وداعا أبو آمنة ... مرحبا أبوبكر الأمين يوسف ...

ربما هذه اللحظة التي اتخلي فيها عن الاسم أبو آمنة واكتب باسمي هي لحظة لا يمكن وصفها باي عبارة مهما حاولت ذلك فقد أصبح هذا الاسم جزءا من دمي.
وهي ذات اللحظة التي احتفي فيها بوجود رفيق العمر بأكمله أبوبكر الأمين يوسف في البورد ... مرحبا بك بعد كل هذه الأعوام من الغياب ... وأتمني ان يحتفي بك المكان ...

برغم أن اختيار هذا الاسم كان بمثابة العادة التي جرت عليها الامور قبل ان تصبح الكتابة بالاسماء الحقيقية هي السائدة وحتي في ذلك الوقت كنت اتساءل دائما عن مسئووليتي تجاه ما كتبته تحت اسم أبو آمنة الا ان المسؤولية لا تزال قائمة ولا تتعارض مع التغيير الي الاسم الحقيقي الذي كان معلنا منذ البدء ...

وداعا أبو آمنة
مرحبا أبوبكر الأمين يوسف

ومرحبا بهذا الميلاد الجديد
واعتذاري لكل الذي الذين اعتادوا علي الاسم ...

مرحبا جعفر بشير
و مرحبا ابوبكر الامين

لكن زي ماقلنا لي فجراوي .. نحن بنعرف فجراوي ..عمر ادريس ده
يطرشنا
تعرف يا اب امنه
انا لم اهتم في حياتي البورديه ببيانات زميل
دائما ما احتفي او اتغاضي عن اسماء تبعا لكتاباتها
الفيك اتعرفت و مرحب بيك و بي رفاقتك

الحبيب خدر

عارف انا زاتي جعفر بشير ده ماعارفو حايكتب ليكم شنو وبالجد أبو آمنة وحشني ...
طبعا الرسالة دي كان مفروض تكون باسم أبوآمنة في وداع سودانيز أونلاين لكن لظروف ضاغطة ما كنت موجود لحد ما وقت المهلة انتهي وماكان في حتي طريقة لرسالة وداع ...

سودانيز أونلاين واحد من المنتديات المميزة جدا في الانترنت وأكثر ما يميزه هو الأسماء الحقيقية والاعلان عنها يجعل الامور اكثر مسؤولية لأن ما تكتبه هنا سيرتبط باسمك الي الابد ..
مع انني وبكل تأكيد لا اهتم كثيرا بالاسم الذي يكتب الا في فيما تقتضيه الامور.ايضا هنالك امور اخري ومواقف يجب أن ترتبط باسمك الحقيقي لأن تأثيرها يتجاوز الشخصي ويتعدي الوقتي ...

أتمني ان يعجبك جعفر بشير

مرحب بجعفر بشير في البورد

و لن ننسي ابو أمنه

ودي

and welcome Abu Bakr Amin

we look forward for your contribution

أبو آمنة
أقصد جعفر بشير
من هو أبوبكر الأمين يوسف؟؟!!

شكرا عزيزي محمد سليمان لوجودك

وعذرا علي هذا الخلط الذي سببته ..

بعد ان قدم أبوبكر نفسه
اعود لاقول لك هو صديق الطفولة وابن بلدتي ورفيق درب طويل حتي تخرج هو من الاهلية وانا من الخرطوم ثم لم اراه مرة أخري بعد ان قرر كلانا المغادرة ..

هو أبوبكر الأمين يوسف

الاسم نفسه يبعث هالة من الجمال ..
وكذلك هو

الدكتورة العزيزة هالة الأحمدي

تحياتي لك
وشكرا للترحيب بهذا الاسمر الجميل ورفيق العمر أبوبكر الأمين ..

شايف مولانا خدر فاتح ليهو بوست بتاع تعويضات هناك ..
طبعا لو كان فيها غرامات ولا سجون ما حاكون براي

ودي

Dear Abu Amna / Gaafar Bashir
greetings
as Hala wrote, we will not forget abu amna

Welcome also to Abubakr Al Amin Yusif. I have the sense that I know him or have met him before but am not sure.

regards
nada

مرحبا بالفتى السامق بكة... تلكم فداسى التى علمتنا واعطت ولمتنا كثيرا ... بانتطارك عند المنعطف بكة...
تحياتى لك عزيزى جعفر

العزيز حمزة فاروق

تحياتي لك وأنت تمارس الحرية في أكثر ساعات الهزيمة عمقا ... ولا اعرف ان كنت يوما سأحظي بهذه التجربة أم لا ..
لا أستطيع ان اتصور انني لم امارس حقي الانتخابي في وطني طيلة حياتي ...
انتظرناك كثيرا ولكن فضلت الغياب ...

أرجو ان تعتاد علينا

كل الود

العزيزة
دكتور ندي علي

أتمني ان تكوني التقيتيه فعلا فهذا علي الأقل سيخفف عني عبء السنوات التي قاربت او تجاوزت العشرمنذ آخر مرة رأيته فيها..


لك ودي

عزيزي جعفر،

تحية المودة والشوق، وكم أتمنى أن ألتقيك..

ومرحبا أبو بكر الأمين..

طبعا أنت لا زلت "سينغل" حسب البروفايل.. يبقى عليك أن تجعل الإسم حقيقة.. أعني أبو آمنة..

بس كدي في الأول تجي أم آمنة.. الله يديك الزوجة التي تستاهلك وتستاهلها.. مع أعذب الأمنيات..

ياسر

العزيز دكتور ياسر الشريف

وأنا ايضا أتمني أن القاك في كل لحظة ...

حينما تلصصت علي بروفايل العزيز ابوبكر وجدت الحالة لا زالت Single أيضا واعطاني هذا الامر شعورا مزدوج ... فمن جانب يشبه الامر بعض العزاء ومن جانب اخر كنت اتمني لو انه تستطاع تجاوز مرحلة العزوبية هذه ..

ولكن لنقل ان الامور قريبة جدا.

تحياتي لك

الف مرحب يا باشمهندس جعفر .. ومع اني احببت كنية ابو امنة.....والف مرحب بابوبكر الامين

العزيز تولوس

تحياتي

لا ادري ما الذي يحث معك فقد أطلت الغياب ولكن لنقل انها ربما بعض المشغوليات وستعود لنا مشاركا ..

كل الود

أبو آمنه سلام قبل ان نرضي بتغيير إسم أبو آمنه لا اسمك الحقيقي نريدك أن تخرج سبب اختيار هذا الاسم من خلال معنى اسمك السابق في منتدى الحوار الذي بلا شك تحبه و نحبه نحن ايضا, و أعتقد أنك لم تختار اسمك إلا بعد تفكير عميق بحثا عن خلق أو مبدأ نبيل يرتبط به اسمك أبو آمنه فهلا ان نعرف!!!

مرحبا أبو آمنة

و مرحبا جعفر بشير

و مرحبا أبوبكر الأمين يوسف

ولا تفوتني عبارة محمد سليمان

Quote: أبو آمنة أقصد جعفر بشير من هو أبوبكر الأمين يوسف؟؟!!

من كان بيته من زجاج لا يرشق الناس بالحجاره و بغض النظر الا يكفيك كلام أبوآمنه عندما قال

Quote: وهي ذات اللحظة التي احتفي فيها بوجود رفيق العمر بأكمله أبوبكر الأمين يوسف في البورد ... مرحبا بك بعد كل هذه الأعوام من الغياب

أنور أحمد

الحبيب أنور أحمد
شكرا لهذه الصورة التي تبعث دائما الدفء والشعور بالأمان ..

في السادسة من عمري كنت نزيلا باحد المستشفيات لاجراء عملية استئصال زائدة .. كانت آمنة تلك الفتاة الصغيرة هي من ملأ وقتي خلال الأيام التي قضيتها هنالك قبل العملية.
لا اعرف في ذلك الوقت المرض الذي أصيبت به.
دخلنا العملية في ذات اليوم.
وحينما خرجت وافقت تساءلت عنها ولم أجد الا علامات استفهام وسرير فارغ.
كانت أول تجربة لي مع الفقدان والاسئلة الكونية التي لا اجابة لها حول هذا الغموض الذي يسمي الموت ..
وظلت عالقة حتي اليوم وستظل الي نهاية العمر واذا ما اختفي الاسم هنا سيعود للتمدد في جزء آخر من حياتي ...

شكرا أنور أحمد

الجميل جعفر

يامراحب بيك سأكون مساء اليوم بطرفكم ( خروج نهائي للدمام) وعقبال البلد دي كلها

سعيد بأن تكتب بأسمك الحقيقي كتاباتك تستحق أن تعرف ياصديقي .

شوق ثم شوق وود تعلمه جيداً

الحبيب خضر حسين

أولا دهشتي البالغة ان اعرف ان هنالك حوارات مابينك وبين أبوبكر ولا أعرف كيف ومتي بدأت ولكني سعيد لأن كلاكما جميل وكلاكما صديقي ...


أما فيما يخص خروجك النهائي او علي الاقل وجودك في الرياض فتعرف أنني اشتاق له جدا ..... لكن وعودك دي اسالني منها ..

كل الود

الاعز جعفر بشير ... سلامات ...

أيناً ما كانت الاسماء ستظل ذلك الانسان الذي كان ومازال عند

قل ما تشاء كن ما تقول ....


وتحياتي وترحيبي بابوبكر ...

تسلم ... أبو آمنة...

اهلين بيك يا ابو امنة


واهلا بي ابوكر الامين ناس قطر

العزيزة بنت الأحفاد 2001

شكرا لهذا الحضور
طبعا حانتشاكل في الورود دي (ماتقولي كل واحد واحدة مافي كلام زي ده) وحاتتحملي المسؤولية ..

شكرا لاهداءنا ابوبكر الأمين
وشكرا لكل القطريين

العزيز الذي لا يغيب ابدا عن الحضور في كل المواسم

بشري الطيب

أبوبكر هو خريج جامعة امدرمان الأهلية شهير ب (بكة) ربما لم تلتقيه ولكني اكيد انك التقيته علي السنة البعض ..

وسنقول ما نشاء وسنكون ما قلنا بكل تأكيد وحب

سلام

العزيز ابو امنه

تحياتى ومحبتى

اولا اين انت مختفى

ياخى بالله عليك ما تحرمننا

من كتاباتك الحلوه.

ثانيا مرحب بيك باى اسم

وان كنت قد احببت ابو امنه

فهو رمزا للشرق عندى

وكنت احلم ان يظهر ابو فاطمه

كاسم اخر من الشرق.

