Post: #2
Title: Re: صورة سندوتش KFC الجديد ..منو والقبر
Author: النصرى أمين
Date: 08-26-2009, 02:21 AM
Parent: #1
يا ناس كندا ما تنسو الليله toony tuesday
|
Post: #4
Title: Re: صورة سندوتش KFC الجديد ..منو والقبر
Author: humida
Date: 08-26-2009, 10:49 AM
Parent: #2
| Quote: مطعمنا المفضل.. Applebee's. |
|
Post: #5
Title: Re: صورة سندوتش KFC الجديد ..منو والقبر
Author: مريم بنت الحسين
Date: 08-26-2009, 12:22 PM
Parent: #4
في حاجه يا حميّده؟!
|
Post: #6
Title: Re: صورة سندوتش KFC الجديد ..منو والقبر
Author: Ahmed Khalil
Date: 08-26-2009, 12:44 PM
Parent: #5
| Quote: لحمة بس ..وكمان شرايح بتاع Bacon |
| Quote: انا يا النصري كهرتي في الدنيا دي.. الBacon ده.. ياخ ده عملية صعبة خلاص |
الBaconهو نوع من قطع لحم الخنزير المأخوذ من جانب، ظهر، أو بطن الخنزير
|
Post: #7
Title: Re: صورة سندوتش KFC الجديد ..منو والقبر
Author: مريم بنت الحسين
Date: 08-26-2009, 12:48 PM
Parent: #6
أحمد خليل.. تحية.. ورمضان كريم
في Bacon بقري.. احنا في السعودية بالمناسبة.. هل تتوقع يبيعوا في مطعم لحم خنزير :)؟!
|
Post: #10
Title: Re: صورة سندوتش KFC الجديد ..منو والقبر
Author: Ahmed Khalil
Date: 08-26-2009, 01:03 PM
Parent: #7
الاخت مريم كل عام و انت بخير
لو صح انو بقري...يبقي ماBacon
ما سمعنا ب Ham بقري ..و لا Pork بقري
النصري..اوعك تقول لي داBacon ضاني
نصيحة اخويه ابعدوا من الJunk
|
Post: #8
Title: Re: صورة سندوتش KFC الجديد ..منو والقبر
Author: النصرى أمين
Date: 08-26-2009, 12:52 PM
Parent: #5
سلام يا مريم وحميده
Applebee's ما بعرفوا
انا من ماكدونالد و لتحت (يا كافى البلا)
--------------------------------------
تعرفى يا مريم قبل سنوات كنت شغال فى KFC
ومصاحب ليك كل العمال ومعظمهم طلبة فى الجامعات
والمدارس ...بضحكهم وبونسهم..
اها بعد الساعه 7 مساء المديرة بتمشى بيتهم ..
وهاك يا خمج....
فى الفترة ديك تم اكتشاف سندوتش جديد للاسف لم يرى
النور اسمه Big Al على وزن Big Mac
هذا ال Big Al يحمل الحروف الاولى من اسمى ..
هو سندوتش ضخم جدا يفوق البيق ماك فى عدد الطوابق.
وطريقته ..
اقوم بشراء 10 chicken wings (طبعا بنص السعر)
نقوم بسلخ هذه الاجنحه وفصل اللحم من العظم ..
نقوم حشوها بنفس طريقه Big Mac لكن على خمسه سته
طوابق
يالها من ايام ...
-------------------
برجع للتونى
|
Post: #9
Title: Re: صورة سندوتش KFC الجديد ..منو والقبر
Author: النصرى أمين
Date: 08-26-2009, 12:59 PM
Parent: #8
سلام احمد خليل
فى التسيعينات مشيت القاهرة وقمنا بزيارة Pizza Hut
لمن جينا نطلب رفضت تماما و ضع الpepperoni فى البتزا بحكم
انو لحم خنزير ..العامل عاين لى باستغراب شديد جدا وقال لى
خنزير شنو ...قلت ليهو بكل ثقة وانفه الببرونى من الخنزير..
