Post: #1
Title: سجيمان و حساس محمد حساس
Author: Elnasri Amin
Date: 03-18-2004, 06:13 AM
اذكر و نحن شفع صغاركنا نلتف حول التلفزيون لنتابع بشغف رهيب برنامج طبيعة الاشياء لمقدمه الرائع د محمد عبدالله الريح....... كان يدهشنا باسلوبه السهل البسيط,,,,,,,,,,,,كان الجميع يحب ذلك البرنامج صغارا وكبارا, كانت حبوبتى يرحمها الله من اكبر المعجبين.توقف البرنامج لسفر الدكتور للخليج,و لكن استمر تاثيره فينا لفترة طويله و صار الذهاب للمتحف الطبيعى احد اولويات الاجازه الصيفيه,كنا نكره الذهاب لباقى المتاحف ,فالمتحف القومى عباره عن حجار و عده قديمه اما متحف الخليفه فلم يكن سوى عناقريب و سيوف مصديه.
اكتشفنا بعد فتره ان ذلك المبدع يكتب بطريقه ساحره.
ظللت اتابع يوميات حساس محمد حساس,و قرات له كتاب جمع فيها اجمل ماكتب .
تحياتي لهذا الشخص الرائع اينما كان و اتمنى ان يكون ييننا فى هذا المنتدى.
تحية ايضا لاخ سجيمان فهويذكرنى بحساس محمد حساس,فكم من مرة ارجع من الشغل تعبان ومكربن,و لو جا الفاضل سعيد او عادل امام ما بضحك,اخش المنتدى و القى الشكله مدوره و وسط الكتاحه اقرا لسيجيمان لاجد نفسى اضحك بلاهه,,,,,,,,,,اظن ان زوجتي بتقول الزول ده فوت
|
Post: #2
Title: Re: سجيمان و حساس محمد حساس
Author: Elmosley
Date: 03-18-2004, 07:35 AM
Parent: #1
سجيمان احد فواكه هذا البورد الطاعمه
|
Post: #3
Title: Re: سجيمان و حساس محمد حساس
Author: Mahathir
Date: 03-18-2004, 09:17 AM
Parent: #1
انتو اقعدو كبرو فى راس ال"عولاق" دا شوية شوية
يقوم يتعزز الليمون دا عليكم كان بالغتو فى ريدو ....الليمون وش برضو فاكهة يا استاذ
|
Post: #4
Title: Re: سجيمان و حساس محمد حساس
Author: سجيمان
Date: 03-18-2004, 01:24 PM
Parent: #1
النصري امين بارك الله فيك.....والله وقت شبهتني بي البروفسر محمد عبد الله الريح...زين كبرت راسي.....وقام يتعزز العولاق .... العولاق برضو فاكهة
|
Post: #5
Title: Re: سجيمان و حساس محمد حساس
Author: Tumadir
Date: 03-18-2004, 02:48 PM
Parent: #4
النصرى امين واضافة الى ماثورات حساس محمد حساس هى كتاباته التى اعتبرها حجر الاساس للحلمنتيشية فى السودان..
واين هو الان..؟؟
اما هذا العولاق..فبدعة..
عرفت ان سلمى الشيخ سلامة الكاتبة والناقده المسرحية "الفكهة" تدخل البورد مره واحده فى الدهر..وتقرا سجيمان وتطلع..
هههههه
|
Post: #7
Title: Re: سجيمان و حساس محمد حساس
Author: Alsawi
Date: 03-18-2004, 06:04 PM
Parent: #5
شفت كيف يا سجيمان، حساس محمد حساس وسلمى الشيخ سلامة حتة واحدة!
اما الدكتور ود الريح فهو قد عاد الى السودان.
ومن اشعاره الشهيرة قصيدته القائلة:
الماء ماء والهواء هواء والارض ارض والسماء سماء
والروض روض زينته غصونه والدوح دال ثم واو حاء
كل الرجال على العموم مذكر أما النساء فانهن نساء!
الخ القصيدة العجيبة. وكان عنده نصوص اخري في صفحته الاخيرة في الصحافة بلغة هيروغليفية يعرفها هو براااااهو، سانشر لكم جزءا منها اذا وجدته ان شاء الله
|
Post: #6
Title: Re: سجيمان و حساس محمد حساس
Author: Elnasri Amin
Date: 03-18-2004, 05:11 PM
Parent: #1
الاعزاء الموصلى،تماضر،مهاثير و سجيمان
شكرا للمداخله
كما لاحظتم هذا اول بوست لى،قلت رفقا بالباندوث احسن اخش فى الموضوع توش
الاخت تاضر اتمنى ان تعرضى لنا نماذج من شعر حساس محمد حساس الحلمنتيشى اذا كانت لديك.
يا سجيمان انا ما بعرف العولاق ده شنو،،،لكن طول عمرى فاكره حاجه كعبه شديد,,,,طلع فاكهه؟؟؟؟
بزرعوها وين دى؟انا شخصيا ما شفتها بتتباع فى سوق شارع 15 بالعمارات
|
Post: #8
Title: Re: سجيمان و حساس محمد حساس
Author: سجيمان
Date: 03-18-2004, 07:32 PM
Parent: #6
النصري
العولاق من فصيلة العوير
وانا في زولك المابيعرف حاجة في الفواكهة غير الليمون
|
Post: #9
Title: Re: سجيمان و حساس محمد حساس
Author: Elnasri Amin
Date: 03-19-2004, 03:48 PM
Parent: #1
الاخ الصاوى شكرا للمداخله
الماء ماء والهواء هواء والارض ارض والسماء سماء
والروض روض زينته غصونه والدوح دال ثم واو حاء
كل الرجال على العموم مذكر أما النساء فانهن نساء!
اين بقية هذه القصيده العجيبه,اعتقد ان حساس محمد حساس يجاري الشعر الحديث ذو الكلمات المرصوصه باناقه و لكن دون معنى واضح او بمعنى ادق صعب و معقد للعامه امثالى الماعندهم كبير قرض فى الشعر
النصرى
|
|