Post: #1
Title: و د ا ع اً
Author: ناجى الزبير الملك
Date: 09-25-2004, 08:04 AM
Parent: #0
صــــدقونى
سوف اشتاق اليكم .....
_____________________________________________
ناجى الزبير الملك
|
Post: #2
Title: Re: و د ا ع اً
Author: lana mahdi
Date: 09-25-2004, 08:09 AM
دة كلام شنو دة يا ناجي
انت احد بسمات الفرح فى هذا البورد
فلماذا؟؟
|
Post: #3
Title: Re: و د ا ع اً
Author: إيمان أحمد
Date: 09-25-2004, 08:13 AM
Parent: #2
وتاني البيجيب لينا الصور واخبار المساطيل منو؟!
وبعدين سجيمان ده ما مستنيك !
أتمني يكون السبب خير، وأن تبقي
إيمان
|
Post: #5
Title: Re: و د ا ع اً
Author: معتز تروتسكى
Date: 09-25-2004, 08:22 AM
Parent: #3
ناجى ليه وعشان شنو؟
لو فى مشى وحاتك نحن مفروض نكون قبالك...
لكن ياهو قاعدين عشانكم ..
والناس ماسكه تطيب فى الجروح...
ارجوك وضح لو ما هنا فى الايميل..
مندهش!!!!!
ياصديق..
|
Post: #4
Title: Re: و د ا ع اً
Author: سجيمان
Date: 09-25-2004, 08:20 AM
ناجي
| Quote: سوف اشتاق اليكم ..... |
ما دام بتشتاق لينا....ماشي لي شنو؟
|
Post: #6
Title: Re: و د ا ع اً
Author: waleedi399
Date: 09-25-2004, 08:52 AM
ناجي يا ود الملك
يا اخوي سلام ... ماشي وين
وبعدين المشي دا هو ذاتو سااااااااااااااكت ... لا احم ولا دستور
شوف البخليك تمشي منو ... كدي قول لينا ماشي وين ... والزعلك منو
عشان نعرفو انت منو ... يا زول انت كدي اصبر واشرح لينا تفاصيل الوداع دا
وكدي قبل ما تمشي يا أخوي... اقعد في "الواطة دي عشان نتفاهم وبعد داك نقرر تمشي ولا لا".
جاييك يا أخوي.
بيني وبينك
وصلتنا دعوة كريمة من شخصك الكريم مجرد سؤال للحيطة والحذر نقبل أم لا
وانت فاهمني يا ود الملوك ... خليتك بعافية ... وتاني جاييك يا أخوي ما تمشي بعيد.
وليد احمد
|
Post: #7
Title: Re: و د ا ع اً
Author: Soumeta
Date: 09-25-2004, 08:56 AM
الزعلو منو؟
نجو قول لي بس ببقي نجمة أُم ضنب بس إتا قول،،
ده خبر ما سمح حتي لو كان إلي حين،،
|
Post: #8
Title: Re: و د ا ع اً
Author: Raja
Date: 09-25-2004, 09:43 AM
?????
ناجي صديقي..
الحصل شنو..؟؟؟!!!!!!!!!!!
|
Post: #9
Title: Re: و د ا ع اً
Author: Dr. Moiz Bakhiet
Date: 09-25-2004, 10:29 AM
Parent: #8
الغالية رجاء،
ما في حاجة حصلت.. ناجي حردان عشان الجماعة بهناك خرتوه في البوست بتاعو..
شوفيهو قبل شوية كاتب شنو: صور جلسة بورداب الخرطوم
Quote: 25-09-2004, 06:41 ص
ناجى الزبير الملك |
Quote: بجى للتعليقات بعدين لكن ما بسالكم يا المهندس وزولة بالله انا سنة بحنس فى الناس ديل انزل صورهم تجوا فى يوم واحد وتنزلوا باقى الصور ...........وتدسوا منها
حصانة ......... والله سنو.....
انا خليت ليكم البوست حامشى اعمل لى بوست فى كل صور الجلسات ....