وضح لى انو كل اللحوم هنا من الابقار ولا يوجد خنزير..
هنا فى كالقرى البرتا معظم محلات البتزا اصحابها باكستانيين او عرب
وكلهم ببيعوا pepperoni من لحم الابقار لانو ارخص ولانو جمهور الحلال كتيرين..
ال bacon ما شرط يكون من الخنزير .. ويعتمد على الدولة التى يباع فيها
فى قطر مستحيل kfc يبيع خنزير لجهوره
|
Post: #11
Title: Re: صورة سندوتش KFC الجديد ..منو والقبر
Author: ماضي ابو العزائم
Date: 08-26-2009, 01:04 PM
Parent: #8
يا حماعة إنتوا رمضان قام بيكم ولا شنو؟؟
= = = = رمضان كريم = = = =
|
Post: #12
Title: Re: صورة سندوتش KFC الجديد ..منو والقبر
Author: معاوية المدير
Date: 08-26-2009, 01:22 PM
Parent: #11
| Quote: .. شنو الtoony tuesday |
والله يل بت الحسين سألت خبير.
أخونا النصري ده زيّن بيجيهلك
الإجابة على السؤال ده...
|
Post: #13
Title: Re: صورة سندوتش KFC الجديد ..منو والقبر
Author: Ali Sirelkhatim
Date: 08-26-2009, 02:42 PM
Parent: #12
ما ارح.. ماتيلالا..ماتركبوا
النصرى وينك؟ مالك عامل مجنون؟
|
Post: #14
Title: Re: صورة سندوتش KFC الجديد ..منو والقبر
Author: النصرى أمين
Date: 08-26-2009, 03:59 PM
Parent: #13
سلام يا احمد خليل
تقريبا كل اللحوم ممكن تكون من الابقار
ham
Bacon
Sausage
ماعدا ال Pork فالكلمه تعنى لحوم الخنزير بالتحديد..
مستحيل تلقى حلال Pork
لكن ممكن تلقى الباقيين حلال ومن لحم الابقار والماعز
ال junk ده فى كل مكان
شفت الفيلم الوثائقى اسمو
Super size me
الفيلم يحكى عن احد الاشخاص نزر نفسو انو يعيش على الماكدونالز فقط
وفى نهاية الفيلم الطبيب نصحه بانه معرض نفسو لكل الامراض وعليه ان
يتوقف عن التجربه والا سيموت ..
الفيلم مع انو وثائقى لكن حقق نجاح كبير فى شباك التزاكر مثله مثله
فهرنهايت 911
|
Post: #15
Title: Re: صورة سندوتش KFC الجديد ..منو والقبر
Author: النصرى أمين
Date: 08-26-2009, 04:01 PM
Parent: #14
الاخ ماضى
| Quote: يا حماعة إنتوا رمضان قام بيكم ولا شنو؟؟ |
انا شخصيا قام بى سدارى
اصعب رمضان فى العشرة سنين الاخيرة مع انو بدايته
تصوم وتفطر على خير
|
Post: #16
Title: Re: صورة سندوتش KFC الجديد ..منو والقبر
Author: النصرى أمين
Date: 08-26-2009, 04:04 PM
Parent: #15
ياحبــــــــــــــيب
يا موسمى
ضربنا ليك تلفون ..قلت لى مع خط حاضرب ليك بعد شويه
الشويه دى دخلت فى الشهر الخامس ....
ومنتظرين يتم عليها الحول ..
