البرتا (Alberta) بعد عام كامل ..هل اتمقلبنا ؟؟

البرتا (Alberta) بعد عام كامل ..هل اتمقلبنا ؟؟


04-28-2007, 05:48 AM


  » http://sudaneseonline.com/cgi-bin/sdb/2bb.cgi?seq=msg&board=144&msg=1205992377&rn=16


Post: #1
Title: البرتا (Alberta) بعد عام كامل ..هل اتمقلبنا ؟؟
Author: النصرى أمين
Date: 04-28-2007, 05:48 AM
Parent: #0

البوست ده لناس كندا بس

Post: #2
Title: Re: البرتا (Alberta) بعد عام كامل ..هل اتمقلبنا ؟؟
Author: النصرى أمين
Date: 04-28-2007, 05:49 AM
Parent: #1

قبل اكثر من عام(بالتحديد فبراير 2006) كان البوست


ياناس البرتا(Alberta) ياخاينيين

Post: #3
Title: Re: البرتا (Alberta) بعد عام كامل ..هل اتمقلبنا ؟؟
Author: النصرى أمين
Date: 04-28-2007, 05:56 AM
Parent: #1

احد الاصدقاء كان ساخطا جدا من روحو وكان يشعر انه
ارتكب خطا فادح لحضوره لالبرتا ..

فى احدى ليالى الشتاء القاسيه فقد "طاقيته" بسبب الرياح القويه

ظل يردد المثل

جيناكى يا كالغرى تغنيينا قــلّــعتى طواقــيـيـنا

Post: #5
Title: Re: البرتا (Alberta) بعد عام كامل ..هل اتمقلبنا ؟؟
Author: Gamal Abayazid
Date: 04-28-2007, 06:00 AM
Parent: #3

النصري كيفك
ده كلوا عشان وقفوا.Over time
المهم اخبار السمك شنو مع سفر شهاب
فتك بعافية

Post: #6
Title: Re: البرتا (Alberta) بعد عام كامل ..هل اتمقلبنا ؟؟
Author: Gamal Abayazid
Date: 04-28-2007, 06:02 AM
Parent: #3

النصري كيفك
ده كلوا عشان وقفوا.Over time
المهم اخبار السمك شنو مع سفر شهاب
فتك بعافية

Post: #4
Title: Re: البرتا (Alberta) بعد عام كامل ..هل اتمقلبنا ؟؟
Author: النصرى أمين
Date: 04-28-2007, 05:59 AM
Parent: #1

فى فبراير 2006 كان متوسط سعر البيت 250 فى كالغرى

الان نفس البيت ب 350-400

Post: #7
Title: Re: البرتا (Alberta) بعد عام كامل ..هل اتمقلبنا ؟؟
Author: النصرى أمين
Date: 04-28-2007, 06:02 AM
Parent: #1

العناوين البارزه لصحيفه كالغرى هيرالد

اقتصاد الولايه سيتعرض لهزه قويه جدا خلال عامين

ومجمل دخل المقاطعه من البترول سينخفض بنسبة 50% (سيكون سبعه بليون بدلا عن 14 مليون)

Post: #8
Title: Re: البرتا (Alberta) بعد عام كامل ..هل اتمقلبنا ؟؟
Author: النصرى أمين
Date: 04-28-2007, 06:14 AM
Parent: #1

اليوم تتحدث نفس الصحف المحليه عن السياسات الجديده للحكومه الفدراليه فى اتوا
الخاصه بالبيئه .....
المعروف ان اقتصاد الولايه يعتمد على ما يسمى با oil sand ...وهو يختلف عن البترول العادى..
هو فى صورة رمال زيتيه يتم تحليلها بطرق علميه معقده ليستخرج منها خام البترول..

هذا ال oil sand ملوث للبئه بدرجة جيد جدا ..

التقارير الصحفيه تقول ان سياسه الحكومه الجديده ستحد من استثمرات مستقلبيه
للرمال الزيتيه .... وان رؤوس الاموال ستتردد فى استثمارات جديده ...

Post: #9
Title: Re: البرتا (Alberta) بعد عام كامل ..هل اتمقلبنا ؟؟
Author: النصرى أمين
Date: 04-28-2007, 06:16 AM
Parent: #1

سلام يا جيمى
عشان مافى اوفرتايم نحن قاعدين بجاى ..
نشوفك يا حبيب

Post: #10
Title: Re: البرتا (Alberta) بعد عام كامل ..هل اتمقلبنا ؟؟
Author: سلمي النصري
Date: 04-28-2007, 12:24 PM
Parent: #1

سلام

انشالله سهير والوليدات بخير.

انشالله ما تكونوا اتمقلبتوا ..

ومشيناها خطي كتبت علينا ....ومن كتبت عليه خطي مشاها..

احصل جيراني كلهم راجين الصيف يجي والمدارس تقفل ويشدو الرحال لالبيرتا...



معذره ان جاء شكري لك متاخرا...جزاك الله تعالي خيرا كثيرا علي ما افدتني به من معلومات.. و اجتهادك معي في محاوله الاستقرار مره اخري في كندا..العام الماضي.


لك من الشكر اجزله والسلام لسهير والوليدات.


اختك سلمي النصري

سلام

Post: #11
Title: Re: البرتا (Alberta) بعد عام كامل ..هل اتمقلبنا ؟؟
Author: عبد الحميد البرنس
Date: 04-29-2007, 04:33 AM
Parent: #10

العزيز النصري:

أتساءل هنا إن كان ذلك بمثابة صورة أخرى لما يمكن تسميته بإدمان هجرة المكان (القرية- المدينة- الخرطوم- القاهرة- إلخ..). يبدو لي الآن أن الهجرة النفسية قد أضحت من الأهمية بمكان أكثر من ذي قبل. الهجرة بمعنى القدرة على التكيف مع الواقع من حولنا على نحو يحقق تطلعاتنا المشروعة إلى حياة أكثر إنسانية. أجل, لا بد في تصوري أن نعيد النظر إلى أنفسنا نقديا على نحو يمكننا من معرفة أي تصورات راسخة في عقولنا بمثابة العائق, وأي الجسور نعبر في الهجرة إلى تصورات بديلة, إذ إن حتى التواجد المادي في محافظة ثرية مثل (ألبرتا) لا يجعلنا من أصحاب الحظوظ بالضرورة إذا لم نمتلك الوسائل اللازمة!.

