Post: #1
Title: ترقية "مهرب اليهود" الى رتبة فريق
Author: النصرى أمين
Date: 07-11-2008, 06:42 PM
Parent: #0
ترقية الفاتح عروة لرتبة فريق
الخرطوم: السوداني
أصدر رئيس الجمهورية المشير عمر البشير قراراً جمهورياً أمس بترقية اللواء طيار (م) الفاتح محمد أحمد عروة لرتبة الفريق،
وقبلها بعشره ايام الرئيس يقول
"بُنيت الإنقاذ على خمس.. الدين ..الحرية... الشورى... العدل والعلم"..
السادسه هى زاكرة الشعب الخربه
|
Post: #2
Title: Re: ترقية "مهرب اليهود" الى رتبة فريق
Author: النصرى أمين
Date: 07-11-2008, 06:57 PM
Parent: #1
والسابعه الانكسار
والمقصود انكسار العين بالمعنى السودانى
شعب عينو مكسوره ...
ولتكسير عين شعب زى الشعب السودانى احتاجت الانقاذ ل 19 عام لاكمال عمليه الكسير
|
Post: #3
Title: Re: ترقية "مهرب اليهود" الى رتبة فريق
Author: النصرى أمين
Date: 07-11-2008, 07:04 PM
Parent: #1
الثامنه التجويع
ودى ما دايره تعليق
|
Post: #4
Title: Re: ترقية "مهرب اليهود" الى رتبة فريق
Author: النصرى أمين
Date: 07-11-2008, 07:09 PM
Parent: #1
فى اى دوله غير السودان الشئ الطبيعى ان يتقاعد مستر عروه وينزوى ويتفرغ لكتابة مذكراتو
ولكنه السودان
مكسور العين
|
Post: #18
Title: Re: ترقية "مهرب اليهود" الى رتبة فريق
Author: محمد الشيخ أرباب
Date: 07-12-2008, 08:13 PM
| Quote: فى اى دوله غير السودان الشئ الطبيعى ان يتقاعد مستر عروه وينزوى ويتفرغ لكتابة مذكراتو |
يا( لبسي) ده في حالة انو خدم وطنو مش دعم الدكتاتوريات العسكرية. ديل وزراء كل الانظمة الدكتاتورية
تحياتي
|
Post: #5
Title: Re: ترقية "مهرب اليهود" الى رتبة فريق
Author: النصرى أمين
Date: 07-11-2008, 07:32 PM
Parent: #1
فى نكته طرفها اسد ولبوه وفار و ماسوره
لا استطيع حكيها ولكنها تتندر بكسرة عين المقتدر
|
Post: #6
Title: Re: ترقية "مهرب اليهود" الى رتبة فريق
Author: النصرى أمين
Date: 07-12-2008, 00:24 AM
Parent: #1
الشعب العينو مكسوره لن يابه ولن يهتم ولن يثور ولن يغضب اذا "اتمرمرطت" سمعة رئيسه فى المحافل الدوليه..
الشعب العينو مكسوره لن يهمه اذا كان رئيسه متهم فى جرائم اباده جماعيه او مرشح لجائزه نوبل للسلام ..
الشعب العينو مكسوره ده لن يهمه اى شئ
على الاطلاق ..
فهو فقط يريد ان يعـــــــــــــــــــــــــــــــــــــــــــــــــــــــــــــــــــــــــــــــــــــيش
|
Post: #7
Title: Re: ترقية "مهرب اليهود" الى رتبة فريق
Author: Sabah Hussein
Date: 07-12-2008, 00:31 AM
Parent: #6
| Quote: لن يهمه اذا كان رئيسه متهم فى جرائم اباده جماعيه |
.
دا دعاء المظلومين . ربنا يمهل ولايهمل.
بينى وبينك دى فضيحة عالمية.