طارق صاحبك فى السودان
قال الروب من السخانه
|
Post: #17
Title: Re: صورة سندوتش KFC الجديد ..منو والقبر
Author: النصرى أمين
Date: 08-26-2009, 04:22 PM
Parent: #16
سلام يا مريم
واحدة من الفروقات بين كندا وامريكا انو كندا
عندها الدولار عملة معدنيه يلقبونه باللونى Loony
كما هو واضح فى الصورة ادناه
اما الدولارين فلقبه Toony
كما هو واضح فى الصورة
اها ناس KFC قبل حوالى 15 سنه ابتدعو نظام لتشجيع الناس للشراء من محلاتهم يوم
الثلاثاء وهو يوم بطئ فى المبيعات ..قامو عرضو وجبه من قطعتين دجاج مع البطاطس
المحمرة بدولارين فقط وقامو بتسمية العرض Toony Tuesday
نسبة للنجاح الكبير للفكرة اصبح يوم الثلاثاء اكثر الايام ""بزاوة"(زى ما بقولو اخواننا
اليمنيين للشى ال busy) واستمرت الفكرة الى يومنا هذا مع انو السعر زاد عن الدولارين
واصبح الان حوالى 2.89$ لكن الاسم لسه Toony
واخوك احد رواد هذا ال Toony Tuesday
لذلك قمت بتزكير الاخوان بهذا اليوم العظيم
قصرنا يا ود المدير ؟
كيفنك؟
ورمضان كريم
|
Post: #18
Title: Re: صورة سندوتش KFC الجديد ..منو والقبر
Author: Ali Sirelkhatim
Date: 08-27-2009, 03:48 AM
Parent: #17
ياحبيب
الloony
اسمه اللونى عشان الطيرة الفيه دى اسمها loon
صحيح
يا اخوى مع المطر ده الدنقلاوى ده عايز ليه مركب عشان يطلع من بيت المال ويجى راجع كندا{وده صندوق البريد حقنا}
تحياتى يا حبيب ومبروك الصالون
|
Post: #19
Title: Re: صورة سندوتش KFC الجديد ..منو والقبر
Author: أسامة عبد الجليل
Date: 08-27-2009, 04:34 AM
Parent: #18
أعوذ بالله
دا القبر ذاتو يا النصري يا أخوي.
تصوم وتفطر على خير.
|
Post: #20
Title: Re: صورة سندوتش KFC الجديد ..منو والقبر
Author: munswor almophtah
Date: 08-27-2009, 05:06 AM
Parent: #19
يا النصرى دينك وإيمانك أكل تقول مولود فى سنة سته
منصور
|
Post: #21
Title: Re: صورة سندوتش KFC الجديد ..منو والقبر
Author: النصرى أمين
Date: 08-27-2009, 05:24 AM
Parent: #20
يا على يا مرتاح
ما طارق الدنقلاوى
طارق التانى الا organic
مشى السودان فى عز الصيف بعد يومين رسل لى رساله بالموبايل من كلمتين
too hot
رديت عليه برسالة من اربع كلمات
احى انا.. ما قلت صحراوى
بنفتش ليهو لعروسه تكون organic متله
البحث ما زال مستمر..
طبعا السندوتش الفوق ده طارق مستحيل ياكله حتى
مات من الجوع ...اخير ليهو يسف التراب ولا ياكله..
عالم جبانات ..
|
Post: #22
Title: Re: صورة سندوتش KFC الجديد ..منو والقبر
Author: النصرى أمين
Date: 08-27-2009, 05:29 AM
Parent: #21
الاخ اسامه
بينك وبينك لو طلعنا من السندوتش ال bacon ده
الواحد ممكن يديهو قرمة قرمتين
بتخايل لى طعمه بكون رهيب بس من غير الجبنه الصفراء دى
كلام زول جعان ساكت
تصوم وتفطر على خير
|
Post: #23
Title: Re: صورة سندوتش KFC الجديد ..منو والقبر
Author: النصرى أمين
Date: 08-27-2009, 05:38 AM
Parent: #22
عزيزى القارئ قبل حوالى 3 سنوات اخونا منصور المفتاح
اشترى لى كرتونه بتاعت Noodles كهدية (كنت عزابى حينها) وطلب منى اجربها...
فى الاول طعم Noodle بقى لى اشتر ....
