Post: #1
Title: دُولاب غُنا ..!!
Author: الملك
Date: 07-11-2010, 07:29 PM
Parent: #0
مُوال النيل
صوت :- محمد عثمان
توزيع موسيقى :- محمد الجزار
حالي في الغربه وبعيد منك سراب وودار
ودولاب الزمن دوار
وقت اشتاق اشوف عينيك اساهر ليل
واناجي النجم في الاسحار
تغني عيوني دمعاتن حنان بالحيل...
وقت اطرى البعاد ومسافه المشوار
حالي بكتب ليك من عمق الانين مكتوب
فيهو بوصف حالي كيف تهت وطوتني دروب
وارنم ليك مسادير العشق ارتال
بتنبع من صدى الترحال
واناجيك يايمه كان سامعاني كيف الحال
يجيني صداك زي موال
ياليل .. يانيل
واغنيك فوق مواني بعيده ضلمه وليل
يهب ريحك نسيم وعليل
اغالب حزني واتناسى الرحيل والليل
تفر دمعاتي مني تسيل
زادي في سفري الطويل ذكرى السنين
فرحه زغروده وعديله وزين
واشيل شبال واراقص نسمه واقفه عديل
بنياتن بشدو الحيل
واسائل القمره كان شفتيهو وينو شليل
حليل ناسي البعاد بالحيل
فيك يانيل ياشواهد ياسواقي ويا خرير
لوني من طينك مشرب قلبي لي شوفتك لهوف
انتي قرقابه وتراتيل يامشايخ ويا نخيل
دمي فوق نيلك مدد مابتغيرني الظروف
انتي يادومه ودقاقين يامدايح ويا نخيل
نبضك الجواني هادر حاضن النار الدفوف
ياليل .. يانيل
أضغط على زر التشغيل للأستماع
|
Post: #2
Title: Re: دُولاب غُنا ..!!
Author: الملك
Date: 07-12-2010, 01:31 PM
Parent: #1
عازة
صوت :- محمد عثمان
كلمات :- خليل فرح
عازة في هواك عازة في هواك عازا نحن الجبال
وللبخوض صفاك عازا نحن النبال
عازة ما بنوم الليل محــــال
وبحسب النجوم فوق الرحال
خلقة الزاد كمل وأنا حالي حال
متين أعود أشوف ظبياتنا الكحال
عازا ما سليت وطن الجمــال
ولا أبتغيت بديل غير الكمــال
***
وقلبي لي سواك ما شفتو مال
خذيني باليمين وانا راقد شمال
عازة ما نسيت جنــة بلال
وملعب الشباب تحت الظلال
ونحن كالزهور فوق التلال
نتشابي للنجوم وانا ضافر الهلال
عازة جسمي صار زي الخلال
وحظي في الركاب صابه الكلال
وقلبي لسه ما عرف الملال
أظنه ود قبيل وكريم الخلال
عازة ما أشتهيت نوم الحجال
ولا السوار بكي في يمينا جال
وعازة في الفريق لي ضيق مجال
قبيلة بت قبيل ملأ الكون رجال
***
عازة شفت كيف نهض العيال
جددوا القديم تركوا الخيال
روحك أم سماح سري كالسيال
شجوا الفؤاد حيوا محسور الليال
عازة في الفؤاد سحرك حلال
ونار هواك شفا وتيهك دلال
ودمعي في هواك حلو كالزلال
تزيدى كل يوم عظمة ازداد جلال
***
عازة في حذا الخرطوم قبال
وعازة من جنان شمبات حبال
وعازة لي ربوع ام در جبال
وعازة في الفؤاد دوا يشفي الوبال
الشرف الباذخ
نحن ونحن الشرف الباذخ
دابي الكر شباب النيل
قوم وم كفاك يا نايم
شوف شوف حداك يا لايم
مجدك ولي وشرفك ضل
إمتي تزيد زيادة النيل
نحن نطارد العنزة الفاردة
نحن نزود مشارع النيل
نحن برانا نحمي حمانا
نحن نموت ويحيا النيل
ما بنندس ما بنتوصي
نحن نكيل برانا نشيل
نحن الطينة ومطر العينة
نحن الوادي برقه يشيل
نحن الصولة سيوف الدولة
نحن كنانة اسماعيل
بابه العالي وشرفه الغالي
كان لجدودنا ظله ظليل
يا حكامنا جيبوا البينه
ولا انقرعوا كفوا الشينه
ده ود عمي وده ضريب دمي
انت شنو طفيلي دخيل
يا نزلانا أمرقوا الذمة
كيف ينطاق هوان الأمة
شالوا حقوقنا وزردوا حلقونا
ديل عاوزين دمانا تسيل
من تبينا قمنا ربينا
ما اتفاسلنا قط في قليل
ما فيش تاني مصري سوداني
نحن الكل ولاد النيل
أضغط على زر التشغيل للأستماع
|
Post: #3
Title: Re: دُولاب غُنا ..!!
