Post: #1 Title: عطبرة ,,,Atbara Author: الملك Date: 04-12-2008, 00:29 AM Parent: #0
ما زالت كما هى .. ..
نفس الشوارع القديمة ,,!!
Post: #2 Title: Re: عطبرة ,,,Atbara Author: Osama Mohammed Date: 04-12-2008, 00:36 AM Parent: #1
ما بي السمنة وكده....
ما تنخلع يا ملك
أنا ابوسولارا
Post: #3 Title: Re: عطبرة ,,,Atbara Author: الملك Date: 04-12-2008, 00:41 AM Parent: #1
.. .. سوق الريح "لا اعلم من اين اتى الاسم ربما من قبل ان أولد؟!"
..
Post: #4 Title: Re: عطبرة ,,,Atbara Author: الملك Date: 04-12-2008, 00:56 AM Parent: #1
.. والمواقف القديمة,,!! غابت فقط تلك الباصات العتيقة,,!!
Post: #5 Title: Re: عطبرة ,,,Atbara Author: الملك Date: 04-12-2008, 01:06 AM Parent: #1
.. كحال كل السودان ,,ثقافة أهل البلد ومواضيعها الحية تكتب على العربات ,,وفى الأماكن العامة .. لكن هذه العبارة لا تمت للمدينة العمالية بى صلة,,!!
Post: #6 Title: Re: عطبرة ,,,Atbara Author: الملك Date: 04-12-2008, 01:11 AM Parent: #1
عيادة د. فلبس مرقس محروس
أكثر الأماكن التى دخلتها فى صغرى وأحاول على مدار أعوام قراءة تلك "اليافطة" ..بلغة سليمة,,!!
Post: #7 Title: Re: عطبرة ,,,Atbara Author: الملك Date: 04-12-2008, 01:13 AM Parent: #1
واماكن خاصة جداً
وحنينة...
Post: #8 Title: Re: عطبرة ,,,Atbara Author: الملك Date: 04-12-2008, 01:16 AM Parent: #1
من هنا كانت الصافرة ,,!!
كل صباح ومساء,,!
Post: #9 Title: Re: عطبرة ,,,Atbara Author: الملك Date: 04-12-2008, 01:39 AM Parent: #1
إرتبطت الذاكرة بعطبرة باغنية قطار الشوق والبلابل وهى اغنية كاملة الحنين والعطبراوى رحمة الله عليه واسمها الذى ارتبط بإسمه وأغنية مجموعة عقد الجلاد والقطار المر الخ تلك الأغنيات المليئة بالحنين والشوق,,!!
Post: #14 Title: Re: عطبرة ,,,Atbara Author: الملك Date: 04-12-2008, 02:23 AM Parent: #12
Quote: يا للهوى ..
يا للهوى ..
ما يفوتكــ "وانا داخل على عطبرة فى كل عودة يملأنى شعور أنها تغنى هذه الاغنية "
لى,,,!!
.. ..
Post: #13 Title: Re: عطبرة ,,,Atbara Author: الملك Date: 04-12-2008, 02:20 AM Parent: #11
.. ..
Quote: مش قبل كده سألتك يا ناجي ، بتجيب الحنان ده من وين ؟
طلال هل يوجد فى خارطة الكون مكان ,,,غرست فيها شجرة مثل هذه ,,!! فى يوم مولدكــ,,,وأًصبحت رفيقة الدنيا معكــ,,!! زى "الحبيبة" .. .. وما تكون مليان حنية,,؟ رغماً عن أنف الإغتراب
Quote: سوق الريح "لا اعلم من اين اتى الاسم ربما من قبل ان أولد؟!"
.....يا...... الملك.......ازيك...
الاسم للمرحوم حاج .... الريح الفكي (السنهوري) والد العميد م. محمد الريح .... عضو اليورد ...
..... الحقيفه ... هو ليس السوق ... يل موقف بصات المدينه ...هو المسمي ... ..موقف بصات حاج الريح ..... لملكية الارض... و اطلالتها علي ارضه الواسعه جدا و مسوّره... (حوش كبير به غرف متباعدة التوزبع و بها وداخل الحوش ايضا تتوزع بعض العناقريب و تفرش بعض البروش) للبسطاء و المسافرين و السابله ...(تكيّه)...علي سور الحوش الغربي مظله تمتد بطوله ....للسيدات.ستات الشاي.... ...... و سائقي البصات. واللواري السفريه .... و بالجانب الشمالي ...الطاحونه ...( طاحونة حاج الريح).... ........ كان يديرها المرحوم فتحي ابو العلا و اولاده......وهاب ...سمير...بعشوم ....المرحم كمال .... ..في البدء ... قصر الاسم علي الموقف (موقف حاج الريح) ..... ثم تمدّد....
....ورد و وحب ...للجميع
...شكرا.... .....
Post: #20 Title: Re: عطبرة ,,,Atbara Author: الملك Date: 04-12-2008, 09:36 AM Parent: #17
hololy ... ...
Quote: الاسم للمرحوم حاج .... الريح الفكي (السنهوري) والد العميد م. محمد الريح .... عضو اليورد ...
..... الحقيفه ... هو ليس السوق ... يل موقف بصات المدينه ...هو المسمي ... ..موقف بصات حاج الريح ..... لملكية الارض... و اطلالتها علي ارضه الواسعه جدا و مسوّره... (حوش كبير به غرف متباعدة التوزبع و بها وداخل الحوش ايضا تتوزع بعض العناقريب و تفرش بعض البروش) للبسطاء و المسافرين و السابله ...(تكيّه)...علي سور الحوش الغربي مظله تمتد بطوله ....للسيدات.ستات الشاي.... ...... و سائقي البصات. واللواري السفريه .... و بالجانب الشمالي ...الطاحونه ...( طاحونة حاج الريح).... ........ كان يديرها المرحوم فتحي ابو العلا و اولاده......وهاب ...سمير...بعشوم ....المرحم كمال .... ..في البدء ... قصر الاسم علي الموقف (موقف حاج الريح) ..... ثم تمدّد....
مثل هذه الأشياء لا بد ان تكتب يوماً ما ,,,ربما للتذكير,,,!! أنا أذكر "القشاشة" كانت على شرق السوق ,,وعادة ما تكون فى العصرية قِبلة أهل عطبرة شكراً جزيلاً لك وامنياتى أن تواصل .. ..
عطبرة العظيمة عظمة اهلها كم احبها وزرتها آلاف المرات منذ مولدى ويتواجد بها اعمامى وعماتى متوزعين بين كدباس وبربر وعطبرة ولزاما على المرور سنويا بهذه الاماكن الرائعة روعة اهلها ,,,,,,, لك التحايا والى الامام ونحن معك بذكرياتنا ام وضاح
الزونيا ... كنا ندخل خلسة لحدائق بيوت كبار ضباط سلاح المدفعية بشارع النيل ( قرب نادي التنس و المدرسة الأمريكية ) ... ثم نتسلل من فتحة في السور المسور بالأسلاك الشائكة .. و نأكل ثمار الزونيا التي كانت تلون ثيابنا و تبقى بها ألوانها البنفسجية إلى الأبد.
***
رحمك الله يا عطبراوي ...
شكرا يا ملك .. واصل
Post: #22 Title: Re: عطبرة ,,,Atbara Author: الملك Date: 04-12-2008, 09:49 AM Parent: #19
ابو جهينة,, منزل رقم (1) ويسكنه مدير السكة حديد ,,
Quote: الزونيا ... كنا ندخل خلسة لحدائق بيوت كبار ضباط سلاح المدفعية بشارع النيل ( قرب نادي التنس و المدرسة الأمريكية ) ... ثم نتسلل من فتحة في السور المسور بالأسلاك الشائكة .. و نأكل ثمار الزونيا التي كانت تلون ثيابنا و تبقى بها ألوانها البنفسجية إلى الأبد.
كانت أيام بنفسجية إذن ,,,!! يا حليلا,,! للزونيا او لثمارها مذاق لازع وحلو "حاجة أقرب ما تكون للكمثرى" طاعمة ,,,وهشة وتملأ الفم بألوان فاضحة ...
