عيد ميلادى .. ومعرضى الأول ..! آخر من يعلم

شفتا كيف...إنحنا بنموت بالحاجات !؟
عصام عبد الحفيظ

تعال لى فى المكتب ..!؟
الفاتح وديدى


إنت الليلة ما حتكون فاضى ..أصلاً!
سامى الزبير

عقبال ما أحضر خطوبتكــ
شادية عبد المنعم


كُنتا حاضرب ليكــ...وأقول ليك انو عندكــ معرض...!
إبراهيم الجريفاوى


العبارات على التوالى من أصدقائ الذين عرفتهم هنا... شكلت يوماً... مزحوماً بتفاصيل غريبة
...
يوم إفتتاح معرضى الأول
والذى لم أدعِ إليه أحداً
لأننى لم أكُن أعرف
...
وانا ربما كُنت حاسي بروح المؤامرة.. لكن لم اكن اتوقع .. أبداً
ان يقوم "أصدقائ.. وأصدقائ هذه عبارة ... صغيرة عليهم تماماٍ..فهم بعبارة آخرى أنيقة "حياتى"
أن يتفقوا رغماً أن بعضهم لا يعرف الآخر بعمل معرض لى من صور فى اول رحلة تصوير لى...فى الشمالية

الرجعة ,,,للبيت القديم,,!

وإتفقوا على صفحات الفيسبوكـ... أو بالهواتف...أو أحياناً بقربى..
على ان تكون هديتى فى عيد ميلادى الواحد والثلاثين..
هو معرض من صورى.. هم من قامو بإختيارها وطباعتها وتغليفها وحجز المكان وإختيار الزمان
ومُحاولة إقناع والدتى بمغادرة المنزل وتركــ أخوتى وحضور الإفتتاح
وكان هذا هو همهم الشاغل..
وكُنتُ أخر من يعلم...
مع أننى
كُنتا أول من بكي ..



مرة آخرى سأظل أفكر فى عبارة قالها :- أبى أبو عركى البخيت
من المفترض .. إنك تقعد مع روحكــ...وترجع الليلة وتفكر كيف قدرت تجمع الناس دى كلها فيكـ بَكل هذا الحُب...وكيف تكون إنتا بكل هذا القدر من التماسكـ..!

أخيراً
كل عام وأنا مُحاط بكل هؤلاء ...
وشكراً لكل أصدقائ الذين حضرو .. والذين لم يتمكنو من الحضور



<mcl /><EMBED SRC=http://www.sudanvoice.net/v2/mushtageen.mp3 VOLUME=35 WIDTH=300 HEIGHT=100 TYPE=Audio/x-pn-Realaudio-plugin EXTS=RA RAM MASTERSOUND CONTROLS=LARGECONSOLE AUTOSTART=TRUE><mcg /><mcl /><mcg /><mcg /><mcl />


أضغط/ى لو سمحت/ى

ألف ألف مبروك يا ملك

وكل سنة وانت طيب ومبدع

صورة من المعرض المفاجأة

ــــــ
الله يباركــ فيكــ يا حبيب نورة,,,

"عندى شعور زول مشى لى حبيبتو ...
لأول مرة..! فى بيتم

لقى أهلو عقدو ليهو عليها...!

كل سنه وانت طيب وعقبال معرض فى اكبر صالات العالم وكن متفائل دائما

اخيراً كلموك ؟؟!!!
شكراً يا عصام ووديدي
ويا شادية ويا سامي
ويا قرمبوز .

وسنتك سعيد ومعرضك انشاء الله دائم .

حتى انت يا سفيان..كُنت تعلم
!!
كان يخلونى ما يكلمونى...
انا لو كلمونى ما كان جيت



صورة من المعرض

والله كنت عايز أقول ليك نزل لينا صور المعرض

بركة الجات منك يا حبيبو

وألف مبروك للمرة التانية

حبيب نورة...

هى كانت هنا يوم من الايام
"لعن الله الهكـــــر "

يا صاحبي كنت عايز انزل
بعض صورك في دهب وفي
الاسكندرية بس ابت تترفع
ياخ .

إيــــــــاكـــ

والحمد لله
:)

مبروك يا صاحب ..
هنيالك الأصحاب و النجاح.

مبروووووووووك
وعيد ميلاد سعيد...
يا ناجي....
اجمل حاجة مفروض تفرحك....موش المعرض وبس!!
لكن حب الناس..حب الناس يا ناجي
لمة الصحاب معاك...
ياخي دي براها بالدنيا....
ربنا يحبب فيك خلقه,ويزيدك حب للناس,ودمت دوما مفور الصحةو العافية


_____
مع امنياتي لك بعرض صورك دوليا و اقليميا....
لك كل التقدير

يا هوارى
كًل سنة وهُم حولى
ما تقدر تتخيل شعورى..


...
وما تقدر تتخيل
انو ممكن ... اصحابكـــ,,,
يكونو شهر بحالو...
بتكتكو للموضوع...
ويتناقشو ويحضرو
...

