لماذا اجِد نفسى متعاطفا مع بشاشا ؟

تفكير بصوت عال ........

لا اعرف سر هذا التعاطف ولكننى احس انه يتزايد كل يوم ..
ربما كان السبب اننى اشعر انه يحارب بشجاعه متناهيه (المقصود هنا حرب الكلمه) ...
يحارب اغلبيه تسيطر على المنبر ..
ربما كان السبب وراء تعاطفى استخدامه للغه دارجيه بسيطه ...
لغه مباشره و مفهومه للجميع ..
لغه ليس بها لعب بالكلمات و استعراض للمقدرات الادبيه والنحويه ..
لغتنا السودانيه التى نفتخر بها ونتمنى ان تكون حلقة الوصل بين كل
القوميات المختلفه داخل الوطن الواحد ....
لغه يفهمها كل فرد من افراد الشعب السودانى...
لا اعرف سر تعاطفى مع بشاشا ولكنى اعرف انه كثيرا ما يصيب كبد الحقيقه
حين يتحدث عن جماعه معينه تسيطر على الوطن ..
هذه المجموعه المعينه يسميها بشاشا بالجلابه ..
طوال فتره وجودى فى السودان لم اشعر يوما ما اننى انا النصرى
ود البلد ..
ود الناس ..
ود القبائل
ود امدرمان..
متساو مع مكوار الراجل المحترم الشغال معانا فى البيت خادم ...
كنت اشعر دائما بالتفوق عليه ..
كان دائم الحديث عن الجنوب وجماله...

ازكر مره انه كان يحدثنى عن الجنوب ...قال لى ان اللبن هناك يختلف عن
عن البان العاصمه لانه الابقار هناك تاكل الحشائش الطبيعيه ولا تاكل
الدلاقين (كما سماها) ..ربما كان حديثه ذلك سببا اننى حتى الان اتجنب
شراب اللبن ...

رغم كل الحب والود للعم مكوار الا اننى كنت دائما اشعر بالتفوق عليه

كل اوجه الحياه تغذى فينى الشعور ده ..
المجتمع من حولى ..
المدارس ..
التلفزيون ..
الاذاعه ..
الجرائد ...
حتى الاصحاب والفِرد..

اذكر مره اننى دخلت فى مناقره مع احد الاصدقاء حول من منا ود بلد..
بدات ازكر تسلسل العائله وبدات امين على النصرى وعند وصولى للجد
السابع وكان الاسم على غراراسماء الانبياء ( مثل موسى وادم واسحق الخ)
صاح صديقى بانتصار (اها شفتا ؟ ..شفتا؟) ويقصد ان جزور العائله ترجع
لاسم انتشر بين قبائل الغرب السوداء ...
بصراحه ....شعرت عندها بالهزيمه والخجل ....
للعار ....
كيف لى احمل هذا الاسم "الشبهه" ؟؟
كيف يحمل جد جد جدى هذا الاسم "الشين" ؟؟
وبدات اتساءل ..
ممكن فينى عِرق وانا ما عارف ..

برغم شعورى بالندم الان على تفوقى آنذاك على باقى
اخوانى جوه البلد الا اننى فى نفس الوقت اجد لنفسى (الان) العذر
فانا ليس الا جزء من منظومه اجتماعيه سياسيه ثقافيه تفرخ امثالى من المتفوقين ...
اولاد البلد ..اولاد القبائل ..السودانيين

هذه المنظومه المعقده هى دولة الجلابه عند بشاشا ...

نعم اجد نفسى متعاطفا مع بشاشا بخصوص دولة الجلابه ..




---------------------------------

هل بشاشا عنصرى ؟؟
تقريبا كل اعضاء النادى الجلابى(كما يسميهم بشاشا) يتهمونه
بالعنصريه واذكاء نار الفتنه والكراهيه بين قوميات الوطن المختلفه ...
فى نظرى ان طريقته هذه هى الطريقه الوحيده لتغيير المفاهيم ...
وتغيير المفاهييم اول خطوه فى طريق التغيير السليم لبناء وطن متساو
الحقوق والواجبات ...
السؤال ....
كيف نغير المفاهيم من خلال بورد صغير يقراو بضع الاف فقط و ما بقراو
ساكنى المخيمات واطراف المدن ..
الاجابه(فى نظرى) ان تغيير المفاهيم ياتى من قمه الهرم وينزل لتحت ..
مثلا .. لو كان المسئول فى التلفزيون السودانى يقرا ما يكتب فى
الانترنت ربما فكر مره او مرتين ان التلفزيون "قومى" وليس تابع
لتنظيم او مجموعه سياسيه او اجتماعيه او دينيه ...
قومى بمعنى الكلمه وليس فقط واجهه ....

رؤوس ورموز "دولة الجلابه" يقراون الانترنت بنهم شديد ...
والفرصه متاحه لهم للمشاركه فى حركه التغيير

You are in the right direction ya Nasri

نسيت ان اقول كل عام والجميع بخير
ربنا يحقق امانيكم
وتعازينا الحاره لكل من فقد حبيب او قريب

لغة بشاشا في مخاطبة الآخرين قبيحة وحقيرة
يشتم كل من يخالفه بــ عبد حبشي
حسبك من بشاشا أنه يمجد الخفاض الفرعوني
ويجعله تجسيدا للتسامي الروحي
قال قيمة منبرية قال

الزميل : النصري : تحياتي : عبرت عن رأيك وشعورك وهذا من حقك ونحترمه وإن اختلفنا في التقييم والنتائج ، لان للكلمة قدسية ، وللحرية حدود وإلا اصبحت فوضى .

Quote: (المقصود هنا حرب الكلمه) ...

فهل تؤيده لوكانت كلمة (قذرة) ! او هكذا تصنف حتى الحروب !

Quote: عبد حبشي

و مؤذن الرسول كان عبدi حبشيi, أسمه بلال.


أول مرة أسمع هذه العبارة وأنا في سنة تالتة إبتدائي في حصة الدين
الإسلامي

و أظن أن بشاشا هنا بذكر some of الأعضاء هنا بثقافتهم الإسلاموعربية.

يعني فيما معناه, يا جلابي و حتى بخطابك الإسلاموعربي إنتا برضو عبد حبشي.


wallahu a3lam

النصري امين
كل عام وانت بخير.

شكرا لقولك كلام في المليان
وانت دوما في المليان

بشاشا رجل صادق جدا.

سيذكره ابناء الشعب السوداني كأصدق من كتب منا.
له الاحترام.
تراجي.

النصري

سير وحقظ الله ورعايته

بشاشا رجل صادق مع نفسه....

ينتقد نفسه أولاً قبل أن ينتقد الآخرين..

يقول ما لا يريدونه أن يقال ...

يفضحهم و يعريهم لذلك لا يحبونه..



بشاشا رجل صاح في زمن غلط

Quote: و مؤذن الرسول كان عبد حبشي, أسمه بلال.

هذا غير صحيح !!
بلال كان عبد (مملوكا) في مكة
وأعتقه أبوبكر الصديق , وفيه (أبوبكر سيدنا وأعتق سيدنا)
سيدنا بلال كان مؤذن الرسول صلى الله عليه وسلم في المدينة
ولم يكن عبدا وقتها ....
وقد شهد بدرا وقتل أمية بن خلف وابنه عليا
أسيري عبد الرحمن بن عوف الذي كان يقول:
يرحم الله بلالا ذهبت أدراعي وفحعني بأسيري...

Quote: و أظن أن بشاشا هنا بذكر some of الأعضاء هنا بثقافتهم الإسلاموعربية. يعني فيما معناه, يا جلابي و حتى بخطابك الإسلاموعربي إنتا برضو عبد حبشي.