بس الله يجازى الكان السبب.
|
Post: #8
Title: Re: ترقية "مهرب اليهود" الى رتبة فريق
Author: ALGARADABI
Date: 07-12-2008, 05:14 AM
Parent: #1
| Quote: ترقية الفاتح عروة لرتبة فريق |
الزول ده كان عقيد أيام محاكمة ترحيل الفلاشاعام 86
يعني بالأقدمية مفروض يكون بقي الرئيس خلال ال22 سنة دي
بالأضافة لأمكانات هائلة قل أن تتوفر في عسكري سوداني(مع احترامي لكل العسكر)
فالرجل هجر اقتصاد الحرطوم للكلية الحربية ودرس الطيران ويتحدث 7 لغات بطلاقة
وهو مهندس العلاقات السودانية الأثيوبية و السودانية الروسية
ورجل مرتب و ذو ذاكرة كومبيوترية وقدرة رهيبة علي السرد يحسده عليها كتاب السيناريو و ظهر ذلك جليا خلال محاكمة ترحيل الفلاشا فبدا خلال شهادته مرتبا و كأنه يقرأ من لوح مسطور ...وخلق جماهرية و شعبية خلال تلك الفترة وقيل أن مخابرات العديد من الدول البترولية قد ركضت خلفه لنيل توقيعه
كلاعب أجنبي و الاشاعة تقول أن أحدي هذه الدول قد نالت توقيعه مقابل مليون دولار (لست متأكدا من ذلك)
عاب الناس عليه قبوله بدور شاهد ملك (للايقاع بنائب الرئيس عممر محمد الطيب) في عمليه كان هو فيها حجر الزاوية
أنا شخصيا معجب جدا بالرجل
بغض النظر عن الخلاف حوله
|
Post: #10
Title: Re: ترقية "مهرب اليهود" الى رتبة فريق
Author: Ali Sirelkhatim
Date: 07-12-2008, 06:28 AM
Parent: #8
السلام عليكم ورحمة الله وبركاته
الاخ المرتاح
السيد الفاتح عروة ليس له مثيل فى المجال الامنى والاستراتيجى يا اخ النصرى والحق يقال
أدى الناس حقها.
|
Post: #9
Title: Re: ترقية "مهرب اليهود" الى رتبة فريق
Author: نادر
Date: 07-12-2008, 06:24 AM
Parent: #1
خالص التحايا يا النصري .. وينك يا راجل ليك غيابك طال.
عصابة الانقاذذ تنقلنا من دهشة لدهشة حتى صعقنا وأصابتنا ها سكت دكتور بشرى الفاضل والتحية له في هذا المقام.
|
Post: #11
Title: Re: ترقية "مهرب اليهود" الى رتبة فريق
Author: NGABY AJOOZ
Date: 07-12-2008, 07:03 AM
Parent: #1
انا اندهشت دهشة عجيبة خلاص لي ناس في عصر التكنولوجيا والعلم
تمجد ليها رجل أمن أزل واهان ابناء بلده ده كوم براهو والمدهش
اكثر حضور المدافعين لترقية الرجل الهمام لا يوجد في اي بلد في
العالم المتقدم او المتخلف بها جيش نظامي افراده يحالون الي المعاش
يجي رئيس الدولة يرقي ليه واحد ترك الخدمة منذ عشرين عاماُ لدرجي اعلي
ده حيش ده ولا كوشة جبل ,
الدكتور الشهيد جون قرتق عندما ترك الجيش كان برتبة عقيد ودخل الغابة بهذه
الرتبة وكون جيش يعد من اقوي الجيوش في المنطقة لم يرقي نفسة حتي استشهاده
عالم تجنن
|
Post: #12
Title: Re: ترقية "مهرب اليهود" الى رتبة فريق
Author: الرفاعي عبدالعاطي حجر
Date: 07-12-2008, 07:49 AM
Parent: #1
الجميع ناقش الترقية فما الهدف من عودة عروة وترقيته سؤال ؟؟؟؟؟؟
|
Post: #13
Title: Re: ترقية "مهرب اليهود" الى رتبة فريق
Author: النصرى أمين
Date: 07-12-2008, 09:53 AM
Parent: #1
الاخت صباح
لو فعلا تم توجيه الاتهام للبشير يوم الاثنين تكون فعلا فضيحه بجلاجل
قبل ايام صرح احد الانقاذيين بان السودان اصبح على كل لسان بفضل ثورة الانقاذ المجيده ..