Author: معتصم ود الجمام
Date: 07-13-2010, 00:36 AM
Parent: #2
خلي الدولاب ده فوق
واصل يا ناجي ينوبك ثواب
|
Post: #4
Title: Re: دُولاب غُنا ..!!
Author: الملك
Date: 07-13-2010, 00:47 AM
Parent: #3
Quote: خلي الدولاب ده فوق
واصل يا ناجي ينوبك ثواب |
معصتم
صديقى ... انا الأيام دى ..واقع لى فى كنوز غُنا قلتا أعمم وأشير على قول الفيسبوكيين
أها مرقنا من الهزات الأرضية كأس العالم ...دخلنا فى الجنائية ... وبكرة ما معروف
البورد دا بقى بدون ..إضنين ... أخبار صّر
وصية :-
خلى البوست يلبد وندخلو المكتبة
ونتشاير فى الفيسبوكــ أحسن :)
|
Post: #5
Title: Re: دُولاب غُنا ..!!
Author: محمد عبد الماجد الصايم
Date: 07-13-2010, 07:29 AM
Parent: #4
أصلوا ما يلبد!
|
Post: #6
Title: Re: دُولاب غُنا ..!!
Author: Amira Elsheikh
Date: 07-13-2010, 10:31 AM
Parent: #5
آآآآآه ياناجى,,,,,
,مُوال النيل دى من الاغانى المجهجهانى ومابقدر اسمع مرتين ورا بعض,
|
Post: #7
Title: Re: دُولاب غُنا ..!!
Author: Ashraf el-Halabi
Date: 07-13-2010, 11:12 AM
Parent: #6
| Quote: خلى البوست يلبد وندخلو المكتبة |
يسمعن بنات إبليس
|
Post: #11
Title: Re: دُولاب غُنا ..!!
Author: الملك
Date: 07-13-2010, 11:26 PM
Parent: #7
يا ررربى ...!
|
Post: #9
Title: Re: دُولاب غُنا ..!!
Author: الملك
Date: 07-13-2010, 11:14 PM
Parent: #6
اميرة ...
مُوال النيل
بتجهجه الما بتجهجه ...
الا الفيكـــ إتعرفت
...
|
Post: #10
Title: Re: دُولاب غُنا ..!!
Author: محمد عبد الماجد الصايم
Date: 07-13-2010, 11:15 PM
Parent: #8
الكلام السمح دا يبلد كيف يا عمكـ
اشتل الأفـراح وخلي الأقـدار تمد إيدا
وتاني أشتل!!
|
Post: #12
Title: Re: دُولاب غُنا ..!!
Author: الملك
Date: 07-13-2010, 11:27 PM
Parent: #10
يا حارمنى
صوت :- محمد عثمان
توزيع موسيقى :- محمد الجزار
يا حارمني طعم الريدة والتحنان
.. عليك هنتا عليك هان هان الغرام الكان
.. وعليك هنتا ..
يا حارمني ..
غصباً عني بتوجع
ويا مضيع سنيني وراك .
. متين ترجع
كفاك تتمادى فى بعادك
كفاك هجران ...
يا ساحرنى غصباً عنى بتوجع
ويا مضيع سنينى وراك متين ترجع
كفاك تتمادى فى بعادك
كفاك هجران ...
يا حارمني طعم الريدة والتحنان
.. عليك هنتا عليك هان هان الغرام الكان
.. وعليك هنتا ..