وهذه أيضا حجة لا تقف على رجلين
فبشاشا يطلق على كل من يخالفه عبارة عبد حبشي
حتى وإن لم يكن حبشيا !!!
بشاشا يختلق لنفسه الذرائع والمبررات
لاحتقار الحبش و تحديدا في بوست الأخت سارة عيسى أقر بشاشا
إساءتها الصريحة للحبش واحتقارها لهم ( ثلاث مرات) ((انت صاحب توثيق)
أكثر من ذلك تجاوزت إساءات بشاشا مخالفيه
إلى الصحابة بل الأنبياء والرسل !!!!!

الاخ الزميل الفاضل النصري امين لك التحية
ليس منا مسوول عن لونة او اسمة
لون الانسان وشكلة من صنع الخالق اللزي لا ينام وليس لاي مخلوق
من مخلوقاتة الحق ان يعطرد علي زلك
الاسم هوة ما يفرضة الابا والامهات لمواليدهم فليسة لنا يد في زلك ايضا
انما يحاسب الانسان علي افعالة وتفكيرة ويتحمل كل تبعاتهاان كانت سلبية او ايجابية
ومن الظلم ان نحكم علية من خلال لونة اوشكلة او اسمة فقط /......... نادر السوداني

العزيز النصري

هذا ضرب جديد من الكتابة
التفكير بصوت عالي

وهو مناسب جدا لهذا المونولوج الصادق
في مواجهة ونقد الذات

نعم

الأستعلاء منتشر جدا في ثقافتنا
في نكاتنا
أغانينا
حكمنا
في سياستنا
نظامنا التعليمي
الإداري
والقضائي

وهذا الأستعلاء موجه ضد الإعراق
وضد المرأة
وغيرهم من المستضعفين

نحتاج لهذه المواجهة
مع أكثر النقاط إظلاما في أنفسنا


الباقر موسى

صدقت ..
بشاشا دا مش يثير التعاطف بس؛ و إنما التعاطف و الشفقة و الرثاء!!

Quote: وهذا الأستعلاء موجه ضد الإعراق

بشاشا آخر من يجب أن يتحدث عن الاستعلاء العرقي

Quote: وضد المرأة

حسبك من بشاشا إحتقارا للمرأة أنه يمجد الخفاض الفرعوني
ويجعله تجسيدا للتسامي الروحي ويفتخر ببقائه مستمرا
وأنه أساء إلى عدد من الأخوات الكريمات هنا وشتمهن...

Quote: وغيرهم من المستضعفين

دع عنك المستضعفين
بشاشا لم يسلم من تجريحه حتى الأموات
راجعوا إن شئتم بوست الأخ الكريم محمدين إسحاق
لتروا كيف تعدى على الراحل (أبي آمنة حامد)
وهو لا يعلم عنه شيئا!!
ولتروا كيف مارس الإرهاب ضد الأخوين
محمدين إسحاق ومحي الدين أبكر!!!
-------------
أعود

Quote: هؤلاء ودعاويهم هم وهي المسؤلين المسؤلة، من الدمار ومحارق التطهير. فعلي اي اساس نحتفل برموز الاستلاب، جنود غزاتنا؟ ياريت تشرح لينا منطلقاتك في الاحتفاء بداعية صهيونية نازية، عربية؟

Quote: ياعزيزي الرجل كان اداة من ادوات تهميش اهلو، وبذلك لامعني لي حديثو! اهلو همشو لانهم ماعرب، كحال كل غير العرب حسب الوهم في جمهورية السودان العربية! فالرجل كقومي عربي، كان اداة تهميش لاهله غير العرب! فمافاهم زول زي ده يحتفلو ليهو شنو؟

والغريبة بعد الوقاحة دي كلها إنو بشاشا ما عارف من هو ابو آمنة حامد ...
وقايلو جعفر بشير عضو المنبر
شوفوا كتب شنو في الآخر:
محمدين

Quote: ماعندنا مانع، عرفنا بالجانب الاخر في حياة الراحل ابو امنة. في عضو بي نفس اسمو في المنبر ده، فماعارف لو ده، هو. حاحاول اجيب مداخلة ليهو.

ناصريون ..نعم .. دعونا نوثق عن هذا (الأدروبي) الزاهد عن...دة الي بكري ابو بكر
--------------------------------------------

Quote: لماذا اجِد نفسى متعاطفا مع بشاشا ؟

شوف دي:

Quote: ابوالجعافر، الموقف من الختان حقيقة يوضح علي دامغ ماساوي مدي تيهنا، بل الغيبوبة الاحنا فيها كشعب! هذا الختان الكوشي هوابرز شارات هويتنا المقبورة، الفضلت لامعة كماالبرق في الظلام! للختان الكوشي معان روحية غاية في العمق والتعقيد. لكننا وبحكم مرض فقدان الذاكرة الثقافية، اضحينا غرباء عن ارثنا الروحي الكوشي المجسد في الختان، واصبح الختان غريبا عنا، رغم استمرار الممارسة اللتي فقدت معناها تماما! قدرة ثقافتنا علي البقاء حقيقة تدعو للاعجاب، رغم كل هذه المتاريس، ومئات سنين الاسترقاق لجنسنا! ده البهمني في امر الختان صراحة. الغريب، انو الممارسة دي رغم انها زنجية صرفة، مواهيم العروبة وكعادة الكثير من جوانب ثقافتنا، نسبوها للعرب، بل كمان بشتمو غير العرب حسب وهمم، كابناء وبنات غلفة! عجبي! الكثير من جوانب ثقافتنا، بتنطق حروف مسمياتا بالعربية انطلاقا من افتراض مسبق انها عربية! هكذا تم تلفيق فرية عروبة ارض السود!

وقس على ذلك يا صاحب القيمة المنبرية

الاخوه والاخوات
كوستاوى
Mohamed E. Seliaman
فيصل الزبير
تراجى مصطفى
سيف مساعد على
خالد عبدالله محمود
نادر السودانى
الباقر عثمان
حسين ملاسى
شكرا على مروركم

سلام يا نصري و كل سنة و انتو طيبين ..

عدت من نيو يورك و وجدت الباكيج .. شكر و تقدير

بشاشا محق في جانب عدم تصالحنا مع الدم الزنجي فينا نتيجة ثقافة خلق الجفوة مع ذلك الدم..

لكنه.. أي بشاشا.. لا يهتم كثيرا بعكس جوانب التداخل و التسامح الشعبي بين أعراق و شعوب السودان في كثير من المناطق و ربما كان السبب في ذلك هو تركيزو على الأدوار التاريخية لمؤسسة الجلابة الثقافية و السياسية و الإقتصادية .. و للحصل و حاصل في الجنوب و ج النوبة و أخيرا دارفور..

بشاشا بيعتمد سياسة "الصعق الكهربائي" بدلا عن التحاور الإيجابي مما فتح عليهو طريق اللا نهاية! .. بشاشا أحال الموضوع إلي "صراعات شخصية" بحسب ردود الأفعال الكتيرة .. يعني موضوع الهوية كموضوع "عام" تحول عبر حجاج طويل إلي "خاص" !..

قضية الهوية و الأفريقانية و العروبة و الزنوجة تحتاج لإعلام ديمقراطي و سلطة سياسية ديمقراطية و كتير من الأنشطة الثقافية الشعبية التنويرية.. و إلا حا يبقي زي دوشة هلال مريخ !

الأخ العزيز أمين النصري
لك التحية و الإحترام
و كل عام و الجميع بخير و إنشاءالله يعم السلام و الأمن بدارفور و السودان أجمع .