الا اننى استطعمتها فى النهايه واصبحت من مدمنينها الا ان حضر لزيارتنا
احد الاصدقاء ودعوت لاكل صحن مدنكل من حساء ال mushroom noodle
رفض الضيف وعلق ان ال Noodle اكل ناس عندهم سوء تغذيه
من ديك طرت الطيرة الياها من Noodle
(تعديل عدد السنين)
|
Post: #24
Title: Re: صورة سندوتش KFC الجديد ..منو والقبر
Author: النصرى أمين
Date: 08-27-2009, 05:40 AM
Parent: #23
اكتشفت بعد يومين ان كرتونه ال Noodle
باربع دولار ونص ...
وده سبب تانى خلانى اكره لرخصته
زيو زى الكبده فى البلد دى
تكره عشان رخصتها
مرات يدوك ليها مجان
|
Post: #25
Title: Re: صورة سندوتش KFC الجديد ..منو والقبر
Author: خالد العبيد
Date: 08-27-2009, 05:55 AM
Parent: #24
Quote: تقريبا كل اللحوم ممكن تكون من الابقار
ham
Bacon
Sausage
ماعدا ال Pork فالكلمه تعنى لحوم الخنزير بالتحديد.. |
كلام صحيح
ومريم بت الحسين على حق
|
Post: #26
Title: Re: صورة سندوتش KFC الجديد ..منو والقبر
Author: عبدالأله زمراوي
Date: 08-27-2009, 08:16 AM
Parent: #25
النصري
ياااخي رمضاااان كريم يا مرتاح في جنة الله في ارضه (كقولة صاحبنا
العزيز السر عبدالمنعم). أحكي ليك يا النصري قصة حصلت في سانت كاثرين،
حقيقية، واحد من أصحابك وأصحابي (دون ذكر الأسماء) يأكل من وقت لآخر بيتزا
بالببروني، وذهب بنفسه لمحل بتزا بتزا اللي في الداون تاون (قبل ما يشتريه
م. ف.) قريبي وطلب بتزا باالببروني، فشاهده واحد من السودانيين العاملين وسأله
يااخي إنت سوداني، فأجاب بإقتضاب نعم فرد الآخر ياخي حرام عليك تاكل خنزير
وبدأ يقرأ من الآيات، فما كان من صديقي العكليت إلا أن طلب مقابلة المدير شخشيا
وكان من الكنديين، ووقف بنفسه صاحبي وتأكد من أن شكواه وصلت، فغادر المحل وهو هائج،
وقد حكي لي بنفسه....
والله يا النصري كلما أشوف إسمك، أتذكر كندا وأيام سانت كاثرين، يااخي بالله
ترجعوا ليها لأننا بدأنا في رسم خارطة طريق للتقاعد الدائم بتلكم النواحي
خلال خمس أعوام إن كان في العمر باق...
بالله سلم لي على صاحبنا القديم جدا جنابو علي سرالختم الذي
لا نراه الا متسللا في بوسته الكبير دفتر الأحوال ونسى
أصحابه بعد ان لقى أحبابو...
يااااخي رمضان كريم لكل الأحباب,,,,
|
Post: #27
Title: Re: صورة سندوتش KFC الجديد ..منو والقبر
Author: Emad Abdulla
Date: 08-27-2009, 08:50 AM
Parent: #26
أمانة ونسة الخواجات ما طاعمة ..
......
حليل أبوي .
|
Post: #28
Title: Re: صورة سندوتش KFC الجديد ..منو والقبر
Author: Hatim Yousif
Date: 08-27-2009, 09:02 AM
Parent: #27
| Quote: أمانة ونسة الخواجات ما طاعمة .. |
|
Post: #29
Title: Re: صورة سندوتش KFC الجديد ..منو والقبر
Author: وجن
Date: 08-27-2009, 09:11 AM
Parent: #28
من أمبارح أدخل وأجري جري من البوست دا
اللهم إني صائمة
كل سنة وانت طيب
ورمضان كريم
|
Post: #30
Title: Re: صورة سندوتش KFC الجديد ..منو والقبر
Author: عزالدين محمد عثمان
Date: 08-27-2009, 09:18 AM
Parent: #27
Quote: والله يا النصري كلما أشوف إسمك، أتذكر كندا وأيام سانت كاثرين، يااخي بالله
ترجعوا ليها لأننا بدأنا في رسم خارطة طريق للتقاعد الدائم بتلكم النواحي
خلال خمس أعوام إن كان في العمر باق...
