى شايقى الخ
|
Post: #11
Title: Re: أين "" باب العزيزية """ السودانية ؟
Author: Kabar
Date: 08-22-2011, 08:13 PM
Parent: #10
في البداية يا النصري عملوا واحد في بحري (كافوري و انت ماشي على حلة كوكو و المايقوما)..و اكتشفوا انو الباب ده محاط ببحر ازرق..يعني وكت الزنقة الهاربين ح يموتوا غرقا في بحر ازرق..اها قاموا فتشوا عن حتة تانية..و الغريبة زي باب العزيزية.. عملوا واحد جنوب الخرطوم في نواحي ضاحية جبرة..!
اما فكرة باب العنصرية.ز فهذه لن تجيب حقها.. لأنو كل من الطغاة المراحيم اعتمدوا عليها..و ما كفت تحميهم لمدة تلاتة ايام..!
البركة فيكم في ذهاب العملاق جاك ليتون..!
كبر
|
Post: #12
Title: Re: أين "" باب العزيزية """ السودانية ؟
Author: النصرى أمين
Date: 08-22-2011, 09:39 PM
Parent: #11
سلام كبر
رمضان كريم....
بعد الثورات الحاصلة فى المنطقة ..اكيد الكيزان بكونو متوقعين
شئ مشابه يحصل فى السودان ,,,بالتالى بكونو متحوطين ليهو ....
شكل الاحتياطات دى المحتاج ل insiders من المنشقين والتايبين والترابييين...
الثورة القادمة ستكون فى وسط الخرطوم (كالعادة) وسيتركز المتظاهرون فى منطقة الجامعة
وشارع الجمهورية ويكون مقصدهم القيادة العامة بحثا عن الرئيس والروؤس الكبيرة ...
سيظهر الدبابون لحماية الرئيس ...يستمر الوضع بضع ايام يستسلم بعدها بعد الحصول على ضمانات
بالحفاظ على امنه وامن اسرته ....
ناس عوض الجاز والمتعافى و كرتى ديل ما عندهم قضية ...من قولة تيت بسلمو انفسهم و بطلبو الامان لانهم
ناس قروش ودنيا ساكت ...
الله يرحمه جاك لايتون ..خسارة كبيرة ... ده السياسى الوحيد التحس بالصدق
فى كل كلماته ......غالبا بعد وفاته ستعود الافيال الكبيرة للسيطرة على الساحة السياسية ....
ونرجع للدجل والكضب بتاعهم .....
ربنا يكون فى عوننا ويعوضنا جاك لايتون بافضل منه
يارب ...
|
Post: #13
Title: Re: أين "" باب العزيزية """ السودانية ؟
Author: الزبير صالح الزبير
Date: 08-23-2011, 01:44 AM
Parent: #12
| Quote: الكيزان غالبا حيلعبو على ورقة العنصرية لحماية نفسهم ..طبعا ورقة امبريالية وصهيونية |
النصري انا قبل كدة نزلت بوست عن المعني دة ودخلوا الجماعة يتضاحكوا ساكت بدون اهتمام بالموضوع الحيوي دة
لو لم تخني الذاكرة
| Quote: أين باب العزيزية السودانية ؟ |
جنب السيركل لو بتتذكروا
|
Post: #14
Title: Re: أين "" باب العزيزية """ السودانية ؟
Author: النصرى أمين
Date: 08-23-2011, 05:39 AM
Parent: #13
سلام يا الزبير
ما شفت البوست بتاعك والله ...
الكيزان ديل ياالزبير ما مضمونين نهائى
يعنى ممكن يعملو اى حاجة لحماية نفسهم ومصالحهم...
وزى ما شايف ....الكضب ما يديك الدرب
الرئيس يكضب
ونائبه يكضب
ووزاءه يكضبون
وعلماءه يكضبون
الجميع يكضب ياالزبير والهدف واحد وهو حماية المصالح....
عندما تحصل الكعة ....الكضب ما بنفع .....
البنفعهم انهم يعملو فتنة كبيرة وفوضى حتى يهربو من المحاسبة...
طبعا اقصر طريق للفتنة هو باب العزيزية اقصد العنصرية ...
يا حليل السيركل
ما شايفك بهناك فى الفيس بووك
|
Post: #15
Title: Re: أين "" باب العزيزية """ السودانية ؟
Author: النصرى أمين
Date: 08-23-2011, 06:29 PM
Parent: #14
|
|