Post: #2
Title: Re: نجم تسجيلات البورد لعام 2006 هو ....
Author: الخير محمد عوض
Date: 12-04-2006, 11:21 PM
Parent: #1
الاخ النصــري
اتفق معـك تمامـا بان معـاذ نجم نجوم التسجيلات دون منازع
|
Post: #3
Title: Re: نجم تسجيلات البورد لعام 2006 هو ....
Author: النصرى أمين
Date: 12-04-2006, 11:27 PM
Parent: #1
الاخ الخير
الله يطمنك زى ما طمنتنى ..
كنت خايف اكون براى .....
الزول ده كتّاب كتابه اصلو ما مرت علىّ فى البورد ده
(اذا استثينا محسن خالد)
|
Post: #4
Title: Re: نجم تسجيلات البورد لعام 2006 هو ....
Author: محمد عبدالرحمن
Date: 12-05-2006, 02:54 AM
Parent: #3
ياالنصرى ..
تحياتى ..
انا والله دخلت اقول ليك معاذ حسن ..تعرف
الزول دا تسجيلو زى تسجيل هيثم طمبل للمريخ ..
جاهز للعب بس يغير شعار الهلال لشعار المريخ وينزل على
الميدان ..معاذ دا جا من (بهناك) جاهز على طول دخل
التشكيلة ..مع الاحتفاظ لسودانيز اون لاين بحق التفوق
والرياده على ماعداه من مواقع ..
ودى
|
Post: #5
Title: Re: نجم تسجيلات البورد لعام 2006 هو ....
Author: معاذ حسن
Date: 12-05-2006, 04:05 AM
Parent: #4
الأخ العزيز النصري أمين
والله اسمك عندي في الكمبيوتر الذي ادخل منه ظاهر عندي باللون الأحمر..
قول لي كيف!؟؟
عادة إذا أعجبتني كتبات أي مشترك وقصدت أن اباريهو اضغط على الاسم فيظهر عندي كلما دخلت باللون الأحمر وبذلك لا أفوت له بوستا أو مداخلة...أها شفت النصري أمين دا من الاسامي الظاهرة عندي بالأحمر ومن أيام ما كان alnasri amin شفت الإعجاب متبادل كيف!!؟؟ وبالطبع عندي أسامي كتيرة جدا بالأحمر ..زي أخونا ابو النيز..وهشام يا زول ..وابو جهينة ...وميسون نجومي..وغيرهم أسماء كثيرة حتى صارت شاشة كمبيتوري شبيهة بشاشة سوق الأسهم السعودية هذه الأيام...
أما حكاية نجم تسجيلات فكل كتاب هذا المنبر نجوم ..وكمان في ظل وجود أقلام ضخمة من القدامى والجدد فلا اعتقد إنني استحق نجومية,,وبالجد والله مرات بخجل لما أشوف الناس الفاهمة قاعد تكتب شنو!! وأنا قاعد اهبب شنو..!!
شكرا أخي النصري وأتمنى أن تجد مني ما يسرك دائما.....وأن أكون عند حسن ظنك ا..ولك مني صادق الود.
|
Post: #6
Title: Re: نجم تسجيلات البورد لعام 2006 هو ....
Author: Nasser Mousa
Date: 12-05-2006, 04:16 AM
Parent: #5
نمرة واحد
معاذ حسن
في فرصة تانية عشان نشترك
ابوالنيذ وعمر الفاروق
|
Post: #8
Title: Re: نجم تسجيلات البورد لعام 2006 هو ....
Author: هشام آدم
Date: 12-05-2006, 04:25 AM
Parent: #6
________________
أخوي النصري أمين
أصبت كبد الحقيقة .. فمعاذ حسن كاتب متمكن من قلمه
وهو مكسب حقيقي لأي منتدى أو منبر يكتب فيه إضافة إلى
أن كتاباته الساخرة والتي تتناول في ثنياها قضايا
ساخنة ومهمة بأسلوب متفرد ومتمكن جداً تذكرني دائماً
بكتابات أنيس منصور وجعفر عباس ...
