يسقط ..يسقط الفيسبوك...مرحب بالعملاق قوقل+

اخيرا وبعد انتظار طويل تحصلت على نسخة تجريبية من قووقل بلص Google plus
المنافس للفيسبوك ..
بالرغم من وضع اسمى فى قائمة الراغبين فى تجربة البرنامج الا اننى وحتى هذه اللحظة لم
استلم دعوة من قووقل حتى فاجانا الاخ بوش ببوست مفاجئ وضع فيه وصلة لتجريب البرنامج ....


للراغبين فى تجربة البرنامج يمكنهم الضغط على الوصلة ادناه وضمى الى قائمة المعارف (or whatever)
https://plus.google.com/i/H5oVCisTaLA:y4-bo45ygtA

Google+

وده البوست بتاع بوش
دعوة للاشتراك في قوقل بلس

من مجموع 150 خانة تبقت لى 132 فقط...
18 ذهبت فى الساعتين الاخيريتين....

اقعدو اتلفتو

كل سنة وإنت طيب
لوووول لووولين يا النصري
دي ما بشارة دي للجماعة إياهم ومن هم على شاكلتهم
..
قال قائل:
من لم يسقط بالفيسبوك
سقط بالقوقل بلس

سلام طه
عيد مبارك
خليهم يقعدو يتلفتو كده لمن يلقو روحهم قاعدين فى السهلة...
قووقل بامكانياتها الضخمة وسيطرتها الكاملة على الانترنت حتخلى ناس
الفيس بووك زى ناس ياهو زمان ....ما عارفين البعملوه ....

اهتف معى

يسقط يسقط الفيسبوك
دوان دوان الفيس بووك

يسقط الفيس بووك و كل منتجات Apple

هتاف مهم جدا
يسقط وندوز فستا Windows Vista

تسقط حكومة الانقاذ




















time to take a quick nap

Quote: https://plus.google.com/welcome?hl=ar

https://plus.google.com/welcome?hl=ar



الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

Quote: تسقط حكومة الانقاذ

هههههههههـ
ايوا قول كدا بنجيك

Quote: يسقط الفيس بووك و كل منتجات Apple

Quote: يسقط وندوز فستا Windows Vista

ماكيروسفت ذاتا Moved on ...ذى اجى هسى انا اقول تسقط حكومة نميرى

Quote: تسقط حكومة الانقاذ

ااامييين


تعرف يا النصرى انا طلتى كترت فى بوستاتك و هذا ان دل يدل على انك بقيت مع عندك موضوع.
المهم...صديق عزيز جدع لى دعوة لقوقل + قبل حوالى شهر. و لحدى الان قاعده اتلفت فيه. اصحابى (ناس السودان بالذات) ابو يرحلوا من الفيس بوك. و بينى وبينك ما فى شيء بيخليهم يرحلوا. فى شنو هسي يخلى قوقل + افضل من فيسبوك????
_______________________________
بطل حسادة على ابل و منتجاتها (يا كندى)

مزيد من الدعوات
https://plus.google.com/i/i__eGHdfBwM:i5UPp5G1yT4
يسقط
ويسقط
ويسقط

شكرا يا الشايقى على الوصلة
ولنتهتف لا عاش من يفصلنا من قووقل+

ايوة يا فيصل الانقاذ دى الزول لو ما جاب سيرتها ما برتاح

والله يااسمارت جملتك دى غياظة بشكل

Quote: صديق عزيز جدع لى دعوة لقوقل + قبل حوالى شهر. و لحدى الان قاعده اتلفت فيه

انا لى كم شهر منتظر دعوة من قوقل لتجريب البرنامج ..اصلو انا قووقلانى..
ايميل من قووقل..
حسابى فى يوتوب قديم وعندى فيديوهات بتدخل قروش .....
عدم اشتغال قووقل بى حارقنى شديد .....
والبغيظ اكتر انو مافى اى زول من اصحابى او معارفى وصلتو الدعوة للبرنامج ....