واهم من دا كُلو انو فيهم ناس ما بتعارفو أصلاً

ياخ الحاجة "دى" كانت مفرحة بشكل غريب"

حمور

هو بالجد كدا هنيئاً الأصحاب قبل أى شئ تانى..!

يا سلااااام يا ناجي يا سلاااام


ألف ألف مبروك ...

الكلام راح مني :)

كل سنة و انت طيب يا ملك و مبروك المعرض و إن شاءالله تتوالي النجاحات يارب .
حقك علي الناس كلها إنهم يسًعوا عشان يسعدوك لانك ملك و بس ( كمل الكلام ) .

يا عمكـ .. ألف مبروكـ ياخ!
وكل سنة وإنت طيب!


أنا قلت ليهم الزول دا ما تكلموهو
إلا بعد ما المعرض يخلص!

مبروك يا ملك بمناسبة عيد ميلادك وكل سنة وانت طيب
وتاني مبروك عليك الأصدقاء الرائعين

Quote: على ان تكون هديتى فى عيد ميلادى الواحد والثلاثين..

زي الفي خطأ مطبعي كده
( واحد من أصحابكـ البحبو العكننة )







____________________________
مبروكـ يا ملكـ الحاجات دي وأهمها لمة الأخوان

مبروك ياملك

العيد ولمة الحلوين/ات

ندي تسلمى انتى دى ...

عمران
إحتمال تكون ...13 مثلاً



بطل عكننة ...
انت قايلنى قدركـ
:)

الف مبروك
وتستاهل كل خير ..
والتحية لاصدقائك الجميلين

مراحب

وكما قيل قديما

الصداقة كنز لايفني

كل سنة وانت طيب ياملك واصدقاءك

يحيطونك بالمحبةويلتفون حولك ويحتفون بك

وعقبال نبارك ليك الوليدات وامهم

مودتي وتقديري

كل سنة و انت طيب يا ملك.. و هم طيبين

تستاهل..و هم قدرها

Quote: تستاهل..و هم قدرها

وانتى طيبة يا سناء
عارفة
بتذكر

ما أحلاهم شالو معاي الهم بالجٌُملة

استاذة عفاف
يعلم الله انا الان ...او ربما كان يوم أمس من أجمل أيام ...حياتى

...
وألطفها...

أرصد
وانت بالف خير يا جميل
...

Quote: وتاني مبروك عليك الأصدقاء الرائعين

ود البٌشرى
وانتا بالف خير يا صاحب...


مبروك لى حاجات كتيرة...

محمد الصايم
"نسيبى عن كثب "


ياخ كُل سنة وانا طيب
بس كان تورينى ياخ

Quote: على ان تكون هديتى فى عيد ميلادى الواحد والثلاثين..

ا خخخخخخخخخخخخ قدرى بالزبط !!

بس انا طبعا بتشيل الواحد دا
وح تفضل تشيل اى حاجه جمب ال 30 لحد ما توصل الاربعين وهكذا !!
جنى وجن الكسور







والبواقى








ــــــــــــــــــ
عيد ميلاد سعيد بختك بهم وبختهم بيك !
عقبالى بنففففففس الاصحاب القلتهم ديل ..
بس فى واحد ما بعرفو لو طلع كعب عليك سمح ؟

سنة سعيدة وربنا إخلي ليكـ أصحابكـ وإخليكـ ليهم
وإن شاءالله دائماً مُتميز وناجح في حياتكـ
وشكراً للصور الإبداعية

تحايايّ

الف مبروك ياناجي المعرض الاول

وكل سنة وانت طيب


انا قبل كدا اتعمل لي من اصدقائي مفاجاة قريبة من حقتك دي

قرررربت تجيني جلطة من فرحتي بيهو


مبروك مرة تانية

وهنيئا لك باصحابك

شبكة
الموضوع دا جايط فى بالى لسه...؟
بعدين برجعكــ لى تفاصيل كتيرة...

محمد الجيلى ...
ربنا يخليهم ويقدرنى علي جزاءهم خيراً,,,

ربنا يقدرنى بالجد...
شكراً ليك يا محمد

Quote: عيد ميلاد سعيد بختك بهم وبختهم بيك ! عقبالى بنففففففس الاصحاب القلتهم ديل .. بس فى واحد ما بعرفو لو طلع كعب عليك سمح

دينا :) والله بقيت بخاف منكـــ
اوعكــ تكونى "حاضرة" وانا ما شفتكـــ...!!








...
انتى عيد ميلادكــ متين :)

...
يا هِبة
ياخ انا ما حأنسى الفكرة دى...
طول ما أنا حي...

...
غايتو يا نهال
انا غلبنى ذاتى...
الأقولو..او أعبر عنو
"غايتو بس بفكِر ,,وبسرح"

مبروك علينا نحن يا ناجي .. !

مبروك علينا اننا بنقدر نقول على انفسنا اننا اصدقائك .. !

بنقدر نتابع احساسك القاعد ترسمو لينا بكاميرتك .. ونفرح بما يفرحك ونحزن كما يشاء لنا الحزن !

