تــبرعوا لـلــموقــع

Post: #1
Title: تــبرعوا لـلــموقــع
Author: النصرى أمين
Date: 05-23-2007, 06:32 PM
Parent: #0

فى صفحه الارشيف والمكتبات وضع الاخ بكرى ابوبكر(وبهدوء) وصله للتبرع للموقع

هذا فقط للمعلوميه

http://www.sudaneseonline.com/cgi-bin/sdb/2bb.cgi

Post: #2
Title: Re: تــبرعوا لـلــموقــع
Author: Raja
Date: 05-23-2007, 08:02 PM
Parent: #1

الأعزاء النصري وبكري..

سلامات..

غلطانين تكتبو عبارة (تبرعوا للموقع) حاف كده..
يعني كان تطعموها بـ (تبرعوا للموقع يوجد صور )
أو (تبرعوا للموقع بعد الإنتهاء من هذه الشكلة )
أو (تبرعوا للموقع حتى تسيئ للآتية أسماءهم )
أو (تبرعو للموقع حتى تضمنوا مكانا لبناء شخصياتكم "للبعض" )
أو (تبرعوا للموقع حتى تقدوا الناس بالكلام الخارم بارم "برضو للبعض" )

تخريمة: هناك حملة جادة بدأت هنا وأعتقد أن بشرى سليمان وعبدالله وداعة الأمين مشوا شوط ما بطال..

ودي لكما.. وللأعضاء والقراء المحترمين الذين يطلبون من رب العباد اللطف في قضائه

Post: #3
Title: Re: تــبرعوا لـلــموقــع
Author: النصرى أمين
Date: 05-26-2007, 03:07 AM
Parent: #1

سلام يا رجاء (قربت اقولك رجويه لكن خجلان بس)

اتمنى انو الوصله بتاعت الدفع تكون مشغوله طوالى و ما بتقيف . ..
لكن قلبى بيقول لى انها قربت تعتت من الصنه والسكون ..

يابكرى الزول لو اتبلبل بعوم ..
طالما وافقت (اخيرا) على مبدا التبرع

عليك بوضع وصله التبرع فى مقدمه المنبر ويا ريت لو علقتها فوق اسبوع اسبوعين ..

ليس فى الامر حرج ...

Post: #4
Title: Re: تــبرعوا لـلــموقــع
Author: النصرى أمين
Date: 05-26-2007, 02:04 PM
Parent: #1

هنالك حوالى 220 مكتبه لاعضاء نشطون

لو تبرع كل واحد منهم بعشره دولار فى الشهر
المجموع 2200 دولار امريكى
وهو مبلغ شهرى محترم يستطيع حينها بكرى تطوير المنبر
ويجعله مميزا من ناحيه تقنيه ...
بدلا من الشهلته ومشاكل الزحام وبطء التصفح ..

Post: #5
Title: Re: تــبرعوا لـلــموقــع
Author: Raja
Date: 05-26-2007, 02:12 PM
Parent: #4

النصري يا عزيز..

سلامات ومحبات..

غايتو عندي إقتراح:
أي زول يستخدم لغة بذيئة ويشتم عضو آخر. بدلا من إيقافه شهر أو ما عارفة كم ويرجع تاني لعادته..
يغرًم مبلغ (يعادل) 20 دولار..
تعرف بعد ده بيعرفو إنو الله حق. والواحد فيهم قبل ما يعمل إرسال يفكر حيخسر كم..؟

عالم ما تجي إلا بالعين الحمرا ..

رجوية..

Post: #6
Title: Re: تــبرعوا لـلــموقــع
Author: النصرى أمين
Date: 05-27-2007, 05:15 AM
Parent: #1

خد وهات يارجاء لغاية ما يصل قراء البوست بضعه الاف

Post: #7
Title: Re: تــبرعوا لـلــموقــع
Author: Raja
Date: 05-27-2007, 01:13 PM
Parent: #6

النصري يا عزيز..

قلت لي القراء يصلوا لألف..؟
إنت متفائل شديد..
ليه هو بوست شكلة أو فيه ألفاظ بذيئة عشان الناس تتدافس؟

غايتو لغاية هسع القراء 159.. قول يا كريم

ودي

Post: #8
Title: Re: تــبرعوا لـلــموقــع
Author: النصرى أمين
Date: 05-27-2007, 06:09 PM
Parent: #1

يا رجا كانو 159 لمن كتبتى مداخلتك ...
الان وبعد مرور حوالى خمسه ساعات ارتفع العدد الى 176
بزياده 17 زائر ..

يعنى كل ساعه بجو 3 داخلين هنا ..