عشان الفائدة تعم واللا ما كده
|
الزول عايز حبة تحنيس وهو بستاهلو كمان ولا شنو
سلام يا أبو النون.. وأهو أنا ح أحنسك بالأبيات دي:
___________________
عليك الله و معزتنا
و عليك خاطر المطر ترجع
تجي تنور محبتنا
و تقعد تاني تتربع
على عرش الفرح فينا
و على الزمن المعاك أروع
***
تعال من غابة الذكرى
سنين اللهفة لو تشفع
حبيناك بالفطرة
و بحر الريدة نار ولّع
سراب الدهشة بيك رويان
و قلب الغيمة إتقطع
مرافي حنينا منتظراك
و موجك لسة بتمنع
***
عشان ما إنت جوانا
كل خلية تتوسع
كبير إحساسنا ما محدود
و لسة بحاول إطلّع
لنجم العزة فوق في سماك
لأجمل شمس بيك تطلع.
معز
|
Post: #10
Title: Re: و د ا ع اً
Author: HAMZA SULIMAN
Date: 09-25-2004, 10:55 AM
Parent: #9
وداعا كييييييف ؟
وليه؟
ومتين؟
وعشان شنو ؟
|
Post: #11
Title: Re: و د ا ع اً
Author: ناجى الزبير الملك
Date: 09-25-2004, 12:07 PM
Parent: #10
http://www.sudaneseonline.com/anews/sep24-03691.html
اغلاق سودانيزاونلاين لمدة يومين من اجل الصيانة
سودانيز اون لاين
9/24 4:41pm
تعلن ادارة سودانيزاونلاين عن اغلاق الموقع و المواقع التابعة لها ابتدا من صباح الاحد على ان تعاود نشاطها كالمعتاد يوم الثلاثاء وذلك لاجراء صيانة بالسيرفا .كما تدعو سودانهوستن و بيان للمعلوماتية جميع زبائنها الكرام الى عمل BACKUP الى جميع مواقعهم التى نستضيفها بسيرفا سودانهوستن
وشكرا
|
Post: #13
Title: Re: و د ا ع اً
Author: ناجى الزبير الملك
Date: 09-25-2004, 02:12 PM
Parent: #11
عزرا
|
Post: #14
Title: Re: و د ا ع اً
Author: ناجى الزبير الملك
Date: 09-25-2004, 02:16 PM
Parent: #11
عفوا
|
Post: #12
Title: Re: و د ا ع اً
Author: Raja
Date: 09-25-2004, 12:22 PM
Parent: #9
العزيز د. معز..
طبعا لما قريت كلامك.. وتاني قريت كلام ناجي.. وضحت لي الصورة شوية..
تسلم..
يا ناجي تاني بالله ما تخلعنا كده..
|
Post: #15
Title: Re: و د ا ع اً
Author: ناجى الزبير الملك
Date: 09-25-2004, 02:42 PM
Parent: #12
أصدقائ دوما ......
lana mahdi
الأميرة لنا مهدى حمد الله الشوفتك فى بوستى انتى كملتى السنة نصها حبو وتمامتها مشى ... انا ما عندى ركب زاتو اتظلطت كلها ....الله يهون واحصل السنة بدون ركب انشاء الله ....(حبواًعلى إسفلت المنبر الحر تارة و تارة حريره،سأكمل عمرى بينكم..ولكن
إيمان احمد
هل بالإمكان ان تقبلنى صديقك ...بشرط أنك تشيلى العبارة دى Quote: موقنة بأني حين أكتب عن أصدقائي سأموت
فهل أبدأ؟! |
بالله عليكى لا تبدأ ولا حاجة
معتز تروتسكى
الشفيف كلما انظر الى صورة مصطفى سيد أحمد فى موضع صورتك بتخّليك وبصورك فى الخاطر .....ما تشيل فى خاطرك منى
لكن ارجع وأسالك
بنقدر نمشى كل الخطاوى الممكنة البنقدر عليها وبنعرفها .....؟؟؟
فى الزمن ده ؟؟؟
سجيمان
انت فلاحتك معاااااى .....بس ....حأشتهى هبهبهبهبيك لى وهبهبهبهببيبى ليك
وليد 399 العريس
أقبل الدعوة لانو الdhl معطل ومعصلج معاى فهمتنى صح
Soumeta
صديقة البعد والوصال ....ما إنتى وريتنى الردب ....وانت السبب انى ادخل الحوش ده ......وفكتنى براى وزوغتى ..... .... يا حلاوة الدوم
Raja
صديقتى الأعز
الحاصل خير ....إنشاء الله .... شوفتى الفراق حار كيف ....عشان تانى ما تفارقينا
د .معز
يا ابو الميم ...عليك الله قصيدتك دى كان سلفتنى ليها يوم يومين ...