أضغط على زر التشغيل للأستماع
|
Post: #36
Title: Re: دُولاب غُنا ..!!
Author: عليش
Date: 07-25-2010, 03:19 AM
Parent: #12
Post: #13
Title: Re: دُولاب غُنا ..!!
Author: الملك
Date: 07-13-2010, 11:31 PM
Parent: #10
Quote: الكلام السمح دا يبلد كيف يا عمكـ
اشتل الأفـراح وخلي الأقـدار تمد إيدا
وتاني أشتل!! |
تصدق أنا بعد ما .. عملت البوست ...ندمتا
أولاً لونية الغُنا دا جديدة .. على أضنين ناس كُتار هنا
فطبيعى انو مايكون زول بسمعكـــ...
تانى هام
الموضوع دا حيجر وانا عارف روحى
فى النهاية
بكسِل ...
فخليهو ...بنحتاج ليهو فى المكتبة ... حيث يسُهل البحث عنه
للحفظ
أوعكــــ ترفع ...تانى
|
Post: #14
Title: Re: دُولاب غُنا ..!!
Author: محمد عبد الماجد الصايم
Date: 07-14-2010, 07:07 AM
| Quote: أوعكــــ ترفع ...تانى |
ما بقدر!
|
Post: #16
Title: Re: دُولاب غُنا ..!!
Author: الملك
Date: 07-14-2010, 08:12 PM
Parent: #14
عاد كدا ما كويس يا مُحمد ..
|
Post: #15
Title: Re: دُولاب غُنا ..!!
Author: نهال كرار
Date: 07-14-2010, 11:18 AM
Parent: #1
يا سلام يا ناجي ياخ :)
|
Post: #17
Title: Re: دُولاب غُنا ..!!
Author: الملك
Date: 07-14-2010, 08:18 PM
Parent: #15
| Quote: يا سلام يا ناجي ياخ :) |
نهال :)
يا سلام يا سلام ...
بديكــ آخر واحدة وبزوغ :)
|
Post: #18
Title: Re: دُولاب غُنا ..!!
Author: الملك
Date: 07-14-2010, 08:38 PM
Parent: #17
صوت :- محمد عثمان
توزيع موسيقى :- محمد الجزار
في الطيف أو في الصحيان زورني
يا حبيبي أنا عيان
مالو لـو فـي بعـض الاحيـان
تسمح لـي صحـوا أراك عيـان
تاخذ يا حبيبي عـن حالـي بيـان
عسى تبقي قلوبنا في الغرام سيـان
يا الفريد في حسنك و بهجة أمدرمان
لي من شوفتك يا حبيبـي زمـان
أنا ساهر و نـوم عينـي حرمـان
و إنت بين أترابك في نعيم و أمـان
النحول علي جسمي يا حبيبي بيان
و إنت جسمك نامي و بالنعيم طربان
لو رأك الناسك المـن الله جبـان
بيك يفتن و يصبح بالغـرام تعبـان
قبل حسنك قط ما رأيـت انسـان
فاق العسجد لمعة و الحريـر لمسـان
كيف يحصر وصفك يا حبيبي لسان
و البان إتعلم من قامتـك الميسـان
ما الـدرر لثنـاك ما بنـت ألحـان
للمـاك و آيـة نفحـة الريـحـان
إنت حسنك كامل لكـن لمحـان
خدك قاسـي و قلبـك ما حـان
أضغط على زر التشغيل للأستماع
|
Post: #19
Title: Re: دُولاب غُنا ..!!
Author: عليش
Date: 07-15-2010, 00:24 AM
Parent: #18
< width="480" height="385">
|
Post: #20
Title: Re: دُولاب غُنا ..!!
Author: الملك
Date: 07-15-2010, 10:19 AM
Parent: #19
عليش ...
الزمان زمانكــ انتا دا
ــــــ
بينى وبينك مشتاقين
كود الحفظ
|
Post: #21
Title: Re: دُولاب غُنا ..!!
