Post: #1 Title: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى اراضيها Author: النصرى أمين Date: 10-13-2010, 03:20 AM Parent: #0
القصة طويلة ومعقدة وانا شخصيا ما فاهم تفاصيلها لكن الشئ المهم بالنسبة لى انو لكى نسافر للخليج علينا نحن سكان كالقرى البرتا السفر عبر 7 مطارات حتى نصل دبى ...
طيران الامارات والاتحاد يطالبون بزيادة سفرياتهم من والى كندا بحجة ان اكثر من 27 الف كندى يقيمون فى اراضيها وان حجم التعاون التجارى بين البلدين يتطلب زيادة عدد السفريات خاصة الى مدن مثل كالقرى(عاصمة صناعة البترول فى العالم) وفانكوفر ,,,,,
السلطات الكندية رفضت الطلب .... حكومة الامارات منعت طائرة وزير الدفاع النزول فى اراضيها وطالبتهم باخلاء القاعدة العسكرية فى ميراج ....
رجالة جد جد... حياك الله امير البلاد المفدى الشيخ زايد بن سلطان بن نهيان
Post: #2 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: النصرى أمين Date: 10-13-2010, 03:23 AM Parent: #1
Post: #3 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: talha alsayed Date: 10-13-2010, 03:26 AM Parent: #2
هكذا تكون ممارسة سيادة الدوله على اراضيها ومياهها واجواءها ولا بلاش
مش منبطحين زى ناسنا
شكرآ النصرى على اشراكنا فى موقف الامارات البطولى
دون ضجه
Post: #4 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: عبدالله ابوشوارب Date: 10-13-2010, 03:29 AM Parent: #1
الاخ النصري
تحية واحترام
Quote: حياك الله امير البلاد المفدى الشيخ زايد بن سلطان بن نهيان
Post: #5 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: فيصل نوبي Date: 10-13-2010, 03:43 AM Parent: #4
Quote: حياك الله امير البلاد المفدى الشيخ زايد بن سلطان بن نهيان
رحم الله الشيخ زايد بن سلطان آل نهيان
إبنه الشيخ خليفة بن زايد آل نهيان هو حاكم البلاد . الشيخ محمد بن راشد آل مكتوم حاكم دبي . و صاحب النصيب الاكبر في طيران الامارات .
_
Post: #6 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: عوض عبدالله طه Date: 10-13-2010, 04:03 AM Parent: #5
خيبة إماراتية بعد رفض كندا زيادة الرحلات الجوية
آخر تحديث:الاثنين ,11/10/2010
اعلن محمد عبدالله محمد الغفلي سفير الدولة لدى كندا في بيان حول المفاوضات الإماراتية الكندية بشأن الرحلات الجوية بين البلدين “إن دولة الإمارات أصيبت بخيبة الأمل لعدم التوصل إلى اتفاق بين البلدين بشأن زيادة الرحلات الجوية رغم المفاوضات المكثفة التي أجراها البلدان على مدى خمس سنوات معرباً عن أسفه لأن هذه العملية استغرقت وقتاً طويلاً وكانت محبطة للآمال”، مضيفاً أن الإمارات دخلت هذه المفاوضات بحسن نية وعلى أمل التوصل إلى حل من خلال طرح مقترحات بناءة على طاولة المفاوضات .
وقال: “الحقيقة أن هذا الأمر سيؤثر من دون شك في العلاقات الثنائية بين البلدين” .
وفي ظل الوجود النشيط لحوالي 200 شركة كندية في الإمارات فإن ست رحلات جوية في الأسبوع لشركات الطيران الإماراتية لا تخدم الاحتياجات الاقتصادية للبلدين أوتوقعات نمو العلاقات بينهما .
وأكد السفير في ختام بيانه “أن دولة الإمارات ستستمر في دعم نمو وتطور علاقات التجارة الدولية في مختلف القطاعات مع شركائنا وأصدقائنا حول العالم إيمانا منها أن ذلك يمثل الأساس لعلاقات استراتيجية قوية” . (وام)
Post: #7 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: النصرى أمين Date: 10-13-2010, 04:07 AM Parent: #6
الاخ طلحة
Quote: هكذا تكون ممارسة سيادة الدوله على اراضيها ومياهها واجواءها ولا بلاش
صدقت والله
Post: #8 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: النصرى أمين Date: 10-13-2010, 04:10 AM Parent: #7
الاخ عبدالله قيادة رشيدة وواعية ومدربة يضعون الرجل المناسب فى المكان المناسب
انا متاكد 100% ان كل افراد فريق التفاوض الاماراتى من المدربين المؤهلين وليس ناس قريعتى راحت ...
Post: #9 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: النصرى أمين Date: 10-13-2010, 04:13 AM Parent: #8
الاخ فيصل معذرة للخطا فى طباعة الاسم.. رحم الله الشيخ زايد فقد نجح فى بناء دولة حديثة ومتطورة
Post: #10 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: النصرى أمين Date: 10-13-2010, 04:16 AM Parent: #9
شكرا يا عوض على الرابط.. رائك؟
Post: #11 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: عوض عبدالله طه Date: 10-13-2010, 04:29 AM Parent: #10
Quote: شكرا يا عوض على الرابط.. رائك؟
تحياتي النصري
موقف شجاع وواثق من نفسه
المعاملة بالمثل وبحزم هي ما يفرض الإحترام وليس بتجميع الناس واخراجهم من أشغالهم ومكاتبهم ليتظاهروا ويحرقوا الصور والأعلام ثم ينبطحوا لمن حرقوا صورهم وأعلامهم
....
يمكن أن يكون الحدث ككل مرتبط بموضوع اجبار الشركة الكندية (بلاك بيري)
على الإنصياع لشروط الأمارات مع تهديد حاسم وحازم جداً بإيقاف خدماتها في الأمارات
....
Post: #12 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: Wasil Ali Date: 10-13-2010, 05:00 AM Parent: #11
كندا بررت موقفها بأن حكومة الأمارات تدعم شركات طيرانها مم يعطيها ميزة غير عادلة مع شركات الطيران الأخرى
Post: #13 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: عابدون محمد عابدون Date: 10-13-2010, 05:09 AM Parent: #12
Quote: رحم الله الشيخ زايد بن سلطان آل نهيان و إبنه الشيخ خليفة بن زايد آل نهيان حاكم البلاد .