Post: #21 Title: Re: عطبرة ,,,Atbara Author: الملك Date: 04-12-2008, 09:43 AM Parent: #18
أم وضاح ... مدرسة عطبرة الجديدة .. .. لعطبرة طباع تطبع على نفس اى شخص ,,,تعلم او درس ,,او قضى بعد العمر هناك ولغالبية أهلها ,,,صفات الطيبة والسكون ,,,والخروج عن طوع العسكر,, ..
(إرتبطت الذاكرة بعطبرة باغنية قطار الشوق والبلابل وهى اغنية كاملة الحنين والعطبراوى رحمة الله عليه واسمها الذى ارتبط بإسمه)
الغنوة دي اول من تغني بها فنان اسمو الزكار يسكن حي خليوة واظنه الان بالخليج
عبد الله عيدروس .. .. ود جيرانا "الحيطة بالحيطة" اما زلت تذكر "السوق الصغير" وجامع التوبة؟؟!!والله لو نسيت انا منو كمان ؟؟تبقى مشكلة سايبرية الاغنية تغنت بها البلابل على "ذمة"إسماعيل التاج فى حلقة تلفزيونية عام 1988 فى بوست قديم على ما أستحضر من الذاكرة .. العطبراوى أرتبط أسمه بالمدينة لزوم "المعرفة"ليس إلا,,
شكرا يا ملك عطبره الجميله بلد الحبايب عطبره الجميله بلد القرايب كما كانت تغني لها فرقة جاز دانا وفرقة جاز السكة الحديد رغم أن الأيام ظلمتها ردحا من الزمان لكن هاهي الدورة تدور وعطبره تسطع كدرة تربط السودان وتشمخ كواسطة العقد التحية لكل الطيبين بعطبره خاصة المرابطين بالسكه الحديد بالمستشفي بالسوق الكبير سوق المورده الحصايا المحطه حاج الريح اسرة العطبراوي اسرة الرشيد مهدي ناس حبيب باسطا والسيرة تمتد وتطول
عطبرة الحكومية الجديدة(مدرسة الجلود) الحكومية الثانوية النيل الثانوية الاميرية المتوسطة ومسعود وعطبرة الجديدة الوسطي الداخلة حلة الحلب السوق الصغير(سوق الداخلة) فرن متولي دكان عقلان سوق الخضار وعم علي البدوي رحمة الله حي العمال المرحوم احمد بردان نادي العامل النادي الاهلي في حلة الصنفور العدوين اللدودين نادي الوادي والوطن نادي الجيل امام مدرسة الشمالية الابتدائية الحصايا والفكي مدني خليوة الامتداد الشمالي والشرقي حي المطار السيالة والسيالة الجديدة(الافران الالية) جامع نواوي الداخلة تحت استاذ يحيي محمد نور رحمة الله استاذ محمد حمد شلالي استاذ بحر والقامة استاذنا عثمان السيد ذلك الذي عرفنا علي الشاعر تاج السر الحسن شاعر اسيا وافريقياوغيرهم من افذاذ الادباء والشعراء الاستاذ زاهر في الحكومية الجديدة اه ما احلاكي يا مدينتي والبقية تاتي قريبا انشاء الله
مدينة حتما تحيا في خاطر كل من ( مر ) بها لم أمر كانت مسقط رأسي ... وذكريات طفولتي المبكرة .. في حي (السودنة ) ذلك البيت ........ جوار (المطافي) وطريق عبر الكبري الحديد للدامر ... يمر من جانب النهر و( ماسبيو)
زمن لم يبقي منه غير أشتات ذكريات بعيدة ... أو بعض الصور في ألبوم ( قديم ) به أشياء كثيرة ... غيرها الزمن
الزبير صالح .. ربما الذاكرة لا تسع,,!! ما تبقى من الأطلال,,!
Post: #38 Title: Re: عطبرة ,,,Atbara Author: غاده محمد موسى Date: 04-13-2008, 01:42 AM Parent: #37
الاستاذ الفنان الملك... سلامى ليك ولجميع من مر من هنا ... عطبره مدينه تستحوذ على كل الذاكره يا عزيزى ..وليس فقط ناصيه منها.. كل المدن السودانيه لها ما يميزها ..لكن عطبره كلها مميزه ومتميزه.. (العزه فيك يا عطبره)..الانسان فى عطبره جميل وولوف وصامد وحبوب.. حبووووب يفتح ليك قلبو قبال باب بيتو...اى زول عرفتو هناك احتل مكان خاص فى قلبى وذاكرتى .. (وايه يعنى مكان ما فيهو صديق.. او مشوار ما فيهو رفيق) زى ما بقول وهيب بكرى...كل ما اشتهى الان مشوار من السودنه لامبكول (كدارى) واجى شاقه السكه حديد (شايفه البوابه واقفه براهافى الصوره) ما ح اوريك انا ماشه وين لكن هناك ح اشرب اجمل شاى مع اجمل ناس... واصل... خالص الود غاده
Quote: ...كل ما اشتهى الان مشوار من السودنه لامبكول (كدارى) واجى شاقه السكه حديد (شايفه البوابه واقفه براهافى الصوره) ما ح اوريك انا ماشه وين لكن هناك ح اشرب اجمل شاى مع اجمل ناس...
مشوارك ده عمومى واللا خاص غايتو أنا عجلتى لسه فى,,!! اهم ما يوجد فى عطبرة "لدعم الكدارى " الازيار ,,,والمزيرة فى كل ركن دى
Post: #77 Title: Re: عطبرة ,,,Atbara Author: غاده محمد موسى Date: 04-15-2008, 11:40 PM Parent: #46
الملك وجميع من مر من هنا تحياتى.. ابدا ما فى اى خصوصيات( والله)..ماشه لناس حنان الكور ولو وريت الشباب كلهم ح يتخمو ويجو هناك ..عارف واحده من الجماعه ديل اسمها( نوسه) قامت بقت صاحبة( احلام سمحون) بعد داك طبعا كلنا بقينا صاحباتا وزاحمنا ليك( نوسه) ..اها يقوم الاستاذ (محمد السنى دفع الله) يتزوجا وطبعا العرس استلمناهو زى الترتيب ما كمان العروس صحبتنا والبيت بيتنا..اها مش لى حق ما اوريك ماشه وين؟متاكده لو وريتك بلقاك قدامى وتصاحبم اكتر منى..
...تحياتى للاستاذه احلام والاستاذ محمد السنى..بيت احلام فى عطبره كان ملاذا امنا لنا فى تلك الايام..ليس هناك كلمات تعبر عن شكرى وامتنانى.. خالص الود غاده
لك الشكر الكثير الاخ الملك، فقد هيجت فينا كثير من الزكريات. والشكر للاخ الزبير الذي زكرنا بالاساتذة الاجلاء استاذ بحر، استاذ زاهر ، الاستاذ العلامة استاذ عثمان السيد وأضيف استاذ صلاح خرساني، استاذ عصمت (في مدرسة الشمالية المتوسطة)، وبقية العقد الفريد في ذاك الزمن الغريب في عطبرة.
التحايا والتجلة لكل أهل عطبرة فهي مدينة فريدة ذات طباع اصيلة سكانها.
عابدين - الخرطوم (حاليا).
Post: #42 Title: Re: عطبرة ,,,Atbara Author: محمد سنى دفع الله Date: 04-13-2008, 10:23 AM Parent: #40
عطبرة بلد الحبايب والصحاب الأوفياء وين سينما عطبرة ومسرح عطبرة وجيب لينا شجرة الزونيا دي قريب محبتي مودتي
Quote: عطبرة بلد الحبايب والصحاب الأوفياء وين سينما عطبرة ومسرح عطبرة وجيب لينا شجرة الزونيا دي قريب محبتي
محمد السنى "أستاذى" .. .. حاجيبا المرة القادمة "لو تبقى فى العمر بقية" لم اتم بعد ما بدأت ,,,حتى الأن حتى الان هى مقتطفات ليس إلا نادى الأهلى ,,,أنظر تاريخ التاسيس
حبيبنا الملك السلام ليك مطرز بالحنين .. ممزوج بمحبة عطبراوية صادقة ..