وكمان بتبوبر ...
شكرا على المرور
|
Post: #14
Title: Re: ترقية "مهرب اليهود" الى رتبة فريق
Author: osman righeem
Date: 07-12-2008, 10:12 AM
Parent: #1
حاجه عجيبة
كيف يؤتمن شاهد ملك
من يخون قسمه يخون وطنه
|
Post: #15
Title: Re: ترقية "مهرب اليهود" الى رتبة فريق
Author: essam&amal
Date: 07-12-2008, 12:45 PM
Parent: #1
Quote: الزول ده كان عقيد أيام محاكمة ترحيل الفلاشاعام 86
يعني بالأقدمية مفروض يكون بقي الرئيس خلال ال22 سنة دي
بالأضافة لأمكانات هائلة قل أن تتوفر في عسكري سوداني(مع احترامي لكل العسكر)
فالرجل هجر اقتصاد الحرطوم للكلية الحربية ودرس الطيران ويتحدث 7 لغات بطلاقة
وهو مهندس العلاقات السودانية الأثيوبية و السودانية الروسية
ورجل مرتب و ذو ذاكرة كومبيوترية وقدرة رهيبة علي السرد يحسده عليها كتاب السيناريو و ظهر ذلك جليا خلال محاكمة ترحيل الفلاشا فبدا خلال شهادته مرتبا و كأنه يقرأ من لوح مسطور ...وخلق جماهرية و شعبية خلال تلك الفترة وقيل أن مخابرات العديد من الدول البترولية قد ركضت خلفه لنيل توقيعه
كلاعب أجنبي و الاشاعة تقول أن أحدي هذه الدول قد نالت توقيعه مقابل مليون دولار (لست متأكدا من ذلك)
عاب الناس عليه قبوله بدور شاهد ملك (للايقاع بنائب الرئيس عممر محمد الطيب) في عمليه كان هو فيها حجر الزاوية
أنا شخصيا معجب جدا بالرجل
|
مبرووووك
الفاتح عروة
وانت اهل لذلك
ام وضاح
|
Post: #16
Title: Re: ترقية "مهرب اليهود" الى رتبة فريق
Author: النصرى أمين
Date: 07-12-2008, 07:01 PM
Parent: #1
الاخ القردابى
كلام جميل فى حق الفريق عروه ولكن لاسف لا يهم كثيرا ..هذه الفقره من كلامك موضوع البوست
| Quote: عاب الناس عليه قبوله بدور شاهد ملك (للايقاع بنائب الرئيس عممر محمد الطيب) في عمليه كان هو فيها حجر الزاوية |
العمليه التى لم تسمها هى عمليه تهريب اليهود الفلاشا الى اسرائيل بالتعاون مع الموساد و ال cia
هو حجر الزوايه كما تقول وكونو منقطا ويتحدث عشره لغات لا يفيد كثيرا فى الدفاع عنه
شكرا يا عزيزى على المرور
|
Post: #17
Title: Re: ترقية "مهرب اليهود" الى رتبة فريق
Author: النصرى أمين
Date: 07-12-2008, 07:13 PM
Parent: #1
على السر
مبروك العضويه
كويس الواحد يكون عندو اصحاب فرد فى المنبر ده ..
البوست ده ما الغرض منو تبخيث قدرات الفريق عروه الاستخباراتيه او اللغويه ..
الغرض انو سعاده الفريق كان طرف رئيسى فى قضيه كان الشعب بعتبرها جريمه ويجب محاكمته...
الانقاذ لا تهمها الشعب ,,
لو احتاجت الانقاذ لغردون باشا (اذا كان حيا) لعينته وزيرا او معتمدا او سفيرا
لا يهم راى الشعب...