يا اسمارت ....عملية زمن بس والناس ترحل من الفيسبوك لقووقل+
امكانيات قووقل اضعاف امكانيات شركة الفيسبوك وحتما وفى النهاية
قووقل حتدمج كل برنامجها فى قووقل+
يعنى تانى قووقل earth تكون شغالة مع قووقل live chat وهكذا ....

غايتو انا رحلت العدة والعفش كلها بهناك والدايرنى من اصحابى يلقانى بهناك...


قبل يومين صاحبى عنده لابتوب داير تصليح لمن عرفت انو widnows vista رفضت
اصلحو ليهو وقلت ليهو اكل نارك ......من هنا جاء الهتاف بتاع down down windows vista


بالنسبة ل apple
بصراحة شديدة
I cannot afford it

Quote: امكانيات قووقل اضعاف امكانيات شركة الفيسبوك

ح اجيك راجعة براحة لباقي الكلام. لكن جملتك دي ما ح اقدر انوم لو سكت عليها.
أصحابك ناس قوقل دي ما اول مرة يحاولوا يخشو سوق المواقع الاجتماعية، و غلبهم. المرة دي جادين جداً ، و ح نشوف ح يحصل شنو
علي الإمكانيات..... جزء كبير جداً من فيسبوك مملوك لمايكروسفت. طبعاً عارف ان فيسبوك شركة خاصة و ما نزلت البورصة لسه. لكن ماكيروسفت already استثمرت فيها قروش مهولة.
و لو اتزنقوا شديد من قوقل ماكيروسفت بتطلع و شها القديم داك تاني.
الان قوقل بتشكي و تبكي من ان ماكيروسفت و ابل ( و أظن فيسبوك) متفقين عليها.

والله يا اسمارت انا ماشى الشغل لكن جملتك دى لازم ارد عليها قبلما امشى

Quote: جزء كبير جداً من فيسبوك مملوك لمايكروسفت

نسبة مايكروسف فى فيسبوك لاتزيد عن 2%....

الغريب انو انا اول مرة انتبه لحاجة فى الانترنت اسمها فيسبوك فى 2007
لمن قريت انو ميكروسفت اشتريت 2% من اسمهمها ..
من الوكت داك بدا اهتمامى بالفيس بووك ..كنت مشترك مع Myspace ونزلت كم بوست
عنهم لكنى ما كنت مقتنع بيهم

عيد مبارك علينا وعليكم .
قوقل بلس فعلا لديه امكانيات هائلة
- بريد جي ميل ... اساسي.
- حفظ المستندات في الموقع.
- حفظ الصور في الموقع مع امكانية الحجب عن الاصدقاء والمشاركة مع الاسرة ومن تختاره.
- فيديو بالمشاركة مع يوتيوب - مع امكانية المشاهدة مشاركة مع من تختاره من الاصدقاء وفي الوقت الحقيقي.
- الدردشة بالفيديو.، والدرشة العادية (كتابة) ومسنجر قوقل توك.
- خرائط قوقل إيرث.
- رسائل داخلية.
- ترجمة فورية من اي لغة الى الانجليزية (أي لغة حية في العالم).
- طبعا محرك البحث.
- اخبار - مع امكانية الفلترة ( حسب اهتمام الشخص).
- وغيرها الكثير - مدونات - اخبار اقتصادية - كتب - .... عد واغلط

فعلا سقط الفيسبوك! والميكروسوفت اتمقلب في اسكايب! ... لانها اشترت اسكايب لدمجها مع دردشة الفيسبوك! للاستفادة من الدعاية والاعلان فيها ... وقوقل سبقهم بدمج دردشة فيديو في بلس ...
والمدير التنفيذي للميكروسوفت غبي! ... تتذكروا مقولته السخيفة ( قال في الآي فون: تلفون بــ 500 دولار هذا غباء) واليوم يلهث للحاق بيهم.
فعلا المنافسة مفيد للمستهلك ... والقادم مذهل ... إندرويد سوف تشعل حرب الاتصالات. انا مبسوط، تتذكروا من اشترى موتورلا للاتصالات بــ 12.5 مليار دولار ولماذا ؟!؟!؟!؟ إنها قوقل!؟