ولكن سؤالى زى سؤال محمد سليمان

هل جعفر بشير ليس اسمك الحقيقى

وابوبكر هو اسمك الحقيقى ؟؟؟؟؟

سؤالى جانبى هل قاعد تطل على ايميلك المنشور هنا؟

تحياتى اخى ابوبكر.

تراجى.

العزيزة تراجي

سأظل معبرا عن كل الجهات في بلادي مهما حملت من اسماء ولك ان تعتبريني من الشرق والغرب والوسط والجنوب وكل شبر ينبض حياة من بلادي.

اطالع البريد في كل يوم ولكن في هذه الفترة يكاد الارهاق يقتلني حتي انني لا اجد اي وقت للنوم وهذه اللحظات اسرقها ما بين العمل والعمل الجديد ..

أتمني ان يكون الامر اتضح الان بوجود الأخ ابوبكر بيننا

كل الود

خطوه ممتازه ابوامنه
نتمنى من الجميع ان يفعلو نفس الشئ

مرحب بيك باى اسم و طالما صورتك معلقه مافى زول
محتاج يقرا الاسم...

مرحب و اهلا و سهلا بالاسم الجديد

النصرى

جعفر بشير

Quote: وداعا أبو آمنة مرحبا أبوبكر الأمين يوسف

بورداب الرياض يعتبرون الصورة و أبو آمنة و جعفر شخص ذو نمط واحد .. فجعفر و أبو آمنة و ما ترمز إليه الصورة هو ذاك الشخص ذو المباديء صلب العود لا يتزحزح عنها فدونها الغالي و النفيس.

أما أبوبكر يوسف .. فنرحب به ترحيبا حارا.
دمتم

للاخوة الاعزاء حتى لايختلط عليكم الامر فى زمن (التخالطات المرحلية)على وذن (تحالفات مرحلية) (اسمع ضحكتك تجلجل يابن الفاروق ياحمزة)...
ابوبكر الامين :الدوحة _قطر المولد والنشاة (فداسى العشق الامحدود).. دائما مايأتى بالنهايات وصديق لباشمهندس جعفر بشير..
العزيز باشمهندس جعفر صديقى الغالى ورفيق دربى هذا الرائع ترى مابداخله فى عيونه قبل ان يقول ...فيا باشمهندس انا ايضا لايسعنى الاان اقول ....فاقدك....
الرائع حمزة فاروق حتما بلقاك فى المطرة ساعة الدعاش والشم (يكفى انو البينا اكبر من قوانين الطبيعة وحد الاشتهاء)لك التحية يارائع... واكثر لنضال......
العزيزة دوما بنت الاحفاد2001 هى من جمعتنى بكم وبجميع الاعزاء (لو كنت اعرف اننى سالقاك امتدادا لما غفوت دقائقا ولما بكيت على الجراح ومسحت لعنات الهزيمة وانتظرتك سامقا) (د/معز عمر له التحية وللرائعة بنت الاحفاد2001.
العزيز خدر ..ربى يخدر عود ضرعاتك.....لك التحية ...
العزيزة هالة ...انتى هالة وكلك ضئ تحياتى يارائعة..
العزيز محمد سليمان ابوبكر عضو جديد ودائما مايأتى بالنهايات ....تحياتى..
العزيزة ندا يابت على (مااصلو بينا المعزات والعزابات فى الحياة) حتما سنلتقى فى يوم ما ...ولنا عودة ....تحياتى...
العزيز ياسر الشريف تحية بحرارة وسر بينا (جعفر ماسنقل دائما كانت بداخله ودا وحبا...)
العزيز تولوس اعتقد اننا التقينا فى تعرجات الحياة ....تحياتى..
العزيز انور احمد يكفى منك ابتسامتك ...والترحيب ياشفاف...
العزيزبشرى الطيب تسلم ياعزيز...
العزيزة تراجى جعفر بشير اسم حقيقى وابوبكر الامين اسم حقيقى كحقيقة مابيننا ...لك التحية....(اسمك حلو)
العزيز ابو جهينة فائق تحياتى ...
الجميع لكم تحياتى ..واتمنى ان نلتقى فى وطن اخضر يسع الجميع...
......وانتظرتك سامقا......

العزيز أبو جهينة

Quote: بورداب الرياض يعتبرون الصورة و أبو آمنة و جعفر شخص ذو نمط واحد ..

لك الود

لا تعرف كم هي قيمة هذه العبارة ... ويسعدني أن اعرف ان هذه هي الصورة لدي بورداب الرياض الذين قصرت كثيرا في حقهم ولكني احاول فعل كل ما يمكنني ...
مصدر سعادتي انني احاول دائما ان اكون ما انا عليه دون زيف مهما كانت المحصلة واؤمن بأن نقول ما نشاء علي أن نكون ما نقول ..

شكرا لكل ذلك
وشكرا لبورداب الرياض الأحباء

شكرا يا عزيزي النصري علي هذا التشجيع وبكل تأكيد لكل منا اظروفه المحيطة به ولكن أيضا لكل منا لحظة ستأتي تباعا ...

ربما استعين بك في محاكم (لاهاي) التي يديرها القاضي مولانا خدر هناك ..

Quote: واعتذاري لكل الذي الذين اعتادوا علي الاسم ...

ابو امنه

نحن (هينين)
انت
كيفنك ؟؟

لا

تقبل


فهل يعقل؟؟؟


ادرى مامعنى انك ذاهب...

الله يقدرك


جعفر بشير....انه السلام

وعليكم السلام

مرحب يا جعفر؛

بس عليك الله قبال تطوي صفحة ابو امنة ورينا

سر اختيار هذه الكنية.

الصديق والاخ الحبيب جدا /


جعفر بشير...


الف اهلاً ومرحباً بمقدمك باى شكل تختار ، فانت قد عودتنى الصدق والتجرد والمسؤلية فى حديثك واظن ان ابوامنة كانت هى انت حقيقةٌ ، كما ان جعفر بشير (( الحالى)) لن يختلف عن والد تلك الفتاة(( امنة))...

الصديق الرزين (( الهادى جداً)) ابوبكر الامين (( بــــــــــــكة))...


سلام واشواق لك يا حبيب طال الزمن ومازالت كثير من الزكريات عالقة با لذهن ترفض ان تبرح مكانها من طيب معشر (( أبناء فداسى الحليماب)) - شريف ملح - معاوية (( طيبة)) محمد عبد الكريم- محمد الامين- معتز فداسى وكثيرين اخرين واخريات ، فلك الحب والسلام ولك الترحيب...

ولنا السعادة بحضورك البهى...

سفيان

الحبيب سفيان بشير

تحياتي لك ولكل الرفاق

وأسأل عن غيابك ...

معاوية طبعا في الرياض (صاحب اسرة ومشغوليات كتيرة) الله يديهو العافية ...

سنلتقي قريبا

العزيز حسين ملاسي

ليتها لو كانت زكري افراح ...
فتلك الصغيرة هي آمنة ..

الحبيب عمر ادريس

وعليكم السلام ...
عند تسجيل الدخول ..
تبدو المسالة مأساوية ولا سبيل الي الخلاص منها في الوقت القريب ... اعتقد انك تفهم هذه التجربة جيدا ... تحياتي الي أبوآمنة اينما كان ... فقد ترك في نفسي اثرا لا يمكن محوه بسهولة ...

وشكرا لحضورك الدائم

جعفر

انا ما عارف إنت جبت آمنة من وين من الأول

لكن للضمان مرحب بك تاني و تالت

وربنا يجيب ام آمنة وبعدها آمنة

لك ودي
وليد العجب

عجب يا دفعة

آمنة كانت امنيات
لكن برضو حاعملها قبلك ..

تحياتي لكل الرفاق

عزراً

نسيت الترحيب بالاخ أبوبكر الامين يوسف وهو بلا شك أضافة نوعية للمنبر
نتمني له اقامة طيبة

جعفر بشير
دبايوا
اهلا بك وبصديقك

هشام نوريت دبايوا

ربم تكون أكثر الذين أقدم لهم اعتذاري فأبو آمنة يحمل رائحة الشرق ..

لكني اقول لك يا هاشم: سيظل الشرق في قلبي وروحي وعقلي ...

لك كل الامنيات
------------------
تخريمة:
هدئ شوية مع الدكتور ياسر والا ستكون اخرتها (مناظرة فكرية).
طبعا انت عارف منو حايديرها..

الاخ العزيز سفيان نابرى ...لك فائق تحياتى وتقبل تحايا جميع الاصدقاء وجميعهم بخير محمد عبد الكريم فى هجيليجة (شغال) معاوية شغال فى السعودية معتز رحلات مكوكية مابين المدن عسى ولعل.... الشريف مستقر مابين مدنى فداسى وعندو محمد املا ان يكون محمودا فى السماء والارض ....تحياتى لك ياغالى..
العزيز خضر حسين خليل....بيننا نقاش لم ينته بعد نسبة للضغوط وحتما سنلتقى... وكنت فاكر انو النقاش البينى بينك منعك من الترحيب بى ...بالرغم من انى حسيت انك انسان رائع بكل معانى الكلمة وعكست لك ذلك من قبل فلك التحية يازول يارائع ....

عزيزنا جعفر بشير

خالص تحياتى ...

مرحبا بك بأي الاسماء ، فالجوهر هو الجوهر ، نفس جعفر بشير كادر المؤتمر

بجامعة الخرطوم وجدته يسعي هنا ، بنفس ا لروح والمبدأ ، بنفس الالق والحضور

وبنفس الوضوح والعقل المتفتح ..ونرحب بالاخ ابوبكر الامين يوسف اضافة ثرة لهذا

المنبر فالقرين الى المقارن ينسب ..لم اتشرف بمعرفة ابوبكر الامين حتى الان ،

لكن طالما تجمعنا هذه الدوحة الوارفة ، وطالما انه من فداسي ومابين فداسى و

اربجى جيرة وود وصلات قربى اذا سنلتقى ، الف مرحب مرة اخرى ..

محبتى جعفر

العزيز محمد عبدالرحمن


دائما ما تعجزني كلماتك وكانك تخطط الساعات الطويلة لانتقاء كل حرف .... سعيد انا بك وسعيد بذلك ..
وليس هنالك (مابين فداسي واربجي) فالحدود متداخلة ...
وأتمني ان تلتقي ابوبكر هنالك قريبا

تحياتي للجميع

العزيز ابوامنة اقصد جعفر بشير ....... مرحب بيك ودي مناسبه نشكرك فيها علي كتاباتك الرصينه وبدون اي مجاملات انا مستمتع دائما بكتاباتك , فشكرا لك عزيزي .
الاخ ابوبكر الامين ماتقول لي انت شقيق الصديق الضلامي يوسف , بكده تكون عمده حفيد عمدة
التحايا لكما وارجو الانصال عن طريق الاخ زهير بساطي او علي هاتفي 5487565
ودمتم بهاء

العزيز محمد عبدالرحمن ...تحياتى لك ولاربجى التاريخ ..مابيننا ود وتواصل ولى فى اربجى علاقات نسب وعشرة...واتمنى ان نلتقى عزيزى ...
العزيز بهاء بكرى ...تحياتى هو شقيقى يوسف الذى اكن له كل تقدير واحترام وود ويكفى اننى دائما ماارى طحينه.... وسيكون بيننا التواصل ...وحتما سنلتقى... ( لو علاقتك قوية بى زهير بساطى ده طرفى منك).... لك التحايا ياصديقى
للتواصل يااروع ناس:009745567936

بهاء بكري ...

