Post: #1
Title: شئ عادى جدا جدا جدا ..مدرس يعاقب تلميذه بالقتل
Author: النصرى أمين
Date: 02-01-2009, 05:32 PM
اول حاجه مافى زول يسال من المصدر...
الداير المصدر يفتشو براهو ..
ولانه خبر صغير وعادى واعتيادى.. ربما تكون
هناك مشقه فى الحصول على تفاصيل الخبر فى الصحف
السودانيه
لانو بصراحه
? who cares
معقوله بس..
مدرس يعاقب تلميذ بالضرب على الراس فيرديه
قتيلا..
لا مظاهرات طلعت فى مدينه رفاعه..
لا غضب شعبى
لا استقالات من وزير
ولا وكيل
ولا حاكم
لا اعتذارات
ولا حتى اهتمام طبيعى بما حدث
اكيد اكيد فى شئ غلط somewhere
|
Post: #2
Title: Re: شئ عادى جدا جدا جدا ..مدرس يعاقب تلميذه بالقتل
Author: النصرى أمين
Date: 02-01-2009, 05:37 PM
Parent: #1
كان ما اخاف الكضب
قبل شهور اليونان شهدت مظاهرات هادره استمرت اسابيع
بسبب مقتل طالب على يد احد رجال الشرطه
OK
عادة رجال الشرطه مسلحين ..
طيب استاذنا المبجل ده مسلح بشنو
فرار؟
|
Post: #3
Title: Re: شئ عادى جدا جدا جدا ..مدرس يعاقب تلميذه بالقتل
Author: النصرى أمين
Date: 02-01-2009, 05:44 PM
Parent: #2
قالك ايه؟
بناء سدود وطرق وكبارى ..
ابنو الانسان فى الاول
لانو الانسان ممكن يبنى الحاجات دى
ما سمعنا سدود وكبارى بتبنى ليها انسان
|
Post: #4
Title: Re: شئ عادى جدا جدا جدا ..مدرس يعاقب تلميذه بالقتل
Author: النصرى أمين
Date: 02-01-2009, 06:46 PM
Parent: #3
زمان ونحن تلاميذ فى الابتدائيه (وليس الاوليه)
كان اشد عقاب نخاف منه هو "قرصه" فى الاضان من استاذ
اسد ..
كنا نفضل الجلد بالسياط(لاننا كنا نردف) من تلك
القرصه المؤلمه التى تجعل الواحد منا يتلوى زى
الدبيب من الالم ..
وبرغم ذلك..
لم نسمع بطالب ذهب للمستشفى للعلاج من اثارها...
او ذهب لولى امره يشتكى ..
تحت اسوا الافتراضات
هى قرصه لا تقتل ...
|
Post: #5
Title: Re: شئ عادى جدا جدا جدا ..مدرس يعاقب تلميذه بالقتل
Author: النصرى أمين
Date: 02-01-2009, 06:48 PM
Parent: #4
اما ناس بروس لى
وشارلى شين ديل
بقى اساتذه كيف
الله يعلم
|
Post: #6
Title: Re: شئ عادى جدا جدا جدا ..مدرس يعاقب تلميذه بالقتل
Author: النصرى أمين
Date: 02-01-2009, 08:31 PM
Parent: #5
شنو يعنى استاذ يعاقب تلميذ بضربه فى الراس فيقتله؟
شنو يعنى ؟
شافع ومات
حادث ياخ
قدر
نهاية الدنيا ؟
سيبنا وخلينا نشوف معايشنا...
زول لايوق خلاص
|
Post: #7
Title: Re: شئ عادى جدا جدا جدا ..مدرس يعاقب تلميذه بالقتل
Author: النصرى أمين
Date: 02-01-2009, 08:38 PM
Parent: #6
معليش يا سيد
بس انا كنت فاكر الانسان عنده قيمه فى السودان
خاصه الانسان الفى بداية حياته زى التلميذ القتيل ده
|
Post: #8
Title: Re: شئ عادى جدا جدا جدا ..مدرس يعاقب تلميذه بالقتل
Author: نزار باشري ابراهيم
Date: 02-01-2009, 08:59 PM
Parent: #7
الإنسان يا صديقي حقوقة مهضمومة والحكومة ترى أنه لايساوي قيمة جزمة شرطي يقف عند مدخل وزارة الداخلية
|
Post: #9
Title: Re: شئ عادى جدا جدا جدا ..مدرس يعاقب تلميذه بالقتل
Author: Abureesh
Date: 02-01-2009, 09:10 PM
Parent: #8
رحم الله الفقيـد رحمـة واسعــة.
النصرى سلام..