رحم الله الشيخ زايد واسكنه فسيح جناته وفعلا كان رجل عظيم. يافيصل الشيخ خليفة بن زايد حى يرزق وهو حاكم البلاد الحالى .. معليش قد يكون خطأ فى الكتابة.
Post: #23 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: Gaafar Ismail Date: 10-13-2010, 08:52 AM Parent: #13
Quote: يافيصل الشيخ خليفة بن زايد حى يرزق وهو حاكم البلاد الحالى
أخي الفاضل عابدون الرحمة للحي والميت
تحياتي
Post: #25 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: فيصل نوبي Date: 10-13-2010, 09:51 AM Parent: #23
عذراَ تم تعديل النص شكراً للأخ عبدون و جزاكـ الله خيراً عم جعفر و ربنا يرحمنا و يرحمكم أجمعين.
Post: #14 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: Hassan Senada Date: 10-13-2010, 05:09 AM Parent: #12
مع العلم ان المدير التنفيذى لطيران الامارات كندى الجنسية
Post: #15 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: عابدون محمد عابدون Date: 10-13-2010, 05:09 AM Parent: #12
Quote: رحم الله الشيخ زايد بن سلطان آل نهيان و إبنه الشيخ خليفة بن زايد آل نهيان حاكم البلاد .
رحم الله الشيخ زايد واسكنه فسيح جناته وفعلا كان رجل عظيم. يافيصل الشيخ خليفة بن زايد حى يرزق وهو حاكم البلاد الحالى .. معليش قد يكون خطأ فى الكتابة.
Post: #16 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: عادل خياري Date: 10-13-2010, 05:44 AM Parent: #15
ليت قومي يعلمون
Post: #17 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: عادل خياري Date: 10-13-2010, 05:44 AM Parent: #15
ليت قومي يعلمون
Post: #18 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: عبدالرحمن الحلاوي Date: 10-13-2010, 06:53 AM Parent: #17
This is the UAE Not Sudan big country but nothing
Post: #19 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: Hisham Ibrahim Date: 10-13-2010, 07:00 AM Parent: #18
Quote: رحم الله الشيخ زايد واسكنه فسيح جناته وفعلا كان رجل عظيم.
Post: #20 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: Dr. Ahmed Amin Date: 10-13-2010, 07:17 AM Parent: #19
إنهم قوم يدرون ويدرون أنهم يدرون ..
فوق ... فوق ... إمارات فووووق
تم التعديل لإضافة الفيديو
Post: #21 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: Fathi Ali Mohammed Date: 10-13-2010, 07:22 AM Parent: #19
Quote: رحم الله الشيخ زايد واسكنه فسيح جناته وفعلا كان رجل عظيم
Post: #22 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: عثمان نواي Date: 10-13-2010, 08:39 AM Parent: #21
يا زول ديل العرب الجد جد ما في اوهام عباس ومنو كده ما عارف لا مشاريع حضاريه ولا بطيخ مشاريع اقتصاديه والتعامل بنديه بلا اي جعجعه نحي دولة الامارات العربيه
Post: #24 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: Hamid Elsawi Date: 10-13-2010, 09:38 AM Parent: #22
العزيز النصري تحياتي لك و للاسرة الكريمة
من كالقري و للامارات دون توقف
ح يهربوا ناس كتار خلاص من التلج و و و الخ
خليك متابع يا صديقي و أول ما يفتح الخط ده انا
ح احجز في أول سفرية.
ـــــــــــــــــ
و منتظرين دعوتك للفول المصلح و ح نصلح القعدة للفول المظبط
دمت بخير و عافية
Post: #30 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: النصرى أمين Date: 10-13-2010, 06:09 PM Parent: #22
الاخوان عابدون جعفر اسماعيل عادل خيارى عبدالرحمن الحلاوى هشام ابراهيم احمد امين فتحى على عثمان نواى شكرا جزيلا على مرورك الكريم
Post: #26 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: ود شاموق Date: 10-13-2010, 04:27 PM Parent: #12
Quote: كندا بررت موقفها بأن حكومة الأمارات تدعم شركات طيرانها مم يعطيها ميزة غير عادلة مع شركات الطيران الأخرى
دي سلفقة واحتيال وبلطجة فاضية، كندا ما يهندي قاعد تدعم في الأغذية والزراعة والمنتجات الحيوانية ياتو يوم الامارات قالت ليهم ما حندخل منتجاتكم لي بلدنا؟ القمح الكندي المالي سوق الامارات تفتكر لو ما الدعم القاعد تدعمو ليهو الدولة كان قدر ينافس ولا حتى يصل للشرق الأوسط؟ مرة أخرى، بلطجة وافتراء من دولة لا بتهش ولا بتنش وأتمنى أن يكون رد الامارات عليها مساوياً في الحجم ومعاكساً في الاتجاه، بلا كندا بلا لمة.
Post: #27 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: rani Date: 10-13-2010, 04:41 PM Parent: #26
دا طابور خامس...
كندا وبس بلا امارات بلا عرب بلا كلام فارغ...
وانت يالنصري طيب كندا دي المقعدك فيها شنو؟ ما تمشي الامارات وتبقي عبيد.
Post: #28 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: النصرى أمين Date: 10-13-2010, 06:01 PM Parent: #27
سلام عوض
Quote: يمكن أن يكون الحدث ككل مرتبط بموضوع اجبار الشركة الكندية (بلاك بيري)
تقصد شركة Rim ؟ احتمال برضو ...لكن اظنه احتمال ضعيف فشركة Research in motion عندنا تقريبا نفس المشكلة مع عدد اخر من الدول منها الهند ..... غالبا السبب يكون واحد عجوز مكعكع اسمه Air Canada لانها تخشى منافسة طيران الامارات والاتحاد فى السوق الاسيوى ..... مضيفات Air Canada لا يعرفن الابتسام ابدا واتخايل لى لانو وظايفن محمية ب نقابة العمال القوية بعطوك احساس انهن مجبورات عليك ...... اذا كنت داير تشعر انك فى احدى المصالح الحكومية السودانية فسافر Air Canada
Post: #29 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: النصرى أمين Date: 10-13-2010, 06:06 PM Parent: #28
ياواصل
Quote: كندا بررت موقفها بأن حكومة الأمارات تدعم شركات طيرانها مم يعطيها ميزة غير عادلة مع شركات الطيران الأخرى
وده سبب احترامنا لدولة الامارات .... الدولة تسعى جادة فى حماية ومساعدة مؤسساتها الوطنية.. ما تبيعها ولا بتفكها عكس الهواء... وما بتتاجر بيها ....