فالشعب للاسف (ولا مواخذه) تحت جزمة الانقاذ
ما ارح
ما يلا
ما تركبو
|
Post: #19
Title: Re: ترقية "مهرب اليهود" الى رتبة فريق
Author: النصرى أمين
Date: 07-12-2008, 08:33 PM
Parent: #1
الاخ نادر
فى الصحف السودانيه الصادره صباح اليوم تجنب كتاب الاعمده الخوض(او التعليق) على الاخبار المزلزله
الصحفى المخلص الزومه شبه اتهامات اكامبو للبشير كانه يامر بإلقاء القبض على (مخمور) في احدى الحانات
شفتو جنس الفضيحه دى..
الشعب السودانى لا يهمه الامر فهو يعيش فى حالة illusion سياسيه
كل الود
|
Post: #20
Title: Re: ترقية "مهرب اليهود" الى رتبة فريق
Author: النصرى أمين
Date: 07-12-2008, 08:40 PM
Parent: #1
الاخ نقابى عجوز
Quote: العالم المتقدم او المتخلف بها جيش نظامي افراده يحالون الي المعاش
يجي رئيس الدولة يرقي ليه واحد ترك الخدمة منذ عشرين عاماُ لدرجي اعلي
ده حيش ده ولا كوشة جبل , |
والله انا ما عارف وياريت اخونا عضو البورد الجديد على السر يفتى لينا فى الحته
نظام الترقيات وقوانينها..
على كل الانقاذ ممكن تعمل اى حاجه بدون تقديم تبرير او توضيح
والناس زاتها ما متوقعه تبرير لانها نفسها عارفه انها ما محسوبه فى الحسابات
|
Post: #21
Title: Re: ترقية "مهرب اليهود" الى رتبة فريق
Author: النصرى أمين
Date: 07-12-2008, 08:42 PM
Parent: #1
الاخ الرفاعى
اى خطوه تخطوها الانقاذ عندها هدف وغرض
غالبا سيئ
شكرا على المرور
|
Post: #22
Title: Re: ترقية "مهرب اليهود" الى رتبة فريق
Author: النصرى أمين
Date: 07-12-2008, 08:45 PM
Parent: #1
الاخ عثمان
| Quote: كيف يؤتمن شاهد ملك |
شاهد ملك يتحدث سبعه لغات زى ما قال اخونا قردابى
كيف ما يؤتمن!!
شكرا على مرورك الكريم
|
Post: #23
Title: Re: ترقية "مهرب اليهود" الى رتبة فريق
Author: النصرى أمين
Date: 07-12-2008, 08:46 PM
Parent: #1
الاخت امال
الف مبروك لعروه
شكرا على المرور
|
Post: #24
Title: Re: ترقية "مهرب اليهود" الى رتبة فريق
Author: النصرى أمين
Date: 07-12-2008, 08:47 PM
Parent: #1
محمد الشيخ
damn
|
Post: #25
Title: Re: ترقية "مهرب اليهود" الى رتبة فريق
Author: صلاح أبودية
Date: 07-14-2008, 08:56 AM
Parent: #24
إنت زعلان عشان رقوا الفاتح عروة؟
ما قبل ما يرقوا كان فى موقع أحسن من فريقين !!!
وهو كان قعد ساي برضو أخير ليهو من ثلاثة فرقاء!!!
