غــــبــت عــــن إنــــســــانـــى

عـــــــــزيـــــــــزتــــى


اعــــرف انـــك ســـتــــمــرين مـــن هــــنا.....




اقول لك :::::::


شـــــــــــكـــــرا جزيــــــــــلا

أنا أخو النصرى أتاريك ليك كم يوم تسأل من الجماعه ديل متوك






منصور

النصري أمين
سلام أيها الرجل المحترم
عارف، أيها الرهيف، لي فترة
عاوز أكتب عن ناس هنا الله حببهم في
الحكمة و الانسانية و حببهما فيهم.
إنت في طليعتهم.

بقول شنو؟ الزولة البيحبها النصري
أمين دي محظوظة عديــــــــــل كدا.
و خليها تمسك فيه بعشراتها. دا راجل
ما هين على الاطلاق.

الكتابة مؤجلة شوية عشان حاجات تانية.
سلامي عليك في الأصيلين

الاخ العزيز منصور
اولاد المورده ديل احن من الحنان زاتو



الشكر ليك ولقدوره

الاخ الكريم ابوعسل
والله العظيم ما عارف اكتب ليك شنو؟

قريت كلامك ده عده مرات وفى كل مره اجد نفسى عاجز تماما على الرد عليك ...

اقل حاجه اقولها ليك شكرا على كلماتك الطيبه...

كل الود والاحترام

يا النصري ..
الأغنية رغم ما فيها من عذوبة .. ومن حنين ، ومن شجــن
إلا إنها
مؤلمة لي زول زي حالتي دي .. لو عاين حسع دي من شباك العمارة دي .. ما ح يلاقي دكان عزالدين .. ولا حاجة سعدية راجعة من السوق وفي راسه القفة .. ولا الدافوري عجاجتو في السماء ..
امس كنت بسمع فيهم ( اولاد الموردة )..
فتحت البوست ونزلتو تحت وفتحت غيرو كم بوست .. قلت عايز اشوف انسانك الغبت منو ده عامل كيف .. جاني الصوت ده طالع من الكمبيوتر .. ودخل الروووووح ..


انا ذاتي غبت عن إنساني يا النصري
أو قول
إنساني غاب مني ..
أو قول أي حاجة عايز تقوله ..
لكن..
العملتو فيني ده .. أصلو ما عافيهو ليكم .. كان أنت كان انسانك..

الله في

النصرى امين...تسلم انت عارف الاغنية دى عندها قصة احكيها ليك:
هى من كلمات عبد الرحمن الريح
عبد الرحمن الريح ايام الصراع الكان مدور بين الشعراء ..
كان عم عمر وابو صلاح كوم واخيرا انحاز ليهم عتيق وكان فنانهن كرومة وعم عمر نفسه كان يغنى، وفى الكوم التانى كان سيد وعبيد وعبد الرحمن الريح وود الرضى وبطران وفنانهم سرور
والفاضل احمد ..و كان كل اغنية يعملها عم عمر كان عبد الرحمن الريح يجاريها
مثال ذلك عم عمر عمل انا صادق فى حبك لو قلبى يتصل بى قلبك هذا مقصودى
عبد الرحمن الريح عمل انا خاضع لى امرك طول عمرى وانت له طول عمرك جافى يا حبيبى
عم عمر عمل تزدهى الاقمار تستعير من ضيك نوع وداعة حسنك ولون بداعة زيك
عبد الرحمن الريح عمل مارايت فى الكون يا حبيبى اجمل منك فى دلالك وتيهك وفى جهالةسنك
عم عمر عمل زدنى فى هجرانى فى هواك يا جميل العذاب سرانى على عفافك دوم
عم عبد الرحمن عمل غبت عن انسانى يا وحيد الكون السقام مسانى اذا فراقك طال ابقى لا تنسانى
وبعدين عم عمر عليه الرحمة كان يستاء من ذلك، وهو كما معلوم كان انسان دغرى وطبعه حاد
خصوصا لما يزعل..فمرة نحن قاعدين معاه اخر ايامه وانا بقوم استفزه عشان اطلع منه الكلام
بقوم اقول للجماعة القاعدين والله قصيدة عبد الرحمن الريح بتاعت غبت عن انسانى دى سمحة
خلاص يقوم يقول لى هو عبد الرحمن قال شنو؟
عبد الرحمن قال غبت عن انسانى يا وحيد الكون السقام مسانى اذا فراقك طال ابقى لا تنسانى
وانا قلت زدنى فى هجرانى فى هواك يا جميل العذاب سرانى على عفافك دوم زدنى فى نيرانى
يقول لى عبد الرحمن يشكى وانا بقول زدنى فى نيرانى.. قوم انت بتعرف حاجة يا حصان،والله انا الغناء السمعته هارون الرشيد ما سمعه..هسع الاقوى كلام منو.
رحم الله عم عمر ورحم الله عبد الرحمن الريح يقدر ما اثروا المكتبة السودانية.
شكرا يا نصرى