Quote: الاغنية تغنت بها البلابل على "ذمة"إسماعيل التاج فى حلقة تلفزيونية عام 1988 فى بوست قديم على ما أستحضر من الذاكرة
فعلاً القول ماقاله أخونا العايدروس .. قطار الشوق هي رائعة فنان عطبرة المبدع الزكار .. التي عطر بها ليالي عطبرة .. وقد كان مقيماً بالسعودية .. لفترة طويلة بعدته عن الوسط الفني..وقد شهد الرعيل الأول في عطبرة أن الزكار .. أفضل من تغني بأغاني الحقيبة .. وكان ذو تطريب عالي . شاعر الأغنية أيضاً من عطبرة لقد سقط إسمه من ذاكرتي الخربة .. نظم هذه القصيدة عندما كان عائداً من بورتسودان إلى عطبرة لقضاء عيد الأضحية .. وقد تعطل القطار قبل محطة هيا ... وكان الحنين والشوق إلى عطبره يعتلج بدواخله .. فأتانا بهذه الرائعة الخالدة [ قطار الشوق ] .. ونشكر لحسين شندي عودته إلى الحق .. حيث أنه صرح في قناة شروق في السهرة التي بثت يوم الخميس الماضي أن ملحن أغنية قطار الشوق هو [ الزكـــــــار ] .. لكننا نصححه مرة أخرى ونقل بل صاحب أغنية قطار الشوق هو [ الزكــــــــار ] .. تحياتي ، أخوك/ خالد سعيد أدريس الأرباب عطبرة الدرجة الثانية ____________________________ ياريت ياملك لو تأتينا بصور من الدرجة أرض الأهل والحبابيب .. وصورة لمنزل الأستاذ / حســــبو مربي الجيال [ الإمتداد الشرقي ] .. حيث أنه مكان يحتل في القلب مساحات ومساحات .
لا حوللاااااه... ياخي انا متابع اعمالك في البورد من زمن (عاصفة تقترب من الخرطوم) ولحدت حكايتك مع المسنجر والبنات البفتشو ليك في العروس .. اصلو ما خطر ببالي انو الفنان ابودقن ده ياهو ولد بت جيرانا الصغمبروتي الضعيف زي القصبة داك (لاحقا ولد جيرانا) وقسما اكان في الزمن داك قلتا تصور عاصفة زي دي في عطبرة الا كان اهلك بعداك يفتشوك في الصحراء الكبري .. ازيك يا ولد يا ناجي ... ياخي صورتك دي رجعتنا لي زمن عجيب وحنين سوق النص بحي الحصايا مطعم عمك علي الحسن واولاده جمال وحسن(الطاجون) وكمال وعثمان نورة .. ومدير المطعم جمال المنصوري.. دكان عمك الطاهر وعمك العيدروس ومطعم العربي ادارة الزبير ..جزارة مانديلا لصاحبها علي الجزار ودكان عمك حمزة العجلاتي وابوزيد العجلاتي ..ونادي الاتحاد.. وحظمر بائع الطعمية
نسال الله الرحمة للمتوفين والصحة وطول العمر للموجودين كما احي عبرك اخوالك ال حمدتو (اها لقيت الزاكرة كيف) يازول طلعتا ولدنا تب بعد ده بوستك ده بنجيك فيهو تاني لي زكريات عطبرة
عبدالله عيدروس
Post: #54 Title: Re: عطبرة ,,,Atbara Author: معتصم محمد صالح Date: 04-13-2008, 01:15 PM Parent: #52
Quote: الطاجون
Quote: حظمر
Quote: عقلان
لك التحايا يا ملك ..
الاسماء اعلاه لا توجد الا في عطبرة وبمجرد ذكرها اعود الى العام 1980 حيث كافأني والدي برحلة الى عطبرة عقب تفوقي في الامتحانات وامضيت اكثر من شهر مع عمي في حي امبكول الذي كان عمي من اوائل قاطنيه .. واذكر انني قفزت من قطار كريمة برفقة ابن عمي قبل ان يدخل القطار الى المحطة كما كان يفعل غالب اهل امبكول عند قدومهم من الخرطوم وكانت ايضا اول مرة اركب فيها القطار .. واول مرة ادخل فيها السينما وايامها كان فيلم ( قرباني ) حديث عطبرة ..
Post: #63 Title: Re: عطبرة ,,,Atbara Author: الملك Date: 04-15-2008, 00:51 AM Parent: #54
معتصم
قطر كريمة ده ممكن تنزل منو وتنطنط وتركب تانى ,,,عادى "قطر براحة على قولهم"
أكثر ما دخلت فى صغرى ,,,كانت سينما الجمهورية كانت ممتلئة عادة حين ظهور اى فيلم جديد "كانت ايام لا تعوض,,!!"
Post: #62 Title: Re: عطبرة ,,,Atbara Author: الملك Date: 04-15-2008, 00:46 AM Parent: #52
Quote: لا حوللاااااه... ياخي انا متابع اعمالك في البورد من زمن (عاصفة تقترب من الخرطوم) ولحدت حكايتك مع المسنجر والبنات البفتشو ليك في العروس
البنات يفتشوا شنو ,,!! ديل طلعن حاقدات ساى
وخاصة دينا خالد .. ..
Quote: اصلو ما خطر ببالي انو الفنان ابودقن ده ياهو ولد بت جيرانا الصغمبروتي الضعيف زي القصبة داك (لاحقا ولد جيرانا)
انا لحدى اسى قصبة,,!! ما تغشك الصورة بالمناسبة انا اتعرفتا على عماد "صدفة" فى الخرطوم فى صدف غريبة جداً,,!!
Quote: ازيك يا ولد يا ناجي ... ياخي صورتك دي رجعتنا لي زمن عجيب وحنين سوق النص بحي الحصايا مطعم عمك علي الحسن واولاده جمال وحسن(الطاجون) وكمال وعثمان نورة .. ومدير المطعم جمال المنصوري.. دكان عمك الطاهر وعمك العيدروس ومطعم العربي ادارة الزبير ..جزارة مانديلا لصاحبها علي الجزار ودكان عمك حمزة العجلاتي وابوزيد العجلاتي ..ونادي الاتحاد.. وحظمر بائع الطعمية
نسال الله الرحمة للمتوفين والصحة وطول العمر للموجودين كما احي عبرك اخوالك ال حمدتو (اها لقيت الزاكرة كيف)
Quote: "المزيرة دى فى البيت "الحلة التحت" أصر "عمرو" على إنى لازم أنزلها ,,فى سودانييز اونلاين
تعرف برغم كل الصور الجميلة جدا لكن لما شفتا صورة المزيرة دى حسيت باحساس غريب جدا ..... وان تفاصيل هذة المزيرة محفورة فى وجدان ذاكرة من الزمن الجميل تنتمى اليها وتكاد تلمسها وتتحسسها . تعرف حتى نمل هذة المزيرة اعرفة تماما وصداقتنا عميقة وممتدة حيث كنا نقضى اجمل الاوقات تحت هذة المزيرة مع اكل الملح و الليمون من الشجرة الكانت مجاورة للمزيرة .
شكرا عمرو يا فنان والتحية للاهل والشباب
Post: #65 Title: Re: عطبرة ,,,Atbara Author: الملك Date: 04-15-2008, 01:10 AM Parent: #58
Quote: تعرف برغم كل الصور الجميلة جدا لكن لما شفتا صورة المزيرة دى حسيت باحساس غريب جدا ..... وان تفاصيل هذة المزيرة محفورة فى وجدان ذاكرة من الزمن الجميل تنتمى اليها وتكاد تلمسها وتتحسسها . تعرف حتى نمل هذة المزيرة اعرفة تماما وصداقتنا عميقة وممتدة حيث كنا نقضى اجمل الاوقات تحت هذة المزيرة مع اكل الملح و الليمون من الشجرة الكانت مجاورة للمزيرة .
انا دفنت فنلتي تحت سور الكتف الايسر من البوابة الظاهرة في السور دة عام 82 اذا لم تخني الذاكرة ايام بناء النادي ولعبت في اشبال الاهلي عام 84 ايامها السيد حسن عبد السلام امين خزينة نادي المريخ الان كان سكرتير النادي وقتها.
عطبرة نادي ابناء دنلا ذلك المكان الذي اقيم فية الاسبوع الثقافي لرابطة ابناء النيل بمعهد الكليات التكنولوجية.هل ما زال في مكانة.
