Post: #1
Title: بشاشا...شخصياً!!
Author: الملك
Date: 01-01-2008, 10:57 PM
Parent: #0
..
..
مددت يدى فى عرس ,,لأسلم على أحدهم وعند التعارف بالأسم الأول "كمال"
حاولت أن أتذكر أين رأيت هذا الشيب مسبقاً
..
بعد ذلك
"ثبت لى بعد ذلكــ ان الكيبورد خدعة"
|
Post: #2
Title: وين الصورة؟
Author: AnwarKing
Date: 01-01-2008, 11:05 PM
Parent: #1
ما بصدقكم!
|
Post: #3
Title: Re: وين الصورة؟
Author: الملك
Date: 01-01-2008, 11:43 PM
Parent: #2
صورة ..!!
اول حاجة قلتها ليهو "نسيت الكاميرا"
جرا نفس طويل وقال لي "الحمد لله"
..
..
بينى وبينك
سنة 2008 "اول زول تلاقيهو بشاشا"
..
..
دى سنة عجيبة!!
|
Post: #4
Title: Re: وين الصورة؟
Author: طلال عفيفي
Date: 01-02-2008, 00:16 AM
Parent: #3
أول حاجة ، كل سنة وإنت وكمال طيبين وبخير ..
تعرف يا ناجي ، قبل أسابيع ، كنت حايم في أروقة المؤتمر العام
لإتحاد الكتاب السودانيين ؛
لقيت واحد من أخواننا "المستنيرين" بيسلم على وحده من أخواتنا
"الظلاميات" ، وبعدها والإتنين ما إتلاقوا قبلها .. قام أخونا
المستنير قال لي : في الحقيقة المنبر ده بيعمل " MESS LEADING " !
عني ما بيدي الإشارات الصحيحة ..
إحتمال طبعاً ..
أنا شخصياً حصل لي ده كتير .
وحسب تجربتي ، فنادرين هم الناس البشبهوا نفسهم ، بين الكتابة والحال ..
والسؤال ، هل دي حاجة كويسة ؟
يعني حسين ملاسي ده ، لمن أقرا كتابتو في المنر ، أقول أمشي أضاربو ! ،
زي ما بقول ليك كده ، لكني لمن ألاقيهو أهش عند لقائه وأحبه للحسن فيه !
تخيل ؟
ده حال إبن آدم وبناته ، ما عندنا وتيرة وحده نتمسك بيها ، إنما هي الحياة
وكيمياء التفاعل وحاجات بالشكل ده ..
لك التحايا من تاني ، ولكمال ألف مرحب .
|
Post: #11
Title: Re: وين الصورة؟
Author: الملك
Date: 01-02-2008, 02:48 PM
Parent: #4
طلال ..إزيك فى البورد
وكل سنة وإنت طيب فى البورد برضو
"عشان الزول ما لاقاك من 2007
..
..
طلال
"جرب أن تتواجد مع احدهم "بوردابى" ويكون فى حوار أو كتابة مسبقة لم تحبها لهذا البوردابى او حتى دخوله مع أحد أصدقاءك البوردابيين فى نقاش حاد ,,!!
..
ستصاب بالدهشة ,,,لدرجة غريبة
زيى أنا امس
|
Post: #5
Title: Re: بشاشا...شخصياً!!
Author: نهال كرار
Date: 01-02-2008, 05:09 AM
Parent: #1
كمال بشاشا في عرس ؟!!!
معقولة ! يعني الزول دا بمشي أعراس ومناسبات وكده ؟
بيحتفل ويفرح والقضايا الهامة مستنياه ؟! والمهمشين نساهم ؟!
تاني يا بشاشا ما أشوفك كاتب في البوستات السمحة ( سباق حمير الجلابة ) وغيره
|
Post: #12
Title: Re: بشاشا...شخصياً!!
Author: الملك
Date: 01-02-2008, 02:57 PM
Parent: #5
نهال ...كرار
كل سنة وإنتى طيبة
"مرتين"
..
تصدقى كمال ده زول بمشى الأعراس عادى !!
أجمل ما فى الأمر ,,,هى الصدفة بعد السلام
فالزول ده من قربــ..يشبه فقط صورته..