النصرى امين...تسلم انت عارف الاغنية دى عندها قصة احكيها ليك:
هى من كلمات عبد الرحمن الريح
عبد الرحمن الريح ايام الصراع الكان مدور بين الشعراء ..
كان عم عمر وابو صلاح كوم واخيرا انحاز ليهم عتيق وكان فنانهن كرومة وعم عمر نفسه كان يغنى، وفى الكوم التانى كان سيد وعبيد وعبد الرحمن الريح وود الرضى وبطران وفنانهم سرور
والفاضل احمد ..و كان كل اغنية يعملها عم عمر كان عبد الرحمن الريح يجاريها
مثال ذلك عم عمر عمل انا صادق فى حبك لو قلبى يتصل بى قلبك هذا مقصودى
عبد الرحمن الريح عمل انا خاضع لى امرك طول عمرى وانت له طول عمرك جافى يا حبيبى
عم عمر عمل تزدهى الاقمار تستعير من ضيك نوع وداعة حسنك ولون بداعة زيك
عبد الرحمن الريح عمل مارايت فى الكون يا حبيبى اجمل منك فى دلالك وتيهك وفى جهالةسنك
عم عمر عمل زدنى فى هجرانى فى هواك يا جميل العذاب سرانى على عفافك دوم
عم عبد الرحمن عمل غبت عن انسانى يا وحيد الكون السقام مسانى اذا فراقك طال ابقى لا تنسانى
وبعدين عم عمر عليه الرحمة كان يستاء من ذلك، وهو كما معلوم كان انسان دغرى وطبعه حاد
خصوصا لما يزعل..فمرة نحن قاعدين معاه اخر ايامه وانا بقوم استفزه عشان اطلع منه الكلام
بقوم اقول للجماعة القاعدين والله قصيدة عبد الرحمن الريح بتاعت غبت عن انسانى دى سمحة
خلاص يقوم يقول لى هو عبد الرحمن قال شنو؟
عبد الرحمن قال غبت عن انسانى يا وحيد الكون السقام مسانى اذا فراقك طال ابقى لا تنسانى
وانا قلت زدنى فى هجرانى فى هواك يا جميل العذاب سرانى على عفافك دوم زدنى فى نيرانى
يقول لى عبد الرحمن يشكى وانا بقول زدنى فى نيرانى.. قوم انت بتعرف حاجة يا حصان،والله انا الغناء السمعته هارون الرشيد ما سمعه..هسع الاقوى كلام منو.
رحم الله عم عمر ورحم الله عبد الرحمن الريح يقدر ما اثروا المكتبة السودانية.
شكرا يا نصرى