مرات كثيرة بفكر ، في صورك ، وبفكر كتير في احساسك القاعد يرصد كل تلك الزوايا .. العميقة !

وانا بتابع في ابداعك دا ، منذ اول صور شووفتها وكانت لمدينة جوبا قبل خمسة سنوات تقريبا.. متذكر ؟!

وقلت ليك عاوزة اسرق منك حقت المراكب ديك ؟!


المهم ...

ربما انت لا تعلم انك من القلائل اللذين يلونوا لي يومي بازهي الالوان..

وربما لا تعلم انك تستحق هذا الاحتفال الجميل المتفرد ..

وكلما انت يا ناجي بذاك النقاء الروحي ، والحب الجميل الذي تكنه لاصدقائك .. لن يخذلك أحد ابدا !

جميل ما تفعله يا ناجي .. كجمال روحك يا صديقي ..






من خلال الصورة دي اسمح لي اقول ليك يا ( فنان )
وما تفكر في اي شهادات لتنال اللقب دا ، فالصورة تكفي ... وكثير من الصور التي احفظها على سطح مكتبي !

هبة

ياخ ما تكتبى لى كلام سمح قدر دا...
:)
وانا فى موقف ...اٌحسد عليه تماماً...
"الأصحاب ديل جنة الحياة"

يا صاحبتى...

ألف مبروك ياملك













لما أقول ليك أستاذ تاني ماتزعل

<font face="Tahoma" size="5" color=red>االف مليار مبروك يا صاحب
اخوك والله كان مفروض يكون واحد من الفاجأوك في المعرض
لكن ربك قدر غير كده
والله يا ناجي الشباب/ات ديل بحبوك جدا
ليهم اكتر من عشرة يوم بخططوا ويتلاقوا ويتشاوروا
والله طولت ماشفت اجتهاد (بمحبه) ذي الاجتهاد ده
ربنا يديم المحبه التي تستحقها يا صاحب</font>

احلى مفاجاءة ياناجي والله..
ومليار مبرووك عيد ميلادك..
والاجمل من الحدث ده كلوا انك تجاوزت سنوات الجنة..
بي عام ودائما الاعوام سمان والسنوات غالبها عجافا
مليون عام سمين وتريان يحمل هم فنان مبدع وانسان مدهش..
والله يديم ليك الصحبة والمحبة..

الف مبروكـ ياملك وعقبال 1000 شمعة

وانتا بالف خير يا مزمل...
ربنا يسعدنا جميعاً,,,, ويكتر من اللحظات الجميلة فى الحياة الصعبة دى
...

Quote: احلى مفاجاءة ياناجي والله..

وشكراً على التلفون الظريف يا حافظ...


الله يخليهم على الدوام
بدون فرز


وليك يا "حدو" محبة شديدة...

Quote: اخوك والله كان مفروض يكون واحد من الفاجأوك في المعرض لكن ربك قدر غير كده والله يا ناجي الشباب/ات ديل بحبوك جدا ليهم اكتر من عشرة يوم بخططوا ويتلاقوا ويتشاوروا والله طولت ماشفت اجتهاد (بمحبه) ذي الاجتهاد ده ربنا يديم المحبه التي تستحقها يا صاحب

نعيم....
الله يخليكــ قريب ويخليهم اقرب...

الله يبارك فيكـ
يا فارس
...

Quote: لما أقول ليك أستاذ تاني ماتزعل

بزعل ..
انا زول درويش سااااى

خليك قريب يا فارس

حقيقي يوم جميل
ومعرض رائع

والاجمل ابتسامة ناجي وسط الدموع وهو يحتضن الاصدقاء فردا فردا

كلمة السر للعملية كانت:
(الموضوع ده يموت هنا)
ناجي لو عرف حيرفض الفكرة تماما

كل سنة وانت طيب يا ملك

Quote: والاجمل ابتسامة ناجي وسط الدموع وهو يحتضن الاصدقاء فردا فردا

هى بالله كانت جميلة...

Quote: كلمة السر للعملية كانت: (الموضوع ده يموت هنا) ناجي لو عرف حيرفض الفكرة تماما كل سنة وانت طيب يا ملك

وانتا طيب يا أدهم
...

ياخ آلاف التهاني لميلادك ومثلها لمعرضك الأنيق
والله ياناجي فتحت نفسي نص النهار ده
علي رغم السخانة والحال الواقف
تشكرات ياصديقي العزيز

يا خضر
كُل سنة وانتى صاحبى ياخ
...
كل سنة وانتا طيب مولود معاى

اتنين يا ملك اتنين (ميلاد و معرض)

اسه اقول ليك شنو؟

انا ذاتى اخر من يعلم... لوووول

بس اقول ليك هديتك (صورك دايما خلفية لكمبيوترى)

و دايما يسألونى انتى NAGI ده موقع صور ولا شنو؟

اها عقبال نحتفل بموقعك الخاص للصور

تباركيتنا ومعاها تحايا

يا ناجي،

كل سنة انت والأصدقاء بألف خير..

