Post: #1
Title: حاجة ما قادر افهمها فى قضية الاستاذة لبنى!!!
Author: النصرى أمين
Date: 09-09-2009, 07:52 PM
Parent: #0
القاضى حكم بادانتها
مافى مشكلة ..
قاضى وبحكمو راضى ..
الشئ المجننى ومجنن بوبى
انها بتمارس فى المخالفه(او التهمه او الجريمة)
كل يوم ولشهور طويلة
مش كده وبس !
قدام القاضى زاتو
الشئ الطبيعى(او القانونى) ان يصدر تحذير من القاضى
للسيدة المدانه بعدم تكرار ""الجريمة"" او العمل المخالف والا فالعقوبة
اشد واقوى ....
ده غايتو فهمى فى القانون..
نفسى اعرف القاضى فهمو شنو
|
Post: #2
Title: Re: حاجة ما قادر افهمها فى قضية الاستاذة لبنى!!!
Author: وجن
Date: 09-09-2009, 08:14 PM
Parent: #1
قالو ليك القاضي بسأل في الشهود الرفعوها التهمة شنو بالضبط البت دي ماله عملت شنو
كانت لابسة بلوزة شفافة يا سعادتك
اذا كان القيضوا عليها زاتم نسوا التهمة شنو ( البنطلون )
القاضي يتذكر شنو ولا شنو
تحياتي اها كيف مع باقي رمضان كمل والله يا حليلو
|
Post: #3
Title: Re: حاجة ما قادر افهمها فى قضية الاستاذة لبنى!!!
Author: كمال عباس
Date: 09-09-2009, 08:26 PM
Parent: #2
سلام النصري ووجن
Quote: ورمضان كريم
قالو ليك القاضي بسأل في الشهود الرفعوها التهمة شنو بالضبط البت دي ماله عملت شنو
كانت لابسة بلوزة شفافة يا سعادتك
اذا كان القيضوا عليها زاتم نسوا التهمة شنو ( البنطلون )
القاضي يتذكر شنو ولا شنو
تحياتي اها كيف مع باقي رمضان كمل والله يا حليلو |
والقاضي مفترض يحكم وفق البينات والاسانيد لا من ذاكرته ويفسر أي
تضارب وشك لصالح المتهم!! ودي عدالة شنو البرفض فيها القاضي سماع شهود الدفاع?
ودي عدالة شنو اللي بيجلدوا فيها بعض المتهمات من دون أن يتمتعن بخيار
الغرامة وتغرم لبني مع أنو التهمة واحدة?
المحكمة المهزلة .. وعار الأبد !! ... بقلم: د. عمر القراي
|
Post: #4
Title: Re: حاجة ما قادر افهمها فى قضية الاستاذة لبنى!!!
Author: النصرى أمين
Date: 09-09-2009, 08:43 PM
Parent: #3
سلام يا وجن
| Quote: كانت لابسة بلوزة شفافة يا سعادتك |
تعرفى يا وجن انا فى حياتى كلها دخلت محاكم امكن اتنين او تلاته
اشهرهم محكمة هاشم بدرالدين بتهمة ضرب الترابى..
واحد من شهود الاتهام(باكستانى) قال انو شاف وسمع هاشم بتحدث
بجهاز اتصال وبقول ""Mission Accomplished للايحاء بانه يعمل
تحت منظمة مشبوهة ..
طوالى عرفت انو التهمة منتهية وهاشم حيكسب القضية
وفعلا كسبها لانو القضاء عادل ويستمع للشهود محسنا فيهم
الظن لغاية ما يثبت العكس ويصبحو بعدها خصما على
قضيتهم ....
هم العساكر ديل ما فارزين البلوزة من البنطلون!
ما هى لابسة قدامهم ..
مش كانو بس يقولو للقاضى لقينا لابسة نفس اللبسة دى
عالم وهم
رمضان تش والله
قلبنا شغل ليل
لا عطش ولا جوع
ومستعدين نصوم الدهر عديل
عيد مبارك
|
Post: #5
Title: Re: حاجة ما قادر افهمها فى قضية الاستاذة لبنى!!!
Author: النصرى أمين
Date: 09-09-2009, 08:44 PM
Parent: #4
سلام يا كمال
جاييك راجع
|
Post: #6
Title: Re: حاجة ما قادر افهمها فى قضية الاستاذة لبنى!!!
Author: مريم بنت الحسين
Date: 09-09-2009, 10:59 PM
Parent: #5
واحد من مراسلي الوكلات الاجنبية قال انه مستغرب لاستغرابك ده يا النصري.. وموش بس كده، قال انه داخل قاعة المحكمة وخارج سيدات بلبسوا بنطلون زي لبنى، ومافي حد اتعرض ليهم... ولا حاكمهم بالجريمة دي..!
|
Post: #7
Title: Re: حاجة ما قادر افهمها فى قضية الاستاذة لبنى!!!
