Post: #1
Title: المرة الجاية...صندوق نومنا جاهز فى مطار دبى
Author: النصرى أمين
Date: 06-03-2010, 07:07 AM
Parent: #0
مطار دبى بصدد عمل صناديق للنوم للايجار..
السفرية الجاية للسودان ان شاء الله مافى مزازاة فى مطار دبى
لمدة اربع او خمس ساعات
من الطيارة وعلى الصندوق تووووووووش
على الاقل الواحد يصل بلده وهو مجمع شوية ....
وما يصلهم دايخ ومدروخ ...
بس ان شاء الله مايكون سعر الصندوق غالى ..
كلها اربع او خمس ساعات ..
لغاية 30 دولار معاهم ..
اكتر من كده ...
الكراسى ورقاد الواطة
<>
<>
<>
<>
<>
<>
|
Post: #2
Title: Re: المرة الجاية...صندوق نومنا جاهز فى مطار دبى
Author: النصرى أمين
Date: 06-03-2010, 07:25 AM
Parent: #1
ناس مطار الخرطوم ..لو دايرين الصناديق
عندنا دراسة جدول جاهزة ..
|
Post: #3
Title: Re: المرة الجاية...صندوق نومنا جاهز فى مطار دبى
Author: Elsheikh Mohd Aboidris
Date: 06-03-2010, 07:33 AM
المشكلة الواحد ينوم وطيارتو تطير بدونة
|
Post: #4
Title: Re: المرة الجاية...صندوق نومنا جاهز فى مطار دبى
Author: عفاف الصادق بابكر
Date: 06-03-2010, 07:39 AM
Parent: #3
Quote: ناس مطار الخرطوم ..لو دايرين الصناديق
عندنا دراسة جدول جاهزة .. |
كدي خليهم يعملوا صناديق لي القمامة .. النوم ساهل ..
مع انه القمامة ممكن يعاد تدويرها ..
ده لو في شيء فى القمامة بتدور تاني ..
النصري .. كيفنك
|
Post: #5
Title: Re: المرة الجاية...صندوق نومنا جاهز فى مطار دبى
Author: الوليد عمر
Date: 06-03-2010, 07:43 AM
....
مطار الخرطوم دا وين لى الحصاحيصا ؟
....
هو هسع مطار دبى دا ذاتو أهلو شايفينو شين
بيبنوا ليهم فى واحد جديد فى ( جبل على)
قالوا ليك قدُر (هيثرو) بى مرة و نص
داك على اليمين أكان تم إفتتاحو ،
مش تلقى فيهو ( Sleeping Box )
أنا خايفك تلقى فيهو بيتكم ذاتو
تقضى إجازتك قبلك و ترجع.
....
|
Post: #6
Title: Re: المرة الجاية...صندوق نومنا جاهز فى مطار دبى
Author: عفاف الصادق بابكر
Date: 06-03-2010, 08:13 AM
Parent: #5
Quote: هو هسع مطار دبى دا ذاتو أهلو شايفينو شين
بيبنوا ليهم فى واحد جديد فى ( جبل على)
قالوا ليك قدُر (هيثرو) بى مرة و نص
داك على اليمين أكان تم إفتتاحو ،
مش تلقى فيهو ( Sleeping Box )
أنا خايفك تلقى فيهو بيتكم ذاتو
تقضى إجازتك قبلك و ترجع.
|
والله يا وليد بالغته عديل كده .. ياخ اضحك الله سنك ..
صراحة ديل حيرونا عديل كده .. ياخ بلد تقول مسكونه... بسم الله ..
كل ما تنوم تصحى تلاقى شيء جديد مدهش ..