قلت لى "زمان ونحن تلاميذ فى الابتدائيه (وليس الاوليه)"
عارفين يا سيـدى،
وبرضك ما غنيت بنشيـد: افرح وطنى هلل وكبر فى يوم الحرية..
معلوم عندنا.
|
Post: #10
Title: Re: شئ عادى جدا جدا جدا ..مدرس يعاقب تلميذه بالقتل
Author: زهير الزناتي
Date: 02-01-2009, 10:09 PM
Parent: #9
الخبر جاء في حكايات في زاوية صغيرة في الصفحة الأولي ونشرته هنا ، ولا أحد علق مجرد تعليق علي الحدث ، وبعد يوم أويومين نشرت حكايات تحقيق متكامل عن الحادث والملابسات التي توفي فيها الطالب
ولم اسمع أن احدهم حرك ساكناً ... بل جاء في التحقيق أن المعلم قد تم إطلاق سراحه ،،،،
في مصر قامت الدنيا ولم تقعد حتي الآن بعد وفاة الطالب إسلام في الإسكندرية نتيجة للضرب من معلمه وعلي ما أعتقد أن المعلم قد تمت محاكمته
الجرائم بصحف الخرطوم اليوم مدهشة وعجيبة
|
Post: #11
Title: Re: شئ عادى جدا جدا جدا ..مدرس يعاقب تلميذه بالقتل
Author: النصرى أمين
Date: 02-02-2009, 02:05 AM
Parent: #10
ادونا يومين "نرحل"
ساعود للتعليق
|
Post: #12
Title: Re: شئ عادى جدا جدا جدا ..مدرس يعاقب تلميذه بالقتل
Author: munswor almophtah
Date: 02-02-2009, 02:10 AM
Parent: #11
وشئ أكتر من عادى زول يتزوج صاحبو وما يحضر بحجج واهيه
|
Post: #13
Title: Re: شئ عادى جدا جدا جدا ..مدرس يعاقب تلميذه بالقتل
Author: النصرى أمين
Date: 02-04-2009, 06:07 AM
Parent: #12
فضل لى شرطونه وكرته
|
Post: #14
Title: Re: شئ عادى جدا جدا جدا ..مدرس يعاقب تلميذه بالقتل
Author: النصرى أمين
Date: 02-04-2009, 06:14 PM
Parent: #13
الاخ نزار
قطع شك الانسان ما عندو اى قيمه فى السودان
بقولو ان اناقة الرجل مقياسها اناقة حذاءه
اما مقياس تقدم الشعوب فهو قيمة الانسان فى نظر السلطات
والشعب ..
فكلما يموت الانسان العادى بسبب الاهمام وعدم الاهتمام ولا تهتم
السلطات و لا الشعوب
طوالى تعرف القصه بايظه والامم دى فى نهاية صف تقدم الشعوب
|
Post: #15
Title: Re: شئ عادى جدا جدا جدا ..مدرس يعاقب تلميذه بالقتل
Author: النصرى أمين
Date: 02-04-2009, 06:20 PM
Parent: #14
سلام ابوريش
| Quote: رحم الله الفقيـد رحمـة واسعــة |
نعم يرحمه الله ويغفر اليه
اتمنى ان يتم تعويض اسرته رغم فداحة خسارتهم
وعلى اقل الافتراضات ..ان تتكفل الوزاره بتكاليف
دراسة اخوته الصغار(اذا لديه) حتى تخرجهم من الجماعه
دى اقل حاجه يعملوها بعدما قتلوه ظلما
|
Post: #16
Title: Re: شئ عادى جدا جدا جدا ..مدرس يعاقب تلميذه بالقتل
Author: النصرى أمين
Date: 02-04-2009, 06:26 PM
Parent: #15
الاخ زهير
معذره اول مره اشوف البوست بتاعك ....
وبصراحه لا اقرا حكايات والدار
الخبر وجدته فى عمود للاستاذ عثمان ميرغنى ...
الشعب فى حالة illusion لا يرى سوى معايشه
وتوفير لقمة العيش ..
عدا ذلك فهو من الكماليات
شئ اشبه ب "ميتة القلب"
وفقدان المقدره على الغضب
|
Post: #17
Title: Re: شئ عادى جدا جدا جدا ..مدرس يعاقب تلميذه بالقتل
Author: النصرى أمين
Date: 02-04-2009, 06:29 PM
Parent: #16
يا منصور..وقت العزومه.. انا كنت بشيل لى فى
غساله ونشافه قدر الضريب (من العصر الحجرى)
اظن اننى الان اعانى من الام فى
المخروقه
|
Post: #18
Title: Re: شئ عادى جدا جدا جدا ..مدرس يعاقب تلميذه بالقتل
Author: Balla Musa
Date: 02-04-2009, 06:39 PM
Parent: #17
النصرى
المدرس دا أكيد من أولياء الله الصالحين..
