تعريف كلمة "السودان" فى موقع حكومى سودانى

فى موقع الامانة العامعه لوزارة مجلس الوزراء
http://www.sudan.gov.sd/ar/main.asp?aCK=AB

جاء مايلى

جمهورية السودان

اطلق اسم بلاد السودان على الجزء الذى يقع جنوب الصحراء الكبرى الأفريقية والذى يمتد من
المحيط الاطلسى غربا الى البحر الأحمر والمحيط الهندى شرقا. بينما يقصد بهذا الأسم الأن الرقعة
التى تقع جنوب مصر الجزء الأوسط من حوض النيل. وقد ورد فى التوراة والنصوص الشورية
فقد أطلق أسم كوش على هذه الرقعة من الأرض اما الأسم الحالى (السودان) فهو جمع كلمة اسود باليونانية










كلمة اسود باليونانية




اذا.... تم خداعنا كل هذه السنين بان كلمة السودان اطلقها العرب على سكان هذه المناطق لانهم سود البشره

النصري ..سلامات

يعني شيخنا الجاحظ ده لما كتب فخر السودان على البيضان
كان يوناني و للا شنو؟

يمكن قاصد يا سيف

فخر الرجال الاسود على الرجال البيضان....

كلو وارد......

خلينا نفترض حسن النيه وندعو العباقره فى وزارة مجلس الوزراء (بالله عليك شوف الاسم زاتو اشتر كيف)

ندعوهم وبكل اريحيه ان يقومو بتعديل الخطا الفادح فى موقع ويكيبيديا
http://en.wikipedia.org/wiki/Sudan#cite_note-etym-0
الذى عرف الاسم كما يلى

Quote: The country's name derives from the Arabic Bilad-al-sudan, literally "lands of the blacks

السؤال

هذا الموقع

www.sudan.gov.sd

يعتبر الموقع الرسمى لحكومه السودان ...

لماذا يتم الصرف على موقع مشبوه مثل المركز السودانى للخدمات الامنيه (اقصد الصحفيه) واهمال
الموقع الرئيسى لحكومه السودان ...


معقولة بس
موقعنا الرئيسى ولا توجد به صفحه بالانجليزى للزوار الاجانب
انسى الاجانب ...الموقع نفسه يقول

Quote: الديانة: الأسلام، المسيحية و المعتقدات المحلية. اللغة : العربية، الأنجليزية و اللغات واللهجات المحلية

طيب طالما بعترفوا انو اللغه الانجليزيه متداوله فى البلد ..
مش مفروض الموقع يكون فيهو صفحه بالانجليزى

مره واحد صاحبنا قال لى

ياالنصرى عليك الله ما تستعمل كلمة "مفروض" دى لمن يجى زكر السودان .....


.

مش علي كيفهم

يازول

تجولت في السودان وقرأت عشرات من اللافتات الملطخة بالأخطاء الإملائية (بما في ذلك لافتة كلية الطب في جامعة الخرطوم ولافتات بعض الأقسام في وزارة الري) فتبين لي طرف من جبل جليد الأزمة: كان الجهل إستثناء للقاعدة يجتهد عدد كبير من الناس في محاربته--مربيون وأباء وأمهات وأصحاب دور نشر وأصحاب مكتبات وصحفيون وكتاب وآئمة مساجد وقساوسة... ألخ. لكن تبين لي أن الجهل صار هو القاعدة وله حماته والمدافعين عنه. أول حماة الجهل وغارسي بذوره الكريهة هم أصحاب الأمر: الحكومة.

يا سيف

طبعا على كيفهم

البلد بلدهم

الاخ ناصر
موقع بنك السودانى المركزى

ارجو المقارنه بين هذين الموقعين

الموقع الرسمى لحكومة السودان


المركز السودانى للخدمات الامنيه

نرجع لموضوع البوست ...


هل التعريف المزكور فى موقع السودان الرئيسى يمثل رأى الحكومى ام هو راى السيد

امين الموقع او ال webmaster

هل السيد وزير وزاره رئاسه الوزراء(اسم لقطه) يعلم ان هناك موقع تابع لوزارته ؟
هل زار الموقع من قبل ؟
هل قرا ان اصل كلمه السودان هى كلمه جمع "اسود" اليونانيه ؟

واهم سؤال

? does he care

فى البوست

المركز السودانى للخدمات الامنيه

اين اختفت عباره
"من نحن"

من واجهة الموقع المشبوه ؟


مش كانو معلقينها فوق فى سقف الصفحه الرئيسيه !!!