زى ما قال
البورد حقوا براهو ...والدنيا حقها براهو
|
Post: #14
Title: Re: بشاشا...شخصياً!!
Author: عثمان حسن الزبير
Date: 01-02-2008, 03:04 PM
Parent: #12
ناجي
سنتك دي غايتو لو داير تصلحه إلا تمشي نيالا تدي ماو نظرة وترجع ..
ممكن تتعدل ...
غير كده
دي حا تكون سنة ........ معاك
|
Post: #16
Title: Re: بشاشا...شخصياً!!
Author: الملك
Date: 01-02-2008, 03:39 PM
Parent: #14
عثمان
..
بتتعدل ياخى "بطل محن" ..
كل سنة وانت طيب والسنة الجاية "حاج"
...
ماو اسى فى الدمازين ..!!
لكن بجى طلة طلة ..
|
Post: #6
Title: Re: بشاشا...شخصياً!!
Author: عمر الفاروق
Date: 01-02-2008, 06:30 AM
Parent: #1
والله يا ناجي حدّدتها مع علوبة !
أقعد باري لي الأعراس كده لمن القطر يفوتك والبنات يكملن
وتلحق صاحبك..
كل عام وانت بخير يا عارض..
تخريمة :
بشاش الشفنا صورتو ده والله شكلو النوع البيكون داسي السيجارة في شفايفو ويبخبخ في نص الدارة ويصفق واليدين تجر ليك في أكمام الجلابية والسيجارة القصبة فوووووووق
|
Post: #7
Title: Re: بشاشا...شخصياً!!
Author: doma
Date: 01-02-2008, 06:34 AM
Parent: #6
صدق حدسي
بشاشا رجع لاهله الجلابه وفك ناس الهامش عكس الهواء
|
Post: #8
Title: Re: بشاشا...شخصياً!!
Author: Tragie Mustafa
Date: 01-02-2008, 06:47 AM
Parent: #7
يا دوما قولي بسم الله
يا زوله ده عام جديد من نضجنا المنبري كما يفترض وانت مصرة على اللغو
Quote: صدق حدسي
بشاشا رجع لاهله الجلابه وفك ناس الهامش عكس الهواء |
ياتو حس ده يا زوله؟؟؟؟
يعني انت قايلاه لو سافر ولو قعد من غير علمنا؟؟؟؟؟
ولو ما ظهر لبورداب الخرطوم فده لانه بيعرف ان كلمة بورداب لا تعني من رايتيهم فقط
لانك اصريتي ما تكوس ياو تسالي عن ناس الهامش
بشاشا بيكون مدروش مع ناسنا من
كرتون كسلا لكرتون كسلا
ومن قمائر لقمائر
ومن حفائر لحفائر.
يا الملك وغيره ابحثوا عنه وبلغوه احترامنا ومحبتنا
ويا ناس احمد آمين ابقوا عشرة على اميرنا الكوشي النبيل
واحصروا على لقائه بالمبدع ابكر آدم اسماعيل
و العلامة الباقر العفيف
هؤلاء هم من يستحقون لقاء بشاشا لانهم يعرفون قدره.
محبتي وتقديري.
|
Post: #9
Title: Re: بشاشا...شخصياً!!
Author: HAYDER GASIM
Date: 01-02-2008, 07:09 AM
Parent: #8
من حق بشاشا أن يزور أهله ووطنه,
وغض النظر عن طرائقه فى تسكين
هذا الوطن فى معرض أفكاره, وغض
النظر عن منظوره لأيلولة أهله.
تهمني هنا حرية التنقل, كفاصلة
جوهرية فى حقوق الإنسان السوداني,
وهي قيمة أتمنى ثبوتها القانوني
والمستمر لتحل محل الإختراقات
الإستثنائية والحاملة لأعباء المغامرة.
وهي قيمة لا تخص بشاشا وحسب, لكنها
تتنزل إلى سائر أهل الوطن السوداني,
وفي إطراد تراكم مثل هذه الحقوق
وثباتها فسوف تتغير الكثير من المفاهيم
فى إتجاه إعتبار الوطن منزلا كريما لأهله,
وربما يعود من بعد بشاشا بمعطيات تعينه
على إستدراك قيمة أن يكون الوطن.