مشكلة قوقل + حتكون انها تجذب ال750 مليون زول المسجلين في الفيسبوك(ده اخر رقم شفته، لكن اعتقد بكون زاد على كده بكتير)... الفرق الاكبر بين الاتنين هو انه القوقل مصمم عشان يراعي اكبر مشكلة في الفيسبوك وهي مسألة الخصوصية.. يعني مثلا لما تكون عايزه تكتب status في فيسبوك... صعب تتحكم (ده زمان) في انه منو يشوفه.. اي زول في قائمتك ممكن يقرا كلامك... الفكرة انه الزول يكون عنده اصحاب في قائمته، لكن عايز يحافظ على الحدود بينهم.. مثلا انا عايزه اكتب حاجات لعائلتي اصحابي ما يشوفوها.. وعايزه اكتب حاجات لزميلاتي عائلتي ما تشوفها... وبكده طلعت قوقل بفكرة الcircles.. وهي ببساطة انك تضع الناس في دواشر بحسب علاقتك بيهم.. وبكده بتعمل حدود وتتحكم في منو بشوف شنو... غايته دي بالنسبة للشعب السوداني ما ميزه ابداً، لانه شعب حتة الخصوصية دي ما مهمة عنده كتير.. واصلا السبب المخليهم قايمين في الفيسبوك بالشكل ده، الشمشره... قوقل+ بعداك عملت تحسينات شويه على امكانيات فيسبوك.. منها video and audio chat.. طبعا حبّة شمار وشطة من منتجاتهم الموجوده اصلاً.. وهكذا.. لكن ما متأكده انه ده كافي لإنه يجذب الناس من فيسبوك... خاصة انه فيسبوك بدت تدخّل تحسينات عشان تنافس... مثلاً إضافة audio chat بالشراكة مع skype... وبرضه قبل يومين شايفاهم اضافو طريقة لتخصيص منو يشوف الstatus بتاعك...

عندي حساب في قوقل+ من شهر تقريبا.. كل فترة بمشي اشوف في شنو واجرّب حاجاتهم.. على اي حال، لو في زول ممكن "يطيح" فيسبوك، فهم ناس قوقل... ننتظر ونشوف.. ونشجّع اللعبة الحلوة...

اظرف شي لاقاني، انه زاكربيرج بتاع فيسبوك عامل account في قوقل+..

و الله يا النصري كلامك صاح. تعرف أنا كنت عرفه ان ماكيروسفت عندها قروش في فيسبوك لكن ما كنت عارفه كم. لكن من شُكر مارك زكربيرق لماكيروسفت في اخر مؤتمر صحفي قلت ماكيروسفت أكيد عندها نص فيسبوك. طلع الموضوع حنك بيش.
سلامان يا بوش و كل سنة و انت طيب

Quote: ، تتذكروا من اشترى موتورلا للاتصالات بــ 12.5 مليار دولار ولماذا ؟!؟!؟!؟ إنها قوقل

Not yet
أكيد الصفقة ح تتم. لكن قبل كم يوم ال share holders في موترلا رفعوا قضية علي مجلس إدارتهم بسبب ان السعر المعروض قليل بالنسبة لقيمة موتولا لقوقل. ( لاحظ ما قيمة موتورلا في السوق، لان قوقل اصلا دفعت سعر 60٪ اعلي من قيمة موتورلا في السوق)
و أظن ان السبب الرئيسي لقوقول ان تشتري موتورلا هو البورتفوليو الكبير بتاع موتورلا من البترنس.
كلامك أكيد عن امكانيات قوقل، لكن أنا ما شايفه اي سبب يخليني ارحل ( الان) و الموضوع ببساطة انه أصحابي لسه في فيسبوك و ان ما في شيء بيتعمل في قوقل بلص ما بيتعمل في فيسبوك ( علي الاقل الان) ما عدا طبعا الفيديو الشات بتاع القروبات. و ده أحسن حاجه انه ما متوفر.
مع ان فيسبوك ما مقصر في العلانات، لكن الناس خائفه جداً من قوقل. معقول كل حياتي تكون تحت أصابع قوقل المعروف عنها انها ما بتتلفت في موضوع بيع ايميلاتنا و خصوصياتنا للمعلنيين؟؟؟؟ 

بنت الحسين واسمارت انا ... تقبل الله الصيام والقيام والصالح من الاعمال .. عيد مبارك.