كن ب(ألف) خير

Post: #12
Title: Re: البرتا (Alberta) بعد عام كامل ..هل اتمقلبنا ؟؟
Author: محمد عثمان الحاج
Date: 04-29-2007, 05:37 AM
Parent: #11

النصري تحياتي...
أين البوردابي الآخر الذي نزح من أمريكا لألبرتا ـ السر؟ لقد انقطعت بوستاته حال وصوله إلى هناك ـ آمل ألا يكون شرب مقلبا!

ليس من رأى كمن سمع لذلك فكونك شاهد عيان فلحديثك وزنه.
أنا مررت عبر ألبرتا بالقطار في رحلتي من بريتيش كولومبيا لأونتاريو قبل أكثر من ثلاثة سنوات ـ حيث عبر بنا القطار مساحات جرداء يبدو أنها مزارع القمح بعد حصاده تمتد إلى مالا نهاية ويسبب التحديق فيها ضيقا نفسيابعد طبيعة بريتيش كولومبيا الرائعة.

في الفترة التي كثر فيها الحديث عن جاذبية ألعمل في ألبرتا كنت أتابع الموقف عبر المواقع التي تنشر اعلانات الوظائف الشاغرة فلم ألاحظ أي اختلاف يذكر عن بقية كندا فالاجور هي نفسها وكنت أتعجب من أين يأتي ما تقوله الشائعات!

Post: #13
Title: Re: البرتا (Alberta) بعد عام كامل ..هل اتمقلبنا ؟؟
Author: Sabri Elshareef
Date: 04-29-2007, 01:36 PM
Parent: #1

الاخ النصري
تحياتي
لي شقيقتي بطرفكم كالغري واتت في شتاء كندي من صيف ولهيب السودان
والذي تزيده الحكومة القاصرة هناك لهيبا
اتمني ان تصلها او تتصل بها زوجها اسمه عمر شايب من اهالي رفاعة تلفون 4032076951

والبتعملوه من تهجار وترحال خلوها في بالكم
انت رجل ادمن التسفار والتهجار قدميك

تقبل تحيات الجميع صداح واولاد رحمه وود الاخت عادل حسن

Post: #14
Title: Re: البرتا (Alberta) بعد عام كامل ..هل اتمقلبنا ؟؟
Author: النصرى أمين
Date: 04-29-2007, 06:48 PM
Parent: #1

الاخت الكريمه سلمى

نبدا من

Quote: احصل جيراني كلهم راجين الصيف يجي والمدارس تقفل ويشدو الرحال لالبيرتا

واحده من مشاكل البرتا الفظيعه (اكرر الفظيعه) مشكله السكن
يقال ان الحاكم السابق للولايه رالف كلاين والذى حكمها لفتره طويله تتعدى 16 عام (1992-2006) يقال
انه اعترف ذات مره ان النمو الخرافى للولايه فاجاه ولم يمكن يتوقع ماحدث ان يحدث..
وهذا ضمنيا يفسر عدم استعداد الحكومه الاقليمه لاستقبال
الاعداد المهوله من المهاجرين من الشرق وتهيئه الخدمات الضروريه لهم من مساكن
ومدارس ومستشفيات>>

الولايه تعانى من مشاكل مبالغ فيها (بعيوننا نحن ناس الشرق)
واحده من مشاكلى الرئيسيه فى كالغرى اننى احتاج لزمن طويل جدا جدا لشراء
كباية قهوه من تيم هورتون Tim Hortons,هل تصدقى امبارح مشيت لقيت الصف لغايه
باب الشارع واخر زول ماسك الباب ودايرنى اقيف وراهو علشان امسك الباب,قلت ليهو فى
سرى تلقاها عند الغافل..مشيت الشغل بدون قهوه واعصاب دماغى تنتح من قريفه القهوه ..


المهم ..

مشكلة السكن من المشاكل الاساسيه وربما تكون سبب رئيسى فى الحد من سرعه النمو الجنونى
وتردد اصحاب الخبرات للمجى للولايه
الملاحظ ان ولاية ساسكاشوان المجاوره تستفيد من الظروف التى بها الولايه وتقوم
بحملات اعلاميه شرسه لتشجيع الناس للقدوم اليها وقد رائت احد ملصقاتهم فى احدى
المركبات العامه تقول مامعناه ان ان زمن الترحال من البيت الى العمل فى رجاينا
او ساسكاتون قد لا يتعدى خمس دقائق فى الوقت الذى يتعذب فيه سكان كالغرى فى المواصلات
ويقضى اكثرهم ساعه او اكثر للوصول لبيته كل يوم

اواصل بعد الفاصل

Post: #15
Title: Re: البرتا (Alberta) بعد عام كامل ..هل اتمقلبنا ؟؟
Author: النصرى أمين
Date: 04-29-2007, 07:10 PM
Parent: #1

فيا سلمى جيرانك ديل احسن ليهم يعيدو حساباتهم من جديد خاصه ان الكثيرين
يفكرون للهجره لالبرتا فى الصيف والذى يتوقع ان تصل فيه الايجارات لارقام مكوكيه,,,,
نحن هنا فى كالغرى ليس هناك قانون يحد من زياده الاجارات ويحق لصاحب البيت ان
يزيد الايجار كل ثلاثه شهور ..حكى لى زميل فى العمل هاجر من اونتاريو ان سعر شقته
وصل الى 1200 دولار فى خلال بضع شهور كان الايجار وقتها 950
ازكر اننى قابلت سيده مسنه كانت فى طريقها لمقابله احد المسئولين للتظلم من
قرار صاحب العماره زياده الايجار من 500 الى 1400
بحجه ان ذلك سعر السوق ..هذه السيده تعيش على معاش شهرى من الحكومه ربما
يصل الى 1200
ومثل هذه القصص تمتلى بها المدينه..

اكبر شركه مالكه للمجمعات السكنيه تدعى بوردواالك
وموقعهم على الانترنت هو
http://www.bwalk.com/rental/calgary/
اسعارهم زايده شويه لكن عندهم قانون داخلى يمنع اى زياده اكثر من
75 دولار كل ثلاثه شهور

Post: #16
Title: Re: البرتا (Alberta) بعد عام كامل ..هل اتمقلبنا ؟؟
Author: سلمي النصري
Date: 04-29-2007, 07:27 PM
Parent: #1

سلام


لا .., انا بقصد احصلهم يعيدوا النظر قبل مغادره مونتريال.