احتمال الناس عرفتهم هم منو عشان كده شالوها بره ......

Quote: النسيج – الأسمنت – زيت الطعام – السكر – الصابون – المنتجات الجلدية – المواد الغذائية – التعدين والصناعات التحويلية

النسيج

اخر تعديل للصفحه ايام مصنع النسيج السودانى (الله يرحمه)

نسيج قال

قررررررررر

حليلك يا مصنع نسيج الباقير (او مصانع المنسوجات القطنيه)
قضينا فيك ايام جميله قبل ما "تتدمر" (او بالاصح يدمروك)

حاولت جاهدا البحث عن كلمة ( السودان ) في قاموس يوناني معرّب ولم أعثر عليها ... تذكرت كتابا كتبه أحد الاذاعيين الليبيين يرجع فيه أصول كل الكلمات اليونانية للعربية ويحاول أن يثبت فيه أن اليونانية أصلا مقتبسة من العربية ..
المصيبة ليست في اجتهادات موقع حكومي ولا في أننا أسود أو سود البشرة ... المصيبة في أننا لانعرف حتى معنى أسماءنا ...
ياجماعة كفاية علينا أننا لم نحسم حتى الآن موضوع الهوية الضائعة بين الأفريقية والعروبية والآفرو عربية كمان طلعتو لينا بجنينة حيوانات ( أسود وقرود وغيرو ) ؟؟؟ والله نحن ماعارفين نحن منو ولا معنانا شنو ولا حتى جايين من وين ولا عايشين كيف ولا ماشين وين ... أسود أسود ..... يعني في كل الأحوال أحسن من أخونا داروين اللي خلا الأفارقة ونحن معاهم قرود ْ× قرود

الاخ عبدالدين
تشخيصى للحاله انو خليط من هروب من الواقع مع شويه جهل ومعلقتين اهمال وكميه من الفساد....

واحده واحده.....

هروب لان كاتب التعريف يفضل ان يكون الاسم له اصول يونانيه (او حتى هندوسيه او لاونديه ) بدلا من اسم عربى عنصرى.


وجهل لان مثل هذه الاشكالات لا يتم التعامل بها بهذه السطحيه ...

واهمال لان الموقع مهمش ...

وفساد .....لان الملايين التى تصرف ببذخ على مواقع مشبوهه مثل المركز السودانى
للخدمات الامنيه احق بها موقع السودان الحكومى الاول على الانترنت

السيد / باقان أموم وزير رئاسة مجلس الوزراء





مبروك الوزاره يا سيد باقان ....

حتى كتابة هذه البوست لم اكن اعرف من هو وزير الوزاره الوزاريه
وكان مفاجاة عندما عرفت ان سيادتكم هو الوزير الهمام ....


اعرف ان مشغول بحاجات كبار كبار نحن ما جايبين ليها خبر ,,,

لكن مش كان اولى تعيد ترتيب بيتك الداخلى (اقصد وزارتك)

اذا كنت مشغول يمكنك الاعتماد على شباب عاطل عن العمل له طاقات جباره وتعليم متقدم
فى علوم الشبكات (Cisco ,Microsfot etc ) ....يمكنك الاعتماد عليهم فى بناء موقع يليق باسم
السودان ....اما الميزانيه ....فانت عارف انها كلها قروش سايبه ....
فلمليون مليونيين دولار ما بتفرق ...

ولا شنو !

واذا اضطريت ممكن تلم اولاد اهلك واجمعهم فى صالون الببت واتفق معاهم انو يشتغلو فى الموقع

اهو فى الاخر زيتنا فى بيتنا .....


كلهم بعملو كده ......




ما تبقى غشيم



عادى ....

نود ان نلفت انتباهك سعادة وزير وزارة الوزراء ان هناك اسد (او اسود) داخل وزارتك ...

او من يعتقد انه اسد وانه اصوله اسديه ....

نعلم تماما يا سعاده الوزير انك ربما لا تعلم بكل شئ داخل وزارتك ...