ول زعلان على الشعب العينو مكسورة؟
ماالشعب شال العين السالمة طلع بيها برة وكسرها برضو
ول زعلان على اليهود..؟
شنو حكاية تهريب اليهود دى أحكيها لينا نحن كنا صغار الوقت داك !!
|
Post: #26
Title: Re: ترقية "مهرب اليهود" الى رتبة فريق
Author: Ali bas
Date: 07-14-2008, 09:59 AM
Parent: #25
كتب الهندي عز الدين اليوم فى عموده: "شهادتي لله" معلقا على قرار ترقية اللواء معاش عروة إلى رتبة الفريق قائلا: "وهو تكريماستثنائي لرجل يستحق التكريم..يستحق الوفاء فى وقت أصبحت فيه دولتنا فى أمس الحاجة إلى أهل العطاء.." ثم ذهب الهندي فى تقريظه لعروة ذاكرا بأنه كان متميزا بين أقرانه ونبغ وسط الضباط وتفرد فى قيادة جهاز أمن الدولة ولسبع سنوات قاد الدبلوماسية فى الأمم المتحدة مندوبا دائما للسودان. والأهم من ذلك فقد كان الفريق عروة قائدا لإدارة عمليات صيف العبور عمام 1995 من مقعد وزير الدولة للدفاع وقد دعا الهندي لتعيين عروة فى مناصب قياديةامنية وعسكريةبدلا من تعيينه مندوبا لدى شركة زين للإتصالات
|
Post: #27
Title: Re: ترقية "مهرب اليهود" الى رتبة فريق
Author: النصرى أمين
Date: 07-16-2008, 02:32 AM
Parent: #1
صلاح ابوديه
الف مرحب بيك فى البورد
الاخ Ali bas
طالما الهندى جاب سيرة العمليات التى نيغ فيها عروه وذكر عملية صيف العبور 1995 .. ليه تجاهل عمليه اهم واكبر وهى تهريب
اليهود الفلاشا بالتعاون مع جهاز المخابرات الاسرائيلى الموساد وال CIA !!!
شكرا على المرور والمشاركه
معذره لتاخر الرد فقد انتبهت الان فقط لمداخلتك
|
Post: #28
Title: Re: ترقية "مهرب اليهود" الى رتبة فريق
Author: أسامة خلف الله مصطفى
Date: 07-16-2008, 06:51 AM
Parent: #27
أخى القرضابى
عين الله ترعاك
Quote: أنا شخصيا معجب جدا بالرجل
بغض النظر عن الخلاف حوله |
إنها والله مأساة أن ينال إعجابك العسكر ، خائنى الأمانة، وبطانة السوء لكى نظام عسكرى...
لقد كانت آخر مغامرات أرسين لوبين السودانى فى نيويورك حينما قام ببيع منزل (قصر) مملوك للشعب السودانى (الحكومة) فى قلب منهاتن وإشترى شقة صغيرة لتكون مقرا للبعثة الدائمة ...
ثم إشترى منزلا للسفير فى ولاية أخرى ليست بها الأمم المتحدة...
ويا عالم ما هى أسرار الصفقة ويا عالم ماذا كان نصيبه منها....
إنك أخى (الذى لم تلده أمى) بإعجابك هذا عكست تماما ما يعانيه جيلنا ومعظم الشعب السودانى وهو المبدئية فى القضايا....
لقد تخيلت ثنائك هذا دافعا ومحفزا لهذا الرجل للقيام بإنقلاب طالما أنت تلوث المبدئية فى الإيمان بحكم الشورى (الديمقراطية) بإعجابك بأفسد عسكرى على ظهر الوطن ....
لقد أصبتنا بالغثاء ، وكان الأفضل لك أن تتحدث عن شخصية سينمائية وليست شخصية حقيقة عملت فى بلاط كل الذين خنقوا إستقلالنا وحولولنا الى دول العالم التى ستموت فقيرة فى المال وفى الفهم...
ولا تكن للظالمين عضدا....
|
Post: #29
Title: Re: ترقية "مهرب اليهود" الى رتبة فريق
Author: mohmmed said ahmed
Date: 07-16-2008, 08:35 AM
Parent: #28
القرضابى
صاحبى
ازيك
والله زعلتنى
كيف تعجب بكلب امن هرب الفلاشا
وخان ناسو وبقا شاهد ملك
وشنو حكاية اللغة دى
طيب الترابى بيتكلم كم لغة
وع ع ابراهيم لغتو سمحة
وعلى عثمان فصيح جدا ولغتو دقيقة
فى جرايد امس فى الخرطوم
اعلان مستفز
اعضاء جهاز امن نميرى يهنئون عروة
|
Post: #30
Title: Re: ترقية "مهرب اليهود" الى رتبة فريق
Author: البحيراوي
Date: 07-16-2008, 08:49 AM
Parent: #1
الأخ النصري أمين تحياتي
أؤيدك في كل ما ذكرت.