صحيح قد تكون الفرص بالنسبه لنا في الاقاليم الانجليزيه احسن , لكن الاهم في نظري هو الاستقرار النفسي للاطفال هذا ما لا يتحقق الا بالاستقرار المكاني لفتره معقوله.الاحظ وفي كندا كثره الترحال للاسر من مدينه لاخري..وهذا ما لا احبذه علي الاقل في فترات زمنيه متقاربه..


الله يقسم الخير محل ما نكون و هي كلها ارزاق وتدابير الهيه.

سلام

Post: #17
Title: Re: البرتا (Alberta) بعد عام كامل ..هل اتمقلبنا ؟؟
Author: النصرى أمين
Date: 04-29-2007, 08:33 PM
Parent: #1

نعم بالله ..

المشاكل التى تعانى منها البرتا كثيره ومتعدده ..

الاقليم باكمله فى حاله بناء وتعمير..

مثلا

توجد فى كالغرى ثلاثه مستشفيات يشهدون حاله توسيع ضخمه
وعند المرور باى منهم لابد للمرء ان يلاحظ جبال الاسمنت والخرصانه
التى تحيط بالمبنى الاساسى..

احياء سكنيه كامله يتم بناءها كل عام وفى وسطها
ساحه كبيره مسوره عليها يافطه مكتوب فيها مدرسه الفلانيه
فى المستقبل


اما الداون داون
Down town
فهو عباره عن مسرح ومعرض للرافعات الشاهقه التى تعانق السحب
خلال اسابيع سيبدا العمل فى تشييد
ناطحه سحاب تتبع لشركه اينكانا البتروليه
تكلفه هذه البنايه واحد بليون دولار

باختصار الاقليم كلو فى حالة بناء
ونتيجه لهذا البناء والنهضه الاقتصاديه هناك ضحايا ...

.......

الاخت سلمى
برغم الصوره القاتمه التى بدات بها البوست الا اننى مقتنع تماماان

البرتا والغرب بصوره عامه احسن بكتير من الشرق (اونتاريو وكويبك)

والفرص لينا ولاطفالنا افضل ولكن ....
--------------------

نسيت ان اقول لا شكر على واجب تحياتى للصديق احمد..

Post: #18
Title: Re: البرتا (Alberta) بعد عام كامل ..هل اتمقلبنا ؟؟
Author: النصرى أمين
Date: 04-30-2007, 05:02 PM
Parent: #1

الاخ الكريم عبدالحميد (اول حاجه مبروك البنيه وتتربى فى عزك انشاء الله)


تساؤلاتك كلها مشروعه ولكن استوقفتنى هذه الجزئيه التى تقول فيها
Quote: لا بد في تصوري أن نعيد النظر إلى أنفسنا نقديا على نحو يمكننا من معرفة أي تصورات راسخة في عقولنا بمثابة العائق, وأي الجسور نعبر في الهجرة إلى تصورات بديلة


فى اعتقادى (الخاص جدا) ان هناك شئ ما "غلط" فى طريقة تفكيرنا نحن السودانيين
حقيقه لا اعرف كنهه ولكننى اكاد اجزم ان له علاقه مباشره بمفاهيم وعادات ورثناها من جدودنا ساعد ال
Life style
فى مجتمعنا السودانى فى ترثيخها فى ادمغتنا ..

احيانا اشعر بالحيره و "الغيظ" عندما ارى مجموعات تشبهنا حديثه الهجره تحقق نجاحات
فى المجتمع الجديد بينما نتفوق عليهم فى مجالات جوهريه مثل اللغه وال
Personality

فى المكان الذى اعمل فيه تصل نسبه العاملين من اصول هنديه الى 35-40 %
كثير منهم فى وظائف قياديه وبعضهم يتحدث لغه انجليزيه ركيكه ..

مرات اجد العزر لنفسى و"اطمنها" بان
السبب اننا لم نجد من يفسح الطريق امامنا ويهدينا للطريق..

واننا لم نجد القدوه والدليل والنصح من زوى الخبره والممارسه ...

الدور علينا لنصبح قدوه لاجيالنا القادمه..
ولنسابق الزمن حتى نعد لهم
Menue النجاح

Post: #19
Title: Re: البرتا (Alberta) بعد عام كامل ..هل اتمقلبنا ؟؟
Author: النصرى أمين
Date: 04-30-2007, 05:20 PM
Parent: #1

الاخ محمد عثمان
اظنك تسال من اخونا السر عبدالله ..
هل تزكر حديثه عن خم الدولارات فى شوالات وانه داير يلحق قبل ما ناس النصرى يكملوها.

السر ده من اظرف الناس العرفتهم ..
زول ساخر جدا وهو بالمناسبه كان من كبار موظفى المركز الفرنسى بالخرطوم فى الثمانينات
يجيد الفرنسيه والانجليزيه

قبل حوالى اسبوعين قمت بزياره لدمنتون حيث يستقر السر والغريبه كان بطرفنا اشياء تخصه
لم نفلح فى اللقاء معه الا ان قريبه قال لى ان السر شغال طوالى بجمع فى الدولارات وان لديه
اكثر من خمس وظائف فى نفس الوقت

الطريف انو قال بضحك انو السر بعمل قروش وهو نائم

بالتاكيد بكون ملا ليهو شوالين على الاقل

غايتو ما اظنو من الممقلبين

Post: #20
Title: Re: البرتا (Alberta) بعد عام كامل ..هل اتمقلبنا ؟؟
Author: النصرى أمين
Date: 04-30-2007, 05:51 PM
Parent: #1

الاخ محمد
Quote: ليس من رأى كمن سمع لذلك فكونك شاهد عيان فلحديثك وزنه


منذ وصولى لالبرتا كنت فى حاله تركيز شديد لفهم البلد وطريقه تفكير الناس
كنت دائما اقارن بين البرتا وانتاريو