لا يقل الاسم جمالا عن جمال اسم تراجي (الكسر الناس كلها - حتي اساسي حكمة الله)
اشكرك علي هذه الكلمات وأن يأتي هذا الحديث منك فهو قلادة أخري ...

كل الود

عارف يابوبكر اخوك الضلامي صديقي واذا كان لهذا البساطي من حسنه فهو من عرفني بيوسف , طبعا لنا مشاغبات كثيره انا وصديقي ابوساندرا مع يوسف وكنت اقول له ( يايوسف انت بقيت ضلامي بالغلط لانو انت اهلك ربوك ) علي العموم كدي نشوفك بالاول وبعدين نشوف قصة بساطي شنو

عزيزى بهاء اكيد اتلاقينا فى مكان ما ولكن وحانتلاقى اكتر ويكون بينا التواصل دوما .... اما البساطى فقصصه لاتنتهى ولا اعتقد ان السيرفر يسمح بنوادر هذا البساطى الرائع... لك تحياتى ولبساطى

صديقى جعفر تحياتى
لكن ما تنسى انك خسرت حاجة مهمة وهى ان اسم ابوامنة كان
يطالعنا نديا كاول اسم يظهر على الشاشة لما نشوف المتواجدين
وذلك بترتيب الحروف الابجدية ولكن جعفر دى بعيدة خلاص عشان
كده حقو تطالب بتعويض لان التنازل عن اسم الشهرة ده بشتروه بالقروش
واتخيل تقوم تعمل ليك مشروب وتمشى لشركة بيبسى تقول ليهم خلونى اطلق
اسم بيبسى على المشروب بتاعى وشوفو ليكم اسم غيرو ..بالله لو اديتهم
كم مليار كده بتنازلو. عموماغمبروك عليك وتسلم والمهم ارجو ان تبان،،

حبيبنا الغالي صديق الموج

عارف القصة بقت صعبة خلاص انا اصلا عارف انو اسمي مكعوج وحروفو مشاترة شتارة الجن اها كمان جابت ليها غطسة.
عارف فكرت انو اعرضو لي عادل عبدالعاطي لانو دايما بلقاهو وراي ... لكن هو زاتو طش ... وراحت الشغلانة ...

الاولاد شابكني في التمرين قبل اسبوعين ... عمو جعفر في الانترنت عمو جعفر في الانترنت ... اها متين حاتبقيهم اعضاء معانا ما دام اصلهم اتبلبلوا ..

ياااا ألف مرحب بجعفر بشير,
كده أقدر أكتبها و أنا مرتاحة..بدون ما أحس بالذنب تجاه الكنية...
طبعاً أنا من الأول عاجبني اسم جعفر بشير أكثر من أبو آمنة...!!
يمكن لأني بأعرف جعفر بشير حق المعرفة, أما أبو آمنة فقد تعرفت عليه هنا..
يمكن لأني أبداً ما اختلفت مع جعفر, لكن هنا قرأت لأبي آمنة ولم أتفق معه أحياناً ...
لكن جعفر و أبو آمنة ...كلاهما ذلك الإنسان الذي يبقى معدنه الأصيل مهما تعددت أسماؤه..
لك التحية ...و جيداً جيت

أبوبكر الأمين...ألف مرحب بيك, حسستني بالإلفة شديد خلاص في البوست ده..لقيت أهلي البورداب و الما بورداب قاعدين و متجمعين..و رغم اني كنت عزمت على هجر البورد , إلا أنني لم أستطع أن أتجاهل ألق الحضور الفداسابي المعطر...أهلاً بيك و بريحة البلد معاك...و يا ريت ما دام جيت شايل اسمها يافطة كبيرة, تدعو الناس لزيارتها, و تلف بينا و بيهم في كل حارة و شارع...و تحكي ليهم عن جمال الحورية المتمددة على ضفاف الأزرق..تلك الحليماب!!


الأخت العزيزة تراجي...
من بوست أبو آمنة بتاع المرجفين داك, و أنا شايفاك مصرة تقلعيه مننا... لكن جعفر ده ولدنا و أخونا, أكان سمى نفسو أبو آمنة و لا أبكر...يااااهو جعفر بشير, ود فداسي الحليماب..ما هو يا نعترف اننا كلنا أهل , يا زي ما قلت قبل كده, كل زول يقطع وريده و ينتظر طلوع التاني منو...!!
معقول تقدري توصلي الشرق و الغرب و تفصلي الوسط؟!

أهديك هذه...

أحلم بوطن كبير القلب , يملؤه الحب..
يا الفي الشمال صباحكم خير ..
يا الفي الجنوب مساكم نور..
يا الفي الشرق منك سماح و باعتذر, يالفي الغرب حقك علي.. تقصيري نحوك ما لو حد..
يالفي الوسط ياكا السند ياكا العضد أمسك قوي أوعى عقدك ينفرط ..

لك كل الحب

الاخت الغالية دكتورة سناء خالد ......يااااااااااه كم هى ايام جميلة ...وكم وكم رجعت للوراء طوووووويلا احتفالات فداسى بالاعياد الوطنية ومااحلى الاحتفال بالاستقلال واكتوبر فى فداسى فكم كنتى احد رموز تلك الاحتفالات فى يوم ما....وكم ارى تلك الايام العصيبة امتحانات الشهادة السودانية فقد تقسم الناس لقروبات بحكم الجيرة وتقارب البيوت لم تفرقهم لقروبات تلك اللعينة.....وكل قروب له ميزته الخاصة بينما يجمع بينهم جميعا الود والتاخى والحب الصادق .....
دكتورة سناء وعدا منى ان اتجول مع الجميع فى فداسى من كافتريا ود نيدة والمركز الصحى مرورا بالمسجد العتيق ولن انساكم مرورا لطاحونة خضر حنون او ربما ارتوى بكوب من الماء من بقالة عثمان محمد على لمواصلة المسير فى ازقة (الحنينة) مرورا بصهريج السيمت الدائم الانقطاع وبدكان عمر حتى الوصول لكافتريا ود النو.....هذا وعد منى بذلك....
دكتورة سناء اود ان اعرف احوالك بكل تفاصيلها والاخوان اسعد واسامة والاسرة الكريمة لهم تحياتى
وكنت دائم السؤال عنك من خلال صديقتك المقيمة بالدوحة هنا واختها زميلة الدراسة بالجامعة وقد وعدتنى بعنوانك البريدى حتى يتم التواصل وهانحن نلتقى فلك التحية يادكتورة وسنلتقى ونحن نتجول فى زقاقات فداسى العشق اللامحدود...تحياتى

غايتو يا جعفر؛

انا لو كنتا مكانك كان تلتا الاسم و عملتو:

جعفر بشير عبود.

خطوة عزيزة يا جعفر
الف مرحب بابوبكر الامين
( أبو آمنة )مشتاقين

الحبيب محمد صلاح

انا قلت اتخلص من ملاسي لكن شكلها ورطة شديدة مع الاسم الجديد ...

مشتاقين بالكوم

الحبيبة سناء خالد

أولا اسمحي لي ببعض العتاب
فقد قرأت ما كتبتيه هنالك لبنت الأحفاد ...
الامور يا سناء عميقة ومعقدة بدرجة لا يمكن حتي تخيلها والاحباط جزء أصيل من كل ذلك فنحن أمة لم تبدأ بعد التعرف علي ذاتها ولذا ننكر في لحظة كل شيئ وفي أخري نقبل بكل شيئ .. لي اصدقاء وخصوم فكريا وسياسيا واجتماعيا ... كل ما يدور بيننا ليس سوي لحظة المخاض لميلاد وطن جديد مغاير .. أثق دائما في حسن نية الجميع ما لم يثبت عكس ذلك وهذا الاثبات يحتاج لوقت طويل وتكرار المواقف بصورة أكبر .. احبهم جميعا برغم اختلافنا ورغم كل شيئ .. وطبيعي ومن الطبيعي ان يكون اختلافي مع البعض بهذه الحدة فنحن لا نعيش في الجنة بل في الجحيم وحدتنا جزء من ميراثنا .. هل يعقل ان يفقد شعب ما يقارب الملايين الثلاثة في حروب لا تتووقف ...

كل ذلك يا سناء هو ما يدفعنا للمزيد من محاولة الفهم والتصالح مع الاخرين حتي ولو جاء ميلاد ذلك عسيرا الا انه الطريق الذي يجب ان نسير فيه بكل احباطاتنا وامالنا والامنا .. نحن بشر بالفعل نحب ونكره ونحبط ولكن الاهم من كل ذلك ان نفهم ان هذا جزء من لحظة الميلاد التي نحلم بها وأن نواصل الطريق ..

كل الود لك وللأسرة

أبوبكر آخوي..لكن انت فت أنور أحمد (ود أهلي بالجهة التانية) لغادي..أنا قلت ليك دخل الناس الحلة..انت دخلتهم البيت وفرشت ليهم وقعدوا كمان
شكراً كتير لسؤالك و التفاصيل تلقاها عند جعفر..