وبعمليه حسابيه بسيطه نحتاج الى

7 سنين و 253 يوم و 19 ساعه و 12 ثانيه حتى
نصل للرقم المطلوب ...
وبما اننى اعترفت فى مكان ما فى هذا المنبر باننى
زول ملول وصبرى لا يكفى ليبل الأبرى فقد قررت متابعه البوست
حتى عامه الرابع( معليش ما بقدر اكتر من كده)
اعزرينى

Post: #9
Title: Re: تــبرعوا لـلــموقــع
Author: Raja
Date: 05-27-2007, 07:07 PM
Parent: #8

ههههههههه

غايتو يا النصري أنا معاك لغاية (ما نشوف آخرتا)

وحاقترح الأتي: بما إنو مافي غيرنا الإتنين في البوست ده. رأيك شنو نقوم ندوًر شكلة مااااكنة..
وتقوم تمشي تعمل بوست بي برة عنوانه رد على كلام زعًلك، لكن شفتا إنو ردك بي هنا فيهو تقليل..
وتقوم تعمل لينك بتاع البوست ده ..

وحاتك.. كلها 4 دقايق وتلاقي العميان شايل المكسًر
وهاك يا فرجة..

عموما قول خير.. قرًبنا من الألف.. عدد الزوار 189

ياااا مهوًن

بالمناسبة سهير وين مختفية؟ تحياتي لها

Post: #10
Title: Re: تــبرعوا لـلــموقــع
Author: طلال عفيفي
Date: 05-27-2007, 07:26 PM
Parent: #9

أعزائي النصري ورجاء ..
تحيه طيبة طبعاً ...

أنا متأكد إنو الموقع ده محتاج دعم ، دعم من كل النواحي ،
يعني دعم بالأخبار الطازجة والمهمة والمقالات المحترمة وإلخ ..

موافق إني أدفع المبلغ المقترح مقابل مكتبتي كل شهر ،
بإعتباره مقابل شيء واضح ومفهوم ..

بالنسبة للـ"تبرع" للمنبر ، يعني أفهم طيب ، المنبر ده بتتكلف
إدارته كم ، وتعليقة في الفضاء بيكلف كم وما إليه .. والإعلانات
الفوق دي ، ألا تغطي تكلفة تشغيله ؟؟
أقصد الموضوع بحتاج لدورة مالية شفافة (عدم المؤاخذة) عشان تقدير
الناس يكون سليم ، وعشان لا يأتي من بيننا واحد ويلقح على أخينا
بكري بالكلام زي ما واحد عمل مع متلقي تبرعات في المنبر قبل كده ؛

والله لو فهمت هتبرع ، لكن قروش المكتبة حقتي انا ملزم بيها ..

والسلامو عليكم

Post: #11
Title: Re: تــبرعوا لـلــموقــع
Author: النصرى أمين
Date: 05-27-2007, 07:30 PM
Parent: #1

سهير عملت ليها بوست واحد ..
ولمن غلبها ترد على كل المتداخلين
فتحت للبوست وللبورد ..
وقالت توبه تعمل ليها بوست تانى ..
عالم جبانات
_________

حسى كده كم ؟
199 زائر ...

مابطال ..

فضل
بضع مئات من الالاف

نفسى اعمل حركه بتاعت عضو معانا هنا ..
عامل حريف ..
يعمل Rrefresh للبوستات بتاعتو عشان يزيد عدد القراء..
مرات كده ولمن اكون فاضى وماعندى شغله اراقبه من بعيد
وفجاه عدد القراء يزيد عشرات المرات فى ثوانى ...
الود عامل فيها ثعلب ..
ان شاء يمر بجاى ويقرا كلامى ده ..

Post: #12
Title: Re: تــبرعوا لـلــموقــع
Author: النصرى أمين
Date: 05-27-2007, 07:50 PM
Parent: #1

سلام يا طلال
Quote: المنبر ده بتتكلف
إدارته كم ، وتعليقة في الفضاء بيكلف كم وما إليه .. والإعلانات
الفوق دي ، ألا تغطي تكلفة تشغيله ؟؟

اسئلتك صعبه خلاص ...

وما اظن الاخ بكرى حيتفضل و يمدنا بمعلومات من
هذا القبيل ...

حقيقه لم اسمع بموقع على الانترنت قام بنشر معلومات معلومات ماليه تخصه حتى موقع سودان نايل
لم ينشر معلومات حول شئونه الماليه حين وضع وصلة التبرع فى الصفحه الرئيسيه ..

على كل حال اتمنى من الاخ بكرى ان يمر من هنا ويجاوب على اسئلتك ...

او حتى يمر ساكت و ما يجاوب ...

خليك قريب ....