أثني على ترشيحك هذا وأتمنى لمعاذ حسن هذا كل التوفيق
ولو يوافقني ويبدأ بمراسلة الجرائد ليحتل عاموداً ثابتاً
في إحداها فهو أجدر بكثير من غيره ...
ولك وله التحية
|
Post: #7
Title: Re: نجم تسجيلات البورد لعام 2006 هو ....
Author: abuguta
Date: 12-05-2006, 04:21 AM
Parent: #5
بالله اقسم النجومية معاك لمخلص
شايفو فى خان شليلة يوم الجمعة عامل فيها طمبل...
النصرى
فعلا معاذ دا اقتحم البورد فى غقلة حرد لكن صدقت والله ..هو زول موهوب كتابة..(معاذ اقلب الباء ميم)
لكن هنالك كثر جدد..لمعو اكثر من القدامى..
ابوبكر سيد احمد
ود جبرا..
ود حماد
فاروق..
بت طلحة...ديل كلهم انا مبارى بوستاتهم بالزلط والدقداق..
|
Post: #9
Title: Re: نجم تسجيلات البورد لعام 2006 هو ....
Author: ناذر محمد الخليفة
Date: 12-05-2006, 04:47 AM
Parent: #1
سلام يا النصري ..
أما هذا البوست :
حامد (الوهم)!! نموذج للسودانيين في السعودية!!
فهو دون شك من أجمل بوستات المنبر للنصف الثاني من هذا العام ..
|
Post: #10
Title: Re: نجم تسجيلات البورد لعام 2006 هو ....
Author: lana mahdi
Date: 12-05-2006, 05:19 AM
Parent: #9
أوافقك 100% أخي الحبيب النصري
وأمانة ما ربحنا كاتب و قلم.
محبتي
لنا
|
Post: #12
Title: Re: نجم تسجيلات البورد لعام 2006 هو ....
Author: Noon3
Date: 12-05-2006, 06:18 AM
Parent: #10
معـاذ بلا منافس
موضوعية ممزوجة بسرد كاتب ضليع و+ خفة روح ...
|
Post: #11
Title: Re: نجم تسجيلات البورد لعام 2006 هو ....
Author: معتصم دفع الله
Date: 12-05-2006, 06:13 AM
Parent: #1
نحييه معك يا نصري ..
ونتمنى مزيد من الكتابات الشيقة ..
|
Post: #13
Title: Re: نجم تسجيلات البورد لعام 2006 هو ....
Author: شهاب الفاتح عثمان
Date: 12-05-2006, 07:22 AM
حضور عالي و جميل.
شكرا على الفكرة و الاختيار.
|
Post: #14
Title: Re: نجم تسجيلات البورد لعام 2006 هو ....
Author: معاذ حسن
Date: 12-05-2006, 10:20 AM
Parent: #13
الرجل الجميل النصري امين
والله خليتني زي الترزي يوم الوقفة
هسي الشباب فتحو كل البوستات الربطتها دي ..خلوني جاري من بوست لي بوست.
يا سيدي اشكرك
واسمح لي احي كل اصدقائي الذين مرو من هنا.
|
Post: #16
Title: Re: نجم تسجيلات البورد لعام 2006 هو ....
Author: معاذ حسن
Date: 12-06-2006, 02:29 AM
Parent: #13
النصري أمين ..سلام
يتصادف أن يمر بهذا البوست الأخ معتصم دفع الله والأخ هشام ادم ويتصادف أيضا أن يكون المحتفى به (أنا الضعيف) يتصادف أن أكون رجلا شليقاً..لهذه العوامل مجتمعة فلا بد أن احكي قصة تسجيلي بهذا المنبر.
في أغسطس من عام 2005م عرفت المنتديات وسجلت بأحد المنتديات,وعرفت الطريق إلى سودانيز اون لان ..فأعجبت جدا بشخوصه وحكاويه ولم يتسنى لي إطلاقا أن أقابل أي من عضويته ثم جاءت القرارات الشهيرة إيقاف تسجيل العضوية الجديدة.. التسجيل للأدباء والفنانين والشعراء...طيب يا بكري.... عامل صلعتك دي .. أنا لا فنان ولا أديب ولا بعرف زول يزكيني اعمل شنو عشان تقبل انضم لمنبرك دا!!؟؟.