حقيقة ما تفضلت به من إفصاح عما يدور بدواخلك عن ظاهرة العنصرية بين السودانيين ليس تعاطفا مع بشاشا و لكنه بالأحري إعجاب بمواقف هذا الإنسان مع الحق و الحقيقة و المظلوم ... أنسان السودان ذلك الآخر .
هذه هي بوادر نفس المرحلة التي أدت الي نيل زنوج أمريكا لحقوقهم المدنية و سود حنوب أفريقيا إستعادة آدميتهم .
الذين يستميتون في محاربة بشاشا من الجلابة هم نفس طينة جورج والاس و الكوكلس كلان و الأفريكانا و بوتا .
الذين ينصفون بشاشا من الجلابة هم آل كنيدي السودان و دي كيلارك السودان و الذين سيمكنون مارتن لوثر كنج و مانديلا السودانيين من نيل كل حقوقهم كاملة لينتشر العدل و المساواة ( علي الأقل أمام القانون ) .
هذه الشراسة في المقاومة من الفئة المهيمنة ( الذين ورثوا الإمتياز بالميلاد و القبيلة ) هي بشارات إنجلاء ليل الظلم و العنصرية و الإحتكار الظالم للثروة و السلطة .
المفارقة أننا نجد أكثر من يغالي في محاربة بشاشا من الجلابة هم من يقيمون في الدول العربية الإسلامية . و نجد أكثر الجلابة إعتدالا هم من يقيمون في الدول الغربية.
و السبب هو: أن الذين يعيشون في الغرب رأوا مضار التفرقة العنصرية ( البعض خاض التجربة شخصيا ) و بمعرفة تاريخ هذه الدول أدركوا أن غياب العدالة يعني غياب السلام .
مفارقة أخري ... أن البعض عندما يعجزه المنطق في الرد علي حقائق بشاشا ... يلجأ هذا البعض الي أسلوب الضرب تحت الحزام و التناول الشخصي و الهمز و اللمز .
هذا ما يزيد بشاشا ألقا و قوة في منطقه و تناوله لأسباب علل السودان و الأمراض المزمنة التي تعصف بمجتمعه النخبوي .
و ما يزيدهم وجعا أن كلمات بشاشا اللاهبة هي صادرة من زول منهم ... inside information
أي لا يمكن الهروب من كلماته بإتهامه بأنه عب غرابي أو جنوبي أو نوباوي و لا يدرك شيئا عن مدي نقاء و أفضلية الدم الجلابي ( الوهم الكبير ) .

حقيقة أخري ... أن بشاشا قد أخجلنا نحن أبناء الهامش ... و بالذات أبناء و بنات دارفور لأنه يقاتل عن قضايانا و بعضنا مسكون بعقدة الخوف من مواجهة الجلابي و مصارحته بمدي إجرامه في حق أهله منذ إرشاده لجيوش كتنشر و حتي إرتكابه للمجازر بدارفور.


همسة في أذن فيصل الزبير
عارف يا فيصل أن الظروف هي التي تجبرني أحيانا علي الكتابة بالإنجليزي ( حسب مكان تواجدي في اللحظة التي أري فيها مثلك يتقيأ عنصرية و بهتانا ) ... و ليست فلسفة أو فلقصة مني كما ألمحت في إحدي مداخلاتك ... و ما أريد قوله عنك و فيك و أي جلابي غيرك سوف لن تقف اللغة حاجزا دون الإفصاح به .. إن شاء الله .

مرحبا بالكماندور محمد سليمان
وينك يا زعيم غايب وسايب الناس الوهم دي تتفسح بجاي؟؟؟؟

Quote: الأخ العزيز أمين النصري لك التحية و الإحترام و كل عام و الجميع بخير و إنشاءالله يعم السلام و الأمن بدارفور و السودان أجمع . حقيقة ما تفضلت به من إفصاح عما يدور بدواخلك عن ظاهرة العنصرية بين السودانيين ليس تعاطفا مع بشاشا و لكنه بالأحري إعجاب بمواقف هذا الإنسان مع الحق و الحقيقة و المظلوم ... أنسان السودان ذلك الآخر . هذه هي بوادر نفس المرحلة التي أدت الي نيل زنوج أمريكا لحقوقهم المدنية و سود حنوب أفريقيا إستعادة آدميتهم . الذين يستميتون في محاربة بشاشا من الجلابة هم نفس طينة جورج والاس و الكوكلس كلان و الأفريكانا و بوتا . الذين ينصفون بشاشا من الجلابة هم آل كنيدي السودان و دي كيلارك السودان و الذين سيمكنون مارتن لوثر كنج و مانديلا السودانيين من نيل كل حقوقهم كاملة لينتشر العدل و المساواة ( علي الأقل أمام القانون ) . هذه الشراسة في المقاومة من الفئة المهيمنة ( الذين ورثوا الإمتياز بالميلاد و القبيلة ) هي بشارات إنجلاء ليل الظلم و العنصرية و الإحتكار الظالم للثروة و السلطة . المفارقة أننا نجد أكثر من يغالي في محاربة بشاشا من الجلابة هم من يقيمون في الدول العربية الإسلامية . و نجد أكثر الجلابة إعتدالا هم من يقيمون في الدول الغربية. و السبب هو: أن الذين يعيشون في الغرب رأوا مضار التفرقة العنصرية ( البعض خاض التجربة شخصيا ) و بمعرفة تاريخ هذه الدول أدركوا أن غياب العدالة يعني غياب السلام . مفارقة أخري ... أن البعض عندما يعجزه المنطق في الرد علي حقائق بشاشا ... يلجأ هذا البعض الي أسلوب الضرب تحت الحزام و التناول الشخصي و الهمز و اللمز . هذا ما يزيد بشاشا ألقا و قوة في منطقه و تناوله لأسباب علل السودان و الأمراض المزمنة التي تعصف بمجتمعه النخبوي . و ما يزيدهم وجعا أن كلمات بشاشا اللاهبة هي صادرة من زول منهم ... inside information أي لا يمكن الهروب من كلماته بإتهامه بأنه عب غرابي أو جنوبي أو نوباوي و لا يدرك شيئا عن مدي نقاء و أفضلية الدم الجلابي ( الوهم الكبير ) . حقيقة أخري ... أن بشاشا قد أخجلنا نحن أبناء الهامش ... و بالذات أبناء و بنات دارفور لأنه يقاتل عن قضايانا و بعضنا مسكون بعقدة الخوف من مواجهة الجلابي و مصارحته بمدي إجرامه في حق أهله منذ إرشاده لجيوش كتنشر و حتي إرتكابه للمجازر بدارفور. همسة في أذن فيصل الزبير عارف يا فيصل أن الظروف هي التي تجبرني أحيانا علي الكتابة بالإنجليزي ( حسب مكان تواجدي في اللحظة التي أري فيها مثلك يتقيأ عنصرية و بهتانا ) ... و ليست فلسفة أو فلقصة مني كما ألمحت في إحدي مداخلاتك ... و ما أريد قوله عنك و فيك و أي جلابي غيرك سوف لن تقف اللغة حاجزا دون الإفصاح به .. إن شاء الله .

لم تترك لنا شيئا لنضيفه يا محمد سليمان.
تقديري.

معليش يالنصري
صاحبنا جاي دفار مطشش عكس اسمك
اصلا ما بيرضى في اميرنا الكوشي ده اطلاقا.

يا محمد النصري امين وليس امين النصري.

كل سنة و إنتي طيبة يا تراجي
و

معليش يا أخونا النصري أمين
.
.