صديق الموج السلام والرحمه ياخى إنت الناس حضرتها وين يعنى عتيق عاش إلى نهاية الثمانيين وأبوالروس نهاية السبعين لكن ناس كرومه وأبوصلاح وسرور وعبدالرحمن الريح ديل حضرتهم كيف يا صديق عليك الله نحن أكثر جهلا بالحقيبه إذا إستطعت أن تنزل بوستا تعريفيا بروادها وبعض نمازج أشعارهم وطرائفهم وأماكن سكنهم بالخرطوم وأصولهم فى السودان وأعنى المناطق لا الأعراق وسيشارك معك محمد المرتضى وتمبس وغيرهم وربنا يجعلها لك فى باب حسناتك ويمكن أن تكون مشروع كتاب والزمن الذى ساعدك لتكتب للسفير سيكون أكثر سماحا فى سياحة كتلك والنصرى بخبـط عشواء حقق نصرا


منصور

تمبس العزيز

انا ما عارف انت عمرك كم ..انا زول فى منتصف الاربعينيات ...
فى الاونه الاخيره ينتابنى (احيانا) شعور بال insecurity وخوف من شئ مجهول ..
خوف ما ليهو علاقه بالمعايش وجريها الما بنتهى ده ....
ابدا اتزكر اباؤنا وجدودنا كيف عاشوا الفتره ده من عمرهم ....
اكيد ما عاشو فى زمن فيهو الكميه دى من Stress and Anxiety
مثال.. زمان ...اليوم الواحد طويل جدا..
ببدا بشاى الصباح وصوت الشيخ عوض عمر من اذاعة امدرمان ..
الفطور الساعه عشره والغدا (كل افراد الاسره حول الصينيه) الساعه اتنين او تلاته
الشاى الاحمر وونسته بعد الغدا ...
استراحه قصيره ويبدا برنامج الدافورى او دار الرياضه او الونسه مع الشباب فى
البقاله..
شاى المغرب وونسته (ولمة ناس البيت)
الالتفاف حول التلفزيون لمشاهده المسلسل
وبعده يبدا برنامج العشاء وده براهو برنامج ترفيهى متكامل لوحده...
لم ينتهى اليوم بعد ...
نعود لمشاهده سهرة التلفزيون ..
الان اصبحنا جميعنا (خارج وداخل السودان) كالكلبه التى تطارد ذنبها ..
والكثيرون منا وجدو ضالتهم فى الانترنت وصارو يعيشون فى عالم وهمى مصنوع
من الوهم وال illusion وهو نوع من الهروب من الواقع القاسى...
طولت عليك (لانك طالبنى)

المهم ...فتش عن انسانك فربما كان اقرب اليك من حبل الوريد
او one heart beat away from you

كل الود

وانت يا النصري غبت عن سان كاثرين جميل يا مشيب

تعرف يا "عم" صديق
ما داير معاك اى كلام...

نفسى فى قعده ونسه دقاقه ...
ونسه انت تتكلم وانا اسمع واحيانا
اسالك بعضا من اسئلتى الغبيه(التى اشتهرت بها)

بجيك راجع يا عم صديق الموج

يا النصري كنت عايز أكتب في غبت عن إنساني مع (وسادات) لعزيزنا تمبس لكن كلامك الأخير غيّر اتجاهي
يا تمبس أنا مليون مره قلت ليك أبعد من الحاجات دي لأنها بتودّرك في ظل الظروف اللي بتمر بيها انت والنصري
ماحاتعرف محورك وين مع ناس في الطيف أو في الصحيان وحتما سيفضي بك الحال الى أن تذرع الشوارع وأنت تهذي:
أحبو ..أفتخربو ...أهوى قربو ...أخشى حربو.. لما تلاقي (زميل) في خطّك يختّها يك عديل ب ياليلى ليلك جنّّ.