وانت طيب يا ياسر
...

ناجي .....

كل سنة وانتا طيب
وروحك بذات الشقاوة والنقاء
ولقطاتك / لحظاتك
اللتي تراها من خلال روحك وقلبك وعينك الحساسة كما هي
بذات الصدق والشفافية
ذات معنى
تغني فيها للحياه بصورها المختلفة
وتغني ايضا اصدقاءك الجميلين كما يحلو لك... من كل الزوايا ومن حيث تراهم وتشعر بهم
لم اكن هناك
ولكن شعرت بكل الحب اللذي يحيطك به الجميع
وانت تستحق يا ناجي كل جميل وكل لحظات الصدق والصداقة اللتي تمنحها الحياه لاناس لهم طبعك الودود

ألف مبروك يا ملك

نــاجي

كل عام و نت الخير
انا سعيدة جدا و انبسطا بشكل ما عادي لاني كنتا عارفة لو ما لزوك ما حتعمل معرض ، جد الله يخلي ليك اصحابك و صحباتك
الاصدقاء ملح الارض .. اها العقبة انكسرت بعد داك بطل خوف و غامر

كل سنة و انت طيب يا صاحب

ســــحر
كتفى الأيسر

...
لكن برضو فقدتكــ... يا ملح :)

خليك طيبة

كل سنة وإنت طيب يا ناجي
عقبال الشمعة المية


ودائماً حولك الأصدقاء ومن تحب ..

مبروك يا هندسة


وعقبال المئوية

عبد اللطيف...

وانت بالف خير على الدوام

الموضوع ده مات هنا... أو كما قال الأحباب/ات

كل سنة وانت طيب يا صاحب ياطيب
وعقبال 1000 شمعة
وحياة مليئة بالفرح، الحب والمودة

كل سنة و إنت طيب يا ناجى،
و الف مبروك المعرض الاول،،،


و عقبال تتوالى النجاحات،،،،،

شكرا وديدي وشكرا اصحاب وصاحبات ناجي
لولا ظرف طارئ لكنت اول الحاضرين
وانشاء الله دائما في حبكم وودكم وصداقتكم ...
ويا ملك انت فعلا ملك بحب الناس ليك ..
وكل عام وانت بخير ..
وعقبال المعرض الالف ..

العوض
يقينى بأنك لم تكن بعيداً عن الامر...
شكراً للتواجد عن قرب بأى طريقة تكون...
وشكراً لهذا المكان أيضاً ... فقد جمعنا كثيراً...

ياصاحب


أنت .. من جعلت الكل حريص على حبك وتقديرك ..

كل سنة وإنت ناجي


مودتي

يا طارغ
:)
وهى مقصودة
ربنا يقدرنى على جزاكم ...فى هذه الحياة القصيرة
...
ويجمعنا فى أيام جميلة ...

ياملك .. اسم علي مسمي ,,

تستاهل أصحابك يحتفوا بيك,
انت صديق صدوق, ودي عمله نادره الزمن ده,

مبروك المعرض الأول,
ورينا ليهو وين عشان نجي نشوف الابداع :)

سنه سعيده عليك,
ودايما أحبابك معاك وحوالينك انشاء الله :)

الف مبروك يا ملك وكل سنة وإنت طيب ياخ













___________
بركة الما كلموك من الأول ... كنت حترفض الفكرة يا ملك

مبروك عليك الأصحاب الحلوين ديل أولا ومبروك المعرض وعيد الميلاد

الصورة دي عجبتني شديد والله فنان كبير

تستاهل كل خير يا ملك
كل سنة و إنت طيب

كل سنه وانت عزيز على اصحابك



برافو عليهم فعلا صورك الكتيره دي كان لازمها محل عشان تتلم فيو

...فى عيد ميلاده الواحد والثلاين,,,كانت هديتهم له
معرض فوتغرافى,,احب هذا الجنس من الاصدقاء,,,واحب ناجى
الملك ذلك الذى حين يصور فإنه يعيد تدوين فعل التصوير ليس
بإعتباره لحظة ما امسكت بها عدسة مصور ما,,ولكن بإعتبار ان التصوير
اكبر من ان يختزل فى صورة ما توضع فى إطار انيق,,إذا(ناجكيز) فى معرضه
الاول الذى منحه إياه جوقة الاصدقاء اولئك فى لحظة تؤاطو جميل منهم,,,فتح
الوعى البصرى عندياتى على الواقعية السحرية للتصوير ,,حيث إلتقاط التفاصيل
اليومية للمجتمع وفق حساسية توثيقية اخالها لا تتوفر إلى لمصور مبدع ومجنون فى
ذات الان,,,مبدع بجنونه ومجنون بإبداعه وقد كان ناجى الملك فى معرضه الاول هذا المبدع
المجنون الذى يتعامل مع المشاهد اليومية بحساسية عالية, ويؤثق لها باجمل مايكون...لتكون
تصاويره فى المحصلة النهائية صور تبعث الدفء... عيد ميلاد سعيد ناجى الملك.....