و كلامك بحق بشاشا في الصميم

النصرى
دبايوا

Quote: لماذا اجِد نفسى متعاطفا مع بشاشا ؟

انها النفس الامارة بحاجات كتيرة فجاهد نفسك

Quote: طوال فتره وجودى فى السودان لم اشعر يوما ما اننى انا النصرى ود البلد .. ود الناس .. ود القبائل ود امدرمان.. متساو مع مكوار الراجل المحترم الشغال معانا فى البيت خادم

النصرى سلااام
والله بعد طولك وعمرك دا كلو
كنت تحمل اشياء زى دى جوااك
لما جاء بشاشه ريحك منها
يكون بشاشا دى فيه المفيد لامثالك
وحقو تديهو الايميل بتاعك لينير ما خفى من ظلماتك

Out of many..... I am also one of his fans

النصري أمين لك الإحترام أجله، ولم تترك لنا شيئاً نقوله عن الأمير الكوشي ذو المباديء السامية النبيلة، والله لا جاب يوم شُكرك يا بشاشا، وربنا أفتح بيننا وبين قومنا بالحق وأنت خير الفاتحين.

لا تنسَ يانصري من أول المحارم والجرائم منذ بدء الطبيعة هو الإستعلاء، عندما إستعلى إبليس الملعون وأبى أن يركع لأبينا آدم، وقال:"أنا خلقتني من نار وهو من طين" وقد طرده ولعنه وغضب عليه رب العالمين وأعد له عذاب الجحيم ومن تبعه من الناس أجمعين. فحرب الأمير الكوشي بشاشا ضد أقران أبليس قد كسبها، فطوبي لبشاشا الرجل الجميل والسوداني الوحدوي الأصيل.

Quote: ولم تترك لنا شيئاً نقوله عن الأمير الكوشي ذو المباديء السامية النبيلة، والله لا جاب يوم شُكرك يا بشاشا،

دي لغة بشاشا

Quote: بالله اكبر اساءة لينا كسود او اثيوبيين، فهم امثالك يامستعبد يامسترق. في الاول ارفع راسك واملي عينك في سيدك العربي ياوهابي، اوبعد داك تعال احتج، نسمعك. بغير كده، وبما انك اكبر سبة لاهلنا في اثيوبيا، فلن تجد مني شخصيا، غير البصق في وجه المستعبدين امثالك.لامصداقية لامثالك جالبي العار، عشان كمان يباروك.

كتب النذير:
بدء الطبيعة هو الإستعلاء، عندما إستعلى إبليس الملعون وأبى أن يركع لأبينا آدم، وقال:"أنا خلقتني من نار وهو من طين" وقد طرده ولعنه وغضب عليه رب العالمين وأعد له عذاب الجحيم ومن تبعه من الناس أجمعين. فحرب الأمير الكوشي بشاشا ضد أقران أبليس قد كسبها، فطوبي لبشاشا الرجل الجميل والسوداني الوحدوي الأصيل
وده فخر بشاشا النبيل:

Quote: اما كنكشة ناس بريمة عجرم، او اب رزقة زغبي، الي اليوم، في نكتة انهم عرب، من باب ان نكر، ضكر، فكرتوني خالص! احنا متعرين من اصلنا، متبرين منو، خليك من الاخرين! انسان زي ده، لايستحق الحياة زاتا، خليك من يسود او يهيمين! المعتزين بي اصلهم، الواعين بي زاتيتم، هم البمشو لي قدام، ماالزينا، علي الاطلاق! عشان كده منذ عصر الاهرامات، اجدادنا، كتبو علي حيطان معابدم: اعرف نفسك!او عشان كده حينها، كنا، مش مجرد سادة، للعالم، او بس- وانما الهة عديل كده، خرت جبابرة اليوم، ساجدة اوعابدة لنا، حتي في المانيا، دي زاتا!

وده مثال على تحقيره للآخر (الأبيض):

Quote: عارف حبوبتي كانت بتستغرب من شكل الخواجات الكانو بجو لي اثار دنقلا العجوز، او بالذات الشعر الاشقر! حبوبة كانت بتقول عليهو، صوف نعاج! عييييييييييييييك! طبعا القصص الزي دي كتيرة عندنا، لانو قريتنا "كنكلاب" تعتبر نقطة تجمع مواصلات "اللواري"، اواهتمام الخواجات بالاثار في المنطقة تحير اهلنا! من القصص الشبيهة، انو احدهم، المتعودين يشيلو شاي الصباح، 4 او 5 صباحا، اويمشو يشاركو بيهو الركاب المقطوعين، اللواريهم عطلانة، مرة، لقي ليهو زول متغتي بي بطانية حمرا او نايم، لمان جر منو البطانية، عشان مايصحي او يشرب معاهو شاي الصباح، الراجل لمان شاف وش الخواجة الابياض، او شعر، صوف النعاج، علي قول حبوبة، يازول اتخلع او رمي الصينية بي كبابيها القزاز، والشاي النار جهنم، في المسكين، او فكا البيرق! لمان سالوهو مالك، باللغة النوبية قال، "شيطان مني"! يعني الشئ شيطان في قولو! افتكر الخواجة شيطان عديل كده! الي هذا التاريخ، اللون الابيض في اللاشعور مربوط بي حالة مرضية غير عادية، بالذات انو عندنا بعض السودانيين، فجاة بنجبو ابناء وبنات بيض البشرة تماما! عند الاهالي، ده عندهم شئ غير عادي تماما! في مصر القديمة كانو بقتلو ذوي البشرة البيضاء، لنفس السبب! كلام غريب، لكنو حقيقة! في الجنوب، احد محرري الناشونال جغرفك، تحدث عن استغراب اهلنا هناك، من شعر الخواجات الكثيف، علي اليدين! طبعا ده عندهم، شئ غير طبيعي، لي درجة انو البعض كان بمسك يد الخواجة، اويتحسس الشعر الفيهو بي استغراب!

هل التخلف اسود؟ – الجينات متهم غير بريء

الاخوان
المعز
محمد سليمان
هاشم نوريت
اوسلى2
حيدر حسن ميرغنى
النذير حجازى

شكرا جزيلا على مروركم

النصرى أمين
تحياتي

Quote: شكرا جزيلا

لا شكرا على واجب
و ما بنقصر ولا بنتوصى

فوق

فوقيت

فوق

الاستاذ النصري
كل عام وانت بخير وحمد لله على السلامة
التحية لهذا الامير الكوشي .

وهو يحاج العطف

عدائي استعدائي نرجسي


عمنا النصري امين كل سنة وانت طيب وجميع ضيوفك بمن فيهم بشاشا -مع انو ما بستاهل-

Quote: رغم كل الحب والود للعم مكوار الا اننى كنت دائما اشعر بالتفوق عليه كل اوجه الحياه تغذى فينى الشعور ده .. المجتمع من حولى .. المدارس .. التلفزيون .. الاذاعه .. الجرائد ... حتى الاصحاب والفِرد.. اذكر مره اننى دخلت فى مناقره مع احد الاصدقاء حول من منا ود بلد.. بدات ازكر تسلسل العائله وبدات امين على النصرى وعند وصولى للجد السابع وكان الاسم على غراراسماء الانبياء ( مثل موسى وادم واسحق الخ) صاح صديقى بانتصار (اها شفتا ؟ ..شفتا؟) ويقصد ان جزور العائله ترجع لاسم انتشر بين قبائل الغرب السوداء ... بصراحه ....شعرت عندها بالهزيمه والخجل .... للعار .... كيف لى احمل هذا الاسم "الشبهه" ؟؟ كيف يحمل جد جد جدى هذا الاسم "الشين" ؟؟ وبدات اتساءل .. ممكن فينى عِرق وانا ما عارف ..