أها يا النصري

Quote: انا ما عارف انت عمرك كم ..انا زول فى منتصف الاربعينيات ... فى الاونه الاخيره ينتابنى (احيانا) شعور بال insecurity وخوف من شئ مجهول .. خوف ما ليهو علاقه بالمعايش وجريها الما بنتهى ده .... ابدا اتزكر اباؤنا وجدودنا كيف عاشوا الفتره ده من عمرهم .... اكيد ما عاشو فى زمن فيهو الكميه دى من Stress and Anxiety مثال.. زمان ...اليوم الواحد طويل جدا.. ببدا بشاى الصباح وصوت الشيخ عوض عمر من اذاعة امدرمان .. الفطور الساعه عشره والغدا (كل افراد الاسره حول الصينيه) الساعه اتنين او تلاته الشاى الاحمر وونسته بعد الغدا ... استراحه قصيره ويبدا برنامج الدافورى او دار الرياضه او الونسه مع الشباب فى البقاله.. شاى المغرب وونسته (ولمة ناس البيت) الالتفاف حول التلفزيون لمشاهده المسلسل وبعده يبدا برنامج العشاء وده براهو برنامج ترفيهى متكامل لوحده... لم ينتهى اليوم بعد ... نعود لمشاهده سهرة التلفزيون .. الان اصبحنا جميعنا (خارج وداخل السودان) كالكلبه التى تطارد ذنبها .. والكثيرون منا وجدو ضالتهم فى الانترنت وصارو يعيشون فى عالم وهمى مصنوع من الوهم وال illusion وهو نوع من الهروب من الواقع القاسى... طولت عليك (لانك طالبنى) المهم ...فتش عن انسانك فربما كان اقرب اليك من حبل الوريد او one heart beat away from you

كلامك ده أنا بهرب منو كل يوم لأني عارف انو الحال ده تاني ما بيرجع وأحر حاجه في الدنيا دي انك تشتهي المابتلقي أو تشتاق للمابرجع.

غبت عن أمدرماني

منصور يا صديقى

Quote: والنصرى بخبـط عشواء حقق نصرا

عشوائ فى عينك....

مش بتتزكر مثل عادل سالم المفضل
"""ان الفرص لا تتسكع امام الابواب """

الفاتح يسن يا جميل
حليل ساسا وحليل ناسا
وساسا هى سانت كاثرينز..
يبدو ان انها اصبحت ملهمة لابداعاتك والدليل
البوست البهناك داك ....
غايتو لو جيتنا بيجاى كنت عملت السمفونيه العاشره عديل

Quote: عـــــــــزيـــــــــزتــــى اعــــرف انـــك ســـتــــمــرين مـــن هــــنا..... اقول لك ::::::: شـــــــــــكـــــرا جزيــــــــــلا

يا سـلاااااام ياخ

إغنيـة جميلـة.

الفاضل محمد المرتضى
اول حاجه

Quote: أحبو ..أفتخربو ...أهوى قربو ...أخشى حربو

لو بس اتخيلت الحاله النفسيه الكان بعيشها صاحب الكلمات دى
لحظه كتابتها اكيد بكون "مجابد" زينا و مجهجه شديد ...
كيف يخشى من يحب ويفتخر؟؟
اكيد هو خوف و رعب ناتج من سطوه وقوه من نوع خاص..
نوع لا يمنع الاحساس بالانتماء والفخر...
وفى نفس الوقت ربما يؤدى للجنون ...
وكل انسان منا به درجه من الجنون تترواح لحظه ظهوره للاخرين..
والشعراء ديل اكتر ناس vulnerable للجنون ..
عشان كده نحن نحمد الله لا بنقرا شعر ولا بنفهمه

Quote: يا النصري كنت عايز أكتب في غبت عن إنساني مع (وسادات) لعزيزنا تمبس لكن كلامك الأخير غيّر اتجاهي

بصراحه كده انا بهترش ساى وما تشتغل بكلامى قول العندك وانا حاقرا
كلامك حرف ..حرف ...حرف

النصرى العزيز ,
قبل ما تنزل البوست ده بشويه
كنت ناوى أفتح بوست أسأل عنك
أيها الوفى , عرفتنى واللا لسه !