وربما يخالجنا بعض الاحساس انك عباره عن طرطور مثلك مثل عشرات الطراطير (يطلق عليهم احيانا لقب مستشارين)
ربما نكون كاذبين فى مشاعرنا هذه ولكنا على ثقه تامه بوجود الاسد ....

لا نعرف من هو ..

ولكنا نخشى كثير ان تكون












انت يا سعادة الوزير

نواصل ياسيد باقان....

لحسن حظك يا سيد الوزير اننى لن اطالب بكرى بترحيل هذا البوست للدوره الجديده
(لانو جنى وجن البوستات الطويل)

لكن حتى ذلك الحين لدينا اكثر من سبع ايام طوال سمان ...

نتمنى فيها ان تبحث معنا عن الاسد(اوالاسود) المختبئه داخل وزارتك

سمعنا ان وزارتك (وزارة وزراء الوزارات) لا تخضع ميزانيتها للمراجعه والمحاسبه

لا نعرف صحة هذا الكلام لانو زى ما عارف سعادة الوزير ان حكومتنا الرشيده عندها حساسيه شديده من حاجتين
واحده امنها وسلامتها

والثانيه وهى التى تهمنا فى هذا البوست

اموال الدولة كيف تصرف ولمن تصرف



لا نعرف الميزانيه المخصصه لوزارتك ولكن بعض ضعاف النفوس يرددون انها ميزانيه مفتوحه
واهو زى ما نحن شايفين ملايين الجنيهات تصرف على المركز السودانى للخدمات الامنيه على الانترنت
وقد سألنا من قبل من مصادر تمويله ولم نجد اجابه وافترضنا (دون حسن نيه) ان وزارتك هى الممول للموقع

طيب سعاده الوزير::::
مش كان اولى تخصص ميزانية مشابهه لتطوير موقع السودان الاول على الانترنت



عشان هو موقع خدمى وليس امنى تتجاهلونه؟

طيب انت فرقك شنو شنو من السيد (خال الرئيس) صاحب نظريه النقاء العرقى وعقدة اللون الاسود ؟

السودان باليونانيه سمى إثيوبيا والسودان والبيضان أشبه بالعربيه ويقول الليبينو السوادنه ياخ إنت النعناع من السودان ما بتجيبو قادينا سودان ويونان مالك


وإن عدتم عدنا وفى الجعبه من الزخيرة ما يقتل الفيل



منصور

مرحب باستاذنا منصور

ه

Quote: السودان باليونانيه سمى إثيوبيا والسودان والبيضان أشبه بالعربيه ويقول الليبينو السوادنه

اول حاجه شوف ليك حل لمشكلة الطباعه لاننى وبصراحه ما قدرت افهم بالظبط انت عايز تقول .....

الصديق منصور
عدنا ولم نجدكم رغم نغمة التحدى الواضحه فى حديثكم وتوعدكم بهزيمة الفيل متجاهلا
الاسد .....

على كل ...

اعترف انك موسوعه علميه بشريه (شبه متكاملة) ..فكم مره ابهرتنى بحديثك
فى الادب والتاريخ والتراث الخ .....

لكن تزكر صديقى العزيز اننا نعيش عصر التكنلوجيا وتنقية المعلومات ..


فقد انتهيت فى دقائق معدوده وبضربات كيبورد قليله البحث عن اصل كلمة "سودان" فى
مكتبه الكونغرس الامريكيه واليك النتيجه

http://lcweb2.loc.gov/frd/cs/sudan/sd_glos.html

حاء فيها

Quote: Term derived from Arabic bilad as sudan (literally, land of the blacks). Not to be confused with Sudan, the country

ايضا فى دراسه نشرت فى موقع sudanvision
http://sudanvisiondaily.com/modules.php?name=News&file=print&sid=3073

جاء فيها

Quote: The Arabs called all the lands south of the Sahara collectively Bilad as Sudan or ‘Land of the Blacks’, similar to the ancient Greek meaning of Aethiopia; modern Sudan represents the eastern part of the old historic Sudan

اليك الوصلتين ادناه هديه على مرورك الكريم
http://en.wikipedia.org/wiki/Old_South_Arabian

http://en.wikipedia.org/wiki/Modern_South_Arabian