اليوم تقف فى وجه المصالح الكندية وغدا ياتى دور الانجليز والامريكان ...
Post: #31 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: النصرى أمين Date: 10-13-2010, 06:11 PM Parent: #29
الاخ عثمان نواى
Quote: يا زول ديل العرب الجد جد ما في اوهام عباس ومنو كده ما عارف لا مشاريع حضاريه ولا بطيخ مشاريع اقتصاديه والتعامل بنديه بلا اي جعجعه نحي دولة الامارات العربيه
الناس ديل باختصار عارفين بعملو فى شنو... ودائما الرجل المناسب فى المكان المناسب
Post: #32 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: النصرى أمين Date: 10-13-2010, 06:19 PM Parent: #31
سلام يا حامد اخوك طبعا ماخد اجازتو السنوية فى شهر يناير ومن دلوقت بزازى بين وكالات السفر وقنصليات التاشيرات ... قبل كم سنة سافرت عن طريق طيران الاتحاد من تورنتو .. كانت تجربة مؤلمة ومكلفة...جيت راجع عندى فتايل فى كتفى... والمرة القبلها سافرت عن طريق القطرية عن طريق لندن برضو اتعذبت عذاب قبورة.. وقررت نهائئ ما اكرر التجارب دى ....
نريدها مباشرة ... من كالقرى الى دبى دون توقف.... فتورنتو زمنا فات وغنايا مات ...
الفول جاهز موية ونور stop by
Post: #33 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: النصرى أمين Date: 10-13-2010, 06:23 PM Parent: #32
رانى
Quote: وانت يالنصري طيب كندا دي المقعدك فيها شنو؟ ما تمشي الامارات وتبقي عبيد.
الله اعلم تكون فاهم البوست ده فهمو شنو....
Post: #34 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: النصرى أمين Date: 10-13-2010, 06:27 PM Parent: #33
الاخ حسن
Quote: مع العلم ان المدير التنفيذى لطيران الامارات كندى الجنسية
حال عودته ستتم محاكمته بتهمة الخيانه الكبرى و التعاون مع دولة معادية واثارة الكراهية ضد الدولة واحتمال يفتحو فيهو مادة من مواد النظام العام
Post: #35 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: النصرى أمين Date: 10-13-2010, 06:34 PM Parent: #34
ود شاموق
Quote: مرة أخرى، بلطجة وافتراء من دولة لا بتهش ولا بتنش
وانت داير الهش والنش لشنو؟
ما اها دى امريكا بتهش وبتنش فى العالم كلو ... هشها ونشها عمل ليها شنو غير كراهية العالم ليها ...
بقدر ما الواحد معجب بموقف دولة الامارات الا انو وفى الوقت مندهش من الرد الكندى المهذب ... وزير الدفاع وبعد ان منعت طائرته من الهبوط فى الامارات قال انهم يحترمون القرار الاماراتى وسينفذونه .. بدون اى تهديدات او عنتريات .... قرار اغلاق القاعدة سيكلف الخزينة العامة حوالى 50 مليون دولار سنويا
Post: #36 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: احمد التجانى احمد Date: 10-13-2010, 06:58 PM Parent: #35
قرار منع طائرة وزير الدفاع من النزول فى الامارات ليس بالسليم ويتنافى مع الاعراف الدبلوماسية ولا ارى داع لخلط المسائل التجارية بالدبلوماسية واكاد اجزم ان يتحول راى كل من مدح تصرف الامارات الى النقيض ان كانت الحكومة السودانية هى من اتخذت هذا القرار طيران الامارات ليس لها صلة بالامارات فهى مثل نادى مانشيستر ستى , ليست سوى شركة بريطانية على ارض الامارات براس مال اماراتى, لم تبهرنى اطلاقا هذه الخطوط الاماراتية بل اجدها من الخطوط الردئية من حيث خدمة العملاء وارضاؤهم وهذا لمسته فى عدة سفريات مع خطوط الامارات (مرغما). نعم لديهم اسطول راقى وحديث لكنهم لا يابهون كثيرا لمسالة ان يتركوا لدى ركابهم انطباعا جيدا كما تفعل الخطوط الراقية الاخرى كالسنغافورية والكاثى باسيفيك
Post: #37 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: النصرى أمين Date: 10-13-2010, 07:03 PM Parent: #36
الاخ احمد
Quote: قرار منع طائرة وزير الدفاع من النزول فى الامارات ليس بالسليم ويتنافى مع الاعراف الدبلوماسيةولا ارى داع لخلط المسائل التجارية بالدبلوماسية واكاد اجزم ان يتحول راى كل من مدح تصرف الامارات
طائرة وزير الدفاع كانت بصدد الهبوط فى القاعدة الكندية (المؤجرة) فى الامارات .. قرار منع الهبوط واغلاق القاعدة اتى فى وقت واحد...
Post: #38 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: خضر الطيب Date: 10-13-2010, 07:25 PM Parent: #35
الاخ النصري كيف حالك
Quote: وطالبتهم باخلاء القاعدة العسكرية فى ميراج ....
اول مره اعرف انو في قاعده عسكريه كنديه في الامارات
هل بالمقابل في قاعده عسكريه اماراتيه في كندا
Quote: رجالة جد جد...