فساعدوه بالله ... بدلا من الشماتة عليه.
مع كريم مودتي
|
Post: #20
Title: Re: بشاشا...شخصياً!!
Author: الملك
Date: 01-02-2008, 04:27 PM
Parent: #9
حيدر قاسم
..
عيدكــ سعيد
" كما اسلفت من حق الرجل ان يزور أهله واقرابه وعشيرته ..ويستمتع قليلاً
بقضاء إجازة بعيدة عن الأسفير الموحش..
البورد ...تحكم كتاباته هنا
" الإتجاهات السياسية والإجتماعية والحزبية والقبائلية ...الخ"
فجميل أن تجد شخصاهنا بعيد عن هنا ..فى كامل حقيقته!!
|
Post: #10
Title: Re: بشاشا...شخصياً!!
Author: doma
Date: 01-02-2008, 07:23 AM
Parent: #8
Quote: ياتو حس ده يا زوله؟؟؟؟
يعني انت قايلاه لو سافر ولو قعد من غير علمنا؟؟؟؟؟
ولو ما ظهر لبورداب الخرطوم فده لانه بيعرف ان كلمة بورداب لا تعني من رايتيهم فقط
لانك اصريتي ما تكوس ياو تسالي عن ناس الهامش
بشاشا بيكون مدروش مع ناسنا من
كرتون كسلا لكرتون كسلا
ومن قمائر لقمائر
ومن حفائر لحفائر.
|
لول لول غايتوا صحي الكلام ما بقروش ناس الهامش منو الانا ما سالت منهم ؟؟؟
يا زوله انا اهلي كلهم ناس هامش .
بعدين حكايه بشاشا البيكون مدروش مع ناسك بتاعين كرتون كسلا والقماير دي بالجد تضحك الغنمايه .
يا زوله بشاشا يكون مرطب في احسن مناطق الخرطوم السكنيه وحايم بالاعراس
خلاص لما يجئ اليجيب لينا الصور انه قضي يوم و ليله بكرتون كسلا او القماير
|
Post: #13
Title: Re: بشاشا...شخصياً!!
Author: حيدر حسن ميرغني
Date: 01-02-2008, 03:04 PM
Parent: #10
زول رجع بلدو
فيها حاجة دي
سلامات يالملك
|
Post: #21
Title: Re: بشاشا...شخصياً!!
Author: الملك
Date: 01-02-2008, 04:31 PM
Parent: #13
حيدر
..
سلامات ومعايدة
ما فيها اى ياخ,,!!
..
..
واى زول هنا مصيروا حيرجع يوم لى بلدوا دى ..
|
Post: #19
Title: Re: بشاشا...شخصياً!!
Author: الملك
Date: 01-02-2008, 04:21 PM
Parent: #8
تراجى ..
كل سنة وإنت طيبة ,,والسنة الجاية أولادك وعائلتكــ بخير وعافية
..
..
بشاشا سيغادر الاسبوع القادم ..على حد علمى!!ربما
وهو كما أسلفت كان بشوشاً .. فى لقائ به ..ولطيفاً
وسط أهله وعائلته التى عرفنى عليها..!!
وأم عياله "التى أصرت على ان يكون أسمها "ام العيل"
..
..
|
Post: #17
Title: Re: بشاشا...شخصياً!!
Author: الملك
Date: 01-02-2008, 03:58 PM
Parent: #7
خالتى دوما
"كل سنة وانتى طيبة "
..
..
ياخى انا قصدتا اقول إنو فى إختلاف دائماً ما بين الشخصية البوردية
والحقيقية ...وأحيانا بكون فى تناقض ..ده حسب تجربتى أنا بس
"بتذكرى لمن لاقيتك قبل سنتين ..كان محور حوارنا شنو"
..
أحياناً البورد بكون فى جيهة ...والواقع فى جيهة تانية!!
..
..
|
Post: #28
Title: Re: بشاشا...شخصياً!!