نعم سيدي هذا الميدان هو ميدان النادي اِلأهلي ويقع شرق النادي وغرب مسجد الداخلة والذي علي ما اتذكر قدساهم في فكرة بنائة السيد ياسين شقيق ود السفير أحد قياديي النادي الأهلي وأحد أفذاذ اللاعبين في الشطرنج في السودان وقد بناة أحد شيوخ الخليج بناء علي طلب السيد ياسين بعد ان شعر بمعاناة أهل المنطقة مع صلاة الجمعة حيث كان علينا الهجرة لجامع نواوي او جامع السيالة وكلاهما بعيد عن الحي. وقد كان الميدان عبارة عن مكب نفايات الحديد الناتج عن الحداة في ورش السكة حديد في فترة سابقة.وقد ساهم البروفسير عبد الله احمد عبد الله وزير الزراعة الأسبق في بناء النادي ومنح أرض الميدان المذكور للنادي الأهلي ، علي ما أذكر.
"إعتزارى لوصولى متأخر يوم "الرياض",,!! ولم أقابلك,,!! بعدها..!
Post: #92 Title: Re: عطبرة ,,,Atbara Author: سيف الدين حسن العوض Date: 05-18-2008, 07:03 PM Parent: #91
عطبرة الرائعة بروعة اهلها طبعا
Quote: ما بالسمنة وكده
هذه العبارة كان يرددها احد ابناء عطبرة الرائعين وهو يبيع باسطة من صنعه ليبيعها في محطة السكة الحديد وكان ينادى على ركاب قطارات السكةالحديد بمحطة عطبرة لااذكر اسمه جيدا ولكن اظن ان اخونا عبد الله عيدروس يعرفه لانه كان يقطن قريبا من منزلهم ... ومنع حقيقة في وقت لاحق بالنطق بهذه العبارة الجميلة كما عرفت من بعض الاخوة لاحقا ... وقد هاجر واغترب صاحب العبارة كحال الكثيرين من عطبرة ... التحية لك يااخ ناجى الملك والتحية لكل الاخوة المتداخلين من ساكني عطبرة الرائعين جدا كلما تذكرت عطبرة تذكرت كل تلك الاشياءالجميلة التى ذكرت من قبل وتذكرت معها سوق الحصايا وتلفزيون عطبرة الريفى وكبرى السكة الحديد وعمارة عباس محمود واستوديو النصر والعطبرواي الله يرحمه والرشيد مهدي وعوض الله دبورة الله يرحمه وموسى متى ومكاتب العموم وورش السكة الحديد والداخلة والسيالة و المربعات والسوق الكبير وسوق الخضار ويافطات السينما وقهوة ود البيه وموقف حاج الريح او سوق حاج الريح سابقا عطبرة مدينة جميلة جدا واجمل مافها اهلها الرائعين من امثالك اخى الملك كنت وما زلت من قاطني عطبرة بالاضافة لذلك كان الاخ محمد عبد العاطى زميلي في مدرسة مسعود المتوسطة اما اخ الشهيد فهو جارنا في الحي وزميل اخوتى مودتى
ما بالسمنة وكده ... عبارة عطبرواية تربينا عليها وكانت فى عبارة تانية على ما أذكر معناها تعال بكرة بدرى ياخى الذاكرة ضرابة مرة واحدة عشان كده بنحاول ننعشا بالصور ,,!!
.. سوق القيقر ..
Post: #94 Title: Re: عطبرة ,,,Atbara Author: سيف الدين حسن العوض Date: 05-19-2008, 04:38 PM
الاخ ناجي الملك دعنى احييك اولا على هذا البوست الرائع ثم دعني احيي عبرك زمرة من اهل عطبرة الاوفياء منهم على سبيل المثال لا الحصر الاستاذ / عثمان السيد الاستاذ / مصطفي بحر الاستاذ/ بولادي الاستاذ/ عيسي عبد السيد عيسي والاستاذ / احمد على او احمد بلاغة كما يحلو لنا ان نطلق عليه ومن الشباب الصاعد الاستاذ / الشيخ محمد الشيخ والاستاذ/ محمد الخير احمد محمد ابراهيم اوكما يحلو لتلاميذ عطبره ان ينادونه بود الخير ومن السكة الحديد المهندس / محمود عبد العظيم والبقية تاتى ان شاء الله تعالى
صاحب العبارة الشهيرة «بالسمنة وكده» يتحول من محطة القطار بعطبرة إلى موقف البصات حوار :
صلاح الدين مصطفى
عثمان أنس شخصية معروفة في نواحي عطبرة، بل كل النواحي الشمالية، ولا نبالغ إذا قلنا إن شهرة هذا الرجل تجاوزت حدود السودان إلى الخارج وخاصة دول الخليج وقد اشتهر الرجل ليس لكونه بطلاً، أو لأنه اخترع جهازاً عظيماً أو لكونه شاعراً أو أديباً، ولكن لأنه كان يبيع «الباسطة» بطريقة مميزة في محطة السكة الحديد بعطبرة. في موقف البصات وبمجرد وصولنا إلى مدينة الحديد والنار سألت عنه، ليس باسمه بل بوصفه الذي اشتهر به، ودلوني على مكانه، ويا لغرابة الصدف فقد كان في أول مكان تطأ أقدامي فيه بعطبرة في محطة البصات، حيث ارتحل إلى هناك وفتح كشكاً تناسب بضاعته راكبي البصات السفرية الحديثة التي تعمل بين عطبرة والخرطوم. ليس من رأى كمن سمع ولقد دهشت حقيقة عندما أشار لي أحدهم نحوه فقد كنت أظنه هرماً مسناً بسبب الشهرة وطريقة تقليد الناس له في مناداته وهو يرغِّب راكبي قطارات الشمالية وبورتسودان صائحاً بطريقة مميزة «ما بالسمنة وكده». بعيداً عن المايكرفون رحب بي ترحيباً حاراً وكنت أظن أنه سوف يقابلني بفتور، ولكنه طلب أن نبتعد قليلاً من المحل الذي يضج فيه مايكرفون الاذاعة بصوت جهوري وجزيرة الفيل تتلاعب بالمريخ وتتقدم عليه بهدفين والجميع يتابع هذه الملحمة عبر سماعات كبيرة لجهاز تسجيل وراديو في المحل، فانسحبنا إلى مكتب أحد البصات السفرية.
حكاية «باسطة»
حكى لي قصته ببساطة شديدة فقال: كنت أبيع «الباسطة» في محطة القطر التي كانت تمثل عالماً متكاملاً ومجتمعاً له تقاليده وعاداته في الحل والترحال، وحتى أبيع بضاعتي فكنت أصيح على الزبائن بطريقة معينة «حيث أن صوتي به قطعات»: (ما بالسمنة وكده»!! فانتشرت العبارة بسرعة وعمت القرى والحضر وأصبحت على كل لسان وصارت تقال في مناسبات مختلفة وبايحاءات مختلفة، ولها دلالات ورموز وكما يقولون «يغني المغني وكل يبكي على ليلاه». «ما منعونا وكده»! وعندما استفحل الأمر وسط المجتمع استدعوني «الجماعة» وطلبوا مني عدم ترديد هذه العبارة، ولكن لم يتقبل الركاب وزبائن هذا الصمت فكانوا يسألونني عن العبارة الشهيرة وبنفس الايقاع كنت أقول لهم «ما منعونا و كده».. والغريب في الأمر أن العبارة الأخيرة انتشرت أيضاً واصبحت لها معانٍ ورموز ودلالات.
من القطارة إلى البصات يقول عثمان أنس وبتدهور السكة حديد اختفت «الباسطة» من محطة القطار واختفت كل العبارات الخاصة بها ونسى الناس الموضوع هنا في عطبرة ولكن في نواح كثيرة لا يزال الناس يتذكرون «ما بالسمنة وكده» وفي الفترة القريبة الماضية كتب الصحفي عثمان ميرغني مستشهداً في مقاله بهاتين العبارتين وقد كان يكتب عن منع الصحافيين من الكتابة ولم يذكر اسمي ولكن اعادني إلى ذاكرة العطبراويين من جديد. لكل مقامٍ مقال وعن الوضع الجديد يقول: طبعاً الباسطة لا تناسب ركاب البصات السياحية وقد كانت احدى مميزات محطة السكة الحديد بعطبرة وعندما تدهورت المحطة كان لا بد من البحث عن مهنة أخرى فكان هذا الكشك الذي يوجد بمحطة البصات السفرية، وقد يرى البعض أن هذا تطور، ويحزن آخرون لانهيار امبراطورية السكة الحديد.. ولكن هي الاقدار على كل حال..