Post: #39 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: ثروت سوار الدهب Date: 10-13-2010, 07:29 PM Parent: #35
سلام يا نصري
دخلت في هذا النقاش المحتدم قبل 3 اشهر مع موظفي اير كاندا و ذلك بحكم شغلي في مطار ادمنتون و المرتبط اساسا بشركة اير كندا. و هم مجموعة اصدقاء. لاحظت ان الموقف الرئيسي لهم هو ما نقله الاخ واصل: الاماراتية مدعومة من الحكومة و بالتالي هي ليست شركة طبيعية في السوق الحر تسري عليها قوانيين المنافسة. الحجة غير صحيحة اير كندا اكبر شركة طيران غربية تحظى بالدعم الحكومي. و قلت لهم في النقاش انها شركة في الwell faire في كل سته خمسة سنوات تعلن افلاسها و تهرع الحكومة الفدرالية اليها بمالنا نحن دافعي الضرائب. لان ملاكها يهدودون بطرد كميات كبيرة من العاملون بها فتستجيب الحكومة لها. كندا نفسها انتهى فيها التنافس بدمج شركة كنيديان ايرلاينس مع اير كندا قبل عقد من الزمان فصارت مسيطرة على الاجواء الكندية بدون منافسة و النتيجة اسعار فاحشة و خدمات ردئية. اير كندا بالمناسبة لا تصل دبي او ابوظبي او اي محطة في الشرق الاوسط ا و افريقيا. يعني ليس هناك داعي لمنع الاماراتية من التمدد غربا. فالامارتية لن تنافس اير كندا في ذاك الخط في تقديري، السبب ان اير كندا شركة متقاعسة بحكم الدعم الحكومي و بحكم ما تجنيه من السوق الداخلي. و هناك سبب اخطر! حاولت اير كندا من قبل ان تفتتح خط بين مونتريال و بيروت، بحكم تواجد اعداد كبيرة من الجالية اللبنانية في مونتريال و اتاوا. فتدخل الامريكان فنعوا الصفقة لاسباب امنية. فمنتريال قريبة من الحدود الامريكية و المعنى واضح. فلا استبعد الشكوك الامنية في قصة منع الاماراتية من التمدد غربا. بالاضافة و للاسف بعد سبتمر 11 اصبحت الكراهية لكل ما هو مسلم لا تخطئها عين. فقد تنبه الاعلام قبل اسابيع لمدى الدعم الذي بذله الكنديون لضحايا الفيضانات في باكستان و قارن بينه و بين الدعم لضحايا زلزال هايتي فكان الفرق رهيب. حصلت هايتي على 38 في المئة بينما حصلت باكستان على 4 في المئة فقط. و هو شيئ لم يكن من خصال الكنديين من قبل في مجال المساعدة الانسانية التمييز او الانتقاء.و الدعم المقصود هو التبرع الشعبي المباشر لضحايا الكوارثر عبر العالم. الحكومة الكندية شعرت بالاحراج الشديد فقررت بان تدفع دولار مقابل اي دولار جمع لمصلحة باكستان.
شكرا لفتح الموضوع الهام في تقديري
Post: #41 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: Nasruddin Al Basheer Date: 10-13-2010, 07:37 PM Parent: #39
Quote: وانت يالنصري طيب كندا دي المقعدك فيها شنو؟ ما تمشي الامارات وتبقي عبيد.
المنبر ده غايتو فيهو أشياء تحيّرك بالجد.. لي 12 سنة في الإمارات، أول مرة أعرف إني فيها مجرد عِبِيد.. معليش يا النصري للتخريمة، لكن مستغرب لكلام راني الخارم بارم ده..
العِبِيد/ نصر الدين البشير
Post: #40 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: ود شاموق Date: 10-13-2010, 07:31 PM Parent: #35
Quote: بقدر ما الواحد معجب بموقف دولة الامارات الا انو وفى الوقت مندهش من الرد الكندى المهذب ... وزير الدفاع وبعد ان منعت طائرته من الهبوط فى الامارات قال انهم يحترمون القرار الاماراتى وسينفذونه .. بدون اى تهديدات او عنتريات .... قرار اغلاق القاعدة سيكلف الخزينة العامة حوالى 50 مليون دولار سنويا
ما يهندا زاتو عدم الهش والنش، كان على الحكومة الكندية أن تعلم أنها لا تملك أي كروت ضغط أو مساومة لتستخدمها ضد الامارات، وأن الإمارات لن تتضرر من تردي علاقاتها مع كندا بقدرما تتضرر كندا من ذلك؛الإمارات لديها بدائل كثيرة لدولة مثل كندا.
Post: #42 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: Elawad Date: 10-13-2010, 09:37 PM Parent: #40
أستغرب أن يكون موقف كندا من طيران الإمارات مبنيا على أن الشركة مدعومة حكوميا. أير كندا تحت الحماية من الإفلاس بأموال دافعي الضرائب و رغم كل الإجراءات التي اتخذتها الخطوط الكندية فهي لا زالت تعاني من الترهل و تتعثر ماليا. لن يصدق الإخوة المقيمون خارج كندا أن الخطوط الكندية لا تقدم وجبات في السفريات الداخلية و نحن عندما نتحدث عن سفريات داخلية نتحدث عن سفريات تستمر لساعات طويلة يعني لو عايز تمشي من سانتجونز في الشرق لفانكوفر في الغرب بتتكلم عن سبعة تمانية ساعات طيران غير الكونكشن حتى السماعات في السفريات الداخلية بتشتريها شرا. منع طيران الإمارات و الاتحاد من الهبوط في غرب كندا الغرض منه أن يضطر الناس لاستعمال الخطوط الكندية إما للسفر لشرق كندا أو لأوربا حتى يتمكنوا من السفر بالخطوط التي تسافر للشرق الأوسط. يعني الواحد من كالقري يا أما يدفع ليه سبعمية دولار زيادة لإير كندا و يمشي يركب الإماراتية ولا الاتحاد من تورونتو ولا ياخد القطرية و دا معناه يكون خطه كالقري لندن برضو بإير كندا و منها للدوحة حتى بعد داك الخرطوم مع وقفات مرهقة جدا في كل المطارات دي. أما ناس الهامش الما عندهم سفريات مباشرة للندن فليهم الله. سلامي للأخ النصري و ضيوفه. شنو يا راني ياخي... الكلام الشين مافي ليه داعي.