إلا قول لي يا النصرى ,
الأصوات الأصيله النقيه دى
مش زى الكأنو عندها أجنحه
وطايره بينا لى حته زى جنه كده
أو مدينه هاديه كده وصافيه ومشرقه
إسمها أمدرمان !

ياربى دى أمدرمان الهسى دى ذاتا ؟!

صديقى ابوريش
يسلم زوقك ...

اولاد المورده من احن الاصوات فى الغناء السودانى ...
كثيرا ما "اتغالطت" مع بعض الاصدقاء انو اولاد شمبات
اكثر ابداعا واقوى صوتا (اعتقد انهم "الشياليين" فى الغنيه دى )
انا شخصيا لا يهمنى قوه وجمال الصوت ..

الشئ الوحيد البفتش عليه هو درجة "الحنيه" و "البحه" فى
الصوت ...
اصلو الغنا محنه ولا شنو؟

النصري أمين

Quote: الغنا محنة

و لحن يرحل جوّة الروح
و حرف يسافر و يتسكع ثم يهدهد ذلك
الشيئ الذي قد يكون فرحا أو حزنا أو
ألما أو وطنا ماجدا.
أما الحبيبة فحسبها أنها ملهمة الغُنا
و باعثة الحنين.

Quote: انا شخصيا لا يهمنى قوه وجمال الصوت .. الشئ الوحيد البفتش عليه هو درجة "الحنيه" و "البحه" فى الصوت ... اصلو الغنا محنه ولا شنو؟

واللاى يا النصــرى،

ياكا النصـرى زااااتو.. السقــط ما غيرك..
أدينى سلك واللا رسل رقمك على الإيميل.
[email protected]

العزيز ابو السرة

ياسلااااام فلقد اخذتنا دوامة الحياة وكثرة المشغوليات والهموم
لدرجة ظننت معها انني فقدت ذاك الاحساس الخاص بيننا ظننت ان قصة الحب القديمة اصبحت تاريخ اطلال احساس مضي عليه الزمن وطمسته الايام اعتبرت نفسي مجرد زوجة وام دورها في الياة تهيءة البيت الهادئ واللقمة الدافئة بغد يوم طويل شاق من العمل و و و وها آنت اليوم تنفض الغبار عن كل تلك المشاعر والاحاسيس النبيلة وتعطيني اليقين بانها مازالت حية وصادقة وتوهجة كسابق عهدها فماذا اقول لك بحثت عن الكلمات فلم اجد ما اعبر عنه بمدي فرحتي وصدق مشاعرى لعلني لست في حالة تسمح لي بايراد كل خواطري فقط اقول شكرا لك لهذه السانحة وانا دوما في انتظارك فتعال للقاءئ تعال الي اذرع الود في اروقة قلبي فانت بلسمي وشفاءئ
THANX DERA YOU MADE MY DAY

تعرفى يا سهير النصرى جننا سهير سهير مساهر بنا سهر عرف قيمة سهير لمن بعد وطال الفراق طال ودمعو زى مطر الخيرصان هطال


لك السلام ولك الثناء على إخراج شوك البوح من ذلك العميق


منصور

آخي الاكرم منصور
لك الشكر وصادق الامتنان لكلماتك الطيبة لم تسنح لي الفرصة بلقياك الصيف الماضي ولكن في القريب العاجل تلتقي بآذن الله آذ لي حديث طويل طويل معك عن كل ماتكتب من الشعر والادب والدوبيت ولازم تستعد من هسعلانه ان حافظةومتابعة ومابتص اقع في المجال ده مازي صاحبك وحديث اخر عن اهلك ال ابوشامة فانا من بيتالمال ولي معهم صلة جوار قديمة ال القاضي اب شامة الرشيد وعباس وناس وفاء وبوني لك الود وصادق الاحترام

اهـــــلا وسهــــــلا
نورتى البوست...