لو لقينا عشرة زيك وزي بشاشا لخطا السودان طويلة نحو الحل
والإعتراف أولي الخطوات...

وانا حا اتعاطف معاهو .... وادعي ليهو بالشفاء العاجل انشاء الله ......

الاعزاء النصري اوضيوف خيطو،

موعدنا غدا، نرد التحية باحسن منها، فردا فردا!



الوهابي محمد E سليمان،

بيي زي فجورك المعهود في خفافيش الظلام امثالك ده، امانة ماوقعت في شر اعمالك!!

ارشيف تغريظك اومدحك لي بشاشا قاعد، او حانكتو هنا، عشان ماالناس تعرف من اي نوع من البشر امثالك الذين لايتورعون في الكذب والتدليس، فقط من اجل التشفي، تشويها لسمعة الناس عن عمد وترصد!

يالك من وضيع، صغير النفس!

النصري أمين
تحياتي

من بوست سيف مساعد لي بوست بشاشا

احتقظ لك بوجهة نظرك .. وحقك فيها

لكن ياخسارة

تمبس

Quote: من بوست سيف مساعد لي بوست بشاشا

ايش الحاصل

يا عم

الاخوه
معاذ حسن
وليد محمدالمبارك
ادروب ابوبكر
سمير ابراهيم
بشاشا
تمبس
شكرا على مروركم الكريم

محمد E سليمان(شكر خاص لرفع البوست عدة مرات)

Quote: لكن ياخسارة

حولا!

!darn it


تمبوشي

الموضوع اصلا شنو او انت فاهمو كيف؟

زول قال رايو تقول ياخسارة؟

طيب ماانت زاتك، قريب ده قت لي يابشاشا انت زول حقاني او ماعارف ايه!

واضح انت فاهم الكلام ده بمايخدم مصالحك فقط شغل "رشي" يعني!

مجرد مالواحد اختلف معاك ترجع تبلع كلامك كلو!

ياحليلك!


عزيزي القارئ:
الغريبة بعد ده كلو المخلوق ده هو البدا باطلاق النار علينا، او هسي بقي ليهو قطعة من جهنم!

امنت بالله!

Quote: عزيزي القارئ: الغريبة بعد ده كلو المخلوق ده هو البدا باطلاق النار علينا، او هسي بقي ليهو قطعة من جهنم! امنت بالله!

تعرف يا بشاشا لما تقول عزيزيالقاري دي طوالي بطرا لي مزيع كبير كدا لامع .. كأنو على الهواء مباشرة
يعني تكون انت فاكر نفسك حاجة ضخمة كدا والناس دي بتصفق لياي كلمة بتقول فيها .. والا الفهم شنو بالضبط؟؟

بعدين المخلوق ده عجبتني شديد . وشان ما تلولس للناس الكلام ان من الله خلقني لما اقول لي كلمة ما قاعد انط منها .. الكلام القلتو ده قلتو ليك بي سبب محدد وفي ظرف محدد وفي موقع محدد .. لما وقفت لي وطاويط السودان الجديد بي هناك لما فصلوني وشالو الباص وورد بتاعي والبوست الما عجبهم .. لانو قاعدين نقول الكلمة طاخ وما قاعدين نخاف غير الله بس . اها قلت ليك في لحظته انك يا بشاشا قلت كلمة حق .. لكن عارفني ما قاعد امسح جوخ ولا قاعد اطبل ولاني جاري لي وراء مفاهيم ناس باليه ودلقونه ..
بعدين في حاجة صغيرة شان ما تعمل لي فيها نساي .. والكلام ده قلناهو مية مرة هنا انت البديت هنا ده بي الصفاقة وحسع بقت ليك حارة ولو ناسي بفكرك .. كدي ابقى قدر كلامك واثبت وقول لي جيب الرابط بتاع الموضوع شان ما تبقى كمان مزوراتي بتاع حقايق واقوله ليك بالواضح كدا .. انت بديت بي كلام فارغ معاي هنا في الموقع ده قبل سنتين .. ومعاك خالد كودي في نفس البوست ومعاك السيدة تراجي .. علشان كدا ما تفتش ليك مخرج .. زي ما بديت تطول لسانك خليك قدر طولة اللسان .. شان ما تولول لي عزيزيك القاري وتقول ليهو تمبس دا بدا بي عداوة ولوملاحظ لحدي الآن قاعدين نرد فقط على ترهاتك الناشرة هنا في موقع سودانيز اونلاين وهي ما ليها علاقة بي اي شي شخصي حسب ما بادرت بيهو .. وكلامي كلو بي ادلة ما بنجر لي كلام من راسي ...
انا نفسي طويل وما بكتب لي كلام فارغ ساكت ولا بتبلى لي على حد .. لو ده الروووب بتاعك كدا قولو بي شكل اوضح .. ولو عايز الرابط بتاع الموضوع قاعد ولو شالو بكري من الدنيا دي كلها .. انا عندي كمبيوترات لامي فيها الهيب وجنا الدبيب خاصة ترهاتكم دي بالكوم موجودة لي يوما زي ده ..
اعمل حسابك من زول قلبو باليمين يا بشاشا وما قاعد ينسي لانو الكتبتو هنا بي كيبوردك قاعد وغيرو قاعد وحتى حق غيرك قاعد
رايك شنو فاكر والا اجيبو ليك . شان ما يبقى كلامك كلام فارغ ساكت وما منو فايده مجرد حكي لي عزيزك القاري ...
شان تاني من هنا ولي قدام لما تلاقي تمبس ده وتفكر ترد ليهو تحترم نفسك لي اخر حتة ممكن تقيف فيها بتاعت احترام وما تنزلق بي لسانك لي كلام فارغ ممكن يكلفك الكتير ..
بعدين ما تفتكرني زي نوعيتك دي الاختلاف الموضوعي بياثر فينا لالالالا الأختلاف لما يكون موضوعي مافي عوجه فيهو لكن لما يتعدى الي الشخصي البتعمل فيهو ده ساعته بنطلع ليك من مكان جوه خالص واسلوب انت ما مر عليك قبل كدا .. يعني تقرا الكلمة مية مرة وتقعد تتلفت اسبوع علشان تقدر تستوعبه ...
ردي لي النصري امين بعدما احتفظت ليهو بي حقو في وجهة نظرو .. لكن كل المؤشرات هنا بتدل على انو البوست بتاعو ده والقبليهو عن سيف مساعد ما من نوعية البوستات البتصدر من شخص زي امين النصري اتعرف بي اتزانو .. بصورة اوضح وبالبلدي كدا التبعمل فيهو انت الان .. مع كل المختلفين معاك .. ومن سب اتعدى للاسر وتجاوز الشخصي بكثير لا اعتقد ان هنا كشخص بعقلانية ما يوافقك عليه .. وسيف مساعد بما قدمه اخيرا من تصرفات صبيانية من مهاجمة بعض الزميلات هنا بيأكد كلامي ... علشان كدا قلت لي امين النصري يا خسارة . والظاهر لي هو بقدر يفهمه اكتر من ما انك تفهمه انت لانو مستوى فهمك بتجه في خط واحد ومنصب في هدف واحد عنصرية تامة بكامل اكسسواراته .. اضف ليها بعض من الكراهية المتعمدة للبشرية ...

لو بترغب في الرابط بتاع ابتدارك للمعاداة واطلاق النار انا جاهز ليك .. ونبتدي من هنا
رايك شنو ؟؟
اجيبو والا تنقلع تشوف ليك شغلانة تانية .. وبرضو ما راح اسيبك بي اخوي واخوك ..