Author: وجن
Date: 09-10-2009, 01:03 AM
Parent: #4
ويفسر أي تضارب وشك لصالح المتهم
تقول شنو بس القاضي حسب ماقريت هنا جاي جاهز باجندتو كل الحاجات القام بيها قبل صدور الحكم
تحصيل حاصل
مشكور على الرابط
مش كانو بس يقولو للقاضى لقينا لابسة نفس اللبسة دى
الفهم قسم الغريبة قريت في بوست بمجرد ما صدر الحكم طلعوا يهنوا في بعض كان المعركة بقت شخصية يا العساكر يا لبنى
والله مهازل
تبارك ليك السمح
القابلة زي ماعاوز
|
Post: #8
Title: Re: حاجة ما قادر افهمها فى قضية الاستاذة لبنى!!!
Author: النصرى أمين
Date: 09-10-2009, 10:02 AM
Parent: #7
سلام يا كمال
رمضان كريم ...
واضح انو القاضى استند فى حكمه على كلام "صغار العسكر" على قولة اهل الترابى ..
هؤلاء العسكر لو قالو قبضنا المتهمة بتسرق ... فالقاضى حيدينها بالسرقة
ولو نفس العسكر قالو انو المتهة كان سكرانة ...فالقاضى حيدينها بتهمة السكر ...
بصرف النظر عن ملابسات التهمة... فصغار العسكر هو المرجع الرئيسى عند القاضى
لصنع القرار ...
طيب المشكلة وين ؟؟؟
المشكلة انو صغار العسكر ديل badly trained
و underpaid
و randomly selected
والشكاوى تكثر منهم اضعاف كبار العسكر
والدليل حملات الرشاوى التى يمارسونها على
المواطن المسكين فى الشوارع والاسواق ..
انا شخصيا عند زياراتى للسودان اخاف من صغار العسكر ديل
اكتر من الحرامية البتلبو الحيط ..
فكيف قاضى عايش فى السودان يضع كل ثقته فى هذه الفئة
من العاملين ..
|
Post: #9
Title: Re: حاجة ما قادر افهمها فى قضية الاستاذة لبنى!!!
Author: النصرى أمين
Date: 09-10-2009, 07:06 PM
Parent: #8
سلام يا مريم
خلاص اذن التهمة ما "لبس البنطلون"
التهمة حاجة تانية تختلف تماما عن بنطلون لبنى..
شنو هو؟
الله اعلم ....
السؤال فى صورة اخرى ...
ماهى التهمة التى ادينت بها و تم تغريمها 200$ ؟
عشان باقى الخلق تتادب وتعمل حسابها..
وما تضطر تدفع المبلغ "الكبير" ده..
فالعقوبة فى القانون تعنى ضمن ما تعنى
تذكير الاخرين بخطورة الفعل
كما يحدث فى عقوبة الجلد "العلنية"
فالمقصود هو الجمهور ليعرف ان هذه نتيجة
ارتكاب المخالفات ..
فى حالة عقوبة لبنى..
شنو هو الشى المقصود منه تذكير الناس بخطورة
ارتكابه ..
اتمنى اجد اجابة للسؤال ده فى سطر واحد
عيد مبارك
|
Post: #10
Title: Re: حاجة ما قادر افهمها فى قضية الاستاذة لبنى!!!
Author: النصرى أمين
Date: 09-10-2009, 07:54 PM
Parent: #9
سلام يا وجن
اتخايل لى القاضى مفروض يدخل المحكمة
emotion free
عشان ما يظلم زول ..
لو جاى اساسا ومبيت النية ولديه شعور عدوانى من اى
نوع(سياسى..عرقى.دينى) ضد احد اطراف القضية .. فقصتو بايظة ...
انا ما قريت تفاصيل المحكمة ..النتائج بتهمنى اكتر ..
لكن فى مداخلتك الاولى كتبتى انو القاضى سال صغار العسكر
"البت دى مالها؟"
البت
البت
البت
البت
الظاهر عليهم قايل روحو قاعد فى حوش بيتهم
دى لغة بتاعت قاضى فى محكمة رسمية؟
|
Post: #11
Title: Re: حاجة ما قادر افهمها فى قضية الاستاذة لبنى!!!
Author: النصرى أمين
Date: 09-10-2009, 08:22 PM
Parent: #10
لا حولا
عاينو الخبر ده فى جريدة الصحافة الصادرة
لخميس 10 سبتمبر 2009م، 21 رمضان 1430هـ العدد 5823
اتجاه لخصخصة الدفاع المدني وتراجع معدلات الجريمة
Quote: واوصى المجلس الاستشاري بتشديد التشريعات المتعلقة بالجرائم
المختلفة وتسريع مراجعة السياسة المتصلة باللاجئين ومعالجة
اوضاع الدفاع المدني ودراسة خصخصته تحت مظلة وزارة الداخلية، |
مستحيل اقدر افهم الكلام الفوق ده
مستحيل ...
|
|