Post: #13
Title: Re: تــبرعوا لـلــموقــع
Author: fadlabi
Date: 05-27-2007, 08:02 PM
Parent: #1

شكرا يا النصري

أنا لليلة خمسين دولاري الزماااانك ديك ما دفعتها

النمشي ندفعها و نجي

Post: #14
Title: Re: تــبرعوا لـلــموقــع
Author: fadlabi
Date: 05-27-2007, 08:25 PM
Parent: #1

الناس ديل قالوا لي كرتك ما عرفناه

أتصرف كيف

الكرت visa و الحساب فيه قروش

و البنك كبير في النرويج ده من شنو يا شباب?

Post: #15
Title: Re: تــبرعوا لـلــموقــع
Author: fadlabi
Date: 05-27-2007, 08:35 PM
Parent: #1

يا جماعة الواحد بقى شكله زي الزايغ

و الحكاية دي ما جميلة

ورونا نتصرف كيف

هي كلها خمسين دولار

Post: #16
Title: Re: تــبرعوا لـلــموقــع
Author: النصرى أمين
Date: 05-27-2007, 08:38 PM
Parent: #1

الفادلا

الفيك اتعرفت

Post: #17
Title: Re: تــبرعوا لـلــموقــع
Author: هشام مدنى
Date: 05-27-2007, 10:53 PM
Parent: #1

الجميع سلام

والله متابع

والبوست ده ما عندى غيره

كل ما ينزل

نرفعوا

والله الكلام ده من زمان

في اقتراح كان

لكن والله الموقع محتاج دعم مادى

ومتفق مع الأخ طلال في اول سطرين

الباقى ممكن يكون صعب

لان الدعم من الأعضاء كل حسب امكانياته

ما محتاج كشف حساب

تحياتى

Post: #37
Title: Re: تــبرعوا لـلــموقــع
Author: هشام مدنى
Date: 06-14-2007, 01:06 AM
Parent: #17

?????

Post: #18
Title: Re: تــبرعوا لـلــموقــع
Author: النصرى أمين
Date: 05-28-2007, 05:07 PM
Parent: #1

الاخ الكريم هشام

Quote: والبوست ده ما عندى غيره
كل ما ينزل
نرفعوا

والله تكون ريحتنى شديد لاننى خلاص مروتى كملت
وبديت ازهج من البوست

_______________

ويابكرى لو داير تعلق البوست ده فوق ..علقو

ولو ماداير ...
على كيفك ...

عملنا العلينا ...

-------------------

فاضلابى
اكتب لينا رقم الفيزا وتاريخ الانتهاء هنا
عشان نصدقك

Post: #19
Title: Re: تــبرعوا لـلــموقــع
Author: fadlabi
Date: 05-28-2007, 06:56 PM
Parent: #18

Quote: فاضلابى
اكتب لينا رقم الفيزا وتاريخ الانتهاء هنا
عشان نصدقك[/B
]

معقولة!!!!!!!!!

هو الإيميل بهكروا

Post: #20
Title: Re: تــبرعوا لـلــموقــع
Author: النصرى أمين
Date: 05-28-2007, 08:21 PM
Parent: #1

فاضلابى
ما تخاف ..
عادى جدا..
لو مشيت البروفايل بتاعى بتلقى ارقام الماستر كارد
والامريكان اكسبريس وتواريخ الانتهاء..
بالاضافه للعنوان وتاريخ الميلاد الرسمى ....

لا تخف ..
فنحن نعيش فى زمن المدينه الفاضله ......

لا يخفى عليك انى داير ارفع البوست ده
باى كلام خارم بارم ..
بدلا من فوق و UP

Post: #21
Title: Re: تــبرعوا لـلــموقــع
Author: هشام مدنى
Date: 05-29-2007, 11:32 AM
Parent: #1

الأخ العزيز النصرى

عاطر التحايا

تخيل كنت حايم بى هناااااك لقيت البوست ده

قلت اجيبوا معى

ما تغيب كتير

التيار عالى جدا

تحياتى

Post: #22
Title: Re: تــبرعوا لـلــموقــع
Author: هشام مدنى
Date: 05-30-2007, 10:47 PM
Parent: #1

من الصفحة الثلاثة!!!!!

بالله ده ما عيب عليكم؟

عندما اعلن مالك الموقع عن ....