عزيزى القارئ الكريم
كما ترى اختلاف وجهات النظر الحاده بين "اعضاء" المنتدى
اود ان اسمع منك انت ...
راسلنى على الايميل [email protected]
حقيقه..داير اسمع رائ ناس ما سمعت رائهم من قبل

Quote: لماذا اجِد نفسى متعاطفا مع بشاشا ؟

لانك ما عندك اي موضوع !!!

Quote: الوهابي محمد E سليمان، ارشيف تغريظك اومدحك لي بشاشا قاعد، او حانكتو هنا،

بشاشا لعلك تقصد شخصا غيري على العموم أتحداك تقدر تنكت من أرشيفي حاجة في مدحك!!
نرجو إحضار الكوتات والروابط

Quote: عشان ماالناس تعرف من اي نوع من البشر امثالك الذين لايتورعون في الكذب والتدليس،

كذب وتدليس شنو ؟؟؟
يعني الكوتات الجبتها (أنا) دي كلها ما تبعك؟؟؟

Quote: تشويها لسمعة الناس عن عمد وترصد!

http://www.sudaneseonline.com/db/smilies/biggrin.gif
يعني الكوتات الجبتها (أنا) دي كلها تعتبر
تشويها لسمعتك ؟؟؟يعني متبري منها ؟؟؟

الأخ النصرى

تحية طيبة

اولا احييك على الصدق والتجرد والتفكير بصوت عالى فى موضوع درج الناس فى بلدنا تصنيفه فى خانة الأمور المحظورة......

التحية فى هذا المقام لكم ولاخوكم كمال بشاشا ولكل الأحبة الذين ينحازون للصدق فى الدواخل ثم الصدق فى االكلمة ثم الصدق فى الموقف



Where flows the river Nile,

The queen found rest;

There once again her days

With peace were blessed.

Did Moo a giant Sphinx from

Out of the ground

Cause to arise, and

Thus Coh's fame renew?

Did she immortalize

Her consort true?"

(Queen Moo's Talisman, p. 65, by Alice D. LePlongeon.)

Quote: لماذا اجِد نفسى متعاطفا مع بشاشا ؟

الله يخلف عليك ويشفيك

الاخوه
خالد
عائشه حُميده
معتز القريش
شكرا على مروركم

معزره لاعضاء وقراء المنبر سابتعد فتره عن المنتدى
لاسباب خاصه ...احب ان اضيف هذه النقاط قبل ذهابى

*الغرض من الكتابه فى المنتدى (فى نظرى) هو "التاثير" على الرأى العام
وكل من منا يتخذ اسلوبا معينا لتوصيل رسالته

*لم اكن يوما "منافحا" ومدافعا عن الاخ بشاشا فى معاركه "الما بتنتهى"
و لا اظننى متفق معاهو فى كل شئ و احيانا يصيبنى الغيظ كما يصيب
اكثركم .. ولكننى اؤمن بالمثل الذى يقول

Shoot for the Stars, Land on the Moon

لو تحقق جزء يسير بما ينادى به بشاشا لانصلح حالنا ..

يكفينا فقط التنازل عن وهم "العروبه"..
انا شخصيا توقفت منذ عده سنوات عن ادعاء عروبتى والحمدلله بقيت مابشيل هم لتلك
اللحظات القاسيه عندما تلاقى واحد من اخوانا العرب وتفاجاه بالحديث بالعربى يقول
لك " الاخ عربى؟" يقولها والتلعثم والاحراج باديه عليه ....
ترد عليه بالايجاب بنفس التلعثم والخجل...
الان اقولها وراسى مرفوعه وعينى فى عينه "انا ما عربى انا سودانى لكن بتكلم عربى"
افتخر بانى سودانى ...ولايهم لون بشرتى ..اسود اخضر احمر خاتف لونين
لا يهم ...انا سودانى وكفى ..

يكفينا ان يكف "اولاد البلد" و "اولاد القبائل" و "اولاد الناس" عن شعورهم
بالتفوق و "العروبه" واستخدام هذا الشعور فى تكوين "دوله" تناسب ثقافتهم ومعتقداتهم

يكفينا ان نتوقف عن استيراد الايدلوجيات من الخارج غربيه كانت او شرقيه ..

نعم ....اتعاطف مع بشاشا ...لا اعرفه الا من كتاباته ولم اتداخل مره سوى
مرات لا تتعدى اصابع اليد ....
الغريبه عند كتابه البوست كنت اتوقع ردود فعل اسوأ من الحصلت ..
الحمدلله طلعت سليمه و تم اتهامى فقط بالجهل والمرض
وهى اتهامات معقوله مقارنه بالاتهامات التى تسود المنبر


فُتّكم بعافيه

Quote: الان اقولها وراسى مرفوعه وعينى فى عينه "انا ما عربى انا سودانى لكن بتكلم عربى"افتخر بانى سودانى ...ولايهم لون بشرتى ..اسود اخضر احمر خاتف لونين لا يهم ...انا سودانى وكفى ..

الأخ النصري
قبلما تمشي ..
ما تحته خط هذا فقط ما يهمني من كل هذه المعمعة الفاضية التي يقودهــا بشاشا ومن هم في شاكلته ...
كل ما عرفناه اننا من بلد يسمى السودان .. وهنا في غربتنا هذه عندما نسال نقولها بفخر أننا من السودان .. فقط السودان وعندما نقولها نعلم ماهي هذه الكلمة وما هو السودان
لكن
إختلافي معك أن البذور ( الغير محسنة ) التي يحاول ان يزرعهــا بشاشا في كل مداخله له وهي الاسطوانة المعروفة ويجتهد في توصيلها بشتم وسباب .. وهي تقسيم السودان من ناحية اعراق وده عب وده ود عرب .. هنا هذه هي مشكلتنا .. اراك في تفكيرك بصوتك العالي عن بشاشا .. اثنيت عن اسلوبه واشرت إلى أن هذا هو الحل الأمثل لمعالجة هذه القضية .. واكتر ما آلمني ان ذكرت اسم ( أمدرمان ) فاعتقد أن هذه الأمدرمان لم نشب ونترعرع فيها على وهم هذا عربي وهذا عب .. ولعمري لم استمع لهذه اللغة المبتزلة تمارس على عينك يا تاجر إلا من افواه كيبوردات هؤلاء الشرزمة المتأمركة .. ربما هو نتاج لما يحسونه هناك وفق البيئة التي يعيشون فيها .. لكن أمدرمان لم ترضعنا التفرقة .. فكم تعايشنا مع كل العرقيات .. وكل السحنات وكل الفصائل السودانية في مجتمعنا الصغير .. ولحظة لم نحس بهذاالتمايز وهذه اللغة التي اصبحت الآن متداولة من بشاشا ومن عصبته .. واعجب ايما أعجاب لحال الكثيرين الذين اصبحوا يتبنون خط هذا البشاشا .. وهو لو قاد إنما يقود على اسواء الفروض إلى نفق مظلم يبشر بنهاية هي اشبه شكلا باحداث اغسطس التي اتبنت اساسا على هذه القاعدة العنصرية .. وكما تم رصد الكثير من فريق بشاشا مدى فرحتهم في ذلك اليوم ورقصهم على جثث المؤتى من كل القبائل السودانية ..
نفاخر بأننا من السودان .. ونفاخر بأن السودان بمليونه المربع يحمل مليون عرق وقبيلة .. وفي نفس الوقت .. لن نفوت فرصة لضعاف النفوس .. وهم يجتهدون لتثبيت فكرتهم المبنية على نسف كل ما هو جميل .. وهم في دنيتهم ينعمون ولا هم لهم بما يحدث من نتائج ما يكتبونه هنــا.

