Post: #1
Title: صور من امدرمان(مشروع مكتبة)
Author: Elnasri Amin
Date: 09-14-2004, 06:28 AM
الاخوه و الاخوات
هذه دعوه لبناء مكتبة صور لمدينتنا الحبيبه...امدرمان...هى محاوله لحفظ تاريخ هذه المدينه الساحره للاجيال القادمه و لنا.
دار الرياضه....سوق الخدار..خورابوعنجه..بوابة عبدالقيوم...سوق ام سويقه...شارع الدومه.....مقابر احمد شرفى...الصادق نصرالدين...سوق الجلود.....البحر....بيت اذهرى..الاذاعه ....نادى الهلال والمريخ...و غيرها من المعالم
استاذن الاخ و الاستاذ شوقى بدرى فى كتابة بكائيته
"اربعين سنه من الحبيبه"
فى بوسته:
أربعين سنه بعيداً عن الحبيبه
و التى يقول فيها
Quote: بعد التحيه و السلام و البكاء و الحنين و احلي الكلام
و شية الجمر بي طعم الدعاش و الاهل فيهم الرضيع والنزل المعاش
و الشوق بحر لا ليه راس و لا قعر .
و الناس هناك عزاز لا بعرفوا غش و لا بطر
و مع الدغش يدق الباب كو ككو ، اقوم احمر لي سيد اللبن
اقول ليه دق براحه يا متخلف يا ما عندك فهم
يضحك و يقول انت الزول الكان بعيد غايب و ما عندوا هم
اقول ليه لبنك يطير . يضحك و يقول ما ضقتوا ساكت بالفطير
في الزيفه ديك وين تلقاهوا وين ساخن مقنن بالمنين
في المورده اطلب صحن فولا كبير
ما فيه غير شمار ، زيت و يمكن كمان جرجير
احرد اقول . ليه مكسروا ؟ ما قلته ليك ما تكسروا ؟
الناس تقول سمعناك قلته كسرو
و ده فولا سمح الكسير ما بخسرو
عاوزو حب و ما تهبشو
و احلف ياكلوا معاي و اقول
عشان تاني ما تدخلوا
في الناصيه تحت الشجره راجلا كلس
بطيخوا ينسي الزول فلس
بعد التالته يقول ماني قاطع ليك خضار
انته زولا ما بحس
بطيخي كلو احمر . ادفع للتلاته و اقع فيهم نخر
وسط البهايم اشوف لي جضعا سخي
اتالف و اقول ده ما تني ؟
يقولوا لا ده جضعا سخي
حتي بعد فتح الخشم اقول تني
يقولوا انته راسك قوي
اكان غلوا و دخلوا الفرن ما بستوي
و الله راسي ما قوي بس بدور أناكف ناساً بتفهمني
اربعين سنه رطانه بعيد من بله توم روحي و عثمان رفيق دربي
افتح عيني اشوف الكمساري يعاين زي كانو يسال ماك نازل هني
اغمض تاني و اقولو كو . يهزني و يقول هلو
اعاين من الشباك و اشوف قضيب السكه الحديد
لكن الارض مغطيها الجليد اتاري انا حلمان و لسه بعيد من امدرمان .
شوقي |
على الاخوه و الاخوات القراء ارسال صورهم على بريدى
[email protected]
النصرى امين
|
Post: #2
Title: Re: صور من امدرمان(مشروع مكتبة)
Author: Adil Osman
Date: 09-14-2004, 06:40 AM
Parent: #1
فكرة ممتازة يا النصرى
وجدت هنا فى المنبر الحر بوست فيه صورة منزل الاستاذ محمود محمد طه فى امدرمان.
صـورة: منـزل الأستـاذ محمـود محمـد طــه
|
Post: #3
Title: Re: صور من امدرمان(مشروع مكتبة)
Author: Elnasri Amin
Date: 09-14-2004, 06:44 AM
Parent: #1
منزل الاستاذ محمود محمدطه
|
Post: #4
Title: Re: صور من امدرمان(مشروع مكتبة)
Author: طلال عفيفي
Date: 09-14-2004, 06:55 AM
Parent: #1
أستاذي المحترم , النصري ..