Post: #43 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: rani Date: 10-13-2010, 11:39 PM Parent: #42
Quote: المنبر ده غايتو فيهو أشياء تحيّرك بالجد.. لي 12 سنة في الإمارات، أول مرة أعرف إني فيها مجرد عِبِيد.. معليش يا النصري للتخريمة، لكن مستغرب لكلام راني الخارم بارم ده..
العِبِيد/ نصر الدين البشير
12 سنة طيب ما تقول لي كدا من زمان، لا استغراب في الهبل البتعمل فيهو هنا من زمان دا.
Post: #44 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: rani Date: 10-13-2010, 11:48 PM Parent: #43
Quote: الله اعلم تكون فاهم البوست ده فهمو شنو....
والله حاولت افهم فهم البوست دا لكن وحاتك غلبني، لاني اكتشفت صاحب البوست بشجعلو في فريق ما عارف رئيس بلدو منو زايد ولا ولدو؟
وقولنا الشغلانية جايطة ويلا نجوطها..
. .
Post: #45 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: smart_ana2001 Date: 10-13-2010, 11:56 PM Parent: #44
النصري....ياشماتة ابله طاظزه فيك. من زمان تشيل و تكتب فى البوستات و ما فى زول بيسااك بختك....الليلة ح تحصل شكلة فى بوستك مبروك...رسميا انت اخيرا بقيت مننا
Post: #46 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: النصرى أمين Date: 10-14-2010, 00:59 AM Parent: #45
سلام خضر
Quote: اول مره اعرف انو في قاعده عسكريه كنديه في الامارات
والله كلنا ما كنا عارفين الحاجة لكن قريت انها not-so-secret military base in the United Arab Emirates
هى عبارة عن ترانزيت اكتر من انها قاعدة بمعناها العام.. يعنى ما اظن انو فى جنود قاعدين ساكنين فيها زى القواعد الامريكية فى اوربا مثلا.... هى محطة بتاعت امداد وترانزيت للعتاد العسكرى... امداد السفن الكندية المتواجدة باستمرار فى الخليج العربى بتم عن طريق القاعدة دى ... سفر العسكريين من والى افغانستان برضو عن طريقها ....وهكذا... احسبها زى مطاعم الحصاحيصا والكاملين بالنسبة للمسافرين فى طريق الخرطوم مدنى... البص يقيف ...الناس تجرى للحمامات والمطاعم وترجع تواصل سفرياتها
Post: #47 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: النصرى أمين Date: 10-14-2010, 01:09 AM Parent: #46
شكرا يا ثروت على المداخلة الدسمة الشحمانه... انا من اول ما قريت الخبر جانى احساس ان اير كندا وراء المشكلة دى... هذه الشركة المترهلة العجوز....بسببها عملية الانسحاب الكامل من افغانستان السنة القادمة ستكون مهمة صعبة نسبة لبعد القاعدة العسكرية فى المانيا
Post: #48 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: النصرى أمين Date: 10-14-2010, 01:10 AM Parent: #47
الاخ نصرالدين امسحا لينا فى وشنا
Post: #49 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: النصرى أمين Date: 10-14-2010, 01:19 AM Parent: #48
سلام ياسر الشغلانة غالبا تكون Lobbying لمصلحة ايركندا حتى لوتضررت الدولة كلها...
الفريق المفاوض مع الاماراتيين بكون مدفوع باجندة خاصة وبراعى لمصالح وامتيازات شركات ومؤسسات خاصة ..... وجود اكثر من 200 شركة بترول كندية فى الامارات و 27 الف مواطن هناك كاف جدا لعمل خط مباشر بين دبى وكالقرى .... معظم تكنلوجيا صناعة البترول تمر عن طريق كالقرى اولا... يمكنهم الموافقة على تسيير رحلة واحدة فقط اسبوعيا لكالقرى وبعدها يمكن تقييم الموقف...
اللوبى يا ياسر اللوبى.... الزمن ده من غير لوبى ما تقوم ليك قائمة ابدا
Post: #50 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: النصرى أمين Date: 10-14-2010, 01:26 AM Parent: #49
سلام يا اسمارت والله ضحكت لمن قريت كلامك ده....
الشكل ده اسهل شئ فى الدنيا.. الصعب كيف تمنع نفسك تنجرف وراهو .....
بسبب القيادة الرشيدة و وعى وحكمة القوى الامين (الى هو انا) سنبحر بهذا البوست لبر الامان
ولسه انا ما واحد منكم
Post: #51 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: النصرى أمين Date: 10-14-2010, 02:22 AM Parent: #50
رسالة من احدى الاخوات
Quote: سلام النصري
كل ما في الامر انو كندا لم ترضخ لابتزاز الامارات كندا رفضت طلب الامارات لحماية شركة الطيران الكندي و انت تعلم اتفاقياته مع شركات الطيران الاخرى و خصوصا الالمانية وطبعا ده خط مهم جدا وانت تعلم عدد الهنود و الباكستانيين و الايرانيين و غيرهم و ما تعنيه دبي لهم .لو كان في واحد مرتشي ضمن الفريق المفاوض الكندي لتم الامر
كندا تستحق الاحترام لموقفها
We'll always act in Canada's best interests and one thing I know about the Canadian Forces, they're very adaptable," MacKay said. "They have alternative plans, they have contingency plans. With that in mind we're going through the various options that are before us right now
.
ساعود للتعليق
Post: #52 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: النصرى أمين Date: 10-14-2010, 04:48 AM Parent: #51
الاخت الكريمة.. احترامنا وتقديرنا لهذه البلاد(كندا) يزيد وينمو كل يوم.. لكن ذلك لا يمنع ان نناقش هذه القضية بدون حساسيات وعواطف..
انا شخصيااجد نفسى متعاطفا مع الموقف الاماراتى ...وبشوف انهم على حق وان مطالبهم مشروعة ومستحقة....ورد فعلهم بمنع هبوط(او حتى مرور طائرة وزير الدفاع بالاجواء الاماراتية) دليل على احساسهم بالظلم ....