بس خلي بالك التقيل جايي ورا . بكرة تلقاه وزير دفاع عدييييييل ولا مدير جهاز الأمن والمخابرات.
وكان عارف ليك محل ذاكرة بشتروها كلمنا .
بحيراوي
|
Post: #31
Title: Re: ترقية "مهرب اليهود" الى رتبة فريق
Author: النصرى أمين
Date: 07-16-2008, 05:54 PM
Parent: #1
الاخ اسامه
اظن انك حملت شويه على الاخ العزيز القرضابى , على الاقل هو معترف انو ملف الفريق عروه ليس ناصع البياض
الكثيرون هنا ورغم عدم تداخلهم فى البوست يعتبرون عروه بطل و يستحق التكريم لا لشئ الا لانه انقاذى مثلهم ..
ولو انقلب اليوم عليهم لفتحوا كل مفلفاته القديمه ابتداء بتفاصيل عملية التهريب ومرورا باحداث بيع اراضى السفاره
لذا لا مخرج له سوى ان يظل انقاذيا طيلة عمره
شكرا على المرور والنفس الحار الذى صار عمله نادره فى عهد الانقاذ
|
Post: #32
Title: Re: ترقية "مهرب اليهود" الى رتبة فريق
Author: النصرى أمين
Date: 07-16-2008, 06:10 PM
Parent: #1
الاخ محمد سيداحمد
والله صاحبك القرضابى صاحبك ده من قريت مره انو رجع شنطه ضائعه من صاحبها وبها الاف الريالات والدولارات .. عندى ليهو معزه خاصه
برضو مره ساعدنى فى بوست طلبت فيه مساعده فى كيفية زراعه الملوخيه(الخدره) ...للاستهلاك الخاص طبعا
شكرا على المرور والتعليق
|
Post: #34
Title: Re: ترقية "مهرب اليهود" الى رتبة فريق
Author: ALGARADABI
Date: 07-16-2008, 07:46 PM
Parent: #32
يا أسامة يا أب صلعة
ويا محمد سيد أحمد( يا شرحو)
قال شاعر الحقيبة:
في عفافك انتا راهب
وفي الجمال كلك مواهب
الا فيك حبيت عنادك
وأصلو حب الناس مذاهب
وركزو لينا علي البيت الأخير
ويا النصري نشكرك علي مشاعرك الطيبة و القلوب شواهد
| Quote: والله صاحبك القرضابى صاحبك ده من قريت مره انو رجع شنطه ضائعه من صاحبها وبها الاف الريالات والدولارات .. عندى ليهو معزه خاصه |
بركة بس المالقيتا الايام دي!!!!!
|
Post: #33
Title: Re: ترقية "مهرب اليهود" الى رتبة فريق
Author: النصرى أمين
Date: 07-16-2008, 06:18 PM
Parent: #1
الاخ البحيراوى
| Quote: وكان عارف ليك محل ذاكرة بشتروها كلمنا |
ده سؤال ده ..
فى سوبرماركت كبير اسمو المؤتمر الوطنى عندهم اسعار كويسه
لدرجه انهم ممكن يبقو الزول بنى ادم من مفيش
اما الذاكره دى تلقاها اول شئ معروض وبتراب القروش
امشى وورينا اذا فى special الايام دى مع اتهامات البشير
شكرا على المرور
|
Post: #35
Title: Re: ترقية "مهرب اليهود" الى رتبة فريق
Author: mohmmed said ahmed
Date: 07-17-2008, 09:19 AM
Parent: #33
القرضابى
يا صاحبى
كمان جابت ليها نبيذ بالصلع
لكن برضو ما دايرين ليك
التسامح
مع كلاب الامن
|
Post: #36
Title: Re: ترقية "مهرب اليهود" الى رتبة فريق
Author: م. سيد احمد قدورة
Date: 07-17-2008, 09:45 AM
Parent: #35
وازيدكم من الشعر بيت الرجل يتمتع بافق ثاقب وذكاءا منقطع النظير وخبرات ادارية لا تضاهى ابدا وشخصية قوية وثابة كما يتمتع بشفافية وحنكة وحكمة فى التعامل.