Author: doma
Date: 01-03-2008, 07:01 AM
Parent: #17
| Quote: بتذكرى لمن لاقيتك قبل سنتين ..كان محور حوارنا شنو" |
غايتوا انا بتذكر اني كنت صامته وانت البتنضم يا ناجي ما اظني لحقت قلت شئ خالص خالص ممكن تقول كان مونولوق 
|
Post: #15
Title: Re: بشاشا...شخصياً!!
Author: الملك
Date: 01-02-2008, 03:26 PM
Parent: #6
Quote: والله يا ناجي حدّدتها مع علوبة !
|
عمر الفاروق !!
إنت قايلنى قدركــ..زمنك الكنتا فى الجامعة انا كنت فى الإبتدائ
والصلعة الفى نص راسكــ
"او راسك كلوا
أكبر دليل على ذلكــ"
...
...
والله بشاشا لسه شاب وبلبس بنطلون وقميص ...وشاكى كمان ,,رايكــ شنو
|
Post: #18
Title: Re: بشاشا...شخصياً!!
Author: نادية عثمان
Date: 01-02-2008, 04:04 PM
Parent: #15
شاكي فيك انت ؟!! 
اوعاااااااا يكون شاكي انك كوز وجلابي ؟!!
تحياتي لبشاشا وخليهو يسلم لينا علي دنقلا وعموم السودان سمح؟؟
والقابلة عريس ياملك قول آآآآآآآآمين
|
Post: #22
Title: Re: بشاشا...شخصياً!!
Author: الملك
Date: 01-02-2008, 04:36 PM
Parent: #18
شاكى
بلغة الناس هنا تعنى
"حاشى القميص"
..
..
يبلغ إن شاء الله..لو الله كتب لينا مقابلة تانية.!!
..
..
السنة الجاية يعنى 2009 ,,,ما قريبة شديد لكنـ
|
Post: #23
Title: Re: بشاشا...شخصياً!!
Author: عمرو كمال ابراهيم
Date: 01-02-2008, 05:09 PM
Parent: #22
الملك
سنة سعيدة
وين من السنة الفاتت !!؟؟
تحياتى لكل من مر ، أو ورد اسمه
|
Post: #24
Title: Re: بشاشا...شخصياً!!
Author: الملك
Date: 01-02-2008, 05:16 PM
Parent: #23
عمرو
..
..
تعيش وتاخد غيرها ,,"قصدى العربية طبعاً"
كل عام وانت بخير
..
لمن نتلاقى
|
Post: #25
Title: Re: بشاشا...شخصياً!!
Author: AMNA MUKHTAR
Date: 01-02-2008, 07:55 PM
Parent: #1
Quote: بعدين حكايه بشاشا البيكون مدروش مع ناسك بتاعين كرتون كسلا والقماير دي بالجد تضحك الغنمايه .
يا زوله بشاشا يكون مرطب في احسن مناطق الخرطوم السكنيه وحايم بالاعراس
خلاص لما يجئ اليجيب لينا الصور انه قضي يوم و ليله بكرتون كسلا او القماير |
غايتو يا دوما عندك منطق بضحك..!!
لنفرض ان بشاشا لم يجد الفرصة لزيارة المهمشين أو حتى لم يرغب بذلك..
فهل هذا يقلل من قيمة انحيازة التام لقضايا المستضعفين ؟!
يكفى انه وقف وقفة جبارة معهم فى هذا المنبر..
ويكفى ابداعاته فى تحليل العقل الجلابى .
التحية له أينما كان..
ونتمنى له لحظات هانئة وسط أهله واحبائه.
|
Post: #26
Title: Re: بشاشا...شخصياً!!
Author: doma
Date: 01-03-2008, 03:39 AM
Parent: #25
Quote: غايتو يا دوما عندك منطق بضحك..!!
لنفرض ان بشاشا لم يجد الفرصة لزيارة المهمشين أو حتى لم يرغب بذلك..
فهل هذا يقلل من قيمة انحيازة التام لقضايا المستضعفين ؟! |
قبل تضحكي الكلام دا رد علي تراجي الوجهت لي لوم اني ما قابلت اهل الهامش لما زرت الخرطوم الشهر الماضي . يبدو انك ما متابعه الاحداث بشاشا مدروش مع ناس الهامش ودومه مشت قابلت الصفوه من الجلابه . قدرتي تفهمي منطقي ولا لسه ؟؟؟!!!
|
Post: #27
Title: Re: بشاشا...شخصياً!!