بالمناسبة انا ما زعلت ....هو عليك متل المهندس ده بزعلوا منو ...
والله زولة123 .... والله انا ما متعود ازعل ولا ازعِل
انا المزعلنى سبب تانى ..
حمزة سليمان بالله ما مشتاق لى حفلة تانى ...لكن برضو كيف ومتين ...
احبتى أخيراً ....وكما يحلو للكثيرين قولها .... ليس وداعاً ولكن ان اللقاء ....ولو عايشين حنتقابل ....
بس اعفوا منى ...عافى منكم ....على قول حبوبتى الله يرحمها
.......سنرجع يوما .....خبرنى العندليب ...غداة التقينا على منحنى ....سنرجع
سلام
|
Post: #16
Title: Re: و د ا ع اً
Author: Tumadir
Date: 09-25-2004, 02:48 PM
Parent: #15
الملك
وقفت قلبنا
طلعت مؤجز تبع البورد زاتو؟؟
انا غايتو مبسوطة بقفلة البورد..عشان شاعره بنفسى بقيت شريرة فى الاونه الاخيرة ...لكن ما دايره اخلى البورد...
اليخلينا هو...امكن نتحسن فى المده دى
حنشتاق ليك برضو
|
Post: #24
Title: Re: و د ا ع اً
Author: waleedi399
Date: 09-29-2004, 08:55 AM
Parent: #15
ناجي يا ودالملك يا أخوي مساء الخير....
بس حبيت اقول ليك انا في انتظارك على مدخل الـ DHL
مالك يا اخوي ضارب طناش على نفس الايميل عملت ليك اضافة
وصلت؟ ولا؟ لك خالص التحية ... والود
وليد
|
Post: #17
Title: Re: و د ا ع اً
Author: zola123
Date: 09-25-2004, 02:57 PM
Quote: والله زولة123 .... والله انا ما متعود ازعل ولا ازعِل
انا المزعلنى سبب تانى .. |
ناجي سلامتك
انا ما كتبت ليك في البوست عشان ترد علي
وبعدين بتقول انك ما بتزعل بعدين ترجع تقول ان مزعلك شي
يا زول ما تطلع تشخيصي غلط
انا اعلنت للناس ديل انك طلعت صاااحي
حسي تاني يرجعوا للكلام داك البتعرفوا
زولة123
|
Post: #25
Title: Re: و د ا ع اً
Author: waleedi399
Date: 09-29-2004, 08:59 AM
Parent: #17
الدكتورة زولا
مساء الخير ... اسفين مفروض تعفينا ... وتطلعينا بره المسألة دي
بالصوت ساكت بدون صورة ... ارجو انو المسألة تكون واضحة
خلينا في سكة السلامة.. عشان نصل لي حول الحول ..
ولك خالص التحية ... اختي
وليد
|
Post: #18
Title: Re: و د ا ع اً
Author: بدرالدين شنا
Date: 09-25-2004, 06:52 PM
| Quote: أها وحا تقعد معانا كتير هنا؟؟؟ |
إنت زعلت من كلامي دا ولا شنو يا ناجي؟؟؟
|
Post: #19
Title: Re: و د ا ع اً
Author: Soumeta
Date: 09-25-2004, 06:58 PM
ألبركة في غنية فيروز،،
خلي البشتنة يا نجو،،
حلاوة الدوم دي مريوم ما تلخبت أنا حلاوة شعيرية،،بي المناسبة المولد متين؟
|
Post: #20
Title: Re: و د ا ع اً
Author: dreams
Date: 09-25-2004, 09:28 PM
Parent: #19
ياسلام على فيروزنا مع الصباح
ناجى انت عجبتك الغنية وحبيت تعمل لها اخراج مش ؟
ولا اقول ليك
انا كلمونى بالرسائل الجاتك امس ..ما تزعل بشاكلهم ليك
|
Post: #21
Title: Re: و د ا ع اً
Author: أحمد الشايقي
Date: 09-25-2004, 10:32 PM
ناجي الملك
ابن عمي
ولله أنا خفت تكون زعلان فعلا وأنا جاهز أبدأ تحنيس
بالمناسبة انت لون مختلف ومهم جداً في هذا المنبر.
