ما أشبه الليلة بالبارحة يا ... عصــــام جبرالله .... كم أفتقدك

ما أشبه الليلة بالبارحة يا ... عصــــام جبرالله .... كم أفتقدك


05-03-2004, 00:29 AM


  » http://sudaneseonline.com/cgi-bin/sdb/2bb.cgi?seq=msg&board=141&msg=1252042942&rn=1


Post: #1
Title: ما أشبه الليلة بالبارحة يا ... عصــــام جبرالله .... كم أفتقدك
Author: Abo Amna
Date: 05-03-2004, 00:29 AM
Parent: #0




كنت بصلابة وبمبداية تقف ضد الزيف وهراء التجاني المشرف ... لو كنت وحيدا لما تنازلت عن موقفك

لوقفت كحد السيف حتي لا يسود باطلهم علي حقنا ...

أفتقدك كثيرا علي الدوام واليوم افتقدك اكثر من ايي وقت مضي

فهل تسمعني
كل الحب والود لك


Post: #2
Title: Re: ما أشبه الليلة بالبارحة يا ... عصــــام جبرالله .... كم أفتقدك
Author: khider
Date: 05-03-2004, 02:07 AM

ود جبرالله دة ولد امو و ابو
1/لا بعرف يجامل
بين قوسين (لئيم و قطيم )
2/لا بعرف يكضب
اكان الدنيا كلها وقفت قصادو
3/لا بعرف يشكر روحو
4/يبقي صغييييييييير مع الاطفال
5/يبقي كبييييييييير مع الكبار
و اعي و عارف بعمل في شنو
عارف هو واقف ويين و ليه
ده صاحبي ياخ
اسألني منو

Post: #3
Title: Re: ما أشبه الليلة بالبارحة يا ... عصــــام جبرالله .... كم أفتقدك
Author: esam gabralla
Date: 05-03-2004, 10:21 AM

ابو امنه
سلام...فى جرى الايام الفاتت دى قدرت مره اتاوق لى سودانيز اونلاين,وقريت الخبر العجيب ده، اول خاطرتين جو فى ذهنى هم كلمات محمود درويش فى قصيده بيروت على ما اعتقد : فى كل مئذنة...حاو و مغتصب... هنا لان الدكتور/التجانى اكد بالمعنى الحرفى وصف محمود درويش لهم ، ربما لم يكن خيال المبدع درويش يتصور انه مهما بالغ فى تجريد المعانى واللعب بالدلالات ان هناك بشر ستنطبق عليهم هذه الاشياء "بى ضبانتا", الخاطره الثانيه : هل لسوء وانحطاط هؤلاء "الاشياء" حد؟؟؟ هل يصر هؤلاء دوما على القول لنا والاثبات بمختلف الوسائل والسبل : كلما ظننتم ان هذا اسوأ واقصي ما يمكن ان نفعله،سنخيب ظنكم دوما و نريكم انكم "لسه ما شفتو حاجه"....
يا جعفر ... ودى ما حركات منى،صحى انا وقفت واتمنى انى لسه اقيف و ما اترخى يوم للسبب ده او داك او ما تدخلنى الاوهام دى او ديك،او تختلط على الحدود ما بين الصاح والخطأ والاصح والاكثر خطأ او ما مابين المبدئى والعابر ، لكن ارجع واقول ليك قائمة الناس دى طويله وامشى شوفا فيها انت وخدر البنطط دا و رودا والطيب البشير و زول ابن زول وكبر ومراويد وتماضر وايمن ....الخ بعدين حا امشي انقل القائمه كلها . ده لا يعنى اننا انتصرنا ومن رحبو بالتجانى او نادوا للحوار معه انهزموا ،بالعكس الاختلاف داك كان مفيد جدا وضرورى للغايه ، ولا زال مطلوب لكن بينى وبينك تحت تحت انا فى جواى فكرت "اها ما قلنا ليكم الناس دى بطاله اكتر مما نتخيل "
سلام ابو امنه وشكرا للكلام

خدر
القطامه واللئامه فضلة خيرك
كلامك ده بينطبق على فقدنا الابدى احمد المجذوب ، بطل الحركت دى.... نواصل حملة الدكتور/المشرف
لى بعدين
تحيات وتقدير

Post: #4
Title: Re: ما أشبه الليلة بالبارحة يا ... عصــــام جبرالله .... كم أفتقدك
Author: Abo Amna
Date: 05-04-2004, 08:35 AM
Parent: #3




عزيزي KHIDER

تحياتي

عارف انو انا وعصام لم نلتقي الا علي صفحات هذا البورد في فترة وجيزة ... أنا لا اعرفه قبلا ولم أره ولم أتحدث اليه من قبل ولكنه لفت نظري ليس من مجرد تعليق ولكن من متابعة طويلة لكتاباته .. التي تتحدث عن مواقف مبداية .. ليس تجاه الجبهة الاسلامية بل حتي تجاه المنظومة التي ينتمي اليها ومن يستطيع أن يتحدث عن منظومته بمثل تلك المبدأية لا يمكنه أن يقابل الاخر الا بذات المبداية ..
كثيرون هنا هم الذين يستحقون وقفة ولكن لأن غياب عصام طال أكثر من اللازم وفي هذا الوقت بالتحديد نحتاجه ... أطلقت هذا النداء لعله يسمعنا ...

ولا أقول لك ان كل ما جئت به عنه هو صحيح او غير صحيح فهو صديقك وأنت أعلم به ولكن أنا الذي لا أعرفه كان بالنسبة لي شخصا يستحق أن أتوقف من أجله ... فمرحبا بعودته لك ولنا
.
.