Author: Faisal Al Zubeir
Date: 01-03-2008, 06:58 AM
Parent: #26
|
Post: #29
Title: Re: بشاشا...شخصياً!!
Author: Tragie Mustafa
Date: 01-03-2008, 11:40 AM
Parent: #27
فوق لاجل اميرنا الكوشي.
|
Post: #30
Title: Re: بشاشا...شخصياً!!
Author: doma
Date: 01-03-2008, 11:49 AM
Parent: #29
اميرك الكوشي بيكون في كرتون كسلا عشان يتحفنا بالصور ونشوف الاندراشه . انا غايتو حدي كان الحاج يوسف المايقوما تصدقي يا تراجي ما عرفت بيتنا وين ؟؟
في شوارع كتيره جديده
والزول الموصلني ما بعرف البيت يعني المفروض انا اوصله بقي كل مره يقيف و نسال اولاد في الشارع يا جماعه بيت ناس دومه في مربع اتنين وين ؟؟؟ تخيلي ما عرفت مربعنا ولا شارعنا
|
Post: #31
Title: Re: بشاشا...شخصياً!!
Author: الملك
Date: 01-04-2008, 00:15 AM
Parent: #1
..
..
بشاشا
تصل بالسلامة
..
..
|
Post: #32
Title: Re: بشاشا...شخصياً!!
Author: Tragie Mustafa
Date: 01-04-2008, 00:19 AM
Parent: #31
هو سافر خلاص؟؟؟
Quote:
..
..
بشاشا
تصل بالسلامة
..
.. |
عودا حميدا يا اميرنا الكوشي
بس ايديني سلك اول ما تصل اخبار خرافيه عن رعايا مملكة كوش
|
Post: #33
Title: Re: بشاشا...شخصياً!!
Author: doma
Date: 01-04-2008, 03:30 AM
Parent: #32
خلااص الكوشي غادر ارض كوش الي ارض بوش
الجلابه موعودون بعرض ارجوزي رائع المهم نحن منتظرين وكدا
|
Post: #45
Title: Re: بشاشا...شخصياً!!
Author: الملك
Date: 01-05-2008, 01:26 PM
Parent: #32
على حسب ..ما علمت منه سيغادر يوم ...الإتنين
..
..
يا تراجى
|
Post: #34
Title: Re: بشاشا...شخصياً!!
Author: AMNA MUKHTAR
Date: 01-04-2008, 09:52 PM
Parent: #1
| Quote: قدرتي تفهمي منطقي ولا لسه ؟؟؟!!! |
لسه.....
أصلو منطقك صعب شديد....,عويص
|
Post: #35
Title: Re: بشاشا...شخصياً!!
Author: ناذر محمد الخليفة
Date: 01-04-2008, 10:43 PM
Parent: #1
|
Post: #36
Title: Re: بشاشا...شخصياً!!
Author: ناذر محمد الخليفة
Date: 01-04-2008, 10:44 PM
Parent: #1
العبار كان حامض ولا شنو يا ناجي الزول دا ما دي بوزو كدة ؟
|
Post: #37
Title: Re: بشاشا...شخصياً!!
Author: jini
Date: 01-05-2008, 00:21 AM
Parent: #1
الأمير الكوشى!
أمير شنو!
دا جلاد عناقريب وبالكتير منجد مراتب!
فرقو شنو مننا!
جنى
|
Post: #38
Title: Re: بشاشا...شخصياً!!
Author: Deng
Date: 01-05-2008, 00:39 AM
Parent: #1
| Quote: العبار كان حامض ولا شنو يا ناجي الزول دا ما دي بوزو كدة ؟ |
نازر.
أعمل حسابك الصورة دي في بيت بكري.
دينق.
|
Post: #39
Title: Re: بشاشا...شخصياً!!
Author: Kostawi
Date: 01-05-2008, 00:40 AM
Parent: #38
|
Post: #40
Title: Re: بشاشا...شخصياً!!