اجرى الحوار الزميل الصحفى صلاحا الدين مصطفى
Post: #96 Title: Re: عطبرة ,,,Atbara Author: سيف الدين حسن العوض Date: 05-20-2008, 02:45 AM Parent: #95
نحن قبيل شنقلنا ما قلنا عبدالله عيدروس بيدلنا وكده شكرا جزيلا لك ياأخ عبدالله وحقيقة الحديث عن عطبرة يحلو ويطول ولكن اذكر ان تاريخ عطبرة مدون في رسالة دكتوراه باسم عطبرة من اعداد الدكتور الناصر عبد الله ابو كروق وهو حاليا استاذ مشارك بكلية التربية جامعة افريقيا العالمية اما رسالة الدكتوراه فقد كانت بكلية التربية جامعة امدرمان الاسلامية ليت احدابناء عطبرة البوردابين كان قريبا من هذيين الموقعين فيفيدنا بما جاء في تلك الرسالة الرائعة كما ان استاذنا الجليل عثمان السيد قد كتب عن هذه المدينة الرائعة ليتك اخى ناجى تطلعنا على هذه الدرر بجانب صورك الرائعة جدا
Post: #99 Title: Re: عطبرة ,,,Atbara Author: الملك Date: 05-21-2008, 02:00 AM Parent: #94
محطة عطبرة الجديدة,,!
.. ..
Post: #100 Title: Re: عطبرة ,,,Atbara Author: الملك Date: 05-25-2008, 10:31 AM Parent: #94
الملك ياااااخي والله العظيم أنت عجيب أول حاجة كل عطبرة وأنت بخير، وعجيب مرة واحدة لأنو بالجد قلمك فنان، وعودك رنان، وصورك الجميلة أشعلت في داخلي الأشجان وفجرت فيني خطوط التماس كما يقول الشاعر الجميل خطاب حسن أحمد، الملك ياااااخي ما في زول بعرف الزونيا إلا المحققين والمدققين من أبناء عطبرة، الزونيا هي عشقي اليوتوبي تلك الحبة الناصعة في البفنسج تسرق شكل ولون الزيتون ولكنها أنثى وكنت أنا بصغر سني أقول عليها أنثى الزيتون للونها البنفسي وطعمها الحالي، والزونيا كانت ترتبط بالسودنة وهطول فصل الصيف صيف عطبرة وما أدراك ما النيم الذي يتنفس عطراً وأصوات القاطرات التي تغدو جيئة وذهابا وما أجمل صوت صافرة الورش التي تهيم المدينة كلها على صوتها، وتغط في غداء طازج الملك أعرف ملامحك من الصورة فكل أهل عطبرة يعرفون بعضهم البعض كأني رأيتك تعتلي دراجة هوائية ماركة فينكس سوداء وأنت تجوب السوق الكبير في خيلاء الصبا.... شكراً جزيلاً على هذه الخواطر الجميلة عن تلك المدينة التي بعدت عنها الآن ثمانية أعوام وأنا اشتهي نسيمها العبق وازهارها وأهلها وضحكاتهم التي تزين الطرقات... وانا في غاية الأسف لأنني لم انتبه لهذا البوست الرائع، وأتأبط أبيات الشاعر العالمي محمد الحسن سالم حميد: عطبرة الطيبة جيتك بعد غيبة رجالاتك الهيبة ونسوانك الحارات
وربنا يرد غربتنا إلى الوطن الكبير، وإلى عطبرة أيضاً هي وطن كبير فقد تشكلت طفولتنا، وأينع صبانا وتبلور شبابنا وتعلمنا فيها كيف معنى أن نعيش وننتصر....!!!!
Quote: وربنا يرد غربتنا إلى الوطن الكبير، وإلى عطبرة أيضاً هي وطن كبير فقد تشكلت طفولتنا، وأينع صبانا وتبلور شبابنا وتعلمنا فيها كيف معنى أن نعيش وننتصر....!!!!
يا ريت ,,!
نرجع لذات المدينة ,,التى تجمع كل الديانات والسحنات واللهجات,,!
شكرا ياملك ... على تذكيرنا بهذه المدينةالأم ...المدينة التى علمتنا معنى الحياة ... ولدت فيها ونشأت فيها حتى الثانوى لأهاجر للعاصمة لطلب العلم ....ومازلت أزورها سنويا رغم الإغتراب ... تغيرت وتغير النماس وولكنها مازالت معطاءة وصامدة ... كمثال ، مازلت أذكر مكتبة البلدية .... زيها وزى أوروبا ن فقط المبنى طينى ولكنه كان مدرسة فى القراءة الحرة لكل المواطنين ... ...مكتبة عامة مجانية للإطلاع ، قرأنا فيها كتبا لاتخطر على بال الجيل الجديد .... كمثال للتدهور الإنقاذى ... فقد تم تحويل المبنى الطينى البسيط الذى كان يضم المكتبة ، فى بداية العهد الإنقاذى ، إلى دار لأتحاد الطلبة ,,, وكأن المدينة لم يكن فيها متسع غير المكتبة !!!... فكان أن تشتت الكتب النفيسة ورميت فى كراتين وسرقت وتمزقت ... وحرم الجيل الجديد من القراءة المجانية فى كلفة فروع المعرفة ......
بينما نحن نقاسي بين رمضاء الماسي و أقاصي المقبرة … فأجتنا اتبرا فإذا بالمقبرة تتنامى سنبلات و الماسي قبرة دوزنوا لحن المبادي فالأيادي حنجرة لونوا قوس الأماسي كيف كاسي محبرة وطني … أو اتبرا خلف ليلاي قصاصي أي فجراً يا ترى وطني … أو اتبرا اتبرا الطيبة يا منجم الثورات كيفك بعد غيبة وغربة ووطئ جمرات رجالتك الهيبة … نسوانك الحارات قالن لي قولا تسر … تنفع زمان الضر كل البلاد أم در .. والمهدي حي ما مات الخطوة في الشارع منبثة ثورية بق الغضب طالع .. أبرول وطورية شافع ورا النافع .. طلبة وأفندية الجوعو كان دافع .. لي هبة شعبية ما الصبر ما نافع في أيام كركية ذات وضع همباتي .. وأحوال متل دية كهان وجهدية .. وكابات هي ما هيّ حموني اغرودة والدنيا عيدية حرموني زغرودة في فرحة عادية حظروني من عودة .. أو مرقة ليلية منعوني من ذاتي .. واخواني جندية للقمع يوماتي سدوبا وردية شك في هوياتي .. فتيش وسخرية لكناتي .. لهجاتي .. شلخاتي .. عينيا أوكير وحمداتي .. باعوضة سل فيا تحتاج معاناتي لبطاقة شخصية ! يا مسخ بعاتي .. وقام لجنة شعبية لي حضرة الآتي .. شايل الفرح ليا عبيت مساماتي .. من غيمة منفية وعلى أرض مأساتي .. فرغت ما فيا وضل الوطن شاطيء .. وشمسو المراكبية النيل ديمقراطي .. والقيفة جمعية بردت غنواتي .. بي نمة مغلية بقت هتافاتي .. دوديتا بي إيديا في دقن همباتي .. وعسكر حرامية طارت حماماتي .. وركت سلامية غدروها شماتي .. وكتل الرصاص فيا لكن يا مواتي .. يا ذمة مشرية يا عسكراً فاتي .. مافيا وطفيلية من شرفة الآتي .. وبي كل حنية أخدني أماتي .. بي طرحة و أمنية ربطن لي جرحاتي .. وبي مرتق واغنية سدن لي آهاتي .. فوق وقفة صخرية سنن لي إيديا .. وصاحن بي صد صارع يا عيش وحرية .. وانغير الواقع يا ميتة دغرية نار التكل ماتت .. نار فينا شن حية و روحك إذا فاتت .. روح الوطن جية أماتي يا أمات .. كل الغلابة الجات من حلفا لي نمولي .. من بارا لي سنكات غضب الخلا اليغلي .. صرصيرة الغابات في عب ضلوع النيل .. جيب القلب غيمات أشواقا تالا الأرض .. والأرض شوقا نبات أماتي يا أمات .. ود الحياة الصنديد قولاً لكل عنيد .. وصاحب دقن همبات قولنلو نحنا حديد .. زي المرمة شداد اللي ضميمتو يخون .. ما أمنوهو بلاد يا مستبداً بات .. حارساهو دبابات كضاب وكضابات .. هواب وهوابات شن ح###### الويحيد .. وضرعاتك ام حجبات طظ .. جبهتك وين سيد ... الإشتراكي الفات لا البوت ولا النبوت .. لا التوت ولا الكهنوت ونقل الفلاشا أفاد