دكتورة سناء ...الكرم احدى شيمنا لانو المشوار طويل والبيت واحد الفطور عندكم والعشاء عندناونواصل المشوار....(جعفر بفتش ليه فى الاعياد)...لكم التحية

سلام يا شباب

دائما ارتاح الي سماع اسم بلدتي الطيبة فداسي
ودائما ارتاح عندما اجد من يمثلها خير تمثيل

فداسي ان شئت الفدا وجدتني في مطلع الابرار واسمك في فمي
وكما رويت بماء نيلك غلتي اروي ثراك بما تريدي من دمي

العزيز والصديق الغالي بكة
مرحب بيك معنا وشكرا لاتصالك الذي شد النخاع الي مرحلة جميلة ظللت اتذكرها لاكثر من ساعة

العزيز جعفر بشير
اجمل مافي الوجود ان تختار شئ تحبه وان يكون له وقع خاص في الروح والوجدان

نعم لديك مبادئ يجب ان تسير عليها وعليه يجب ان تكتب باسم جعفر بشير

لكن برضو كان ممكن تزيل ردودك باسم جعفر وتحتفظ باسم ابوامنة

سناء خالد دي من فداسي ولا عاشت في فداسي
نحنا طبعا كبار وغادرنا فداسي زمان

الاخ الغالى عباس تحياتى ....حقيقة رجعتنا لى بعيد ...بعيد ياعياس وستظل دوما فى سويداء القلب ياصديقى ..
دكتورة سناء خالد من فداسى بت اهلك (جعلية) ولكن الغربة اكلت عليها وشربت ...ودائما فداسى فى دواخلها وحتما انت احسست بذلك الشعور الفداساوى الدافئ بداخلها.....
صديقى عباس عندى ليك سؤال...الاستديو البجيب الناس سمحين كده ده وين؟
صديقى ورفيقى جعفر اتلهف لعنوانك البريدى لانو عندى معاك ونسة دقااااااااااقة...
عنوانى البريدى مرفق بالبروفايل

بكة يا حبيب
غبت منكم يومين وجيت لقيت الجماعة كلهم هجوم كاسح

يا سيدي سناء خالد عرفتها يا مان

التقيت باخوها تقريبا بالمتوسطة اسعد خالد نعم اتذكر اسعد لكن سناء لا اتذكرها
علي العموم مرحبا بها زهرة من بلدتي فداسي.وسلامي الي اسعد خالد

صديقى عباس عندى ليك سؤال...الاستديو البجيب الناس سمحين كده ده وين؟

دي صورة بعد انتهيت من امر الكفيل العين القحطاني الحرامي ربنا يديه علي قدر عمايلوا

اديك النكتة دي سمعتها امس من واحد زهجان من السعوديين

في هندي ماشي في الشارع وماشي وراهوا كلب ابيض صغير
قام السعودي قال ليهوا صديق دا اخوك
الهندي طلع تفتيحه
قال ليه:
والله هذا كفيل حقي.علي طول وراي يبقي فلوس فلوس

العزيز عباس

فداسي عشقنا الأزلي والأبدي ..
أما سناء خالد فمن الصعب ان تعرفها وأنت (مهاجر) ... لكن أن تأتي متأخرا خير من ألا تأتي ...
هنالك الكثير جدا من الامور التي ارتبطت بالكتابة هنا حتمت هذه الخطوة واتمني ان اكون موفقا ...

اصبر لي شويتين (كتيرات) لحد ما القاك علي رواقة

تحياتي لكل الشباب

لا املك الا ان اقول
وداعا أبو آمنة
ومرحباب جعفر بشير
مرحبا أبوبكر الأمين يوسف

رغم اني لا ادري سر الموضة الجديدة
في العودة الي الاسماء الاصلية

اسم ابوآمنة من الاسماء الشائعة في شرقنا
الحبيب ..مثل ابو آمنة حامد...وها ان تعود
من درديب في الشرق الي فداسي الحليماب
في الجزيرة التي لم نعد مروية.

الحبيب عمر علي

هسي في داعي للنكد
الجزيرة كان المسالةاستمرت بصورتها دي حا تتحول الي صحراء الجزيرة ... التي توجد في وسط صحراء السودان .. (يجب الا نسمح بذلك ونحن نفعل يا عزيزي).

بيناتنا تلفون قريب لو ما كانت زيارة

ليست الاسماء هى المهمة وانما المحتوى فمرحبا ابو بكر الأمين يوف

Quote: عزراً نسيت الترحيب بالاخ أبوبكر الامين يوسف وهو بلا شك أضافة نوعية للمنبر نتمني له اقامة طيبة

فعلاً و اللاهي؛ الا ان الحق على ابو أمنة.

حسين ملاسي
كيف الحق علي يعني بعد ما اكتب الاسم في العنوان وتاني ارحب بيهو هنا برضو الحق علي ..
بعدين شكلو اخوك لمن بقي جعفر بشير فهمو تقل حبتين في الاسم الثلاثي ..

سلامات يا جعفر؛

جعفر = نميري

بشير = البشير

عبود = عبود

و بكدا تكون ما اديت اي فرقة لزول معاك.

Quote: كيف الحق علي يعني

انا لم اقل ان الحق عليك يا جعفر؛

انما قلت ان الحق على ابو أمنه؛

الله يطراهو بالخير.

لقيت فيني فرصة ... يازول ما تشاغل.

والله يا ملاسي اخوك الايام دي سهر لي اربعة خمسة صباحا ومرات طوالي علي الدوام تقول حاعمل شركة زي مايكروسوفت .. خليها علي الله ساكت ...


عارف يا ملاسي مش اتلخبطت علي الامور هناكمان كل ما احاول ادخل اكتب ليك ابو امنة مرة مرتين حتي في التالتة اتذكر الاسم

عزيزي الطاهر

تحياتي وودي ...

المحتوي للجميع والاسم للفرد فقد ارتبط كل ما يحدث هنا بالكثير من الامور التي تطلبت هذا الاجراء اضافة الي ان البداية كانت تلقائية باعتبار الاسماء االرمزية هي السمتخدمة.

عموما يبقي المحتوي هو المهم في النهاية وما عداه شخصي.

شكرا لوجودك

مرحباً ،، جعفر بشير ،،

وداعا ،، أبوآمنة

ومرحباً بــ " أبوبكر الامين "

- - - - -

الاخ جعفر بشير ،
طالما انّك بهذه "العاطفة الجميلة " تجاه مُسمّاك ، أو " كُنْيَتك" التى
عُرفتَ بها " أبوآمنة " ، فعلى الأقل ، نتوقّع منك بعض السباحة التهيامية
في ارتباطك بتلك الكُنية والتى لن تنسرب بأخوي واخوك بالسّاهل !

فقد سبح الأخ " فجراوي " ، عمر إدريس ، تهياما في مسمّاه القديم ..

الشيئ الآخر ، ما تزال هناك بعض البوستات ، حاديها " أبوآمنة " ! فكيف
لـ جعفر بشير ، توزيع التركة ؟ وتعصيب الأنصبة ؟ ..

إن كنتَ مشغولاً ، فسنعذرك بتأجيل هذه السياحة والسباحة في المسمّى القديم ، لسانحة قادمة .. مع العلم انّ الفرص(الوقتية) قد ضاقت ، فالسوانح شتّى ! والبوراح قليل !!


مع الود ،،/

العزيز محمد أبوجودة

تحياتي

عارف طبعا من البداية انا خططت انو لازم اكتب كلام (احسن من الكلام الشين الكتبو عمر ادريس ) اها قلت خلاص يوم الجمعة دي الواحد فااااضي يقعد برواقة .. ومجرد ما نشرت الموضوع اتسلطت علي كل المشغوليات في الدنيا مافضيت منها الا صباح اليوم التاني ... اها جيت ليك ليك الدنيا جايطة ... واكتفيت ببعض العبارات التي حكيت فيها عن آمنة أولي الاسئلة الكبري في حياتي.وبعض من الوفاء لأابو آمنة ..

ولا اكتمك سرا ما زلت متعلقا بذلك الاسم حتي أنني قررت أن يكتب موضوع موقع الخاتم عدلان باسم أبو آمنة ويظل هنالك باستمرار لان محتواه أصلا يفترض التواجد الا ان الكتابة بسام ابو امنة هو بعد آخر احببته فيه.

شكرا لهذه المساحة

الأخ الأستاذ جعفر بشير
انت من الأمثلة القليلة التي لا تحاول ان تتخذ من الكنية ستارا تتهرب به من مسئولية القلم بدليل انك تستخدم صورتك بل ان من يعرفونك كانوا يخاطبونك باسمك الحقيقي قبل أن تستحدمه بصورة رسمية ولكن من حق هذا الاسم الكريم ايضا ان ينسب له هذا الفكر الواعي والقلم الجري .. احييك بأي الأسامي تسميت
وارحب بصديقك ابوبكر الأمين الذي اتوقع أن يكون اضافة نوعية للمنبر فهو لا بد على شاكلتك

عمر

المحترم Omer Abdalla

تحياتي لك ولكتاباتك الرصينة
شكرا لهذه اللفتة البارعة

أبوبكر هو احد الجميلين في هذا العالم .. أتمني ان يطيب له المقام بيننا .. والا ينال منه ما أعجز الاخرين عن التواصل ..

كل الاحترام

الحبيب أبو أمنة

الود والشوق

مبرووووووووووووووووك وانشاء الله شايل اسمك

أها السماية متين؟؟؟

طبعا زمان كنت بخاطبك بجعفر بشير لكن الان ضروري اقول ليك أبو امنة

ولا اقول احسن اناديك أبو ...... "اسم واحد من القادة الفلسطينين"

لو عرفتو ليك جائزة مساوية "لنضال" أخونا "بقال"

هيع ...... أنا الشافو خلو

عزيزي انت منور بأي اسم تأتينا به

ومرحب بصديقك ابوبكر في بورد ود ابوبكر

أسعد

أبو السعود

الواحد قال بعد الغيبة دي كلها ترجع زي الحمل الوديع علي الاقل الشهر الاول كلو لكن شكلك رجعت أكثر (وغادة / وغدوية / توغدا) ياخي امشي اسال منها خدر مافاضي افهمك ليها.
لكنك اظنك مطشش حبتين يعني الناس بكتبوا وردودهم بتظهر في النهاية انت تكتب رد الواحد عايز ليهو سنة عشان يعرفو مشي وين في الزحمة دي.

عارف يا ابو السعود اول ما فكرت في القصة دي كنت اول واحد اتذكرتو .. عارف ليي طبعا يعني المساككة العملتها معاي (التقول كاتل ليك روح) عشان بس اكتب اسمي الحقيقي مفروض اتذكرها لحد ما اموت.وياريتها لو كانت كلام ساي اتذكر فيها وعيد وتهديد اظنو موسي هلال زاتو مستغرب.


طبعا يا وغد اظنك رحلت القمر
كل التلفونات مافي لا مكتب لا بيت ..
محتاج اعرف امورك ماشة كيف ..

بالمناسبة ياخي ... ابوبكر ده حاول تفردو من هسي زول حبوب جدا وبتتذكر نصيحتي دي يوم .. اخير ليك من المشبوهين.

تحياتي لكل الاسرة
بطل (حركات بلا فلسطين بلا عراق معاك)

وداعا أبو آمنة ... مرحبا أبوبكر الأمين يوسف ...
وداعا محافظة الجزيرة... مرحبا محافظةالخرطوم...

كنت كثير السفر مع والدي بحكم مهنته ولذلك اللافتات او اليافطات تثير في نفسى نوستالجيا
دافقة تفوق حد الوصف فقد اعتدت رصدهابادئا رحلتي من اقاصى الشمال الى تخوم الغرب مشكلة وجداني بمشاعر فياضة عند لحظات الوداع و اللقاء التى بالكاد احتملها!