كل عام وانت الملك ,,,

ناجي ,,تستاهل يا ذوق ,,,

كل سنة وانت طيب يا قريبي


النبي فيك ان ما نزلتلي صورة من شبا

من نعم الاله علي الانسان ان يخصه بصديق صادق العهد وفي
ديل اخوان ما اصدقاء ياناجي و ربنا يديم المحبه
ياخي انا داير اصاحبكم
الف مبروك المعرض وعقبال ميه سنه انشاءالله

ناجي يا فنان
كل سنه وانت طيب
وآلآف التبريكات

نوفل...
وانت بالف خير يا صديق

اكرم حبابكــ الف يا جميل
...
ويا ريت تجى

طارق
ياخ ما قلتا تعال نمشى سوا....
بالمناسبة برضو
عائلة ابو سوار
تغريك السلام...

العريس
عوض عيد ..
وانت بالف خير يا صاحب
... وكوم أشواق

خالد بحر
شُكراً لتواجدكــ يوم أمس
اما ما كتبت فليس فى قدرتى الرد عليه بى أكثر من صورة...
انا مشروع كاتب فاشل ربما...

Quote: ...فى عيد ميلاده الواحد والثلاين,,,كانت هديتهم له معرض فوتغرافى,,احب هذا الجنس من الاصدقاء,,,واحب ناجى الملك ذلك الذى حين يصور فإنه يعيد تدوين فعل التصوير ليس بإعتباره لحظة ما امسكت بها عدسة مصور ما,,ولكن بإعتبار ان التصوير اكبر من ان يختزل فى صورة ما توضع فى إطار انيق,,إذا(ناجكيز) فى معرضه الاول الذى منحه إياه جوقة الاصدقاء اولئك فى لحظة تؤاطو جميل منهم,,,فتح الوعى البصرى عندياتى على الواقعية السحرية للتصوير ,,حيث إلتقاط التفاصيل اليومية للمجتمع وفق حساسية توثيقية اخالها لا تتوفر إلى لمصور مبدع ومجنون فى ذات الان,,,مبدع بجنونه ومجنون بإبداعه وقد كان ناجى الملك فى معرضه الاول هذا المبدع المجنون الذى يتعامل مع المشاهد اليومية بحساسية عالية, ويؤثق لها باجمل مايكون...لتكون تصاويره فى المحصلة النهائية صور تبعث الدفء... عيد ميلاد سعيد ناجى الملك.....

هولاء هم من يجب أن يكتب لهم

<object width="425" height="344"><param name="movie" value="http://www.youtube.com/v/6XIrG2nDh_s&hl=en_US&fs=1&&quo...;/param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/6XIrG2nDh_s&hl=en_US&fs=1&"; type="application/x-shockwave-flash" allowscriptaccess="always" allowfullscreen="true" width="425" height="344"></embed></object>

عنهم
ناجى الزبير الملك

دلال...

سيد الصور ذاتو داير ليهو مكان يتلما فيهو






شكراً للتواجد عن قرب...

أبو جُهينة



وانت طيب يا حبيبنا
وانت بالف خير

مرتضى
سعيد قمة السعادة انى لاقيتك أمس
وانكــ شرفتنى فى معرض الاصحاب...

لى قدام .. إن شاء الله وحبابكــ

Quote: بركة الما كلموك من الأول ... كنت حترفض الفكرة يا ملك

إحتمال 100%
يا شول الفكرة فى الزوغان ...
انا لسه زول هاوي
ولسه بصور بى كاميرات عادية
ولسه ... والله ياشول
لكن تقول شنو
البقت بقت
:)

أمانى ... ياخ الزمن دا بالجد صعب بدونهم
صعب تماماً...

هالة حسن
الف مبروكــ لى الاصحاب أولا وأخيراً
...
فالحياة بدونهم كانت ستكون "وعرة" ...

Quote: الموضوع ده مات هنا... أو كما قال الأحباب/ات

كيف قدرتو تعملو دا كلو ...
يا حسين :)
انا لا أستطيع إختزال كل المشاعر ... التى تنتابنى فى كلمة شُكراً
لذلك سأسكت إلى حين

Quote: ودائماً حولك الأصدقاء ومن تحب ..

أمين يا رب
بالجد أمين
...

ناصر جبريل

مٌبارك لى اصدقائ...
وانت طيب

ريل...

أعلم تماماً ان الحياة تخبى ...كثيراً
لكننى لم أكن أعلم انه "رُب معرض لكــ...يلده أصحابكــ"
يالله على هولاء الأصحاب...

وجمالهم يُضاهى جمال الحياة...
أيقنعت ان الحياة بدون اصحاب... لا تساوى شئ

فادية
:)
انا حقو يباركو لى "الأصحاب" بدلاً عن المعرض والعيد ميلاد...
ففرحى أكبر بهم
...