|
صاحب البوست سلام من ارض الوطن
وتحيات خاصه لمولانا عبد الاله
واخص لكل المتداخلين والزائرين
مصداقا لكلام اخونا عبدالاله انا
غيرت رأي من اني اعمل لي بيت هنا
وقررت الاقامه الدائمه بعد المعاش
في جنة الله في الارض..والبوست اعاد
لنا الذكريات النواضر عن طيب الذكر
ال KFC فقد عملت بمحل شارع هارتزل
فتره طويله..وفعلا مازلنا نشتري يوم
الثلاثاء يوم التوني..لكن اخوك استمتع
بيه لمان كنت شغال لان واحده من البياعات
مره طيبه جدا وكنت كلما اطلع في ديليفري
اجيب ليها فهوه من تيم هورتون ..فكانت
تجيهني ليك بالعشاء واشيل معاي البيت كمان
لانه الاولاد ما كانوا حضروا من السودان فكنت
عزابي..
كيف الاولاد انشاء الله مبسوطين من كالغاري
ونسوا سانت كاثرينز..ولا في حنين للشلالات؟؟؟
تحياتي للجميع خاصه اختنا سماح وزوجها وائل..
تخريمه لمولانا عبدالاله
عندك اخبار اخونا فقيري وما فعله مع الانقاذ؟؟؟
وان السر محمد علي سائر في نفس الدرب؟؟
ولكم مودتي
|
Post: #31
Title: Re: صورة سندوتش KFC الجديد ..منو والقبر
Author: عبدالأله زمراوي
Date: 08-27-2009, 09:24 AM
Parent: #30
Quote: تخريمه لمولانا عبدالاله
عندك اخبار اخونا فقيري وما فعله مع الانقاذ؟؟؟
|
عزو ياااخي سلامات ورمضان كريم...
والله تبقى مصيبة وطوااالي معاها
جنون...
يااخي تعال ماري بي هنا بعد يوم 6 سبتمبر
2009 وفي الإنتظار..
|
Post: #32
Title: Re: صورة سندوتش KFC الجديد ..منو والقبر
Author: عزالدين محمد عثمان
Date: 08-27-2009, 11:22 AM
Parent: #31
اخي عبدالاله سلامي الله اكرم تصوم وتفطر على خير
والله لقد فعلها واعطوه منصب سياسي في الحزب
وحسب طلبه مقره بالشماليه وجنابو السر
قالوا في الطريق..
انشاء الله لو لقيت تذكره بمر عليكم..
قبل 6 سبتمبر انت مافي ولا شنو؟؟
عليك الله سوق العمل كيف في الوحه ولو جيت
ساكت بلقي لي شغل؟؟
ولك مودتي
|
Post: #51
Title: Re: صورة سندوتش KFC الجديد ..منو والقبر
Author: Ali Sirelkhatim
Date: 08-30-2009, 07:59 PM
Parent: #26
Quote:
بنفتش ليهو لعروسه تكون organic متله
البحث ما زال مستمر.. |
يا نصرى
تكون organic ما مشكلة بس الله يستر ماتكونwild ...{يا اخواننا طارق مابياكل السمك المربى فى المزارع وبياكل السمك الwild فقط}
مسؤول من الخير الطيار وين؟ أّمممممممممممممممممممممممم
Quote:
بالله سلم لي على صاحبنا القديم جدا جنابو علي سرالختم الذي
لا نراه الا متسللا في بوسته الكبير دفتر الأحوال ونسى
أصحابه بعد ان لقى أحبابو... |
الحبيب عبدالاله زمرواى كيفك وكيف اخبارك زمن طويل ياراجل والله اخر مرّة شفتك لما كنا مع الاستاذ محمد وردى فى الفندق فى نيويورك..