وكان يحكمونا بيوت .. لو بحكمونا أفراد حارين حديث الموت .. والبعث والميعاد كل لحظة روح بتفوت .. وكل لحظة كم ميلاد وعلتنا يا مسخوط .. مو اسم الله واحنا عباد علتنا كيف القوت .. والجيهة والمشهاد ما مر قطراً توت .. ما طال للبراد الشغلو الكلو زيوت .. ما يلقى زيت لا زاد ما يلقى الطِّري .. وضاقنبو السبل العجل العري .. النار والبقل خيري وسكري .. في الدقن ام قمل يا الدقن ام قمل شيلي وصدري .. وجيبي دمار دبل زير ولباش كيري .. شامبو دلال وفل غني وشكري .. يا كوز المثل في الضيق منهري .. وحمدك الربل وبت السمكري .. جيهتك للرجل دهناً كركري .. الطلح الكحل هوي يا العسكري .. غيرك من قبل عامل فنجري .. وفاكر الناس هبل بى اسم الدين يطل .. وبى أسمى المثل يرغي وينفعل .. ضاحك بالعقل ما داعب طفل .. لو..لو قالو كل ينفرطق نعل .. في المرة والرجل قاصد ننشغل بي سنن الغسل عن موية وأكل .. لا توب لا في ضل نقعد ننكتل .. في اوصاف الرسل مين برعى الإبل .. وتبرا الغيمة ضل والمن دوب طفل .. يفتي ويشفي غل والوكتين يطل .. يلفح للعقل حيلتك ما بتحل .. في فكرك عطل زهدنا فاض فضل .. وما ناقصين مثل وين يوجعنا وين .. ماك داريبو كل ما شعنف دقين .. شنف حالنا ذل عيشة يا مفتري .. ويوم كامل شغل نسرق ننكري .. ولا بلاش تكل غني وشكري .. يا كوز الدبل زير ولباش كيري .. والآية بــ رطل بس يا عسكري .. يا عسكري التالفين .. ويا تالف العسكر يا لايصاً في يمين .. والشعب قد أيسر ما جف ساق ابريل .. اكتوبر الأخضر يات شيمة ليهو تشيل .. كل ما الرياح تكتر فرعو الهطيط بيميل .. بس ما بينكسر يتسامى دغري عديل .. كلما الرياح تنتر طير الخطى الجايين .. ما بتفزعو الهزات لا صقورك النازات .. من دم رعاف الطين .. ودنس الحياة ام لذات فاكر رقبتك مين ... وفاكرنا مين بالذات دي القرشي .. قاسم أمين .. ويا دا الشفيع ما فات وما اعظم الجايين .. يا اتبره وجايات حاضرنا ما ضنّين .. وكل الدروب صاحيات يا لابساً كم وش .. على مين تدور وتحوم شغلك ضلالي وغش .. نضمك عسل مسموم قاصد عيونو تتش .. ويرغى البلد مقسوم طقّت جبهتو شمس .. فارت في راسو دموم الجاي بعدو يمش .. يعتب بعيد مكروم تطفش طيورو تطش .. وبومك يعشعش شوم
يا ضاحكاً غياظ .. لي شعبك المأزوم ظنك ليالي حراز .. ما دلدل الخروم في مزارعو .. لافي رذاذ .. لاغيمة طاشة تحوم لا زيت ولا أمباز .. قطّن مصانعو عموم وانعكنن الإفراز .. وقد بلغت الحلقوم وبرضك تنوني انقاذ .. ينقذنا منك يوم بيناتو نمشي عزاز .. زي النبي المختوم يا ضاحكاً غياظ .. لي شعبك المأزوم من دكة التلفاز .. دايماً تطل ملخوم وتنطاير الإنقاذ .. وزبدك يرك متخوم عرب الكنانة حجاز .. مستقبلن مهموم عشمان في كوتة جاز .. عربونا كم قدوم من لذتك تنحاز .. مع غزو ما له لزوم كان ماك نتن لذاذ .. فتان ولخبات كوم شن غزتك في عكاظ .. شعب الكويت مو الروم لا قصباً لا عكاز .. وقت الدميرة تقوم لاك نافعاً حجاز .. وشن للعتاب واللوم فوق العليك لاواز .. تشهد سما الخرطوم غماز ويا لماز .. هماز ويا مفصوم ما الفرق بين ملوك .. كادى الرعية تلوك وعسكر وراهو بنوك .. ساوى الغلابا حنوك طول النهار عوك .. عوك والليل تراب وصكوك تملا وتفضي تنوك وتملص ضميرا هنوك واسترني يا المبروك متل التكني أبوك ناس بي أخوي وأخوك لا اخلاق لا دين لا سلوك اخلاق ..دين وسلوك يرمي الولد في الشوك أما البلد مشكوك يا شعب يسلم فوك .. عطفك رضاك وعفوك قول للخزين صل صوم ولا تنكسر مهزوم ولو فضلت الخرطوم من تصحى قبل الطير بعد النجيمة تنوم ومنعاشى يا طيبة بخير مكفية راجية اليوم ممنوع عليها السير غير لى كبار القوم والسادة الأمجاد .. لابد من يجي يوم ساعاتو ما ها بعاد يجي من صراع اضداد من امة حق الموت ما لا قيا وانتو سعاد قول للدعي المتخوم يا متفن التفاح .. وشغلك قيافة ونوم في شعبك الكداح .. وفي أطفال مو لاقى الدوم يا أرزقي ومرتاح .. ما جابهنو هموم جاييك زمن كتاح .. جاياك رياح وغيوم جاياك مطور الصاح .. جاي الصح المعلوم من كل فج في كفاح ..ومو وحدا الخرطوم البيننا بينك دم .. تاراً غريق وجراح فينا البحرفو السم .. فينا البكفو سلاح شهدانا ما قت كم ... لا ياتو فيها فلاح لا ارتحت شلت الهم .. لكنو يا سفاح لا الإندلق بنخم .. لا بتتوزوز أرواح ان النفوس جم .. جم ود الفضل ما راح .. وما طال فينا شهيد عصيان وإضرابات .. ما بنفع التشريد لا بجدي صالح خاص .. لا مسخك الشعبي وغنايك الرقاص .. لا دفاعك الحزبي لا حيلة ابن العاص .. لا السجن لا التهديد يابوت ولاد الناس أشراف وما بتنداس .. ما بمشي فيها وعيد .. وفيها الوعد متراس .. فيها العشق صنديد .. وصاد أعزلاً دواس .. يا أرذلاً رعديد .. يا أبخس الأنجاس وسع مجاري الدم .. زيد السجن ترباس يا هالكاً مجراس .. مصاص خزا ومصاص خازوق بني العباس .. زي ما انت عندك دين افريقيا ليها تراث وكان تنهري وتنغاظ .. عبداللطيف والماظ .. ما حرضم النخاس يا رباية المنظمة .. المريبة المسجمة دي البلد طيبة ملهمة .. ما بتزوّر ملاحما كنتِ خدرا ومنسمة .. جنة طيبات مواسما يا ارض جاك مسيلمة .. في ايدو كيزان مخرمة