كتاباتك الرصينة تجعل القراءة متعةوسياحة تروح من عناء بعض الكتابات الاخرى
مرحبا بك وبصديقك وتحياتي الى سيف الوالي و محمد عمر ومحي الدين عبدالله يوسف والى فداسي الجميلة حليمابها وعامرابها!
جني

ابو امنه

اقصد ابو بكر

معذره للرد فى بوستك

لكن الاخت سناء

طرحت موضوع

وهو اننى علقت من قبل انك من الشرق

حقيقه يا سناء

اسم ابو امنه اسم سائد فى الشرق

زى اوهاج وزى ادروب

وعند ما لاحظت روعة قلم ابو امنه

وغزارة علمه واستنارته وادراكه لهوية السودان

فى دفاعاته عن رودا اعجبت جدا بكتاباته

واعجبت اكثر انه من الشرق

لاننا فى الشرق لازلنا بعيدين

عن الحديث عن موضوع الهويه والمرأة

احتمال لان اهل الشرق لا زالوا

يبحثون عن الرغيف فهم يرون بان مثل هذه المواضيع

تندرج تحت مفهوم الترف الفكرى ولهم حق.

ام كون ابو امنه من فداسى

فلفداسى ان تفخر بابننا مثل ابو امنه

يتحدث باسم كل السودان ويعانى اوجاع كل السودان

اما عنى يا عزيزتى سناء

فانا اعتبر نفسى من كل السودان

سعيده و فخوره بالانتماء العرقى

لدارفور و للشرق

لفخرى بانتمائى الفكرى و الروحى للسودان كله.

فقط اعتبار هاتيين المنطقتين

من مناطق التماس حاليا

ودارفور بالذات

تجعلنى اتفرغ لهذا الجرح المتجدد فى دواخلى كل يوم.

قرأت ردك من قبل يا سناء

وفخوره بك وسيكون لن لقاء فى بوست موسع

ان شاء الله عن الهويه وعن العنصريه

والى ان نلتقى

التحيه لفداسى

التى انجبت لنا ابوبكر وسناء وكل العقد الفريد

من ابناء فداسى بالمنبر.

تراجى.

الأخت الحبيبة تراجي,
و أنا أفخر بانتمائي لوطن أنت ابنته.. و أسأل الله أن يبريء جرح وطننا..في خاصرتيه..و في أرجائه المختلفة,
نعم الجرح جرح السودان كله..و الذي ينزف هو الجسد السوداني و إن كانت بوابة خروج النزف هي خاصرته الغربية..فكيف لا يشعر كل عضو في هذا الجسد بالألم و الحمى..
أحس بألمك تراجي, و أدعو الله ليل نهار أن يتلطف بأهلنا في دارفور, و أن يرد كيد كل من يريد بالغلابة شراً..و أولهم السلطة الجاثمة, و كل من يكتب بدم أهل دارفور صكاً يفتح له أبواب السلطة و التسلط.

و إن كان الجرح تم بيد أبناء بلادي, فأنا أثق أن في يد آخرين من أبناء بلادي بلسم هذا الجرح..

تخريمة..
أنا بأفتكر انو أهل الشرق أول ناس انتصروا للمرأة لما سموا رجالهم أبو آمنة, و أبو عايشة , و أبو فاطمة..
و لا شنو

تخريمة تانية,
شكلك مشغولة و الأولاد عاملين عمايلم فيك, أبو آمنة هو جعفر بشير, أما أبو بكر الأمين يوسف هو صديق قديم لنا جميعاً, و أحد أبناء فداسي و عضو البورد الجديد "لنج "!
أتطلع للبوست الوعد..

ابو أمنة
جعفر بشير

انت عارف لمن عرفت قصة اسم ابو آمنة ... يا جعفر...هزمنى احساس وهتفت بخفوت الصوت المتلاشى
حرام.. ترتقى سلم النسيان.. لمعاطف الذكرى التى توشحت بها... لتلك الصغيرة... اراك تحزمت ان تندلق فى سهول الواقع .. بلون اسمك
مرحب
جعفر
واذا كنت خيرتنى لكنت انحاز بعاطفة لا تعرف التراجع لابو آمنة
فانت جميل
واسخف ما فينا الاسماء
كما قال نزار قبانى

العزيز محمد صلاح شكرا ياغالى ولك التحية....
العزيز عمر على...ونحنا صغار كانوا بطلعونا من المدرسة عشان نمشى نجنى القطن وكنا بنجنى القطن وبنغنى (فى الجزيرة نزرع قطنا نزرع نتيراب نحقق املنا)دعوات الجميع انو يتحقق...
العزيز الطاهر .... كيفنك
العزيز ملاسى ...فى ترحيب اكتر من ضحكتك يارائع..
العزيز محمد ابوجوده ....فائق تحياتى...
العزيز عمر عبدالله ...شكرا للترحيب ..تحياتى
العزيزة تراجى....يعجبنى اصرارك....
ودعينى اقتطف جزء من توقيع دكتورة سناء مع فائق تحياتى لها أحلم بوطن كبير القلب , يملؤه الحب..
يا الفي الشمال صباحكم خير ..
يا الفي الجنوب مساكم نور..
يا الفي الشرق منك سماح و باعتذر, يالفي الغرب حقك علي.. تقصيري نحوك ما لو حد..
يالفي الوسط ياكا السند ياكا العضد أمسك قوي أوعى عقدك ينفرط ..

كل اصدقائي الجميلين

لا أعرف ماذا اقول حقا ...
فقد كان احتفاءكم بكل شيئ هنا ابو آمنة / جعفر / أبو بكر وفداسي اكثر مما يمكنني احتماله ...
سأعود لكم جميعا ...

الحبيب بكة
ايميلي
[email protected]
ارسل لي رقم الهاتف ضروري

-------------------------
عذرا فالضغط أكبر مما أحتمل

العزيز شرنوبي

دائما ما تدهشني مقدرتك علي التعبير وانتقاء المفردات ... تابعت كتاباتك منذ أول يوم .. ولا زلت...
تلك الصغيرة ...
لم يكن العمر يسمح باستيعاب ما يحدث حولنا من غياب ناهيك عن استيعاب مثل تلك الاسئلة الكونية حول الحياة/الموت/الميلاد ... غادرت قبل أن تفهم ماذا يعني كل ما حولها وأنا بدأت مع (الواقع) ..
أنا ايضا أنحاز اليها ليس بالاسم فقط بل بكل ما لدي وستظل عالقة في ذهني علي الدوام ...

شكرا لهذا الاحساس النبيل

Quote: في السادسة من عمري كنت نزيلا باحد المستشفيات لاجراء عملية استئصال زائدة .. كانت آمنة تلك الفتاة الصغيرة هي من ملأ وقتي خلال الأيام التي قضيتها هنالك قبل العملية. لا اعرف في ذلك الوقت المرض الذي أصيبت به. دخلنا العملية في ذات اليوم. وحينما خرجت وافقت تساءلت عنها ولم أجد الا علامات استفهام وسرير فارغ. كانت أول تجربة لي مع الفقدان والاسئلة الكونية التي لا اجابة لها حول هذا الغموض الذي يسمي الموت .. وظلت عالقة حتي اليوم وستظل الي نهاية العمر واذا ما اختفي الاسم هنا سيعود للتمدد في جزء آخر من حياتي ...

ياسلاااام يا جعفر بالجد قصه حزينه و فعلا صدق احساسي عندما قلت

Quote: وأعتقد أنك لم تختار اسمك إلا بعد تفكير عميق بحثا عن خلق أو مبدأ نبيل يرتبط به اسمك

فكم انت نبيل يا أبوآمنه حتي في صغر سنك -فلآمنه الرحمه و جعلها الله تعالي شافعه لوالديها.

لك ودي

أنور أحمد

أنور أحمد

شكرا لهذه الكلمات الجميلة والتي عودتني عليها دائما...

وشكرا لحضورك الدائم

مرحبا جعفر بشير

مرحبا
Shao Dorsheed

وشكرا لحضورك

جعفر-الجميل-بشير،بكةالأروع،سناء خالد من أعلى الدنيا، وعم عباس
وكل الجميلين:أختار منكم بهاء الدين بكري (وأقالدك باك على الخاتم )

كل الرائعين:سلام ، وشكرا لوجودكم في هذه الدنيا ، برغم كل شيء (حبو غنو الدنيا ماذالت ندية )
بأمثالك يا بكة نثق أكثر بالأصيل والجميل فينا ، جعفر يا صديق أحبك إجمالا ولا أستثني ، سناء لاقيتك قليلا في الزمن الملامحو معكرة.

بكة على جنب كده: خلينا نخت سفة وأونسك عن سليمان حامد وهذا الجيل العميق والعتيق،لكن حتما لك ودي بلا تحفظ..

عم عباس طالت غربتك وضيعت عليك أجيال....يوما ما ح أحكي ليك عن مركز شباب فداسي.

ودمتم ، تراجي إسم جميل حقا...

بهاء الدين بكة ويوسف جديران بالمعرفةو..(عارفك فريز)

العزيز ايهاب على....اتمنى ان تكون (ايهاب) الذى اعرفه جيدا...واتمنى (على) يكون جدنا عندها ساعرف انك الشامخ الذى اقصده ....حقيقة لفت انباهى شيئين يميذان صديقى وهما موجودان (السفة) و(الاسلوب المميز) اتمنى ان تكون انت ياصديقى...
الغالى جعفر... كيفنك...للتواصل(009745567936)

ايهاب علي

بالامس فقط علمت من أشرف وأنا اتلصص علي بروفايلك ليفاجئني بوجودك منذ أكثر من عام (علي حسب من افهمت منه) وتساءلت اين كان هذا ( الوغد ) يختبئ. (وغد دي ماركة مسجلة لي خدر ).
لكنت احتفيت بك مثلما نحتفي الان بهذا الاسمر الجميل .... ولكن دعنا نحتفي سويا بوجوده ووجودك ..

عارف بعد كدة الواحد حايبدا مشروع ونسة جماعية عيل الانترنت بس عايزة شوية صبر طالما انو الحبايب كلهم هنا ...لا تعرف كم اشتاق وجودك ... لكن ستعلم

كل الود وتحياتي لكل الشباب
ايهاب الرائع
-------------------
بالمناسبة:
شكرا لجيفارا : فقد كان توقيعي حينما كان هنالك توقيع.

ود اخوي العزيز ايهاب

عم عباس طالت غربتك وضيعت عليك أجيال....يوما ما ح أحكي ليك عن مركز شباب فداسي.