لك تحياتى ورمضان كريم{نشوفك فى دفتر الاحوال يا مولانا}
|
Post: #35
Title: Re: صورة سندوتش KFC الجديد ..منو والقبر
Author: Siddig A. Omer
Date: 08-27-2009, 11:58 AM
Parent: #8
Quote: تعرفى يا مريم قبل سنوات كنت شغال فى KFC
ومصاحب ليك كل العمال ومعظمهم طلبة فى الجامعات
والمدارس ...بضحكهم وبونسهم..
اها بعد الساعه 7 مساء المديرة بتمشى بيتهم ..
وهاك يا خمج....
|
النصرى امين يا مرتــــــــــاح.... و الله انت الاكل دها بقتلك....جننك سفسفة....
خلاص عامل فيها الود اويجنا خالص و بتاع KFC و الذى منه.... و نسيت "الجان" " وابو العباس و العشرة الكرام.... وعمك "الطيب" "وفتته" الشهيرة فى معهد الكليات التكنولوجية...... ونسيت ناس قدر الفول فى استاد الخرطوم و حوله و بقيت لى بتاه هاردييز و الذى منه.
و الله الآكل دها بكتلتك.....كفاية "لحس" ليك راسك المافيه شعرة دها.
صورة قديمة للنصرى أمين فى الدوحة (ما تقول لى شيلة...ما باشيلة" عشان تانى تجيب سيرة الاكل فى رمضان و انا عارفك "بتتحدق"....."جنك بطنك" يا بطينى. عاين لصورتك لمن كنت بتأكل الفول و هسع لمن بقين تأكل البريجر:
صديق القاعد بعيد
|
Post: #36
Title: Re: صورة سندوتش KFC الجديد ..منو والقبر
Author: النصرى أمين
Date: 08-27-2009, 03:24 PM
Parent: #35
لا حولا ..
البوست ده عملتو "حراق" روح ساكت
وقايلو حيتدمر فى ساعات
لكن لم الاحباب كلهم
جاييييييييكم
وبمزاج ..
|
Post: #37
Title: Re: صورة سندوتش KFC الجديد ..منو والقبر
Author: Kostawi
Date: 08-27-2009, 06:01 PM
Parent: #36
مريم بنت الحسين كلامها صاح 100%
في Bacon بتاع بقر
Beef Bacon
و في Bacon بتاع ديك الروم
Turkey Bacon
رمضان كريم يا النصري
و رمضان كريم لضيوف البوست
|
Post: #38
Title: Re: صورة سندوتش KFC الجديد ..منو والقبر
Author: النصرى أمين
Date: 08-27-2009, 07:06 PM
Parent: #37
سلام يا خالد
رمضان كريم
والف حمدلله على سلامة العودة
شكرا على تاكيد المعلومه
|
Post: #39
Title: Re: صورة سندوتش KFC الجديد ..منو والقبر
Author: النصرى أمين
Date: 08-27-2009, 07:16 PM
Parent: #38
سلام يا عبداله
كيفك؟
قلت لى Quote: يأكل من وقت لآخر بيتزا
بالببروني |
لمن كنت شغال فى المحل ده زاتو فى 1997 كان عندنا
زبون سودانى ..بجى طوالى يطلب البتزا بالببرونى
عادى ..
لا كلام ولا سلام ولا حتى hi الصغيرونه دى ..
سالت عنه قالو لى انو تعبان شويه ولا تواخذه
لكن زولك التانى ده ما عرفته اوع يكون من الفرد؟
قبل سنوات الجماعه قاعدين فى قعده (فى امريكا)..قام الزول الواقف
على حلة العشاء اخونا ع ز اضاف شويه wine على الحله
حتى يحدق الطعم ..
واحد من السكارى زعل جدا وتهيج وبقول ""تاكلنا حرام؟ تاكلنا حرام"
الجماعه قالو الحرام ما انت قاعد تشربو
عارف قال ليهم شنو ؟
الحرام اشربو
لكن ما اكلو ..
واحد تانى ايامنا فى نيويورك بتعشى كل يوم بشية خنزير
الجماعه قالو ليهو ما صاح ..
قال ليهم شنو يعنى
زنى وبنزنى ..