مفاجئه .....موش ؟؟؟؟



اها قصرنا ؟؟؟
قدام الخلق دى كلها ...
------------------------

نقوم نكرم ضيوفنا .....


ونبدا بالاخ مامون
واقول ليك الف مبروك العضويه الجديده
وتستاهلها من زمان ..
تعرف يا مامون ..لو كنت تسكن معى فى نفس
المدينه كنت حاتكون صاحبى شديد لانو طبعك
قريب منى شديد ..

Quote: كنت ناوى أفتح بوست أسأل عنك

ما فات شئ جهز البوست وخليهو على جنبه لانى ناوى على
غطسه طويله

كل الود يا عزيزى
----------------------------------
الاخ ابوعسل
وجودك فى البوست ده اداهو بعد ثانى
وخلانى اشعر بارتياح شديد
تسلم وتسلم عسل
----------------------------
عوده للاخ صديق الموج (المكبر روحو ومكبرنا معاهو)
حتى صرنا اعماما وخلانا قبل يومنا .....

لدى مشروع لندوه صوتيه عبر الانترنت حول غناء الحقيبه
وتاريخ امدرمان ,,,نقوم بتسجيلها وحفظها للاجيال القادمه ...
فى خاطرى بعض الشخصيات الملمه بهذه الامور
ادينى رائك هنا او عبر الايميل

http://www.anwarking.com/music/sonaaey/bo3adek%20taal.wma

Quote: عوده للاخ صديق الموج (المكبر روحو ومكبرنا معاهو) حتى صرنا اعماما وخلانا قبل يومنا ..... لدى مشروع لندوه صوتيه عبر الانترنت حول غناء الحقيبه وتاريخ امدرمان ,,,نقوم بتسجيلها وحفظها للاجيال القادمه ... فى خاطرى بعض الشخصيات الملمه بهذه الامور ادينى رائك هنا او عبر الايميل

النصرى يشهد الله انا قدام منصور المفتاح ده فى محمد حسين بسنة واحدة
وقطع شك قدامك انت بى تلاتة سنين...وعلى فكرة انا بسمع الحقيبة من عمرى 14 سنة
والحافظو ده كلو ياهو الحفظ القديم..بعدين الناس بقولو ليك الحقيبة دى حقت
عجائز وبنسوا انه الشعراء ديل لما عملوا القصائد دى كان عمرهم عشرينات وتلاتينات
وفى واحدين فيهم ماتو دون سن الاربعين كمان ..عموما جاهزين جاهزين لخدمة المستمعين،،

Quote: النصرى يشهد الله انا قدام منصور المفتاح ده فى محمد حسين بسنة واحدة وقطع شك قدامك انت بى تلاتة سنين.

انا مواليد 1962 , اصلو ما قدركم لا دفعتكم انت ومنصور ...

المهم ..
اترك لى الجانب الفنى من الموضوع ..
ساقوم الاعداد للندوه وساحاول قدر المستطاع تجنب
غرف ال البالتوك ....
فى خاطرى عدد من ال برامج الاتصالات الجديده
stay tune

Quote: النصرى العزيز , قبل ما تنزل البوست ده بشويه كنت ناوى أفتح بوست أسأل عنك أيها الوفى

الحبيب النصري أمين

سـلام يا دفعه

والله مشتاقين

أنا لي مدة بسأل في روحي النصري مختفي

يا رب يكون جاء السودان تاني وبرضو ما

عندنا خبر!!!!