عشت فى ادمنتون بضع اسابيع معظمها كان تامل واستطلاع للمدينه
ذهبت بعدها الى اغنى مدن امريكا الشماليه Fort McMurray
وبدلوعوها وبسموها Fort McMoney
فى اقصى الشمال قضيت يوم كامل هناك وهو كل ما احتاجه لفهم سر هذه المدينه الصغيره
لا تناسبنى ولا تناسب الاغلبيه منا فهى مدينه غير مهيئه وغير جاهزه لاستقبال اى عماله جديده

انطباعى عن ادمنتون انها بطيئه بعض الشئ تزكرنى بسانت كاثرينز
الحياه الاجتماعيه فيها افضل من ناحيه المدارس وباقى الخدمات
وهى تناسب الاسر التى لديها اطفال ..
عيب المدينه (فى نظرى) ان الفرص المستقلبيه تقل كثيرا من كالغرى عاصمه المال والاعمال
كما ان مشكله السكن قد طالتها فى الشهور الاخيره واصبح لافرق بينها وكالغرى من ناحيه الاسعار

بالنسبه لكالغرى فهى تناسب قوم بطموحات تناطح السماء
(طبعا طموحات معاها راس مال)

المدينه تحتاج لخدمات فى جميع المجالات وبدون استثناء..
يمكن للمدينه ان تقبل الاف الاعمال الخدميه الصغيره وتقول هل مزيد
اعمال خاصه لاتكلف الكثير وتنمو مع مرور الزمن
المجال مفتوح لاصحاب الطموح والاحلام ليحققو احلامهم
اما من ياتى للمدينه ليستوظف وياخد مرتب كل اسبوعين
فهو بضيع فى زمنو والاحسن له ان يرجع من حيث اتى

Post: #21
Title: Re: البرتا (Alberta) بعد عام كامل ..هل اتمقلبنا ؟؟
Author: النصرى أمين
Date: 05-01-2007, 08:08 PM
Parent: #1

الاخ محمد
Quote: في الفترة التي كثر فيها الحديث عن جاذبية ألعمل في ألبرتا كنت أتابع
الموقف عبر المواقع التي تنشر اعلانات الوظائف الشاغرة فلم ألاحظ أي اختلاف يذكر
عن بقية كندا فالاجور هي نفسها وكنت أتعجب من أين يأتي ما تقوله الشائعات!


الاجور فى البرتا فعلا اعلى من اونتاريو ودى حقيقه ما فيها اى شك
ابتداءا من الوظائف الخدميه البسيطه مثل ماكدونالد وتيم هورتون
عاده يبدا التوظيف بعشره دولارات فى الساعه بينما فى ثانت كاثرينز المتوسط ثمانيه
تصل المرتبات الى ارقام مكوكيه فى وظائف العماله الماهره
خاصه فى مجال صناعة البترول ...
فى كل المجالات هناك فرق واضح بين الاجور هنا وهناك
فى المصانع والورش ,فى الحكومه والشركات الخاصه
فى كل مكان يمكن بسهوله ملاحظة الفرق
ولكن هذا لا يمنع من وجود تناقضات ...

حكى لى (كندى ابيض) انه رحل من هاميلتون الى البرتا بسبب اصرار زوجته
كان يعمل فى هاميلتون استاذ فى قياده الشاحنات الكبيره بالاضافه لخبرته كسائق مسافات طويله
حكى انه عند وصوله لكالغرى وذهابه لاول معاينه سال المخدم كم تدفعون لى اذا تم التعيين
كاد الرد 16 دولار تزيد مع الزمن لتصل 19
كانت مفاجاه لانه متوسط اجره فى هاميلتون كان 25
هذا الشخص واحد من كبار "الممقلبين" خاصه بعد ان حكى لى عن معاناته فى الايجار الغالى
وانه يفكر عمليافى الرجوع لونتاريو

Post: #22
Title: Re: البرتا (Alberta) بعد عام كامل ..هل اتمقلبنا ؟؟
Author: النصرى أمين
Date: 05-01-2007, 08:14 PM
Parent: #1

ملاحظات عامه عن الولايه

الناس هنا
little bit friendlier than Ontario

ليس لدى تفسير لهذا الاحساس ..

المناخ (الشتاء بالتحديد)

وطبعا ده
issue

كبير جدا بالنسبه للمهاجرين من الشرق ويعتبر بعبع رئيسى وعائق امام الكثيرين.....

انطباعى الخاص
ان شتاء العام الماضى كان افضل فصول الشتاء التى مرت على فى كندا
باستثناء اسبوعين فى نهاية نوفمبر وبدايه ديسمبر والتى وصل درجه الحراره لسالب اربعين

ما عدا ذلك فبقيه الموسم عادى جدا وكثير من الاوقات احسن من اونتاريو
الشتاء هنا يخلو من الرطوبه فهو جاف


من الطرائف انو اول ايامى كالغرى بدات اشكو من
"أكوله"
وشكيت لاحد الاصدقاء ضحك وقال لى انت قايل روحك فى اونتاريو ..

الشتاء هنا جاف وقد تحتاج لمرهم لترطيب الجسم

الشتاء فى كالغرى يختلف عن ادمنتون وباقى الولايه اذ انها ترقد على ظلال جبال
الروكى مما يمكنها من الاستمتاع برياح الشينوك وهى رياح دافئه تقوم بتغيير
درجه الحراره فى المدينه بسرعه خرافيه واذابة الجليد وتحويله الى موية طين

(عكس اونتاريو لا يتم استخدام الملح فى الطرقات لاذابة الثلوج ويستخدمون بدلا
عنها خلطه من الرمال والحصى
يطلقون عليها كلمه
Sand
هذه الرمال تتحول الى مياه طينيه سميكه عند هبوب رياح الشينوك على المدينه
عندما سالت لماذا يستخدمون الرمال بدلا من الملح اجابنى احدهم بان السبب ان الملح يقوم بتذوب الجليد الى مياه
وبسبب انخفاض درجه الحراره تتحول هذه المياه الى
Ice
وهو اخطر بكتير من

Snow

اما الرمال فتساعد فى تكوين درجه من الاحتكاك بين لساتك العربات وطبقه الثلوج التى تغطى الطرقات

ظاهرة رياح الشينوك تتميز بها كالغرى فقط اما ادمنتون
فيصفونها بانها
Real winter town

و الشتاء البخافو منو ناس الشرق موجود بهناك وبمزاج

شتاء اخو الموت زى ما بقولو

حكى لى احد الاصدقاء من هناك انهم احيانا لا يستطيعون قيادة سياراتهم لا لشئ الا بسبب
ال
ICE

الذى يغطى الشوارع

Post: #23
Title: Re: البرتا (Alberta) بعد عام كامل ..هل اتمقلبنا ؟؟
Author: النصرى أمين
Date: 05-01-2007, 08:21 PM
Parent: #1

سلام ياصبرى
كيفك وكيف ناس جيرسى (مدينتى البريدا)

احنا لسه ما عارفين البينا والعلينا ودايرين نسيبك ده يورينا الحاصل
شنو فى بلدهم دى ..واى معلومه مهما كانت صغيره بتنفع كيف نفهم البلد دى
مدوره ..