نعم ضاع الكثير ولم شئ يذكر

ياخي الشريف ملح لما مشيت اجازة اقابلوا زي ست العرقي بعد منتصف الليل
عارف ليه لانوا جري خلف الفلة.
الله كريم علينا
انت بكة دا اخر مرة تقابلنا سنة 90 تخيل هذا الامر

والله لولا الانقاذ لعشنا اجمل ايام عمرنا لكنها ضاعت خلف ...خلي الباقي

كنت جاي الخميس لكن الظروف لم تساعد؟.توقعني قريبا معكم

ابو امنه

الله يسامحك ضحكت علينا الخلق

لم افهم الا من سناء

شكرا سناء.

ابو امنه هو جعفر بشير ومن فداسى

وابو بكر عضو جديد فى المنبر

مرحب ابو بكر

بس عندى سؤال

هل هو ايضا من فداسى؟؟؟؟؟؟؟؟؟؟

عشان حاعمل دراسه

واشوف السر شنو فى حلاوة ناس فداسى!!!!!!!!!!!!

التحيه لكل ابناء فداسى فى المنبر.

الان عرفت منهم

جعفر بشير

وسناء خالد

وعقبال العقد الفريد

تحياتى ومحبتى.

تراجى.

جعفر ما اروع المجئ عندك واليك!
اكاد لا اصدق ان يجمعنا هذا الفضاء بالعزيز بكـه!
اشتـاق كل التفاصيل التي جمعت بيننا!
ساكتب قريبا اكثر فمازلت في مجابده مع الزمن

لك وله عميق ودي

اذن فانت صديقى الذى اعرفه....مشتاق ليك...ولنا جلسات وجلسات بوجود الصديق عباس ووصلنى كلام اريد التحقق منه ..ولنا عودة... لان السيرفر لايسعك لشرح التفاصيل.....

العزيزة تراجى ...تحياتى ...نعم انا من فداسى وكم كانت سعادتى بوجود الاصدقاء جميعا بينى وبينهم ود لاينقطع ...اما سؤالك الثانى فلنا عودة مطولة...
العزيزة سوسن .... لم انسى تلك الايام ابدا ...ولنا جلسة طويييييييييلة.... لك تحياتى

العزيزة تراجي:

اسف جدا اذا الامور لخبطت عليك.

لكن عليك الله يا تراجي البوست مكتوب بي اسم Gafar Bashir وانت شايفة اسم ابوبكر حايم في الدنيا كلها اللخبطة الليك شنو ...
شكرا لكل هذه الكلمات الجميلة

هنالك عدد من الاعضاء من فداسي ..

Sana Khalid
Ehab Ali
Rastafarian (Ashraf Ali)
مهاجر (عباس)
ابوبكر الأمين يوسف
Gafar Bashir (Abo Amna)
ابو المنذر

وكلهم ناس جميلين حقيقة يكملون بعضهم البعض اتشرف وافتخر بانتمائي لهم وذلك جزء من فخري بانتمائي السوداني الذي يضم الشرق والغرب والجنوب والشمال والوسط.

اشرف.....ياسلاااااااام يالروعة هذا المكان بوجود هذا الصديق....تحياتى....
الصديق ايهاب بالرغم من انى احب استقى المعلومة من المصدر ...ولكن وجود اشرف يعفيك من عناء الشرح(لعدم الدقة)...اشرف انا جايييك ياصديقى...
عزيزى جعفر ...مشتاق ليك....من هو ابو المنذر..

بكة يا حبيب موعدنا اليوم (سهرة)

أبو المنذر
أكيد أكيد عصام البرلوم

وانا لها ياصديقى......
الغالى عصام ...وينك...تحياتى لمنذر .....وهو يقاوم منذ الطفولة الاولى وحتما سيكون اكثر قوة وصلابة...له التحية اولا ...وثانيا...وثالثا...واخيرا..(عصام خلى روحك عالية)

دا بكـــــــــــه شخصياً هنا في دار أبي الأرقم ( بكري ) ، نقول مشتاقين ما كفاية ، ولو قلتا مفاجئة برضو شويه ، يا حليل زمـــــــــــــــــــــــــان يا بكه

المفاجئة ألجمت السان ، مشتاقييييييييييييييييييييييييييييييييييييييييييييييييييييين يا مان

حأتصل بيك في رقمك المكتوب هنا

= أبوبكر دا ما نعرفو بنعرف بكه ود أهلنايعني غيرو
= الداير تعرفو من إيهاب انا بوريك ليهو ... ومن الآخر كدا ( أيوا صحيح )

بيناتنا التلفون لنعيد بعض ما انقطع بفعل ( الغربه ، الدراسة ، مشاغل الحياة )

نورت البورد وأهلو ونزلت سهلاً

اشرف
دار أبي الأرقم ( بكري )

لي زمن ما ضحكت قدر كدة

بعدين اسمي الجديد ده ما عاجبك ولا شنو..

الاخت تراجي

اولا شكرا لكي.
ثانيا ذكرتي في بوست سابق ان الاخ مكاوي نيالا درس قبلنا في الهند هو قريبك.
هذا الشخص له دين عندي كبير.لقد قام بقيادتنا ونحن طلاب جدد من مطار نيروبي وحتي مدينةبونا وسلم كل شخص الي ابناء منطقته.حقيقة اشكري لي هذا الرجل الكريم بالنيابة عني.
وسلامي اليه.مع خالص تقديري لكي.

جعفر نحنا كنا في الهند نعطي عضوية فخرية لكل من احب ابناء فداسي وعاش معهم.

والله يا عباس الكرم نحنا ما مابينو
وخدر ما عندنا فيهو كلام ..

لكن المشكلة نفتح باب زي ده يجيك اساسي ودكين

غايتو يا جعفر جهجتنا
انا قلت غيرت من جعفر لا بوبكر

يا ابو بكر الف مرح بيك

مرحب بالجندرية ...والحمدلله بعد ان وضحت لك الامور ....لك التحية...
سوسن....ياااااااااه ...لنا لقاء ولقاء ...سألت عنك كثيرا كثيرا جدا وهانحن نلتقى... ارجو الاضافة عنوانى مرفق بالبروفايل لان حديثنا سيطول ايها الرائعة ...لك تحياتى

الصديق راستا....لك التحية ....وحتما سنلتقى لنناقش التفاصيل ...والاسباب والدوافع ...
امكن نعمله فى يوم...

تراجي
انا برضو من فداسي

العزيز خدر...مرحب بيك فى فداسى ونشيلك فى راسنا ...لكن السماحة دى نجيبها ليك من وين... ولتراجى التقييم....

Quote: سوسن....ياااااااااه ...لنا لقاء ولقاء ...سألت عنك كثيرا كثيرا جدا وهانحن نلتقى... ارجو الاضافة عنوانى مرفق بالبروفايل لان حديثنا سيطول ايها الرائعة ...لك تحياتى

بكه وانا سالت عنك اسوار القلعه المحرره الاهليه وناسـ فداسي!
عندي الكثير لاقوله واشتاق لسماعك اكثر!
تعال نتلاقي عند احدي الاماكن التي صقلتنا بروائع البشر وان كان بعضهم قد رحل ولكن الدواخل مثقله بالكثير ..لكـل السنوات التي لم تفارق ذهني ساعاتها اقف هنا لالتقيك بكل الفرح الذي سكب في حنايا انذاك ومازال يغطي دعاشه جفاف الغربه
شكرا جعفـر (انت مقاطعني مالك)
ولنا لقاء بكـه !
سوسـن

مقاطعك

انا لاقيك عشان اقاطعك ..

لكن كم الارهاق البعاني منو ما ممكن تتخيليهو ... قلت اجيك بي روااااااااقة كان صبرتي علي ...
خلي الايام دي تعدي بخير وتاني الا تعملي لي حظر تقني (تلفون ومسنجر ) ...

ازيك انشالله امورك ماشة كويس
طبعا اتفقت مع بكة انو بعد الاسبوعين الجايت ديل يعدو علي خير حانحاول نعمل ونسات جماعية في يوم معين .... يعني كملي ونستك معاهو عشان بعدين ما عندكم طريقة.

-------
الكلام الفوق ده جميييييييييل عشان كدة اتاخرت فيهو قلت استمتع بيهو في الاول ..
تحياتي والي لقاء قريب ...
بوصل ليك بكة

الجندرية

وااااااحد كلهم
اختاري بس

تحياتي لي تراث
والشفع

1000 مرحب ابوكر الامين يوسف

وكذلك بجعفر بشير

وكما قلت وداعا ابو آمنه

تحياتي,,,,,,,,,,

مرحبا بك عزيزي ايهاب

وشكرا لضور هذا الوداع

كل الود

جعفر بشير كيفك انت ده منبر سودانيز اون لاين ولا دكان النعيم درار ؟ايدك يالذيذ طلعت لينا الدباييب كله
الجميل بكه الشوق الواحد ليكم للاشراق الفي عينيكم كيفك وكيف قطر معاك وسعما ياحبيب بنخلي روحي رياضية الجوف يطقطق بالكلام لكن نخليها علي جنبه زي ما قال ايهاب ادريس تحية خاصة للاستاذ النعيم عبد الرحيم لو عندك بيهو اي اتصال
ايهاب القومه ليك ياغالي ياحليل ايام مركز الشباب وكل الشباب الجميل هناك بالمناسبة لسه عبدوقريبك بيحاول يقراني مرة صاح وعزرا للانقطاع مشوار الحياة اليوماتي ما بحتاج احكي ليك عنو بينا تلفون قريب ، عباس ياحبيب زي مقال ايهاب انت الغربه مسحت ليك ناس فداسي كدي النشوفك بعد ما ترجع حتعرف كم في الميه من ناس الفريق مش الحله لك عاطر التحايا، ابو الشوش وينك ياحبة ، الاخت سناء خالد لك عاطر التحايا
ويا شباب انتو نسيتو الحاج محمد حاج ابراهيم ولا شنو ما هو عضو في المنبر وبتاوق ليكم
الريس بكري وجميع اهل ناس الحوش عزرا الظاهر كده ناس فداسي عملوا انقلاب وسيطروا على المنبر لكم جميعا التقدير والاحترام
عصام محمد احمد

عصام ازيك

الشرغوف ده ياخي خلا البورد ده زماااااااااااااان .. (مش برضو كان اسمو الشرغوف)
ما عارفو طش وين ...

طبعا لو كان انقلاب حايكون اول انقلاب (بالصدفة) في الدنيا ..

تحياتي لحد ما نتلاقي الخميس الجاي (التمرين)..