فاضية فاضية ومعلمة الله من دين ولا انتما بين دهاليز مضلمة .. وبي مراويد مسممة تشتك وانتي مرغمة .. يا أرض صابك العمى وكل شيء طار السما .. إلا المطر طار من السما وما اكتفى السفه انعما .. دكن السفة دردمة وقال نشرع نأسلما .. وفي البداية النقسما ويا كضب .. لا بتقسما .. لا بتقدر تأسلما ويا كضب .. لا دا بلسما .. لا ترابيك مرهما كلكم ملة مجرمة .. والبلد في البيكرما في الغلابة المنظمة .. في نقابات مصادمة أو جماعات مقاومة .. من خصوم المساومة واللا أحزاب مصمة .. سلطة الفرد تهدما من أساسا وترايما .. وبالبنوك المرمرمة من عرقنا ومخمخمة .. مافي خير غير نأمما إلا وجعة ملاحما .. الغلابة المألمة تنزع السلطة بالدمى .. وأي ثورة نقيما الكروش المنعمة .. كش تلملم تخمخما تصحى ذاتا المرخمة .. وللعساكر تسلما دايرة فعلاً مأزمة .. إلا لابد لازما يا الغلابة المأزمة .. من تجارب تعلما من دروباً تقدما .. والديمقراطي أسلما هو البوضح معالما .. والمعالم تفهما إنو سبة مظالما .. في الارض ماهي في السما ولو دي أفضل عوالما .. يبقى في خيلها مكرمة ولو دي أفضل عوالما .. يبقى غييرا لازما
وعِن تلملم عزائما .. غيرا ما بيبقي حاكما شعبنا وفارس الحمى .. ينطلق بي ملاحما تصبح الدنيا سالمة .. والخلائق مسالما الحبيب للحبيبة ما .. من عساكر نقاسما شعبنا وفارس الحمى .. ينفرد بي ملاحما الحبيب للحبيبة ما .. للعوارض يقاسما منك براء .. ألديش إيمانو والإخلاص يا سم بنوك العيش .. يا أرزقي ولحاس ايد تقبض البقشيش .. وايد ترشي للحراس يا كرشك القدر ايش .. واكبر فراغ الراس ماك جايي منقذ ايش داعي الهلاك للناس شن داعي للفتيش .. حالة الطواريء وفاس حظر التجول ليش .. ليش كتمة الأنفاس وليش جايي أصلاً ليش .. يا جايي من غير ساس ما قابلك دقيش .. جوة القطر .. في الباص حال حلة تشكي دغيش .. ما عشتو ها الإحساس لا جُعْ لبست الخيش .. لا سهدك قراص أطفال حفايا تكوس .. للموية في الحصحاص يوم ما لبست البوت .. في هيصة الأعراس تعب البرد والصيف .. حمى النفس والراس طيب حتقدر كيف .. تلمس قضايا الناس نار المدن والريف .. الضمة ما بتنقاس كم نفنفت نفنيف والأقوى منك فات فاكر الحكم طرطيش .. والسلطة قوة راس كتيل رقاب في دغيش .. حميس جهالة حماس مو رقصة يا درويش .. عليق بخور ونحاس ملينا شعب وديش .. ملو الأرض والفاس الهبة تبقى بشيش .. والحيطة من فد ساس قول للحرامي بريش .. حلتنا مو تكساس دم اخويا مو معليش .. وانا ماني نايم حاس وين تمشي وين شقيش .. اترك برا القصاص واهلي الغبش ديش ديش .. وكل البلد حراس ديل نحنا مانا قريش .. وماك ود اخو العباس والشعب ماهو قشيش .. حالك يصيدو يباس وسوداننا ماهو حويش .. بيقفلو وبي ترباس اماتي يا أمات .. قولن لكل عنيد على شعبنا وعاناد قولنلو نحنا حديد زي المرمة شداد وين تمشي يا رعديد .. وانا يا دا يا جلاد جيت من قريب وبعيد .. من ادنى قول في البيد وآخر فرع غابات هبة رجال و ولاد نسوان عزاز وبنات أجداد وحبوبات جيتك بكل جنس .. أحيانا والأموات جيتك بكل لغة .. رطان وصاحب ضاد جيتك هجمة السيل .. مطراً بلا ميعاد لكني ما جيت ليل .. جيت في الضحى الوقاد وما فوقي إلا نشيد .. وما تحتي إلا ثبات ..
ما في إيدي إلا الأيد شعباً جنا حوبات وين تمشو يا أوغاد ..يا شرزمة كابات خانت ثرى الأجداد بي 300 زول في خمشة دبابات بدل البطمن خوف وبدل البيلم شتات بدل البسند الجوف صفيق ومؤتمرات بدل المدارس جات تملأ البلد ثكنات بدل القلم رصاص بدل الفهم خوذات محضر بدل كراس جيهة النشيد غارات حس رنة الاجراس ابواق وصفارات تمريناً للجمباز بدل الشباطة ابوات الحصة كتم انفاس درس العصر كشات فتش بيوت الناس واستجوب الاموات جز الفرع بالفاس ام العرق هيهات انقاذ وما ادراك انقاذنا الاهلاك انجاز وما اسماك تكويشة الملاك يا مسخرة مأفون ترباية السفاك يا مدعي وافاك زمبارات القصبة حيكومتكم كعبه بموروث الشعب والبسملة مغتصبة ضراعات العمال الزراع الكتبة سارقين لبس الديش باسم الشعب الطلبة يا شناق القول يا ربط العقبة يا خناق الزول يا كسار الرقبة كنا بنأكل فول نرجى الله في الكربة مر علينا الحول ضِقنا وضُقنا الادبة وانت تجب كف كف تنضم لمن تغبى مؤتمرات السف شكل لجان الضيبه شنفت الاحزاب قت كوفية وعذبة الجمعية ضراب زي الما منتخبة حق الله الاضراب وأي حقوق مكتسبة قلتو سياسة غاب طيب لية يا كذبة ما وفرتو القوت ها الحالة الصعبة
ما وقفتو الموت والنهب البى قلبة دقن فرشة البوت فوق جوطة وغلبة ولانزيف الدم منو عمارة وعربة وشر العيشة الغم ليكم خير يا كسبة كسبة وضلاليين لي بنوكم الخربة تحيو وحلاليين وللغير حرام وربا السلطة للاحزاب الشعب ساقا غبا ولح######م ده ثواب جاء من الله جابو هبة بجيهة الله الجاب وبجيهة الله ابى لي بيتو انتو قراب من بحرى بقببا تنفرج امدرمان والمهدى في الكنبه تنشايت ام ضبان ود الترابى وباء فوق تربة السودان في ضرايحو كم غرباء يا ملعبة كيزان دنيا وبلاش غلبة وجيتاً ظهرتي بيان يا اتبرا التعبة ما ضاقت الاديان والدنيا كم رحبة وفي حضرتك فتيان ما بدلت جببا الدروشة الغليان الهمهمات غضبا وكم دوبت بمبان بمواقفا الصلبة يا ملطشة فرعون موسى الشوارع عاد وعلى مين تحلقوا دقون كان اتخلقتو جداد الشعب كلو عيون الأمة بالارصاد اللي ضميمتو يخون ما امنوهو بلاد وكان بيحكمونا بيوت لو بيحكمونا افراد يا شعبنا الوقاد يا صاحب اعتى جهاد يا ابن الغلابة الحر يا جيهة يا مشهاد كتر السكات بيضر وقت المهادنة فات بيك يا النضال المر تحلى البواكر هات ايدك لعالم حر والتنهض الكلامات طول ما الضلالة تضر زي ما هى جات بتمر يا مفدر الظلمات يبقى اللقى بيسر والمهدى حي ما مات يا اتبرا الِبرة يا منجم الثورات اتبرا ……. اتبرا ....