بالله عليك سلم على ود اختى الدنقلاوى المجنون عادل
وقول ليهو خلى السقاله اضرب تلفون..

Post: #24
Title: Re: البرتا (Alberta) بعد عام كامل ..هل اتمقلبنا ؟؟
Author: Siddig A. Omer
Date: 05-01-2007, 08:56 PM
Parent: #23

الاخ العزيز و الصديق المصادم النصرى....

الهجرة ليست فكرة بل هروب الى ما الامام...انتم اتفقتم على البرتا.....

ثم انقلبتم عليها..

الم اقل لك فكرة المطعم..احسن ليك من شغل الحكومة.. و المصادمة...

ما قلتوا "نوبة".....

نحنا نقول "شنو"

و الله لو ما "البرد" كنت مشيت "السكا"


لك حبى و احترامى و تقديرى

تخريمة:

انت منو القال ليك أمشى "البرتا"...ما تمشى "هيوستن"...ً

و لا لسع خائف من ال"F*****"

صديق - الدوحة

Post: #25
Title: Re: البرتا (Alberta) بعد عام كامل ..هل اتمقلبنا ؟؟
Author: Amir Mussaad
Date: 05-02-2007, 02:30 AM
Parent: #1

الحبيب النصري
يا زول ما تحمدالله
مالك شايل حسنا بي الحله
البرتا ولايه تمام حسب تقديري
و احسن من كرور الشرق


قلتا اشاغلك شويه في بوستيك دا

Post: #26
Title: Re: البرتا (Alberta) بعد عام كامل ..هل اتمقلبنا ؟؟
Author: sharnobi
Date: 05-02-2007, 02:33 AM
Parent: #1

دخلت عشان اسالم

النصرى

وامير مساعد
وايام
حالمة
والقلوب ليها شواهد

Post: #27
Title: Re: البرتا (Alberta) بعد عام كامل ..هل اتمقلبنا ؟؟
Author: النصرى أمين
Date: 05-02-2007, 03:40 AM
Parent: #1

صديقى الجنينه(من الجنون) صديق

انت ما شفت اليافطه المعلقه فوق ومكتوب عليها ناس كندا بس؟
بما انك صاحب البطل.... اتفضل خش ...
قلت لى مطعم !!!

زمان قبل الاف السنين كنا نعيش ونعمل فى مدينه امريكيه صغيره تدعى روشيستر
كان لى صديق ارترى اسمه ابراهيم ...
كنا نذهب انا وابراهيم الى احدى المطاعم البوفيه

All you can for $4.99

كنا نذهب بعد انتهاء الدوام ...

ونتعمد ان لا ناكل طوال اليوم ..
فنصل للمطعم المسكين دايخين من الجوع ..
ابراهيم كان يحرشنى

"ابعد من القش" يقصد الخضروات

ابعد من الشوربات وباقى فاتحات الشهيه ..


كنا ندخل "عدل" على صوانى اللحوم والاسماك والشرمب

وبدون رغيف ..

بعد شهور اغلق المحل ابوابه امام الجمهور واعلن افلاسه
صاحبك مرتضى ساتى(بتاع البنوك) طلع فينا اشاعه..
باننا كنا وراء افلاس المطعم ...
وبرضو تقول لى مطعم

Post: #28
Title: Re: البرتا (Alberta) بعد عام كامل ..هل اتمقلبنا ؟؟
Author: النصرى أمين
Date: 05-02-2007, 06:15 PM
Parent: #1

سلام يا امير
ياخ والله حامدين الله ليل نهار
ومقتنعين انو بلدكم "منقه" عديل

لكنها لا تخلو من منقصات كرهتنا المنقه ولون المنقه زاتو ...

انا متفق معاك فى
Quote: البرتا ولايه تمام حسب تقديري
و احسن من كرور الشرق


لكنها ليست بالصوره الورديه التى يرسمها اهلنا فى الشرق فى مخيلتهم
والذين يرغبون فى الحضور اليها عليهم اولا القيام ب
Home work

قبل ركوب الطائره

هذا الواجب المنزلى ضرورى وجوهرى حتى لا يفاجا الناس بمشاكل لم تكن فى حسبانهم

--------------------------

الاخ الكريم صلاح
شرفت البوست
انشاء الله الامور كلها تمام
والصحه حديد فى حديد

Post: #29
Title: Re: البرتا (Alberta) بعد عام كامل ..هل اتمقلبنا ؟؟
Author: EL fahal Abdelatif
Date: 05-02-2007, 06:37 PM
Parent: #28

النصرى تحياتى...

عليكم بالدعاء الشهير..

يا برد .... بزيت الارض.. كن دفئا على اهل البرتاواجعلهم من الصابرين....


ان لم تصبروا يا اخى فيا ويح شركات البترول من ندرة العرق...
وان لم تصبروا ....فداون تاون كالقرى بناطحاتها ...سوف تسكنها الغربان والبوم والوطاويط...


صبرا آل البرتا فان موعدكم... غنى.....فان لم يصبكم ..فقد يصيب نسلكم من بعدكم....

Post: #30
Title: Re: البرتا (Alberta) بعد عام كامل ..هل اتمقلبنا ؟؟
Author: النصرى أمين
Date: 05-02-2007, 07:41 PM
Parent: #1

الفحل ياحبيب
نحن قاعدين
ياجابت زيتنا
يا جبنا زيتها وبترولها

كدى نشوف اخرتها .