وزى ماكتبت فى مداخلات سابقة ايدها الاخوان ثروت وياسر العوض ان ايركندا سبب رئيسى فى الازمة وان اللوبى القوى داخل الحكومة تسبب فى احراج وزير الدفاع واغلاق القاعدة الجوية....
بالنسبة
Quote: لو كان في واحد مرتشي ضمن الفريق المفاوض الكندي لتم الامر
لا اظن ان عامل الرشوة ممكن يلعب دور فى الشغلانه ..المؤكد ان lobbying لصالح Air Canada وراء التصعيد الدبلوماسى والتجاري بين البلدين الصديقين
Post: #53 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: Nasruddin Al Basheer Date: 10-14-2010, 05:45 AM Parent: #43
Quote: 12 سنة طيب ما تقول لي كدا من زمان، لا استغراب في الهبل البتعمل فيهو هنا من زمان دا.
معليش يا النصري يا اخ يا راني إنت ليه منفعل وإنت بتقول رايك بتشتم غيرك؟ يا اخي ممكن تقول رايك بدون ما تسيء للآخرين وتشتم زيد أو عبيد.. في الأول أديت انطباع إنو الناس المغتربين في الإمارات عبيد وما وضحت لينا أي نوع من العبيد هم وأنا تداخلت معاك وكنت متوقعك تعتذر عن الإساءة ليهم بدون أي مكابرة فهم سودانيين زيك.. لكنك فاجأتني بإنك بتتمادى في الإساءة وبتوحي للناس إني أنا أهبل والسبب وجودي في الإمارات لمدة 12 سنة وأنا طبعاً حر في ما أكتب طالما أنني لا أسيء للناس من قريب أو بعيد وممكن ترى إنو ما اكتبه عبارة عن هبل وهذا رأيك وأنا احترمه جداً وممكن أتمادى معاك وأشتمك لكنني لن أفعل ذلك، وأشكرك جداً على وصفك لنا كمغتربين سودانيين بالإمارات بأننا عبيد ووصفك لي على المستوى الشخصي بأني أهبل.. أعتذر يا اخ النصري والإخوة الكرام لإعاقة حواركم الهادف المهذب..
Post: #54 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: عبدالعزيز حسين عبدالرحيم Date: 10-14-2010, 05:58 AM Parent: #53
يا نصر يا أخوي ما تضيع زمنك بالزول الفرحان دا ما شايفه خاتي علم كدا وفرحان كيف قايل نفسه خلاص خش الجنة وما عارف الناس الاتولدت في كندا وشايلين جوازاتها حايمين يفتشوا شغل وسكن في الامارات يا نصرالدين أنت كندا الفيها الزول دي مش ياها البشحدونا الباكستانين بالتفلون عشان نمشيها
Post: #55 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: rani Date: 10-14-2010, 06:54 AM Parent: #54
يا نصر يا أخوي ما تضيع زمنك بالزول الفرحان دا ما شايفه خاتي علم كدا وفرحان كيف قايل نفسه خلاص خش الجنة وما عارف الناس الاتولدت في كندا وشايلين جوازاتها حايمين يفتشوا شغل وسكن في الامارات يا نصرالدين أنت كندا الفيها الزول دي مش ياها البشحدونا الباكستانين بالتفلون عشان نمشيها
ههههههههه وتاني هههههههههههههههه، ياللسذاجة...
Post: #56 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: عبدالعزيز حسين عبدالرحيم Date: 10-14-2010, 07:07 AM Parent: #55
يا سيد راني
شفت كندا العاجباك دي يعلم الله الباكستانين بشحدونا شحدة عشان نهاجر ليها وما بنشتغل بيهم
أنت قايل عاوزة شنو قعدة وشوية ورق وتذاكر سفر واجي اعمل لي جواز كندي
الجواز الكندي كرهناهو عند الزلمات
بعدين يا مسكين أنت صدقت انك كندي بالجد
Post: #57 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: rani Date: 10-14-2010, 07:07 AM Parent: #55
يا نصر يا أخوي ما تضيع زمنك بالزول الفرحان دا ما شايفه خاتي علم كدا وفرحان كيف قايل نفسه خلاص خش الجنة وما عارف الناس الاتولدت في كندا وشايلين جوازاتها حايمين يفتشوا شغل وسكن في الامارات يا نصرالدين أنت كندا الفيها الزول دي مش ياها البشحدونا الباكستانين بالتفلون عشان نمشيها
تاني هههههههه الشايلين الجوازات الكندية ديل لمن يجو الامارات بتقييمو اكتر منك وبيحترموهم اكتر منك وبياخدو مرتب اعلي منك دون شك حت ولو في وظيفة اقل منك.
وشنو يعني لو قاعدين 12 سنة ولا غيرو ماهو نهايتكم تفنيشة،
Post: #58 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: rani Date: 10-14-2010, 07:24 AM Parent: #57
Quote: يا سيد راني
شفت كندا العاجباك دي يعلم الله الباكستانين بشحدونا شحدة عشان نهاجر ليها وما بنشتغل بيهم
أنت قايل عاوزة شنو قعدة وشوية ورق وتذاكر سفر واجي اعمل لي جواز كندي
الجواز الكندي كنجاه عند الزلمات
بعدين يا مسكين أنت صدقت انك كندي بالجد
ابداً...
ههههههههههههههههه عليك الله احكي لي قصة الباكستانيين دي شنو.. يبدو انو حسو فيك السذاجة وقالو يلحسو قريشاتك.. ياربي الباكستانيين ديل احتلو البلد دي ونحن ما ناقشيين. وحاتك تلقاهم في نفسم دايرين يجو البلد دي وما لاقين طريقة... هههههههههههه تاني قلت لي دايرة شنو؟ قعدة وشوية ورق وتذاكر سفر؟ قعدة عرقي ولا شنو دي؟ ذكرتني نقطة الزول الزهجان من السودان قال سالو كيف عامل، قال ليهم زهجت من البلد دي وخلاص مسافر منها، اها يازول ماشي وين؟ قال ليهم ماشي امريكا كلام لكن والله، هو بالله السفر لامريكا دا ساهل كدا؟ قال ليهم لالا ما صعب، اها طيب قايم متين، قال ليهم لالا لسة ما حدد منتظر اقدم للوتري اول.