Author: Deng
Date: 01-05-2008, 00:41 AM
Parent: #1
تحية خاصة الى أميرنا الكوشي أينما حلا فهو خير من يمثل الهامش . وخير من يحمل راية السودان الجديد.
شكرا لك يا ملك يا حبيبنا. وأنت تبشرنا بمقدم الامير.
دينق.
|
Post: #41
Title: Re: بشاشا...شخصياً!!
Author: Deng
Date: 01-05-2008, 00:42 AM
Parent: #1
جني يا حاسد.
دينق.
|
Post: #42
Title: Re: بشاشا...شخصياً!!
Author: jini
Date: 01-05-2008, 00:47 AM
Parent: #1
حاسد باثر رجعى يادينج!
يعنى قبل 18سنة!
جنى
|
Post: #43
Title: Re: بشاشا...شخصياً!!
Author: ناذر محمد الخليفة
Date: 01-05-2008, 05:28 AM
Parent: #1
دينق حمدللا على السلامة ...
إنت كنت مرفود مع ود أبا بريمة ولا شنو ؟!!!
Quote:
نازر.
أعمل حسابك الصورة دي في بيت بكري.
|
كنت ناسي إنو بكري ساكن في المسجد الكبير في أريزونا !!
|
Post: #44
Title: Re: بشاشا...شخصياً!!
Author: Deng
Date: 01-05-2008, 05:45 AM
Parent: #1
نازر.
نحن برضه البنترفد؟
دينق.
|
Post: #46
Title: Re: بشاشا...شخصياً!!
Author: وليد محمد المبارك
Date: 01-05-2008, 01:38 PM
Parent: #44
والعرس ده كان بالجديد ولا القديم ؟
تحياتنا لي بشاشا في وطنه السودان
وقول ليك الامنجي وليد حا يحظرك في المطار
|
Post: #47
Title: Re: بشاشا...شخصياً!!
Author: الملك
Date: 01-08-2008, 00:25 AM
Parent: #46
مفترض يكون سافر,,يا وليد
..
..
ربنا يكتب ليهو السلامة..
|
Post: #48
Title: Re: بشاشا...شخصياً!!
Author: الملك
Date: 01-15-2008, 11:38 PM
Parent: #1
!
|
Post: #49
Title: Re: بشاشا...شخصياً!!
Author: Bashasha
Date: 01-25-2008, 07:40 PM
Parent: #1
شكري وتقديري يالعزيز ناجي.
جاييك!
|
Post: #50
Title: Re: بشاشا...شخصياً!!
Author: Salwa Seyam
Date: 01-25-2008, 07:58 PM
Parent: #1
Quote: معقولة ! يعني الزول دا بمشي أعراس ومناسبات وكده ؟
بيحتفل ويفرح والقضايا الهامة مستنياه ؟! والمهمشين نساهم ؟! |
انا ذاتى ما مصدقة ...
اتذكر مرة فى بوست قلت اصالة نصرى تغنى لمحمود درويش .. كخبر يعنى ..
ويلا .. عينكم ما تشوف الا النور ..
شكراً الملك وتحياتنا لبشاشا ..
|
Post: #51
Title: Re: بشاشا...شخصياً!!
Author: Salwa Seyam
Date: 01-25-2008, 08:21 PM
Parent: #1
بشاشا طلع زول ياكل الطعام ويمشى فى الأعراس ؟؟؟؟
|
Post: #52
Title: Re: بشاشا...شخصياً!!
Author: Bashasha
Date: 01-25-2008, 11:00 PM
Parent: #1
Quote: وحسب تجربتي ، فنادرين هم الناس البشبهوا نفسهم ، بين الكتابة والحال ..
والسؤال ، هل دي حاجة كويسة ؟
|
طلال ياصديق، مشتاقين.
اولا تقبل اعتذاري وعبرك لجميع بورداب السودان، اني مالاقيتك او لاقيتم.
نجي لي سؤالك الكبير حقيقة:
مثلا، اذا انت لبست لي حفل في صالة في شارع النيل، هدوم غير هدومك البتنوم بيها، هل دي حاجة كويسة؟
سؤال شاذ شوية، مش؟
وكذلك الحكم علي سلوك الفرد، في ساحات الصراع الفكري، مقارنة بي سلوكو في المطبخ مثلا يظبط في فول كارب!