عزيزي القارئ، والاعضاء رواد هذا البوست.

فيما يلي نموذج فقط، لتغريظ ومديح الوهابي، صرصور مجاري الاسلام السياسي، محمد E سليمان، لذات بشاشا، الذي يحاول الان في استامتة، وبسذاجة يحسد عليها، النيل منه، تلفيقا، تزويرا، او من دون مايرمش، مدفوع بالغل والحقد الاعمي!

الغبي نسي انو كلامو موثق كتابة او ماعايز اي مجهود لاثباتو.

في موضوع ذات الختان الكوشي، فهذا ماخطه قلم هذا الفاجر المنافق عن بشاشا:


1} هذه الموسوعة الكوشية -أعني بشاشا- مظلومة في هذا المكان.
بحق نحن لا نقدره حق قدره.
لقد كانت مواقفي السابقة من بشاشا
منطوية على جهل عريض بمدارك بشاشا
وإلمامه المعرفي غير المحدود.
ربما لأنه يحاول إيقاظنا من غيبوبتنا
وأوهامنا بقسوة بالغة تجعلنا نقف منه
مواقف سلبية ربما

راجع:
Re: الختـــان الفرعوني : أو جيوبولتيك الجسد بين سقافة ا...وسوعة بشاشا الكوشية


2} للأمانة فقط
كنت أجهل مجمل تلك المعرف
راجع:

الطهورة الفرعونية تجسيد للتسامي الروحي علي رغبات الجسد زيها وزي الصلاة



3} ما هذا يا علي بشير ؟
هل تحاول ممارسة الإرهاب الفكري؟
أهو كبت لحرية التعبير؟
أم ماذا تريد؟

راجع:
Re: الختـــان الفرعوني : أو جيوبولتيك الجسد بين سقافة ا...وسوعة بشاشا الكوشية

4} الأستاذ بشاشا
في انتظارك لتتحفنا بالمزيد
من كل جديد ومدهش.
أثق بأنك تمتلك بعض المعلومات حصريا.
فلتنثر علينا ما لديك


راجع:
Re: الختـــان الفرعوني : أو جيوبولتيك الجسد بين سقافة ا...وسوعة بشاشا الكوشية

لهذا في العادة لانهتم بالرد علي امثال هؤلاء المدفوعين بالغيرة، الحقد، والتشفي، بالذات متي اختلفت معهم. هؤلاء المساكين، فاكرين ممكن يشترو قلم بشاشا، بي كلمتين مديح!

Quote: لهذا في العادة لانهتم بالرد علي امثال هؤلاء المدفوعين بالغيرة، الحقد، والتشفي، بالذات متي اختلفت معهم. هؤلاء المساكين، فاكرين ممكن يشترو قلم بشاشا، بي كلمتين مديح!

معلم عديييييييل كده

والله انت مبالغة

والله فعلا!

لماذا اجِد نفسى متعاطفا مع بشاشا ؟

يا بشوش
شر البلية ما يضحك
انتا الناس تتمسخر عليك و على ارائك الفطيرة و تقول تقريظ!

الغريبة قبل كدا دكين عمل ليك بوست زي حق الحبشي دا
و انت جيت تعرض من باب الحوش لمن قالوا ليك يا فلان دا بكا

لووووووووول

الله يجازيك يا حبشي

Thanks Nasri
Bashasha is an honest guy

This vedio could explain

http://www.youtube.com/watch?v=xyyFGOAwTYM&mode=related&search=

الحبيب سعد الدين مشتاقين
مالك محاربنا

عزيزي القارئ، والاعضاء رواد هذا البوست.
الأمير الكوشي استشهد بكلام لنا (أربع روابط)
وقال عنه :

Quote: فيما يلي نموذج فقط، لتغريظ ومديح الوهابي،

فقط دي تعني وجود المزيد من التغريظ

البوست المعني هنا: الختـــان الفرعوني : أو جيوبولتيك الجسد بين سقافة الغرب...وسوعة بشاشا الكوشية
وقد جاء فيه على لسان الأمير الكوشي :

Quote: الموقف من الختان حقيقة يوضح علي دامغ ماساوي مدي تيهنا، بل الغيبوبة الاحنا فيها كشعب! هذا الختان الكوشي هوابرز شارات هويتنا المقبورة، الفضلت لامعة كماالبرق في الظلام!

----------------------------------

Quote: في موضوع ذات الختان الكوشي،

بشاشا ذات الختان دي منو ؟؟؟

Quote: طوال فتره وجودى فى السودان لم اشعر يوما ما اننى انا النصرى ود البلد .. ود الناس .. ود القبائل ود امدرمان.. متساو مع مكوار الراجل المحترم الشغال معانا فى البيت خادم ... كنت اشعر دائما بالتفوق عليه .. كان دائم الحديث عن الجنوب وجماله... ازكر مره انه كان يحدثنى عن الجنوب ...قال لى ان اللبن هناك يختلف عن عن البان العاصمه لانه الابقار هناك تاكل الحشائش الطبيعيه ولا تاكل الدلاقين (كما سماها) ..ربما كان حديثه ذلك سببا اننى حتى الان اتجنب شراب اللبن ... رغم كل الحب والود للعم مكوار الا اننى كنت دائما اشعر بالتفوق عليه كل اوجه الحياه تغذى فينى الشعور ده .. المجتمع من حولى .. المدارس .. التلفزيون .. الاذاعه .. الجرائد ... حتى الاصحاب والفِرد.. اذكر مره اننى دخلت فى مناقره مع احد الاصدقاء حول من منا ود بلد.. بدات ازكر تسلسل العائله وبدات امين على النصرى وعند وصولى للجد السابع وكان الاسم على غراراسماء الانبياء ( مثل موسى وادم واسحق الخ) صاح صديقى بانتصار (اها شفتا ؟ ..شفتا؟) ويقصد ان جزور العائله ترجع لاسم انتشر بين قبائل الغرب السوداء ... بصراحه ....شعرت عندها بالهزيمه والخجل .... للعار .... كيف لى احمل هذا الاسم "الشبهه" ؟؟ كيف يحمل جد جد جدى هذا الاسم "الشين" ؟؟ وبدات اتساءل .. ممكن فينى عِرق وانا ما عارف ..

فعلا يا النصري أنت كان عندك مشكلة كبيرة
شعورك بالتفوق والتميز بسبب عرقك
دي شعور يا أما جاهلي و يا إما مرضي !!!
في الحالتين ده ناتج من خلل تربوي !!!

قبل مانمر علي رواد البوست فردا فردا،

عزيزي القارئ،

لوملاحظ، بهت الوهابي محمد E الذي فجر!

القمناهو حجرا، ماعارف ذاتو يبلعو ولا يطرشو كيف!
اه يامنحط!

النصرى
كل سنة وانت طيب
كدى عاين لى كلامك ده

Quote: تفكير بصوت عال ........