إكتشف أن التلميذ دا مستقبلو فى الآخرة أفضل.
|
Post: #19
Title: Re: شئ عادى جدا جدا جدا ..مدرس يعاقب تلميذه بالقتل
Author: السر عبدالله
Date: 02-04-2009, 07:59 PM
Parent: #18
والله يا النصرى بينى وبينك في تلاميذ بيستاهلوا القتل وقطع الرقبة
لكن برضه المدرس ده غلطان لانه كان ممكن يضرب التلميذ بصورة ثانية ما تؤدى للقتل
لكن حكاية يوقفوا عقوبة الجلد فى المدارس السودانية حاجة غلط وكذلك في المدارس الامريكية
لكن المدارس الكندية والأوروبية الاخرى حاجة ثانية وما فيها عقوبة الضرب والنهر.. لكن مدارسنا السودانية فحدث ولا حرج
وكذلك مدارس امريكا وخاصة مدارس بروكلين.. وطبعا انت عارف براك طلبة بروكلين بيعاملوا المدرسين كيف؟؟؟؟
|
Post: #20
Title: Re: شئ عادى جدا جدا جدا ..مدرس يعاقب تلميذه بالقتل
Author: Ali Sirelkhatim
Date: 02-04-2009, 08:08 PM
Parent: #19
السيد/عمدة كالقرى وشيخ الحلة
هل توفى الطالب من ضربة الاستاذ ام من سكتة قلبية؟
|
Post: #21
Title: Re: شئ عادى جدا جدا جدا ..مدرس يعاقب تلميذه بالقتل
Author: إبراهيم سليمان
Date: 02-04-2009, 09:12 PM
Parent: #20
نفس الحكاية دي قريتها في جريدة حكايات
|
Post: #22
Title: Re: شئ عادى جدا جدا جدا ..مدرس يعاقب تلميذه بالقتل
Author: ياسر اورغ
Date: 02-04-2009, 11:48 PM
Parent: #1
شئ...فظيع
الله يصبر اسرته
|
Post: #23
Title: Re: شئ عادى جدا جدا جدا ..مدرس يعاقب تلميذه بالقتل
Author: النصرى أمين
Date: 02-05-2009, 05:33 AM
Parent: #22
يا بله القاتل مدرس متعاون ..
اتخيل معاى طريقة تعيينه ...
احد المدرسين عندو صاحبه عاطل وقاعد تحت شجره اليوم كلو
ودار بينهم الحوار التالى
المدرس :- يا فرده تعال اشتغل معانا مدرس
العاطل "- يازول جنى وجن قومة الصباح دى
المدرس "- ياخ دى شغلانه ساهله واى زول ممكن يشتغلها
انت موش عندك شهادة ثانوى؟
العاطل :- آآآآى عندى لكن نسبة النجاح 51%
المدرس :- كويس ما بطاله ..بكره تعال قابل الناظر
للمعاينه
العاطل :- اوكى مع انى بكره قومة الصباح
وفى اليوم التانى تم تعيين العاطل مدرس متعاون بعد
اجراء معاينه مع المدير بعد ان تاكد الاخير ان الاستاذ
الجديد عندو بونيه تودى التوج
|
Post: #24
Title: Re: شئ عادى جدا جدا جدا ..مدرس يعاقب تلميذه بالقتل
Author: النصرى أمين
Date: 02-05-2009, 05:54 AM
Parent: #23
يا السر اخوى
حكاية العقاب البدنى فى المدارس موضوع معقد وبيعتمد
على الظروف والبيئه المحيطه ..
انا شخصيا مقتنع انو فى السودان ممكن تستمر عملية العقاب
البدنى للتلاميذ لكن بشرط ان تقتصر على الجلد بالسياط
لانو مافى جلد بيكتل ولا بعوق ...
اوع من الضرب فى الراس اوالصدر وباقى الاماكن الحساسه
اما التلميذات فنهائئ العقاب البدنى مرفوض
تلاميذ بروكلين حقو نودى ليهم استاذنا المتعاون ده..
يا جانا قاتل ...يا مقتول ..
|
Post: #25
Title: Re: شئ عادى جدا جدا جدا ..مدرس يعاقب تلميذه بالقتل
Author: Hala Hassan
Date: 02-05-2009, 08:49 AM
Parent: #24
النصرى،
الحقيقة شفت البوست دة من أيام،
و أفتكرت الخبر مستورد من الخارج،
قلت لنفسى،
إحنا ح نشيل هم منو ولا منو؟؟؟
لكن أمبارح، و عند قراءة الخبر فى الصحف (الرئيسية)،
راجع زاوية الاستاذ: كمال حنفى - الرأى العام،،،
لا تتخيل مدى ما أصابنى من غثيان و الم يفوق القدرة على الوصف،
أشد ما المنى هو شهادة الزملاء، بان زميلهم،
ما عمل حاجة،،،
بالإضافة إلى توسلات الطفل للأستاذ، بأنو مريض!!!!!