لم يكن لي في أمدرمان ناقه ولا جمل ولا حبيبه ..
كنت ولا زلت أسكن كوبر , ولم أتعرف أكن أعرف أمدرمان , الا صباح العيد حين أذهب لأصلي صلاة العيد في المسجد الإدربسي , كانت صباحات
طيبه ومجاميع الحلب والمحس تلتف حول السيد محمد الحسن عيه الرحمه
لتبارك له العيد وتقبل يده , كان الرجل يا مولاي باهي ومليح الوجه
تتردد عن جسده رائحه أحبتها طفولتي , وله ابتسامه تشرق لها الدنيا.
حين مات سيد محمد الادريسي , حزنت وشعرت ان أمدرمان كتفها إنهد .
..........................
بعد كده,كبرت شويه وانحرفت يساراً فكنت أقضي ليالي بطولها وانا أستمع لدكتور خالد سهل وحكاويه المشوقه والمحزنه عن القضيه الفلسطينيه وناجي العلي ..
.........................
أتمنى أن يبدأ الناس الكتابه عن أمدرمان ..
أحتاج أن أعرفها أكثر ..
سأساهم لو وجدت الأمكانيه ..
وتحياتي لك ..
وللعم شوقي
.....
طلال
|
Post: #6
Title: Re: صور من امدرمان(مشروع مكتبة)
Author: Elnasri Amin
Date: 09-14-2004, 07:24 AM
Parent: #1
والقبة من الخارج، من شارع الظلط
|
Post: #7
Title: Re: صور من امدرمان(مشروع مكتبة)
Author: Elnasri Amin
Date: 09-14-2004, 07:30 AM
Parent: #1
وهذه حلاقة فى الهواء الطلق فى سوق امدرمان
|
Post: #8
Title: Re: صور من امدرمان(مشروع مكتبة)
Author: Elnasri Amin
Date: 09-14-2004, 07:33 AM
Parent: #1
وهنا احد الضرائح فى امدرمان
|
Post: #9
Title: Re: صور من امدرمان(مشروع مكتبة)
Author: Elnasri Amin
Date: 09-14-2004, 07:36 AM
Parent: #1
بيت الخليفة
|
Post: #10
Title: Re: صور من امدرمان(مشروع مكتبة)
Author: Elnasri Amin
Date: 09-14-2004, 07:40 AM
Parent: #1
الاخ عادل عثمان
شكرا جزيلا للاستجابه السريعه و فى انتظار المذيد
الاخ طلال
تدهشنى مقدرتك على الكتابه...حقيقة انت كاتب بارع..ياريتك عشت فى امدرمان..فهى ملهمة الكتاب و الشعراء
شكرا ليك و فى انتظار مساهماتك
النصرى امين
|
Post: #12
Title: Re: صور من امدرمان(مشروع مكتبة)
Author: Elnasri Amin
Date: 09-14-2004, 07:57 AM
Parent: #1
اولاد الحلة فى احد احياء امدرمان
|
Post: #13
Title: Re: صور من امدرمان(مشروع مكتبة)
Author: Elnasri Amin
Date: 09-14-2004, 07:59 AM
Parent: #1
ميدان البوسطة فى سوق امدرمان
|
Post: #14
Title: Re: صور من امدرمان(مشروع مكتبة)
Author: Elnasri Amin
Date: 09-14-2004, 08:02 AM
Parent: #1
الشارع الذى يربط بحرى وامدرمان(شارع الكبرى)
|
Post: #15
Title: Re: صور من امدرمان(مشروع مكتبة)
Author: Raja
Date: 09-14-2004, 08:33 AM
Parent: #1
 إستاد المريخ أم الهلال.. عادل اتساءل كده..
الأعزاء النصري.. عادل وطلال..
ياااا.. البوست ده ذكرني برائحة موية امدرمان.. ما تقولو لي ما عندها ريحة.. وحلوة كمان..
الأسبوع الماضي تونست ونسة طويلة مع العم التجاني الطيب عن امدرمان.. وجننت امي بأسئلتي عن التفاصيل حياة الناس.. ووسمعت قصص عن جدتي الكبيرة وقسوة الحياة وقتها..