كيف حبيبتى فانكوفر؟

Post: #31
Title: Re: البرتا (Alberta) بعد عام كامل ..هل اتمقلبنا ؟؟
Author: النصرى أمين
Date: 05-02-2007, 07:45 PM
Parent: #1

السيارات
اول ملاحظه لى فى البرتا ان ظاهرة العربات المصدئه تنعدم تماما ,
وان الصدا الذى دمر عرباتنا فى الشرق

لا يوجد له اى اثر فى البرتا ...كعادتى سالت عن السبب وكانت الاجابه ان
الرطوبه العاليه التى تميز الطقس فى الشرق واستعمال الملح فى
الشوارع فى الشتاء لمقاومه الجليد وراء ظاهره الصدا التى تعم المناطق
الشرقيه من كندا اما هنا فى البرتا فالطقس جاف يخلو من الرطوبه كذلك
يتستخدمون الرمال بدلا عن الملح
لذا تنعدم رؤية العربات المصدئه حتى لو كان عمرها ثلاثون عام ...

ملاحظه اخرى
ان اجراءات ترخيص العربات اسهل بكتير من انتاريو حيث لا تطالب مكاتب
الترخيص ويسمونها هنا با
Registry
وهى شركات خاصه لديها توكيل من وزاره المواصلات والحركه ,لا تطالب هذه
المكاتب بتلك الشهاده اللعينه
Emissions test
والتى تسبب فى ذهاب الاف العربات الى
Junk yard

بسبب فشلها مرور ذلك الامتحان القاسى

اما بالنسبه ل
Safety Certificate



بعض شركات التامين تطالب بشهاده تشبهها
ولكن الكثير منهم لا يهتم

بالنسبه لاسعار السيارات فهى بالتاكيد اغلى من انتاريو
وتصل اسعار عربات قديمه مثل موديلات
1992—1993
الى بضعه الاف بدلا من مئات كما هو الحال فى انتاريو

Post: #32
Title: Re: البرتا (Alberta) بعد عام كامل ..هل اتمقلبنا ؟؟
Author: Elawad
Date: 05-02-2007, 08:10 PM
Parent: #1

Dear Elnasri and all Alberta people,o
Assalamu alikum
Listen to me and come to Saskatchewan, it is booming now. The good thing about it, is that it is booming in slow steps, so the things that happened in ALberta within months will take years to take place in Saskatchewan. Here housing is still reasonable. In Regina the province's capital the most you will need to drive is 10-15 minutes. People are very friendly. BTW our Premier is in Alberta today recruiting Saskatcewanians to come back. The only thing is to try to secure a job before coming... jobs are out there but not as much as Alberta, of course.o

Post: #33
Title: Re: البرتا (Alberta) بعد عام كامل ..هل اتمقلبنا ؟؟
Author: النصرى أمين
Date: 05-03-2007, 08:32 PM
Parent: #1

الاخ العزيز العوض

لو كنت اعلم قبل عام ونصف ما اعلمه الان ...

ولو كنت اكثر حكمه فى التفكير والحسابات العقلانيه ..


ولو بامكانى ارجاع عقارب الساعه الى الوراء ..


ولو(وهى تفتح عمل الشيطان)


لكنت الان "متحكر" فى راجاينا او ساسكاتون ....

الان وبعدما "اتــبـــلــبـلـــنـــا" المخارجه صعبه شديد ....

البدايه من جديد فى مدينه جديده صعبه خلاص خاصة بعد ان كسبنا بعض
الخبره فى فك طلاسم البرتا .....

لا اخفى عليك قمت بالاتصال ببعض الجهات فى ساسكاتون ولم اسمع منه رد شافى.

ولكن زى ما انت عارف الواحد لازم يمشى بنفسه وينتظر .. وينتظر...ينتظر

وده الشئ المستحيل فى ظروفنا دى..

ازكر قبل فتره سالتنى احدى الاخوات فى بوست الهجره لكندا عن افضل مكان للمهاجرين الجدد
اجبت عليها وبكل عفويه ساسكاشوان ومانيتوبا ..

اليوم زادت قناعتى بساسكشوان بعد ان سمعت و قرات ان الكثيرين من مهاجريها
لالبرتا فى طريقهم للرجوع لمناطقهم لتوفر فرص العمل مع معقوليه شديده فى
الايجارات واسعار البيوت وسهوله الحياه بدون تعقيدات ال

Booming

الاقتصادى


وتدهور الخدمات والامن مما جعل من كالغرى اكثر المدن "عدم" امانا فى كندا
وجرائم قتل وصلت 14 حاله منذ بداية العام

Post: #34
Title: Re: البرتا (Alberta) بعد عام كامل ..هل اتمقلبنا ؟؟
Author: Mohamed Doudi
Date: 05-04-2007, 00:05 AM
Parent: #33

Quote: وتدهور الخدمات والامن مما جعل من كالغرى اكثر المدن "عدم" امانا فى كندا
وجرائم قتل وصلت 14 حاله منذ بداية العام


ياالنصرى ال14 دى جرائم اسبوع اواقل فى بعض الاحيان فى مدينه ديترويت بالمناسبه اكبر خظا ارتكبته عندما حللت بكندا عام 94 هو ترك وينبغ (مانتوبيا) والتوجه لتورنتو والتى اضعت فيها اكثر من عام لافى ادور ماعارف راسى من كرعى ولكن رغم ذلك تظل تورنتو ياها تورنتو وانشاء الله العوده تانى لتورنتو والتى اصبحت مدينتى الثانيه بعد الابيض

دودى

Post: #35
Title: Re: البرتا (Alberta) بعد عام كامل ..هل اتمقلبنا ؟؟
Author: عزالدين محمد عثمان
Date: 05-04-2007, 00:41 AM
Parent: #1

الأخ العزيز النصري تحياتنا
والله ليك وحشه

Quote: لكنها ليست بالصوره الورديه التى يرسمها اهلنا
فى الشرق فى مخيلتهم
والذين يرغبون فى الحضور اليها عليهم اولا القيام ب
Home work

قبل ركوب الطائره

هذا الواجب المنزلى ضرورى وجوهرى حتى لا يفاجا
الناس بمشاكل لم تكن فى حسبا

عليك الله تورينا هذا الواجب المنزلي بالتفصيل؟
ايضا عندي سؤال عن الوظائف في مجال الطيران
يعني إدارة المطار أو المراقبه الجويه Air Traffic Control
او التوظيف في شركات الطيران؟
تحياتي للأخ امير مساعد واقول ليه البركه فيك وخليت
ليك رساله في التلفون واسف لعدم الأتصال مره ثانيه لامور كثيره
وللأخ صلاح إر هيدوفين ياخي مشتاقين شديد
وعذري لصاحب البوست
ولكم مودتي
عزالدين

Post: #36
Title: Re: البرتا (Alberta) بعد عام كامل ..هل اتمقلبنا ؟؟
Author: النصرى أمين
Date: 05-04-2007, 09:23 PM
Parent: #1

الاخ دودى

معقول تقارن كالغرى بديترويت!!!!