بس وينك؟

ياخي تشكرات لكل هذا الجمال وكل سنة وانت طيب

يا ناجي عيد ميلاد سعيد وأصحاب حلوين
إنشاء الله دايماً حولك وربنا يخليلكم لبعض

وإنتى طيبة يا إنعام...
انا ذاتى فاقدك الايام دى...
ربنا يمرر الإنتخابات دى وتفضو لينا
:)

قمر بوبا...
شكراً للتواجد عن قرب
وللموازرة فى دروب المنتديات...


يا اخى ...

..
.
حقيقة يا صديقى اننى لا افهم فى ثقافة اعياد الميلاد
ولا اجد تعبيرا سوى كل سنة وانت طيب ..
ولكن .. ان تبدأ مسيرتك بهذا العمل فهو طريق معبد لمستقبل واعد
والحق ..كان يوماً رائعاً ..
وإبداعاً يستحق هذا التقدير ..

كما قلت لك مشوار النجاح يبدأ بلقطه..
وهذه هى اولى خطوات نجاحك عبر كم من الاصدقاء
والاحباء فى جلسة تاريخية لا تنسي ..
وعقبال معرضك العالمى فى باريس ان اشاء الله
ونأتى لنشترى لوحة ( العيد )
بمبلغ 00000$ ( اظن ان 5 ارقام كفاية ) :)


------------

للعلم:
يستمر المعرض مفتوحا للزوار بمقهى بابا كوستا
بشارع الجمهورية حتى 22 مارس فى الفترة النهارية
كما يلتقى الاحباب والاصدقاء والزوار
فى جلسات مسائية غنائية وشعرية طوال تلك الايام ..

وحبابكم عشرة فى معرض Na Gi
الاول ..

وبالتوفيق يا رائع؛؛

Quote: للعلم: يستمر المعرض مفتوحا للزوار بمقهى بابا كوستا بشارع الجمهورية حتى 22 مارس فى الفترة النهارية كما يلتقى الاحباب والاصدقاء والزوار فى جلسات مسائية غنائية وشعرية طوال تلك الايام .. وحبابكم عشرة فى معرض Na Gi الاول ..

للعلم بأننى لم أشر إلى هذا الجزء...لاننى لم اكن أعلم حين كتابة البوست ... حتى متى سيستمر المعرض...
شكراً يا تبلدينا
الايام دى...شايفك ...

يا ملك

عيد ميلادك الاول

ولا معرضك الاول

Quote: للعلم: يستمر المعرض مفتوحا للزوار بمقهى بابا كوستا بشارع الجمهورية حتى 22 مارس فى الفترة النهارية كما يلتقى الاحباب والاصدقاء والزوار فى جلسات مسائية غنائية وشعرية طوال تلك الايام .. وحبابكم عشرة فى معرض Na Gi الاول ..

كدي نفهم

المعرض مفتوح نهار ومساء
ولا باتلليلة المعرض مافي وفي غنا بس
لانو نحن ناس ليل

وليد ...
معرضى او معرض أصحابى ان صح التعبير
فى بابا كوستا ...شارع الجمهورية
حتى يوم 20 من الشهر الحالى
يمكنك الحضور نهاراً...
او ليلاً...
فالمحل أصلا يفتح من الثامنة صباحاً وحتى الساعة الثانية عشر ليلاً...
...
حسب البرنامج ... المصاحب فيوم الأربعاء القادم ...لديهم ليلة جميلة...
أفضل حضوركــ فيها...

Quote: حسب البرنامج ... المصاحب فيوم الأربعاء القادم ...لديهم ليلة جميلة... أفضل حضوركــ فيها...

100%

..
.
والله يا ملكـ
صوركـ كلها ابداع ومعبرة
وحقيقة اعجبنى اختياركـ للصورة الخاصة
بالرد لى .. جدعة وكدا ..

بس برضو ممكن افهم الصورة دى


دى عصفورة بتفرفر فى موية اثناء ما بتاخد شاور
ولا دا الزهايمر


--------

يا مرشح
المعرض مفتوح نهارا ومساءا حتى يوم 20 مارس _ لزم التعديل _
بس الامسيات بتكون فى لمه الصحاب واحتمال تكرار ابداعات مصطفى السنى
وممكن تجى تشرح برنامجك او كما قال نعيم على ..

Quote: دى عصفورة بتفرفر فى موية اثناء ما بتاخد شاور

بس نفس الحاجة القلتها دى...

كانت بتستحم ... على برميل...موية
فى بيت كان "دار الوثائق القومية يوماً ما"
والان فى طور الهدم ...
...
...
إحتمال تكون فى كم حاجة ...خليناها للظروف :)

غايتو ناجي أنا زعلانة شديد، ياخ دي كان ترجاني بيها، نهال دي دايماً هاضمة حقي في الدنيا :(




مبروك يا ملك، المعرض.
كل سنة وأنتَ جميل.
وعقبال كل شيء مفرح.

مبروكــ لى اصحابى يا ثروت..
المعرض بنتهى ...وصورى بنتهى...
وبفضلو لى هُم..!

