Post: #1
Title: "السودانى" جوال جديد يتسبب فى حريق مدمر
Author: النصرى أمين
Date: 11-18-2006, 10:16 PM
Parent: #0
تلفون جوال جديد اسمه السودانى ماركة LG تسبب فى حريق مدمر...
فى اتصال هاتفى مع الاهل فى السودان علمت ان حريق هائل
شب فى شقه الاخ العزيز حاتم يسن النصرى قضى على كل محتويات المنزل
الحمدلله خرج جميع افراد اسرته الصغيره باعجوبه ...
يقول حاتم ان النيران بدات من التلفون الجوال اثناء شحنه وانتشرت
عن طريق الستائر لتشمل كل شئ وادت الى انفجار شاشة شاشة التلفزيون
هل نحلم فى تحقيق من الجهات المختصه ؟؟..
وهل سيتم سحب الجوال من الاسواق لحين اكتمال
التحقيق فى الحادث والتاكد من مطابقه شروط السلامه ؟
الاجابه بالطبع لا والف لا .....
فى دوله الفساد والفاسدين لا نطمع فى اى شئ
ونرفع امرنا لرب العالمين وربنا يعوضك يا ابن عمى
|
Post: #2
Title: Re: "السودانى" جوال جديد يتسبب فى حريق مدمر
Author: حيدر حسن ميرغني
Date: 11-18-2006, 11:01 PM
Parent: #1
الاخ النصري امين
نسأل الله السلامة
بامكان المتضرر ان يطالب بتعويض نظير كل ما تعرض للحريق من مقثنيات منزلية
صدقني لو حدث هذا في بلد متحضَر لحصل على التعويض دون مطالبته به
نحمد الله نجاة الاسرة بسلام
|
Post: #3
Title: Re: "السودانى" جوال جديد يتسبب فى حريق مدمر
Author: شهاب الفاتح عثمان
Date: 11-19-2006, 00:42 AM
حمدالله على سلامتهم
عليناان لا نضع الحصان خلف العربة
عليه ان يطالب الشركة بالتضرر بصورة رسمية
لعل و عسى!.
الموبايلات و اللاب توب وبقية الاشياء التي تعمل بالبطاريات الجافة
عرضة للحريق و يزداد الامر مع موديلات معينة.
خلال هذا العام سحبت شركة كبيرة انتاجها من اللابتوب لان
البطارية عالية القابلية للاشتعال.
|
Post: #4
Title: Re: "السودانى" جوال جديد يتسبب فى حريق مدمر
Author: نادر
Date: 11-19-2006, 01:31 AM
Parent: #1
Quote: فى دوله الفساد والفاسدين لا نطمع فى اى شئ
ونرفع امرنا لرب العالمين وربنا يعوضك يا ابن عمى |
صدقت يا النصري ... حمدالله على سلامة حاتم والأسرة ربك ستر ولطف.
|
Post: #5
Title: Re: "السودانى" جوال جديد يتسبب فى حريق مدمر
Author: Zoal Wahid
Date: 11-19-2006, 01:38 AM
Parent: #1
الف حمدا على سلامة الاسرة وربنا يحفظهم.
كنت في اجازة في نيالا وسمعت قصة فتاة انفجر الجوال اثناء استخدامها له.
الاجهزة المهداة مع (سوداني) معظمها صينية، رديئة الصنع. بعضها اذا وقع منك في الرمل تحطم فورا.
الناس يتندرون عليها وعلى الشركة.
|
Post: #6
Title: Re: "السودانى" جوال جديد يتسبب فى حريق مدمر
Author: النصرى أمين
Date: 11-19-2006, 03:37 PM
Parent: #1
اﻻخ حيدر
ساقوم بنصح اﻻخ حاتم بفتح بلاغ ضد الشركه والمطالبه بالتعويض
مع اننى متاكد ان ذلك مضيعه للزمن والجهد .....
هدفى اﻻساسى من البوست تنوير باقى الجمهور ان هذه السلعه خطره ويجب
مقاطعتها وربما تستجيب الشركه المصنعه(او الموزعه) وتقوم بسحبها من اﻻسواق ...
اتمنى ان يظل هذا البوست عاليا حتى تعم الفائده
شكرا على مرورك
|
Post: #7
Title: Re: "السودانى" جوال جديد يتسبب فى حريق مدمر
Author: النصرى أمين
Date: 11-20-2006, 04:21 PM
Parent: #1
اﻻخ شهاب
شكرا على المرور
Quote: خلال هذا العام سحبت شركة كبيرة انتاجها من اللابتوب لان
البطارية عالية القابلية للاشتعال |
.