اخونا ابو امنة
دبايوا
كنت اود الاصرار على اسم ابو امنة ولكننى خشيت ان اتهم بالاساءة ان اول مادخلت هذا البورد لفت نظرى اسمك
وهو اسم محبب لى لان غالبية اهلى ابوامنة وابوفاطمة.
وصدقنى كل يوم اطالع المنبر امر بسرعة لاجد بوست لابو امنة وانا فى انتظار بوست منك يحول تركيز البورداب
الى غير الذى موجود حاليا.
واحى معك الدكتور ياسر الشريف واعتزر له ان فهم من مداخلاتى اى اساءة شخصية له او لاسرته الكريمة

والله ياجعفر انا مدانه ليك...

الحنين صعب ياجعفر !خليله يحكي ليك عن حاات كثيره وانت احكي ليه ولمن نقعد كلنا مادايرين الزمن يغلبنا !
جعفر حا اكتب ليك كثير بالاجساس البتملكني بعوده التواصل م بـكه !
خليني استوعب الحدث قبل ماتدهشني تاني!

العزيز ايهاب الطيب.... لك تحياتى
ابو المنذر ....كيفنك يالذيذ...
جعفر ...التمرين....دى على منو
على مااعتقد ان ابراهيم فى اجازة فى السودان فقد ذهب متخفيا بعد ان سمع ان هناك مركز جديد لعلاج الصلع(ده سر ياجماعة)
الغالية سوسن ...تلك مقدمة لجلساتنا المطولة....ولنا جلسات وجلسات بعد الدكتوراة..امنياتى بالتوفيق...

سوسن

انت مدانة لي وما حاخليك اكيد ...
لكن صابر عليك
كملي العندك وانا منتظر ..

الدكتورة هالة تحياتي

بث مباشر .... قناة خدر الفضائية ...
أحوال الطقس (ما تطلع من البيت لي مدة شهر) ..

تحياتي

مليون مرحب بجعفر بشير طالما المضمون واحد ما بتغير فجعفر عندنا زي ابو امنة رجل مبدع


مليون مرحبا اخوى وفردتي ابوبكر مليون سلام ليك وانا اقول المنبر نور دايد ليه اتاريه منور بيك



مورداااااااااااااااااااابي

عصام كتب

عباس ياحبيب زي مقال ايهاب انت الغربه مسحت ليك ناس فداسي كدي النشوفك بعد ما ترجع حتعرف كم في الميه من ناس الفريق مش الحله لك عاطر التحايا،

جاري العزيز عصام

والله الشوق مطر لكن انت عارف اخوك بقي يدخل اي حفرة يحتل فيها

ما تخاف رجعت عرفت الكل بس بالشبه لكن في لخبته بسيطة يعني ولد شخص بنسبوا لابوه وهو يكون ولد ولدو بس لكن اخوك تفتيحه في الحاجات دي بلتقط بسرعة كبيرة

تحياتي للصغير منذر

العزيز موردابى.....لك التحية ياصديقى ....بينا تلفون وونسه دقاااااااااقة بس خليك معاى وامسك فى ناس فداسى قوى....

مرحبا موردابي ...
وشكرا لهذا الحضور ..


بكة

كيف التمرين علي منو ... ولا دي حسادة ساي ..
طبعا في اتصال مفاجئ بعداكترمن سنة من الغياب قررت الجالية الفداسية عودة التمارين .. وعازمنك يا حبيب بس شوف ليك يوم خميس فاضي ... وتعال بدري (ماعندك مشكلة .. بجهز ليك ايي حاجة)

أخوى جعفر بشير...

تحياتى نديات...

طبعا دخلت أولا لأجل التحية..
وطبعا الشوق كتير...ومبروك الإسم الأصلى...


لك الود من قبل ومن بعد


عبد الرحمن قوى

الحبيب قوي

تحياتي يا غالي

طبعا فترة طويلة ... اتمني انها تقصر ..
تحياتي للجميع
وكل الود

حباب جعغر ( البشير )

وداعا أبوأمنة

مرحبتين حبابك أبوبكر الامين ...

شكرا لهذا " الدويتو" الرائع ..

خالد

العزيز خالد الطيب...لك تحياتى ...
صديقى جعفر من مشاكلنا الاعلام المضلل....واثبت الاخفاق بدعوتك للاخ ابوالمنذر..(لكن ماعملتها واضحة)

حبابك خالد الطيب

ومرحبتين

حبابك خالد (الطيب)

ومرحبتين

بكه با فردة اعلام مضللل شنو جعفر قاصد التمرين حقيقة ما تمشي بعيد لو في اي حاجة تانية بقولها عديل وزي ما قال ليك عازمينك تمرين
عصام محمداحمد

عزيزى ابو النذر...انا كمان كنت بقصد التمرين العدييييييل ....وبكل براءة ياصديقى لانى كنت متوقع انكم اتأثرتو بى عوامل طبيعية اخرى(الرطوبة مثلا).....(اتمنى انك تفهمنى صاح)...تحياتى

الحبيب بكة

الاعلام ما مضلل ...

لكن لازم في الاول نلقي الحكم
حتي بعد كدة نشوف الباقي ...

شباب فداسي ازيكم وكيف حالكم,
ايهاب كيف حالك؟ و ان شاء الله الزمن ملامحو تكون صفت ليك..تحياتي..
عصام جقرينا..مبروك أم المنذر و المنذر ..لو كانت انسانة أنا بأعرفها فلها مني عاطر التحايا, و لو لم أكن أعرفها..برضو عاطر التحايا و أمنيات بأن ألتقيها و أتعرف عليها..
الأخ مهاجر..لك التحية..و أنا كمان ما بعرفك..لكن أنا عارفة روحي من الأول ساقطة في امتحان معرفة ناس فداسي ده, الغربة و أحكامها..غير أن من عرفتهم هم بحق أجمل عنوان...!!

الرائعين /بكة,,,,,,,, جعفر
الرائعون يسافرون بلا زمن
ينسجون أشعة الشمس في إتجاه الريح
قزحاُبلون البنفسج....
وأجمل ما في حياتنا أن تلتقي فجأة ...
وبلا مقدمات ... تتسارع إيقاعاتنابتناغم الأزمنة...
نلتقي لنلون مساحة الأرض....
وتمضي زوارق أحلامنا نحو أخيلةًٌَُُ إستثنائية
تعلن إنهزام زمن رمادي وحضور فاكهة الأجيال
و(هندسة)الأريج بـ(لوغريثمات) الود...بلا إنتهاء
ِشكرُا للكلمات الرقيقة
الرائعون: شباب فداسي ممن لم يكتب لي لقاءهم علي أرض فداسي الرائعة:
ساعة أن عرفناكم كان الزمن حينها لايساوي إلا مسافة إحترامنا لكم..........
أصداء من الدهشة والأنتظار تحتوينا.....
نفترش الشوق إليكم .. ونتدثر النور....
تتشابك الكلمات بفعل الإشتهاء....
لكم الود... ولأمانيكم التدفق
ودمتم

يعني الواحد الحمد لله لقي اهلو واصحابو......
لكم الود والتحية.. قريبي (بكة)..الرائع (جعفر بشير)...
ولذيذ أن نري في الصيف أزهار الربيع.....
ودمتم

جعفر بشير

ترددت كثيرا قبل ان اكتب هنا..

فقد تأكد لى بما لا يدع مجالا للشك بعد صحبتنا الشديدة ديك انك تضمر لى شيئا غير حميد..

وبما اننى لم اتلوم معك فى حياتى ولم اقول عنك ما لا يحمد... فقد ظللت محتارة فى هذا الموقف..كل الحيرة..

لكن عشان ما نضمر وتضمر ..جيت..وكلى عدم عرفة بما تخبئه لى هذه "الجية" ..من عواقب

"اوع تقول لى لا مافى حاجة..لانه لو مافى حاجة ماهى اخر مرة اتكلمت معاى فيها فى هذا المكان الاثيرى الذى عرفتك فيه؟"

اتمنى لك كل الخير..يا صديقى الزمان.

فات على ان ارحب بصديق الناس عضو البورد الجديد ابوبكر الامين..

الف مرحب

العزيز الغالى السمانى عبد الملك تحياتى يالذيذ ....ومرحب بيك اضافة حقيقية للمنبر....
العزيزة تماضر مرحب بالمرور الانيق ....تحياتى

الأستاذة تماضر شيخ الدين

كويس انك كتبتي هنا عشان انا عايز ارد ليك هنا في البورد مرة تانية ..

الحاجة المستغرب ليها انو لسة بتسالي انو انت عملت شنو ببراءة ووداعة كانك ما عارفة والغريب انو انت الشخص الوحيد المفروض يكون عارف السبب.

طيب يا ستي انا حاقول ليك كل الكلام الوصلني قدام خلايق الله عشان تاني ما تساليني السؤال ده ولا طوالي برجع ليك للارشيف واطلع ليك البوست ده:

فقد جاء ني من اكثر من صديق عدد من ( القوالات والتحذيرات ) يقولون فيما يقولون:

كيف تصادق انسان يحمل قلبا يسع الدنيا بكل مافيها ومن ثم يفيض .. ألا تخاف ان يجرفك هذا الحب الشامل الذي يتدفق شلالات من هذا القلب الخافق ابدا نحو الجمال والحب والعشق لكل شيئ ولكل شخص.

ثم قوالة أخري:

كيف تكون صديقا لمدمنة لم تترك وقت فراغ لديها الا وملأته شوقا وهياما بالوطن والعدل والحرية تلك التي اضاعت كل عمرها من اجل ان تقف لمرة واحدة علي خشبة مسرح تبث من خلاله دفقا من الحنين لتراب السودان ومياه النيل.ألا تخاف أن يطغي عليك كل هذا الحنين فيسجنك مدي العمر في رقعة مليون ميل مربع.

وتتوالي الأقاويل

وتجي تسأليني مشكلتي معاك شنو وتردي بدلا عني (ما تقول لي مافي حاجة) .... طيب اقول شنو:

هربت لأنني لا احتمل كل ذلك الجمال فهو أكبر من مقدرتي وأنا لو تعلمين يا سيدتي اكثر نحافة من احتمال وردتين فكيف لي بكل هذا.

ماذا احمل ضدك
لا أحمل ضدك الا كل الحب والشوق وأتمني أن التقيك اليوم قبل الغد.

---------------------------
تخريمة (رجاء) التي لابد منها:
الكلام الفوق ده ما كتبتو انا كتبو أبو آمنة واظن انو تشابه عليك البقر فانت صديقك كان ابو امنة.