لنا و لأطفالنا الله فى ضمائر لا تخافه و لا تخشاه،
نفوسهم مريضة،
و عقلهم لا يقدر على إستيعاب البراءة.........
|
Post: #26
Title: Re: شئ عادى جدا جدا جدا ..مدرس يعاقب تلميذه بالقتل
Author: النصرى أمين
Date: 02-05-2009, 05:26 PM
Parent: #25
يا على يا حبيب
حسب الروايات ان الطالب كان مريض وقت العقاب
الا ان ديجانقو فى اللحظه ديك كان ما بفرز
قلت لى سكته قلبيه .. وعمره 14 سنه ؟
|
Post: #27
Title: Re: شئ عادى جدا جدا جدا ..مدرس يعاقب تلميذه بالقتل
Author: النصرى أمين
Date: 02-05-2009, 05:29 PM
Parent: #26
الاخ ابراهيم
الشكر الجزيل لجريدة حكايات وصحفييها النشيطين
الذين يتابعون مثل هذه القضايا الحيويه
لهم كل التقدير والاحترام
|
Post: #28
Title: Re: شئ عادى جدا جدا جدا ..مدرس يعاقب تلميذه بالقتل
Author: النصرى أمين
Date: 02-05-2009, 05:37 PM
Parent: #27
الاخت هاله
الحادثه تعتبر جريمه ...
جريمه شنيعه
فى حق الاستاذ
والمدرسه
والوزاره
والحكومه
طبعا لا يخلو اى مجتمع بشرى من الجريمه
لكن رد الفعل الرسمى والشعبى تجاه ما حدث
مؤشر خطير جدا ان الامه السودانيه فى حالة توهان
كامل وضياع ....
لو مات نصف الشعب ..لا اظن ان النصف الباقى سيهتم كثيرا
لانو مشغول بتوفير لقمة العيش
اتمنى ان تجد اسرة المتوفى الدعم الشعبى المناسب من تبرعات..
وان يتم فتح حساب فى احدى البنوك لاستلامها
|
Post: #29
Title: Re: شئ عادى جدا جدا جدا ..مدرس يعاقب تلميذه بالقتل
Author: النصرى أمين
Date: 02-05-2009, 05:58 PM
Parent: #22
اتخيل يا ياسر منظر والدته عند سماع الخبر
شئ اكتر من فظيع ..
طفل يذهب للمدرسه للدراسه
يعود جثه هامده
|
Post: #30
Title: Re: شئ عادى جدا جدا جدا ..مدرس يعاقب تلميذه بالقتل
Author: النصرى أمين
Date: 02-09-2009, 05:50 PM
Parent: #29
منع المعلمين المتعاونين من معاقبة الطلاب
الخرطوم: السوداني
شددت وزارة التعليم العام عن ضرورة ان تكون هنالك شروط
ولوائح تحدد عمل المعليمين المتعاونين بالمدارس العامة الخاصة .
وطالب وكيل الوزارة د. معتصم عبد الرحيم والولايات والمحليات
بعدم اتاحة الفرصة لأي معلم يتم استيعابه بصورة رسمية في تأديب
الفرصة لأي معلم لم يتم استيعابه بصورة رسمية في تأديب ومعاقبه
التلاميذ وانما يقتصر عمله علي التدريس وتقديم المادة بصورة سليمة .
ومشيرا الي ان الوزارة لديها لوائح محددة للعقاب وهي من اختصاص
مرشد الفصل والمعلم الأساسي
انتهى الخبر
يا دكتور معتصم عبدالرحيم
مستكثرث حتى تزكر انو فى طفل مات بسبب الجهل ..
مستكثر تعتذر ..
عيب والله عيب
بعدين توصياتك دى وصلتا ليها كيف؟
جاك الهام بالليل انو فى شئ غلط؟
قمت الصباح وقررت انو المدرسين المتعاونين
ليس ليهم الحق فى معاقبة الطلبه...
ولا فى حادثه معينه وراها ...
اظن من الشجاعه والنبل ان تعترف ان نتيجه للحادثه
الفلانيه والتى تاسف عليها قررنا كذا وكذا ..
شويه دبلوماسيه وزوق يا عالم
لن تضركم ولن تنقص من مقامكم السامى ...
عارفنكم منقطنها ..
فى النهايه
مقتل التلميذ ده موضوع وانتهى ؟
وكل زول يشق طريقه؟
والناس تقرض على كده ؟
ولا راقدك فوق رائ؟
|
|