سكان كالغرى كلهم ما بزيدو عن مليون نسمه...
انتشار المخدرات بانواعها المختلفه منتشر جدا فى المدينه خاصه
الانواع الغاليه(هيروين)



الناس هنا "مساكين" بصوره عامه .

.قبل عده ايام نهرت لى كم

Teenagers


واتوقعت اسوا النتائج على الاقل كان ما دقونى بقومو يفكفكونى ( وهذه الكلمه نقصد
بها الملاسنه بالالفاظ النابيه..طبعا اصل الكلمه لا يخفى على احد)
المهم الجماعه سكتو وقطعو الحركه .

والله انا زاتى استغربت واتحيرت .وقلت احتمال انا شكلى
Tough
And
Gangster
عشان كده تجنبو مواجهتى ...
لو ده حصل فى بروكلين نيويورك كان ادونى طلقه فى راسى
او على احسن الفروض كنت اكون الان ماشى بدون سنون اماميه

Post: #37
Title: Re: البرتا (Alberta) بعد عام كامل ..هل اتمقلبنا ؟؟
Author: النصرى أمين
Date: 05-04-2007, 09:28 PM
Parent: #1

عزو

كيفك مع سانت قاشرين؟
مشتاقين والله ..
عليك الله حوش منى صاحبك عماد عباس ده
ضرب لى تلفون قبل يومين خلانى اضحك براى اليوم كلو


-------------

الواجب المنزلى البقصدو انا نوعين
واحد بقروش
والتانى مجانى

الاول انو الزول يجى بنفسو ويشوف البلد ويحكم ..

النوع الثانى
بجث وجمع وتحليل وتقييم للمعلومات حسب ظروف كل فرد
كل انسان عنده ظروفه الخاصه فالشئ البتلائم معاك غالبا ما بتلائم معاى
اول واجب منزلى هو معالجة مشكله الوظيفه المناسبه ودى هى ام المشاكل..
مثلا انت تبحث عن وظيفه فى مجال الطيران المدنى ..للاسف لا يوجد من السودانيين
من يعمل فى هذا المجال(حسب علمى) ..
والمعلومه تكاد تكون معدومه بيننا حول المجال ده ...
اذن ..
نحتاج لمن يفتح الطريق ..
ربما تكون انت الشخص المناسب للقيام بهذا الدور ...
لكن يجب ان تعلم من البدايه انك لن
تجد اى مساعده من الباقيين مما يجعل من مهمتك اكثر صعوبه ..
بالاصرار والاجتهاد وطولة البال ممكن يتحقق الهدف النبيل ده

ثانى واجب منزلى
موضوع السكن ..
الثالث
الاطفال والاسره والمدارس
الرابع
الخدمات والاسعار وتكلفه الحياه فى المدينه الجديده
الخامس
الطقس ومدى استعداد افراد الاسره للعيش فى مناطق بارده

السادس
العلاقات الاجتماعيه فى المجتمع وخلوها من "المشاكل"

اخيرا وليس اخر ام المشاكل
تكلفه الرحيل

Post: #38
Title: Re: البرتا (Alberta) بعد عام كامل ..هل اتمقلبنا ؟؟
Author: jini
Date: 05-04-2007, 09:41 PM
Parent: #37

Quote: بعد عام كامل ..هل اتمقلبنا ؟؟

ود النصرى
قالوا الجنة فى عدن!
اتمقلبتوا دنيا آخرة!
راجيكم جنس دق كدر بعدين!
جنى

Post: #39
Title: Re: البرتا (Alberta) بعد عام كامل ..هل اتمقلبنا ؟؟
Author: النصرى أمين
Date: 05-05-2007, 04:29 PM
Parent: #1

الاخ جنى

الكدارى ما بناباهو ..

لكن فى جماعه كده فى بالى ان شاء الله يمشوهو وهم مقيدون بجنازير الذنوب
وظلم الناس ومحاولة خداع البسطاء بتدينهم وخوفهم من رب العاملين ...
ندعو ليهم فى صلاتنا و قيامنا ربنا ياخد حق الناس منهم ...
ربنا ياخد حق الناس منهم
ربنا ياخد حق الناس منهم
ربنا ياخد حق الناس منهم

يارب يا جبار
ورينا فيهم يوم

امــــيـــــن

Post: #40
Title: Re: البرتا (Alberta) بعد عام كامل ..هل اتمقلبنا ؟؟
Author: عزالدين محمد عثمان
Date: 05-06-2007, 00:16 AM
Parent: #1

النصري سلام
تشكر على التنوير
والله صاحبي عماد انا
مكوفر ليه عديل كده وسمعت
انه كان في السودان سمع يعني بس
تحياتنا للجميع ..ولي عوده

عزالدين

Post: #41
Title: Re: البرتا (Alberta) بعد عام كامل ..هل اتمقلبنا ؟؟
Author: Tragie Mustafa
Date: 05-06-2007, 02:20 AM
Parent: #40

النصري كيفنك؟؟؟
وان شاء الله احوالكم العام القادم افضل.
غايتو في ناس كل يوم يقولوا لينا انها الجنه ذاتها(البرتا)
سؤالي لك عن كيفية الاسبونسر للاسر هل صحيح انه في البرتا مربوط
ب 900 ساعة عمل فقط؟؟؟

ودعواتنا لكم بالتوفيق

Post: #42
Title: Re: البرتا (Alberta) بعد عام كامل ..هل اتمقلبنا ؟؟
Author: HAYDER GASIM
Date: 05-06-2007, 03:07 AM
Parent: #41