كمان والله أداءك رائع
دمت هانئاَ
مع تحياتي
أحمد الشايقي
|
Post: #22
Title: Re: و د ا ع اً
Author: مريم بنت الحسين
Date: 09-27-2004, 12:18 PM
مسكت الموبايل قلت أضرب أخلعك نص الليل ده عشان خلعتني! عاد بالغت وشذيت.. هو زاتو على قول وليد .. ما على كيفك..
سعيدين إنك معانا
بنت الحسين
|
Post: #23
Title: Re: و د ا ع اً
Author: معتز تروتسكى
Date: 09-28-2004, 09:31 AM
Parent: #22
ناجى ..الهميم..
انت تصورى مع ابو السيد..
ياخى ده شرف اتقلد به منك..
ويبقى على اشيل فى خاطرى منك عشان نبقى ننحزن بيك..
اكيد مشوار العصارى راجينا تانى ..
فى مساحات بتاعت وطن حر ديمقراطى..
فى اللحظة اتشقق اسى واسب للغربه..
قدر ماتدتنا حزن كانت عنوان للمعذبون فى الارض..
الغربه عندى ما هى المشكله ناجى..
لانو فى الوطن كنا عايشين فى غربه..
فقط كنا بنشوفكم قدامنا..
وده شاسع الحروف ...
والماقادر يستوعبوا الضمير..
وبقت واقف براك...
والهم عصف...
وصور.. وتانى صور..
ما عينيك تصاوير المنى..
كم انا حزين بك..
ياصديق...
وياااااااااااااااااااااااااااااه
ناجى....................
|
Post: #26
Title: Re: و د ا ع اً
Author: ناجى الزبير الملك
Date: 09-29-2004, 01:45 PM
Parent: #23
رجوية .....ازيك
ومشتاقين ....
تماضر ......العزيزة
| Quote: انا غايتو مبسوطة بقفلة البورد..عشان شاعره بنفسى بقيت شريرة فى الاونه الاخيرة ...لكن ما دايره اخلى البورد... |
لا لو بتخليهو ببقي مسيخ....
وليد399
Quote: مالك يا اخوي ضارب طناش على نفس الايميل عملت ليك اضافة
|
اها انشاء الله الصور وصلتك.....
زولة 123
| Quote: انا ما كتبت ليك في البوست عشان ترد علي |
انا رديت على كلام د .معز الجابو من هناك .... ما خليت ليكم البوست بتاعى .....لكن صافية لبن
ومشتاقين .....بالمناسبة(ناس برج البركة بسلموا عليك)
بدر الدين سماحة
| Quote: إنت زعلت من كلامي دا ولا شنو يا ناجي؟؟؟ |
كان انا بزعل من كلامك ده.... كان زعلت من عدم اتصالك لما جيت الخرتوم المرة الفاتت ....
سوميتا ....
| Quote: حلاوة الدوم دي مريوم ما تلخبت أنا حلاوة شعيرية،،بي المناسبة المولد متين؟ |
حلاوة شعيرية ....هاهاهاه عارفانى ضحكتا ليه ....وهادى ضحكة تانية ..هاهاهاه ولوووووووووووووووول
دريمز ...
| Quote: ناجى انت عجبتك الغنية وحبيت تعمل لها اخراج مش ؟ |
انتى بتسمعى فيروز ؟؟؟ من متين ؟؟؟.....Quote:
انا كلمونى بالرسائل الجاتك امس ..ما تزعل بشاكلهم ليك |
شوفتى انا غير كلمونى وكلموك دى مافى حاجة حردت...الناس ..
لكن تعالى الكلمك منو .....
احمد الشايقى اخوى
| Quote: ولله أنا خفت تكون زعلان فعلا وأنا جاهز أبدأ تحنيس |
كلوا والله التحنيس ما بدوروا ادعى لى احسن... شئ
مريومة ....