نتمنى من الشركه المسئوله سحب هذا الجوال فورا من اﻻسواق..
فقد ثبث بالدليل القاطع انه قد يسبب حرائق مدمره ...
من يملك هذه الشركه LG ?
وكيف يتم التصديق على دخول سلع مثل الجوال
واﻻدوات الكهربائيه ?
|
Post: #8
Title: Re: "السودانى" جوال جديد يتسبب فى حريق مدمر
Author: Marouf Sanad
Date: 11-20-2006, 04:31 PM
Parent: #7
الاخ النصري
حمداً لله على سلامة ابن عمك .
اليومين دي عندي تلفون ماركة موتورولا بقى ما بشحن كويس وبعدها لاحظت انو في تشقق في الشاشة ظهر فجأة , هل يمكن يؤدي ذلك لحدوث مشاكل مماثلة ؟
|
Post: #9
Title: Re: "السودانى" جوال جديد يتسبب فى حريق مدمر
Author: munswor almophtah
Date: 11-20-2006, 04:40 PM
Parent: #8
سلامتكم يا النصرى لكن فى السودان لا أحد يهتم لضرر ألم بفرد أو أسره ولا حتى شركات التأمين والجوديه لا يمنحون مستحقات الضرر السودان بلد الجاتك فى مالك سامحتك.........................................
وانكرب ساعد الناس ديل
منصور
|
Post: #10
Title: Re: "السودانى" جوال جديد يتسبب فى حريق مدمر
Author: السر عبدالله
Date: 11-20-2006, 04:52 PM
Parent: #9
يا النصرى حمدالله على سلامة صديقك وقول ليه الجاتك فى مالك سامحتك .. وبعدين وصية ثانية قول ليه ما يشترى اى جهاز الكترونى ما مصنوع فى اليابان او الولايات المتحدة لان البلدين ديل بيهتموا بالجودة وعندهم اقسام متخصصة للتاكد من جودة السلعة واذا حصلت اى حاجة لا قدر الله فان التعويض مضمون من الشركة المنتجة .. اما صناعات كوريا والصين وكبوديا وتايوان .. فحقك راح!!!
|
Post: #11
Title: Re: "السودانى" جوال جديد يتسبب فى حريق مدمر
Author: Abu Eltayeb
Date: 11-20-2006, 05:02 PM
Parent: #9
العزيز النصرى , ألف حمد على سلامة
الأخ حاتم النصرى وأفراد أسرته ...
يفترض متابعة الموضوع مع الجهات
المسؤوله وملاحقة الشركه ..
مامون
|
Post: #12
Title: Re: "السودانى" جوال جديد يتسبب فى حريق مدمر
Author: النصرى أمين
Date: 11-21-2006, 02:30 PM
Parent: #1
اﻻخ نادر
زمان الواحد لمن يختلس تلقاهو خجلان وماشى تحت الحيطه
يحاول قدر المستطاع اخفاء "عورته"
اﻻن العكس تماما ...
اصبح السارق والمختلس والفاسد هو عزيز المدينه
مرفوع الراس ينظر له الجميع باﻻعجاب والتقدير
ويتمنون لو كانو مثله ...
اما الشريف فهو اهبل وعبيط يعيش فى غير زمانه .....
شكرا للمشروع الحضارى...
و شكرا ليك على المرور
|
Post: #13
Title: Re: "السودانى" جوال جديد يتسبب فى حريق مدمر
Author: النصرى أمين
Date: 11-22-2006, 04:24 AM
Parent: #1
اﻻخ زول واحد
علمت من اﻻخوه فى السودان ان هذا "السودانى" تم ادخاله البلد بكميات
كبيره جدا جدا ..
الشركه اﻻن فى ورطه خاصه ان احدى الصحف (اعتقد اسمها الحياه) اتصلت باﻻسره
وجمعت بعض المعلومات عن الحادث ونتوقع تقرير فى اﻻيام القادمه ...
شكرا على المرور
|
Post: #14
Title: Re: "السودانى" جوال جديد يتسبب فى حريق مدمر
Author: يحيي مصطفي
Date: 11-22-2006, 05:13 AM
Parent: #1
Quote: كنت في اجازة في نيالا وسمعت قصة فتاة انفجر الجوال اثناء استخدامها له.