Quote: إذا كان لا بُدَّ من قمرٍ فليكن كاملاً، ووصيّاً على العاشقة! وأمّا الهلال فليس سوى وَتَرٍ مُضمرٍ في تباريح جيتارةٍ سابقة! وإن كان لا بُدَّ من منْزلٍ فليكنْ واسعاً، لنربي الكناريّ فيه.. وأشياءَ أخرى وفيه ممّر ليدخلَ منه الهواء ويخرج حرّا وللنحلِ حقُّ الإقامةِ والشغلِ في رُكنهِ المهمل وإن كان لا بُدَّ من سفرٍ فليكن باطنيّاً، لئلا يؤدّي إلى هدف وأمّا الرحيل، فليس سوى شغف مرهفٍ بالوصول إلى حُلُمٍ قُدَّ من حجر! وإن كان لا بُدّّ من حلم، فليكنْ صافياً حافياً أزرق اللون، يولد من نفسهِ كأنّ الذي كان كان، ولكن لم يكنْ سوى صورة الشيء في عكسهِ وإن كان لا بُدَّ من شاعرٍ مختلفْ فليكن رعويّ الحنين، يُجعّد ليل الجبال ويرعى الغزالة عند تخوم الخيال، ولا يأتلفْ مع شـيءٍ ســـوى حســّه بالمدى والندى والجمال وإن كان لا بُدَّ من فرح، فليكنْ ساخناً كدمِ الثور، لا وقتَ يبقى على حاله الغناءُ حلالٌ لنا مثل زوجاتنا، فليكنْ ماجناً فاتناً لكي يخجلَ الموتُ منه.. وينأى بأثقاله وإن كان لا بُدَّ من علمٍ للبلاد فليكنْ عالياً، وخفيَّ المجاز.. قليلَ السواد وبعيداً، كأودية، عن جفاف المكان وأيدي الصغار وعن غرفِ النوم، وليرتفع فوق سطح النهار. وإن كان لا بدَّ مني... فإني على أُهبة المرتضى والرضا، جاهزٌ للسلام مع النفس. لي مطلبٌ واحدٌ: أن يكون اليمام هو المتحدّثُ باسمي، إذا سقط الاسم منّي!

كل سنة وانت طيب
friends for ever

شوقى عديل كدا :)
من متين هنا...


كل إعتزازى بكم يا صديقى

...


for ever

الناجي

سلامات

الموضوع دة أجمل حاجة فيهو التفاصيل

في زمنا اللئيم دة

النوع دة من الحب مخرج من الإحباط

والله ديل ناس قلبهم حار ومتصالحين مع نفسهم وسمحين
وإنت بتستاهل أكتر من كدة

واصل ياصديق

الموضوع دا أول مرة يحصل ... بالطريقة على ما أظن

إتمنيت لو كُنتا ...كاتب
... يا عمر خليك قريب ...

فالحياة بدونهم ناقصة....او كما قلت ولكن لماذا يفعل هؤلاء كل هذا او ذاك ..يا ملك اسم وشخص والاجابة
واضحة لانك تستاهل كل هذا فى نظرهم يا للروعة ......

التحايا لهم ولكل كل الامنيات السعيدة وكل سنة وانت طيب يا ملك

ما عندها طعم يا حامد "بدون أصحاب"
...
ما عندها اى شئ

وكل التحايا ليك ...أكتر

يا بختك بأصحابك يا ناجي ..
ويا بختنا نحن بما تنقله لنا من إبداع عبر عدستك ..

شكراً ..
للشباب الذين ..
قدموا لنا ولناجي أجمل هدية ..

معتصم ...
على قول أبوي...محجوب شريف
بختى بختى...

أعتز جدا" بصداقتك يا ناجي

وأتمنى إنو نتلاقى قريب




عاطر التحايا

يا ملك اول امبارح عماد ببو ومصطفي السني اثبتوا انهم اروع ثنائي في الوتريات
ياخ عيد ميلادك ده كرنفال عديل
مبروك عليك يا صاحب

...

Quote: يا ملك اول امبارح عماد ببو ومصطفي السني اثبتوا انهم اروع ثنائي في الوتريات ياخ عيد ميلادك ده كرنفال عديل مبروك عليك يا صاحب

مبروك علينا كلنا يا صاحب
:)

فارس

يا ريت ياخ...بنتلاقى قريب لو ربنا هون

كل سنة و إنت بالف خير ..
و ربنا يديم المحبة في قلوب أصحابكـ يا صاحب ..
ناجي
إنت تستاهل كل خير يا صديق ..

الف مبروك يا ملك وكل سنة وإنت طيب ...
أما الصور فهي في قمة الإبداع في التشكيل بالضوء.

خلف الله عبود
وانت طيب يا سيدى

وربنا يوفق لى قدام..

فيصل نوبى
ما تتخيل الحاجة دى مُفرحة قدر شنو...
رجعت لينا "إعتزازنا بى صحبتنا ... وفهم الصٌحبة فى الزمن الغريب دا...
كان بتمنى تكون قريب
...