اول مرة الاحظ علامة المشرفة دى جديدة ...... شكلك رئيسة رئيسة...وبعدين مشاركاتك ...تمت ال1000 فى بوستى ده
لكن عندى سوال
اسى الواحد لو قال ليك حلاوة الدوم برفدهو والله بحمروا ليهو ساكت ..
معتز تروتسكى
وكنتى بتطلعى
من عينهم
وكتين
يفرحوا او يندهشوا
او يتوسدوا سواعد بعض
او يتكلموا عن الارض وسلام العالم
بجيك راجع ....
|
Post: #27
Title: Re: و د ا ع اً
Author: ناجى الزبير الملك
Date: 09-29-2004, 02:11 PM
Parent: #26
ناجى الزبير الملك
.
تاريخ التسجيل: 30-03-2004
مجموع المشاركات: 624
بكرة حاكون تميت نص سنة ....بوردية .....
كفاية .....مش كده
|
Post: #28
Title: Re: و د ا ع اً
Author: ناجى الزبير الملك
Date: 09-29-2004, 02:40 PM
Parent: #27
بقولوا المفارق عينو قوية .....
سالتكم الله مافى زول يخش بوراى .....
فى البوست ده .....
انا باخد .....اجازتى .....الطويلة دى واحتمال اجى واحتمال ما أجى ده لو .......
لو بقينا عايشين ........
ما تقطعوا لى اجازتى ........وابقوا اعتزروا لى للمناسبات
البوردية .....
والعفو والعافية
ودعتكم الله
|
Post: #29
Title: Re: و د ا ع اً
Author: معتز تروتسكى
Date: 09-29-2004, 09:52 PM
Parent: #28
ناجى..
ماقيت غير اكتب ليك بعض خصوصياتى..
وارجو ان تكون واضحه.
فهى ليس غريبه عليك...
اعشق ...
البحر ..
والرحيل..
والهدوء...
ولن انساك مهما كتبت لى الحياه..
|
Post: #30
Title: Re: و د ا ع اً
Author: معتز تروتسكى
Date: 09-30-2004, 08:48 AM
Parent: #29
غيرته كل الدروب ...
هذا دربى الجديد ..
[email protected]
هذه ستظل معى ..
ميعادنا فى وش الفجر..
وبينتنا الثبات..
|
Post: #32
Title: Re: و د ا ع اً
Author: ناجى الزبير الملك
Date: 10-02-2004, 01:56 PM
Parent: #30
معتز
وبيناتنا اكبر من تلومينى واعتزر ............
الصورة فى الخاطر ........ والخاطر فى القلب .......
والقلب ...................................
يا قلب انا كنت قايلك تبت من تعب السفر .....ومن مخاواة القمارى ... ومن شراب موية المطر .........
تااااااااااااااااريك لابد لى بشيتً كتر .....
|
Post: #31
Title: Re: و د ا ع اً
Author: عبير خيرى
Date: 09-30-2004, 08:51 AM
نجو
وأنحنا القاعدين ليها شنو
الدنيا من بعدك جفاف
والربيع ماتت زهورو
والفرح حاضن الغروب
والخريف رحلت طيورو
|
Post: #33
Title: Re: و د ا ع اً
Author: ناجى الزبير الملك
Date: 10-02-2004, 02:14 PM
Parent: #31
عبير ....الخير
ازيك ..... طيب ما نمشى نقعد ونتربع فى حفلة عقد الجلاد ....الاربعاء الجاية ............
وعليك الله البوست ده ما تهبشيهو كفاية لحدى هنا ....
البورد بعد ده الا يكتبو فيهو ....من حقكم ان تدخنوا ومن حقنا ان نستنشق هواءً نقياً ..........ما شايفة الدخايين البره دى
؟؟؟؟؟؟؟؟؟؟؟؟؟؟؟؟؟
الجايين
امانة ما يجى زول بوراى ............ويداخل
لانى ما بقدر على كسر خاطر زول اجبروا خاطرى ......