الاجهزة المهداة مع (سوداني) معظمها صينية، رديئة الصنع. بعضها اذا وقع منك في الرمل تحطم فورا.
الناس يتندرون عليها وعلى الشركة. |
الصين توجد بها جميع شركات الهواتف الجيدة
والماركات التجارية المشهورة والنوعية الممتازة
ابحث عمن فاوض واشتري هذه الاجهزة ستعرف السبب
يحيي
|
Post: #15
Title: Re: "السودانى" جوال جديد يتسبب فى حريق مدمر
Author: النصرى أمين
Date: 11-22-2006, 02:40 PM
Parent: #1
اﻻخ معروف سند
| Quote: اليومين دي عندي تلفون ماركة موتورولا بقى ما بشحن كويس وبعدها لاحظت انو في تشقق في الشاشة ظهر فجأة , هل يمكن يؤدي ذلك لحدوث مشاكل مماثلة ؟ |
والله يا معروف انا زاتى ما عارف !!!
انا تلفونى لمن اشحنه بحس انو "دافى" لكنى ما بتخيل انو ممكن "يشب" لهب ...
فى اسوا اﻻفتراضات انو ما "بمسك كهرباء" وبتوقف عن العمل ...
حكاية النيران دى شئ مخيف فعلا
شكرا على مرورك
|
Post: #17
Title: Re: "السودانى" جوال جديد يتسبب فى حريق مدمر
Author: النصرى أمين
Date: 11-23-2006, 03:39 PM
Parent: #1
سلام يا منصور
والله يسلمك .....
قلت لى انكرب
ما براك شايف اﻻنكراب
شكرا على مرورك
|
Post: #18
Title: Re: "السودانى" جوال جديد يتسبب فى حريق مدمر
Author: Elbagir Osman
Date: 11-23-2006, 03:55 PM
Parent: #1
كثيرا ما تنشر إعلانات كثيرة في الدول الغربية
تستعيد فيها الشركات منتجاتها لخلل ظهر أثناء الإستعمال
وكان من آخر ما استعيد بطاريات لأنها تسبب حرائق
الباقر موسى
|
Post: #19
Title: Re: "السودانى" جوال جديد يتسبب فى حريق مدمر
Author: محمد الامين احمد
Date: 11-23-2006, 04:33 PM
Parent: #1
تحية طيبة للجميع
اولا الحمد الله على السلامة لـ آل حاتم يسن النصرى
البطارية اذا ما وضعت فى الشحن اكتر من اللازم فهناك احتمالية كبيرة
لانفجارها، مسببة شررات تؤدى الى مثل هذا الحريق، و هذا تنبيه للجميع
بخصوص هذة النقطة، مهما كان نوع الموابيل او الشركة المصنعة فتجنب
الشحن الزائداو وضع الهاتف فى الشمس لمدة طويلة.
لكن بخصوص شكرة موابيل (سودانى) من يملك هذة الشركة ؟؟
موابيل (سودانى) حاليا فى متناول كثير من الناس لرخص السعر
من اين لهذة الشركة هذة القاعدة المالية الضخمة؟؟؟
اسه معظم الناس شايلة تلفونين موباتيل + سودانى او اريبا + سودانى
سودانى تطرح الهاتف + الشريحة ، الشريحة ما ممكن تركب فى تلفون تانى
زى السيستم الاروربى يعنى، و التلفوانات ماركات فى LG , NOKIA , SAMSUNG
شركة سودانى طرحت عرض تروجيى قبل فترة و لمدة 5 يوم انك تتكلم مجانى !!!
طيب ده مش فيهو خسارة للشركات المنافسة؟ وين الجهات البتحافظ على حقوق الشركات
التانية، يعنى المستثمر يجى البلد و ياكلوا قرشو حنك ساكت !
و كمان فى العيد شركة سودانى اهدت جميع مشتركيها 10 دقائق مكالمات دولية ؟
هذا عرض سخى جدا لم نسمعه من شركات كبرى فى مجال الاتصالات فى دول آخرى ، فمن
آين لشركة لم تكمل عام فى السوق ان تدخل بمثل هذة القوة ؟ هل هو غسيل اموال؟
و عشان ما نظلم زول، ربما اكون مجحفا فيما ذهبت اليه، فلو زول عندو تفسير منطقى
لهذا البذخ الفادح يا ريت يورينا، طبعا من حق اهلنا فى السودان انهم يفرحوا يومين
و لكن ما عايزين نكون زى البسرقوا قروشوا و يجو بعدين يدوه حق الفطور و يقولو ليهو شتت!
|
Post: #20
Title: Re: "السودانى" جوال جديد يتسبب فى حريق مدمر
Author: النصرى أمين
Date: 11-24-2006, 02:58 PM
Parent: #1
اﻻخ الباقر
احكى ليك قصه
قبل عده سنوات اشتريت عربيه Van, ماركة Aerostar قديم ومكسر
بحوالى ٣٠٠ دوﻻر .....