قلت لي قعدة... كفانا الله شر القعدات الزي دي.
Post: #59 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: عبدالعزيز حسين عبدالرحيم Date: 10-14-2010, 07:47 AM Parent: #57
Quote: تاني هههههههه الشايلين الجوازات الكندية ديل لمن يجو الامارات بتقييمو اكتر منك وبيحترموهم اكتر منك وبياخدو مرتب اعلي منك دون شك حت ولو في وظيفة اقل منك.
وشنو يعني لو قاعدين 12 سنة ولا غيرو ماهو نهايتكم تفنيشة،
يا حليلك يا مسكين أنت لسه عايش على وهمة أنو الشايل جوازات امريكية وكندية مقيم والكلام الفارغ اصحي يا مسكين صحيح يوم من الأيام كان في دول الخليج حملة الجوازات الغربية المؤهلين لاحظ المؤهلين دي كان عندهم تقييم لكن هسع يعلم الله شفت البنغالي العنده جواز كندي بقدم للوظيفة على أساس انه بنغالي وبي جوازه البنغالي
جوزاتكم دي تنفعكم بس للسفر لأروبا وامريكا لكن في الشرق الاوسط والسودان واسيا تبلوها وتشربو مويتها وما بتخارج معانا خصوصا لمن يكون حاملها زيكم من أصول غير خواجية وهسع بقت مشكلة كمان لحملتها في كتير من المطارات وفي اروبا بالذات بقوا يعطلوهم لان بشكوا في انها مزوره كمان
بالجد يا راني تعال احكي ليك قصة عرفان الله خان صاحبي في سنين الالفية الاولي كنا شغالين سوا أو مكاتبنا جنب بعض وهو صديق باكستاني أسمه عرفان الله خان وكانت وظيفته مدير خدمات الموقع الشغالين فيه ولأن الشركة عندها تلاته مواقع كان هو واحد من تلاته مداراء مواقع فوق ليهم مدير كبير وكان تحته 3 مدراء عمليات وتحت كل مدير كان في 6 مشرفين و3 كتبة ادرايين واكتر من 200 عامل في كل موقع وهو المدير بتاعهم وكان مرطب ومرتاح عنده شقة كبيرة في موقع ممتاز ومتزوج وعنده بنتين حلوات وعربية موديل السنة قال يمشي اجازة بريطانيا يزور اخته المهم الفيزا امورها اتعكست معاه شوية واتاخرت وسافر وجا قال عاوز يهاجر كندا وشرع جهز ورقه وقدم استقالته وسافر وانقطع بعد سنوات قبل سنتين جاني داخل المكتب شكلة اتغيير شوية وحييته وسالته كندا كيف قال لي مافي فايدة كيف قال لي عملت الجواز الكندي لكن اتبهدلت وهسع جيت راجع تتخيل جا راجع في وظيفة كاتب اداري تحت مدير عمليات كان كان كاتب زمان ومدير العمليات تحت مدير موقع كان مدير عمليات تحته زمان حكي لي أنه اتبهدل جداً في كندا واشتغل في قطع الخشب بيديه وعمل الجواز لي اولاده وكان بنقطع منهم وبقى عنده 4 بنات وجا راجع وقابل مشكلة عشان يرجع الشغل لمن رضو يعينوه بي جوازه الباكستاني تاني قال هسع الميزة الوحيدة العنده انو ممكن يسافر اروبا وامريكا من غير فيزا لكن برضه مافي فايدة لانو اصلا ما عنده قروش عشان يسافر هناك
يا راني في ابوظبي براها في اكتر من خمسين مكتب للمساعدة على الهجرة لكندا وبعملوا ليك اي حاجه لقاء دراهم معدودة
Post: #60 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: النصرى أمين Date: 10-14-2010, 01:05 PM Parent: #59
الاخ عبدالعزيز شكرا على المرور
Post: #61 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: هاشم نوريت Date: 10-14-2010, 01:14 PM Parent: #60
التعامل بالمثل يا حبيب
Post: #62 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: النصرى أمين Date: 10-14-2010, 01:21 PM Parent: #61
بالظبط يا نوريت
الردحى ده كلو والكلام الكتير ده كلو.. دايرين بس نصل للحتة دى .... المعاملة بالمثل ....
Post: #63 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: rani Date: 10-14-2010, 10:32 PM Parent: #62
مثل...؟ عليكم الله الما عملتو ليكم كندا دي شنو عشان تبقو ناس..
لكن ذي ما قالو مرمي الله...
Post: #64 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: Elawad Date: 10-14-2010, 11:09 PM Parent: #63
الله يهديك يا راني ياخي. مافي زول هنا قال حاجة عن كندا. و زي ما إنت كندي فخور في برضو هنا كنديين فخورين لكن دا ما معناه إنه ما من حقهم يعبروا عن وجهات نظرهم. بعدين كلامك دا ما صاح... كندا ما بقت أي واحد هنا (ناس) فهم من خلقهم ربهم ناس. و كما قدمت لهم كندا فهم قد قدموا لها و أضافوا إليها و إلى تنوعها و دفعوا مئات الآلاف من الدولارات في شكل ضرائب. بعدين يا راني مفهوم الوطنية في كندا بختلف عن مفهوم إنت معانا ولا مع الخيانة... يعني أخونا النصري دا جا البلد دي قبلنا كلنا و أنا متأكد تماما من مدى امتنانه و حبه لها و ما أظنه محتاج نديه دروس في الوطنية. برضو لو سمحت لي كلامك للإخوة المغتربين ما في محله و دي خيارات من حق كل إنسان يختارها الداير يهاجر كندا و ياخد جنسيتها ولا يقعد في السودان وسط أهله و أحبابه ولا يغترب لأي بلد لتحسين أوضاعه دا خيار شخصي.