تصادف في تلك الأيام أن كنت متطفلا في احد البوستات فوجدت أرقام هواتف معتصم دفع الله وتمبس مرفق بها كروكي للاستراحة التي يقام بها زواج وليد طه..
يا ولد جاتك على طبق من ذهب,, الاستراحة فركة دركسون قريبة من مقر سكني منها تغير جو وتبارك للولد وليد ,,ومنها تدخل شمال في واحد من الأولاد ديل وتعمل عضوية..وقد كان حضرت جزء من حفل زواج أخونا وليد..وقابلت معتصم ..يلا بعدها بيومين شبكت ليك معتصم تلفونات..زي الشافع الصغير ..يا معتصم لازم تزكيني ..يا اخي والله أنا زول بكتب كويس ..معتصم دق طناش ولا شغال بي الشغلة..والحقيقة إني لأجد له العذر فكتاباتي في تلك الفترة كانت لا تشجع أي إنسان عاقل لتزكيتي...
مشيت موقع تاني وطاب لي المقام به ونسيت اون لاين تماما ..يلا قبل شهرين الموقع حصلت فيه مشاكل فنية وما قدرت ادخل خالص..وانت عارف مرض النت طبعا..رجعت اون لاين تاني أقرأ واطلع ..لحدي ما لقيت تلفون بورداب الرياض..يا ولد إلك إلا أبو جهينة..اتصلت مرتين على الجوال اسأل عن أبو جهينة القي ليك الوغد حميدة ..والراجل ما قصر كل مرة يوزعني ..وكنت أتخيله بعد أن أغلق السماعة يضحك من هذا الوهم المندرع....أها بالمصادفة خشيت في الصديق هشام ادم وطلبت منه يزكيني..والراجل مشكور أرسل التزكية لكن قال لي بالواضح انو حا يكتب في التزكية انو غير مسئول عني وقد كان وجينا اون لاين بعد طلوع الروح..طبعا في ناس كتيرة عندها قصص زي دي مع عضوية اون لاين لأنه موقع متميز جد.. لكن يتحرج الكثيرين من الخوض في التفاصيل..
أشكرك ..واحي ضيوفك الكرام اصدقائي:
الخير محمد عوض
محمد عبدالرحمن
Nasser Mousa
الصديق هشام آدم..كفيلي في المنبر
abuguta
ناذر محمد الخليفة
lana mahdi
Noon3
معتصم دفع الله
]د. شهاب الفاتح عثمان
|
Post: #15
Title: Re: نجم تسجيلات البورد لعام 2006 هو ....
Author: النصرى أمين
Date: 12-05-2006, 03:51 PM
Parent: #1
سلام يا محمد عبدالرحمن
قلت هيثم منو؟؟
ياخى نحنا من زمن النقر جا وناس تنقا وكندوره ...
شكرا ليك
الاخ ناصر موسى
| Quote: في فرصة تانية عشان نشترك |
طبعا مليون فرصه ..
بس انت قول
الاخ هشام
شهادتك دى انا بعتز بيها جدا جدا
لانو بتدينى احساس انى احيانا احسن الاختيار
كتابات معاذ تختلف عن باقى الكتابات "الهذليه" بان
تتناول قضايا ساخنه بدون تجريح لفئات اجتماعيه معينه
الاخ ابوقوته
كل الاسماء الزكرتها لا تقل عن معاذ فى شئ الفرق الكبير
انو الكتابات الادبيه (النثريه منها والشعريه) لها جمهور خاص
للاسف انا ما منهم ..
التحيه ليك ولك مبدع يخط حرفا فى منبرنا هذا
سلام ياناذر
بصراحه
البوست الوهم ده اظرف بوست يمر على منذ التحاقى بالمنبر...
الظريف انو معاذ استطاع امتصاص كل الغضب من الاخوه الذين
لم يعجبهم المقال ...
اجمل جمله قراتها ليهو لمن كتب حكاية السموم الببثها فى الانترنت ..
