Post: #1
Title: فقرة التعارف اولى فقرات حفلة الاعضاء الجدد
Author: Elnasri Amin
Date: 09-18-2004, 10:50 AM
بسم الله الرحمن الرحيم
نبدا اليوم اولى فقرات حفل استقبال الاعضاء الجدد...
فى بوست
حفله شاى للاعضاء الجدد
استلم الاتيه كروت الدعوه
محمدسرالختم
صديق رحمه النور
سفيان بشرى نابرى
مزن ابوعبيده النيل
نور تاور
سيداحمد الريح
عائشه الساتر
طارق سيداحمد
سيف مساعد على
عبدالله الفحل
برهان تاج الدين(قصرنا معاك؟)
محمد الامين احمد
المكاشفى الخضرالطاهر
كمال حسن
احمدالشايقى
و كان فى استقبالهم
مياده
تولوس
بت الاحفاد2001
ايهاب الطيب
ودالشيخ
عمر رجب
عبدالله بابكر
خضرعطاالمنان
مراويد
اوسلى2
الجندريه
هوزى
نصار
ملكه سبا
فيصل النعيمه
توما
تاج السر حسن
رجاء
(الاسماء حسب الظهور على الشاشه)
الان نعطى الفرصه للاعضاء الجدد(والقدامى) تقديم نبذه سريعه عنهم لا تزيد عن15 سطر.. وتشجيعا لهم ابدا بنفسى
مواليد بيت المال 1962 .
خرجت من السودان 1990 .
اقيم فى كندا و احصل على الجنسيه الكنديه.
اعمل فى احدى الشركات الكنديه المتخصصه فى بطاقات الائتمان.
متزوج و اب لثلاث اطفال
|
Post: #2
Title: Re: فقرة التعارف اولى فقرات حفلة الاعضاء الجدد
Author: سجيمان
Date: 09-18-2004, 10:57 AM
Parent: #1
النصري امين
| Quote: مواليد بيت المال ,امدرمان 1962 |
لا حولاااااااااااااااااا.............بالله شوف الزول دا عجوز كيفن؟..
الكترابة... الشي ديناصور؟
|
Post: #3
Title: Re: فقرة التعارف اولى فقرات حفلة الاعضاء الجدد
Author: Esameldin Abdelrahman
Date: 09-18-2004, 12:05 PM
Parent: #2
انا قشرت و اتريحت وكنت ناوى اكمل معاكم الحفلة , لكن جنس كلام سجيمان ده البطير الجكس ,
| Quote: بالله شوف الزول دا عجوز كيفن؟.. |
|
Post: #4
Title: Re: فقرة التعارف اولى فقرات حفلة الاعضاء الجدد
Author: برهان تاج الدين
Date: 09-18-2004, 02:57 PM
Parent: #1
تاج الدين يا خال ..
تاج السر دة جننكم فى راسكم .
ياللا صلح لينا الدعوة عشان ما نكون كواكب ..
---------------------------------
الخوف بعد الفصاحة دى اطلع ما انا 
|
Post: #5
Title: Re: فقرة التعارف اولى فقرات حفلة الاعضاء الجدد
Author: أحمد الشايقي
Date: 09-18-2004, 11:58 PM
Parent: #1
أستاذ النصري أمين
ريقنا ناشف قدموا المرطبات أول بعدين نشوف حكاية أخوكم في الله العبد لله.
عشانك خفضت فقرة الشعر من ربع ساعة لخمس دقائق
أنا آخر المحتفى بهم ورجاء العباسي آخر المرحبين, حأطلع بآخر (الأنباء)
لك الود فما أرحبك
أحمد الشايقي
|
Post: #6
Title: Re: فقرة التعارف اولى فقرات حفلة الاعضاء الجدد
Author: Elnasri Amin
Date: 09-19-2004, 08:35 AM
Parent: #1
سجيمان
انت لمن كنت بتبيع المويه فى السوق انا كنت فى روضة ست عشه
بعدين نرجع لموضوع فوفو..احمد ولدى عمرو 7 سنه و عندو جنسيه كنديه و بفتش ليهو عروس ..رائك شنو؟
الاخ عصام الدين
اصلو سجيمان و الجكس ما بكونو فى حته واحده ,بالذات كيس الصعوط بتاعو البرميهو قدامهم ده......