تعرف يا حبيب
قدر ما قلبت كلامك الفوق ده
عشان بس يكون مدح، -لأنو عارف قصدك المدح-
ففى كل الأحوال النتيجة زم بما يشبه العكس
التفكير أبداً، لا يكون رديفاً للصوت العالى والهرجلة
كتابات بشاشا -حلقومية-
سطحية
هجومية
وصفها بالأفكار
جريمة فى حق العقل
(الكى ووردس) فى كل كتاباته ثابتة
عشان الكلام ما يكون ساكت على عواهنه
أنا ح أجيب ليك خمسين مداخلة بى صوره عشوائية لى بشاشا
وانت إستخلص لينا منهم فكرتين بس مختلفات..
عشان على الأقل مدحك ما يكون من باب المجاملة
__________
عندى إحساس يا النصرى تعاطفك نحو بشاشا من باب الحنية والشفقة على بشاشا من كترت الضرب الإسفيرى
والله بينى وبينك إستحمل كتير... أظنو بجى داخل المنبر (مردف)

الأخوه تمبس
وليد مبارك
سعدالدين عبدالرحمن
محمد E سليمان
بشاشا
ياسر طيفور

مشكورين على المرور


النصرى أمين

والله يا النصرى أحْسبُك ترأفُ عليه من رِماحٍ كأشطانِ بئرٍ فى لبانِ الأدهم لا تُخْطئ سُويداء دِرْوتِّه من رُماةٍ كرُماةِ الحدّقِ أنّى له بمنازلتهم ذلك الفرّارْ المُدْبِر عندما يحمو الوطيس وعندما يُقْذّفُ اوارُ اللافا




منصور

والله يا النصري أمين من ما قريت ليك انك بتعجبك كتابات سيف مساعد عرفت انك زول كرور ساي !! ..


واختلاف الآراء لا يفسد للود قضية ..

..
.

Quote: أنى له بمنازلتهم ذلك الفرار المدبر

يا ستاذ منصور
الكلام السمح دا رتبو لينا كويس !!
ان شايفو متشربك وكدا ..

الاخ العزيز منصور
مبروك التشكيل وشكرا على المرور

الاخ منير
الاخ تبلدينا
شكرا على المرور

النصري امين
سلامات
كنكشتوا ولا لسه؟؟؟
سألين منكم.
تحياتي.

Quote: الاخ منير الاخ تبلدينا شكرا على المرور

الاخ النصري أمين .. تعرف أنا امبارح تنازعت مع نفسي في هل اكتب الكلام دا واللا لأ .. وأنا عارفه مسئ .. اكتبه ما اكتبه .. و.. وفي الآخر قلت خليني ألزه واستفزه زي ما استفزاني وزي ما تجي تجي وأشوف النصري أمين حيرد كيف !!!.. وخرجت !!.. جيت لقيتك زول كبير والله وتترفع عن الصغائر وخذلتني !! .. فهنئآ يا رجل ..

ولكن للأسف تجد دائمآ الصائدين في العكر زي أخونا الجمهوري الخلوق ابوريش !! ..
يا ابوالريش عبارة "اختلاف الآراء لا يفسد للود قضية" دي ظاهر بالبداهة انها خارج سياغها ولكنها مغزوزة هنا مخصوص شرك للزيك دا ..

Quote: صدقت .. بشاشا دا مش يثير التعاطف بس؛ و إنما التعاطف و الشفقة و الرثاء!!

النصـرى،

سلامـات، وحمدالله عســلامـة.

Quote: ربما كان السبب اننى اشعر انه يحارب بشجاعه متناهيه (المقصود هنا حرب الكلمه) ...

"المقصود هنا حرب الكلمه"!!!!

ناس جبانات بشكل.



كوستـاوى يقول:

Quote: أول مرة أسمع هذه العبارة وأنا في سنة تالتة إبتدائي في حصة الدين الإسلامي

إبتدائى شنـو يا زول.. قول أوليـة واللا كتاب واللا خلوة.. قايل المنبـر دا هامل؟

Quote: والله يا النصري أمين من ما قريت ليك انك بتعجبك كتابات سيف مساعد عرفت انك زول كرور ساي !! .. واختلاف الآراء لا يفسد للود قضية ..

يا اخوانـا ممكن زول يتبرع ويورينا (الرأى) فى الكلام الفوق دا وين؟ يفسـد واللا ما يفسـد دا موضوع تانى.

الاخت تراجى
الاخ عبدالمحسن سعيد
شكرا على مروركم

الاخ محمد عثمان ابوريش
شكرا على مرورك ...ولا يهمك يا عزيزى فوصفى بالكرور
لا ينقص منى شيئا ...بامكانى رد الاساءه بافظع منها ولكنى
باختيارى وبكامل ارادتى اخترت ان لا ارد فى هذا البوست

فوق

النصري أمين:
أخي الكريم
..هأنت تسبق زمان الكثيرين في بلادنا المحزونة..
.. سيأتي من أصلاب كثيرين ممن سفهموا رؤاك العظيمة هنا
من سياندي بما ناديت به.. هكذا نتعشم أن تنقشع عتمة
هذا الوطن بأمثالك..
أنت رجل جدير بالاحترام..
بل أنت من أكثر الرجال معرفة بقول الشاعر الفيتوري:
لا تعجب يا ياقوت
الأعظم من قدر الانسان
هو الانسان

دم في الأجدرين بالإحترام

بوعسل أبوعسل

Quote: أنت رجل جدير بالاحترام.. بل أنت من أكثر الرجال معرفة بقول الشاعر الفيتوري: لا تعجب يا ياقوت الأعظم من قدر الانسان هو الانسان

يبدو أن للاحترام معاني مختلفة
وأن الإنسانية كذلك ....
وإلا فمن يفكر تفكير بشاشا
فهو غير جدير بالاحترام
ومن يخاطب الناس بلغة بشاشا
فهو لا يحترم الإنسانية ...
النماذج التالية من كلام بشاشا مهداة إلى
ابيعسل السيد احمد:
نماذج في احتقار الإنسانية:

Quote: فهم امثالك يامستعبد يامسترق. في الاول ارفع راسك واملي عينك في سيدك العربي ياوهابي، اوبعد داك تعال احتج، نسمعك. بغير كده، وبما انك اكبر سبة لاهلنا في اثيوبيا، فلن تجد مني شخصيا، غير البصق في وجه المستعبدين امثالك.لامصداقية لامثالك جالبي العار، عشان كمان يباروك.

Quote: اما كنكشة ناس بريمة عجرم، او اب رزقة زغبي، الي اليوم، في نكتة انهم عرب، من باب ان نكر، ضكر، فكرتوني خالص! احنا متعرين من اصلنا، متبرين منو، خليك من الاخرين! انسان زي ده، لايستحق الحياة زاتا، خليك من يسود او يهيمين!

Quote: الي هذا التاريخ، اللون الابيض في اللاشعور مربوط بي حالة مرضية غير عادية، بالذات انو عندنا بعض السودانيين، فجاة بنجبو ابناء وبنات بيض البشرة تماما! عند الاهالي، ده عندهم شئ غير عادي تماما! في مصر القديمة كانو بقتلو ذوي البشرة البيضاء، لنفس السبب!

Quote: اعرف نفسك!او عشان كده حينها، كنا، مش مجرد سادة، للعالم، او بس- وانما الهة عديل كده، خرت جبابرة اليوم، ساجدة اوعابدة لنا، حتي في المانيا، دي زاتا!

________________________________________
بشاشا يمارس الإرهاب على محمدين محمد إسحق شاتما المرحوم أبا آمنة حامد:

Quote: هؤلاء ودعاويهم هم وهي المسؤلين المسؤلة، من الدمار ومحارق التطهير. فعلي اي اساس نحتفل برموز الاستلاب، جنود غزاتنا؟ ياريت تشرح لينا منطلقاتك في الاحتفاء بداعية صهيونية نازية، عربية؟

الغريب في الأمر إنو محمدين محمد إسحق فعلا
خضع لتهديد بشاشا ولغته الإرهابية حتى إنه اضطر
إلى ((نجر ))حقائق عن المرحوم ((نجرا)) حتى يجد مرضاة الأمير
............
______________
التشبيك الآن بطيء
لذا أكتفي بهذا القدر