سكر وبنسكر
قمار وبنلعب
بقت على الخنزير المسكين ده
|
Post: #40
Title: Re: صورة سندوتش KFC الجديد ..منو والقبر
Author: النصرى أمين
Date: 08-27-2009, 07:31 PM
Parent: #39
سلام عماد
خواجات فشنك ساى..
20 سنه فى كندا تخلى الزول مكندك
وحالتو متاخرة
رمضان كريم وتصوم تفطر على الخير
الاخ حاتم يوسف
ونستنا لزيزة ..
حسى جاتنى فكرة ناس النيل الازرق يجى يعملو معانا حلقه
ويشيفونا بنتكلم كيف وهمومنا شنو
انا حاجز الحلقه وضيوفها
انا الضيف الريئسى للونسه
ومنصور المفتاح يتحفنا باالدوبيت
وطلعت الطيب و الاثار الثيلوبوجيه للهجرة
وكبر يحدثنا عن التراث والتمازج الثقافى
كلنا فى مدينة واحده وليست هناك حوجة للمساسقه
رائكم شنو يا ناس النيل الازرق ؟
|
Post: #41
Title: Re: صورة سندوتش KFC الجديد ..منو والقبر
Author: النصرى أمين
Date: 08-27-2009, 07:37 PM
Parent: #40
لا حولا عزالدين شخصيا
Quote: مصداقا لكلام اخونا عبدالاله انا
غيرت رأي من اني اعمل لي بيت هنا
وقررت الاقامه الدائمه بعد المعاش
في جنة الله في الارض |
يا عزو ياخ نحن شغال ليل نهار عشان نوفر لينا
قرشين نعمل بيهم بيت فى السودان ..تجى
تقول داير ترجع لجنة الله فى الارض (السر سواها فينا بالاسم ده)
كدى قول بسم الله
واعمل لينا بوست خاص بموضوع تجربة الرجوع لارض الوطن
جد ..
دايرين نسمع منك فى الموضوع ده ...
مع انى شخصيا ما عندى فكرة رجوع فى الوقت الحالى ..
|
Post: #42
Title: Re: صورة سندوتش KFC الجديد ..منو والقبر
Author: النصرى أمين
Date: 08-27-2009, 07:42 PM
Parent: #41
الاخت وجن
رمضان كريم
الاخ حسين ملاسى
رمضان كريم
وتصوم وتفطر على خير
شكرا على المرور المفاجئ
|
Post: #43
Title: Re: صورة سندوتش KFC الجديد ..منو والقبر
Author: طارق ميرغني
Date: 08-27-2009, 07:53 PM
Parent: #42
هاك الكوليسترول ده ....!!!!
|
Post: #44
Title: Re: صورة سندوتش KFC الجديد ..منو والقبر
Author: النصرى أمين
Date: 08-27-2009, 07:59 PM
Parent: #42
صنديق منجييييييييغه
الجنينه
قايتو يوم بتكتل ليك زول باللبوم الصور الحايم بيهو ده..
قلت لى
| Quote: بتاع KFC و الذى منه |
KFC يعتبرتقريبا اكل الغلابه و يزدهر جدا فى المناطق الفقيرة
الاحياء الشعبيه تحديدا بسبب الجهل بخطورته على الصحه
خاصه اذا داوم الناس على تناوله بصورة دائمه ربما يتسبب فى امراض كثيرة
عشان كده يعتبر من الاطعمه السريعه ال Junk اللى ممكن تطشش بالزول وهو لسه صغير
زيينا كده ..
|
Post: #45
Title: Re: صورة سندوتش KFC الجديد ..منو والقبر
Author: النصرى أمين
Date: 08-27-2009, 08:00 PM
Parent: #44
سلام كوستاوى
رمضان كريم
شرحبيل ده ما تسلفوه لينا يومين!