كدى خش
الاخ برهان
صلحنا الاسم و طبعنا ليك كرت جديد
ما تتعزز(كلمه بتاعت ثمانينات)
الاخ احمد الشايقى
قرات لك انك متخصص علم لغات..حدثنا عن ذلك و ممكن ترمى ليك بيت او بيتين شعر و انت ماشى
مرحب بيك
النصرى امين
|
Post: #7
Title: Re: فقرة التعارف اولى فقرات حفلة الاعضاء الجدد
Author: منعمشوف
Date: 09-19-2004, 11:52 AM
Parent: #6
الأخ النصرى، تحيات زاكيات
الحقيقة انا زول كثير الغياب من البورد
وفكرتك دى وقعت لى فى جرح وممكن تحلنى والله من لوم كبير
وتقصير منى بالتحديد تجاه العضوية الجديدة بالبورد
عليه أحى كل العضوات والاعضاء الجدد وأتمنى لهم بالجد
إقامة طيبة على خشبتنا السايبر وأن يساهمن/وا بشكل
فعَّال فى كل قضايانا وإهتماماتنا كسودانيين من أجل وطن خير ديمقراطى
وتسلم مجددا يا النصرى على براعة اللفتة
منعمشوف بوردابى كثير الغياب
|
Post: #8
Title: Re: فقرة التعارف اولى فقرات حفلة الاعضاء الجدد
Author: Raja
Date: 09-19-2004, 12:18 PM
Parent: #1
النصري العزيز وضيوفو..
ســـــــــــــلام..
من امبارح اتاوق للبوست ده وحالفة ما أقول انا منو ولا من وين ولا عمري كم.. إلا تجيب لينا الميراندا وحلاوة الماكنتوش والجاتوه..
وبس ..
|
Post: #9
Title: Re: فقرة التعارف اولى فقرات حفلة الاعضاء الجدد
Author: مزن ابوعبيدة النيل
Date: 09-19-2004, 01:06 PM
Parent: #1
والله يا جماعة انا كونتا ناوية اسمع الكلام و اعرف عن نفسي ... لكن بعدين قصة نستنا البارد دي عجبتني ...
الزول احسن يضمن حقو بالاول ...
و مستنين البارد ...... و آآآآدي قعدة ...
|
Post: #10
Title: Re: فقرة التعارف اولى فقرات حفلة الاعضاء الجدد
Author: Elnasri Amin
Date: 09-19-2004, 01:17 PM
Parent: #1
الاخ منعموش
تحيه و احترام
فعلا انت تظهر و تختفى ...
و تختفى و تظهر ...
لكن كويس انك لسه بتتزكر الباسورد بتاعك
نحنا اسبوعين او اسبوعين نغيب و نبقى نفتش فى المنبر ذاتو فى google
شرفت الحفل
و مرحب بيك
الاخت رجاء
تعرفى يارجاء انت واحده من الكتاب الناس دايره تعرف عنك حاجه
الكل يعرف رجاء الصحفيه المثابره المقاتله
لكن دايرين نعرف رجاء الطفله و التلميذه و الجامعيه..
رجاء الاحلام و الامنيات ..
رجاء الحاضر و المستقبل
كم من الصحف و المجلات تعاونت معهم!
وجوانب اخرى مثل الهوايات ....
هل تعرف رجاء عواسه الكسره و وزراعة الحلومر..
بعدين
بالنسبه للكعك و العصير فى ناس قايمين معاى بالحفله و داقين الزوقه
كدى نديها صنه
تحياتى
النصرى امين
|
Post: #11
Title: Re: فقرة التعارف اولى فقرات حفلة الاعضاء الجدد
Author: أحمد الشايقي
Date: 09-20-2004, 03:21 AM
Parent: #1
أستاذ/ النصري أمين
أنا تخصصت LEGAL ENGLISH & LEGAL DRAFTING.
بس في الأصل مستشار قانوني, (تحت الخدمـة)
إذا مافي مرطبات الحفلة مش حتبدأ
(المومن حلوي).
عموماً أنا حأصبًر ليك الشباب بالموقف دا من أيام الثانوية
وإن شاء الله حتحب الشعر,
writtern in October 1988
(إشاعات المنى)
الناس عنا يا مناي أشاعوا
وسمعت ســري في هواك يذاع
قالوا جميعاً أن حبك في دمي
شهـدت قصائد بالهوى ويـراع
قالوا رأوني في رحابك هائماً
بالخلد أيما أرتجيه, يطـاع
قالوا رأوني في بحارك زورقاً
بالشوق يحملني إليك شــراع
نقبت عن أصداف (درك) والمنى
لقياك أوج ضمنا أو قــاع
وترقبوا وعداً رجاي وفـاءه
وهفت لرصد حديثنا أسمـاع
ما بال بعض الناس يرجو بعدنا
ما شأنهم ما فيهم ملتـاع
لو كان بعضهم يساوره الأسى
لحنوا هناك وأشفقوا وأطاعوا
لكنهم ظنـوا بأنك في يـدي
والحق أني في هواك (مضـاع).
مع الود
أحمد الشايقي
|
|