Post: #110 Title: Re: عطبرة ,,,Atbara Author: Badr Edinn Abdul Rahman Date: 05-27-2008, 11:29 AM Parent: #109
الملك ياااااخي والله ابداع صورة وقصيدة والصورة ترجعنا إلى سوق القيقر الله يخليك يا الملك وشكراً على الإضافة وإثراء البوست أكثر فأكثر
Post: #117 Title: Re: عطبرة ,,,Atbara Author: حسن الطيب يس Date: 07-01-2008, 05:21 AM Parent: #1
يا ملك اعز مكان عطبرة ليها وحشة فيها ولدت و درست وعملت و منها احلت للصالح العام فيها ذكريات الصبي واصل يا ملك
Post: #118 Title: Re: عطبرة ,,,Atbara Author: صلاح شعيب Date: 07-01-2008, 06:05 AM Parent: #117
الزميل الملك
سلامات
أذكر أن جاري في مدرسة السلمابي المتوسطة بالفاشر كان من عطبرة واسمه أبوبكر محمد الامين واصبحنا أصحاب من اول يوم..وأعطاني مجلة العربي وكان فيها ملحق خاص عن مدينة عطبرة..كان والد أبوبكر جاء منقولا للفاشر كمدير لبنك الوحدة فرع الفاشر..ولا أدري أين هو الآن والقصة دي ليها قرابة الثلاثين عاما..ونقدر نقول سنة 1980..أتمنى أن أجد الصديق أبوبكر والذي لم ينتقل معنا للصف الثاني..عطبرة من أجمل حواضر الشمال وزرتها أكثر من مرة..مرة مع الموردة كصحفي مرافق..ومرتين للمشاركة في مهرجان العنادل الذي كان الاخ مزمل وأصحابه يلعبون دورا عظيما في استقطاب المبدعين من الخرطوم للمشاركة فيه..وفي المرتين رافقت مصطفى سند ومحيي الدين فارس ومهدي محمد سعيد واسماعيل خورشيد ويحيي فضل الله وبشرى الفاضل وصلاح فرج الله وعمر الخضر وعمر الفاروق ونفيسة الشرقاوي التي حضرت من بورتسودان.زكانت العنادل تقوم بدور أكبر من وزارة الثقافة والاعلام..وللاسف الشديد توقف تجربة العنادل التي اقامت مهرجانين بالدعم الذاتي وكانت الليالي الثقافية والابداعية تنور الدامر وعطبرة..واتذكر ان فرقة ساورا وعبدالقادر سالم رافقونا في تلك الجولة الثافية..والغريب أن أول صحفي صاحبته كان أيضا من عطبرة وهو سيد أحمد عبد الجليل..وصادق المصمم المرحوم محمد سيد أحمد وهو من عطبرة..وفي عطبرة التقيت بالاستاذ عبد الرحمن جلود والاستاذ الكبير عمر المبارك والذي لو عاش بالخرطوم لأصبح في مقام استاذنا عمر عبد التام..ومكاوي ووأتذكر صلاح حسن سعيد مراسل القسم الرياضي بجريدة الراية ولا أدري أين موقعه اليوم وهو الاسلاموي الذي فضل أن يكتب في الراية وأتذكر أنه كان موظفا ببنك فيصل الاسلامي..لا أدري كيف حال عطبرة الآن..ولكن أتخيل أنه تم تهميشها برغم مكانتها التاريخية والثقافية والسياسية والاقتصادية والرياضية..ودعنا نقول إنها استهدفت لدورها النضالي..في عطبرة زرت منزل العطبراوي في النصف الثاني من الثمانينات وأجريت معه حوارا نشر بجريدة الخرطوم آنذاك..ومن عطبرة تعرفت على البروفيسور أحمد الامين البشير ونميت معه علاقات وطيدة بعد أن تعرفت عليه في القاهرة وتوطدت العلاقة معه بعد أن حضرت إلى واشنطن.لو كانت المدن السودانية الكبيرة تسير في تطورها النسبي مثل عطبرة ومدني وبورتسودان وكسلا والابيض والفاشر ونيالا والجنينة ودنقلا وكادقلي لما فقدت هذه المدن بنيها..وللاسف الشديد أن التطور الثقافي والرياضي والاجتماعي لهذه المدن قد انتهى بعد مثول الانقاذ ..ولا أدري متى تعود لأيامها تلك. حيث كانت تغذي العاصمة القومية بالمبدعين في كل المجالات..ويا ريت يا الملك نعرف أخبار الأمل العطبراوي وكان دائما يشارك في دوري السودان..ويا ريت نعرف عن "داون تاون" عطبرة وكان جميلا ..مع تحياتي مع تحياتي
Post: #119 Title: Re: عطبرة ,,,Atbara Author: الملك Date: 07-01-2008, 08:10 AM Parent: #118
Quote: بالاستاذ عبد الرحمن جلود
هذا الأستاذ ,,كان من علمونى بمدرسة "المنطقة والنور" أيام الإبتدائ,,,وطوابير الصباح,, والإنتفاضة ..والمظاهرات صلاح شعيب واصل فى شريط ذكرياتك عن تلك المدينة الفاضلة
ماسيبو "عطبرة"
Post: #121 Title: Re: عطبرة ,,,Atbara Author: الملك Date: 07-01-2008, 10:41 AM Parent: #117
حسن الطيب ... ... أصبحت مدينة الاطلال الحديدية
.. ..
Post: #122 Title: Re: عطبرة ,,,Atbara Author: الملك Date: 07-01-2008, 11:38 AM Parent: #1
kh_abboud
Quote: شكرا ياملك ... على تذكيرنا بهذه المدينةالأم ...المدينة التى علمتنا معنى الحياة ... ولدت فيها ونشأت فيها حتى الثانوى لأهاجر للعاصمة لطلب العلم ....ومازلت أزورها سنويا رغم الإغتراب ... تغيرت وتغير النماس وولكنها مازالت معطاءة وصامدة ... كمثال ، مازلت أذكر مكتبة البلدية .... زيها وزى أوروبا ن فقط المبنى طينى ولكنه كان مدرسة فى القراءة الحرة لكل المواطنين ... ...مكتبة عامة مجانية للإطلاع ، قرأنا فيها كتبا لاتخطر على بال الجيل الجديد .... كمثال للتدهور الإنقاذى ... فقد تم تحويل المبنى الطينى البسيط الذى كان يضم المكتبة ، فى بداية العهد الإنقاذى ، إلى دار لأتحاد الطلبة ,,, وكأن المدينة لم يكن فيها متسع غير المكتبة !!!... فكان أن تشتت الكتب النفيسة ورميت فى كراتين وسرقت وتمزقت ... وحرم الجيل الجديد من القراءة المجانية فى كلفة فروع المعرفة
الملك ... سلامات أتذكر ، فى عام 1673 كانت هناك حديقة صغيرة جمبلة ، أمام البوستة فى مكان الحديد الموجود دا .... و لحيقة فيها اشجار ظليلة فى الصيف ... كنا نمد ضهرنا وننوم فيها مرات لمن نتعب من اللف ...الحديقة واضح أنها ضاعت زمان لكن بالله البوستة أسع راحت وين ...؟ أو تحولت إلى شنو ؟
هنا كانت راحت وين .....................ما تقول لي كسروها ولا باعوها عارف لو الزاوية الماخوذ منها الصورة بتاعات البوستة كما اتخياها يبقي المبني الصغير الفي يسار الصورة دة هو بوفية البوستة كنت بعمل فية ايام الاجازة سفرجي مع صديقي جلال مختار حسين يونس وابوة كان موظف في البوستة ووصل درجة وكيل بوستة عطبرة ايام يا لها من ايام بالمناسبة استاذ عثمان السيد من الاشخاص الذين اكان لهم أثر بارز في حياتي واتمني لو يمدني الملك او اي شخص اخر برقم هاتفة
Quote: هنا كانت راحت وين .....................ما تقول لي كسروها ولا باعوها عارف لو الزاوية الماخوذ منها الصورة بتاعات البوستة كما اتخياها يبقي المبني الصغير الفي يمين الصورة دة هو بوفية البوستة كنت بعمل فية ايام الاجازة سفرجي مع صديقي جلال مختار حسين يونس وابوة كان موظف في البوستة ووصل درجة وكيل بوستة عطبرة ايام يا لها من ايام بالمناسبة استاذ عثمان السيد من الاشخاص الذين اكان لهم أثر بارز في حياتي واتمني لو يمدني الملك او اي شخص اخر برقم هاتفة
والله ما عارف كسروها ...واللا لسه الصورة قبل تلاتة سنين,,, للو عارف عنوان بيتو ,,, بقدر امدك برقموا فى أقرب زيارة لعطبرة,,,
..