الفيسبوك كانت بامكانه ان تقطع اشواط واشواط! ... وتخلي قوقل ما تفكر تدخل سوق الشبكات الاجتماعية لكنها تقاعست ثم ترهلت!، واصبحت الان تقلد قوقل بلس في تحسين المظهر واشياء اخرى ، يبدو ان كثير من ميزان قوقل بلس كانت مفاجاة للفيسبوك! فيما يخص الخصوصية! ما في موقع اجتماعي مجاني تحترم الخصوصية اصلا! لازم نفهم هذا قبل التسجيل ... اعيدوا قراءة شروط التسجيل!.
إسمارت في اشياء كثير موجودة في القوقل بلس وغير متوفرة في الفيسبوك - مثلا أهم أثنين بالنسبة لي - البريد - حفظ الملفات ، بالاضافة الى شيء خطير آخر وربما يجرجر قوقل في المحاكم في المستقبل القريب ... المتصفح قوقل كروم ... والخدمات المرافقة لها والتي لا تعمل في المتصفحات الاخرى : https://chrome.google.com/webstore

فيهو اشياء مفيدة جدة بالاضافة الى خدمة اسمها +1 ... وكل يوم في تحديثات جديدة .

الفيديو في الفيس بووك موجود قبل عشرة ايام تقريبا وجربتو..
الغريبة الأيقونة بتاعت الفيديو شكلها بس لحسابات ناس امريكا!!!!
اتكلمت مع أصدقائي في السودان الامارات كندا لكن انا البشوفهم بس!!
بت الحسين اجرب بعدين مع السعودية؟

الفيديو في الفيس بووك موجود قبل عشرة ايام تقريبا وجربتو..
الغريبة الأيقونة بتاعت الفيديو شكلها بس لحسابات ناس امريكا!!!!
اتكلمت مع أصدقائي في السودان الامارات كندا لكن انا البشوفهم بس!!
بت الحسين اجرب بعدين مع السعودية؟

شكرا النصرى امين وضيوفه على البوست
وكل عام وأنتم بألف خير.

هناك إقبال شديد للإنضمام لقووقل بلس. والدليل دعوة النصرى ال150 اكتملت.
تبقت دعوة عوض.
ودى كمان 150 دعوة. Google+

فى بلد مضطرب كالسودان، الإنضمام إلى الشبكات الإجتماعية سواء فى الفيسبوك أو قووقل بلس أمر أساسى
وليس رفاهية أو شىء كمالى.
خصوصا
-إذا وقعت الواقعة- (وهى قد إقتربت ولاحت نيرانها فى الأفق).

يا جماعة من هسي...اعذرونى على البرى الشديد
النصري

Quote: حسابى فى يوتوب قديم وعندى فيديوهات بتدخل قروش .....

ما شاء الله تبارك الله. (عشان ما تقول ح نقر)...انا لى زمن بفكر فى الموضوع ده و غلبنى القى فكرة مناسبة. الايام دى بنق فى زوجى يعمل حصص لطلاب الشهادة الثانوية بتاعة math ( الراجل كان مقفل الاضافية فى الشهادة الثانوية) و يختها مجانا فى يوتيوب منها يخدم الشعب السودانى ومنها انا اخت حسابى بتاع البنك الم لى قرشين تلاته

Quote: قبل يومين صاحبى عنده لابتوب داير تصليح لمن عرفت انو widnows vista رفضت اصلحو ليهو وقلت ليهو اكل نارك ......من هنا جاء الهتاف بتاع down down windows vista

صحبك ما نصيح...ناس السودان (زمن فستا كان طالع جديد) كانوا اول ما ارسل جهاز من هنا ليهم اول شيء بيعملوه بيشيلوا الفستا بره

Quote: بالنسبة ل apple بصراحة شديدة I cannot afford it

ما ضرورى تصطك get stuck بال data plan و مصاريفها. اشترى ليك جهاز من ebay او كريق لست و استعمله لما يكون فى WiFi بس. كتير من اصحابى عاملين كده

Quote: والله يا اسمارت انا ماشى الشغل لكن جملتك دى لازم ارد عليها قبلما امشى Quote: جزء كبير جداً من فيسبوك مملوك لمايكروسفت نسبة مايكروسف فى فيسبوك لاتزيد عن 2%....