فالما كويس هو الخلط مابين علاقات واجواء الدواس في المنابر، بالعلاقات خارج المنبر، علي اساس انساني واجتماعي.
يا والله الفصل بين نمط النموذجين فصل تام، هو الصعب!
علي كده الكويس ياتو فيهم ياطلال؟
الفصل مابين حياة المنبر الاسفيرية والحياة خارج المنبر، ام عدم الفصل؟
البعرفو، البكون حريص، علي الرصيد في بنك القبول اجتماعيا، داخل المنبر، حيكون بخيل جدا، او ما حيصرف من هذا الرصيد، وبالتالي حيجامل!
حيكذب!
حيستهبل!
ليه؟
لانو ان تكون صادق مع نفسك او تقول البغلة في الابريق، فهذا سيضطراك تمد ايدك او تسحب من رصيد القبول اياه!
نعم حتضطر تشيل وش القباحة، في بلد الموت فيها بالملايين، اذا كنت صادق وامين مع نفسك قبل الاخرين!
البمارسو الابادة في بلدنا، ما جو من زحل او مقطوعين من شجرة!
ديل ناس، نموذج طريقة تفكيرم، هو اساس العقلية السايدة في الفضاء الشمالي، الجهوي، الجلابي، الابارثيدي ده!
ولهذا الما فاتحين حسابات قبول في المنبر ده، بالعدد!
ديل "عورة" من "عوارة"، يعني، واصحاب ارصدة الرضي، شطار، يعني؟
ام اصحاب ارصدة القبول، حبرتجية؟
الغالب انهم ماواعين زاتم بي كيف طريقة تفكيرم دي، غلط!
|
Post: #53
Title: Re: بشاشا...شخصياً!!
Author: كمال الدين بخيت اسماعيل
Date: 01-25-2008, 11:50 PM
Parent: #52
Quote: نجي لي سؤالك الكبير حقيقة:
مثلا، اذا انت لبست لي حفل في صالة في شارع النيل، هدوم غير هدومك البتنوم بيها، هل دي حاجة كويسة؟
سؤال شاذ شوية، مش؟
وكذلك الحكم علي سلوك الفرد، في ساحات الصراع الفكري، مقارنة بي سلوكو في المطبخ مثلا يظبط في فول كارب!
فالما كويس هو الخلط مابين علاقات واجواء الدواس في المنابر، بالعلاقات خارج المنبر، علي اساس انساني واجتماعي.
يا والله الفصل بين نمط النموذجين فصل تام، هو الصعب!
علي كده الكويس ياتو فيهم ياطلال؟
الفصل مابين حياة المنبر الاسفيرية والحياة خارج المنبر، ام عدم الفصل؟
البعرفو، البكون حريص، علي الرصيد في بنك القبول اجتماعيا، داخل المنبر، حيكون بخيل جدا، او ما حيصرف من هذا الرصيد، وبالتالي حيجامل!
حيكذب!
حيستهبل!
ليه؟
لانو ان تكون صادق مع نفسك او تقول البغلة في الابريق، فهذا سيضطراك تمد ايدك او تسحب من رصيد القبول اياه!
نعم حتضطر تشيل وش القباحة، في بلد الموت فيها بالملايين، اذا كنت صادق وامين مع نفسك قبل الاخرين!
البمارسو الابادة في بلدنا، ما جو من زحل او مقطوعين من شجرة!
ديل ناس، نموذج طريقة تفكيرم، هو اساس العقلية السايدة في الفضاء الشمالي، الجهوي، الجلابي، الابارثيدي ده!
ولهذا الما فاتحين حسابات قبول في المنبر ده، بالعدد!
ديل "عورة" من "عوارة"، يعني، واصحاب ارصدة الرضي، شطار، يعني؟
ام اصحاب ارصدة القبول، حبرتجية؟
الغالب انهم ماواعين زاتم بي كيف طريقة تفكيرم دي، غلط! |
حمدا لله علي السلامه
|
|