Quote: غايتو ناجي أنا زعلانة شديد، ياخ دي كان ترجاني بيها، نهال دي دايماً هاضمة حقي في الدنيا :(

متين دا ؟ معقولة بس أهضم حقك :)

مبروك المعرض..


مبروك العام الجديد..















ــــــــــــــــــــــــ
ومبروك الاصحاب..

سارا...

وكل سنة وانتى طيبة ..

وجودكــ هنا .. أسعدنى...
:) بالكامل

ــــــ
مع انو فى زول كان من "أهل البيت" معاى فى اول يوم فى المعرض

ده كلام جميل منهم
وكمان جميل منك ... كل سنة وانت طيب
وكل سنة وديل اصدقاءك

وتركنا اثرنا على الرمل
ما ابدع الاصحاب
وما اجملك
عام سعيد

يا ملك المؤسف فى الحكاية دى كلها
إنك بلغت الواحد وتلاتين ... ودى فى لغة
(الكوشتينة) إنك للأسف (حرقت) ... والحريق
ده لما يحصل والزول ما يزال (عانسا") بتبقى
بداية لعوجة كبيرة (خلاس) ...

عموما" ولعظم المناسبة وتكريما" (للمعرض) بتاعك
بنديك فرصة إضافية لحد (التلاتة وتلاتين) ... ما قصرنا معاك موش؟؟؟؟؟


والف مبروك .. وعقبال العمر الطويل والمعارض (المجيهة) ...

يا سلام...

peace and love
on earth
...

lucky you Mr king
with best
.. friends forever


with greetings &love..

الف مبروك ياناجى و تستاهل.

عيد سعيد، و كل التحايا لأصدقائك/تك الجميلين/ات

وإنتى بالف خير يا ندى
:)

أمين صديق
.. فى إطار برنامج شعرى مصاحب
فى قصيدة حملت رائحة عطبرة ...وتلك الأبواب القديمة

تِك تِك ...

صفاء
يا اُم الحمامتين ...
وجودك هنا هو الذى يصفى "عكر " كُل شئ


علك بخير وأسرتك الكريمة

قوي

كُنت أعلم اننى كُلما تقدمت فى العُمر..كلما ضاقت الاعين ...وتساقط الشعر :)
لكن ...هذه السنة حملت لى بعض الامل فى أصدقاء
تطوعو ..لاشعال ... الامل فى داخلى
بحلم قد يتحقق ... حين إبتعدت الحبيبة...
وظلت ظروف الحياة ...أصعب
...
تعلم اننى أحب وجودك هنا وهناكــ
فالمرء " يصاحب المتزوجون عادة"
علهم ... يجلبون عليه... عافية الزواج المُبكر

الواحد فينا لو "عرس"
يا ربى بسمع غُناء تانى

محمد السنى
...
أستاذى وسيدى ...
كل سنة وانت قريب مننا ...
وتمدنا بكل الحُب الذى ربيتنا عليه

معتصم ود الجمام

Quote: تعرف يا ناجي امبارح الوالد قال لي جابو معرض صاحبكم في الجرايد وكان متكيف انو الشباب بقي عندهم امكانية الوصول لي اهدافهم وما اتغمسوا في الجو العام بتاع الاحباط الحاصل ده وانفتح بعد داك حوار عن شكل الحراك الثقافي المفروض يكون حاصل بصورة طبيعية بدل تكون زهرات معدودات في وسط صحراء قاحلة

...
...

طالما هناك اصحاب اوفياء
وهناك امل
يفرهد الخير على الأغصان الجافة
لهم محبتي وورودي

رائع ياملك !

وعيد ميلاد سعيد لك ولأصدقائك .

وبى كده إنت بتُولد فى كل يوم جديد .


لو كنا فى الخرطوم كان جيناكم جري


الحب لك ولأصفيائك


مامون .

كل سنه وانت طيب يا صاحب
والله تستاهل أكتر من كدا ومكانتك اكبر
وبعد دا يا ريت الناس تكفي جزء من الانت بتقدمه ليهم

لأنك إنسان نبيل فوجئت بتجهيزات أصدقائك لك
ولكن مثلك يا ناجي يستحق كل الخير لأنك نقي للغاية..
كل عام وانت تضيء سموات أصدقائك
لنا

لنا ...
كل عام وبلدنا هذه ... فيها أمل تبقى أجمل
وبكرة يطلع أحلى

عُلا
اول مرة اشوفك بى جاي...
يا ام كريم
كل سنة وانتى قريبة
....
ومعانا

مامون
..
يا ريت لو كان شرفتنا بالجية...
من نعم الله ان يحبب فيك خلقه...

محمد السنى
...
وما زلنا ننتظر ورود على ... طريق الحياة

يا أبى

ملايين التبريكات يا ناجي يا جميل يا صاحب القلب الجميل

ما عرفت بالموضوع دا الا هسه هنا !

باحاول اجي بكره ان شاءالله .



مودتي التي تعلمها .

الله يبارك فيك يا دكتور... وليد
ان شاء الله نتلاقى هناك قريب