You got me

سلامات تانى يا بوش

Quote: والميكروسوفت اتمقلب في اسكايب! ... لانها اشترت اسكايب لدمجها مع دردشة الفيسبوك! للاستفادة من الدعاية والاعلان فيها ... وقوقل سبقهم بدمج دردشة فيديو في بلس ...

ما اظن ان ماكيروسفت اشترت اسكايب عشان فيس بوك. اشترتها لروحها دى. و مع انى ما اندهش جدا من الصفقة (و بالمناسبة برضو ما تمت) لكن اندهشت لان سكايب كشركة حتى الان ما حصل عملت ارباح.

Quote: والمدير التنفيذي للميكروسوفت غبي! ... تتذكروا مقولته السخيفة ( قال في الآي فون: تلفون بــ 500 دولار هذا غباء) واليوم يلهث للحاق بيهم

غبى دى مش كتيرة شديد على زول وصل انه بقى مدير تنفيذى لماكيروسفت??? على كل حال كلامه ما كان غلط شديد. تلفونان Apple ما بقت main streem الا بعد اتفقوا مع AT&T و بقى التلفون مدعوم و بحوالى 200 دولار. انا مثلا مستحيل اشترى تلفون ب 500 دولار و كتيرين مثلى. و برضو الدليل على صحة تعليقه ان Apple الان بتفكر تعمل تلفون بمواصفات اقل شوية عشان تقدر تنافس نوكيا فى الصين و الهند و ماليزيا و العالم البهناك.

Quote: إسمارت في اشياء كثير موجودة في القوقل بلس وغير متوفرة في الفيسبوك - مثلا أهم أثنين بالنسبة لي - البريد - حفظ الملفات

الملفات صح. لكن انا شخصيا ما قدرت استفيد منها نهاى. الملفات البكون عاوزها معاى اغلبها ملفات Excel فيها Graphs و دى ما بتترفه فى موقعهم بصورة كويسة. غير انى شغالة فى شركة كبيرة كرهتها فى الدنيا نك ترفع فليلات من السيرفر بتاعهم (اسرار و كده) المهم قبل فترة قفلوا خاصية انك ترفع فايلات لقوقل.
البريد متوفر يا اخى فى فيسبوك من زمن طويل جدا جدا اكتر من 6 شهور على الاقل و اذكر انى نزلت بوست بهذا الخصوص فى الربع الللى قبل الفات

Quote: فيهو اشياء مفيدة جدة بالاضافة الى خدمة اسمها +1 ... وكل يوم في تحديثات جديدة

الفرق شنو بين +1 و {LIKE} بتاعة فيسبوك ?

Quote: قوقل+ بعداك عملت تحسينات شويه على امكانيات فيسبوك.. منها video and audio chat.. طبعا حبّة شمار وشطة من منتجاتهم الموجوده اصلاً.. وهكذا.. لكن ما متأكده انه ده كافي لإنه يجذب الناس من فيسبوك... خاصة انه فيسبوك بدت تدخّل تحسينات عشان تنافس... مثلاً إضافة audio chat بالشراكة مع skype... وبرضه قبل يومين شايفاهم اضافو طريقة لتخصيص منو يشوف الstatus بتاعك...

صحبتى مريوم ....اتفق معاك تماما....الناس دى اغلبها كسلانه و ما اظن يرحلوا قريب.
و بالمنسبة فى فيسبوك (من زمن طويل جدا) فى خاصية اسمها Lists بتخليك تختى الناس فى قوائم و ممكن تختى Status يشوفوه ناس قائمة معينة. فى الاسبوع الماضي اظن انه بقوا الموضوع اسهل شوية.
و بالمناسبة برضو ال chat بتاع فيس بوك صورة و صوت و قبل قوقل+ كمان . انا نزلت بوست بالموضوع ده فى بداية شهر سبعة
عاوز تبرى اصحابك فى الفيس بوك اكتر ??
و كلامك صح...ننتظر و نشوف.