لذا تم اختياره من قبل مجموعة زين ليصبح العضو المنتدب لشركة زين السودان ليمثل اضافة حقيقية فى مجال صناعة الاتصالات فى السودان وينضم الى تلك الكوكبة المتميزة من الاداريين فى شركة زين السودان لصناعة التاريخ فى ذلكم العالم الجميل عالم الانتماء والقلب والتألق
|
Post: #38
Title: Re: ترقية "مهرب اليهود" الى رتبة فريق
Author: محمد عثمان عبدالله
Date: 07-17-2008, 10:15 PM
Parent: #36
ياجماعه الزول البتتكلمو عنو ده الفاتح عروة سيد الاسم وله جارسيا ماركييز!!!!
وسؤال على الطاير نحنا عندنا كم فريق فى الجيشدورى السودانى يا شداد؟
|
Post: #37
Title: Re: ترقية "مهرب اليهود" الى رتبة فريق
Author: النصرى أمين
Date: 07-17-2008, 05:45 PM
Parent: #1
الاخ القرضابى
الاخ محمد سيداحمد
شكرا للعوده والتعليق
الاخ م. سيد احمد قدورة
Quote: وازيدكم من الشعر بيت الرجل يتمتع بافق ثاقب وذكاءا منقطع النظير وخبرات ادارية
لا تضاهى ابدا وشخصية قوية وثابة كما يتمتع بشفافية وحنكة وحكمة فى التعامل |
ماشايفين اى زياده فنحن مقتنعين معاك انو عروه عبقرى ومنقطا ..لم ولن تلد حواء السودانيه مثله ,,
الزياده الوحيده فى كلامك حكاية الشفافيه دى ....
اذا كان عنده الخاصيه دى لماذا تمت عملية الفلاشا بسرية تامه بعيدا عن اعين الشعب السودانى ..
برضو هل اخفاء تفاصيل يع ارض السفاره السودانيه فى نيويورك امر عسكرى او استخباراتى
الزول الشفاف ما بدس حاجه لانو ما خايف من حاجه لا نو ما بعمل حاجه غلط ...
الزول الشفاف بمشى عديل وما بتلبت
على كل شكرا على المداخله وابداء الاعجاب بالفريق عروه
|
Post: #39
Title: Re: ترقية "مهرب اليهود" الى رتبة فريق
Author: النصرى أمين
Date: 07-18-2008, 04:10 AM
Parent: #1
الاخ محمد عثمان عبدالله
غرضى من البوست انو داير اقول ان الانقاذ ما عندها اى اعتبار للشعب ولا يهمها فرحه او غضبه
الان هى فى امس الحوجه اليه ليخرجها من الماذق العايشاهو
وللاسف العميد عروه مثالنا للحالة دى
شكرا على المرور
ان شاء نقرض على كده
|
Post: #40
Title: Re: ترقية "مهرب اليهود" الى رتبة فريق
Author: محمد عثمان عبدالله
Date: 07-19-2008, 11:21 PM
Parent: #39
ضحكتنى حكاية شفاف دى أول مرة أسمع بتاع أمن شفاف يتاع الامن لازم يكون مضلم وضارب مخفى ولابس نضارة سوداء
ورافع القزاز....الجماعه ديل بعيشوا فى الظلام وبشتغلوا فى الظلام زى الخفافيش، كدى شوف ليك حاجة غير الشفافية دى.
|
|