|
Post: #46
Title: Re: صورة سندوتش KFC الجديد ..منو والقبر
Author: النصرى أمين
Date: 08-27-2009, 08:03 PM
Parent: #45
سلام طارق ميرغنى
| Quote: هاك الكوليسترول ده |
هو كوليسترول نصاح؟؟
يودى التوج
رمضان كريم
|
Post: #47
Title: Re: صورة سندوتش KFC الجديد ..منو والقبر
Author: النصرى أمين
Date: 08-27-2009, 08:05 PM
Parent: #46
فترت والله
|
Post: #48
Title: Re: صورة سندوتش KFC الجديد ..منو والقبر
Author: مريم بنت الحسين
Date: 08-27-2009, 08:19 PM
Parent: #40
أنا بعز KFC جداً والله.. وبيني وبينه ذكريات جميلة جداً...وكتير بنجيب الbucket .. ونقع فيه..
وطبعا بفضّل... ما بكمل كله... بقوم اعمل شنو... بشيل الباقي، واعمل ليه رز... ويطلع زي الوجبة بتاعتهم Rizo...
اما الشبس بتاعهم (النصيحة يا النصري ما بعرفوا للfires)....بعمله مع اللحمة المفرومة .. والله بتطلع حاجه تهوس..
في الfastfood.. بفضّل SubWay... يعني نظام البت عايزه تاكل healthy...
لكن لما اكون عايزه اكل بي مزاج.. واحتفل.. بحب Applebee's... قبل كده فتحته بوست عنّه... المطعم ده شبّكتني فيه الله يطراها بالخير، زميلة المنبر Hozy... مشينا انا وهي، اول ما مشيت قطر.. اتغدينا هناك... ومن يومها الشبكه الياها...
Applebee's في أمريكا مطعم عادي جداً (من الناحية المادية بتكلم).. لكن في الخليج، غالي شويه... احنا معتبرينه مطعم المناسبات الخاصة...
أكتر starter بتكيف ليه هو dipp لو في زول قال لي، ده سبانخ مع الجبنه والخرشوف.. كنت قلت إخي!... لكن روعه ...
الوجبة الكتبته عنها فوق عبارة عن steak (بنعز اللحمة احنا).. ومعاها mushroom gravy.. وmashed potato... بتجيك الوجبه في skillet.. تقييييييله... وحاااااره.. تجقجق...
لكن والله العصيدة لا يعلى عليها 
ملحوظة هامه.. احنا فطرنا يا جماعة.. مافي أي جرسه هنا
شكرا على شرح الtoony tuesday... وبما انك خبير في الشأن الكندي... ليه بسموا تورنتو dot t؟
|
Post: #49
Title: Re: صورة سندوتش KFC الجديد ..منو والقبر
Author: النصرى أمين
Date: 08-28-2009, 08:09 PM
Parent: #48
سلام يا مريم
والله KFC طاعم وما فيهو كلام من ناحية المذاق ..
بس مشكلته عليهو كمية من الدهن تبوظ الاعصاب
عندنا مطعم اسمه The Keg ده ال Steak عندو
زى الشوكلاته ... متبل فى البهارات اكثر من اسبوعين
قبلما يرموه فى النار ..
|
Post: #52
Title: Re: صورة سندوتش KFC الجديد ..منو والقبر
Author: Hatim Yousif
Date: 08-31-2009, 11:28 AM
Parent: #48
بت الحسين ...
النصيحة ... كلامك الفوق ده كله بالنسبة لي ... ولشاكلتي من سكان البورد ... أقرب للغة للصينية ...:))
...
.. هسع ... عليك الله ... أنا أحفظ الكلمات ديك ... ولا أركز في الأكل ... ولا أركز في الشغل والـKPI's بتاعت الشغل ...
...
أخوك ... من أكبر مشجعي القراصة والعصيدة ...قال ثم من ... قال .. وفتة الفول
..
|
Post: #50
Title: Re: صورة سندوتش KFC الجديد ..منو والقبر
Author: humida
Date: 08-30-2009, 11:34 AM
Parent: #5
| Quote: في حاجه يا حميّده؟! |
لا لا ما في حاجة ..
ما تكوني حساسة زيادة عن اللزوم ..
|
|