Quote: اظرف شي لاقاني، انه زاكربيرج بتاع فيسبوك عامل account في قوقل+..

اظرف شيء لاقانى قريب فى لقاء مع بل قيتس ساله الصحفى اذا كان اولاده عندهم ipod . الراجل بكل مساخة قال لى الصحفى :"طبعا ما عندهم. اولادى ما محرومين عندهم حاجه اضل من ال ipod .عنهم Zune ...و ده منتج محترم جدا من مايكروسفت"
قلت لروحى تلاقى اولاده عندهم ipod s بالدس منه

Quote: الفيديو في الفيس بووك موجود قبل عشرة ايام تقريبا وجربتو

ازيك يا سارة...مشتاقين
الموضوع ه شغال من شهر سبعة يا خى. لكن احتمال كبير يكون شغال فى امريكا بس( الان)

Quote: فى بلد مضطرب كالسودان، الإنضمام إلى الشبكات الإجتماعية سواء فى الفيسبوك أو قووقل بلس أمر أساسى وليس رفاهية أو شىء كمالى.

سلامات د. امبده
ستخدام الانترنت بسيط جدا جدا فى الودان مقارنة بمصر مثلا


http://www.internetworldstats.com/images/africa2011top.gif

http://www.internetworldstats.com/stats1.htm

http://www.internetworldstats.com/list2.htm

Quote: اتكلمت مع أصدقائي في السودان الامارات كندا لكن انا البشوفهم بس!!

بالله واحد يكلم الاخت دي قول ليها عشان يشوفوك لازم يكون عندك كاميرا و تكون شغالة مش ديكور

يا اخوانا ماشاء الله
معلومات مفيدة جدا من الجميع

لغاية دلوقت عملت 89 Acquaintances

يسقط يسقط الفيس بوك

يا اخوانا والله البوست دسم والمداخلات غنية بالمعلومات
من الصعب على ان ارد على كل مداخلة (حسب اتوكيت البورد)
لكن الزول ممكن يلقط شوية من هنا وهناك...

تعرفى يا اسمارت ...
ناس قووقل براهم رسلو لى رسالة بيقولو لى مبروك ان تم اختيارى فى برنامج
الدعايات المدفوعة ...
انا عندى عشرات الفيديوهات فى اليوتوب ومعظمها 99% انا مصورها بنفسى لكن
للاسف ناس قووقل هم الاختارو ياتو فيديوهات حتكون فيها اعلانات ...
حتى الان عندى 2 فيديو داخلات فى برنامج الاعلانات ...
واحد بتاع فيديو البشير فى نيالا والتانى بتاع سيف الاسلام القذافى
للاسف ما فى ولا زول ضغط على الاعلانات البتظهر اسفل الفيديو وبالتالى
النقاطة ضعيفة جدا جدا زى 87 سنت لغاية حسى .....
طبعا ممنوع منع بات انو صاحب الفيديو يضغط على اعلاناته حتى ولو على سبيل التجربة
عشان كده مرات بضغط على اعلانات بكرى ابوبكر لانى دخلت الفلم ده قبل كده....

اعتقد فكرة فيديوهات تدريس الرياضات فكرة ممتازة فليس هناك شعور اجمل من الاحساس
بتقديم شئ مفيد للاخرين .....
بس اهم شى كامير HD ومونتاج للفيديو والصوت بطريقة محترفة وليست عشوائية .....
لو الفيديوهات نجحت ممكن يمشى السودان زيارات قصيرة بعد التعاقد بتدريس كورسات مكثفة
بمبالغ كبيرة جدا

google+ يُريد إسقاط النظام (الفيس بوك)

قوقلكم دا اشتركنا فيهو اها بعد دا نعمل شنو نتلفت مع البتلفتو

يسقط الفستا فعلا يسقط لانو عذبنى لحدى ماغيرتا لويندوز7

يا اسمارت وصلتنى الرسالة دى بالايميل من اخونا متولى فى فانكوفر
اخونا النصري لك كل التحايا من فانكوفر الجميلة.