أخيرا:
زمان كنتي قاعدة في البيت عاطلة عن العمل وانا كنت في مكان اشبه بالعطالة عن العمل وكنت امتلك خط تلفون وهكذا يمكننا ان نلتقي في اي وقت واتمني الا تنسي التايم زون 8 ولا 9 ساعات. اكيد حاتتذكري الايام البصحيك فيها الساعة ثلاثة واربعة صباحا ويادوب بتكون عندنا عشرة ولا حداشر.
اها بعد دا اشتغلتي وتاني بقيت برسل عشرين رسالة عشان القاك مرة واحدة وبعدها انتقلت الي عمل اخر ثم عمل يليه وفقدت اربعة خطوط هاتف وخط Broad Band وتلك العطالة التي كنت أنعم بها.
وما يصيبني من ارهاق لايمكنك ان تتخيليه
(الليلة الصباح الساعة خمسة فجاة جات هالة الأحمدي وسالتني مالك صاحي بدري قلت ليها صاحي منو انا لسة ما نمت) ودي الحالة.

ما بيننا لا يمكن تسميته (زمان) فهو حاضر في كل لحظة

لك كل الود حتي نلتقي.

انت خليك من ابو امنة ده اصلو فقري وصاحبيني انا.

الحبيب السماني

تحياتي يا غالي ومرحب بيك في سودانيز اونلاين ...
طبعا عرفت عنك اخبار جيدة وسعيدة في نفس الوقت وأتمني لك المزيد من النجاحات والتوفيق ... طبعا عمك عباس ده عايز ليهو خريطة بشرية عشان يعرف ناس فداسي الصغار.
اتمني انو يرحب بيك المكان ونقرا مساهماتك ... واتوقع انها حاتكون مميزة كما أنت دائما مميز ..

لك كل الحب والود
وتمنياتي بالتوفيق
ايميلي:
[email protected]

سلامات
وعوافي
...
الف مرحب جعفر بشير
عنوان البوست يوميا اطالعه لم افكر اطلاقا في دخوله كونه بوست وداع ..واكره الوداع ..بيد اني اليوم (حلفت) و(اتيمنت) بالدخول ...
فوجدت الخلق اللطاف مجتمعين علي حين (دقسة) مننا ..
ابوبكر الامين مرة واحدة ..
الف مرحبا ابوبكر والمقام فايض فرح والمكان شايلوا الغنا وزفة خريف ..
عبدالرحيم الاخدر

العزيز ودرملية اللخدر.....هلا بى (تور بقر الجواميس الرقادن لخ)...تحياتى لكل ناس رفاعة الحلوين

Quote: وداعا أبو آمنة ... مرحبا أبوبكر الأمين يوسف ... وداعا محافظة الجزيرة... مرحبا محافظةالخرطوم... كنت كثير السفر مع والدي بحكم مهنته ولذلك اللافتات او اليافطات تثير في نفسى نوستالجيا دافقة تفوق حد الوصف فقد اعتدت رصدهابادئا رحلتي من اقاصى الشمال الى تخوم الغرب مشكلة وجداني بمشاعر فياضة عند لحظات الوداع و اللقاء التى بالكاد احتملها! كتاباتك الرصينة تجعل القراءة متعةوسياحة تروح من عناء بعض الكتابات الاخرى مرحبا بك وبصديقك وتحياتي الى سيف الوالي و محمد عمر ومحي الدين عبدالله يوسف والى فداسي الجميلة حليمابها وعامرابها! جني

قلنا نسلم عليكم تاني
جني

صديقى ابو امنة:

وبعد

لقد سكتتنى الى الابد...


شكرا..

هههه

تااااااااني أبو آمنة يا طماطم

ما قلت ليك خليهو الفقري ده وصاحبيني أنا.

الحبيب جني

تحياتي وودي

طبعا مداخلتك سالت منها طوب الأرض لحد ما لميت فيها واصلا منتظرها لانو ما قاعد افوت ليك حاجة كلو قريتو طبعا مستمتع بمقدرتك علي اختصار كل الكلام البنكتبو ده في جملة واحدة.... عارف الناس بكتبوا وكلامهم بظهر في النهاية لكن كتابة الجن دي بتمشي وين ما بتعرفها ...
واخوك الايام دي مطشش خليها علي الله بس.عموما سلامك بوصل ليهم ... واحد واحد لكن وكت بتعرف ناس فداسي قدر ده ياخي علي الاقل شد لي ايميل في الاعياد والمناسبات السعيدة لله والرسول.

شكرا علي الكلام الجميل ودي شهادة اعتز بيها...
وبورد بدون جني صدقني ماعندو طعم ...

الحبيب جني

تحياتي وودي

طبعا مداخلتك سالت منها طوب الأرض لحد ما لميت فيها واصلا منتظرها لانو ما قاعد افوت ليك حاجة كلو قريتو طبعا مستمتع بمقدرتك علي اختصار كل الكلام البنكتبو ده في جملة واحدة.... عارف الناس بكتبوا وكلامهم بظهر في النهاية لكن كتابة الجن دي بتمشي وين ما بتعرفها ...
واخوك الايام دي مطشش خليها علي الله بس.عموما سلامك بوصل ليهم ... واحد واحد لكن وكت بتعرف ناس فداسي قدر ده ياخي علي الاقل شد لي ايميل في الاعياد والمناسبات السعيدة لله والرسول.

شكرا علي الكلام الجميل ودي شهادة اعتز بيها...
وبورد بدون جني صدقني ماعندو طعم ...

الرائعين /بكة,,,,,,,, جعفر
الرائعون يسافرون بلا زمن
ينسجون أشعة الشمس في إتجاه الريح
قزحاُبلون البنفسج....
وأجمل ما في حياتنا أن تلتقي فجأة ...
وبلا مقدمات ... تتسارع إيقاعاتنابتناغم الأزمنة...
نلتقي لنلون مساحة الأرض....
وتمضي زوارق أحلامنا نحو أخيلةًٌَُُ إستثنائية
تعلن إنهزام زمن رمادي وحضور فاكهة الأجيال
و(هندسة)الأريج بـ(لوغريثمات) الود...بلا إنتهاء
ِشكرُا للكلمات الرقيقة
الرائعون: شباب فداسي ممن لم يكتب لي لقاءهم علي أرض فداسي الرائعة:
ساعة أن عرفناكم كان الزمن حينها لايساوي إلا مسافة إحترامنا لكم..........
أصداء من الدهشة والأنتظار تحتوينا.....
نفترش الشوق إليكم .. ونتدثر النور....
تتشابك الكلمات بفعل الإشتهاء....
لكم الود... ولأمانيكم التدفق
ودمتم

السماني تحياتي

--
الرائعون: شباب فداسي ممن لم يكتب لي لقاءهم علي أرض فداسي الرائعة:
ساعة أن عرفناكم كان الزمن حينها لايساوي إلا مسافة إحترامنا لكم..........
أصداء من الدهشة والأنتظار تحتوينا.....
نفترش الشوق إليكم .. ونتدثر النور....
تتشابك الكلمات بفعل الإشتهاء....
لكم الود... ولأمانيكم التدفق
---

سأظل عند رأيي ان كتاباتك ستكون مميزة فالأشياء لا تتجزأ وسودانيز اونلاين فرصة يمكنك استثمارها في الكتابة والحوار والاراء والمفاهيم المختلفة .... أتمني ان تجد الوقت المناسب للمشاركة والحوار مع الجميع ومن ثم الكتابة. ولكنني دوما أقرا أكثر من الكتابةفالقراءة هي المفتاح الأساسي وهي سر الكتابة.

أتمني أن التقيك قريبا
وأتمني ان اري لك مساهمات أكثر

كل الحب والود

الرائع / جعفر بشير
شكراًُ لهذه الكلمات الرائعات...
ولا يملك قلمي سوي الإنحناء تواضعاُ...
أحييك وأنت تمارس التميز اللامحدود...
مهاجر..(عباس)
لك التحية والإحترام...
ظللت أتعرف عليك من خلال كتاباتك الجميلة...
أتمني أن يكون بيننا التواصل



ولكم خالص الود والتقدير

العزيز ودرملية

تحياتي

عارف ذكرتني عدد من البوستات الوحد بشوفها كل يوم وقدر ما يقول يكتب فيها ما بتعرف البمنعو شنو لكن دايما قاعد تعلق معاي يعن لو ما دخلت كتبت بتكون اول حاجة اتذكرها من الصباح ... هسي في واحد ليهو زمن طوييل معلق معاي ولحد هسي ما كتبت فيهو ... بوست اسمو .. يا سيد المقام انا لا اتسول المشاعر بل الطعام .. امش شوفو وين في الاشيف قبل يوم عشرين.اها ممن النوع المعلق معاي من اول يوم اتكتب.

مرحب بيك واهو ناس قطر زادوا ليكم بوردابي جديد

والله يا عباس الكرم نحنا ما مابينو
وخدر ما عندنا فيهو كلام ..

لكن المشكلة نفتح باب زي ده يجيك اساسي ودكين

جعفر

نحنا نلقي زي اساسي وين.لو قابلت اساسي خارج المنبر ستندهش من هذا الانسان

اما دكين دا انسان راقي لكن باسلوب خاص متفرد لن يفهمه اي شخص

اما السماني عبدالملك حاج الامين
اعرفه حق المعرفة بس انا خليتوا طبعا حاجة صغيرة.
مرحبا بك السماني
وتاني ما تضيعونا نحنا ناس محافظين.وزمان لما كنا في فداسي كنا نعرف كل صغيرة وكبيرة والكل يعرفنا.

الاخت العزيزة سناء خالد
نعم انا برضو ما قابلت قبل كدا لانوا لما رجعتوا فداسي انا كنت في الهند ومنها الي الحفرة التانية.المملكة.خالص تحياتي للاخ اسعد وادينا اخباروا.

بكة وين يا راجل من ديك

ما تسمع كلام اشرف دا بضيعك ساكت.
اشرف الاخبار شنو.انا بجيك في الرياض باذن الله عشان اقول ليك مبروك لما السالب والموجب يلتقو مع بعض

يا جماعة بكة قال بكتب عن فداسي.ونحنا معاك يا بكة بنكتب عن القديم

الفداساب ...ليكم تحية ....
مهاجر انا عند وعدى وايدكم معاى....

نحنا نلقي زي اساسي وين.لو قابلت اساسي خارج المنبر ستندهش من هذا الانسان.
اما دكين دا انسان راقي لكن باسلوب خاص متفرد لن يفهمه اي شخص.

اساسي منو ياخي .. أمير الظلاميين ... هو بلا فداسي ما مريح خلق الله ... نديهو انتساب كمان عشان يقوم يقول الا نفصل بكري أبوبكر من ملكية الموقع ونأجرو ليهو .... اها وبعد كدة حاتلقي صفحات البورد كلها رمادي ..

اما دكين الله لا وراك ليهو برة الموقع ... بس هو خليهو يسيب الطشاش البعمل فيهو ده ويرجع .. ولا حانضطر نحرش عليهو زول .