"بس الله يكضب الشينه"

بصراحة تمتعت حد المتعة بهذا البوست

وشكراً يا موج على السرد الطرب

لك وللجميع

خالص مودتي

إسماعيل حميم

Quote: انا مواليد 1962 , اصلو ما قدركم لا دفعتكم انت ومنصور ... المهم .. اترك لى الجانب الفنى من الموضوع .. ساقوم الاعداد للندوه وساحاول قدر المستطاع تجنب غرف ال البالتوك .... فى خاطرى عدد من ال برامج الاتصالات الجديده stay tune

النصرى يعنى اكبر منى بى سنتين بس؟؟؟
جاهزين يا حبيب،،،

والله يا صديق أنا ما عارف الجماعه كلهم شابكنك عمى الموج عمى الموج والله يا الموج واحدين أكبر منك لكن شايفين الخلقه وشنبات الزباد دى لكن ليش ما بقولوا لكوستاوى عمى وإنت راجل بتاع 46 سنه بس (بث)




بقينا نخاف نقول عاصرناك فى المدرسه



التحايا الطيبات وإن شاء الله السفاره قامت بالواجب أو قل السفير



منصور

العزيز اسماعين
ازيك يادفعه (مش ناس الموج العجائز)


كل ما فى الامر يا عزيزى انو الواحد مرات كده
بقبض فرامل ويقيف ...وبقعد يفكر ويفكر ويفكر ...

كثير من القيم الجميله الواحد بدوسها و هو بصارع فى الحياه
وكثير من نعم المولى عز وجل ما بنديها حقها من العرفان ..
التفكير بكون فقط فى المنقصات والسلبيات ...
وصار التزمر سمه من السمات الاساسيه فى حياتنا ..

عشان كده ياصديقى العزيز بدات التفكير بصوره مختلفه والتعامل مع
الاشياء بطريقيه ايجابيه .......
وباقرب الاقربين ....

-----------------------



بالمناسبه انا الان اعيش فى مدينه جاء اليها قبل سنتين
الصديق اسماعيل حامد بصحبة فرقته الماسيه ...

اعــــرف انـــك ســـتــــمــرين مـــن هــــنا.....






Elnasry

الله يجازي محنك يا منصور

النصري العزيز..

سلام ومحبة..

طبعا من أول يوم (مريت) بي هنا.. لكن بيني وبينك كنت خايفة اول ما اكتب يجوك الجماعة ناطين يقولو ليك عرفناها.. والشخصية المقصودة تقوم تزعل منك وتبقى حكاية..

غايتو أديتها مهلة كفاية إنها تمر، وأكيد مرت وعرفت منها كده..

الغنية جميلة لدرجة.. وما كان ممكن أتجاهل أقول ليك كده..

تحياتي

لقد مررت من هنا،كنت فى ززيارة ذات نهار الى الاذاعة السودانية بعد غيبة طويلة ، هل على عوض بابكر لعلك تعرفه مقدم حقيبة الفن ، وتعانقنا وبكينا على الملا فلقد افترقنا لخمسة عشر عاما ، ودخلت معه بعد ذلك الاستديو وتحدثنا عن الحقيبة التى كانت ذات مرة مثار خصومة صحفية بينى وبين الراحل مصطفى سيد احمد ، ليس هنا مدار الحديث ، فلقد اندهش عوض لحظة ان بدات اتحث له عن علاقتى بالحقيبة ، والتى بدات حين كنت فى السابعة من عمرى ، ولان الفنان بادى محمد الطيب رحمه الله كان صديقا لاسرتى فى العباسية ، وكذا الفنان خضر بشير ،وعدد من الشعراء تربينا بينهم فى حى العرب (عبد الرحمن الريح )وغيره ممن مسحتهم السنوات عن الذاكرة ، لكنى احب هذه الحقيبة رغم اننى احس فى بعض الاحيان رتابتها من حيث اللحن ، لكنى احبهاواحفظ الكثير من اغنياتها عن ظهر قلب،اتمنى ان لا اكون قد اثقلت عليك بمرورى