ياخى قعدت اضحك لمن دموعى جرت ...
خرافه عديل .....
شكرا ليك
الاخت لنا
شكرا ليك على التشجيع
ارجو ان تكونى بالقرب من كتاباته وتقديم النصيحه
والنقد الهادف ....
الاخت نونا
| Quote: موضوعية ممزوجة بسرد كاتب ضليع و+ خفة روح |
اختصرتى كلامى الداير اقولو فى سطر واحد
شكرا ليك
الاخ معتصم
نعم نتوقع المزيد من معاذ ...
ولكن ننصحه بان البورد زى حال الدنيا ..
ممكن تكون فوق وتانى يوم فى الدلجه ..
يحب ان يراجع كل كلمه يكتبها فالعيون مصوبه نحوه
الان ...
كذلك اقول له ...
كتابه البوست لاتقل صعوبه من كتابه الردود..
كثير من الكتاب يكتبون بوستات رائعه ينقصها الرد
المناسب على المتداخلين
شكرا ليك
الدكتور شهاب
حضور عالي و جميل.
شكرا على الفكرة و الاختيار.
لاحظت وجودك فى بوستات مغاذ ..
يبدو انكم من اوائل المكتشفين
شكرا ليك
الاخ معاذ
البوست ده فى رقبتك دلوقتى
ساغيب بعض الوقت عن البورد (حتى مطلع العام الجديد)
|
Post: #17
Title: Re: نجم تسجيلات البورد لعام 2006 هو ....
Author: munswor almophtah
Date: 12-06-2006, 03:28 AM
Parent: #15
والله يا معاذأخبرنا عنك النصرى فبحثنا عن بوستاتك ما شاء الله عظمه أمانى لك بالتوفيق والسلام وكتر خير النصرى ونحن نرسف فى قيد دينه الباهظ نستجديه بأن يسمح ويعفو..........................
منصور
|
Post: #24
Title: Re: نجم تسجيلات البورد لعام 2006 هو ....
Author: معاذ حسن
Date: 12-06-2006, 01:12 PM
Parent: #17
الاستاذ منصورابن عمي
سلام..والله كتر خير النصري وارجو ان اكون عند حسن ظنه.
النصري امين من اجمل الشخصيات في هذا المنبر..يحب الجميع
ونحن وبالاخص (أنا وسيف مساعد) نحبه.
تسلم
|
Post: #18
Title: Re: نجم تسجيلات البورد لعام 2006 هو ....
Author: Adel Sameer Tawfiq
Date: 12-06-2006, 03:38 AM
Parent: #1
الاخ النصرى..
أولآ شكرآ على الترشيح الذي صادف أهله..
ثانيا شكرآ على مجهودك بتجميع البوستات..
ثالثآ اوافق على ترشيحك وأبصم..
تحياتي لك وللمبدع معاذ حسن..
|
Post: #25
Title: Re: نجم تسجيلات البورد لعام 2006 هو ....
Author: معاذ حسن
Date: 12-06-2006, 01:15 PM
Parent: #18
| Quote: ثانيا شكرآ على مجهودك بتجميع البوستات.. |
مولانا..سلام
والله الراجل تعب شديدوغطس عميقا في بحر هذا البوست وانتشل بوستاتي من القاع الى القمة..
ورفع معنوياتي شديد...والراس اصلو خفيف..ما راس جعليين.
تشكر يا مولانا
|
Post: #19
Title: Re: نجم تسجيلات البورد لعام 2006 هو ....
Author: عبد اللطيف بكري أحمد
Date: 12-06-2006, 04:16 AM
Parent: #1
الأخ النصري،،
أوافق 100%
بس المشكلة إنو العرضحالجي تحور فجأة من حالة الوهم ، وعمل فيها هيثم طمبل ،،
الناس قالوا ليك خلاص أنت البريمو ، عملت فيها تقيل،،
عسى أن تكون بخير ،،
|
Post: #20
Title: Re: نجم تسجيلات البورد لعام 2006 هو ....