ووداعا
عفوا الى لقاء ............ولو بعد حين
|
Post: #34
Title: Re: و د ا ع اً
Author: ناجى الزبير الملك
Date: 10-02-2004, 02:27 PM
Parent: #33
والسلام
|
Post: #35
Title: Re: و د ا ع اً
Author: حبيب نورة
Date: 11-16-2004, 03:08 PM
Parent: #34
|
Post: #36
Title: Re: و د ا ع اً
Author: Abdel Aati
Date: 11-16-2004, 05:32 PM
Parent: #35
ناجي ماشي وين ؟
قول علي الاقل الي اللقاء !!
عادل
|
Post: #37
Title: Re: و د ا ع اً
Author: Abo Amna
Date: 11-16-2004, 10:22 PM
Parent: #36
ناجي تحياتي
ما جيت عشان اقول ليك ارجع لكن في مشكلة لازم تحلها قبل ما تمشي ..
من أول يوم نزلت موضوع فيروز وانا كل يوم احاول اعلق عليهو .. وكل ما الصفحة تبدا تفتح .. يعلق كل الصفحات المفتوحة وبعدين كل البرامج الشغالة ويوقف الجهاز ...
المشكلة انو المسالة لما اتكررت مرتين تلاتة بقت بالنسبة لي تحدي كيف يعني تغلبني صفحة في الانترنت ... اها وبقيت بس شغال معاها لحدي وقفت شغلي كلو وبقيت شغال معاك لحد ما وجهوؤا لي خطاب انذار وبعد كدة ما شغال بالموضوع ..
فيبقي قدامك واحد من اتنين يا تحل المشكلة دي لحدي ما اعلق علي الموضوع ولا تشوف لينا شغل تاني ..
غير كدة ما في طريقة تمشي ... بعد ده عليك يسهل وعلينا يمهل لحد ما ترجع تاني ...
وكل سنة وانت طيب
بمناسبة فيروز
في كلام جميل عنها هنا
محمد....نبي؟
غايتو حاتتعب شوية لكن حاتلاقهو ( مرتين )
|
Post: #40
Title: Re: و د ا ع اً
Author: ناجى الزبير الملك
Date: 11-18-2004, 03:38 AM
Parent: #37
ابو امنة
.....
لوووووووووووووول طيب انت اقفل كل الصفحات وخلى موضوع فيروز برااااااااهو ....
وجرب .....
قريت جزء من الموضوع (محمد ...نبى ؟) ....
إعزرنى ....ما فهمت هل هو معض تسأول ام ؟؟؟؟؟
.....
.....
ولك منى كل الود .....
.....
.....
لو لم تتمكن من المداخلة فى موضوع فيروز يمكنك ...العودة لى على الايميل
ودمت
|
Post: #39
Title: Re: و د ا ع اً
Author: ناجى الزبير الملك
Date: 11-18-2004, 03:25 AM
Parent: #36
عادل ....
ود عطبرة ....
.....
.....
عندى طلب ....
خفف شوية من الحدة ..... فى البوستات اياها ......
لأنها محسوبة عليك اكتر .....من غيرك .....
ارجو انك تفهمنى .....
ارجو ذلك
ولك منى كل الود
والى اللقاء فى مساحة أرحب
|
Post: #38
Title: Re: و د ا ع اً
Author: ناجى الزبير الملك
Date: 11-18-2004, 03:13 AM
Parent: #35
حبيب نورة ....
تصدق وتأمن انا داخل داير أرفع البوست ....
لانى ....داير اخد أجازة بالجد....
.....قلت ادخل ارفع البوست ده حاخر ...مداخلة .....
واتلحلح من سكااااااااااااااات
دخلت محل نت لقيت أول زول ....بقرأ فى الموضوع .....
.....(هو زاتو منو) ما حتصدق .....
على العموم ......شكرا على الزهرة .......
ومنى ليك مليون زهرة .......وكل سنة وانت طيب (مرتين)
دبل كل سنة
أها يا خوى فى وداعة الله (على قول الحبوبة الله يرحمها )
...وما تنسى المراسلة الايميل
فى البروفايل....
سلام
والى لقاء ......
.....
|
Post: #41
Title: Re: و د ا ع اً
Author: Dia eldin khalil
Date: 11-18-2004, 05:17 AM
يا ناجي يا اخوي دا طبعا تكتيك قديم و مضروب
والمسائل احنا لينا فيها باع طويييل
فاااا خت الكورة في الواطة و روق المنقة...
ضياء
|
|