Post: #65 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: rani Date: 10-15-2010, 00:12 AM Parent: #64
Quote: الله يهديك يا راني ياخي. مافي زول هنا قال حاجة عن كندا. و زي ما إنت كندي فخور في برضو هنا كنديين فخورين لكن دا ما معناه إنه ما من حقهم يعبروا عن وجهات نظرهم. بعدين كلامك دا ما صاح... كندا ما بقت أي واحد هنا (ناس) فهم من خلقهم ربهم ناس. و كما قدمت لهم كندا فهم قد قدموا لها و أضافوا إليها و إلى تنوعها و دفعوا مئات الآلاف من الدولارات في شكل ضرائب. بعدين يا راني مفهوم الوطنية في كندا بختلف عن مفهوم إنت معانا ولا مع الخيانة... يعني أخونا النصري دا جا البلد دي قبلنا كلنا و أنا متأكد تماما من مدى امتنانه و حبه لها و ما أظنه محتاج نديه دروس في الوطنية. برضو لو سمحت لي كلامك للإخوة المغتربين ما في محله و دي خيارات من حق كل إنسان يختارها الداير يهاجر كندا و ياخد جنسيتها ولا يقعد في السودان وسط أهله و أحبابه ولا يغترب لأي بلد لتحسين أوضاعه دا خيار شخصي.
"العوض" اخوي ازيك يااااخي. الله يهديني عديل كدا؟ طيب اليهديني اكان قدر. خير وبركة. يا اخوي انا فخور بي كندا وبي اني كندي " والحمد لله"
اليعبرو يا اخوي ومافي مانع انو يعبرو، as long as ما يلخبطو احباطاتهم الشخصية بانتماهم للوطن الاؤاهم واداهم اكتر " بكتير" من ما اداهم ليهو الوطن الام...
كلامي ياتو دا الماصاح؟ كلامي دا (ما بيحسو) الاتولد في بريطانيا ولا في اي من الدول البتحترم الانسان قبل ما يطلع من بطن امو، ما بيحسو الكوز ولا الكان كوز ولا كل*ب كيذان ( وعارف انك ماك كوز بالمناسبة دي) كما يعتقد الكثيرون. بيحسوهو من ضاقو مرارت الكيذان واهانة العرب " للزول" يحس به من ترعرع في وطن ممكن كان ان يكون متسع للجميع. نعم ربنا خلقهم ناس لكن خلق في الخندق المقابل من "له" مقدرة تجردهم من تلك الانسانية. وسيرهم عبيد بارادتهم المستلبة!!
Quote: و كما قدمت لهم كندا فهم قد قدموا لها و أضافوا إليها و إلى تنوعها و دفعوا مئات الآلاف من الدولارات في شكل ضرائب.
كلامك دا ماهو دقيق|.. كثيرون منهم.. لم يقدمو لكندا شيء. كثيرون منهم من قضي نصف سنين عمره هنا ان لم يكن كلها ، معتمداً علي مساعدات الحكومة الكندية و الولفير وفي الاخر يجي يصور ليك كندا كشيطان.
ياخوي كندا محتاجة للتخلص من تلك الـ loser اشكال.
اما المستعبدون الجدد امثال نصر الدين البشير وصديقه عبد العزيز، فلي حديث معهم من قبل، وكانو يحاولان هنا الاصدياد في الماء العكر... لكني ساكون لهم... اعرف الطريق جيداً للتعامل مع هؤلا الاقذام المستعربون.
لك ودي الذي تعرفه وما تبقي من احترام
ودي تاني راني السماني
Post: #66 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: Elawad Date: 10-15-2010, 02:23 AM Parent: #65
سلام يا راني ياخي الود محفوظ و الاحترام كذلك (كله و ليس ما تبقى منه فقط) فأنا من مدرسة قديمة تعتقد أن اختلاف الرأي لا يفسد للود قضية. طيب نجي لي كلامك يا راني... أنت فخور بأنك كندي ما اختلفنا لكن القال ليك منو إنه هاشم مثلا ولا النصري و لا ثروت ما فخورين ببلدهم الثاني؟ كلنا والله فخورين بكندا و الكلام الاتقال هنا أصلا ما بتنافى مع الحقيقة دي. يعني يا راني منو مننا هنا ممكن يكون أكتر فخرا بكندا من مايكل إقناتيف زعيم الحزب الليرالي؟ قبل فترة بسيطة لما كندا حبت تنافس على مقعد في مجلس الأمن صرح بأنه لا يعتقد أن كندا اكتسبت الحق لتكون عضوا بمجلس الأمن و أن حكومة المحافظين تجاهلت الأمم المتحدة لفترة طويلة و أتت فجأة لتقول إنها تريد مقعدا في مجلس الأمن. بصراحة كلامك عن الناس الاتولدوا في بريطانيا و الكيزان و أذنابهم ما عارف صلته بالموضوع شنو لأنه على الأقل الناس الاتداخلوا هنا ما بنطبق عليهم. بعدين يا راني انت ما شايف كلامك دا فيه معايير مزدوجة؟ يعني تستنكر عدم الوفاء لكندا و تقول إنها أدتنا أكتر كتير مما أدانا ليه الوطن الأم... دا ما برضه عدم وفاء للوطن الأم بوضعه طرفا في هذه المقارنة الظالمة؟ بالنسبة لكلامي عن ما قدمه البعض لكندا فهو دقيق على الأقل في حالة جميع من تداخلوا هنا من المقيمين بها... تحديدا رامي و النصري و هاشم و ثروت و العوض.... كلهم الحمد لله ناس كادحين و يدفعوا ضرايب. أما عن كلامك مع الإخوة نصر الدين و عبد العزيز فما كنت عارف إنه كلامك مواصلة لنقاش تاني... لكن حتى و لو كان فالكلام في حد ذاته خطأ في تقديري بغض النظر عن خلفياته و من قيل لهم ولو اتأملت فيه شوية حاتلقى إنك أسأت لناس بتعزهم جدا من غير ما تقصد. ودي و معزتي.
Post: #67 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: النصرى أمين Date: 10-15-2010, 03:06 AM Parent: #66
سلام يا ياسر شكرا ليك على كل كلماتك الطيبة ....
Post: #68 Title: Re: كندا تمنع طيران الامارات من الوصول لكالقرى...الامارات تمنع وزير الدفاع الكندى النزول فى ارا Author: تبارك شيخ الدين جبريل Date: 10-15-2010, 05:23 AM Parent: #67