الناس قامت والبوستات نزلت

ونحن ونحن

وندفع

ونعمل

ونعمل

كله كان كلام

و

فـــارغ

اها البوست ده

كــــــيف؟

ومع ذلك

تحياتى

Post: #23
Title: Re: تــبرعوا لـلــموقــع
Author: هشام مدنى
Date: 05-30-2007, 10:50 PM
Parent: #1

الـــــــــــــــزوار

Quote: 312

والله لم اترك هذا البوست

واشوف اخرتها شنو؟

Post: #24
Title: Re: تــبرعوا لـلــموقــع
Author: النصرى أمين
Date: 05-31-2007, 03:49 AM
Parent: #1

عليك الله ياهشام مدنى خليك ضاغط كده ...

Post: #25
Title: Re: تــبرعوا لـلــموقــع
Author: هشام مدنى
Date: 05-31-2007, 07:14 AM
Parent: #24

Quote: عليك الله ياهشام مدنى خليك ضاغط كده ...

ما عندك مشكلة تب

لكن والله زعلان جدا

وما اخلى البوست ده يكون بعيد

الصفحة الاولى مكانه الطبيعى

تحياتى

Post: #26
Title: Re: تــبرعوا لـلــموقــع
Author: هشام مدنى
Date: 05-31-2007, 03:51 PM
Parent: #1

العزيز النصرى

سلام

غير الكروت التبرع كيف ؟؟؟

للفائدة العامة...

حتى لو في عضو/ة يود التبرع ممكن يرسل مباشرة

مافي مشكلة

الشكر والتقدير للجميع

Post: #27
Title: Re: تــبرعوا لـلــموقــع
Author: هشام مدنى
Date: 05-31-2007, 10:46 PM
Parent: #1

اها ابقوا عشرة على البوست ده

تصبحوا على خير

Post: #28
Title: Re: تــبرعوا لـلــموقــع
Author: Walid Safwat
Date: 06-01-2007, 00:25 AM
Parent: #1

lift me up
push me down
let me cry
but do not frown

UPPPPPPPPPPPP

Post: #29
Title: Re: تــبرعوا لـلــموقــع
Author: هشام مدنى
Date: 06-03-2007, 00:21 AM
Parent: #1

مـــن الصفحة تحمل الرقــــ3ـــــم

ما معقول والله

!!!!!!!!!!!!!!!!!!!

اطالب بالتثبيت

ولو لفترة يوم واحد وفقط

مع تحياتى

Post: #30
Title: Re: تــبرعوا لـلــموقــع
Author: عبد المنعم ابراهيم الحاج
Date: 06-03-2007, 04:45 AM
Parent: #29

العايز يدفع بالMony order يعمل شنو?

مع العلم سيد الحوش يبعد 10 أميال مني

لكنه متشرشح في الخرطوم

Post: #31
Title: Re: تــبرعوا لـلــموقــع
Author: هشام مدنى
Date: 06-08-2007, 10:19 PM
Parent: #30

الأخ عبد المنعم

خالص التحايا

والله اصـــــــيل

حقيقة ما عندى ايجابة الأن

لكن ننتظر الأخ النصرى

ممكن يكون لديه ايجابة

تحياتى لك ايها الأنسان الأصيل

Post: #32
Title: Re: تــبرعوا لـلــموقــع
Author: هشام مدنى
Date: 06-09-2007, 11:57 PM
Parent: #1

مــن الصفحة الرابعه !!!!

للمعلومية وفقط

واعتقد بعد ذلك من حق صاحب الموقع

يضع اعلان للشيطان

ما واحد يجى طالع يعمل فيها.....

ومع تحياتى

Post: #33
Title: Re: تــبرعوا لـلــموقــع
Author: هشام مدنى
Date: 06-10-2007, 09:58 PM
Parent: #32

Quote: مــن الصفحة الرابعه !!!!

للمعلومية وفقط

واطالب بالتثبيت

واقترح التبرع

20 بعملة كل بلد يقيم فيها العضو/ة

السودان 20 الف

اظنها معقوله ده

ومقبوله للجميع

هو اقتراح

نسمع منكم

تحياتى

Post: #34
Title: Re: تــبرعوا لـلــموقــع
Author: هشام مدنى
Date: 06-10-2007, 10:20 PM
Parent: #1

المعذرة خطأ غير مقصود

Post: #35
Title: Re: تــبرعوا لـلــموقــع
Author: هشام مدنى
Date: 06-10-2007, 11:55 PM
Parent: #1

دعم موقع سودانيز اون لاين

Post: #36
Title: Re: تــبرعوا لـلــموقــع
Author: هشام مدنى
Date: 06-11-2007, 10:50 PM
Parent: #1

من الصفحة رقم (4)

دعم موقع سودانيز اون لاين

Post: #38
Title: Re: تــبرعوا لـلــموقــع
Author: هشام مدنى
Date: 06-14-2007, 11:07 PM
Parent: #1

Quote: هذا فقط للمعلوميه

من نفس المكان