فى اخر ايامو وهو فى طريقو لل Junk Yard وصلنى جواب من ناس
شركه فورد انو العربيه فيها عيب صناعى ويجب احضارهو لا قرب وكيل للتصليح , مشيت لاقرب
وكيل وقلت ليهو ما تتعِبوا روحكم فى التصليح ,ادونى الفيها النصيب ونبقى حبايب ...
طبعا الجماعه رفضوا العرض بتاعى ...
و اضطريت ارمى العربيه فى Junk Yard مقابل ٤٠ دولار .....
|
Post: #21
Title: Re: "السودانى" جوال جديد يتسبب فى حريق مدمر
Author: النصرى أمين
Date: 11-24-2006, 03:04 PM
Parent: #1
الاخ السر عبدالله
زى ما قال ليك الاخ يحى مصطفى انو ليس كل منتجات الصين
وتايوان وكوريا منتهيه....
الدول دى بتعرف كيف تميز بين البضاعه الماشه سوق ليبيا
وسعد قشره وباقى اسواق السودان وبين البضاعه الماشه الدول
العندها قوانين صارمه فى الجوده والسلامه
شكرا على المرور
|
Post: #22
Title: Re: "السودانى" جوال جديد يتسبب فى حريق مدمر
Author: رأفت ميلاد
Date: 11-24-2006, 05:38 PM
Parent: #21
الأخ النصرى
ألف حمدلله للسلامة للأهل
وربنا فعلآ ستر
|
Post: #23
Title: Re: "السودانى" جوال جديد يتسبب فى حريق مدمر
Author: Gamal Abayazid
Date: 11-24-2006, 08:54 PM
Parent: #21
النصري كيفك
اسمع كلام منصور وانكرب مع الجماعة ديل انشاءالله ترسل ليهم من قروش الover time
الشغال فيهو اربعة وعشرين ساعة.
مع التحية ليك ولمنصور بعدين ليهو فترة مختفي
|
Post: #24
Title: Re: "السودانى" جوال جديد يتسبب فى حريق مدمر
Author: النصرى أمين
Date: 11-25-2006, 01:44 PM
Parent: #1
الاخ يحى مصطفى
| Quote: ابحث عمن فاوض واشتري هذه الاجهزة ستعرف السبب |
كلامك سليم ميه الميه..
فى دول اسيا ...الشغلانه كلها تعتمد على المفاوضات بين البائع والشارى..
بالطبع الشارى بكون عرض بضاعه احسن جوده بسعر اعلى
لكن المشترى يهمه السعر فقط ..واختار بضائع رخيصه رغم خطورتها
على المستهلك ....
بلاشك ان المناديب الذين يرسلونهم لاتمام الصفقات هم من المحاسيب
الذين يفتقدون الخبره العلميه فى المفاوضات ....
هناك علم يدرس الان اسمه
Science of Negotiation
شكرا على مرورك
|
Post: #26
Title: Re: "السودانى" جوال جديد يتسبب فى حريق مدمر
Author: يحيي مصطفي
Date: 11-25-2006, 11:48 PM
Parent: #24
Quote: بلاشك ان المناديب الذين يرسلونهم لاتمام الصفقات هم من المحاسيب
الذين يفتقدون الخبره العلميه فى المفاوضات .... |
الاخ النصري
ليس هذا هو السبب الوحيد ولكن هناك
من أثروا واصبحوا من الاغنياء بين عشية
وضحاها من اموال العمولات (commissions)
التي تصاحب هذه الصفقات
يحيي
|
Post: #25
Title: Re: "السودانى" جوال جديد يتسبب فى حريق مدمر
Author: النصرى أمين
Date: 11-25-2006, 11:25 PM
Parent: #1
الاخ مامون
لم يقرر حاتم بعد فى موضوع الشكوى..
ولا اعرف اذا كانت هناك جدوى منها ...