Author: الملك
Date: 07-16-2010, 00:33 AM
Parent: #20
صوت :- محمد عثمان
توزيع موسيقى :- محمد الجزار
أرحل بعيد
غابت في هجرك أمنيات
ما أظن تعود تشرق هناكـــــــــ
ارحل وخلى الذكريات تشرح فؤاد قاسى المنى
وأنسى الدموع وأنسى الألم
ماعاد يفيد قلبك ندم
ليه يا مُناي تنسى الغرام
وتجور علي وأنا الحبيب
ليه يا آساي تمشي في خصام
وأنا بشقى بيك وهواك طبيـــــــــــب
شايل الصدود نظرة عينيك
والدنيا غنية بتحلى بيك
قلبي الحنين بنده عليك
وعيوني شايلة النوم عليك
الليل معاي رافق خطاي
سهم الصدود هيمانة بيك
جماتو كم سألن عليك
أرحل بعيد أنا مانــــــــــي ليك
أضغط على زر التشغيل للأستماع
|
Post: #22
Title: Re: دُولاب غُنا ..!!
Author: عليش
Date: 07-16-2010, 09:20 PM
Parent: #1
up
|
Post: #23
Title: Re: دُولاب غُنا ..!!
Author: عليش
Date: 07-16-2010, 09:28 PM
Parent: #1
محمد عثمان و الفنانان محمد فيصل الجزار ثنائي خاص يجب الوقوف جانبهما ودفعهما الي الامام ولو بالتشجيع.
لهما كل الود والتحايا وشكرا ياااا ملك علي الدولاب الملان ده..
|
Post: #24
Title: Re: دُولاب غُنا ..!!
Author: عليش
Date: 07-17-2010, 03:49 AM
Parent: #23
قووف
|
Post: #27
Title: Re: دُولاب غُنا ..!!
Author: الملك
Date: 07-17-2010, 03:26 PM
Parent: #24
صوت :- محمد عثمان
توزيع موسيقى :- محمد الجزار
الزمان زمانك
الزمان زمانك
صوت :- محمد عثمان...كلمات عبد الرحمن الريح
توزيع موسيقى :- محمد الجزار
يا الفريد فى عـــصـــــرك والزمان زمانك أهدى لي مـن فـضـــلـك نـظـره فى رمانك
يا الفريـــــــد فـى عصرك قلبى فاقد امانك
حرام عليك تهجرنى وترضى بى حرمانك
بالكـمــال شــرفـــــت مـنــاطق ام درمانك
وبالجمال امــتــــــزت عـلـى شباب زمانك
يا أنيس ال...صـيـــــــد أنــا فى الغرام انسانك
انت روح شعـــرى وانا فى الشعر حسانك
ان قصدت هلاكــى تـجــدنـى مـن فرسانك
وان عـطــفــــت عــلـــى ذاك مـن إحسانك
يا الحنـيـــن فـى نفـسك قى لى ويـنه حنانك
شلت قلـــــــبـى ودمــى خــضــبـــت بنانك
ان مرقت تـــمــر فى الـروض عـلى افنانك
النجوم تـتـــــــغــزل فــى بـيــــاض اسنان
أضغط على زر التشغيل للأستماع
|
Post: #35
Title: Re: دُولاب غُنا ..!!
Author: عليش
Date: 07-25-2010, 03:15 AM
Parent: #24
up
|
Post: #26
Title: Re: دُولاب غُنا ..!!
Author: الملك
Date: 07-17-2010, 03:15 PM
Parent: #23
Quote: محمد عثمان و الفنانان محمد فيصل الجزار ثنائي خاص يجب الوقوف جانبهما ودفعهما الي الامام ولو بالتشجيع.
لهما كل الود والتحايا وشكرا ياااا ملك علي الدولاب الملان ده.. |
النفرين ديل إشتغلو ... شُغل عجيب جداً ...
لكن
...
كود حفظ أرحل
|
Post: #28
Title: Re: دُولاب غُنا ..!!
Author: الملك
Date: 07-17-2010, 03:32 PM
Parent: #26
كلما أشتاق ...
صوت :- محمد عثمان
توزيع موسيقى :- محمد الجزار
أضغط على زر التشغيل للأستماع
كلما أشتاق كود الحفظ
|
Post: #29
Title: Re: دُولاب غُنا ..!!
Author: ناذر محمد الخليفة
Date: 07-17-2010, 04:02 PM
Parent: #26
شكرا ناجي الملك ..