عزيزي النصري ... سلمات

وتحياتي لسهير والأسرة ... الهنا والفي السودان


تعرف يا النصري كان بيننا فى تورنتو شخص يدعي

عبد الإله { ليس زمرواي بالمناسبة } وكان دائم

الضجر من كندا ... من بعدها ... من بردها ... من

ضعف الحياة الإجتماعية فيها { لخاصة المجتمع السوداني }

فكانت إنسكابته ومشاركاته الإجتماعية دوما فى هذا السياق ,


فحكى لنا يوما ... ولما أقام فى بريطانيا ردحا من الزمن قبل

أن يقرر الهجرة إلى كندا , عن طبيب مصري كان يقيم فى لندن وكان

من أعز أصدقائه السودانيين , ولما كانت حينها تقتلهم الفاقة فقد

إطلع الطبيب المصري علي إعلان لتعيين أطباء فى مدينة دوقلاس بإسكوتلاندا ,

وتنطبق مواصفات التعيين عليه وعلى كثير من الأطباء المهاجرين , فهرع

فر حا لصديقه الطبيب السوداني ... وناوله الخبر طازة , لكنه لاحظ أن

الخبر لم يطبع أي ملامح للفرح فى وجه الطبيب السوداني , فسأله مباشرة

عن رأيه فى هذه { الفرصة } ... فأجاب الطبيب السوداني ... أن دوقلاس

{ بعيدة } فعلاجه الطبيب المصري بمزحة مضادة ... وقال له { هو الخرطوم

أريبة يا قدع } ... فهكذا حالنا أخي النصري , فمن يفارق وطنه تستوي

فى ناظريه المهاجر ... قريبها وقصيها { هو بعيدة من فين بالمناسبة ؟؟؟ }


عموما كندا ... وفى أي أرجائها هي كندا , ربما تكون هناك بعض الفروقات ,

لكنها نسبية ولا تلغي الخصائص الكندية العامة , وربما يشتد البرد هنا ويخف

هناك ... لكنه البرد صفة كندية أصيلة وملازمة لكل مناحي القطر , وربما تقل

أو ترتفع الأحاسيس بالأمن الإجتماعي , وهو من العناصر الهامة فى المعايرة

الثقافية لشخص مهاجر ... أتمناكم التوفيق هناك ... وإن تفتقدكم أونتاريو .


مع مودتي

Post: #43
Title: Re: البرتا (Alberta) بعد عام كامل ..هل اتمقلبنا ؟؟
Author: النصرى أمين
Date: 05-06-2007, 07:31 PM
Parent: #41

سلام يا تراجى
Quote: سؤالي لك عن كيفية الاسبونسر للاسر هل صحيح انه في البرتا مربوط
ب 900 ساعة عمل فقط؟؟؟
بصراحه لم افهم سؤالك تماما! فهمت الجزئيه الاولى من
السؤال بخصوص الاسبونسر لكن عندما زكرتى عدد الساعات عدت وبدات اتشكك ربما تقصدين شيئا اخر
بسؤالك ......
اذا حالفنى التوفيق فى فهم السؤال يمكننى ان اقول ان عملية الاسبونسر شان حكومى فدرالى
خالص تتولاه وزاره فدراليه فى اتوا العاصمه (وزارة الجوازات والهجره) باستثناء مقاطعة كويبك الفرنسيه
فهم دائما "فارزين عيشتهم" من باقى كندا ولديهم قوانيينهم الخاصه بيهم..
هم اشبه بدوله داخل دوله ...

لكى تكتمل عمليه الاسبونسر يجب ان تتوافر لمقدم الطلب شروط كثيره اهمها المقدره الماليه
والتعهد بكفالة القادم الجديد لفتره تترواح بين ثلاثه سنوات (للزوج او الزوجه)
وعشره سنوات لباقى افراد الاسره

المقدره الماليه Financial Evaluation
لمقدم الطلب يتم تقديرها من اوراق الضرائب ويمكن الحصول عليها مجانا من الوزاره

اسم هذا الفورم
Option-C Printout
وهو يشبه بفورم
notice of assessment
الشهير والذى يتحصل عليه الجميع عند استلام "شيكات" ال
Income tax return
للفائده اقدم هنا الجدول الخاص للدخل المطلوب للاسبونسرشب (الحد الادنى حسب حجم الاسره)

Minimum necessary income
Size of Family Unit

1 فرد واحد مقدم الطلب $20,778
2 فرد $25,867
3 فرد $31,801
4 فرد $38,610
5 فرد $43,791
6 فرد $49,389
7 فرد $54,987
More than 7 persons, for each additional person, add
$5,598

بالنسبه لمقاطعه البرتا لديها بعض الحريه فى اختيار مهاجريها ولكن للاسف يتم ذلك
عن طريق برنامج اسمه
Provincial Nominations
حيث يقوم المخدم "بترشيح" فلان الفلانى" للهجره والعمل فى الاقليم ...
مثلا تقول شركة كالغرى الوطنيه انها تحتاج لفلان الفلانى من السودان للعمل فى
الشركه كفنى بترول ...
الطريقه دى اظن انها صعبه شويه ولا تناسب الكثيرين لسبب بسيط انو
الناس الهنا ما لاقين شغل خلى يجى زول من بره

Post: #44
Title: Re: البرتا (Alberta) بعد عام كامل ..هل اتمقلبنا ؟؟
Author: النصرى أمين
Date: 05-06-2007, 07:46 PM
Parent: #1

سلام يا حيدر
زمان قبل اكثر من عشره سنين كمال الشيخ قال ليهو جمله كلما افكر فيها
اصاب ببعض القلق ..اكيد قالها فى لحظه ياس من الحاله فى السودان الا انها
تمثل لى قمه معاناة المهاجرين بسبب الانقاذ

قال "-
"نحن ما ماشين اى حته ..من هنا ولمقابر المسلمين فى نياجرا فوولز"
برغم الروح التشاوميه فى الكلام ده الا انو للاسف حقيقى ومخيف ..
ويبوظ الاعصاب

وعشان ما يتحقق تتم "الفرفره" من جانبنا ..

الموت جاى جاى لكن الواحد يتمنى يعيش اخر ايامه فى بلده ووسط اهله
واصحابه ....
شتان بين احمد شرفى وشيبوا بالرغم ان الارض هى الارض والتراب هو التراب
كل الود ياصديق
ونتمنى نشوفك بجاى