شكرا على المرور
(ما وريتنا الحصل شنو فى الموضوع)
|
Post: #27
Title: Re: "السودانى" جوال جديد يتسبب فى حريق مدمر
Author: النصرى أمين
Date: 11-26-2006, 03:29 PM
Parent: #1
الاخ محمد الامين احمد
كل التساؤلات الطرحتها هنا هى ضمن
الاسئله المحرمه والممنوعه(على الاقل داخل البلد)
تتكلم عن غسيل اموال و امكانيات مشبوهه لشركه جديده ...
نحن فى زمن مفروض الواحد يشوف الاعوج ويسكت ويصم
خشمه ...
صدقنى لن تجد لاسئلتك مجيب وحتى لو وُجِد فلن يكون
مقنعا فى اجابته ...
شكرا على المرور
|
Post: #28
Title: Re: "السودانى" جوال جديد يتسبب فى حريق مدمر
Author: النصرى أمين
Date: 11-26-2006, 03:50 PM
Parent: #1
الاخ رأفت
والله العظيم سلامه كبيره خلاص ..
النيران شبت فى غرفة الجلوس بعد منتصف الليل
استطاع الجميع الخروج من الشقه(الطابق التانى)
اكتشفوا عندها ان ابنهم الصغير (خمس سنوات) لم ينزل معهم ...
وانه مازال فى غرفته ....
طلع حاتم للطابق التانى ووسط الدخان الكثيف استطاع انقاذ الطفل
وعند نزوله كان فى حاله يرثى لها (استفراغ وصعوبه فى التنفس)
الحمدلله جات سليمه
شكرا على المرور
|
Post: #29
Title: Re: "السودانى" جوال جديد يتسبب فى حريق مدمر
Author: النصرى أمين
Date: 11-27-2006, 02:54 PM
Parent: #1
سلام يا جمال
كيفك مع درجة الحراره تلاتين تحت الصفر ؟
قلت لى قروش اﻻُفرتايم...
حكومتنا هنا يا جمال زى حكومه الجبهه تمص مال المواطن بالضرائب
الفرق انو القروش دى بتجى راجعه فى صوره خدمات ضروريه يستفيد منها
الجميع ...
فى السودان القروش بتمشى للفاسدين والمحاسيب الذين ﻻ يخافون
رب العالمين
شكرا على المرور
|
Post: #30
Title: Re: "السودانى" جوال جديد يتسبب فى حريق مدمر
Author: Sobajo
Date: 11-27-2006, 06:13 PM
Parent: #29
الموبايل ده يا جماعة .. ما ال جي .. صيني ..
ده موبايل اسرائيلي عديل كدة ..
لأنو آثارالدمار الشفتها في الفيديو دي ما يخلفها الا قصف اسرائيلي ...
و دمتم ,,,
و الجاتو في مالو سامحتو و حمد لله على سلامة بقية الاسرة ...
بيلو
|
Post: #32
Title: Re: "السودانى" جوال جديد يتسبب فى حريق مدمر
Author: السر عبدالله
Date: 11-28-2006, 02:14 PM
Parent: #31
يا النصرى .. فى السودان بيقولوا الشكوى لغير الله مذلة.. عشان كده فى السودان ما فى حاجة بسموها شكوى عشان تاخذ تعويض... وبعدين درجة الحرارة الفى كالقرى ال30 درجة تحت الصفر مش احسن من السخانة البتقد الراس فى السودان .. والله البرد احسن مكن السخانة مليون مرة لانك فى السخانة بتكون اخلاقك ضيقة وممكن تشاكل ضلك لكن فى البرد مزاجك يكون رايق
|
Post: #33
Title: Re: "السودانى" جوال جديد يتسبب فى حريق مدمر
Author: النصرى أمين
Date: 11-30-2006, 03:06 PM
Parent: #1
سلام يا السر
بمناسبة البرد ..
طبعا ده اول شتاء لى فى البرتا ...
قمت الصباح مشيت ادور العربيه لقيتها عباره عن لوح تلج (I mean ice not snow)
العربات هنا كلها فيها وصله طويله بركبوها فى كبس الكهرباء عشان
العربيه ما تتجمد ...
اها انا قمت "اعافر" فى العربيه وبعد دقائق قليله تجمدت اطراف اصابعى
وشعرت بالم فظيع كاننى احمل خمس جمرات فى اليد الواحده...
صررت انطط من الالم واى واى والروب و آآآآآخ ....
الحمدلله ما اتهورت ودخلت اصابعى فى مويه حاره .....
تخريمه:-
ناس جوال السودانى لسه نحن فى الصفحه الاولى
|
|