محمد عثمان صوت رهيب .. محمد عثمان أنا عاصرتو في معهد الموسيقى .. محمد عثمان للغرابة ما كان بيدرس موسيقى درس تمثيل على ما أعتقد وهو ممثل قدير جدا شارك في مسلسل عثمان دقنة الإتعرض قبل فترة .. وبرضو شارك في فيلم البؤساء المقتبس من رواية فكتور هوجو ..
بالإضافة لعشرات الاعمال الدرامية ..
أما في الغناء فهو موهوب بحق وأيضاً عازف ماهر على العود والبيانو .. بالله يا ناجي خلي الزول دا يغني ليك أغنية لو متلي هداك الحزن لي مصطفى سيد أحمد أو يغني ليك ليل الشجن والشوق وشوف الحالة البتحصل عليك ..
اما أجمل ما في محمد عثمان فهو ترتيله للقرأن .. هذا الشاب بيرتل القرآن بي صوت جميل جدا وطريقة مميزة ..
مشكور يا ملك ..
|
Post: #30
Title: Re: دُولاب غُنا ..!!
Author: الملك
Date: 07-17-2010, 04:16 PM
Parent: #29
| Quote: اما أجمل ما في محمد عثمان فهو ترتيله للقرأن .. هذا الشاب بيرتل القرآن بي صوت جميل جدا وطريقة مميزة .. |
هو الدرب الذى أختاره ... بعد تركه للغناء ... وبهذا الصوت اتوقع يوماً أننا سنسمعه فى ... الإذاعات القرانية
ربنا يوفقه فى طريقه ويسدد خطاهو...
|
Post: #31
Title: Re: دُولاب غُنا ..!!
Author: الملك
Date: 07-19-2010, 07:41 PM
Parent: #30
آخر عملين فى الدٌولاب
للأخوة "محمد فيصل الجزار ومحمد عثمان"
وشاركهم ... ذو النون ...
وين إنت ...
محمد عثمان .. الجزار ...ذو النون
أضغط على زر التشغيل للأستماع
وين انت كود الحفظ
|
Post: #32
Title: Re: دُولاب غُنا ..!!
Author: الملك
Date: 07-19-2010, 08:04 PM
Parent: #31
أنحنا إشتقنا ليك ...
محمد عثمان ... الجزار ..ذو النون
أضغط على زر التشغيل للأستماع
أنحنا إشتقنا ليك كود الحفظ
|
Post: #33
Title: Re: دُولاب غُنا ..!!
Author: Ashraf el-Halabi
Date: 07-19-2010, 08:07 PM
Parent: #31
| Quote: آخر عملين فى الدٌولاب |
ها آآو آآآو!
الكلام دا تقولو لي زول ما عندو حديدة
يا مان قبل كدا أنا شفت طارق أبو عبيدة بفتش في غنية حقتو في دولابك دا!
تقول لي آخر وبتاع!!
بمناسبة طارق دي ما تشوف لينا غنية لخدر
|
Post: #34
Title: Re: دُولاب غُنا ..!!
Author: الملك
Date: 07-19-2010, 10:59 PM
Parent: #33
Quote: ها آآو آآآو!
الكلام دا تقولو لي زول ما عندو حديدة
يا مان قبل كدا أنا شفت طارق أبو عبيدة بفتش في غنية حقتو في دولابك دا!
تقول لي آخر وبتاع!!
بمناسبة طارق دي ما تشوف لينا غنية لخدر |
لا تضع البيض كله فى سلة واحدة
يا اشرف :)
...
خدر بستاهل دولاب جديد
ــــ
لكن بينى وبينك بوستات الغٌنا دى تعب ساااي
بقت ما جايبة حقها ,,, اخير نلبد بيها :)
تعــــــــــــــــــال هناكــــــــ أحسن
|
Post: #37
Title: Re: دُولاب غُنا ..!!
Author: عليش
Date: 07-26-2010, 06:48 PM
Parent: #34
up
|
Post: #38
Title: Re: دُولاب غُنا ..!!
Author: الملك
Date: 08-01-2010, 12:44 PM
Parent: #37
عليش أمنع الأب ...
ـ
البركة فيكم يا صديقى
|
|
|