Author: عبد المنعم سيد احمد
Date: 12-06-2006, 09:06 AM
Parent: #19
شكرا للعزيز النصرى
ونرحب ترحيبا حارا بنجم التسجيلات
معاذ
ومزيد من التالق
شكله كده هلالابى
|
Post: #21
Title: Re: نجم تسجيلات البورد لعام 2006 هو ....
Author: الشفيع عوض شوشتا
Date: 12-06-2006, 10:12 AM
Parent: #20
تحياتي
النصري امين
اوفقك 100%
وبحكم معرفتي بالصديق / معاذ حسن منذ بداياته بمنبري الاوفلاين والراكوبة
فهو يملك مقدرة على السرد بشفافية ككاتب بارع
وخلق لنفسه جمهور من القراء في زمن وجيز
لا يكتب من اجل الكتابة...تجده في كل مقال يمس فينا وترا ويشعل فينا ضوءا وهاجا في عتمة
تحياتي عميقا (معاذ حسن)
|
Post: #28
Title: Re: نجم تسجيلات البورد لعام 2006 هو ....
Author: معاذ حسن
Date: 12-06-2006, 01:25 PM
Parent: #21
شوشتا أيها الصديق القديم
عظيم امتناني لك وللاخ معروف وابو الشوش
لولاكم لما عرفت هذا العام الجميل.
تسلم
|
Post: #27
Title: Re: نجم تسجيلات البورد لعام 2006 هو ....
Author: معاذ حسن
Date: 12-06-2006, 01:23 PM
Parent: #20
Quote: شكرا للعزيز النصرى
ونرحب ترحيبا حارا ب
معاذ
|
الاستاذ عبد المنعم سيد احمد
اشكرك على الترحيب رغم انو قدمنا خلاص.
تسلم ..
|
Post: #26
Title: Re: نجم تسجيلات البورد لعام 2006 هو ....
Author: معاذ حسن
Date: 12-06-2006, 01:17 PM
Parent: #19
Quote: بس المشكلة إنو العرضحالجي تحور فجأة من حالة الوهم ، وعمل فيها هيثم طمبل ،،
الناس قالوا ليك خلاص أنت البريمو ، عملت فيها تقيل،، |
ههههههههههههههه
الاستاذ عبد اللطيف بكري
يا اخوي العرضحالجي الوهم الذي هو انا قاااعد ..بس شوية مشغولية مع الكفيل الوهم دا..
تسلم يا حبيب.
|
Post: #22
Title: Re: نجم تسجيلات البورد لعام 2006 هو ....
Author: عمر ادريس محمد
Date: 12-06-2006, 11:10 AM
Parent: #1
كلامك صاح يالنصرى
معاذ يكتب باريحية وجمال
ونجم اخر
كمال على الزين
ومريخنا فوق
تحياتى
|
Post: #29
Title: Re: نجم تسجيلات البورد لعام 2006 هو ....
Author: معاذ حسن
Date: 12-06-2006, 01:28 PM
Parent: #22
Quote: ونجم اخر
كمال على الزين |
الاستاذ عمر ادريس..سلام
والله كلامك في محلهالاستاذ كمال علي الزين رجل متفرد..
تحياتي لكما معا.
|
Post: #23
Title: Re: نجم تسجيلات البورد لعام 2006 هو ....
Author: Salah Waspa
Date: 12-06-2006, 11:26 AM
Parent: #1
أخي معاذ بلا منازع
مبروووووووووك
صلاح واسبة
|
Post: #30
Title: Re: نجم تسجيلات البورد لعام 2006 هو ....
Author: معاذ حسن
Date: 12-06-2006, 01:30 PM
Parent: #23
صلاح واسبه
شكرا وتسلم..بس وين الجائزة...يا ربي بالدولار والا بالريال!!
|
Post: #31
Title: Re: نجم تسجيلات البورد لعام 2006 هو ....
Author: Salah Waspa
Date: 12-06-2006, 02:38 PM
Parent: #30
تستاهل ياأبوحسن
لولا ظروف فقدنا لحبيبنا مجدي
لدعونا بورداب الرياض للاحتفاء بكم
إنت ماك هين وبعدين دفعة برضو وبيناتنا كبسة وجريش وملح
واسبة
|
|