الاخت الكريمه رجا
الف مرحب بوجودك هنا …
نورت البوست والله العظيم
انا عملت البوست ده بعد تردد فانا والحمدلله لا اجيد التعامل مع النساء
وتنقصنى المقدره على مخاطبتهن(وربما لاحظت اننى لا اتداخل معهم هنا ولا بتداخلو معاى)
بدلا من التلتله اخترت عنوان يقول كل شئ
ولا احتاج الا كتابه كلام خارم بارم والزوقان من الموضوع فى الردود على المتداخلين

الغرض طبعا كان ارسال رساله معينه لزول معين
وبعدما الرساله وصلت فكرت اشيل البوست لانو عندى جن اسمو الخصوصيات ,
البركه فى اخونا منصور اقنعنى ما اشيله وقام برفعه من الصفحه الالف

كل الود

الاخت الفاضله سلمى
الف مرحب بوجودك هنا …

Quote: اتمنى ان لا اكون قد اثقلت عليك بمرورى

معقولة؟




كل من يدخل بوست لى اشعر نحوه بالامتنان ففى الصفحه الاولى اكثر من 130 بوست
ومجرد مروركم من هنا شرف لى
...

اولاد المورده عالم براهو
.احيانا لا اهتم بما يرددونه من كلمات ..
فى صوتهم شئ عجيب .
شئ زى زكر المجازيب

اعتقد انو الواحد احيانا بكون محتاج يكون فى حالة "غرق"
شكرا ليك مره تانيه

النصرى أمين النصرى

انا زمان مش قلته ليك "انت دقهــاقديمة" يعنى ذى "الدهب"

غــــبــت عــــن إنــــســــانـــى

صديق - الدوحة

صديق منجيييغه العزيز


الظاهر عليك مثلى

النفسيات فى السما

ان شاء تدوم
تحياتى للوالده وام العيال والعيال
وكل اهل الخور الجميل

غــــبــت عــــن إنــــســــانـــى











النصرى أمين

يا وحيد الكون السقام مسانى


السغام مسانى يعنى شنو يالنصرى




منصور

منصور خلى الحركات
وخلى البوست يتخارج

























السقام مسانى

ومسانى عندها معنين ربما يقصدك الشاعر احدهم :::

الاول مسانى يعنى اتانى فى المساء

الثانى مسانى من كلمه "مس" يعنى جانى او هبشنى او اعترانى

النصري

غايتو حسب فهمي البسيط دة

اها انشاء الله خلاص لاقيتو

يا اسعد لاقتو ساكت!!

لاقيتو و مصطكى معاهو 20 سنه

مصطكى





دى كلمه شاذه يالنصرى

يصطك... مصتكى ....اصتكاكه

الحاصل ده قمه الاصتكاكه يامنصور لانو الواحد ما ماشى اى حته

لانو اولا ما بقدر
ثانيا ما داير

انها اصتكاكه ابديه يا صديقى

ولكنها ولحسن الحظ بارادتنا








كلنا مصتكين ويجب ان نسمى الاشياء باسمائها

وهانذا امر مرة ثانية وتالتة

الحبيبة رجاء وجودك هنا يضفي علينا البهجة ويعطي المكان القا ذو نكهة
خاصة وجميلة وعودتك للبورد بمثابة فرح عميق فلقد افتقدتك اختا وصديقة
وعمرك ماتقولي او حتي تفكري انا ازعل منك انتي الزيك بفخروا بيه مابزعلو منه فانت احد ناثري الفرح هنا لك المعزة وكل الود
الحبيبة سلمي نحن نفاخر بك الشمس وان كنت لاندرين انا متابعة لكل ما تكتبين عن تاريخ الفن والاذاعة والمبدعين الباقون والذين رحلو من عالمنا ولكن مازالوا يعيشون في دواخلنا فهم اغلي من النسيان واصلي واتحفينا بتلك الدرر الجميلة التي تجعلنا نفاخر بك وبسودانيتنا شوامخ كل الكواكب محبتي وودي
النصري تصتك 20 سنة لييه عم صبري ومولانا شاهين ماقاعدين FIRST COMES FIRST SERVES