سأعود لكم بالحكايات.. وببعض الملاحظات التي اتمنى ان تخدم هذا المشروع الكبير.. في أن نعيد لتلك البقعة رونقا وجمالا..
|
Post: #16
Title: Re: صور من امدرمان(مشروع مكتبة)
Author: Elnasri Amin
Date: 09-14-2004, 10:25 AM
Parent: #1
اهلا و سهلا يا رجاء و نورت البوست
منتظرين مساهماتك
النصرى
صورة حسين شريف، المخرج السينمائى المعروف، من ابناء امدرمان
|
Post: #17
Title: Re: صور من امدرمان(مشروع مكتبة)
Author: Elnasri Amin
Date: 09-15-2004, 08:06 AM
Parent: #1
صوره من السودان(غير معروف المدينه)
|
Post: #18
Title: Re: صور من امدرمان(مشروع مكتبة)
Author: تاج السر حسن
Date: 09-15-2004, 10:01 AM
Parent: #17
يانصرى ياحبيب ، هذه قصيده أنزلتها من قبل اشارك بها فى هذا البوست الرائع عن أمنا (أم درمان).
[Grren] يا أمنا ...... يا (أم) در - أمان
يا (ستنا) ، ياجارية فى جوه الخلايا ودمنا
غيرك منو ، البفرح، قبل نفرح، وكت ننجح
غـيـرك منــو الـدمعاتــو تجــرى
تسابق الريح والمطر
لما نرجــع من سفــر
ولمن يواجهنا الخطر
يا حليلك (ات)، غيرك منو
الشايل همــومنا وكت نهم
لـو فـى الخيال، أو فـى حلم
ياسامقة ذى شجر النخيل ، ثابت ومغروس من زمان
أحساسى بيك (أمونه) ، يا أم(الحنان)
يتسامى ، أسرح بى بعيد .....
فوق التعابير والشعر
عاجز، مكتفنى الحرف ...
ولو موية البحر العريض تصبح حبر
كلمــاتى فيك ما تســاوى يـوم ، قـومتك فجــر
ذى البتتحدى النجوم ...
وبعد الصلاة ، وبركة دعاك
ماعـــــرفتى نـــوم ،
وشاى (اللبن)، نايم
على (منقد ) فحــــم ...
أصحى (أت) ، وقوم( ياسجم)
(الشاى ، اللقيمات ، المدرسه، كراس الرسم)
(أميه) ياست الأمم و (منورة)
مهمومه بى تحصيل علم
حلمـانه بـى حـال العيـال
يوم بكره، أبقوا بنات ، رجال
مهمومه ماليها العشـم
يا حليلك (أت) والدنيا عيد
والدمعة نازلة على الوحيد
وكبروا الصغار ، وحتى (السجم)
أصبح بعيد ...
رحال ,,, ومفتون بالسفر
أصبح غريب ، طول العمر
(لا ضاق حنان ، لا جاب خبر)
خلاك للهم والفقر ...
لا الشوق يجيبو لا ريد أعيدو أرجعوا
من يوم أياديك ودعو، وماشاف دموعك بدعو
خلاك هناك ، يا ستنا ....
يا (أم ) در ، براك
(أمونه) ، وحدك ...
قلبك ، عليهو جناك .. دم
- نازف -
وجناك ، تقول حجرا أصم
قليبو ناشف ، وماهو عارف
بكرة( بتخدر بلاده) ، والخير أعم ....
والدايرو كلو تشوفو عينو
لكن محال القالو أم
لكن محال القالو أم
|
Post: #19
Title: Re: صور من امدرمان(مشروع مكتبة)
Author: هاشم نوريت
Date: 09-15-2004, 10:19 AM
Parent: #18
bidoon t3leeg
|
Post: #20
Title: Re: صور من امدرمان(مشروع مكتبة)
Author: Elnasri Amin
Date: 09-15-2004, 10:42 AM
Parent: #1
شكرا ياتاج السر على القصيده
وشوف لينا صور مكربه كده من بيت الكلاوى
الاخ هاشم
شكرا للمشاركه
|
Post: #21
Title: Re: صور من امدرمان(مشروع مكتبة)
Author: Elnasri Amin
Date: 09-15-2004, 09:07 PM
Parent: #1
|
|