Quote: اخونا النصري لك كل التحايا من فانكوفر الجميلة. طبعاً انا متابع البوست بتاعتك يسقط الفيس بوك وكده , مريت علي مداخلة من الاخت اسمارت بتطرح فكرة فيديوهات تدريس الرياضيات عن طريق زوجها , بس علي فكرة الفكرة دي معمول بها من سنة 2006 وصاحب الفكرة هو Salman Khan وهو من اصل هندي وله امكانيات عالية جداً في توصيل المعلومة وتبسيطها وله اكاديمية خان التعليمية وله موقع خاص في هذا الشأن وهذا هو الموقع www.khanacademy.org وهذا الموقع ذاخر بكل انواع الرياضيات من روضة الي calculus. وحقيقة اولادي استفادوا كتير جداً من هذا الموقع ونحن نعمل به منذ 2007. الظاهر الاخت اسمارت اقتبست الفكرة من هذا الموقع وعاوزه تطلع بالناس الجو. الرجاء ان تنشره في موقع بكري ابوصلعة والفايدة تعم الجميع وخاصة جيل المستقبل اولادنا ربنا يحفظهم. ودي واحترامي متولي فانكوفر الجميلة

رسالة مفيدة (ما عدا طلوع الجو)

403. That’s an error.
Your client does not have permission to get URL /fb/forms/googleplus from this server. (Client IP address: 197.540.1373)

You are accessing this page from a forbidden country. That’s all we know.

الخدمة غير مسموح بها داخل السودان
وكل منتجات قوقل
قوقل توك
وقوقل كروم
في إطار القاطعة الأمريكية

سلامات يا النصرى و سلامات لصحبك متولى.
اكيد سمعت بالهندى اللى بدا بالشرح لاولاد اخوانه و اخواته و بعدها بقى يشرح للعالم كلو. وقبله سمعت بالراجل اللى بدا الفيديوهات البفيديو بتاع how to tie a tie. و سمعت بكمية من الناس الى بتربح قروش كتيرة بفيديوهات How to عموما. و عشان كده (ذى ما كتبت فى البوست) كنت بفكر انى ممكن اعمل شنو. و لانى ما عندى اى موهبة فكرت فى زوجى و فكرت فى الرياضيات (لطلاب الشهادة الثانوية السودانية فقط). و يا متولى ياخى زوجى (لو شنو داك) ما ح يعمل ذى خان و quit his day job ...
الفكرة ما فكرتى(و برضو ما فكرة خان)..لكن هى فكرة منتشرة جدا جدا لدرجة انها ما بطّلع الجو.
Watch this interview with salman-khan, very interesting
http://www.colbertnation.com/the-colbert-repo...-02-2011/salman-khan

Quote: ما ضرورى تصطك get stuck بال data plan و مصاريفها. اشترى ليك جهاز من ebay او كريق لست و استعمله لما يكون فى WiFi بس. كتير من اصحابى عاملين كده

دى برضوا ما فكرتى...دى فكرة برضو منتشرة فى الانترنت

Anyway, I am getting out of this post, and yes, because I really got offended by your friend (Motwaly) remarks.
Thanks for the post anyway

يا اسمارت ..متولى ده ما عنده موضوع ...ما تشتغلى بيهو
بصراحة الموقع بتاع اكاديمية خان ده اول مرة اسمع بيهو...
جريت طوالى و اتصفحتو ...فعلا حاجة مهولة ...وملح .. مجانى ...
اكثر من 2400 فيديو تعليمى فى الرياضيات الفيزياء ,,احياء ..بنوك
مبالغة عديل...
دى ميزة سودانيزانلاين ..اى حاجة او فكرة اضافية عندى زول فى زول
تانى بحتاج ليها ...... الناس بتتبادل المعارف
انا مثلى اطفالى كلهم اتربو بلعبو بموقع رهيب رهيب
فيهو الالاف الالعاب والاغانى وبكل لغات العالم (ماعدا العربية)
الموقع اسمه "حتى سن العاشرة""
Up to Ten

http://www.uptoten.com
وامشو على الجزء المجانى ..



دى الوصلة الصحيحة لاكاديمية خان مش زى وصلة متولى المخستكة

http://www.khanacademy.org