Post: #1
Title: نحمد الله كثيرا على قطوعات الكهرباء..
Author: النصرى أمين
Date: 04-19-2009, 05:26 PM
Parent: #0
افضل من الايرانيين يسلمونا مفاعل نووى
|
Post: #2
Title: Re: نحمد الله كثيرا على قطوعات الكهرباء..
Author: النصرى أمين
Date: 04-19-2009, 05:36 PM
Parent: #1
الصينيين ما قصروا
بنو السد واستلموا قروشم
وفى القريب الغير عاجل
الايرانيين حينبو المفاعل النووى
ويستلمو قروشم
لذلك نحمد الله مثنى وثلاث ورباع كل يوم يوم
على نعمة القطوعات الكهربائية
|
Post: #3
Title: Re: نحمد الله كثيرا على قطوعات الكهرباء..
Author: النصرى أمين
Date: 04-20-2009, 04:45 PM
Parent: #2
كل المشاريع الاخرى (زراعية صناعية خدمية الخ ) يمكن للانقاذ ان تضع على راسها
المقربين والموالين والمتنفذين ,,
وتفشل هذه المشاريع او تترنح بسبب عدم
كفاءة الادارة وجهلهم وقلة خبرتهم ..
ولكن عندما ياتى الامر كمشاريع هندسية وعلمية
فلا مجال للشعبطة ..
يا عارف
يا ما عارف ..
تشغيل كهرباء بحجم سد مروى
ليست فى سهولة ادارة وتدمير مشروع
الجزيرة الذى يستطيع اى افندى جهلول(معين بسبب الولاء)
ان يدمره من مكتبه الضخم الفخم ..
|
Post: #5
Title: Re: نحمد الله كثيرا على قطوعات الكهرباء..
Author: waleed nayel
Date: 04-22-2009, 06:30 PM
Parent: #4
ا لعزيز النصري
تحايا
يا جماعه انتو حكايه السد ده شنو......طلع هوا بس
احتفالات و بهرجات طلع ساكت .....و الكهربا لسه بتقطع
|
Post: #6
Title: Re: نحمد الله كثيرا على قطوعات الكهرباء..
Author: النصرى أمين
Date: 04-22-2009, 06:56 PM
Parent: #5
الاخ الفاضل وليد
الحكاية انو الانقاذ بعدما انتهت من بناء السد بالديون التى سيدفعها الشعب السودانى
اتلفتت يمين
اتلفتت شمال
ما لقت كفاءات تشغل المشروع
الجماعة فى ادارة المشروع كلهم كادر حزبى ملتزم
وموالين للنظام
وعامل الكفاءة ما واحد من شروط التعيين ..
الشغلانة جاطتت وتسببت فى احراج النظام
|
Post: #7
Title: Re: نحمد الله كثيرا على قطوعات الكهرباء..
Author: النصرى أمين
Date: 04-23-2009, 04:26 PM
Parent: #6
هذا الشعار
"الولاء قبل الاداء"
سيكون لعنة الانقاذ طالما بقت على سدة الحكم ..
طالما بتلقط فى ال junk و الفاقد التربوى
والمحاسيب والفاسدين والمفسدين
وتختهم على راس الراس
اصلو ما حتقوم ليها قائمة ...
مش لو بنو سد ..
لو بنو جن احمر
برضو بهؤلاء "المنتهين"
حتدق باى مشروع الدلجة ..
|
|