قلت لي يقضى اجازته قبله ويرجع ... هههههههه ..
|
Post: #7
Title: Re: المرة الجاية...صندوق نومنا جاهز فى مطار دبى
Author: النصرى أمين
Date: 06-03-2010, 06:29 PM
Parent: #6
الاخوان الشيخ عيدروس
عفاف الصادق بابكر
الوليد عمر
شكرا جزيلا على مروركم الكريم
الواحد وصل مرحلة من العمر بقى ما بيستحمل التلتلة
والعذاب(بمعنى اخر الزول بقى سنة ناعمة)
والاربع خمسة ساعات ترانزيت فى دبى تمثل جزء مهم من رحلة ال 24 ساعة
من كندا للسودان ....
على الاقل الواحد يصل لاهله وعيونه ما منططات.....
|
Post: #8
Title: Re: المرة الجاية...صندوق نومنا جاهز فى مطار دبى
Author: معتصم محمد صالح
Date: 06-04-2010, 10:46 AM
Parent: #7
تحياتي أخي النصري ..
طبعا انا من المترددين كثيرا جدا على مطار دبي الدولي .. ولي تجارب عديدة مع البيتان في المطار حيث سافرت مرة دون فيزا من الخرطوم وحاولت الحصول على فيزا في المطار ولم اتمكن منها ونصحني البعض بالتوجه الى فندق المطار وذهب الى فندق المطار الفخم وسألت عن المبيت وقالوا لي ان المبيت حتى الساعة السابعة صباحا وكان الوقت الثانية حينها سيكلفك اكثر من ستمائة درهم وبالطبع دفعت ونمت .. وفي المرة التالية لم انتظر صدور الفيزا في الخرطوم وغادرت الى دبي حسب نصيحة وكيل السفر الذي اكد لي انني ساجدها في السيستم في المطار وكان رد مسؤول الجوازات بعد ان قدمت له جواز السفر ( ماشي ) يعني الا بكرة الصباح وكصاحب تجربة ذهبت فورا نحو الفندق امني نفسي بليلة جميلة الا انني فوجئت بعدم وجود اي غرفة خالية بسبب تاخر سفر احدى الطائرات ونصحوني التوجه للفندق الغربي وكان نفس احال هناك ..
وكانت ليلة لاتنسى حيث اضطررت ان انام على الكراسي نوما متقطعا بسبب النداء المتكرر للطائرات المغادرة والقادمة بالاضافة للبرد الشديد ولم اكن ارتدي سوى تي شيرت خفيف والمطار ليلا عبارة عن تلاجة موز ..
الفكرة جميلة وسترى النور قريبا
|
Post: #9
Title: Re: المرة الجاية...صندوق نومنا جاهز فى مطار دبى
Author: Mahassin Ibrahim
Date: 06-04-2010, 12:56 PM
Parent: #8
النصرى : كيفك؟
الفكره مفيده جدا للقادمين من مواقع بعيده وبيعملو ترانزيت في بلد متقدمه زى دى.
لكن فكرة صناديق نوم في مطار الخرطوم حتكون فكره بمليار دولار لانك ممكن تجي عشان تاخذ سودانير كمثال تسع صباحا يقولو ليك تاجلت لبلمساء اتناشلر ليلا وتكون انت جاى من الاقاليم وما عندك طريق تلاتاح في بيت قريب او صديق في الخرطوم دا لو ما قالو ليك تاجلت لبكره الظهر.
انا اويد طرح الفكره لمطار الخرطوم وحيكسبو من وراها كتير.
|
Post: #10
Title: Re: المرة الجاية...صندوق نومنا جاهز فى مطار دبى
Author: النصرى أمين
Date: 06-04-2010, 03:34 PM
Parent: #9
الاخ معتصم
الاخت محاسن
بالتاكيد الفكرة جيدة وعملية واقتصادية(بس صحية دى ما متاكد منها)
مرة وقفت فى مطار هيثرو لمدة 8 ساعات ...شفت فيهم الويل والثبور
وفظايع الامور .....
الصاله رقم خمسة ......الانجليز الحقارين ..الظاهر مخصصنها لدول
العالم التالت .....
اتخايل لى زى الشفت ستات الشاى ببنابرهم هناك ...
8 ساعات زى السم .....
|
|